ദല്‍ഹിയില്‍ നാഷനല്‍ കോണ്‍ഫറന്‍സ് - ബി.ജെ.പി കൂടിക്കാഴ്ച Madhyamam News Feeds |  |
- ദല്‍ഹിയില്‍ നാഷനല്‍ കോണ്‍ഫറന്‍സ് - ബി.ജെ.പി കൂടിക്കാഴ്ച
- സഖ്യകക്ഷി വിമാനം ഐ.എസ് വെടിവെച്ചിട്ടതല്ളെന്ന് അമേരിക്ക
- വനിതാ ഡോക്ടര്‍ക്കു നേരെ ആസിഡ് ആക്രമണം: സൂത്രധാരന്‍ മറ്റൊരു ഡോക്ടര്‍
- ബോഡോ തീവ്രവാദികളുമായി കേന്ദ്രം ചര്‍ച്ചക്കില്ല ^രാജ്നാഥ് സിങ്
- കോട്ടയം ജില്ലയിലും "ഘര്‍ വാപസി"
- ഇടുക്കി മെഡിക്കല്‍ കോളജിന് 49 കോടിയുടെ കേന്ദ്രസഹായം; ഉത്തരവിറങ്ങി
- കുടുംബശ്രീ തെരഞ്ഞെടുപ്പ്: ജില്ലയില്‍ ഒരുക്കങ്ങള്‍ പൂര്‍ത്തിയായി
- തിരുനാവായ പഞ്ചായത്തിന്‍െറ ബാങ്ക് അക്കൗണ്ട് മരവിപ്പിച്ചു
- പൊന്നാനി ഡയാലിസിസ് ഫണ്ട് ശേഖരണം 26ന് കണക്ക് ഹാജരാക്കാന്‍ തീരുമാനം
- വാജ്പേയിക്ക് ജന്മദിനാശംസകളുമായി നരേന്ദ്രമോദി
- സി.പി.എം ഏരിയാസമ്മേളനങ്ങള്‍ പകുതി പിന്നിട്ടു; മേധാവിത്വം ഉറപ്പിച്ച് ഇരുവിഭാഗവും
- കൊടുവള്ളി പഞ്ചായത്തില്‍ വന്‍ ക്രമക്കേടെന്ന് ഓഡിറ്റ് റിപ്പോര്‍ട്ട്
- മാവോവാദി നിരീക്ഷണം: സ്പെഷല്‍ സ്ക്വാഡ് പ്രവര്‍ത്തനം പരാജയം
- ഈജിപ്ത് ജയിലില്‍ അല്‍ ജസീറ മാധ്യമപ്രവര്‍ത്തകരുടെ ഒരുവര്‍ഷം
- ക്രിസ്മസ് ആഘോഷ നിറവില്‍ പ്രവാസികള്‍
- അസമിലെ ബോഡോ ആക്രമണം: മരണസംഖ്യ 76 ആയി
- ദുരന്തത്തിന്‍െറ വേദനകള്‍ക്കിടയിലും അമാവാസി അറുമുഖം ചിരിക്കുന്നു; പൂര്‍ണചന്ദ്രനെപ്പോലെ
- നിതാഖാത് : സൗദിയില്‍ 15 ലക്ഷം ചെറുകിട സ്ഥാപനങ്ങളുടെ നിലനില്‍പ് ആശങ്കയില്‍
- ഇന്ത്യന്‍ കോസ്റ്റ് ഗാര്‍ഡ് കപ്പല്‍ ‘വിജിത്’ ബഹ്റൈനില്‍
- കരയില്‍ പിടയ്ക്കുന്ന ജീവിതങ്ങള്‍ക്ക് പതിറ്റാണ്ട്
- ഭാരത് രത്നക്ക് കാവിച്ചന്തം
- ‘ബോക്സിങ് ഡേ’ ടെസ്റ്റ് നാളെ മുതല്‍ പരമ്പര പിടിക്കാന്‍ ഓസീസ്; ഇന്ത്യ മുള്‍മുനയില്‍
- അനുകരണീയം, ഈ അന്‍െറജെ മാതൃക
- ലില്ലിയുടെ ‘സചിന്‍ സ്വപ്നം’ പൂവണിഞ്ഞു
- ക്രിസ്മസ് അടയാളപ്പെടുത്തുന്നത്
