2025 ല്‍ പാകിസ്താന്‍ അഞ്ചാമത്തെ ആണവ ശക്തിയാകുമെന്ന് റിപ്പോര്‍ട്ട് Madhyamam News Feeds |  |
- 2025 ല്‍ പാകിസ്താന്‍ അഞ്ചാമത്തെ ആണവ ശക്തിയാകുമെന്ന് റിപ്പോര്‍ട്ട്
- മത്സരാര്‍ഥികളിലധികവും വിദ്യാസമ്പന്നര്‍
- അമ്പനാട് തൊഴില്‍ സമരം ഒത്തുതീര്‍ന്നു
- പ്രചാരണ ചെലവ് പരിധി കടന്നാല്‍ അയോഗ്യത
- ഓപറേഷന്‍ തിയറ്റര്‍ അടച്ചിടാനുള്ള ഉത്തരവ് വിവാദത്തില്‍
- ബംഗ്ളാപറമ്പ് മുതല്‍ മേട്ടുവളവ് വരെ ഇടതുമുന്നണി വിയര്‍ക്കുന്നു
- ഒന്ന് കൊയ്തെടുക്കാന്‍ മറുനാടന്‍ തൊഴിലാളികളെ പണി പഠിപ്പിക്കണം!
- സി.പി.എമ്മിന് സര്‍വതിനെയും എതിര്‍ക്കുന്ന രീതി; ബി.ജെ.പിക്ക് വര്‍ഗീയ അജണ്ട –ഉമ്മന്‍ ചാണ്ടി
- വ്യാജപ്രമാണമുണ്ടാക്കി 23 കോടി തട്ടിയയാള്‍ അമേരിക്കയിലും പ്രതി
- കാലാവസ്ഥ വ്യതിയാനം കുരുമുളക് കൃഷിക്ക് തിരിച്ചടിയാകുന്നു
- ഭാര്യയുടെ ചിഹ്നം മാറ്റി; ഭര്‍ത്താവ് നിരാഹാര സമരം തുടങ്ങി
- ‘കണക്കുകൂട്ടല്‍’ തെറ്റരുതെന്ന് സ്ഥാനാര്‍ഥികളോട് കമീഷന്‍
- രാത്രി നടത്തിയ ടാറിങ് രാവിലെ തകര്‍ന്നു; നാട്ടുകാര്‍ റോഡ് ഉപരോധിച്ചു
- ഉമ്മന്‍ചാണ്ടിയും വി.എസും നാളെ ജില്ലയില്‍
- വനം-പരിസ്ഥിതി വകുപ്പ് വിശദീകരണം തേടി
- നടപ്പാതയോ കാട്ടുവഴിയോ..?
- ചാമ്പ്യന്‍സ് ലീഗില്‍ റയലിനും മാഞ്ചസ്റ്ററിനും സമനിലപ്പൂട്ട്
- 250 കോടി യൂറോയുടെ കരാറുകള്‍ ഒപ്പുവെക്കും
- സിഗ്നലുകളില്‍ കൗണ്ട്ഡൗണ്‍ ടൈമറുകള്‍ സ്ഥാപിക്കാനുള്ള തീരുമാനം നീട്ടിവെച്ചു
- പാരലിമ്പിക്സ് ചാമ്പ്യന്‍ഷിപ്പിന് തിരിതെളിഞ്ഞു
- ഐ.എസ് രൂപവത്കരിക്കാന്‍ ശ്രമം: കേസ് കോടതിയില്‍
- നവം. ഒന്നു മുതല്‍ ജിദ്ദയില്‍ നിന്ന് കോഴിക്കോട്ടേക്ക് എയര്‍ ഇന്ത്യ വിമാനം
- രാജ്യത്ത് പ്രതീക്ഷയുടെ അന്തരീക്ഷം നിലനില്‍ക്കുന്നു^ മോഹന്‍ ഭാഗവത്
- അമരാവതിയുടെ ശിലാസ്ഥാപനം ഇന്ന്
- പറന്നു വന്ന് ഭക്ഷണം വിളമ്പും; ഇവന്‍ ‘കോഴിക്കോട്ടുകാരന്‍’
| 2025 ല്‍ പാകിസ്താന്‍ അഞ്ചാമത്തെ ആണവ ശക്തിയാകുമെന്ന് റിപ്പോര്‍ട്ട് Posted: 22 Oct 2015 12:02 AM PDT Image:  വാഷിങ്ടണ്‍: 2025 ആകുമ്പോള്‍ പാകിസ്താന്‍ ലോകത്തെ അഞ്ചാമത്തെ ആണവശക്തിയാകുമെന്ന് റിപ്പോര്‍ട്ട്. പാകിസ്താന്‍ വര്‍ഷങ്ങളായി ആണവശേഷി വര്‍ധിപ്പിച്ചു കൊണ്ടിരിക്കുകയാണെന്നും ഇനിയും വര്‍ധിപ്പിക്കാനാണ് ശ്രമിക്കുന്നതെന്നും റിപ്പോര്‍ട്ടില്‍ പറയുന്നു. 2011ല്‍ 90- 110 ആണവ ആയുധങ്ങളാണ് പാകിസ്തവന്‍െറ കൈവശമുണ്ടായിരുന്നത്.നിലവില്‍ ഇത് 110 മുതല്‍ 130വരെയാണ്. 2025 ആകുമ്പോള്‍ 220 മുതല്‍ 250 വരെയായി വര്‍ധിക്കും. നിലവില്‍ ആണവശേഷിയുളള ആറ് തരം ബാലിസ്റ്റിക് മിസൈലുകളും പാകിസ്താനുണ്ട്. ‘പാകിസ്ഥാന്‍്റെ ആണവ ശക്തി 2015’ എന്നപേരിലുള്ളതാണ് റിപ്പോര്‍ട്ട്. ഇന്ത്യയുമായി ഏതു സമയത്തും യുദ്ധം മുന്നില്‍ക്കണ്ടാണ് ആണവായുധങ്ങള്‍ നിര്‍മിക്കുന്നതെന്ന് കഴിഞ്ഞ ദിവസം പാക് വിദേശകാര്യ സെക്രട്ടറി അസീസ് ചൗധരി പറഞ്ഞിരുന്നു. |
| മത്സരാര്‍ഥികളിലധികവും വിദ്യാസമ്പന്നര്‍ Posted: 21 Oct 2015 11:56 PM PDT തിരുവനന്തപുരം: ഇംഗ്ളീഷ് ജ്ഞാനമില്ളെന്ന കൗണ്‍സിലര്‍മാര്‍ക്കെതിരെയുള്ള അപവാദത്തിന് ഇനി പരിഹാരമാകും. എന്തെന്നാല്‍, കോര്‍പറേഷനില്‍ മത്സരിക്കുന്നവരിലധികവും വിദ്യാസമ്പന്നരും ഇംഗ്ളീഷ് ഉള്‍പ്പെടെ ഭാഷാപ്രാവീണ്യമുള്ളവരുമാണ്. 40 വര്‍ഷത്തിനു ശേഷം തയാറാക്കിയ മാസ്റ്റര്‍പ്ളാന്‍ ശരിയാംവണ്ണം കൗണ്‍സിലില്‍ ചര്‍ച്ച ചെയ്യാന്‍ സാധിക്കാത്തത് കൗണ്‍സിലര്‍മാരുടെ ഇംഗ്ളീഷ് പരിജ്ഞാനക്കുറവാണെന്ന വിമര്‍ശമുയര്‍ന്നിരുന്നു. മാസ്റ്റര്‍ പ്ളാന്‍ മലയാളത്തില്‍ തയാറാക്കി നല്‍കണമെന്ന വിചിത്ര സംഭവവുമുണ്ടായി. ഇനി അതിനൊക്കെ പരിഹാരമുണ്ടാകുമെന്നാണ് പ്രത്യാശ. |
