മുഖ്യമന്ത്രിയുടെ ഭൂരഹിതരില്ലാത്ത കേരളം പദ്ധതി: പട്ടയം ലഭിച്ച 12 കുടുംബങ്ങള്‍ വഴിയാധാരം Madhyamam News Feeds |  |
- മുഖ്യമന്ത്രിയുടെ ഭൂരഹിതരില്ലാത്ത കേരളം പദ്ധതി: പട്ടയം ലഭിച്ച 12 കുടുംബങ്ങള്‍ വഴിയാധാരം
- ഫേസ്ബുക്കില്‍ ഇനി ‘ഡിസ് ലൈക്കും’
- പഴയങ്ങാടിയില്‍ ബസ് വൈദ്യുതി തൂണിനിടിച്ച് 12 പേര്‍ക്ക് പരിക്ക്
- ബോട്ട് ദുരന്തം: ജുഡീഷ്യല്‍ അന്വേഷണം പ്രഖ്യാപിക്കണം –ഇ.പി ജയരാജന്‍
- പതിറ്റാണ്ടുകള്‍ക്ക്ശേഷം ശാപമോക്ഷം: ആലപ്പുഴ ബൈപാസ്; പൈലിങ് പുരോഗമിക്കുന്നു
- ഓടകള്‍ നിറഞ്ഞു; കൊല്ലങ്കോട്ട് മലിനജലം കടകളിലേക്ക്
- രാഷ്ട്രീയ പാര്‍ട്ടി രൂപീകരിക്കാന്‍ എസ്.എന്‍.ഡി.പി നീക്കം
- പാവിട്ടപ്പുറം–കോലിക്കര പ്രദേശത്ത് കുടിവെള്ളമത്തെി
- ഒരു കേസില്‍കൂടി രൂപേഷിന്‍െറ അറസ്റ്റ് രേഖപ്പെടുത്തി
- മാനാഞ്ചിറ–വെള്ളിമാട്കുന്ന് റോഡ്: സമരം ശക്തമാക്കാന്‍ തീരുമാനം
- റാബിത്വ ഹജ്ജ് വാര്‍ഷികസമ്മേളനത്തിന് തുടക്കം: നവമാധ്യമ സ്വാധീനത്തെ നേര്‍വഴിക്ക് തിരിച്ചുവിടുക - മക്ക ഗവര്‍ണര്‍
- ഡെങ്കി പനിയില്‍ തലസ്ഥാനം വിറക്കുന്നു
- റോഡുകളുടെ ശേഷി എട്ടുലക്ഷം; ഓടുന്നത് 18 ലക്ഷം വാഹനങ്ങള്‍
- സലാലയിലെ രണ്ടാമത്തെ പാസ്പോര്‍ട്ട് സേവന കേന്ദ്രം: പ്രവാസികള്‍ക്ക് ആശ്വാസമാവുന്നു
- ഫ്ളോറന്‍സി ഗോളില്‍ റോമ ബാഴ്സയെ തളച്ചിട്ടു
- പാലായില്‍ കന്യാസ്ത്രീ മരിച്ച നിലയില്‍
- യു.എ.ഇ സേനയോട് ഐക്യദാര്‍ഢ്യം: രാജ്യമെങ്ങും ദേശീയപതാക ഉയര്‍ത്താന്‍ ശൈഖ് മുഹമ്മദ്
- ഇറാനുമായി ചര്‍ച്ചക്ക് ബഹ്റൈന്‍ തയാറെന്ന് വിദേശകാര്യമന്ത്രി
- കുഡ് ലു ബാങ്ക് കവര്‍ച്ചാ കേസ്: മുഖ്യപ്രതി പിടിയില്‍
- ചിലിയില്‍ ശക്തമായ ഭൂചലനം; അഞ്ച് മരണം, 10 ലക്ഷം പേരെ ഒഴിപ്പിച്ചു
- സ്വര്‍ണ വില ഉയര്‍ന്നു; പവന് 19,680 രൂപ
- മോദിയുടെ യു.എസ് സന്ദര്‍ശനത്തിനുമേല്‍ പട്ടേല്‍ പ്രക്ഷോഭത്തിന്‍െറ കരിനിഴല്‍
- സീസണിലെ ആകാശക്കൊള്ള: കേന്ദ്രം ഇടപെടുന്നു
- മാംസനിരോധം അസഹിഷ്ണുതയുടെ ആരംഭം
- ഐ.എസ് എന്ന മതഭ്രാന്ത്
| മുഖ്യമന്ത്രിയുടെ ഭൂരഹിതരില്ലാത്ത കേരളം പദ്ധതി: പട്ടയം ലഭിച്ച 12 കുടുംബങ്ങള്‍ വഴിയാധാരം Posted: 17 Sep 2015 12:26 AM PDT കാസര്‍കോട്: മുഖ്യമന്ത്രിയുടെ ഭൂരഹിതരില്ലാത്ത കേരളം പദ്ധതിയില്‍ പട്ടയം ലഭിച്ച 12 കുടുംബങ്ങള്‍ വഴിയാധാരമായി. റവന്യൂ വകുപ്പിന്‍െറയും കുമ്പള പഞ്ചായത്ത് അധികൃതരുടെയും അനാസ്ഥ കാരണം ശാരീരിക വൈകല്യമുള്ള സ്ത്രീകളടക്കമുള്ളവരാണ് രണ്ടാം തവണയും കുടിയൊഴിപ്പിക്കപ്പെട്ടത്. |
| ഫേസ്ബുക്കില്‍ ഇനി ‘ഡിസ് ലൈക്കും’ Posted: 17 Sep 2015 12:17 AM PDT Image:  ഹ്യൂസ്റ്റന്‍: ഫേസ്ബുക് ഉപയോഗിക്കുന്നവര്‍ക്കെല്ലാം ഒരിക്കലെങ്കിലും തോന്നിക്കാണും ‘ഡിസ്ലൈക്ക്’ ബട്ടന്‍െറ അനിവാര്യത. ഉപയോക്താക്കളുടെ ഏറെക്കാലം നീണ്ട ആവശ്യത്തിനൊടുവില്‍ ‘ഡിസ്ലൈക്ക്’ ബട്ടന്‍ പരീക്ഷിക്കാനൊരുങ്ങുകയാണ് കമ്പനി. |
| പഴയങ്ങാടിയില്‍ ബസ് വൈദ്യുതി തൂണിനിടിച്ച് 12 പേര്‍ക്ക് പരിക്ക് Posted: 17 Sep 2015 12:11 AM PDT പഴയങ്ങാടി: പഴയങ്ങാടി റെയില്‍വേ സ്റ്റേഷനടുത്ത് നിയന്ത്രണം വിട്ട സ്വകാര്യ ബസ് വൈദ്യുതി തൂണിനിടിച്ച് 12 പേര്‍ക്ക് പരിക്കേറ്റു. |
| ബോട്ട് ദുരന്തം: ജുഡീഷ്യല്‍ അന്വേഷണം പ്രഖ്യാപിക്കണം –ഇ.പി ജയരാജന്‍ Posted: 17 Sep 2015 12:03 AM PDT കൊച്ചി: ഫോര്‍ട്ട് കൊച്ചി ബോട്ട് ദുരന്തത്തില്‍ ജുഡീഷ്യല്‍ അന്വേഷണം ആവശ്യപ്പെട്ട് നഗരസഭാ പ്രതിപക്ഷനേതാവ് കെ.ജെ. ജേക്കബും സി.പി.ഐ പാര്‍ലമെന്‍ററി പാര്‍ട്ടി നേതാവ് സി.എ. ഷക്കീറും നടത്തുന്ന അനിശ്ചിതകാല നിരാഹാര സത്യഗ്രഹം നാലാം ദിവസത്തിലേക്ക്. ബോട്ട് ദുരന്തത്തില്‍ സര്‍ക്കാറും കോര്‍പറേഷനും തുടരുന്ന അവഗണനയില്‍ പ്രതിഷേധിച്ച് തിങ്കളാഴ്ചയാണ് സമരം ആരംഭിച്ചത്.സി.പി.എം കേന്ദ്ര കമ്മിറ്റിയംഗം ഇ.പി. ജയരാജന്‍ ബുധനാഴ്ച സമരപ്പന്തലിലത്തെി സത്യഗ്രഹികള്‍ക്ക് അഭിവാദ്യമര്‍പ്പിച്ചു. ഫോര്‍ട്ട് കൊച്ചി ബോട്ട് ദുരന്തത്തിലെ യഥാര്‍ഥ പ്രതികളെ കണ്ടത്തൊന്‍ എത്രയും വേഗം ജുഡീഷ്യല്‍ അന്വേഷണം പ്രഖ്യാപിക്കണമെന്ന് അദ്ദേഹം ആവശ്യപ്പെട്ടു. |
| പതിറ്റാണ്ടുകള്‍ക്ക്ശേഷം ശാപമോക്ഷം: ആലപ്പുഴ ബൈപാസ്; പൈലിങ് പുരോഗമിക്കുന്നു Posted: 16 Sep 2015 11:58 PM PDT ആലപ്പുഴ: പതിറ്റാണ്ടുകള്‍ മൃതാവസ്ഥയില്‍ കിടന്ന നിര്‍ദിഷ്ട ആലപ്പുഴ ബൈപാസിന്‍െറ നിര്‍മാണം വേഗത്തിലായി. |
| ഓടകള്‍ നിറഞ്ഞു; കൊല്ലങ്കോട്ട് മലിനജലം കടകളിലേക്ക് Posted: 16 Sep 2015 11:55 PM PDT കൊല്ലങ്കോട്: മംഗലം-ഗോവിന്ദാപുരം റോഡരികിലെ അഴുക്കുചാല്‍ അറ്റകുറ്റപ്പണി നടക്കാത്തതിനാല്‍ മാലിന്യങ്ങള്‍ നിറഞ്ഞ മഴവെള്ളം വീടുകളിലേക്കും കടകളിലേക്കും കയറുന്നത് ആരോഗ്യഭീഷണിയുയര്‍ത്തുന്നു. |
