അര്‍ബുദ രോഗികള്‍ക്ക് ചികിത്സാ സഹായം കണ്ടത്തൊന്‍ നാളെ മാന്ത്രികസന്ധ്യ Madhyamam News Feeds |  |
- അര്‍ബുദ രോഗികള്‍ക്ക് ചികിത്സാ സഹായം കണ്ടത്തൊന്‍ നാളെ മാന്ത്രികസന്ധ്യ
- നികുതി വെട്ടിപ്പ്: നെയ്മറിന്‍െറ സ്വത്ത് മരവിപ്പിച്ചു
- പിന്‍സീറ്റ് ഹെല്‍മറ്റ്: അഭിപ്രായ സര്‍വേയില്‍ 92 ശതമാനം പേര്‍ക്ക് എതിര്‍പ്പ്
- കാവിന്‍െറ സ്ഥലത്തെച്ചൊല്ലി തര്‍ക്കം പൊലീസ് ഇടപെട്ട് സംഘര്‍ഷം ഒഴിവാക്കി
- താങ്ങാനാവുന്നതിനേക്കള്‍ വേതനം ആവശ്യപ്പെട്ടാല്‍ തോട്ടം മേഖല അടച്ചുപൂട്ടേണ്ടിവരും: മുഖ്യമന്ത്രി
- ത്യാഗ സന്ദേശമുണര്‍ത്തി പെരുന്നാള്‍ ആഘോഷം
- സിറിയന്‍ വിമതര്‍ അല്‍ഖാഇദക്ക് ആയുധങ്ങള്‍ നല്‍കിയെന്ന് യു.എസ്
- മിനായുടെ കറുത്ത പെരുന്നാള്‍
- മിനാ ദുരന്തം: മരിച്ച മലയാളികളുടെ എണ്ണം അഞ്ചായി
- മൂന്നാര്‍ ചര്‍ച്ചയില്‍ പങ്കെടുപ്പിക്കണമെന്ന ആവശ്യവുമായി സ്ത്രീ തൊഴിലാളികള്‍
- ലോകത്തെ നടുക്കിയ മിനാ ദുരന്തം
- മതത്തെ തെറ്റിദ്ധരിപ്പിക്കുന്ന ഭീകരരെ ഒറ്റപ്പെടുത്താന്‍ ആഹ്വാനം
- ഹജ്ജ്ദുരന്തങ്ങള്‍ എന്നും മലയാളികളുടെ കണ്ണീര്‍
- രക്ഷാസമിതി പരിഷ്കരണം അനിവാര്യം ^മോദി
- മിനാ ദുരന്തം: മരിച്ചവരില്‍ ഏറെയും ഇറാനികള്‍
- സുരക്ഷാവലയം ഭേദിച്ച് പോപ്പിനുമുന്നില്‍ അഞ്ചുവയസ്സുകാരി സോഫിയ
- മലിനീകരണ തട്ടിപ്പ്: ഫോക്സ് വാഗണെ ഇനി മുള്ളര്‍ നയിക്കും
- ഹജ്ജ് പരിസമാപ്തിയിലേക്ക്
- ടീസ്റ്റയെ കസ്റ്റഡിയില്‍ കിട്ടാന്‍ സി.ബി.ഐ സുപ്രീംകോടതിയില്‍
- ബി.സി.സി.ഐ പ്രസിഡന്‍റ്: ചരടുവലി സജീവം
- നാണം കെട്ട് ബാഴ്സ
- ആത്മവിശ്വാസത്തോടെ സഞ്ജു; ആവേശമാകാനൊരുങ്ങി രഞ്ജി
- ദുരന്തം വന്ന വഴി ; അവ്യക്തത തുടരുന്നു
- കണ്‍സ്യൂമര്‍ഫെഡ് ഭരണസമിതി സസ്പെന്‍റ് ചെയ്തു
| അര്‍ബുദ രോഗികള്‍ക്ക് ചികിത്സാ സഹായം കണ്ടത്തൊന്‍ നാളെ മാന്ത്രികസന്ധ്യ Posted: 26 Sep 2015 12:07 AM PDT മണ്ണഞ്ചേരി: ജില്ലയിലെ നിര്‍ധന അര്‍ബുദ രോഗികള്‍ക്ക് ചികിത്സക്കും തുടര്‍ചികിത്സക്കും പണം സമാഹരിക്കുന്നതിനായി ലയണ്‍സ് ക്ളബ് ഓഫ് ആലപ്പി സൗത്തിന്‍െറ നേതൃത്വത്തില്‍ ഞായറാഴ്ച പാതിരപ്പള്ളി കാമിലോട്ട് കണ്‍വെന്‍ഷന്‍ സെന്‍ററില്‍ മജീഷ്യന്‍ സാമ്രാജിന്‍െറ മാന്ത്രികസന്ധ്യ ഒരുക്കും. തെരഞ്ഞെടുത്ത 25 അര്‍ബുദ രോഗികള്‍ക്ക് ചടങ്ങില്‍ ചികിത്സാസഹായം വിതരണം ചെയ്യും. സൗജന്യ മെഡിക്കല്‍ ക്യാമ്പുകള്‍, മരുന്ന് വിതരണം, കാഴ്ചവൈകല്യമുള്ള കുട്ടികള്‍ക്ക് സൗജന്യ കണ്ണട വിതരണം, പഠനവൈകല്യമുള്ള കുട്ടികള്‍ക്ക് പ്രത്യേക പരിശീലന ക്ളാസുകള്‍ എന്നിവ സംഘടനയുടെ ആഭിമുഖ്യത്തില്‍ നടപ്പാക്കിയിട്ടുണ്ട്. അംഗവൈകല്യമുള്ളവര്‍ക്ക് സ്കൂട്ടര്‍ വിതരണം, നിര്‍ധന വനിതകള്‍ക്ക് ഉപജീവനത്തിനായി ഷീ ഓട്ടോ പദ്ധതി എന്നിവ ഈ വര്‍ഷം നടപ്പാക്കുമെന്ന് പ്രസിഡന്‍റ് പ്രഫ. ടി.എന്‍. പ്രിയകുമാര്‍, ട്രഷറര്‍ വിജയരാജന്‍ എന്നിവര്‍ പറഞ്ഞു. വൈകുന്നേരം ആറിന് മാന്ത്രികസന്ധ്യ കെ.സി. വേണുഗോപാല്‍ എം.പി ഉദ്ഘാടനം ചെയ്യും. ഡോ. തോമസ് ഐസക് എം.എല്‍.എ, ലയണ്‍സ് ക്ളബ് ഇന്‍റര്‍നാഷനല്‍ ഡിസ്ട്രിക്ട് ഗവര്‍ണര്‍ അഡ്വ. വി. അമര്‍നാഥ് എന്നിവര്‍ മുഖ്യാതിഥികളാകും. |
| നികുതി വെട്ടിപ്പ്: നെയ്മറിന്‍െറ സ്വത്ത് മരവിപ്പിച്ചു Posted: 26 Sep 2015 12:03 AM PDT Image:  സാവോപോളോ: നികുതിവെട്ടിപ്പ് നടത്തിയതിന് ബാഴ്സലോണയുടെ ബ്രസീല്‍ താരം നെയ്മറിന്‍െറ സ്വത്ത് മരവിപ്പിച്ചു. 4.8 കോടി ഡോളറിന്‍െറ സ്വത്താണ് മരവിപ്പിച്ചത്. 16 മില്യണ്‍ ഡോളറിന്‍െറ നികുതി വെട്ടിപ്പ് നടത്തിയെന്ന് കണ്ടെത്തിയതിനാണ് ബ്രസീലിലെ സാവോപോളോ ഫെഡറല്‍ കോടതിയുടെ നടപടി. 2011നും 2013നും ഇടയിലാണ് നികുതി വെട്ടിച്ചതായി കണ്ടെത്തിയത്. 2013ലാണ് ബ്രസീലില്‍ നിന്ന് നെയ്മര്‍ സ്പെയിനിലേക്ക് കൂടുമാറിയത്. ബാഴ്സലോണയില്‍ ചേരാനാണ് താരം സ്പെയിനിലേക്ക് പോയത്. ഈ ട്രാന്‍സ്ഫറില്‍ നെയ്മറിന് ലഭിച്ച തുകയും നിരീക്ഷണത്തിലായിരുന്നു. ബാഴ്സലോണയില്‍ നിന്നും പരസ്യങ്ങളില്‍ നിന്നും ലഭിച്ച തുക താരം വെളിപ്പെടുത്തിയില്ല എന്നും കോടതി പറഞ്ഞു. അതേസമയം നെയ്മര്‍ ടാക്സ് വെട്ടിച്ചെന്ന കാര്യം അദ്ദേഹത്തിന്‍െറ മാതാപിതാക്കള്‍ നിഷേധിച്ചു. കാര്യങ്ങളിയാതെയാണ് ജഡ്ജിന്‍െറ നടപടിയെന്നും അവര്‍ വ്യക്തമാക്കി. |
| പിന്‍സീറ്റ് ഹെല്‍മറ്റ്: അഭിപ്രായ സര്‍വേയില്‍ 92 ശതമാനം പേര്‍ക്ക് എതിര്‍പ്പ് Posted: 25 Sep 2015 11:58 PM PDT കൊച്ചി: കേന്ദ്ര മോട്ടോര്‍ വാഹന ആക്ടിലെ പിന്‍സീറ്റ് ഹെല്‍മറ്റ് വിഷയത്തില്‍ സംസ്ഥാന സര്‍ക്കാര്‍ തീരുമാനം തെറ്റാണെന്നും തീരുമാനം പുന$പരിശോധിക്കണമെന്നും ബൈവീലേഴ്സ് അസോസിയേഷന്‍ ഓഫ് സൗത് ഇന്ത്യ അഭിപ്രായ സര്‍വേ. സംസ്ഥാന വ്യാപകമായി ജില്ലാ ആസ്ഥാനങ്ങളില്‍ നടത്തിയ അഭിപ്രായ സര്‍വേയില്‍ പങ്കെടുത്ത 18268 പേരില്‍ 16898 (92.5 ശതമാനം) എതിര്‍പ്പ് രേഖപ്പെടുത്തി. സര്‍വേയില്‍ പങ്കെടുത്ത യുവാക്കളായ ഇരുചക്രവാഹന യാത്രക്കില്‍ നൂറ് ശതമാനവും നടപടി തെറ്റാണെന്ന് രേഖപ്പെടുത്തി. സര്‍വേയില്‍ പങ്കെടുത്ത പിന്‍സീറ്റ് ഹെല്‍മറ്റ് തീരുമാനം ശരിയെന്ന് രേഖപ്പെടുത്തിയ (7.5 ശതമാനം) 1370 പേരില്‍ 1137 പേരും സ്ത്രീകളായിരുന്നു (83 ശതമാനം പേര്‍). സര്‍വേയുടെ മുഴുവന്‍ രേഖകളും ഹൈകോടതിയില്‍ തെളിവിനായി സമര്‍പ്പിക്കുമെന്നും മുഖ്യമന്ത്രിക്കും ട്രാന്‍സ്പോര്‍ട്ട് കമീഷണര്‍ക്കും അഭിപ്രായ സര്‍വേയുടെ വിശദാംശം നല്‍കുമെന്നും അസോസിയേഷന്‍ പ്രസിഡന്‍റ് കുരുവിള മാത്യൂസ് അറിയിച്ചു. |
