പണിയെപ്പത് നാങ്കള് കൊള്ളയടിപ്പതു നീങ്കള്; ഇത് പെമ്പിളൈ ഒരുമയുടെ ഇന്‍ക്വിലാബ് Madhyamam News Feeds |  |
- പണിയെപ്പത് നാങ്കള് കൊള്ളയടിപ്പതു നീങ്കള്; ഇത് പെമ്പിളൈ ഒരുമയുടെ ഇന്‍ക്വിലാബ്
- മൂന്നാര്‍ സമരം: മഹിളാ കോണ്‍ഗ്രസ് നേതാക്കളെ ഇറക്കിവിട്ടു
- അജയ്യനായി മെയ്വെതര്
- ഗ്യാസ് കണക്ഷന്‍െറ പേരില്‍ തട്ടിപ്പ്; നൂറിലേറെപ്പേര്‍ കബളിപ്പിക്കപ്പെട്ടതായി പരാതി
- നായപ്പേടിയില്‍ നാടും നഗരവും
- ടോളിനെക്കുറിച്ച് അറിയില്ളെന്ന വാദം തെറ്റ്
- മെസി വീണ്ടും ബാഴ്സയുടെ രക്ഷകനായി
- കേബ്ള്‍ സ്ഥാപിക്കാന്‍ സംസ്ഥാനപാത വെട്ടിപ്പൊളിക്കുന്നത് നാട്ടുകാര്‍ തടഞ്ഞു
- മൈസൂര്‍ കല്യാണ ഇരകള്‍ക്ക് സാന്ത്വനമേകിയ വഴിക്കടവ് സി.ഡി.എസ് പുരസ്കാര നിറവില്‍
- തിരുവല്ലയില്‍ ഇന്‍ഡോര്‍ ക്രിക്കറ്റ് കോംപ്ളക്സ് തുറന്നു
- ലക്ഷങ്ങളുടെ ജോലി തട്ടിപ്പ്: യുവതി അറസ്റ്റില്‍
- ഇടുക്കിയില്‍ വിദേശ മദ്യക്കടത്ത് വ്യാപകം
- സബ്രജിസ്ട്രാര്‍, വില്ളേജ് ഓഫിസുകളില്‍ വിജിലന്‍സ് റെയ്ഡ്
- വാഹനങ്ങള്‍ കാടുമൂടി തുരുമ്പെടുക്കുന്നു
- ഫോര്‍ട്ട്കൊച്ചി– വൈപ്പിന്‍ ബോട്ട് സര്‍വിസ് ഇന്ന് പുനരാരംഭിക്കും
- വിവാദങ്ങള്‍ മൂടിയ സ്ത്രീസൗഹൃദ കേന്ദ്രം ഉദ്ഘാടനം 15ന്
- വയനാടൊരുങ്ങുന്നു; മൂന്നാറാകാന്‍
- കരിപ്പൂര്‍ വിമാനത്താവളം: സത്യഗ്രഹം ആറാം ദിവസത്തിലേക്ക്
- ഹമദ് വിമാനത്താവളത്തില്‍ അഞ്ച് കിലോ കഞ്ചാവ് പിടികൂടി
- വി.എസ് സ്വീകാര്യത തെളിയിക്കുമ്പോള്‍ വിയര്‍ക്കുക പാര്‍ട്ടി നേതൃത്വം
- യമനില്‍ കൊല്ലപ്പെട്ട യു.എ.ഇ സൈനികരുടെ എണ്ണം 52 ആയി
- ഇന്ത്യന്‍ ക്ളബ് ഓണാഘോഷത്തില്‍ ഐ.എം.വിജയനും കലാഭവന്‍ മണിയും
- സമരം തീരുന്നത് വരെ മൂന്നാറില്‍ തുടരും ^വി.എസ്
- ജെ.എന്‍.യു പ്രസിഡന്‍റ് സ്ഥാനം എ.ഐ.എസ്.എഫിന്
- സൗഹൃദം നങ്കൂരമിട്ട് ഇന്ത്യന്‍ പടക്കപ്പലുകള്‍ ജുബൈലില്‍
| പണിയെപ്പത് നാങ്കള് കൊള്ളയടിപ്പതു നീങ്കള്; ഇത് പെമ്പിളൈ ഒരുമയുടെ ഇന്‍ക്വിലാബ് Posted: 13 Sep 2015 12:58 AM PDT Image:  മൂന്നാര്‍: കേരളത്തിന്‍റെ സമര ഭൂപടത്തില്‍ വീറുറ്റ പുതിയ ഏടുകള്‍ എഴുതിച്ചേര്‍ത്ത മൂന്നാര്‍ സമരത്തിലെ മുദ്രാവാക്യവും ജനശ്രദ്ധ കവരുന്നു. ചൂഷകരായ മുതലാളിമാരുടെ ചങ്കിനു നേരെ ഉയര്‍ത്തുന്ന കത്തി പോലെയായിരുന്നു പെണ്‍ കണ്ഠദനാളങ്ങളില്‍ നിന്ന് ഉയര്‍ന്ന മുദ്രാവക്യങ്ങള്‍. കേട്ടു നില്‍ക്കുന്നവരുടെ സിരകളിലേക്കു കൂടി സമര വീര്യം പടര്‍ത്തുന്ന വിധം തമിഴ് സൗന്ദര്യവും മൂര്‍ച്ചയും ഒരുപോലെ ഉള്‍ചേര്‍ന്നിരുന്നു ആ ഇന്‍ക്വിലാബുകളില്‍. ‘ഇന്‍ക്വലാബ് സിന്ദാബാദ് തൊഴിലാളി ഐക്യം സിന്ദാബാദ്’ ‘പെമ്പിള ഒരുമൈ സിന്ദാബാദ്’ ‘പണിയെടുപ്പതു നാങ്കളെ കൊള്ളയടിപ്പതു നീങ്കള്’ ‘കൊളുന്തുകുട്ട എടുപ്പതു നാങ്കള് പണക്കുട്ട അമുക്കുതു നീങ്കള്’ ‘അപ്പാ അപ്പാ കരിയപ്പാ കൊള്ളയടിച്ച പണത്തെ എവിടപ്പാ?’ - കരിയപ്പ എന്ന കമ്പനി മാനേജറോടുള്ള ചോദ്യമായിരുന്നു ഇത്. ‘പൊട്ട ലയങ്ങള്‍ നാങ്കള്‍ക്ക് എസി ബംഗ്ളാ ഉങ്കള്‍ക്ക്’ ‘തമിഴ് മീഡിയം നാങ്കള്‍ക്ക് ഇംഗ്ളീഷ് മീഡിയം ഉങ്കള്‍ക്ക്’ ‘കുട്ടതൊപ്പി നാങ്കള്‍ക്ക് കോട്ടും സൂട്ടും ഉങ്കള്‍ക്ക്’ ‘ചിക്കന്‍, ദോശ ഉങ്കള്‍ക്ക് കാടി കഞ്ഞി നാങ്കള്‍ക്ക്‘ ‘പണിയെടുക്കുവത് നാങ്കളെ് പണം കൊയ്വത് നീങ്കള്’ ‘പോരാടുവോം പോരാടുവോം നീതി കെടയ്ക്കും വരെ പോരാടുവോം’ ‘പോരാടുവോം വെട്രി വരുവോം’ ‘ഇന്‍ക്വിലാബ് സിന്ദാബാദ് തൊഴിലാളി ഐക്യം സിന്ദാബാദ് പെമ്പിള ഒരുമൈ സിന്ദാബാദ്’. സമരമുഖത്ത് സാധാരണ കേള്‍ക്കാറുള്ള നെടുങ്കന്‍ പ്രസംഗങ്ങളെ പോലും അപ്രസക്തമാക്കിക്കൊണ്ട് തൊഴിലാളികളുടെ ജീവല്‍ പ്രശ്നത്തിലേക്ക് ഏറ്റവും ലളിതമായി ശ്രദ്ധ ക്ഷണിക്കുക കൂടി ചെയ്യുന്നു ഈ മുദ്രാവാക്യങ്ങള്‍. |
| മൂന്നാര്‍ സമരം: മഹിളാ കോണ്‍ഗ്രസ് നേതാക്കളെ ഇറക്കിവിട്ടു Posted: 12 Sep 2015 11:05 PM PDT Image:  മൂന്നാര്‍: മൂന്നാറിലെ സമര വേദിയിലെ ത്തിയ മഹിളാ കോണ്‍ഗ്രസ് നേതാക്കളെ തൊഴിലാളികള്‍ എഴുന്നേല്‍പ്പിച്ചുവിട്ടു. മഹിളാ കോണ്‍ഗ്രസ് സംസ്ഥാന പ്രസിഡന്‍റ് ബിന്ദു കൃഷ്ണ, കെ.പി.സി.സി സെക്രട്ടറി ലതിക സുഭാഷ് എന്നിവരെയാണ് സമര വേദിയില്‍ നിന്ന് എഴുന്നേറ്റു പോകാന്‍ തൊഴിലാളികള്‍ ആവശ്യപ്പെട്ടത്. തൊഴിലാളി സംഘടനാ പ്രതിനിധികളെന്ന് ആരോപിച്ചായിരുന്നു മഹിളാ കോണ്‍ഗ്രസ് നേതാക്കള്‍ക്ക് നേരെ പ്രതിഷേധം ഉയര്‍ന്നത്. തൊഴിലാളികളുടെ പ്രതിഷേധം സ്വഭാവികം മാത്രമെന്ന് ബിന്ദു കൃഷ്ണ പിന്നീട് മാധ്യമങ്ങളോട് പറഞ്ഞു. തൊഴിലാളി സംഘടനകളുടെ തെറ്റായ ശൈലിയാണ് പ്രതിഷേധങ്ങള്‍ക്ക് വഴിവെച്ചത്. സംഘടനകളുടെ പ്രവര്‍ത്തന രീതിയില്‍ പൊളിച്ചെഴുത്ത് അനിവാര്യമാണ്. ഐതിഹാസിക സമരമാണ് മൂന്നാറിലെ സ്ത്രീ തൊഴിലാളികള്‍ നടത്തുന്നതെന്നും ബിന്ദു കൃഷ്ണ കൂട്ടിച്ചേര്‍ത്തു. സമരവേദിയിലെ ത്തിയ ആര്‍.എം.പി നേതാവ് കെ.കെ രമയോടും മടങ്ങി പോകാന്‍ തോട്ടംതൊഴിലാളികള്‍ ആവശ്യപ്പെട്ടു. പ്രതിഷേധം ഉയര്‍ന്ന സാഹചര്യത്തില്‍ സമരത്തിന് പിന്തുണ അറിയിക്കാന്‍ എത്തിയതാണെന്ന് അറിയിച്ച് കെ.കെ രമ സമരവേദിയില്‍ നിന്ന് മടങ്ങി. |
| Posted: 12 Sep 2015 10:17 PM PDT Image:  ലാസ് വെഗാസ്: എം.ജി.എം ഗ്രാന്‍ഡ് സ്റ്റേഡിയത്തിലെ ആര്‍ക് ലൈറ്റുകള്‍ക്ക് കീഴില്‍ സജ്ജീകരിച്ച ഇടിക്കൂട്ടില്‍ എതിരാളി ആന്ദ്രേ ബെര്‍ട്ടോയെ (30^4) ലക്ഷ്യമാക്കി മുഷ്ടി ചുരുട്ടിയ ഫ്ളോയ്ഡ് മെയ്വെതര് എന്ന അതികായന് സ്വപ്ന നേട്ടത്തോടെ പടിയിറക്കം. കരിയറിലെ അവസാനത്തെ മത്സരത്തിനിറങ്ങിയ മെയ് വെതര്‍ എതിരാളിയെ പരാജയപ്പെടുത്തി നേടിയത് ചരിത്ര നേട്ടം. 19 വര്‍ഷം നീണ്ട കരിയറിലെ 49ാമത്തെ മത്സരത്തിനിറങ്ങിയ മെയ്വെതര് അവസാന മത്സരം വരെ തോല്‍ക്കാതെ 49^0ത്തിന്‍െറ അജയ്യമായ റെക്കോഡ് സ്വന്തമാക്കിയാണ് ഇടിക്കൂട്ടില്‍ നിന്നും മടങ്ങുന്നത്. അമേരിക്കക്കാരന്‍ റോക്കി മാര്‍സിയാനോ സ്ഥാപിച്ച 49^0ത്തിന്‍െറ റെക്കോഡിനൊപ്പമാണ് മെയ് വെതറത്തെിയത്. ദൈവത്തിനും ആരാധകര്‍ക്കും നന്ദി പറഞ്ഞ മെയ്വെതര് തന്‍െറ കരിയര്‍ അവസാനിപ്പിച്ചതായി ഒൗദ്യോഗികമായി പ്രഖ്യാപിച്ചു. വിരമിക്കല്‍ തീരുമാനത്തില്‍ നിന്നും പിന്നോട്ടില്ളെന്നും താന്‍ തന്നെയാണ് ലോകത്തിലെ മികച്ച താരമെന്നും മെയ്വെതര് പറഞ്ഞു. ബെര്‍റ്റോ മികച്ച എതിരാളിയായിരുന്നെങ്കിലും പരിചയ സമ്പത്ത് തന്നെ സഹായിച്ചുവെന്നും മെയ്വെതര് പറഞ്ഞു. അവസാന മത്സരത്തില്‍ ആന്ദ്രേ ബെര്‍ട്ടോയെ മെയ്വെതര് തെരഞ്ഞെടുത്തത് അപരാജിതന്‍ എന്ന റെക്കോര്‍ഡ് നിലനിര്‍ത്താനാണെന്ന വിമര്‍ശനങ്ങളുയര്‍ന്നിരുന്നു. കരിയറിലെ നാലാം തോല്‍വിയാണ് ബെര്‍ട്ടോക്കുണ്ടായത്. മെയ് വെതറിനു അഞ്ചു വിഭാഗങ്ങളിലായി 12 ലോക കിരീടങ്ങളുണ്ട്. ആന്ദ്രേ ബെര്‍ട്ടോക്കെതിരെ ലാസ് വെഗാസില്‍ തന്‍െറ കരിയറിലെ അവസാന മത്സരത്തിനാണിറങ്ങുന്നതെന്ന് 38കാരനായ മെയ്വെതര് നേരത്തേ പ്രഖ്യാപിച്ചിരുന്നു.
|
| ഗ്യാസ് കണക്ഷന്‍െറ പേരില്‍ തട്ടിപ്പ്; നൂറിലേറെപ്പേര്‍ കബളിപ്പിക്കപ്പെട്ടതായി പരാതി Posted: 12 Sep 2015 09:53 PM PDT ആര്യനാട്: മലയോര ഗ്രാമീണമേഖലയില്‍ പുതിയ ഗ്യാസ് കണക്ഷന്‍െറ പേരില്‍ വന്‍തട്ടിപ്പ്. ഉപഭോക്താക്കളില്‍ നിന്ന് ആയിരക്കണക്കിന് രൂപ അമിതമായി ഈടാക്കുന്നതായാണ് പരാതി. അടുത്തിടെ ആര്യനാട്ട് ആരംഭിച്ച ഇന്‍ഡന്‍ ഗ്യാസ് ഏജന്‍സിയുടെ പേരിലാണ് നൂറുകണക്കിനുപേര്‍ കബളിപ്പിക്കപ്പെട്ടത്. ഗ്യാസ് ഏജന്‍സി ജീവനക്കാരാണെന്ന പേരില്‍ ഏജന്‍റുമാര്‍ വീടുകളിലത്തെി പാചകവാതക കണക്ഷന്‍ തവണവ്യവസ്ഥയില്‍ ഉള്‍പ്പെടെ നല്‍കാമെന്ന് വാഗ്ദാനം നല്‍കിയാണ് ഉപഭോക്താക്കളെ കെണിയില്‍ വീഴ്ത്തുന്നത്. സിലിണ്ടര്‍, സ്റ്റൗ, അനുബന്ധ ഉപകരണങ്ങള്‍, ഡിപ്പോസിറ്റ്, ഉള്‍പ്പെടെ 6200 രൂപ മുതല്‍ നേരിട്ട് വാങ്ങും. തവണ വ്യവസ്ഥയാണെങ്കില്‍ 6500 മുതല്‍ 8000 രൂപ വരെയാണ് ഈടാക്കുന്നത്. തുടര്‍ന്ന് റേഷന്‍ കാര്‍ഡും അനുബന്ധരേഖകളുമായി ഏജന്‍സി ഓഫിസില്‍ നിശ്ചിതദിവസം എത്താന്‍ ആവശ്യപ്പെടും. ഇങ്ങനെ എത്തുമ്പോള്‍ ഇവര്‍ ഓഫിസ് ജീവനക്കാരെപ്പോലെ പെരുമാറി കണക്ഷന്‍ നല്‍കും. തുക ബാക്കി നല്‍കാനുണ്ടെങ്കില്‍ ഉപഭോക്താവില്‍ നിന്നും അതും വാങ്ങും. പലരും വീട്ടിലത്തെി ബില്ലുകള്‍ പരിശോധിക്കുമ്പോഴാണ് ആയിരക്കണക്കിന് രൂപ അമിതമായി ഈടാക്കിയതായി മനസ്സിലാവുന്നത്. |
| Posted: 12 Sep 2015 09:51 PM PDT കൊല്ലം: പകല്‍ പോലും വീടിന് പുറത്തിറങ്ങാന്‍ ഭയക്കേണ്ട അവസ്ഥ. കള്ളന്മാരെയോ കൊള്ളക്കാരെയോ പേടിച്ചിട്ടില്ല. ഏത് സമയത്തും ആക്രമിക്കപ്പെടാവുന്ന നിലയിലേക്ക് നാട് മാറി. നായകള്‍ നാടിന്‍െറ മുക്കിലും മൂലയിലും നിറഞ്ഞിരിക്കുകയാണ്. ഒറ്റക്ക് കുട്ടികളെ സ്കൂളുകളില്‍ വിടാന്‍ രക്ഷാകര്‍ത്താക്കള്‍ ഭയപ്പെടുന്നു. നായശല്യം ഇല്ലാതാക്കാന്‍ സംസ്ഥാന സര്‍ക്കാറിനുപോലും കഴിയുന്നില്ല. ഒരു വശത്ത് നായ്ക്കള്‍ കുട്ടികളെയടക്കം കടിച്ചുകീറുമ്പോള്‍ മറുവശത്ത് മൃഗസ്നേഹികള്‍ നിറയുന്നു. വരുന്നമാസം നായ്ക്കളുടെ പ്രജനനകാലമായതിനാല്‍ ആക്രമണം കൂടുമെന്ന് വിദഗ്ധരും പറയുന്നു. സംസ്ഥാനത്തിന് മാതൃകയായി കൊല്ലം ജില്ലാ പഞ്ചായത്ത് ഉയര്‍ത്തിക്കാട്ടിയ വന്ധ്യംകരണപദ്ധതി ഇതുവരെ നടപ്പാക്കാനായിട്ടില്ല. എ.ബി.സി കമ്മിറ്റിയുടെ പുന$സംഘടനയാണ് ഇതിന് വിലങ്ങുതടിയായിരിക്കുന്നത്. പഴയ കമ്മിറ്റി പുന$സംഘടിപ്പിക്കാന്‍ സര്‍ക്കാര്‍ ഉത്തരവിറക്കിയിട്ടും ചില ഉദ്യോഗസ്ഥരുടെ പിടിവാശിയില്‍ തുടര്‍നടപടികളായിട്ടില്ല. അടിയന്തര ജനറല്‍ ബോഡി കൂടി പുതിയ കമ്മിറ്റി രൂപപ്പെടുത്താനുള്ള ശ്രമത്തിലാണ് ജില്ലാ പഞ്ചായത്ത്. ഇപ്പോള്‍ നായ്ക്കളുടെ ശല്യം വര്‍ധിച്ചതുകാട്ടി കലക്ടറെ കാണാനിരിക്കുകയാണ് ജില്ലാ പഞ്ചായത്ത് പ്രസിഡന്‍റടക്കമുള്ളവര്‍. ശരാശരി 20-30 പേര്‍ക്ക് ദിവസവും നായ്ക്കളുടെ കടിയേല്‍ക്കുന്നതായാണ് ആരോഗ്യവകുപ്പ് നല്‍കുന്ന വിവരം. പ്രതിരോധ കുത്തിവെപ്പിനുള്ള മരുന്ന് ജില്ലാ ആശുപത്രിയില്‍ സ്റ്റോക്കുണ്ട്. ആന്‍റി റാബിസ് വാക്സിനും സിറവുമാണ് ഇപ്പോഴുള്ളത്. കടിച്ചത് പേപ്പട്ടിയാണെന്ന് ഉറപ്പായാലാണ് ആന്‍റി റാബിസ് സിറം കുത്തിവെക്കുന്നത്. നായ കടിക്കുന്ന എല്ലാവര്‍ക്കും വാക്സിനാണ് എടുക്കുന്നത്. |
| ടോളിനെക്കുറിച്ച് അറിയില്ളെന്ന വാദം തെറ്റ് Posted: 12 Sep 2015 09:48 PM PDT ഇരിങ്ങാലക്കുട: പുതിയ ആളൂര്‍ റെയില്‍വേ മേല്‍പാലത്തിലെ വിവാദ ടോള്‍ പിരിവിനെക്കുറിച്ച് അറിയില്ളെന്ന സ്ഥലം എം.എല്‍.എ അടക്കമുള്ളവരുടെ വാദം പൊളിയുന്നു. മേല്‍പാലത്തിന്‍െറ പ്രാരംഭ നിര്‍മാണ ഘട്ടത്തില്‍ തന്നെ റോഡ്സ് ആന്‍ഡ് ബ്രിഡ്ജസ് കോര്പറേഷന് ടോള്‍ പിരിക്കാനുള്ള അനുമതി സര്‍ക്കാര്‍ നല്‍കിയ രേഖകള്‍ പുറത്തായി. |
| മെസി വീണ്ടും ബാഴ്സയുടെ രക്ഷകനായി Posted: 12 Sep 2015 09:46 PM PDT Image:  മാഡ്രിഡ്: അങ്ങനെ മെസി വീണ്ടും ബാഴ്സയുടെ രക്ഷകനായി. ബാഴ്സയുടെ ഒന്നാം ഇലവനില്‍ ഉള്‍പെടാതിരുന്ന അര്‍ജന്‍റീന താരത്തിന്‍െറ മികവില്‍ സ്പാനിഷ് ലീഗില്‍ അത്ലറ്റിക്കോ മാഡ്രിഡിനെതിരെ ബാഴ്സലോണ വിജയം രുചിച്ചു. ഒന്നിനെതിരെ രണ്ടു ഗോളുകള്‍ക്കായിരുന്നു കാറ്റലന്‍ സംഘത്തിന്‍െറ ജയം. മെസിക്കു പുറമേ ബ്രസീല്‍ താരം നെയ്മറും ബാഴ്സക്കായി വലകുലുക്കി. ഫെര്‍ണാണ്ടാ ടോറസാണ് അത്ലറ്റിക്കോക്കായി ഗോള്‍ നേടിയത്. വെള്ളിയാഴ്ച തന്‍െറ രണ്ടാമത്തെ മകന്‍ ജനിച്ച് കളത്തിലിറങ്ങാന്‍ വന്ന സൂപ്പര്‍ താരത്തിന് ബെഞ്ചിലിരിക്കാനായിരുന്നു വിധി. എന്നാല്‍ കളി തീരുമ്പോള്‍ മെസി തന്നെയായിരുന്നു ഇന്നലെയും താരം. ഒന്നാം ലൈന്‍അപ്പില്‍ മെസ്സിയെക്കൂടാതെ ക്ളോഡിയോ ബ്രാവോ, ഡാനി ആല്‍വസ്, ജെറാര്‍ഡ് പിക്വോ എന്നിവരെയും കാണാനില്ലായിരുന്നു. എന്നാലും ആദ്യ പകുതിയില്‍ ബാര്‍സ തന്നെയായിരുന്നു അത്ലറ്റിക്കോയെക്കാള്‍ മികവ് കാണിച്ചത്. എന്നാലും ഗോള്‍ നേടാന്‍ മാത്രം സാധിച്ചില്ല. മത്സരത്തില്‍ ഒന്നാം പകുതി ഗോള്‍ രഹിതമായിരുന്നു. രണ്ടാം പകുതിയില്‍ 52ാം മിനിറ്റിലാണ് ടോറസ് അത്ലറ്റിക്കോയെ മുന്നിലെ ത്തിച്ചത്. എന്നാല്‍ 55ാം മിനിറ്റില്‍ നെയ്മറിലൂടെ ബാര്‍സ മറുപടി നല്‍കി. സമനില ഗോള്‍ വീണതിനു ശേഷമാണ് മെസിയെ കോച്ച് കളത്തിലിറക്കിയത്. ഗ്രൗണ്ടിലത്തെി ഏതാനും മിനിറ്റുകള്‍ക്കുള്ളില്‍ മെസി വിജയഗോള്‍ കണ്ടത്തെുകയും ചെയ്തു. 77ാം മിനിറ്റിലെ ഫിനിഷിലൂടെ മെസി ബാഴ്സ കോച്ചിന് ആശ്വാസം പകര്‍ന്നു. അല്ളെങ്കില്‍ ചില സങ്കീര്‍ണ്ണമായ ചോദ്യങ്ങള്‍ മത്സരത്തിനു ശേഷം ബാഴ്സ കോച്ച് നേരിടേണ്ടി വരുമായിരുന്നു. |
| കേബ്ള്‍ സ്ഥാപിക്കാന്‍ സംസ്ഥാനപാത വെട്ടിപ്പൊളിക്കുന്നത് നാട്ടുകാര്‍ തടഞ്ഞു Posted: 12 Sep 2015 09:45 PM PDT പത്തിരിപ്പാല: കോടികള്‍ ചെലവഴിച്ച് നിര്‍മിച്ച പാലക്കാട്-കുളപ്പുള്ളി സംസ്ഥാനപാത കുഴിച്ച് കേബ്ള്‍ ചാലെടുക്കുന്നതിനെതിരെ പ്രതിഷേധവുമായി നാട്ടുകാര്‍. ഒറ്റപ്പാലം മുതല്‍ പാലക്കാട് വരെയുള്ള സംസ്ഥാന പാതയിലാണ് സ്വകാര്യ നെറ്റ്വര്‍ക് കമ്പനിയുടെ നേതൃത്വത്തില്‍ പാത തകര്‍ത്ത് കേബ്ള്‍ ചാലെടുക്കുന്നത്. |
| മൈസൂര്‍ കല്യാണ ഇരകള്‍ക്ക് സാന്ത്വനമേകിയ വഴിക്കടവ് സി.ഡി.എസ് പുരസ്കാര നിറവില്‍ Posted: 12 Sep 2015 09:42 PM PDT നിലമ്പൂര്‍: സംസ്ഥാനത്തെ മികച്ച സി.ഡി.എസിനുള്ള ദൂരദര്‍ശന്‍െറ അവാര്‍ഡ് ലഭിച്ച വഴിക്കടവ് സി.ഡി.എസിന് ഇത് അര്‍ഹതക്കുള്ള അംഗീകാരം. വിധവകളെയും വിവാഹമോചിതരെയും സംരക്ഷിക്കുന്ന പ്രവര്‍ത്തനങ്ങള്‍ക്കാണ് ഇവര്‍ ഒന്നാം സ്ഥാനത്തത്തെിയത്. |
| തിരുവല്ലയില്‍ ഇന്‍ഡോര്‍ ക്രിക്കറ്റ് കോംപ്ളക്സ് തുറന്നു Posted: 12 Sep 2015 09:33 PM PDT തിരുവല്ല: എറണാകുളത്ത് അന്താരാഷ്ട്ര ക്രിക്കറ്റ് സ്റ്റേഡിയം നിര്‍മിക്കുന്നതിന് കേരള ക്രിക്കറ്റ് അസോ. നടത്തുന്ന ശ്രമത്തെ സംസ്ഥാന സര്‍ക്കാര്‍ പിന്തുണക്കുമെന്ന് മുഖ്യമന്ത്രി ഉമ്മന്‍ ചാണ്ടി പറഞ്ഞു. കേരള ക്രിക്കറ്റ് അസോസിയേഷനും തിരുവല്ല മുനിസിപ്പാലിറ്റിയും ചേര്‍ന്ന് നിര്‍മിച്ച ഇന്‍ഡോര്‍ ക്രിക്കറ്റ് കോംപ്ളക്സിന്‍െറ ഉദ്ഘാടനം നിര്‍വഹിക്കുകയായിരുന്നു അദ്ദേഹം. |
| ലക്ഷങ്ങളുടെ ജോലി തട്ടിപ്പ്: യുവതി അറസ്റ്റില്‍ Posted: 12 Sep 2015 09:31 PM PDT ചങ്ങനാശേരി: ഇതര സംസ്ഥാനങ്ങളിലെ സ്വകാര്യ കമ്പനികളില്‍ ജോലി വാഗ്ദാനം നല്‍കി ലക്ഷങ്ങള്‍ തട്ടിപ്പുനടത്തിയ കേസില്‍ യുവതി അറസ്റ്റില്‍. |
| ഇടുക്കിയില്‍ വിദേശ മദ്യക്കടത്ത് വ്യാപകം Posted: 12 Sep 2015 09:29 PM PDT ചെറുതോണി: ഇടുക്കി ജില്ലയില്‍ വിദേശ മദ്യക്കടത്ത് വ്യാപകമാകുന്നു. ബാറുകള്‍ നിരോധിച്ചതോടെ അനധികൃത വിദേശമദ്യ വ്യാപാരം കൊഴുക്കുകയാണ്. കഴിഞ്ഞ ദിവസം തടിയംപാട് ചപ്പാത്ത് വഴി ഓട്ടോയില്‍ രണ്ടു ചാക്കുകളിലായി കടത്താന്‍ ശ്രമിച്ച് 49 ലിറ്റര്‍ വിദേശമദ്യം പൊലീസ് പിടികൂടിയിരുന്നു. |
| സബ്രജിസ്ട്രാര്‍, വില്ളേജ് ഓഫിസുകളില്‍ വിജിലന്‍സ് റെയ്ഡ് Posted: 12 Sep 2015 09:25 PM PDT കാസര്‍കോട്: പോക്കുവരവ് രേഖകള്‍ സൂക്ഷിക്കാതിരിക്കുകയും കലക്ടര്‍ക്ക് കൈമാറാതിരിക്കുകയും ചെയ്ത വില്ളേജ് ഓഫിസുകളില്‍ വിജിലന്‍സ് റെയ്ഡ്. ഇത് സംബന്ധിച്ച സര്‍ക്കാര്‍ ഇറക്കിയ ഉത്തരവും നടപ്പാക്കിയില്ല. |
| വാഹനങ്ങള്‍ കാടുമൂടി തുരുമ്പെടുക്കുന്നു Posted: 12 Sep 2015 09:22 PM PDT ചക്കരക്കല്ല്: ചക്കരക്കല്ല് പൊലീസ് സ്റ്റേഷനില്‍ പിടിച്ചെടുത്ത വാഹനങ്ങള്‍ കാടുമൂടി തുരുമ്പെടുക്കുന്നു. |
| ഫോര്‍ട്ട്കൊച്ചി– വൈപ്പിന്‍ ബോട്ട് സര്‍വിസ് ഇന്ന് പുനരാരംഭിക്കും Posted: 12 Sep 2015 09:16 PM PDT മട്ടാഞ്ചേരി: വൈപ്പിന്‍- ഫോര്‍ട്ട്കൊച്ചി ബോട്ട് സര്‍വിസും ജങ്കാര്‍ സര്‍വിസും ഞായറാഴ്ച പുനരാരംഭിക്കും. ഫോര്‍ട്ട്കൊച്ചി ബോട്ട് ദുരന്തത്തിനുശേഷം 18 ദിവസങ്ങള്‍ പിന്നിട്ടശേഷമാണ് മേഖലയില്‍ പുതിയ സര്‍വിസ് ആരംഭിക്കുന്നത്. ഇന്നത്തെ യാത്ര സൗജന്യമായിരിക്കുമെന്ന് മേയര്‍ അറിയിച്ചു. ഫോര്‍ട്ട്കൊച്ചി- വൈപ്പിന്‍കര നിവാസികളുടെ ദുരിതത്തിന് അറുതിവരുത്തിക്കൊണ്ട് പുതിയ ബോട്ട് ഞായറാഴ്ച രാവിലെ എട്ടിനാണ് വൈപ്പിനില്‍നിന്ന് ഫോര്‍ട്ട്കൊച്ചിയിലേക്ക് യാത്രതിരിക്കുക. |
| വിവാദങ്ങള്‍ മൂടിയ സ്ത്രീസൗഹൃദ കേന്ദ്രം ഉദ്ഘാടനം 15ന് Posted: 12 Sep 2015 09:13 PM PDT ആലപ്പുഴ: ജില്ലാപഞ്ചായത്തിന്‍െറ സ്ത്രീസൗഹൃദ കേന്ദ്രത്തിന്‍െറ ഉദ്ഘാടനം 15ന് നടക്കും. വര്‍ഷങ്ങളായി വിവാദങ്ങള്‍ മൂടിക്കിടന്ന ജെന്‍റര്‍ പാര്‍ക്ക് അഥവാ സ്ത്രീസൗഹൃദ കേന്ദ്രം ജില്ലാപഞ്ചായത്ത് ഭരണസമിതിക്കുമേല്‍ വീണ കറുത്തപാടായി ഏറെനാള്‍ നിലനിന്നിരുന്നു. സ്ത്രീസൗഹൃദ കേന്ദ്രം ആലപ്പുഴ നഗരത്തില്‍ അനിവാര്യവും പ്രയോജനപ്രദവുമാണ്. അതിനായി സ്ഥലവും കെട്ടിടവും ഏറ്റെടുത്തത് സംബന്ധിച്ചാണ് വിവാദം നിലനിന്നത്. നഗരത്തിന്‍െറ ഹൃദയഭാഗത്ത് ഗേള്‍സ് എച്ച്.എസ്.എസിന് സമീപം പ്രമുഖ വസ്ത്ര വ്യവസായിയുടെ ഉടമസ്ഥതയിലുണ്ടായിരുന്ന ഭൂമിയും കെട്ടിടവുമാണ് ജില്ലാപഞ്ചായത്ത് വിലക്കു വാങ്ങിയത്. ഭൂമിയുടെ വില സംബന്ധിച്ച തര്‍ക്കമാണ് പ്രശ്നങ്ങളിലേക്ക് നയിച്ചത്. പദ്ധതിയുടെ ഗുണപരവും സാമൂഹിക തല്‍പരവുമായ വിഷയം ഉയര്‍ത്തി ജില്ലാപഞ്ചായത്ത് പ്രസിഡന്‍റ് യു. പ്രതിഭാഹരി സ്ഥലം ഏറ്റെടുക്കലിനെ ന്യായീകരിച്ചെങ്കിലും പാളയത്തില്‍തന്നെ പടയുണ്ടായത് അവര്‍ക്ക് ഏറെ ക്ഷീണമായി. ഇടത് ഭരണത്തിലുള്ള ജില്ലാപഞ്ചായത്തില്‍ വൈസ് പ്രസിഡന്‍റും സി.പി.ഐ അംഗവുമായ തമ്പി മേട്ടുതറയാണ് ജെന്‍റര്‍ പാര്‍ക്ക് സ്ഥലം ഇടപാടില്‍ അഴിമതി നടന്നതായി യോഗത്തില്‍ ആരോപിച്ചത്. പുറമെയുള്ള ചില സംഘടനകളും അത് ഏറ്റുപിടിച്ചു. പ്രശ്നം സി.പി.എം-സി.പി.ഐ പോരിന് കളമൊരുക്കി. വിഷയത്തില്‍ സി.പി.ഐ ജില്ലാ സെക്രട്ടറി പി. തിലോത്തമന്‍ ഇടപെട്ടു. അതിനെതിരെ അന്നത്തെ സി.പി.എം ജില്ലാ സെക്രട്ടറി സി.ബി. ചന്ദ്രബാബു പ്രതികരിച്ചു. |
| വയനാടൊരുങ്ങുന്നു; മൂന്നാറാകാന്‍ Posted: 12 Sep 2015 09:08 PM PDT കല്‍പറ്റ: വയനാട്ടിലെ തോട്ടം മേഖലയിലിപ്പോള്‍ മൂന്നാര്‍ നല്‍കുന്ന ആവേശം ഒത്തിരിയാണ്. ഒന്നിച്ചുനില്‍ക്കാന്‍ കൊടിയും നേതാക്കളുടെ ആജ്ഞകളുമൊന്നും ആവശ്യമില്ളെന്ന തിരിച്ചറിവ് മൂന്നാര്‍ നല്‍കുമ്പോള്‍ വയനാട്ടിലെ തോട്ടങ്ങളില്‍ അതിന്‍െറ അനുരണനങ്ങള്‍ക്ക് സാധ്യതയേറെയാണെന്ന് വിലയിരുത്തപ്പെടുന്നു. പ്രകൃതിസുന്ദരമായ ചായത്തോട്ടങ്ങളില്‍ മുതലാളിമാര്‍ക്കുവേണ്ടി വിയര്‍പ്പൊഴുക്കുന്ന ജില്ലയിലെ പതിനായിരത്തോളം തൊളിലാളികള്‍ക്ക് മൂന്നാര്‍ മോഡല്‍ പ്രതീക്ഷയുണര്‍ത്തുന്ന പ്രചോദനമാവുകയാണ്. ബോണസില്‍ വന്ന ഗണ്യമായ കുറവാണ് ഏറെക്കാലമായി തൊഴിലാളികള്‍ക്കിടയില്‍ പുകയുന്ന അതൃപ്തി മൂന്നാറില്‍ തെരുവിലേക്കത്തൊന്‍ കാരണമായതെങ്കില്‍ അതേ കാരണങ്ങള്‍ വയനാട്ടിലുമുണ്ടെന്നതാണ് ഇങ്ങനെയൊരു സമരത്തെക്കുറിച്ച് തൊഴിലാളികള്‍ക്കിടയില്‍ ചിന്തയുണരാന്‍ കാരണം. കഴിഞ്ഞ വര്‍ഷം 16 ശതമാനം ബോണസ് നല്‍കിയിരുന്നിടത്ത് ഹാരിസണ്‍ മലയാളം ഇക്കുറി നല്‍കുന്നത് 8.33 ശതമാനം മാത്രം. തൊഴിലാളികളുമായി ചര്‍ച്ച നടത്താതെ ഏകപക്ഷീയമായി തോട്ടമുടകമള്‍ നിശ്ചയിച്ച ബോണസ് കൈപ്പറ്റാന്‍ പല യൂനിയനുകളും തീരുമാനിച്ചിട്ടുണ്ടെങ്കിലും ഈ യൂനിയനുകളില്‍ ഉള്‍പ്പെട്ട തൊഴിലാളികള്‍ മിക്കവരും നേതാക്കളുടെ ആജ്ഞ ചെവിക്കൊള്ളാന്‍ തയാറാവുന്നില്ല. ട്രേഡ് യൂനിയനുകളുടെയും കമ്പനികളുടെയും അവിശുദ്ധ കൂട്ടുകെട്ട് ഭൂരിഭാഗം തൊഴിലാളികളും തിരിച്ചറിഞ്ഞുതുടങ്ങുന്നെന്ന സൂചനകളാണിത് നല്‍കുന്നത്. ശമ്പളം സ്ഥിരമായി വൈകി നല്‍കുന്നതില്‍ പ്രതിഷേധിച്ച് ഒരുപാടുകാലമായി തുടരുന്ന അതൃപ്തി ശക്തമായ സമരത്തിന്‍െറ വഴിതേടാനൊരുങ്ങുകയാണ്. |
| കരിപ്പൂര്‍ വിമാനത്താവളം: സത്യഗ്രഹം ആറാം ദിവസത്തിലേക്ക് Posted: 12 Sep 2015 09:03 PM PDT കോഴിക്കോട്: കരിപ്പൂര്‍ വിമാനത്താവളത്തിന്‍െറ റീകാര്‍പറ്റിങ് പ്രവൃത്തി ഉടന്‍ ആരംഭിച്ചില്ളെങ്കില്‍ സത്യഗ്രഹസമരത്തിന് താന്‍ നേതൃത്വം നല്‍കുമെന്ന് മന്ത്രി ഡോ. എം.കെ. മുനീര്‍. കോഴിക്കോട്, മലപ്പുറം നിവാസികളുടെ കാര്‍ഷിക, വ്യാപാര, വ്യവസായ, ടൂറിസം, ആരോഗ്യമേഖലയില്‍ വന്‍ വളര്‍ച്ചയുണ്ടാക്കിയ കരിപ്പൂര്‍ വിമാനത്താവളം ഇല്ലാതാക്കാന്‍ നടത്തുന്ന ശ്രമം ഒരിക്കലും അനുവദിക്കില്ല. കാലിക്കറ്റ് ചേംബര്‍ ഓഫ് കോമേഴ്സും മലബാര്‍ ഡെവലപ്മെന്‍റ് ഫോറവും നടത്തുന്ന അനിശ്ചിതകാല സത്യഗ്രഹ സമരത്തിലെ അഞ്ചാമത്തെ ദിവസം പ്രോട്ടോകോള്‍ ലംഘിച്ച് സമരപ്പന്തലിലത്തെി സംസാരിക്കുകയായിരുന്നു അദ്ദേഹം.സത്യഗ്രഹം അഞ്ചാം ദിവസം ജനതാദള്‍ സംസ്ഥാന പ്രസിഡന്‍റ് എം.പി. വീരേന്ദ്രകുമാര്‍ ഉദ്ഘാടനം ചെയ്തു. വിമാനത്താവളം തകര്‍ക്കാനുള്ള ഗൂഢനീക്കത്തിനെതിരെ ഒറ്റക്കെട്ടായി ജനങ്ങള്‍ മുന്നിട്ടിറങ്ങുമെന്ന് വീരേന്ദ്രകുമാര്‍ പറഞ്ഞു. എന്തുവിലകൊടുത്തും കരിപ്പൂര്‍ വിമാനത്താവളം നിലനിര്‍ത്തേണ്ടത് കാലഘട്ടത്തിന്‍െറ ആവശ്യമാണെന്ന് മുസ്ലിം ലീഗ് അഖിലേന്ത്യ പ്രസിഡന്‍റ് ഇ. അഹമ്മദ് പറഞ്ഞു. റണ്‍വേ പ്രവൃത്തി ഉടന്‍ ആരംഭിക്കാനുള്ള സമ്മര്‍ദങ്ങള്‍ ചെലുത്തിവരുകയാണ്. കരിപ്പൂര്‍ വിമാനത്താവളം തകര്‍ക്കാര്‍ ഉദ്യോസ്ഥര്‍ നടത്തുന്ന ശ്രമങ്ങളില്‍ വലിയ നിഗൂഢതകളുണ്ടെന്നും വിമാനത്താവളം സംരക്ഷിക്കുകയെന്നത് മുസ്ലിം ലീഗിന്‍െറ കൂടി ബാധ്യതയാണെന്നും അദ്ദേഹം പറഞ്ഞു. കെ.എന്‍.എ. ഖാദര്‍ എം.എല്‍.എ, സി.പി.ഐ ദേശീയ നിര്‍വാഹക സമിതിയംഗം കെ.ഇ. ഇസ്മയില്‍, ഐ.എന്‍.എല്‍ സംസ്ഥാന സെക്രട്ടറി എ.പി. അബ്ദുല്‍ വഹാബ്, നദ്വത്തുല്‍ മുജാഹിദീന്‍ ദേശീയ സെക്രട്ടറി ഡോ. ഹുസൈന്‍ മടവൂര്‍, ഒളിമ്പിക് അസോസിയേഷന്‍ ദേശീയ സെക്രട്ടറി പി.എ. ഹംസ, കാലിക്കറ്റ് സര്‍വകലാശാല മുന്‍ വൈസ് ചാന്‍സലര്‍ എം. അബ്ദുസ്സലാം, പ്രവാസി സംഘം ജില്ലാ പ്രസിഡന്‍റ് എം.കെ. നാരായണന്‍, പാലോളി അബ്ദുറഹ്മാന്‍, സി.ആര്‍. നീലകണ്ഠന്‍, കാലിക്കറ്റ് ചേംബര്‍ ജോയന്‍റ് സെക്രട്ടറി മുനീര്‍ കുറുമ്പടി, ആര്‍. ജയന്ത്കുമാര്‍, ഹക്കീം വെണ്ടല്ലൂര്‍, സുബൈര്‍ വളാഞ്ചേരി, നിസാമുദ്ദീന്‍ എന്നിവര്‍ സംസാരിച്ചു.സമരസമിതി നേതാക്കളായ കെ.എം. ബഷീര്‍, പി. ഗംഗാധരന്‍, അബ്ദുല്ല മാളിയേക്കല്‍, അബ്ദുല്‍റഹ്മാന്‍ ഇടക്കുനി, ടി.പി.എം. ഹാഷിറലി, കെ. ഹാഷിം, മുനീര്‍ കുറുമ്പടി, പി.കെ. കബീര്‍, സുമ പള്ളിപ്പുറം എന്നിവരെ കോണ്‍ഗ്രസ്-എസ് സംസ്ഥാന പ്രസിഡന്‍റ് രാമചന്ദ്രന്‍ കടന്നപ്പള്ളി ഹാരമണിയിച്ചു. അബ്ദുല്ല മാളിയേക്കല്‍ അധ്യക്ഷത വഹിച്ചു. അബ്ദുല്‍റഹിമാന്‍ എടക്കുനി സ്വാഗതവും ഡോ. എം.എം. ഷരീഫ് നന്ദിയും പറഞ്ഞു. ഞായറാഴ്ച രവിലെ 10ന് എം.ഐ. ഷാനവാസ് എം.പി ഉദ്ഘാടനം ചെയ്യും. സമരപ്പൊങ്കാല സമരപ്പന്തലില്‍ നടത്തും. |
| ഹമദ് വിമാനത്താവളത്തില്‍ അഞ്ച് കിലോ കഞ്ചാവ് പിടികൂടി Posted: 12 Sep 2015 08:57 PM PDT Image:  ദോഹ: ഹമദ് അന്താരാഷ്ട്ര വിമാനത്താവളത്തില്‍ യാത്രക്കാരനില്‍ നിന്ന് അഞ്ച് കിലോ കഞ്ചാവ് കസ്റ്റംസ് ഉദ്യോഗസ്ഥര്‍ പിടികൂടി. വിമാനത്താവളത്തിലത്തെിയ ഏഷ്യന്‍ വംശജനായ യാത്രക്കാരനില്‍ നിന്നാണ് രാജ്യത്ത് ശക്തമായ നിരോധം നിലനില്‍ക്കുന്ന ലഹരി പദാര്‍ഥം പിടികൂടിയത്. ലഗേജ് പരിശോധനയില്‍ സംശയം തോന്നിയതിനാല്‍ സൂക്ഷമപരിശോധനക്കായി യാത്രക്കാരനെ മാറ്റുകയായിരുന്നു. ഭക്ഷണ പദാര്‍ഥത്തോടൊപ്പം പൊതിഞ്ഞ് വളരെ വിദഗ്ദമായി ഒളിപ്പിച്ച നിലയിലാണ് ഇത് കൊണ്ടുവന്നതെന്ന് ഹമദിലെ ജനറല്‍ കസ്റ്റംസ് വിഭാഗം അറിയിച്ചു. കസ്റ്റംസ് ഉദ്യോഗസ്ഥരുടെ പ്രവര്‍ത്തനമികവാണ് ഇത്തരം അപകടകരമായ വസ്തുക്കള്‍ രാജ്യത്തേക്ക് കടക്കുന്നത് ഒഴിവാക്കുന്നതെന്ന് ഹമദിലെ കസ്റ്റംസ് വിഭാഗം മേധാവി അജബ് മന്‍സൂര്‍ അല്‍ കഹ്താനി പറഞ്ഞു. ഇതിനായി പ്രത്യേകം പരിശീലനം സിദ്ധിച്ചവരാണ് ഡിപ്പാര്‍ട്ട്മെന്‍റിലുള്ളത്. കൂടാതെ അത്യാധുനിക പരിശോധനാ സംവിധാനങ്ങളും ഹമദ് അന്താരാഷ്ട്ര വിമാനത്താവളത്തിലൊരുക്കിയിട്ടുണ്ട്. രാജ്യത്തേക്ക് കടത്തപ്പെടുന്ന നിരോധിത ഉല്‍പന്നങ്ങളിലധികവും ഹമദ് അന്താരാഷ്ട്ര വിമാനത്താവളത്തില്‍ വെച്ച് പിടികൂടുകയാണ് പതിവ്. സംശയം തോന്നുന്ന യാത്രക്കാര്‍ അവരിറങ്ങിയത് മുതല്‍ കസ്റ്റംസ് പരിശോധന സ്ഥലം വരെ ഉദ്യോഗസ്ഥരുടെ നിരന്തരമായ നിരീക്ഷണത്തിലായിരിക്കും. അടുത്ത കാലത്തായി ഹമദ് അന്താരാഷ്ട്ര വിമാനത്താവളത്തില്‍ നിന്നും നിരവധി ലഹരിപദാര്‍ഥങ്ങളും രാജ്യത്ത് നിരോധിക്കപ്പെട്ട വിവിധയിനം ടാബ്ളറ്റുകളും പിടികൂടിയിട്ടുണ്ട്. |
| വി.എസ് സ്വീകാര്യത തെളിയിക്കുമ്പോള്‍ വിയര്‍ക്കുക പാര്‍ട്ടി നേതൃത്വം Posted: 12 Sep 2015 08:40 PM PDT Image:  തിരുവനന്തപുരം: മൂന്നാര്‍ കൈയേറ്റം ഒഴിപ്പിക്കലിന്‍െറ പേരില്‍ മുഖ്യമന്ത്രിയായിരുന്ന വി.എസ്. അച്യുതാനന്ദന് എതിരെ തൊഴിലാളികളെ മുന്‍നിര്‍ത്തി ഇടതു നേതാക്കള്‍ മുമ്പ് തൊടുത്ത വാക്കുകള്‍ ഇന്ന് അവര്‍ക്ക് നേരെ തൊഴിലാളികള്‍തന്നെ പ്രാവര്‍ത്തികമാക്കുന്നു. 2006 ലെ മൂന്നാര്‍ ഓപറേഷന്‍െറ പേരില്‍ കണ്ണന്‍ദേവന്‍ കമ്പനി തൊഴിലാളികളെയടക്കം മുന്നില്‍ നിര്‍ത്തിയാണ് വി.എസിനെ ജില്ലയില്‍നിന്ന് സി.പി.എം, സി.പി.ഐ നേതൃത്വം പൂര്‍ണമായും ബഹിഷ്കൃതനാക്കിയത്. എന്നാല്‍, ഒമ്പതു വര്‍ഷത്തിനു ശേഷം കണ്ണന്‍ദേവന്‍ കമ്പനി തൊഴിലാളികള്‍ നടത്തുന്ന സമരവേദിയില്‍ ബഹിഷ്കൃതരായി ഇടം കിട്ടാനാവാതെ അതേ നേതൃത്വം കുഴയുമ്പോള്‍ സ്വാഗതം ലഭിക്കുന്നതാകട്ടെ വി.എസിനും. ഇന്ന് സമരക്കാരുടെ ഇടയിലേക്ക് അവരുടെ ആഗ്രഹപ്രകാരം വി.എസ് എത്തുകയാണ്. |
| യമനില്‍ കൊല്ലപ്പെട്ട യു.എ.ഇ സൈനികരുടെ എണ്ണം 52 ആയി Posted: 12 Sep 2015 08:39 PM PDT Image:  അബൂദബി: സെപ്റ്റംബര്‍ നാലിന് യമനില്‍ ആയുധപ്പുരക്ക് നേരെയുണ്ടായ മിസൈല്‍ ആക്രമണത്തില്‍ കൊല്ലപ്പെട്ട യു.എ.ഇ സൈനികരുടെ എണ്ണം 52 ആയതായി യു.എ.ഇ സായുധസേന മുഖ്യകാര്യാലയം അറിയിച്ചു. 46 പേര്‍ മരിച്ചുവെന്നാണ് നേരത്തെ അറിയിച്ചിരുന്നത്. സൗദി അറേബ്യയില്‍ തിരിച്ചറിയല്‍ നടപടികള്‍ പൂര്‍ത്തിയാക്കി ബാക്കിയുള്ളവരുടെ മൃതദേഹം ശനിയാഴ്ച അബൂദബി അല്‍ ബാതീന്‍ വിമാനത്താവളത്തിലത്തെിച്ചു. മുതിര്‍ന്ന സൈനിക ഉദ്യോഗസ്ഥര്‍ മൃതദേഹം ഏറ്റുവാങ്ങി. |
| ഇന്ത്യന്‍ ക്ളബ് ഓണാഘോഷത്തില്‍ ഐ.എം.വിജയനും കലാഭവന്‍ മണിയും Posted: 12 Sep 2015 08:32 PM PDT Image:  മനാമ: ഇന്ത്യന്‍ ക്ളബിന്‍െറ നേതൃത്വത്തില്‍ മൂന്ന് ദിവസങ്ങളിലായി നടന്ന ഓണാഘോഷ പരിപാടികള്‍ സമാപിച്ചു. വെള്ളിയാഴ്ച ഉച്ചക്ക് നടന്ന വിഭവസമൃദ്ധമായ സദ്യയില്‍ 2,000ത്തോളം പേര്‍ പങ്കെടുത്തു. ‘ദ ഗള്‍ഫ് ഏജന്‍സി കമ്പനി’ മാനേജിങ് ഡയറക്ടര്‍ പോന്‍റസ് ഫ്രെഡറിക്സണ്‍ മുഖ്യാതിഥിയായിരുന്നു. പ്രമുഖ ഫുട്ബാള്‍ താരം ഐ.എം വിജയനും കലാഭവന്‍ മണിയും വിവിധ പരിപാടികളില്‍ പങ്കെടുത്തു. |
| സമരം തീരുന്നത് വരെ മൂന്നാറില്‍ തുടരും ^വി.എസ് Posted: 12 Sep 2015 08:26 PM PDT Image:  കൊച്ചി: തൊഴിലാളി സമരം തീരുന്നത് വരെ മൂന്നാറില്‍ തുടരുമെന്ന് പ്രതിപക്ഷ നേതാവ് വി.എസ് അച്യുതാനന്ദന്. സര്‍ക്കാര്‍ വാക്ക് പാലിച്ചില്ളെങ്കില്‍ തൊഴിലാളികള്‍ക്കൊപ്പം സമര രംഗത്തുണ്ടാകും. നിരാഹാരമിരിക്കുന്ന എസ്. രാജേന്ദ്രന്‍ എം.എല്‍.എയെ കാണാനല്ല, സമരം ചെയ്യുന്ന തൊഴിലാളികളെ കാണാനാണ് താന്‍ പോകുന്നതെന്നും വി.എസ് പറഞ്ഞു. ആലുവ പാലസ് ഗസ്റ്റ്ഹൗസില്‍ നിന്നു മൂന്നാറിലേക്ക് പുറപ്പെടും മുമ്പ് മാധ്യമങ്ങളോട് സംസാരിക്കുകയായിരുന്നു അദ്ദേഹം. തൊഴിലാളികളുടെ പ്രശ്നങ്ങളെകുറിച്ച് മുഖ്യമന്ത്രിയുമായി സംസാരിച്ചിരുന്നു. ആവശ്യങ്ങള്‍ ന്യായമാണെന്ന് മുഖ്യമന്ത്രി പ്രതികരിച്ചത്. അത് അംഗീകരിക്കേണ്ടതാണ്. പ്രശ്ന പരിഹാരത്തിന് വേണ്ട നടപടി സ്വീകരിക്കുമെന്ന് മുഖ്യമന്ത്രി ഉറപ്പു നല്‍കിയിട്ടുണ്ടെന്നും വി.എസ് പറഞ്ഞു. മൂന്നാറിലേക്ക് വി.എസ് വരുന്നത് സമരം ചെയ്യുന്ന തൊഴിലാളികളെ കാണാനാണെന്ന് എസ്. രാജേന്ദ്രന്‍ എം.എല്‍.എ പ്രതികരിച്ചു. വി.എസിന്‍െറ പരാമര്‍ശത്തോട് പ്രതികരിക്കാനില്ല. അദ്ദേഹത്തെ ഉപദേശിക്കാന്‍ താന്‍ ആളല്ളെന്നും രാജേന്ദ്രന്‍ മാധ്യമങ്ങളോട് പറഞ്ഞു. സമരം ഏറ്റെടുക്കാന്‍ പാര്‍ട്ടി തീരുമാനിച്ചതു കൊണ്ടാണ് താന്‍ നിരാഹാരമിരിക്കുന്നത്. പാര്‍ട്ടി നിലപാടിനൊപ്പമാണ് നില്‍കേണ്ടതെന്നും രാജേന്ദ്രന്‍ കൂട്ടിച്ചേര്‍ത്തു. അതിനിടെ, ഉമ്മന്‍ചാണ്ടി മന്ത്രിസഭയിലെ ഏക വനിതാ മന്ത്രിയായ പി.കെ ജയലക്ഷ്മിയും മൂന്നാറിലേക്ക് പോകുമെന്ന് റിപ്പോര്‍ട്ടുണ്ട്. |
| ജെ.എന്‍.യു പ്രസിഡന്‍റ് സ്ഥാനം എ.ഐ.എസ്.എഫിന് Posted: 12 Sep 2015 08:20 PM PDT Image:  ന്യൂഡല്‍ഹി: ജവഹര്‍ലാല്‍ നെഹ്റു സര്‍വകലാശാല (ജെ.എന്‍.യു) വിദ്യാര്‍ഥി യൂണിയന്‍ തെരഞ്ഞെടുപ്പില്‍ സി.പി.ഐ വിദ്യാര്‍ഥി സംഘടനയായ എ.ഐ.എസ്.എഫിന് പ്രസിഡന്‍റ് സ്ഥാനം. 100ലധികം വോട്ടുകളുടെ ഭൂരിപക്ഷത്തിലാണ് കനയ്യ കുമാര്‍ വിജയിച്ചത്. ഇടതു സംഘടനയായ ഐസ രണ്ട് ജനറല്‍ സീറ്റുകള്‍ നേടി. വൈസ് പ്രസിഡന്‍റ് (ഷെഹ് ല റാഷിദ് ഷോറ), ജനറല്‍ സെക്രട്ടറി (രാമ നാഗ) സീറ്റുകളാണ് നേടിയത്. ജോയിന്‍റ് സെക്രട്ടറി സ്ഥാനത്ത് (സൗരഭ് കുമാര്‍ ശര്‍മ) എ.ബി.വി.പി വിജയിച്ചു. ബി.ജെ.പി വിദ്യാര്‍ഥി സംഘടന എ.ബി.വി.പി എട്ടും സി.പി.എം വിദ്യാര്‍ഥി സംഘടന എസ്.എഫ്.ഐ നാലും കൗണ്‍സിലര്‍ സീറ്റുകള്‍ നേടി. ആം ആദ്മി പാര്‍ട്ടി യോഗേന്ദ്ര യാദവ് വിഭാഗം ഒരു കൗണ്‍സിലര്‍ സീറ്റില്‍ വിജയിച്ചിട്ടുണ്ട്. ഇത്തവണ എസ്.എഫ്.ഐയുമായി സഖ്യമില്ലാതെയാണ് എ.ഐ.എസ്.എഫ് തെരഞ്ഞെടുപ്പില്‍ മത്സരിച്ചത്. ആം ആദ്മി പാര്‍ട്ടി കെജ് രിവാള്‍ വിഭാഗം സ്ഥാനാര്‍ഥികളെ നിര്‍ത്തിയിരുന്നില്ല. |
| സൗഹൃദം നങ്കൂരമിട്ട് ഇന്ത്യന്‍ പടക്കപ്പലുകള്‍ ജുബൈലില്‍ Posted: 12 Sep 2015 07:48 PM PDT Image:  ദമ്മാം: സൈനിക സഹകരണവും സൗഹൃദവും ഊട്ടിയുറപ്പിക്കുന്നതിന്‍െറ ഭാഗമായി ഇന്ത്യന്‍ പടക്കപ്പലുകള്‍ സൗദിയിലെ ജുബൈല്‍ നാവികാസ്ഥാനത്ത് നങ്കൂരമിട്ടു. ഉപരിതല മിസൈല്‍ തൊടുക്കുന്നതിനും ശത്രുവിന്‍െറ മിസൈലുകളെ പ്രതിരോധിക്കുന്നതിനും സംവിധാനമുള്ള ‘ഐ.എന്‍.എസ് ഡല്‍ഹി’, ‘ഐ.എന്‍.എസ് തൃശൂല്‍’ എന്നീ കപ്പലുകളാണ് ജുബൈലില്‍ എത്തിയിരിക്കുന്നത്. ക്യാപ്റ്റന്മാരായ കാര്‍ത്തിക് കൃഷ്ണന്‍, മനീഷ് മിശ്ര എന്നിവരുടെ നേതൃത്വത്തില്‍ 500 ഓളം നാവികരാണ് ഇരു കപ്പലുകളിലുമായി സേവനത്തിലുള്ളത്. കഴിഞ്ഞ വര്‍ഷം അന്നത്തെ കിരീടാവകാശിയായിരുന്ന സൗദി രാജാവ് സല്‍മാന്‍ ബിന്‍ അബ്ദുല്‍ അസീസ് ഇന്ത്യ സന്ദര്‍ശിച്ച് സൈനിക സഹകരണത്തിനുള്ള ധാരണ പത്രത്തില്‍ ഒപ്പുവെച്ചിരുന്നു. ഇതിന്‍െറ ഭാഗമായി ഇരു രാജ്യങ്ങള്‍ക്കിടയിലും സൈനിക പരിശീലനവും സഹകരണവും പൂര്‍വാധികം ശക്തിപ്പെട്ടിട്ടുണ്ടെന്ന് ഡിഫന്‍സ് അറ്റാഷെ കേണല്‍ ഗുര്‍പാല്‍ സിങ് പറഞ്ഞു. |
| You are subscribed to email updates from a feed. To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
No comments:
Post a Comment