കയര്‍പിരി തൊഴിലാളികളുടെ കൂലി വര്‍ധിപ്പിച്ചു –മന്ത്രി അടൂര്‍ പ്രകാശ് Madhyamam News Feeds |  |
- കയര്‍പിരി തൊഴിലാളികളുടെ കൂലി വര്‍ധിപ്പിച്ചു –മന്ത്രി അടൂര്‍ പ്രകാശ്
- സ്ഥാനാര്‍ഥികളുടെ തെരഞ്ഞെടുപ്പ് ചെലവ് 70 ലക്ഷമാക്കി ഉയര്‍ത്തി
- അമൃതാനന്ദമയി മഠം:ആരോപണങ്ങളില്‍ ഉറച്ചുനില്‍ക്കുന്നതായി ഗെയ് ല്‍ ട്രെഡ് വെല്‍
- കസ്തൂരിരംഗന്‍ വിജ്ഞാപനം റദ്ദാക്കണം - പിണറായി
- കര്‍മ പരിപാടിയുമായി ആരോഗ്യ വകുപ്പ്
- ‘ഏറ്റം-ഏറനാടിന്‍ മുന്നേറ്റ’ത്തിന് അരീക്കോട്ട് പ്രൗഢോജ്വല തുടക്കം
- കസ്തൂരിരംഗന്‍: വയനാട്ടിലും ഇടുക്കിയിലും നാളെ ഹര്‍ത്താല്‍
- കാഞ്ഞങ്ങാട് മിനി സിവില്‍ സ്റ്റേഷന്‍ യാഥാര്‍ഥ്യമാകുന്നു
- കുടിവെള്ള വിതരണം സുഗമമാക്കാന്‍ ജലസംഭരണികള്‍ ഒരുങ്ങുന്നു
- ബത്തേരി കാര്‍ഷിക ഗ്രാമവികസന ബാങ്ക്: നിയമന നടപടികള്‍ നിര്‍ത്തിവെക്കാന്‍ ഉത്തരവ്
| കയര്‍പിരി തൊഴിലാളികളുടെ കൂലി വര്‍ധിപ്പിച്ചു –മന്ത്രി അടൂര്‍ പ്രകാശ് Posted: 28 Feb 2014 01:17 AM PST Subtitle: 260 രൂപയില്‍ നിന്ന് 300 രൂപയായാണ് വര്‍ധിപ്പിച്ചത് ആലപ്പുഴ: കയര്‍പിരി മേഖലയിലെ തൊഴിലാളികളുടെ കൂലി നിലവിലെ 260 രൂപയില്‍ നിന്ന് 300 രൂപയായി വര്‍ധിപ്പിച്ചതായി മന്ത്രി അടൂര്‍ പ്രകാശ് വാര്‍ത്താസമ്മേളനത്തില്‍ അറിയിച്ചു. |
| സ്ഥാനാര്‍ഥികളുടെ തെരഞ്ഞെടുപ്പ് ചെലവ് 70 ലക്ഷമാക്കി ഉയര്‍ത്തി Posted: 27 Feb 2014 11:40 PM PST Image:  Subtitle: ആന്ധ്രയില്‍ രാഷ്ട്രപതി ഭരണത്തിന് കേന്ദ്ര മന്ത്രിസഭയുടെ അനുമതി ന്യൂഡല്‍ഹി: ലോക്സഭാ തെരഞ്ഞെടുപ്പില്‍ സ്ഥാനാര്‍ഥികള്‍ക്ക് ചെലവഴിക്കാന്‍ കഴിയുന്ന തുകയുടെ പരിധി 70 ലക്ഷമാക്കി ഉയര്‍ത്താന്‍ കേന്ദ്ര മന്ത്രിസഭാ യോഗം തീരുമാനിച്ചു. തെലങ്കാന ബില്‍ പാസാക്കിയതില്‍ പ്രതിഷേധിച്ച് കിരണ്‍ കുമാര്‍ റെഡ്ഡി രാജി വച്ചതിനെ തുടര്‍ന്ന് ആന്ധ്രയില്‍ രാഷ്ട്രപതി ഭരണം ഏര്‍പ്പെടുത്താന്‍ കേന്ദ്ര മന്ത്രി സഭാ യോഗം തീരുമാനിച്ചു. ഗവര്‍ണറുടെ റിപ്പോര്‍ട്ട് പരിഗണിച്ചാണ് ആന്ധ്രയില്‍ രാഷ്ട്രപതി ഭരണം ഏര്‍പ്പെടുത്താന്‍ മന്ത്രി സഭാ യോഗം തീരുമാനിച്ചത്. തെരഞ്ഞെടുപ്പ് ചെലവ് സംബന്ധിച്ച തെരഞ്ഞെടുപ്പ് കമ്മീഷന്‍്റെ ശിപാര്‍ശ കേന്ദ്രം അംഗീകരിക്കുകയായിരുന്നു. നിലവില്‍ ഒരു സ്ഥാനാര്‍ഥിക്ക് പ്രചരണത്തിന് ചെലവഴിക്കാന്‍ കഴിയുന്ന പരമാവധി തുക 40 ലക്ഷം രൂപയാണ്. കേന്ദ്രസര്‍ക്കാര്‍ ജീവനക്കാരുടെ ക്ഷാമബത്ത 10 ശതമാനം വര്‍ധിപ്പിച്ചു. ഇതോടെ ഡിഎ ് 100 ശതമാനമായി. കുറഞ്ഞ പി.എഫ് പെന്‍ഷന്‍ നിരക്ക് 1000 രൂപയായി വര്‍ധിപ്പിക്കാനും കേന്ദ്രമന്ത്രി സഭാ യോഗം തീരുമാനിച്ചു. |
| അമൃതാനന്ദമയി മഠം:ആരോപണങ്ങളില്‍ ഉറച്ചുനില്‍ക്കുന്നതായി ഗെയ് ല്‍ ട്രെഡ് വെല്‍ Posted: 27 Feb 2014 11:02 PM PST Image:  ന്യൂഡല്‍ഹി: അമൃതാനന്ദമയി ആശ്രമത്തിനെതിരെ ഉന്നയിച്ച ആരോപണങ്ങളില്‍ ഉറച്ചുനില്‍ക്കുന്നതായി മുന്‍ അന്തവോസി ഗെയ് ല്‍ ട്രെഡ് വെല്‍. ആശ്രമത്തിനെതിരായ ആരോപണങ്ങള്‍ അന്വേഷിക്കണമെന്ന് ആവശ്യപ്പെട്ട് പൊലീസില്‍ പരാതി നല്‍കിയ സുപ്രീംകോടതി അഭിഭാഷകന്‍ ദീപക് പ്രകാശിന് അയച്ച ഇമെയിലിലാണ് നിലപാടറിയിച്ചത്. ആശ്രമത്തിനെതിരെ ഉന്നയിച്ച കാര്യങ്ങളില്‍ നിന്ന് പിന്നോട്ട് പോയിട്ടില്ല. "വിശുദ്ധ നരകം-വിശ്വാസത്തിന്‍െറയും ആരാധനയുടെയും ശുദ്ധഭ്രാന്തിന്‍െറയും ഓര്‍മക്കുറിപ്പ്" എന്ന പുസ്തകത്തില്‍ പറഞ്ഞ കാര്യങ്ങളില്‍ ഉറച്ചുനില്‍ക്കുന്നതായും ഗെയ് ല്‍ ട്രെഡ് വെല്‍ അറിയിച്ചതായി അഡ്വ. ദീപക് പ്രകാശ് പറഞ്ഞു. ആരെയും ശിക്ഷിക്കണമെന്നില്ല. മഠത്തില്‍ നടക്കുന്ന കാര്യങ്ങളില്‍ ജനങ്ങളെ ബോധവാന്മാരാക്കാനാണ് പുസ്തകം എഴുതിയത്. ആശ്രമത്തില്‍ 20 വര്‍ഷം ചെലവിട്ടു. അവിടെ നിന്നുള്ള ആഘാതങ്ങള്‍ മറികടക്കാന്‍ പിന്നെയും വര്‍ഷങ്ങള്‍ വേണ്ടിവന്നു. അതുകൊണ്ട് തന്നെ നിയമയുദ്ധത്തിലൂടെ വര്‍ഷങ്ങള്‍ ചെലവിടാന്‍ തനിക്ക് താല്‍പര്യമില്ല. സത്യവും നീതിയും പുറത്തു കൊണ്ടുവരാന്‍ എല്ലാ പിന്തുണയും നല്‍കുന്ന കാര്യം പരിഗണിക്കുമെന്നും ഗെയ് ല്‍ ട്രെഡ് വെല്‍ ഇമെയിലില്‍ വിശദീകരിക്കുന്നു. ഗെയ് ല്‍ ട്രെഡ് വെലിന്‍െറ വെളിപ്പെടുത്തലുകളുടെ അടിസ്ഥാനത്തില്‍ മഠത്തിനെതിരായ ആരോപണങ്ങള്‍ അന്വേഷിക്കണമെന്ന് ചൂണ്ടിക്കാട്ടി മൂന്ന് പരാതികളാണ് കരുനാഗപ്പള്ളി പൊലീസില്‍ ലഭിച്ചത്. സുപ്രീംകോടതി അഭിഭാഷകന്‍ ദീപക് പ്രകാശ്, ഹൈകോടതി അഭിഭാഷകന്‍ കെ.പി. പ്രദീപ്, കെ.എസ്.യു മുന്‍ സംസ്ഥാന സെക്രട്ടറി മഞ്ജുക്കുട്ടന്‍ എന്നിവരാണ് പരാതി നല്‍കിയവര്‍. എന്നാല്‍ മുന്‍ അന്തവോസിയുടെ വെളിപ്പെടുത്തലുകളുടെ അടിസ്ഥാനത്തില്‍ മഠത്തിനെതിരെ കേസെടുക്കേണ്ടതില്ളെന്ന നിയമോപദേശമാണ് പൊലീസിന് ലഭിച്ചത്. എഫ്.ഐ.ആര്‍ രജിസ്റ്റര്‍ ചെയ്യാതെ പ്രാഥമിക അന്വേഷണം നടത്താനാണ് കരുനാഗപ്പള്ളി പൊലീസിന് ജില്ലാ ഗവ. പ്ളീഡര്‍ നല്‍കിയ ഉപദേശം. അതേസമയം, ഈ നിയമോപദേശം സുപ്രീംകോടതി വിധിയെ മറികടക്കലാണെന്നും ഇതിനെതിരെ കോടതിയലക്ഷ്യനടപടികള്‍ ഉള്‍പ്പെടെയുള്ള കാര്യങ്ങളുമായി മുന്നോട്ടുപോകുമെന്നും പരാതിക്കാരനായ അഡ്വ. ദീപക് പ്രകാശ് അറിയിച്ചിട്ടുണ്ട്. |
| കസ്തൂരിരംഗന്‍ വിജ്ഞാപനം റദ്ദാക്കണം - പിണറായി Posted: 27 Feb 2014 11:01 PM PST Image:  ന്യൂഡല്‍ഹി: കസ്തൂരി രംഗന്‍ റിപ്പോര്‍ട്ടിന്‍്റെ അടിസ്ഥാനത്തില്‍ നവംബര്‍ 13 ന് കേന്ദ്ര സര്‍ക്കാര്‍ ഇറക്കിയ വിജ്ഞാപനം റദ്ദാക്കണമെന്ന് സി.പി.എം സംസ്ഥാന സെക്രട്ടറി പിണറായി വിജയന്‍ ആവശ്യപ്പെട്ടു. നവംബര്‍ 13 ലെ വിജ്ഞാപനം റദ്ദാക്കാതെ ഓഫിസ് മെമോറാണ്ടം ഇറക്കാനാണ് ശ്രമിക്കുന്നത്. കേന്ദ്രസര്‍ക്കാരിന് ആത്മാര്‍ഥത ഉണ്ടെങ്കില്‍ കസ്തൂരിരംഗന്‍ റിപ്പോര്‍ട്ട് റദ്ദാക്കണമെന്നും പിണറായി ആവശ്യപ്പെട്ടു. |