| കാവിന്‍െറ സ്ഥലത്തെച്ചൊല്ലി തര്‍ക്കം പൊലീസ് ഇടപെട്ട് സംഘര്‍ഷം ഒഴിവാക്കി Posted: 25 Sep 2015 10:50 PM PDT മാവൂര്‍: കാവിന്‍െറ സ്ഥലത്തെച്ചൊല്ലി തെങ്ങിലക്കടവില്‍ തര്‍ക്കം. ഇരുവിഭാഗങ്ങള്‍ തമ്മിലുള്ള തര്‍ക്കം കൈയാങ്കളിയിലേക്ക് നീങ്ങിയതോടെ പൊലീസത്തെി സംഘര്‍ഷം ഒഴിവാക്കി. മാവൂര്‍ തെങ്ങിലക്കടവ് മുത്താച്ചിക്കാവിന്‍െറ ചുറ്റിലുമുള്ള സ്ഥലവുമായി ബന്ധപ്പെട്ടാണ് തര്‍ക്കമുണ്ടായത്. കാവിനുചുറ്റിലുമുള്ള സ്ഥലം കാവിന്‍െറതാണെന്നവകാശപ്പെട്ട് വെള്ളിയാഴ്ച രാവിലെ പത്തോടെ കേരള പുലയ മഹാസഭ പ്രവര്‍ത്തകരത്തെി ചുറ്റിലും കെട്ടിയ കമ്പിവേലി തകര്‍ക്കുകയായിരുന്നു. ഇതിനെ സ്ഥലമുടമയത്തെി എതിര്‍ത്തു. ഇവര്‍ക്ക് പിന്തുണയുമായി പരിസരവാസികളുമത്തെിയതോടെ കാര്യങ്ങള്‍ വാക്കേറ്റത്തിലും ഉന്തുംതള്ളിലേക്കും നീങ്ങി. അതിനിടെ, വിവരമറിഞ്ഞ് മാവൂര്‍ എസ്.ഐ ബിനീഷിന്‍െറ നേതൃത്വത്തില്‍ കൂടുതല്‍ പൊലീസ് സ്ഥലത്തത്തെി. തുടര്‍ന്ന് എസ്.ഐ, സ്പെഷല്‍ ബ്രാഞ്ച് എസ്.ഐ എം. രാമചന്ദ്രന്‍ തുടങ്ങിയവര്‍ ഇരുവിഭാഗങ്ങളുമായി സംസാരിച്ചു. അസി. കമീഷണര്‍ ജോസിചെറിയാനും സ്ഥലത്തത്തെി പ്രദേശത്ത് തടിച്ചുകൂടിയവരെ ഒഴിപ്പിച്ചു. തുടര്‍ന്ന് ഓരോ വിഭാഗങ്ങളെയും സ്റ്റേഷനിലേക്ക് വിളിച്ചുവരുത്തി ചര്‍ച്ച നടത്തി. കെ.പി.എം.എസ് പ്രവര്‍ത്തകരുമായി നടത്തിയ ചര്‍ച്ചയില്‍ കാവിന് 18 സെന്‍റ് സ്ഥലമുള്ളതായും എന്നാല്‍, നിലവില്‍ മൂന്നു സെന്‍റ് സ്ഥലം മാത്രമാണുള്ളതെന്നും വാദിച്ചു. സ്ഥലനികുതി അടക്കുന്ന രേഖകളും ഇവര്‍ ഹാജരാക്കി. |
| താങ്ങാനാവുന്നതിനേക്കള്‍ വേതനം ആവശ്യപ്പെട്ടാല്‍ തോട്ടം മേഖല അടച്ചുപൂട്ടേണ്ടിവരും: മുഖ്യമന്ത്രി Posted: 25 Sep 2015 10:48 PM PDT Image:  തിരുവനന്തപുരം: വ്യവസായത്തിന് താങ്ങാന്‍ പറ്റുന്ന വേതനത്തിനപ്പുറത്തേക്ക് പോയാല്‍ സ്ഥാപനം അടച്ചുപൂട്ടേണ്ടിവരുമെന്ന് മുഖ്യമന്ത്രി ഉമ്മന്‍ ചാണ്ടി. മലയാളത്തിലെ ദിനപ്പത്രങ്ങളില്‍ എഴുതിയ ലേഖനത്തിലാണ് മുഖ്യമന്ത്രി ഇങ്ങനെ അഭിപ്രായപ്പെട്ടത്. തൊഴിലാളികള്‍ക്ക് മെച്ചപ്പെട്ട സേവനവും വേതനവും ലഭിക്കണമെങ്കില്‍ മുദ്രാവാക്യങ്ങളോ പ്രഖ്യാപനങ്ങളോ അല്ല, മാനേജ്മെന്‍്റും തൊഴിലാളികളും സര്‍ക്കാരും ചേര്‍ന്ന കൂട്ടായ്മയാണ് വേണ്ടതെന്നും മുഖ്യമന്ത്രി ഓര്‍മപ്പെടുത്തുന്നു. സംസ്ഥാനത്തെ തോട്ടം മേഖലയില്‍ വ്യവസായത്തിന് താങ്ങാന്‍ പറ്റാവുന്ന പരമാവധി വേതനം തൊഴിലാളികള്‍ക്ക് ലഭ്യമാക്കണമെന്നാണ് തന്‍്റെ സമീപനം. തോട്ടം മേഖലയുടെ ഇന്നത്തെ അവസ്ഥയിലേക്കത്തെിച്ചതില്‍ എല്ലാ സര്‍ക്കാരുകള്‍ക്കും പങ്കുണ്ടെന്നും പ്രതിപക്ഷ നേതാവ് കലക്ക വെള്ളത്തില്‍ മീന്‍പിടിക്കുകയാണെന്നും മുഖ്യമന്ത്രി ലേഖനത്തില്‍ വ്യക്തമാക്കി. തീവവ്രവാദമോ വിഘടനവാദമോ മൂന്നാര്‍ സമരത്തിന്‍െറ പിന്നിലുണ്ടെന്ന പ്രചരണം അടിസ്ഥാനരഹിതമാണെന്നും അദ്ദേഹം പറഞ്ഞു. ശനിയാഴ്ച തൊഴില്‍മന്ത്രിയുടെ നേതൃത്വത്തില്‍ യൂണിയനുകളും തോട്ടമുടമകളും തമ്മില്‍ നടക്കാനിരിക്കുന്ന ചര്‍ച്ചക്ക് മുന്നോടിയായി പ്രസിദ്ധീകരണത്തിന് നല്‍കിയ ലേഖനത്തിന് വളരെയധികം പ്രാധാന്യമുണ്ടെന്ന് രാഷ്ട്രീയ വിദഗ്ധര്‍ ചൂണ്ടിക്കാട്ടുന്നു. |
| ത്യാഗ സന്ദേശമുണര്‍ത്തി പെരുന്നാള്‍ ആഘോഷം Posted: 25 Sep 2015 10:24 PM PDT മലപ്പുറം: ഇബ്രാഹിം നബിയുടെ ത്യാഗ സ്മരണ പുതുക്കി വിശ്വാസികള്‍ ബലിപെരുന്നാള്‍ ആഘോഷിച്ചു. മാനം തെളിഞ്ഞ അന്തരീക്ഷത്തില്‍ പള്ളികളിലും ഈദ് ഗാഹുകളിലും ഒത്തുകൂടി പ്രാര്‍ഥന നിര്‍വഹിച്ച ശേഷം പരസ്പരം ആശംസകള്‍ കൈമാറി. പ്രവാചക അധ്യാപനങ്ങള്‍ മുറുകെപ്പിടിച്ച് മാനുഷിക ബന്ധങ്ങള്‍ ശക്തിപ്പെടുത്താനും ദൈവ ഭയം ഉള്‍ക്കൊണ്ട് ജീവിക്കാനും ഖത്തീബുമാര്‍ പെരുന്നാള്‍ പ്രഭാഷണത്തില്‍ ഉദ്ബോധിപ്പിച്ചു. പ്രധാന ചടങ്ങായ ബലികര്‍മം പെരുന്നാള്‍ ദിനത്തിലെന്ന പോലെ വെള്ളിയാഴ്ചയും തുടര്‍ന്നു. സംഘടനകളുടെയും ക്ളബുകളുടെയും ആഭിമുഖ്യത്തില്‍ സൗഹൃദ സംഗമങ്ങളും നടന്നു. |
