ജാമ്യം തേടി നിസാം സുപ്രീംകോടതിയില്‍; ഹരീഷ് സാല്‍വെ ഹാജരാകും Madhyamam News Feeds |  |
- ജാമ്യം തേടി നിസാം സുപ്രീംകോടതിയില്‍; ഹരീഷ് സാല്‍വെ ഹാജരാകും
- തദ്ദേശ സ്വയംഭരണ തെരഞ്ഞെടുപ്പ് : യു.ഡി.എഫില്‍ തീരാചര്‍ച്ച; ഇന്ന് ധാരണയായേക്കും
- ആലപ്പുഴയില്‍ ഇരുമുന്നണിയിലും സീറ്റ് വിഭജനത്തര്‍ക്കം തുടരുന്നു
- മൂന്നാറില്‍ തൊഴിലാളി സമരക്കാര്‍ റോഡ് ഉപരോധിക്കുന്നു
- കൊച്ചി നഗരസഭ: പ്രതിപക്ഷത്തെ പ്രമുഖര്‍ മത്സരരംഗത്തുണ്ടാകില്ളെന്ന് സൂചന
- പെരിന്തല്‍മണ്ണ നഗരസഭ : ലീഗില്‍ സ്നേഹം സംഗമിക്കുന്നില്ല
- ഭാവഗാനങ്ങളിലലിഞ്ഞ് ബാബുരാജ് അനുസ്മരണം
- തിഹാര്‍ ജയിലില്‍ സംഘര്‍ഷം; രണ്ട് തടവുകാര്‍ മരിച്ചു
- ബീഫ് പാര്‍ട്ടി: ജമ്മു കശ്മീര്‍ നിയമസഭയില്‍ എം.എല്‍.എക്ക് നേരെ ആക്രമണം
- യുദ്ധവിമാനം പറത്താന്‍ ഇനി വനിതാ പൈലറ്റും ^വ്യോമസേന മേധാവി
- സൈനികരോടൊപ്പം 20 വര്‍ഷം; അവസാനം ഹനീഫക്ക് രക്തസാക്ഷിത്വം
- മൂന്നു വര്‍ഷത്തിനു ശേഷം വീണ്ടും, വാര്‍ത്തകള്‍ വായിക്കുന്നത് കാസ്മി
- ലോകകപ്പ് ഫുട്ബാള്‍ യോഗ്യത: ഖത്തര്‍-ചൈന പോരാട്ടം ഇന്ന്
- മനാമ മികച്ച നഗരമെന്ന് സര്‍വെ
- പുതിയ തൊഴില്‍ നിയമം ഒരാഴ്ചക്കകം പ്രാബല്യത്തില്‍
- വിസാനിരോധം: നിയമത്തില്‍ മാറ്റമില്ളെന്ന് തൊഴില്‍മന്ത്രാലയം
- കുന്തുസ് ആശുപത്രി ആക്രമണം: ഒബാമ മാപ്പു പറഞ്ഞു
- കശ്മീര്‍ പൊലീസിലെ തീവ്രവാദ പ്രതിരോധ വിദഗ്ധന്‍ കൊല്ലപ്പെട്ടു
- സീറ്റ് വിഭജനം: ലീഗുമായുള്ള പ്രശ്നങ്ങള്‍ പരിഹരിക്കും ^ആര്യാടന്‍
- സ്വര്‍ണവില കുറഞ്ഞു; പവന് 19,840 രൂപ
- ഇന്ന് ലോക കാഴ്ചദിനം: കാഴ്ചയുള്ള കൈകളുമായി ഇവരുടെ അതിജീവനം
- അവയവദാനത്തിന്‍െറ കാരുണ്യമായി അശോകന്‍ പുതിയ ജീവിതങ്ങളിലേക്ക്
- പശുരാഷ്ട്രീയം വിളിച്ചുപറയുന്നത്
- ബി.ജെ.പി^ആര്‍.എസ്.എസ് ബന്ധം
- പശു ഫാഷിസം കാമ്പസുകളിലേക്കും
| ജാമ്യം തേടി നിസാം സുപ്രീംകോടതിയില്‍; ഹരീഷ് സാല്‍വെ ഹാജരാകും Posted: 08 Oct 2015 12:33 AM PDT Image:  തൃശൂര്‍: ചന്ദ്രബോസ് വധക്കേസിലെ പ്രതി മുഹമ്മദ് നിസാം ജാമ്യം തേടി സുപ്രീംകോടതിയെ സമീപിച്ചു. ജാമ്യാപേക്ഷ കോടതി നാളെ പരിഗണിക്കും. മുതിര്‍ന്ന അഭിഭാഷകന്‍ ഹരീഷ് സാല്‍വെയായിരിക്കും നിസാമിന് വേണ്ടി ഹാജരാകുക. സംസ്ഥാന സര്‍ക്കാറിന് വേണ്ടി കപില്‍ സിബല്‍ ഹാജരാകും. നിസാമിന്‍്റെ ജാമ്യാപേക്ഷ ജില്ലാ അഡീഷനല്‍ സെഷന്‍സ് കോടതി നേരത്തെ തള്ളിയിരുന്നു. കഴിഞ്ഞ ജനുവരി 29നു പുലര്‍ച്ചെയാണു പുഴക്കല്‍ ശോഭാ സിറ്റിയിലെ സെക്യൂരിറ്റി ജീവനക്കാരന്‍ ചന്ദ്രബോസിനെ നിസാം കാറിടിപ്പിച്ചും മര്‍ദിച്ചും കൊലപ്പെടുത്താന്‍ ശ്രമിച്ചത്. അന്നുതന്നെ പൊലീസ് ശോഭാസിറ്റിയിലെ താമസക്കാരനായ മുഹമ്മദ് നിസാമിനെ കസ്റ്റഡിയിലെടുത്തു. ചന്ദ്രബോസ് പിന്നീട് ആശുപത്രിയില്‍ മരിച്ചു. |
| തദ്ദേശ സ്വയംഭരണ തെരഞ്ഞെടുപ്പ് : യു.ഡി.എഫില്‍ തീരാചര്‍ച്ച; ഇന്ന് ധാരണയായേക്കും Posted: 08 Oct 2015 12:10 AM PDT കണ്ണൂര്‍: കോര്‍പറേഷനിലെ സീറ്റു സംബന്ധിച്ച് യു.ഡി.എഫില്‍ തീരാചര്‍ച്ച. പാതിയോളം സീറ്റ് ലീഗ് ആവശ്യപ്പെട്ടുവെങ്കിലും സമ്മതിക്കാന്‍ കോണ്‍ഗ്രസ് നേതൃത്വം തയാറായിട്ടില്ല. ഒറ്റക്കു ഭരിക്കാനുള്ള ഭൂരിപക്ഷം നേടുമെന്ന ആത്മവിശ്വാസമുള്ള കോണ്‍ഗ്രസ് നഗരസഭയില്‍ സംഭവിച്ചതു പോലെ ലീഗിന്‍െറ ആധിപത്യം അനുവദിക്കേണ്ടെന്ന നിലപാടിലാണ്. നാല്‍പതില്‍ കൂടുതല്‍ സീറ്റുകളില്‍ കോണ്‍ഗ്രസ് മത്സരിക്കണമെന്നാണ് പ്രവര്‍ത്തകരുടെ ആവശ്യം. ഇതു മുന്‍നിര്‍ത്തിയാണ് യു.ഡി.എഫ് ചര്‍ച്ചകളെ കോണ്‍ഗ്രസ് തങ്ങളുടെ വഴിക്ക് നയിക്കുന്നത്. എന്നാല്‍, നഗരസഭയില്‍ തങ്ങള്‍ക്കുള്ള മേല്‍ക്കൈ വെറുതെ വിട്ടുകൊടുക്കാന്‍ ലീഗ് തയാറാകുന്നില്ല. കല്ലും പതിരും വേര്‍തിരിച്ച് മണ്ഡലങ്ങളിലെ വോട്ടുകളും നിരത്തി ഇവര്‍ തങ്ങളുടെ ഭാഗം വിശദീകരിക്കുന്നു. ചര്‍ച്ചകള്‍ തുടങ്ങി രണ്ടുതവണ അലസിപ്പിരിഞ്ഞതിനു ശേഷമാണ് ബുധനാഴ്ചയും യോഗം ചേര്‍ന്നത്. എന്നാല്‍, പല കാര്യങ്ങളിലും വിട്ടുവീഴ്ചകളില്ലാത്ത നിലപാട് പാര്‍ട്ടികള്‍ സ്വീകരിച്ചതോടെ യു.ഡി.എഫ് നേതൃത്വം പ്രതിസന്ധിയിലായി. ബുധനാഴ്ച നടന്ന സംസ്ഥാന യു.ഡി.എഫ് നേതൃത്വത്തിന്‍െറ സ്ഥാനാര്‍ഥി നിര്‍ണയ മാനദണ്ഡങ്ങള്‍ക്കനുസരിച്ചു മാത്രമേ അവസാന തീരുമാനമുണ്ടാവുകയുള്ളൂവെന്ന് യു.ഡി.എഫ് ജില്ലാ ചെയര്‍മാര്‍ എ.ഡി. മുസ്തഫ പറഞ്ഞു. വ്യാഴാഴ്ച ഉച്ചക്ക് യാത്രി നിവാസില്‍ ചേരുന്ന യോഗത്തില്‍ സീറ്റ് വിഭജനം സംബന്ധിച്ച് കൂടുതല്‍ കാര്യങ്ങള്‍ തീരുമാനിക്കാനാണ് സാധ്യത. ലീഗിന് ശക്തമായ അടിത്തറയുള്ള പല ഡിവിഷനുകളും വനിതാ സംവരണത്തിലായതോടെ പ്രമുഖരില്‍ പലരും ഡിവിഷന്‍ മാറി മത്സരിക്കുന്നതിനുള്ള ഒരുക്കത്തിലാണ്. എല്‍.ഡി.എഫ് അവസാന ലാപ്പിലേക്ക് |