| അമ്പനാട് തൊഴില്‍ സമരം ഒത്തുതീര്‍ന്നു Posted: 21 Oct 2015 11:54 PM PDT പുനലൂര്‍: ഒരുമാസം പിന്നിട്ട ആര്യങ്കാവ് അമ്പനാട് ട്രാവന്‍കൂര്‍ ടി ആന്‍ഡ് ടി എസ്റ്റേറ്റിലെ തൊഴിലാളി സമരം ഒത്തുതീര്‍പ്പായി. തൊഴിലാളികള്‍ വ്യാഴം മുതല്‍ ജോലിക്കിറങ്ങുമെന്ന് യൂനിയന്‍ നേതാക്കള്‍ പറഞ്ഞു. തിരുവനന്തപുരത്ത് ഡെപ്യൂട്ടി ലേബര്‍ കമീഷനര്‍ മുരളീധരന്‍െറ സാന്നിധ്യത്തില്‍ തോട്ടമുടമയും യൂനിയന്‍ നേതാക്കളും നടത്തിയ മണിക്കൂറുകള്‍ നീണ്ട ചര്‍ച്ചക്കൊടുവിലാണ് തീരുമാനം. തൊഴിലാളികള്‍ ഉന്നയിച്ചിരുന്ന ആവശ്യങ്ങള്‍ ഏറക്കുറെ ധാരണയായി തേയില, റബര്‍ തൊഴിലാളികള്‍ക്ക് പ്ളാന്‍േറഷന്‍ ലേബര്‍ കമീഷന്‍ തിരുമാനിച്ച കുറഞ്ഞ ദിവസക്കൂലി അമ്പനാട്ടും നല്‍കും. |
| പ്രചാരണ ചെലവ് പരിധി കടന്നാല്‍ അയോഗ്യത Posted: 21 Oct 2015 11:49 PM PDT തൃശൂര്‍: അനുവദനീയമായ തുകക്കപ്പുറം തെരഞ്ഞെടുപ്പ് പ്രചാരണത്തിനായി ചെലവാക്കുന്ന സ്ഥാനാര്‍ഥികള്‍ ശ്രദ്ധിക്കുക. നിങ്ങളുടെ പിന്നാലെ കണക്കെടുപ്പുമായി ഒരുകൂട്ടം ഉദ്യോഗസ്ഥരുണ്ട്. തുക പരിധി കടന്നെന്ന് കണ്ടാല്‍ അയോഗ്യത ഉറപ്പ്. |
| ഓപറേഷന്‍ തിയറ്റര്‍ അടച്ചിടാനുള്ള ഉത്തരവ് വിവാദത്തില്‍ Posted: 21 Oct 2015 11:49 PM PDT മുളങ്കുന്നത്തുകാവ്: മഹാനവമി ദിവസം ഓപറേഷന്‍ തിയറ്റര്‍ അടച്ചിടാനുള്ള മെഡിക്കല്‍ കോളജ്് സൂപ്രണ്ടിന്‍െറ സര്‍ക്കുലര്‍ വിവാദത്തില്‍. വ്യാഴാഴ്ച അടിയന്തര ശസ്ത്രക്രിയകളല്ലാതെ സാധാരണ ശസ്ത്രക്രിയകളൊന്നും നടക്കില്ളെന്ന് സര്‍ക്കുലറില്‍ പറയുന്നു. |
| ബംഗ്ളാപറമ്പ് മുതല്‍ മേട്ടുവളവ് വരെ ഇടതുമുന്നണി വിയര്‍ക്കുന്നു Posted: 21 Oct 2015 11:47 PM PDT ചിറ്റൂര്‍: ഇരട്ടപേരിലറിയപ്പെടുന്ന നഗരസഭയില്‍ ചിറ്റൂരിനേയും തത്തമംഗലത്തേയും വേര്‍തിരിക്കുന്നത് ശോകനാശിനിപുഴയാണ്. ചിറ്റൂര്‍ പുഴയുടെ പടിഞ്ഞാറെക്കരയില്‍ സ്ഥിതി ചെയ്യുന്ന ബംഗ്ളാപറമ്പ് മുതല്‍ മേട്ടുവളവ് വരെയുള്ള എട്ട് വാര്‍ഡുകളില്‍ കഴിഞ്ഞ 20 വര്‍ഷമായി യു.ഡി.എഫ് അല്ലാതെ മറ്റൊരു കക്ഷികളും വിജയിച്ചിട്ടില്ല. ഇടതുപക്ഷത്തെ എം. രഘു ജനതാദളിന്‍െറ സ്ഥാനാര്‍ഥിയായി മത്സരിച്ച് വിജയിച്ചത് 20 വര്‍ഷം മുമ്പാണ്. ഇതിന് ശേഷം സി.പി.എമ്മിന് ഈ വാര്‍ഡുകളിലൊന്നില്‍ പോലും അക്കൗണ്ട് തുറക്കാന്‍ കഴിഞ്ഞിട്ടില്ല. ഇത്തവണ സീറ്റ് നല്‍കാത്തതില്‍ പ്രതിഷേധിച്ച് യു.ഡി.എഫില്‍നിന്ന് ഇടതുപക്ഷത്തത്തെിയ മുന്‍ കൗണ്‍സിലര്‍ കെ. വേണുഗോപാലിലൂടെ അക്കൗണ്ട് തുറക്കാനുള്ള കഠിന പരിശ്രമത്തിലാണ് സി.പി.എം. യു.ഡി.എഫ് ഘടകകക്ഷിയായ മുസ്ലിം ലീഗിന് ഒരു സീറ്റ് നല്‍കിയിട്ടുണ്ട്. എസ്.ഡി.പി.ഐയുടെ രണ്ട് പേരും മത്സരിക്കുന്നുണ്ട്. ബംഗ്ളാപറമ്പ് (22) വാര്‍ഡില്‍ ഇടതുപക്ഷ ആധിപത്യം അവസാനിപ്പിക്കാന്‍ കെ. അച്യുതന്‍ തന്നെ നേരിട്ട് മത്സരിച്ച് വിജയിച്ചതിന് ശേഷം ഇന്ന് വരെ വാര്‍ഡ് യു.ഡി.എഫിനെ കൈവിട്ടിട്ടില്ല. ഇത്തവണ വനിതാ സംവരണ വാര്‍ഡാണ്. യു.ഡി.എഫ് സ്ഥാനാര്‍ഥിയായി ബിന്ദുവും എല്‍.ഡി.എഫില്‍ ശ്രീജ കുമാരിയും ബി.ജെ.പിയില്‍ പ്രിയയുമാണ് മത്സരിക്കുന്നത്. |
| ഒന്ന് കൊയ്തെടുക്കാന്‍ മറുനാടന്‍ തൊഴിലാളികളെ പണി പഠിപ്പിക്കണം! Posted: 21 Oct 2015 11:31 PM PDT വണ്ടൂര്‍: കൊയ്ത്തിന് തൊഴിലാളികളെ കിട്ടത്തതുമൂലം മറുനാടന്‍ തൊഴിലാളികളെ കൊയ്ത്തു പഠിപ്പിച്ച് വനിതാ കര്‍ഷക. തിരുവാലി പഞ്ചായത്തിലെ പത്തിരിയാല്‍ വലിയ കുളത്തിന് സമീപത്ത് പാട്ടകൃഷി നടത്തുന്ന ചേന്ദംകുളങ്ങര അസ്മാബിയാണ് മറുനാടന്‍ തൊഴിലാളികളെ ഉപയോഗിച്ച് കൊയ്ത്ത് നടത്തിയത്. ബംഗാളികളും ഒഡിഷക്കാരുമായ തൊഴിലാളികള്‍ക്ക് കൊയ്ത്ത് പരിചയമില്ലാത്തതിനാല്‍ ഇവരെ ഇതു പഠിപ്പിക്കേണ്ട ചുമതല കൂടി അസ്മാബിക്കായിരുന്നു. |
| സി.പി.എമ്മിന് സര്‍വതിനെയും എതിര്‍ക്കുന്ന രീതി; ബി.ജെ.പിക്ക് വര്‍ഗീയ അജണ്ട –ഉമ്മന്‍ ചാണ്ടി Posted: 21 Oct 2015 11:24 PM PDT അടൂര്‍: സി.പി.എം എല്ലാറ്റിനെയും എതിര്‍ക്കുന്ന രീതിയാണ് കാണിക്കുന്നതെങ്കില്‍ സങ്കുചിത വര്‍ഗീയ അജണ്ടയാണ് ബി.ജെ.പി നടപ്പാക്കുന്നതെന്ന് ഉമ്മന്‍ ചാണ്ടി പറഞ്ഞു. അടൂരില്‍ യു.ഡി.എഫ് തെരഞ്ഞെടുപ്പ് പ്രചാരണ യോഗം ഉദ്ഘാടനം ചെയ്യുകയായിരുന്നു അദ്ദേഹം. ഒന്നര വര്‍ഷം മുമ്പ് ബി.ജെ.പി അധികാരത്തില്‍ വരുമ്പോള്‍ അവരെക്കുറിച്ച് ജനങ്ങള്‍ക്ക് നല്ല പ്രതീക്ഷയായിരുന്നു. അതെല്ലാം അസ്തമിച്ചു. ബി.ജെ.പിക്കു കേരളത്തില്‍ എന്തെങ്കിലും കാട്ടിക്കൂട്ടണം. അതിനായി അവര്‍ പലരെയും കൂട്ടുപിടിക്കാന്‍ ശ്രമിക്കുകയാണ്. |