| ദല്‍ഹിയില്‍ നാഷനല്‍ കോണ്‍ഫറന്‍സ് - ബി.ജെ.പി കൂടിക്കാഴ്ച Posted: 25 Dec 2014 12:47 AM PST Image:  ശ്രീനഗര്‍: കശ്മീരില്‍ സര്‍ക്കാര്‍ രൂപീകരിക്കുന്നതിനുള്ള ചര്‍ച്ചകള്‍ പുരോഗമിക്കവെ നാഷനല്‍ കോണ്‍ഗ്രസ് നേതാവും മുന്‍ മുഖ്യമന്ത്രിയുമായ ഉമര്‍ അബ്ദുല്ല ബി.ജെ.പി അധ്യക്ഷന്‍ അമിത്ഷായുമായി ധനകാര്യമന്ത്രി അരുണ്‍ ജെയ്റ്റ്ലിയുമായും ദല്‍ഹിയില്‍ കൂടിക്കാഴ്ച നടത്തി. തെരഞ്ഞെടുപ്പിനു ശേഷം ആര്‍ക്കും വ്യക്തമായ ഭൂരിപക്ഷം ലഭിക്കാത്ത സാഹചര്യത്തില്‍ ബി.ജെ.പി ഒരേ സമയം നാഷനല്‍ കോണ്‍ഫറന്‍സുമായും പി.ഡി.പിയുമായും ചര്‍ച്ചകള്‍ നടത്തുകയാണ്. കശ്മീരില്‍ മന്ത്രിസഭ രൂപീകരിക്കുന്നതില്‍ തങ്ങളുടെ പാര്‍ട്ടി വ്യക്തമായ പങ്കുവഹിക്കുമെന്ന ഉമര്‍ അബ്ദുല്ലയുടെ പ്രസ്താവന രാഷ്ട്രീയ കേന്ദ്രങ്ങള്‍ ഉറ്റുനോക്കുകയാണ്. കശ്മീരില്‍ നാഷനല്‍ കോണ്‍ഫറന്‍സ് ^ ബി.ജെ.പി സര്‍ക്കാര്‍ വരാനുള്ള സാധ്യത ഉയര്‍ന്നു വരുന്നുണ്ട്. |
| സഖ്യകക്ഷി വിമാനം ഐ.എസ് വെടിവെച്ചിട്ടതല്ളെന്ന് അമേരിക്ക Posted: 24 Dec 2014 11:58 PM PST Image:  റഖ: സിറിയന്‍ നഗരമായ റഖയില്‍ തകര്‍ന്നു വീണ സഖ്യകക്ഷിസേനയുടെ യുദ്ധ വിമാനം ഇസ്ളാമിക് സ്റ്റേറ്റ് തീവ്രവാദികള്‍ വെടിവെച്ചിട്ടതല്ളെന്ന് അമേരിക്ക. യു.എസ് നേതൃത്വത്തിലുള്ള സഖ്യകക്ഷിസേനയുടെ യുദ്ധ വിമാനം വെടിവെച്ച് വീഴ്ത്തിയതായാണ് ഐ.എസ് വിമതര്‍ അവകാശപ്പെട്ടിരുന്നത്. അതേസമയം, ഐ.എസ് പിടികൂടിയ വിമാനത്തിന്‍െറ പൈലറ്റായ ജോര്‍ഡന്‍ സ്വദേശി തന്നെയാണെന്ന് യു.എസ് വാര്‍ത്താ വൃത്തങ്ങള്‍ സ്ഥിരീകരിച്ചു. തകര്‍ന്ന യുദ്ധവിമാനത്തിലെ പൈലറ്റിനെ പിടികൂടിയ ഐ.എസ് നടപടിയില്‍ ശക്തമായ ഖേദം രേഖപ്പെടുന്നതായി അമേരിക്കന്‍ സെന്‍ട്രല്‍ കമാന്‍്റ് അറിയിച്ചു. നിര്‍ഭാഗ്യവശാല്‍ തകര്‍ന്നു വീണ വിമാനം വെടിവെച്ചിട്ടതാണെന്ന് ഐ.എസ് മനപ്പൂര്‍വ്വം തെറ്റായി വാഖ്യാനിക്കുകയാണ് ചെയ്തത്. വിമാനം വെടിവെച്ചിട്ടതല്ല എന്ന് വ്യക്തമാക്കുന്ന എല്ലാ തെളിവുകളും ലഭിച്ചതായും സെന്‍ട്രല്‍ കമാന്‍്റ് പുറത്തിറക്കിയ കുറിപ്പില്‍ പറയുന്നു. ഐ.എസിനെതിരെയുള്ള പേരാട്ടത്തിന് അമേരിക്കയുമായുള്ള സഖ്യത്തില്‍ ചേര്‍ന്ന നാല് അറബ് രാജ്യങ്ങളിലൊന്നാണ് ജോര്‍ഡന്‍. |
