ന്യൂമാന്‍ കോളേജ് അതിക്രമം: കെ.എസ്.യു പ്രസിഡന്‍റിന് സസ്പെന്‍ഷന്‍ Madhyamam News Feeds |  |
- ന്യൂമാന്‍ കോളേജ് അതിക്രമം: കെ.എസ്.യു പ്രസിഡന്‍റിന് സസ്പെന്‍ഷന്‍
- തലയോട്ടി ഷീനബോറയുടേത് തന്നെയെന്ന് ഫോറന്‍സിക് റിപോര്‍ട്ട്
- മനസ്സിനെന്നും കുളിരാണ് ആ ‘മാഷേ, ടീച്ചറേ’ വിളി
- യമനില്‍ 45 യു.എ.ഇ സൈനികര്‍ കൊല്ലപ്പെട്ടു
- ഒൗറംഗസീബിനെ തിരിച്ചറിയാത്ത ചരിത്രത്തിന്‍െറ അടിമകള്‍
- ആ മരണങ്ങള്‍ സര്‍ക്കാറിനെ പ്രതിയാക്കേണ്ട കൊലപാതകങ്ങളാണ്
- അഞ്ച് ബഹ്റൈന്‍ സൈനികര്‍ സൗദി അതിര്‍ത്തിയില്‍ കൊല്ലപ്പെട്ടു
- മഴ; വ്യാപകനാശം, രണ്ടു മരണം
- പുളിമാറാതെ ഓറഞ്ച്
- ഡോ. എം.എം. ബഷീറിനെതിരെ തീവ്രഹിന്ദുത്വവാദികളുടെ ഭീഷണി
- സഹായവുമായി ജര്‍മന്‍ ക്ളബുകള്‍, ഒളിമ്പിക്സ് കമ്മിറ്റി വക 20 ലക്ഷം ഡോളര്‍
- രണ്ടുലക്ഷം അഭയാര്‍ഥികളെ കൂടി യൂറോപ്പ് ഏറ്റെടുക്കണം: യു.എന്‍
- ഐ.ക്യൂവില്‍ ഐന്‍സ്റ്റീനെ തോല്‍പിച്ച് 12കാരി
- മികച്ച 100 നോവലുകളില്‍ 'ഗോഡ് ഓഫ് സ്മോള്‍ തിങ്സി'ന് രണ്ടാംസ്ഥാനം
- വധശിക്ഷകള്‍ രാഷ്ട്രീയപ്രേരിതമെന്ന് ജസ്റ്റിസ് എ.പി. ഷാ
- വനം കൈയേറ്റങ്ങള്‍ ഉടന്‍ ഒഴിപ്പിക്കണം ^ഹൈകോടതി
- ദുരന്തക്കാഴ്ചക്ക് പിന്നിലെ കണ്ണുകള്‍
- തോമസ് ഐസക്കിന്‍െറ ഫേസ്ബുക് പോസ്റ്റുകളെ പരിഹസിച്ച് വി.ടി ബല്‍റാം
- സമ്പൂര്‍ണ ശുചിത്വത്തിന് പോര്‍ളുദഊരു പദ്ധതിക്ക് തുടക്കം
- സ്ത്രീയെ ചാക്കില്‍കെട്ടി വഴിയില്‍ ഉപേക്ഷിച്ചു; യുവാവ് അറസ്റ്റില്‍
- ആറളം ജലനിധി പദ്ധതി നാടിന് സമര്‍പ്പിച്ചു
| ന്യൂമാന്‍ കോളേജ് അതിക്രമം: കെ.എസ്.യു പ്രസിഡന്‍റിന് സസ്പെന്‍ഷന്‍ Posted: 05 Sep 2015 12:25 AM PDT Image:  തൊടുപുഴ: വ്യാഴാഴ്ച തൊടുപുഴ ന്യൂമാന്‍ കോളേജിലുണ്ടായ അതിക്രമങ്ങളുമായി ബന്ധപ്പെട്ട് കെ.എസ്.യു പ്രസിഡന്‍റിന് സസ്പെന്‍ഷന്‍. ഇടുക്കി ജില്ലാ പ്രസിഡന്‍റ് നിയാസ് കൂരാപ്പിളളിയെയാണ് സംഘടനയില്‍ നിന്ന് സസ്പെന്‍ഡ് ചെയ്തത്. കെ.എസ്.യു സംസ്ഥാന പ്രസിഡന്‍റ് വി.എസ്.ജോയിയാണ് നടപടിയെടുത്തത്. |
| തലയോട്ടി ഷീനബോറയുടേത് തന്നെയെന്ന് ഫോറന്‍സിക് റിപോര്‍ട്ട് Posted: 04 Sep 2015 10:53 PM PDT Image:  മുംബൈ: റായ്ഗഡിലെ വനത്തില്‍ നിന്ന് ലഭിച്ച തലയോട്ടി ഷീനബോറയുടേത് തന്നെയെന്ന് ഫോറന്‍സിക് റിപ്പോര്‍ട്ട്. വെള്ളിയാഴ്ചയാണ് റിപോര്‍ട്ട് മുംബൈ പോലീസിന് ലഭിച്ചത്. ഇതുസംബന്ധിച്ച വിവരങ്ങള്‍ അന്വേഷണസംഘം അഡീഷണല്‍ ചീഫ് മെട്രോപൊളിറ്റന്‍ മജിസ്ട്രറ്റിന് മുന്നില്‍ വൈകാതെ ഹാജരാക്കും. 30 ദിവസങ്ങള്‍ക്കുള്ളില്‍ അന്വേഷണം പൂര്‍ത്തിയാക്കാനും 90 ദിവസങ്ങള്‍ക്കുള്ളില്‍ ചാര്‍ജ് ഷീറ്റ് തയ്യാറാക്കുകയുമാണ് ഖര്‍ പൊലീസ് അധികൃതര്‍ ലക്ഷ്യമിടുന്നത്. അന്വേഷണത്തിനിടെ ഷീനയുടെ പേരിലുള്ള ഒരു വ്യാജ ഇമെയില്‍ അക്കൗണ്ട് ഇന്ദ്രാണി ഉപയോഗിച്ചുവന്നിരുന്നതായും തെളിഞ്ഞിട്ടുണ്ട്. ഇന്ദ്രാണിയുടെ ഓഫിസ് ജീവനക്കാരനാണ് ഈ അക്കൗണ്ട് നിര്‍മിക്കാനും ഷീനയുടെ വ്യാജ ഒപ്പ് ഇടാനും ഇന്ദ്രാണിയെ സഹായിച്ചിരുന്നത്. ഇയാളുടെ മൊഴി പൊലീസ് രേഖപ്പെടുത്തിയിട്ടുണ്ട്.
