സൈനികന്‍െറ മരണത്തിന് ഉത്തരവാദി സര്‍ക്കാര്‍; ശൗര്യചക്ര സ്വീകരിക്കില്ലെന്ന് കുടുംബം Madhyamam News Feeds |  |
- സൈനികന്‍െറ മരണത്തിന് ഉത്തരവാദി സര്‍ക്കാര്‍; ശൗര്യചക്ര സ്വീകരിക്കില്ലെന്ന് കുടുംബം
- കറുത്ത വംശജന്‍െറ കൊല: ഫെര്‍ഗൂസനില്‍ കര്‍ഫ്യൂ ലംഘിച്ച് പ്രതിഷേധക്കാര്‍ തെരുവില്‍
- പ്രവാസ ഇന്ത്യ സ്വാതന്ത്ര്യദിനം സമുചിതമായി കൊണ്ടാടി
- പ്രവാസം ത്രിവര്‍ണം
- ലൈംഗികാരോപണം: മകനെ ന്യായീകരിച്ച് ബീഹാര്‍ മുഖ്യമന്ത്രി
- ഖത്തറില്‍ സ്വാതന്ത്ര്യ ദിനം ആഘോഷിച്ചു
- നാടെങ്ങും സ്വാതന്ത്ര്യ ദിനാഘോഷം
- ന്യൂനപക്ഷ പ്രീണനം തെരഞ്ഞെടുപ്പില്‍ കോണ്‍ഗ്രസിന് വിനയായെന്ന് ആന്‍്റണി സമിതി റിപ്പോര്‍ട്ട്
- ദേശസ്നേഹത്തിന്‍െറ നിറവില്‍ സ്വാതന്ത്ര്യദിനം കൊണ്ടാടി
- ഉത്തരാഖണ്ഡില്‍ കനത്ത മഴ തുടരുന്നു; മരണസംഖ്യ 27 ആയി
| സൈനികന്‍െറ മരണത്തിന് ഉത്തരവാദി സര്‍ക്കാര്‍; ശൗര്യചക്ര സ്വീകരിക്കില്ലെന്ന് കുടുംബം Posted: 17 Aug 2014 12:44 AM PDT Image:  പട്ന: മുങ്ങിക്കപ്പല്‍ അപകടത്തില്‍ കൊല്ലപ്പെട്ട സൈനിക ഓഫീസര്‍ക്ക് നല്‍കിയ ശൗര്യചക്ര സ്വീകരിക്കില്ലെന്ന് കുടുംബം. നാവിക സേനയിലെ ലഫ്റ്റനന്‍റ് ഓഫീസര്‍ മനോരഞ്ജന്‍കുമാറിന്‍െറ കുടുംബമാണ് സൈനികന്‍െറ മരണത്തിന്‍െറ കാരണം സര്‍ക്കാറിന്‍െറ അനാസ്ഥയാണെന്ന് ആരോപിച്ച് പുരസ്കാരം നിഷേധിക്കുന്നത്. തന്‍െറ മകനെ ഒരു പെട്ടിയിലാക്കിയതിന് ശേഷം അവര്‍ തങ്ങള്‍ക്ക് പുസ്കാരം നല്‍കുകയാണെന്ന് മനോരഞ്ജന്‍ കുമാറിന്‍െറ അമ്മ രുക്മിണിദേവി പറഞ്ഞു. ഒരു തരത്തിലുള്ള പുരസ്കാരവും തനിക്ക് വേണ്ട. വേണ്ടത് ഇപ്പോള്‍ ഞങ്ങളുടെ കൂടെയില്ലെന്നും രുക്മിണി ദേവി പറഞ്ഞു. കപ്പലിന്‍െറ തകരാറാണ് അപകടത്തിന് കാരണമെന്ന് കേള്‍ക്കുന്നു. അങ്ങനെയാണെങ്കില്‍ എന്തിനാണ് തന്‍െറ മകനെ അവര്‍ കപ്പലിലേക്ക് അയച്ചത്. സര്‍ക്കാര്‍ ശ്രദ്ധിച്ചിരുന്നെങ്കില്‍ ദുരന്തം ഒഴിവാക്കാമായിരുന്നുവെന്നും രുക്മിണിദേവി പറഞ്ഞു. തങ്ങളുടെ എല്ലാ പ്രതീക്ഷയും അവനായിരുന്നു എന്ന് മനോരഞ്ജന്‍കുമാറിന്‍െറ അച്ഛനും പ്രതികരിച്ചു. കഴിഞ്ഞ ഫെബ്രുവരിയിലാണ് ഐ.എന്‍.എസ് സിന്ധുരത്ന എന്ന മുങ്ങിക്കപ്പല്‍ അപകടത്തില്‍പ്പെട്ടത്. കപ്പലിലുണ്ടായിരുന്ന 15 സഹപ്രവര്‍ത്തകരുടെ ജീവന്‍ രക്ഷിച്ചത് മനോരഞ്ജന്‍കുമാറായിരുന്നു. എന്നാല്‍ ക്യാബിന്‍ ലോക്ക് ചെയ്യപ്പെട്ടതിനാല്‍ ഇദ്ദേഹത്തിന് രക്ഷപ്പെടാന്‍ സാധിച്ചിരുന്നില്ല.