| സിറിയന്‍ വിമതര്‍ അല്‍ഖാഇദക്ക് ആയുധങ്ങള്‍ നല്‍കിയെന്ന് യു.എസ് Posted: 25 Sep 2015 10:05 PM PDT Image:  ഡമസ്കസ്: സിറിയയില്‍ യു.എസ് പിന്തുണക്കുന്ന വിമതസൈന്യം അല്‍ഖാഇദക്ക് വെടിമരുന്നും ആയുധങ്ങളും നല്‍കിയെന്ന് യു.എസ് സ്ഥിരീകരിച്ചു. അല്‍ഖാഇദയുടെ സിറിയന്‍ വകഭേദമായ നുസ്‌റ ഫ്രണ്ടിനാണ് സിറിയന്‍ വിമതര്‍ ആയുധങ്ങള്‍ നല്‍കിയതെന്ന് പെന്‍റഗണ്‍ അറിയിച്ചു. തീവ്രവാദ സംഘടനകള്‍ക്ക് വിമതര്‍ ആയുധങ്ങള്‍ നല്‍കി എന്ന് നേരത്തെ വാര്‍ത്ത വന്നിരുന്നു. എന്നാല്‍ യു.എസ് ഇത് നിഷേധിക്കുകയായിരുന്നു. സുരക്ഷയുടെ ഭാഗമായാണ് ഇത് ചെയ്തതെന്നാണ് വിമതര്‍ പറയുന്നത്. ആറ് പിക്ക് അപ്പ് ട്രക്കിലാണ് വിമതര്‍ ആയുധങ്ങളും വെടിമരുന്നുകളും നുസ്‌റ ഫ്രണ്ടിന് നല്‍കിയതെന്ന് യു.എസ് മിലിറ്ററി വക്താവ് കേണല്‍ പാട്രിക് റൈഡര്‍ അറിയിച്ചു. സെപ്റ്റംബര്‍ 21നോ 22നോ നുസ്‌റ ഫ്രണ്ടിന്‍െറ മധ്യസ്ഥന്‍െറ കൈവശമാണ് ഇത് കൈമാറിയത്. ന്യൂ സിറിയന്‍ ഫോഴ്സിന്‍െറ (എന്‍.എസ്.എഫ്) നടപടി സിറിയയുമായി ഉണ്ടാക്കിയ ആയുധ^പരിശീലന പദ്ധതിയുടെ ലംഘനമാണെന്നും റൈഡര്‍ പറഞ്ഞു. സിറിയയില്‍ ഇസ് ലാമിക് സ്റ്റേറ്റ് തീവ്രവാദികള്‍ക്കെതിരെയുള്ള പോരാട്ടം എത്രത്തോളം ഫലം കാണും എന്ന് ആശങ്കയുണ്ടാക്കുന്നതാണ് പുതുതായി വന്ന വാര്‍ത്ത. കഴിഞ്ഞ നാലര വര്‍ഷത്തെ ആഭ്യന്തര യുദ്ധത്തില്‍ 250,000 പേര്‍ക്കാണ് സിറിയയില്‍ ജീവന്‍ നഷ്ടപ്പെട്ടത്. 23 മില്യണ്‍ ജനങ്ങള്‍ക്ക് നാടുവിടേണ്ടിയും വന്നു. ആഭ്യന്തര യുദ്ധത്തിന് മുമ്പുള്ള സിറിയന്‍ ജനസംഖ്യയുടെ പകുതി അഭയാര്‍ഥികളായവരുടെ എണ്ണം. സിറിയയില്‍ റഷ്യ ഇടപെടുന്നതിനെ അനുകൂലിക്കുന്ന നിലപാടുമായി ലബനനിലെ ഹിസ്ബുല്ല രംഗത്തുവന്നതിന് പിന്നാലെയാണ് നുസ്‌റ ഫ്രണ്ടുമായി ബന്ധപ്പെട്ട വാര്‍ത്ത പുറത്തുവന്നിരിക്കുന്നത്. ഐ.എസിനെതിരെയുള്ള യു.എസ് സേനയുടെ നീക്കം പരാജയപ്പെട്ടതിനാലാണ് റഷ്യയെ സ്വാഗതം ചെയ്യുന്നതെന്ന് ഹിസ്ബുല്ല പറയുന്നു. 50 കോടി ഡോളര്‍ ചെലവാക്കി 5000 പെര്‍ക്കാണ് സിറിയയില്‍ യു.എസ് പരിശീലനം നല്‍കുന്നത്. ഇസ് ലാമിക് സ്റ്റേറ്റിനെതിരെ പോരാടാനാണ് ഇത്തരമൊരു നീക്കത്തിന് തുക യു.എസ് കോണ്‍ഗ്രസ് അനുമതി നല്‍കിയത്. |
| Posted: 25 Sep 2015 07:10 PM PDT Image:  മിനാ വെള്ളിയാഴ്ച ശാന്തമായി കിടന്നു. സൗദി വ്യോമസേനയുടെ ഹെലികോപ്ടര്‍ മിനായിലെ ടെന്‍റുകള്‍ക്കു മീതെ വട്ടമിട്ടു പറക്കുമ്പോള്‍ ഞങ്ങള്‍ മാധ്യമപ്രവര്‍ത്തകരെല്ലാവരും സൂക്ഷ്മമായി ശ്രദ്ധിച്ചത് സൂഖുല്‍ അറബിലെ സംഭവസ്ഥലമായിരുന്നു. അവിടവും അനുബന്ധസ്ഥലങ്ങളുമെല്ലാം ആളുകളുടെ ശാന്തമായ ചെറു അനക്കങ്ങള്‍ മാത്രം. കഴിഞ്ഞ ദിവസം സ്ഥലം നേരിട്ടു സന്ദര്‍ശിക്കുമ്പോഴും പ്രദേശത്ത തമ്പുകളിലുള്ളവരെ കര്‍ശന പരിശോധനക്കു ശേഷം സേന അകത്തേക്കു വിട്ടുകൊണ്ടിരുന്നത് കണ്ടിരുന്നു. ഹജ്ജിനിടയിലെ ജുമുഅ ദിവസമായിരുന്നതുകൊണ്ടും അതിനുശേഷം രണ്ടാം നാളിലെ കല്ളേറിന്‍െറ സമയം തുടങ്ങുന്നതു കൊണ്ടും എല്ലാം ഭദ്രമാക്കാനുള്ള തീവ്രശ്രമങ്ങളാണ് അധികൃതര്‍ വെള്ളിയാഴ്ച നടത്തിയത്. വിവിധ മുത്വവ്വിഫുമാരെ അതത് നാട്ടുകാര്‍ ജംറകളിലേക്ക് കല്ളേറിനിറങ്ങേണ്ട സമയം ആവര്‍ത്തിച്ചുറപ്പിച്ചിരുന്നു. പൊലീസുകാര്‍ വഴിയരികിലെല്ലാം ശക്തമായ സ്നേഹശാസനകളോടെ ഹാജിമാരെ നിയന്ത്രിക്കുന്നതില്‍ കാര്‍ക്കശ്യം പുലര്‍ത്തി. അതിനിടയിലും സുരക്ഷക്ക് മേല്‍നോട്ടം വഹിച്ച എല്ലാ സേനാമേധാവികളുടെയും സങ്കടം ഒന്നുതന്നെ - ചിട്ടയോടെ എല്ലാം ചെയ്തു വെച്ചിട്ടും ഹാജിമാരില്‍നിന്നു സംഭവിച്ച അശ്രദ്ധ എല്ലാം അസ്ഥാനത്താക്കിയല്ളോ എന്ന്. മിനായിലെ ഹജ്ജ് കണ്‍ട്രോള്‍ റൂമില്‍ നിരീക്ഷണസംവിധാനങ്ങളുടെ പഴുതടച്ച പ്രവര്‍ത്തനം വിശദീകരിച്ച ഹാജിമാരുടെ നിരീക്ഷണ, നിയന്ത്രണവിഭാഗം ഉപമേധാവി ഇബ്രാഹീം മുഹമ്മദ് അല്‍ബുശരി ‘ഗള്‍ഫ് മാധ്യമ’ത്തിനു മുന്നില്‍ വിശദീകരിച്ചതും ഇതുതന്നെ. ഏഴായിരം കാമറകള്‍ വെച്ചുള്ള നിരീക്ഷണം, ഒരു ലക്ഷം സൈനികരുടെ സേവനം, വിവിധ ഭാഷകളിലുള്ള ബോധവത്കരണങ്ങള്‍...എല്ലാം ഒരു ചെറുവിഭാഗത്തിന്‍െറ അലംഭാവത്തില്‍ വൃഥാവിലായി. |
| മിനാ ദുരന്തം: മരിച്ച മലയാളികളുടെ എണ്ണം അഞ്ചായി Posted: 25 Sep 2015 06:53 PM PDT Image:  മക്ക: വ്യാഴാഴ്ചത്തെ മിനാ അപകടത്തില്‍ മരിച്ച മലയാളികളുടെ എണ്ണം അഞ്ചായി. മൂന്ന് പേരുടെ കൂടി മൃതദേഹം ശനിയാഴ്ച രാവിലെ തിരിച്ചറിഞ്ഞതോടെയാണ് മരണപ്പെട്ടവരുടെ എണ്ണം അഞ്ചായത്. കൊല്ലം ചിതറ സ്വദേശി സുല്‍ഫിക്കര്‍ (33), പുനലൂര്‍ സ്വദേശി സജീബ് ഹബീബ്, മലപ്പുറം സ്വദേശി ഷെമീര്‍ ചകിട്ടപ്പുറത്ത് എന്നിവരുടെ മൃതദേഹമാണ് തിരിച്ചറിഞ്ഞത്. ബന്ധുക്കള്‍ക്കാണ് ഇവര്‍ മരിച്ച വിവരം ലഭിച്ചത്. അതേസമയം സുല്‍ഫിക്കറിന്‍െറ കൂടെ കാണാതായ ഉമ്മ ലൈലാബിയെ ഇനിയും കണ്ടെത്താന്‍ സാധിച്ചിട്ടില്ല. നാലു മലയാളികളടക്കം 16 ഇന്ത്യക്കാര്‍ പരിക്കേറ്റ് ആശുപത്രികളില്‍ ചികിത്സയിലാണ്. കാണാതായ 11 മലയാളികള്‍ക്കായി അന്വേഷണം പുരോഗമിക്കുകയാണ്. അന്വേഷണത്തിനായി സൗദി ആരോഗ്യ മന്ത്രാലയത്തിന്‍െറ ഹെല്‍പ് ലൈന്‍ നമ്പര്‍: 00966 112125552. പെരുന്നാള്‍ ദിവസം മിനായില്‍ തിക്കിലും തിരക്കിലും പെട്ടുണ്ടായ അപകടത്തില്‍ 717 പേരാണ് മരിച്ചത്. 863 പേര്‍ക്ക് പരിക്കേറ്റു. അപകടത്തില്‍ ഇറാനില്‍ നിന്നുള്ള തീര്‍ഥാടകരാണ് ഏറ്റവും കൂടുതല്‍ മരണപ്പെട്ടത്.