|
| മനസ്സിനെന്നും കുളിരാണ് ആ ‘മാഷേ, ടീച്ചറേ’ വിളി Posted: 04 Sep 2015 07:54 PM PDT Image:  Subtitle: മാഷന്മാരും ടീച്ചര്‍മാരുമായി സര്‍വിസില്‍ തുടരുന്ന 200ഓളം പേര് നിലവില്‍ പഞ്ചായത്ത് പ്രസിഡന്‍റുമാരാണ് കോഴിക്കോട്: മാഷേ എന്ന വിളികേള്‍ക്കുമ്പോള്‍ ‘കില’ ഡയറക്ടര്‍ പി.പി. ബാലന്‍െറ മനസ്സ് മാടായി കോളജ് കാമ്പസിലേക്കോ ചെറുകുന്ന്, ശ്രീകണ്ഠാപുരം, നടുവില്‍ ഗവ. ഹൈസ്കൂള്‍ ക്ളാസുകളിലേക്കോ തെല്ലിട മടങ്ങും. |
| യമനില്‍ 45 യു.എ.ഇ സൈനികര്‍ കൊല്ലപ്പെട്ടു Posted: 04 Sep 2015 07:14 PM PDT Image:  അബൂദബി: സൗദി അറേബ്യയുടെ നേതൃത്വത്തില്‍ യമനില്‍ സൈനിക നടപടിയില്‍ പങ്കെടുക്കുന്ന 45 യു.എ.ഇ സൈനികര്‍ കൊല്ലപ്പെട്ടു. വെള്ളിയാഴ്ച സൈനികരെ ലക്ഷ്യമിട്ട് നടന്ന ഭൂതല മിസൈല്‍ ആക്രമണത്തെ തുടര്‍ന്നുണ്ടായ പൊട്ടിത്തെറിയിലാണ് ഇവര്‍ കൊല്ലപ്പെട്ടതെന്ന് യു.എ.ഇയുടെ ഒൗദ്യോഗിക വാര്‍ത്താഏജന്‍സിയായ 'വാം' റിപ്പോര്‍ട്ട് ചെയ്തു. 33 യമന്‍ സൈനികരും ഇവര്‍ക്കൊപ്പം കൊല്ലപ്പെട്ടിട്ടുണ്ട്. ഇതോടെ യമനില്‍ കൊല്ലപ്പെട്ട യു.എ.ഇ സൈനികരുടെ ആകെ എണ്ണം 51 ആയി. വെള്ളിയാഴ്ച ആയുധപ്പുരക്ക് നേരെയുണ്ടായ മിസൈല്‍ ആക്രമണത്തിലാണ് 45 യു.എ.ഇ സൈനികര്‍ കൊല്ലപ്പെട്ടത്. മആരിബ് പ്രവിശ്യയിലെ സഫര്‍ പ്രദേശത്ത് നടന്ന ആക്രമണത്തിലാണ് 45 പേരും മരിച്ചതെന്ന് യു.എ.ഇ സൈനിക അധികൃതര്‍ അറിയിച്ചു. 22 പേര് തല്‍ക്ഷണം മരിച്ചു. ഗുരുതരമായി പരിക്കേറ്റ 23 പേര് കൂടി മരിച്ചതായി രാത്രി വൈകി 'വാം' റിപ്പോര്‍ട്ട് ചെയ്തു. ആയുധപ്പുരക്ക് നേരെ വെള്ളിയാഴ്ച രാവിലെ ഭൂതല മിസൈല്‍ ആക്രമണമാണുണ്ടായതെന്ന് യു.എ.ഇ വിദേശകാര്യ സഹമന്ത്രി ഡോ. അന്‍വര്‍ മുഹമ്മദ് ഗര്‍ഗാശ് അറിയിച്ചു. വന്‍ സ്ഫോടനത്തോടെ ആയുധപ്പുര പൊട്ടിത്തെറിച്ചു. ഇവിടെയുണ്ടായിരുന്ന സൈനികരാണ് കൊല്ലപ്പെട്ടത്. ം ഇത്രയധികം സൈനികരുടെ ജീവന്‍ ഒന്നിച്ച് നഷ്ടപ്പെട്ടത് യു.എ.ഇയെ ഞെട്ടിച്ചിട്ടുണ്ട്. സംഭവത്തെക്കുറിച്ച് അന്വേഷണം തുടങ്ങിയിട്ടുണ്ട്. |
| ഒൗറംഗസീബിനെ തിരിച്ചറിയാത്ത ചരിത്രത്തിന്‍െറ അടിമകള്‍ Posted: 04 Sep 2015 07:10 PM PDT Image:  ‘സ്വന്തം ചരിത്രത്തെക്കുറിച്ച് ബോധമില്ലാത്ത ദേശത്തിന് ഭാവിയില്ല. അതുപോലെ സത്യമാണ്, സ്വന്തം ഭൂതത്തെക്കുറിച്ച് അവകാശപ്പെടാനുള്ള ശേഷി മാത്രമല്ല ഭാവി രൂപപ്പെടുത്തുന്നതില്‍ അത് എങ്ങനെ പ്രയോജനപ്പെടുത്താമെന്ന അറിവ് വളര്‍ത്തുന്നതും. ഒരു ദേശം സ്വന്തം ചരിത്രത്തിന്‍െറ അധിപനായിരിക്കണം, അടിമയാവാന്‍ പാടില്ല. മുഹമ്മദീയരോടുള്ള വെറുപ്പിന്‍െറ വികാരം ശിവജിയുടെ കാലഘട്ടത്തില്‍ അനിവാര്യവും ന്യായവുമായിരിക്കാം. എന്നാല്‍, അന്ന് ഹിന്ദുക്കളുടെ വികാരം അതായിരുന്നുവെന്ന ഏക കാരണംകൊണ്ട് ഇന്നും അത്തരമൊരു വികാരം കൊണ്ടുനടക്കുന്നത് അനീതിയും വിഡ്ഢിത്തവുമാണ്’ -സംഘ്പരിവാര്‍ താത്ത്വികാചാര്യന്‍ വീര്‍ സവര്‍ക്കറുടെ വാക്കുകളാണിത്. |
| ആ മരണങ്ങള്‍ സര്‍ക്കാറിനെ പ്രതിയാക്കേണ്ട കൊലപാതകങ്ങളാണ് Posted: 04 Sep 2015 07:06 PM PDT Image:  നമ്മുടെ ആരോഗ്യസംവിധാനങ്ങളുടെ കെടുകാര്യസ്ഥതയുടെയും ആദിവാസി ജനതയോട്, പരിഷ്കൃതരെന്ന് നടിക്കുന്ന നാട്ടുവാസികളുടെ തിരുത്തപ്പെടേണ്ട മനോഘടനയുടെയും ഒടുവിലത്തെ ഉദാഹരണമാണ് വയനാട് ജില്ലയിലെ വാളാട് എടത്തന കോളനിയിലെ കൃഷ്ണന്‍െറ ഭാര്യ അനിതയനുഭവിച്ച സമാനതകളില്ലാത്ത ദുരന്തവും മരണമടഞ്ഞ മൂന്നു കുഞ്ഞുങ്ങളും. വിവാഹിതയായി ആറു വര്‍ഷത്തിനുശേഷമാണ് അനിത ഗര്‍ഭിണിയായത്. മൂന്നു കുഞ്ഞുങ്ങളെയാണ് ഉദരത്തിലേറുന്നതെന്ന് നേരത്തേ നടത്തിയ പരിശോധനയിലൂടെ അനിതക്കും ആശുപത്രി അധികൃതര്‍ക്കുമറിയാം. മാനന്തവാടി ജില്ലാ ആശുപത്രിയില്‍ തന്നെയാണവര്‍ പരിശോധനക്കത്തൊറുള്ളത്. ഓലമേഞ്ഞ ഒറ്റമുറിയില്‍നിന്ന് ഏഴാം മാസത്തില്‍ വേദനവന്ന് അരക്കിലോമീറ്ററോളം ആളുകള്‍ ചുമന്നും പിന്നെ ജീപ്പിലുമായി ആശുപത്രിയിലത്തെിയ ആ അമ്മയോട് കാണിക്കേണ്ട ഒരു ദാക്ഷിണ്യവും ജില്ലാ ആശുപത്രിയധികൃതരില്‍നിന്നുണ്ടായില്ല. അടിയന്തര സാഹചര്യമായിരുന്നിട്ടും ഗൈനക്കോളജിസ്റ്റ് രോഗിയെ പരിശോധിക്കാന്‍ തയാറായില്ല. ട്രൈബല്‍ ആംബുലന്‍സില്‍ ഒരു ആശുപത്രി ജീവനക്കാരുപോലും കയറിയതുമില്ല. |