| ആലപ്പുഴയില്‍ ഇരുമുന്നണിയിലും സീറ്റ് വിഭജനത്തര്‍ക്കം തുടരുന്നു Posted: 08 Oct 2015 12:04 AM PDT ആലപ്പുഴ: ആലപ്പുഴ നഗരസഭയില്‍ യു.ഡി.എഫിലും എല്‍.ഡി.എഫിലും സീറ്റ് വിഭജന ചര്‍ച്ചകള്‍ സജീവം. ഇടതുമുന്നണിയില്‍ പ്രധാന ഘടകകക്ഷികളായ സി.പി.എമ്മും സി.പി.ഐയും തമ്മില്‍ സീറ്റ് പങ്കിടുന്നതിനെ ചൊല്ലി ഏകദേശ ധാരണായി. എന്നാല്‍, മറ്റ് ഘടകകക്ഷികള്‍ക്ക് നല്‍കേണ്ട സീറ്റുകളെ ചൊല്ലി തര്‍ക്കം നിലനില്‍ക്കുകയാണ്. സി.പി.എം 30 സീറ്റിലും സി.പി.ഐ 15 സീറ്റിലും മത്സരിക്കാനാണ് ധാരണയായത്. 52ല്‍ ഏഴുസീറ്റ് മറ്റ് ഘടകക്ഷികള്‍ക്ക് നല്‍കും. ജനതാദള്‍-എസ് നാലുസീറ്റ് ചോദിച്ചും രംഗത്തുണ്ട്. ഇവര്‍ക്ക് ഒരു സീറ്റ് നല്‍കാമെന്ന് മാത്രമാണ് ഇതുവരെ സമ്മതിച്ചിരിക്കുന്നത്. |
| മൂന്നാറില്‍ തൊഴിലാളി സമരക്കാര്‍ റോഡ് ഉപരോധിക്കുന്നു Posted: 07 Oct 2015 11:58 PM PDT Image:  മൂന്നാര്‍: മിനിമം ദിവസ വേതനം ആവശ്യപ്പെട്ട് മൂന്നാറില്‍ തോട്ടം തൊഴിലാളികള്‍ നടത്തുന്ന സമരം ശക്തിപ്രാപിക്കുന്നു. സമരത്തിന്‍െറ ഭാഗമായി മൂന്നാറിലും പരിസരങ്ങളിലുമായി 15 മേഖലകളില്‍ സമരക്കാരും തൊഴിലാളികളും റോഡ് ഉപരോധിക്കുന്നുണ്ട്. മൂന്നാര്‍^ഉദുമല്‍പേട്ട, കൊല്ലം^മധുര അടക്കമുള്ള ദേശീയപാതകളില്‍ വാഹന ഗതാഗതം തടസപ്പെട്ടു. തൊഴിലാളി സമരത്തിന് പിന്തുണ പ്രഖ്യാപിച്ച് മൂന്നാര്‍ ടൗണിലെ വ്യാപാരികളും കടകളടച്ചിട്ടുണ്ട്. ആറു മണിവരെ റോഡ് ഉപരോധം തുടരുമെന്ന് തൊഴിലാളി സംഘടനകള്‍ അറിയിച്ചു. മൂന്നാറിലെ ത്തിയ നിരവധി വിനോദ സഞ്ചാരികള്‍ വഴിയില്‍ കുടുങ്ങി. എന്നാല്‍, അവശ്യ സര്‍വീസുകളെ ഒഴിവാക്കിയാണ് ഉപരോധം. സംഘര്‍ഷം മുന്നില്‍കണ്ട് പ്രദേശങ്ങളില്‍ പൊലീസ് സേനയെ വിന്യസിച്ചു. സമാന രീതിയില്‍ തൊഴിലാളികള്‍ വയനാട്ടിലും റോഡ് ഉപരോധിക്കുന്നുണ്ട്. അന്തര്‍ സംസ്ഥാന, സംസ്ഥാന പാതകളിലും വാഹന ഗതാഗതം തടസപ്പെട്ടു. അതേസമയം, മൂന്നാറില്‍ രാപകല്‍ അനിശ്ചിതകാല റോഡ് ഉപരോധം തുടങ്ങുന്നതിന് വനിതാ തൊഴിലാളി കൂട്ടായ്മയായ പെമ്പിളൈ ഒരുമൈ തീരുമാനിച്ചു. സമരത്തിന്‍െറ ഭാഗമായി തിരിച്ചറിയല്‍ കാര്‍ഡും റേഷന്‍ കാര്‍ഡും ആധാര്‍ കാര്‍ഡും അധികൃതരെ തിരിച്ചേല്‍പ്പിക്കും. മിനിമം കൂലി വര്‍ധന എന്ന മൂന്നാറിലെ തൊഴിലാളികളുടെ ആവശ്യം പരിഹരിക്കാനായി മുഖ്യമന്ത്രി ഉമ്മന്‍ചാണ്ടിയുടെ അധ്യക്ഷതയില്‍ ചൊവ്വാഴ്ച വീണ്ടും ചര്‍ച്ച നടക്കും. തൊഴില്‍ മന്ത്രി ഷിബു ബേബി ജോണും ട്രേഡ് യൂണിയന്‍ നേതാക്കളും ചര്‍ച്ചയില്‍ പങ്കെടുക്കും. ബുധനാഴ്ച ചേര്‍ന്ന പ്ളാന്‍േറഷന്‍ ലേബര്‍ കമ്മിറ്റി യോഗം പരാജയപ്പെട്ട സാഹചര്യത്തിലാണ് മുഖ്യമന്ത്രി വീണ്ടും ചര്‍ച്ച നടത്തുന്നത്. പി.എല്‍സി യോഗം പരാജയപ്പെട്ടതിനെ തുടര്‍ന്ന് സമരം സെക്രട്ടേറിയറ്റിന് മുന്നിലേക്കു കൂടി വ്യാപിപ്പിക്കാന്‍ സംയുക്ത തൊഴിലാളി യൂനിയനുകള്‍ തീരുമാനിച്ചു. സെക്രട്ടേറിയറ്റ് മാര്‍ച്ചും തുടര്‍ന്ന് അനിശ്ചിതകാല സത്യഗ്രഹവും ആരംഭിക്കാനാണ് നീക്കം. |
| കൊച്ചി നഗരസഭ: പ്രതിപക്ഷത്തെ പ്രമുഖര്‍ മത്സരരംഗത്തുണ്ടാകില്ളെന്ന് സൂചന Posted: 07 Oct 2015 11:57 PM PDT കൊച്ചി: പലപ്പോഴും പ്രതിപക്ഷ നേതാവിന്‍െറ റോളില്‍ എത്തി നയിക്കുകയും ഭരണപക്ഷത്തെ മുള്‍മുനയില്‍ നിര്‍ത്തുകയും ചെയ്ത അഡ്വ. അനില്‍കുമാര്‍ ഉള്‍പ്പെടെ പ്രതിപക്ഷത്തെ പല പ്രമുഖരും ഇക്കുറി നഗരസഭാ തെരഞ്ഞെടുപ്പ് രംഗത്തുണ്ടാവില്ളെന്ന് സൂചന. നഗരസഭയില്‍ മിന്നുന്ന പ്രകടനം കാഴ്ച്ചവെച്ച എം.പി. മഹേഷ്കുമാര്‍, അഡ്വ. എന്‍.എ. ഷഫീഖ് തുടങ്ങിയവരുടെ പേരുകളാണ് ഈ നിരയില്‍ ഉയര്‍ന്നിരിക്കുന്നത്. ഇവരുടെ അഭാവത്തില്‍ എല്‍.ഡി.എഫിന് മത്സരം കടുത്തതാകും. |
| പെരിന്തല്‍മണ്ണ നഗരസഭ : ലീഗില്‍ സ്നേഹം സംഗമിക്കുന്നില്ല Posted: 07 Oct 2015 11:51 PM PDT പെരിന്തല്‍മണ്ണ: നാമനിര്‍ദേശ പത്രിക സമര്‍പ്പിക്കാനുള്ള ആദ്യദിനം കഴിഞ്ഞിട്ടും പെരിന്തല്‍മണ്ണ നഗരസഭയില്‍ മുസ്ലിം ലീഗില്‍ സ്ഥാനാര്‍ഥികളെ സംബന്ധിച്ച് നേതൃത്വം ഇരുട്ടില്‍ തപ്പുന്നു. മുനിസിപ്പല്‍ ലീഗില്‍ സ്ഥാനാര്‍ഥി മോഹവുമായി നിരവധി പേരാണുള്ളത്. നഗരസഭ കൂടി ഉള്‍പ്പെടുന്ന പെരിന്തല്‍മണ്ണ നിയോജക മണ്ഡലത്തില്‍ മന്ത്രി മഞ്ഞളാംകുഴി അലിയെ അനുകൂലിക്കുന്നവരും എതിര്‍ക്കുന്നവരും എന്ന ചേരിതിരിവില്‍ നട്ടം തിരിയുകയാണ് പാര്‍ട്ടി. |
