യു.ഡി.എഫ് രക്ഷപെടണമെങ്കില്‍ ഉമ്മന്‍ചാണ്ടിയെ മാറ്റണമെന്ന് പി.സി ജോര്‍ജ് Madhyamam News Feeds |  |
- യു.ഡി.എഫ് രക്ഷപെടണമെങ്കില്‍ ഉമ്മന്‍ചാണ്ടിയെ മാറ്റണമെന്ന് പി.സി ജോര്‍ജ്
- അനധികൃത യമന്‍ പൗരന്മാര്‍ക്ക് ആറ് മാസത്തെ ഇളവുകാലം
- ഇന്ത്യഅഫ്ഗാന്‍ റോഡ് ലിങ്ക് തുറക്കാന്‍ വിസമ്മതിച്ച് പാകിസ്താന്
- ഇനി പൊതുമാപ്പ് കാലം; നടപടിക്രമങ്ങള്‍ക്ക് ഇന്ന് തുടക്കം
- മുംബൈയില്‍ സീനിയര്‍ ഉദ്യോഗസ്ഥനെ വെടിവെച്ച് പൊലീസുകാരന്‍ മരിച്ചു
- കരിപ്പൂര്‍ റണ്‍വേ നവീകരണം അനിവാര്യം –പി.വി. അബ്ദുല്‍ വഹാബ് എം.പി
- ഡി.ജി.പി നിയമനത്തില്‍ തര്‍ക്കങ്ങളില്ല^ ചെന്നിത്തല
- കോഴാരോപിതന്‍
- പത്രസ്വാതന്ത്ര്യം മരിക്കുന്നു
- സി.പി.എമ്മില്‍ അരുവിക്കരക്ക് കണ്ണുവെച്ച് നാലു പേര്‍
- ഹുബ്ബള്ളി ഗൂഢാലോചന കേസ്: യഹ്യ കമ്മുക്കുട്ടി ജയില്‍വിട്ടു
- കശ്മീരില്‍ പ്രവേശ പരീക്ഷക്ക് പശുവിനും അഡ്മിറ്റ് കാര്‍ഡ്
- മാണിയെ മറയാക്കി ബാബുവിനെ രക്ഷിക്കാന്‍ എ വിഭാഗം
- ഫെഡറേഷന്‍ കപ്പ് അത് ലറ്റിക്സ്: ടിന്‍റുവിനും അനുവിനും സ്വര്‍ണം
- ബാര്‍കോഴ: അന്വേഷണം ഉടന്‍ പൂര്‍ത്തിയാക്കണമെന്ന്എം.എം ഹസന്‍
- ചലഞ്ചേഴ്സ് കുതിപ്പ്
- ഇവിടെ പഴക്കം കൂടുന്തോറും വിലകൂടും
- ലോറിക്കാരില്‍ നിന്ന് കൈക്കൂലി വാങ്ങിയ എസ്.ഐക്കും സി.പി.ഒക്കും സസ്പെന്‍ഷന്‍
- നിയമസഭയിലെ കയ്യാങ്കളി: ജമീല പ്രകാശത്തിന്‍റെ പരാതിയില്‍ കോടതി നേരിട്ട് തെളിവെടുക്കും
| യു.ഡി.എഫ് രക്ഷപെടണമെങ്കില്‍ ഉമ്മന്‍ചാണ്ടിയെ മാറ്റണമെന്ന് പി.സി ജോര്‍ജ് Posted: 03 May 2015 12:45 AM PDT Image:  കോഴിക്കോട്: യു.ഡി.എഫ് രക്ഷപെടണമെങ്കില്‍ മുഖ്യമന്ത്രി ഉമ്മന്‍ ചാണ്ടിയെ മാറ്റി മറ്റൊരാളെ കൊണ്ട് വരണമെന്ന് പി.സി ജോര്‍ജ്. പ്രതിച്ഛായ നഷ്ടപ്പെട്ട ഉമ്മാണ്ടിയെ മാറ്റാന്‍ കോണ്‍ഗ്രസ് തയാറാകണമെന്നും പി.സി ജോര്‍ജ് ആവശ്യപ്പെട്ടു. കോഴിക്കോട് നടത്തിയ വാര്‍ത്താ സമ്മേളനത്തില്‍ സംസാരിക്കുകയായിരുന്നു അദ്ദേഹം. അഴിമതി വിരുദ്ധ സമരത്തിന് പിന്തുണ തേടി കാന്തപുരം അബൂബക്കര്‍ മുസ്ലിയാര്‍, എസ്.ഡി.പി.ഐ നേതാവ് നാസറുദ്ദീന്‍ എളമരം എന്നിവരുമായി പി.സി ജോര്‍ജ് ചര്‍ച്ച നടത്തി. എല്ലാ അഴിമതികളിലും മുഖ്യമന്ത്രിക്ക് പരോക്ഷ പങ്കുണ്ടെന്ന് പി.സി ജോര്‍ജ് ആരോപിച്ചു. ഉമ്മന്‍ചാണ്ടി രാജഭരണം പോലെയാണ് പി.സി ജോര്‍ജ് ജനസമ്പര്‍ക്ക പരിപാടി നടത്തുന്നത്. തന്നെ മുഖം കാണിക്കാനത്തെുന്നവര്‍ക്ക് രാജാവ് പണം നല്‍കുന്നത്പോലെയാണ് ജനസമ്പര്‍ക്ക പരിപാടിയില്‍ മുഖ്യമന്ത്രി സഹായം നല്‍കുന്നത്. ഇതിന് ഉമ്മന്‍ചാണ്ടിക്ക് എന്ത് അധികാരമാണുള്ളതെന്നും പി.സി ജോര്‍ജ് ചോദിച്ചു. വാര്‍ത്താ സമ്മേളനത്തില്‍ ജോസ് കെ. മാണിക്കെതിരെയും പി.സി. ജോര്‍ജ് അഴിമതി ആരോണപണമുന്നയിച്ചു. സമൂഹ വിവാഹത്തിന്‍്റെ പേരില്‍ ജോസ് കെ. മാണി കോടികള്‍ വെട്ടിച്ചു. കേരള കോണ്‍ഗ്രസിന്‍െറ അമ്പതാം വാര്‍ഷികം മകനെ അവരോധിക്കാനുള്ള വേദിയാക്കി മാണി മാറ്റിയെന്നും ജോര്‍ജ് പറഞ്ഞു. |
| അനധികൃത യമന്‍ പൗരന്മാര്‍ക്ക് ആറ് മാസത്തെ ഇളവുകാലം Posted: 03 May 2015 12:20 AM PDT Image:  റിയാദ്: സൗദിയില്‍ യമന്‍ പൗരന്മാര്‍ക്ക് പ്രത്യേക പരിഗണന നല്‍കാനും രേഖകളില്ലാതെയും അനധികൃതമായും രാജ്യത്ത് തങ്ങുന്നവര്‍ക്ക് രേഖകള്‍ ശരിപ്പെടുത്താന്‍ ആറ് മാസത്തെ ഇളവുകാലം അനുവദിക്കാനും സല്‍മാന്‍ രാജാവ് നിര്‍ദേശിച്ചു. ആഭ്യന്തര മന്ത്രി കൂടിയായ കിരീടാവകാശി അമീര്‍ മുഹമ്മദ് നായിഫിനോട് ആവശ്യമായ നടപടി സ്വീകരിക്കാന്‍ രാജാവ് നിര്‍ദേശിച്ചിട്ടുണ്ട്. ഏപ്രില്‍ ഒമ്പതിന് മുമ്പ് സൗദിയിലത്തെിയ യമനികള്‍ക്കാണ് രാജകാരുണ്യത്തിന്‍െറ ആനുകൂല്യം ലഭിക്കുക. രേഖകളില്ലാത്തവര്‍ക്ക് തല്‍ക്കാലത്തേക്ക് ആറ് മാസത്തെ സന്ദര്‍ശന വിസ നല്‍കാനും കാലാവധി തീരുന്ന മുറക്ക് പുതുക്കാനും ഇളവു നല്‍കണമെന്ന് രാജാവിന്‍െറ നിര്‍ദേശത്തില്‍ പറയുന്നു. |
| ഇന്ത്യഅഫ്ഗാന്‍ റോഡ് ലിങ്ക് തുറക്കാന്‍ വിസമ്മതിച്ച് പാകിസ്താന് Posted: 02 May 2015 10:22 PM PDT Image:  ന്യൂഡല്‍ഹി:ഇന്ത്യയെയും അഫ്ഗാനിസ്താനെയും കരമാര്‍ഗം ബന്ധിപ്പിക്കുന്ന റോഡ് തുറക്കാന്‍ പാകിസ്താന് വിസമ്മതിച്ചു. കറാച്ചി വിമാനത്താവളം വഴി ഇന്ത്യക്ക് അഫ്ഗാനുമായി വ്യാപാരം നടത്താവുന്നതാണെന്നും പാകിസ്താന് അറിയിച്ചു.