| അഞ്ച് ബഹ്റൈന്‍ സൈനികര്‍ സൗദി അതിര്‍ത്തിയില്‍ കൊല്ലപ്പെട്ടു Posted: 04 Sep 2015 06:50 PM PDT Image:  മനാമ: സൗദി അറേബ്യയുടെ നേതൃത്വത്തിലുള്ള യമന്‍ സൈനിക നടപടിയില്‍ പങ്കെടുക്കുന്ന ബഹ്റൈന്‍ പ്രതിരോധ സേനയിലെ (ബി.ഡി.എഫ്) അഞ്ചു സൈനികര്‍ കൊല്ലപ്പെട്ടു. സൗദിയുടെ കിഴക്കന്‍ അതിര്‍ത്തിയില്‍ സേവനം അനുഷ്ഠിക്കുകയായിരുന്നു ഇവര്‍. ബി.ഡി.എഫ് ജനറല്‍ ഹെഡ്ക്വാര്‍ട്ടേഴ്സ് ആണ് ഇക്കാര്യം അറിയിച്ചത്. സൗദി അതിര്‍ത്തി കാക്കുമ്പോഴാണ് സൈനികര്‍ കൊല്ലപ്പെട്ടതെന്നാണ് ഒൗദ്യോഗിക വാര്‍ത്താ ഏജന്‍സി പുറത്തു വിട്ട വിവരം. ഫസ്റ്റ് സര്‍ജന്‍റ് മുഹമ്മദ് നബീല്‍ ഹമദ്, സര്‍ജന്‍റുമാരായ മുഹമ്മദ് ഹാഫിദ് യൂനിസ്, അബ്ദുല്‍ ഖാദിര്‍ ഹസന്‍ അല്‍അലാസ്, ഹസന്‍ ഇക്ബാല്‍ മുഹമ്മദ്, കോര്‍പറല്‍ അബ്ദുല്‍ മൊനിം അലി ഹുസൈന്‍ എന്നിവരാണ് മരിച്ചത്. രക്ത സാക്ഷികളുടെ കുടുംബത്തെ അഗാധമായ ദു$ഖം അറിയിയിക്കുകയും അല്ലാഹു പരേതര്‍ക്ക് മേല്‍ കരുണ ചൊരിയട്ടെയെന്നും പ്രാര്‍ഥിക്കുകയും ചെയ്യുന്നതായി സൈനിക ആസ്ഥാനം അറിയിച്ചു. യമനില്‍ വിമതര്‍ക്കെതിരായി നടക്കുന്ന സൗദിയുടെ നേതൃത്വത്തിലുള്ള ആക്രമണങ്ങളിലെ പ്രധാന പങ്കാളിയാണ് ബഹ്റൈന്‍. |
| Posted: 04 Sep 2015 06:38 PM PDT Image:  മസ്കത്ത്: ഗള്‍ഫ് തീരത്ത് രൂപപ്പെട്ട ന്യൂനമര്‍ദ പാളിയെ തുടര്‍ന്ന് മസ്കത്ത് അടക്കം ഒമാന്‍െറ വിവിധ ഭാഗങ്ങളില്‍ ശക്തമായ കാറ്റും മഴയും. ഇടിമിന്നലിന്‍െറ അകമ്പടിയോടെയാണ് മഴയത്തെിയത്. റുസ്താഖില്‍ മഴവെള്ളപാച്ചിലില്‍പെട്ട് രണ്ടുപേര്‍ മരിച്ചു. ഇവിടെ രണ്ടുപേരെയും മത്രയില്‍ ഒരാളെയും കാണാതായി. കാറ്റില്‍ പലയിടത്തും മരങ്ങള്‍ വീണ് ഗതാഗതം തടസ്സപ്പെട്ടു. വെള്ളപ്പാച്ചിലുകളെ തുടര്‍ന്ന് പലയിടത്തും മണിക്കൂറുകള്‍ ഗതാഗതം തടസ്സപ്പെട്ടു. വൈകുന്നേരത്തോടെയാണ് ഭൂരിപക്ഷം സ്ഥലങ്ങളിലും ഗതാഗതം സാധാരണ നിലയിലായത്. റുസ്താഖ് സുവൈഖ് റോഡില്‍ വാദി ഹുഖൈനിലാണ് വാദിയില്‍പെട്ട് രണ്ടുപേര്‍ മരിച്ചത്. ശക്തമായ വെള്ളപാച്ചില്‍ കണക്കിലെടുക്കാതെ വാഹനം ഇറക്കിയവരാണ് അപകടത്തില്‍പെട്ടതെന്നാണ് സൂചന. വാദി ഹുഖെയ്നില്‍ കാണാതായ രണ്ടുപേരില്‍ ഒരാളെ സന്ധ്യയോടെ കണ്ടെടുത്തു. ഇയാളെ ഗുരുതരാവസ്ഥയില്‍ ആശുപത്രിയില്‍ പ്രവേശിപ്പിച്ചു. ഒരാളെക്കൂടി കണ്ടത്തൊനുണ്ട്. ഹെലികോപ്ടറിന്‍െറ സഹായത്തോടെയാണ് മൃതദേഹങ്ങള്‍ കണ്ടെടുത്തത്. സിവില്‍ ഡിഫന്‍സ് ഉദ്യോഗസ്ഥരുടെയും റോയല്‍ എയര്‍ഫോഴ്സ് അധികൃതരുടെയും നേതൃത്വത്തില്‍ തിരച്ചില്‍ പുരോഗമിക്കുകയാണ്. മത്ര കോര്‍ണിഷില്‍ സ്വദേശി യുവാവാണ് ഒഴുക്കില്‍പെട്ടത്. സൂഖില്‍നിന്ന് കുത്തിയൊലിച്ചുവന്ന വെള്ളത്തില്‍ നിലതെറ്റി ഇയാള്‍ കടലില്‍ വീഴുകയായിരുന്നു. മൂന്ന് കോസ്റ്റ് ഗാര്‍ഡ് വാഹനങ്ങള്‍ രാത്രി വരെ തിരച്ചില്‍ നടത്തിയെങ്കിലും കണ്ടത്തൊന്‍ കഴിഞ്ഞിട്ടില്ല. മൂന്ന് പാകിസ്താന്‍ സ്വദേശികളും വെള്ളപ്പാച്ചിലില്‍ പെട്ടെങ്കിലും ചങ്ങലയില്‍പിടിച്ച് ഇവര്‍ രക്ഷപ്പെട്ടു. വൈകുന്നേരം മൂന്നരയോടെയാണ് മസ്കത്തില്‍ മഴയത്തെിയത്. അതിന് മുന്നോടിയായി പലയിടത്തും ചെറിയ തോതില്‍ പൊടിക്കാറ്റും ഉണ്ടായിരുന്നു. കുത്തിയൊലിച്ചുവന്ന വെള്ളത്തില്‍ ഹമരിയ മേഖല മുങ്ങി. ഹമരിയ-റൂവി ഹൈസ്ട്രീറ്റ് റോഡില്‍ അഞ്ചോളം കാറുകള്‍ ഒലിച്ചുപോയി. പലതും കൂട്ടിയിടിച്ച് ചില്ലുകള്‍ പൊട്ടുകയും മറ്റു തകരാറുകള്‍ സംഭവിക്കുകയും ചെയ്തിട്ടുണ്ട്. ഹമരിയ-ഇത്തി റോഡ് പൂര്‍ണമായും തകര്‍ന്നു. അന്നഹ്ദ ആശുപത്രിയിലും വെള്ളം കയറിയെങ്കിലും വെള്ളക്കെട്ട് ഒഴിവാക്കാന്‍ ടണല്‍ നിര്‍മാണമടക്കം നടത്തിയതിനാല്‍ രോഗികളെ ഒഴിപ്പിക്കേണ്ടിവന്നില്ല. അല്‍ ഖുവൈറിലും ഗതാഗതം തടസ്സപ്പെട്ടു. മസ്കത്ത് ഗ്രാന്‍ഡ്മാളിന്‍െറ മേല്‍ക്കൂരയുടെ ചെറിയഭാഗം ഇടിഞ്ഞുവീണത് പരിഭ്രാന്തി പരത്തി. അമിറാത്തില്‍നിന്ന് ബോഷറിലേക്കുള്ള റോഡില്‍ മണ്ണിടിച്ചിലിനെ തുടര്‍ന്ന് ഗതാഗതം തടസ്സപ്പെട്ടു. അര കിലോമീറ്ററോളം ദൂരം മണ്ണിനൊപ്പം വലിയ കല്ലുകളും റോഡില്‍ വീണതാണ് ബോഷറിലേക്കുള്ള ഗതാഗതം തടസ്സപ്പെടാന്‍ കാരണമായത്. വെള്ളത്തിനൊപ്പം വലിയ കല്ലുകളും പലയിടത്തും റോഡിലേക്ക് വീഴുന്നുണ്ടായിരുന്നെന്ന് ഈ സമയം ഇതിലൂടെ സഞ്ചരിച്ച മലയാളിയായ സുജിത്ത് ‘ഗള്‍ഫ് മാധ്യമ’ത്തോട് പറഞ്ഞു. കല്ലുകള്‍ വീണ് പല കാറുകള്‍ക്കും തകരാറുകള്‍ സംഭവിച്ചിട്ടുമുണ്ട്. മസ്കത്തിനുപുറമെ റുസ്താഖിലാണ് ശക്തമായ മഴയുണ്ടായത്. സഹം, സൊഹാര്‍, സുവൈഖ്, ഖദറ, മുസന്ദം, അല്‍ ഹജര്‍ പര്‍വതനിരകള്‍ തുടങ്ങിയ സ്ഥലങ്ങളില്‍ താരതമ്യേന ശക്തി കുറഞ്ഞ മഴയാണ് അനുഭവപ്പെട്ടത്. പലയിടത്തും ഉച്ചയോടെ ശക്തമായ കാറ്റുണ്ടായി. ഖദറയില്‍ ചിലയിടങ്ങളില്‍ കാറ്റില്‍ കെട്ടിടങ്ങളുടെ ഭിത്തിയും മേല്‍ക്കൂരകളും തകര്‍ന്നിട്ടുണ്ട്. മറ്റിടങ്ങളിലെ നാശനഷ്ടങ്ങളുടെ വിവരം അറിവായിട്ടില്ല. ന്യൂനമര്‍ദത്തെ തുടര്‍ന്ന് വെള്ളി, ശനി ദിവസങ്ങളില്‍ മഴക്ക് സാധ്യത ഉണ്ടെന്നായിരുന്നു കാലാവസ്ഥാ പ്രവചനം. കനത്ത ചൂടിനിടയിലാണ് മഴ പെയ്തത്. മഴയുള്ള സമയങ്ങളില്‍ വാഹനമോടിക്കുന്നവര്‍ ജാഗ്രത പുലര്‍ത്തണമെന്ന് റോയല്‍ ഒമാന്‍ പൊലീസ് അറിയിച്ചു. മഴവെള്ളപ്പാച്ചിലില്‍ വാഹനമിറക്കരുതെന്ന് സിവില്‍ ഡിഫന്‍സ് അധികൃതരും ആവശ്യപ്പെട്ടു. |
| Posted: 04 Sep 2015 12:33 PM PDT Image:  Subtitle: യൂറോ കപ്പ്: ഐസ്ലന്‍ഡിന് യോഗ്യത; നിലഭദ്രമാക്കി വെയ്ല്‍സും ബെല്‍ജിയവും നെതര്‍ലന്‍ഡ്സിന് പ്ളേഓഫ് വെല്ലുവിളി ആംസ്റ്റര്‍ഡാം: പുതിയ കോച്ചും പുതിയ നായകനുമത്തെിയിട്ടും ഓറഞ്ചുപടയുടെ കഷ്ടകാലത്തിന് മാറ്റമില്ല. ചന്തമാര്‍ന്ന കളി കെട്ടഴിച്ചുവിട്ടിട്ടും ഒരു ഗോളിന് തോല്‍ക്കാന്‍ വിധിക്കപ്പെട്ട നെതര്‍ലന്‍ഡ്സിന്‍െറ യൂറോ യോഗ്യത കയ്യാലപ്പുറത്തായി. ഗ്രൂപ്പില്‍നിന്നുള്ള യോഗ്യതാ ടിക്കറ്റ് നഷ്ടമായ നെതര്‍ലന്‍ഡ്സിന് ഇനി പ്രതീക്ഷ പ്ളേഓഫിലൂടെ മാത്രം. രണ്ടാംപകുതിയില്‍ പിറന്ന പെനാല്‍റ്റി ഗോളില്‍ തൂങ്ങി കരപറ്റിയ ഐസ്ലന്‍ഡ് ചരിത്രത്തിലാദ്യമായി യൂറോ കപ്പിന് യോഗ്യതയും ഉറപ്പിച്ചു. യൂറോയിലെ ആദ്യ മത്സരങ്ങളില്‍ ടീമിന്‍െറ മോശം പ്രകടനമായിരുന്നു കോച്ച് ഗസ് ഹിഡിങ്കിന്‍െറ സ്ഥാനം തെറിപ്പിച്ചത്. പകരക്കാരനായത്തെിയ ഡാനി ബ്ളിന്‍ഡിന്‍െറ രാജ്യാന്തര അരങ്ങേറ്റമായിരുന്നു ഐസ്ലന്‍ഡിനെതിരെ. എന്നാല്‍, മാറ്റമൊന്നും കളത്തില്‍ ഫലിച്ചില്ല. 31ാം മിനിറ്റില്‍ നായകന്‍ ആര്‍യന്‍ റോബന്‍ പരിക്കേറ്റ് പുറത്തായതോടെ തുടങ്ങി കഷ്ടകാലം. 33ാം മിനിറ്റില്‍ ഡിഫന്‍ഡര്‍ ബ്രൂണോ മാര്‍ട്ടിന്‍സ് ഇന്‍ഡി ചുവപ്പുകാര്‍ഡുമായി പുറത്താവുകകൂടി ചെയ്തതോടെ 10 പേരിലൊതുങ്ങി ഡച്ച് പട. അംഗസംഖ്യ കുറഞ്ഞിട്ടും ആക്രമണത്തിന് മൂര്‍ച്ചകുറയാതെ കാത്ത ഡച്ചുകാര്‍ ഗോളടിക്കുമെന്ന് പലപ്പോഴും തോന്നിപ്പിച്ചെങ്കിലും 51ാം മിനിറ്റില്‍ കളിയുടെ ഗതിമാറ്റി എതിരാളികള്‍ സ്കോര്‍ ചെയ്തു. ആതിഥേയ ഡിഫന്‍ഡര്‍ വാന്‍ഡെര്‍ വെയ് ലിന്‍െറ അശ്രദ്ധയോടെയുള്ള ഫൗളിന് റഫറി പെനാല്‍റ്റി സ്പോട്ടിലേക്ക് വിരല്‍ ചൂണ്ടിയതോടെയാണ് വിധി തീര്‍പ്പാക്കിയ ഗോള്‍ പിറന്നത്. ജില്‍ഫി സിഗര്‍സന്‍െറ പെനാല്‍റ്റി ഷോട്ട് ഉന്നംതെറ്റാതെ വലകുലുക്കിയപ്പോള്‍ തിരിച്ചുവരാനാവാത്തവിധം പ്രതിരോധത്തിലായ ഡച്ചുകാര്‍ സ്വന്തം മണ്ണില്‍ തോല്‍വി ഉറപ്പിച്ചു. ഗ്രൂപ് റൗണ്ടില്‍ ശേഷിക്കുന്ന മൂന്നു മത്സരങ്ങളും ജയിക്കുകയെന്നതാണ് നെതര്‍ലന്‍ഡ്സിന് മുന്നിലെ ഏക പോംവഴി. നാളെ തുര്‍ക്കിയും, 10ന് കസാഖ്സ്താന്‍, 13ന് ചെക് റിപ്പബ്ളിക് എന്നിവരാണ് നെതര്‍ലന്‍ഡ്സിന്‍െറ എതിരാളികള്‍. ഗ്രൂപ് ‘ബി’യില്‍ ഒന്നും രണ്ടും സ്ഥാനക്കാരായ വെയ്ല്‍സും ബെല്‍ജിയവും ജയത്തോടെ നിലഭദ്രമാക്കി. ബെല്‍ജിയം 3^1ന് ബോസ്നിയയെ തോല്‍പിച്ചപ്പോള്‍ വെയ്ല്‍സ് എവേ മാച്ചില്‍ 1^0ന് സൈപ്രസിനെ വീഴ്ത്തി. റയല്‍ മഡ്രിഡിന്‍െറ സ്റ്റാര്‍സ്ട്രൈക്കര്‍ ഗാരെത് ബെയ്ലാണ് 82ാം മിനിറ്റില്‍ വെയ്ല്‍സിന്‍െറ വിജയ ഗോള്‍ നേടിയത്. ഗ്രൂപ്പില്‍ ഏഴില്‍ അഞ്ചു ജയവുമായി 17 പോയന്‍റുള്ള വെയ്ല്‍സ് ഒന്നാം സ്ഥാനത്താണ്. ബെല്‍ജിയത്തിനു വേണ്ടി മൗറെയ്ന്‍ ഫെല്ളെയ്നി, ഡി ബ്രൂയിന്‍, എഡന്‍ ഹസാഡ് എന്നിവരാണ് വലകുലുക്കിയത്. ബോസ്നിയയുടെ ആശ്വാസ ഗോള്‍ എഡന്‍ സെകോ കുറിച്ചു. ഗ്രൂപ് ‘എച്ചി’ല്‍ ഹോം ഗ്രൗണ്ടില്‍ നടന്ന മത്സരത്തില്‍ ഇറ്റലി 1^0ന് മാള്‍ട്ടയെ വീഴ്ത്തി. ഗ്രസിയാനോ പെല്ളെയുടെ ഹെഡര്‍ ഗോളാണ് ഇറ്റലിക്ക് ആശ്വാസജയം സമ്മാനിച്ചത്. മറ്റൊരു മത്സരത്തില്‍ ഒന്നാം സ്ഥാനത്തുള്ള ക്രൊയേഷ്യയെ അസര്‍ബൈജാന്‍ ഗോള്‍ രഹിത സമനിലയില്‍ തളച്ചു. ക്രൊയേഷ്യയും ഇറ്റലിയും 15 പോയന്‍റുമായി ഒന്നും രണ്ടും സ്ഥാനത്താണ്. |
| ഡോ. എം.എം. ബഷീറിനെതിരെ തീവ്രഹിന്ദുത്വവാദികളുടെ ഭീഷണി Posted: 04 Sep 2015 12:19 PM PDT Image:  Subtitle: ശ്രീരാമനെ അപമാനിക്കുന്ന തരത്തില്‍ എഴുതിയെന്ന് ആരോപിച്ചാണ് പ്രതിഷേധം കോഴിക്കോട്: പ്രമുഖ സാഹിത്യനിരൂപകനും കാലിക്കറ്റ് സര്‍വകലാശാലാ മലയാള പഠനവകുപ്പ് മുന്‍ മേധാവിയുമായ ഡോ. എം.എം. ബഷീറിനെതിരെ തീവ്രഹിന്ദുത്വവാദികളുടെ സംഘടിത നീക്കം. രാമായണ മാസാചരണ വേളയില്‍ ‘മാതൃഭൂമി’യില്‍ ശ്രീരാമനെ അപമാനിക്കുന്ന തരത്തില്‍ എഴുതിയെന്ന് ആരോപിച്ചാണ് ഒരുവിഭാഗം ഹിന്ദുത്വ പ്രവര്‍ത്തകരുടെ രംഗപ്രവേശം. സാമൂഹികമാധ്യമങ്ങളിലൂടെയും നേരിട്ടും തെറിവിളികളും പ്രതിഷേധവും ശക്തമായതോടെ മാതൃഭൂമിയിലെ കോളം പാതിവഴിയില്‍ നിര്‍ത്തേണ്ടി വന്നു. ‘രാമായണം ജീവിത സാരാമൃതം’ എന്ന കോളത്തില്‍ ആഗസ്റ്റ് മൂന്നുമുതല്‍ ഏഴുവരെയാണ് എം.എം. ബഷീറിന്‍െറ കോളം പ്രസിദ്ധീകരിച്ചത്. ആഗസ്റ്റ് മൂന്നിന് രാമന്‍െറ ക്രോധം എന്ന പേരില്‍ ആദ്യരചന വന്നതോടെയാണ് പ്രതിഷേധങ്ങളുടെ തുടക്കം. |
| സഹായവുമായി ജര്‍മന്‍ ക്ളബുകള്‍, ഒളിമ്പിക്സ് കമ്മിറ്റി വക 20 ലക്ഷം ഡോളര്‍ Posted: 04 Sep 2015 12:15 PM PDT Image:  മ്യൂണിക്: ഐലന്‍ കുര്‍ദിയെന്ന പിഞ്ചുകുഞ്ഞിന്‍െറ ചേതനയറ്റ ഉടല്‍ തീരാനോവായി തുടരുമ്പോള്‍, സമാധാനജീവിതം തേടി പിറന്ന മണ്ണുപേക്ഷിച്ച് പലായനം ചെയ്തവര്‍ക്ക് കൈത്താങ്ങായി കായികലോകവും. സിറിയയിലെ സംഘര്‍ഷ ഭൂമിയില്‍നിന്നും അഭയംതേടി യൂറോപ്പിലത്തെിയ ലക്ഷങ്ങള്‍ക്ക് ഐക്യദാര്‍ഡ്യവും സഹായവുമായി ഫുട്ബാള്‍ ക്ളബുകളും താരങ്ങളും രാജ്യാന്തര ഒളിമ്പിക്സ് കമ്മിറ്റിയും രംഗത്ത്. |
| രണ്ടുലക്ഷം അഭയാര്‍ഥികളെ കൂടി യൂറോപ്പ് ഏറ്റെടുക്കണം: യു.എന്‍ Posted: 04 Sep 2015 11:44 AM PDT Image: 
ഗ്രീസിന്‍െറയും ഇറ്റലിയുടെയും അഭയാര്‍ഥിഭാരം കുറക്കാനായി ഇതര യൂറോപ്യന്‍ രാജ്യങ്ങളും രംഗത്തുവരണമെന്ന് ഫ്രാന്‍സും ജര്‍മനിയും ആവശ്യപ്പെട്ടിരിക്കെയാണ് സമാന ആവശ്യവുമായി യു.എന്നും മുന്നോട്ടുവെന്നിരിക്കുന്നത്. അതിനിടെ, ഹംഗറിയില്‍ തടഞ്ഞുവെച്ച സിറിയന്‍ വംശജരെ നിര്‍ബന്ധിച്ച് അഭയാര്‍ഥി കേന്ദ്രത്തിലേക്കു മാറ്റാനുള്ള ശ്രമം വിഫലമായി. തലസ്ഥാനമായ ബുഡാപെസ്റ്റില്‍ നിന്ന് 40 കിലോമീറ്റര്‍ അകലെയുള്ള ബിക്സ്കെ റെയില്‍വേ സ്റ്റേഷനില്‍ തടഞ്ഞിട്ട ട്രെയിനില്‍ കഴിയുന്നവരെയാണ് അഭയാര്‍ഥി കേന്ദ്രത്തിലേക്ക് മാറ്റാന്‍ അധികൃതര്‍ ശ്രമിച്ചത്. എന്നാല്‍, ഇവിടെ രജിസ്റ്റര്‍ ചെയ്യപ്പെടുന്നതോടെ ജര്‍മനി, ഫ്രാന്‍സ് ഉള്‍പെടെ രാജ്യങ്ങളിലേക്കുള്ള കുടിയേറ്റം വഴിമുടങ്ങുമെന്ന ആശങ്കയിലാണ് അഭയാര്‍ഥികള്‍ വിസമ്മതിച്ചത്. ഇവിടെ കുടുങ്ങിക്കിടക്കുന്ന നൂറുകണക്കിന് പേര് ഓസ്ട്രിയന്‍ തലസ്ഥാനമായ വിയനയിലേക്ക് കാല്‍നടയായി പുറപ്പെടുമെന്ന് പ്രഖ്യാപിച്ചു. പലരും വിയനയിലേക്ക് യാത്ര തുടങ്ങിയതായും റിപ്പോര്‍ട്ടുകള്‍ പറയുന്നു. കുടിയേറ്റ പ്രതിസന്ധി നിയന്ത്രണാതീതമായതോടെ സെര്‍ബിയയുമായുള്ള അതിര്‍ത്തി ഹംഗറി അടച്ചിട്ടുണ്ട്. 4,000 സിറിയന്‍ അഭയാര്‍ഥികളെ ഏറ്റെടുക്കാന്‍ തയാറാണെന്ന് ബ്രിട്ടന്‍ പ്രഖ്യാപിച്ചു. നാട്ടില്‍ ജനകീയ പ്രക്ഷോഭം ശക്തമായതോടെയാണ് പ്രധാനമന്ത്രി ഡേവിഡ് കാമറണ്‍ അഭയാര്‍ഥികളെ ഏറ്റെടുക്കാനുള്ള സമ്മതമറിയിച്ചത്. എന്നാല്‍, നിലവില്‍ യൂറോപിലുള്ളവരെ ഏറ്റെടുക്കില്ളെന്നും സിറിയയിലെ അഭയാര്‍ഥി ക്യാമ്പുകളില്‍ കഴിയുന്നവരെയാകും ഏറ്റെടുക്കുകയെന്നും കാമറണ്‍ പറഞ്ഞു. |