| ഭാവഗാനങ്ങളിലലിഞ്ഞ് ബാബുരാജ് അനുസ്മരണം Posted: 07 Oct 2015 11:24 PM PDT കോഴിക്കോട്: അനുരാഗഗാനം പോലെ... അഴകിന്‍െറ അലപോലെ എന്നുതുടങ്ങുന്ന ഉദ്യോഗസ്ഥയിലെ ഗാനം മലയാളത്തിന്‍െറ ഭാവഗായകന്‍ പാടിയപ്പോള്‍ ആസ്വാദകര്‍ ദശാബ്ദങ്ങള്‍ പിന്നോട്ടുപോയി. 1967ല്‍ പി. ജയചന്ദ്രന്‍ പാടി അവിസ്മരണീയമാക്കിയ, ബാബുരാജ് ഈണം പകര്‍ന്ന അനുരാഗ ഗാനം അതേ ഭാവത്തോടെ പാടി അവസാനിപ്പിക്കുമ്പോള്‍ സദസ്സില്‍നിന്നും നിര്‍ത്താത്ത കൈയടി. തുടര്‍ന്ന് അദ്ദേഹം പാടിയ അഗ്നിപുത്രിയിലെ ഇനിയും പുഴയൊഴുകും... ഇതുവഴി ഇനിയും കുളിര്‍കാറ്റോടിവരും... എന്ന പാട്ടും അവര്‍ ഹൃദയത്തിലേറ്റി. ബാബുരാജിന്‍െറ പേരിലുള്ള പുരസ്കാരം ഏറ്റുവാങ്ങിയശേഷമാണ് പി. ജയചന്ദ്രന്‍ പാട്ടുകളാല്‍ സദസ്സിനെ കൈയിലെടുത്തത്. മലയാളികളുടെ പ്രിയങ്കരനായ സംഗീത സംവിധായകന്‍ എം.എസ്. ബാബുരാജിന്‍െറ ചരമദിനത്തില്‍ അനുസ്മരണ സമിതിയുടെ ആഭിമുഖ്യത്തിലാണ് ടാഗോര്‍ ഹാളില്‍ 37ാം അനുസ്മരണ പരിപാടിയും പുരസ്കാര സമര്‍പ്പണവും നടന്നത്. എല്ലാ മലയാളികളുടെയും മനസ്സില്‍ ഇടമുള്ള സംഗീത സംവിധായകനാണ് ബാബുരാജെന്ന് പി. ജയചന്ദ്രന്‍ പറഞ്ഞു. ജി. ദേവരാജന്‍, വി. ദക്ഷിണാമൂര്‍ത്തി, കെ. രാഘവന്‍, എം.കെ. അര്‍ജുനന്‍, എം.എസ്. ബാബുരാജ് എന്നീ അഞ്ചു മാസ്റ്റര്‍മാരാണ് മലയാള സംഗീതത്തിലുള്ളതെന്നും അതില്‍ തനിക്കേറ്റവും ഇഷ്ടം ബാബുരാജിനോടാണെന്നും അദ്ദേഹം പറഞ്ഞു. ഉദ്ഘാടനവും പുരസ്കാരസമര്‍പ്പണവും ജില്ലാ കലക്ടര്‍ എന്‍. പ്രശാന്ത് നിര്‍വഹിച്ചു. 1000ത്തിലധികം നാടകഗാനങ്ങള്‍ എഴുതിയ പൂച്ചാക്കല്‍ ഷാഹുലിനെയും ഗായകന്‍ എം.എസ്. നസീമിനെയും ആദരിച്ചു. ഡോ. മൊയ്തു അധ്യക്ഷത വഹിച്ചു. പി.കെ. സുനില്‍കുമാര്‍, കമാല്‍ വരദൂര്‍ തുടങ്ങിയവര്‍ സംസാരിച്ചു. ബാബുരാജിന്‍െറ പത്നി ബിച്ച ബാബുരാജും ചടങ്ങില്‍ സംബന്ധിച്ചു. പുരസ്കാര സമര്‍പ്പണത്തിനുശേഷം നടന്ന ഗാനസന്ധ്യയില്‍ പിന്നണി ഗായകരായ ആര്‍. ഉഷ, മെറിന്‍ ഗ്രിഗറി, വിനോദ്, സുനില്‍കുമാര്‍, വിനോദ്കുമാര്‍ തുടങ്ങിയവരും ബാബുരാജിന്‍െറ മകന്‍ ജബ്ബാര്‍ ബാബുരാജ്, പേരക്കുട്ടി നിമിഷ സലീം എന്നിവരും ഗാനങ്ങള്‍ ആലപിച്ചു. കാളിന്ദി തടത്തിലെ രാധ, ഇതു മാത്രം ഇതു മാത്രം, തളിരിട്ട കിനാക്കള്‍, ഇന്നെന്‍െറ കരളിലെ, താനെ തിരിഞ്ഞും, പുള്ളിമാനല്ല തുടങ്ങിയ ബാബുരാജ് ഈണം നല്‍കിയ അനശ്വര ഗാനങ്ങളാല്‍ ബാബുരാജ് അനുസ്മരണം സംഗീതസാന്ദ്രമായി. |
| തിഹാര്‍ ജയിലില്‍ സംഘര്‍ഷം; രണ്ട് തടവുകാര്‍ മരിച്ചു Posted: 07 Oct 2015 11:20 PM PDT Image:  ന്യൂഡല്‍ഹി: ഡല്‍ഹിലെ തിഹാര്‍ ജയിലിലുണ്ടായ സംഘര്‍ഷത്തില്‍ രണ്ട് തടവുകാര്‍ മരിച്ചു. ഒമ്പതു പേര്‍ക്ക് പരിക്കേറ്റു. അതീവ സുരക്ഷ ബ്ളോക്കിലെ തടവുകാരും മറ്റൊരു സംഘവും തമ്മിലാണ് ഏറ്റുമുട്ടിയത്. മൂര്‍ച്ചയുള്ള ആയുധങ്ങള്‍ ഉപയോഗിച്ചായിരുന്നു ആക്രമണമെന്ന് ജയില്‍ അധികൃതര്‍ അറിയിച്ചു. ഈശ്വര്‍, അനില്‍ എന്നീ തടവുകാരാണ് മരണപ്പെട്ടത്. പരിക്കേറ്റവരെ ദീന്‍ദയാല്‍ ഉപാദ്ധ്യായ ആശുപത്രിയില്‍ പ്രവേശിപ്പിച്ചു. ബുധനാഴ്ച ഉച്ചക്ക് രണ്ട് മണി മുതല്‍ ജയിലിനുള്ളില്‍ അക്രമ പരമ്പരകള്‍ ആരംഭിച്ചിരുന്നു. വൈദ്യപരിശോധനക്ക് ശേഷം മടങ്ങിയെത്തിയ അതീവ സുരക്ഷയുള്ള ഒന്നാം നമ്പര്‍ ജയിലിലെ ഈശ്വര്‍, വിജയ്, ഷദാബ് എന്നിവര്‍ക്കാണ് ആദ്യം മര്‍ദനമേറ്റത്. തുടര്‍ന്ന് അനില്‍, വസു, സന്ദീപ് എന്നിവരെ മര്‍ദിച്ചു. തുടര്‍ന്ന് രണ്ട് സംഘങ്ങളായി തിരിഞ്ഞ തടവുകാര്‍ ആയുധങ്ങളുമായി ഏറ്റുമുട്ടുകയായിരുന്നു. നിരവധി ക്രിമിനല്‍ കേസുകളില്‍ പ്രതികളായവരാണ് ഏറ്റുമുട്ടിയതെന്ന് അഡിഷനല്‍ ഇന്‍സ്പെക്ടര്‍ ജനറല്‍ (ജയില്‍) മുകേഷ് പ്രസാദ് അറിയിച്ചു. സംഘര്‍ഷത്തെ തുടര്‍ന്ന് ജയിലിനുള്ളില്‍ സുരക്ഷ ശക്തമാക്കി. സംഭവത്തെ കുറിച്ച് ജയില്‍ അധികൃതര്‍ അന്വേഷണം തുടങ്ങി. |
| ബീഫ് പാര്‍ട്ടി: ജമ്മു കശ്മീര്‍ നിയമസഭയില്‍ എം.എല്‍.എക്ക് നേരെ ആക്രമണം Posted: 07 Oct 2015 11:20 PM PDT Image:  ശ്രീനഗര്‍: ജമ്മു കശ്മീര്‍ നിയമസഭയില്‍ സ്വതന്ത്ര എം.എല്‍.എക്കുനേരെ ബി.ജെ.പി അംഗങ്ങളുടെ ആക്രമണം. സ്വതന്ത്ര എം.എല്‍.എയായ ശൈഖ് അബ്ദുല്‍ റാഷിദിനെയാണ്. ബി.ജെ.പി എം.എല്‍.എമാര്‍ നിയമസഭക്കുള്ളില്‍ കൂട്ടം ചേര്‍ന്ന് മര്‍ദിച്ചത്.നാഷനല്‍ കോണ്‍ഫറന്‍സ്, കോണ്‍ഗ്രസ് അംഗങ്ങളത്തെിയാണ് എം.എല്‍.എയെ സംരക്ഷിച്ചത്. ബീഫ് നിരോധിക്കാനുള്ള നീക്കത്തില്‍ പ്രതിഷേധിച്ച് കഴിഞ്ഞ ദിവസം അബ്ദുല്‍ റാഷിദ് ബീഫ് പാര്‍ട്ടി നടത്തിയിരുന്നു. ബീഫ് നിരോധം കര്‍ശനമായി നടപ്പാക്കാന്‍ ജമ്മു കശ്മീര്‍ ഹൈകോടതി ഡിവിഷന്‍ ബെഞ്ച് പൊലീസിനോട് നിര്‍ദേശിച്ചിരുന്നു. ഇതിന് പിന്നാലെയാണ് പ്രതിഷേധ സൂചകമായി എം.എല്‍.എ ഹോസ്റ്റലിലെ ഉദ്യാനത്തില്‍ റാഷിദ് ബീഫ് പാര്‍ട്ടി നടത്തിയത്. ജനങ്ങള്‍ എന്ത് കഴിക്കണമെന്ന് തീരുമാനിക്കാന്‍ നിയമനിര്‍മാണ സഭകള്‍ക്കോ കോടതികള്‍ക്കോ അധികാരമില്ളെന്ന് അദ്ദേഹം പറഞ്ഞു.
