ഒടുവില്‍ ലമണ്‍ കോടതിയില്‍ ‘കീഴടങ്ങി’ Madhyamam News Feeds |  |
- ഒടുവില്‍ ലമണ്‍ കോടതിയില്‍ ‘കീഴടങ്ങി’
- കരിമണ്ണൂര്‍ പഞ്ചായത്ത് പ്രസിഡന്‍റിനെ അവിശ്വാസത്തിലൂടെ പുറത്താക്കി
- സിവില്‍ സ്റ്റേഷനിലെ പഞ്ചിങ് സംവിധാനം: ഉന്നത ഉദ്യോഗസ്ഥര്‍ക്ക് നിസ്സഹകരണം
- പുനരധിവാസ പദ്ധതി നടന്നില്ല; ജീവിതംവഴിമുട്ടി നൂല്‍പുഴ വനഗ്രാമങ്ങള്‍
- നെടുമ്പാശ്ശേരിയില്‍ ഇനി ക്ഷീരോത്സവ നാളുകള്‍
- ഭാരതമാതാ കോളജില്‍ സംഘര്‍ഷം
- മൂപ്പന്‍ വീരന്‍ യാത്രയായത് വീടെന്ന സ്വപ്നം ബാക്കിയാക്കി
- ഹൈകോടതി ജഡ്ജിക്കെതിരെ മുഖ്യമന്ത്രിയുടെ പരോക്ഷ വിമര്‍ശം
- നഗരറോഡുകള്‍ രണ്ടു വര്‍ഷത്തിനകം പൂര്‍ത്തിയാക്കും –മന്ത്രി വി.കെ. ഇബ്രാഹിംകുഞ്ഞ്
- മനോജ് വധക്കേസ്: പി. ജയരാജന്‍െറ മുന്‍കൂര്‍ ജാമ്യാപേക്ഷ തള്ളി
- അമേരിക്കയിലെ തോക്ക് നിയമം: മാറ്റം കൊണ്ടുവരാനാവാത്തത് വലിയ പരാജയം ^ഒബാമ
- കൊലക്കേസില്‍ മലയാളിക്ക് വധശിക്ഷ; കരുണ തേടി കുടുംബം
- റെയില്‍വേ പൊലീസ് തള്ളി: ഫെന്‍സിങ് ചാമ്പ്യന്‍ ട്രെയിനില്‍ നിന്ന് വീണ് മരിച്ചു
- സുല്‍ത്താന്‍െറ ബാല്യം മുതല്‍ ഇതുവരെയുള്ള ചിത്രങ്ങളുമായി മലയാളി
- സ്വര്‍ണ വില വീണ്ടും കുറഞ്ഞു; പവന് 19000 രൂപ
- ബോള്‍ട്ടിളകുമോ..ഇന്നറിയാം
- അമേരിക്കയില്‍ തിയേറ്ററില്‍ വെടിവെപ്പ്: മൂന്ന് മരണം
- മയക്കുമരുന്ന്: ഇന്ത്യന്‍ പൗരന്മാര്‍ക്ക് എംബസിയുടെ മുന്നറിയിപ്പ്
- ഇറാനെ ആണവായുധമുക്തമാക്കുന്ന ഏത് കരാറും സ്വീകാര്യം - സൗദി
- കുടുംബസൗഹൃദ വേദിയുടെ കലാപുരസ്കാരം ചേമഞ്ചേരി കുഞ്ഞിരാമന്‍ നായര്‍ക്ക്
- ഹൈകോടതിക്ക് സോഷ്യല്‍ മീഡിയയുടെ ആയിരം ലൈക്
- പൗരന്മാരുടെ സ്വകാര്യത കവര്‍ന്നെടുക്കാമെന്നോ?
- ഇറാന് ആണവകരാറും എണ്ണവിപണിയും
- നാസ ഭൂമിയുടെ ‘അപരനെ’ കണ്ടെത്തി
- ചിക്കമഗളൂരുവില്‍ സ്കൂളില്‍ പുള്ളിപ്പുലി
| ഒടുവില്‍ ലമണ്‍ കോടതിയില്‍ ‘കീഴടങ്ങി’ Posted: 24 Jul 2015 01:40 AM PDT Image:  തിരുവനന്തപുരം: കൂടുവിട്ടിറങ്ങിയ ലമണ്‍ ഒടുവില്‍ കോടതിയില്‍ ‘കീഴടങ്ങി’. വീട്ടുകാരുടെ കണ്ണുവെട്ടിച്ച് കൂടുവിട്ട വളര്‍ത്തുതത്ത ലമണ്‍ വഞ്ചിയൂര്‍ കോടതിവളപ്പിലെ മരത്തില്‍നിന്ന് വ്യാഴാഴ്ച ഉച്ചയോടെയാണ് പിടിയിലായത്. ടെക്നോപാര്‍ക്കിലെ ഉദ്യോഗസ്ഥരായ വഞ്ചിയൂര്‍ അംബാനഗര്‍ എ.ആര്‍.എ 111 പ്രശാന്തം വീട്ടില്‍ അരുണ്‍ സൂരജ്- സ്മിത ദമ്പതികളുടെ ഇണക്കിളികളില്‍ ഒരെണ്ണമാണ് ആറുദിവസം മുമ്പ് വീടുവിട്ടത്. വിദേശത്തുനിന്ന് കൊണ്ടുവന്ന തത്തകളില്‍ ഒരെണ്ണത്തെ കാണാതായതിന്‍െറ ദു$ഖത്തില്‍ കഴിയുകയായിരുന്നു വീട്ടുകാര്‍. കഴിഞ്ഞ ദിവസം രാത്രി വഞ്ചിയൂര്‍ കോടതിവളപ്പിലെ മരത്തില്‍ തത്തയിരിക്കുന്നത് കണ്ടു. തുടര്‍ന്ന് കോടതി അനുവാദത്തോടെ ഫയര്‍ഫോഴ്സത്തെി കയറി പിടിക്കാന്‍ ശ്രമിച്ചെങ്കിലും ശ്രമം വിഫലമായി. ഇഷ്ട വിഭവങ്ങളായ പിസ്തയും പഴവും ഉടമ വെച്ചുനീട്ടിയെങ്കിലും അവന്‍ കുലുങ്ങിയില്ല. വിവരമറിഞ്ഞ് പ്രിന്‍സിപ്പല്‍ ജില്ലാ ജഡ്ജി ഷിര്‍സി, സി.ജെ.എം സുജിമോള്‍ കുരുവിള എന്നിവരും രാത്രി കോടതിയിലത്തെിയിരുന്നു. ബുധനാഴ്ച തത്തയെ കാണാനും പിടികൂടാനും നിരവധി പേരത്തെി. പഴങ്ങളും മറ്റും കാണിച്ച് ആകര്‍ഷിക്കാന്‍ ശ്രമിച്ചെങ്കിലും പറന്നു നടന്നതല്ലാതെ താഴേക്ക് വന്നില്ല. വ്യാഴാഴ്ച ഉച്ചയോടെ കോടതി വളപ്പില്‍ താഴ്ന്ന് പറക്കുന്നതിനിടെ തന്ത്രപരമായി പിടികൂടുകയായിരുന്നു. ആസ്ട്രേലിയ, ഇന്തോനേഷ്യ എന്നിവിടങ്ങളില്‍ കണ്ടുവരുന്ന രണ്ട് തത്തകളെ ഒരു സ്വകാര്യ ഏജന്‍സിയില്‍നിന്നാണ് ഇവര്‍ വാങ്ങിയത്. ഒരെണ്ണത്തിന് 95,000 ത്തോളം രൂപ വിലവരുന്ന ഇവക്ക് സണ്‍ഡേ, ലമണ്‍ എന്നീ പേരുകള്‍ നല്‍കിയാണ് വളര്‍ത്തിയത്. സാധാരണ ലമണ്‍ ഇങ്ങനെ പറന്നുപോകാറുണ്ടെന്നും അതുപോലെ മടങ്ങി വരാറുണ്ടെന്നും വീട്ടുകാര്‍ പറയുന്നു. ലമണ്‍ പോയതിന്‍െറ സങ്കടം കൂട്ടില്‍ക്കിടന്ന് സണ്‍ഡേ പ്രകടപ്പിക്കുന്നതും പതിവാണ്.ദിവസങ്ങള്‍ക്ക് ശേഷം നഷ്ടപ്പെട്ടെന്ന് കരുതിയ പൊന്നോമനയെ തിരികെ കിട്ടിയ സന്തോഷത്തിലാണ് വീട്ടുകാര്‍. ഒറ്റപ്പെടല്‍ ഒഴിവായ ആശ്വാസത്തില്‍ സണ്‍ഡേയും. |
| കരിമണ്ണൂര്‍ പഞ്ചായത്ത് പ്രസിഡന്‍റിനെ അവിശ്വാസത്തിലൂടെ പുറത്താക്കി Posted: 24 Jul 2015 01:21 AM PDT തൊടുപുഴ: കരിമണ്ണൂര്‍ പഞ്ചായത്ത് പ്രസിഡന്‍റ് ബീന ജോളിയെ യു.ഡി.എഫ് അവിശ്വാസത്തിലൂടെ പുറത്താക്കി. 14 അംഗ ഭരണസമിതിയില്‍ പ്രസിഡന്‍റിനെ കൂടാതെ കോണ്‍ഗ്രസ് -ഏഴ്, കേരള കോണ്‍ഗ്രസ് -രണ്ട്, മുസ്ലിംലീഗ് -ഒന്ന്, എല്‍.ഡി.എഫ് -മൂന്ന് എന്നിങ്ങനെയാണ് കക്ഷിനില. വോട്ടെടുപ്പില്‍നിന്ന് എല്‍.ഡി.എഫ് വിട്ടുനിന്നതോടെ പ്രസിഡന്‍റ് ഒഴികെയുള്ള പത്തംഗങ്ങളുടെ പിന്തുണയോടെ അവിശ്വാസം പാസാകുകയായിരുന്നു. |