|
| ഇനി പൊതുമാപ്പ് കാലം; നടപടിക്രമങ്ങള്‍ക്ക് ഇന്ന് തുടക്കം Posted: 02 May 2015 10:15 PM PDT Image:  മസ്കത്ത്: അഞ്ചുവര്‍ഷത്തെ ഇടവേളക്ക് ശേഷം രാജ്യത്ത് വീണ്ടുമൊരു പൊതുമാപ്പ്കാലം. മൂന്നുമാസം നീളുന്ന പൊതുമാപ്പിന്‍െറ ഒൗദ്യോഗിക നടപടിക്രമങ്ങള്‍ക്ക് ഇന്ന് തുടക്കമാകും. |
| മുംബൈയില്‍ സീനിയര്‍ ഉദ്യോഗസ്ഥനെ വെടിവെച്ച് പൊലീസുകാരന്‍ മരിച്ചു Posted: 02 May 2015 09:40 PM PDT Image:  മുംബൈ: മുംബൈയില്‍ പൊലീസ് സ്റ്റേഷനുള്ളില്‍ സീനിയര്‍ ഉദ്യോഗസ്ഥനെ വെടിവെച്ച് പരിക്കേല്‍പിച്ച് അസിസ്റ്റന്‍റ് സബ് ഇന്‍സ്പെക്ടര്‍ ആത്മഹത്യ ചെയ്തു. വകോല പൊലീസ് സ്റ്റേഷനിലാണ് സംഭവം. അസിസ്റ്റന്‍റ് സബ് ഇന്‍സ്പെക്ടര്‍ ദിലീപ് ഷിര്‍കെയാണ് സീനിയര്‍ ഇന്‍സ്പെക്ടര്‍ വിലാസ് ജോഷിയെ വെടിവെച്ച ശേഷം സ്വയം നിറയൊഴിച്ച് മരിച്ചത്. |
| കരിപ്പൂര്‍ റണ്‍വേ നവീകരണം അനിവാര്യം –പി.വി. അബ്ദുല്‍ വഹാബ് എം.പി Posted: 02 May 2015 09:33 PM PDT Image:  ദുബൈ: കോഴിക്കോട് വിമാനത്താവളത്തിന്‍െറ റണ്‍വേ ബലപ്പെടുത്തേണ്ടത് അത്യാവശ്യമായ സംഗതി തന്നെയാണെന്നും എന്നാല്‍ ഒരു വര്‍ഷം കൊണ്ട് പണി പൂര്‍ത്തിയാക്കണമെന്നും പി.വി.അബ്ദുല്‍ വഹാബ് എം.പി. കേന്ദ്ര സര്‍ക്കാറിന് ഏറ്റവുംകൂടുതല്‍ വരുമാനം ലഭിക്കുന്ന കോഴിക്കോട് വിമാനത്താവളം ഇല്ലാതാകുമെന്ന പ്രചാരണം അടിസ്ഥാനരഹിതമാണ്. |
| ഡി.ജി.പി നിയമനത്തില്‍ തര്‍ക്കങ്ങളില്ല^ ചെന്നിത്തല Posted: 02 May 2015 07:40 PM PDT Image:  തിരുവനന്തപുരം: ഡി.ജി.പി നിയമനവുമായി ബന്ധപ്പെട്ടു യാതൊരുവിധ തര്‍ക്കങ്ങളുമില്ളെന്ന് ആഭ്യന്തരമന്ത്രി രമേശ് ചെന്നിത്തല. മുഖ്യമന്ത്രിയും ആഭ്യന്തരവകുപ്പും തമ്മില്‍ അഭിപ്രായവ്യത്യാസമൊന്നുമില്ല. അതു സംബന്ധിച്ച് മാധ്യമങ്ങളില്‍ വന്ന വാര്‍ത്ത അടിസ്ഥാന രഹിതമാണ്. മെയ് 30 ന് ഡി.ജി.പി സ്ഥാനത്തുണ്ടാകുമെന്നും ചെന്നിത്തല പ്രതികരിച്ചു. |
| Posted: 02 May 2015 07:27 PM PDT Image:  പണ്ട് നാട്ടുരാജാക്കന്മാരുടെ കൈയില്‍ പണമില്ലാതാവുമ്പോള്‍ സാമന്തന്മാരില്‍നിന്ന് നിര്‍ബന്ധിതമായി പിരിച്ചെടുത്തിരുന്ന നികുതിക്കാണ് കോഴ എന്നു പറഞ്ഞിരുന്നത്. (അനര്‍ഹമായ സേവനത്തിനും അഴിമതിക്കുമുള്ള കൈക്കൂലി എന്ന് പുതിയ കാലത്ത് ഈ പദത്തിന് അര്‍ഥഭേദം വന്നിരിക്കുന്നു.) നാട്ടുരാജ്യങ്ങളിലെ പ്രഭുക്കന്മാരാണ് സാമന്തന്മാര്‍. രാജാവിനു നല്‍കുന്ന സേവനത്തിനു പകരം അവര്‍ക്കു കിട്ടിയത് സ്വന്തം പ്രദേശത്ത് നികുതി പിരിക്കാനുള്ള അധികാരമാണ്. കാലം മാറി. രാജഭരണത്തിനു പകരം ജനാധിപത്യമായി. പക്ഷേ പറഞ്ഞിട്ടെന്താ, കാര്യങ്ങള്‍ ഇപ്പോഴും 70 കൊല്ലം മുമ്പത്തെ അവസ്ഥയിലാണ്. ജനാധിപത്യത്തിലെ തമ്പുരാക്കന്മാര്‍ ഇപ്പോഴും സാമന്തന്മാരില്‍നിന്ന് കപ്പം വാങ്ങുന്നു. ബാറുടമകളാണല്ളോ ജനാധിപത്യകേരളത്തിലെ അഭിനവ സാമന്തന്മാര്‍. രാജാവ് പോയെങ്കിലും മന്ത്രിയുണ്ട്. അങ്ങനെയൊരു മന്ത്രി കപ്പം വാങ്ങിയെന്നാണ് പുതിയ കേള്‍വി. കഴിഞ്ഞ കുറച്ചു ദിവസങ്ങളിലായി അതുകേട്ട് കേരളത്തിലെ പ്രജകള്‍ ചോദിക്കുന്നു; ‘ങ്ങളെന്താന്നിത് ബാബ്വേട്ടാ, ങ്ങളെന്താന്നിത്?’ ചാനല്‍ കോമഡിയിലെ ഹിറ്റ് ഡയലോഗ് എക്സൈസ് മന്ത്രി കെ. ബാബുവിനു നേരെയാണ്. ബാബുവേട്ടന്‍െറ ബാര്‍ബര്‍ ഷോപ്പില്‍ കറങ്ങിത്തിരിഞ്ഞ് അലമ്പാക്കുന്ന ശശിയെപ്പോലെയല്ല പ്രജകളുടെ ചോദ്യം. ആ ചോദ്യങ്ങള്‍ക്കുള്ള ഉത്തരമാണ് വിജിലന്‍സ് നാളെ മുതല്‍ അന്വേഷിക്കുന്നത്. |