| വനിതാ ഡോക്ടര്‍ക്കു നേരെ ആസിഡ് ആക്രമണം: സൂത്രധാരന്‍ മറ്റൊരു ഡോക്ടര്‍ Posted: 24 Dec 2014 11:29 PM PST Image:  ന്യൂഡല്‍ഹി: പടിഞ്ഞാറന്‍ ഡല്‍ഹിയിലെ തിരക്കേറിയ മാര്‍ക്കറ്റില്‍ വനിതാ ഡോക്ടര്‍ക്കു നേരെ ആസിഡ് ആക്രമണം നടത്തിയ കേസില്‍ രണ്ടു പേര് അറസ്റ്റില്‍. ഡല്‍ഹിയിലെ രജൗരി ഗാര്‍ഡനിനടുത്ത മാര്‍ക്കറ്റില്‍ ചൊവ്വാഴ്ചയാണ് വനിതാ ഡോക്ടര്‍ക്കു നേരെ ആക്രമണമുണ്ടായത്. സംഭവത്തിനു പിന്നില്‍ ഒരു ഡോക്ടറാണെന്നും അയാളെ ഉടന്‍ അറസ്റ്റു ചെയ്യുമെന്നും പൊലീസ് അറിയിച്ചു. ഇയാള്‍ മൂന്നു വര്‍ഷം മുമ്പ് ഡോക്ടറോട് പ്രണയാഭ്യര്‍ത്ഥ നടത്തിയിരുന്നു. പ്രണയം നിരസിച്ചതിലുള്ള പ്രതികാരമായാണ് അക്രമി സംഘത്തെ വാടകക്കെടുത്ത് കൃത്യം നടത്തിയതെന്നും പൊലീസ് പറഞ്ഞു. സ്കൂട്ടറില്‍ ആശുപത്രിയിലേക്ക് പോയ ഹരിനഗര്‍ സ്വദേശിനിയായ ഡോക്ടറെ ബൈക്കിലത്തെിയ രണ്ടുപേര്‍ മറികടന്ന് ആസിഡ് ഒഴിക്കുകയായിരുന്നു. അക്രമത്തിന്‍്റെ ദൃശ്യം സി.സി.ടി.വിയില്‍ പതിഞ്ഞിരുന്നു.
|
| ബോഡോ തീവ്രവാദികളുമായി കേന്ദ്രം ചര്‍ച്ചക്കില്ല ^രാജ്നാഥ് സിങ് Posted: 24 Dec 2014 10:25 PM PST Image:  ഗുഹാവത്തി: അസമില്‍ ബോഡോ തീവ്രവാദികളുടെ ആക്രമണമുണ്ടായ പ്രദേശങ്ങള്‍ ആഭ്യന്തരമന്ത്രി രാജ്നാഥ് സിങ് സന്ദര്‍ശിച്ചു. രാവിലെ ഹെലികോപ്റ്റര്‍ മാര്‍ഗം ബിശ്വാന്ത് ചരേലിയില്‍ എത്തിയ രാജ്നാഥ് സിങ് സോനിത്പൂര്‍ ജില്ലയില്‍ അക്രമത്തിനിരയായവരുടെ കുടുംബങ്ങളെ സന്ദര്‍ശിച്ചു. ചൊവ്വാഴ്ചയാണ് സോനിത്പൂരിലും കൊക്രജാറുമുള്‍പ്പെടെ അഞ്ചിടങ്ങളില്‍ ആദിവാസി ഗോത്രങ്ങള്‍ക്കു നേരെ ബോഡോ തീവ്രവാദികളുടെ ആക്രമണമുണ്ടായത്. ആക്രമണത്തില്‍ മരണസംഖ്യ 76 ആയി. |
| കോട്ടയം ജില്ലയിലും "ഘര്‍ വാപസി" Posted: 24 Dec 2014 10:01 PM PST Image:  കോട്ടയം: "ഘര്‍ വാപസി"യുടെ ഭാഗമായി കോട്ടയം ജില്ലയിലും മതപരിവര്‍ത്തന ചടങ്ങുകള്‍ നടന്നു. കോട്ടയം തിരുനക്കര ശ്രീകൃഷ്ണസ്വാമി ക്ഷേത്രത്തിലും പൊന്‍കുന്നം പുതിയകാവ് ക്ഷേത്രത്തിലുമാണ് മതപരിവര്‍ത്തനം നടന്നത്. വിശ്വ ഹിന്ദു പരിഷത്തിന്‍െറ നേതൃത്വത്തിലാണ് ഘര്‍ വാപസി സംഘടിപ്പിച്ചത്. കോട്ടയത്ത് നടന്ന മതപരിവര്‍ത്തനത്തില്‍ 17 പേര് ഹിന്ദു മതത്തില്‍ ചേര്‍ന്നു. വൈക്കം, കുമരകം എന്നിവിടങ്ങളില്‍ നിന്നുള്ള ക്രിസ്ത്യന്‍ മതവിഭാഗക്കാരാണ് മതം മാറിയത്. പെന്‍കുന്നത്ത് ക്രിസ്ത്യന്‍ വിഭാഗക്കാരും ഒരു മുസ് ലിം മതവിശ്വാസിയും ഉള്‍പ്പെടുന്നതായാണ് വിവരം. ഇന്ന് നടന്ന മതപരിവര്‍ത്ത ചടങ്ങില്‍ 50തോളം പേര് ഹിന്ദു മതത്തിലേക്ക് മടങ്ങി വന്നതായി വി.എച്ച്.പി നേതൃത്വം അവകാശപ്പെട്ടു. |
