സ്കൂളുകള്‍ കേന്ദ്രീകരിച്ച് കഞ്ചാവ് വില്‍പന; അഞ്ചംഗ സംഘം പിടിയില്‍ Madhyamam News Feeds |  |
- സ്കൂളുകള്‍ കേന്ദ്രീകരിച്ച് കഞ്ചാവ് വില്‍പന; അഞ്ചംഗ സംഘം പിടിയില്‍
- ഷോപ്പിങ് കോംപ്ളക്സ് കം ബസ് ടെര്‍മിനല്‍ നിര്‍മാണം തുടങ്ങി
- തൃപ്പൂണിത്തുറയില്‍ അത്തം ഘോഷയാത്ര ഇന്ന്
- ചിറക്കലില്‍ ഹര്‍ത്താല്‍ പൂര്‍ണം : അക്രമവുമായി ബന്ധപ്പെട്ട് മൂന്നുപേര്‍ അറസ്റ്റില്‍
- നിരാഹാര സമരം : വിദ്യാര്‍ഥിയെ ആശുപത്രിയിലേക്ക് മാറ്റി
- മാണിക്കെതിരെ ശാസ്ത്രീയ തെളിവുണ്ടെന്ന് വിജിലന്‍സ് റിപ്പോര്‍ട്ട്
- നാണക്കേടില്‍ ബാഴ്സ; ബില്‍ബാവോ സൂപ്പര്‍
- നിരവില്‍പുഴ റൂട്ടില്‍ ലോഫ്ളോര്‍ ബസ് സര്‍വിസ് തുടങ്ങി
- മുക്കത്ത് ഹോട്ടല്‍ അടച്ചുപൂട്ടി; അഞ്ചുകടകള്‍ക്ക് നോട്ടീസ്
- എം.വി.ആര്‍ കാന്‍സര്‍ സെന്‍ററിന് സര്‍ക്കാറിന്‍െറ അംഗീകാരം
- ചലച്ചിത്ര നടന്‍ പറവൂര്‍ ഭരതന്‍ അന്തരിച്ചു
- ലോക ചാമ്പ്യന്‍ഷിപ്പ്: ടിന്‍റുവും വികാസും ഇന്ത്യയെ നയിക്കും
- റണ്‍‘മല’യില്‍ റമേല
- പ്രവാസികള്‍ക്ക് നിരാശ; നിക്ഷേപത്തില്‍ പ്രതീക്ഷ
- ലീഗിനെ അനുനയിപ്പിക്കാന്‍ കോണ്‍ഗ്രസ് നീക്കം തുടങ്ങി
- യമനിലെ പ്രതിസന്ധി പരിഹരിക്കുന്നതിന് ഖത്തര്‍ സജ്ജം ^അമീര്‍
- ന്യൂനപക്ഷങ്ങള്‍ക്കുവേണ്ടി ശബ്ദിക്കുന്നത് എങ്ങനെ പ്രീണനമാകും?
- ജീവകാരുണ്യപ്രവര്‍ത്തനം: കുവൈത്തിന് ഐക്യരാഷ്ട്രസഭയുടെ പ്രശംസ
- ഫലപ്രദമായ നയതന്ത്രം
- പ്രവാസി മലയാളിക്ക് നാട്ടില്‍ കാര്‍ഷിക പുരസ്കാരം
- കൊച്ചി വിമാനത്താവളം ഓഹരി വിപണിയില്‍ ലിസ്റ്റ് ചെയ്യുന്നത് പരിശോധിക്കും –മുഖ്യമന്ത്രി
- രണ്ട് ദയാഹരജികള്‍ തള്ളാന്‍ രാഷ്ട്രപതിക്ക് കേന്ദ്ര ശിപാര്‍ശ
- പത്മജയെ കണ്ട് ചെന്നിത്തലയുടെ കാര്‍ ബ്രേക്കിട്ടു; പിന്നെ വാഹനങ്ങളുടെ കൂട്ടയിടി
- ലങ്കയില്‍ രാജപക്സക്ക് തിരിച്ചടി വിക്രമസിംഗെ പ്രധാനമന്ത്രിയായി തുടരും
- കഴിഞ്ഞ വര്‍ഷം കളി മതിയാക്കാന്‍ ആലോചിച്ചു ^സൈന നെഹ്വാള്‍
| സ്കൂളുകള്‍ കേന്ദ്രീകരിച്ച് കഞ്ചാവ് വില്‍പന; അഞ്ചംഗ സംഘം പിടിയില്‍ Posted: 19 Aug 2015 12:32 AM PDT പാറശ്ശാല: പാറശ്ശാല, നെയ്യാറ്റിന്‍കര പ്രദേശങ്ങളില്‍ റെയില്‍വേ സ്റ്റേഷന്‍, സ്കൂളുകള്‍ കേന്ദ്രീകരിച്ച് വില്‍പന നടത്തിയിരുന്ന മധ്യവയസ്ക ഉള്‍പ്പെടെയുള്ള അഞ്ചംഗസംഘത്തെ പാറശ്ശാല പൊലീസ് അറസ്റ്റ് ചെയ്തു. |
| ഷോപ്പിങ് കോംപ്ളക്സ് കം ബസ് ടെര്‍മിനല്‍ നിര്‍മാണം തുടങ്ങി Posted: 19 Aug 2015 12:16 AM PDT പത്തനംതിട്ട: പത്തനംതിട്ട കെ.എസ്.ആര്‍.ടി.സി ഡിപ്പോയിലെ ഷോപ്പിങ് കോംപ്ളക്സ് കം ബസ് ടെര്‍മിനലിന്‍െറ നിര്‍മാണം ആരംഭിച്ചു. |
| തൃപ്പൂണിത്തുറയില്‍ അത്തം ഘോഷയാത്ര ഇന്ന് Posted: 18 Aug 2015 11:53 PM PDT തൃപ്പൂണിത്തുറ: രാജനഗരത്തിലെ ചരിത്രസ്മരണകള്‍ ഉണര്‍ത്തിയുള്ള അത്തം ഘോഷയാത്ര ബുധനാഴ്ച രാവിലെ ഒമ്പതിന് ഗവ. ബോയ്സ് ഹൈസ്കൂളിലെ അത്തം നഗറില്‍ ആരംഭിക്കും. ഗവര്‍ണര്‍ പി. സദാശിവം ഉദ്ഘാടനം ചെയ്യും. എക്സൈസ് മന്ത്രി കെ. ബാബു അധ്യക്ഷത വഹിക്കും. മന്ത്രി അനൂപ് ജേക്കബ് അത്ത പതാക ഉയര്‍ത്തും. ടൂറിസം മന്ത്രി എ.പി. അനില്‍കുമാര്‍ മുഖ്യാതിഥിയാവും. എം.പിമാരായ കെ.വി. തോമസ്, ജോസ് കെ. മാണി എന്നിവര്‍ പങ്കെടുക്കും. |
| ചിറക്കലില്‍ ഹര്‍ത്താല്‍ പൂര്‍ണം : അക്രമവുമായി ബന്ധപ്പെട്ട് മൂന്നുപേര്‍ അറസ്റ്റില്‍ Posted: 18 Aug 2015 11:47 PM PDT പുതിയതെരു: ചിറക്കല്‍ പഞ്ചായത്തില്‍ ബി.ജെ.പി, യുവമോര്‍ച്ചയുടെ നേതൃത്വതില്‍ പ്രഖ്യാപിച്ച ഹര്‍ത്താല്‍ പൂര്‍ണം. യുവമോര്‍ച്ച അഴീക്കോട് മണ്ഡലം സെക്രട്ടറി ചിറക്കല്‍ കടലായി പൗര്‍ണമിയില്‍ എം. അര്‍ജുനന് നേരെ നടന്ന അക്രമത്തില്‍ പ്രതിഷേധിച്ചായിരുന്നു ഹര്‍ത്താല്‍. തിങ്കളാഴ്ച രാത്രി എട്ടുമണിയോടെ പുതിയതെരു കാട്ടാമ്പള്ളി റോഡില്‍ രാമഗുരു യു.പി സ്കൂളിന് സമീപത്തുവെച്ചാണ് വാക്കുതര്‍ക്കത്തിന്‍െറ ഭാഗമായി അക്രമമുണ്ടായത്. അക്രമത്തില്‍ സാരമായി പരിക്കേറ്റ അര്‍ജുനന് എ.കെ.ജി ആശുപത്രിയില്‍ പ്രഥമ ശുശ്രൂഷ നല്‍കിയതിനുശേഷം കോഴിക്കോട് മെഡിക്കല്‍ കോളജില്‍ പ്രവേശിപ്പിക്കുകയായിരുന്നു. ഏതാനും ദിവസം മുമ്പ് എ.ബി.വി.പിയുടെ നേതൃത്വത്തില്‍ നടത്തിയ വിദ്യാഭ്യാസ ബന്ദില്‍ ജേബിസ് കോളജിലുണ്ടായ വാക്കുതര്‍ക്കമാണ് സംഘട്ടനത്തില്‍ കലാശിച്ചത്. തുടര്‍ന്ന് പുതിയതെരു ഹൈവേ ജങ്ഷനില്‍ കഴിഞ്ഞ ദിവസം ഇതിനെചൊല്ലി വീണ്ടും വാക്കേറ്റമുണ്ടാവുകയും സംഘട്ടനത്തില്‍ എത്തുകയുമായിരുന്നു. |
| നിരാഹാര സമരം : വിദ്യാര്‍ഥിയെ ആശുപത്രിയിലേക്ക് മാറ്റി Posted: 18 Aug 2015 11:43 PM PDT വൈലത്തൂര്‍: പൊന്മുണ്ടം ഗവ. ഹയര്‍ സെക്കന്‍ഡറി സ്കൂളില്‍ നിരാഹാര സമരം നടത്തിയ വിദ്യാര്‍ഥിയെ ചൈല്‍ഡ് വെല്‍ഫെയര്‍ കമ്മിറ്റിയുടെ നിര്‍ദേശ പ്രകാരം പൊലീസ് തിരൂര്‍ ജില്ലാ ആശുപത്രിയിലേക്ക് മാറ്റി. ആശുപത്രിയിലും ഷഹല്‍ സമരം തുടരുകയാണ്. |
| മാണിക്കെതിരെ ശാസ്ത്രീയ തെളിവുണ്ടെന്ന് വിജിലന്‍സ് റിപ്പോര്‍ട്ട് Posted: 18 Aug 2015 11:30 PM PDT Image:  തിരുവനന്തപുരം: ബാര്‍ കോഴക്കേസില്‍ ധനമന്ത്രി കെ.എം. മാണിക്കെതിരെ ശാസ്ത്രീയ തെളിവുണ്ടെന്ന് വിജിലന്‍സ് റിപ്പോര്‍ട്ട്. ബാറുടമകളെ വിളിച്ചതിന് ശാസ്ത്രീയ തെളിവുണ്ടെന്ന വിജിലന്‍സിന്‍്റെ വസ്തുതാ വിവര റിപ്പോര്‍ട്ടില്‍ പറയുന്നു. മാണിക്ക് കോഴ കൈമാറിയെന്ന് ആരോപിക്കുന്ന ദിവസം ബാറുടമകളെ വിളിച്ചതിന്‍്റെ തെളിവുകളാണ് റിപ്പോര്‍ട്ടിലുള്ളത്. കോഴ കൈമാറിയ ദിവസം മാണിയും ബാറുടമകളും ഒരേ ടവറിന് കീഴിലായിരുന്നു. മാണിയുടെ പേഴ്സണല്‍ സ്റ്റാഫ് അംഗം സിബിയുടെ മൊബൈല്‍ ഫോണില്‍ നിന്നും ബാറുടമ കൃഷ്ണദാസിനെ വിളിച്ചതിനുള്ള തെളിവും വിജിലന്‍സിന്‍്റെ കൈയിലുണ്ട്. അതേസമയം, ബാര്‍ഹോട്ടല്‍ അസോസിയേഷന്‍ നേതാവ് ബിജു രമേശിന് തന്നോട് വൈരാഗ്യമാണെന്ന മാണിയുടെ മൊഴി നേരത്തെ പുറത്തുവന്നിരുന്നു. ബിജുവിന്‍െറ കൈയേറ്റങ്ങള്‍ ഒഴിപ്പിച്ചതാണ് തന്നോടുള്ള വിരോധത്തിന് കാരണം. ബാറുകള്‍ പൂട്ടിയതും വിരോധം കൂട്ടി. ബാര്‍ അസോസിയേഷന്‍ നേതാക്കളുമായി ഇതു വരെ കൂടിക്കാഴ്ച നടത്തിയിട്ടില്ല. അവര്‍ ആരാണെന്ന് പോലും തനിക്കറിയില്ളെന്നും മാണി മൊഴി നല്‍കിയിട്ടുണ്ട്. |
| നാണക്കേടില്‍ ബാഴ്സ; ബില്‍ബാവോ സൂപ്പര്‍ Posted: 18 Aug 2015 11:20 PM PDT Image:  മഡ്രിഡ്: ചാമ്പ്യന്‍ ബാഴ്സലോണയെ കണ്ണീരുകുടിപ്പിച്ച് 31 വര്‍ഷത്തെ കാത്തിരിപ്പിനുശേഷം അത്ലറ്റിക് ബില്‍ബാവോക്ക് ആദ്യ കിരീടനേട്ടം. സ്പാനിഷ് സൂപ്പര്‍ കപ്പിലെ ആദ്യ പാദത്തില്‍ ബാഴ്സലോണയെ 4^0ത്തിന് മുക്കിയ ബില്‍ബാവോ, രണ്ടാം പാദത്തില്‍ 1^1ന് സമനില പിടിച്ചാണ് കിരീടം സ്വന്തമാക്കിയത്. നാലുദിവസത്തിനകം സ്പാനിഷ് ലാ ലിഗയില്‍ പന്തുതട്ടാനൊരുങ്ങുന്ന ബാഴ്സലോണക്ക് വന്‍ തിരിച്ചടിയുമായി സൂപ്പര്‍ തോല്‍വി. അത്ലറ്റിക് മുന്നേറ്റത്തിനിടെ ഓഫ് സൈഡിന് അപ്പീല്‍ ചെയ്തെങ്കിലും ലൈന്‍ റഫറി കൊടി ഉയര്‍ത്താത്തതാണ് പിക്വേയെ പ്രകോപിപ്പിച്ചത്. ലൈന്‍ റഫറിയുമായി കലഹിച്ചതിന് സെന്‍റര്‍ബാക്കിന് ചുവപ്പും കിട്ടി. അംഗബലം കുറഞ്ഞതോടെ തളര്‍ന്ന ബാഴ്സ ഗോള്‍മുഖത്തേക്ക് 74ാം മിനിറ്റിലാണ് അരിറ്റ്സ് അഡുറിസ് അത്ലറ്റികിന്‍െറ സമനില ഗോള്‍ നേടിയത്. ആദ്യ പാദത്തില്‍ ഹാട്രിക്കോടെ അഡുറിസ് സൂപ്പര്‍ താരമായി മാറിയിരുന്നു. 1983^84 സീസണില്‍ ലാ ലിഗ, കിങ്സ് കപ്പ് ജേതാക്കളായ ശേഷം അത്ലറ്റിക് സ്വന്തമാക്കുന്ന ആദ്യ കിരീടം കൂടിയാണിത്.ബാഴ്സ വീണു; സ്പെയ്നില്‍ |
| നിരവില്‍പുഴ റൂട്ടില്‍ ലോഫ്ളോര്‍ ബസ് സര്‍വിസ് തുടങ്ങി Posted: 18 Aug 2015 10:28 PM PDT മാനന്തവാടി: കേരള അര്‍ബന്‍ റോഡ് ട്രാന്‍സ്പോര്‍ട്ട് കോര്‍പറേഷന്‍െറ കീഴിലുള്ള ജനുറം നോണ്‍ എ.സി ലോഫ്ളോര്‍ ബസ് നിരവില്‍പുഴ റൂട്ടില്‍ സര്‍വിസ് ആരംഭിച്ചു. |
| മുക്കത്ത് ഹോട്ടല്‍ അടച്ചുപൂട്ടി; അഞ്ചുകടകള്‍ക്ക് നോട്ടീസ് Posted: 18 Aug 2015 10:17 PM PDT മുക്കം: സേഫ് കേരള പദ്ധതിയുടെ ഭാഗമായി മുക്കം ഗ്രാമപഞ്ചായത്തിലെ വിവിധ വ്യാപാര സ്ഥാപനങ്ങളില്‍ ആരോഗ്യവകുപ്പ് അധികൃതര്‍ പരിശോധന നടത്തി. ലൈസന്‍സില്ലാതെയും പൊതുജനാരോഗ്യ നിയമങ്ങള്‍ ലംഘിച്ചും പ്രവര്‍ത്തിച്ച അഞ്ചു സ്ഥാപനങ്ങള്‍ക്ക് നോട്ടീസ് നല്‍കി. ഇവിടങ്ങളില്‍നിന്ന് പഴകിയ ഭക്ഷ്യവസ്തുക്കള്‍ പിടിച്ചെടുത്ത് നശിപ്പിച്ചു. മുക്കം അങ്ങാടിയില്‍ തീര്‍ത്തും ആരോഗ്യപരവും വൃത്തിഹീനവുമായ രീതിയിലും പ്രവര്‍ത്തിച്ചിരുന്ന ചൈതന്യ ഹോട്ടല്‍ അപാകതകള്‍ പരിഹരിക്കുന്നതുവരെ അടച്ചുപൂട്ടാന്‍ നിയമപരമായ നോട്ടീസ് നല്‍കി. മുക്കം-അരീക്കോട് റോഡിലെ ഗാര്‍ഡന്‍ റസ്റ്റാറന്‍റ്, മലയോരം ഗേറ്റ്വേ ഹോട്ടല്‍ എന്നിവിടങ്ങളില്‍നിന്നാണ് പഴകിയ ഭക്ഷ്യസാധനങ്ങള്‍ പിടിച്ചെടുത്തത്. |
| എം.വി.ആര്‍ കാന്‍സര്‍ സെന്‍ററിന് സര്‍ക്കാറിന്‍െറ അംഗീകാരം Posted: 18 Aug 2015 10:17 PM PDT കോഴിക്കോട്: കാലിക്കറ്റ് സിറ്റി സര്‍വിസ് കോഓപറേറ്റിവ് ബാങ്കിന്‍െറ ആഭിമുഖ്യത്തില്‍ ചാത്തമംഗലം ചൂലൂരില്‍ തുടങ്ങുന്ന എം.വി.ആര്‍ കാന്‍സര്‍ സെന്‍ററിന് സംസ്ഥാന സര്‍ക്കാറിന്‍െറ അംഗീകാരം. സര്‍ക്കാറിന്‍െറ മിഷന്‍ 676ല്‍ ഉള്‍പ്പെടുത്തി സഹകരണ മേഖലയുടേതായാണ് പദ്ധതിക്ക് അംഗീകാരം നല്‍കിയതെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. |
| ചലച്ചിത്ര നടന്‍ പറവൂര്‍ ഭരതന്‍ അന്തരിച്ചു Posted: 18 Aug 2015 09:30 PM PDT Image:  കൊച്ചി: ആദ്യകാല മലയാള ചലച്ചിത്ര നടന്‍ പറവൂര്‍ ഭരതന്‍(86) അന്തരിച്ചു. വാര്‍ധക്യ സഹജമായ അസുഖങ്ങളെ തുടര്‍ന്ന്ഏറെ നാളായി ചികിത്സയിലായിരുന്നു. ഉറക്കത്തിനിടെ ,ബുധനാഴ്ച പുലര്‍ച്ചയൊയിരുന്നു മരണം. 1951ല്‍ രക്തബന്ധം എന്ന സിനിമയിലെ ചെറിയ വേഷത്തിലാണ് ആദ്യം അഭിനയിച്ചത്. പ്രേംനസീര്‍, സത്യന്‍ തുടങ്ങിയ പഴയകാല നടന്മാര്‍ക്കൊപ്പവും അഭിനയിച്ചിട്ടുണ്ട്. ചങ്ങാതിക്കൂട്ടമാണ് ഒടുവില്‍ അഭിനയിച്ച ചിത്രം. 2009വരെ സിനിമാ ലോകത്ത് സജീവമായിരുന്നു. ആദ്യകാല സിനിമകളില്‍ വില്ലന്‍ വേഷങ്ങളില്‍ അഭിനയിച്ച അദ്ദേഹം പിന്നീട് കോമഡി വേഷത്തിലേക്കു മാറി. നിരവധി ചിത്രങ്ങളില്‍ തന്‍െറ സ്വതസിദ്ധമായ ശൈലിയില്‍ അദ്ദേഹം കോമഡി പറഞ്ഞ് പ്രേക്ഷകരെ ചിരിപ്പിച്ചു. തങ്കമണിയാണ് ഭാര്യ. പ്രദീപ്, അജയന്‍, ബിന്ദു, മധു എന്നിവര്‍ മക്കളാണ്. സംസ്കാരം നാളെ രാവിലെ 10ന്.
|
| ലോക ചാമ്പ്യന്‍ഷിപ്പ്: ടിന്‍റുവും വികാസും ഇന്ത്യയെ നയിക്കും Posted: 18 Aug 2015 09:25 PM PDT Image:  ന്യൂഡല്‍ഹി: ബെയ്ജിങ് വേദിയാവുന്ന ലോക അത്ലറ്റിക്സ് ചാമ്പ്യന്‍ഷിപ്പില്‍ ഇന്ത്യന്‍ സംഘത്തെ മലയാളിതാരം ടിന്‍റു ലൂക്കയും ഡിസ്കസ് താരം വികാസ് ഗൗഡയും നയിക്കും. 10 വനിതകള്‍ ഉള്‍പ്പെടുന്ന 17 അംഗ ഇന്ത്യന്‍ ടീമാണ് ആഗസ്റ്റ് 22 മുതല്‍ 30 വരെ ലോക ചാമ്പ്യന്‍ഷിപ്പില്‍ മാറ്റുരക്കുന്നത്. നാല് മലയാളിതാരങ്ങള്‍ ടീമില്‍ ഇടംനേടി. |
| Posted: 18 Aug 2015 08:34 PM PDT Image:  Subtitle: ഓംഫില്‍ റമേലക്ക് സെഞ്ച്വറി (112); ദക്ഷിണാഫ്രിക്ക 'എ' നാലിന് 293 •അക്ഷര്‍ പട്ടേലിന് രണ്ടു വിക്കറ്റ് മീനങ്ങാടി (വയനാട്): മഴമേഘങ്ങളെ തോല്‍പിച്ച മലമുകളില്‍ ഓംഫില്‍ റമേലയുടെ റണ്‍വര്‍ഷം. ഇടക്ക് മങ്ങിയും പിന്നെ തെളിഞ്ഞും വെയില്‍ വീശിയ മൈതാനത്ത് കൃഷ്ണഗിരി സ്റ്റേഡിയം ആദ്യ രാജ്യാന്തര മത്സരത്തിലേക്ക് ഗാര്‍ഡെടുത്തപ്പോള്‍ 27 കാരനായ ജൊഹാനസ്ബര്‍ഗുകാരനായിരുന്നു താരം. ഇന്ത്യ ‘എ’ക്കെതിരായ ആദ്യ ചതുര്‍ദിന മത്സരത്തില്‍ ടോസ് നേടി ബാറ്റുചെയ്ത ദക്ഷിണാഫ്രിക്ക ‘എ’ ടീം റമേലയുടെ (112) സെഞ്ച്വറിത്തിളക്കത്തില്‍ ഒന്നാംദിനം നാലു വിക്കറ്റ് നഷ്ടത്തില്‍ 293 റണ്‍സെന്ന ശക്തമായ നിലയിലാണ്. റമേലക്കൊപ്പം നാലാം വിക്കറ്റില്‍ സെഞ്ച്വറി കൂട്ടുകെട്ടുയര്‍ത്തിയ തെംബാ ബാവുമ 55 റണ്‍സുമായി ക്രീസിലുണ്ട്. രണ്ടു വിക്കറ്റെടുത്ത അക്ഷര്‍ പട്ടേലാണ് ഇന്ത്യന്‍ ബൗളിങ്ങില്‍ മിടുക്കുകാട്ടിയത്. മഴകാരണം രണ്ടാം സെഷനില്‍ ഒരു മണിക്കൂറിലധികം കളിമുടങ്ങിയിട്ടും കുന്നിന്‍മുകളിലെ പ്രതലത്തില്‍ കാര്യമായ ഓവര്‍ നഷ്ടമുണ്ടായില്ല. പോക്കുവെയില്‍ തെളിച്ചം കാട്ടിയപ്പോള്‍ വൈകീട്ട് കൂടുതല്‍ സമയം കളി സാധ്യമായതോടെ ആദ്യദിനം 88 ഓവര്‍ പന്തെറിയാന്‍ കഴിഞ്ഞു. 20 ഓവര്‍ പൂര്‍ത്തിയാകവേയാണ് വയനാടന്‍ മണ്ണില്‍ ആദ്യ രാജ്യാന്തര വിക്കറ്റ് വീണത്. 63 പന്തില്‍ അഞ്ചു ബൗണ്ടറികള്‍ പായിച്ച് പിടിച്ചുനില്‍ക്കാന്‍ ശ്രമിച്ച വാന്‍സിലിനെ കവറില്‍ ഇന്ത്യ എ ക്യാപ്റ്റന്‍ അമ്പാട്ടി റായുഡു കൈകളിലൊതുക്കുകയായിരുന്നു. ആക്രമണോസുകത കാട്ടിയ ഹെന്‍റിക്സ് സ്കോര്‍ മൂന്നക്കത്തിലത്തെിയപ്പോള്‍ പവലിയനിലേക്ക് മടങ്ങി. പാണ്ഡയുടെ പന്തില്‍ വിക്കറ്റിനുപിന്നില്‍ അങ്കുഷ് ബെയ്ന്‍സിന് ക്യാച്ച്. 87 പന്തു നേരിട്ട ഉപനായകന്‍ ഏഴു ചേതോഹര ബൗണ്ടറികളും രണ്ടു കൂറ്റന്‍ സിക്സറുകളും പറത്തിയാണ് കൂടാരം കയറിയത്. ഉച്ചഭക്ഷണത്തിനുശേഷം 44ാം ഓവറില്‍ സ്കോര്‍ രണ്ടിന് 146 റണ്‍സെന്ന നിലയില്‍ നില്‍ക്കേയാണ് ഇടിയുംവെട്ടി മഴയത്തെിയത്. കനത്തമഴക്കുശേഷം പൊടുന്നനെ മാനം തെളിഞ്ഞതോടെ സൂപ്പര്‍സോപ്പറുകളടക്കം പ്രവര്‍ത്തന നിരതയായി. വൈകാതെ കളി പുനരാരംഭിക്കുകയും ചെയ്തു. വൈകാതെ ആതിഥേയര്‍ മൂന്നാം വിക്കറ്റും കീശയിലാക്കി. 63 പന്തില്‍ 38 റണ്‍സെടുത്ത തിയൂനിസ് ഡി ബ്രൂയിനെ ഡീപ് മിഡ്വിക്കറ്റില്‍ വിജയ് ശങ്കര്‍ കൈകളിലൊതുക്കുകയായിരുന്നു. മൂന്നിന് 157 റണ്‍സെന്ന നിലയില്‍ പരുങ്ങിയ സന്ദര്‍ശക ഇന്നിങ്സിനെ നാലാം വിക്കറ്റില്‍ 136 റണ്‍സ് കൂട്ടുകെട്ടുമായി റമേല-ബാവുമ ജോടി കരകയറ്റുകയായിരുന്നു. റായുഡുവിന്‍െറ പരിമിതമായ ബൗളിങ് ഓപ്ഷനുകള്‍ ഫലപ്രദമാകാതെ പോയതും ആഫ്രിക്കക്കാര്‍ക്ക് തുണയായി. അക്ഷര്‍ പട്ടേല്‍ നയിച്ച സ്പിന്‍ നിരക്കും പിച്ചില്‍നിന്ന് ടേണും ഫൈ്ളറ്റുമൊന്നും ലഭിച്ചില്ല. അവസാനഘട്ടത്തില്‍ വ്യക്തിഗത സ്കോര്‍ 96ല്‍നില്‍ക്കെ പാണ്ഡെയെ ലോങ് ഓണിലേക്ക് സിക്സര്‍ പറത്തി റമേല കൃഷ്ണഗിരിയുടെ ആദ്യ ശതകനേട്ടത്തിനുടമയായി. ആ ഓവറില്‍ വീണ്ടുമൊരു സിക്സര്‍ കൂടി റമേലയുടെ ബാറ്റില്‍നിന്ന് പറന്നു. അടുത്ത ഓവറില്‍ പന്തിനെ അതിര്‍ത്തി കടത്തിയതിനുപിന്നാലെ റമേല മടങ്ങി. പട്ടേലിന്‍െറ സ്പിന്നില്‍ നിലതെറ്റി അങ്കുഷിന് ക്യാച്ച്. 197 പന്തില്‍ 12 ഫോറും മൂന്നു സിക്സുമടങ്ങിയതായിരുന്നു റമേലയുടെ ഇന്നിങ്സ്. അടുത്ത നാലുപന്ത് ഡെയ്ന്‍ പീറ്റ് പ്രതിരോധിച്ചതിനുപിന്നാലെ കൂടുതല്‍ വിക്കറ്റ് നഷ്ടങ്ങളില്ലാതെ ആദ്യദിനത്തിന് പരിസമാപ്തിയായി. സ്കോര്‍ബോര്‍ഡ്: |
| പ്രവാസികള്‍ക്ക് നിരാശ; നിക്ഷേപത്തില്‍ പ്രതീക്ഷ Posted: 18 Aug 2015 07:27 PM PDT Image:  ദുബൈ: 34 വര്‍ഷത്തെ ഇടവേളക്കു ശേഷം ഇന്ത്യന്‍ പ്രധാനമന്ത്രി യു.എ.ഇയിലത്തെുമ്പോള്‍ പ്രവാസി ഇന്ത്യക്കാരുടെ പ്രതീക്ഷകള്‍ വാനോളമായിരുന്നു. എന്നാല്‍ ഒന്നര ദിവസത്തെ ഒൗദ്യോഗിക സന്ദര്‍ശനത്തിന് ശേഷം നരേന്ദ്ര മോദി തിങ്കളാഴ്ച രാത്രി മടങ്ങിയപ്പോള്‍ സാധാരണക്കാരായ ലക്ഷക്കണക്കിന് പ്രവാസികള്‍ നിരാശയിലായി. തങ്ങള്‍ വര്‍ഷങ്ങളായി അനുഭവിക്കുന്ന അവഗണനക്കും ദുരിതത്തിനും പരിഹാരമാകുന്ന ചില പ്രഖ്യാപനങ്ങള്‍ മോദിയില്‍ നിന്ന് പ്രതീക്ഷിച്ചിരുന്നെങ്കിലും ഒന്നും ഉണ്ടായില്ളെന്നതാണ് അവരുടെ പരിഭവം. വികസനം, വാണിജ്യം, തീവ്രവാദവിരുദ്ധ പോരാട്ടം, ഊര്‍ജം തുടങ്ങിയ മേഖലകളിലെ സഹകരണം സംബന്ധിച്ച് യു.എ.ഇയുമായി ചില ധാരണകളുണ്ടാക്കാനും സംയുക്ത പ്രസ്താവന നടത്താനും മോദിക്ക് സാധിച്ചെങ്കിലും അവധിക്കാലത്ത് വിമാന കമ്പനികള്‍ നടത്തുന്ന കൊള്ള, പ്രവാസി വോട്ട്, തിരിച്ചുപോകുന്ന പ്രവാസികളുടെ പുനരധിവാസം, തടവുകാരുടെ കൈമാറ്റം തുടങ്ങിയ സാധാരണക്കാരുടെ വിഷയങ്ങളെയൊന്നും അദ്ദേഹം സ്പര്‍ശിച്ചേയില്ല. മോദിയുടെ വരവിന് മുന്നോടിയായി ദുബൈയിലെ പത്ര, ദൃശ്യ, ശ്രാവ്യ മാധ്യമങ്ങള്‍ പ്രധാനമന്ത്രിയില്‍ നിന്ന് പ്രവാസി ഇന്ത്യക്കാര്‍ എന്തു പ്രതീക്ഷിക്കുന്നു എന്ന് അഭിപ്രായം തേടിയപ്പോള്‍ എല്ലാവരും ഒരേസ്വരത്തില്‍ ഉന്നയിച്ച ആവശ്യങ്ങളായിരുന്നു ഇവ. മുന്‍ സര്‍ക്കാരുകള്‍ തങ്ങളെ അവഗണിക്കുകയായിരുന്നെന്ന പരാതിയുള്ളതിനാല്‍ തന്നെ മോദിയില്‍ നിന്ന് കാര്യമായ ചില നടപടികളും പ്രഖ്യാപനങ്ങളും അവര്‍ പ്രതീക്ഷിച്ചു. അതുകൊണ്ടുതന്നെ രാഷ്ട്രീയം ഉള്‍പ്പെടെയുള്ള എല്ലാ ഭിന്നതകളും മറന്നാണ് ഇന്ത്യക്കാര്‍ ഒന്നടങ്കം മോദിക്ക് ഉജ്വല വരവേല്‍പ്പ് നല്‍കിയത്. എന്നാല്‍ ഗള്‍ഫ് മേഖലയിലേക്കുള്ള അദ്ദേഹത്തിന്‍െറ ആദ്യ വരവ് അറബ് നാടുകളില്‍ തന്‍െറ പ്രതിച്ഛായ വളര്‍ത്താനും ആരാധകരെ തൃപ്തിപ്പെടുത്താനും ചില നയതന്ത്ര സമ്മര്‍ദങ്ങളത്തെുടര്‍ന്നുമാണെന്ന വിമര്‍ശനമാണുയരുന്നത്. അതേസമയം ഇന്ത്യയില്‍ സ്ഥിരതയുള്ള സര്‍ക്കാറാണ് നിലവിലുള്ളതെന്നും വികസനമാണ് അതിന്‍െറ ലക്ഷ്യമെന്നും താന്‍ ശക്തനായ നേതാവാണെന്നും യു.എ.ഇ ഭരണനേതൃത്വത്തെയും വ്യവസായ പ്രമുഖരെയും ബോധ്യപ്പെടുത്തുന്നതില്‍ അദ്ദേഹം വിജയിച്ചു. ലോകത്ത് അതിവേഗം വളരുന്ന സമ്പദ്ഘടനയായ ഇന്ത്യയില്‍ നിക്ഷേപിക്കാനുള്ള മോദിയുടെ ആഹ്വാനത്തിന് യു.എ.ഇയില്‍ നിന്ന് അനുകൂല പ്രതികരണമാണ് ലഭിച്ചത്. ടൂറിസം, ഭവന നിര്‍മാണം, കാര്‍ഷിക സംഭരണശൃംഖല, 500 ഓളം റെയില്‍വേ സ്റ്റേഷനുകളുടെ നവീകരണം തുടങ്ങിയ പദ്ധതികളാണ് മോദി പ്രധാനമായും വിദേശ നിക്ഷേപകര്‍ക്ക് മുമ്പില്‍ തുറന്നിട്ടത്. ഒരു ലക്ഷം കോടി ഡോളറിന്‍െറ നിക്ഷേപ അവസരം നിലവില്‍ ഇന്ത്യയിലുണ്ടെന്നാണ് അദ്ദേഹം പറഞ്ഞത്്. യു.എ.ഇയിലെ പ്രമുഖ കമ്പനി മേധാവികളും പ്രവാസി വ്യവസായികളുമായി അബൂദബിയിലായിരുന്നു മോദിയുടെ വട്ടമേശ സമ്മേളനം. സാധാരണപ്രവാസികള്‍ക്ക് മുന്നില്‍ മോദിയുടെ സന്ദര്‍ശനത്തിന്‍െറ പ്രത്യേകതയായി ഉയര്‍ത്തിക്കാട്ടിയത് അദ്ദേഹത്തിന്‍െറ ലേബര്‍ ക്യാമ്പ് സന്ദര്‍ശനമായിരുന്നു. ലക്ഷകണക്കിന് ഇന്ത്യന്‍ തൊഴിലാളികള്‍ പണിയെടുക്കുന്ന ഗള്‍ഫ് മേഖലയില്‍ ഇതാദ്യമായി ഒരു പ്രധാനമന്ത്രി അവരുടെ പ്രശ്നങ്ങള്‍ നേരിട്ടറിയാനും കാണാനും എത്തുന്നത്് അവര്‍ക്ക് വലിയ പ്രതീക്ഷ നല്‍കി. ഞായറാഴ്ച രാത്രി അബൂദബിയിലെ ഐക്കാഡ് തൊഴിലാളി താമസ കേന്ദ്രത്തിലത്തെിയ മോദി പക്ഷെ 10 മിനിറ്റില്‍ ‘ചടങ്ങ്’ തീര്‍ത്തു മടങ്ങി. 25,000 ത്തിലേറെ ഇന്ത്യന്‍ തൊഴിലാളികള്‍ താമസിക്കുന്ന ഇവിടെ നിന്ന് തെരഞ്ഞെടുക്കപ്പെട്ട 300 പേര്‍ക്കാണ് മോദിയുമായി കൂടിക്കാഴ്ച അനുവദിച്ചിരുന്നത്. ഹസ്തദാനം ചെയ്തും തോളില്‍ കൈയിട്ടും പ്രധാനമന്ത്രി കുശലമന്വേഷിച്ചത് ഇവര്‍ക്ക് പുതിയ അനുഭവം തന്നെയായിരുന്നു. കൂടെ ഫോട്ടോയെടക്കാനും അദ്ദേഹം നിന്നുകൊടുത്തു. അതിനപ്പുറം ഒന്നും സംഭവിച്ചുമില്ല. മോദി പോയിക്കഴിഞ്ഞപ്പോള്‍ ഹാളിന് പുറത്ത് തടിച്ചുകൂടിയ മറ്റു തൊഴിലാളികള്‍ പ്രധാനമന്ത്രി എന്തു പറഞ്ഞു എന്ന് ആകാംക്ഷയോടെ ചോദിക്കുന്നുണ്ടായിരുന്നു. മക്കയും മദീനയും കഴിഞ്ഞാല്‍ ലോകത്തെ മൂന്നാമത്തെ ഏറ്റവും വലിയ പള്ളിയായ അബൂദബിയിലെ ശൈഖ് സായിദ് ഗ്രാന്‍ഡ് മോസ്ക് സന്ദര്‍ശിച്ചുകൊണ്ടാണ് മോദി യു.എ.ഇ പര്യടനം തുടങ്ങിയത്. നേരത്തെ വിമാനത്താവളത്തില്‍ സ്വീകരിക്കാനത്തെിയപ്പോള്‍ തന്നെ അബൂദബി കിരീടാവകാശിയും യു.എ.ഇ സായുധ സേനാ ഡെപ്യൂട്ടി സുപ്രീം കമാന്‍ഡറുമായ ജനറല്‍ ശൈഖ് മുഹമ്മദ് ബിന്‍ സായിദ് ആല്‍ നഹ്യാനില്‍ നിന്ന് അബൂദബിയില്‍ ക്ഷേത്രം നിര്‍മിക്കാന്‍ സ്ഥലം അനുവദിപ്പിക്കാന്‍ മോദിക്ക് സാധിച്ചതോടെ മറ്റു പ്രവാസി വിഷയങ്ങളിലും അദ്ദേഹത്തിന്‍െറ ഇടപെടലുണ്ടാകുമെന്ന പ്രതീക്ഷ വളര്‍ന്നു. പ്രധാനമന്ത്രിയുടെ വാര്‍ത്താസമ്മേളനം ഇല്ലാത്തതിനാല്‍ ഇതേക്കുറിച്ച് മാധ്യമങ്ങള്‍ക്ക് അന്വേഷിക്കാനും അവസരം ലഭിച്ചില്ല. ഒബ്റോയി ഹോട്ടലില്‍ എംബസി നല്‍കിയ സ്വീകരണത്തില്‍ പ്രധാനമന്ത്രിക്ക് നിവേദനം നല്‍കാനുള്ള കെ.എം.സി.സിയുടെയും ചില ഇന്ത്യന്‍ അസോസിയേഷനുകളുടെയും ശ്രമം വിലക്കപ്പെടുകയും ചെയ്തു. പര്യടനത്തിലെ ഏക പൊതുപരിപാടിയായ ദുബൈ ക്രിക്കറ്റ് സ്റ്റേഡിയത്തില്‍ ആയിരക്കണക്കിന് പ്രവാസികള്‍ ഒത്തുകൂടിയ സ്വീകരണ സമ്മേളനത്തില്‍ അദ്ദേഹം അവര്‍ക്കനുകൂലമായ പ്രഖ്യാപനങ്ങള്‍ നടത്തുമെന്നായിരുന്ന അവസാനത്തെ പ്രതീക്ഷ. എന്നാല്‍ തന്‍െറ സര്‍ക്കാര്‍ തുടക്കമിട്ട ചില പദ്ധതികള്‍ വിശദീകരിക്കുകയും ഇന്ത്യയിലെ ഭരണമാറ്റത്തെ ലോകരാഷ്ട്രങ്ങള്‍ എങ്ങനെ അനുകൂലമായി കാണുന്നുവെന്ന് പറയുകയുമാണ്് അദ്ദേഹം പൊതുസമ്മേളനത്തില്‍ കാര്യമായി ചെയ്തത്. പ്രവാസികളുടെ മക്കളുടെ വിദ്യഭ്യാസത്തിന് കൂടുതല്‍ സൗകര്യങ്ങള്‍ ഒരുക്കാന്‍ നടപടിയുണ്ടാകുമെന്നത് പറഞ്ഞത് മാത്രമാണ് അവര്‍ക്ക് ആശ്വാസമായത്. പതിനായിരങ്ങളില്‍ മോദി തരംഗമുണ്ടാക്കാനും അദ്ദേഹത്തിന് സാധിച്ചു. തീര്‍ച്ചയായും ഇത് ഭാവിയില്‍ അദ്ദേഹത്തിന് മുതല്‍ക്കൂട്ടാവും.
|
| ലീഗിനെ അനുനയിപ്പിക്കാന്‍ കോണ്‍ഗ്രസ് നീക്കം തുടങ്ങി Posted: 18 Aug 2015 07:02 PM PDT Image:  തിരുവനന്തപുരം: ഇടഞ്ഞുനില്‍ക്കുന്ന മുസ്ലിംലീഗിനെ അനുനയിപ്പിക്കാന്‍ കോണ്‍ഗ്രസ് നീക്കംതുടങ്ങി. ഇതിന്‍െറ ഭാഗമായി ഇന്നലെ മന്ത്രി പി.കെ. കുഞ്ഞാലിക്കുട്ടിയുമായി കോണ്‍ഗ്രസ് നേതാക്കള്‍ ആശയവിനിമയം നടത്തി. പരാതികള്‍ ബുധനാഴ്ച മുഖ്യമന്ത്രിയെ നേരില്‍കണ്ട് അറിയിക്കാനും ലീഗ് നേതാക്കള്‍ ആലോചിക്കുന്നുണ്ട്. |
| യമനിലെ പ്രതിസന്ധി പരിഹരിക്കുന്നതിന് ഖത്തര്‍ സജ്ജം ^അമീര്‍ Posted: 18 Aug 2015 06:45 PM PDT Image:  ദോഹ: ഒൗദ്യോഗിക സന്ദര്‍ശനത്തിനായി ഖത്തറിലത്തെിയ യമന് പ്രസിഡന്‍റ് അബ്ദുറബ്ബ് മന്‍സൂര്‍ ഹാദി ഖത്തര്‍ അമീര്‍ ശൈഖ് തമീം ബിന്‍ ഹമദ് ആല്‍ഥാനിയുമായി കൂടിക്കാഴ്ച നടത്തി. യമന്‍െറ ഐക്യവും മേഖലയുടെ സമഗ്രമായ പുരോഗതിയും തിരിച്ചുകൊണ്ട് വരുന്നതില്‍ ഖത്തര്‍ സദാ സജ്ജമാണെന്ന് അമീര്‍ ശൈഖ് തമീം ബിന്‍ ഹമദ് ആല്‍ഥാനി അറിയിച്ചു. ഗള്‍ഫ് രാജ്യങ്ങളുടെ ആഭിമുഖ്യത്തില്‍ രൂപപ്പെടുത്തിയ അടിസ്ഥാന തത്വങ്ങളിലൂന്നി യമനിലെ രാഷ്ട്രീയ പ്രക്രിയ പൂര്‍ത്തീകരിക്കുന്നതില്‍ പരിപൂര്‍ണ പിന്തുണ പ്രഖ്യാപിക്കുകയും ചെയ്തു. അവിടെത്തെ പരമാധികാരത്തയും നിയമസാധുതയെയും ആദരിക്കുന്നതായും അമീര്‍ വ്യക്തമാക്കി. യമനിലെ സുരക്ഷയും സുസ്ഥിരതയും പുനസ്ഥാപിക്കുന്നതില്‍ ഖത്തറിന്‍െറയും മറ്റ് രാജ്യങ്ങളുടെയും പരിശ്രമത്തില്‍ പ്രസിഡന്‍റ് മന്‍സൂര്‍ ഹാദി നന്ദി അമീറിനെ അറിയിച്ചു. യമന് ദേശീയ സംവാദത്തിന്‍െറയും ഐക്യരാഷ്ട്രസഭ സുരക്ഷാ സമിതിയുടെ പ്രമേയങ്ങളുടെയും അടിസ്ഥാനത്തിലാണ് യമനില്‍ സമാധാനം പുനസ്ഥാപിക്കുന്നതിനും രാഷ്ട്രീയ പ്രക്രിയ പൂര്‍ത്തീകരിക്കുന്നതിനും ഗള്‍ഫ് രാഷ്ട്രങ്ങള്‍ മുന്‍കൈയെടുത്തത്. അമീരി ദിവാനിയില്‍ ഇന്നലെ ഇരു രാഷ്ട്രത്തലവന്മാരും തമ്മില്‍ നടന്ന കൂടിക്കാഴ്ചയില്‍ യമനും ഖത്തറും തമ്മിലുള്ള നയതന്ത്രബന്ധവും വിശകലനം ചെയ്തു. വിവിധ മേഖലകളില്‍ സഹകരണം വര്‍ധിപ്പിക്കുന്നതിനെ കുറിച്ചും ചര്‍ച്ച ചെയ്തു. കൂടാതെ ഇരുരാജ്യങ്ങള്‍ക്കും ഒരുപോലെ പ്രാധാന്യമുള്ള വിഷയങ്ങളും ഇരുരാഷ്ട്രത്തലവന്മാരും ചര്‍ച്ച ചെയ്തു. അതേസമയം, രാജ്യത്തിന്‍െറ നിയമസാധുതക്ക് വേണ്ടിയുള്ള അന്താരാഷ്ട്ര സമൂഹത്തിന്‍െറ പരിശ്രമങ്ങള്‍ സംബന്ധിച്ചും യമനിലെ ഏറ്റവും പുതിയ രാഷ്ട്രീയ സാഹചര്യങ്ങളും പ്രസിഡന്‍റ് മന്‍സൂര്‍ ഹാദി അമീറിനെ ധരിപ്പിച്ചു. ഡെപ്യൂട്ടി അമീര്‍ ശൈഖ് അബ്ദുല്ല ബിന്‍ ഹമദ് ആല്‍ഥാനി, യമന് പ്രസിഡന്‍റിന്‍െറ കൂടെയുള്ള പ്രതിനിധി സംഘാംഗങ്ങള്‍ തുടങ്ങിയവരും കൂടിക്കാഴ്ചയില്‍ പങ്കെടുത്തു. നേരത്തെ ദോഹ ഹമദ് അന്താരാഷ്ട്ര വിമാനത്താവളത്തിലത്തെിയ യമന് പ്രസിഡന്‍റിനെ നീതിന്യായവകുപ്പ് മന്ത്രി ഡോ. ഹസ്സന്‍ ബിന്‍ ലഹ്ദാന്‍ അല്‍ മുഹന്നദി, യമനിലെ ഖത്തര്‍ അംബാസഡര്‍ മുഹമ്മദ് ബിന്‍ ഹമദ് അല്‍ ഹജിരി, യമന് കോണ്‍സുലര്‍ മുഹമ്മദ് അബ്ദുല്ല അഹ്മദ് അല്‍ സുബൈരി എന്നിവര്‍ ചേര്‍ന്ന് സ്വീകരിച്ചു. |
| ന്യൂനപക്ഷങ്ങള്‍ക്കുവേണ്ടി ശബ്ദിക്കുന്നത് എങ്ങനെ പ്രീണനമാകും? Posted: 18 Aug 2015 06:40 PM PDT Image:  Subtitle: എസ്. രാമചന്ദ്രന്‍ പിള്ള/ കെ.എസ്. ശ്രീജിത്ത് ഇടതുപക്ഷം ന്യൂനപക്ഷപ്രീണനമാണോ നടത്തുന്നതെന്ന ഒരു സംവാദം അടുത്തകാലത്ത് ഉയര്‍ന്നുവന്നത് ശ്രദ്ധയില്‍പെട്ടു കാണുമല്ളോ. ബി.ജെ.പി ആയിരുന്നു അതിലൊരു ഭാഗത്ത്. അവരുടെ ആക്ഷേപം സ്വാഭാവികം. എന്നാല്‍, സി.പി.ഐ സംസ്ഥാന സെക്രട്ടറി പ്രസ്താവിച്ചത് ഇടതുപക്ഷവും കമ്യൂണിസ്റ്റ് പാര്‍ട്ടികളും മത ന്യൂനപക്ഷത്തിന്‍െറ മാത്രം സംരക്ഷകരെന്ന് മറ്റുള്ളവര്‍ക്ക് സംശയം തോന്നിയാല്‍ കുറ്റംപറയാനാവില്ല എന്നാണ്. ഇത്തരമൊരു സംവാദം സ്വന്തംപക്ഷത്തുനിന്ന് വരുന്നതിനെ സി.പി.എം എങ്ങനെ വിലയിരുത്തുന്നു? പക്ഷേ, സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍തന്നെയാണ് ഇക്കാര്യത്തില്‍ സന്ദേഹമുയര്‍ത്തുന്നതെന്ന് ഓര്‍ക്കണം. പുറത്തുവരാത്ത ഒരു കാനേഷുമാരി കണക്കുകളിന്മേലാണ് ഇതുമുഴുവന്‍ എന്നാണ് ആക്ഷേപം? ആശയക്കുഴപ്പം സൃഷ്ടിക്കുന്ന ഇത്തരം പ്രസ്താവനകള്‍ വരുന്നതും ഇടതുപക്ഷ നേതാക്കളില്‍നിന്നുതന്നെയല്ളേ? സി.പി.എമ്മിന്‍െറ നിലപാട് എന്താണ്? മോദിസര്‍ക്കാര്‍ അധികാരത്തില്‍ വന്നശേഷം അഖിലേന്ത്യാതലത്തില്‍ ഒരു വര്‍ഷത്തിനുള്ളില്‍ മതന്യൂനപക്ഷങ്ങള്‍ക്കെതിരെ 100ലധികം ആക്രമണ സംഭവങ്ങളുണ്ടായെന്നാണ് റിപ്പോര്‍ട്ടുകള്‍. ഒപ്പം എല്ലാ പ്രതിരോധങ്ങളെയും അടിച്ചമര്‍ത്തി കോര്‍പറേറ്റ് വത്കരണവും. ഇതിനെ ഇടതുപക്ഷം എങ്ങനെയാവും പ്രതിരോധിക്കുക? ഇപ്പോള്‍ പാര്‍ലമെന്‍ററി രംഗത്തായാലും സംഘടനാപരമായും ഇടതുപക്ഷത്തിന് ശക്തിയില്ലായെന്നത് പരസ്യമായ സത്യമല്ലേ? പാര്‍ലമെന്‍ററി രാഷ്ട്രീയത്തില്‍ ശക്തിയാര്‍ജിക്കേണ്ടത് വളരെ പ്രധാനംതന്നെയല്ലേ. അതിനായി കോണ്‍ഗ്രസുമായൊ മതേതര സോഷ്യലിസ്റ്റ് പാര്‍ട്ടികളുമായൊ വിശാലവേദി രൂപവത്കരിക്കാന്‍ സാധ്യതയുണ്ടോ? സി.പി.എമ്മിനൊപ്പം മുമ്പ് അണിനിരന്നിരുന്ന പിന്നാക്ക, ദലിത് ജാതിവിഭാഗങ്ങളെ ഹിന്ദു എന്ന പൊതുബോധത്തിനുകീഴില്‍ ബി.ജെ.പി അണിനിരത്തുകയാണ്. അതിനെ എങ്ങനെ പ്രതിരോധിക്കും? എസ്.എന്‍.ഡി.പി യോഗനേതൃത്വവും സംഘ്പരിവാറുമായുള്ള ഐക്യശ്രമങ്ങളുടെ പശ്ചാത്തലത്തില്‍കൂടിയാണ് ചോദ്യം? ഹിന്ദുത്വശക്തികളുടെ വലിയ ആക്രമണം മതന്യൂനപക്ഷങ്ങള്‍ക്കെതിരെ നടക്കുമ്പോഴും അവരുടെ വിശ്വാസമാര്‍ജിക്കാന്‍ കഴിയുന്നില്ലല്ലോ? എന്തുകൊണ്ട്? അടുത്തദിവസങ്ങളില്‍ രാജ്യം ചര്‍ച്ചചെയ്ത ഒരു സംഭവമാണ് യാക്കൂബ് മേമന്‍െറ വധശിക്ഷ. അദ്ദേഹത്തെ തൂക്കിക്കൊല്ലാന്‍ പാടില്ലെന്ന നിലപാടായിരുന്നു സി.പി.എമ്മിന്‍േറത്. സി.പി.എം വധശിക്ഷക്കെതിരായ നിലപാടിലേക്ക് പൂര്‍ണമായും എത്തിയോ? ന്യൂനപക്ഷങ്ങള്‍ ശരിക്കും വധശിക്ഷക്ക് ഇരകളാകുന്നുണ്ടോ? നിര്‍ണായകമായ തദ്ദേശ, നിയമസഭാ തെരഞ്ഞെടുപ്പാണ് വരാനിരിക്കുന്നത്. പാര്‍ട്ടി നേരിടുന്ന ആഭ്യന്തരപ്രശ്നം പരിഹരിച്ചുകഴിഞ്ഞുവോ? വി.എസ്. അച്യുതാനന്ദന്‍െറ വിഷയം ഉള്‍പ്പെടെ? സി.പി.എമ്മില്‍ ഇനി പ്ളീനം നടക്കാന്‍ പോവുകയാണ്. എന്താണ് ഇതിലൂടെ ലക്ഷ്യംവെക്കുന്നത്? |
| ജീവകാരുണ്യപ്രവര്‍ത്തനം: കുവൈത്തിന് ഐക്യരാഷ്ട്രസഭയുടെ പ്രശംസ Posted: 18 Aug 2015 06:38 PM PDT Image:  യു.എന്‍ ഫണ്ടുകള്‍ക്കും ഏജന്‍സികള്‍ക്കും പ്രോഗ്രാമുകള്‍ക്കും ഏറ്റവും കൂടുതല്‍ സംഭാവന നല്‍കുന്ന രാജ്യങ്ങളില്‍ കുവൈത്ത് മുന്‍പന്തിയില്‍ കുവൈത്ത് സിറ്റി: മാനുഷിക-ജീവകാരുണ്യമേഖലയിലെ സ്തുത്യര്‍ഹമായ പ്രവര്‍ത്തനങ്ങള്‍ക്ക് കുവൈത്തിന് ഐക്യരാഷ്ട്രസഭയില്‍ അഭിനന്ദനം. ഈ രംഗത്ത് യു.എന്നിന്‍െറ നയപരമായ പങ്കാളിയാണ് കുവൈത്തെന്ന് ലോക മാനുഷികദിനത്തിന്‍െറ പശ്ചാത്തലത്തില്‍ ന്യൂയോര്‍ക്കില്‍ നടന്ന പ്രത്യേക ഐക്യരാഷ്ട്രസഭാ സമ്മേളനത്തില്‍ പങ്കെടുത്തവര്‍ വിശേഷിപ്പിച്ചു. അമീര്‍ ശൈഖ് സബാഹ് അല്‍അഹ്മദ് അല്‍ജാബിര്‍ അസ്സബാഹിന്‍െറ നേതൃത്വത്തില്‍ മാതൃകാപരമായ പ്രവര്‍ത്തനങ്ങളാണ് കുവൈത്ത് കാഴ്ചവെക്കുന്നതെന്ന് യോഗത്തില്‍ സംസാരിച്ചവര്‍ അഭിപ്രായപ്പെട്ടു. ലോകോത്തര മാനുഷിക കേന്ദ്രമാണ് കുവൈത്തെന്ന് പ്രവര്‍ത്തനങ്ങള്‍ വിലയിരുത്തി യു.എന്‍ സെക്രട്ടറി ജനറല്‍ ബാന്‍ കി മൂണിന്‍െറ വക്താവ് സ്റ്റെഫാന്‍ ഡുറാജിച്ച് പറഞ്ഞു. യു.എന്‍ ഫണ്ടുകള്‍ക്കും ഏജന്‍സികള്‍ക്കും പ്രോഗ്രാമുകള്‍ക്കും ഏറ്റവും കൂടുതല്‍ സംഭാവന നല്‍കുന്ന രാജ്യങ്ങളില്‍ കുവൈത്ത് മുന്‍പന്തിയിലുണ്ട്. ലോകത്തിന്‍െറ ഏതുഭാഗത്ത് ജനങ്ങള്‍ കഷ്ടത അനുഭവിക്കുമ്പോഴും ഓടിയത്തെി സഹായിക്കുന്ന മനോഭാവമാണ് കുവൈത്ത് അമീര്‍ പുലര്‍ത്തുന്നത്. ഇതൊക്കെ കണക്കിലെടുത്താണ് കഴിഞ്ഞവര്‍ഷം അമീറിനെ ‘മാനുഷിക നേതാവാ’യും കുവൈത്തിനെ ‘മാനുഷിക കേന്ദ്ര’മായും യു.എന്‍ തെരഞ്ഞെടുത്തത് -ഡുറാജിച്ച് പറഞ്ഞു. ലോകത്തിന്‍െറ വിവിധ ഭാഗങ്ങളില്‍ ഒരേസമയം ദുരിതാശ്വാസമത്തെിക്കേണ്ട സന്ദര്‍ഭമുണ്ടായപ്പോള്‍ മറ്റു പല രാജ്യങ്ങള്‍ക്കും വാഗ്ദാനം ചെയ്ത സഹായം നല്‍കാനാവാതെവന്നെങ്കിലും വാഗ്ദാനം നല്‍കിയതിലും കൂടുതല്‍ സഹായവുമായി കുവൈത്ത് അവസരത്തിനൊത്തുയര്‍ന്നകാര്യം അദ്ദേഹം എടുത്തുപറഞ്ഞു. ‘ലോക മാനുഷികതയെ പ്രചോദിപ്പിക്കുക’ എന്ന ഈ വര്‍ഷത്തെ ലോക മാനുഷികദിന പ്രമേയത്തിന്‍െറ യഥാര്‍ഥ മാതൃകയാണ് കുവൈത്തും ഭരണാധികാരി അമീര്‍ ശൈഖ് സബാഹ് അല്‍അഹ്മദ് അല്‍ജാബിര്‍ അസ്സബാഹുമെന്ന് യുനൈറ്റഡ് നാഷന്‍സ് ഡെവലപ്മെന്‍റ് പ്രോഗ്രാം അസിസ്റ്റന്‍റ് അഡ്മിനിസ്ട്രേറ്ററും അറബ് സ്റ്റേറ്റ്സ് റീജനല്‍ ബ്യൂറോ ഡയറക്ടറുമായ സീമ ബാഹൂസ് പറഞ്ഞു. യു.എന്നിന്‍െറ നേതൃത്വത്തില്‍ നടക്കുന്ന ‘നിരന്തര വികസന അജണ്ട’യുടെ പ്രധാന പ്രായോജകരില്‍ മുന്നിലാണ് കുവൈത്തിന്‍െറ സ്ഥാനമെന്ന് പൊതുസഭ അധ്യക്ഷന്‍ സാം കുറ്റേസ പറഞ്ഞു. ജീവകാരുണ്യമേഖലയിലെ ഐക്യരാഷ്ട്രസഭയുടെ സമീപകാല മുന്നേറ്റത്തില്‍ പ്രധാന ചാലകശക്തിയായി വര്‍ത്തിച്ചത് കുവൈത്താണെന്ന് അദ്ദേഹം അഭിപ്രായപ്പെട്ടു. മാനുഷിക, ജീവകാരുണ്യമേഖലയിലെ കുവൈത്തിന്‍െറ സംഭാവനകളെ പ്രശംസിച്ചവര്‍ക്ക് കൃതജ്ഞത രേഖപ്പെടുത്തിയ യു.എന്നിലെ കുവൈത്ത് പ്രതിനിധി മന്‍സൂര്‍ ഇയാദ് അല്‍ഉതൈബി അമീര്‍ ശൈഖ് സബാഹ് അല്‍അഹ്മദ് അല്‍ജാബിര്‍ അസ്സബാഹിന്‍െറയും കിരീടാവകാശി ശൈഖ് നവാഫ് അല്‍അഹ്മദ് അല്‍ജാബിര്‍ അസ്സബാഹിന്‍െറയും ദീര്‍ഘവീക്ഷണത്തോടെയുള്ള നേതൃത്വമാണ് ഇതിന് സഹായകരമാവുന്നതെന്ന് കൂട്ടിച്ചേര്‍ത്തു. സിറിയന്‍ അഭയാര്‍ഥികളെ സഹായിക്കുന്നതിന് യു.എന്‍ മുന്‍കൈയെടുത്ത് നടത്തിയ മൂന്ന് ഉച്ചകോടികള്‍ക്കും ആതിഥ്യം വഹിച്ചത് കൂടാതെ 80 കോടി ഡോളര്‍ ഇതിലേക്ക് സംഭാവന നല്‍കിയത് ദുരിതബാധിതരോട് കുവൈത്ത് കാണിക്കുന്ന സഹാനുഭൂതിക്ക് ഏറ്റവും മികച്ച തെളിവാണെന്ന് അദ്ദേഹം പറഞ്ഞു. ഇറാഖിനും ഗസ്സക്കും 20 കോടി ഡോളര്‍ വീതവും യമന് 10 കോടി ഡോളറും അടുത്തിടെ നല്‍കിയിട്ടുണ്ട്. ഇതുകൂടാതെ, വിവിധ യു.എന്‍ ഏജന്‍സികള്‍ക്കും പ്രോഗ്രാമുകള്‍ക്കും നിരന്തരമായി സംഭാവനകള്‍ നല്‍കുന്നതിനും കുവൈത്ത് പ്രത്യേക ശ്രദ്ധ ചെലുത്തുന്ന കാര്യവും അല്‍ഉതൈബി എടുത്തുപറഞ്ഞു. |
| Posted: 18 Aug 2015 06:34 PM PDT Image:  ആഴ്ചയില്‍ 700 തവണ വിമാനങ്ങള്‍ ഇന്ത്യയില്‍നിന്ന് യു.എ.ഇയിലേക്ക് സര്‍വിസ് നടത്തുന്നുണ്ടെങ്കിലും കഴിഞ്ഞ 34 വര്‍ഷങ്ങള്‍ക്കിടെ രാജ്യത്തിന്‍െറ ഒരു പ്രധാനമന്ത്രിക്കും ആ നാട് സന്ദര്‍ശിക്കാന്‍ തോന്നാത്തതിലെ അവഗണനയെ പരോക്ഷമായി വിമര്‍ശിച്ച നരേന്ദ്ര മോദി മുന്‍ഗാമികളുടെ തെറ്റ് തിരുത്തുന്നതിലും യു.എ.ഇയില്‍ തൊഴിലെടുത്ത് ജീവിക്കുന്ന 26 ലക്ഷം ഇന്ത്യക്കാരെ കൈയിലെടുക്കുന്നതിലും വിജയിച്ച പ്രതീതിയാണ് രണ്ടുദിവസത്തെ പര്യടനംകൊണ്ട് സൃഷ്ടിക്കപ്പെട്ടിരിക്കുന്നത്. അതേസമയം, ദുബൈ ക്രിക്കറ്റ് സ്റ്റേഡിയം നിറഞ്ഞുകവിഞ്ഞ ഇന്ത്യന്‍ സദസ്സിനെ ഇളക്കിമറിക്കാന്‍ പാകത്തില്‍ ഒന്നേകാല്‍ മണിക്കൂര്‍ ഗംഭീരമായി പ്രസംഗിച്ച പ്രധാനമന്ത്രി പ്രവാസികള്‍ ചിരകാലമായി സര്‍ക്കാറുകളുടെ ശ്രദ്ധക്ഷണിക്കുന്ന ജീവല്‍പ്രശ്നങ്ങളുടെ പരിഹാരത്തെക്കുറിച്ചൊന്നും പരാമര്‍ശിക്കുകയുണ്ടായില്ല. ഇന്ത്യ അത്യന്തം പ്രയാസകരമായ സാഹചര്യങ്ങളിലൂടെ കടന്നുപോയപ്പോള്‍ പ്രവാസി ഇന്ത്യക്കാരാണ് രാജ്യത്തിന്‍െറ രക്ഷക്കത്തെിയതെന്ന് നന്ദിപൂര്‍വം അനുസ്മരിച്ച മോദി, തെരഞ്ഞെടുപ്പുകളില്‍ വോട്ടവകാശം വിനിയോഗിക്കുക എന്ന പ്രാഥമിക ജനാധിപത്യാവകാശം പ്രയോഗവത്കരിക്കുന്നതിലെ തടസ്സങ്ങള്‍ തന്‍െറ സര്‍ക്കാര്‍ നീക്കുമെന്നെങ്കിലും ഉറപ്പുനല്‍കേണ്ടതായിരുന്നു. കേവലം സാധാരണക്കാരും ഇടത്തരക്കാരുമാണ് ഗള്‍ഫിലെ ഇന്ത്യക്കാരില്‍ ബഹുഭൂരിഭാഗം എന്ന് തിരിച്ചറിഞ്ഞ് അവരുടെ യാത്രാസൗകര്യങ്ങള്‍ സുഗമമാക്കുന്നതിലും തിരിച്ചുവന്നാലുള്ള പുനരധിവാസ നടപടികള്‍ ഉറപ്പുവരുത്തുന്നതിലും ശുഭപ്രതീക്ഷക്ക് വകനല്‍കുന്ന എന്തെങ്കിലും പ്രധാനമന്ത്രിയില്‍ നിന്നുണ്ടാവേണ്ടതായിരുന്നു. ‘ഇന്ത്യയില്‍ നിര്‍മിക്കുക’ എന്ന തന്‍െറ പുതിയ മുദ്രാവാക്യം അനുസ്മരിച്ച മോദി, ഇന്ത്യയില്‍ നിര്‍മിക്കാനും സംരംഭങ്ങള്‍ ആരംഭിക്കാനും സന്നദ്ധരായിവരുന്ന വിദേശികളും പ്രവാസികളുമടങ്ങിയ നിക്ഷേപകരുടെ മുന്നില്‍ മനംമടുപ്പിക്കുന്ന തടസ്സങ്ങളും കീറാമുട്ടികളും വലിച്ചിടുന്ന ഭരണയന്ത്രം അടിമുടി അഴിച്ചുപണിയുന്നതിനെക്കുറിച്ചും സുതാര്യമാക്കുന്നതിനെക്കുറിച്ചും അര്‍ഥഗര്‍ഭമായ മൗനമാണ് പാലിച്ചത്. താന്‍ വിചാരിച്ചാലും മൗലികമായ മാറ്റം സാധ്യമല്ളെന്ന് മനസ്സിലാക്കിയതുകൊണ്ടാവുമോ ഇത്? വികസനമാര്‍ഗത്തിലെ ഏറ്റവുംവലിയ തടസ്സം രാഷ്ട്രത്തെയാകെ വിഴുങ്ങിയ അഴിമതിയാണെന്ന് നന്നായറിയാവുന്ന പ്രധാനമന്ത്രിക്ക് തന്‍െറ സഹപ്രവര്‍ത്തകരുടെ നേരെ ഉയര്‍ന്ന ഗുരുതരമായ ആരോപണങ്ങളെക്കുറിച്ച് ഒരു വിശദീകരണംപോലും നല്‍കാനാവാതെ പാര്‍ലമെന്‍റിന്‍െറ വര്‍ഷകാലസമ്മേളനം പൂര്‍ണമായി സ്തംഭിക്കാനനുവദിച്ചതില്‍ മനസ്സാക്ഷിക്കുത്തുണ്ടാവാം. എന്നാല്‍, രാജ്യത്ത് തിരിച്ചത്തെിയശേഷമെങ്കിലും കാതലായതിരുത്തല്‍ നടപടികള്‍ക്ക് അദ്ദേഹം മുതിര്‍ന്നില്ളെങ്കില്‍ ഇന്ത്യയുടെ ഉയര്‍ച്ചയെക്കുറിച്ചും വളര്‍ച്ചയെക്കുറിച്ചും വിദേശവേദികളില്‍ വാചാലനായതൊക്കെ വെറുതെയാവും. |
| പ്രവാസി മലയാളിക്ക് നാട്ടില്‍ കാര്‍ഷിക പുരസ്കാരം Posted: 18 Aug 2015 06:31 PM PDT Image:  സലാല: സലാലയിലെ ബിസിനസുകാരനും കോട്ടയം എരുമേലി കണമല സ്വദേശിയുമായ കബീറിന് നാട്ടില്‍ കര്‍ഷക പുരസ്കാരം. വെച്ചൂച്ചിറ ഗ്രാമപഞ്ചായത്തും കൃഷിഭവനുമാണ് ഈ ബിസിനസുകാരന്‍െറ കാര്‍ഷികസ്നേഹത്തിന് സ്നേഹോപഹാരം നല്‍കി ആദരിച്ചത്. വെച്ചൂച്ചിറയില്‍ നടന്ന ചടങ്ങില്‍ ആന്‍േറാ ആന്‍റണി എം.പി, പഞ്ചായത്ത് പ്രസിഡന്‍റ് സതീഷ് പണിക്കര്‍, കൃഷി ഓഫീസര്‍ സിമി ഇബ്രാഹിം എന്നിവര്‍ സംബന്ധിച്ചു. 36 വര്‍ഷമായി സലാലയില്‍ വിവിധ ബിസിനസുകള്‍ നടത്തിവരികയാണ് ഇദ്ദേഹം. പ്രധാനമായും ഫ്രൂട്ട്സിന്‍െറ മൊത്തവ്യാപാരമാണ് നടത്തുന്നത്. കാര്‍ഷിക കുടുബാംഗമായ കബീര്‍ എവിടെ ചെന്നാലും പുതിയ കൃഷിരീതികളെയും കാര്‍ഷികവിളകളെയും കുറിച്ച് പഠിക്കും. സലാലയില്‍നിന്ന് വിവിധ ഇനം പപ്പായകളും ചീരയും നാട്ടില്‍ കൊണ്ടുപോയി വളര്‍ത്തിയിട്ടുണ്ട്. തന്‍െറ ഒന്നര ഏക്കര്‍ കൃഷിഭൂമിയില്‍ നവീനരീതിയില്‍ വൈവിധ്യമാര്‍ന്ന കൃഷികളാണ് ചെയ്തുവരുന്നത്. വിവിധതരം റമ്പൂട്ടാന്‍, ഓറഞ്ച്, പേരക്ക, ചാമ്പക്ക, വിവിധയിനം ചേമ്പ്, ജാതി, മാവ്, പ്ളാവ്, നെല്ലിക്ക, ചെറുനാരങ്ങ, കുടംപുളി, വാളന്‍ പുളി, തെങ്ങ് തുടങ്ങിയ വൈവിധ്യമാര്‍ന്ന ഇനങ്ങളുടെ അനേകതരം വൃക്ഷങ്ങളാണ് 20 വര്‍ഷത്തിനിടെ വെച്ചുപിടിപ്പിച്ചത്. മണ്ണിനോടും കൃഷിയോടും എന്നും വലിയ അഭിനിവേശമായിരുന്നുവെന്ന് കബീര്‍ ‘ഗള്‍ഫ് മാധ്യമ’ത്തോട് പറഞ്ഞു. റബര്‍ എസ്റ്റേറ്റ് നടത്തുന്ന ഇദ്ദേഹം നല്ളൊരു റബര്‍ പ്ളാന്‍ററുമാണ്. കൂടതെ, തേനീച്ചകൃഷിയും ഉണ്ട്. ഭാര്യ റഹീമ നല്ല പിന്തുണ നല്‍കുന്നു. ദീര്‍ഘകാലം സലാലയില്‍ കുടുംബസമേതം താമസിച്ച കബീര്‍ ഇപ്പോള്‍ അധികവും നാട്ടിലാണ്. കഴിഞ്ഞ ജൂലൈ 30നാണ് നാട്ടിലേക്ക് പോയത്. മക്കള്‍: സമീര്‍ അഹമ്മദ്, സഹീര്‍ അഹമ്മദ്. ശഹീര്‍ അഹമ്മദ്, ശബീര്‍ അഹമ്മദ്. |
| കൊച്ചി വിമാനത്താവളം ഓഹരി വിപണിയില്‍ ലിസ്റ്റ് ചെയ്യുന്നത് പരിശോധിക്കും –മുഖ്യമന്ത്രി Posted: 18 Aug 2015 12:51 PM PDT Image:  കൊച്ചി: കൊച്ചി അന്താരാഷ്ട്ര വിമാനത്താവള കമ്പനിയെ ഓഹരിവിപണിയില്‍ ലിസ്റ്റ് ചെയ്യുന്നതിനുള്ള സാധ്യത പരിശോധിക്കുമെന്ന് മുഖ്യമന്ത്രി ഉമ്മന്‍ ചാണ്ടി. സിയാലിന്‍െറ 21ാം വാര്‍ഷിക പൊതുയോഗത്തില്‍ സംസാരിക്കുകയായിരുന്നു മുഖ്യമന്ത്രി. സിയാലിനെ സ്റ്റോക് എക്സ്ചേഞ്ചില്‍ ലിസ്റ്റ് ചെയ്യുന്നതിന് സാങ്കേതിക പ്രശ്നങ്ങളുണ്ട്. എന്നാല്‍, ഓഹരി ഉടമകള്‍ ശക്തമായി ഈ ആവശ്യം ഉന്നയിച്ച സാഹചര്യത്തില്‍ പരിശോധിച്ച് നടപടിയെടുക്കും. കമ്പനി സ്റ്റോക് എക്സ്ചേഞ്ചില്‍ ലിസ്റ്റ് ചെയ്താല്‍ മാത്രമേ ഓഹരികള്‍ വില്‍ക്കാനും വാങ്ങാനും ചെറിയ ഓഹരി ഉടമകള്‍ക്ക് കഴിയൂ. അതിനാല്‍, അനുഭാവപൂര്‍ണമായ സമീപനം