|
| മൂന്നാര്‍ ചര്‍ച്ചയില്‍ പങ്കെടുപ്പിക്കണമെന്ന ആവശ്യവുമായി സ്ത്രീ തൊഴിലാളികള്‍ Posted: 25 Sep 2015 06:52 PM PDT Image:  മൂന്നാര്‍: മൂന്നാര്‍ തോട്ടം തൊഴിലാളികളുടെ പ്രശ്നപരിഹാരത്തിനായുള്ള ചര്‍ച്ച തൊഴില്‍ മന്ത്രി ഷിബു ബേബി ജോണിന്‍െറ ചേംബറില്‍ തുടങ്ങി. പ്ളാന്‍റഷന്‍ ലേബര്‍ കമ്മിറ്റി അംഗങ്ങള്‍, ലേബര്‍ കമ്മിഷണര്‍, പ്ളാന്‍റഷന്‍ അസോസിയേഷന്‍ എന്നിവരുമായാണ് മന്ത്രി ചര്‍ച്ച നടത്തുന്നത്. അംഗീകൃത ട്രേഡ് യൂണിയന്‍ അല്ലാത്തതിനാല്‍ മൂന്നാറിലെ സ്ത്രീ തൊഴിലാളികളെ ചര്‍ച്ചയില്‍ പങ്കെടുപ്പിക്കില്ല. മൂന്നാറിലെ തൊഴിലാളിസമരം ഒത്തുതീര്‍ത്തപ്പോള്‍ ദിവസം 500 രൂപ കൂലി എന്ന തീരുമാനം പി.എല്‍.സി യോഗത്തില്‍ ചര്‍ച്ചചെയ്യാമെന്ന് മുഖ്യമന്ത്രി ഉമ്മന്‍ചാണ്ടി ഉറപ്പ് നല്‍കിയിരുന്നു. അതേസമയം, തങ്ങളെക്കൂടി ചര്‍ച്ചയില്‍ പങ്കെടുപ്പിക്കണമെന്നാവശ്യപ്പെട്ട് മൂന്നാറിലെ സ്ത്രീതൊഴിലാളികളുടെ അഞ്ചു പ്രതിനിധികള്‍ തിരുവനന്തപുരത്തത്തെിയിട്ടുണ്ട്. രാവിലെ തൊഴില്‍ മന്ത്രി ഷിബു ബേബിജോണുമായി ഇവര്‍ ചര്‍ച്ച നടത്തി. തൊഴിമന്ത്രിയുമായുള്ള കൂടിക്കാഴ്ച തൃപ്തികരമായിരുന്നുവെന്നും ചര്‍ച്ചയില്‍ പ്രതീക്ഷയുണ്ടെന്നും മൂന്നാര്‍ സമരത്തിന് നേതൃത്വം നല്‍കിയ ലിസി മാധ്യമപ്രവര്‍ത്തകരോട് പറഞ്ഞു. 'പെമ്പിള ഒരുമൈ' അംഗീകൃത ട്രേഡ് യൂണിയനല്ലാത്തതിനാല്‍ ചര്‍ച്ചയില്‍ പങ്കെടുക്കാന്‍ കഴിയില്ല എങ്കിലും തങ്ങള്‍ക്കനുകൂലമായ നിലപാടുണ്ടാകുന്നതുവരെ തിരുവനന്തപുരത്ത് തങ്ങാനാണ് ഇവരുടെ തീരുമാനം. മൂന്നാറില്‍ തൊഴിലാളികള്‍ ആവശ്യപ്പെട്ട വിഷയങ്ങള്‍ പരിഗണിക്കുമെന്ന ഉറപ്പിലാണ് ഇവര്‍ ഒന്‍പത് ദിവസം നീണ്ടുനിന്ന സമരം പിന്‍വലിച്ചത്. എന്നാല്‍, വേതനവര്‍ധനവ് അംഗീകരിക്കാനാവില്ളെന്ന് പ്ളാന്‍റേഴ്സ് അസോസിയേഷന്‍ കഴിഞ്ഞ ദിവസം വ്യക്തമാക്കിയിരുന്നു. ഈ സാഹചര്യത്തില്‍ ചര്‍ച്ചയില്‍ തങ്ങള്‍ക്ക് അനുകൂലമായ തീരുമാനം ഉണ്ടാകുമോ എന്ന ആശങ്കയിലാണ് മൂന്നാറിലെ തൊഴിലാളികള്‍. അനുകൂല തീരുമാനം ഉണ്ടായില്ളെങ്കില്‍ വീണ്ടും സമരം ചെയ്യാനാണ് ഇവരുടെ തീരുമാനം. |
| ലോകത്തെ നടുക്കിയ മിനാ ദുരന്തം Posted: 25 Sep 2015 06:46 PM PDT Image:  പഴുതുകളടച്ച, ശാസ്ത്രീയമായ എത്ര സുരക്ഷാക്രമീകരണങ്ങള്‍ ഏര്‍പ്പെടുത്തിയാലും അത് നടപ്പാക്കുന്ന കാര്യത്തില്‍ സംഭവിച്ചേക്കാവുന്ന ചെറിയൊരു പാളിച്ച അത്യാഹിതങ്ങള്‍ വിളിച്ചുവരുത്തുമെന്ന വലിയൊരു താക്കീതാണ് വ്യാഴാഴ്ച ഹജ്ജ് തീര്‍ഥാടനകര്‍മങ്ങളുടെ പ്രധാന വേദികളിലൊന്നായ മിനായിലുണ്ടായ വന്‍ ദുരന്തം കൈമാറുന്നത്. ജംറ സമുച്ചയത്തിലേക്കുള്ള വഴിയിലുണ്ടായ തിക്കിലും തിരക്കിലുംപെട്ട് 16 ഇന്ത്യക്കാരടക്കം 717 പേര്‍ക്ക് ജീവന്‍ നഷ്ടപ്പെടുകയും എണ്ണൂറിലേറെ പേര്‍ക്ക് പരിക്കേല്‍ക്കുകയും ചെയ്തു. 165ഓളം രാജ്യങ്ങളില്‍നിന്നുള്ള 20-25 ലക്ഷം ഹാജിമാര്‍ നാലഞ്ചുദിവസം സംഗമിക്കുന്ന വേളയില്‍ ഇമ്മട്ടിലൊരു അത്യാഹിതത്തിനുള്ള സാധ്യത കൂടുതലാണെങ്കിലും ബില്യണ്‍ കണക്കിന് റിയാല്‍ ചെലവിട്ട് സൗദി ഭരണകൂടം ഓരോ വര്‍ഷവും സജ്ജീകരിക്കുന്ന വിപുലമായ ഒരുക്കങ്ങളും സുരക്ഷാസംവിധാനങ്ങളും ഹജ്ജിനെ അത്യാഹിതമുക്തമാക്കേണ്ടതായിരുന്നു. എന്നാല്‍, അതാവര്‍ത്തിക്കപ്പെടുകയാണ്. അറഫാസംഗമവും മുസ്ദലിഫയിലെ രാപ്പാര്‍ക്കലും കഴിഞ്ഞ് മിനായിലേക്ക് തിരിച്ചത്തെിയ ഹാജിമാര്‍ വ്യാഴാഴ്ച രാവിലത്തെന്നെ പിശാചിന്‍െറ പ്രതീകമായ ജംറകള്‍ എറിയാന്‍ പുറപ്പെട്ടപ്പോഴാണ് ദുരന്തമുണ്ടായത്. യഥാര്‍ഥ കാരണമെന്താണെന്നും എങ്ങനെയാണ് തിക്കും തിരക്കും ഉണ്ടായതെന്നുമുള്ള വിഷയത്തില്‍ ഇപ്പോഴും വ്യക്തത കൈവന്നിട്ടില്ല. ജംറപാലത്തിന് അകലെ, 203, 204 നമ്പര്‍ റോഡുകള്‍ കൂട്ടിമുട്ടുന്നിടത്ത് കല്ളേറ് നിര്‍വഹിക്കാന്‍ കുതിക്കുന്ന സംഘവും കര്‍മം നിര്‍വഹിച്ച് മടങ്ങുന്ന സംഘവും കൂടിച്ചേര്‍ന്നപ്പോഴുണ്ടായ തിക്കും തിരക്കുമാണ് അത്യാഹിതത്തിലേക്ക് വഴിവെച്ചതെന്നാണ് റിപ്പോര്‍ട്ടുകള്‍ പറയുന്നത്. ഇങ്ങനെ രണ്ടു മനുഷ്യപ്രവാഹങ്ങള്‍ ഇരുദിശകളില്‍നിന്ന് വന്ന് കൂടിക്കലരുന്നതും അവരെ നിയന്ത്രിക്കുന്നതില്‍ സുരക്ഷാസേന പരാജയപ്പെടുന്നതും സാധാരണഗതിയില്‍ അചിന്ത്യമാണ്. ഒരു കൂട്ടം തീര്‍ഥാടകര്‍ സര്‍ക്കാര്‍ നിര്‍ദേശങ്ങള്‍ പാലിക്കാതെ നീങ്ങിയതാണ് നാശംവരുത്തിവെച്ചതെന്ന് സൗദി ആരോഗ്യമന്ത്രി ഖാലിദ് അല്‍ ഫലീഹ് കുറ്റപ്പെടുത്തിയത് ആഫ്രിക്കയില്‍നിന്നുള്ള