|
| കറുത്ത വംശജന്‍െറ കൊല: ഫെര്‍ഗൂസനില്‍ കര്‍ഫ്യൂ ലംഘിച്ച് പ്രതിഷേധക്കാര്‍ തെരുവില്‍ Posted: 16 Aug 2014 11:28 PM PDT Image:  ന്യൂയോര്‍ക്: കറുത്ത വംശജന്‍ വെടിയേറ്റ് മരിച്ച സംഭവത്തില്‍ പ്രതിഷേധവും കലാപവും പടരുന്ന യു.എസിലെ ഫെര്‍ഗൂസന്‍ നഗരത്തില്‍ പ്രഖ്യാപിച്ച കര്‍ഫ്യൂ ലംഘിച്ചുകൊണ്ട് പ്രതിഷേധക്കാര്‍ തെരുവിലിറങ്ങി. 200ഓളം പേരാണ് അര്‍ധരാത്രി തെരുവിലിറങ്ങിയത്. 'നീതിയി െല്ലങ്കില്‍ നിരോധനാജ്ഞ അംഗീകരിക്കില്ല' എന്ന മുദ്രാവാക്യം ഉയര്‍ത്തിക്കൊണ്ടാണ് ഫെര്‍ഗൂസന്‍ നഗരത്തിലെ പ്രധാന തെരുവുകളില്‍ പ്രതിഷേധക്കാര്‍ ഇറങ്ങിയിരിക്കുന്നത്. കനത്ത സുരക്ഷയാണ് നഗരത്തില്‍ ഒരുക്കിയിരിക്കുന്നതെന്ന് ഭരണകൂടം അറിയിച്ചു. മിസൂറി ഗവര്‍ണര്‍ ജേ നിക്സനാണ് അടിയന്തരാവസ്ഥയും നിരോധനാജ്ഞയും പ്രഖ്യാപിച്ചത്. ലോകം തങ്ങളെ നിരീക്ഷിക്കുന്നുണ്ടെന്നും ക്രമസമാധാനം ഉറപ്പുവരുത്തേണ്ടത് അത്യാവശ്യമാണെന്നും നിരോധനാജ്ഞ പ്രഖ്യാപിച്ചുകൊണ്ട് നിക്സണ്‍ പറഞ്ഞു. പ്രാദേശിക സമയം അര്‍ധരാത്രി മുതലാണ് നിരോധനാജ്ഞ നിലവില്‍ വന്നത്. ആഗസ്റ്റ് ഒമ്പതിനാണ് ഫെര്‍ഗൂസണില്‍ മൈക്കല്‍ ബ്രൗണ്‍ (18) എന്ന വിദ്യാര്‍ഥി പൊലീസ് വെടിയേറ്റ് മരിച്ചത്. തങ്ങളോട് വെള്ളക്കാര്‍ തുടരുന്ന വര്‍ണവിവേചനത്തിന്‍െറ തുടര്‍ച്ചയാണ് മൈക്കല്‍ ബ്രൗണിന്‍െറ കൊലപാതകമെന്ന് ആരോപിച്ച് കറുത്തവര്‍ഗക്കാര്‍ പ്രതിഷേധവുമായി രംഗത്തത്തെുകയായിരുന്നു. ഇവര്‍ കഴിഞ്ഞയാഴ്ച ആദ്യം നിരവധി കടകള്‍ ആക്രമിക്കുകയും കൊള്ളയടിക്കുകയും ചെയ്തു. സംഭവവുമായി ബന്ധപ്പെട്ട് 50ലേറെ ഇതുവരെ അറസ്റ്റിലായിട്ടുണ്ട്. വിദ്യാര്‍ഥി വെടിയേറ്റു മരിച്ചത് ഒരു സ്റ്റോറില്‍നിന്ന് സിഗരറ്റുകള്‍ കൊള്ളയടിക്കുന്നതിനിടെയാണെന്ന് പൊലീസ് മേധാവികള്‍ പറഞ്ഞതാണ് വീണ്ടും കറുത്ത വംശജരെ ചൊടിപ്പിച്ചത്. |