| രാഷ്ട്രീയ പാര്‍ട്ടി രൂപീകരിക്കാന്‍ എസ്.എന്‍.ഡി.പി നീക്കം Posted: 16 Sep 2015 11:52 PM PDT Image:  ആലപ്പുഴ: നിയമസഭാ തെരഞ്ഞെടുപ്പിന് മുമ്പായി രാഷ്ട്രീയ പാര്‍ട്ടി രൂപീകരിക്കാന്‍ എസ്.എന്‍.ഡി.പി നീക്കമാരംഭിച്ചു. പാര്‍ട്ടി രൂപീകരണം ചര്‍ച്ച ചെയ്യാന്‍ വരുന്ന ഞായറാഴ്ച ചേര്‍ത്തലയില്‍ പ്രത്യേക യോഗം ചേരുമെന്ന് റിപ്പോര്‍ട്ട്. എസ്.എന്‍.ഡി.പി യോഗത്തിന്‍െറ 138 യൂണിയനുകളിലെ ഭാരവാഹികളും ഡയറക്ടര്‍ ബോര്‍ഡ് അംഗങ്ങളും പോഷക സംഘടനാ ഭാരവാഹികളും പങ്കെടുക്കും. കോണ്‍ഗ്രസ്, സി.പി.എം തുടങ്ങിയ പ്രധാന പാര്‍ട്ടികളില്‍ നിന്നും നീതി ലഭിക്കാത്ത സാഹചര്യത്തിലാണ് പുതിയ രാഷ്ട്രീയ പാര്‍ട്ടിയെന്ന നിലപാടിലേക്ക് എസ്.എന്‍.ഡി.പി നീങ്ങുന്നത്. കൂടാതെ. സി.പി.എം നേതാക്കളായ പിണറായി വിജയന്‍, വി.എസ് അച്യുതാനന്ദന്‍, കെ.പി.സി.സി അധ്യക്ഷന്‍ വി.എം സുധീരന്‍ എന്നിവര്‍ യോഗത്തിനും ജനറല്‍ സെക്രട്ടറി വെള്ളാപ്പള്ളി നടേശനും എതിരെ രൂക്ഷ വിമര്‍ശം ഉയര്‍ത്തി രംഗത്തു വന്നതും കാരണമായി. എന്‍.എസ്.എസ് ഒഴികെ വിശ്വകര്‍മസഭ, കെ.പി.എം.എസ് അടക്കം ഏഴോളം ഹൈന്ദവ വിഭാഗങ്ങളെ ഉള്‍ക്കൊള്ളുന്ന വിശാല പാര്‍ട്ടി രൂപീകരിക്കാനാണ് എസ്.എന്‍.ഡി.പി ആലോചന. |
| പാവിട്ടപ്പുറം–കോലിക്കര പ്രദേശത്ത് കുടിവെള്ളമത്തെി Posted: 16 Sep 2015 11:45 PM PDT ചങ്ങരംകുളം: കടുത്ത കുടിവെള്ള ക്ഷാമം നേരിടുന്ന കോലിക്കര-പാവിട്ടപ്പുറം പ്രദേശത്തുകാര്‍ക്ക് ആശ്വാസമായി കുടിവെള്ള പദ്ധതി ആരംഭിച്ചു. പദ്ധതിയുടെ ഉദ്ഘാടനം ജില്ലാ പഞ്ചായത്ത് പ്രസിഡന്‍റ് സുഹറ മമ്പാട് നിര്‍വഹിച്ചു. |
| ഒരു കേസില്‍കൂടി രൂപേഷിന്‍െറ അറസ്റ്റ് രേഖപ്പെടുത്തി Posted: 16 Sep 2015 11:32 PM PDT മാനന്തവാടി: ഒരു കേസില്‍കൂടി മാവോവാദി നേതാവ് രൂപേഷിന്‍െറ അറസ്റ്റ് രേഖപ്പെടുത്തി. പടിഞ്ഞാറത്തറ പൊലീസ് രജിസ്റ്റര്‍ ചെയ്ത കേസിലാണിത്. 2013ല്‍ തരിയോട് കരിങ്കണ്ണി കോളനിയില്‍ മാവോവാദി ആശയം പ്രചരിപ്പിക്കുന്ന ലഘുലേഖകള്‍ വിതരണം ചെയ്ത് ആദിവാസികളെ ദേശവിരുദ്ധ പ്രവര്‍ത്തനത്തിന് പ്രേരിപ്പിക്കല്‍, അന്യായമായി വനഭൂമിയില്‍ അതിക്രമിച്ചു കയറല്‍, ആയുധം കൈവശംവെക്കല്‍ എന്നീ കുറ്റങ്ങള്‍ക്കാണ് കേസ്. യു.എ.പി.എ പ്രകാരമുള്ള കേസും ഉണ്ട്. മാനന്തവാടി പൊലീസിന്‍െറ ആറുദിവസത്തെ കസ്റ്റഡി കാലാവധി കഴിഞ്ഞതിനെ തുടര്‍ന്ന് ബുധനാഴ്ച ഉച്ചക്ക് കല്‍പറ്റ സെഷന്‍സ് കോടതിയില്‍ ഹാജരാക്കിയപ്പോഴാണ് വീണ്ടും കസ്റ്റഡി ആവശ്യപ്പെട്ട് മാനന്തവാടി ഡിവൈ.എസ്.പി എ.ആര്‍. ദേവകുമാര്‍ പബ്ളിക് പ്രോസിക്യൂട്ടര്‍ പി.പി. അനുപമന്‍ മുഖേന അപേക്ഷ നല്‍കിയത്. |
| മാനാഞ്ചിറ–വെള്ളിമാട്കുന്ന് റോഡ്: സമരം ശക്തമാക്കാന്‍ തീരുമാനം Posted: 16 Sep 2015 11:29 PM PDT കോഴിക്കോട്: മാനാഞ്ചിറ-വെള്ളിമാട്കുന്ന് റോഡിനുവേണ്ടിയുള്ള ജനകീയസമരം ശക്തമാക്കാന്‍ കോഴിക്കോട് ടൗണ്‍ഹാളില്‍ ചേര്‍ന്ന ബഹുജന സെമിനാര്‍ തീരുമാനിച്ചു. പ്രക്ഷോഭത്തിന്‍െറ ഭാഗമായി ഒക്ടോബര്‍ രണ്ടിന് കിഴക്കെ നടക്കാവില്‍ ഈ പാതയില്‍ രണ്ടു വര്‍ഷത്തിനകം മരിച്ച 90 പേരുടെ ഓര്‍മക്ക് രക്തസാക്ഷിമണ്ഡപം തീര്‍ത്ത് പുഷ്പാര്‍ച്ചന നടത്തും. അന്നുതന്നെ റോഡിന് തടസ്സംനില്‍ക്കുന്ന ദുഷ്ടശക്തികളുടെ മനസ്സ് വൃത്തിയാക്കാന്‍ പ്രതീകാത്മകമായി ശുചീകരണയജ്ഞം നടത്തും. ഒക്ടോബര്‍ 15ന് റോഡിനുവേണ്ടി സര്‍ക്കാര്‍ വിട്ടുകൊടുക്കേണ്ട ഭൂമി പിടിച്ചെടുക്കല്‍ സമരം നടത്തും. ഒക്ടോബര്‍ 30ന് ബഹുജനങ്ങളെ സംഘടിപ്പിച്ച് മാനാഞ്ചിറ-വെള്ളിമാട്കുന്ന് റോഡ് ഉപരോധിക്കുമെന്ന് ആക്ഷന്‍ കമ്മിറ്റി ചെയര്‍മാന്‍ എം.ജി.എസ്. നാരായണന്‍ പ്രഖ്യാപിച്ചു. |
| Posted: 16 Sep 2015 11:09 PM PDT Image:  മക്ക: യുവാക്കളുടെ കര്‍മശേഷിയെ സമൂഹപുരോഗതിക്കും രാഷ്ട്ര പുനര്‍നിര്‍മാണത്തിനും ഉപയോഗപ്പെടുത്താന്‍ കഴിയണമെന്നും ശിഥിലീകരണപ്രവര്‍ത്തനങ്ങളില്‍ നിന്ന് അവരെ നന്മയുടെ സമുദ്ധാരണത്തിലേക്ക് തിരിച്ചുവിടാനുള്ള ഉത്തരവാദിത്തം മുസ്ലിം സമൂഹം ഏറ്റെടുക്കണമെന്നുമുള്ള ആഹ്വാനത്തോടെ മുസ്ലിം വേള്‍ഡ് ലീഗ് (റാബിത്വത്തുല്‍ ആലമില്‍ ഇസ്ലാമി) സംഘടിപ്പിക്കുന്ന ഹജ്ജ് വാര്‍ഷികസമ്മേളനത്തിന് തുടക്കമായി. ‘മുസ്ലിം യുവാക്കളും നവമാധ്യമങ്ങളും’ എന്ന പ്രമേയത്തില്‍ നടക്കുന്ന സമ്മേളനം സൗദി ഭരണാധികാരി സല്‍മാന്‍ രാജാവിനുവേണ്ടി രാജ ഉപദേഷ്ടാവും മക്ക ഗവര്‍ണറുമായ അമീര്‍ ഖാലിദ് അല്‍ ഫൈസല്‍ ഉദ്ഘാടനം ചെയ്തു. ആഗോളതലത്തില്‍ ജനസ്വാധീനം നേടിയ നവമാധ്യമങ്ങളുടെ ഗുണഭോക്താക്കളായ യുവാക്കള്‍ ചിന്താപരമായ അപഭ്രംശത്തിലും തീവ്രവാദത്തിലും പെട്ടു പോകാതിരിക്കാന്‍ വേണ്ട തയാറെടുപ്പുകള്‍ നടത്താന്‍ അമീര്‍ ഖാലിദ് അല്‍ ഫൈസല്‍ ആവശ്യപ്പെട്ടു. സമൂഹത്തിന്‍െറ ഭൂരിഭാഗവും യുവതയാണ്. അവരുടെ അപാരമായ കര്‍മശേഷിയാണ് ലോകത്തിന്‍െറ തന്നെ നിലനില്‍പിന് ആധാരം. അവര്‍ ആശയകാലുഷ്യത്തിലും വഴികെട്ട ചിന്തയിലും പെട്ടുപോകുന്നത് സാമൂഹികദുരന്തമാണ്. അവരെ നന്മയുടെയും ക്രിയാത്മകചിന്തയുടെയും വഴിയിലേക്ക് നയിക്കുകയാണെങ്കില്‍ അര്‍ഥവത്തായ ഫലങ്ങളുണ്ടാകുമെന്നും അദ്ദേഹം പറഞ്ഞു. |