ഹാജിമാരെ ഉദ്ദേശിച്ചാണത്രെ. എന്നാല്‍, 44 ഡിഗ്രി കൊടുംചൂടും തലേദിവസത്തെ അറഫാസംഗമവും മുസ്ദലിഫയില്‍നിന്നുള്ള യാത്രയുമൊക്കെ പ്രായാധിക്യമുള്ള ഹാജിമാരെ വല്ലാതെ അവശരാക്കിയിരുന്നുവെന്നും കല്ളേറ് കഴിഞ്ഞ് മടങ്ങുന്നവഴിയില്‍ അവര്‍ വിശ്രമിക്കാനിരുന്നതാണ് മറുഭാഗത്തുനിന്ന് വന്ന തീര്‍ഥാടകപ്രവാഹത്തില്‍പ്പെടാന്‍ കാരണമായതെന്നും വിശദീകരിക്കപ്പെടുന്നുണ്ട്. എന്തുതന്നെയായാലും, ത്യാഗവും സഹനവും ആവശ്യപ്പെടുന്ന ആരാധനയായ ഹജ്ജ് ഇമ്മട്ടില്‍ ദുരന്തത്തിലേക്ക് വഴിമാറുമ്പോള്‍ പാപമുക്തമായ പുതിയൊരു ജീവിതം സ്വപ്നംകണ്ട് യാത്രതിരിച്ചവരെയും അവരുടെ കുടുംബമിത്രാദികളെയും അത് ആഴത്തില്‍ പിടിച്ചുലക്കുമെന്ന കാര്യത്തില്‍ സംശയമില്ല. |
| മതത്തെ തെറ്റിദ്ധരിപ്പിക്കുന്ന ഭീകരരെ ഒറ്റപ്പെടുത്താന്‍ ആഹ്വാനം Posted: 25 Sep 2015 06:02 PM PDT Image:  ദുബൈ: പരീക്ഷണങ്ങളുടെ മുമ്പില്‍ പകച്ചുപോകരുതെന്ന് ജീവിതത്തിലൂടെ ലോകത്തെ പഠിപ്പിച്ച ഇബ്റാഹീം പ്രവാചകന്‍െറ സന്ദേശം ഉള്‍കൊള്ളാന്‍ വിശ്വാസി സമൂഹം തയ്യാറാവണമെന്ന് ഐ.എസ്.എം സംസ്ഥാന പ്രസിഡന്‍റ് ഡോ. എ.ഐ അബ്ദുല്‍ മജീദ് സ്വലാഹി ആഹ്വാനം ചെയ്തു. ദുബൈയില്‍ അല്‍മനാര്‍ ഈദ് ഗാഹിന് നേതൃത്വം നല്‍കി പ്രസംഗിക്കുകയായിരുന്നു അദ്ദേഹം. നിര്‍ഭയത്വത്തിനും നാഗരിക വികാസത്തിനും വേണ്ടി പ്രാര്‍ഥിച്ച ഇബ്രാഹിം നബിയെ വീണ്ടും വായിക്കാന്‍ മുസ്ലിംകള്‍ മുന്നോട്ടു വരണം. നാടിന്‍െറ നിര്‍ഭയത്വവും നാഗരികതകളും തകര്‍ത്ത് മതത്തിന്‍െറ മറവില്‍ അഴിഞ്ഞാടുന്ന ഭീകര സംഘങ്ങളെ തുരത്താന്‍ ലോകം കൈകോര്‍ക്കണം. സഹനം, സത്യസന്ധത, വിവേകം, ദൈവബോധം, സമര്‍പ്പണം എന്നീ സ്വഭാവങ്ങളുടെ അടയാളമായിരുന്നു ഇബ്റാഹീം നബിയും കുടുംബവും. കുറ്റമറ്റ വിശ്വാസം ശുദ്ധമായ സ്വഭാവ ഗുണങ്ങള്‍ നിരന്തരം ഉത്പാദിപ്പിക്കും. വിശ്വാസികളെന്ന് അഭിമാനിക്കുവരില്‍ ഇന്ന് കാണു സ്വഭാവ ദൂഷ്യങ്ങള്‍ ഞെട്ടിക്കുന്നതാണ്. ഇബ്റാഹീം നബിയുടെ പാത പിന്‍പറ്റുന്നവരെന്ന് കരുതുന്നവരില്‍ കാണുന്ന അപകടകരമായ സാംസ്കാരിക വ്യതിയാനം ഭയപ്പെടുത്തുന്നതാണ്. ഇബ്റാഹീം കുടുംബത്തിന്‍െറ പാദ സ്പര്‍ശമേറ്റ മധ്യപൗരസ്ത്യദേശം അവിടത്തെ ജനതയുടെ ചുടുചോര കൊണ്ട് നനഞ്ഞിരിക്കുന്നു. സാമ്രാജ്യത്വ ശക്തികളും ഭീകരസംഘങ്ങളും ആ ജനതയെ ആട്ടിയോടിക്കുകയാണ്. മസ്ജിദുല്‍ അഖ്സയും പരിസരങ്ങളും അധീനപ്പെടുത്തി പുതിയ അവകാശ വാദങ്ങള്‍ ഉയിക്കാന്‍ പുറപ്പെട്ട ജൂതപ്പടക്കെതിരെ അന്താരാഷ്ട്ര സമൂഹം ഒന്നിച്ച് നിന്നേ പറ്റു. വൈവിധ്യങ്ങള്‍ അംഗീകരിച്ച മതമാണ് ഇസ്ലാം. ബഹുസ്വരതയെ ഇല്ലാതാക്കാനാണ് ഭീകരസംഘങ്ങള്‍ ശ്രമിക്കുന്നത്. ജൂത-ക്രൈസ്തവ ഗോത്രങ്ങളോട് സന്ധിയിലേര്‍പ്പെട്ട് മദീനയില്‍ സമാധാന ജീവിതം ഉറപ്പ് വരുത്തിയ പ്രവാചകനെ അപമാനിക്കാനാണ് സായുധ സംഘങ്ങള്‍ ധാര്‍ഷ്ട്യം കാണിക്കുത്. നബി ജീവിതവും ചരിത്രവും വികലമാക്കി ഭീകര കൃത്യങ്ങള്‍ക്ക് ന്യായം ചമക്കുന്നവരെ ഒറ്റപ്പെടുത്തണം. മതത്തിന്‍െറ തെറ്റായ വായനയാണ് പൊതുസമൂഹത്തില്‍ തെറ്റുധാരണ പരത്തുന്നത്. മതത്തിന്‍െറ അകക്കാമ്പ് അവഗണിച്ച് അക്ഷരങ്ങളില്‍ അഭിരമിക്കുന്നത് ആശാസ്യമല്ല. നന്മകള്‍ പങ്കുവെക്കാന്‍ ആഘോഷവേളകളെ ഉപയോഗിക്കണം. നാടിന്‍െറ നിര്‍ഭയത്വം പ്രധാനമാണ്. താമസിക്കുന്ന നാടിനെ ഛിദ്ര ശക്തികളില്‍ നിന്നും വിദ്വേഷ പ്രചാരകരില്‍ നിന്നും രക്ഷിക്കേണ്ടത് ബാധ്യതയാണ്.-ഡോ. അബ്ദുല്‍ മജീദ് സ്വലാഹി ഉദ്ബോധിപ്പിച്ചു. കപട ആ്ത്മീയതയുടെ ഇരുണ്ട ഗുഹകളില്‍ അഭയം തേടുന്നത് ആധുനിക മനുഷ്യര്‍ക്ക് ചേര്‍തല്ല. സമൂഹത്തോടൊപ്പം ജീവിച്ച് നന്മകള്‍ പ്രസരിപ്പിച്ച് മതത്തിന്‍െറ സൗന്ദര്യവും സൗരഭ്യവും ആസ്വദിക്കാനുള്ള അവസരങ്ങള്‍ മറ്റുള്ളവര്‍ക്ക് സൃഷ്ടിക്കണമെും അദ്ദേഹം പറഞ്ഞു. വന്‍ ജനാവലി ഈദ് ഗാഹില്‍ പങ്കെടുത്തു. ഷാര്‍ജ: തിന്മകള്‍ക്ക ്നമയുടെ പരിവേഷം നല്‍കിക്കൊണ്ട് ഇസ്ലാമിന്‍െറ പേരില്‍ ഖിലാഫത്തും ജിഹാദും പറഞ്ഞ് ഇസ്ലാമിക് സ്റ്റേറ്റുകള്‍പ്രഖ്യാപിക്കുന്ന ദു:ശ്ശക്തികളുടെ മുഖം മൂടികള്‍ വലിച്ചു കീറാന്‍ പ്രവാചകന്‍ ഇബ്രാഹിം നമുക്ക് പ്രചോദനമാവേണ്ടതുണ്ടെന്ന് ഹുസൈന്‍ സലഫി പറഞ്ഞു. ഷാര്‍ജ ക്രിക്കറ്റ് സ്റ്റേഡിയത്തിനു സമീപമുള്ള ഫുട്ബാള്‍ മൈതാനിയില്‍ മലയാളികള്‍ക്കായി സംഘടിപ്പിച്ച ഈദ്ഗാഹില്‍ പെരുന്നാള്‍ നമസ്കാരത്തിന് നേതൃത്വം നല്‍കിയ ശേഷമുള്ള ഈദ് ഖുതുബയിലാണ് അദ്ദേഹം