| വ്യാജപ്രമാണമുണ്ടാക്കി 23 കോടി തട്ടിയയാള്‍ അമേരിക്കയിലും പ്രതി Posted: 21 Oct 2015 11:22 PM PDT കോഴഞ്ചേരി: കേരളത്തിലും കര്‍ണാടകയിലും വസ്തുവിന്‍െറ വ്യാജപ്രമാണം ഉണ്ടാക്കി 23 കോടി തട്ടിയ കോഴഞ്ചേരി നാനാവീട്ടില്‍ പുത്തന്‍പറമ്പില്‍ ബിജു മാത്യു എബ്രഹാം (43) അമേരിക്കയില്‍ നിരവധി പണം തട്ടിപ്പുകേസുകളില്‍ പ്രതിയെന്ന് പൊലീസ്. ഇതിനോടകം ഇതുസംബന്ധിച്ച് അമേരിക്കയില്‍നിന്ന് സി.ഐക്ക് രണ്ടു ഫോണ്‍ കാള്‍ വന്നു. എന്നാല്‍, ഇതിന് എംബസി വഴി ബന്ധപ്പെട്ട് ഡി.ജി.പിക്ക് പരാതി നല്‍കണമെന്ന് സി.ഐ അറിയിച്ചു. ബാങ്ക് ജീവനക്കാര്‍ തട്ടിപ്പിനിരയായിട്ടുണ്ടോ എന്ന് അവധി ദിവസങ്ങള്‍ കഴിഞ്ഞ് അന്വേഷിക്കുമെന്നും പ്രതിയെ കസ്റ്റഡിയില്‍ വാങ്ങുമെന്നും സി.ഐ പറഞ്ഞു. |
| കാലാവസ്ഥ വ്യതിയാനം കുരുമുളക് കൃഷിക്ക് തിരിച്ചടിയാകുന്നു Posted: 21 Oct 2015 11:20 PM PDT അടിമാലി: കാലാവസ്ഥ വ്യതിയാനം ജില്ലയിലെ കുരുമുളക് കൃഷിക്ക് തിരിച്ചടിയാകുന്നു. കുരുമുളക് ഉല്‍പാദനത്തില്‍ സംസ്ഥാനത്ത് മുന്‍നിരയിലുള്ള ജില്ലയാണ് ഇടുക്കി. |
| ഭാര്യയുടെ ചിഹ്നം മാറ്റി; ഭര്‍ത്താവ് നിരാഹാര സമരം തുടങ്ങി Posted: 21 Oct 2015 11:14 PM PDT കണ്ണൂര്‍: സ്ഥാനാര്‍ഥിയായ ഭാര്യക്ക് ആവശ്യപ്പെട്ട ചിഹ്നം അനുവദിച്ചില്ളെന്ന് ആരോപിച്ച് ഭര്‍ത്താവ് കലക്ടറേറ്റിന് മുന്നില്‍ നിരാഹാര സമരം തുടങ്ങി. |
| ‘കണക്കുകൂട്ടല്‍’ തെറ്റരുതെന്ന് സ്ഥാനാര്‍ഥികളോട് കമീഷന്‍ Posted: 21 Oct 2015 11:12 PM PDT കാസര്‍കോട്: തദ്ദേശ സ്വയംഭരണ സ്ഥാപനങ്ങളിലേക്കുളള തെരഞ്ഞെടുപ്പില്‍ സ്ഥാനാര്‍ഥികളുടെ തെരഞ്ഞെടുപ്പ് ചെലവ് നിയന്ത്രിക്കുന്നതുമായി ബന്ധപ്പെട്ട് തെരഞ്ഞെടുപ്പ് കമീഷന്‍ കര്‍ശന നിര്‍ദേശങ്ങള്‍ നല്‍കി. സ്ഥാനാര്‍ഥി നാമനിര്‍ദേശം ചെയ്യപ്പെട്ട ദിവസം മുതല്‍ ഫലപ്രഖ്യാപനം വരെയുള്ള ദിവസങ്ങളില്‍ ചെലവഴിക്കുന്ന തുകയാണ് സ്ഥാനാര്‍ഥിയുടെ തെരഞ്ഞെടുപ്പ് ചെലവ്. ഗ്രാമ, ബ്ളോക്, ജില്ലാ പഞ്ചായത്ത്, മുനിസിപ്പാലിറ്റി, വാര്‍ഡുകളിലെ സ്ഥാനാര്‍ഥികള്‍ക്ക് യഥാക്രമം 10,000, 30,000, 60,000 രൂപയാണ് പരമാവധി ചെലവഴിക്കാവുന്ന തുക. ഫലപ്രഖ്യാപനം മുതല്‍ 30 ദിവസത്തിനകം വിശദവും കൃത്യവുമായ തെരഞ്ഞെടുപ്പ് കണക്ക്, രസീത്, വൗച്ചര്‍, ബില്ല് എന്നിവയുടെ പകര്‍പ്പ് സഹിതം ബന്ധപ്പെട്ട അധികാരികള്‍ക്ക് നല്‍കണം. വരണാധിയുടെ പക്കല്‍ നിന്നും ലഭിക്കുന്ന ഫോറത്തിലാണ് കണക്കുകള്‍ സമര്‍പ്പിക്കേണ്ടത്. ചെലവാക്കുന്നതിലും എഴുതുന്നതിലും സമര്‍പ്പിക്കുന്നതിലും പിഴവ് വരുത്തുന്ന സ്ഥാനാര്‍ഥിയെ അഞ്ചുവര്‍ഷത്തേക്ക് കമീഷന്‍ അയോഗ്യനായി പ്രഖ്യാപിക്കാം. സ്ഥാനാര്‍ഥി നല്‍കുന്ന കണക്കുകള്‍ അഞ്ചുരൂപ ഫീസടച്ച് അപേക്ഷിക്കുന്ന ആര്‍ക്കും പരിശോധിക്കാം. 25 രൂപ ഫീസ് നല്‍കുന്നവര്‍ക്ക് കണക്കിന്‍െറ ഭാഗികമായോ പൂര്‍ണമായോ ഉള്ള പകര്‍പ്പും നല്‍കും. തെരഞ്ഞെടുപ്പ് ഫലം പ്രഖ്യാപിക്കുന്നതിന് മുമ്പ് ഏത് തീയതിയിലും ജില്ലാ തെരഞ്ഞെടുപ്പ് ഉദ്യോഗസ്ഥനോ കമീഷന്‍ നിയോഗിക്കുന്ന നിരീക്ഷകനോ കണക്കുകള്‍ പരിശോധിക്കാം. സ്ഥാനാര്‍ഥിയുടെ ചെലവുകള്‍ നിരീക്ഷകന്‍ അന്വേഷിക്കുമ്പോള്‍ സ്ഥാനാര്‍ഥിയോ ഏജന്‍േറാ ഹാജരാക്കണം. പാര്‍ട്ടികളോ ഗുണകാംക്ഷികളോ ചെലവാക്കുന്ന തുക അവര്‍ തന്നെ പേരും വിശദവിവരങ്ങളുമടക്കം വരണാധികാരിയെ അറിയിക്കണം. സ്ഥാനാര്‍ഥി ഇവയുടെ വിശദവിവരങ്ങള്‍ സൂക്ഷിച്ചുവെക്കണം. കാസര്‍കോട്, കാറഡുക്ക, മഞ്ചേശ്വരം ബ്ളോക്കുകളിലെയും കാസര്‍കോട് മുനിസിപ്പാലിറ്റിയിലെയും സ്ഥാനാര്‍ഥികളുടെ തെരഞ്ഞെടുപ്പ് ചെലവ് വിവരങ്ങളുടെ നിരീക്ഷകനായി കണ്ണൂര്‍ യൂണിവേഴ്സിറ്റി ജോയന്‍റ് ഡയറക്ടര്‍ എം. സനല്‍കുമാറിനെയും കാഞ്ഞങ്ങാട്, നീലേശ്വരം, പരപ്പ ബ്ളോക്കുകളിലേക്കും കാഞ്ഞങ്ങാട് നീലേശ്വരം മുനിസിപ്പാലിറ്റിയിലേക്കുമായി നിരീക്ഷകനായി കാസര്‍കോട് ജില്ലാ ഓഡിറ്റ് സീനിയര്‍ ഡെപ്യൂട്ടി ഡയറക്ടര്‍ പി.എന്‍. മധുസൂദനനെയുമാണ് നിയമിച്ചിരിക്കുന്നത്. പൊതുജനങ്ങള്‍ക്ക് തെരഞ്ഞെടുപ്പ് സംബന്ധമായ സാമ്പത്തിക കാര്യങ്ങളില്‍ പരാതിയുണ്ടെങ്കില്‍ ഒബ്സര്‍വര്‍മാരെ വിവരമറിയിക്കാം. ഫോണ്‍: 9400906676 (കാസര്‍കോട്), 9446651351(കാഞ്ഞങ്ങാട്). |