|
| യുദ്ധവിമാനം പറത്താന്‍ ഇനി വനിതാ പൈലറ്റും ^വ്യോമസേന മേധാവി Posted: 07 Oct 2015 10:22 PM PDT Image:  ന്യൂഡല്‍ഹി: ഇന്ത്യന്‍ വ്യോമസേനയില്‍ യുദ്ധവിമാനം പറത്താന്‍ ഉടന്‍തന്നെ വനിതാ പൈലറ്റുമാരെ നിയമിക്കുമെന്ന് വ്യോമസേന മേധാവി അരൂപ് റാഹ. വിമാനങ്ങളും ഹെലിക്കോപ്ടറുകളും പറത്താന്‍ നിലവില്‍ വനിതാ പൈലറ്റുമാരുണ്ട്. യുദ്ധമുന്നണിയിലേക്ക് വനിതകളെ കൊണ്ടുവരുന്നതിന്‍െറ ഭാഗമായി യുദ്ധവിമാനം പറത്തുന്നതിന് വനിതാ പൈലറ്റുമാരെ നിശ്ചയിക്കുന്ന കാര്യം പരിഗണനയിലാണെന്ന് അരൂപ് റാഹ പറഞ്ഞു. 83ാമത് വ്യോമസേന ദിനത്തില്‍ സംസാരിക്കുകയായിരുന്നു അദ്ദേഹം. സ്ത്രീകളെ യുദ്ധമുഖത്തേക്ക് പറഞ്ഞയക്കാന്‍ മുമ്പ് വ്യോമസേന അനുമതി നല്‍കിയിരുന്നില്ല. എന്നാല്‍ അനുമതി നല്‍കിയാല്‍ സേനയുടെ ചരിത്രനേട്ടമായിരിക്കും ഇത്. |
| സൈനികരോടൊപ്പം 20 വര്‍ഷം; അവസാനം ഹനീഫക്ക് രക്തസാക്ഷിത്വം Posted: 07 Oct 2015 09:43 PM PDT Image:  ദുബൈ: യമനിലെ ഏദനില്‍ ഹൂതികള്‍ നടത്തിയ ആക്രമണത്തില്‍ കൊല്ലപ്പെട്ട മലപ്പുറം താനൂരിനടുത്ത് ഒഴൂര്‍ എരനല്ലൂര്‍ കോതങ്ങാത്ത് പറമ്പില്‍ ഹനീഫ (52) 20 വര്‍ഷത്തിലേറെയായി യു.എ.ഇ സൈനിക ക്യാമ്പില്‍ സഹായിയായി ജോലിക്ക് ചേര്‍ന്നിട്ട്. അനുജന്‍ ഉസ്മാനും മരുമക്കളായ ഷക്കീറും ഇല്യാസ് ഹുദവിയും മറ്റു ബന്ധുക്കളും നാട്ടുകാരുമൊക്കെ യു.എ.ഇയിലുണ്ട്. ഹനീഫയുടെ കൂടെ ജോലി ചെയ്ത മുന്‍ ഉദ്യോഗസ്ഥനാണ് മരണവിവരം ആദ്യം മരുമകന്‍ ഷക്കീറിനെ അറിയിച്ചത്. ബുധനാഴ്ച ഉച്ചയോടെ സൈനിക ക്യാമ്പില്‍ നിന്ന് ദൂതന്‍ വന്ന് ഹനീഫ രക്തസാക്ഷിയായതായി ഒൗദ്യോഗികമായി അറിയിക്കുകയും ചെയ്തു. പുലര്‍ച്ചെ ഹനീഫ് ജോലി ചെയ്യുമ്പോഴാണ് ഹൂതികളുടെ റോക്കറ്റാക്രമണം ഉണ്ടായതെന്നാണ് ലഭിച്ച വിവരമെന്ന് ഷക്കീര്‍ ‘ഗള്‍ഫ് മാധ്യമ’ത്തോട് പറഞ്ഞു. മൃതദേഹം ബുധനാഴ്ച രാത്രിയോടെ അബൂദബിയിലത്തെിക്കുമെന്നാണ് സൈന്യം അറിയിച്ചത്. ചൊവ്വാഴ്ച ഹനീഫയുടെ ഒപ്പം മരിച്ച നാലു സൈനികരുടെ മൃതദേഹം ബുധനാഴ്ച രാജ്യത്ത് എത്തിച്ചിട്ടുണ്ട്. യമനിലെ ഏദന്‍ നഗരത്തില്‍ ചൊവ്വാഴ്ചയുണ്ടായ ഹൂതി ആക്രമണത്തില്‍ നാലു യു.എ.ഇ സൈനികര്‍ ഉള്‍പ്പെടെ 16 പേരാണ് കൊല്ലപ്പെട്ടത്. യമന്‍ സൈനിക നടപടിയില്‍ സഖ്യസേനക്കൊപ്പം ചേര്‍ന്നശേഷം. യു.എ.ഇക്ക് 56 സൈനികരെയാണ് ഇതുവരെ നഷ്ടപ്പെട്ടത്. കഴിഞ്ഞ മാസം മആരിബില്‍ ആയുധപ്പുരക്ക് നേരെയുണ്ടായ മിസൈല്‍ ആക്രമണത്തില്‍ 52 യു.എ.ഇ സൈനികര്‍ കൊല്ലപ്പെട്ടിരുന്നു. |
| മൂന്നു വര്‍ഷത്തിനു ശേഷം വീണ്ടും, വാര്‍ത്തകള്‍ വായിക്കുന്നത് കാസ്മി Posted: 07 Oct 2015 09:40 PM PDT Image:  ന്യൂഡല്‍ഹി: മൂന്നുവര്‍ഷത്തിനുശേഷം ആ ശബ്ദം മുഴങ്ങി. കഴിഞ്ഞ ദിവസം ഇസ്ലാമിക് റിപ്പബ്ളിക് ഓഫ് ഇറാന്‍ ബ്രോഡ്കാസ്റ്റിങ് (ഐ.ആര്‍.ഐ.ബി) വാര്‍ത്തയില്‍ കേട്ട ശബ്ദം കാസ്മിയുടെതായിരുന്നു. ആരോപണങ്ങളുടെ മറവില്‍ കരിനിയമം ചുമത്തി കല്‍ത്തുറങ്കിലടക്കപ്പെട്ട മുഹമ്മദ് അഹ്മദ് കാസ്മി എന്ന മാധ്യമപ്രവര്‍ത്തകന്‍െറ തിരിച്ചുവരവായിരുന്നു അത്. |
| ലോകകപ്പ് ഫുട്ബാള്‍ യോഗ്യത: ഖത്തര്‍-ചൈന പോരാട്ടം ഇന്ന് Posted: 07 Oct 2015 09:35 PM PDT Image:  ദോഹ: ലോകകപ്പ് യോഗ്യതാ മത്സരത്തില്‍ ഏഷ്യയില്‍ നിന്നുള്ള ഗ്രൂപ്പ് സിയിലെ നാലാം റൗണ്ടില്‍ ഖത്തറും ചൈനയും വൈകുന്നേരം ഏറ്റുമുട്ടുമ്പോള്‍ മത്സരം തീപാറുമെന്നുറപ്പ്. അല്‍ സദ്ദിലെ ജാസിം ബിന്‍ ഹമദ് സ്റ്റേഡിയത്തില്‍ ഇന്ന് വൈകിട്ട് 6.30നാണ് വമ്പന്‍ പോരാട്ടം നടക്കുക. കഴിഞ്ഞ മൂന്ന് മത്സരങ്ങളിലും ആധികാരികമായി ജയിച്ചതിനാലും മത്സരം നടക്കുന്നത് സ്വന്തം ഗ്രൗണ്ടിലായതിനാലും മേധാവിത്വം അന്നാബികളെന്നറിയപ്പെടുന്ന ഖത്തറിനാണെങ്കിലും ചൈനയെ എഴുതിത്തള്ളാനാവില്ല. ലോക റാങ്കിങില്‍ ഖത്തറിനേക്കാള്‍ ഒരു പടി മുന്നിലുള്ള ചൈന മത്സരമികവിലും മുന്നില്‍ തന്നെയാണ്. ഗ്രൂപ്പിലെ രണ്ടാം മത്സരത്തില്‍ ഹോങ്കോങിന് മുന്നില്‍ സമനില പാലിച്ചതാണ് ചൈനക്ക് അല്‍പം പരിഭ്രമിക്കാനുള്ളത്. മറ്റു മത്സരങ്ങളില്‍ ഭൂട്ടാനെ എതിരില്ലാത്ത ആറു ഗോളിനും മാലിദ്വീപിനെ മൂന്ന് ഗോളിനും തോല്‍പിച്ചാണ് ചൈനക്കാരുടെ വരവെങ്കിലും ഖത്തര്‍ ക്യാമ്പ് ആത്മവിശ്വാസത്തിലാണ്. കളിച്ച മൂന്നിലും ആധികാരികമായി വിജയം വരിച്ച ഖത്തരികള്‍ വിജയപരമ്പര തുടരാന്‍ തന്നെയാണ് ഉറുഗ്വേക്കാരനായ കോച്ച് ദാനിയല്‍ കാരിനോയുടെ കീഴില്‍ ഇറങ്ങുന്നത്. കാരിനോയുടെ വരവോടെ ടീമിന്‍െറ ശൈലിയില്‍ തന്നെ മാറ്റങ്ങള്‍ വരുത്തിയതും വമ്പന്‍ മത്സരങ്ങളില്‍ പതറാതെ കളിക്കുന്നതിന് ടീമിനെ സഹായിക്കുന്നുണ്ട്. എന്നാല്‍ ഇതുവരെ വ്യക്തിഗത മികവിന് പകരം ടീം ഗെയിമിലേക്ക് വരാത്തത് ചൈനക്കെതിരായ മത്സരത്തെ ബാധിക്കുമെന്ന ആശങ്കയുണ്ട്. ഹസന്‍ ഹൈദോസും അലീ അസദും സെബാസ്റ്റ്യന്‍ സോറിയയും മികച്ച ഫോമിലായതും പരിക്കില്‍ നിന്ന് മോചിതനായി ഖല്‍ഫാന്‍ ഇബ്രാഹിം തിരിച്ചു വന്നതും ക്യാമ്പില്‍ ആത്മവിശ്വസം വര്‍ധിപ്പിച്ചിട്ടുണ്ട്. 