| സിവില്‍ സ്റ്റേഷനിലെ പഞ്ചിങ് സംവിധാനം: ഉന്നത ഉദ്യോഗസ്ഥര്‍ക്ക് നിസ്സഹകരണം Posted: 24 Jul 2015 01:15 AM PDT കാസര്‍കോട്: ഒരു വര്‍ഷംമുമ്പ് സിവില്‍ സ്റ്റേഷനില്‍ ആരംഭിച്ച ജീവനക്കാര്‍ക്കുള്ള പഞ്ചിങ് സംവിധാനത്തോട് ഉന്നത ഉദ്യോഗസ്ഥര്‍ക്ക് നിസ്സഹകരണമെന്ന് ആക്ഷേപം. |
| പുനരധിവാസ പദ്ധതി നടന്നില്ല; ജീവിതംവഴിമുട്ടി നൂല്‍പുഴ വനഗ്രാമങ്ങള്‍ Posted: 24 Jul 2015 01:12 AM PDT സുല്‍ത്താന്‍ ബത്തേരി: പതിറ്റാണ്ടുകളായി കൊട്ടിഘോഷിക്കുന്ന പുനരധിവാസ പദ്ധതികള്‍ നടക്കാതായതോടെ നൂല്‍പുഴയിലെ വനഗ്രാമങ്ങള്‍ പ്രതിസന്ധിയില്‍. |
| നെടുമ്പാശ്ശേരിയില്‍ ഇനി ക്ഷീരോത്സവ നാളുകള്‍ Posted: 24 Jul 2015 12:01 AM PDT കൊച്ചി: സംസ്ഥാന ക്ഷീരവികസന വകുപ്പിന്‍െറയും പാറക്കടവ് ബ്ളോക് പഞ്ചായത്തിലെ ക്ഷീരവികസന സംഘങ്ങളുടെയും ആഭിമുഖ്യത്തില്‍ സംഘടിപ്പിക്കുന്ന ക്ഷീരസംഗമം വെള്ളിയാഴ്ചയും ശനിയാഴ്ചയും നടക്കും. പാറക്കടവ് ബ്ളോക് പഞ്ചായത്ത്, ഗ്രാമപഞ്ചായത്തുകള്‍, സഹകരണ സ്ഥാപനങ്ങള്‍, ആത്മ എന്നിവയുടെയും സഹകരണത്തോടെ നടക്കുന്ന പരിപാടിക്ക് നെടുമ്പാശ്ശേരി ഗ്രാമപഞ്ചായത്താണ് ആതിഥേയത്വം വഹിക്കുന്നത്. |
| Posted: 24 Jul 2015 12:01 AM PDT കൊച്ചി: കോളജ് കാമ്പസില്‍ വിദ്യാര്‍ഥികളും പുറത്തുനിന്നത്തെിയവരും തമ്മില്‍ കൂട്ടത്തല്ല്. തൃക്കാക്കര ഭാരതമാതാ കോളജിന് മുന്നിലായിരുന്നു സംഘട്ടനം. |
| മൂപ്പന്‍ വീരന്‍ യാത്രയായത് വീടെന്ന സ്വപ്നം ബാക്കിയാക്കി Posted: 23 Jul 2015 11:45 PM PDT പൂക്കോട്ടുംപാടം: അവകാശമായി കിട്ടിയ മണ്ണില്‍ ചോര്‍ന്നൊലിക്കാത്ത ഒരു കൂരയെന്ന സ്വപ്നം ബാക്കിയാക്കി ആദിവാസി മൂപ്പന്‍ യാത്രയായി. പാട്ടക്കരിമ്പ് ആദിവാസി കോളനിയിലെ മൂപ്പന്‍ വലിയ വീരനാണ് (67) വിടവാങ്ങിയത്. ന്യൂ അമരമ്പലം സംരക്ഷിത വനമേഖലയിലെ സായ്വിളയില്‍ അധിവസിച്ചിരുന്ന കാട്ടുനായ്ക്കരെ 1983ലാണ് പാട്ടക്കരിമ്പ് ജനവാസ മേഖലയോട് ചേര്‍ന്ന് പുനരധിവസിപ്പിച്ചത്. |
| ഹൈകോടതി ജഡ്ജിക്കെതിരെ മുഖ്യമന്ത്രിയുടെ പരോക്ഷ വിമര്‍ശം Posted: 23 Jul 2015 11:44 PM PDT Image:  തിരുവനന്തപുരം: അഡ്വക്കറ്റ് ജനറലിന്‍െറ ഓഫീസിനെതിരെ വിമര്‍ശമുന്നയിച്ച ഹൈകോടതി ജഡ്ജിക്കെതിരെ മുഖ്യമന്ത്രിയുടെ പരോക്ഷ വിമര്‍ശം. എത്തിപ്പെടുന്ന സ്ഥാനത്തിന്‍െറ ഉത്തരവാദിത്തവും മഹത്വവും വിസ്മരിക്കാതിരുന്നാല്‍ മാത്രമേ സമൂഹത്തിനു ഗുണകരമായി പ്രവര്‍ത്തിക്കാന്‍ കഴിയുകയുള്ളൂ. മറിച്ച് പ്രവര്‍ത്തിച്ചാല്‍ ദോഷമുണ്ടാകുമെന്നും മുഖ്യമന്ത്രി നിയമസഭയില്‍ വ്യക്തമാക്കി. ഓരോരുത്തരും ഓരോ സ്ഥാനത്ത് എത്തിച്ചേരുന്നത് കഠിനാധ്വാനത്തിലൂടെയാണെന്നും അതിനാല്‍ വന്നവഴി മറക്കരുതെന്നും മുഖ്യമന്ത്രി ഉപദേശിച്ചു. അഡ്വക്കറ്റ് ജനറലിനെ സര്‍ക്കാരിനു വിശ്വാസമാണ്. പ്രധാനപ്പെട്ട കേസുകളില്‍ എ.ജി ഹാജരാകുകയും വിജയിക്കുകയും ചെയ്തതായും മുഖ്യമന്ത്രി ചൂണ്ടിക്കാട്ടി. എന്നാല്‍ ഹൈകോടതി വിമര്‍ശം മുഖ്യമന്ത്രിയുടെ ചെകിട്ടത്തു കിട്ടിയ അടിയാണെന്നു പ്രതിപക്ഷ നേതാവ് വി.എസ്.അച്യുതാനന്ദന്‍ പറഞ്ഞു. |
| നഗരറോഡുകള്‍ രണ്ടു വര്‍ഷത്തിനകം പൂര്‍ത്തിയാക്കും –മന്ത്രി വി.കെ. ഇബ്രാഹിംകുഞ്ഞ് Posted: 23 Jul 2015 11:37 PM PDT കോഴിക്കോട്: നഗരറോഡ് വികസന പദ്ധതിയില്‍പെട്ട ആറു റോഡുകള്‍ രണ്ടുവര്‍ഷത്തിനുള്ളില്‍ പൂര്‍ത്തിയാക്കുമെന്ന് പൊതുമരാമത്ത് മന്ത്രി വി.കെ. ഇബ്രാഹീംകുഞ്ഞ് അറിയിച്ചു. |
| മനോജ് വധക്കേസ്: പി. ജയരാജന്‍െറ മുന്‍കൂര്‍ ജാമ്യാപേക്ഷ തള്ളി Posted: 23 Jul 2015 10:56 PM PDT Image:  തലശ്ശേരി: ആര്‍.എസ്.എസ് നേതാവ് കതിരൂര്‍ ഇളന്തോട്ടത്തില്‍ മനോജ് വധക്കേസില്‍ സി.പി.എം കണ്ണൂര്‍ ജില്ലാ സെക്രട്ടറി പി. ജയരാജന്‍െറ മുന്‍കൂര്‍ ജാമ്യാപേക്ഷ തള്ളി. യു.എ.പി.എ നിലനില്‍ക്കുന്നതിനാലാണ് തലശ്ശേരി പ്രിന്‍സിപ്പല്‍ സെഷന്‍സ് കോടതി ജാമ്യാപേക്ഷ തള്ളിയത്. ഹൈകോടതിയെ സമീപിക്കുമെന്ന് ജയരാജന്‍െറ അഭിഭാഷകന്‍ പറഞ്ഞു. നിയമവിദഗ്ധരുമായി ആലോചിച്ച് നിയമ പോരാട്ടം തുടരുമെന്ന് ഡി.വൈ.എഫ്.ഐ നേതാവ് അഡ്വ. എന്‍. ഷംസീര്‍ പ്രതികരിച്ചു. യു.എ.പി.എ ചുമത്തപ്പെട്ട കേസില്‍ മുന്‍കൂര്‍ ജാമ്യം അനുവദിക്കാനാവില്ളെന്ന് കഴിഞ്ഞ ദിവസം സി.ബി.ഐ പി. ജയരാജന്‍െറ ജാമ്യാപേക്ഷ പരിഗണിക്കവേ കോടതിയില്‍ വാദിച്ചിരുന്നു. ഈ വാദം കേസില്‍ ജൂലൈ ഒമ്പതിന് പ്രതിചേര്‍ക്കപ്പെട്ട സി.