| ഡെങ്കി പനിയില്‍ തലസ്ഥാനം വിറക്കുന്നു Posted: 16 Sep 2015 10:41 PM PDT Image:  ന്യൂ ഡല്‍ഹി: തലസ്ഥാനത്ത് ഡെങ്കിപനി ബാധിച്ച് മൂന്ന് പേര്‍ കൂടി മരിച്ചു. 41 വയസായ സ്ത്രീയും ഏഴും 14ഉം വയസായ രണ്ടു കുട്ടികളുമാണ് ബുധനാഴ്ച പനി മൂലം മരിച്ചത്. ഇതോടെ രോഗം ബാധിച്ച് മരിച്ചവരുടെ എണ്ണം 14 ആയി. ഡല്‍ഹിയില്‍ ഏകദേശം 1,900 പേര്‍ക്ക് രോഗം ബാധിച്ചിട്ടുണ്ടെന്നാണ് കണക്കാക്കപ്പെടുന്നത്. രോഗികളുടെ എണ്ണം വര്‍ധിച്ചത് മൂലം ആശുപത്രികളില്‍ വന്‍തിരക്കാണ് അനുഭവപ്പെടുന്നത്. സര്‍ക്കാര്‍ ആശുപത്രികളില്‍ ആവശ്യത്തിന് കിടക്കകള്‍ ഇല്ലാത്തതിനാല്‍ മൂന്നും നാലും രോഗികള്‍ ഒരേ കിടക്ക തന്നെ പങ്കിടുന്ന അവസ്ഥയാണുള്ളത്. രോഗികള്‍ക്ക് ചികിത്സ നല്‍കാതെ തിരിച്ചയതായി ബോധ്യപ്പെട്ടാല്‍ സ്വകാര്യ ആശുപത്രികളുടെ ലൈസന്‍സ് റദ്ദാക്കുമെന്ന് സര്‍ക്കാര്‍ മുന്നറിയിപ്പ് നല്‍കി. കഴിഞ്ഞ ആഴ്ച അവിനാശ്(9), അമന്‍ ശര്‍മ(6) എന്നീ കുട്ടികള്‍ ചികിത്സ കിട്ടാതെ മരിച്ചിരുന്നു. തുടര്‍ന്ന് അവിനാശിന്‍െറ മാതാപിതാക്കള്‍ ആത്മഹത്യ ചെയ്തത് സംസ്ഥാനത്ത് വിവാദമായ പശ്ചാത്തലത്തിലാണ് നടപടി. ആവശ്യത്തിന് കിടക്കകള്‍ ഇല്ളെങ്കില്‍ പോലും രോഗികള്‍ക്ക് മതിയായ ചികിത്സ ഉറപ്പുവരുത്തണമെന്നും സ്വകാര്യ ആശുപത്രികള്‍ക്ക് ആരോഗ്യമന്ത്രി നിര്‍ദേശം നല്‍കി. ്അടിയന്തിര സാഹചര്യങ്ങളില്‍ സ്വകാര്യ ആശുപത്രികള്‍ ഏറ്റെടുക്കാന്‍ സര്‍ക്കാരിന് അധികാരം നല്‍കുന്ന തരത്തില്‍ നിയമം ഭേദഗതി ചെയ്യുമെന്ന് ഡല്‍ഹി മുഖ്യമന്ത്രി അരവിന്ദ് കെജ് രിവാള്‍ അറിയിച്ചു.
|
| റോഡുകളുടെ ശേഷി എട്ടുലക്ഷം; ഓടുന്നത് 18 ലക്ഷം വാഹനങ്ങള്‍ Posted: 16 Sep 2015 10:35 PM PDT കുവൈത്ത് സിറ്റി: രാജ്യത്തെ റോഡുകളില്‍ അനുഭവപ്പെടുന്ന രൂക്ഷമായ ഗതാഗതക്കുരുക്ക് പരിഹരിക്കുന്നതിനും വാഹന ഗതാഗതം സുഗമമാക്കുന്നതിനും നടപടിക്രമങ്ങള്‍ സ്വീകരിച്ചുവരുന്നതായി ആഭ്യന്തര മന്ത്രാലയത്തിലെ ഗതാഗത കാര്യ വിഭാഗം അസിസ്റ്റന്‍റ് സെക്രട്ടറി മേജര്‍ ജനറല്‍ അബ്ദുല്ല അല്‍മുഹന്ന. |
| സലാലയിലെ രണ്ടാമത്തെ പാസ്പോര്‍ട്ട് സേവന കേന്ദ്രം: പ്രവാസികള്‍ക്ക് ആശ്വാസമാവുന്നു Posted: 16 Sep 2015 09:47 PM PDT Image:  സലാല: പാസ്പോര്‍ട്ട് സേവനങ്ങള്‍ക്ക് സലാലയില്‍ രണ്ട് കേന്ദ്രങ്ങളായത് മലയാളികള്‍ ഉള്‍പ്പെടെ മുഴുവന്‍ ഇന്ത്യന്‍ സമൂഹത്തിനും ആശ്വാസമാകുന്നു. ബി.എല്‍.എസിന്‍െറ ഏജന്‍റായ സ്റ്റൈല്‍ വേള്‍ഡാണ് രണ്ടുമാസം മുമ്പ് സലാല സെന്‍ററില്‍ ഓഫിസ് തുറന്നത്. |
| ഫ്ളോറന്‍സി ഗോളില്‍ റോമ ബാഴ്സയെ തളച്ചിട്ടു Posted: 16 Sep 2015 09:46 PM PDT Image:  റോമ: യൂറോപ്പിന്‍െറ ചാമ്പ്യന്മാരെ കണ്ടെത്തുന്നതിനുള്ള ആവേശപ്പോരില്‍ നിലവിലെ ജേതാക്കളായ ബാഴ്സക്ക് റോമയുടെ പൂട്ട്. 1^1 എന്ന സ്കോറിനാണ് സ്പാനിഷ് സംഘത്തെ ഇറ്റാലിയന്‍ പോരാളികള്‍ പിടിച്ചുകെട്ടിയത്. സ്റ്റേഡിയോ ഒളിമ്പിക്കോയില്‍ 21ാം മിനിറ്റില്‍ ലൂയി സുവാരസ് ഹെഡറിലൂടെ കാറ്റലന്‍ സംഘത്തെ മുന്നിലെത്തിച്ചെങ്കിലും 31ാംമിനിറ്റില്‍ അലസ്സാന്ദ്രോ ഫ്ളോറന്‍സി ഇറ്റാലിയന്‍ ശക്തികളുടെ രക്ഷകനായി അവതരിക്കുകയായിരുന്നു. ഗ്രൂപ്പ് ഇയില്‍ പോരാടാനിറങ്ങിയ ഇരു ടീമിനും ഒന്നാം പകുതിക്ക് ശേഷം ഗോളുകളൊന്നും കുറിക്കാനായില്ല. ലീഗില്‍ ഇരു ടീമും ഒരോ പോയന്‍റ് വീതം നേടി. ചാമ്പ്യന്‍സ് ലീഗില്‍ സെഞ്ച്വറി പോരാട്ടത്തിനിറങ്ങിയ അര്‍ജന്‍റീന സൂപ്പര്‍താരം ലയണല്‍ മെസ്സി ഗോള്‍ നേടുന്നതില്‍ പരാജിതനായി. ക്ളോസ് റേഞ്ച് കിക്കില്‍ തലവെച്ചാണ് സുവാരസ് ബാഴ്സലോണക്കായി ലീഡെടുത്തത്. എന്നാല്‍ 10 മിനിറ്റിനകം 50 മീറ്റര്‍ അകലെ നിന്നും അലസാന്ദ്രോ ഫ്ളോറന്‍സി നേടിയ ലോങ് റേഞ്ച് ഗോള്‍ സ്റ്റേഡിയത്തെ ഇളക്കിമറിച്ചിരുന്നു. ഫേ്ലാറന്‍സി ഉയര്‍ത്തിയടിച്ച പന്ത് ഗോള്‍വലയിലെ ത്തുന്നത് നോക്കി നില്‍ക്കാനേ ബാഴ്സ ഗോളിക്കായുള്ളൂ. സ്പാനിഷ് സംഘത്തെ നേരിടാന്‍ കനത്ത പ്രതിരോധക്കോട്ട തന്നെയാണ് റൂഡി ഗാര്‍ഷ്യയുടെ ശിഷ്യന്മാര്‍ കെട്ടിയത്. തന്‍െറ മുന്‍ ടീമിനെതിരെ ജയിക്കണമെന്ന ബാഴ്സലോണ മാനേജര്‍ ലൂയി എന്‍റിക്കിന്‍െറ വാശിക്കാണ് ഫ്ളോറന്‍സി തടയിട്ടത്. 2011^12 സീസണില്‍ ഇറ്റാലിയന്‍ ക്ളബ് പരിശീലകനായിരുന്ന എന്‍റിക്, യൂറോപ്യന്‍ ചാമ്പ്യന്‍ഷിപ്പിലെ തോല്‍വിയെ തുടര്‍ന്ന് രാജിവെക്കുകയായിരുന്നു. ബാഴ്സയിലെ ആദ്യ സീസണില്‍ തന്നെ ട്രിപ്ള്‍ കിരീടനേട്ടം ആഘോഷിച്ച എന്‍റികിനെ സംബന്ധിച്ച് പണ്ട് പുറത്താക്കിയവരെ, അവരുടെ വീട്ടിലെ ത്തി തോല്‍പിക്കാനുള്ള അവസരമാണ് നഷ്ടമായത്. |