| ഐ.ക്യൂവില്‍ ഐന്‍സ്റ്റീനെ തോല്‍പിച്ച് 12കാരി Posted: 04 Sep 2015 11:28 AM PDT Image:  ലണ്ടന്‍: ബുദ്ധിക്ഷമതാപരീക്ഷയില്‍ ശാസ്ത്രപ്രതിഭകളായ ആല്‍ബര്‍ട്ട് ഐന്‍സ്റ്റീനെയും സ്റ്റീഫന്‍ ഹോക്കിങ്ങിനെയും പിറകിലാക്കി 12കാരിയുടെ പ്രകടനം. ബ്രിട്ടനിലെ ഈസ്റ്റ് ആംഗ്ളിയയില്‍നിന്നുള്ള ലിഡിയ സെബാസ്റ്റ്യന്‍ എന്ന പെണ്‍കൊടിയാണ് പ്രസിദ്ധമായ മെന്‍സ ഐ.ക്യൂ പരീക്ഷയില്‍ പരമാവധി മാര്‍ക്ക് നേടി റെക്കോഡിട്ടത്. ബുദ്ധിക്ഷമതയുമായി ബന്ധപ്പെട്ട് പ്രവര്‍ത്തിക്കുന്ന ലോകത്തെ ഏറ്റവും പഴക്കമുള്ള കൂട്ടായ്മയാണ് മെന്‍സ. ഗണിതത്തിലും ഭാഷയിലുമുള്ള മിടുക്കാണ് ലിഡിയക്ക് മികച്ച വിജയം സമ്മാനിച്ചത്. പിതാവ് അരുണ്‍ സെബാസ്റ്റ്യന്‍ കോള്‍ചെസ്റ്റര്‍ ജനറല്‍ ആശുപത്രിയില്‍ റേഡിയോളജിസ്റ്റാണ്. ഹാരിപോട്ടര്‍ പരമ്പരയിലെ എല്ലാ പുസ്തകങ്ങളും ഇതിനകം മൂന്നുതവണ വായിച്ചുതീര്‍ത്ത ലിഡിയ നാലാം വയസ്സ് മുതല്‍ വയലിന്‍ വായിക്കുന്നുണ്ട്. ആറാം മാസത്തില്‍തന്നെ ഇവള്‍ സംസാരിച്ചു തുടങ്ങിയിരുന്നതായും മാതാപിതാക്കള്‍ പറഞ്ഞു. |
| മികച്ച 100 നോവലുകളില്‍ 'ഗോഡ് ഓഫ് സ്മോള്‍ തിങ്സി'ന് രണ്ടാംസ്ഥാനം Posted: 04 Sep 2015 11:22 AM PDT Image:  ലണ്ടന്‍: പ്രമുഖ ബ്രിട്ടീഷ് നോവലിസ്റ്റും പത്രപ്രവര്‍ത്തകനുമായ റോബര്‍ട്ട് മാക്രം, ഗാര്‍ഡിയന്‍ ദിനപത്രത്തിന്‍െറ വായനക്കാരെ പങ്കെടുപ്പിച്ച് നടത്തിയ സര്‍വേയില്‍ അരുന്ധതി റോയിയുടെ ‘ഗോഡ് ഓഫ് സ്മോള്‍ തിങ്സ്’ മികച്ച രണ്ടാമത്തെ നോവലായി തെരഞ്ഞെടുക്കപ്പെട്ടു. ആംഗലേയത്തില്‍ രചിക്കപ്പെട്ട മികച്ച 100 നോവലുകള്‍ കണ്ടത്തൊനായിരുന്നു സര്‍വേ. ആഫ്രിക്കന്‍ എഴുത്തുകാരനായ ചിന്വ അചെബെയുടെ ‘തിങ്സ് ഫാള്‍ അപാര്‍ട്ടി’നാണ് ഒന്നാംസ്ഥാനം. |
| വധശിക്ഷകള്‍ രാഷ്ട്രീയപ്രേരിതമെന്ന് ജസ്റ്റിസ് എ.പി. ഷാ Posted: 04 Sep 2015 08:08 AM PDT Image:  Subtitle: രാഷ്ട്രീയസാഹചര്യങ്ങള്‍ വിധിപറയുന്നതില്‍ ജഡ്ജിമാരെ സ്വാധീനിക്കാറുണ്ട് ന്യൂഡല്‍ഹി: മുംബൈ സ്ഫോടനക്കേസ് പ്രതി യാക്കൂബ് മേമന്‍െറയും പാര്‍ലമെന്‍റ് ആക്രമണക്കേസ് പ്രതി അഫ്സല്‍ ഗുരുവിന്‍െറയും വധശിക്ഷ രാഷ്ട്രീയപ്രേരിതമായിരുന്നുവെന്ന് ഡല്‍ഹി ഹൈകോടതി മുന്‍ ചീഫ് ജസ്റ്റിസും നിയമ കമീഷന്‍ മുന്‍ ചെയര്‍മാനുമായ എ.പി. ഷാ. യാക്കൂബ് മേമന്‍െറ ദയാഹര്‍ജി പരിഗണിക്കാവുന്ന ഘടകങ്ങളുണ്ടായിരുന്നുവെന്ന് സി.എന്‍.എന്‍-ഐ.ബി.എന്നിനു നല്‍കിയ അഭിമുഖത്തില്‍ അദ്ദേഹം പറഞ്ഞു. |
| വനം കൈയേറ്റങ്ങള്‍ ഉടന്‍ ഒഴിപ്പിക്കണം ^ഹൈകോടതി Posted: 04 Sep 2015 06:54 AM PDT Image:  കൊച്ചി: സംസ്ഥാനത്ത് 1977 ജനുവരി ഒന്നിനുശേഷം നടന്ന മുഴുവന്‍ വനം കൈയേറ്റങ്ങളും സര്‍ക്കാര്‍ അടിയന്തരമായി ഒഴിപ്പിക്കണമെന്ന് ഹൈകോടതി. |
| ദുരന്തക്കാഴ്ചക്ക് പിന്നിലെ കണ്ണുകള്‍ Posted: 04 Sep 2015 05:08 AM PDT Image:  അങ്കാറ: ദുരന്തങ്ങള്‍ ലോകത്തോട് വിളിച്ച് പറഞ്ഞ നിരവധി ചിത്രങ്ങള്‍ ഉണ്ട്; പിന്നിപ്പോയ ഹൃദയത്തോടെയല്ലാതെ കാണാന്‍ കഴിയാത്തത്. പലായനത്തിന്‍െറ ഭീകരത പടര്‍ത്തി, തുര്‍ക്കി തീരത്തടിഞ്ഞ ഐലന്‍ കുര്‍ദി എന്ന കുഞ്ഞുടല്‍ ലോകത്തെയാകെ നീറിപ്പുകക്കുകയാണ്. യൂറോപ്പില്‍ അഭയം ആഗ്രഹിച്ച് പാതി തകര്‍ന്ന ബോട്ടുകളില്‍ യാത്രയാരംഭിക്കുകയും കടലില്‍ വീണടിയുകയും ശ്വാസംമുട്ടി മരിക്കുകയും ചെയ്ത് ഒരു ചിത്രത്തിലും ചരിത്രത്തിലും ചേര്‍ക്കാതെ പോയ പതിനായിരങ്ങള്‍. അതിനിടയില്‍ നിന്ന് ഐലാന്‍ കുര്‍ദി എന്ന പേര് കണ്ണീരൊഴുക്കുന്നത് ആ നിമിഷത്തിന്‍െറ പകര്‍ത്തി വെയ്ക്കല്‍ കൊണ്ടാണ്. തുര്‍ക്കിയുടെ ഡോഗന്‍ ന്യൂസ് ഏജന്‍സിയുടെ വനിത ഫോട്ടോഗ്രാഫര്‍ നിലൂഫെര്‍ ഡെമിറാണ് ഐലന്‍ കുര്‍ദിയുടെയും ഒപ്പം കുടിയേറ്റഭീകരതയുടെയും ചിത്രം ലോകത്തിന് കാട്ടിക്കൊടുത്തത്. സെപ്റ്റംബര്‍ രണ്ട് രാവിലെ ആറ് മണിക്ക് തുര്‍ക്കിയിലെ മുഗ് ല പ്രവിശ്യയിലെ അക്യര്‍ലറില്‍ നിന്നാണ് നിലൂഫെര്‍ ഐലാനെ പകര്‍ത്തിയത്. ചുവന്ന ബനിയനും നീല നിക്കറും ധരിച്ച് മണലില്‍ മുഖം പൂണ്ട് കിടക്കുകയായിരുന്ന ഐലാനെ കണ്ടപ്പോള്‍ ഹൃദയം മരവിച്ച് പോയെന്ന് നിലുഫര്‍ പറയുന്നു. 