പി.എം പയ്യന്നൂര്‍ ഏരിയാ സെക്രട്ടറി ടി.ഐ. മധുസൂദനന്‍െറ വാദത്തിനിടയിലും സി.ബി.ഐ ആവര്‍ത്തിച്ചിരുന്നു. മധുസൂദനനെ വ്യക്തമായ തെളിവുകളുടെ അടിസ്ഥാനത്തിലാണ് പ്രതിചേര്‍ത്തതെന്നാണ് സി.ബി.ഐ വാദം. നിരവധി ശാരീരിക അവശതകള്‍ അനുഭവിക്കുന്ന തന്നെ കേസില്‍ പ്രതിചേര്‍ത്ത് അറസ്റ്റ് ചെയ്ത് പീഡിപ്പിക്കാനിടയുണ്ടെന്ന് കാണിച്ചാണ് ജയരാജന്‍ ജൂലൈ 10ന് ഹരജി സമര്‍പ്പിച്ചത്. ടി.ഐ. മധുസൂദനന്‍െറ മുന്‍കൂര്‍ ജാമ്യാപേക്ഷയില്‍ ജൂലൈ 27നാണ് വിധി. വ്യാഴാഴ്ച ജില്ലാ സെഷന്‍സ് ജഡ്ജി ആര്‍. നാരായണ പിഷാരടി മുമ്പാകെ ഒരു മണിക്കൂറോളം നീണ്ട വാദത്തിനൊടുവിലാണ് 27ലേക്ക് വിധിപറയാന്‍ മാറ്റിവെച്ചത്. വിധിയെ കുറിച്ച് ഇപ്പോള്‍ പ്രതികരിക്കാനാവില്ളെന്ന് പി. ജയരാജന്‍ പ്രതികരിച്ചു. |
| അമേരിക്കയിലെ തോക്ക് നിയമം: മാറ്റം കൊണ്ടുവരാനാവാത്തത് വലിയ പരാജയം ^ഒബാമ Posted: 23 Jul 2015 10:33 PM PDT Image:  വാഷിങ്ടണ്‍: അമേരിക്കയിലെ തോക്ക് നിയമത്തില്‍ മാറ്റങ്ങള്‍ കൊണ്ടുവരാനാവാത്തതാണ് പ്രസിഡന്‍െറന്ന നിലയില്‍ തന്‍െറ ഏറ്റവും വലിയ പരാജയമെന്ന് ബറാക് ഒബാമ. ആ നിയമം പരിഷ്കരിക്കാനാവാത്തതില്‍ നിരാശയുണ്ടെന്നും അമേരിക്കന്‍ പ്രസിഡന്‍റ് ബി.ബി.സിക്ക് നല്‍കിയ അഭിമുഖത്തില്‍ പറഞ്ഞു. 9/11 തീവ്രവാദ ആക്രമണത്തില്‍ കൊല്ലപ്പെട്ടത് നൂറിന് മുകളില്‍ ആളുകളാണെങ്കില്‍ തോക്കുപയോഗം മൂലം അമേരിക്കയില്‍ കൊല്ലപ്പെട്ടത് പതിനായിരത്തോളം പേരാണെന്നും ഒബാമ പറഞ്ഞു. അഭിമുഖം നല്‍കി മണിക്കുറുകള്‍ക്ക് ശേഷം അമേരിക്കയില്‍ ഒരു തിയേറ്ററിലുണ്ടായ വെടിവെപ്പില്‍ മൂന്ന്പേര്‍ കൊല്ലപ്പെട്ടു. സംഭവത്തില്‍ ഏഴ്പേര്‍ക്ക് പരിക്കേറ്റിട്ടുണ്ട്. യു.കെ യുറോപ്യന്‍ യൂനിയനില്‍ തന്നെ തുടരണമെന്നും ഇറാന് ആണവകരാറില്‍ തനിക്ക് പൂര്‍ണ വിശ്വാസമുണ്ടെന്നും അഭിമുഖത്തില്‍ ഒബാമ വ്യക്തമാക്കി. |
| കൊലക്കേസില്‍ മലയാളിക്ക് വധശിക്ഷ; കരുണ തേടി കുടുംബം Posted: 23 Jul 2015 10:03 PM PDT Image:  അബൂദബി: താമസ സ്ഥലത്തെ സംഘര്‍ഷത്തിനിടെ കോട്ടയം സ്വദേശി കൊല്ലപ്പെട്ട കേസില്‍ തിരുവനന്തപുരം സ്വദേശിക്ക് അബൂദബി കോടതി വധശിക്ഷ വിധിച്ചു. കോട്ടയം കറുകച്ചാല്‍ പുത്തന്‍പുരക്കല്‍ ചമ്പക്കര സുബിന് കൊല്ലപ്പെട്ട കേസിലാണ് തിരുവനന്തപുരം ആറ്റിങ്ങല്‍ പുറമ്പച്ചാനി ഹൗസില്‍ സന്തോഷിന് വധശിക്ഷ ലഭിച്ചത്. കൊല്ലപ്പെട്ട സുബിന്‍െറ കുടുംബം മാപ്പുനല്‍കിയാല്‍ സന്തോഷിന് ശിക്ഷാ ഇളവ് ലഭിക്കും. മാപ്പുനല്‍കാന്‍ സുബിന്‍െറ കുടുംബം 50 ലക്ഷം രൂപയാണ് ആവശ്യപ്പെടുന്നത്. ഇത് കണ്ടത്തൊനാവാതെ കുഴങ്ങുകയാണ് ഭാര്യയും കുട്ടിയുമടങ്ങുന്ന സന്തോഷിന്‍െറ നിര്‍ധന കുടുംബം. സുമനസ്സുകള്‍ സഹായിച്ചാല്‍ സന്തോഷിനെ വധശിക്ഷയില്‍ നിന്ന് രക്ഷപ്പെടുത്താന്‍ കഴിയുമെന്ന പ്രതീക്ഷയിലാണിവര്‍. അബൂദബിയില്‍ ഇലക്ട്രീഷ്യനായി ജോലി ചെയ്തുവരികയായിരുന്നു സന്തോഷ്. 2011 ജൂലൈ 29ന് താമസ സ്ഥലത്തുവെച്ചാണ് കേസിനാസ്പദമായ സംഭവം നടന്നത്. ജോലി കഴിഞ്ഞ് വിശ്രമിക്കുമ്പോള്‍ സുഹൃത്തുക്കള്‍ താമസിക്കുന്ന തൊട്ടടുത്ത മുറിയില്‍ നിന്ന് വഴക്ക് കേട്ടു. മുറി തുറന്ന് അകത്തുകടന്നപ്പോള്‍ മര്‍ദനമേറ്റു. തിരിച്ച് സ്വന്തം മുറിയിലത്തെിയപ്പോള്‍ അവര്‍ പിന്നാലെയത്തെി മര്‍ദനം തുടര്‍ന്നു. ഇതിനിടെ സുബിന് അബദ്ധത്തില്‍ കുത്തേല്‍ക്കുകയായിരുന്നുവെന്ന് പറയുന്നു. കേസില്‍ പൊലീസ് സന്തോഷിനെ അറസ്റ്റ് ചെയ്ത് ജയിലിലടച്ചു. കോടതിയില്‍ അഭിഭാഷകനെ ഏര്‍പ്പെടുത്താന്‍ കഴിയാതിരുന്നതിനാല്‍ സന്തോഷിന്‍െറ നിരപരാധിത്വം തെളിയിക്കാന്‍ കഴിഞ്ഞില്ളെന്ന് അബൂദബിയിലുള്ള സഹോദരന്‍ സതീഷ് പറഞ്ഞു. സുബിന്‍െറ മാതാപിതാക്കള്‍ മാപ്പുനല്‍കിയാല്‍ ശിക്ഷയില്‍ ഇളവ് നല്‍കാമെന്ന് കോടതി അറിയിച്ചു. തുടര്‍ന്ന് സന്തോഷിന്‍െറ ഭാര്യ റിയ സാമൂഹിക പ്രവര്‍ത്തകര്‍ മുഖേന സുബിന്‍െറ കുടുംബവുമായി ബന്ധപ്പെട്ടു. മുഖ്യമന്ത്രിക്കും കെ.എം.മാണി ഉള്‍പ്പെടെയുള്ള മന്ത്രിമാര്‍ക്കും പരാതി നല്‍കി. എന്നാല്‍ 50 ലക്ഷം രൂപ ലഭിക്കാതെ മാപ്പുനല്‍കില്ളെന്ന നിലപാടിലായിരുന്നു സുബിന്‍െറ കുടുംബം. മാപ്പുനല്‍കാന്‍ ഇവര്‍ തയാറാകാത്തതിനാല്‍ അബൂദബി കോടതി കഴിഞ്ഞയാഴ്ച സന്തോഷിന് വധശിക്ഷ വിധിക്കുകയായിരുന്നു. കുടുംബത്തിന്‍െറ ഏക അത്താണിയായിരുന്ന സന്തോഷ് ജയിലിലായതിന് ശേഷം ഭാര്യയുടെയും കുഞ്ഞിന്‍െറയും അവസ്ഥ പരിതാപകരമാണ്. ട്യൂഷന്‍ സെന്‍ററില്‍ പഠിപ്പിക്കാന്‍ പോയി കിട്ടുന്ന വരുമാനം കൊണ്ടാണ് ജീവിതം തള്ളിനീക്കുന്നത്. സ്വന്തമായി വീടും സ്ഥലവും പോലും ഇല്ല. ഗള്‍ഫില്‍ പോകുന്നതിനായി സന്തോഷ് എടുത്ത വായ്പാ കുടിശ്ശികയും കുടുംബത്തെ വേട്ടയാടുന്നു. സുബിന്‍െറ മാതാപിതാക്കള്‍ക്ക് നല്‍കാനാവശ്യമായ 50 ലക്ഷം കണ്ടത്തെുകയെന്നത് ഇവരെ സംബന്ധിച്ചിടത്തോളം അപ്രാപ്യമാണ്. എങ്ങനെയെങ്കിലും തുക കണ്ടത്തെി നല്‍കി മാപ്പുനല്‍കിയതായുള്ള വിവരം എത്രയും വേഗം കോടതിയിലത്തെിച്ചാല്‍ സന്തോഷിന്‍െറ ജീവന്‍ രക്ഷപ്പെടുത്താനാകുമെന്ന പ്രതീക്ഷയോടെയാണ് ഇവര്‍ കാത്തിരിക്കുന്നത്. |
| റെയില്‍വേ പൊലീസ് തള്ളി: ഫെന്‍സിങ് ചാമ്പ്യന്‍ ട്രെയിനില്‍ നിന്ന് വീണ് മരിച്ചു Posted: 23 Jul 2015 09:51 PM PDT Image:  ന്യൂഡല്‍ഹി: റെയില്‍വേ പൊലീസ് ട്രെയിനില്‍ നിന്ന് പുറത്തേക്ക് തള്ളിയിട്ട ദേശീയ ഫെന്‍സിങ് ചാമ്പ്യന്‍ മരിച്ചു. 2005ല്‍ അണ്ടര്‍ 17 ചാമ്പ്യന്‍ഷിപ്പില്‍ വെങ്കലമെഡല്‍ ജേതാവായ ഫെന്‍സിങ് ചാമ്പ്യന്‍ ഹോഷിയാര്‍ സിങാണ് മരിച്ചത്. മഥുരയില്‍ നിന്നും കസ്ഗഞ്ചിലേക്ക് മാതാവിനും ഭാര്യയോടുമൊപ്പം വരുമ്പോഴായിരുന്നു സംഭവം. ഭാര്യയെയും മാതാവിനെയും സ്ത്രീകളുടെ കോച്ചില്‍ കയറ്റിയ ഹോഷിയാര്‍ സിങ് ജനറല്‍ കോച്ചിലാണ് കയറിയിരുന്നത്. എന്നാല്‍ സുഖമില്ലാത്ത ഭാര്യ ഫോണ്‍ ചെയ്തതിനാല്‍ സ്ത്രീകളുടെ കോച്ചിലേക്ക് വന്ന ഹോഷിയാര്‍ സിങിന് നേരെ റെയില്‍വേ പൊലീസ് തട്ടിക്കയറുകയായിരുന്നു. സ്ത്രീകളുടെ കോച്ചിലേക്ക് കയറിയതിന് 200 രൂപ പിഴയടക്കാനും പൊലീസ് ആവശ്യപ്പെട്ടു. ഇതിനു വിസമ്മതിച്ച ഹോഷിയാറിനെ പൊലീസ് ട്രെയിനില്‍ നിന്നും തള്ളുകയായിരുന്നു. സംഭവത്തില്‍ ഉത്തരവാദികളായ പൊലീസുകാര്‍ക്കെതിരെ കൊലക്കുറ്റത്തിന് കേസെടുക്കണമെന്ന് ബന്ധുക്കള്‍ ആരോപിച്ചു. എന്നാല്‍ വെള്ളം കുടിക്കാന്‍ പുറത്തിറങ്ങിയ ഹോഷിയാര്‍ സിങ് ട്രെയിന്‍ നീങ്ങിയപ്പോള്‍ തെന്നി വീഴുകയാണുണ്ടായതെന്നാണ് പൊലീസ് വിശദീകരണം. |
| സുല്‍ത്താന്‍െറ ബാല്യം മുതല്‍ ഇതുവരെയുള്ള ചിത്രങ്ങളുമായി മലയാളി Posted: 23 Jul 2015 09:42 PM PDT Image:  മസ്കത്ത്: 45ാമത് നവോത്ഥാന ദിനത്തില്‍ സുല്‍ത്താന്‍ ഖാബൂസ് ബിന്‍ സഈദിന്‍െറ ബാല്യം മുതല്‍ ഇതുവരെയുള്ള സുപ്രധാന സംഭവങ്ങളെല്ലാം കോര്‍ത്തിണക്കിയ ചിത്രങ്ങള്‍ വരച്ച് മലയാളിയുടെ സ്നേഹോപഹാരം. മൂന്നുമാസം മുതല്‍ കഴിഞ്ഞ ദേശീയദിനം വരെയുള്ള പ്രധാന സംഭവവികാസങ്ങള്‍ ഉള്‍ക്കൊള്ളിച്ച് 21 ചിത്രങ്ങളാണ് തിരുവനന്തപുരം സ്വദേശിയായ സജീവ് മജീദ് തയാറാക്കിയിരിക്കുന്നത്. ഈ ചിത്രങ്ങളുടെ പ്രദര്‍ശനം അല്‍ ഖുവൈറിലെ അവന്യൂസ് മാളില്‍ ആരംഭിച്ചു. ‘ഒമാനിന്‍െറ ആത്മാവ്’ എന്ന പേരിലാണ് പ്രദര്‍ശനം ആരംഭിച്ചത്. മൂന്നുമാസം, ഒന്നര വയസ്സ്, നാലു വയസ്സ്, 16 വയസ്സ്, ബ്രിട്ടീഷ് പഠനകാലം, ഒമാനിലേക്ക് തിരിച്ചത്തെുന്നത്, റോയല്‍ ഒമാന്‍ പൊലീസ്- സൈനിക യൂനിഫോമുകളിലുള്ളത്, കഴിഞ്ഞ ദേശീയദിനത്തില്‍ രാഷ്ട്രത്തെ അഭിസംബോധന ചെയ്യുന്നതടക്കമുള്ള കാലഘട്ടങ്ങളിലെ ചിത്രങ്ങളാണ് ഒമാനിലെ അല്‍ വത്തന്‍ പത്രത്തില്‍ ആര്‍ട്ട് ഡയറക്ടറായ സജീവ് വരച്ചിരിക്കുന്നത്. ലുലുവിന്‍െറയും അവന്യൂസ് മാളിന്‍െറയും സഹായത്തോടെയാണ് ചിത്രപ്രദര്‍ശനം നടത്താന്‍ സാധിച്ചത്. 45ാം നവോത്ഥാന ദിനത്തില്‍ അവസരം ഒരുക്കിത്തന്നതിന് ലുലു- അവന്യൂസ് മാള്‍ അധികൃതരോട് നന്ദി പറയുന്നതായും അദ്ദേഹം പറഞ്ഞു. |
| സ്വര്‍ണ വില വീണ്ടും കുറഞ്ഞു; പവന് 19000 രൂപ Posted: 23 Jul 2015 09:31 PM PDT Image:  കൊച്ചി: സ്വര്‍ണ വില വീണ്ടും കുറഞ്ഞു. പവന് 80 രൂപ കുറഞ്ഞ് 19000 രൂപയായി. 2375 രൂപയാണ് ഗ്രാമിന്‍്റെ വില. 19080 രൂപയായിരുന്നു കഴിഞ്ഞദിവസം പവന്‍്റെ വില. ജൂലായ് മാസത്തില്‍മാത്രം പവന് 800 രൂപയാണ് വിലയിടിഞ്ഞത്. ആഗോള വിപണിയില്‍ തുടര്‍ച്ചയായി വിലയിടിഞ്ഞതിന്‍്റെ ഭാഗമായാണ് ആഭ്യന്തര വിപണിയിലും വില താഴ്ന്നത്. 2014 ജനുവരിയില്‍ 22,040 രൂപയായിരുന്നു പവന് സ്വര്‍ണത്തിന്‍െറ വില. ഇതാണ് ഇപ്പോള്‍ 19,000 രൂപയില്‍ എത്തി നില്‍ക്കുന്നത്. നിക്ഷേപമായി സ്വര്‍ണം സൂക്ഷിച്ചവര്‍ക്കാണ് ഇത് ഏറെ തിരിച്ചടിയായിട്ടുള്ളത്. വിവിധ ധനകാര്യ സ്ഥാപനങ്ങളും പ്രതിസന്ധി നേരിടുന്നുണ്ട്. വിലക്കുറവ് അവസരമായെടുത്ത് മുന്‍കൂര്‍ തുക സമാഹരിക്കാന്‍ ജ്വല്ലറികളും രംഗത്തുണ്ട്. രണ്ടുമാസം വരെയുള്ള ആവശ്യത്തിനുള്ള സ്വര്‍ണത്തിനുവരെ ഇപ്പോഴെ മുന്‍കൂര്‍ തുക വാങ്ങി ബുക്കിങ് സ്വീകരിക്കുകയാണ്. സ്വര്‍ണവിലയിലെ അനിശ്ചിതത്വം കാരണം രണ്ടുമാസത്തിനപ്പുറത്തേക്കുളള ബുക്കിങ് സ്വീകരിക്കുന്നുമില്ല.
|
| Posted: 23 Jul 2015 09:30 PM PDT Image:  ലണ്ടന്‍: ജമൈക്കയുടെ ഇതിഹാസ സ്പ്രിന്‍്റര്‍ ഉസൈന്‍ ബോള്‍ട്ട് ട്രാക്കിലേക്ക് മടങ്ങിയത്തെുന്നു. ലണ്ടന്‍ ഡയമണ്ട് ലീഗില്‍ 100 മീറ്ററില്‍ ബോള്‍ട്ട് മത്സരിക്കാനിറങ്ങും. പരിക്കുമൂലം വിശ്രമത്തിലായിരുന്ന ബോള്‍ട്ടിന്‍െറ ഫിറ്റ്നസ്, ഫോം എന്നിവയില്‍ മികവ് പൂര്‍ണമായും പുറത്തെടുക്കാനായിട്ടില്ല. പരിക്കിനോടും ഫോമിനോടുമുള്ള മത്സരമായിരിക്കും ബോള്‍ട്ടിന് ഇന്നത്തേത്. നാലാഴ്ചക്കപ്പുറം ബെയ്ജിങ്ങില്‍ നടക്കുന്ന ലോക ചാമ്പ്യന്‍ഷിപ്പിനു മുമ്പായി കരുത്തു തെളിയിക്കാനുള്ള ഏക അവസരമാണ് ലണ്ടനിലേത്. 2012 ലണ്ടന്‍ ഒളിമ്പിക്സില്‍ ബോള്‍ട്ട് സുവര്‍ണ നേട്ടത്തിലേക്ക് ഓടിക്കയറിയ ട്രാക്കിലാണു ഇന്നത്തെ മല്‍സരം. |
| അമേരിക്കയില്‍ തിയേറ്ററില്‍ വെടിവെപ്പ്: മൂന്ന് മരണം Posted: 23 Jul 2015 09:12 PM PDT Image:  വാഷിങ്ടണ്‍: അമേരിക്കയില്‍ തിരക്കേറിയ തിയേറ്ററില്‍ 58കാരന്‍ നടത്തിയ വെടിവെപ്പില്‍ രണ്ടുപേര്‍ കൊല്ലപ്പെട്ടു. ഏഴ് പേര്‍ക്ക് ഗുരുതരമായി പരിക്കേറ്റിട്ടുണ്ട്. സംഭവത്തിനു ശേഷം അക്രമി സ്വയം വെടിവെച്ച് മരിച്ചു. വ്യാഴാഴ്ച വൈകീട്ട് ലൂസിയാന സംസ്ഥാനത്തെ ലാഫിയേറ്റ തീയേറ്ററിലായിരുന്നു സംഭവം. സുരക്ഷാ അധികൃതര്‍ സംഭവ സ്ഥലത്തെ ത്തി സ്ഥിതിഗതികള്‍ നിയന്ത്രണ വിധേയമാക്കി. അന്വേഷണത്തിന്‍െറ തുടക്കഘട്ടത്തിലായതിനാല്‍ അക്രമിയെ സംബന്ധിച്ച വിവരങ്ങള്‍ അധികൃതര്‍ വ്യക്തമാക്കിയിട്ടില്ല. |
| മയക്കുമരുന്ന്: ഇന്ത്യന്‍ പൗരന്മാര്‍ക്ക് എംബസിയുടെ മുന്നറിയിപ്പ് Posted: 23 Jul 2015 08:55 PM PDT Image:  കുവൈത്ത് സിറ്റി: മയക്കുമരുന്ന് കൊണ്ടുവരുന്നതും കൈവശംവെക്കുന്നതും കുവൈത്ത് നിയമപ്രകാരം കുറ്റകരമായതിനാല്‍ ഇന്ത്യന്‍ പൗരന്മാര്‍ ഇക്കാര്യത്തില്‍ അതീവജാഗ്രത പാലിക്കണമെന്ന് ഇന്ത്യന്‍ എംബസി മുന്നറിയിപ്പ് നല്‍കി. സമീപകാലത്തായി ഇത്തരം കേസുകളില്‍ ഇന്ത്യക്കാര്‍ കൂടുതലായി പിടിക്കപ്പെടുന്നത് ശ്രദ്ധയില്‍പ്പെടുന്നതിനാലാണ് വാര്‍ത്താക്കുറിപ്പ് ഇറക്കുന്നതെന്ന് എംബസി അറിയിച്ചു. നിലവില്‍ കുവൈത്തിലെ ജയിലുകളില്‍ കഴിയുന്ന ഇന്ത്യക്കാരില്‍ 60 ശതമാനവും മയക്കുമരുന്ന് കേസില്‍ ശിക്ഷ ലഭിച്ചവരാണ്. രാജ്യത്തെ നിയമപ്രകാരം ജീവപര്യന്തമോ വധശിക്ഷയോ ലഭിക്കാവുന്ന കുറ്റമാണ് മയക്കുമരുന്ന് ഉപയോഗം, വില്‍പന, കൈവശംവെക്കല്‍, കടത്ത് തുടങ്ങിയവ. ഇത്തരം കേസുകളില്‍ അകപ്പെട്ടാല്‍ സഹായിക്കുന്നതിന് എംബസിക്ക് പരിമിതിയുണ്ടെന്നും അതുകൊണ്ടുതന്നെ പൗരന്മാര്‍ പരമാവധി ജാഗ്രത പാലിക്കുക മാത്രമാണ് പോംവഴിയെന്നും പത്രക്കുറിപ്പില്‍ വ്യക്തമാക്കി. മരിജുവാന, കൊക്കെയ്ന്‍, ഹെറോയിന്‍, മോര്‍ഫീന്‍, ഡ്രൈ ഐസ്, എല്‍.എസ്.ഡി, എം.ഡി.എം.എ (എക്സ്റ്റസി), ആംഫെറ്റമൈന്‍സ് (സപീഡ്) തുടങ്ങിയ നാര്‍കോട്ടിക് വിഭാഗത്തില്‍പ്പെടുന്നവ കൂടാതെ ആന്‍റിഡിപ്രസന്‍റ്സ്, ബാര്‍ബിച്വറേറ്റ്സ്, കാനബീസ്, ഡിപ്രസന്‍റ്സ്, ഹലൂസിനോജന്‍സ്, ഇന്‍ഹലന്‍റ്സ്, സ്റ്റെറോയിഡ്സ്, സ്റ്റിമുലന്‍റ്സ്, ടുബാകോ തുടങ്ങിയവയെല്ലാം നിരോധിത പട്ടികയില്‍പ്പെട്ടതാണ്. മറ്റുള്ളവര്‍ നല്‍കുന്ന പാക്കറ്റുകള്‍ കൊണ്ടുവരാതിരിക്കുക അടുത്ത കാലത്തായി മറ്റുള്ളവര്‍ നല്‍കിയ പാക്കറ്റുകള്‍ കൊണ്ടുവന്ന് ഇന്ത്യക്കാര്‍ പിടിയിലായ പല സംഭവങ്ങളും റിപ്പോര്‍ട്ട് ചെയ്യപ്പെട്ടിട്ടുണ്ട്. കൊണ്ടുവരുന്നവര്‍ അറിയാതെ മയക്കുമരുന്നുകളും നിരോധിത മരുന്നുകളും ഇവയിലൂടെ കുവൈത്തിലേക്ക് കടത്തുന്ന വന്‍സംഘങ്ങള്‍ തന്നെ പ്രവര്‍ത്തിക്കുന്നുണ്ട്. അതിനാല്‍, നാട്ടില്‍നിന്ന് സ്വന്തമല്ലാത്ത ഒരുവിധത്തിലുള്ള പാക്കറ്റുകളും കൊണ്ടുവരാതിരിക്കാന്‍ ഇന്ത്യന്‍ പൗരന്മാര്‍ ശ്രദ്ധിക്കണം. ഇന്ത്യയില്‍നിന്നോ കുവൈത്തിലത്തെിയശേഷമോ മറ്റുള്ളവര്‍ ബാഗേജുകള്‍ സൂക്ഷിക്കാന്‍ ഏല്‍പിച്ചാല്‍ ഏറ്റെടുക്കാതിരിക്കുക. ഉടമസ്ഥനില്ലാതെ ബാഗുകള്‍ മാത്രമായി എവിടെയെങ്കിലും എത്തിക്കാന്‍ ആവശ്യപ്പെട്ടാല്‍ ഏറ്റെടുക്കാതിരിക്കാന്‍ ടാക്സി ഡ്രൈവര്‍മാര്‍ ജാഗ്രത കാണിക്കണം. വാഹനത്തില്‍നിന്ന് ഇറങ്ങുമ്പോള്‍ യാത്രക്കാരന്‍ വല്ലതും ബോധപൂര്‍വം മറന്നുവെക്കുന്നുണ്ടോ എന്നും ശ്രദ്ധിക്കുക. മരുന്നുകള്‍ കൊണ്ടുവരുമ്പോള്‍ പ്രിസ്ക്രിപ്ഷന്‍ നിര്‍ബന്ധമായും കരുതുക ഇന്ത്യയില്‍ ലഭിക്കുന്ന പല പൊതുസ്വഭാവമുള്ള മരുന്നുകളും കുവൈത്തില്‍ പ്രിസ്ക്രൈബ്ഡ് മരുന്നുകളായതിനാല്‍ കൃത്യമായ രേഖകളില്ലാതെ നാട്ടില്‍നിന്ന് കൊണ്ടുവന്നാല്‍ ഇവിടെ പിടിക്കപ്പെടാം. അതിനാല്‍ ഡോക്ടറുടെ പ്രിസ്ക്രിപ്ഷനും മരുന്ന് വാങ്ങിയതിന്‍െറ ബില്ലും നിര്‍ബന്ധമായും കൂടെ കരുതുക. രണ്ടാഴ്ചക്ക് ആവശ്യമുള്ളതില്‍ കൂടുതല്‍ കൊണ്ടുവരാതിരിക്കുക. എണ്ണം കൂടിയാല്‍ സംശയിക്കപ്പെടാം. ആയുര്‍വേദ, ഹോമിയോ മരുന്നുകളില്‍ ആല്‍ക്കഹോളിന്‍െറ അംശമുണ്ടാവാന്‍ ഇടയുള്ളതിനാല്‍ പ്രത്യേകം ശ്രദ്ധിക്കുക. |
| ഇറാനെ ആണവായുധമുക്തമാക്കുന്ന ഏത് കരാറും സ്വീകാര്യം - സൗദി Posted: 23 Jul 2015 08:45 PM PDT Image:  ജിദ്ദ: മധ്യപൗരസ്ത്യ മേഖലക്ക് ഭീഷണി സൃഷ്ടിക്കാത്തതും ഇറാനെ ആണവായുധ മുക്തമാക്കുന്നതുമായ ഏത് കരാറും സൗദി സ്വാഗതം ചെയ്യുമെന്ന് വിദേശകാര്യ മന്ത്രി ആദില്‍ അല്‍ ജുബൈര്‍ പറഞ്ഞു. ഒൗദ്യോഗിക സന്ദര്‍ശനത്തിനത്തെിയ ഈജിപ്ത് വിദേശമന്ത്രി സാമിഹ് ശുക്രിയുമായി ജിദ്ദയില്‍ നടത്തിയ സംയുക്ത വാര്‍ത്താസമ്മേളനത്തിലാണ് മന്ത്രി ഇക്കാര്യം വ്യക്തമാക്കിയത്. മേഖലയില്‍ പ്രശ്നമുണ്ടാക്കുന്ന, തീവ്രവാദത്തെ പിന്തുണക്കുന്ന രാജ്യമാണ് ഇറാന്. അതിനാല്‍ തന്നെ ഇറാന് ആണവായുധം കൈവശപ്പെടുത്തുന്നതിനോട് യോജിക്കാനാവില്ല. അതിനിട കൊടുക്കാത്ത ഏത് അന്താരാഷ്ട്ര കരാറും സൗദി സ്വാഗതം ചെയ്യുമെന്ന് മന്ത്രി വാര്‍ത്താസമ്മേളനത്തില്‍ വ്യക്തമാക്കി. ഈജിപ്തുമായി സഹകരിച്ച് മേഖലയില്‍ സമാധാനവും സുരക്ഷയും നിലനിര്‍ത്താന്‍ സൗദി സന്നദ്ധമാണ്. ജനീവ കരാറിന്‍െറ അടിസ്ഥാനത്തില്‍ സിറിയയില്‍ സമാധാനം പുന$സ്ഥാപിക്കണമെന്നതാണ് സൗദിയുടെയും ഈജിപ്തിന്‍െറയും നിലപാട്. യമന്‍ വിഷയത്തില്‍ ഈജിപ്തില്‍ നടക്കുന്ന സമ്മേളനത്തെക്കുറിച്ചും സൗദിക്ക് നല്ല ബോധ്യമുണ്ട്. ഈജിപ്തിന്‍െറ ഏതെങ്കിലും നീക്കത്തെ സൗദി സംശയത്തോടെ കാണുന്നില്ല. യമനിലെ പ്രശ്നപരിഹാരത്തിന് രാഷ്ട്രീയവും സൈനികവുമായ നീക്കം നടത്തുന്നതില്‍ സൗദിയുടെ പങ്കാളിയാണ് ഈജിപ്ത്. സുരക്ഷയുമായി ബന്ധപ്പെട്ട വിഷയമായതിനാല്‍ ഏദനിലേക്ക് സൗദി അംബാസഡര്‍ തിരിച്ചുപോവുന്ന സമയം ഇപ്പോള്‍ പ്രഖ്യാപിക്കാനാവില്ളെന്ന് മന്ത്രി ചോദ്യത്തിനുത്തരമായി പറഞ്ഞു. |
| കുടുംബസൗഹൃദ വേദിയുടെ കലാപുരസ്കാരം ചേമഞ്ചേരി കുഞ്ഞിരാമന്‍ നായര്‍ക്ക് Posted: 23 Jul 2015 07:51 PM PDT Image:  മനാമ: ബഹ്¥ൈറനിലെ പ്രമുഖ മലയാളി സംഘടനായ കുടുംബ സൗഹൃദ വേദിയുടെ പ്രഥമ കലാപുരസ്കാരം കഥകളി ആചാര്യന്‍ ഗുരു ചേമഞ്ചേരി കുഞ്ഞിരാമന്‍ നായര്‍ക്ക് നല്‍കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. അരലക്ഷം രൂപയും പ്രശസ്തി പത്രവും അടങ്ങുന്ന അവാര്‍ഡ് ആഗസ്റ്റ് 30ന് തലശ്ശേരി ടൗണ്‍ ഹാളില്‍ നടക്കുന്ന ചടങ്ങില്‍ സമ്മാനിക്കും. 80 വര്‍ഷത്തോളമായി കഥകളി രംഗത്ത് സജീവമായ ചേമഞ്ചേരി കുഞ്ഞിരാമന്‍ നായര്‍ കേരളത്തിന്‍െറ ക്ളാസിക്കല്‍ കലാരൂപത്തിന് നല്‍കിയ സംഭാവനകള്‍ പരിഗണിച്ചാണ് ഈ അവാര്‍ഡ് നല്‍കുന്നതെന്ന് ഭാരവാഹികള്‍ പറഞ്ഞു. പരിപാടിയുടെ വിജയത്തിനായി ഉടന്‍ തലശ്ശേരിയില്‍ യോഗം ചേരും. തലശ്ശേരി അഞ്ജലി കള്‍ചറല്‍ ഫോറവുമായി ചേര്‍ന്നാണ് പരിപാടി നടത്തുന്നത്. അവാര്‍ഡ് ദാന ചടങ്ങില്‍ സാംസ്കാരിക പരിപാടികളും അരങ്ങേറും. ഗുരുവായൂര്‍ ദേവസ്വം ബോര്‍ഡ് ചെയര്‍മാന്‍ ടി.വി ചന്ദ്രമോഹന്‍, സ്വാമി ജ്ഞാന തപസ്വി, കൃഷി മന്ത്രി കെ.പി മോഹനന്‍, സാറാജോസഫ് തുടങ്ങിയവര്‍ പരിപാടിയില്‍ പങ്കെടുക്കും. എല്ലാ വര്‍ഷവും ഈ അവാര്‍ഡ് നല്‍കാന്‍ ഉദ്ദേശിക്കുന്നതായും സൗഹൃദവേദി അറിയിച്ചു. ജനറല്‍ കണ്‍വീനര്‍ കെ.ആര്‍ നായര്‍,പ്രസിഡന്‍റ് കെ.എം.അജിത് കുമാര്‍, സെക്രട്ടറി ജേക്കബ് തേക്കുതോട്, ആര്‍.പവിത്രന്‍, മനോജ് മയ്യന്നൂര്‍, തോമസ് സൈമണ്‍, ചന്ദ്രബോസ്, ജോര്‍ജ്ജ് മാത്യു, വി.സി.ഗോപാലന്‍, സി.എസ്.രാജേഷ്, തുടങ്ങിയവര്‍ വാര്‍ത്താസമ്മേളനത്തില്‍ സംബന്ധിച്ചു. |