| Posted: 02 May 2015 07:26 PM PDT Image:  Subtitle: ഇന്ന് അന്താരാഷ്ട്ര മാധ്യമ സ്വാതന്ത്ര്യ ദിനം •10 വര്‍ഷത്തിനിടെ സ്വതന്ത്ര മാധ്യമ പ്രവര്‍ത്തനത്തിന് ഏറ്റവും വലിയ ഭീഷണി ഉയര്‍ന്ന വര്‍ഷമായിരുന്നു 2014 എന്ന് റിപ്പോര്‍ട്ട് ന്യൂയോര്‍ക്: സ്വതന്ത്ര മാധ്യമപ്രവര്‍ത്തനത്തിന്‍െറ കാലംകഴിഞ്ഞുവോ? ഇത്തരമൊരു ആശങ്കയെ ശരിവെക്കുന്നതാണ് അമേരിക്കയിലെ എന്‍.ജി.ഒ ആയ ഫ്രീഡം ഹൗസ് കഴിഞ്ഞദിവസം പുറത്തുവിട്ട റിപ്പോര്‍ട്ടിലെ പരാമര്‍ശങ്ങള്‍. പത്രസ്വാതന്ത്ര്യത്തിന് ഏറ്റവും കൂടുതല്‍ ഭീഷണിയുയര്‍ന്ന വര്‍ഷമായിരുന്നു 2014 എന്ന് റിപ്പോര്‍ട്ട് വ്യക്തമാക്കുന്നു. കഴിഞ്ഞ 10 വര്‍ഷകാലത്തെ മാധ്യമലോകത്തെ നിരീക്ഷിച്ചാണ് ഫ്രീഡം ഹൗസിന്‍െറ റിപ്പോര്‍ട്ട്. ലോകത്തെ ഏഴിലൊന്ന് ആളുകള്‍ക്ക് മാത്രമേ പത്രസ്വാതന്ത്ര്യത്തിന്‍െറ ഗുണഫലങ്ങള്‍ ലഭിക്കുന്നുള്ളൂവെന്നും റിപ്പോര്‍ട്ട് വ്യക്തമാക്കുന്നു. മികച്ച രാഷ്ട്രീയ റിപ്പോര്‍ട്ടിങ്, മാധ്യമ പ്രവര്‍ത്തകരുടെ സുരക്ഷ, മാധ്യമപ്രവര്‍ത്തനത്തില്‍ രാഷ്ട്രത്തിന്‍െറ നിയന്ത്രണം തുടങ്ങിയ കാര്യങ്ങള്‍ പരിഗണിച്ചാണ് സംഘടന മാധ്യമ സ്വാതന്ത്യത്തിന്‍െറ മാനദണ്ഡങ്ങള്‍ നിര്‍വചിച്ചത്. |
| സി.പി.എമ്മില്‍ അരുവിക്കരക്ക് കണ്ണുവെച്ച് നാലു പേര്‍ Posted: 02 May 2015 01:22 PM PDT Image:  Subtitle: നേതൃത്വത്തിന്‍െറ താല്‍പര്യം പുതുമുഖങ്ങള്‍ക്ക്•സംസ്ഥാന സെക്രട്ടേറിയറ്റ് ഈമാസം അഞ്ച്, ആറ് തിരുവനന്തപുരം: തെരഞ്ഞെടുപ്പിന് കളമൊരുങ്ങിയ അരുവിക്കരയില്‍ പിടിമുറുക്കാന്‍ സി.പി.എം തയാറെടുക്കുന്നു. സ്ഥാനാര്‍ഥിയായി ജില്ലാതലത്തില്‍ നാലോളം പേരുകള്‍ സജീവമായി ഉയര്‍ന്നു കേള്‍ക്കുന്നുണ്ടെങ്കിലും സംസ്ഥാന നേതൃത്വത്തിന്‍െറ കണ്ണ് പുതുമുഖങ്ങളിലേക്ക് തിരിയാനും സാധ്യതയുണ്ട്. സ്ഥാനാര്‍ഥി നിര്‍ണയത്തിലേക്ക് സംസ്ഥാന നേതൃത്വം ഒൗദ്യോഗികമായി കടന്നിട്ടില്ളെങ്കിലും അരുവിക്കര മണ്ഡലത്തിന്‍െറ പൊതുസ്ഥിതി അടക്കമുള്ള വിഷയങ്ങള്‍ പരിഗണിക്കാന്‍ ഈമാസം അഞ്ചിനും ആറിനും പുതിയ സംസ്ഥാന സെക്രട്ടേറിയറ്റ് ചേരുകയാണ്. ഈമാസം 12നും 13നും സംസ്ഥാന സമിതിയും ചേരുന്നുണ്ട്. തെരഞ്ഞെടുപ്പ് വിജ്ഞാപനം ഈമാസം മധ്യത്തോടെ ഉണ്ടാകുമെന്ന കണക്കുകൂട്ടലിലാണ് എല്‍.ഡി.എഫും സി.പി.എമ്മും. സംസ്ഥാന സമിതിയംഗം എം. വിജയകുമാര്‍, ജില്ലാ സെക്രട്ടേറിയറ്റ് അംഗം വി.കെ. മധു, ഡി.വൈ.എഫ്.ഐ സംസ്ഥാന ട്രഷറര്‍ കെ.എസ്. സുനില്‍ കുമാര്‍, സി.ഐ.ടി.യു നേതാവ് കാട്ടാക്കട ശശി എന്നിവരുടെ പേരുകളാണ് ആദ്യം മുതല്‍ ഉയര്‍ന്നുകേള്‍ക്കുന്നത്. അതേസമയം, ജാതി-മത സമവാക്യങ്ങള്‍ക്ക് അപ്പുറം കടന്ന് മണ്ഡലം പിടിച്ചെടുക്കാനുള്ള വഴിയാണ് സംസ്ഥാന നേതൃത്വം ആരായുന്നത്. അതുകൊണ്ട് തന്നെ അന്വേഷണം പുതുമുഖത്തില്‍ എത്താനാണ് സാധ്യത. ബാര്‍ കോഴ ആരോപണത്തില്‍ രണ്ടു മന്ത്രിമാര്‍ക്ക് എതിരായ അന്വേഷണവും അഴിമതി ആരോപണങ്ങളില്‍ സര്‍ക്കാറിന്‍െറ പ്രതിച്ഛായ കളങ്കപ്പെട്ടതും മുമ്പെങ്ങുമില്ലാത്ത അനുകൂല അവസ്ഥയാണ് സൃഷ്ടിച്ചിരിക്കുന്നതെന്ന് നേതൃത്വം ചൂണ്ടിക്കാട്ടുന്നു. അഭ്യന്തര പ്രശ്നത്തെ തുടര്‍ന്ന് കേരള കോണ്‍ഗ്രസ് എമ്മിലും യു.ഡി.എഫിലും ബഹിഷ്കൃതനായ പി.സി. ജോര്‍ജ് വി.എസ്.ഡി.പിയുമായി ഒത്തുചേര്‍ന്ന് ആരംഭിച്ച അഴിമതി വിരുദ്ധ പ്രസ്ഥാനം അരുവിക്കര മണ്ഡലത്തില്‍ കേന്ദ്രീകരിക്കുന്നതാണ് ഇതിലൊന്ന്. മണ്ഡലത്തിലെ പ്രബലമായ നാടാര്‍ വിഭാഗത്തില്‍ കണ്ണുവെക്കാന്‍ ഇത് പ്രതീക്ഷ നല്‍കുമ്പോള്‍ ആര്‍. ബാലകൃഷ്ണപിള്ളയുടെ കേരള കോണ്‍ഗ്രസ് (ബി) വഴി നായര്‍ സമുദായത്തിലും അനുകൂല ചലനം ഉണ്ടാക്കാനാകുമെന്നും അവര്‍ കണക്ക് കൂട്ടുന്നു. പാലം, സര്‍ക്കാര്‍ സ്കൂളുകള്‍ അടക്കമുള്ളവക്കായി പ്രഖ്യാപിച്ച് പാതിവഴിയില്‍ മുടങ്ങിയ വിവിധ പദ്ധതികളുടെ കണക്ക് സി.പി.എം നേതൃത്വം എടുത്തുകഴിഞ്ഞു. മണ്ഡലത്തില്‍ ബൂത്ത് കമ്മിറ്റികള്‍ രൂപവത്കരിച്ച് പ്രവര്‍ത്തനം ആരംഭിച്ച സി.പി.എം ജില്ലാ സെക്രട്ടേറിയറ്റ് അംഗങ്ങള്‍ക്ക് പ്രാരംഭ ചുമതല നല്‍കി കഴിഞ്ഞു. തെരഞ്ഞെടുപ്പ് പ്രഖ്യാപനത്തോടെ സംസ്ഥാന സെക്രട്ടേറിയറ്റ് അംഗങ്ങളുടെ ചുമതലയിലേക്ക് പ്രവര്‍ത്തനങ്ങള്‍ പൂര്‍ണമായി മാറും. |
| ഹുബ്ബള്ളി ഗൂഢാലോചന കേസ്: യഹ്യ കമ്മുക്കുട്ടി ജയില്‍വിട്ടു Posted: 02 May 2015 12:38 PM PDT Image:  Subtitle: ഹുബ്ബള്ളി സ്വദേശിയും പുറത്തിറങ്ങി ബംഗളൂരു: ഏഴു വര്‍ഷത്തെ കാരാഗൃഹവാസത്തിനൊടുവില്‍ ഹുബ്ബള്ളി ഗൂഢാലോചനക്കേസില്‍ വിചാരണ കോടതി വെറുതെവിട്ട മുക്കം സ്വദേശി യഹ്യ കമ്മുക്കുട്ടി ഉള്‍പ്പെടെ രണ്ടുപേര്‍ ശനിയാഴ്ച ജയില്‍വിട്ടു. ഹുബ്ബള്ളിക്കു സമീപത്തെ ധര്‍വാദ് ജയിലില്‍നിന്ന് നടപടികള്‍ പൂര്‍ത്തിയാക്കി വൈകീട്ട് 7.30ഓടെയാണ് ഇവര്‍ പുറത്തിറങ്ങിയത്. ഹുബ്ബള്ളി സ്വദേശി അല്ലാ ഭക്ഷാണ് (30) പുറത്തിറങ്ങിയ മറ്റൊരാള്‍. |
| കശ്മീരില്‍ പ്രവേശ പരീക്ഷക്ക് പശുവിനും അഡ്മിറ്റ് കാര്‍ഡ് Posted: 02 May 2015 12:36 PM PDT Image:  ശ്രീനഗര്‍: മഴയത്ത് സ്കൂള്‍ വരാന്തയില്‍ കയറിനിന്ന പശുവും ആടുമൊക്കെ മികച്ച ഗ്രേഡോടെ എസ്.എസ്.എല്‍.സി പാസായി എന്നത് വെറും ഫേസ്ബുക് തമാശ. കശ്മീരില്‍ ഇക്കാര്യം അക്ഷരംപ്രതി ശരിയായിരിക്കുന്നു. കശ്മീരിലെ ബോര്‍ഡ് ഓഫ് പ്രഫഷനല്‍ എന്‍ട്രന്‍സ് എക്സാമിനേഷന്‍സ് (ബി.ഒ.പി.ഇ.ഇ) പോളിടെക്നിക് ഡിപ്ളോമ കോഴ്സ് പ്രവേശ പരീക്ഷക്ക് ഇവിടെ ഒരു പശുവിനും ലഭിച്ചിരിക്കുന്നു ഹാള്‍ ടിക്കറ്റ്. മേയ് 10ന് രാവിലെ 9.55ന് മുമ്പായി ഹാളില്‍ ഹാജരാകാനാണ് നിര്‍ദേശം. അപൂര്‍വങ്ങളില്‍ അപൂര്‍വമായ സംഭവം സോഷ്യല്‍ മീഡിയകളില്‍ വ്യാപകമായി പ്രചരിക്കുകയാണ്. വിഷയം രാഷ്ട്രീയ വിവാദങ്ങള്‍ക്കും തിരികൊളുത്തി. |
| മാണിയെ മറയാക്കി ബാബുവിനെ രക്ഷിക്കാന്‍ എ വിഭാഗം Posted: 02 May 2015 12:29 PM PDT Image:  കൊച്ചി: ബാബുവിനെതിരെ ത്വരിത പരിശോധനക്ക് വിജിലന്‍സ് അന്വേഷണസംഘം തീരുമാനിച്ചതോടെ കോണ്‍ഗ്രസ് എ വിഭാഗം പ്രതിരോധത്തിലായി. മുഖ്യമന്ത്രി ഉമ്മന്‍ ചാണ്ടിയുടെ വലംകൈയായ മന്ത്രി ബാബുവിനെതിരെ ഐ വിഭാഗം നേതാവും ആഭ്യന്തര മന്ത്രിയുമായ രമേശ് ചെന്നിത്തല കരുനീക്കം നടത്തുകയാണെന്ന് ആരോപിക്കുമ്പോഴും ഈ ഊരാക്കുടുക്കില്‍നിന്ന് തടിയൂരുന്നതിനുള്ള വഴി തേടുകയാണവര്‍. ധനമന്ത്രി കെ.എം. മാണിയെ മറയാക്കിയാണ് ഇതിന് നീക്കം നടക്കുന്നത്. |
| ഫെഡറേഷന്‍ കപ്പ് അത് ലറ്റിക്സ്: ടിന്‍റുവിനും അനുവിനും സ്വര്‍ണം Posted: 02 May 2015 11:42 AM PDT Image:  Subtitle: രണ്ട് റെക്കോഡ് •തിരിച്ചുവരവ് ഗംഭീരമാക്കി മയൂഖ ജോണി •ഇന്ദ്രജിത് സിങ്ങിന് റിയോ ഒളിമ്പിക്സിന് യോഗ്യത മംഗളൂരു: മേടച്ചൂടില്‍ ഉരുകിയൊലിച്ച മംഗള സ്റ്റേഡിയത്തില്‍ ഫെഡറേഷന്‍ കപ്പ് സീനിയര്‍ അത്ലറ്റിക് മീറ്റിന്‍െറ രണ്ടാംദിനം കേരളത്തിന് രണ്ട് സ്വര്‍ണം. 800 മീറ്ററില്‍ ടിന്‍റു ലൂക്കയും 400 മീറ്റര്‍ ഹര്‍ഡ്ല്‍സില്‍ ആര്‍. അനുവുമാണ് മലയാളനാടിന്‍െറ ഖ്യാതി അറിയിച്ചത്. രണ്ട് സ്വര്‍ണവും ഒരു വെള്ളിയും രണ്ട് വെങ്കലവും നേടിയ കേരളം 40 പോയന്‍റുമായി മൂന്നാം സ്ഥാനത്താണ്. 63 പോയന്‍റുള്ള ആതിഥേയരായ കര്‍ണാടകയാണ് മുന്നില്‍. രണ്ടാമതുള്ള ആര്‍മിക്ക് 46 പോയന്‍റുണ്ട്. രണ്ടാംദിനം രണ്ട് റെക്കോഡുകള്‍ പിറന്നു. പുരുഷന്മാരുടെ ജാവലിന്‍ത്രോയില്‍ ആര്‍മിയുടെ ദേവാന്ദര്‍ സിങ്ങും ഷോട്ട്പുട്ടില്‍ ലോക യൂനിവേഴ്സിറ്റി മീറ്റിലെ വെള്ളി മെഡല്‍ ജേതാവ് കൂടിയായ ഹരിയാനയുടെ ഇന്ദ്രജിത് സിങ്ങുമാണ് പുതിയദൂരം താണ്ടിയത്. ഇന്ദ്രജിത് സിങ്ങ് അടുത്ത വര്‍ഷം നടക്കുന്ന റിയോ ഒളിമ്പിക്സിന് യോഗ്യത നേടി. കൂടാതെ, ഇരുവരും വുഹാനില്‍ നടക്കുന്ന ഏഷ്യന്‍ അത്ലറ്റിക് മീറ്റിന് യോഗ്യതനേടി. മീറ്റിലെ വേഗമേറിയ താരപദവി ഒഡിഷയിലേക്കുപോയി. പുരുഷന്മാരില്‍ അമിയ കുമാര്‍ മലികും (10.56 സെ.) വനിതകളില്‍ ശ്രബാനി നന്ദയുമാണ് (11.59 സെ.) 100 മീറ്ററില്‍ ട്രാക്ക് വാണത്. ദേശീയ ഗെയിംസിലെ വേഗറാണിയായിരുന്ന ഒഡിഷയുടെ ദ്യുതി ചന്ദ് വെള്ളി നേടി. ഡെക്കാത്തലണില്‍ ഗുജറാത്തിന്‍െറ മലയാളി താരം വി.വി. റനീഷിന് വെളളിയുണ്ട്. ആര്‍. അനുവും ജിന്‍സണ്‍ ജോണ്‍സനും പുരുഷന്മാരുടെ 400 മീറ്റര്‍ ഹര്‍ഡ്ല്‍സില്‍ ദുര്‍ഗേഷ് കുമാര്‍ പാലും ഏഷ്യന്‍ മീറ്റിലേക്ക് ടിക്കറ്റുറപ്പിച്ചു. ദേശീയ ഗെയിംസിലെ മികവ് ആവര്‍ത്തിച്ചാണ് ആര്‍. അനു വനിതകളുടെ 400 മീറ്റര്‍ ഹര്‍ഡ്ല്‍സില്‍ സ്വര്‍ണം ഓടിയെടുത്തത്. 59.13 സെക്കന്‍ഡില്‍ ഫിനിഷ് ചെയ്താണ് അനു ഏഷ്യന്‍ അത്ലറ്റിക് മീറ്റിനുള്ള യോഗ്യത ഉറപ്പാക്കിയത്. 59.72 സെക്കന്‍ഡാണ് ഏഷ്യന്‍ മീറ്റിനുള്ള യോഗ്യതാസമയം. കേരളത്തിന്‍െറ വി.