'മരണമെടുക്കും മുമ്പ് അവനില്‍ നിന്നുയര്‍ന്ന നിലവിളിയൊച്ചകള്‍ ലോകത്തെ കേള്‍പ്പിക്കുക മാത്രമായിരുന്നു പിന്നീട് ചെയ്യാനുണ്ടായിരുന്നത്. ഐലാന്‍ ഉറങ്ങുന്നതിന് നൂറ് മീറ്റര്‍ അകലെ സഹോദരന്‍ ഗാലിബിന്‍െറ മൃതദേഹവുമുണ്ടായിരുന്നു. തീരത്ത് അടിയുന്ന ജീവനറ്റ അഭയാര്‍ഥി ശരീരങ്ങളില്‍ ഒരു ലൈഫ് ജാക്കറ്റ് പോലുമുണ്ടാകില്ല. രക്ഷപ്പെടാന്‍ ഒരു മാര്‍ഗവുമില്ലാതെയാണ് അറ്റമില്ലാത്ത കടലിലേക്ക് ജീവിതത്തിന്‍െറ മറുകര തേടി പലരും വരുന്നത്.' നിലൂഫര്‍ പറഞ്ഞു. 15 വര്‍ഷത്തിലധികമായി അഭയാര്‍ഥി യാത്രകള്‍ ആരംഭിച്ചിട്ട്. 2003 മുതല്‍ ആ ചിത്രങ്ങള്‍ പകര്‍ത്തുന്നുണ്ട്. പക്ഷെ ഈ ഒറ്റ ചിത്രം കൊണ്ട് അഭയാര്‍ഥികളുടെ ജീവിതത്തില്‍ പുതിയ പ്രതീക്ഷകള്‍ മുളച്ചെങ്കിലെന്ന് അവര്‍ പ്രത്യാശിച്ചു. മാതാവ് റെഹാന്‍, പിതാവ് അബ്ദുല്ല കുര്‍ദി, അഞ്ചുവയസ്സുകാരന്‍ സഹോദരന്‍ ഗാലിബ് എന്നിവര്‍ക്കൊപ്പം സിറിയയിലെ കൊബാനില്‍ നിന്ന് ഗ്രീസിലേക്കുള്ള യാത്രക്കിടയിലാണ് ഐലാന്‍ കടലില്‍ താണത്. അമ്മയും സഹോദരനും അടക്കം പത്ത് പേരെക്കൂടി കടലെടുത്തു. അഭയാര്‍ഥികളുടെ ജീവതത്തില്‍ ചെറുചലനം സൃഷ്ടിക്കാന്‍, ജീവനും കൊണ്ടോടുന്നവരുടെ വേദന ഉള്‍ക്കൊള്ളാന്‍ ലോകം തയ്യാറായെങ്കില്‍; ഐലാന്‍െറ കുഞ്ഞുമരണം കൊണ്ട് അത് മാത്രമേ ഇനി ചെയ്യാനുള്ളു. |
| തോമസ് ഐസക്കിന്‍െറ ഫേസ്ബുക് പോസ്റ്റുകളെ പരിഹസിച്ച് വി.ടി ബല്‍റാം Posted: 04 Sep 2015 04:59 AM PDT Image:  പാലക്കാട്: തൃത്താലയിലെ കൃഷി ഓഫീസറുടെ സ്ഥലമാറ്റത്തിനെതിരെ ഫേസ്ബുക്കിലൂടെ പ്രതികരിച്ച തോമസ് ഐസകിനെ പരിഹസിച്ച് വി.ടി ബല്‍റാം എം.എല്‍എ രംഗത്ത്. സി.പി.എം കേന്ദ്രകമ്മിറ്റി അംഗവും ആലപ്പുഴ എം.എല്‍.എയുമായ തോമസ് ഐസക് ഫേസ്ബുക്കില്‍ നടത്തുന്ന ഇടപെടലിനെ പരിഹസിച്ചും വിമര്‍ശിച്ചുമാണ് ബല്‍റാമിന്‍െറ പോസ്റ്റ്. ജൈവകൃഷിയെയും മാലിന്യ സംസ്ക്കരണത്തെക്കുറിച്ചുമൊക്കെ മാത്രം പോസ്റ്റിട്ട് എല്ലാവര്‍ക്കും, പ്രത്യേകിച്ചും മധ്യവര്‍ഗത്തിനു, സ്വീകാര്യനായ നല്ലപിള്ള ചമയലും അതുവഴി ‘സാറിലാണു ഭാവി കേരളത്തിന്‍്റെ വികസന പ്രതീക്ഷ’ എന്ന് പറയിപ്പിക്കലുമാണല്ളോ ഈയിടെയായി അദ്ദേഹത്തിന്‍്റെ ഫേസ്ബുക്ക് പോസ്റ്റുകളുടെ ഒരു പൊതു ലൈന്‍ ഇങ്ങനെയാണ് വി.ടി ബല്‍റാമിന്‍െറ പരിഹാസം തുടങ്ങുന്നത്. വെട്ടും കുത്തും തൊഴിലാക്കിയ ചിരിക്കാനറിയാത്ത രൗദ്രമുഖങ്ങളുമായുള്ള താരതമ്യത്തില്‍ തന്‍െറ പ്രതിച്ഛായ നിര്‍മിതികള്‍ക്കുള്ള പാര്‍ലമെന്‍ററി സാധ്യത അദ്ദേഹം കൃത്യമായി മനസ്സിലാക്കുന്നുണ്ട്. തുടര്‍ന്നും തോമസ് ഐസക്കിന്‍െറ ഫേസ്ബുക് ഇടപെടലുകളെയും സി.പി.എമ്മിനെയും രൂക്ഷമായി വിമര്‍ശിക്കുന്നുണ്ട്. ഉദ്യോഗസ്ഥരെ എങ്ങോട്ടെല്ലാം സ്ഥലം മാറ്റണമെന്ന കാര്യത്തില്‍ തല്‍ക്കാലം എ.കെ.ജി. സെന്‍ററില്‍ നിന്നോ പ്രാദേശിക സി പി എം ഓഫിസില്‍ നിന്നോ നിര്‍ദേശങ്ങള്‍ സ്വീകരിക്കാന്‍ നിര്‍വാഹമില്ളെന്ന് സൂചിപ്പിച്ചാണ് ബല്‍റാം പോസ്റ്റ് അവസാനിപ്പിക്കുന്നത്.
കൃഷി ഓഫിസറുടെ സ്ഥലം മാറ്റത്തിനു പിന്നില്‍ ചരടു വലിച്ചത് സ്ഥലം എം.എല്‍. എ ആണെന്ന തോമസ് ഐസകിന്‍െറ ആരോപണമാണ് ബല്‍റാമിനെ ചൊടിപ്പിച്ചത്. ഓഫിസറെ അകാരണമായി സ്ഥലം മാറ്റുന്നതിന് കൃഷി മന്ത്രി പോലും എതിരായിരുന്നു. ബല്‍റാമിന്‍െറ ശാഠ്യത്തിന് വഴങ്ങിയാണ് സ്ഥലംമാറ്റം. ഇത് ബല്‍റാമിന്‍്റെ മാന്യതക്ക് ചേരുന്ന ഒന്നല്ല. അധികാരത്തിന്‍്റെ ബലത്തില്‍ ഇത്തരം ക്രൂരതകള്‍ പാടില്ല . ഈ തെറ്റ് തിരുത്തുമെന്ന് പ്രതീക്ഷിക്കുന്നു -ഇതായിരുന്നു ഫേസ്ബുക് പോസ്റ്റിലെ തോമസ് ഐസകിന്‍െറ പ്രതികരണം.
