ബാര്‍ കോഴ: അന്തിമറിപ്പോര്‍ട്ട് 31ന് മുമ്പ് Madhyamam News Feeds |  |
- ബാര്‍ കോഴ: അന്തിമറിപ്പോര്‍ട്ട് 31ന് മുമ്പ്
- താന്‍ പൂന്തോട്ടം നനക്കുന്നത് മൂത്രം ഉപയോഗിച്ചാണെന്ന് നിതിന്‍ ഗഡ്കരി
- ജൊനാഥന്‍ ട്രോട്ട് അന്താരാഷ്ട്ര ക്രിക്കറ്റില്‍ നിന്ന് വിരമിച്ചു
- ചാമ്പ്യന്‍സ് ലീഗ്: റയല്‍ മഡ്രിഡ് ^യുവന്‍റസ് സെമി പോരാട്ടം ഇന്ന്
- ചര്‍ച്ച ചെയ്യാമെന്ന നിലപാടില്‍ സന്തോഷം^ വീരേന്ദ്ര കുമാര്‍
- പ്രതിരോധ രംഗത്ത് ഖത്തര്‍^ഫ്രാന്‍സ് സഹകരണം
- ദുരിതപര്‍വം തീര്‍ന്നു; ശുഹൈബ് നാട്ടിലേക്ക് തിരിച്ചു
- വിമാന ഇന്ധനവില കുറക്കാന്‍ മന്ത്രിസഭയുടെ അനുമതി
- പാപ് വ ന്യൂ ഗിനിയയില്‍ ഭൂചലനം
- മുഖച്ഛായ മാറുന്നു; കെ.എസ്.ഇ.ബിക്ക് പുതുവെളിച്ചം
- ലഖ് വി നിരപരാധിയാണെന്ന് ഹാഫിസ് സഈദ്
- ഒരു പുലിറ്റ്സര്‍ ധര്‍മസങ്കടം
- കരിനിയമങ്ങളാണ് ഒന്നാം പ്രതി
- ഫാക്ടറി നിയമം ഉദാരമാക്കുന്നു
- പിടിയിലായത് കേരള പൊലീസിന്‍െറ മോസ്റ്റ് വാണ്ടഡ് മാവോയിസ്റ്റ്
- കാസ്ട്രോ മയക്കുമരുന്ന് തലവന്‍?
- പ്രോട്ടീന്‍ അടങ്ങിയ ഭക്ഷണം രക്തത്തിലെ പഞ്ചസാരയുടെ അളവ് കുറക്കും
- ബാബുവിനെതിരായ ക്വിക് വെരിഫിക്കേഷന്‍: എക്സൈസ് കമീഷണറുടെ മൊഴി രേഖപ്പെടുത്തി
- ആന്‍ഡി മറെക്ക് ആദ്യ കളിമണ്‍ കോര്‍ട്ട് കിരീടം
- ബ്ളാസ്റ്റേഴ്സ് മാര്‍ക്വീതാരമാവാന്‍ ജോണ്‍ റീസ് വരുന്നു
- ചിറകൊടിഞ്ഞ കിനാവുകള്‍
- കൊല്‍ക്കത്ത കരുത്ത്
- സൗജന്യ ഇന്‍റര്‍നെറ്റ്: ഓപണ്‍ പ്ളാറ്റ്ഫോമുമായി ഫേസ്ബുക്
- മാവോയിസ്റ്റ് നേതാവ് രൂപേഷും സംഘവും പോലീസ് പിടിയില്‍
- മധ്യപ്രദേശില്‍ ബസ് താഴ്ചയിലേക്ക് മറിഞ്ഞ് തീപിടിച്ച് 35 മരണം
| ബാര്‍ കോഴ: അന്തിമറിപ്പോര്‍ട്ട് 31ന് മുമ്പ് Posted: 05 May 2015 12:53 AM PDT Image:  തിരുവനന്തപുരം: ബാര്‍കോഴക്കേസില്‍ അന്വേഷണം പൂര്‍ത്തിയാക്കി അന്തിമറിപ്പോര്‍ട്ട് ഈ മാസം 31ന് മുമ്പ് സമര്‍പ്പിക്കുമെന്ന് വിജിലന്‍സ് കോടതിയില്‍ അറിയിച്ചു. അന്വേഷണം ഊര്‍ജിതമായാണ് നടക്കുന്നത്. ഇത് അന്തിമ ഘട്ടത്തിലാണ്. തെളിവായ സിഡിയുടെ പരിശോധന, നുണപരിശോധന എന്നിവ നടത്തേണ്ടതുണ്ട്. 300 സാക്ഷികളുടെ മൊഴി രേഖപ്പെടുത്തിയെന്നും വിജിലന്‍സ് കോടതിയെ അറിയിച്ചു. അതേസമയം, കേസിന്‍്റെ അന്വേഷണ പുരോഗതി റിപ്പോര്‍ട്ട് വേണമെന്നാവശ്യപ്പെട്ട് ബാറുടമ ബിജു രമേശ് നല്‍കിയ ഹരജി കോടതി തള്ളി. ബാര്‍ കോഴക്കേസില്‍ അന്വേഷണം ശരിയായ രീതിയിലാണ് നടക്കുന്നതെന്നു വിജിലന്‍സ് ഡയറക്ടര്‍ വിന്‍സന്‍ എം. പോള്‍ നേരത്തെ പറഞ്ഞിരുന്നു. അന്വേഷണം എത്രയും വേഗം പൂര്‍ത്തിയാക്കുമെന്നും അദ്ദേഹം വ്യക്തമാക്കിയിരുന്നു. അന്വേഷണത്തില്‍ ഉന്നത ഇടപെടലില്ളെന്ന് ആഭ്യന്തരമന്ത്രി രമേശ് ചെന്നിത്തലയും പറഞ്ഞിരുന്നു. ബാര്‍ കോഴക്കേസിലെ വിജിലന്‍സ് അന്വേഷണം സര്‍ക്കാര്‍ അട്ടിമറിക്കാന്‍ ശ്രമിക്കുന്നുവെന്നായിരുന്നു ബിജു രമേശിന്‍്റെയും പ്രതിപക്ഷത്തിന്‍്റെയും ആരോപണം. |
| താന്‍ പൂന്തോട്ടം നനക്കുന്നത് മൂത്രം ഉപയോഗിച്ചാണെന്ന് നിതിന്‍ ഗഡ്കരി Posted: 04 May 2015 11:53 PM PDT Image:  മുംബൈ: മനുഷ്യമൂത്രത്തിന്‍െറ ഗുണങ്ങള്‍ വിശദീകരിച്ച് കേന്ദ്രമന്ത്രി നിതിന്‍ ഗഡ്കരി. തന്‍െറ വസതിയിലുള്ള പൂന്തോട്ടം തന്‍െറ മൂത്രം ഉപയോഗിച്ച് നനക്കാറുണ്ടെന്ന് ഗഡ്കരി വ്യക്തമാക്കി. ഞായറാഴ്ച മഹാരാഷ്ട്രയിലെ നാഗ്പൂര്‍ ബി.ജെ.പി ഘടകം സംഘടിപ്പിച്ച സ്പ്രിംഗ്ളര്‍ ഇറിഗേഷന്‍ സെമിനാറിലാണ് ഗഡ്കരി മൂത്രഗുണങ്ങളെ അനുഭവങ്ങളിലൂടെ വിശദീകരിച്ചത്. എന്നാല്‍ സംഭവത്തിന്‍െറ വിഡിയോ പിന്നീടാണ് സോഷ്യല്‍ മീഡിയകളിലൂടെ പ്രചരിക്കപ്പെട്ടത്. വീട്ടില്‍ ലഭ്യമാക്കാവുന്ന നല്ളൊരു വളമാണ് മൂത്രം. യൂറിയ^ നൈട്രജന്‍ എന്നിവയുടെ മികച്ചശേഖരമാണിത്. വെള്ളത്തിനു പകരം ചെടികള്‍ക്ക് മൂത്രം ഒഴിച്ചു കൊടുത്താല്‍ തഴച്ചുവളരുമെന്ന് താന്‍ സ്വയം പരീക്ഷിച്ച് ഉറപ്പുവരുത്തിയിട്ടുണ്ടെന്നും അദ്ദേഹം അവകാശപ്പെട്ടു. ഇക്കാര്യം ഉറപ്പു വരുത്താനായി തന്‍െറ തോട്ടക്കാരനോട് കുറച്ചു ചെടികള്‍ മൂത്രം ഉപയോഗിച്ച് നനക്കാന്‍ ആവശ്യപ്പെട്ടിരുന്നു. അത്തരത്തില്‍ നനച്ചവ തഴച്ചുവളരുകയായിരുന്നു. ദിവസവും താന്‍ മൂത്രം ശേഖരിക്കാറുണ്ടെന്നും ആദ്യം ചെറിയ ക്യാനില്‍ ശേഖരിച്ച് 50 ലിറ്ററിന്‍െറ വലിയ ക്യാനിലേക്ക് മൂത്രം മാറ്റും. ഇത് കൊണ്ടാണ് പൂന്തോട്ടം നനക്കുകയെന്നും അദ്ദേഹം വ്യക്തമാക്കി. ഒരു ഓറഞ്ച് മരം മൂത്രം ഉപയോഗിച്ച് നനച്ചാല്‍ നിങ്ങള്‍ക്ക് വ്യത്യാസം മനസ്സിലാവും. അത് മറ്റുളള മരങ്ങളേക്കാള്‍ കൂടുതല്‍ പൂവിടുകയും കായ്ക്കുകയും ചെയ്യുമെന്നും മുന്‍ ബി.ജെ.പി അധ്യക്ഷന്‍ കൂടിയായ ഗഡ്കരി വ്യക്തമാക്കി. |