2019ല്‍ യു.എ.ഇയില്‍ നടക്കുന്ന ഏഷ്യാ കപ്പ് ഫുട്ബോളിലേക്കുള്ള യോഗ്യതാ മത്സരം കൂടിയാണ് നടക്കുന്നതെന്നതിനാല്‍ മികച്ച പ്രകടനം പുറത്തെടുത്ത് ജയിക്കാനാണ് ഇരുകൂട്ടരും ശ്രമിക്കുക. മത്സര ടിക്കറ്റുകള്‍ സൗജന്യമായിരിക്കുമെന്നും പ്രധാന സ്പോണ്‍സര്‍മാരായ ഖത്തര്‍ നാഷണല്‍ ബാങ്ക്, ഷെല്‍ ഖത്തര്‍, അഅ്മാല്‍ എക്സേഞ്ച് എന്നിവര്‍ ഇതിന്‍െറ വഹിക്കുമെന്നും ഖത്തര്‍ ഫുട്ബോള്‍ അസോസിയേഷന്‍ അറിയിച്ചു. ദേശീയ ടീമിനെ പ്രോത്സാഹിപ്പിക്കുന്നതിനും പൊതുജനങ്ങളുടെ പങ്കാളിത്തം വര്‍ധിപ്പിക്കുകയെന്ന ഉദ്ദേശ്യവുമാണ് ഇതിന് പിന്നിലെന്നും ഖത്തര്‍ ഫുട്ബോള്‍ അസോസിയേഷന്‍ വ്യക്തമാക്കി. |
| Posted: 07 Oct 2015 09:31 PM PDT Image:  മനാമ: സാമ്പത്തിക മാനദണ്ഡങ്ങള്‍ പരിഗണിക്കുമ്പോള്‍ മനാമ മിഡില്‍ ഈസ്റ്റിലെയും വടക്കന്‍ ആഫ്രിക്കന്‍ രാജ്യങ്ങളിലെയും ഏറ്റവും മികച്ച നഗരമാണെന്ന് സര്‍വെ. തൊഴില്‍അവകാശങ്ങളില്‍ മനാമക്ക് മൂന്നാം സ്ഥാനമാണുള്ളത്. ‘ദ ബയ്റ്റ് ഡോട് കോം’, ‘യുഗോവ്’ എന്നിവ ചേര്‍ന്ന് നടത്തിയ സര്‍വെയിലാണ് ഇക്കാര്യമുള്ളത്. മനാമയിലെ താമസക്കാരില്‍ 79 ശതമാനം പേരും സന്തോഷവാന്‍മാരാണെന്നും സര്‍വെ പറയുന്നു. ഈജിപ്ത്, ജോര്‍ഡന്‍, യു.എ.ഇ, ബഹ്റൈന് തുടങ്ങിയ രാജ്യങ്ങളിലെ 3,613 പേരുടെ അഭിപ്രായമാണ് ഇവര്‍ തേടിയത്. അഭിപ്രായം ആരാഞ്ഞ 10ല്‍ മൂന്ന് പേരും പറയുന്നത്, മനാമയിലെ ജോലി സാധ്യത മികച്ചതാണെന്നാണ്. എന്നാല്‍ ഒമ്പത് ശതമാനം സ്ഥിതി മോശമാണെന്ന് പറയുന്നു. 35ശതമാനം കരുതുന്നത് ഇവിടെ മികച്ച ശമ്പളമാണ് ലഭിക്കുന്നത് എന്നാണ്. സാധനങ്ങളുടെ മിതമായ വില, കരിയറിലെ ഉയര്‍ച്ച, തൊഴിലെടുക്കുന്ന മാതാപിതാക്കള്‍ക്കുള്ള സൗകര്യങ്ങള്‍ എന്നീ കാര്യങ്ങളിലും മനാമ മുന്നിലാണ്. എന്നാല്‍ സാമ്പത്തിക മാനദണ്ഡങ്ങള്‍ പരിഗണിക്കുമ്പോള്‍ മനാമ ഏറ്റവും മുന്നിലാണ്. സര്‍വെയില്‍ പങ്കെടുത്ത പകുതിയോളം പേര് പറഞ്ഞത് അവര്‍ക്ക് മികച്ച സേവന വ്യവസ്ഥകളാണ് ലഭിക്കുന്നത് എന്നാണ്. അവധിക്കാല അലവന്‍സ്, ആരോഗ്യ ഇന്‍ഷൂറന്‍സ്, സാമൂഹിക സുരക്ഷാ സംവിധാനങ്ങള്‍ എന്നിവയും തൃപ്തികരമാണ്. ജീവിതനിലവാരം പരിശോധിക്കുമ്പോള്‍ ബഹ്റൈന്‍െറ സ്ഥാനം ഏറ്റവും മുന്‍നിരയിലാണ്. ഈ മേഖലയിലെ 20 നഗരങ്ങളില്‍ ഏറ്റവുമധികം പോയന്‍റ് ലഭിച്ചത് മനാമക്കാണ്. ജീവിതനിലവാരം വിലയിരുത്താന്‍ ഉന്നയിച്ച പ്രധാന ചോദ്യങ്ങള്‍ക്കെല്ലാം മനാമ നിവാസികള്‍ തൃപ്തികരമായ മറുപടിയാണ് നല്‍കിയത്. സര്‍വെയില്‍ പങ്കെടുത്ത 58 ശതമാനം പേര് മനാമയിലെ സുരക്ഷ, സ്ഥിരത തുടങ്ങിയ കാര്യങ്ങള്‍ തികച്ചും അനുകൂലമാണ് എന്ന് വ്യക്തമാക്കി. ആരോഗ്യപരിരക്ഷാ സംവിധാനങ്ങളില്‍ 63ശതമാനമാണ് സംതൃപ്തി രേഖപ്പെടുത്തിയത്. വിദ്യാഭ്യാസ നിലവാരത്തിനോട് 57ശതമാനം പേര് യോജിച്ചു. സാമൂഹിക, സാംസ്കാരിക മാനദണ്ഡങ്ങളും കുറ്റകൃത്യങ്ങളുടെ കുറഞ്ഞ തോതും പരിഗണിച്ചപ്പോള്‍ ബഹ്റൈന് ഉയര്‍ന്ന സ്ഥാനം ലഭിച്ചു. 61ശതമാനമാണ് കുറഞ്ഞ കുറ്റകൃത്യനിരക്കിന്‍െറ കാര്യത്തില്‍ യോജിച്ചത്. മികച്ച നിയമപരിപാലന സംവിധാനത്തോട് 67 ശതമാനം പേര് അനുകൂലിച്ചു. ആണ്-പെണ്‍ വിവേചനമില്ലായ്മ, എല്ലാ രാഷ്ട്രങ്ങളില്‍ നിന്നുള്ളവരോടുമുള്ള തുല്യപരിഗണന, വിവിധ സംസ്കാരങ്ങളും ആശയങ്ങളും ഉള്‍ക്കൊള്ളാനുള്ള കഴിവ് എന്നീ കാര്യങ്ങളാണ് സാമൂഹിക-സാംസ്കാരിക മാനദണ്ഡങ്ങള്‍ വിലയിരുന്നതില്‍ ഉന്നയിച്ച മറ്റു വിഷയങ്ങള്‍. ബഹ്റൈനിലെ കായിക, സാംസ്കാരിക, വിനോദ രംഗങ്ങള്‍ക്കും മികച്ച സ്കോര്‍ ലഭിച്ചു. വ്യവസായവും വാണിജ്യവും തുടങ്ങാന്‍ ഏറ്റവും സാധ്യതകളുള്ള മേഖലയിലെ ഏറ്റവും മികച്ച മൂന്ന് നഗരങ്ങളിലൊന്നാണ് മനാമ. സംരംഭകര്‍ക്ക് ഇവിടെ അനുകൂല സാഹചര്യങ്ങളാണുള്ളത്. സര്‍വെയില്‍ പങ്കെടുത്ത പകുതിയില്‍ അധികം പേരും മനാമയില്‍ വ്യാപാരം തുടങ്ങാന്‍ എളുപ്പമാണെന്ന് വിശ്വസിക്കുന്നു. ഇവിടുത്തെ നികുതികളും മറ്റ് ഫീസുകളും താങ്ങാവുന്നതാണെന്നും അവര്‍ കരുതുന്നു. |
| പുതിയ തൊഴില്‍ നിയമം ഒരാഴ്ചക്കകം പ്രാബല്യത്തില്‍ Posted: 07 Oct 2015 09:17 PM PDT Image:  റിയാദ്: സൗദി തൊഴില്‍ നിയമത്തിലെ 38 അനുഛേദങ്ങള്‍ പരിഷ്കരിച്ചുകൊണ്ടുള്ള പുതിയ തൊഴില്‍ നിയമം ഹിജ്റ പുതുവര്‍ഷത്തില്‍ (ഒക്ടോബര്‍ 14) നിലവില്‍ വരുമെന്ന് തൊഴില്‍ മന്ത്രാലയ വൃത്തങ്ങള്‍ വ്യക്തമാക്കി. പതിറ്റാണ്ടുകളായി രാജ്യത്ത് നിലവിലുള്ള തൊഴില്‍ നിയമം അന്താരാഷ്ട്ര തൊഴില്‍ നിയമത്തിന് യോജിക്കുന്ന തരത്തില്‍ പരിഷ്കരിക്കുകയാണെന്ന് തൊഴില്‍ നിയമവിദഗ്ദര്‍ വിശദീകരിച്ചു. പരിഷ്കരണത്തിന്‍െറ മുഖ്യ ഊന്നല്‍ തൊഴില്‍ നിയമലംഘനങ്ങളുവമായി ബന്ധപ്പെട്ട 39ാം അനുഛേദത്തിലാണ്.