| പ്രവാസ ഇന്ത്യ സ്വാതന്ത്ര്യദിനം സമുചിതമായി കൊണ്ടാടി Posted: 16 Aug 2014 11:06 PM PDT Image:  റിയാദ്: പ്രവാസലോകത്തെ വിശാല ഇന്ത്യയായ സൗദിയിലെ ഇന്ത്യന്‍ സമൂഹം 68ാം സ്വാതന്ത്ര്യദിനം സമുചിതമായി കൊണ്ടാടി. വാരാന്ത്യ അവധിദിനമായ വെള്ളിയാഴ്ച തന്നെ സ്വാതന്ത്ര്യദിനമായത് ആഘോഷങ്ങളുടെ പൊലിമയും ജനപങ്കാളിത്തവും വര്‍ധിപ്പിച്ചു. റിയാദിലെ ഇന്ത്യന്‍ എംബസിയും ജിദ്ദയിലെ ഇന്ത്യന്‍ കോണ്‍സുലേറ്റും ഒൗദ്യോഗിക ആഘോഷപരിപാടികള്‍ നടത്തി. സൗദിയുടെ വിവിധ നഗരങ്ങളിലും പട്ടണങ്ങളിലുമുള്ള ഇന്ത്യന്‍ സംഘടനകളും സാമൂഹികപ്രവര്‍ത്തകരും വൈവിധ്യമാര്‍ന്ന പരിപാടികളോടെ ആഘോഷം സംഘടിപ്പിച്ചു. |
| Posted: 16 Aug 2014 10:58 PM PDT Image:  ദുബൈ/അബൂദബി: ഇന്ത്യയുടെ 68ാം സ്വാതന്ത്ര ദിനം യു.എ.ഇയിലെങ്ങും പ്രവാസികള്‍ അത്യാഹ്ളാദപൂര്‍വം കൊണ്ടാടി. വിവിധ എമിറേറ്റുകളില്‍ കാലത്ത് നടന്ന ദേശീയ പതാക ഉയര്‍ത്തല്‍ ചടങ്ങുകളില്‍ ചൂടു വകവെക്കാതെ മലയാളികളടക്കമുള്ള വന്‍ ജനക്കൂട്ടം പങ്കെടുത്തു. ഇന്ത്യയിലെ വിവിധ ദേശക്കാരും ഭാഷക്കാരും ഒത്തുകൂടിയ അപൂര്‍വ സംഗമം കൂടിയായി സ്വാതന്ത്ര ദിനാഘോഷ ചടങ്ങുകള്‍. വാരാന്ത്യ അവധി ദിവസത്തില്‍ വീണു കിട്ടിയ സ്വാതന്ത്ര ദിനത്തിലെ ജന പങ്കാളിത്തം പ്രവാസികളുടെ രാജ്യസ്നേഹത്തിന്‍െറയും ദേശക്കൂറിന്‍െറയും പ്രതിഫലനമായി.