| ജൊനാഥന്‍ ട്രോട്ട് അന്താരാഷ്ട്ര ക്രിക്കറ്റില്‍ നിന്ന് വിരമിച്ചു Posted: 04 May 2015 11:17 PM PDT Image:  ലണ്ടന്‍: ഇംഗ്ളീഷ് ക്രിക്കറ്റ് താരം ജൊനാഥന്‍ ട്രോട്ട് അന്താരാഷ്ട്ര ക്രിക്കറ്റില്‍ നിന്ന് വിരമിച്ചു. വിന്‍ഡീസിനെതിരായ ടെസ്റ്റ് പരമ്പരയില്‍ ഫോം കണ്ടത്തൊന്‍ കഴിയാത്തതിനെ തുടര്‍ന്നാണ് തീരുമാനം. പരമ്പരയില്‍ ആറു ഇന്നിങ്സുകളില്‍ നിന്നായി കേവലം 72 റണ്‍സ് മാത്രമാണ് 34 കാരനായ ട്രോട്ടിനു നേടാനായത്. അഞ്ചു തവണ രണ്ടക്കം കടക്കാന്‍ സാധിക്കാത്ത ട്രോട്ട് മൂന്ന് തവണയാണ് പൂജ്യത്തിന് പുറത്തായത്. ബുദ്ധിമുട്ടേറിയ തീരുമാനമാണിതെന്നും എന്നാല്‍ രാജ്യത്തിനായി കളിക്കുന്നതിന്‍്റെ നിലവാരത്തിലേക്ക് തന്‍്റെ കളി ഉയരുന്നില്ളെന്ന് തോന്നിയതിനാലാണ് രാജിയെന്നും അദ്ദേഹം വ്യക്തമാക്കി. 2013^14 സീസണിലെ ആഷസ് പരമ്പരക്കിടെയുണ്ടായ വിഷാദരോഗത്തെ തുടര്‍ന്ന് അദ്ദേഹം ചികില്‍സയിലായിരുന്നു. 18 മാസത്തെ ഇടവേളക്കുശേഷമാണ് വിന്‍ഡീസ് പര്യടനത്തിനുള്ള ഇംഗ്ളീഷ് ടീമിലേക്ക് താരം മടങ്ങിവന്നത്. എന്നാല്‍ ക്രീസില്‍ അദ്ദേഹത്തിന് വിജയിക്കാനായില്ല. 2009ല്‍ ഇംഗ്ളണ്ട് ജഴ്സിയില്‍ അരങ്ങേറിയ ട്രോട്ട് 51 ടെസ്റ്റ് മല്‍സരങ്ങളും 68 ഏകദിനങ്ങളും കളിച്ചിട്ടുണ്ട്. ടെസ്റ്റില്‍ 3826 റണ്‍സും ഏകദിനത്തില്‍ 2819ഉം റണ്‍സുമാണ് സമ്പാദ്യം. 226 റണ്‍സാണ് ടെസ്റ്റിലെ ഉയര്‍ന്ന സ്കോര്‍.
|
| ചാമ്പ്യന്‍സ് ലീഗ്: റയല്‍ മഡ്രിഡ് ^യുവന്‍റസ് സെമി പോരാട്ടം ഇന്ന് Posted: 04 May 2015 10:16 PM PDT Image:  ടൂറിന്‍: യൂറോപ്യന്‍ ഫുട്ബാള്‍ കിരീടപ്പോരാട്ട വഴിയില്‍ ഇനി സെമിഫൈനല്‍ അങ്കം. ആദ്യ പോരാട്ടത്തിന്‍െറ ഒന്നാം പാദത്തില്‍ ചൊവ്വാഴ്ച നിലവിലെ ചാമ്പ്യരായ റയല്‍ മഡ്രിഡിന് വെല്ലുവിളിയുമായി കാത്തിരിക്കുന്നത് ഇറ്റാലിയന്‍ ചാമ്പ്യന്മാരായ യുവന്‍റസ്. ഇന്ത്യന്‍ സമയം ചൊവ്വാഴ്ച രാത്രി 12.15 നാണ് മത്സരം ആരംഭിക്കുന്നത്. തുടര്‍ച്ചയായ നാലാം സീസണിലും സീരി എ കിരീടത്തിന് അവകാശികളായതിന് തൊട്ടുപിന്നാലെയാണ് യുവന്‍റസ് യൂറോപ്യന്‍ പോരാട്ടത്തിനിറങ്ങുന്നത്. റയലാകട്ടെ, ലാ ലിഗയില്‍ തകര്‍പ്പന്‍ ജയങ്ങളുമായി കിരീടപ്രതീക്ഷ നിലനിര്‍ത്തി മുന്നേറുന്നതിനൊപ്പം സൂപ്പര്‍ താരം ക്രിസ്റ്റ്യാനോ റൊണാള്‍ഡോ ഹാട്രിക്കുമായി മിന്നുന്ന ഫോമിലാണെന്ന് തെളിയിച്ചതിന്‍െറ ആവേശത്തിലാണ്. ഇരുടീമുകള്‍ക്കും സമാനമായിരുന്നു ക്വാര്‍ട്ടര്‍ പോരാട്ടം. ഫ്രഞ്ച് ക്ളബായ മൊണാകോക്കെതിരെ ക്വാര്‍ട്ടര്‍ ആദ്യ പാദത്തില്‍ 1^0ത്തിന്‍െറ ജയവും രണ്ടാം പാദത്തില്‍ ഗോള്‍രഹിത സമനിലയും പിടിച്ച് ആകെ 1^0ത്തിന്‍െറ ജയവുമായി യുവന്‍റസ് സെമിയിലേക്ക് കുതിച്ചപ്പോള്‍, നാട്ടങ്കത്തില്‍ അത്ലറ്റികോ മഡ്രിഡിനെതിരെ ആദ്യപാദത്തില്‍ ഗോള്‍രഹിത സമനിലയും രണ്ടാം പാദത്തില്‍ 1^0ത്തിന്‍െറ ജയവുമായാണ് റയല്‍ മഡ്രിഡ് മുന്നേറിയത്. ഓര്‍മകള്‍ തുടിക്കും ഫേവറിറ്റുകളായി വാഴ്ത്തപ്പെട്ട റയല്‍തന്നെ ആദ്യപാദത്തില്‍ 2^1 ജയം പിടിച്ചു. രണ്ടാംപാദ പോരാട്ടം യുവന്‍റസിന്‍െറ തട്ടകമായ ടൂറിനിലെ യുവന്‍റസ് സ്റ്റേഡിയത്തിലേക്ക് കളി മാറി. 3^1 ന് ജയം നിന്നത് ആതിഥേയര്‍ക്കൊപ്പം. അഗ്രഗേറ്റ് സ്കോറില്‍ 4^3 ന്‍െറ ജയവുമായി നിലവിലെ ചാമ്പ്യന്‍ ടീമിനെ തട്ടിമറിച്ചിട്ട് ഇറ്റാലിയന്‍ കരുത്തര്‍ അന്ന് ഫൈനലിലേക്ക് കുതിച്ചു. ആ ഫൈനലില്‍ ജയിക്കാനായില്ല എന്നത് പിന്നീട് നടന്നത്. ശേഷം ഒരു യൂറോപ്യന്‍ സെമിയില്‍പോലും അവര്‍ കളിച്ചില്ല എന്നതും സത്യം. എന്തായാലും ഇത്തവണ ആദ്യ പാദം സ്വന്തം തട്ടകത്തില്‍ നടക്കുമ്പോള്‍ അന്നത്തെ സെമിയുടെ ത്രസിപ്പിക്കുന്ന ഓര്‍മകള്‍ യുവന്‍റസ് നിരക്ക് പ്രചോദനമാകും. നിലവിലെ ചാമ്പ്യനും ഫേവറിറ്റ് പട്ടവും റയലിന് സ്വന്തമാണ്. പക്ഷേ, യുവന്‍റസിനെ വിലകുറച്ച് കാണാനാകില്ല എന്നത് അന്നത്തെ സെമിയില്‍നിന്ന് ഓര്‍ത്തെടുത്തുകൊണ്ടാകും കാര്‍ലോ ആന്‍സലോട്ടിയുടെ റയല്‍ പട ടൂറിനില്‍ പന്തുതട്ടാനിറങ്ങുക. ശക്തി റയലിന്‍െറ ശക്തി സൂപ്പര്‍ താരങ്ങളടങ്ങിയ മുന്നേറ്റനിര തന്നെയാണ്. ലൂക മോഡ്രിച്, ഗാരത് ബെയ്ല്‍, കരീം ബെന്‍സേമ എന്നിവരില്ലാതെ അത്ലറ്റികോയെ മറികടന്ന റയലിന്‍െറ മുന്നേറ്റം ഏത് പ്രതിസന്ധിയും നേരിടാന്‍ മികവുറ്റതാണെന്ന് തെളിയിച്ചുകഴിഞ്ഞു. ക്രിസ്റ്റ്യാനോ റൊണാള്‍ഡോ, ജയിംസ് റോഡ്രിഗസ് എന്നീ സൂപ്പര്‍ താരങ്ങള്‍ക്ക് സെമിയില്‍ കൂട്ടായി ബെയ്ല്‍ തിരിച്ചത്തെുമ്പോള്‍ യാവിയര്‍ ഹെര്‍ണാണ്ടസ് എന്ന പ്രതിഭ അവര്‍ക്ക് ബോണസാണ്. ദൗര്‍ബല്യം പോഗ്ബ ഇല്ലാതെയും മികച്ച കളി പുറത്തെടുക്കാന്‍ യുവന്‍റസിനായിട്ടുണ്ട്. എന്നാല്‍, മിഡ്ഫീല്‍ഡില്‍ പോഗ്ബ കാഴ്ചവെച്ചിരുന്ന ശാരീരിക ക്ഷമതയും പ്രവചനാതീതമായ നീക്കങ്ങളും കൃത്യതയാര്‍ന്ന ഷോട്ടുകളും കാണാന്‍ ടീം നന്നായി കൊതിക്കുന്നുണ്ട്്. ക്രിസ്റ്റ്യാനോയെ പിടിച്ചുകെട്ടാനായി മികച്ച തന്ത്രങ്ങള്‍തന്നെ അവര്‍ പുറത്തെടുക്കേണ്ടിവരും. കഴിഞ്ഞ വര്‍ഷം ഗ്രൂപ് ഘട്ടത്തില്‍ യുവന്‍റസിനെതിരെ റയലിന് ജയം കൊണ്ടുവന്നതും പോര്‍ചുഗീസ് താരത്തിന്‍െറ ബൂട്ടുകളാണ്. കരീം ബെന്‍സേമ പരിക്ക് കാരണം പുറത്തിരിക്കും എന്നതാണ് റയല്‍ ക്യാമ്പിനെ നിരാശരാക്കുന്ന ഒരു വാര്‍ത്ത. കൂടാതെ, മുന്നേറ്റം മികച്ചതാകുന്നതിനൊപ്പം പ്രതിരോധം പിഴക്കുന്നു എന്നത് റയലിന് അപകടഭീതിയുയര്‍ത്തുന്ന ഒന്നാണ്. |
| ചര്‍ച്ച ചെയ്യാമെന്ന നിലപാടില്‍ സന്തോഷം^ വീരേന്ദ്ര കുമാര്‍ Posted: 04 May 2015 10:10 PM PDT Image:  തിരുവനന്തപുരം: ജെ.ഡി.യുവിന്‍െറ പരാതികള്‍ യു.ഡി.എഫില്‍ ചര്‍ച്ച ചെയ്യുമെന്ന് രമേശ് ചെന്നിത്തല പറഞ്ഞതില്‍ സന്തോഷമുണ്ടെന്ന് സംസ്ഥാന പ്രസിഡന്‍റ് എം.പി വീരേന്ദ്രകുമാര്‍. ചെന്നിത്തലയുമായി നടത്തിയ കൂടിക്കാഴ്ചക്കു ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. രണ്ട് ദിവസം മുമ്പ് മുഖ്യമന്ത്രി ഉമ്മന്‍ചാണ്ടിയുമായി ഇക്കാര്യത്തില്‍ കൂടിക്കാഴ്ച നടത്തിയിരുന്നു. ചെന്നിത്തലയുമായി ഇന്ന് ദീര്‍ഘനേരം കൂടിക്കാഴ്ച നടത്തി. ഇനിയും തുടര്‍ ചര്‍ച്ചകള്‍ ഉണ്ടാകുമെന്നും അദ്ദേഹം വ്യക്തമാക്കി. ജെ.ഡി.യു സാന്നിദ്ധ്യം യു.ഡി.എഫില്‍ ഉണ്ടാകണമെന്നും ഇക്കാര്യത്തില്‍ രണ്ട് അഭിപ്രായമില്ളെന്നും കൂടിക്കാഴ്ചക്കു ശേഷം ചെന്നിത്തല വ്യക്തമാക്കിയിരുന്നു.
|
| പ്രതിരോധ രംഗത്ത് ഖത്തര്‍^ഫ്രാന്‍സ് സഹകരണം Posted: 04 May 2015 09:38 PM PDT Image:  ദോഹ: ഒൗദ്യോഗിക സന്ദര്‍ശനത്തിനായി ഖത്തറിലത്തെിയ ഫ്രഞ്ച് പ്രസിഡന്‍റ് ഫ്രാന്‍സ്വാ ഒലാണ്ടയുമായി ഖത്തര്‍ അമീര്‍ ശൈഖ് തമീം ബിന്‍ ഹമദ് ആല്‍ഥാനി കൂടിക്കാഴ്ച നടത്തി. ദിവാനി അമീരില്‍ ഇന്നലെ ഉച്ചക്ക് മുമ്പായിരുന്നു ഇരുരാഷ്ട്രത്തലവന്‍മാരുടെയും കൂടിക്കാഴ്ച. സുരക്ഷപ്രതിരോധ മേഖലയില്‍ ഖത്തറും ഫ്രാന്‍സും സഹകരണം വര്‍ധിപ്പിക്കാന്‍ ചര്‍ച്ചയില്‍ ധാരണയായി. |
| ദുരിതപര്‍വം തീര്‍ന്നു; ശുഹൈബ് നാട്ടിലേക്ക് തിരിച്ചു Posted: 04 May 2015 09:18 PM PDT Image:  മനാമ: തൊഴിലുടമയുടെ പീഡനത്തെ തുടര്‍ന്ന് ജയിലില്‍ വരെ കഴിയേണ്ടി വന്ന കണ്ണൂര്‍ പാനൂര്‍ സ്വദേശി ശുഹൈബ് ഒടുക്കം നാട്ടിലേക്ക് തിരിച്ചു. അറബിക് ടൈപിങ് ജോലിക്കായി ബഹ്റൈനിലത്തെിയ യുവാവാണ് മലയാളിയായ തൊഴിലുടമയുടെ പ്രതികാര നടപടികള്‍ക്കിരയായി ദുരിതമനുഭവിച്ചത്. |