| പാലായില്‍ കന്യാസ്ത്രീ മരിച്ച നിലയില്‍ Posted: 16 Sep 2015 09:35 PM PDT Image:  പാലാ: കോട്ടയം പാലാ കാര്‍മലീത്ത മഠത്തില്‍ കന്യാസ്ത്രീയെ മരിച്ച നിലയില്‍ കണ്ടെത്തി. സിസ്റ്റര്‍ അമല (69)യെയാണ് മരിച്ചനിലയില്‍ കണ്ടെത്തിയത്. പാലാ കെ.എസ്.ആര്‍.ടി.സി ബസ്റ്റ് സ്റ്റാന്‍ഡിന് സമീപത്തെ മഠത്തിലാണ് സംഭവം. മഠത്തിന് സമീപത്തെ കാര്‍മല്‍ ആശുപത്രിയില്‍ നഴ്സായിരുന്നു സിസ്റ്റര്‍ അമല. പനി ബാധിതയായ സിസ്റ്ററെ രാവിലെ കുര്‍ബാനക്ക് കാണാതിരുന്നതിനെ തുടര്‍ന്ന് തെരച്ചില്‍ നടത്തിയപ്പോഴാണ് മൃതദേഹം കണ്ടെത്തിയത്. ഇവര്‍ താമസിച്ചിരുന്ന മഠത്തിലെ മുറി അകത്തു നിന്നു പൂട്ടിയ നിലയിലായിരുന്നു. മുറിയിലെ കട്ടിലില്‍ രക്തത്തില്‍ കുളിച്ച നിലയിലായിരുന്നു മൃതദേഹം. സിസ്റ്റര്‍ അമലയുടെ നെറ്റിയില്‍ മുറിവേറ്റ പാടുകളുണ്ട്. ഇതാകാം മരണ കാരണമെന്ന് പൊലീസിന്‍െറ പ്രാഥമിക നിഗമനം. എന്നാല്‍, ഇക്കാര്യം സ്ഥിരീകരിച്ചിട്ടില്ല. പാലാ പൊലീസ് ഇന്‍ക്വസ്റ്റ് തയാറാക്കി മൃതദേഹം പോസ്റ്റ്മോര്‍ട്ടത്തിനായി കോട്ടയം മെഡിക്കല്‍ കോളജിലേക്ക് മാറ്റും. അതേസമയം, സംഭവത്തില്‍ സമഗ്ര അന്വേഷണം നടത്താനാണ് പൊലീസ് തീരുമാനം. കോട്ടയം എസ്.പി സതീഷ് ബിനോയിയുടെ നേതൃത്വത്തില്‍ പ്രാഥമിക അന്വേഷണം തുടങ്ങിയിട്ടുണ്ട്. ഡോഗ് സ്ക്വാഡിനെ സ്ഥലത്തെത്തിച്ച് പരിശോധന നടത്തി. എറണാകുളം റേഞ്ച് ഐ.ജി സ്ഥലം സന്ദര്‍ശിക്കും. |
| യു.എ.ഇ സേനയോട് ഐക്യദാര്‍ഢ്യം: രാജ്യമെങ്ങും ദേശീയപതാക ഉയര്‍ത്താന്‍ ശൈഖ് മുഹമ്മദ് Posted: 16 Sep 2015 09:34 PM PDT Image:  അബൂദബി: യമനില്‍ പോരാട്ടം നടത്തുന്ന യു.എ.ഇ സൈനികരോട് ഐക്യദാര്‍ഢ്യം പ്രകടിപ്പിച്ച് രാജ്യമെങ്ങും ദേശീയപതാക ഉയര്‍ത്താന്‍ യു.എ.ഇ വൈസ്പ്രസിഡന്‍റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന്‍ റാശിദ് ആല്‍ മക്തൂം ആഹ്വാനം ചെയ്തു. നവംബര്‍ മൂന്നിന് പതാകദിനം ആചരിക്കാനും നിര്‍ദേശിച്ചു. വീടുകളിലും കൃഷിയിടങ്ങളിലും സ്ഥാപനങ്ങളിലുമെല്ലാം പതാക ഉയരേണ്ടതുണ്ടെന്ന് അദ്ദേഹം ട്വിറ്ററില്‍ കുറിച്ചു. രാഷ്ട്രം നിര്‍ണായക ചരിത്രസന്ധിയിലൂടെയാണ് കടന്നുപോകുന്നതെന്ന് അദ്ദേഹം പറഞ്ഞു. |
| ഇറാനുമായി ചര്‍ച്ചക്ക് ബഹ്റൈന്‍ തയാറെന്ന് വിദേശകാര്യമന്ത്രി Posted: 16 Sep 2015 09:20 PM PDT Image:  മനാമ: ഇറാനുമായി നിലനില്‍ക്കുന്ന സംഘര്‍ഷങ്ങള്‍ അവസാനിപ്പിക്കാനുള്ള ഒരേയൊരു പോംവഴി വെടിനിര്‍ത്തല്‍ ചര്‍ച്ചകളാണെന്ന് ബഹ്റൈന്‍ വിദേശകാര്യമന്ത്രി ശൈഖ് ഖാലിദ് ബിന്‍ അഹ്മദ് ബിന്‍ മുഹമ്മദ് ആല്‍ഖലീഫ പറഞ്ഞു. തെഹ്റാന്‍ തയ്യാറാണെങ്കില്‍ ബഹ്റൈന്‍ ചര്‍ച്ചക്ക് ഒരുക്കമാണ്. ഇതുവഴി എല്ലാ തരത്തിലുള്ള രാഷ്ട്രീയ-സൈനിക പ്രശ്നങ്ങളും തീര്‍ക്കാനാകും. |
| കുഡ് ലു ബാങ്ക് കവര്‍ച്ചാ കേസ്: മുഖ്യപ്രതി പിടിയില്‍ Posted: 16 Sep 2015 08:26 PM PDT Image:  കാസര്‍കോട്: കുഡ് ലു സര്‍വീസ് സഹകരണ ബാങ്ക് കവര്‍ച്ചാ കേസിലെ മുഖ്യപ്രതി പിടിയില്‍. കാസര്‍കോട് കല്ലങ്കൈ സ്വദേശിയും ബന്തിയോട് പച്ചമ്പളയില്‍ താമസക്കാരനുമായ ദുല്‍ദുല്‍ എന്ന ഷരീഫ് (42)ആണ് പിടിയിലായത്. മോഷ്ടിച്ച പണവും സ്വര്‍ണത്തിന്‍െറ ഭൂരിഭാഗവും ഷരീഫിന്‍െറ കൈയില്‍ നിന്ന് പൊലീസ് കണ്ടെടുത്തു. കര്‍ണാടകയില്‍വെച്ച് പ്രത്യേക അന്വേഷണ സംഘം പിടികൂടിയ ഇയാളെ 10 മണിയോടെ കാസര്‍കോട് കൊണ്ടുവരുമെന്ന് പൊലീസ് അറിയിച്ചു. ഷരീഫ് നേപ്പാളിലേക്ക് കടന്നുവെന്ന സംശയത്തെ തുടര്‍ന്ന് എയര്‍പോട്ടിലും മറ്റും ഇയാള്‍ക്കായി ലുക്കൗട്ട് നോട്ടീസ് പ്രസിദ്ധീകരിച്ചിരുന്നു. കേസിലെ പ്രതികളും ചൗക്കി സ്വദേശികളുമായ ഷബീര്‍ (25), മഹ്ഷൂഖ് (26) എന്നിവരെ നേരത്തെ പൊലീസ് അറസ്റ്റ് ചെയ്തിരുന്നു. രണ്ടു പ്രതികള്‍ക്കായി പൊലീസ് തെരച്ചില്‍ ഊര്‍ജിതപ്പെടുത്തിയിട്ടുണ്ട്. സെപ്റ്റംബര്‍ ആറിനാണ് കുഡ് ലു സര്‍വീസ് ബാങ്കില്‍ പട്ടാപ്പകല്‍ കവര്‍ച്ച നടന്നത്. ദേശീയപാതയോരത്ത് പ്രവര്‍ത്തിക്കുന്ന ബാങ്കില്‍ ജീവനക്കാരികളെ ബന്ദികളാക്കി 20 കിലോ സ്വര്‍ണവും 13 ലക്ഷം രൂപയും കവരുകയായിരുന്നു. ബൈക്കുകളില്‍ എത്തിയ അഞ്ചംഗ സംഘമാണ് കവര്‍ച്ച നടത്തിയത്. കവര്‍ച്ചക്കാര്‍ക്കെതിരെയുള്ള ചെറുത്തു നില്‍പ്പിനിടെ ബാങ്ക് ജീവനക്കാരിയായ ബിന്ദുവിന് കൈക്ക് കുത്തേറ്റിരുന്നു. കൂടാതെ, ബാങ്കില്‍ ഇടപാടിനെത്തിയ വീട്ടമ്മയുടെ 20 പവന് സ്വര്‍ണാഭരണവും വനിതാ ജീവനക്കാരിയുടെ അഞ്ചു പവന് ആഭരണവും കവര്‍ച്ചാസംഘം തട്ടിയെടുത്തിരുന്നു. |