|
| ലൈംഗികാരോപണം: മകനെ ന്യായീകരിച്ച് ബീഹാര്‍ മുഖ്യമന്ത്രി Posted: 16 Aug 2014 10:50 PM PDT Image:  പാട്ന: മകനെതിരായ ലൈംഗികാരോപണത്തില്‍ മകന് ന്യായീകരണവുമായി ബീഹാര്‍ മുഖ്യമന്ത്രിയും ജനതാദള്‍ (യു) നേതാവുമായ ജിതാന്‍ റാം മാഞ്ചി. ആര്‍ക്കും ഒരു പെണ്‍സുഹൃത്തുണ്ടാകാം. തന്‍െറ മകന് തെറ്റു ചെയ്തതിന് തെളിവില്ല. തെറ്റായിട്ടൊന്നും സംഭവിച്ചിട്ടില്ളെന്നാണ് ഹോട്ടലിലെ സി.സി.ടി.വി ദൃശ്യങ്ങളില്‍ നിന്ന് വ്യക്തമാകുന്നതെന്നും അദ്ദേഹം മാധ്യമപ്രവര്‍ത്തകരോട് പറഞ്ഞു. പ്രതിപക്ഷമായ ബി.ജെ.പി സംഭവത്തെ രാഷ്ട്രീയവല്‍ക്കരിക്കാന്‍ ശ്രമിക്കുകയാണെന്നും മാഞ്ചി വ്യക്തമാക്കി.വ്യാഴായ്ച ഗയയിലെ ഹോട്ടലില്‍ വെച്ച് മുഖ്യമന്ത്രിയുടെ മകനെ ബീഹാര്‍ മിലിട്ടറി പൊലിസിലെ (ബി.എം.പി) വനിതാ പൊലീസുകാരിയെടൊപ്പം കണ്ടത വിവാദമായിരുന്നു. |
| ഖത്തറില്‍ സ്വാതന്ത്ര്യ ദിനം ആഘോഷിച്ചു Posted: 16 Aug 2014 10:34 PM PDT Image:  ദോഹ: ഖത്തറിലെ ഇന്ത്യന്‍ സമൂഹം ഇന്ത്യയുടെ 68ാമത് സ്വാതന്ത്ര്യദിനം വിപുലമായി ആഘോഷിച്ചു. ഇന്ത്യന്‍ എംബസി, സ്കൂളുകള്‍, വിവിധ സംഘടനകള്‍ എന്നിവയുടെ നേതൃത്വത്തിലാണ് ആഘോഷ ചടങ്ങുകള്‍ സംഘടിപ്പിച്ചത്. മഅ്മൂറയിലെ വഹബ് ബിന്‍ ഉമൈര്‍ സ്ട്രീറ്റിലുള്ള ഇന്ത്യന്‍ കള്‍ചറല്‍ സെന്‍ററില്‍ രാവിലെ ഏഴ് മണിക്ക് നടന്ന വര്‍ണാഭമായ ചടങ്ങില്‍ ഇന്ത്യന്‍ അംബാസഡര്‍ സഞ്ജീവ് അറോറ ദേശീയപതാക ഉയര്‍ത്തി. രാഷ്ട്രപതി പ്രണബ്കുമാര്‍ മുഖര്‍ജിയുടെ സ്വാതന്ത്ര്യദിന സന്ദേശം അദ്ദേഹം വായിച്ചു. |
| നാടെങ്ങും സ്വാതന്ത്ര്യ ദിനാഘോഷം Posted: 16 Aug 2014 10:18 PM PDT Image:  മനാമ: ഇന്ത്യയുടെ 68ാമത് സ്വാതന്ത്ര്യ ദിനം വിവിധ സംഘടനടളുടെയും കൂട്ടായ്മകളുടെയും ആഭിമുഖ്യത്തില്‍ സമുചിതമായി ആഘോഷിച്ചു. ഇന്ത്യന്‍ എംബസിയുടെ ആഭിമുഖ്യത്തില്‍ ഇന്ത്യന്‍ ക്ളബില്‍ നടന്ന ചടങ്ങില്‍ അംബാസഡര്‍ ഡോ. മോഹന്‍കുമാര്‍ പതാക ഉയര്‍ത്തി. രാഷ്ട്രപതിയുടെ സ്വാതന്ത്ര്യദിന സന്ദേശം അദ്ദേഹം വായിച്ചു. ഇന്ത്യയും ബഹ്റൈനും തമ്മിലെ പരസ്പര ബന്ധവും രാജാവിന്‍െറ ഇന്ത്യാ സന്ദര്‍ശനവും അംബാസഡര്‍ അനുസ്മരിച്ചു. എംബസി ഉദ്യോഗസ്ഥരും വിവിധ അസോസിയേഷനുകളുടെയും സംഘടനകളുടെയും പ്രവര്‍ത്തകരും ഉള്‍പ്പെടെ നിരവധി പേര്‍ പങ്കെടുത്തു. കുട്ടികളുടെ ദേശഭക്തി ഗാന പരിപാടികളുമുണ്ടായിരുന്നു. |