| വിമാന ഇന്ധനവില കുറക്കാന്‍ മന്ത്രിസഭയുടെ അനുമതി Posted: 04 May 2015 09:01 PM PDT Image:  റിയാദ്: സൗദി വിമാനത്താവളങ്ങളില്‍ ഇന്ധനവില കുറക്കാന്‍ മന്ത്രിസഭ അംഗീകാരം നല്‍കി. സല്‍മാന്‍ രാജാവിന്‍െറ അധ്യക്ഷതയില്‍ തലസ്ഥാനത്തെ അല്‍യമാമ കൊട്ടാരത്തില്‍ തിങ്കളാഴ്ച ചേര്‍ന്ന മന്ത്രിസഭ യോഗമാണ് ലിറ്ററിന് 15 മുതല്‍ 20 ഹലാല വരെ വില കുറക്കാന്‍ അംഗീകാരം നല്‍കിയത്. സൗദി വിമാനത്താവളങ്ങളിലെ ഇന്ധനവില അന്താരാഷ്ട്ര വിപണിയുമായി താരതമ്യം ചെയ്യാനും വില പുനര്‍നിര്‍ണയത്തെക്കുറിച്ച് പഠിക്കാനും ഏല്‍പിച്ച പ്രത്യേക കമ്മിറ്റി സമര്‍പ്പിച്ച റിപ്പോര്‍ട്ടിന്‍െറ അടിസ്ഥാനത്തിലാണ് മന്ത്രിസഭ തീരുമാനം. റിയാദ് കിങ് ഖാലിദ് അന്താരാഷ്ട്ര വിമാനത്താവളം, ജിദ്ദ കിങ് അബ്ദുല്‍ അസീസ് അന്താരാഷ്ട്ര വിമാനത്താവളം എന്നിവിടങ്ങളില്‍ ലിറ്ററിന് 15 ഹലാലയാണ് കുറക്കുക. എന്നാല്‍ ദമ്മാമിലെ കിങ് ഫഹദ് അന്താരാഷ്ട്ര വിമാനത്താവളം ഉള്‍പ്പെടെയുള്ള രാജ്യത്തെ ഇതര വിമാനത്താവളങ്ങളില്‍ 20 ഹലാല കുറക്കും. സൗദി വിമാനത്താവളങ്ങളില്‍ നിന്ന് ഇന്ധനം നിറക്കുന്ന വിദേശ വിമാനകമ്പനികള്‍ക്കും നിരക്കിളവിന്‍െറ ആനുകൂല്യം ലഭിക്കും. രാജ്യത്തെ വിമാനത്താവളങ്ങളില്‍ ഇന്ധനം വിതരണം ചെയ്യുന്ന സൗദി അരാംകോ കമ്പനിയോട് നിരക്കിളവ് പ്രാബല്യത്തില്‍ വരുത്താന്‍ ആവശ്യമായ നടപടി സ്വീകരിക്കാന്‍ മന്ത്രിസഭ ആവശ്യപ്പെട്ടിട്ടുണ്ട്. |
| Posted: 04 May 2015 08:34 PM PDT Image:  പോര്‍ട്ട് മോര്‍സ്ബി: തെക്കന്‍ പാപ് വ ന്യൂ ഗിനിയയില്‍ ശക്തമായ ഭൂചലനം. റിക്ടര്‍ സ്കെയിലില്‍ 7.5 തീവ്രത രേഖപ്പെടുത്തിയ ഭൂചലനമാണുണ്ടായത്. ഭൂചലനത്തെ തുടര്‍ന്ന് സുനാമി മുന്നറിയിപ്പ് നല്‍കിയിട്ടുണ്ട്. പാപ് വ ന്യൂ ഗിനിയയില്‍ തിങ്കളാഴ്ച റിക്ടര്‍ സ്കെയിലില്‍ 5.6 തീവ്രത രേഖപ്പെടുത്തിയ ഭൂചലനം അനുഭവപ്പെട്ടിരുന്നു. കഴിഞ്ഞ ആഴ്ചയില്‍ ഇവിടെ രണ്ടു തവണ ഭൂചലനം അനുഭവപ്പെട്ടിരുന്നു. |
| മുഖച്ഛായ മാറുന്നു; കെ.എസ്.ഇ.ബിക്ക് പുതുവെളിച്ചം Posted: 04 May 2015 08:07 PM PDT Image:  കല്‍പറ്റ: ലോഗോ, ബോര്‍ഡ്, ഉപഭോക്താക്കള്‍ക്കുള്ള ബില്‍, അപേക്ഷാഫോമുകള്‍ തുടങ്ങി എല്ലാത്തിലും മുഖം മിനുക്കി സ്മാര്‍ട്ടാവുന്ന തിരക്കിലാണ് കെ.എസ്.ഇ.ബി. കമ്പനി ആയതോടെ കേരള സ്റ്റേറ്റ് ഇലക്ട്രിസിറ്റി ബോര്‍ഡ് ലിമിറ്റഡ് എന്നാണ് പുതിയ പേര്. നവീകരണത്തിന്‍െറ ഭാഗമായി മുഖച്ഛായയില്‍ വലിയ മാറ്റമാണ് വരുന്നത്. സര്‍ക്കാര്‍ ഓഫിസുകളുടെ മുഖമുദ്രയായ മഞ്ഞയില്‍ കറുപ്പ് നിറത്തിലുള്ള പഴഞ്ചന്‍ ബോര്‍ഡ് പോയതാണ് പ്രധാനം. |
| ലഖ് വി നിരപരാധിയാണെന്ന് ഹാഫിസ് സഈദ് Posted: 04 May 2015 07:30 PM PDT Image:  ലാഹോര്‍: മുംബൈ ഭീകരാക്രമണ സൂത്രധാരനും ലഷ്കറെ ത്വയ്യിബ നേതാവുമായ സകിയുര്‍ റഹ്മാന്‍ ലഖ്വി നിരപരാധിയാണെന്ന് നിരോധിത സംഘടനയായ ജമാഅത്തുദ്ദവ നേതാവ് ഹാഫിസ് സഈദ്. മുംബൈ ഭീകരാക്രമണക്കേസിലെ ലഖ്വിയുടെ പങ്ക് തെളിയിക്കുന്നതിന് തെളിവില്ലാത്തതിനാല്‍ അദ്ദേഹം നിരപരാധിയാണ്. 2008 മുംബൈ ഭീകരാക്രമണക്കേസില്‍ ലഖ്വിയെ ശിക്ഷിക്കുന്നതിന് വേണ്ടി യു.എന്നിന്‍്റെയും യു.എസിന്‍്റെയും സഹായത്തോടെ പാകിസ്താനില്‍ സമ്മര്‍ദം ചെലുത്തുകയാണ് ഇന്ത്യയെന്നും സഈദ് ആരോപിച്ചു. ലഖ്വിക്കെതിരെ ഇന്ത്യയുടെ കൈയ്യില്‍ യാതൊരു തെളിവുമില്ല. പാകിസ്താന്‍ സര്‍ക്കാരില്‍ സമ്മര്‍ദം ചെലുത്തി ലഖ് വിയെ ശിക്ഷിക്കുന്നതിനാണ് ഇന്ത്യ ശ്രമിക്കുന്നത്. പാക്കിസ്താന്‍്റെ നിയമവ്യവസ്ഥയില്‍ ഇടപെടുന്നതിന് ഇന്ത്യക്കോ യു.എന്നിനോ യാതൊരു അവകാശവുമില്ല. പാകിസ്താന്‍ കോടതികളുടെ ഒരു നിര്‍ദേശങ്ങളും ഇന്ത്യ സ്വീകരിച്ചിട്ടില്ളെന്നും ഹാഫിസ് സഈദ് പറഞ്ഞു. |
| Posted: 04 May 2015 07:16 PM PDT Image:  Subtitle: മാധ്യമപക്ഷം പുലിറ്റ്സര്‍ അവാര്‍ഡ് ഏറ്റവും വിലമതിക്കപ്പെടുന്ന പത്രപ്രവര്‍ത്തക പുരസ്കാരം ആണ് എന്നാണ് കരുതപ്പെടുന്നത്. ജോസഫ് പുലിറ്റ്സര്‍ എന്ന പത്ര ഉടമ മരണപത്രത്തില്‍ എഴുതി നീക്കിവെച്ച വലിയ തുകകൊണ്ട് 1917 മുതല്‍ നല്‍കപ്പെടുന്ന പുരസ്കാരം. ഏറ്റവും ‘പൈങ്കിളി’ എന്ന് വിളിക്കാവുന്ന തരം പത്രപ്രവര്‍ത്തനത്തിന് അമേരിക്കയില്‍ തുടക്കംകുറിച്ച ആളാണ് പുലിറ്റ്സര്‍ എന്നൊക്കെ കുറ്റപ്പെടുത്താമെങ്കിലും അവാര്‍ഡ് കേമംതന്നെയാണ്. ഈ അടുത്ത ദിവസം അവാര്‍ഡുകള്‍ പ്രഖ്യാപിക്കപ്പെട്ടപ്പോള്‍ നടാലീ കൗല ഹൗഫ് എന്ന മുപ്പത്തൊന്നുകാരി ആദ്യം ഞെട്ടുകയും പിന്നെ ഹര്‍ഷോന്മാദയാവുകയും നിമിഷങ്ങള്‍ക്കകം ഒപ്പമുണ്ടായിരുന്നവരെയെല്ലാം അമ്പരപ്പിച്ചുകൊണ്ട് പൊട്ടിക്കരയുകയു ം ചെയ്തു. കാരണമുണ്ട്. |
| Posted: 04 May 2015 07:05 PM PDT Image:  ഹുബ്ബള്ളി ഗൂഢാലോചനക്കേസില്‍ ജില്ലാ സെഷന്‍സ് കോടതി മുഴുവന്‍ പ്രതികളെയും വെറുതെവിട്ടതോടെ, കെട്ടിച്ചമച്ച ഒരു ‘ഭീകര’ക്കേസുകൂടി പൊളിഞ്ഞിരിക്കുന്നു. ഐ.ടി വിദഗ്ധരായ 13 പേരടക്കം 17 പ്രതികളെയും നിരുപാധികം കോടതി വെറുതെവിട്ടത് അവര്‍ക്കെതിരെ തെളിവൊന്നും ഇല്ലാത്തതിനാലാണ്. 360ഓളം സാക്ഷികള്‍ സഹിതം കര്‍ണാടക പൊലീസ് കെട്ടിപ്പൊക്കിയ കെട്ടുകഥകള്‍ വ്യാജമായിരുന്നു എന്നര്‍ഥം. മുസ്ലിം ചെറുപ്പക്കാര്‍ക്കെതിരായ വ്യാജ ആരോപണങ്ങളുടെ തുടര്‍ച്ചയായിരുന്നു ഈ കേസും എന്നാണ് തെളിയുന്നത്. ഇക്കാര്യം തുടക്കംമുതലേ ചൂണ്ടിക്കാട്ടപ്പെട്ടിരുന്നതാണ്. എന്നാല്‍, യു.എ.പി.എ എന്ന കരിനിയമം ചാര്‍ത്തി നീതിനിഷേധത്തിന് മൂര്‍ച്ചകൂട്ടാനാണ് അധികൃതര്‍ ശ്രദ്ധിച്ചത്. ഹുബ്ബള്ളി കേസില്‍ വിട്ടയക്കപ്പെട്ട യഹ്യ കമ്മുക്കുട്ടി ഏഴു വര്‍ഷത്തിനുശേഷം സ്വതന്ത്രനായെങ്കിലും മറ്റു പലരും വേറെ കേസുകളില്‍ പ്രതിചേര്‍ക്കപ്പെട്ട് ജയിലുകളില്‍ തുടരുന്നു. അവരെല്ലാം ഇരകളാക്കപ്പെട്ടിരിക്കുന്നു കരിനിയമത്തിന്‍െറയും വര്‍ഗീയവിഷം കലര്‍ന്ന പൊതുബോധത്തിന്‍െറയും ആ വിഷം ആവുംവിധം പരത്തിക്കൊണ്ടിരിക്കുന്നു മാധ്യമങ്ങളുടെയും ഇരകള്‍. |
| Posted: 04 May 2015 06:36 PM PDT Image:  Subtitle: 40ല്‍ താഴെ തൊഴിലാളികളുള്ള ഫാക്ടറികളില്‍ 14 തൊഴില്‍ നിയമങ്ങള്‍ ബാധകമാവില്ല ന്യൂഡല്‍ഹി: പ്രധാന തൊഴില്‍നിയമങ്ങളുടെ പരിധിയില്‍നിന്ന് 40 തൊഴിലാളികള്‍ വരെ പണിയെടുക്കുന്ന ഫാക്ടറികളെ ഒഴിവാക്കാന്‍ കേന്ദ്രസര്‍ക്കാര്‍ ഒരുങ്ങുന്നു. വ്യവസായിക്ക് അനുകൂലമായി തൊഴില്‍നിയമങ്ങളില്‍ പൊളിച്ചെഴുത്തിന് ഒരുക്കം നടക്കുന്നതിനിടെ, ചെറുകിട ഫാക്ടറികളില്‍ തൊഴില്‍ പരിഷ്കരണം കൊണ്ടുവരാനുള്ള നിയമഭേദഗതി ബില്‍ കേന്ദ്രമന്ത്രിസഭ ഈയാഴ്ച പരിഗണിച്ചേക്കും. സര്‍ക്കാര്‍ തയാറാക്കിയ ചെറുകിട ഫാക്ടറി (തൊഴില്‍ നിയന്ത്രണ-സേവന വ്യവസ്ഥ) ബില്‍ പ്രകാരം വ്യവസായ തര്‍ക്ക നിയമം, ഫാക്ടറി നിയമം, വേതന നിയമം തുടങ്ങി 14 പ്രധാന തൊഴില്‍നിയമങ്ങളുടെ പരിധിയില്‍നിന്നാണ് 40 വരെ തൊഴിലാളികള്‍ പണിയെടുക്കുന്ന ഫാക്ടറികളെ ഒഴിവാക്കുന്നത്. എംപ്ളോയീസ് പ്രൊവിഡന്‍റ് ഫണ്ട് നിയമവ്യവസ്ഥകളിലും ഈ സ്ഥാപനങ്ങള്‍ക്ക് ഇളവ് അനുവദിക്കും. ബജറ്റ് സമ്മേളനത്തില്‍തന്നെ ബില്‍ പാര്‍ലമെന്‍റില്‍ അവതരിപ്പിക്കാനാണ് സര്‍ക്കാര്‍ ഉദ്ദേശിക്കുന്നത്. രാജ്യത്ത് ആകെയുള്ള ഫാക്ടറികളില്‍ 70 ശതമാനത്തിലും 40ല്‍ താഴെയാണ് തൊഴിലാളികളുടെ എണ്ണം. |
| പിടിയിലായത് കേരള പൊലീസിന്‍െറ മോസ്റ്റ് വാണ്ടഡ് മാവോയിസ്റ്റ് Posted: 04 May 2015 01:26 PM PDT Image:  കല്‍പറ്റ: മാവോയിസ്റ്റ് നേതാവ് രൂപേഷും കൂട്ടരും കോയമ്പത്തൂരില്‍ പിടിയിലായതോടെ കേരള പൊലീസിന് ആശ്വാസം. സംസ്ഥാനത്തിന്‍െറ വിവിധ ഭാഗങ്ങളില്‍ മാവോവാദികള്‍ നടത്തിയതായി പറയപ്പെടുന്ന നിരവധി ആക്രമണങ്ങള്‍ക്കിടയിലും അവയുടെ സൂത്രധാരന്മാരില്‍ ഒരാളെപ്പോലും പിടികൂടാന്‍ കഴിയാതിരുന്നതിനെ തുടര്‍ന്ന് കേരള പൊലീസിന്‍െറ കാര്യക്ഷമത ചോദ്യം ചെയ്യപ്പെടുന്നതിനിടയിലാണ് മോസ്റ്റ് വാണ്ടഡ് മാവോയിസ്റ്റായി സംസ്ഥാന ആഭ്യന്തര വകുപ്പ് കരുതുന്ന രൂപേഷും ഭാര്യ ഷൈനയുമടക്കം അഞ്ചു കമ്യൂണിസ്റ്റ് പാര്‍ട്ടി ഓഫ് ഇന്ത്യ (മാവോയിസ്റ്റ്) നേതാക്കള്‍ കോയമ്പത്തൂര്‍ കരുമംപെട്ടിയില്‍ പിടിയിലാവുന്നത്. |
| കാസ്ട്രോ മയക്കുമരുന്ന് തലവന്‍? Posted: 04 May 2015 12:51 PM PDT Image:  Subtitle: •17 വര്‍ഷം കാസ്ട്രോയുടെ അംഗരക്ഷകനായിരുന്ന ജുവാന്‍ റെയിനാള്‍ഡോ സാന്‍ചസ് രചിച്ച 'ദ ഡബ്ള്‍ ലൈഫ് ഓഫ് ഫിദല്‍ കാസ്ട്രോ' വിവാദമാകുന്നു ഹവാന: ക്യൂബന്‍ മുന്‍ ഭരണാധികാരി ഫിദല്‍ കാസ്ട്രോ മയക്കുമരുന്ന് തലവനായിരുന്നോ? അദ്ദേഹം ജീവിതത്തിലെന്നും ഇരട്ടവ്യക്തിത്വം പാലിച്ചിരുന്നോ? 17 വര്‍ഷം കാസ്ട്രോയുടെ അംഗരക്ഷകനായി പ്രവര്‍ത്തിച്ച ജുവാന്‍ റെയിനാള്‍ഡോ സാന്‍ചസ് തന്‍െറ പുസ്തകത്തില്‍ കാസ്ട്രോയെപ്പറ്റി മറ്റൊരു വിവരണം നല്‍കുന്നു. ‘ദ ഡബ്ള്‍ ലൈഫ് ഓഫ് കാസ്ട്രോ’ എന്നപേരില്‍ കഴിഞ്ഞദിവസം പുറത്തിറങ്ങിയ പുസ്തകം വന്‍ വിവാദമാണ് വിളിച്ചുവരുത്തുന്നത്. |
| പ്രോട്ടീന്‍ അടങ്ങിയ ഭക്ഷണം രക്തത്തിലെ പഞ്ചസാരയുടെ അളവ് കുറക്കും Posted: 04 May 2015 12:42 PM PDT Image:  വാഷിങ്ടണ്‍: ആഹാര നിയന്ത്രണം മൂലം മനസ്സ് മടുത്ത പ്രമേഹ രോഗികള്‍ക്ക് ആശ്വാസം നല്‍കുന്ന വാര്‍ത്തയുമായി പുതിയ കണ്ടത്തെല്‍. പ്രഭാത ഭക്ഷണത്തില്‍ ആവശ്യത്തിന് പ്രോട്ടീന്‍ അടങ്ങിയ വിഭവങ്ങള്‍ ഉള്‍പ്പെടുത്തിയാല്‍ ഭക്ഷണശേഷം രക്തത്തിലെ പഞ്ചസാരയുടെ അളവിലുണ്ടാവുന്ന വര്‍ധന നിയന്ത്രിക്കാമെന്നാണ് കൊളംബിയയിലെ യൂനിവേഴ്സിറ്റി ഓഫ് മിസൂറിയിലെ ഗവേഷകര്‍ പറയുന്നത്. |
| ബാബുവിനെതിരായ ക്വിക് വെരിഫിക്കേഷന്‍: എക്സൈസ് കമീഷണറുടെ മൊഴി രേഖപ്പെടുത്തി Posted: 04 May 2015 12:22 PM PDT Image:  Subtitle: കൂടുതല്‍ ബാറുടമകളെ വിളിച്ചുവരുത്തും തിരുവനന്തപുരം: മന്ത്രി കെ.ബാബുവിനെതിരായ ക്വിക് വെരിഫിക്കേഷന്‍െറ ഭാഗമായി വിജിലന്‍സ് മധ്യമേഖലാ ഡിവൈ.എസ്.പി. എം.എന്‍. രമേശിന്‍െറ നേതൃത്വത്തിലുള്ള അന്വേഷണസംഘം എക്സൈസ് കമീഷണറുടെയും മുന്‍ നികുതി സെക്രട്ടറിയുടെയും മൊഴി രേഖപ്പെടുത്തി. ബാര്‍ ലൈസന്‍സ് ഫീസ് 22 ലക്ഷത്തില്‍ നിന്ന് ഉയര്‍ത്താനുണ്ടായ സാഹചര്യത്തെക്കുറിച്ചാണ് ഇവരോട് ചോദിച്ചത്. |
| ആന്‍ഡി മറെക്ക് ആദ്യ കളിമണ്‍ കോര്‍ട്ട് കിരീടം Posted: 04 May 2015 11:53 AM PDT Image:  മ്യൂണിക്: ബ്രിട്ടീഷ് ടെന്നിസ് താരം ആന്‍ഡി മറെക്ക് കരിയറിലെ ആദ്യ കളിമണ്‍ കോര്‍ട്ട് കിരീടം. മ്യൂണിക് ഓപണിന്‍െറ ഫൈനലില്‍ ജര്‍മനിയുടെ ഫിലിപ് കോല്‍ഷ്രെയ്ബെറെ തോല്‍പിച്ചാണ് മറെ കിരീടം ചൂടിയത്. മൂന്നു മണിക്കൂര്‍ നീണ്ട കടുത്ത പോരാട്ടത്തില്‍ 7^6(7^4), 5^7, 7^6(7^4) സ്കോറിനായിരുന്നു ലോക മൂന്നാം നമ്പര്‍ താരത്തിന്‍െറ ജയം. |
| ബ്ളാസ്റ്റേഴ്സ് മാര്‍ക്വീതാരമാവാന്‍ ജോണ്‍ റീസ് വരുന്നു Posted: 04 May 2015 11:50 AM PDT Image:  കൊച്ചി: വരുന്ന സീസണില്‍ കേരള ബ്ളാസ്റ്റേഴ്സിന്‍െറ മാര്‍ക്വീ താരമായി മുന്‍ ലിവര്‍പൂള്‍ താരം ജോണ്‍ അര്‍നെ റീസ് എത്തിയേക്കും. ഗ്രീസിലെ സൈപ്രസ് ലീഗ് ചാമ്പ്യന്‍ ടീമായ അപോയല്‍ എഫ്.സിക്കുവേണ്ടി പന്തുതട്ടുന്ന റീസുമായി ബ്ളാസ്റ്റേഴ്സ് അധികൃതര്‍ ധാരണയിലത്തെിയതായാണ് റിപ്പോര്‍ട്ട്. പ്രാരംഭ ചര്‍ച്ചകള്‍ പൂര്‍ത്തിയായതായും തുടര്‍നടപടികള്‍ വൈകാതെയുണ്ടാവുമെന്നും ക്ളബുമായി അടുത്ത കേന്ദ്രം പ്രതികരിച്ചു. മുന്‍ നോര്‍വേ ദേശീയ താരമായ റീസ് നീണ്ട ഏഴു സീസണുകളില്‍ ലിവര്‍പൂളിനു വേണ്ടി പന്തുതട്ടിയാണ് പേരെടുത്തത്. 2005ല്‍ ചാമ്പ്യന്‍സ് ലീഗ് ജേതാക്കളായ ടീമില്‍ അംഗം കൂടിയായിരുന്നു പ്രതിരോധത്തിലെ സൂപ്പര്‍താരം. നോര്‍വേക്കുവേണ്ടി 110 മത്സരങ്ങളില്‍ കളിച്ച് 16 ഗോളടിച്ച റീസ് 40 വയസ്സുവരെ കളിക്കുമെന്ന് കഴിഞ്ഞ ദിവസം അഭിമുഖത്തില്‍ പറഞ്ഞിരുന്നു. |
| Posted: 04 May 2015 11:49 AM PDT Image: ,---TINTU-LO.jpg) Subtitle: ആര്‍മിക്ക് ഓവറോള്‍ കിരീടം •അവസാനദിനവും കേരളത്തിന് സ്വര്‍ണമില്ല,ഫെഡറേഷന്‍ കപ്പ് അത്ലറ്റിക് മീറ്റില്‍ കേരളത്തിന് വനിതാ കിരീടം മാത്രം മംഗളൂരു: കരസേനയുടെയും തമിഴ്നാടിന്‍െറയും കരുത്തിന് മുന്നില്‍ കീഴടങ്ങിയ കേരളത്തിന് 19ാമത് ഫെഡറേഷന്‍ കപ്പ് സീനിയര്‍ അത്ലറ്റിക് മീറ്റില്‍ വനിതകളുടെ കിരീടം മാത്രം. 123.5 പോയന്‍റ് നേടിയ ആര്‍മി ആണ് ഓവറോള്‍ കിരീടം ചൂടിയത്. 114 പോയന്‍റുമായി തമിഴ്നാട് രണ്ടാമതായി. 98 പോയന്‍റ് മാത്രം നേടിയ കേരളം നാലാമതാണത്തെിയത്. വനിതകളില്‍ 86 പോയന്‍റുമായാണ് കേരളം കിരീടം നിലനിര്‍ത്തിയത്. 68 പോയന്‍റുള്ള കര്‍ണാടകയാണ് രണ്ടാമത്. ആര്‍മിയുടെ പോയന്‍റ് മുഴുവന്‍ പുരുഷ വിഭാഗത്തിലാണ്. 