| കര്‍മ പരിപാടിയുമായി ആരോഗ്യ വകുപ്പ് Posted: 27 Feb 2014 10:55 PM PST Subtitle: പുകയില നിയന്ത്രണം പാലക്കാട്: പൊതുസ്ഥലത്തെ പുകവലിക്കെതിരെ കര്‍ശന നടപടി സ്വീകരിച്ച് ജില്ലയെ പുകയില നിയന്ത്രണമാക്കുന്നതിന് ആരോഗ്യവകുപ്പ് കര്‍മപരിപാടി ആസൂത്രണം ചെയ്തു. |
| ‘ഏറ്റം-ഏറനാടിന്‍ മുന്നേറ്റ’ത്തിന് അരീക്കോട്ട് പ്രൗഢോജ്വല തുടക്കം Posted: 27 Feb 2014 10:44 PM PST Subtitle: വിദ്യാഭ്യാസ വിസ്മയം സൃഷ്ടിക്കാന്‍ ഏറനാട് അരീക്കോട്: അടിസ്ഥാന സൗകര്യങ്ങളുടെ പോരായ്മ നികത്തി വിദ്യാഭ്യാസരംഗത്ത് സമൂല മാറ്റം സൃഷ്ടിക്കുന്ന സമഗ്ര വിദ്യാഭ്യാസ പദ്ധതിക്ക് ഏറനാട് നിയോജകമണ്ഡലത്തില്‍ തുടക്കം കുറിച്ചു. സംസ്ഥാനത്ത് 46 നിയോജകമണ്ഡലങ്ങളിലാണ് പൊതുവിദ്യാഭ്യാസ വകുപ്പിന്‍െറ ഈ പദ്ധതി നടപ്പാക്കുന്നത്. |
| കസ്തൂരിരംഗന്‍: വയനാട്ടിലും ഇടുക്കിയിലും നാളെ ഹര്‍ത്താല്‍ Posted: 27 Feb 2014 10:43 PM PST Image:  കട്ടപ്പന: കസ്തൂരി രംഗന്‍ റിപ്പോര്‍ട്ടിലെ കേന്ദ്ര സര്‍ക്കാര്‍ നിലപാടില്‍ പ്രതിഷേധിച്ച് വയനാട്, ഇടുക്കി ജില്ലകളില്‍ നാളെ (ശനിയാഴ്ച) ഹര്‍ത്താല്‍. രാവിലെ ആറുമണി മുതല്‍ വൈകിട്ട് ആറുവരെയാണ് ഹര്‍ത്താല്‍. ഇടതുമുന്നണിയാണ് ഹര്‍ത്താലിന് ആഹ്വാനം ചെയ്ത്. |
| കാഞ്ഞങ്ങാട് മിനി സിവില്‍ സ്റ്റേഷന്‍ യാഥാര്‍ഥ്യമാകുന്നു Posted: 27 Feb 2014 10:32 PM PST Subtitle: 15 സര്‍ക്കാര്‍ ഓഫിസുകള്‍ ഒരു മേല്‍ക്കൂരക്ക് കീഴിലേക്ക് മാറും കാഞ്ഞങ്ങാട്: കാഞ്ഞങ്ങാട് മിനി സിവില്‍ സ്റ്റേഷന്‍ യാഥാര്‍ഥ്യമാകുന്നു. ഹോസ്ദുര്‍ഗ് താലൂക്ക് ഓഫിസിന് സമീപം നിര്‍മിച്ച കെട്ടിടത്തിന്‍െറ പണി മാര്‍ച്ച് 31ഓടെ പൂര്‍ത്തിയാകും. മൂന്ന് നിലകളിലായി മൂന്നരക്കോടി രൂപ ചെലവിലാണ് കെട്ടിടം നിര്‍മിക്കുന്നത്. -വര്‍ഗ വികസന ഓഫിസ്, ഫുഡ് ഇന്‍സ്പെക്ടര്‍ ഓഫിസ്, സോയില്‍ കണ്‍സര്‍വേഷന്‍ ഓഫിസ്, ഡ്രഗ് ഇന്‍സ്പെക്ടര്‍ ഓഫിസ്, ഡി.ഇ.ഒ ഓഫിസ്, അസി. ലേബര്‍ ഓഫിസ് എന്നീ സ്ഥാപനങ്ങളും മിനി സിവില്‍ സ്റ്റേഷനിലുണ്ടാകും. മിനി കോണ്‍ഫറന്‍സ് ഹാളും ഇവിടെ സജ്ജീകരിച്ചിട്ടുണ്ട്. |