|
| വിസാനിരോധം: നിയമത്തില്‍ മാറ്റമില്ളെന്ന് തൊഴില്‍മന്ത്രാലയം Posted: 07 Oct 2015 09:04 PM PDT Image:  മസ്കത്ത്: രാജ്യത്തുനിന്ന് തൊഴില്‍വിസ റദ്ദാക്കി മടങ്ങുന്നവര്‍ക്ക് ഏര്‍പ്പെടുത്തിയ രണ്ടുവര്‍ഷത്തെ വിസാനിരോധം പിന്‍വലിച്ചിട്ടില്ളെന്ന് തൊഴില്‍മന്ത്രാലയം വ്യക്തമാക്കി. വിസാനിരോധം നീക്കിയേക്കുമെന്ന മാധ്യമറിപ്പോര്‍ട്ടുകള്‍ മന്ത്രാലയം നിഷേധിച്ചു. ടൈംസ് ഓഫ് ഒമാന്‍ ദിനപത്രം കഴിഞ്ഞദിവസമാണ് രണ്ടുവര്‍ഷത്തെ വിസാനിരോധം നീക്കുമെന്ന് പ്രതീക്ഷിക്കുന്നതായി വാര്‍ത്ത പ്രസിദ്ധീകരിച്ചത്. തൊഴില്‍മന്ത്രിയുടെ ഉപദേഷ്ടാവിനെ ഉദ്ധരിച്ചായിരുന്നു ഈ വാര്‍ത്ത. എന്നാല്‍, നിലവിലെ വിസാനിയമത്തില്‍ ഒരു മാറ്റവുമില്ളെന്ന് വ്യക്തമാക്കി ഒമാന്‍സര്‍ക്കാറിന്‍െറ ഒൗദ്യോഗിക ഇംഗ്ളീഷ് ദിനപത്രമായ ഒമാന്‍ ഒബ്സര്‍വര്‍ ഇന്ന് വാര്‍ത്ത പ്രസിദ്ധീകരിച്ചു. വിസാനിരോധം നീക്കുന്നതുസംബന്ധിച്ച് തീരുമാനമെടുത്തിട്ടില്ളെന്നാണ് തൊഴില്‍മന്ത്രാലയത്തിന്‍െറ വിശദീകരണം. അതേസമയം, വിസാനിരോധം പുന$പരിശോധിക്കണം എന്നാവശ്യപ്പെട്ട് ചില വകുപ്പുകളില്‍നിന്നും സ്ഥാപനങ്ങളില്‍നിന്നും മന്ത്രാലയത്തിന് നിവേദനം ലഭിച്ചിട്ടുണ്ട്. ഇവയില്‍ ഉചിതമായസമയത്ത് മന്ത്രാലയം തീരുമാനമെടുക്കും. ഇപ്പോള്‍ പുറത്തുവരുന്ന വാര്‍ത്തകള്‍ തീരുമാനങ്ങളല്ല, ചിലരുടെ അഭിപ്രായങ്ങള്‍ മാത്രമാണ്. തീരുമാനങ്ങളെടുത്താല്‍ അവ ഒൗദ്യോഗികമായി അറിയിക്കുമെന്നും മന്ത്രാലയം അറിയിച്ചു. കഴിഞ്ഞവര്‍ഷം ജൂലൈ മുതലാണ് ഒമാനില്‍ തൊഴില്‍വിസ റദ്ദാക്കിപ്പോകുന്നവര്‍ക്ക് രണ്ടുവര്‍ഷത്തെ വിസാവിലക്ക് ഏര്‍പ്പെടുത്തിയത്. തൊഴില്‍വിപണിയിലെ അനാരോഗ്യകരമായ മത്സരം ഒഴിവാക്കാനായിരുന്നു നടപടി. കരാര്‍ കാലാവധി കഴിയുന്നതിനുമുമ്പ് ജോലി മാറുന്നതായും വലിയ കമ്പനികള്‍ ചെറിയ കമ്പനികളിലെ തൊഴിലാളികളെ വന്‍ തുക ശമ്പളം വാഗ്ദാനം ചെയ്ത് ചാക്കിടുന്നതായും വ്യാപക പരാതികള്‍ ഉയര്‍ന്നതാണ് വിസാനിരോധത്തിലേക്ക് വഴിവെച്ചത്. ഇത് പ്രവാസികളുടെ തൊഴില്‍മാറ്റത്തിന് വലിയ തിരിച്ചടിയായിരുന്നു. പരിചയസമ്പന്നരെ ലഭിക്കാന്‍ ബുദ്ധിമുട്ടുന്നതായി കമ്പനികള്‍ പരാതിപ്പെട്ടിരുന്നു. നിരോധത്തെ തുടര്‍ന്ന് വിദേശരാജ്യങ്ങളില്‍നിന്നുള്ള വിദഗ്ധ തൊഴിലാളികള്‍ ഒമാനില്‍നിന്നുള്ള തൊഴില്‍വാഗ്ദാനം സ്വീകരിക്കാത്ത അവസ്ഥയുമുണ്ട്. അതോടൊപ്പം, നിയമത്തിന്‍െറ തണലില്‍ കമ്പനികള്‍ ശമ്പളവര്‍ധന അടക്കം ആനുകൂല്യങ്ങള്‍ തൊഴിലാളികള്‍ക്ക് നല്‍കാന്‍ മടിക്കുന്നതായും പരാതി ഉയരുന്നുണ്ട്. അധികസമയം പണിയെടുപ്പിക്കുന്നതുമായ ആക്ഷേപങ്ങളും വ്യാപകമാണ്. പഴയ സ്പോണ്‍സറുടെ എന്‍.ഒ.സി ഉണ്ടെങ്കില്‍മാത്രമേ നിലവിലെ സാഹചര്യത്തില്‍ തൊഴില്‍മാറ്റം സാധ്യമാകൂ. അതുകൊണ്ടുതന്നെ വിസാനിരോധം പിന്‍വലിക്കുന്നു എന്നവിധമുള്ള റിപ്പോര്‍ട്ടുകള്‍ വലിയ ചര്‍ച്ചക്കാണ് വഴിവെച്ചത്. |
| കുന്തുസ് ആശുപത്രി ആക്രമണം: ഒബാമ മാപ്പു പറഞ്ഞു Posted: 07 Oct 2015 08:18 PM PDT Image:  കാബൂള്‍: വടക്കന്‍ അഫ്ഗാനിലെ കുന്തുസില്‍ ആശുപത്രിക്കുനേരെ നടത്തിയ വ്യോമാക്രമണത്തില്‍ യു.എസ് പ്രസിഡന്‍റ് ബറാക് ഒബാമ മാപ്പുപറഞ്ഞു. അബദ്ധത്തില്‍ സംഭവിച്ചതാണെന്നും ആക്രമണത്തില്‍ ആശുപത്രി ജീവനക്കാരും രോഗികളും മരിച്ചതില്‍ ഖേദം പ്രകടിപ്പിക്കുന്നതായും ഡോക്ടേഴ്സ് വിത്തൗട്ട് ബോര്‍ഡേഴ്സ് മേധാവി ഴുവാന്‍ ലിയുവിനെ ഒബാമ അറിയിച്ചു. യു.എസ് പ്രതിരോധ വകുപ്പ് ആക്രമണത്തിന്‍െറ സാഹചര്യത്തെക്കുറിച്ചും യഥാര്‍ഥ കാരണങ്ങളെക്കുറിച്ചും അന്വേഷിച്ച് വിവരങ്ങള്‍ പുറത്തുകൊണ്ടുവരുമെന്ന് ഒബാമ ഉറപ്പു നല്‍കിയതായി വൈറ്റ് ഹൗസ് വക്താവ് പറഞ്ഞു. ഡോക്ടേഴ്സ് വിത്തൗട്ട് ബോര്‍ഡേഴ്സ് (എം.എസ്.എഫ്) എന്ന സന്നദ്ധസംഘത്തിന്‍െറ നേതൃത്വത്തിലുള്ള ആശുപത്രിക്കു നേരെയാണ് ഒക്ടോബര്‍ മൂന്നിന് ആക്രമണം നടന്നത്. സംഭവത്തെക്കുറിച്ച് അന്താരാഷ്ട്ര അന്വേഷണം വേണമെന്ന് എം.എസ്.എഫ് ആവശ്യപ്പെട്ടിരുന്നു. ഇതിന് പിന്നാലെയാണ് സംഭവത്തില്‍ ഒബാമ മാപ്പ് പറഞ്ഞത്. ആക്രമണം അബദ്ധത്തില്‍ സംഭവിച്ചതാണെന്ന യു.എസിന്‍െറ പ്രസ്താവന കള്ളമാണെന്നും തകര്‍ക്കപ്പെട്ട കെട്ടിടം പരിശോധിക്കുന്ന ആര്‍ക്കും അക്കാര്യം തെളിയുമെന്നും എം.എസ്.എഫ് വ്യക്തമാക്കിയിരുന്നു. ആശുപത്രിക്ക് നേരെ നടന്നത് ആക്രമണമായി മാത്രം കാണാനാവില്ളെന്നും അഫ്ഗാന്‍ സൈന്യത്തിന്‍െറ അന്വേഷണത്തില്‍ വിശ്വാസമില്ളെന്നും അവര്‍ അറിയിച്ചിരുന്നു. ആശുപത്രിക്ക് നേരെയുള്ള ആക്രമണത്തെ ഐക്യരാഷ്ട്ര സഭയും അപലപിച്ചിരുന്നു. മാപ്പര്‍ഹിക്കാത്ത ക്രിമിനല്‍ കുറ്റം എന്നാണ് യു.എന്‍ സംഭവത്തെ വിശേഷിപ്പിച്ചത്. സംഭവത്തെക്കുറിച്ച് നിഷ്പക്ഷമായ അന്വേഷണം നടത്തണമെന്നും സെക്രട്ടറി ജനറല്‍ ബാന്‍ കി മൂണ്‍ ആവശ്യപ്പെട്ടിട്ടുണ്ട്. സംഭവത്തെക്കുറിച്ച് യു.എസ് പ്രതിരോധ വകുപ്പ്, നാറ്റോ, അഫ്ഗാന്‍ സൈന്യം എന്നിവ പ്രത്യേകം അന്വേഷണം നടത്തുന്നുണ്ട്. കുന്തുസ് കീഴടക്കിയ താലിബാനെ തുരത്താനെന്ന പേരിലാണ് യു.എസ് സൈന്യം ആശുപത്രിക്കു നേരെ വ്യോമാക്രമണം നടത്തിയത്. |