| രാത്രി നടത്തിയ ടാറിങ് രാവിലെ തകര്‍ന്നു; നാട്ടുകാര്‍ റോഡ് ഉപരോധിച്ചു Posted: 21 Oct 2015 11:08 PM PDT കളമശ്ശേരി: ഇടപ്പള്ളി -പുക്കാട്ടുപടി സംസ്ഥാന പാതയില്‍ രാത്രിയില്‍ നടത്തിയ ടാറിങ് രാവിലെ തകര്‍ന്നതില്‍ പ്രതിഷേധിച്ച് നാട്ടുകാര്‍ റോഡ് ഉപരോധിച്ചു. പ്രതിഷേധത്തെ തുടര്‍ന്ന് സ്ഥലത്തത്തെിയ ഉദ്യോഗസ്ഥര്‍, നാട്ടുകാരുടെ എല്ലാ നിര്‍ദേശങ്ങളും ഉടന്‍ നടപ്പാക്കി റോഡ് സഞ്ചാരയോഗ്യമാക്കുമെന്ന് ഉറപ്പ് നല്‍കി. |
| ഉമ്മന്‍ചാണ്ടിയും വി.എസും നാളെ ജില്ലയില്‍ Posted: 21 Oct 2015 11:05 PM PDT ആലപ്പുഴ: തെരഞ്ഞെടുപ്പ് പ്രചാരണം കൊഴുപ്പിച്ച് മുഖ്യമന്ത്രി ഉമ്മന്‍ ചാണ്ടിയും പ്രതിപക്ഷ നതാവ് വി.എസ്. അച്യുതാനന്ദനും വെള്ളിയാഴ്ച ജില്ലയില്‍. മുഖ്യമന്ത്രി എട്ട് യോഗങ്ങളിലും വി.എസ് നാല് യോഗങ്ങളിലും പങ്കെടുക്കും. യു.ഡി.എഫിനുവേണ്ടി കെ.പി.സി.സി പ്രസിഡന്‍റ് വി.എം. സുധീരന്‍ ഒരുതവണ ജില്ലയില്‍ എത്തി മടങ്ങി. മുഖ്യമന്ത്രികൂടി എത്തുന്നതോടെ യു.ഡി.എഫിന്‍െറ പ്രചാരണ പ്രവര്‍ത്തനങ്ങള്‍ക്ക് ഗതിവേഗം കൂടുമെന്നാണ് പ്രതീക്ഷ. രാവിലെ 9.30ന് രാമങ്കരി, 10.30 ന് ചെങ്ങന്നൂര്‍ വൈ.എം.സി.എ ഹാള്‍, 11. 30ന് നൂറനാട്, ഉച്ചക്ക് 12.30ന് കായംകുളം പാര്‍ക്ക് മൈതാനം, മൂന്നിന് പള്ളിപ്പാട് ചന്ത, നാലിന് അമ്പലപ്പുഴ, അഞ്ചിന് തുമ്പോളി പള്ളി ജങ്ഷന്‍, ആറിന് ചെട്ടികാട് പമ്പ് ഹൗസ്, ഏഴിന് ചേര്‍ത്തല ദേവീക്ഷേത്രത്തിന് വടക്ക് വശം, എട്ടിന് എരമല്ലൂര്‍ എന്നിങ്ങനെയാണ് മുഖ്യമന്ത്രി പങ്കെടുക്കുന്ന യോഗങ്ങള്‍. |
| വനം-പരിസ്ഥിതി വകുപ്പ് വിശദീകരണം തേടി Posted: 21 Oct 2015 10:59 PM PDT സുല്‍ത്താന്‍ബത്തേരി: വയനാട് വന്യജീവി കേന്ദ്രത്തിന് സമീപം ചീയമ്പത്ത് വനംവകുപ്പ് മയക്കുവെടി വെച്ച് പിടികൂടിയ കടുവ ചത്ത സംഭവത്തില്‍ വനം-പരിസ്ഥിതി വകുപ്പ് വിശദീകരണം തേടി. |
| Posted: 21 Oct 2015 10:57 PM PDT കോഴിക്കോട്: നഗരത്തിലെ ഭരണാധികാരികള്‍ ആരെങ്കിലും വല്ലപ്പോഴും എരഞ്ഞിപ്പാലം ബൈപാസിന്‍െറ ഇരുവശത്തുമുള്ള നടപ്പാതയിലൂടെ ഒന്നുനടക്കണം. നടക്കുമ്പോള്‍ കൈയില്‍ ഒരു 'വടി' കൂടി കരുതണമെന്നു മാത്രം. നടപ്പാതയിലേക്ക് വളര്‍ന്ന കാട് വെട്ടിത്തെളിച്ച് നടക്കാനും ഇഴജന്തുകളുടെ കടിയേല്‍ക്കാതെ രക്ഷപ്പെടാനും 'വടി' ഉപകരിക്കും. |
| ചാമ്പ്യന്‍സ് ലീഗില്‍ റയലിനും മാഞ്ചസ്റ്ററിനും സമനിലപ്പൂട്ട് Posted: 21 Oct 2015 10:55 PM PDT Image:  ലണ്ടന്‍: യുവേഫ ചാമ്പ്യന്‍സ് ലീഗിലെ വമ്പന്മാരുടെ പോരാട്ടങ്ങള്‍ക്ക് സമനിലപ്പൂട്ട്. വന്‍പ്രതീക്ഷകളോടെ കളത്തിലിറങ്ങിയ കരുത്തരായ റയല്‍ മഡ്രിഡും മാഞ്ചസ്റ്റര്‍ യുനൈറ്റഡും യുവന്‍റസും സമനിലയുടെ രുചിയറിഞ്ഞു. അതേസമയം മാഞ്ചസ്റ്റര്‍ സിറ്റി സെവിയ്യയെ കഷ്ടിച്ച് കീഴടക്കി. ആദ്യ രണ്ടു മത്സരങ്ങളും ജയിച്ച റയല്‍ എവേ മാച്ചില്‍ ഫ്രഞ്ച് സംഘം പി.എസ്.ജിയോടാണ് ഗോള്‍രഹിത സമനില വഴങ്ങിയത്. സി.എസ്.കെ.എ മോസ്കോയാണ് റഷ്യന്‍ മണ്ണില്‍ റൂണിയെയും സംഘത്തേയും തളച്ചത് (1^1). 15ാം മിനിറ്റില്‍ സി.എസ്.കെ.എക്കായി ഐവറികോസ്റ്റ് താരം സെയ്ദോ ദോംബിയ ഗോള്‍ നേടി. 65ാം മിനിറ്റിലാണ് യുണൈറ്റഡ് ആന്‍റണി മാര്‍ഷ്യലിലൂടെ സമനില ഗോള്‍ നേടിയത്. ആദ്യ മത്സരത്തില്‍ പി.എസ്.വി ഐന്തോവനോട് തോറ്റ യുനൈറ്റഡ് രണ്ടാം മത്സരത്തില്‍ വോള്‍ഫ്സ്ബര്‍ഗിനെ 2^1ന് തോല്‍പിച്ചിരുന്നു. ഇംഗ്ളീഷ് പ്രീമിയര്‍ ലീഗില്‍ വിജയക്കുതിപ്പ് നടത്തുന്ന മാഞ്ചസ്റ്റര്‍ സിറ്റി സ്വന്തം മണ്ണില്‍ സെവിയ്യയെ 2^1നാണ് തോല്‍പിച്ചത്. 30ാം മിനിറ്റില്‍ യോവ്ഹന്‍ കോണോപ്ളേംഗയാ സെവിയ്യക്കായി വല കുലുക്കി. 36ാം മിനിറ്റില്‍ സെവിയ്യയുടെ ഫ്രഞ്ച് പ്രതിരോധ താരം ആദില്‍ റാമിയുടെ സെല്‍ഫ് ഗോളില്‍ സിറ്റി സമനിലയിലത്തെി. 93ാം മിനിറ്റില്‍ നായകന്‍ വിന്‍സസെന്‍റ് കോംപാനിയാണ് സിറ്റിയുടെ വിജയ ഗോള്‍ കുറിച്ചത്. മറ്റു മത്സരങ്ങള്‍ |