| ന്യൂനപക്ഷ പ്രീണനം തെരഞ്ഞെടുപ്പില്‍ കോണ്‍ഗ്രസിന് വിനയായെന്ന് ആന്‍്റണി സമിതി റിപ്പോര്‍ട്ട് Posted: 16 Aug 2014 10:17 PM PDT Image:  തിരുവനന്തപുരം: ലോക്സഭ തെരഞ്ഞെടുപ്പില്‍ ന്യൂനപക്ഷ പ്രീണനം വിനയായെന്ന് ആന്‍്റണി സമിതി റിപ്പോര്‍ട്ട്. ഇത് ബി.ജെ.പിക്ക് അനുകൂലമായി ഭൂരിപക്ഷ ഏകീകരണമുണ്ടാക്കി. തെരഞ്ഞെടുപ്പ് തന്ത്രങ്ങള്‍ രൂപവത്കരിക്കുന്നതില്‍ നേതൃത്വത്തിനു വീഴ്ച സംഭവിച്ചു. കേന്ദ്രസര്‍ക്കാരും കോണ്‍ഗ്രസ് ഭരിക്കുന്ന സംസ്ഥാനങ്ങളും തമ്മില്‍ ഏകീകരണമുണ്ടായില്ല. ന്യൂനപക്ഷങ്ങള്‍ കോണ്‍ഗ്രസിനെ പൂര്‍ണമായും വിശ്വസിച്ചില്ളെന്നും ആന്‍്റണി സമിതിയുടെ റിപ്പോര്‍ട്ടില്‍ പറയുന്നു. കോണ്‍ഗ്രസ് മുഖ്യമന്ത്രിമാര്‍ക്കെതിരെ പലയിടത്തും ഭരണവിരുദ്ധ വികാരമുണ്ടായി. കീഴ്ഘടകങ്ങള്‍ നിശ്ചലമായിരുന്നു. ബൂത്ത് തലത്തില്‍ ബിജെപിക്കായി രംഗത്തിറങ്ങിയത് ആര്‍എസ്എസാണ്. മോദിയെ മാന്ത്രികനായി ചിത്രീകരിക്കുന്നതില്‍ ആര്‍എസ്എസ് വിജയിച്ചുവെന്നും റിപ്പോര്‍ട്ടില്‍ പറയുന്നു. |
| ദേശസ്നേഹത്തിന്‍െറ നിറവില്‍ സ്വാതന്ത്ര്യദിനം കൊണ്ടാടി Posted: 16 Aug 2014 10:11 PM PDT Image:  കുവൈത്ത് സിറ്റി: മറ്റൊരു രാജ്യത്താണെങ്കിലും അവരുടെ മനസ്സ് മുഴുവന്‍ ഇന്ത്യയിലായിരുന്നു. കൊടുംചൂടില്‍ വിയര്‍ത്തുകുളിച്ചെങ്കിലും അവരുടെ മനോമുകുരങ്ങളില്‍ നിറഞ്ഞുനിന്നത് സ്വാതന്ത്ര്യത്തിന്‍െറ കുളിരായിരുന്നു. |
| ഉത്തരാഖണ്ഡില്‍ കനത്ത മഴ തുടരുന്നു; മരണസംഖ്യ 27 ആയി Posted: 16 Aug 2014 10:03 PM PDT Image:  ഡെറാഡൂണ്‍: ഉത്തരാഖണ്ഡില്‍ രണ്ടു ദിവസമായി കനത്ത മഴയത്തെുടര്‍ന്നുണ്ടായ അപകടത്തില്‍ മരിച്ചവരുടെ എണ്ണം 27 ആയി.പുരി ജില്ലയിലെ യംകേശ്വറില്‍ 15 പേരാണ് മരിച്ചത്. മണ്ണിടിച്ചിലിലും വീട് തകര്‍ന്നുമാണ് അപകടം. ഡെറാഡൂണില്‍ രണ്ടുപേരും പിത്തോറാഗാഹില്‍ ഒരാളുമാണ് മരണപ്പെട്ടത്. |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment