‘വിജിലന്‍റ് കേരള’ കൂടുതല്‍ പഞ്ചായത്തുകളിലേക്ക് Madhyamam News Feeds |  |
- ‘വിജിലന്‍റ് കേരള’ കൂടുതല്‍ പഞ്ചായത്തുകളിലേക്ക്
- ഗെയില്‍ പ്രകൃതി വാതക പൈപ്പ്ലൈന്‍: ഭൂമിക്ക് മാര്‍ക്കറ്റ്വില നല്‍കാതെ പദ്ധതി അനുവദിക്കില്ല –ജനപ്രതിനിധികള്‍
- എസ്.ഐയുടെ മര്‍ദനത്തിനിരയായ പൊലീസുകാരന് സസ്പെന്‍ഷനും വകുപ്പുതല നടപടിയും
- ഷീന ബോറ കേസ്: രാകേഷ് മാരിയയെ കമീഷണര്‍ പദവിയില്‍ നിന്ന് നീക്കി
- മോദി നല്‍കുന്നത് വാഗ്ദാനങ്ങള്‍ മാത്രം ^സോണിയ ഗാന്ധി
- വെല്ലുവിളി, അക്രമം: നാടിനെ ഭീതിയിലാഴ്ത്തി രാഷ്ട്രീയ പാര്‍ട്ടികള്‍
- ചന്ദനപുറത്ത് ലോറിയും ടെമ്പോ ട്രാവലറും കൂട്ടിയിടിച്ച് 15 പേര്‍ക്ക് പരിക്ക്
- കണ്ണൂരില്‍ ആര്‍.എസ്.എസ് ^പൊലീസ് ഒത്തുകളിയെന്ന് കോടിയേരി
- മുംബൈയില്‍ താല്‍ക്കാലിക മത്സ്യ-മാംസ നിരോധം
- പ്രതിമ തകര്‍ത്തവരെ വിട്ടയച്ചത് ആര്‍.എസ്.എസ്^പൊലീസ് ഒത്തുകളിയെന്ന് പിണറായി
- കൊണ്ടോട്ടി സി.എച്ച്.സി: താലൂക്ക് ആശുപത്രിയാക്കുമെന്ന മന്ത്രിയുടെ വാക്കിന് ജീവന്‍ വെച്ചില്ല
- ഗുരുദേവ പ്രതിമ തകര്‍ക്കല്‍: മൂന്ന് ആര്‍.എസ്.എസ്. പ്രവര്‍ത്തകര്‍ അറസ്റ്റില്‍
- കുളമ്പുരോഗം: കനത്ത ജാഗ്രതാനിര്‍ദേശം
- വൈക്കം മുഹമ്മദ് ബഷീര്‍ റോഡിലെ മദ്യഷാപ്പ് വിരുദ്ധ അനിശ്ചിതകാല സത്യഗ്രഹം തുടങ്ങി
- പാക്, ബംഗ്ളാദേശ് ന്യൂനപക്ഷ അഭയാര്‍ഥികള്‍ക്ക് ഇന്ത്യയില്‍ തുടരാന്‍ അനുമതി
- എണ്ണ, ബാങ്കിങ് രംഗത്ത് കൂടുതല്‍ വിദേശ സഹകരണത്തിന് ആലോചന
- രക്തസാക്ഷി കുടുംബ കാര്യങ്ങള്‍ക്കായി പ്രത്യേക ഓഫിസ്
- കലയുടെ ദിനരാത്രങ്ങള്‍ക്കായി സമാജം ഒരുങ്ങുന്നു: ബാല കലോത്സവം 22ന് തുടങ്ങും
- ജി.സി.സി രാജ്യങ്ങളില്‍ എണ്ണവില ഏകീകരിക്കാന്‍ ശ്രമം
- അഖില്‍രാജ്: അതിജീവനത്തിന്‍െറ മറ്റൊരു പേര്
- ആളിക്കത്തിക്കാന്‍ ബി.ജെ.പിയും എസ്.എന്‍.ഡി.പിയും; പ്രതിരോധമില്ലാതെ സി.പി.എം
- മാര്‍ത്ത പറയുന്നത്
- ഗ്രീന്‍പീസിനെ തളക്കുന്നത്എന്തിന്?
- ഫൈസാബാദിലെ ഗുംനാമി ബാബ വേഷംമാറിയ നേതാജിയെന്ന്
- കോണ്‍ഗ്രസ് പ്രവര്‍ത്തക സമിതി യോഗം ഇന്ന്
| ‘വിജിലന്‍റ് കേരള’ കൂടുതല്‍ പഞ്ചായത്തുകളിലേക്ക് Posted: 08 Sep 2015 01:29 AM PDT കാസര്‍കോട്: അഴിമതിക്കെതിരെ വിജിലന്‍സ് വകുപ്പ് ആവിഷ്കരിച്ച വിജിലന്‍റ് കേരള പദ്ധതി ജില്ലയില്‍ കൂടുതല്‍ പഞ്ചായത്തുകളിലേക്ക് വ്യാപിപ്പിക്കുന്നു. ജനപങ്കാളിത്തത്തോടെ അഴിമതി തടയുക എന്ന ലക്ഷ്യത്തോടെ ആവിഷ്കരിച്ച സംസ്ഥാന പദ്ധതിക്ക് ജില്ലയില്‍ ലഭിച്ച സ്വീകാര്യതയുടെ അടിസ്ഥാനത്തിലാണ് കൂടുതല്‍ തദ്ദേശ സ്ഥാപനങ്ങളിലേക്ക് വ്യാപിപ്പിക്കാന്‍ തീരുമാനിച്ചത്. വിജയകരമായ നടത്തിപ്പിന് സംസ്ഥാനതലത്തില്‍ ജില്ലക്ക് രണ്ടാം സ്ഥാനം ലഭിച്ചിരുന്നു. കഴിഞ്ഞ സെപ്റ്റംബറിലാണ് എട്ട് ജില്ലകളിലെ 44 പഞ്ചായത്തുകളില്‍ പദ്ധതി ആരംഭിച്ചത്. കാസര്‍കോട് ജില്ലയില്‍ പുല്ലൂര്‍-പെരിയ, പിലിക്കോട്, പൈവളികെ പഞ്ചായത്തുകളിലും കാസര്‍കോട് മുനിസിപ്പാലിറ്റിയിലുമാണ് പൈലറ്റ് പദ്ധതി ആവിഷ്കരിച്ചത്. ജില്ലയില്‍ ഇതുവരെയായി 36 പരാതികളാണ് ഉന്നയിക്കപ്പെട്ടത്. പഞ്ചായത്ത്, വാര്‍ഡ്തലങ്ങളിലെ വിജിലന്‍സ് മോണിറ്ററിങ് കമ്മിറ്റിയും ഡിപ്പാര്‍ട്ട്മെന്‍റ്തല കമ്മിറ്റിയും ചേര്‍ന്നാണ് പദ്ധതി നടപ്പാക്കുന്നത്. വാര്‍ഡ് മെംബര്‍ മുതല്‍ നാട്ടിലെ പ്രമുഖ വ്യക്തികള്‍ അടങ്ങുന്ന സംഘവും ഉണ്ടാകും. തദ്ദേശ സ്ഥാപനങ്ങളുടെ പദ്ധതികള്‍ നിരീക്ഷിച്ച് അഴിമതി തടയുകയാണ് പ്രവര്‍ത്തന രീതി. പദ്ധതി നടപ്പാക്കിയ സ്വയംഭരണ സ്ഥാപനങ്ങളിലെ പ്രവൃത്തികള്‍ സമയബന്ധിതമായി പൂര്‍ത്തിയായി. ഗ്രാമസഭകള്‍ കൃത്യമായി ചേരുകയും അര്‍ഹരായ ഗുണഭോക്താക്കള്‍ക്ക് തന്നെ പദ്ധതിയുടെ പ്രയോജനം ലഭിക്കുകയും ചെയ്യുന്നതും വിജിലന്‍റ് കേരളയുടെ നേട്ടമാണ്. |
| Posted: 08 Sep 2015 01:26 AM PDT കണ്ണൂര്‍: മാര്‍ക്കറ്റ് വിലനല്‍കി ഭൂമി ഏറ്റെടുക്കാന്‍ തയാറായാല്‍ മാത്രമേ ഗെയില്‍ കമ്പനിയുടെ പ്രകൃതി വാതക പൈപ്പ്ലൈന്‍ പദ്ധതി നടപ്പാക്കാന്‍ അനുവദിക്കുകയുള്ളൂവെന്ന് പദ്ധതിയെക്കുറിച്ച് ചര്‍ച്ചചെയ്യാന്‍ ജില്ലാ കലക്ടര്‍ വിളിച്ചു ചേര്‍ത്ത യോഗത്തില്‍ ജനപ്രതിനിധികള്‍ ഒരേ സ്വരത്തില്‍ പറഞ്ഞു. ഗെയില്‍ പ്രതിനിധിയുടെ സാന്നിധ്യത്തിലാണ് നിര്‍ദിഷ്ട പൈപ്പ്ലൈന്‍ കടന്നുപോകുന്ന പ്രദേശങ്ങളിലെ എം.എല്‍.എമാരുടെയും പഞ്ചായത്ത് പ്രസിഡന്‍റുമാരുടെയും യോഗം കലക്ടറേറ്റില്‍ വിളിച്ചു ചേര്‍ത്തത്. |
| എസ്.ഐയുടെ മര്‍ദനത്തിനിരയായ പൊലീസുകാരന് സസ്പെന്‍ഷനും വകുപ്പുതല നടപടിയും Posted: 08 Sep 2015 01:23 AM PDT കൊച്ചി: എറണാകുളം സൗത് പൊലീസ് സ്റ്റേഷനില്‍ എസ്.ഐയുടെ മര്‍ദനമേറ്റ പൊലീസുകാരനെതിരെ വകുപ്പുതല നടപടിയും സസ്പെന്‍ഷനും. സിറ്റി എ.ആര്‍ ക്യാമ്പിലെ സിവില്‍ പൊലീസ് ഓഫിസര്‍ ഷിനോജിനെതിരെയാണ് നടപടി. |
| ഷീന ബോറ കേസ്: രാകേഷ് മാരിയയെ കമീഷണര്‍ പദവിയില്‍ നിന്ന് നീക്കി Posted: 08 Sep 2015 01:17 AM PDT Image:  മുംബൈ: ഷീന ബോറ കൊലക്കേസ് അന്വേഷണത്തിന് നേതൃത്വം നല്‍കുന്ന മുംബൈ പൊലീസ് കമീഷണര്‍ രാകേഷ് മാരിയയെ തല്‍സ്ഥാനത്തു നിന്ന് മാറ്റി. കമീഷണര്‍ പദവിയില്‍ കാലാവധി പൂര്‍ത്തിയാകാന്‍ 22 ദിവസം ബാക്കി നില്‍ക്കെ ചൊവ്വാഴ്ചയാണ് സ്ഥാനക്കയറ്റേത്തോടെ മാരിയയെ മാറ്റിയത്. എ.ഡി.ജി.പി റാങ്കില്‍ നിന്ന് ഡി.ജി.പിയായി ഉയര്‍ത്തി ഹോംഗാര്‍ഡിന്‍െറ നേതൃത്വമാണ് മാരിയക്ക് നല്‍കിയത്. അഹമദ് ജാവേദിനോട് ഇന്നുതന്നെ കമീഷണറായി ചുമതലയേല്‍ക്കാന്‍ സര്‍ക്കാര്‍ നിര്‍ദേശിച്ചു. ഷീന ബോറ കൊലക്കേസ് അന്വേഷണം പരിസമാപ്തിയിലത്തെി നില്‍ക്കെ അപ്രതീക്ഷിതമായാണ് സര്‍ക്കാര്‍ ഉത്തരവ്. കമീഷണര്‍ പദവിയില്‍ കാലാവധി പൂര്‍ത്തിയാക്കും മുമ്പ് ഷീന ബോറ കേസ് അന്വേഷണം പൂര്‍ത്തിയാക്കി കുറ്റപത്രം സമര്‍പ്പിക്കുമെന്നും ഷീന ബോറ കൊലക്കേസിന് അരൂഷി തല്‍വാര്‍ കൊലക്കേസിന്‍െറ വിധി ഉണ്ടാകില്ളെന്നും രാകേഷ് മാരിയ കഴിഞ്ഞ ദിവസം ഒരു പ്രമുഖ ഹിന്ദി പത്രത്തോട് പറഞ്ഞിരുന്നു. ഗണേഷോല്‍സവം ആസന്നമായിരിക്കെയാണ് പെട്ടെന്നുള്ള മാറ്റമെന്നാണ് മഹാരാഷ്ട്ര ആഭ്യന്തര സെക്രട്ടറി കെ.പി ഭക്ഷി പറഞ്ഞത്. ഡി.ജി.പി റാങ്കിന് 2011 ലെ രാകേഷ് മാരിയ യോഗ്യനായിരുന്നുവെന്നും അദ്ദേഹം പറഞ്ഞു. പെട്ടെന്നുള്ള തീരുമാനത്തിന് ഷീന ബോറ കൊലക്കേസുമായി ബന്ധമില്ളെന്നും അദ്ദേഹം അവകാശപ്പെട്ടു. മൂന്ന് വര്‍ഷം മുമ്പ് നടന്ന കൊലപാതകവുമായി ബന്ധപ്പെട്ട് രാകേഷ് മാരിയക്കു ലഭിച്ച രഹസ്യവിവരമാണ് ഷീന ബോറ കൊലക്കേസ് അന്വേഷണത്തിന് വഴിതുറന്നത്. രണ്ട് മാസത്തെ രഹസ്യാന്വേഷണത്തിനും നിരീക്ഷണത്തിനും ശേഷം കഴിഞ്ഞ മാസം 25 നാണ് മാധ്യമ മേധാവിയായിരുന്ന ഇന്ദ്രാണി മുഖര്‍ജിയെ പൊലീസ് അറസ്റ്റ് ചെയ്തത്. ഇന്ദ്രാണി മുന്‍ സ്റ്റാര്‍ ഇന്ത്യാ മേധാവി പീറ്റര്‍ മുഖര്‍ജിയുടെ ഭാര്യയായതിനാല്‍ ഷീന ബോറ കൊലക്കേസ് ലോകശ്രദ്ധ ആകര്‍ഷിക്കുകയും ചെയ്തു. ഷീന ബോറ കൊല്ലപ്പെട്ടതാണെന്നും റായിഗഡിലെ ഗാഗൊഡെ ഖുര്‍ദ് ഗ്രാമത്തില്‍ നിന്ന് കണ്ടെടുത്തത് ഷീന ബോറയുടെ എല്ലുകളാണെന്നും ഫോറന്‍സിക് റിപ്പോര്‍ട്ട് സ്ഥിരീകരിച്ചതിന് തൊട്ടുപിന്നാലെയാണ് മാരിയയുടെ പദവി മാറ്റം. 1981 ലെ ഐ.പി.എസ് ബാച്ചുകരനാണ് മാരിയ. 1993 ലെ മുംബൈ സ്ഫോടന പരമ്പര കേസില്‍ തുമ്പുണ്ടാക്കിയത് മാരിയയാണ്. അന്ന് ട്രാഫിക് ചുമതലയുള്ള ഡെപ്യൂട്ടി കമീഷണറായിരുന്നു അദ്ദേഹം. സ്ഫോടന പരമ്പരയില്‍ ടൈഗര്‍ മേമന്‍െറയും മേമന്‍ കുടുംബത്തിന്‍െറയും പങ്ക് കണ്ടത്തെിയത് മാരിയയാണ്. പിന്നീടാണ് കേസ് സി.ബി.ഐ ഏറ്റെടുക്കുന്നത്. 2008 ലെ മുംബൈ ഭീകരാക്രമണ കേസ് അന്വേഷിച്ചതും മാരിയയാണ്. മുംബൈ ക്രൈംബ്രാഞ്ച്, മഹാരാഷ്ട്ര ഭീകര വിരുദ്ധ സേന എന്നിവയുടെ മേധാവിത്വവും വഹിച്ചിട്ടുണ്ട്. |
| മോദി നല്‍കുന്നത് വാഗ്ദാനങ്ങള്‍ മാത്രം ^സോണിയ ഗാന്ധി Posted: 08 Sep 2015 12:45 AM PDT Image:  ന്യൂഡല്‍ഹി: പ്രധാനമന്ത്രി നരേന്ദ്ര മോദിക്ക് കോണ്‍ഗ്രസ് അധ്യക്ഷ സോണിയ ഗാന്ധിയുടെ രൂക്ഷവിമര്‍ശം. മാധ്യമങ്ങളിലൂടെ വെറും വാഗ്ദാനങ്ങള്‍ മാത്രമാണ് മോദി നല്‍കുന്നതെന്നും സര്‍ക്കാര്‍ യാതൊരു വികസനപ്രവര്‍ത്തനവും നടത്തുന്നില്ളെന്നും അവര്‍ പറഞ്ഞു. ഡല്‍ഹിയില്‍ ചേര്‍ന്ന കോണ്‍ഗ്രസ് പ്രവര്‍ത്തക സമിതിയോഗത്തിലാണ് സോണിയ ഇക്കാര്യം പറഞ്ഞത്. മോദി തെരഞ്ഞെടുപ്പ് പ്രചരണ സമയത്ത് പറഞ്ഞതെല്ലാം പാഴ് വാക്കായിരുന്നു. യാഥാര്‍ഥ്യവുമായി പൊരുത്തപ്പെടാത്ത നടപടികളാണ് സര്‍ക്കാര്‍ സ്വീകരിക്കുന്നത്. ഭൂമി ഏറ്റെടുക്കല്‍ ഭേദഗതി നിയമത്തില്‍ സര്‍ക്കാര്‍ മലക്കം മറിഞ്ഞത് ഇതിന് ഉദാഹരണമാണെന്നും സോണിയ പറഞ്ഞു. ബിഹാര്‍ തിരഞ്ഞെടുപ്പ്, കേന്ദ്രസര്‍ക്കാറിന്‍്റെ നയങ്ങള്‍ക്കെതിരെ സ്വീകരിക്കേണ്ട പ്രക്ഷോഭപരിപാടികള്‍, പാര്‍ട്ടി ഭരണഘടനയില്‍ വരുത്തേണ്ട മാറ്റങ്ങള്‍, അംഗത്വവിതരണം, എന്നിവ ചര്‍ച്ച ചെയ്യുന്നതിനാണ് പ്രവര്‍ത്തകസമിതി യോഗം ചേര്‍ന്നത്. |
| വെല്ലുവിളി, അക്രമം: നാടിനെ ഭീതിയിലാഴ്ത്തി രാഷ്ട്രീയ പാര്‍ട്ടികള്‍ Posted: 08 Sep 2015 12:27 AM PDT ചാരുംമൂട്: സമാധാനജീവിതം നയിച്ചിരുന്ന ജില്ലയുടെ തെക്കുകിഴക്കന്‍ മേഖല ഇപ്പോള്‍ അസ്വസ്ഥതയുടെയും സംഘര്‍ഷാവസ്ഥയുടെയും പിടിയില്‍. സി.പി.എമ്മും ബി.ജെ.പിയും തമ്മിലെ ഏറ്റുമുട്ടല്‍ ആ പാര്‍ട്ടികളില്‍ പ്പെട്ടവര്‍ക്ക് മാത്രമല്ല, പൊതുസമൂഹത്തിലും ഭീതിജനിപ്പിച്ചിരിക്കുന്നു. വെല്ലുവിളിയും അക്രമവും മൂലം ഭീതിയിലാണ് നാട്ടുകാര്‍. |
| ചന്ദനപുറത്ത് ലോറിയും ടെമ്പോ ട്രാവലറും കൂട്ടിയിടിച്ച് 15 പേര്‍ക്ക് പരിക്ക് Posted: 08 Sep 2015 12:18 AM PDT പത്തിരിപ്പാല: സംസ്ഥാന പാതയില്‍ ചന്ദനപുറത്തിന് സമീപം ലോറിയും ടെമ്പോ ട്രാവലറും കൂട്ടിയിടിച്ച് പതിനഞ്ചോളം പേര്‍ക്ക് പരിക്കേറ്റു. പരിക്കേറ്റവരെ വിവിധ ആശുപത്രികളില്‍ പ്രവേശിപ്പിച്ചു. ടെമ്പോ ട്രാവലര്‍ ഡ്രൈവര്‍ പുതുപ്പള്ളിത്തെരുവ് പൂളക്കാട് സ്വദേശികളായ അബ്ബാസ് (38) നസീര്‍, റംലത്ത് (34) നസിയത്ത് (24) സലീന (30) ജാസ്മിന്‍ (30) സുറുമ (28) മുഹമ്മദ് നിഷ (29) നസീറ (30) കദീജ (38) ലോറി ഡ്രൈവര്‍ തേനി കമ്പം സ്വദേശികളായ നന്ദഗോപാലന്‍, ക്ളീനര്‍ ആദീശ്വരന്‍, ടെമ്പോ ട്രാവലര്‍ യാത്രക്കാരായ മുഹമ്മദലി, സമീന (27) എന്നിവര്‍ക്കാണ് പരിക്കേറ്റത്. |