| 250 കോടി യൂറോയുടെ കരാറുകള്‍ ഒപ്പുവെക്കും Posted: 21 Oct 2015 10:45 PM PDT Image:  കുവൈത്ത് സിറ്റി: ഫ്രാന്‍സില്‍ സന്ദര്‍ശനത്തിനത്തെിയ പ്രധാനമന്ത്രി ശൈഖ് ജാബിര്‍ അല്‍മുബാറക് അല്‍ഹമദ് അസ്സബാഹിന് ഊഷ്മള വരവേല്‍പ്. പ്രസിഡന്‍റ് ഫ്രാങ്സ്വ ഓലന്‍ഡ്, വിദേശകാര്യമന്ത്രി ലോറാന്‍ ഫാബിയോസ് എന്നിവരുമായി പ്രധാനമന്ത്രി കൂടിക്കാഴ്ച നടത്തി. ഇരുരാജ്യങ്ങളും തമ്മിലെ സൗഹൃദം കൂടുതല്‍ ഊട്ടിയുറപ്പിക്കുന്ന തരത്തിലുള്ള ചര്‍ച്ചകള്‍ അരങ്ങേറി. വാണിജ്യ, വ്യവസായ പ്രമുഖരുടെ യോഗത്തില്‍ സംബന്ധിച്ച ശൈഖ് ജാബിര്‍ അല്‍മുബാറക് അല്‍ഹമദ് അസ്സബാഹ് ഫ്രാന്‍സിലെ യൂനിവേഴ്സിറ്റികളില്‍ പഠിക്കുന്ന കുവൈത്തി വിദ്യാര്‍ഥികളുമായി പ്രത്യേകം കൂടിക്കാഴ്ച നടത്തുകയും ചെയ്തു. വിവിധ മേഖലകളില്‍ സഹകരണം മെച്ചപ്പെടുത്തുന്ന കരാറുകളില്‍ ഇരുരാജ്യങ്ങളും തമ്മില്‍ ഒപ്പുവെക്കും. 250 കോടി യൂറോയുടെ കരാറുകളിലാണ് ഒപ്പുവെക്കുകയെന്നാണ് സൂചന. പ്രതിരോധമേഖലയിലെ സഹകരണത്തിനും ആയുധവില്‍പനക്കുമുള്ള കരാറാണ് ഇതില്‍ പ്രധാനം. ജൂണില്‍ ഫ്രഞ്ച് പ്രതിരോധമന്ത്രി ഴാങ് ലെവ്സ് ലെഡ്രെയിനിന്‍െറ കുവൈത്ത് സന്ദര്‍ശനത്തിനിടയില്‍ തീരുമാനമായ 24 ഹെലികോപ്ടറുകള്‍ സംബന്ധിച്ച കരാര്‍ ഇതിലുള്‍പ്പെടും. കൂടാതെ റെനോ കമ്പനിയുടെ വോള്‍വോ ട്രക് പ്രതിരോധ സംവിധാനം, 37 പട്രോള്‍ ബോട്ടുകള്‍ തുടങ്ങിയവ വാങ്ങുന്നതിനുള്ള ഉടമ്പടിയും ഒപ്പുവെക്കും. എലീസി പാലസിലായിരുന്നു ശൈഖ് ജാബിര്‍ അല്‍മുബാറക് അല്‍ഹമദ് അസ്സബാഹും ഫ്രാങ്സ്വ ഓലന്‍ഡും തമ്മിലുള്ള കൂടിക്കാഴ്ച. ഇരുരാജ്യങ്ങളും തമ്മിലുള്ള ഉഭയകക്ഷി, നയതന്ത്ര ബന്ധങ്ങളും പശ്ചിമേഷ്യയിലെ പ്രത്യേക വിഷയങ്ങളും ലോക കാര്യങ്ങളും ചര്‍ച്ചയായ കൂടിക്കാഴ്ച ഏറെ തൃപ്തികരമായിരുന്നുവെന്ന് പ്രധാനമന്ത്രി പറഞ്ഞു. രാഷ്ട്രീയ, സാമ്പത്തിക, സൈനിക, ശാസ്ത്ര-സാങ്കേതിക, സാംസ്കാരിക മേഖലകളിലെ പരസ്പര സഹകരണം മെച്ചപ്പെടുത്തേണ്ടതിന്‍െറ ആവശ്യകത ചര്‍ച്ചയില്‍ കടന്നുവന്നതായി അദ്ദേഹം കൂട്ടിച്ചേര്‍ത്തു. ആരോഗ്യരംഗത്തെയും സാംസ്കാരിക മേഖലയിലെയും സഹകരണം സംബന്ധിച്ച് പ്രത്യേക ഉടമ്പടികള്‍ ഇരുരാജ്യങ്ങളും തമ്മില്‍ ഒപ്പുവെക്കും. സുരക്ഷ, പ്രതിരോധ പങ്കാളിത്തത്തിനും കൂടുതല്‍ ഊന്നല്‍ നല്‍കും -പ്രധാനമന്ത്രി അറിയിച്ചു. ഇസ്ലാമിക് സ്റ്റേറ്റിനെതിരായ പോരാട്ടത്തില്‍ കുവൈത്തിന്‍െറ പങ്കിനെ ഓലന്‍ഡ് പ്രത്യേകം അഭിനന്ദിച്ചു. ഉപപ്രധാനമന്ത്രിയും വിദേശകാര്യമന്ത്രിയുമായ ശൈഖ് സബാഹ് അല്‍ഖാലിദ് അല്‍ഹമദ് അസ്സബാഹ്, ഉപപ്രധാനമന്ത്രിയും പ്രതിരോധമന്ത്രിയുമായ ശൈഖ് ഖാലിദ് അല്‍ജര്‍റാഹ് അസ്സബാഹ്, അനസ് സാലിഹ്, സഹവിദേശകാര്യ മന്ത്രി ഖാലിദ് സുലൈമാന്‍ അല്‍ജാറല്ല എന്നിവരെ കൂടാതെ കുവൈത്ത് ചേംബര്‍ ഓഫ് കോമേഴ്സ് ആന്‍ഡ് ഇന്‍ഡസ്ട്രി (കെ.സി.സി.ഐ) പ്രതിനിധിസംഘവും പ്രധാനമന്ത്രിയോടൊപ്പമുണ്ട്. ഫ്രാന്‍സിലെ കുവൈത്ത് അംബാസഡര്‍ സാമി അല്‍സുലൈമാന്‍, കുവൈത്തിലെ ഫ്രഞ്ച് അംബാസഡര്‍ ക്രിസ്ത്യന്‍ നെഖ്ലെ എന്നിവരും കൂടിക്കാഴ്ചകളില്‍ സംബന്ധിച്ചു. |
| സിഗ്നലുകളില്‍ കൗണ്ട്ഡൗണ്‍ ടൈമറുകള്‍ സ്ഥാപിക്കാനുള്ള തീരുമാനം നീട്ടിവെച്ചു Posted: 21 Oct 2015 10:39 PM PDT Image:  മസ്കത്ത്: നഗരത്തിലെ പ്രധാന ഗതാഗത സിഗ്നലുകളില്‍ കൗണ്ട്ഡൗണ്‍ ടൈമറുകള്‍ സ്ഥാപിക്കാനുള്ള തീരുമാനം ആര്‍.ഒ.പി നീട്ടിവെച്ചു. ഒന്നിലധികം കാരണങ്ങളാണ് തീരുമാനം നീട്ടാന്‍ പ്രേരകമായതെന്ന് ആര്‍.ഒ.പി വക്താവിനെ ഉദ്ധരിച്ച് പ്രാദേശിക പത്രം റിപ്പോര്‍ട്ട് ചെയ്തു. അപകടങ്ങള്‍ കുറക്കാനുള്ള ശ്രമത്തിന്‍െറ ഭാഗമായി സിഗ്നലുകളില്‍ കൗണ്ട്ഡൗണ്‍ ടൈമറുകള്‍ സ്ഥാപിക്കുമെന്ന് നേരത്തേ ആര്‍.ഒ.പി അറിയിച്ചിരുന്നു. സാങ്കേതികപ്രശ്നങ്ങളാണ് തീരുമാനത്തില്‍നിന്ന് പിന്നാക്കംപോകാനുള്ള പ്രധാന കാരണം. നിലവിലെ സിഗ്നല്‍ സംവിധാനം ടൈമര്‍ സ്ഥാപിക്കാന്‍തക്ക നവീനമല്ല. ഇതോടൊപ്പം വിശദപഠനത്തില്‍ ടൈമറുകള്‍ സ്ഥാപിക്കുന്നത് വഴി അപകടം വര്‍ധിക്കാനാണ് സാധ്യതയെന്നും വിലയിരുത്തലുണ്ടായതായി റിപ്പോര്‍ട്ട് പറയുന്നു. സിഗ്നല്‍ വീഴുന്നതോടെ വാഹനം അമിതവേഗത്തില്‍ മുന്നോട്ടെടുക്കാന്‍ ടൈമറുകള്‍ കാരണമാകാനിടയുണ്ട്. മസ്കത്ത് നഗരസഭയുമായി ബന്ധപ്പെട്ട് മാത്രമേ സിഗ്നലുകളുമായി ബന്ധപ്പെട്ട വിഷയങ്ങളില്‍ തീരുമാനമെടുക്കൂ. ടൈമറുകള്‍ സ്ഥാപിക്കുന്നതിനൊപ്പം സിഗ്നലുകളിലെ സമയപരിധി കുറക്കുന്നതും മസ്കത്ത് നഗരസഭയുടെകൂടി അധികാരപരിധിയില്‍ വരുന്ന വിഷയമാണ്. കേന്ദ്രീകൃത സംവിധാനം വഴി സിഗ്നലുകള്‍ നിയന്ത്രിക്കുന്നതിനായിരുന്നു പദ്ധതി. സെന്‍സര്‍ അധിഷ്ഠിതമായ ടൈമറുകള്‍ ഉപയോഗിക്കുന്നത് വഴി വാഹനഗതാഗതം കുറഞ്ഞ സമയത്ത് പെട്ടെന്ന് സിഗ്നല്‍ കടക്കാന്‍ കഴിയുമെന്നായിരുന്നു വിലയിരുത്തല്‍. നിലവിലെ സിഗ്നലുകളില്‍ വാഹനങ്ങളുടെ എണ്ണം കൂടിയാലും കുറഞ്ഞാലും നിശ്ചിത സമയം കാത്തുകിടക്കേണ്ട സാഹചര്യമാണുള്ളത്. |
| പാരലിമ്പിക്സ് ചാമ്പ്യന്‍ഷിപ്പിന് തിരിതെളിഞ്ഞു Posted: 21 Oct 2015 10:33 PM PDT Image:  ദോഹ: ചരിത്രത്തിലാദ്യമായി മിഡില്‍ ഈസ്റ്റില്‍ വിരുന്നുവന്ന ലോക പാരലിമ്പിക്സ് ചാമ്പ്യന്‍ഷിപ്പിന് ദോഹയില്‍ വര്‍ണാഭമായ തുടക്കം. ഖത്തര്‍ ഒളിംപിക് കമ്മിറ്റി പ്രസിഡന്‍റ് ശൈഖ് ജുവാന്‍ ബിന്‍ ഹമദ് ആല്‍ഥാനി ചാമ്പ്യന്‍ഷിപ്പിന്‍െറ ഒൗദ്യോഗിക ഉദ്ഘാടനം നിര്‍വഹിച്ചു. അന്താരാഷ്ട്ര പാരലിമ്പിക് കമ്മിറ്റി ചെയര്‍മാന്‍ ഫിലിപ് ക്രാവനോ പരിപാടിയില്‍ സംബന്ധിച്ചു. ഏറ്റവും മികച്ച രൂപത്തില്‍ ഈ മഹത്തായ ചാമ്പ്യന്‍ഷിപ്പ് ലോകത്തിന് മുന്നില്‍ സമര്‍പ്പിക്കാന്‍ ഖത്തറിന് സാധിക്കട്ടെയെന്ന് ആശംസിച്ച അദ്ദേഹം, ഖത്തറിന്‍െറ മഹത്തായ നേതൃത്വമാണ് ഇതിന് പിന്നിലെന്നും വ്യക്തമാക്കി.  ഈ ചാമ്പ്യന്‍ഷിപ്പിന് പൂര്‍ണപിന്തുണ നല്‍കിയ ഖത്തര്‍ ഒളിംപിക് കമ്മിറ്റി പ്രസിഡന്‍റ് ശൈഖ് ജുവാന്‍ ബിന്‍ ഹമദ് ആല്‍ഥാനിക്ക് പാരലിമ്പിക് കമ്മിറ്റി ചെയര്‍മാന്‍ നന്ദി അറിയിച്ചു. വര്‍ണാഭമായ ചടങ്ങില്‍, പ്രത്യേക പരിഗണനയര്‍ഹിക്കുന്ന നിരവധി കായികതാരങ്ങള്‍ തങ്ങളുടെ പ്രകടനത്തിലൂടെ കാണികളുടെ മനം കവര്‍ന്നു. കുഞ്ഞു അത്ലറ്റായ ഗാനിം അല്‍ മുഫ്തയുടെ ആശംസയും ചടങ്ങിന് മികവേകി. ഇരുകാലുകളുമില്ലാതെ അന്തരീക്ഷത്തില്‍ തൂങ്ങിയാടിയ അമേരിക്കന്‍ കലാകാരി കാണികളുടെ നിറഞ്ഞ കയ്യടിയാണ് വാങ്ങിക്കൂട്ടിയത്. ഖത്തറിന്‍െറ ചരിത്രത്തെ രേഖപ്പെടുത്തി പ്രത്യേക സംഗീത കലാപരിപാടിയും കതാറ ഓപണ്‍ തീയറ്ററിലെ ഉദ്ഘാടന ചടങ്ങില്‍ പ്രദര്‍ശിപ്പിച്ചു. കതാറ ആകാശം മുഴുക്കെ വര്‍ണം വാരിയെറിഞ്ഞ കരിമരുന്ന് പ്രയോഗവും ഉദ്ഘാടന ദിവസത്തിന് കൊഴുപ്പേകി. |
| ഐ.എസ് രൂപവത്കരിക്കാന്‍ ശ്രമം: കേസ് കോടതിയില്‍ Posted: 21 Oct 2015 10:18 PM PDT Image:  മനാമ: ബഹ്റൈനില്‍ ഐ.എസ് രൂപവത്കരിക്കാന്‍ ശ്രമം നടത്തിയ കേസില്‍ കുറ്റാരോപിതരായ 24 പേര്‍ക്കെതിരെയുള്ള കേസ് കഴിഞ്ഞ ദിവസം കോടതിയിലത്തെി. കേസിലുള്‍പ്പെട്ട എട്ട് പേര്‍ പിടിയിലായിട്ടുണ്ട്. 16 പേരെ പിടികിട്ടാപ്പുള്ളികളായി പ്രഖ്യാപിച്ചു. നിയമവിരുദ്ധമായി സംഘടിക്കുകയും നിരോധിത സംഘടന രാജ്യത്ത് രൂപവത്കരിക്കാന്‍ ശ്രമിക്കുകയും ചെയ്തുവെന്നാണ് ഇവര്‍ക്കെതിരെയുള്ള കേസ്. ആയുധങ്ങള്‍ കൈവശം വെക്കുകയും തീവ്രവാദ പ്രവര്‍ത്തനങ്ങള്‍ക്ക് പരിശീലനം സംഘടിപ്പിക്കുകയും രാജ്യത്തെ ഭരണവ്യവസ്ഥയെ മറിച്ചിടാനുള്ള ഗൂഢാലോചനകളില്‍ ഏര്‍പ്പെടുകയും ചെയ്തതായി തെളിവുകള്‍ ലഭിച്ചിട്ടുണ്ട്. ക്രിമിനല്‍ ഇന്‍വെസ്റ്റിഗേഷന്‍ വിഭാഗത്തില്‍ ലഭിച്ച വിവരത്തിന്‍െറ അടിസ്ഥാനത്തില്‍ നടത്തിയ അന്വേഷണത്തിലാണ് ഐ.എസ് രൂപവത്കരിക്കാന്‍ ശ്രമം നടന്നതായി കണ്ടത്തെി എട്ട് പേരെ അറസ്റ്റ് ചെയ്തത്. ഇവരുടെ കേസുകള്‍ ഡിസംബര്‍ 22 ന് ഒന്നാം ക്രിമിനല്‍ കോടതിയിലേക്ക് മാറ്റാന്‍ തീരുമാനമായി. |