48 പോയന്‍റുള്ള തമിഴ്നാടാണ് പുരുഷ വിഭാഗത്തില്‍ രണ്ടാമത്. കഴിഞ്ഞ വര്‍ഷം ഓവറോള്‍ കിരീടംചൂടിയ തമിഴ്നാടിന് പിന്നില്‍ കേരളം രണ്ടാം സ്ഥാനത്തായിരുന്നു. റിയോ ഒളിമ്പിക്സ് യോഗ്യത ഉറപ്പാക്കിയ ഹരിയാനയുടെ ഷോട്ട്പുട്ട് താരം ഇന്ദ്രജിത്ത് സിങ് പുരുഷന്മാരിലും സ്പ്രിന്‍റ് ഡബ്ള്‍ നേടിയ ഒഡിഷയുടെ ശ്രബാനി നന്ദ വനിതകളിലും മികച്ചതാരങ്ങളായി. അവസാന ദിനമായ തിങ്കളാഴ്ച കേരളത്തിനായി ഹെപ്റ്റാത്തലണില്‍ ലിക്സി ജോസഫ്, വനിതകളുടെ 400 മീറ്ററില്‍ ആര്‍. അനു, 1500 മീറ്ററില്‍ പി.യു. ചിത്ര എന്നിവര്‍ വെള്ളിയും ഹെപ്റ്റാത്തലണില്‍ ലിക്സിയുടെ ചേച്ചി നിക്സി ജോസഫും വനിതകളുടെ 400 മീറ്ററില്‍ ടിന്‍റു ലൂക്കയും വെങ്കല മെഡലിനുടമകളായി. വനിതകളുടെ 4x 400 മീറ്ററിലും കേരളം വെങ്കലം നേടി. 200 മീറ്ററില്‍ ഒന്നാമതായ ഒഡിഷയുടെ ശ്രബാനി നന്ദ ‘സ്പ്രിന്‍റ് ഡബ്ളിന്’ അര്‍ഹയായി. 1500 മീറ്ററിലെ സ്വര്‍ണത്തോടെ ആര്‍മിയുടെ മലയാളി താരം ജിന്‍സണ്‍ ജോണ്‍സനും ഇരട്ട സ്വര്‍ണം സ്വന്തമായി. വനിതകളുടെ 1500 മീറ്ററില്‍ നാല് മിനിറ്റ് 27.94 സെക്കന്‍ഡിലാണ് കേരളത്തിന്‍െറ പി.യു. ചിത്ര രജതപതക്കമണിഞ്ഞത്. ഹരിയാനയുടെ സുഷമാ ദേവിക്കാണ് സ്വര്‍ണം. പുരുഷന്മാരുടെ 1500 മീറ്ററില്‍ സ്വര്‍ണം നിലനിര്‍ത്തിയാണ് കോഴിക്കോട് സ്വദേശിയായ ആര്‍മിതാരം ജിന്‍സണ്‍ ജോണ്‍സണ്‍ മീറ്റിലെ ഇരട്ടസ്വര്‍ണത്തിലേക്ക് കുതിച്ചത് (സമയം: മൂന്ന് മിനിറ്റ് 46.98 സെക്കന്‍ഡ്). പുരുഷന്മാരുടെ നൂറു മീറ്റര്‍ റിലേയില്‍ മലയാളി താരം ഷമീര്‍ മോന്‍ ഉള്‍പ്പെട്ട ആര്‍മിക്കാണ് സ്വര്‍ണം. 400 മീറ്ററിലും കരസേനക്കാര്‍ ആധിപത്യം നിലനിര്‍ത്തി. ഈയിനത്തില്‍ രണ്ടാം സ്ഥാനം നേടിയത് സചിന്‍ റോബി, ആര്‍.കെ. ജോര്‍ജ്, നോവ നിര്‍മല്‍ ടോം, വി. സജിന്‍ എന്നീ മലയാളികളടങ്ങിയ എയര്‍ഫോഴ്സ് ടീമിനാണ്. പുരുഷന്മാരുടെ 200 മീറ്ററില്‍ ഹരിയാനയുടെ ധരംവീര്‍ സിങ്ങും വനിതകളിലെ ഒന്നാം സ്ഥാനക്കാരി ശ്രബാനി നന്ദയും അവസാനദിനത്തില്‍ ഏഷ്യന്‍ മീറ്റിലേക്ക് യോഗ്യത ഉറപ്പിച്ചു. നേരത്തേ 100 മീറ്ററിലും ശ്രബാനിയായിരുന്നു ജേത്രി. പുരുഷന്മാരുടെ 400 മീറ്ററില്‍ ആര്‍മിയെ പ്രതിനിധാനം ചെയ്ത് തമിഴ്നാട്ടുകാരന്‍ ആരോക്യ രാജീവ് സ്വര്‍ണവും ഏഷ്യന്‍ മീറ്റ് യോഗ്യതയും നേടി. 46.24 സെക്കന്‍ഡിലായിരുന്നു രാജീവ് ഓട്ടം പൂര്‍ത്തിയാക്കിയത്. എയര്‍ഫോഴ്സ് താരമായ പാലക്കാട് ചിറ്റിലഞ്ചേരിക്കാരന്‍ വി. സജിനാണ് വെള്ളി. പുരുഷന്മാരുടെ 10,000 മീറ്ററില്‍ ആര്‍മിയുടെ മലയാളി താരം ടി. ഗോപി മീറ്റിലെ രണ്ടാം വെള്ളിപ്പതക്കമണിഞ്ഞു. 110 മീറ്റര്‍ ഹര്‍ഡ്ല്‍സില്‍ ഒ.എന്‍.ജി.സിയുടെ ദേശീയ റെക്കോഡ് ജേതാവ് സിദ്ധാന്ത് തിങ്കലായ സ്വര്‍ണം നിലനിര്‍ത്തി. 13.92 സെക്കന്‍ഡില്‍ ഫിനിഷ്ചെയ്ത ഈ മഹാരാഷ്ട്രക്കാരന് ഏഷ്യന്‍ മീറ്റിന്‍െറ യോഗ്യത കടക്കാനായില്ല. കേരളത്തിന്‍െറ പിന്‍േറാ മാത്യൂ ആറാമതായി. 100 മീറ്റര്‍ ഹര്‍ഡ്ല്‍സില്‍ തമിഴ്നാടിന്‍െറ ഗായത്രിക്കാണ് സ്വര്‍ണം. 13.67 സെക്കന്‍ഡ് സമയത്തില്‍ ഗംഭീരപ്രകടനം നടത്തിയ ഗായത്രിയും വെള്ളിനേടിയ തമിഴ്നാട്ടുകാരി ദീപികയും വെങ്കലമണിഞ്ഞ ആതിഥേയരുടെ മേഘന ഷെട്ടിയും ഏഷ്യന്‍ മീറ്റിന് അര്‍ഹത സ്വന്തമാക്കി. ആകെ 25 താരങ്ങള്‍ ഏഷ്യന്‍ മീറ്റിന് യോഗ്യത നേടിയിട്ടുണ്ട്. |
| Posted: 04 May 2015 11:40 AM PDT Image:  കൊല്‍ക്കത്ത: സ്വന്തം തട്ടകത്തില്‍ നടന്ന പോരില്‍ കൊല്‍ക്കത്ത നൈറ്റ് റൈഡേഴ്സ് സണ്‍റൈസേഴ്സ് ഹൈദരാബാദിനെ 35 റണ്‍സിന് എറിഞ്ഞൊതുക്കി. കൊല്‍ക്കത്ത മുന്നോട്ടുവെച്ച 168 റണ്‍സ് പിന്തുടര്‍ന്ന ഹൈദരാബാദിന് 20 ഓവറില്‍ ഒമ്പത് വിക്കറ്റ് നഷ്ടത്തില്‍ 132 റണ്‍സെടുക്കാനേ കഴിഞ്ഞുള്ളു. മൊയിസെസ് ഹെന്‍റിക് 41 റണ്‍സെടുത്ത് സന്ദര്‍ശകരുടെ ടോപ് സ്കോറര്‍ ആയെങ്കിലും പിന്തുണ നല്‍കാന്‍ ആരുമുണ്ടായില്ല. എട്ടാം വിക്കറ്റില്‍ 36 റണ്‍സ് ചേര്‍ത്ത കരണ്‍ ശര്‍മ (32) പ്രവീണ്‍ കുമാര്‍ (12) കൂട്ടുകെട്ടാണ് അല്‍പമെങ്കിലും പിടിച്ചുനിന്നത്. രണ്ടു വിക്കറ്റെടുത്ത ഉമേഷ് യാദവ് കളിയിലെ താരമായി.