| കശ്മീര്‍ പൊലീസിലെ തീവ്രവാദ പ്രതിരോധ വിദഗ്ധന്‍ കൊല്ലപ്പെട്ടു Posted: 07 Oct 2015 08:15 PM PDT Image:  ശ്രീനഗര്‍: ജമ്മു കശ്മീര്‍ പൊലീസിലെ മികച്ച തീവ്രവാദ പ്രതിരോധ പൊലീസ് ഓഫീസര്‍ തീവ്രവാദികളുമായുള്ള ഏറ്റുമുട്ടലില്‍ കൊല്ലപ്പെട്ടു. സബ് ഇന്‍സ്പെക്ടര്‍ അല്‍താഫ് അഹമ്മദാണ് പാക് തീവ്രവാദിയും ലഷ്കറെ ത്വയ്യിബ കമാന്‍ഡറുമായ അബു ഖാസിമിനെ പിടികൂടാനുള്ള നീക്കത്തിനിടെ വെടിയേറ്റു മരിച്ചത്. രാവിലെ ബന്ദിപുര്‍ ജില്ലയില്‍ നടന്ന ഏറ്റുമുട്ടലില്‍ അല്‍താഫിനെ കൂടാതെ രണ്ട് സഹപ്രവര്‍ത്തകരുടെയും ജീവന്‍ നഷ്ടമായി. ആഗസ്റ്റ് അഞ്ചിന് ഉധംപുരില്‍ അതിര്‍ത്തി രക്ഷാസേനയുടെ വാഹന വ്യൂഹത്തിന് നേരെ ആക്രമണം നടത്തിയതിന്‍െറ മുഖ്യസൂത്രധാരനായിരുന്നു അബു ഖാസിം. പൊലീസ് പിന്തുടരുന്നതിനിടെ യാത്രാ വാഹനത്തിന് പിന്നില്‍ ഒളിച്ചിരുന്ന തീവ്രവാദി അല്‍താഫിനും സംഘത്തിനും നേരെ വെടിയുതിര്‍ക്കുകയായിരുന്നു. ഗുരുതര പരിക്കേറ്റ അല്‍താഫിനെ വ്യോമമാര്‍ഗം സൈനിക ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ജമ്മു കശ്മീര്‍ പൊലീസ് സേനയിലെ തീവ്രവാദ വിരുദ്ധ വിഭാഗത്തിലെ മികച്ച ഉദ്യോഗസ്ഥനായിരുന്ന അല്‍താഫ്. അല്‍താഫിന്‍െറ മരണവാര്‍ത്ത ഞെട്ടിപ്പിക്കുന്നതാണെന്നും മാധ്യമങ്ങളോട് പ്രതികരിക്കാനുള്ള കരുത്തില്ളെന്നും ഡി.ജി.പി കെ. രജീന്ദ്ര കുമാര്‍ പ്രതികരിച്ചു. കശ്മീരില്‍ പൊലീസിന്‍െറ തീവ്രവാദ വിരുദ്ധ പ്രവര്‍ത്തനങ്ങളെ പിന്നോട്ടടിക്കാന്‍ ഈ സംഭവം കാരണമാകുമെന്ന് വിദഗ്ധര്‍ ചൂണ്ടിക്കാട്ടുന്നു. കോണ്‍സ്റ്റബിളായി പൊലീസ് സേനയില്‍ പ്രവേശിച്ച അല്‍താഫ്, മികച്ച സേവനത്തിലൂടെ ഇന്‍സ്പെക്ടര്‍ റാങ്കിലെ ത്തി. മൊബൈല്‍ ട്രാക്ക് ചെയ്ത് തീവ്രവാദികളെ പിന്തുടരുന്നതില്‍ വിദഗ്ധനായിരുന്നു. പൊലീസിലെ ‘സൈബര്‍ ബോയ്’ എന്നാണ് അല്‍താഫ് അറിയപ്പെട്ടിരുന്നത്. കഴിഞ്ഞ 10 വര്‍ഷത്തിനിടെ നിരവധി തീവ്രവാദികളെ പിടികൂടുന്നതിനും തീവ്രവാദ വിരുദ്ധ ഓപറേഷനുകളിലും അല്‍താഫ് പങ്കാളിയായിരുന്നു. മികച്ച സേവനത്തിനുള്ള രാഷ്ട്രപതിയുടെ പൊലീസ് മെഡലും മറ്റ് നിരവധി പുരസ്കാരങ്ങളും ലഭിച്ചിട്ടുണ്ട്. തെക്കന്‍ കശ്മീരിലെ കുല്‍ഗാം നിവാസിയായ അല്‍താഫിന് ഭാര്യയും രണ്ട് കുട്ടികളുമുണ്ട്. |
| സീറ്റ് വിഭജനം: ലീഗുമായുള്ള പ്രശ്നങ്ങള്‍ പരിഹരിക്കും ^ആര്യാടന്‍ Posted: 07 Oct 2015 08:14 PM PDT Image:  തിരുവനന്തപുരം: തദ്ദേശ തെരഞ്ഞെടുപ്പ് സീറ്റ് വിഭജനം സംബന്ധിച്ച് മലപ്പുറത്ത് മുസ് ലിം ലീഗുമായുള്ള പ്രശ്നങ്ങള്‍ ചര്‍ച്ച ചെയ്ത് പരിഹരിക്കുമെന്ന് വൈദ്യുതി മന്ത്രി ആര്യാടന്‍ മുഹമ്മദ്. ചെറിയ തര്‍ക്കങ്ങള്‍ മാത്രമാണ് ഇപ്പോഴുള്ളത്. പ്രശ്നങ്ങള്‍ പരിഹരിച്ച് ഒറ്റക്കെട്ടായി മുന്നോട്ടു പോകുമെന്നും ആര്യാടന്‍ മാധ്യമങ്ങളോട് പറഞ്ഞു. |
| സ്വര്‍ണവില കുറഞ്ഞു; പവന് 19,840 രൂപ Posted: 07 Oct 2015 08:13 PM PDT Image:  കൊച്ചി: സംസ്ഥാനത്ത് സ്വര്‍ണവില കുറഞ്ഞു. പവന് 80 രൂപ കുറഞ്ഞ് 19,840 രൂപയായി. ഗ്രാമിന് 10 രൂപ കുറഞ്ഞ് 2,480 രൂപയിലാണ് വ്യാപാരം നടക്കുന്നത്. രാജ്യാന്തര വിപണിയിലെ മാറ്റമാണ് ആഭ്യന്തര വിപണിയില്‍ പ്രതിഫലിച്ചത്. ബുധാനാഴ്ച പവന്‍വില 19,920 രൂപയായിരുന്നു. രാജ്യാന്തര വിപണിയില്‍ സ്വര്‍ണം ഒൗണ്‍സിന് 5.90 ഡോളര്‍ താഴ്ന്ന് 1143.04 ഡോളറിലെത്തി. |
| ഇന്ന് ലോക കാഴ്ചദിനം: കാഴ്ചയുള്ള കൈകളുമായി ഇവരുടെ അതിജീവനം Posted: 07 Oct 2015 07:53 PM PDT Image:  കോഴിക്കോട്: കണ്ണൂര്‍ സ്വദേശി രഞ്ജിത്ത്, വയസ്സ് 40. ചെറുപ്പത്തിലേ കാഴ്ചയുടെ ലോകം അന്യമായെങ്കിലും പഠിക്കാനുള്ള ആവേശം അദ്ദേഹത്തെ ബിരുദധാരിയാക്കി. രഞ്ജിത്തിനെപ്പോലെ കണ്ണൂരില്‍നിന്നുള്ള ദിനേശനും സാജിറും തൃശൂരുകാരനായ ജിജോയും നീലേശ്വരത്തുള്ള വിനോദുമെല്ലാം അകക്കണ്ണിന്‍െറ ഉള്‍ക്കരുത്താല്‍ ഇന്നിവിടെ മരക്കസേരകള്‍ മെടഞ്ഞ് ജീവിതം നീക്കുകയാണ്. കേരള ഫെഡറേഷന്‍ ഓഫ് ബൈ്ളന്‍ഡിനുകീഴിലുള്ള കൊളത്തറ കുണ്ടായിത്തോടിലെ വൊക്കേഷനല്‍ ട്രെയ്നിങ് സെന്‍റര്‍ ഇവരുടെ ആശ്രയകേന്ദ്രം. |