| നവം. ഒന്നു മുതല്‍ ജിദ്ദയില്‍ നിന്ന് കോഴിക്കോട്ടേക്ക് എയര്‍ ഇന്ത്യ വിമാനം Posted: 21 Oct 2015 09:59 PM PDT Image:  ജിദ്ദ: കോഴിക്കോട് വിമാനത്താവളത്തിലെ അറ്റകുറ്റപ്പണിയോടനുബന്ധിച്ച് വിമാനസര്‍വീസ് മുടങ്ങിയതിനാല്‍ പ്രയാസമനുഭവിക്കുന്ന ജിദ്ദ പ്രവാസികള്‍ക്ക് എയര്‍ ഇന്ത്യയുടെ സന്തോഷവാര്‍ത്ത. നവംബര്‍ ഒന്നു മുതല്‍ ജിദ്ദയില്‍ നിന്ന് ആഴ്ചയില്‍ നാലു ദിനങ്ങളില്‍ മുംബൈ വഴി കോഴിക്കോട്ടേക്ക് എയര്‍ ഇന്ത്യ എ - 320 വിമാനങ്ങളുപയോഗിച്ച് സര്‍വീസ് തുടങ്ങുന്നു. ഞായര്‍, ചൊവ്വ, വ്യാഴം, ശനി ദിവസങ്ങളില്‍ ജിദ്ദയില്‍ നിന്ന് കോഴിക്കോട്ടേക്കും ഞായര്‍, തിങ്കള്‍, ബുധന്‍, വെള്ളി ദിവസങ്ങളില്‍ തിരിച്ചും എയര്‍ ഇന്ത്യ സര്‍വീസ് നടത്തും. ജിദ്ദയില്‍ നിന്നു രാത്രി 9.15ന് പുറപ്പെടുന്ന വിമാനം പിറ്റേന്ന് പുലര്‍ച്ചെ 4.20 മുംബൈയില്‍ എത്തിച്ചേരും. അവിടെ നിന്നു രാവിലെ 6.25ന് പുറപ്പെടുന്ന വിമാനം 8.45 ന് കോഴിക്കോട് എത്തും. കോഴിക്കോട്ട് നിന്ന് രാവിലെ 9.25ന് പുറപ്പെടുന്ന ജിദ്ദ വിമാനം 11.25ന് മുംബൈയില്‍ ഇറങ്ങും. അവിടെ നിന്ന് വൈകിട്ട് 4.50 ന് പുറപ്പെട്ട് 7.45ന് ജിദ്ദയില്‍ എത്തും. എമിഗ്രേഷന്‍, കസ്റ്റംസ് ക്ളിയറന്‍സും മറ്റും കോഴിക്കോട് വിമാനത്താവളത്തിലായിരിക്കുമെന്ന് എയര്‍ ഇന്ത്യയില്‍ നിന്ന് ട്രാവല്‍ ഏജന്‍സികള്‍ക്ക് ലഭിച്ച വിവരം. |
| രാജ്യത്ത് പ്രതീക്ഷയുടെ അന്തരീക്ഷം നിലനില്‍ക്കുന്നു^ മോഹന്‍ ഭാഗവത് Posted: 21 Oct 2015 09:50 PM PDT Image:  നാഗ്പൂര്‍: രാജ്യത്ത് പ്രതീക്ഷയുടെ അന്തരീക്ഷം നിലനില്‍ക്കുന്നതായി ആര്‍.എസ്.എസ് മേധാവി മോഹന്‍ ഭാഗവത്. 'രണ്ടു വര്‍ഷം മുമ്പ് ഇന്ത്യയില്‍ നിരാശയുടെ അന്തരീക്ഷമായിരുന്നു നിലനിന്നിരുന്നത്. എന്നാലിപ്പോള്‍ രാജ്യത്ത് പ്രത്യാശയുടെ ചിന്തകള്‍ വന്നിരിക്കുന്നു'. വിജയദശമി ദിനത്തിലെ വാര്‍ഷിക പ്രഭാഷണത്തിനിടെയാണ് അദ്ദേഹം ഇക്കാര്യം പറഞ്ഞത്. അന്താരാഷ്ട്ര തലത്തില്‍ ഇന്ത്യയുടെ മുഖം മെച്ചപ്പെട്ടതായും ആര്‍.എസ്.എസ് മേധാവി വ്യക്തമാക്കി. ലോക രാഷ്ട്രങ്ങള്‍ക്കിടയില്‍ ഇന്ത്യയെക്കുറിച്ചുള്ള സങ്കല്‍പം മാറുകയാണ്. ലോകത്ത് എപ്പോഴൊക്കെ ഒരു പ്രതിസന്ധി ഉണ്ടാകുന്നോ, അപ്പോഴൊക്കെ തങ്ങള്‍ സഹായിക്കാനായി വരുമെന്നും അദ്ദേഹം വ്യക്തമാക്കി. പ്രതിരോധ ഗവേഷണ വികസന സംഘടന (ഡി.ആര്‍.ഡി.ഒ ) മുന്‍ ചെയര്‍മാന്‍ വിജയ്കുമാര്‍ സരസ്വത് റാലിയില്‍ മുഖ്യാതിഥിയായിരുന്നു. നിലവില്‍ നീതി ആയോഗ് സമിതിയംഗമാണ് അദ്ദേഹം. മഹാരാഷ്ട്ര മുഖ്യമന്ത്രി ദേവേന്ദ്ര ഫട്‌നാവിസ്, കേന്ദ്രമന്ത്രി നിതിന്‍ ഗഡ്കരി എന്നിവരും നാഗ്പൂരിലെ ആര്‍.എസ്.എസ് ചടങ്ങില്‍ പങ്കെടുത്തു. ആര്‍.എസ്.എസിന്റെ 90ാം വാര്‍ഷിക ദിനത്തില്‍ എല്ലാ സ്വയംസേവകര്‍ക്കും പ്രധാനമന്ത്രി നരേന്ദ്രമോദി ആശംസ നേര്‍ന്നു. |
| Posted: 21 Oct 2015 09:45 PM PDT Image:  ഹൈദരാബാദ്: ആന്ധ്രാപ്രദേശിന്‍്റെ പുതിയ തലസ്ഥാനമായ അമരാവതിയുടെ ശിലാസ്ഥാപനം ഇന്ന്. സംസ്ഥാനത്തിന്‍െറ വാണിജ്യതലസ്ഥാനമായ വിജയവാഡയില്‍ നിന്ന്് 40 കിലോമീറ്റര്‍ അകലെ ഗുണ്ടൂരില്‍ കൃഷ്ണ നദിക്കരയില്‍ ഒരുങ്ങുന്ന അമരാവതിക്ക് പ്രധാനമന്ത്രി നരേന്ദ്ര മോദിയാണ് തറക്കല്ലിടുന്നത്. സിംഗപ്പൂര്‍ സര്‍ക്കാരിന്‍്റെ സഹായത്തോടെയാണ് 217 ചതുരശ്ര കിലോമീറ്ററില്‍ തലസ്ഥാനനഗരി ഒരുങ്ങുന്നത്. നഗരിയോടു ചേര്‍ന്നു കാര്‍ഷിക മേഖലയും ഒരുക്കുന്നുണ്ട്. അഞ്ച് ലക്ഷത്തോളം പേര്‍ പങ്കെടുക്കുന്ന ചടങ്ങില്‍ വിവിധ സംസ്ഥാനങ്ങളിലെ മുഖ്യമന്ത്രിമാര്‍, കേന്ദ്രമന്ത്രിമാര്‍, അമിതാഭ് ബച്ചന്‍ തുടങ്ങിയവര്‍ പങ്കെടുക്കും. സിംഗപ്പൂര്‍, ജപ്പാന്‍ എന്നീ സര്‍ക്കാരുകളുടെ പ്രതിനിധികളും ചടങ്ങില്‍ പങ്കെടുക്കും. പരിപാടി നിയന്ത്രിക്കാന്‍ 8,000 പൊലീസുകാരെ നിയോഗിച്ചിട്ടുണ്ട്. മുഖ്യമന്ത്രിയുടെ നിര്‍ദേശപ്രകാരം