|
| സൗജന്യ ഇന്‍റര്‍നെറ്റ്: ഓപണ്‍ പ്ളാറ്റ്ഫോമുമായി ഫേസ്ബുക് Posted: 04 May 2015 11:34 AM PDT Image:  മുംബൈ: റിലയന്‍സുമായി ചേര്‍ന്ന് ഫേസ്ബുക് ആരംഭിച്ച സൗജന്യ ഇന്‍റര്‍നെറ്റ് സേവനപദ്ധതിയായ ഇന്‍റര്‍നെറ്റ് ഡോട് ഓര്‍ഗില്‍ ചേരുന്നതിന്, ഓണ്‍ലൈന്‍ ഉള്ളടക്കശേഖരണം, ആപ്ളിക്കേഷന്‍ നിര്‍മാണം എന്നിവയുമായി ബന്ധപ്പെട്ട് പ്രവര്‍ത്തിക്കുന്നവര്‍ക്കായി ഓപണ്‍ പ്ളാറ്റ്ഫോം ആരംഭിച്ചു. ഫീച്ചര്‍ ഫോണുകളിലും സ്മാര്‍ട്ഫോണുകളിലും ഒരുപോലെ ഉള്ളടക്കം ഉപയോഗിക്കാനാകണം, പരിമിതമായ ബാന്‍ഡ്വിഡ്ത്തിലും ബ്രൗസ് ചെയ്യാനാകണം തുടങ്ങിയ മാനദണ്ഡങ്ങള്‍ പാലിക്കുന്നവര്‍ക്കാണ് ഓപണ്‍ പ്ളാറ്റ്്ഫോമില്‍ ചേരാനാവുക. പദ്ധതിയില്‍ ചേരുന്നതിന് വെബ്സൈറ്റുകള്‍ പണം നല്‍കേണ്ടതില്ല. ഡാറ്റ ഉപയോഗിക്കുന്നതിന് ഓപറേറ്റര്‍ നിരക്ക് ഈടാക്കുകയുമില്ല. റിലയന്‍സ് സിംകാര്‍ഡ് ഉപയോഗിക്കുന്നവര്‍ക്ക് ഇന്‍റര്‍നെറ്റ് ഡോട് ഓര്‍ഗ് എന്ന ആപ്ളിക്കേഷന്‍ ഡൗണ്‍ലോഡ് ചെയ്ത് നിശ്ചിത വെബ്സൈറ്റുകള്‍ സൗജന്യമായി ഉപയോഗിക്കാന്‍ കഴിയുന്നതാണ് പദ്ധതി. എന്നാല്‍, ഇന്‍റര്‍നെറ്റ് സമത്വത്തിനെതിരായതിനാല്‍ ഇ-കോമേഴ്സ് സ്ഥാപനങ്ങള്‍ ഉള്‍പ്പെടെ വിവിധ വെബ്സൈറ്റുകള്‍ പദ്ധതിയില്‍നിന്ന് പിന്മാറി. പ്രമുഖ യാത്രാസേവന വെബ്സൈറ്റായ ക്ളിയര്‍ട്രിപ്, ടൈംസ് ഗ്രൂപ്, എന്‍.ഡി.ടി.വി തുടങ്ങിയവയാണ് പിന്മാറിയത്. നെറ്റ് സമത്വവുമായി ബന്ധപ്പെട്ട് ഇന്ത്യയില്‍ നടക്കുന്ന ചര്‍ച്ചകള്‍ അറിഞ്ഞതായും നിരീക്ഷിച്ചുവരുകയാണെന്നും ഇന്‍റര്‍നെറ്റ് ഡോട് ഓര്‍ഗ് വൈസ് പ്രസിഡന്‍റ് ക്രിസ് ഡാനിയേല്‍സ് പറഞ്ഞു. ഇന്‍റര്‍നെറ്റ് സമത്വവും കൂടുതല്‍പേരെ ഇന്‍റര്‍നെറ്റിലത്തെിക്കാന്‍ പ്രോത്സാഹിപ്പിക്കുന്നതും പൊരുത്തപ്പെട്ടു പോകുന്നതാകണമെന്നും അദ്ദേഹം പറഞ്ഞു. ഇന്ത്യ ഉള്‍പ്പെടെ ഒമ്പതു രാജ്യങ്ങളിലാണ് ഫേസ്ബുക് ഇന്‍റര്‍നെറ്റ് ഡോട് ഓര്‍ഗ് ആരംഭിച്ചിരിക്കുന്നത്. |
| മാവോയിസ്റ്റ് നേതാവ് രൂപേഷും സംഘവും പോലീസ് പിടിയില്‍ Posted: 04 May 2015 11:08 AM PDT Image:  കോയമ്പത്തൂര്‍: മാവോവാദി നേതാവ് രൂപേഷ് ഉള്‍പ്പെടെ അഞ്ചംഗ സംഘം കോയമ്പത്തൂരില്‍ അറസ്റ്റിലായി. രൂപേഷ്, ഭാര്യ ഷൈന, മലയാളിയായ അനൂപ്, വീരമണി എന്ന ഈശ്വര്‍, തമിഴ്നാട് സ്വദേശി കണ്ണന്‍ എന്നിവരുള്‍പ്പെടെ അഞ്ചുപേരാണ് പിടിയിലായത്. തിങ്കളാഴ്ച ഉച്ചക്ക് കോയമ്പത്തൂരിനടുത്ത കറുമത്തംപട്ടിക്ക് സമീപം ചായക്കടയില്‍ ഭക്ഷണം കഴിക്കെയാണ് ആന്ധ്ര പൊലീസിലെ നക്സല്‍ സ്ക്വാഡും തമിഴ്നാട് ക്യൂബ്രാഞ്ച് പൊലീസും ചേര്‍ന്ന് പിടികൂടിയത്. പിന്നീട് പീളമേട് പി.എസ്.ജി ഹോസ്പിറ്റലിന് സമീപമുള്ള ക്യൂബ്രാഞ്ച് ഓഫിസില്‍ കൊണ്ടുപോയി ചോദ്യം ചെയ്യുകയായിരുന്നു. അറസ്റ്റ് ആഭ്യന്തര മന്ത്രി രമേശ് ചെന്നിത്തല സ്ഥിരീകരിച്ചു. ഇവരെ ചോദ്യം ചെയ്യാന്‍ അടുത്ത ദിവസം കേരളത്തില്‍ കൊണ്ടുവരുമെന്നും അദ്ദേഹം പറഞ്ഞു. ഡി.ജി.പി കെ.എസ്. ബാലസുബ്രഹ്മണ്യനും സംഭവം സ്ഥിരീകരിച്ചിട്ടുണ്ട്. കോയമ്പത്തൂര്‍ കേന്ദ്രീകരിച്ച് മാവോവാദി അനുഭാവികളായ വിദ്യാര്‍ഥികളെ സംഘടിപ്പിക്കുകയായിരുന്നു സംഘത്തിന്‍െറ ലക്ഷ്യം. ഇതിനായി രഹസ്യയോഗം നടത്താനിരിക്കെയാണ് കസ്റ്റഡിയിലായത്. മാവോ അനുകൂലികളായ വിദ്യാര്‍ഥികളെക്കുറിച്ച് കോയമ്പത്തൂര്‍ സിറ്റി പൊലീസും അന്വേഷിക്കുന്നുണ്ട്. കോയമ്പത്തൂരില്‍നിന്ന് അട്ടപ്പാടിയിലേക്ക് കടക്കാനും പദ്ധതിയിട്ടിരുന്നതായി ചോദ്യം ചെയ്യലില്‍ വ്യക്തമായിട്ടുണ്ട്. അറസ്റ്റ് വിവരമറിഞ്ഞ് തമിഴ്നാട്, ആന്ധ്ര പൊലീസിലെ ഉന്നത ഉദ്യോഗസ്ഥര്‍ കോയമ്പത്തൂരിലത്തെി.
|
| മധ്യപ്രദേശില്‍ ബസ് താഴ്ചയിലേക്ക് മറിഞ്ഞ് തീപിടിച്ച് 35 മരണം Posted: 04 May 2015 07:32 AM PDT Image:  ഭോപ്പാല്‍: മധ്യപ്രദേശിലെ പന്ന ജില്ലയില്‍ബസ് താഴ്ചയിലേക്ക് മറിഞ്ഞ് തീപിടിച്ച് 35പേര് മരിച്ചു. 12 പേര്‍ക്ക് പരിക്കേറ്റു. പാന്ന ജില്ലയിലെ മദ്ല ഘാട്ടിയില്‍ ദേശീയപാത 75ലാണ് അപകടമുണ്ടായത്. പാനയില്‍നിന്നും ഛത്തര്‍പുരിലേക്കു പോയ ബസാണ് അപകടത്തില്‍പ്പെട്ടത്. നിയന്ത്രണംവിട്ട് റോഡരികിലെ കലുങ്ക് ഭിത്തിയില്‍ത്തട്ടി മറിഞ്ഞ ബസ് അഗ്നിക്കിരയാവുകയായിരുന്നു. 15 അടിയോളം താഴ്ചയിലേക്കുവീണ ബസിന്‍െറ ഡീസല്‍ടാങ്ക് പൊട്ടിത്തെറിച്ചാണ് തീപിടിച്ചതെന്നാണ് സൂചന. മരണസംഖ്യ ഇനിയുമുയര്‍ന്നേക്കാമെന്ന് പൊലീസ് പറഞ്ഞു. സംഭവത്തില്‍ ജുഡീഷ്യല്‍ അന്വേഷണത്തിന് ഉത്തരവിട്ട മുഖ്യമന്ത്രി ശിവരാജ് സിങ് ചൗഹാന്‍ മരിച്ചവരുടെ ബന്ധുക്കള്‍ക്ക് രണ്ടു ലക്ഷം രൂപ വീതവും ഗുരുതരപരിക്കേറ്റവര്‍ക്ക് 50,000 രൂപ വീതവും പരിക്കേറ്റ മറ്റുള്ളവര്‍ക്ക് 25,000 രൂപ വീതവും പ്രഖ്യാപിച്ചു. പ്രധാനമന്ത്രി നരേന്ദ്ര മോദി ദുരന്തത്തില്‍ അനുശോചനമറിയിച്ചു.
|
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
No comments:
Post a Comment