വി. ജിഷ നാലാമതായി. പുതിയ സീസണ്‍ സ്വര്‍ണത്തോടെ തുടങ്ങാനായതില്‍ സന്തോഷമുണ്ടെന്ന് അനു പറഞ്ഞു. ദേശീയ ഗെയിംസിലെ മികച്ചപ്രകടനത്തിന് സര്‍ക്കാര്‍ വാഗ്ദാനം ചെയ്ത ഗസറ്റഡ് ജോലിക്കായി കാത്തിരിക്കുകയാണ് ഈ ആലത്തൂര്‍കാരി. ജോലി സംബന്ധിച്ച് ഒരറിയിപ്പും ഇതുവരെ കിട്ടിയിട്ടില്ളെന്നും അനു പറഞ്ഞു. വനിതകളുടെ 800 മീറ്ററില്‍ എതിരാളികളെ ബഹുദൂരം പിന്നിലാക്കിയാണ് ടിന്‍റു സ്വര്‍ണത്തിലത്തെിയത്. രണ്ട് മിനിറ്റ് 04.14 സെക്കന്‍ഡിലാണ് ടിന്‍റു ജേത്രിയായത്. സ്ഥിരമായി പ്രാക്ടീസ് ചെയ്യുന്ന മംഗള സ്റ്റേഡിയത്തില്‍ നിറഞ്ഞ കാണികളുടെ കൈയ്യടിയോടെയാണ് ടിന്‍റു ഫിനിഷിങ് ലൈനിലത്തെിയത്. ബെയ്ജിങ്ങില്‍ നടക്കുന്ന ലോക അത്ലറ്റിക് മീറ്റിനും വുഹാനിലെ എഷ്യന്‍ മീറ്റിനും ടിന്‍റു നേരത്തേ യോഗ്യത ഉറപ്പിച്ചിരുന്നു. ആദ്യദിനം മയൂഖമയം മീറ്റിന്‍െറ ആദ്യദിനമായ വെള്ളിയാഴ്ച കേരളം ഒരു വെള്ളിയും രണ്ട് വെങ്കലവുമാണ് നേടിയത്. വനിതകളുടെ 5000 മീറ്ററില്‍ പി.യു. ചിത്രയാണ് രജതപതക്കമണിഞ്ഞത്. നേരിയ വ്യത്യാസത്തിനാണ് ചിത്രയില്‍നിന്ന് തമിഴ്നാടിന്‍െറ എല്‍. സൂര്യ സ്വര്‍ണം തട്ടിയെടുത്തത്. 16 മിനിറ്റ് 55.90 സെക്കന്‍ഡിലായിരുന്നു സൂര്യയുടെ ഫിനിഷിങ്. 16 മിനിറ്റ് 56.29 ആണ് ചിത്രയുടെ സമയം. ലോങ്ജംപില്‍ ദേശീയ ഗെയിംസ് ജേത്രിയായ വി. നീനയും ഹൈജംപില്‍ സ്റ്റെനി ¥ൈമക്കിളുമാണ് ഒന്നാംദിനത്തില്‍ കേരളത്തിന്‍െറ വെങ്കല ജേതാക്കള്‍. ഒ.എന്‍.ജി.സിയെ പ്രതിനിധീകരിച്ചത്തെിയ മലയാളി താരം മയൂഖ ജോണി പരിക്കില്‍നിന്ന് മോചിതയായ ശേഷമുള്ള ആദ്യമീറ്റില്‍ തന്നെ സ്വര്‍ണം ചാടിയെടുത്തു. 6.34 മീറ്റര്‍ ചാടിയ മയൂഖ ഏഷ്യന്‍ അത് ലറ്റിക് ചാമ്പ്യന്‍ഷിപ്പിനും യോഗ്യതനേടി. തിരിച്ചുവരവില്‍ സ്വര്‍ണം സ്വന്തമാക്കാനായതില്‍ സന്തോഷമുണ്ടെന്ന് മയൂഖ പറഞ്ഞു. വെങ്കലമണിഞ്ഞ കേരളത്തിന്‍െറ വി. നീന 6.12 മീറ്ററാണ് പിന്നിട്ടത്. ഹൈജംപില്‍ ഒളിമ്പ്യന്‍ സഹന കുമാരിക്ക് വീട്ടുകാരുടെയും നാട്ടുകാരുടെയും മുന്നില്‍ സ്വര്‍ണം നേടാനായെങ്കിലും 1.76 മീറ്റര്‍ മാത്രമാണ് കര്‍ണാടകതാരം താണ്ടിയത്. ഏഷ്യന്‍ മീറ്റിന് യോഗ്യത നേടാനാവാത്തതിന്‍െറ സങ്കടവും പേറിയാണ് ഫെഡറേഷന്‍ കപ്പിലെ എട്ടാം സ്വര്‍ണവുമായി സഹന ഹൈജംപ് പിറ്റ് വിട്ടത്. ഈയിനത്തില്‍ സ്റ്റെനി മൈക്കിള്‍ 1.70 മീറ്ററോടെയാണ് വെങ്കലം നേടിയത്. പുരുഷന്മാരുടെ 5000 മീറ്ററില്‍ ആര്‍മിയെ പ്രതിനിധീകരിച്ച കോഴിക്കോട്ടുകാരന്‍ ജി. ഗോപിക്കാണ് വെള്ളി. തമിഴ്നാടിന്‍െറ ജി. ലക്ഷ്മണനാണ് സ്വര്‍ണം. |
| ബാര്‍കോഴ: അന്വേഷണം ഉടന്‍ പൂര്‍ത്തിയാക്കണമെന്ന്എം.എം ഹസന്‍ Posted: 02 May 2015 11:18 AM PDT Image:  കൊച്ചി: ബാര്‍ കോഴക്കേസുമായി ബന്ധപ്പെട്ട് മന്ത്രി ബാബുവിനെതിരായ വിജിലന്‍സ് അന്വേഷണം ഉടന്‍ പൂര്‍ത്തിയാക്കി കണ്ടെത്തല്‍ ഉടന്‍ പുറത്തുവിടണമെന്ന് എം.എം. ഹസന്‍ വാര്‍ത്താസമ്മേളനത്തില്‍ ആവശ്യപ്പെട്ടു. ബിജു രമേശിന്‍െറ പുതിയ ആരോപണം രാഷ്ട്രീയ ഗൂഢാലോചനയാണെന്നും അദ്ദേഹം പറഞ്ഞു.