| കണ്ണൂരില്‍ ആര്‍.എസ്.എസ് ^പൊലീസ് ഒത്തുകളിയെന്ന് കോടിയേരി Posted: 08 Sep 2015 12:10 AM PDT Image:  തിരുവനന്തപുരം: കണ്ണൂരില്‍ ആര്‍.എസ്.എസ് ^പൊലീസ് ഒത്തുകളിയെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്. തലശ്ശേരിയില്‍ ഗുരുദേവ പ്രതിമ തകര്‍ത്ത ആര്‍.എസ്.എസുകാര്‍ക്ക് പൊലീസ് സ്റ്റേഷനില്‍വെച്ചു തന്നെ ജാമ്യം നല്‍കി വിട്ടയച്ച നടപടി സര്‍ക്കാരും ആര്‍.എസ്.എസും തമ്മിലുള്ള ഒത്തുകളിയുടെ ഉദാഹരണമാണെന്നും അദ്ദേഹം കൂട്ടിച്ചേര്‍ത്തു. ശ്രീനാരായണ ഗുരുവിന്‍്റെ പ്രതിമ തകര്‍ത്ത് കലാപം സൃഷ്ടിക്കാനായിരുന്നു ആര്‍.എസ്.എസ് ലക്ഷ്യം. ഇവര്‍ക്കെതിരെ കേസെടുക്കാതെ പൊലീസ് സ്റ്റേഷനില്‍ ഹാജരാക്കി പത്തുമിനുട്ടുകൊണ്ട് ജാമ്യം നല്‍കി വിട്ടയക്കുകയാണുണ്ടായതെന്നും കോടിയേരി പ്രസ്താവനയില്‍ ആരോപിച്ചു. കേരളത്തില്‍ ആര്‍.എസ്.എസിന് അഴിഞ്ഞാടാനും സാമുദായിക സംഘര്‍ഷങ്ങള്‍ സൃഷ്ടിക്കുന്നതിനും എല്ലാ ഒത്താശയും ചെയ്തുകൊടുക്കുകയാണ് യു.ഡി.എഫ് സര്‍ക്കാര്‍. കേരളത്തിന്‍റെ മഹത്തായ മതേതര പാരമ്പര്യത്തെ തകര്‍ക്കുന്ന വിധം വര്‍ഗീയശക്തികള്‍ക്ക് അഴിഞ്ഞാടാന്‍ കേരളത്തെ വിട്ടുകൊടുക്കാനുള്ള നീക്കം ഒരു കാരണവശാലും അംഗീകരിക്കാനാവില്ളെന്നും അദ്ദേഹം വ്യക്തമാക്കി. പ്രവീണ്‍ തൊഗാഡിയക്കെതിരെയുള്ള കേസ് നേരത്തെ തന്നെ മുഖ്യമന്ത്രി ഉമ്മന്‍ചാണ്ടി ഇടപെട്ട് പിന്‍വലിച്ചിരുന്നു.എം.ജി. കോളേജില്‍ ആര്‍.എസ്.എസുകാര്‍ പൊലീസ് ഉദ്യോഗസ്ഥനെ ബോംബെറിഞ്ഞ് കൊലപ്പെടുത്താന്‍ ശ്രമിച്ച കേസും മുന്‍ ചീഫ് സെക്രട്ടറി സി.പി. നായരെ കൊലപ്പെടുത്താന്‍ ശ്രമിച്ച കേസും പിന്‍വലിച്ചുകൊണ്ട് ആര്‍.എസ്.എസുകാരെ സംരക്ഷിക്കുന്ന നിലപാടാണ് മുഖ്യമന്ത്രി സ്വീകരിച്ചതെന്നും കോടിയേരി പറഞ്ഞു. |
| മുംബൈയില്‍ താല്‍ക്കാലിക മത്സ്യ-മാംസ നിരോധം Posted: 07 Sep 2015 11:25 PM PDT Image:  മുംബൈ: മാട്ടിറച്ചി നിരോധത്തിന് പിന്നാലെ താനെയിലെ മിരാ-ഭയന്ദര്‍ കോര്‍പറേഷനില്‍ താല്‍ക്കാലികമായി മീനും ഇറച്ചിയും നിരോധിച്ചു. ജൈന മതക്കാരുടെ ഉത്സവം പ്രമാണിച്ചാണ് ബി.ജെ.പി ഭരിക്കുന്ന കോര്‍പ്പറേഷനില്‍ മീനും ഇറച്ചിയും വില്‍ക്കുന്നതിനും മൃഗങ്ങളെ അറുക്കുന്നതിനും നിരോധമേര്‍പ്പെടുത്തിയിരിക്കുന്നത്. സെപ്തംബര്‍ 10 മുതല്‍ 18വരെ എട്ടു ദിവസത്തേക്കാണ് നിരോധം. കഴിഞ്ഞ വര്‍ഷം ജൈന മതക്കാരുടെ ഉപവാസ ഉത്സവമായ പിയുര്‍ഷാന്‍ സമയത്ത് രണ്ട് ദിവസത്തേക്ക് നിരോധം ഏര്‍പ്പെടുത്തിയിരുന്നു. ഇത്തവണ ഇത് 8 ദിവസമായി ദീര്‍ഘിപ്പിച്ചതോടെ മുംബൈയിലെ മത്സ്യ-ഇറച്ചി വ്യാപാരികള്‍ പ്രതിസന്ധിയിലായി. എന്നാല്‍ 18 ദിവസത്തേക്ക് നിരോധമേര്‍പ്പെടുത്താനായിരുന്നു നേരത്തേ തീരുമാനിച്ചിരുന്നതെന്നും ബക്രീദ് പ്രമാണിച്ച് ദിവസങ്ങള്‍ വെട്ടിക്കുറക്കുകയായിരുന്നെന്ന് മേയര്‍ ഗീതാജെയിന്‍ വിശദീകരിച്ചു. നിരോധ നീക്കത്തിനെതിരെ ബി.ജെ.പിയുടെ സഖ്യകക്ഷിയായ ശിവസേന അടക്കമുള്ള പാര്‍ട്ടികള്‍ രംഗത്തത്തെിയിട്ടുണ്ട്. നഗരത്തില്‍ പല തരത്തിലുള്ള ആളുകള്‍ താമസിക്കുന്നുണ്ട്. കോര്‍പ്പറേഷനോ ഏതെങ്കിലും സമുദായമോ അല്ല മറ്റുള്ളവര്‍ എന്ത് ഭക്ഷിക്കണമെന്ന് തീരുമാനിക്കുന്നത് എന്ന് ശിവസേന വ്യക്തമാക്കി. ഒരു പ്രത്യേക സമുദായത്തെ പ്രീണിപ്പിക്കാനാണ് ബി.ജെ.പി നിരോധം ഏര്‍പ്പെടുത്തുന്നത് എന്നും ഇതിനു പിന്നില്‍ രാഷ്ട്രീയ ലക്ഷ്യങ്ങളുണ്ട് എന്ന് മഹാരാഷ്ട്ര നവ നിര്‍മാണ്‍ സേനയും ആരോപിച്ചു. വിഷയത്തില്‍ വോട്ടെടുപ്പ് നടന്നപ്പോള്‍ വിട്ടുനിന്നതിന് കാരണം കാണിക്കണമെന്നാവശ്യപ്പെട്ട് നാല് കൗണ്‍സിലര്‍മാര്‍ക്ക് ശിവസേന നോട്ടീസ് നല്‍കിയിട്ടുണ്ട്. 2011ലെ സെന്‍സസ് അനുസരിച്ച്് മിര-ഭയന്ദര്‍ മുനിസിപ്പാലിറ്റിയില്‍ 8.5 ലക്ഷം ജനങ്ങളാണുള്ളത്. ഇതില്‍ 1.25 ലക്ഷം പേര് ജൈനരാണ്. |
| പ്രതിമ തകര്‍ത്തവരെ വിട്ടയച്ചത് ആര്‍.എസ്.എസ്^പൊലീസ് ഒത്തുകളിയെന്ന് പിണറായി Posted: 07 Sep 2015 11:25 PM PDT Image:  തലശ്ശേരി: നങ്ങാറത്ത് പീടികയില്‍ ശ്രീനാരായണ ഗുരുവിന്റെ പ്രതിമ തകര്‍ത്ത മൂന്നു ആര്‍.എസ്.എസുകാരെ സ്റ്റേഷന്‍ ജാമ്യത്തില്‍ വിട്ടയച്ചത് ആര്‍.എസ്.എസ് പോലീസ് ബന്ധത്തിന് തെളിവെന്ന് സിപി.എം പൊളിറ്റ് ബ്യൂറോ അംഗം പിണറായി വിജയന്‍. അക്രമികളെ ജയിലില്‍ അടക്കുന്നതിനു പകരം ആര്‍ എസ്.എസും പൊലീസും ഒത്തു കളിക്കുകയാണുണ്ടായതെന്നും പിണറായി കൂട്ടിച്ചേര്‍ത്തു. ഫേസ്ബുക്കിലൂടെയാണ് പിണറായി ഇക്കാര്യം പറഞ്ഞത്. നാട്ടില്‍ ബോധപൂര്‍വം കുഴപ്പം സൃഷ്ടിക്കാനാണ് ആര്‍.എസ്.എസ് ശ്രമിക്കുന്നത്. ശ്രീനാരായണ ദര്‍ശനത്തെ കുരിശിലേറ്റാനുള്ള പ്രതിലോമ ശക്തികളുടെ ശ്രമം തുറന്നുകാണിക്കാന്‍ ശ്രമിച്ച നിശ്ചല ദൃശ്യം കണ്ടു കലി തുള്ളിയവര്‍ ആര്‍.എസ്.എസ് പ്രതിമ തകര്‍ത്ത് കുപ്പയിലെറിഞ്ഞതിനെക്കുറിച്ചു മിണ്ടിയില്ളെന്നും പിണറായി ചൂണ്ടിക്കാട്ടി. കണ്ണൂരില്‍ ആര്‍.എസ്.എസ് പൊലീസ് ഒത്തുകളിയെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണനും ആരോപിച്ചു. മുഖ്യമന്ത്രി ഉമ്മന്‍ ചാണ്ടിയും ആര്‍.എസ്.എസും തമ്മിലുള്ള ഗൂഢാലോചനയാണ് ഇതിന് പിന്നിലെന്നും അദ്ദേഹം കൂട്ടിച്ചേര്‍ത്തു.
|
| കൊണ്ടോട്ടി സി.എച്ച്.സി: താലൂക്ക് ആശുപത്രിയാക്കുമെന്ന മന്ത്രിയുടെ വാക്കിന് ജീവന്‍ വെച്ചില്ല Posted: 07 Sep 2015 11:16 PM PDT കൊണ്ടോട്ടി: നിയമസഭയില്‍ മന്ത്രി നല്‍കിയ വാക്കിന് മാസങ്ങള്‍ കഴിഞ്ഞിട്ടും ജീവന്‍ വെച്ചില്ല. കൊണ്ടോട്ടി സി.എച്ച്.സിയെ താലൂക്ക് ആശുപത്രിയാക്കി ഉയര്‍ത്തുമെന്ന മന്ത്രിയുടെ പ്രഖ്യാപനമാണ് നിയമസഭയുടെ പുറം കാണാതെ കിടക്കുന്നത്. ദിനംപ്രതി നൂറുകണക്കിന് രോഗികളത്തെുന്ന സി.എച്ച്.സി കരിപ്പൂര്‍ വിമാനത്താവളത്തിന്‍െറയും സംസ്ഥാന ഹജ്ജ് ഹൗസിന്‍െറയും റഫറല്‍ ആശുപത്രിയാണ്. |
| ഗുരുദേവ പ്രതിമ തകര്‍ക്കല്‍: മൂന്ന് ആര്‍.എസ്.എസ്. പ്രവര്‍ത്തകര്‍ അറസ്റ്റില്‍ Posted: 07 Sep 2015 11:09 PM PDT Image:  കണ്ണൂര്‍: കണ്ണൂര്‍ നങ്ങാറത്ത് പീടികയില്‍ ഗുരുദേവ പ്രതിമ തകര്‍ത്ത സംഭവത്തില്‍ മൂന്ന് ആര്‍.എസ്.എസ് പ്രവര്‍ത്തകരെ പൊലീസ് അറസ്റ്റ് ചെയ്തു. വൈശാഖ്, റിഗില്‍,പ്രശോഭ് എന്നിവരെയാണ് ന്യൂമാഹി പൊലീസ് അറസ്റ്റ് ചെയ്തത്. തിങ്കളാഴ്ച വൈകീട്ട് അറസ്റ്റ് ചെയ്ത ഇവരെ പിന്നീട് ജാമ്യത്തില്‍ വിട്ടയച്ചു. കേസില്‍ അറസ്റ്റ് ചെയ്ത മൂന്നുപേരുള്‍പ്പെടെ 10 പേര്‍ക്കെതിരെ പൊലീസ് കേസ് രജിസ്റ്റര്‍ ചെയ്തിട്ടുണ്ട്. ശ്രീകൃഷ്ണജയന്തി ദിനത്തില്‍ സി.പി.എം നടത്തിയ ഘോഷയാത്രക്കിടെ ശ്രീനാരായണഗുരുവിനെ അപമാനിച്ചു എന്നാരോപിച്ച് ഇന്ന് കണ്ണൂര്‍ ജില്ലയില്‍ ബി.ജെ.പി കരിദിനം ആചരിക്കുകയാണ്. ഗുരുനിന്ദക്കെതിരെ എല്ലാ പഞ്ചായത്ത് കേന്ദ്രങ്ങളിലും ഇന്ന് വൈകീട്ട് ബി.ജെ.പി പ്രതിഷേധപ്രകടനങ്ങള്‍ നടത്തും.
|
| കുളമ്പുരോഗം: കനത്ത ജാഗ്രതാനിര്‍ദേശം Posted: 07 Sep 2015 11:06 PM PDT കല്‍പറ്റ: നെന്‍മേനി, നൂല്‍പ്പുഴ പഞ്ചായത്തുകളില്‍ കുളമ്പുരോഗം സ്ഥിരീകരിച്ചതോടെ കര്‍ഷകര്‍ ആശങ്കയില്‍. ക്ഷീരകര്‍ഷകര്‍ക്കായി മൃഗസംരക്ഷണവകുപ്പ് ജാഗ്രതാ നിര്‍ദേശങ്ങള്‍ പുറപ്പെടുവിച്ചു. |
| വൈക്കം മുഹമ്മദ് ബഷീര്‍ റോഡിലെ മദ്യഷാപ്പ് വിരുദ്ധ അനിശ്ചിതകാല സത്യഗ്രഹം തുടങ്ങി Posted: 07 Sep 2015 10:56 PM PDT കോഴിക്കോട്: വൈക്കം മുഹമ്മദ് ബഷീര്‍ റോഡിലെ സര്‍ക്കാറിന്‍െറ ബിവറേജസ് ഒൗട്ട്ലറ്റ് അടച്ചുപൂട്ടണമെന്നാവശ്യപ്പെട്ട് കേരള മദ്യനിരോധന സമിതി ജില്ലാ കമ്മിറ്റിയുടെ ആഭിമുഖ്യത്തില്‍ അനിശ്ചിതകാല സായാഹ്ന സത്യഗ്രഹം സെന്‍ട്രല്‍ ലൈബ്രറിക്ക് സമീപം തുടങ്ങി. സായാഹ്ന സത്യഗ്രഹം കവി പി.പി. ശ്രീധരനുണ്ണി ഉദ്ഘാടനം ചെയ്തു. ഭരണാധികാരികള്‍ വാചകക്കസര്‍ത്ത് അവസാനിപ്പിച്ച് മദ്യത്തിനെതിരെ സത്യസന്ധമായ നിലപാട് സ്വീകരിക്കണമെന്ന് അദ്ദേഹം ആവശ്യപ്പെട്ടു. വൈക്കം മുഹമ്മദ് ബഷീര്‍ റോഡില്‍ മദ്യശാലയുള്ളതിനാല്‍ അവിടെ എന്താണ് സംഭവിക്കുന്നതെന്ന് എല്ലാവര്‍ക്കും അറിയാം. മദ്യത്തിനെതിരെ മഹാത്മാഗാന്ധിയെപ്പോലുള്ളവര്‍ ചൂണ്ടിക്കാണിച്ച നിലപാടുകള്‍ അധികാരികള്‍ പിന്തുടരണമെന്നും അദ്ദേഹം പറഞ്ഞു. |
| പാക്, ബംഗ്ളാദേശ് ന്യൂനപക്ഷ അഭയാര്‍ഥികള്‍ക്ക് ഇന്ത്യയില്‍ തുടരാന്‍ അനുമതി Posted: 07 Sep 2015 10:54 PM PDT Image:  ന്യൂഡല്‍ഹി: പാകിസ്താനിലും ബംഗ്ളദേശിലും നിന്ന് ന്യൂനപക്ഷ അഭയാര്‍ഥികളായി ഇന്ത്യയില്‍ എത്തിയവര്‍ക്ക് വിസ കാലാവധി തീര്‍ന്നാലും വ്യക്തമായ രേഖകളില്ളെങ്കിലും ഇന്ത്യയില്‍ തുടരാന്‍ അനുമതി. മാനുഷിക പരിഗണനവച്ചാണു കേന്ദ്രസര്‍ക്കാര്‍ തീരുമാനം എടുത്തതെന്ന് ആഭ്യന്തരമന്ത്രാലയം അറിയിച്ചു. 2014 ഡിസംബര്‍ 31നു മുന്‍പ് ഇന്ത്യയില്‍ വന്നവര്‍ക്കാണ് ഇളവ്. പാക്കിസ്ഥാന്‍, ബംഗ്ളദേശ്, അഫ്ഗാനിസ്ഥാന്‍ എന്നിവിടങ്ങളില്‍നിന്ന് ഇന്ത്യയില്‍ എത്തി ഇവിടെ കഴിയുന്നതു രണ്ടുലക്ഷത്തോളം ഹിന്ദുക്കളും സിഖുകാരുമാണ്.ഇവര്‍ക്ക് ഇന്ത്യന്‍ പൗരത്വം നല്‍കാനും സര്‍ക്കാര്‍ ആലോചിക്കുന്നുണ്ട്. പൗരത്വ നിയമത്തില്‍ ഭേദഗതി വരുത്താനാണ് കേന്ദ്രസര്‍ക്കാര്‍ ആലോചിക്കുന്നത്. മധ്യപ്രദേശില്‍ കഴിയുന്ന 19,000 വിദേശ അഭയാര്‍ഥികള്‍ക്ക് നീണ്ട കാലാവധിയുള്ള വിസ അനുവദിച്ച് കഴിഞ്ഞ വര്‍ഷം മേയില്‍ കേന്ദ്രസര്‍ക്കാര്‍ ഉത്തരവിറക്കിയിരുന്നു. രാജസ്ഥാനില്‍ 11,000വും ഗുജറാത്തില്‍ 4000വും നീണ്ട കാലാവധിയുള്ള വിസകള്‍ കേന്ദ്രം അനുവദിച്ചുണ്ട്. |
| എണ്ണ, ബാങ്കിങ് രംഗത്ത് കൂടുതല്‍ വിദേശ സഹകരണത്തിന് ആലോചന Posted: 07 Sep 2015 10:31 PM PDT Image:  റിയാദ്: എണ്ണ, ബാങ്കിങ് രംഗത്ത് കൂടുതല്‍ വിദേശ സഹകരണം ആകര്‍ഷിക്കാന്‍ സൗദി ആലോചിക്കുന്നു. സര്‍ക്കാര്‍ ഉടമസ്ഥതയിലുള്ള എണ്ണ കമ്പനിയായ സൗദി അരാംകോയില്‍ എണ്ണ ശുദ്ധീകരണം, വിതരണം, അനുബന്ധ സേവനങ്ങള്‍ എന്നീ മേഖലകളില്‍ വിദേശ സഹകരണത്തോടെ പുതിയ പദ്ധതികള്‍ ആരംഭിക്കാനാണ് ശ്രമം. സല്‍മാന്‍ രാജാവിനൊപ്പം അമേരിക്കന്‍ സന്ദര്‍ശനത്തിനത്തെിയ രണ്ടാം കിരീടാവകാശി അമീര്‍ മുഹമ്മദ് ബിന്‍ സല്‍മാന്‍ കഴിഞ്ഞ ദിവസം യു.എസ് വ്യാപാര പ്രമുഖരുമായി നടത്തിയ ചര്‍ച്ചയില്‍ ഇതുസംബന്ധിച്ച സൂചന നല്‍കി. കൂടുതല്‍ വിദേശ ബാങ്കുകളേയും രാജ്യത്തേക്ക് ക്ഷണിച്ചിട്ടുണ്ട്. സെന്‍ട്രല്‍ ബാങ്ക് പരിമിതപ്പെടുത്തിയ ഉയര്‍ന്ന ക്രെഡിറ്റ് പരിധിക്കുള്ളില്‍ നിന്നാണ് നിലവിലുള്ള ബാങ്കുകള്‍ സൗദിയില്‍ പ്രവര്‍ത്തിക്കുന്നത്. എന്നാല്‍, വ്യക്തിഗത, ചെറുകിട കമ്പനികള്‍ക്കുള്ള ബാങ്കിങ് സേവനങ്ങളിലാണ് പുതിയ സാധ്യതകള്‍ തുറക്കുന്നത്. രാജ്യത്തേക്ക് പുതുതായി കടന്നുവരുന്ന യു.എസ് ബാങ്കുകള്‍ക്ക് വരുന്ന അഞ്ചു മുതല്‍ പത്തു വര്‍ഷത്തേക്ക് 150 ശതകോടി ഡോളറിന്‍െറ വിപണി വിഹിതം ലഭിക്കുമെന്നാണ് കണക്കുകൂട്ടുന്നത്. അതിനിടെ, റീട്ടെയ്ല്‍ രംഗത്ത് നൂറുശതമാനം വിദേശ നിക്ഷേപം അനുവദിക്കാനും തീരുമാനിച്ചിട്ടുണ്ട്. രാജ്യാന്തര എണ്ണ വിപണിയില്‍ അടുത്തിടെ സംഭവിച്ച വിലയിടിവിനെ തുടര്‍ന്നുണ്ടായ വരുമാന ചോര്‍ച്ച പരിഹരിക്കുന്നതിന്‍െറ ഭാഗമായാണ് സൗദി വാണിജ്യ രംഗത്ത് ദൂരവ്യാപക മാറ്റങ്ങള്‍ക്ക് വഴിവെക്കുന്ന നീക്കം. നിലവില്‍ 75 ശതമാനമാണ് വിദേശ നിക്ഷേപ പരിധി. സല്‍മാന്‍ രാജാവിന്‍െറ അമേരിക്കന്‍ സന്ദര്‍ശനത്തിനിടെ യു.എസ് വ്യാപാര പ്രമുഖരുമായി നടന്ന കൂടിക്കാഴ്ചയില്‍ സൗദി അറേബ്യന്‍ ജനറല്‍ ഇന്‍വെസ്റ്റ്മെന്‍റ് അതോറിറ്റി (സാഗിയ) അധികൃതരാണ് ഇക്കാര്യം വെളിപ്പെടുത്തിയത്. സോപാധികമായ നിക്ഷേപമാണ് ക്ഷണിക്കുന്നത്. ഉപാധികളും വ്യവസ്ഥകളും പിന്നീട് പുറത്തുവിടും. വന്‍ നിക്ഷേപ ശേഷിയുള്ള രാജ്യാന്തര കമ്പനികളെ രാജ്യത്തേക്ക് ആകര്‍ഷിക്കുകയെന്നതാണ് നീക്കത്തിന്‍െറ പ്രാഥമിക ലക്ഷ്യം. നിക്ഷേപം വരുന്നതിനൊപ്പം സൗദി പൗരന്‍മാര്‍ക്കുള്ള വെള്ളക്കോളര്‍ തൊഴില്‍ സാധ്യതകള്‍ വര്‍ധിപ്പിക്കുകയെന്നതും ഉദ്ദേശ്യങ്ങളില്‍ പെടുന്നു. നിക്ഷേപ നിയമങ്ങളും നിക്ഷേപകര്‍ക്കുള്ള വിസ നിയന്ത്രണങ്ങളും മാറ്റുന്നതിനുള്ള നടപടികളിലാണ് ‘സാഗിയ’ ഇപ്പോള്‍ ശ്രദ്ധയൂന്നുന്നത്. |
| രക്തസാക്ഷി കുടുംബ കാര്യങ്ങള്‍ക്കായി പ്രത്യേക ഓഫിസ് Posted: 07 Sep 2015 10:04 PM PDT Image:  Subtitle: സൈനികരുടെ സ്മരണക്കായി മ്യൂസിയം പണിയും അബൂദബി: യമനില്‍ രക്തസാക്ഷികളായ സൈനികരുടെ കുടുംബങ്ങളുമായി ബന്ധപ്പെട്ട കാര്യങ്ങള്‍ കൈകാര്യം ചെയ്യാന്‍ അബൂദബി കിരീടാവകാശിയുടെ കോടതില്‍ പ്രത്യേക ഓഫിസ് തുറന്നു. അബൂദബി കിരീടാവകാശിയും യു.എ.ഇ സായുധസേനയുടെ ഡെപ്യൂട്ടി സുപ്രീം കമാന്‍ഡറുമായ ശൈഖ് മുഹമ്മദ് ബിന്‍ സായിദ് ആല്‍ നഹ്യാനാണ് ഇതുസംബന്ധിച്ച ഉത്തരവ് പുറത്തിറക്കിയത്. അതേസമയം, സൈനികരുടെ മരണത്തില്‍ അനുശോചന പ്രവാഹം തുടരുകയാണ്. മൂന്ന് ദിവസത്തെ ഒൗദ്യോഗിക ദുഃഖാചരണം തിങ്കളാഴ്ച അവസാനിച്ചു. ഭരണാധികാരികള്‍ തിങ്കളാഴ്ചയും മരണമടഞ്ഞ സൈനികരുടെ വീടുകളില്‍ ആശ്വാസ വാക്കുകളുമായത്തെി. മരണപ്പെട്ട ഒരു സൈനികന്‍െറ കൂടി മൃതദേഹം തിങ്കളാഴ്ച രാജ്യത്തത്തെിച്ചു. മരണപ്പെട്ട സൈനികരുടെ കുടുംബങ്ങളുടെ എല്ലാ കാര്യങ്ങളും പ്രത്യേക ഓഫിസ് ഏറ്റെടുക്കും. കുടുംബാംഗങ്ങളുടെയും മക്കളുടെയും മറ്റ് സര്‍ക്കാര്‍ വകുപ്പുകളുമായി ബന്ധപ്പെട്ട ആവശ്യങ്ങള്‍ പൂര്‍ത്തീകരിക്കാനും ഓഫിസ് മുന്‍കൈയെടുക്കും. ജീവന്‍ ബലിനല്‍കിയ സൈനികരെ രാജ്യം ഏറ്റെടുക്കുന്നുവെന്ന് തെളിയിക്കുന്നതാണ് ഓഫിസ് രൂപവത്കരിക്കാന്‍ തീരുമാനിച്ച നടപടിയെന്ന് അധികൃതര്‍ വിശദീകരിച്ചു. രക്തസാക്ഷികളായ സൈനികരെ അനുസ്മരിക്കാന്‍ മ്യൂസിയം നിര്‍മിക്കുമെന്ന് നാഷണല്‍ ആര്‍ക്കൈവ്സ് അറിയിച്ചു. നവംബര്‍ 30ന് പൊതുഅവധിയും പ്രഖ്യാപിച്ചിട്ടുണ്ടെന്ന് ഉപപ്രധാനമന്ത്രിയും പ്രസിഡന്‍ഷ്യല്‍കാര്യ മന്ത്രിയുമായ ശൈഖ് മന്‍സൂര്‍ ബിന്‍ സായിദ് ആല്‍ നഹ്യാന്‍ പറഞ്ഞു. രക്തസാക്ഷികളായ ഓരോ സൈനികരുടെയും ജീവചരിത്രവും മറ്റ് വിവരങ്ങളും രേഖപ്പെടുത്തി പ്രദര്‍ശിപ്പിക്കും. നാഷണല്‍ ആര്‍ക്കൈവ്സില്‍ സൂക്ഷിക്കുകയും ചെയ്യും. ഇതിനുള്ള നടപടികള്‍ തുടങ്ങിക്കഴിഞ്ഞതായി നാഷണല്‍ ആര്‍ക്കൈവ്സ് ഡയറക്ടര്‍ ജനറല്‍ ഡോ. അബ്ദുല്ല മുഹമ്മദ് അല്‍ റായിസ് പറഞ്ഞു. മരിച്ച സൈനികരുടെ സ്മരണക്കായി പള്ളി നിര്‍മിക്കാന്‍ ദുബൈ കസ്റ്റംസും തീരുമാനിച്ചു. ‘രക്തസാക്ഷികളുടെ പള്ളി’ എന്ന പേരിലായിരിക്കും ഇത് അറിയപ്പെടുക. ദുബൈ കസ്റ്റംസ് ജീവനക്കാരില്‍ നിന്ന് പിരിവെടുത്ത് ലഭിക്കുന്ന പണം കൊണ്ടാണ് ഇത് യാഥാര്‍ഥ്യമാക്കുക. ദുബൈ കസ്റ്റംസ് ഓഫിസിലെ ഏറ്റവും വലിയ ഹാളിന് ‘രക്തസാക്ഷികളുടെ ഹാള്‍’ എന്ന് പുനര്‍നാമകരണം ചെയ്തിട്ടുമുണ്ട്. |
| കലയുടെ ദിനരാത്രങ്ങള്‍ക്കായി സമാജം ഒരുങ്ങുന്നു: ബാല കലോത്സവം 22ന് തുടങ്ങും Posted: 07 Sep 2015 09:49 PM PDT Image:  മനാമ: ബഹ്റൈനിലെ മലയാളി ബാലികാ-ബാലന്‍മാര്‍ മാറ്റുരക്കുന്ന ഏറ്റവും വലിയ കലാ-സാഹിത്യോത്സവമായ കേരളീയ സമാജം ‘ദേവ്ജി ബാലകലോത്സവം’ ഈ മാസം 22ന് തുടങ്ങുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു. കലോത്സവത്തില്‍ കഴിഞ്ഞ ഏതാനും വര്‍ഷങ്ങളായി സമാജം അംഗങ്ങളല്ലാത്തവരുടെ കുട്ടികള്‍ക്കും അവസരം നല്‍കുന്നുണ്ട്. അത് ഇത്തവണയും തുടരുമെന്ന് പ്രസിഡന്‍റ് വര്‍ഗീസ് കാരക്കല്‍, ജനറല്‍ സെക്രട്ടറി വി.കെ പവിത്രന്‍ എന്നിവര്‍ പറഞ്ഞു. കേരളത്തിലെ സ്കൂള്‍ യുവജനോത്സവ മാനദണ്ഡമനുസരിച്ചാണ് ഇവിടെയും മത്സരങ്ങള്‍ സംഘടിപ്പിക്കുന്നത്. ഓണ്‍ലൈന്‍ ആയാണ് ഈ വര്‍ഷം കലോത്സവത്തിനുള്ള അപേക്ഷകള്‍ സ്വീകരിക്കുന്നത്. www.bksbahrain.com എന്ന വെബ്സൈറ്റില്‍ ഓണ്‍ലൈന്‍ അപേക്ഷകള്‍ നല്‍കാവുന്നതാണ്. . ഇതിനു പ്രയാസമുള്ളവരെ സഹായിക്കുന്നതിനായി സമാജത്തില്‍ എല്ലാ ദിവസവും രാത്രി 7മുതല്‍ 10 മണി വരെ ഹെല്‍പ് ഡെസ്ക് പ്രവര്‍ത്തിക്കും. വയസിന്‍െറ അടിസ്ഥാനത്തില്‍ അഞ്ചു ഗ്രൂപ്പുകളായി തിരിച്ചാണ് മത്സരങ്ങള്‍ സംഘടിപ്പിക്കുന്നത്. 2008 ഏപ്രില്‍ 1നും 2010 മാര്‍ച്ച് 31നും ഇടയില്‍ ജനിച്ച കുട്ടികള്‍ ഒന്നാമത്തെ ഗ്രൂപ്പിലും, 2006 ഏപ്രില്‍ 1നും 2008 മാര്‍ച്ച് 31നും ഇടയില്‍ ജനിച്ചവര്‍ രണ്ടാമത്തെ ഗ്രൂപ്പിലും, 2004 ഏപ്രില്‍ 1നും 2006 മാര്‍ച്ച് 31നും ഇടയിലുള്ളവര്‍ മൂന്നാമത്തെ ഗ്രൂപ്പിലും 2001 ഏപ്രില്‍ 1നും 2004 മാര്‍ച്ച് 31നും ഇടയില്‍ ജനിച്ചവര്‍ നാലാമത്തെ ഗ്രൂപ്പിലും 1998 ഏപ്രില്‍ 1നും 2001 മാര്‍ച്ച് 31 നും ഇടയില്‍ ജനിച്ചവര്‍ അഞ്ചാമത്തെ ഗ്രൂപ്പിലും ഉള്‍പ്പെടും. ഈ വര്‍ഷവും കലാപ്രതിഭ, കലാതിലകം ,ബാലതിലകം ,ബാലപ്രതിഭ, സാഹിത്യരത്ന ,സംഗീത രത്ന,നാട്യരത്ന എന്നീ പട്ടങ്ങള്‍ ഏര്‍പ്പെടുത്തിയിട്ടുണ്ട്. വിവിധ ഗ്രൂപ്പ് ചാമ്പ്യന്‍മാര്‍ക്കും അവാര്‍ഡ് നല്‍കും. അപേക്ഷ സമര്‍പ്പിക്കുന്നതിനുള്ള അവസാന തിയ്യതി ഈ മാസം 13 ആണ്. പ്രാരംഭ ലിസ്റ്റ് സെപ്റ്റംബര്‍ 14 ന് വെബ്സൈറ്റിലും സമാജം നോട്ടീസ് ബോര്‍ഡിലും ലഭ്യമാക്കും.തിരുത്തലുകള്‍ ആവശ്യമാണെങ്കില്‍ 16ന് മുമ്പ് അറിയിക്കണം. ഫൈനല്‍ ലിസ്റ്റ് 17ന് പ്രസിദ്ധീകരിക്കും. ബാലകലോത്സവത്തിന്‍െറ പ്രോഗ്രാം ഷെഡ്യൂള്‍ സെപ്റ്റംബര്‍ 18ന് പ്രസിദ്ധീകരിക്കും. സെപ്റ്റംബര്‍ 22 മുതല്‍ 26 വരെ നീളുന്ന പരിപാടി വിജയിപ്പിക്കുന്നതിനുള്ള പ്രവര്‍ത്തനങ്ങള്‍ അണിയറയില്‍ സജീവമാണ്. അനീഷ് ശ്രീധരന്‍ ആണ് കമ്മിറ്റി ജനറല്‍ കണ്‍വീനര്‍. 50 അംഗ കമ്മിറ്റിയും പ്രവര്‍ത്തിക്കുന്നുണ്ട്. ഈ വര്‍ഷം കുട്ടികളുടെ വലിയ തോതിലുള്ള പങ്കാളിത്തമാണ് പ്രതീക്ഷിക്കുന്നതെന്ന് ഭാരവാഹികള്‍ പറഞ്ഞു. കൂടുതല്‍ വിവരങ്ങള്‍ക്ക് ജനറല്‍ കണ്‍വീനര്‍ അനീഷ് ശ്രീധരനെ (39401394) വിളിക്കാം. ഇ.കെ.പ്രദീപന്‍, വൈസ് പ്രസിഡന്‍റ് കെ.അബ്ദുറഹ്മാന്‍, ജയകുമാര്‍, ദേവദാസ് കുന്നത്ത് എന്നിവരും പങ്കെടുത്തു. |
| ജി.സി.സി രാജ്യങ്ങളില്‍ എണ്ണവില ഏകീകരിക്കാന്‍ ശ്രമം Posted: 07 Sep 2015 09:20 PM PDT Image:  കുവൈത്ത് സിറ്റി: ആറ് ജി.സി.സി രാജ്യങ്ങളിലെയും എണ്ണ ഉല്‍പന്നങ്ങളുടെ വില ഏകീകരിക്കുന്നത് സംബന്ധിച്ച് ചര്‍ച്ചകള്‍ ചൂടുപിടിക്കുന്നു. പെട്രോള്‍, ഡീസല്‍, എല്‍.പി.ജി, മണ്ണെണ്ണ തുടങ്ങിയവയുടെ വില എല്ലാ ജി.സി.സി രാജ്യങ്ങളിലും തുല്യമാക്കുന്നത് സംബന്ധിച്ചാണ് ചര്‍ച്ചകള്‍ നടക്കുന്നത്. ബുധനാഴ്ച ഖത്തറിലെ ദോഹയില്‍ നടക്കുന്ന അംഗരാജ്യങ്ങളിലെ എണ്ണവകുപ്പ് അണ്ടര്‍ സെക്രട്ടറിമാരുടെ സമ്മേളനം വിഷയം ചര്‍ച്ച ചെയ്യും. അണ്ടര്‍ സെക്രട്ടറിമാരുടെ യോഗത്തിന് മുന്നോടിയായി കുവൈത്തില്‍ നടന്ന തയാറെടുപ്പ് യോഗത്തിലും എണ്ണവില ഏകീകരണം സംബന്ധിച്ച ചര്‍ച്ചകള്‍ നടന്നിരുന്നു. ജി.സി.സി അംഗരാജ്യങ്ങളില്‍ എണ്ണ ഉല്‍പന്ന വില ഏകീകരിക്കുന്നതിന്‍െറ സാധ്യതകള്‍ സംബന്ധിച്ച് ദോഹ സമ്മേളനത്തില്‍ ചര്‍ച്ച നടത്തുമെന്ന് കുവൈത്ത് എണ്ണകാര്യ മന്ത്രാലയം വ്യക്തമാക്കി. വിഷയത്തില്‍ ജി.സി.സി ജനറല്‍ സെക്രട്ടേറിയറ്റ് തയാറാക്കിയ റിപ്പോര്‍ട്ടും ലോക വ്യാപാര സംഘടനയുടെ റിപ്പോര്‍ട്ടും അടക്കം ദോഹ സമ്മേളനത്തില്‍ ചര്‍ച്ചചെയ്യും. ആഗോള എണ്ണ വിപണിയില്‍ സംഭവിച്ചുകൊണ്ടിരിക്കുന്ന മാറ്റങ്ങള്‍ സംബന്ധിച്ചും അണ്ടര്‍ സെക്രട്ടറിമാരുടെ സമ്മേളനം ചര്‍ച്ച നടത്തുന്നുണ്ട്. ഇതോടൊപ്പം, പുനരുപയോഗ ഊര്‍ജമേഖലയില്‍ ജി.സി.സി രാഷ്ട്രങ്ങള്‍ നടത്തേണ്ട ഒരുക്കങ്ങളും വിഷയമാകും. ജി.സി.സി രാജ്യങ്ങളില്‍ എണ്ണ ഉല്‍പന്നങ്ങള്‍ക്ക് നല്‍കുന്ന സബ്സിഡി എടുത്തുകളയണമെന്ന് ലോക ബാങ്കിന്‍െറ അടക്കം നിര്‍ദേശങ്ങള്‍ നേരത്തേ ഉയര്‍ന്നിരുന്നു. കഴിഞ്ഞവര്‍ഷം പകുതിയോടെ എണ്ണവില കുറഞ്ഞുതുടങ്ങിയതു മുതല്‍ സബ്സിഡി ഒഴിവാക്കുന്നതിന് ജി.സി.സിയിലെ രാജ്യങ്ങള്‍ക്കുമേല്‍ ലോക ബാങ്കിന്‍െറയും അന്താരാഷ്ട്ര നാണയനിധിയുടെയും സമ്മര്‍ദവും ഉയര്‍ന്നിരുന്നു. അതേസമയം, സബ്സിഡി ഒഴിവാക്കുന്നതിനോ വില വര്‍ധിപ്പിക്കുന്നതിനോ യു.എ.ഇ ഒഴികെ ജി.സി.സി രാജ്യങ്ങള്‍ തയാറായിരുന്നില്ല. ഒന്നര മാസം മുമ്പ് യു.എ.ഇ എണ്ണ ഉല്‍പന്നങ്ങളുടെ വില അന്താരാഷ്ട്ര വിപണിയിലെ വിലക്ക് തുല്യമാക്കി മാറ്റിയിരുന്നു. ഇതോടെ യു.എ.ഇയില്‍ പെട്രോളിന് വില വര്‍ധിക്കുകയും ചെയ്തു. വിവിധ ജി.സി.സി രാജ്യങ്ങളില്‍ എണ്ണ ഉല്‍പന്നങ്ങളുടെ വില വ്യത്യസ്തരീതിയില്‍ ഈടാക്കുന്നത് കള്ളക്കടത്തിനും കാരണമാകുന്നുണ്ട്. പെട്രോളിനും ഡീസലിനും വില കുറവുള്ള രാജ്യങ്ങളില്‍നിന്ന് വില കൂടുതലുള്ള രാജ്യങ്ങളിലേക്ക് എണ്ണ ഉല്‍പന്നങ്ങള്‍ കള്ളക്കടത്ത് നടത്തുന്ന നിരവധി സംഭവങ്ങളാണ് പിടികൂടിയിട്ടുള്ളത്. യു.എ.ഇയില്‍ പെട്രോള്‍ വില വര്‍ധിച്ചതോടെ ഒമാനുമായി അതിര്‍ത്തിപങ്കിടുന്ന സ്ഥലങ്ങളിലെ പെട്രോള്‍ പമ്പുകളില്‍ വന്‍ തിരക്കാണ് അനുഭവപ്പെടുന്നത്. അതിര്‍ത്തിയിലെ ഒമാന്‍ പമ്പുകളില്‍നിന്ന് വന്‍തോതില്‍ പെട്രോള്‍ നിറച്ച ശേഷം യു.എ.ഇയിലേക്ക് കടക്കുന്നവരുടെ എണ്ണത്തിലും വര്‍ധനയുണ്ട്. ഇതോടൊപ്പം, വലിയ തോതില്‍ ഇന്ധനം ഉള്‍ക്കൊള്ളുന്ന ടാങ്കുകളുള്ള ട്രക്കുകള്‍ അടക്കം വാഹനങ്ങള്‍ പെട്രോള്‍ നിറച്ചുവന്നശേഷം മറിച്ചുവില്‍ക്കുന്ന സംഭവങ്ങളുമുണ്ട്. അന്താരാഷ്ട്ര വിപണിയില്‍ അസംസ്കൃത എണ്ണ വിലയിലുണ്ടാകുന്ന കുറവിന്‍െറ ഭാഗമായി ജി.സി.സി രാജ്യങ്ങളുടെ വരുമാനം വലിയ തോതില്‍ ഇടിഞ്ഞിട്ടുണ്ട്. ഈ സാഹചര്യത്തില്‍ എണ്ണവില ഏകീകരിക്കുന്നതിലൂടെ കള്ളക്കടത്ത് തടയുന്നതിനൊപ്പം രാജ്യങ്ങളുടെ വരുമാനം വര്‍ധിപ്പിക്കാനും സാധിക്കുമെന്ന് വിദഗ്ധര്‍ പറയുന്നു. അതേസമയം, വിവിധ ജി.സി.സി രാജ്യങ്ങളിലെ സാഹചര്യങ്ങള്‍ പരിഗണിച്ചശേഷം മാത്രമേ ഇന്ധനവില ഏകീകരിക്കാന്‍ സാധിക്കുകയുള്ളൂ. എണ്ണവില കുറഞ്ഞുനില്‍ക്കുന്ന സൗദി അറേബ്യ, ഒമാന്‍, കുവൈത്ത് എന്നിവിടങ്ങളില്‍ ഒറ്റയടിക്ക് വില വര്‍ധിപ്പിക്കുന്നത് പ്രയാസം സൃഷ്ടിക്കും. നിലവിലെ സാഹചര്യത്തില്‍ ഇന്ധനവില ഏകീകരിക്കാന്‍ തീരുമാനമുണ്ടായാലും നടപ്പാക്കാന്‍ സമയമെടുക്കുമെന്നാണ് സൂചന. |
| അഖില്‍രാജ്: അതിജീവനത്തിന്‍െറ മറ്റൊരു പേര് Posted: 07 Sep 2015 09:17 PM PDT Image:  വടകര: ‘പുതിയ ബാഗും പുതുവസ്ത്രങ്ങളുമായി എല്ലാവര്‍ഷവും സ്കൂള്‍ തുറക്കുന്ന ദിവസം കുട്ടികള്‍ കൂട്ടത്തോടെ പോകുന്നത് കാണാറുണ്ട്. അപ്പോഴൊക്കെ എനിക്കും സ്കൂളില്‍ പോകണമെന്ന് ഞാന്‍ അച്ഛനോട് പറയാറുണ്ട്. അമ്മ പറയും അടുത്തവര്‍ഷം പോകാമെന്ന്. അങ്ങനെയിരിക്കെ എനിക്ക് രോഗത്തെ കുറിച്ച് ബോധ്യമായി. പെട്ടെന്നൊരുനാള്‍ മാറില്ല. പിന്നെ സ്വയം പഠിക്കാന്‍ തീരുമാനിച്ചു. പലരും പഠിപ്പിച്ചു. ഒന്നു കൃത്യതയുള്ളതായിരുന്നില്ല. അപ്പോഴാണ്, എന്‍െറ ജീവിതത്തില്‍ വിപ്ളവകരമായ മാറ്റം നടത്തിയ സാക്ഷരതാസംവിധാനത്തെ അറിയുന്നത്. അതുവഴി നാല്, ഏഴ്, 10 ക്ളാസുകള്‍ പഠിച്ചു. സര്‍ട്ടിഫിക്കറ്റും കിട്ടി. ഇപ്പോള്‍ പ്ളസ് വണിന് പഠിക്കുന്നു. വെറുതെയിരിക്കാന്‍ കഴിയില്ല. അപ്പോള്‍ പഠിപ്പിക്കുന്ന അധ്യാപകരെ ഓര്‍മവരും...’ വടകര എസ്.ജി.എം.എസ്.ബി സ്കൂളില്‍ ഈ അധ്യയനവര്‍ഷത്തെ പ്രവേശനോത്സവം ഉദ്ഘാടനം ചെയ്തുകൊണ്ട് ജന്മനാസെറിബ്രല്‍ പാള്‍സി രോഗം ബാധിച്ച എസ്.ആര്‍. അഖില്‍ രാജ് പറഞ്ഞ വാക്കുകളാണിത്. വാക്കുകള്‍ക്ക് വ്യക്തത കുറവാണെങ്കിലും അഖിലിനെ കേട്ടിരുന്ന വിദ്യാര്‍ഥികളും അധ്യാപകരും അദ്ഭുതപ്പെട്ടു. |
| ആളിക്കത്തിക്കാന്‍ ബി.ജെ.പിയും എസ്.എന്‍.ഡി.പിയും; പ്രതിരോധമില്ലാതെ സി.പി.എം Posted: 07 Sep 2015 09:02 PM PDT Image:  Subtitle: അബു ബി. ഹുസൈന്‍ കണ്ണൂര്‍: ബാലസംഘത്തിന്‍െറ ആഭിമുഖ്യത്തില്‍ നടന്ന ഓണാഘോഷ പരിപാടിയില്‍ തളിപ്പറമ്പ് കൂവോട്ട് നടത്തിയ ഘോഷയാത്രയില്‍ ശ്രീനാരായണ ഗുരുവിനെ കുരിശിലേറ്റുന്ന വിധത്തില്‍ നിശ്ചലദൃശ്യം അവതരിപ്പിച്ചതും കോടിയേരി നങ്ങാറത്ത് പീടികയില്‍ ആര്‍.എസ്.എസുകാരെന്ന് പറയുന്നവര്‍ ഗുരുപ്രതിമ തകര്‍ത്തതും രാഷ്ട്രീയ വൈരം ആളിക്കത്തിക്കുന്നു. കണ്ണൂര്‍ ജില്ലയിലെ പുതിയ സംഭവവികാസങ്ങള്‍ മുതലെടുത്ത് സി.പി.എം ഒരു ഭാഗത്തും ബി.ജെ.പിയും എസ്.എന്‍.ഡി.പിയും മറുഭാഗത്തും അണിനിരന്നത് |
| Posted: 07 Sep 2015 08:55 PM PDT Image:  മാര്‍ത്തയുടെ ചിറകടി നിലച്ചിട്ട് നൂറ്റൊന്നുവര്‍ഷം കഴിഞ്ഞിരിക്കുന്നു. 1914 സെപ്റ്റംബര്‍ നാലിന് സിന്‍സിനാറ്റിയിലെ പക്ഷിസങ്കേതത്തില്‍ മരിച്ചുവീഴുമ്പോള്‍ ഒരു മഹാപക്ഷിവംശം ഒടുങ്ങുകയായിരുന്നു. ഒരുകാലത്ത് അമേരിക്കന്‍ ആകാശങ്ങളെ സമൃദ്ധമാക്കിയിരുന്ന സഞ്ചാരിപ്രാവുകളുടെ അവസാനത്തെ ജീവന്‍തുടിപ്പായിരുന്നു മാര്‍ത്ത. ഒരുകാലത്ത് കാര്‍മേഘപടലങ്ങള്‍ പോലെയായിരുന്നുവത്രെ അവരുടെ യാത്രകള്‍. പക്ഷിശാസ്ത്രജ്ഞനും നിരീക്ഷകനുമായിരുന്ന പ്രഫ. റോബര്‍ട്ട് വില്‍സണ്‍, രണ്ടരകോടി പ്രാവുകള്‍ ഒരു കാലത്ത് പെന്‍സല്‍വേനിയയിലെ വെളിമ്പ്രദേശങ്ങളിലൂടെ കടന്നുപോയെന്ന് ചരിത്രത്തില്‍ കുറിച്ചിട്ടുമുണ്ട്. പെട്ടെന്നാണ് എല്ലാം തകിടംമറിഞ്ഞത്. സഞ്ചാരിപ്രാവിന്‍െറ മാംസത്തിന് വന്‍ ഒൗഷധമൂല്യമുണ്ടെന്നും രുചിയേറുമെന്നും വ്യാപകമായി പ്രചരിപ്പിക്കപ്പെട്ടു. അമേരിക്കന്‍ തീന്‍മേശയില്‍ സഞ്ചാരിപ്രാവിന്‍െറ മാംസം ഇഷ്ടഭോജ്യമായി. കോടിക്കണക്കിന് പ്രാവുകള്‍ നിഷ്ഠുരമായി കൊന്നൊടുക്കപ്പെട്ടു. വംശനാശ ഭീഷണിയിലേക്ക് ഈ പക്ഷികുലം കൂപ്പുകുത്തി. എന്നിട്ടും അമേരിക്കക്കാര്‍ തീറ്റ നിര്‍ത്തിയില്ല. അവസാനം കമിതാക്കളായ രണ്ട് പ്രാവുകള്‍ ബാക്കിയായി. ആദ്യത്തെ അമേരിക്കന്‍ പ്രസിഡന്‍റായ ജോര്‍ജ് വാഷിങ്ടണിന്‍െറയും ഭാര്യ മാര്‍ത്തയുടെയും സ്മരണാര്‍ഥം പ്രാവുകള്‍ക്ക് ജോര്‍ജെന്നും മാര്‍ത്തയെന്നും പേരു ചാര്‍ത്തി. ജോര്‍ജ് ആദ്യം മരിച്ചു; ഏതാനും മാസങ്ങള്‍ക്കുശേഷം മാര്‍ത്തയും. |