| അവയവദാനത്തിന്‍െറ കാരുണ്യമായി അശോകന്‍ പുതിയ ജീവിതങ്ങളിലേക്ക് Posted: 07 Oct 2015 07:40 PM PDT Image: -avayavadhan.jpg) ചെറുതുരുത്തി: അകാലത്തില്‍ െപാലിഞ്ഞ അശോകന്‍െറ ആയുസ്സ് അവയവദാനത്തിന്‍െറ കാരുണ്യമായി പുതിയ ജീവിതങ്ങളിലേക്ക് നീങ്ങുകയാണ്. വാഹനാപകടത്തില്‍ പരിക്കേറ്റ് ചികിത്സയില്‍ കഴിയവെ മസ്തിഷ്ക മരണം സംഭവിച്ച ചെറുതുരുത്തി പൈങ്കുളം മേച്ചേരിത്തൊടി വീട്ടില്‍ പരേതനായ ഭാസ്കരന്‍െറ മകന്‍ അശോകന്‍െറ (28) കരളും വൃക്കകളും കണ്ണുകളുമാണ് ബന്ധുക്കള്‍ ദാനം ചെയ്തത്. കൊച്ചിയിലെ അമൃത, മെഡിക്കല്‍ ട്രസ്റ്റ് ആശുപത്രികളിലേക്കാണ് വൃക്കള്‍ നല്‍കിയത്. കരള്‍ ലേക്ഷോര്‍ ആശുപത്രിയിലേക്കും കണ്ണുകള്‍ തൃശൂര്‍ ജൂബിലി മിഷന്‍ മെഡിക്കല്‍ കോളജിനും നല്‍കി. ഈ ആശുപത്രികളില്‍ നിന്നുള്ള വിദഗ്ധര്‍ തൃശൂരിലെ ദയ ആശുപത്രിയില്‍ എത്തി അവയവങ്ങള്‍ സ്വീകരിച്ചു. |
| പശുരാഷ്ട്രീയം വിളിച്ചുപറയുന്നത് Posted: 07 Oct 2015 07:16 PM PDT Image:  പശുവും കിടാവും കോണ്‍ഗ്രസിന്‍െറ തെരഞ്ഞെടുപ്പ് ചിഹ്നമായിരുന്ന കാലത്ത് പശു തീര്‍ത്തും ഒരു മതേതര മൃഗമായിരുന്നു. നെഹ്റുവിന്‍െറ കാലഘട്ടത്തില്‍ ഇരട്ടക്കാളയെ കോണ്‍ഗ്രസ് കൊണ്ടുനടന്നപ്പോഴും അവക്ക് മതപരമായ പാവനത കല്‍പിച്ചിരുന്നില്ല. എന്നാല്‍, മാട്ടിറച്ചി തിന്നുവെന്ന കുറ്റമാരോപിച്ച് ഹിന്ദുത്വവാദികള്‍ തല്ലിക്കൊന്ന മുഹമ്മദ് അഖ്ലാഖിന്‍െറ രക്തസാക്ഷ്യം ഉയര്‍ത്തുന്ന മതേതര സംവാദങ്ങള്‍ക്കിടയില്‍ മധ്യപ്രദേശ് മുന്‍ മുഖ്യമന്ത്രിയും കോണ്‍ഗ്രസ് സീനിയര്‍ ജനറല്‍ സെക്രട്ടറിയുമായ ദിഗ്വിജയ് സിങ് മുന്നോട്ടുവെച്ച ഒരവകാശവാദം പശുരാഷ്ട്രീയത്തിലടങ്ങിയ കാപട്യത്തിന്‍െറ മറ അനാവൃതമാക്കുന്നു. ഗോവധനിരോധ വിഷയത്തില്‍ ബി.ജെ.പിയെക്കാള്‍ ആത്മാര്‍ഥത കോണ്‍ഗ്രസിനാണെന്നും 24 സംസ്ഥാനങ്ങളില്‍ ഇന്ന് നിലനില്‍ക്കുന്ന ഗോസംരക്ഷണനിയമം തങ്ങളുടെ ഭരണകാലത്ത് കൊണ്ടുവന്നതാണെന്നും സിങ് ആവേശപൂര്‍വം വാദിക്കുകയുണ്ടായി. രാജ്യത്താകമാനം ഗോവധം നിരോധിക്കണമെന്ന് 1934ല്‍തന്നെ കോണ്‍ഗ്രസ് പ്രവര്‍ത്തകസമിതി ആവശ്യപ്പെട്ടിരുന്നുവത്രെ. അതുകൊണ്ട്, ഈ വിഷയത്തില്‍ കേന്ദ്രസര്‍ക്കാര്‍ നിയമം കൊണ്ടുവരുകയാണെങ്കില്‍ അതിനെ പിന്തുണക്കുന്ന കാര്യം പാര്‍ട്ടി ആലോചിക്കുമെന്നും ദിഗ്വിജയ് സിങ് പറയുന്നു. |
| Posted: 07 Oct 2015 07:08 PM PDT Image:  ആര്‍.എസ്.എസ്-ബി.ജെ.പി ബാന്ധവത്തെക്കുറിച്ച് ആര്‍ക്കെങ്കിലും സന്ദേഹത്തിന്‍െറ കണികയെങ്കിലുമുണ്ടെങ്കില്‍ പ്രധാനമന്ത്രി നരേന്ദ്ര മോദി അതും അവസാനിപ്പിച്ചിരിക്കുന്നു. പ്രധാന വകുപ്പുകള്‍ കൈകാര്യംചെയ്യുന്ന മന്ത്രിമാരെ ആര്‍.എസ്.എസ് മേധാവി മോഹന്‍ ഭാഗവതിനു മുന്നിലത്തെിച്ച് അതത് മന്ത്രാലയങ്ങള്‍ എന്തു ചെയ്യുന്നുവെന്ന് വിശദീകരണം നല്‍കാന്‍ നിര്‍ദേശിച്ചാണ് അദ്ദേഹം ഇത് നിര്‍വഹിച്ചത്. വിഷയാവതരണം സമ്പൂര്‍ണമായി വാര്‍ത്താ ചാനലുകളില്‍ സംപ്രേഷണത്തിന് അവസരം നല്‍കി തനിക്കിതില്‍ ആശങ്കകളില്ളെന്നും പ്രധാനമന്ത്രി നിലപാട് വ്യക്തമാക്കി. ആര്‍.എസ്.എസിന്‍െറ രാഷ്ട്രീയ വിഭാഗമായ ബി.ജെ.പിയില്‍ ചേരുംമുമ്പ് അതിന്‍െറ മുഴുസമയ പ്രചാരക് ആയിരുന്നല്ളോ മോദി. |
| Posted: 07 Oct 2015 07:04 PM PDT Image:  ‘ഞങ്ങള്‍ പശുമാംസം കഴിക്കാറില്ല, അതിനാല്‍ നിങ്ങളും കഴിക്കാന്‍ പാടില്ല’ എന്നത് മിതമായ അസഹിഷ്ണുതയുടെ ഗണത്തില്‍പെടുത്താവുന്ന നിലപാടാണ്. എന്നാല്‍, അത് വളര്‍ന്ന്, പശുമാംസം കഴിക്കുന്നവരെയും അത് കൈവശംവെക്കുന്നവരെയും അറസ്റ്റ് ചെയ്യുമെന്ന് ഭരണകൂടംതന്നെ തീരുമാനിക്കുകയും അതിന് നിയമങ്ങളുണ്ടാക്കി കര്‍ക്കശമായി നടപ്പാക്കുകയും ചെയ്യുന്നത് തികഞ്ഞ ജനാധിപത്യവിരുദ്ധതയും പക്ഷപാതിത്വവുമാണ്. അവിടെയും കടന്ന്, ബീഫ് കഴിക്കുന്നതായി ഞങ്ങള്‍ക്ക് ആരെക്കുറിച്ചെങ്കിലും സംശയമുണ്ടായെങ്കില്‍ അവനെ തല്ലിക്കൊല്ലുമെന്ന് പ്രഖ്യാപിക്കുന്നതും അത് നടപ്പാക്കുന്നതുമായ അവസ്ഥയിലത്തെിയിരിക്കുന്നു. ലക്ഷണമൊത്ത ഫാഷിസമാണിത്. ദൗര്‍ഭാഗ്യവശാല്‍, ലോകത്തെ ഏറ്റവും വലിയ ജനാധിപത്യ രാജ്യമെന്ന് വിളിക്കപ്പെടുന്ന നമ്മുടെ ഇന്ത്യയില്‍ ഈ ഫാഷിസം ഇപ്പോള്‍ ചടുലനൃത്തമാടിക്കൊണ്ടിരിക്കുകയാണ്. ഭരണകൂടവും ഭരണകൂടത്തോട് ചേര്‍ന്നുനില്‍ക്കുന്ന സംഘടനകളും ഇത്തരം നടപടികളെ പ്രത്യക്ഷമായും പരോക്ഷമായും പിന്തുണച്ചുകൊണ്ടിരിക്കുമ്പോള്‍ അത്യന്തം കരാളമായ അവസ്ഥകളിലേക്കാണ് കാര്യങ്ങള്‍ പോയിക്കൊണ്ടിരിക്കുന്നത് എന്ന് നാം തിരിച്ചറിയുന്നു. |
| You are subscribed to email updates from a feed. To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
No comments:
Post a Comment