ഇക്കാര്യം പറഞ്ഞത്. അന്ധ വിശ്വാസങ്ങള്‍ക്കെതിരെയും ദുരാചാരങ്ങള്‍ക്കെതിരെയും ശക്തമായി പോരാടിയ പ്രവാചകന്‍ ഇബ്റാഹീമിന്‍െറ സ്മരണ ലോകത്ത് രക്ത ചൊരിച്ചിലിലൂടെയും അധാര്‍മികതകളിലൂടെയും സമാധാനം കെടുത്തുന്ന ദു:ശ്ശക്തികള്‍ക്കെതിരെ സന്ധിയില്ലാ സമരത്ത ്പ്രചോദനമായിത്തീരണം. ഇബ്രാഹിം നബി തിന്മക്കെതിരെ പ്രതികരിക്കാന്‍ തുടങ്ങിയപ്പോഴേക്കും സ്വപിതാവില്‍ നിന്നു തന്നെ ശക്തമായഎതിര്‍പ്പും ഭീഷണിയുമാണ്നേരിടേണ്ടിവന്നത്. ആ ഒറ്റയാള്‍ പോരാട്ടത്തിലും സഹനത്തോടെ തന്‍െറ ആദര്‍ശത്തിലടിയുറച്ചു നില്‍ക്കാന്‍ ഇബ്രാഹിം നബിക്ക് കരുത്ത്പകര്‍ന്നത് കറകളഞ്ഞ വിശ്വാസത്തിലധിഷ്ഠിതമായ നിശ്ചയദാര്‍ഡ്യതയായിരുന്നു. നാട്ടുകാര്‍ കനത്ത അഗ്നികുണ്ഠം ഒരുക്കി അതിലേക്കെറിഞ്ഞപ്പോഴും പ്രപഞ്ചനാഥന്‍ തന്നോടൊപ്പമുണ്ടെന്ന അര്‍പ്പണ മനോഭാവത്തില്‍ അദ്ദേഹം അടിയുറച്ചുനിന്നു.അതുകൊണ്ട്തന്നെ അഗ്നികുണ്ഠത്തെ അദ്ദേഹം അതിജയിച്ചു. മാനവ രക്തവും ധനവും അഭിമാനവും വിശുദ്ധ മക്കയോളം പവിത്രമാണെന്ന് ലോകത്തെ പഠിപ്പിച്ച മുഹമ്മദ്നബിയിലൂടെ പൂര്‍ത്തിയാക്കപ്പെട്ടഇസ്ലാമിന്‍െറ പേരില്‍ ഇനിയും രക്തം ചിന്താന്‍ ദു:ശ്ശക്തികളെ അനുവദിച്ചുകൂടാ. പ്രമാണങ്ങളെ ശരിയായ അര്‍ഥത്തില്‍ പ്രബോധനംചെയ്യുന്നതിലൂടെ ഈ ദുര്‍വ്യാഖ്യാന ശക്തികളുടെ നട്ടെല്ളൊടിക്കാനാവും. സമാധാനം തകര്‍ത്തുകൊണ്ട് യമനിന്‍െറ മണ്ണിലും മറ്റും രക്തച്ചൊരിച്ചിലുകള്‍ നടത്തി ക്കൊണ്ടിരിക്കുന്ന അക്രമികള്‍ക്കെതിരെ, മര്‍ദ്ദിത ജനതയുടെ അവകാശ സംരക്ഷണത്തിനായി പോരാടുന്ന, അതില്‍എല്ലാം ത്യജിക്കേണ്ടിവന്ന സഖ്യസേനയുടെയും ഈനാടിന്‍െറ മക്കളുടെയും ഓര്‍മകള്‍ നമ്മിലെപ്പോഴുംനിലനില്‍ക്കണം.രക്തസാക്ഷികളായ യു.എ.ഇ സൈനികള്‍ക്ക് വേണിയും ഹറമിലെ ക്രെയിന്‍ ദുരന്തത്തില്‍പെട്ടവര്‍ക്കുവേണ്ടിയും ഹുസൈന്‍ സലഫി പ്രത്യേകംപ്രാര്‍ഥിച്ചു.
|
| ഹജ്ജ്ദുരന്തങ്ങള്‍ എന്നും മലയാളികളുടെ കണ്ണീര്‍ Posted: 25 Sep 2015 01:39 PM PDT Image:  Subtitle: 1990ലെ ദുരന്തത്തില്‍ അഞ്ച് മലയാളികളാണ് മരിച്ചത്; 98ല്‍ ഏഴ് പേരും മരിച്ചു ഓരോ ഹജ്ജ് ദുരന്തവും കേരളത്തിലെ ഏതെങ്കിലും പ്രദേശത്തെയും കുടുംബങ്ങളെയും കണ്ണീരണിയിപ്പിക്കാറുണ്ട്. ഈ വര്‍ഷം നടന്ന രണ്ട് ഹജ്ജ് ദുരന്തങ്ങളിലും മലയാളികള്‍ ഉള്‍പ്പെട്ടിരുന്നു. ഈ മാസം 11ന് മക്കയില്‍ മസ്ജിദുല്‍ ഹറാം വികസനജോലികള്‍ക്കായി ഉയര്‍ത്തിയിരുന്ന ക്രെയിനുകള്‍ തകര്‍ന്നുവീണുണ്ടായ അപകടത്തില്‍ പാലക്കാട്ടെ കല്‍മണ്ഡപം മിനാനഗര്‍ കോളനിയിലെ മുഅ്മിന(29) മരണപ്പെട്ടിരുന്നു. ബലിപെരുന്നാള്‍ ദിനത്തില്‍ ഹജ്ജിനിടെ മിനായിലെ തിക്കിലും തിരക്കിലും പെട്ടും രണ്ട് മലയാളികള്‍ മരിച്ചുവെന്നും സ്ഥിരീകരിക്കാത്ത റിപ്പോര്‍ട്ടുണ്ട്. |
| രക്ഷാസമിതി പരിഷ്കരണം അനിവാര്യം ^മോദി Posted: 25 Sep 2015 01:16 PM PDT Image:  ന്യൂയോര്‍ക്: സമകാലിക ലോകയാഥാര്‍ഥ്യങ്ങളെ നേരിടാനും ജനങ്ങളില്‍ വിശ്വാസം പകരാനും യു.എന്‍ രക്ഷാസമിതി പരിഷ്കരണം അടിയന്തരമായി നടപ്പാക്കണമെന്ന് പ്രധാനമന്ത്രി നരേന്ദ്ര മോദി. 70 വര്‍ഷംമുമ്പ് ഭീകരമായ രണ്ടാംലോക യുദ്ധം അവസാനിച്ചയുടന്‍ പ്രതീക്ഷ പകര്‍ന്നാണ് സംഘടന നിലവില്‍വന്നത്. ഇന്നിപ്പോള്‍ പുതിയദിശ തീരുമാനിക്കാനാണ് നാം സമ്മേളിച്ചിരിക്കുന്നത് -യു.എന്‍ പൊതുസഭാ സമ്മേളനത്തില്‍ മോദി പറഞ്ഞു. രക്ഷാസമിതിയില്‍ സ്ഥിരാംഗത്വത്തിന് ഇന്ത്യ ശ്രമങ്ങള്‍ ശക്തമാക്കിയതിനിടെയാണ് പരിഷ്കരണങ്ങള്‍ക്കായി മോദിയുടെ ശക്തമായ ആഹ്വാനം. |
| മിനാ ദുരന്തം: മരിച്ചവരില്‍ ഏറെയും ഇറാനികള്‍ Posted: 25 Sep 2015 12:50 PM PDT Image:  Subtitle: നടത്തുക ശാസ്ത്രീയ അന്വേഷണം മിനാ: മിനാ ദുരന്തത്തിന്‍െറ കാരണം ശാസ്ത്രീയമായും കാര്യക്ഷമമായും അന്വേഷിച്ച് റിപ്പോര്‍ട്ട് പുറത്തുവിടുമെന്ന് സൗദി ആഭ്യന്തര മന്ത്രാലയ വക്താവ് ബ്രിഗേഡിയര്‍ ജനറല്‍ എന്‍ജിനീയര്‍ മന്‍സൂര്‍ അത്തുര്‍ക്കി. ആഭ്യന്തര-ഹജ്ജ്-ആരോഗ്യമന്ത്രാലയ പ്രതിനിധികള്‍ നടത്തിയ സംയുക്ത വാര്‍ത്താസമ്മേളനത്തിലാണ് അത്തുര്‍ക്കി ഇക്കാര്യം വ്യക്തമാക്കിയത്. മരിച്ചവരില്‍ 131 പേര്‍ ഇറാന്‍ തീര്‍ഥാടകരാണെന്ന് ഇറാന്‍ ഹജ്ജ് സംഘം മേധാവി സൗദ് ആഹാദി വ്യക്തമാക്കി. |
| സുരക്ഷാവലയം ഭേദിച്ച് പോപ്പിനുമുന്നില്‍ അഞ്ചുവയസ്സുകാരി സോഫിയ Posted: 25 Sep 2015 12:47 PM PDT Image:  Subtitle: സോഫിയ ക്രൂസിനെ സുരക്ഷാഭടന്മാര്‍ തടഞ്ഞതുകണ്ട് പോപ് അവളെ കൈവീശി മാടിവിളിക്കുകയായിരുന്നു വാഷിങ്ടണ്‍: അഞ്ചുവയസ്സുകാരി സോഫിയക്ക് പോപ് ഫ്രാന്‍സിസിന്‍െറ വാത്സല്യചുംബനം. യു.എസ് തലസ്ഥാനനഗരിയില്‍ വെള്ളിയാഴ്ച പര്യടനം നടത്തിക്കൊണ്ടിരിക്കെ വന്‍ ജനാവലിക്ക് മുന്നില്‍ സുരക്ഷാ ഉദ്യോഗസ്ഥര്‍ ഒരുക്കിയ വേലിക്കെട്ടുകള്‍ മറികടന്നാണ് ഈ ബാലിക പാപ്പയുടെ സന്നിധിയില്‍ പ്രത്യക്ഷപ്പെട്ടത്. |
| മലിനീകരണ തട്ടിപ്പ്: ഫോക്സ് വാഗണെ ഇനി മുള്ളര്‍ നയിക്കും Posted: 25 Sep 2015 12:45 PM PDT Image:  ഫ്രാങ്ക്ഫൂര്‍ട്ട്: മലിനീകരണ പരിശോധനയില്‍നിന്ന് രക്ഷപ്പെടാന്‍ കാറുകളില്‍ പ്രത്യേക സോഫ്റ്റ്വെയര്‍ ഘടിപ്പിച്ചതായി കണ്ടത്തെിയതിനെ തുടര്‍ന്ന് വിഖ്യാത കാര്‍നിര്‍മാണ കമ്പനിയായ ഫോക്സ് വാഗണില്‍ നേതൃമാറ്റം. വിവാദത്തെ തുടര്‍ന്ന് ചീഫ് എക്സിക്യൂട്ടിവ് പദവിയില്‍നിന്ന് രാജിവെച്ച മാര്‍ട്ടിന്‍ വിന്‍റര്‍കോണിന്‍െറ പിന്‍ഗാമിയായി മത്യാസ് മുള്ളര്‍ നിയമിക്കപ്പെടും. വെള്ളിയാഴ്ച ചേര്‍ന്ന 20 അംഗ നിര്‍വാഹക സമിതിയാണ് 62കാരനായ മുള്ളറെ പുതിയ തലവനായി പ്രഖ്യാപിച്ചത്. |
| Posted: 25 Sep 2015 12:38 PM PDT Image:  Subtitle: ജംറകളിലേക്കുള്ള ഇന്ത്യന്‍ തീര്‍ഥാടകരുടെ പ്രയാണവും മടക്കയാത്രയും വളണ്ടിയര്‍മാരുടെയും മറ്റും സഹായത്തോടെ നിശ്ചിതസമയത്തിനകം നടന്നു മിനാ: വ്യാഴാഴ്ചയുണ്ടായ മിനാദുരന്തത്തിന്‍െറ പശ്ചാത്തലത്തില്‍ സൗദി അധികൃതര്‍ ഒരുക്കിയ കര്‍ക്കശ സുരക്ഷാക്രമീകരണങ്ങളോടെ ഹജ്ജ് അനുഷ്ഠാനത്തിന്‍െറ മൂന്നാംനാള്‍ പിന്നിട്ടു. വെള്ളിയാഴ്ച ഉച്ചക്കുശേഷം തുടങ്ങിയ ജംറയിലെ കല്ളേറിന് അര്‍ധരാത്രി പിന്നിടുംവരെ സുരക്ഷാസേനയുടെ നിരീക്ഷണവും നിയന്ത്രണവുമുണ്ടായിരുന്നു. |
| ടീസ്റ്റയെ കസ്റ്റഡിയില്‍ കിട്ടാന്‍ സി.ബി.ഐ സുപ്രീംകോടതിയില്‍ Posted: 25 Sep 2015 11:30 AM PDT Image:  ന്യൂഡല്‍ഹി: വിദേശസംഭാവന നിയന്ത്രണ നിയമലംഘനകേസില്‍ സാമൂഹികപ്രവര്‍ത്തക ടീസ്റ്റ സെറ്റല്‍വാദിനെയും ഭര്‍ത്താവ് ജാവേദ് ആനന്ദിനെയും കസ്റ്റഡിയില്‍ വിട്ടുകിട്ടണമെന്നാവശ്യപ്പെട്ട് സി.ബി.ഐ സുപ്രീംകോടതിയെ സമീപിച്ചു. ടീസ്റ്റക്കും ഭര്‍ത്താവിനും മുന്‍കൂര്‍ജാമ്യമനുവദിച്ച ബോംബെ ഹൈകോടതി ഉത്തരവിനെതിരെയാണ് സി.ബി.ഐ നീക്കം. വിദേശഫണ്ടുകള്‍ ദുരുപയോഗം ചെയ്തതിലൂടെ നിയമലംഘനം നടത്തിയെന്നും മതസൗഹാര്‍ദത്തിന് ഭീഷണിയുയര്‍ത്തിയെന്നുമുള്ള കേസില്‍ അന്വേഷണത്തില്‍ സഹകരിക്കുന്നില്ളെന്ന് വാദിച്ചാണ് സി.ബി.ഐ ഇരുവരെയും കസ്റ്റഡിയില്‍ ആവശ്യപ്പെടുന്നത്. നിയമലംഘനം നടന്നെന്ന് പ്രഥമദൃഷ്ട്യാ വ്യക്തമായിട്ടും മുന്‍കൂര്‍ജാമ്യമനുവദിക്കാനുള്ള ഹൈകോടതി നീക്കം തെറ്റായിപ്പോയെന്നാണ് സി.ബി.ഐ വാദം. ഇരുവരും അന്വേഷണവുമായി സഹകരിക്കണമെന്നും അന്വേഷണ ഏജന്‍സിക്കെതിരായ പ്രതിഷേധപ്രകടനങ്ങള്‍ക്ക് പ്രേരിപ്പിക്കരുതെന്നും ഹൈകോടതി ഉത്തരവിട്ടിട്ടും സഹകരിക്കുന്നില്ളെന്നും ഫണ്ട് വിനിമയത്തിന്‍െറ വിവരങ്ങള്‍ കൈമാറാന്‍ സന്നദ്ധത കാണിക്കുന്നില്ളെന്നും ആരോപിച്ച സി.ബി.ഐ, ജാമ്യം അനുവദിച്ച ഹൈകോടതി ഉത്തരവ് അന്വേഷണത്തിന് ദോഷംചെയ്യുമെന്നും ഹരജിയില്‍ ചൂണ്ടിക്കാട്ടി. വിദേശസംഭാവന നിയന്ത്രണ നിയമം ലംഘിക്കപ്പെട്ടതായി പ്രഥമദൃഷ്ട്യാ കണ്ടത്തെിയെങ്കിലും അത് ദേശീയസുരക്ഷക്ക് ഭീഷണിയാകുന്നതെങ്ങനെയെന്ന് ചോദിച്ചാണ് ഹൈകോടതി ദമ്പതികളെ കസ്റ്റഡിയില്‍ വേണമെന്ന സി.ബി.ഐ ആവശ്യം തള്ളിയത്. |
| ബി.സി.സി.ഐ പ്രസിഡന്‍റ്: ചരടുവലി സജീവം Posted: 25 Sep 2015 10:52 AM PDT Image:  Subtitle: സൗരവ് ഗാംഗുലി കാബ് പ്രസിഡന്‍റായി ചുമതലയേറ്റു ന്യൂഡല്‍ഹി: പ്രത്യക്ഷ ശത്രുവായ എന്‍. ശ്രീനിവാസന് കൈാടുത്ത് ശരദ്പവാറും രാജീവ് ശുക്ളയെ ഇറക്കിക്കളിക്കാന്‍ അനുരാഗ് താക്കൂറും അമിതാഭ് ചൗധരിയെ ഉയര്‍ത്തിക്കാട്ടി കിഴക്കന്‍ മേഖലയും സജീവമാകുമ്പോള്‍ ബി.സി.സി.ഐ പ്രസിഡന്‍റ് പദവിക്കായുള്ള ചരടുവലികള്‍ ഇന്ത്യന്‍ ക്രിക്കറ്റ് അധികാരരംഗത്തെ ചൂടുപിടിപ്പിക്കുന്നു. ബുധനാഴ്ച അര്‍ധരാത്രി നാഗ്പൂരില്‍ നടന്ന കൂടിക്കാഴ്ചയിലൂടെയാണ് ശരദ്പവാറും എന്‍. ശ്രീനിവാസനും കൈകോര്‍ത്തുനീങ്ങാനുള്ള ‘അദ്ഭുത’ തീരുമാനത്തില്‍ എത്തിയത്. മുന്‍ പ്രസിഡന്‍റുമാരുടെ ഈ ഒത്തുചേരല്‍ പുതിയൊരു ‘ട്വിസ്റ്റാണ്’ എതിരാളികള്‍ക്ക് സമ്മാനിച്ചത്. അതേസമയം, ക്രിക്കറ്റ് അസോസിയേഷന്‍ ഓഫ് ബംഗാളിന്‍െറ(കാബ്) തലപ്പത്തേക്ക് ഇന്ത്യയുടെ മുന്‍ ക്യാപ്റ്റന്‍ സൗരവ് ഗാംഗുലിയത്തെി. അസോസിയേഷന്‍ അംഗങ്ങളുടെ കൂട്ടായ തീരുമാനപ്രകാരം മുഖ്യമന്ത്രി മമത ബാനര്‍ജിയാണ് സൗരവിനെ അസോസിയേഷന്‍ പ്രസിഡന്‍റായി പ്രഖ്യാപിച്ചത്. സൗരവ് വെള്ളിയാഴ്ച സ്ഥാനമേറ്റെടുത്തു. |