| ചിലിയില്‍ ശക്തമായ ഭൂചലനം; അഞ്ച് മരണം, 10 ലക്ഷം പേരെ ഒഴിപ്പിച്ചു Posted: 16 Sep 2015 07:57 PM PDT Image:  സാന്‍റിയാഗോ: ചിലിയില്‍ റിക്ടര്‍ സ്കെയില്‍ 8.3 തീവ്രത രേഖപ്പെടുത്തിയ ഭൂചലനത്തില്‍ രണ്ട് സ്ത്രീകളടക്കം അഞ്ച് മരണം. 10 പേര്‍ക്ക് പരിക്കേറ്റു. മരണസംഖ്യ ഉയരാന്‍ സാധ്യത. ശക്തയേറിയ ആദ്യ ഭൂചലനത്തിന് ശേഷം 11 ചെറു പ്രകമ്പനങ്ങളും അനുഭവപ്പെട്ടു. ഭൂചലനത്തെ തുടര്‍ന്ന് ചിലി, ന്യൂസിലന്‍ഡ്, ഹവായ്, പെറുവിലെ പസഫിക് തീരദേശങ്ങളിലും സുനാമി മുന്നറിയിപ്പ് പുറപ്പെടുവിച്ചു. കൂടാതെ തീരദേശ മേഖലയില്‍ നിന്ന് 10 ലക്ഷം പേരെ ഒഴിപ്പിച്ചു. |
| സ്വര്‍ണ വില ഉയര്‍ന്നു; പവന് 19,680 രൂപ Posted: 16 Sep 2015 07:53 PM PDT Image:  കൊച്ചി: ഒരു ദിവസത്തെ താഴ്ചക്ക് ശേഷം സ്വര്‍ണ വില വീണ്ടും ഉയര്‍ന്നു. പവന് 160 രൂപ കൂടി 19,680 രൂപയിലെ ത്തി. ഗ്രാമിന് 20 ഉയര്‍ന്ന് 2,460 രൂപയിലാണ് വ്യാപാരം. രാജ്യാന്തര വിപണിയിലെ മാറ്റമാണ് ആഭ്യന്തര വിപണിയില്‍ പ്രതിഫലിച്ചത്. ബുധനാഴ്ച 19,520 രൂപയായിരുന്നു പവന് വില. ആറു ദിവസത്തെ സ്ഥിരതക്ക് ശേഷമാണ് പവന് വില 19,520 രൂപയിലേക്ക് താഴ്ന്നത്. രാജ്യാന്തര വിപണിയില്‍ സ്വര്‍ണം ഒൗണ്‍സിന് 1.10 ഡോളര്‍ കൂടി 1,120.30 ഡോളറിലെത്തി. |
| മോദിയുടെ യു.എസ് സന്ദര്‍ശനത്തിനുമേല്‍ പട്ടേല്‍ പ്രക്ഷോഭത്തിന്‍െറ കരിനിഴല്‍ Posted: 16 Sep 2015 07:05 PM PDT Image:  Subtitle: മോദി ന്യൂയോര്‍ക്കിലത്തെുമ്പോള്‍ കറുത്ത കൊടികളുമായി പ്രതിഷേധിക്കാന്‍ ആഹ്വാനം അഹ്മദാബാദ്: പ്രധാനമന്ത്രി നരേന്ദ്രമോദിയുടെ യു.എസ് സന്ദര്‍ശനത്തിനുമേല്‍ പ്രവാസി പട്ടേല്‍ സമുദായത്തിന്‍െറ പ്രതിഷേധം കരിനിഴല്‍ വീഴ്ത്തുമെന്ന് സൂചന. ഐക്യരാഷ്ട്രസഭ ജനറല്‍ അസംബ്ളിയുടെ 70ാമത് സമ്മേളനത്തില്‍ പങ്കെടുക്കാന്‍ ഈ മാസം 23ന് മോദി ന്യൂയോര്‍ക്കിലത്തെുമ്പോള്‍ കറുത്ത കൊടികളുമായി പ്രതിഷേധിക്കാനാണ് യു.എസിലെ പട്ടേലുമാരോട് സമുദായനേതാവ് ഹാര്‍ദിക് പട്ടേലിന്‍െറ ആഹ്വാനം. കഴിഞ്ഞവര്‍ഷം സെപ്റ്റംബറില്‍ ആദ്യ യു.എസ് സന്ദര്‍ശനത്തില്‍ മോദിക്ക് ഇന്ത്യന്‍ സമൂഹം ഗംഭീര വരവേല്‍പ് നല്‍കിയ മാഡിസന്‍ സ്ക്വയര്‍ ഗാര്‍ഡനില്‍ ഇത്തവണ പട്ടേല്‍ സമുദായത്തിന്‍െറ പ്രതിഷേധജ്വാല ആളിക്കത്തിക്കാനാണ് ആഹ്വാനം. 24ന് ന്യൂയോര്‍ക്കിലെ യു.എന്‍ ആസ്ഥാനത്തുനിന്ന് മാഡിസന്‍ സ്ക്വയര്‍ ഗാര്‍ഡനിലേക്ക് 25,000 പേരുടെ പ്രതിഷേധമാര്‍ച്ച് നടത്തുമെന്ന് പാട്ടിദാര്‍ അനാമത് ആന്ദോളന്‍ സമിതിയുടെ പ്രവാസിവിഭാഗമായ ഓവര്‍സീസ് അനാമത് ആന്ദോളന്‍ പ്രഖ്യാപിച്ചിരിക്കുകയാണ്. കറുത്ത വസ്ത്രം ധരിച്ചും കരിങ്കൊടി പിടിച്ചും മോദിയെ പ്രതിഷേധമറിയിക്കാന്‍ ന്യൂയോര്‍ക്കിലെ പട്ടേല്‍ സമുദായക്കാരോട് ഹാര്‍ദിക് പട്ടേലും ആഹ്വാനം ചെയ്തു. അഹ്മദാബാദില്‍ ആഗസ്റ്റ് 25ന് റാലിക്കിടെ ഹാര്‍ദിക് പട്ടേലിനെ കസ്റ്റഡിയിലെടുത്തതിനെതുടര്‍ന്നുണ്ടായ പ്രതിഷേധത്തില്‍ സമുദായനേതാക്കള്‍ക്കെതിരെയുണ്ടായ പൊലീസ് നടപടിയില്‍ പ്രതിഷേധിക്കാനാണ് യു.എസിലെ പട്ടേലുകാര്‍ മാര്‍ച്ച് നടത്തുന്നത്. അതിനിടെ, നരേന്ദ്ര മോദി ഒരു ആണ്‍പൂച്ചയാണെന്ന് വിജയപൂരില്‍ നടന്ന യോഗത്തില്‍ ഹാര്‍ദിക് പട്ടേല്‍ പരിഹസിച്ചു. ‘ആണ്‍പൂച്ച അമേരിക്ക സന്ദര്‍ശിക്കുമ്പോള്‍ അവിടെ കാത്തിരിക്കുന്നത് പട്ടേലുകാരുടെ പ്രതിഷേധമായിരിക്കും’ -അദ്ദേഹം പറഞ്ഞു. കഴിഞ്ഞദിവസം ഗുജറാത്ത് മുഖ്യമന്ത്രി ആനന്ദിബെന്‍ പട്ടേലുമായി നടന്ന കൂടിക്കാഴ്ചയില്‍ ന്യൂയോര്‍ക്കിലെ പ്രതിഷേധം വിഷയമായില്ളെന്ന് ഹാര്‍ദിക് പട്ടേല്‍ മാധ്യമപ്രവര്‍ത്തകരോട് പറഞ്ഞു. താന്‍ മുന്നോട്ടുവെച്ച ആവശ്യങ്ങള്‍ പരിശോധിക്കാന്‍ മുഖ്യമന്ത്രി 10 ദിവസം ആവശ്യപ്പെട്ടതായും പ്രക്ഷോഭം തുടരുമെന്നും പറഞ്ഞു. സമുദായനേതാക്കള്‍ക്കെതിരായ അതിക്രമത്തില്‍ പങ്കാളികളായ പൊലീസുകാരുടെ അറസ്റ്റും സസ്പെന്‍ഷനുമാണ് ആവശ്യം. അതിനിടെ, സമുദായത്തിന്‍െറ ശക്തികേന്ദ്രങ്ങളായ ഗുജറാത്തിലെ നിരവധി ഗ്രാമങ്ങളില്‍ രാഷ്ട്രീയനേതാക്കള്‍ പ്രവേശിക്കുന്നതിന് വിലക്കേര്‍പ്പെടുത്തി. ഗാന്ധിനഗര്‍, മഹേസന ജില്ലകളില്‍ വിലക്ക് അറിയിച്ച് ബാനറുകള്‍ ഉയര്‍ത്തി. അരാവല്ലി ജില്ലയിലെ മൊദാസ നഗരത്തില്‍ ബി.ജെ.പി ജില്ലാ ഓഫിസ് ഭാരവാഹികളോട് 10 ദിവസത്തിനകം അവരുടെ വാടകസ്ഥലം ഒഴിഞ്ഞുപോകാന്‍ അന്ത്യശാസനം നല്‍കിയിരിക്കുകയാണ്. പട്ടേല്‍ സമുദായത്തിന്‍െറ നിയന്ത്രണത്തിലുള്ള ട്രസ്റ്റിന്‍െറ ഉടമസ്ഥതയിലുള്ള കെട്ടിടത്തിലാണ് ഇവിടെ ബി.ജെ.പി ഓഫിസ് പ്രവര്‍ത്തിക്കുന്നത്. |