| ഗ്രീന്‍പീസിനെ തളക്കുന്നത്എന്തിന്? Posted: 07 Sep 2015 08:01 PM PDT Image:  ‘ഗ്രീന്‍പീസ് ഇന്ത്യ’യുടെ വിദേശ സംഭാവനാ രജിസ്ട്രേഷന്‍ റദ്ദാക്കുക വഴി കേന്ദ്ര സര്‍ക്കാര്‍ അതിനെ ശ്വാസംമുട്ടിച്ച് നിഷ്ക്രിയമാക്കാനാണ് നോക്കുന്നത്. വിദേശ സഹായം വിലക്കുന്നതില്‍ എത്തിച്ച സാഹചര്യങ്ങള്‍ അക്കാര്യം വ്യക്തമാക്കുന്നു. സര്‍ക്കാര്‍ നയങ്ങളെ ചോദ്യംചെയ്യുന്നവരും കോര്‍പറേറ്റ് താല്‍പര്യങ്ങള്‍ക്ക് തടസ്സംനില്‍ക്കുന്നവരുമായ സര്‍ക്കാറിതര സന്നദ്ധസംഘടനകള്‍ പല രാജ്യങ്ങളിലും മിക്ക സര്‍ക്കാറുകള്‍ക്കും ശല്യമാണ്. പക്ഷേ, അവരെ ഇല്ലാതാക്കാന്‍ ശ്രമിക്കുന്ന ജനാധിപത്യ രാജ്യങ്ങള്‍ ഏറെയില്ല. ഇക്കൊല്ലം ജനുവരിയില്‍ ഗ്രീന്‍പീസ് പ്രവര്‍ത്തക പ്രിയ പിള്ളയെ വിദേശത്തേക്ക് യാത്രചെയ്യുന്നതില്‍നിന്ന് തടഞ്ഞത് എന്‍.ജി.ഒ വിരുദ്ധ മനോഭാവത്തിന്‍െറ പ്രതിഫലനമായിരുന്നു. ആ നടപടി നിയമവിരുദ്ധമാണെന്ന് രണ്ടുമാസം കഴിഞ്ഞ് ഡല്‍ഹി ഹൈകോടതി വിധിച്ചെങ്കിലും സര്‍ക്കാര്‍ വേട്ട തുടര്‍ന്നു. വിദേശ സംഭാവനാചട്ടങ്ങള്‍ (എഫ്.സി.ആര്‍.എ) ലംഘിച്ചെന്നാരോപിച്ച് ഗ്രീന്‍പീസിന് നോട്ടീസ് കൊടുത്തു. അവരുടെ വിശദീകരണങ്ങള്‍ ഒട്ടും കണക്കിലെടുക്കാതെ ഏപ്രിലില്‍ അവരുടെ സകല ബാങ്ക് അക്കൗണ്ടുകളും മരവിപ്പിച്ചു. മേയില്‍ ഡല്‍ഹി ഹൈകോടതി ഗ്രീന്‍പീസിന്‍െറ ആഭ്യന്തര അക്കൗണ്ടുകളുടെ വിലക്ക് എടുത്തുകളഞ്ഞു. എന്നാല്‍, ആ കോടതി വിധിയുടെ തൊട്ടുപിറ്റേന്ന്, ഗ്രീന്‍പീസ് രജിസ്റ്റര്‍ ചെയ്തിട്ടുള്ള തമിഴ്നാട്ടില്‍ അവരുടെ കണക്കുപുസ്തകങ്ങള്‍ വീണ്ടും ഓഡിറ്റ് ചെയ്യാന്‍ അധികൃതരത്തെി. എന്തെങ്കിലും ക്രമക്കേടുകള്‍ കണ്ടുപിടിക്കുകയായിരുന്നു ലക്ഷ്യം. 2005 മുതല്‍ 2012 വരെയുള്ള കണക്കുകളില്‍ ക്രമക്കേടുകള്‍ കണ്ടുപിടിച്ചതായി അവര്‍ റിപ്പോര്‍ട്ട് ചെയ്തു. ഗ്രീന്‍പീസിന്‍െറ രജിസ്ട്രേഷന്‍ പിന്‍വലിക്കുമെന്നറിയിച്ചു. സംഘടന വീണ്ടും കോടതിയെ സമീപിച്ചു. സര്‍ക്കാര്‍ മരവിപ്പിച്ചിരുന്ന ഫണ്ട് വിട്ടുകിട്ടാനുള്ള ഹരജിയും കോടതിയില്‍ സമര്‍പ്പിച്ചു. അതിന്മേല്‍ സര്‍ക്കാറിന്‍െറ ഭാഗം കോടതി കേള്‍ക്കേണ്ട ദിവസത്തിന്‍െറ തലേന്നാണ് ആഭ്യന്തര വകുപ്പ് എഫ്.സി.ആര്‍.എ രജിസ്ട്രേഷന്‍ റദ്ദാക്കിക്കൊണ്ടുള്ള നോട്ടീസ് നല്‍കിയത്. |
| ഫൈസാബാദിലെ ഗുംനാമി ബാബ വേഷംമാറിയ നേതാജിയെന്ന് Posted: 07 Sep 2015 12:53 PM PDT Image:  Subtitle: 1980കളില്‍ ഗുംനാമി ബാബ എന്ന പേരില്‍ ജീവിച്ചിരുന്നത് നേതാജി ആയിരുന്നെന്ന് വെളിപ്പെടുത്തല്‍ ഫൈസാബാദ്: നിഗൂഢമായി തുടരുന്ന നേതാജി സുഭാഷ് ചന്ദ്രബോസിന്‍െറ തിരോധാനകഥകളില്‍ പുതിയൊരെണ്ണംകൂടി. 1945ല്‍ വിമാനാപകടത്തില്‍ കൊല്ലപ്പെട്ടു എന്നു പറയുന്ന നേതാജി പിന്നെയും പതിറ്റാണ്ടുകളോളം ജീവിച്ചിരുന്നതായാണ് വെളിപ്പെടുത്തല്‍. 1980കളില്‍ ഉത്തര്‍പ്രദേശിലെ ഫൈസാബാദില്‍ ജീവിച്ചിരുന്ന ഗുംനാമി ബാബ എന്ന സന്യാസി സുഭാഷ് ചന്ദ്രബോസ് ആയിരുന്നു എന്നാണ് പുതിയ വാദം. നേതാജിയുടെ തിരോധാനവുമായി ബന്ധപ്പെട്ട വിവരം പുറത്തുവിടണമെന്നാവശ്യപ്പെട്ട് സുഭാഷ് ചന്ദ്രബോസിന്‍െറ കുടുംബം കേന്ദ്രസര്‍ക്കാറിനെ സമീപിച്ച സാഹചര്യത്തിലാണ് വെളിപ്പെടുത്തല്‍. |
| കോണ്‍ഗ്രസ് പ്രവര്‍ത്തക സമിതി യോഗം ഇന്ന് Posted: 07 Sep 2015 12:51 PM PDT Image:  Subtitle: പ്രസിഡന്‍റാകാന്‍ രാഹുല്‍ തല്‍ക്കാലം ഇല്ല ന്യൂഡല്‍ഹി: കോണ്‍ഗ്രസിന്‍െറ ഭാവി പ്രവര്‍ത്തനങ്ങള്‍ ചര്‍ച്ച ചെയ്യുന്ന പ്രവര്‍ത്തക സമിതി യോഗം ഇന്ന്. ബിഹാര്‍ തെരഞ്ഞെടുപ്പു മുതല്‍ അടുത്ത വര്‍ഷം നടക്കേണ്ട വിവിധ നിയമസഭാ തെരഞ്ഞെടുപ്പുകള്‍ വരെ യോഗത്തില്‍ ചര്‍ച്ച ചെയ്യപ്പെടും. അതേസമയം, കോണ്‍ഗ്രസ് പ്രസിഡന്‍റ് സ്ഥാനം രാഹുല്‍ഗാന്ധി കുറെക്കാലത്തേക്കു കൂടി ഏറ്റെടുക്കേണ്ടതില്ളെന്ന ധാരണ പ്രവര്‍ത്തക സമിതിക്കു മുമ്പേ രൂപപ്പെട്ടു കഴിഞ്ഞു. അടുത്ത വര്‍ഷത്തെ നിയമസഭാ തെരഞ്ഞെടുപ്പുകള്‍ കഴിയുന്നതു വരെ കോണ്‍ഗ്രസിനെ സോണിയഗാന്ധി മുന്നില്‍ നിന്നു നയിക്കണമെന്നും, അതിനു ശേഷം സാഹചര്യങ്ങള്‍ മെച്ചപ്പെടുന്ന മുറക്ക് രാഹുലിനെ പ്രസിഡന്‍റാക്കണമെന്നുമുള്ള ധാരണയാണ് ഇപ്പോഴുള്ളത്. കേരളം അടക്കമുള്ള സംസ്ഥാനങ്ങളില്‍ നിയമസഭാ തെരഞ്ഞെടുപ്പ് അടുത്തു വരുന്നതിനിടയില്‍ കേന്ദ്രത്തില്‍ വിവിധ ചുമതലകള്‍ ഏറ്റെടുക്കാന്‍ സംസ്ഥാനങ്ങളിലെ യുവനേതാക്കള്‍ മടിക്കുന്ന സാഹചര്യവുമുണ്ട്. ഈ സാഹചര്യത്തില്‍ തെരഞ്ഞെടുപ്പു കഴിഞ്ഞ് രാഹുലിന്‍െറ ടീം രൂപപ്പെടുത്തുന്നതാണ് നല്ലതെന്നാണ് ഇപ്പോഴത്തെ വിലയിരുത്തല്‍. സോണിയഗാന്ധി നേതൃപരമായ പങ്ക് വഹിക്കുന്നത് മറ്റു പ്രതിപക്ഷ പാര്‍ട്ടികള്‍ക്ക് കൂടുതല്‍ സ്വീകാര്യവുമാണ്. മോദിസര്‍ക്കാറിനെതിരായ നീക്കങ്ങളില്‍ കഴിഞ്ഞ പാര്‍ലമെന്‍റ് സമ്മേളന കാലത്ത് സോണിയഗാന്ധിയാണ് ഇക്കാര്യത്തില്‍ ഫലപ്രദമായ പങ്ക് വഹിച്ചത്. ഒറ്റക്ക് കേവല ഭൂരിപക്ഷമുണ്ടായിട്ടും നിര്‍ണായക നിയമനിര്‍മാണങ്ങളുടെ കാര്യത്തില്‍ പ്രതിപക്ഷത്തെ യോജിച്ച നീക്കം മറികടക്കാന്‍ കേന്ദ്രസര്‍ക്കാറിന് സാധിച്ചില്ല. ബിഹാര്‍ നിയമസഭ തെരഞ്ഞെടുപ്പില്‍ ആകെയുള്ള 243ല്‍ 40 സീറ്റിലാണ് കോണ്‍ഗ്രസ് മത്സരിക്കുന്നത്. ജനതാദള്‍-യു, ആര്‍.ജെ.ഡി എന്നിവക്കൊപ്പമാണ് കോണ്‍ഗ്രസ്. തെരഞ്ഞെടുപ്പു ഫലം ദേശീയ രാഷ്ട്രീയത്തില്‍ വഴിത്തിരിവാണെന്നിരിക്കേ, കോണ്‍ഗ്രസിന്‍െറ സാധ്യതകള്‍ വര്‍ധിപ്പിക്കുന്നതിനുള്ള നടപടികള്‍ പ്രവര്‍ത്തക സമിതി ചര്‍ച്ച ചെയ്യും. |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
No comments:
Post a Comment