|
| Posted: 02 May 2015 07:15 AM PDT Image:  ബംഗളൂരു: മഴ പെയ്തൊഴിഞ്ഞ ഗ്രൗണ്ടില്‍ റണ്ണൊഴുക്കിയ കൊല്‍ക്കത്ത നൈറ്റ് റൈഡേഴ്സിന് ഉരുളക്ക് ഉപ്പേരിയായി മറുപടി നല്‍കിയ റോയല്‍ ചലഞ്ചേഴ്സ് ബാംഗ്ളൂരിന് ഏഴു വിക്കറ്റ് ജയം. ശനിയാഴ്ച വൈകീട്ട് നാലിന് തുടങ്ങേണ്ടിയിരുന്ന മത്സരം രണ്ടേ മുക്കാല്‍ മണിക്കൂര്‍ വൈകിയതോടെ 10 ഓവര്‍ വീതമാണ് കളി നടന്നത്. ആദ്യം ബാറ്റ് ചെയ്ത കൊല്‍ക്കത്ത 10 ഓവറില്‍ നാലു വിക്കറ്റ് മാത്രം നഷ്ടപ്പെടുത്തി 111 റണ്‍സിലേക്ക് കുതിച്ചു. 17 പന്തില്‍ 45 റണ്‍സ് അടിച്ചെടുത്ത ആന്ദ്രെ റസലിന്‍െറ നേതൃത്വത്തിലായിരുന്നു കൊല്‍ക്കത്ത നിരയുടെ തകര്‍ക്കല്‍ അരങ്ങേറിയത്. മറുപടി ബാറ്റിങ്ങില്‍, മന്‍ദീപ് സിങ് അരങ്ങുവാണതോടെ മൂന്നു വിക്കറ്റ് മാത്രം നഷ്ടപ്പെടുത്തി രണ്ടുപന്ത് ശേഷിക്കെ ബാംഗ്ളൂര്‍ ലക്ഷ്യം പിടിച്ചു. പുറത്താകാതെനിന്ന മന്‍ദീപ് 18 പന്തില്‍ 45 റണ്‍സ് സ്വന്തമാക്കി. നാലു ഫോറും മൂന്നു സിക്സും താരം അടിച്ചെടുത്തു. ക്യാപ്റ്റന്‍ വിരാട് കോഹ്ലി 34 റണ്‍സെടുത്ത് ജയത്തില്‍ നിര്‍ണായക പങ്കുവഹിച്ചപ്പോള്‍, ക്രിസ് ഗെയ്ല്‍ ഒമ്പത് പന്തില്‍ 21 റണ്‍സെടുത്ത് പുറത്തായി. എ.ബി. ഡിവില്ലിയേഴ്സ് രണ്ട് റണ്‍സെടുത്ത് ക്ഷണത്തില്‍ തിരിച്ചുകയറി. മന്‍ദീപാണ് കളിയിലെ താരം. മന്‍ദീപിനൊപ്പം, വീസും (9) പുറത്താകാതെനിന്നു. ടോസ് നേടിയ ബാംഗ്ളൂര്‍ എതിരാളികളെ ബാറ്റിങ്ങിനയക്കുകയായിരുന്നു. ഗൗതം ഗംഭീറിനെ (12)ഉും റോബിന്‍ ഉത്തപ്പയെയും (23) വീസും ചഹലും പുറത്താക്കിയശേഷം റസലാണ് സ്കോര്‍ 100ലേക്ക് അടിപ്പിച്ചത്. അഞ്ചു ഫോറും മൂന്നു സിക്സും റസലിന്‍െറ ബാറ്റില്‍ നിന്ന് പറന്നു. ഒമ്പതാം ഓവറില്‍ താരം റണ്ണൗട്ടായില്ലായിരുന്നെങ്കില്‍ കൊല്‍ക്കത്ത സ്കോര്‍ വീണ്ടും ഉയരുമായിരുന്നു. റയാന്‍ ടെന്‍ ദൊസ്ചെറ്റ് 12 റണ്‍സെടുത്ത് പുറത്തായി. റണ്‍സൊന്നുമെടുക്കാതെ സൂര്യകുമാര്‍ യാദവും യൂസഫ് പത്താനും (11) പുറത്താകാതെ നിന്നു. |
| ഇവിടെ പഴക്കം കൂടുന്തോറും വിലകൂടും Posted: 02 May 2015 06:41 AM PDT Image:  Subtitle: പഴയകാല കരവിരുതിന്‍െറ പ്രതാപം അറിയണമെങ്കില്‍ വടകര താഴെഅങ്ങാടിയിലേക്ക് വരണം വടകര: പ്രൗഢി നഷ്ടപ്പെടാത്ത പൗരാണികതയുടെ ശേഷിപ്പുകളുണ്ട്, വടകര താഴെഅങ്ങാടിയില്‍. ഇവ, കാണാനും സ്വന്തമാക്കാനുമായി രാജ്യത്തിന്‍െറ വിവിധ ഭാഗങ്ങളില്‍നിന്നും വിദേശങ്ങളില്‍ നിന്നുമായി എത്തുന്നവര്‍ നിരവധിയാണ്. ഒരു പക്ഷെ, ഇത്തരം കരവിരുതുകളെ സ്വന്തമാക്കാനാഗ്രഹിക്കുന്നവരുടെ തീര്‍ഥാടനകേന്ദ്രമായി താഴെഅങ്ങാടി മാറി. ഒരുകാലത്ത് പാണ്ടികശാലകളുടെ പേരിലായിരുന്നെങ്കില്‍ ഇന്ന് പഴമയുടെ പെരുമപേറുന്ന വസ്തുക്കളുടെ വില്‍പനകേന്ദ്രമെന്ന നിലയിലാണ് ഇവിടം അറിയപ്പെടുന്നത്. അങ്ങനെ, ചുരുങ്ങിയ കാലം കൊണ്ടുതന്നെ കേരളവും ഇന്ത്യയും കടന്ന് ഈ നാടിന്‍െറ പെരുമ വിദേശരാജ്യങ്ങളിലുമത്തെി. പ്രാദേശികമായും ആവശ്യക്കാര്‍ വന്നുതുടങ്ങിയതോടെ, ആന്‍റിക് ഷോപ്പുകളുടെ പ്രചാരമേറി. താഴെഅങ്ങാടിയിലെ പഴയവസ്തുക്കളുടെ വില്‍പനക്ക് പതിറ്റാണ്ടുകളുടെ പഴക്കമുണ്ട്. മുമ്പ് ചില വ്യക്തികള്‍ കേന്ദ്രീകരിച്ചായിരുന്നു വില്‍പന. അവ കേന്ദ്രീകൃതമായ വില്‍പന സമ്പ്രദായത്തിലേക്ക് മാറിയത് 20 വര്‍ഷത്തിനിടെയാണ്. പഴയ ഫര്‍ണിചര്‍, അലങ്കാരവസ്തുക്കള്‍, വിളക്കുകള്‍, പാത്രങ്ങള്‍ തുടങ്ങിയവയാണ് പ്രധാന വില്‍പന വസ്തുക്കള്‍. നാലുകെട്ടുകളും പഴയതറവാടുകളും പൊളിക്കുമ്പോഴുള്ള ഫര്‍ണിചറുകള്‍ക്കാണ് ആവശ്യക്കാരേറെ. ഇവ താഴെഅങ്ങാടിയിലത്തെിക്കാന്‍ കേരളത്തിന്‍െറ വിവിധഭാഗങ്ങളില്‍ ഏജന്‍റുമാരുണ്ട്. കട്ടിലുകള്‍, അലമാരകള്‍, മേശ, പത്തായം, സോഫാസെറ്റുകള്‍, ഡ്രസ്സിങ് ടേബ്ള്‍, കസേരകള്‍, നിലക്കണ്ണാടികള്‍, വിവിധ തരം സ്റ്റാന്‍ഡുകള്‍ എന്നിവ പൗരാണിക വാസ്തുകലയുടെ വൈദഗ്ധ്യം വിളിച്ചറിയിക്കുന്നവയാണ്. ഫര്‍ണിചറുകളുടെ കമനീയശേഖരം തന്നെ ഇവിടെയുണ്ട്. പലതും 100ഉം 150ഉം വര്‍ഷം പഴക്കമുള്ളവ. തേക്ക്, വീട്ടി മരങ്ങളില്‍ തീര്‍ത്തവയാണ് ഫര്‍ണിചറുകളില്‍ ഏറെയും. എല്ലാം കൈകൊത്തുപണിയില്‍ മനോഹരമാക്കിയവ. പഴയ സാധനങ്ങള്‍ അറ്റകുറ്റപ്പണി നടത്തി മിനുക്കിയാണ് വില്‍പന. പഴക്കം കൂടുന്തോറും വില കൂടും. പഴയമാതൃകയില്‍ പുതിയമരം കൊണ്ട് ഫര്‍ണിചറുകള്‍ തീര്‍ക്കുന്നവരുമുണ്ടിവിടെ. ഫര്‍ണിചറുകള്‍ മാത്രമല്ല, പഴയ നാണയങ്ങള്‍, സ്റ്റാമ്പുകള്‍, ഗ്രാമഫോണുകള്‍, ചെല്ലപ്പെട്ടികള്‍ എന്നിവയുടെയും കേന്ദ്രമാണിവിടം. പുതിയ വീടെടുക്കുന്നവര്‍ ഈടുറ്റ പഴയസാധനങ്ങള്‍ തേടുന്ന പ്രവണത നമ്മുടെ നാട്ടില്‍തന്നെ വര്‍ധിച്ചിരിക്കുകയാണ്. യൂറോപ്പ്, ഗള്‍ഫ് രാജ്യങ്ങള്‍ എന്നിവിടങ്ങളിലേക്ക് ഇവിടെനിന്ന് സാധനങ്ങള്‍ കൊണ്ടുപോവുക പതിവാണ്. വിദേശികള്‍ കാഴ്ചക്കാരായി എത്തുന്ന സാഹചര്യവുമുണ്ട്. കിട്ടാവുന്ന സ്ഥലങ്ങളില്‍ നിന്നെല്ലാം ഇവിടെ കച്ചവടക്കാര്‍ സാധനങ്ങള്‍ എത്തിക്കുന്നുണ്ട്. ഇപ്പോഴത്തെ ഫര്‍ണിചര്‍ നിരക്കുമായി തട്ടിക്കുമ്പോള്‍ വലിയ വില ഇവിടെയില്ളെന്നാണ് കച്ചവടക്കാരുടെ പക്ഷം. അതേസമയം ചില അപൂര്‍വ ഇനങ്ങള്‍ക്ക് നല്ലവിലയുണ്ട്. ഒന്നരലക്ഷം വിലവരുന്ന അലമാരയുണ്ടിവിടെ. ഇത്തരം ശേഖരത്തിനൊപ്പം വലിയൊരു തൊഴില്‍മേഖലയായും ഈ കേന്ദ്രംമാറി. ഫര്‍ണിചറുകളുടെ അറ്റകുറ്റപ്പണി, പോളിഷ്, വില്‍പന എന്നീമേഖലകളില്‍ 100 ലേറെപ്പേര്‍ ജോലി ചെയ്യുന്നു. പലരും പാരമ്പര്യമായാണ് ഈ കച്ചവടമേഖലയിലത്തെുന്നത്. |
| ലോറിക്കാരില്‍ നിന്ന് കൈക്കൂലി വാങ്ങിയ എസ്.ഐക്കും സി.പി.ഒക്കും സസ്പെന്‍ഷന്‍ Posted: 02 May 2015 02:25 AM PDT Image:  കൊച്ചി: ലോറിക്കാരില്‍ നിന്ന് കൈക്കൂലി വാങ്ങുന്നതിനിടെ ഡെപ്യൂട്ടി കമ്മീഷണര്‍ നേരിട്ട് പിടികൂടിയ എസ്.ഐക്കും സിവില്‍ പൊലീസ് ഓഫീസര്‍ക്കും (സി.പി.ഒ) സസ്പെന്‍ഷന്‍. പനങ്ങാട് എസ്.ഐ എന്‍.ബി ശ്രീകുമാര്‍, സീനിയര്‍ സി.പി.ഒ ബിജു എന്നിവര്‍ക്കാണ് സസ്പെന്‍ഷന്‍ ലഭിച്ചത്. ഡി.സി.പി എ. ഹരിശങ്കര്‍ നല്‍കിയ റിപ്പോര്‍ട്ടിനെ തുടര്‍ന്ന് സിറ്റി പൊലീസ് കമ്മിഷണറാണ് നടപടി സ്വീകരിച്ചത്. തമിഴ്നാട്ടുകാരായ ലോറിജീവനക്കാരെ കൂട്ടിയായിരുന്നു ഡെപ്യൂട്ടി കമ്മിഷണര്‍ ഹരിശങ്കറിന്‍െറ പരിശോധന. പൊലീസുകാരുടെ കൈയില്‍ നിന്ന് കണക്കില്‍പെടാത്ത 9,000 രൂപയും കണ്ടെടുത്തു. രാത്രിസമയത്ത് ദേശീയപാതയില്‍ പൊലീസുകാരുടെ പണപ്പിരിവ് പതിവാണ് എന്ന വിവരം ലഭിച്ചതിനെ തുടര്‍ന്നാണ് പരിശോധന നടത്തിയത്. ഡി.സി.പിയും സംഘവും കയറിയ ലോറിക്ക് പനങ്ങാട് പൊലീസ് കൈകാണിക്കുകയായിരുന്നു. |
| നിയമസഭയിലെ കയ്യാങ്കളി: ജമീല പ്രകാശത്തിന്‍റെ പരാതിയില്‍ കോടതി നേരിട്ട് തെളിവെടുക്കും Posted: 01 May 2015 09:10 PM PDT Image:  തിരുവനന്തപുരം: നിയമസഭയിലെ പ്രതിഷേധത്തിനിടെയുണ്ടായ സംഭവങ്ങള്‍ സംബന്ധിച്ച് ജമീല പ്രകാശം എം.എല്‍.എ നല്‍കിയ പരാതിയില്‍ കോടതി നേരിട്ടു തെളിവെടുക്കും. തിരുവനന്തപുരം ജുഡീഷല്‍ ഒന്നാം ക്ളാസ് മജിസ്ട്രേറ്റ് കോടതിയാണ് മെയ് മാസം 30 ന് നേരിട്ടു തെളിവെടുപ്പു നടത്തുക. |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
No comments:
Post a Comment