| കുടിവെള്ള വിതരണം സുഗമമാക്കാന്‍ ജലസംഭരണികള്‍ ഒരുങ്ങുന്നു Posted: 27 Feb 2014 10:24 PM PST Subtitle: കൊടപ്പറമ്പില്‍ രണ്ടാമത്തെ ടാങ്കിന് സ്ഥലമേറ്റെടുപ്പ് പൂര്‍ത്തിയാവുന്നു കണ്ണൂര്‍: നഗരത്തിലെ കുടിവെള്ള വിതരണം സുഗമമാക്കാന്‍ കൂറ്റന്‍ ജലസംഭരണി. എസ്.എന്‍ പാര്‍ക്കിന് സമീപമാണ് വാട്ടര്‍ അതോറിറ്റിയുടെ ജലസംഭരണി നിര്‍മാണം. മാര്‍ച്ച് അവസാനത്തോടെ പണി പൂര്‍ത്തിയാകും. നഗരത്തിലെ ജീര്‍ണിച്ച കുടിവെള്ള പൈപ്പുകള്‍ മാറ്റി സ്ഥാപിക്കുന്ന പണി പൂര്‍ത്തിയാവുന്നതോടെ സംഭരണി വഴിയായിരിക്കും ജലവിതരണം. ഇപ്പോള്‍ താണയിലെ ടാങ്കില്‍നിന്നാണ് നഗരത്തില്‍ വെള്ളമെത്തുന്നത്. കണ്ണൂര്‍ ശുദ്ധജല വിതരണ പദ്ധതിയുടെ ഭാഗമായി 2.35 കോടി രൂപ ചെലവിലാണ് സംഭരണിയുടെ നിര്‍മാണം. 10 മീറ്റര്‍ ഉയരമുള്ള ജലസംഭരണിയില്‍ 16.5 ലക്ഷം ലിറ്റര്‍ വെള്ളം സംഭരിക്കാനാകും. പയ്യാമ്പലം താളിക്കാവ്, പാറക്കണ്ടി, കാനത്തൂര്‍ തുടങ്ങി ജില്ലാ ആശുപത്രി വരെയുള്ള പ്രദേശങ്ങളിലേക്ക് സംഭരണി വഴി ജലം വിതരണം ചെയ്യാനാകും. |
| ബത്തേരി കാര്‍ഷിക ഗ്രാമവികസന ബാങ്ക്: നിയമന നടപടികള്‍ നിര്‍ത്തിവെക്കാന്‍ ഉത്തരവ് Posted: 27 Feb 2014 10:19 PM PST Subtitle: നിയമനം സഹകരണ ചട്ടങ്ങള്‍ക്ക് വിരുദ്ധമാണെന്നപരാതിയിലാണ് നടപടി കല്‍പറ്റ: ബത്തേരി താലൂക്ക് പ്രാഥമിക സഹകരണ കാര്‍ഷിക ഗ്രാമവികസന ബാങ്കിലെ നിയമന നടപടികള്‍ നിര്‍ത്തിവെക്കാന്‍ ജില്ലാ ജോ. രജിസ്ട്രാര്‍ (ജനറല്‍) ഉത്തരവായി. അറ്റന്‍ഡര്‍, റെക്കോഡ് കീപ്പര്‍, പാര്‍ട്ട്ടൈം സ്വീപ്പര്‍ തസ്തികകളിലേക്കുള്ള നിയമന നടപടികളാണ് തടഞ്ഞത്. |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