| ഹൈകോടതിക്ക് സോഷ്യല്‍ മീഡിയയുടെ ആയിരം ലൈക് Posted: 23 Jul 2015 06:55 PM PDT Image:  Subtitle: അറ്റോണി ജനറലിനെതിരായ വിമര്‍ശം വൈറലായി കൊച്ചി: വ്യാഴാഴ്ച ഹൈകോടതിയിലുണ്ടായ അസാധാരണ സംഭവത്തെ സാമൂഹിക മാധ്യമങ്ങള്‍ ഏറ്റെടുത്തു. എ.ജിക്കെതിരായ ഹൈകോടതി വിമര്‍ശം മണിക്കൂറുകള്‍കൊണ്ട് സോഷ്യല്‍ മീഡിയയില്‍ വൈറലാവുകയായിരുന്നു. പതിവ് തമാശ കമന്‍റുകള്‍ക്കപ്പുറം ഹൈകോടതി വിമര്‍ശത്തിന്‍െറ ഗൗരവം ഉള്‍ക്കൊണ്ടുള്ള കമന്‍റുകളാണ് സോഷ്യല്‍ മീഡിയയില്‍ നിറഞ്ഞത്. |
| പൗരന്മാരുടെ സ്വകാര്യത കവര്‍ന്നെടുക്കാമെന്നോ? Posted: 23 Jul 2015 06:51 PM PDT Image:  ആധാര്‍ കാര്‍ഡ് നിര്‍ബന്ധമാക്കുന്നതിനെ അനുകൂലിച്ചുകൊണ്ട് സുപ്രീംകോടതിയില്‍ കഴിഞ്ഞദിവസം കേന്ദ്രസര്‍ക്കാറിനു വേണ്ടി അറ്റോണി ജനറല്‍ മുന്നോട്ടുവെച്ച വാദങ്ങള്‍ പൗരാവകാശങ്ങളുടെ വിഷയത്തില്‍ ഭരണകൂടം വെച്ചുപുലര്‍ത്തുന്ന അങ്ങേയറ്റം ആപത്കരവും ഫാഷിസത്തോട് അടുത്തുനില്‍ക്കുന്നതുമായ കാഴ്ചപ്പാടാണെന്ന് പറയാതിരിക്കാന്‍ വയ്യ. ഒരു വ്യക്തിയുടെ സ്വകാര്യത നമ്മുടെ ഭരണഘടന മൗലികാവകാശമായി അംഗീകരിക്കുന്നില്ളെന്നും ആധാര്‍ പദ്ധതി പ്രകാരം പൗരന്‍െറ സ്വകാര്യവിവരങ്ങള്‍ ശേഖരിച്ചുവെക്കുന്നത് ചോദ്യംചെയ്യാന്‍ അവകാശമില്ളെന്നുമാണ് അറ്റോണി ജനറല്‍ കോടതിയില്‍ ബോധിപ്പിച്ചിരിക്കുന്നത്. സ്വകാര്യത എന്നത് മൂര്‍ത്തമായ ഒരാശയമല്ലത്രെ. 1962ല്‍ ഖറക് സിങ് കേസില്‍ സ്വകാര്യതക്കുള്ള അവകാശം മൗലികമല്ളെന്ന് സുപ്രീംകോടതിയുടെ എട്ടംഗ ബെഞ്ച് വിധിച്ചിട്ടുണ്ടെന്ന് ചൂണ്ടിക്കാട്ടിയ അദ്ദേഹം പിന്നീടുണ്ടായ പല വിധികളിലും സ്വകാര്യത ഭരണഘടനയുടെ 21ാം അനുച്ഛേദം പ്രദാനംചെയ്യുന്ന മൗലികാവകാശത്തിന്‍െറ അവിഭാജ്യഘടകമാണെന്ന് ഊന്നിപ്പറഞ്ഞിട്ടുണ്ടെന്നും സമ്മതിക്കുന്നു. കഴിഞ്ഞ അര നൂറ്റാണ്ടിനിടയില്‍ പൗരസ്വാതന്ത്ര്യവും സ്വകാര്യതയും സംബന്ധിച്ച് ഇന്ത്യയിലും ആഗോളതലത്തിലും ഉരുത്തിരിഞ്ഞുവന്ന പുരോഗമന കാഴ്ചപ്പാടുകളെല്ലാം വിസ്മരിച്ചുകൊണ്ടാണ് അറുപിന്തിരിപ്പന്‍ വീക്ഷണഗതിയുമായി സര്‍ക്കാര്‍ പരമോന്നതനീതിപീഠത്തെ സമീപിച്ചിരിക്കുന്നത്. പ്രമാദമായ മേനക ഗാന്ധി കേസില്‍ വ്യക്തിയുടെ സ്വകാര്യതയിലേക്ക് ഭരണകൂടം നുഴഞ്ഞുകയറുന്നതിന്‍െറ ഭവിഷ്യത്തിനെക്കുറിച്ച് കോടതി മുന്നറിയിപ്പ് നല്‍കിയതാണ്. ആധാര്‍വിഷയം സുപ്രീംകോടതിയുടെ മുമ്പാകെ വന്നപ്പോഴെല്ലാം അത് ഒരു നിര്‍ബന്ധരേഖയായി കാണുന്നതിനെ അംഗീകരിച്ചിരുന്നില്ല. അത്തരമൊരു കാര്‍ഡ് ഇല്ലാത്തത് ന്യൂനതയായി കാണാന്‍ പാടില്ളെന്നും അത് ഇല്ലാത്തതിന്‍െറ പേരില്‍ എന്തെങ്കിലും ആനുകൂല്യങ്ങള്‍ നിഷേധിക്കരുതെന്നും ന്യായാസനം ഓര്‍മപ്പെടുത്തിയതാണ്. യു.പി.എ സര്‍ക്കാറിന്‍െറ കാലത്ത് കൊണ്ടുവന്ന ആധാര്‍ പദ്ധതിക്കെതിരെ അന്ന് ശക്തമായി നിലകൊണ്ട ബി.ജെ.പി ഇപ്പോള്‍ അത് നടപ്പാക്കാന്‍ അമിതാവേശം കാണിക്കുന്നുവെന്ന് മാത്രമല്ല, ആധാര്‍ കാര്‍ഡ് വ്യക്തിയുടെ സ്വകാര്യത കവര്‍ന്നെടുക്കാനുള്ള ഉപകരണമാണെന്ന തുടക്കത്തിലേയുള്ള ആരോപണത്തെ സാധൂകരിക്കുംവിധം ജനാധിപത്യ-പൗരാവകാശ സങ്കല്‍പങ്ങള്‍ക്ക് പുതിയ വ്യാഖ്യാനം നല്‍കാന്‍ ശ്രമിക്കുകയുമാണ്. 70 കോടി ജനങ്ങളുടെ സബ്സിഡികളും ക്ഷേമപദ്ധതികളും ആധാറുമായി ബന്ധിപ്പിച്ചാണ് കിടക്കുന്നതെന്നും 5000 കോടി രൂപ ചെലവിട്ട് നടപ്പാക്കുന്ന ഈ പദ്ധതിയില്‍നിന്ന് പിറകോട്ടു പോകുന്നത് ഖജനാവിന് ഭീമന്‍ നഷ്ടം വരുത്തിവെക്കുമെന്നൊക്കെയുള്ള വാദങ്ങള്‍ പൗരന്മാരുടെ മൗലികാവകാശത്തില്‍ കൈക്കടത്തുന്നതിന് ന്യായീകരണമാവുന്നില്ളെന്ന് എല്ലാവര്‍ക്കുമറിയാം. |
| Posted: 23 Jul 2015 06:49 PM PDT Image:  ഒരു വിദൂര സ്വപ്നമെന്ന് കരുതിയിരുന്ന ഇറാന് ആണവകരാര്‍ ഒടുവില്‍ യാഥാര്‍ഥ്യത്തിലേക്ക്. ഇസ്രായേല്‍ അടക്കമുള്ള പല രാജ്യങ്ങളുടെയും ശക്തമായ സമ്മര്‍ദം അതിജീവിച്ചാണ് ലോകം ഉറ്റു നോക്കുന്ന കരാര്‍ നടപ്പാക്കപ്പെടുന്നതെന്നതിനാല്‍ ഈ നടപടിക്ക് ലോകക്രമത്തില്‍ രാഷ്ട്രീയ പ്രാധാന്യം ഏറെയുണ്ടെന്ന കാര്യത്തില്‍ സംശയമില്ല. അതോടൊപ്പംതന്നെ ലോകത്തെ ഏറ്റവും അധികം അസംസ്കൃത എണ്ണശേഖരമുള്ള രാജ്യംകൂടിയാണ് ഇറാന്. ആണവ കരാറിനൊപ്പം ലോക എണ്ണവിപണിയില്‍ ഇറാന് കല്‍പിച്ചിട്ടുള്ള അയിത്തം അകലുന്നത് ലോക സാമ്പത്തികക്രമത്തിലും കാതലായ മാറ്റങ്ങള്‍ക്ക് കാരണമാകും. ഇന്ത്യയെപ്പോലെ അസംസ്കൃത എണ്ണ വന്‍തോതില്‍ ഇറക്കുമതി ചെയ്യുന്ന രാജ്യങ്ങള്‍ക്ക് ഇറാന്‍െറ പുനരാഗമനം ഏറെ സന്തോഷം നല്‍കുന്ന വാര്‍ത്തയാണെന്ന കാര്യത്തിലും സംശയമില്ല. |
| നാസ ഭൂമിയുടെ ‘അപരനെ’ കണ്ടെത്തി Posted: 23 Jul 2015 01:06 PM PDT Image:  Subtitle: പുതിയ ഗ്രഹം 1400 പ്രകാശവര്‍ഷം അകലെ ന്യൂയോര്‍ക്: അമേരിക്കന്‍ ബഹിരാകാശ ഗവേഷണ സ്ഥാപനമായ നാസ ഭൂമിയുടേതിന് സമാനമായ പുതിയ ഗ്രഹം കണ്ടത്തെി. ഭൂമിയില്‍നിന്ന് 1400 പ്രകാശവര്‍ഷം അകലെയുള്ള ഗ്രഹത്തിന് കെപ്ളര്‍ 452 ബി എന്നാണ് പേരുനല്‍കിയിരിക്കുന്നത്. ഭൂമിയോളം വലിപ്പമുള്ള ഗ്രഹത്തില്‍ ജീവന്‍ നിലനില്‍ക്കുന്നുണ്ടോയെന്ന് സ്ഥിരീകരിച്ചിട്ടില്ല. |
| ചിക്കമഗളൂരുവില്‍ സ്കൂളില്‍ പുള്ളിപ്പുലി Posted: 23 Jul 2015 12:47 PM PDT Image:  Subtitle: വനംവകുപ്പ് ജീവനക്കാരന് കടിയേറ്റു ബംഗളൂരു: ചിക്കമഗളൂരുവിലെ സ്വകാര്യ സ്കൂളില്‍ പുള്ളിപ്പുലി കയറിയത് പരിഭ്രാന്തി പരത്തി. ടി.എം.ടി സ്കൂളിലെ മുറിക്കുള്ളില്‍ ജീവനക്കാരനാണ് ആദ്യം പുലിയെ കണ്ടത്. ഉടന്‍തന്നെ മുറിയുടെ വാതിലടക്കുകയായിരുന്നു. പുലിയുടെ ആക്രമണത്തില്‍ വനംവകുപ്പ് ജീവനക്കാരന് ഉള്‍പ്പെടെ നാലു പേര്‍ക്ക് പരിക്കേറ്റിട്ടുണ്ട്. വനംവകുപ്പ് ജീവനക്കാരുടെ നേതൃത്വത്തില്‍ പിന്നീട് പുലിയെ പിടികൂടി സമീപത്തെ കാട്ടില്‍വിട്ടു. |
സുല്‍ത്താന്‍ ഖാബൂസിന്‍െറ ജീവിതത്തിലൂടെ കടന്നുപോകുന്നതിന് പ്രവാസികള്‍ക്കും സ്വദേശികള്‍ക്കും അവസരമൊരുക്കുന്നതാണ് ചിത്രങ്ങള്‍. മൂന്നുമാസം പ്രായമായപ്പോള്‍ മുതലുള്ള സുല്‍ത്താന്‍െറ ഫോട്ടോകള്‍ സമാഹരിച്ചാണ് ഏഴുവര്‍ഷത്തിലധികമായി ഒമാനിലുള്ള ഈ മലയാളി ചിത്രങ്ങള്‍ വരച്ചത്. നാലുവര്‍ഷത്തിലധികം സമയമെടുത്താണ് ചിത്രങ്ങള്‍ പൂര്‍ത്തിയാക്കിയതെന്ന് സജീവ് മജീദ് ‘ഗള്‍ഫ് മാധ്യമ’ത്തോട് പറഞ്ഞു. ഈ ചിത്രങ്ങള്‍ ആര്‍ക്കും വില്‍ക്കില്ല. വരുന്ന ദേശീയദിനത്തില്‍ സുല്‍ത്താന്‍ ഖാബൂസിന് സമര്‍പ്പിക്കുകയാണ് ലക്ഷ്യമെന്നും അദ്ദേഹം പറഞ്ഞു. നേരത്തേ കേരളത്തിലും മുംബൈയിലും ചിത്ര പ്രദര്‍ശനം നടത്തിയിട്ടുള്ള സജീവ് ഏഴുവര്‍ഷത്തിലധികമായി ഒമാനിലുണ്ട്. വിവിധ ഗള്‍ഫ് രാജ്യങ്ങളില്‍ ജോലിചെയ്തിട്ടുള്ള തനിക്ക് ഒമാനിലെ സമാധാനവും സുഖകരമായ ജീവിതവും ജനങ്ങളുടെ ക്ഷേമത്തിനായി പ്രവര്‍ത്തിക്കുന്ന ഭരണാധികാരിയുടെ പ്രവര്‍ത്തനങ്ങളും ഏറെ ഇഷ്ടപ്പെട്ടു. തുടര്‍ന്ന്, സുല്‍ത്താന്‍ ഖാബൂസിന്‍െറ ജീവിതത്തിലെ അപൂര്‍വനിമിഷങ്ങള്‍ കാന്‍വാസിലേക്ക് പകര്‍ത്താന്‍ തീരുമാനിക്കുകയായിരുന്നു. ജോലിസമയം കഴിഞ്ഞായിരുന്നു ചിത്രങ്ങളുടെ പണിപ്പുരയിലേക്ക് മാറിയിരുന്നത്. ഓയില്‍ പെയിന്‍റിങ്ങിലാണ് ചിത്രങ്ങള്‍ ഒരുക്കിയിരിക്കുന്നത്. ചുരുങ്ങിയത് 500 വര്‍ഷം ചിത്രം സൂക്ഷിച്ചുവെക്കാന്‍ ഓയില്‍ പെയിന്‍റിങ്ങില്‍ ചെയ്താല്‍ സാധിക്കുമെന്ന് സജീവ് പറഞ്ഞു. സുല്‍ത്താന്‍െറ ബാല്യകാലത്തെയും കുട്ടിക്കാലത്തെയും ചിത്രങ്ങള്‍ പൂര്‍ത്തിയാക്കാനാണ് ഏറെ പ്രയാസപ്പെട്ടത്. അപൂര്‍വ ഫോട്ടോകള്‍ ഫോട്ടോഷോപ്പില്‍ ചെയ്ത് കൃത്യത വരുത്തിയശേഷമാണ് ചിത്രരചനയിലേക്ക് കടന്നതെന്നും അദ്ദേഹം പറഞ്ഞു. സുല്‍ത്താന്‍ ഖാബൂസിന്‍െറ മൂന്നുമാസം മുതലുള്ള ചിത്രങ്ങള്‍ കാണുന്നതിന് നിരവധി പേരാണ് അവന്യൂസ് മാളിലത്തെുന്നത്. ഒമാനികളും പ്രവാസികളും ചിത്രങ്ങള്‍ക്കൊപ്പംനിന്ന് ഫോട്ടോ എടുക്കുന്നുണ്ട്. ജൂലൈ 30 വരെ ചിത്രപ്രദര്‍ശനം തുടരും. | You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
No comments:
Post a Comment