| സീസണിലെ ആകാശക്കൊള്ള: കേന്ദ്രം ഇടപെടുന്നു Posted: 16 Sep 2015 07:02 PM PDT Image:  Subtitle: 10 ദിവസത്തിനകം റിപ്പോര്‍ട്ട് നല്‍കാന്‍ വിമാനക്കമ്പനികള്‍ക്ക് നിര്‍ദേശം ന്യൂഡല്‍ഹി: സീസണില്‍ വിമാനക്കമ്പനികള്‍ പ്രവാസികളെ ‘കഴുത്തറുക്കുന്നു’വെന്ന പരാതിയില്‍ കേന്ദ്ര സര്‍ക്കാര്‍ ഇടപെടുന്നു. നിരക്ക് ക്രമാതീതമായി വര്‍ധിക്കാതിരിക്കാന്‍ എന്തൊക്കെ ചെയ്യാന്‍ കഴിയുമെന്നുകാണിച്ച് 10 ദിവസത്തിനകം റിപ്പോര്‍ട്ട് നല്‍കാന്‍ വിമാനക്കമ്പനികളോട് നിര്‍ദേശിച്ചതായി വ്യോമയാനമന്ത്രി അശോക് ഗജപതി രാജു പറഞ്ഞു. കേന്ദ്ര വ്യോമയാന മന്ത്രാലയമാണ് വിമാനക്കമ്പനി ഉദ്യോഗസ്ഥരുടെ യോഗം വിളിച്ചത്. വിമാന ടിക്കറ്റിന് പരിധി നിശ്ചയിക്കാന്‍ സര്‍ക്കാറിന് പരിപാടിയില്ളെന്നും സമവായ ചര്‍ച്ചയിലൂടെ വിമാനക്കമ്പനികളെ സ്വയം നിയന്ത്രണത്തിലേക്ക് കൊണ്ടുവരാനാണ് ശ്രമിക്കുന്നതെന്നും റിപ്പോര്‍ട്ട് കിട്ടിയാലുടന്‍ വീണ്ടും യോഗം ചേരുമെന്നും മന്ത്രി കൂട്ടിച്ചേര്‍ത്തു. സീസണില്‍ നിരക്ക് കൂടുന്നതിന് പ്രധാന കാരണം തിരക്കാണ്. തിരക്ക് കുറക്കാന്‍ ഗള്‍ഫ് സെക്ടറില്‍ കൂടുതല്‍ സര്‍വിസ് നടത്തുന്നതിന്‍െറ സാധ്യത യോഗം ചര്‍ച്ചചെയ്തു. എയര്‍ ഇന്ത്യ ഉള്‍പ്പെടെയുള്ള വിമാനക്കമ്പനികള്‍ക്ക് ഓരോ റൂട്ടിലും നിശ്ചിത സീറ്റ് അനുവദിച്ചിട്ടുണ്ട്. ഗള്‍ഫ് സെക്ടറില്‍ പല റൂട്ടുകളിലും അനുവദിക്കപ്പെട്ട അത്രയും സര്‍വിസ് നടത്തുന്നില്ല. ഉപയോഗിക്കാതെ കിടക്കുന്ന സീറ്റ് തിരിച്ചെടുത്ത് മറ്റ് വിമാനക്കമ്പനികള്‍ക്ക് നല്‍കുന്നത് പരിശോധിക്കാന്‍ ധാരണയായി. കൂടുതല്‍ സീറ്റ് ലഭ്യമാകുന്നതോടെ നിരക്ക് കുതിച്ചുയരുന്നത് തടയാനാകുമെന്നാണ് കണക്കുകൂട്ടല്‍. വെബ്സൈറ്റില്‍ മുന്‍കൂട്ടി പ്രഖ്യാപിച്ച ഉയര്‍ന്ന നിരക്കിനേക്കാള്‍ കൂടുതല്‍ തുക ഈടാക്കാന്‍ വിമാനക്കമ്പനികള്‍ക്ക് അധികാരമില്ല. അത് ലംഘിക്കുന്നത് നിരീക്ഷിക്കാന്‍ വ്യോമയാന മന്ത്രാലയത്തിന്‍െറ നിരീക്ഷണ സംവിധാനം കാര്യക്ഷമമാക്കും. ഗള്‍ഫ് സെക്ടറിലെ നിരക്ക് സംബന്ധിച്ചായിരുന്നു പ്രധാന ചര്‍ച്ച. നിരക്ക് ക്രമാതീതമായി കൂടിയെന്ന വാദം ശരിയല്ളെന്ന് വിമാനക്കമ്പനികള്‍ വാദിച്ചു. ഡയറക്ടര്‍ ജനറല്‍ ഓഫ് സിവില്‍ ഏവിയേഷന്‍ ഈയിടെ നടത്തിയ റിപ്പോര്‍ട്ടുപ്രകാരം ഇന്ത്യയില്‍ ഈ വര്‍ഷം വിമാനടിക്കറ്റ് നിരക്ക് 20 ശതമാനം കുറഞ്ഞുവെന്നാണ് കണ്ടത്തെിയത്. പ്രസ്തുത റിപ്പോര്‍ട്ടിന്‍െറ പിന്‍ബലത്തിലാണ് നിരക്ക് കൂടിയിട്ടില്ളെന്ന വാദം വിമാനക്കമ്പനി ഉദ്യോഗസ്ഥര്‍ മുന്നോട്ടുവെച്ചത്. മുന്‍വര്‍ഷത്തെ അപേക്ഷിച്ച് ഇപ്പോഴുള്ള ഇന്ധനത്തിന്‍െറ വില കുറഞ്ഞുവെന്നും അതിന്‍െറ ആനുകൂല്യം യാത്രക്കാര്‍ക്കും ലഭിക്കണമെന്നും മന്ത്രാലയം ഉദ്യോഗസ്ഥര്‍ വിമാനക്കമ്പനികളോട് നിര്‍ദേശിച്ചു. പ്രധാനമന്ത്രി നരേന്ദ്ര മോദി ഈയിടെ യു.എ.ഇ സന്ദര്‍ശിച്ചപ്പോള്‍ മലയാളി പ്രവാസി സംഘടനകള്‍ വിമാനക്കമ്പനികളുടെ കൊള്ള അദ്ദേഹത്തിന്‍െറ ശ്രദ്ധയില്‍പെടുത്തിയിരുന്നു. നടപടി സ്വീകരിക്കാന്‍ പ്രധാനമന്ത്രിയുടെ ഓഫിസ് നല്‍കിയ നിര്‍ദേശം അനുസരിച്ചാണ് വ്യോമയാന മന്ത്രാലയം വിമാനക്കമ്പനി ഉദ്യോഗസ്ഥരുടെ യോഗം വിളിച്ചത്. വ്യോമയാന സഹമന്ത്രി മഹേഷ് ശര്‍മ, മന്ത്രാലയത്തിലെ മുതിര്‍ന്ന ഉദ്യോഗസ്ഥര്‍, എയര്‍ ഇന്ത്യ, ജെറ്റ്, എയര്‍ ഏഷ്യ, സ്പൈസ് ജെറ്റ് തുടങ്ങിയ കമ്പനികളുടെ മുതിര്‍ന്ന ഉദ്യോഗസ്ഥരും പങ്കെടുത്തു. |
| മാംസനിരോധം അസഹിഷ്ണുതയുടെ ആരംഭം Posted: 16 Sep 2015 06:43 PM PDT Image:  ദിവസങ്ങള്‍ നീളുന്ന ജൈനമതോത്സവം കണക്കിലെടുത്താണത്രെ ഈ ദിവസങ്ങളില്‍ ഇറച്ചി നിരോധിക്കാന്‍ വിവിധ സംസ്ഥാനങ്ങള്‍ തീരുമാനം കൈക്കൊണ്ടിരിക്കുന്നു. ഒരേസമയം നീതീകരിക്കാനാകാത്തതും യുക്തിഹീനവുമായ തീരുമാനമെന്ന് ഇതിനെ നിസ്സംശയം വിശേഷിപ്പിക്കാം. ഏതെങ്കിലുമൊരു മതവിഭാഗത്തിന്‍െറ - അത് ന്യൂനപക്ഷമോ ഭൂരിപക്ഷമോ ആകട്ടെ- ആചാരവുമായി ബന്ധപ്പെട്ട നിയന്ത്രണങ്ങള്‍ അന്യ മതസ്ഥര്‍ക്കുമേല്‍ അടിച്ചേല്‍പിക്കാന്‍ ഒരു മതേതര രാജ്യത്തെ ഭരണകൂടം തയാറാകുന്നത് നിയമപരമായി ശരിയല്ല എന്നതുകൊണ്ടാണ് ന്യായീകരിക്കാനാകാത്തതാണ് ഈ തീരുമാനമെന്നു പറയാന്‍ കാരണം. സ്വന്തം ആദര്‍ശ ആചാരങ്ങള്‍ അനുഷ്ഠിക്കാന്‍ ജൈനര്‍ക്ക് പൂര്‍ണസ്വാതന്ത്ര്യം അനുവദിക്കപ്പെടുകതന്നെ വേണം (കൂട്ടത്തില്‍ പറയട്ടെ ഞാനും ഒരു ജൈനമതസ്ഥനാണ്. ഉള്ളി പോലും വെജിറ്റേറിയന്മാര്‍ക്ക് പാടില്ളെന്ന് ശഠിക്കുന്ന ശുദ്ധ സസ്യഭുക്കുകളുടെ കുടുംബത്തില്‍ പിറന്നവന്‍. പക്ഷേ, ഭക്ഷ്യശീലം ഇത്തരം വിലക്കുകള്‍കൊണ്ട് ഞാന്‍ നിയന്ത്രിക്കാറേയില്ല). എന്നാല്‍, വെജിറ്റേറിയനിസം അന്യമതസ്ഥര്‍ക്കുമേല്‍ അടിച്ചേല്‍പിക്കാന്‍ ജൈനര്‍ക്ക് അധികാരാവകാശങ്ങളില്ല. ജൈനമതാഘോഷ വേളയില്‍ ജൈനേതര മതക്കാര്‍ ഇറച്ചി വില്‍ക്കാനും വാങ്ങാനും പാടില്ളെന്ന് മതേതര സര്‍ക്കാര്‍ തന്നെ ഉത്തരവിടുന്നത് മതേതരത്വത്തിന്‍െറ സത്തയുമായി ഇണങ്ങുന്നതല്ല. യുക്തിരഹിതമായ ഈ നിരോധത്തെ തികഞ്ഞ അസംബന്ധമായേ വിലയിരുത്താനാകൂ. മൃഗങ്ങളോടുള്ള ക്രൂരത തടയുന്നതിന്‍െറ ഭാഗമായി ചില കാലിത്തീറ്റകള്‍ നിരോധിക്കപ്പെട്ടിരുന്നു. മൃഗങ്ങളുടെ ആരോഗ്യത്തെ ഹനിക്കുമെന്ന ആശങ്കയായിരുന്നു ആ നിരോധത്തിനുള്ള പ്രേരകം. എന്നാല്‍, ജൈനരായ മനുഷ്യരുടെ പ്രശ്നത്തില്‍ ഉദ്ഭവിച്ച ആശങ്കമൂലമാണത്രേ ഇപ്പോഴത്തെ ഇറച്ചി നിരോധം. ആടുകളെ കശാപ്പു ചെയ്യുമ്പോള്‍ ജൈനവികാരങ്ങള്‍ക്ക് പോറലേല്‍ക്കുമത്രെ. വര്‍ഷം മുഴുവന്‍ സസ്യാഹാരം മാത്രം കഴിച്ച് ജീവിക്കുന്നവരാണ് ജൈനമതക്കാര്‍. അപ്പോള്‍ ജൈനവികാരം രക്ഷിക്കാന്‍ വര്‍ഷം മുഴുക്കെ കശാപ്പ് നിരോധിക്കേണ്ടതല്ളേ. മറ്റൊരസംബന്ധം ശ്രദ്ധിക്കുക. ഏതാനും ദിവസങ്ങള്‍ മാംസനിരോധ കാലയളവായി മാറുന്നതിനാല്‍ ജനങ്ങള്‍ മുന്‍കൂട്ടിത്തന്നെ മാംസശേഖരണം ആരംഭിച്ചേക്കും. അപ്പോള്‍ ആടുകളെയും കോഴികളെയും കൂടുതല്‍ കശാപ്പുചെയ്യാന്‍ കാരണമാകും (ഫ്രീസറുകളില്‍ മാംസം ശേഖരിക്കപ്പെടും). ക്രമാതീതമായ ഈ കശാപ്പുകള്‍ ജൈനവിശ്വാസികള്‍ക്ക് ആലോസരമാകുമോ? മഹാരാഷ്ട്ര സര്‍ക്കാറാകട്ടെ, നിരോധത്തില്‍നിന്ന് മത്സ്യത്തിന് ഇളവ് അനുവദിച്ചിരിക്കുന്നു. മത്സ്യങ്ങള്‍ കശാപ്പു ചെയ്യപ്പെടാറില്ല, അവ വലക്കണ്ണികളില്‍ കുരുങ്ങി സ്വയം ജീവന്‍ വെടിയാറാണ് പതിവെന്നാണ് സര്‍ക്കാര്‍ ഭാഷ്യം. മത്സ്യങ്ങള്‍ കടലില്‍നിന്ന് സ്വയം ബോട്ടിലും വലകളിലും കയറി ആത്മാഹുതി ചെയ്യാറാണെന്ന് തോന്നിപ്പിക്കുന്നതാണ് ഈ യുക്തിരഹിത ന്യായവാദവും. മത്സ്യം ചാകുന്നതിനെയും കശാപ്പു ചെയ്യപ്പെടുന്നതിനെയും ജൈനര്‍ രണ്ടായി കാണാറില്ല. മാംസനിരോധം മഹാരാഷ്ട്രയില്‍ ഇറച്ചി കയറ്റുമതിക്കാരില്‍ (ഇവരില്‍ ഭൂരിപക്ഷവും മുസ്ലിംകളാണ്) ആശങ്ക വളര്‍ത്തിയിരിക്കുന്നു. മത്സ്യബന്ധനത്തിലേര്‍പ്പെട്ടവര്‍ ഭൂരിഭാഗവും ഹിന്ദു വിഭാഗക്കാര്‍ ആയതുകൊണ്ടാണ് അവര്‍ക്ക് ഇളവ് പ്രഖ്യാപിച്ചതെന്നും അവര്‍ സംശയിക്കുന്നു. മുസ്ലിംകള്‍ പൊതുവെ മാംസാഹാരശീലരായിരിക്കും. അവരുടെ ഭക്ഷണക്രമത്തെ ഈ തീരുമാനം അട്ടിമറിക്കാനിടയാക്കുന്നു. ഇറച്ചിയും മീനും നിഷിദ്ധമാക്കുന്ന ഉപവാസരീതി ഹിന്ദുക്കള്‍ ശീലിക്കുന്നതിനാല്‍ മാംസാഹാര നിരോധം ഹൈന്ദവ വിഭാഗങ്ങളെ ഒട്ടും അലോസരപ്പെടുത്തുന്നുമില്ല. ഇതിനെ ഒറ്റപ്പെട്ട നടപടിയായി ന്യായീകരിക്കാനാണ് ചില ലിബറല്‍ ചിന്താഗതിക്കാരുടെ ശ്രമം. യഥാര്‍ഥത്തില്‍ മതസമ്മര്‍ദങ്ങളെ അതിജീവിക്കുന്നതില്‍ സര്‍ക്കാര്‍ പരാജയപ്പെടുന്നതിന്‍െറ സൂചനയാണ് ഇത്തരം തീരുമാനങ്ങള്‍. മിക്ക വടക്കേ ഇന്ത്യന്‍ സംസ്ഥാനങ്ങളിലെയും ഗോവധ നിരോധം ഈ പ്രവണതയെ സാക്ഷ്യപ്പെടുത്തുന്നുണ്ട്. ബി.ജെ.പി സര്‍ക്കാര്‍ അധികാരമേറിയതോടെയാണ് ഇത്തരം നിരോധ നടപടികള്‍ വ്യാപകമായിക്കൊണ്ടിരിക്കുന്നത്. ഗോമാംസ നിരോധം പോലും എതിര്‍ക്കാന്‍ ലിബറലുകള്‍ തയാറായില്ല. ഹിന്ദുക്കള്‍ക്കുവേണ്ടി ഗോമാംസം നിരോധിക്കുന്ന സര്‍ക്കാറിന് ജൈനര്‍ക്കുവേണ്ടി താല്‍ക്കാലിക മാംസനിരോധം എന്തുകൊണ്ട് ഏര്‍പ്പെടുത്തിയിരിക്കുന്നുവെന്ന ചോദ്യവും സ്വാഭാവികമായും ഉയര്‍ന്നേക്കും. നിരോധം എന്തിന് ഭക്ഷ്യവസ്തുക്കളില്‍ പരിമിതപ്പെടുത്തണം? മതാധ്യക്ഷന്മാരുടെ ആജ്ഞ ശിരസാവഹിച്ച് തോന്നിയപടിയുള്ള നിരോധങ്ങള്‍ ആരംഭിച്ചുകൂടേ? ഭക്ഷ്യവസ്തുക്കളോ പുസ്തകങ്ങളോ നിരോധിക്കപ്പെടേണ്ടതില്ല. ഇഷ്ടമില്ലാത്തവര്‍ക്ക് അവ ഉപയോഗിക്കാതിരിക്കാം. ഇത്തരം നിസ്സാര പ്രശ്നങ്ങള്‍ക്കെതിരെ ശബ്ദമുയര്‍ത്താത്തപക്ഷം വന്‍ പ്രശ്നങ്ങള്‍ ഉദയം ചെയ്യുമ്പോള്‍ മൗനംദീക്ഷിക്കാന്‍ നാം നിര്‍ബന്ധിതരാകും. കൂടുതല്‍ നിരോധങ്ങള്‍ വന്നേക്കും. കൂടുതല്‍ അസഹിഷ്ണുതകളും. ഇത് ഒരു തുടക്കം മാത്രം. കടപ്പാട്: ദി ഹിന്ദുസ്ഥാന്‍ ടൈംസ് |
| Posted: 16 Sep 2015 06:38 PM PDT Image:  സന്‍ആ മുതല്‍ ഹദര്‍മൗത്ത് വരെ ഏതൊരു പെണ്‍കുട്ടിക്കും ഏത് പാതിരാവിലും, ആടിനെ പിടിക്കുന്ന ചെന്നായയെയും അല്ലാഹുവിനെയുമല്ലാതെ മറ്റാരെയും ഭയക്കാതെ ഒറ്റക്ക് യാത്രചെയ്യാന്‍ പറ്റുന്ന ഒരു കാലത്തെക്കറിച്ച് പ്രവാചകന്‍ മുഹമ്മദ് തന്‍െറ ആദ്യനാളുകളില്‍ പ്രവചിച്ചിരുന്നു. സമാധാനത്തിന്‍െറയും നിര്‍ഭയത്വത്തിന്‍െറയും ഒരു മാതൃകാ സാമൂഹിക ക്രമം (ദാറുസ്സലാം) കെട്ടിപ്പടുത്തുകൊണ്ടാണ് അദ്ദേഹം വിടപറഞ്ഞത്. വിശപ്പില്‍നിന്നും ഭയത്തില്‍നിന്നുമുള്ള മോചനം ഇസ്ലാമിക സാമൂഹിക ക്രമത്തിന്‍െറ വളരെ പ്രധാനപ്പെട്ട ലക്ഷ്യങ്ങളാണ്. എന്നാല്‍, അതേ പ്രവാചകന്‍െറ കാല്‍പ്പാടുകള്‍ പതിഞ്ഞ നാടുകള്‍, പ്രവാചകന്‍െറ അനുയായികള്‍ കെട്ടിപ്പടുത്ത നഗരങ്ങള്‍ പലതും ഇന്ന് അരക്ഷിതത്വത്തിന്‍െറയും കനത്ത ഭയത്തിന്‍െറയും കേന്ദ്രങ്ങളായി മാറിയിരിക്കുന്നുവെന്നത് ചരിത്രത്തിലെ വേദനാജനകമായ വിപര്യയമാണ്. ദിനംദിനേ രക്തം കിനിയുന്ന വാര്‍ത്തകള്‍ പല അറബ് നാടുകളില്‍നിന്നും വന്നുകൊണ്ടിരിക്കുന്നു. ഈ വാര്‍ത്തകളിലെയെല്ലാം പ്രധാനപ്പെട്ടൊരു ഘടകമാണ് ഇസ്ലാമിക് സ്റ്റേറ്റ് (ഐ.എസ്) എന്ന് സ്വയം വിശേഷിപ്പിക്കുന്ന സംഘം. ധമനികളെ മരവിപ്പിക്കുന്ന തരത്തിലുള്ള ക്രൂരതകളുടെ വാര്‍ത്തകളാണ് അവരുമായി ബന്ധപ്പെട്ട് വന്നുകൊണ്ടിരിക്കുന്നത്. പ്രവാചക മാതൃകയിലുള്ള ഭരണക്രമം (ഖിലാഫത്ത്) നടപ്പാക്കുകയാണ് തങ്ങളെന്ന് അവകാശപ്പെട്ടുകൊണ്ടാണ് ഐ.എസ് ഇതെല്ലാം ചെയ്യുന്നതെന്നതാണ് മറ്റൊരു ക്രൂരഫലിതം. പ്രവാചകന്‍െറയും അനുയായികളുടെയും ഖിലാഫത്ത്, ഭയത്തില്‍നിന്ന് നിര്‍ഭയത്വത്തിലേക്കുള്ള യാത്രയായിരുന്നെങ്കില്‍, ഐ.എസ് ലോകത്താകമാനം ഭയമാണ് ഉല്‍പാദിപ്പിക്കുന്നത്. ഇസ്രായേലിന്‍െറയും അമേരിക്കയുടെയും ഗൂഢപദ്ധതികളുടെ ഭാഗമായി രൂപപ്പെട്ട കൂലിപ്പടയാളി സംഘമാണ് ഐ.എസ് എന്ന് ഉറച്ചുവിശ്വസിക്കുന്നവരുണ്ട്. ഈ ഗൂഢാലോചനാ സിദ്ധാന്തത്തിന് അറബ്-മുസ്ലിം വൃത്തങ്ങളില്‍ വലിയ സ്വീകാര്യതയുമുണ്ട്. അതിനെ സാധൂകരിക്കുന്ന തെളിവുകള്‍ അവര്‍ നിരത്താറുമുണ്ട്. മുസ്ലിം നാടുകളെ അസ്ഥിരമാക്കുകയെന്ന ഇസ്രായേലി അജണ്ടയെക്കുറിച്ച് അറിയാവുന്നവര്‍ക്ക് അതില്‍ വലിയ അതിശയവുമുണ്ടാവില്ല. അറബ് നാടുകളിലാകമാനം നാശംവിതക്കുന്ന ഐ.എസ് ഇസ്രായേലിനെ ഇതുവരെയും തൊട്ടിട്ടില്ല എന്നും അവര്‍ ചൂണ്ടിക്കാണിക്കുന്നു. പക്ഷേ, അങ്ങനെയൊക്കെയാണെങ്കിലും ഐ.എസ് എന്നത് യാഥാര്‍ഥ്യമാണ്. ഇസ്ലാമിന്‍െറ പേരില്‍ ഇസ്ലാമിക പദാവലികള്‍ ഉപയോഗിച്ചാണ് അവര്‍ പ്രവര്‍ത്തിക്കുന്നതും. അവരുടെ രൂപവത്കരണത്തില്‍ ഇസ്രായേലിന് പങ്കുണ്ടെങ്കില്‍പോലും അവര്‍ നിലനില്‍ക്കുന്നത് അതിന്‍െറ മാത്രം അടിസ്ഥാനത്തിലല്ല. ലോകത്തിന്‍െറ പല ഭാഗങ്ങളില്‍നിന്നും ഐ.എസില്‍ ആകൃഷ്ടരായി ചെറുപ്പക്കാര്‍ സിറിയയിലേക്കും ഇറാഖിലേക്കും യാത്രതിരിക്കുന്നുണ്ട്. ഇസ്ലാമിനെക്കുറിച്ച വളരെ കുടുസ്സായ വായനയാണ് അവരെ ഐ.എസിലേക്ക് നയിക്കുന്നത്. അസഹിഷ്ണുതയിലധിഷ്ഠിതമായ ഈ മതവ്യാഖ്യാനമാണ് ഐ.എസിനെ നിലനിര്‍ത്തുന്നത്. അതിനാല്‍, ഇസ്ലാമിനെക്കുറിച്ച യഥാര്‍ഥ വായനയെ വളര്‍ത്തുകയെന്നതാണ് ഐ.എസ് പോലുള്ള പ്രതിഭാസങ്ങളെ തളര്‍ത്താനുള്ള പോംവഴി. മുസ്ലിമേതര സമൂഹങ്ങളെയല്ല, ഇസ്ലാമിനകത്തുതന്നെയുള്ള വ്യത്യസ്തതകളെയും വൈവിധ്യങ്ങളെയുമാണ് ഐ.എസ് ഒന്നാമതായി ലക്ഷ്യംവെക്കുന്നത്. തങ്ങളുടെ വ്യാഖ്യാനത്തിന് പുറത്തുള്ള മുസ്ലിംകളെല്ലാം മതവിരുദ്ധരും വധാര്‍ഹരുമാണ് എന്ന അതിവിചിത്ര സിദ്ധാന്തമാണ് അവര്‍ കൊണ്ടുനടക്കുന്നത്. അഭിപ്രായ വൈവിധ്യങ്ങളെ മാനിക്കുന്നതിനെക്കുറിച്ച് അവര്‍ക്ക് ആലോചിക്കാനേ പറ്റുന്നില്ല. അതിനാല്‍, അഭിപ്രായ വൈവിധ്യങ്ങളെ ആദരിക്കുകയും മുഴുവന്‍ സമൂഹങ്ങളുമായും ആരോഗ്യകരമായ സംവാദാത്മക ബന്ധങ്ങള്‍ വളര്‍ത്തിയെടുക്കുകയും ചെയ്യുകയെന്നതാണ് ഐ.എസ് പോലുള്ള അതിവാദ പ്രവണതകളെ തടുക്കാനുള്ള മികച്ച പോംവഴി. ഐ.എസിനെതിരായി പടിഞ്ഞാറന്‍ ശക്തികള്‍ നടത്തുന്ന നീക്കങ്ങളെ വിശ്വാസത്തിലെടുക്കാന്‍ പലപ്പോഴും മുസ്ലിംകള്‍ക്ക് സാധിച്ചെന്നുവരില്ല. കാരണം, ഐ.എസ് ചെയ്യുന്നതിന്‍െറ എത്രയോ ഇരട്ടി ക്രൂരതകള്‍ മുസ്ലിം-അറബ് നാടുകളില്‍ ചെയ്തുകൂട്ടിയവരാണവര്‍. അതിനാല്‍തന്നെ മുസ്ലിം സമൂഹത്തിനകത്തുനിന്നുതന്നെ ഐ.എസിനെതിരായ ആശയപരമായ മുന്‍കൈകള്‍ രൂപപ്പെട്ടുവരുകയാണ് വേണ്ടത്. അത്തരം നീക്കങ്ങള്‍ക്ക് മുസ്ലിം സംഘടനകള്‍ തുടക്കമിടുന്നുവെന്നത് സ്വാഗതം ചെയ്യപ്പെടേണ്ടതാണ്. സാമ്രാജ്യത്വത്തിന്‍െറ കുതന്ത്രങ്ങളെയും സങ്കുചിത മതഭ്രാന്തിന്‍െറ വന്യമായ നടപടികളെയും ഒരേസമയം തുറന്നെതിര്‍ക്കുക എന്നത് ശ്രമകരമായ ദൗത്യമാണ്. പക്ഷേ, ഈ കെട്ടകാലത്ത് ആ സാഹസിക ദൗത്യം ഏറ്റെടുത്തേ മതിയാവൂ. |
| You are subscribed to email updates from a feed. To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
No comments:
Post a Comment