|
| സമ്പൂര്‍ണ ശുചിത്വത്തിന് പോര്‍ളുദഊരു പദ്ധതിക്ക് തുടക്കം Posted: 04 Sep 2015 02:16 AM PDT കാസര്‍കോട്: മംഗല്‍പാടി ഗ്രാമപഞ്ചായത്തിലെ 18ാം വാര്‍ഡില്‍ സമ്പൂര്‍ണ ശുചിത്വം ലക്ഷ്യമിട്ട് പോര്‍ളുദഊരു പദ്ധതിക്ക് തുടക്കമായി. വാര്‍ഡ് ആരോഗ്യ-ശുചിത്വ സമിതിയുടെ നേതൃത്വത്തില്‍ ആരംഭിച്ച പദ്ധതി ആറുമാസംകൊണ്ട് സമ്പൂര്‍ണ ശുചിത്വം കൈവരിക്കാനാണ് ലക്ഷ്യമിടുന്നത്. വിവിധ സര്‍ക്കാര്‍ വകുപ്പുകളും കുടുംബശ്രീ, അഡ്ക്ക ഫാമിലി വെല്‍ഫെയര്‍ സെന്‍റര്‍, കുബണൂര്‍ എസ്.ആര്‍.എ.യു.പി സ്കൂള്‍, ധര്‍മസ്ഥല സംഘങ്ങള്‍, ഓട്ടോറിക്ഷാ യൂനിയനുകള്‍ തുടങ്ങിയവയുടെ സഹകരണത്തോടുകൂടിയാണ് ഈ ജനകീയ പദ്ധതി നടപ്പിലാക്കുന്നത്. |
| സ്ത്രീയെ ചാക്കില്‍കെട്ടി വഴിയില്‍ ഉപേക്ഷിച്ചു; യുവാവ് അറസ്റ്റില്‍ Posted: 04 Sep 2015 02:14 AM PDT Image: 
|
| ആറളം ജലനിധി പദ്ധതി നാടിന് സമര്‍പ്പിച്ചു Posted: 04 Sep 2015 02:12 AM PDT ഇരിട്ടി: ആറളം ഫാം ഉള്‍പ്പെടെ 3500ഓളം കുടുംബങ്ങള്‍ക്ക് കുടിവെള്ളം ലഭ്യമാക്കുന്ന ആറളം ജലനിധി ശുദ്ധജല വിതരണ പദ്ധതി ജലവിഭവ മന്ത്രി പി.ജെ. ജോസഫ് നാടിന് സമര്‍പ്പിച്ചു. പഞ്ചായത്തിലെ 32 ഗുണഭോക്തൃ സമിതിക്ക് കീഴില്‍ 26 ശുദ്ധജല വിതരണ പദ്ധതികളാണ് നടപ്പാക്കിയത്. 18 എണ്ണം ജനറല്‍ മേഖലയിലും എട്ടു പദ്ധതികള്‍ ആറളം ഫാം ആദിവാസി പുനരധിവാസ മേഖലയിലുമായാണ് നടപ്പാക്കിയത്. 15.56 കോടി രൂപ ചെലവില്‍ പൂര്‍ത്തിയായ പദ്ധതിയില്‍ ശുദ്ധജല വിതരണം, ഭൂഗര്‍ഭജല പരിപോഷണം, ശുചിത്വ പദ്ധതി, സ്ത്രീ ശാക്തീകരണം എന്നിവയാണ് ഉള്‍പ്പെടുത്തിയിരിക്കുന്നത്. പൊതുജന വിഭാഗത്തില്‍ 2070 കുടുംബങ്ങള്‍ക്കും ഫാം പുനരധിവാസ മേഖലയില്‍ 1447 എസ്.ടി കുടുംബങ്ങള്‍ക്കും കുടിവെള്ള പദ്ധതിയുടെ പ്രയോജനം ലഭിക്കും. വാട്ടര്‍ അതോറിറ്റി ഓഫിസ് ഇല്ലാത്ത ഇരിട്ടിയില്‍ പ്രത്യേക പരിഗണന നല്‍കി ഓഫിസ് അനുവദിക്കും. ശുദ്ധജലം നമ്മുടെ അവകാശമാണ്. അതുകൊണ്ടാണ് യു.ഡി.എഫ് സര്‍ക്കാര്‍ എല്ലാ പഞ്ചായത്തുകളിലും വെള്ളമത്തെിക്കാന്‍ ശ്രമിക്കുന്നത് -മന്ത്രി പറഞ്ഞു. |
.png)
ജനീവ: രണ്ടുലക്ഷം വരെ അഭയാര്‍ഥികളെക്കൂടി യൂറോപ്യന്‍ യൂനിയന്‍ അംഗരാജ്യങ്ങള്‍ ഏറ്റെടുക്കണമെന്ന് ഐക്യരാഷ്ട്ര സഭയുടെ ആഹ്വാനം. പുനരധിവാസത്തിന്‍െറ ഗുണം അഭയാര്‍ഥി സമൂഹത്തിന് ലഭിക്കാന്‍ എല്ലാ രാജ്യങ്ങളും പങ്കാളിത്തം ഉറപ്പാക്കണമെന്ന് യു.എന്‍ അഭയാര്‍ഥികാര്യ ഹൈകമീഷണര്‍ അന്‍േറാണിയോ ഗറ്ററസ് ആവശ്യപ്പെട്ടു. സിറിയന്‍ ബാലന്‍െറ മൃതദേഹം തുര്‍ക്കി തീരത്തടിഞ്ഞതിനെ തുടര്‍ന്നുണ്ടായ ആഗോള വിമര്‍ശത്തിന്‍െറ പശ്ചാത്തലത്തിലാണ് യു.എന്‍ ആഹ്വാനം. അഭയാര്‍ഥിപ്രശ്നം ഒരു രാഷ്ട്രത്തിനു മാത്രമായി കൈകാര്യം ചെയ്യാനാകില്ളെന്നും എന്നാല്‍, ആര്‍ക്കും ഉത്തരവാദിത്തത്തില്‍നിന്ന് ഒഴിഞ്ഞുനില്‍ക്കാനാവില്ളെന്നും ഗറ്ററസ് പറഞ്ഞു.
കൊച്ചി: നഗരത്തില്‍ സ്ത്രീയെ ചാക്കില്‍കെട്ടി വഴിയില്‍ ഉപേക്ഷിച്ച നിലയില്‍ കണ്ടത്തെി. തമിഴ്നാട് തേനി ഈശ്വരന്‍െറ ഭാര്യ ലക്ഷ്മിയെയാണ് (45) വഴിയരികില്‍ ഉപേക്ഷിച്ചത്. മുഖത്തും ശരീരത്തും പരിക്കേറ്റ ഇവര്‍ എറണാകുളം ജനറല്‍ ആശുപത്രിയില്‍ ചികിത്സയിലാണ്. സംഭവത്തില്‍ തമിഴ്നാട് സ്വദേശിയായ യുവാവിനെ അറസ്റ്റ് ചെയ്തു. കലൂര്‍ സെന്‍റ് ആന്‍റണീസ് പള്ളിക്ക് സമീപം ഉച്ചക്ക് ഒരു മണിക്കാണ് സംഭവം. പരിസരവാസികളാണ് വിവരം പൊലീസിനെ അറിയിച്ചത്. അബോധാവസ്ഥയിലായിരുന്ന ലക്ഷ്മിയെ സ്കാനിങ്ങിന് വിധേയയാക്കിയശേഷം വാര്‍ഡിലേക്ക് മാറ്റി. അതേസമയം, യുവാവിനെ പൊലീസ് ചോദ്യം ചെയ്തെങ്കിലും കാര്യമായ വിവരം ലഭിച്ചില്ല. താന്‍ ലക്ഷ്മിയെ രക്ഷിക്കാന്‍ ശ്രമിക്കുകയായിരുന്നുവെന്നാണ് യുവാവ് പൊലീസിനോട് പറഞ്ഞത്. സംഭവത്തെക്കുറിച്ച് പ്രതികരിക്കാന്‍ സ്ത്രീയും തയാറായില്ല. ഇരുവരും മദ്യലഹരിയിലായിരുന്നുവെന്ന് പൊലീസ് പറഞ്ഞു. ആക്രി സാധനങ്ങള്‍ പെറുക്കി വില്‍ക്കുന്ന ലക്ഷ്മിയെ മദ്യപിച്ച നിലയില്‍ ഇതിനുമുമ്പും പൊലീസ് അറസ്റ്റ് ചെയ്തിട്ടുണ്ട്. പരിക്ക് സാരമുള്ളതല്ളെന്ന് പൊലീസ് അറിയിച്ചു.| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
No comments:
Post a Comment