സ്വീകരിക്കുമെന്നും ചെറിയ ഓഹരി ഉടമകള്‍ക്ക് മുന്‍ഗണന നല്‍കുമെന്നും മുഖ്യമന്ത്രി പറഞ്ഞു. സ്റ്റോക് എക്സ്ചേഞ്ചുകളില്‍ ലിസ്റ്റ് ചെയ്യുന്നത് സംബന്ധിച്ച് നേരത്തേ നല്‍കിയ വാഗ്ദാനം പാലിക്കാത്തതില്‍ അംഗങ്ങള്‍ യോഗത്തില്‍ രൂക്ഷ വിമര്‍ശമാണ് ഉയര്‍ത്തിയത്. മെട്രോറെയില്‍ രണ്ടും മൂന്നും ഘട്ടത്തിനുശേഷം ആലുവയില്‍നിന്ന് വിമാനത്താവളം വരെ നീട്ടും. വിമാനത്താവളത്തിലേക്കുള്ള റോഡ് യാത്ര സുഗമമാക്കാന്‍ സീപോര്‍ട്ട്-എയര്‍പോര്‍ട്ട് റോഡിന്‍െറ രണ്ടാംഘട്ടത്തിലെ സ്ഥലമെടുപ്പ് വേഗത്തിലാക്കും. ഇതിലെ പാലം നിര്‍മാണം അന്തിമഘട്ടത്തിലാണ്. ഭാവിയിലെ ആവശ്യങ്ങള്‍ മുന്‍നിര്‍ത്തി നിര്‍മിക്കുന്ന പുതിയ അന്താരാഷ്ട്ര ടെര്‍മിനല്‍ അടുത്ത മേയില്‍ പ്രവര്‍ത്തനക്ഷമമാകും. ഇതോടെ നിലവിലുള്ള അന്താരാഷ്ട്ര ടെര്‍മിനല്‍ ആഭ്യന്തര ടെര്‍മിനലാകും. നിലവിലുള്ളതിനെക്കാള്‍ അഞ്ചു മടങ്ങ് ശേഷിയുണ്ടാകും പുതിയതിന്. ഇതിന് 25 കോടി ചെലവഴിക്കുമെന്നും മുഖ്യമന്ത്രി ചൂണ്ടിക്കാട്ടി. മന്ത്രി കെ. ബാബു, എന്‍.വി. ജോര്‍ജ്, ഇ.എം. ബാബു എന്നിവരുടെ ഡയറക്ടര്‍ ബോര്‍ഡിലേക്കുള്ള പുനര്‍നിയമനവും സ്വതന്ത്ര ഡയറക്ടര്‍മാരായി റോയ് കെ. പോള്‍, രമണി ദാമോദരന്‍, ഡയറക്ടറായി ചീഫ് സെക്രട്ടറി ജിജി തോംസണ്‍ എന്നിവരുടെ നിയമനവും വാര്‍ഷിക പൊതുയോഗം അംഗീകരിച്ചു. മന്ത്രി കെ. ബാബു, സിയാല്‍ മാനേജിങ് ഡയറക്ടര്‍ വി.ജെ. കുര്യന്‍, ഡയറക്ടര്‍മാരായ എം.എ. യൂസുഫലി, സി.വി. ജേക്കബ്, ഇ.എം. ബാബു, റോയ് കെ. പോള്‍, രമണി ദാമോദരന്‍, കമ്പനി സെക്രട്ടറി സജി കെ.ജോര്‍ജ്, ചീഫ് ഫിനാന്‍ഷ്യല്‍ ഓഫിസര്‍ സുനില്‍ ചാക്കോ എന്നിവര്‍ സംസാരിച്ചു. |
| രണ്ട് ദയാഹരജികള്‍ തള്ളാന്‍ രാഷ്ട്രപതിക്ക് കേന്ദ്ര ശിപാര്‍ശ Posted: 18 Aug 2015 11:46 AM PDT Image:  ന്യൂഡല്‍ഹി: വധശിക്ഷക്ക് വിധിക്കപ്പെട്ട രണ്ടുപേരുടെ ദയാഹരജി തള്ളാന്‍ കേന്ദ്ര ആഭ്യന്തരമന്ത്രാലയം രാഷ്ട്രപതി പ്രണബ് മുഖര്‍ജിയോട് ശിപാര്‍ശ ചെയ്തു. ഇക്കാര്യത്തില്‍ നിലപാട് അറിയാന്‍ ദയാഹരജി നേരത്തെ കേന്ദ്ര സര്‍ക്കാറിന് കൈമാറിയിരുന്നു. മഹാരാഷ്ട്രയില്‍നിന്നുള്ള മോഹന്‍ ചവാന്‍, ജിതേന്ദ്ര ഗെഹ്ലോട്ട് എന്നിവരുടെ ദയാഹരജികള്‍ തള്ളാനാണ് കേന്ദ്രം ശിപാര്‍ശ നല്‍കിയത്.
|
| പത്മജയെ കണ്ട് ചെന്നിത്തലയുടെ കാര്‍ ബ്രേക്കിട്ടു; പിന്നെ വാഹനങ്ങളുടെ കൂട്ടയിടി Posted: 18 Aug 2015 11:37 AM PDT Image:  വാടാനപ്പള്ളി: പത്മജ വേണുഗോപാലിനെ കണ്ടപ്പോള്‍ ആഭ്യന്തര മന്ത്രി രമേശ് ചെന്നിത്തലയുടെ നിര്‍ദേശപ്രകാരം കാര്‍ ബ്രേക്കിട്ടിതിനത്തെുടര്‍ന്ന് പിന്നിലെ പൊലീസ് വാഹനം പെട്ടെന്ന് നിര്‍ത്തിയപ്പോള്‍ ഒന്നിനു പിറകെ ഒന്നായി കൂട്ടിയിടിച്ചത് എം.എല്‍.എമാരുടേതടക്കം അഞ്ച് കാറുകള്‍. രണ്ടുപേര്‍ക്ക് പരിക്കേറ്റു. മലബാര്‍ ഗോള്‍ഡ് ജ്വല്ലറി സെയില്‍സ്മാന്‍ ഫോര്‍ട്ട് കൊച്ചി സ്വദേശി പ്രേമന്‍ (38), ഡ്രൈവര്‍ സുനില്‍ എന്നിവര്‍ക്കാണ് പരിക്ക്. ഇവരെ ആശുപത്രിയില്‍ പ്രവേശിപ്പിച്ചു. |
| ലങ്കയില്‍ രാജപക്സക്ക് തിരിച്ചടി വിക്രമസിംഗെ പ്രധാനമന്ത്രിയായി തുടരും Posted: 18 Aug 2015 11:25 AM PDT Image:  കൊളംബോ: മുന്‍ പ്രസിഡന്‍റ് മഹീന്ദ രാജപക്സയുടെ രാഷ്ട്രീയ തിരിച്ചുവരവിന് വഴിയൊരുങ്ങുമായിരുന്ന ശ്രീലങ്കന്‍ പാര്‍ലമെന്‍റ് തെരഞ്ഞെടുപ്പില്‍ നിലവിലെ പ്രധാനമന്ത്രി റനില്‍ വിക്രമസിംഗെ നേതൃത്വം നല്‍കുന്ന യുനൈറ്റഡ് നാഷനല്‍ പാര്‍ട്ടി (യു.എന്‍.പി) വിജയിച്ചു. രാജപക്സയുടെ യുനൈറ്റഡ് പീപ്ള്‍സ് ഫ്രീഡം അലയന്‍സ് (യു.പി.എഫ്.എ)ക്കെതിരെ വ്യക്തമായ വിജയമാണ് വിക്രമസിംഗെയുടേത്. രാജ്യത്ത് നടപ്പാക്കിയ ക്ഷേമപ്രവര്‍ത്തനങ്ങള്‍ക്ക് ലഭിച്ച അംഗീകാരമായാണ് ഭരണകക്ഷിയുടെ വിജയത്തെ വിലയിരുത്തപ്പെടുന്നത്. പുറത്തുവന്ന ആദ്യ സൂചനകള്‍ പ്രകാരം രാജ്യത്തെ 22 ജില്ലയില്‍ യു.എന്‍.പി 11ലും യു.പി.എഫ്.എ എട്ട് ജില്ലയിലും ഭൂരിപക്ഷം നേടി. തമിഴ് പാര്‍ട്ടികള്‍ മൂന്ന് ജില്ലകളില്‍ ഭൂരിപക്ഷം നേടിയിട്ടുണ്ട്. |
| കഴിഞ്ഞ വര്‍ഷം കളി മതിയാക്കാന്‍ ആലോചിച്ചു ^സൈന നെഹ്വാള്‍ Posted: 18 Aug 2015 11:25 AM PDT Image:  ഹൈദരാബാദ്: മോശം പ്രകടനങ്ങളെ തുടര്‍ന്ന് കളി മതിയാക്കുന്നതിനെക്കുറിച്ച് കഴിഞ്ഞ വര്‍ഷം ചിന്തിച്ചിരുന്നതായി ലോക ബാഡ്മിന്‍റണ്‍ ചാമ്പ്യന്‍ഷിപ് വെള്ളി മെഡല്‍ ജേത്രിയായ സൈന നെഹ്വാള്‍. എന്നാല്‍, കോച്ച് വിമല്‍ കുമാര്‍ തന്‍െറ രക്ഷകനായി അവതരിക്കുകയായിരുന്നെന്ന് താരം വെളിപ്പെടുത്തി. ആത്മവിശ്വാസം പകരുകയും കരിയര്‍ മുന്നോട്ടുനീക്കാന്‍ സഹായിക്കുകയും ചെയ്തത് വിമല്‍ കുമാറാണെന്ന് ഇന്ത്യന്‍ താരം പറഞ്ഞു. മെഡല്‍ നേട്ടത്തിനുശേഷം ഹൈദരാബാദിലെ വീട്ടില്‍ തിരിച്ചത്തെിയ സൈന മാധ്യമപ്രവര്‍ത്തകരോട് സംസാരിക്കുകയായിരുന്നു. ‘ബംഗളൂരുവിലേക്ക് മാറാനുള്ള തീരുമാനം ശരിക്കും സഹായിച്ചു. അത് എല്ലാവര്‍ക്കും കാണാനുമാകുന്നുണ്ട്. അതിനുശേഷം ഞാന്‍ ഒരുപാട് മാറി. വ്യക്തി എന്നനിലയിലും. ഞാന്‍ ലോക ഒന്നാം നമ്പറായി. ചൈന ഓപണും ഇന്ത്യ ഓപണും ജയിച്ചു. ഓള്‍ ഇംഗ്ളണ്ട്, ലോക ചാമ്പ്യന്‍ഷിപ്പുകളില്‍ ഫൈനലിലത്തെി. ഇതെല്ലാം ഞാന്‍ ബംഗളൂരുവിലേക്ക് മാറിയതുകൊണ്ടാണ്’ -സൈന വ്യക്തമാക്കി. |
.jpg)
.jpg)
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
No comments:
Post a Comment