സംസ്ഥാനത്തെ 1,600 തീര്‍ഥാടന കേന്ദ്രങ്ങളില്‍ നിന്ന് കൊണ്ടുവന്ന മണ്ണ് അമരാവതിയുടെ നിര്‍മാണത്തിനായി ഉപയോഗിക്കും. ആന്ധ്രപ്രദേശിന്‍െറ തലസ്ഥാനത്തിന് പ്രത്യേക പരിഗണന നല്‍കുമെന്ന് കേന്ദ്രം ഉറപ്പു നല്‍കിയിരുന്ന കാര്യം മുഖ്യമന്ത്രി ചന്ദ്രബാബു നായിഡു പ്രധാനമന്ത്രിയെ ഓര്‍മപ്പെടുത്തി. അതേ സമയം, സംസ്ഥാന പ്രതിപക്ഷ നേതാവ് ജഗന്‍മോഹന്‍ റെഡ്ഡി പരിപാടിയില്‍ നിന്നു വിട്ടുനില്‍ക്കും. കര്‍ഷകരുടെ ഭൂമി തട്ടിയെടുത്ത് തലസ്ഥാനനഗരി ഉണ്ടാക്കാന്‍ ശ്രമിക്കുന്നു എന്നാരോപിച്ചാണ് അദ്ദേഹം പരിപാടി ബഹിഷ്കരിക്കുന്നത്. കഴിഞ്ഞ വര്‍ഷമാണ് ആന്ധ്രപ്രദേശ് വിഭജിച്ച് പുതുതായി തെലങ്കാന സംസ്ഥാനം രൂപം കൊണ്ടത്. തെലങ്കാനയുടെ തലസ്ഥാനം ഹൈദരാബാദ് ആയി നിലനിര്‍ത്തുകയും ആന്ധ്രപ്രദേശിന് പുതിയ തലസ്ഥാനം നിര്‍മിക്കുമെന്നുമായിരുന്നു അന്നുണ്ടായിരുന്ന കരാര്‍. ഇതനുസരിച്ചാണ് ആന്ധ്രപ്രദേശിന് പുതിയ തലസ്ഥാനം നിര്‍മിക്കുന്നത്. |
| പറന്നു വന്ന് ഭക്ഷണം വിളമ്പും; ഇവന്‍ ‘കോഴിക്കോട്ടുകാരന്‍’ Posted: 21 Oct 2015 09:32 PM PDT Image:  ദുബൈ: പറന്നു വന്ന് ഭക്ഷണം വിളമ്പുന്ന ‘വെയിറ്റര്‍’ ഡ്രോണ്‍ കേരളം ദുബൈയില്‍ നടക്കുന്ന ജൈറ്റക്സ് ആഗോള സാങ്കേതിക മേളയില്‍ അവതരിപ്പിച്ചു. റെസ്റ്റോറന്‍റുകളില്‍ എത്തുന്നവര്‍ ഡിജിറ്റല്‍ മെനുവില്‍ ഓര്‍ഡര്‍ നല്‍കിയാല്‍ ഭക്ഷണം ട്രേയില്‍ പറന്നുവന്ന് വിതരണം ചെയ്യുന്ന ജി.പി.എസ് നിയന്ത്രിത ഡ്രോണ്‍ റോബോട്ടാണ് കോഴിക്കോട്ടുനിന്നുള്ള ഫ്ള്യൂഅപ് എന്ന തുടക്കക്കമ്പനി ഗള്‍ഫ്, ഇന്ത്യന്‍ വിപണികള്‍ക്കുവേണ്ടി പുറത്തിറക്കിയത്. ഏഷ്യയില്‍ തന്നെ ആദ്യമായാണ് ഇത്തരം ഒരു റോബോട്ട് അവതരിപ്പിക്കപ്പെടുന്നതെന്ന് കേരള ഐ.ടി അധികൃതര്‍ പറഞ്ഞു.ഒന്നര കിലോ ഭാരം താങ്ങാന്‍ ഈ പറക്കും വെയിറ്റര്‍ക്ക് കഴിയും. റെസ്റ്റോന്‍റുകളിലും പാര്‍ട്ടികളിലും ഫുഡ് കോര്‍ട്ടുകളിലുമൊക്കെ പ്രയോജനപ്പെടുത്താവുന്നതാണ് ഈ റോബോട്ട്. തിരക്കേറിയ റസ്റ്റോറന്‍റുകളിലും ഫുഡ് കോര്‍ട്ടുകളിലും ഭക്ഷണത്തിനായുള്ള ക്യൂ ഒഴിവാക്കാന്‍ ഈ പറക്കും തളികക്ക് കഴിയുമെന്ന് ഫ്ള്യൂഅപ് കമ്പനി സി.ഇ.ഒ അലിറിസ അബ്ദുള്‍ ഗഫൂര്‍ പറഞ്ഞു. പദ്ധതി നടപ്പാക്കാന്‍ റസ്റ്റോറന്‍റുകളുടെ ഘടനക്കനുസരിച്ച് റോബോട്ടുകള്‍ പറക്കുന്ന വഴികള്‍ മുന്‍കൂട്ടി നിശ്ചയിക്കണം. അതിനനുസരിച്ച് സെന്‍സറുകള്‍ ചിട്ടപ്പെടുത്തും. ജി.പി.എസ് സംവിധാനത്തിലൂടെ സ്മാര്‍ട്ട് ഫോണുകള്‍ ഉപയോഗിച്ചും നിയന്ത്രിക്കാം. ഹോട്ടലിന്‍െറ അകം ഒരുക്കങ്ങളുടെ മാറ്റങ്ങള്‍ക്കനുസരിച്ച് പറക്കുന്ന വഴികള്‍ മാറ്റാവുന്നതാണ്. റോബോട്ടുകള്‍ പറക്കുന്ന വഴികള്‍ ‘ഫ്ളൂറോ’ എന്നാണ് അറിയപ്പെടുക. ജീവനക്കാര്‍ക്ക് ഇതിനുള്ള പ്രത്യേക പരിശീലനം കമ്പനി നല്‍കും. തുടക്കത്തില്‍ വെയിറ്റര്‍മാര്‍ക്ക് സഹായിയായാണ് പറക്കുന്ന റോബോട്ടുകളെ ഉപയോഗിക്കുക. മുഴുവനായും ഓട്ടോമേറ്റഡ് ചെയ്ത പറക്കും വെയ്റ്റര്‍ സംവിധാനവും ഉടന്‍ പുറത്തിറക്കും. ആഗോള വിപണിയില്‍ പറക്കുന്ന റോബോട്ടുകള്‍ അഥവാ ഡ്രോണ്‍ സാധ്യതകള്‍ വിപുലമായി ഉപയോഗിക്കപ്പെടുന്നതിലൂടെ കേരള ഐ.ടിക്ക് അഭിമാനകരമായ നേട്ടമാണ് അലി റിസയുടെ കമ്പനി നല്‍കുന്നതെന്ന് കോഴിക്കോട് സൈബര്‍ പാര്‍ക്ക് സി.ഇ.ഒ അജിത് കുമാര്‍ പറഞ്ഞു. യു.എ.ഇ സര്‍ക്കാറിന്‍െറ ഡ്രോണ്‍ ഫോര്‍ ഗുഡ് മത്സരത്തില്‍ പങ്കെടുക്കാനൊരുങ്ങുകയാണ് ഫ്ള്യൂഅപ് കമ്പനി. കഴിഞ്ഞവര്‍ഷം തേങ്ങ പറിക്കാനുള്ള റോബോട്ട് രൂപകല്‍പ്പന ചെയ്ത് അലി റിസ ജൈറ്റക്സില്‍ ശ്രദ്ധ നേടിയിരുന്നു. ഇതേ സാങ്കേതിക വിദ്യ ഉപയോഗിച്ച് ഈത്തപഴം പറിക്കാനുള്ള റോബോട്ടിനു വേണ്ടി അറബ് നാടുകളും കാത്തിരിക്കുകയാണ്. അടുത്ത വര്‍ഷത്തോടെ ഈ രണ്ട് ആശയങ്ങളും വാണിജ്യടിസ്ഥാനത്തില്‍ വിപണിയിലത്തെിക്കാനാകുമെന്ന വിശ്വാസത്തിലാണ് അലി റിസ. |
| You are subscribed to email updates from a feed. To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
No comments:
Post a Comment