| Posted: 25 Sep 2015 09:00 AM PDT Image:  ബാഴ്സലോണ: സ്പാനിഷ് ലീഗില്‍ ബാഴ്സലോണയുടെ കുതിപ്പിന് സെല്‍റ്റ വിഗ തടയിട്ടു. അഞ്ചാം മത്സരത്തില്‍ ഒന്നിനെതിരെ നാലു ഗോളുകള്‍ക്കാണ് ചാമ്പ്യന്‍ ബാഴ്സയെ സെല്‍റ്റ നാണം കെടുത്തി വിട്ടത്. ഒന്നാം പകുതിയില്‍ രണ്ട് ഗോളിന് പിന്നിട്ടു നില്‍ക്കുകയായിരുന്ന ബാഴ്സക്കായി എണ്‍പതാം മിനിറ്റില്‍ നെയ്മര്‍ ആശ്വാസഗോള്‍ നേടി. സമീപകാലത്തെ ബാഴ്സയുടെ ഏറ്റവും വലിയ തോല്‍വിയാണിത്. ഈ ജയത്തോടെ സെല്‍റ്റ പോയിന്‍റ് പട്ടികയില്‍ ഒന്നാം സ്ഥാനത്തെത്തിയെങ്കിലും അതിന് അല്‍പ സമയമേ ആയുസ്സുണ്ടായിരുന്നുള്ളൂ. അത്ലറ്റിറ്റോ ബില്‍ബാവോയെ തകര്‍ത്ത് ബാഴ്സയുടെ ബദ്ധവൈരികളായ റയല്‍ മാഡ്രിഡ് ഒന്നാം സ്ഥാനം തിരിച്ചുപിടിക്കുകയായിരുന്നു.
|
| ആത്മവിശ്വാസത്തോടെ സഞ്ജു; ആവേശമാകാനൊരുങ്ങി രഞ്ജി Posted: 25 Sep 2015 07:40 AM PDT Image:  മലപ്പുറം: രഞ്ജി ട്രോഫി 2015^16 സീസണ്‍ ആരംഭിക്കാന്‍ ദിവസങ്ങള്‍ മാത്രം ശേഷിക്കെ കേരള ടീം പെരിന്തല്‍മണ്ണ ക്രിക്കറ്റ് സ്റ്റേഡിയത്തില്‍ കഠിന പരിശീലനത്തില്‍. ഒരാഴ്ചയിലധികമായി പരിശീലകന്‍ പി. ബാലചന്ദ്രന്‍െറ നേതൃത്വത്തില്‍ താരങ്ങള്‍ ഇവിടെയുണ്ട്. ആദ്യ ശ്രീനഗറില്‍ തീരുമാനിച്ച മത്സരം സാങ്കേതി കാരണങ്ങളാല്‍ പെരിന്തല്‍ മണ്ണയില നടത്തുമെന്നാണ് അറിയിച്ചത്. ഇതിനായി ജമ്മുകശ്മീര്‍ ടീം കേരളത്തിലേക്ക് വരാനിരിക്കെയാണ് മത്സരം ശ്രീനഗറില്‍ തന്നെ നടത്താന്‍ ബി.സി.സി.ഐ തീരുമാനിച്ചത്. ഇന്ത്യ എ^ബംഗ്ളാദേശ് എ പരമ്പരയില്‍ ബാറ്റിങ്ങില്‍ മിന്നുന്ന പ്രകടനം കാഴ്ചവെച്ച സഞ്ജു നല്ല ആത്മവിശ്വാസത്തിലാണ്. നായകന്‍െറ അധികചുമതലയും ഭംഗിയായി നിര്‍വഹിക്കാന്‍ കഴിയുമെന്ന് 20കാരന്‍ കരുതുന്നു. ക്യാപ്റ്റനായി സഞ്ജുവിന്‍െറ രഞ്ജി ട്രോഫി അരങ്ങേറ്റം കൂടിയാണിത്. വി.എ. ജഗദീഷ്, അക്ഷയ് കോടോത്ത്, രോഹന്‍ പ്രേം, സച്ചിന്‍ ബേബി, റൈഫി വിന്‍സെന്‍റ് ഗോമസ് തുടങ്ങിയവരുടെ പരിചയസമ്പത്ത് ടീമിന് ഗുണം ചെയ്യും. ഒക്ടോബര്‍ 15ന് ഝാര്‍ഖണ്ഡ്, നവംബര്‍ ഏഴിന് ത്രിപുര, 23ന് സൗരാഷ്ട്ര, ഡിസംബര്‍ ഒന്നിന് ഹിമാചല്‍ പ്രദേശ് എന്നിവര്‍ക്കെതിരായാണ് പെരിന്തല്‍മണ്ണയില്‍ കേരളത്തിന്‍െറ മറ്റ് മത്സരങ്ങള്‍. മൂന്ന് വര്‍ഷത്തിന് ശേഷമാണ് ടീമിന്‍െറ ഹോം മത്സരങ്ങള്‍ക്ക് ഈ സ്റ്റേഡിയം വേദിയാകുന്നത്. 2012ല്‍ അസമിനും ഗോവക്കുമെതിരെ സമനില വഴങ്ങിയ ആതിഥേയര്‍ തുടര്‍ന്ന് ജമ്മു കശ്മീരിനോട് തോല്‍വി രുചിച്ചു. അവസാന കളിയില്‍ ഝാര്‍ഖണ്ഡിനെതിരെ ഇന്നിങ്സിന്‍െറയും 35 റണ്‍സിന്‍െറയും വിജയം ആഘോഷിച്ച കേരളം നിര്‍ത്തിയിടത്തുനിന്ന് തുടങ്ങാനുള്ള പുറപ്പാടിലാണ്.
|
| ദുരന്തം വന്ന വഴി ; അവ്യക്തത തുടരുന്നു Posted: 25 Sep 2015 03:45 AM PDT Image:  മക്ക: ഹജ്ജിനിടയില്‍ നടന്ന കാല്‍ നൂറ്റാണ്ടിലെ ഏറ്റവും വലിയ ദുരന്തത്തിന്‍റെ കാരണം അവ്യക്തമായി തുടരുന്നു. ദുരന്തം വന്നത് ഏതു വഴിക്കാണെന്ന കാര്യത്തില്‍ പരസ്പര വിരുദ്ധമായ അഭിപ്രായ പ്രകടനങ്ങളാണ് ഉണ്ടായിരിക്കുന്നത്. |
| കണ്‍സ്യൂമര്‍ഫെഡ് ഭരണസമിതി സസ്പെന്‍റ് ചെയ്തു Posted: 25 Sep 2015 03:16 AM PDT Image:  തിരുവനന്തപുരം: അഴിമതി ആരോപണത്തിന്‍െറ നിഴലിലായ കണ്‍സ്യൂമര്‍ഫെഡ് ഭരണസമിതിക്ക് സസ്പെന്‍ഷന്‍. സഹകരണവകുപ്പ് രജിസ്ട്രാറാണ് സസ്പെന്‍ഷന്‍ ഉത്തരവിറക്കിയത്. അഴിമതി അന്വേഷണത്തിന്‍െറ ഭാഗമായാണ് നടപടി. സഹകരണ വകുപ്പ് ജോയിന്‍റ് രജിസ്ട്രാര്‍ക്ക്(എറണാകുളം)താല്‍ക്കാലിക ഭരണച്ചുമതല നല്‍കിയിട്ടുണ്ട്. കണ്‍സ്യൂമര്‍ഫെഡ് അഴിമതി ആരോപണങ്ങളില്‍ സഹകരണമന്ത്രി സി.എന്‍. ബാലകൃഷ്ണന്‍ സമഗ്ര അന്വേഷണം പ്രഖ്യാപിച്ചതിന് പിന്നാലെയാണ് ഭരണസമിതിയെ സസ്പെന്‍ഡ് ചെയ്തത്.
|
മലപ്പുറം ചേലേമ്പ്ര ചക്കുവളവ് ആശാരിത്തൊടി അബ്ദുറഹ്മാന്‍ (51), പാലക്കാട് വടക്കുഞ്ചേരി പുതുക്കോട് മൈതാക്കര്‍ വീട്ടില്‍ മൊയ്തീന്‍ അബ്ദുല്‍ ഖാദര്‍ (62) എന്നിവരാണ് മരിച്ച മറ്റ് മലയാളികള്‍.| You are subscribed to email updates from a feed. To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
No comments:
Post a Comment