| ഇടുക്കി മെഡിക്കല്‍ കോളജിന് 49 കോടിയുടെ കേന്ദ്രസഹായം; ഉത്തരവിറങ്ങി Posted: 24 Dec 2014 09:58 PM PST തൊടുപുഴ: ഇടുക്കി മെഡിക്കല്‍ കോളജ് ആശുപത്രിക്ക് കെട്ടിടങ്ങള്‍ നിര്‍മിക്കുന്നതിന് 49 കോടിയുടെ കേന്ദ്ര സഹായം. |
| കുടുംബശ്രീ തെരഞ്ഞെടുപ്പ്: ജില്ലയില്‍ ഒരുക്കങ്ങള്‍ പൂര്‍ത്തിയായി Posted: 24 Dec 2014 09:56 PM PST കാസര്‍കോട്: കുടുംബശ്രീ ത്രിതല തെരഞ്ഞെടുപ്പിനുള്ള ഒരുക്കങ്ങള്‍ ജില്ലയില്‍ പൂര്‍ത്തിയായി. ജനുവരി എട്ടിന് തുടങ്ങി 25ന് തെരഞ്ഞെടുപ്പ് അവസാനിക്കും. 26ന് പുതിയ ഭാരവാഹികള്‍ അധികാരമേല്‍ക്കും. മൂന്ന് വര്‍ഷത്തേക്കാണ് ഭാരവാഹികളെ തെരഞ്ഞെടുക്കുന്നത്. |
| തിരുനാവായ പഞ്ചായത്തിന്‍െറ ബാങ്ക് അക്കൗണ്ട് മരവിപ്പിച്ചു Posted: 24 Dec 2014 09:33 PM PST തിരുനാവായ: ഗ്രാമപഞ്ചായത്തില്‍ പൊതുമരാമത്ത് പ്രവൃത്തികളുടെ നികുതിയിനങ്ങള്‍ യഥാസമയം അടയ്ക്കാതിരിക്കുകയോ അടച്ചിട്ടും രേഖകള്‍ ഹാജരാക്കുകയോ ചെയ്യാത്തതിനാല്‍ 2008 മുതല്‍ 2011വരെ പിഴയടക്കം 16 ലക്ഷത്തോളം രൂപയുടെ കുടിശ്ശികയുള്ളതായി കണ്ടതിനാല്‍ പഞ്ചായത്തിന്‍െറ ബാങ്ക് അക്കൗണ്ട് മരവിപ്പിച്ചുകൊണ്ട് അധികൃതര്‍ ഉത്തരവിട്ടു. |
| പൊന്നാനി ഡയാലിസിസ് ഫണ്ട് ശേഖരണം 26ന് കണക്ക് ഹാജരാക്കാന്‍ തീരുമാനം Posted: 24 Dec 2014 09:33 PM PST പൊന്നാനി: പൊന്നാനി ഡയാലിസിസ് സെന്‍ററിന്‍െറ ഫണ്ട് ശേഖരണവുമായി ബന്ധപ്പെട്ട് വിവാദമുണ്ടായതോടെ 26ന് കണക്ക് അവതരിപ്പിക്കാന്‍ നഗരസഭാധികൃതരും ഡയാലിസിസ് സെന്‍റര്‍ ഭാരവാഹികളും തീരുമാനിച്ചു. |
| വാജ്പേയിക്ക് ജന്മദിനാശംസകളുമായി നരേന്ദ്രമോദി Posted: 24 Dec 2014 09:31 PM PST Image:  ന്യൂഡല്‍ഹി: പ്രധാനമന്ത്രി നരേന്ദ്രമോദി ജന്മദിനമാഘോഷിക്കുന്ന മുന്‍ പ്രധാനമന്ത്രിയും മുതിര്‍ന്ന ബി.ജെ.പി നേതാവുമായ അടല്‍ ബിഹാരി വാജ്പേയിയെ സന്ദര്‍ശിച്ചു. 90ാം ജന്മദിനം ആഘോഷിക്കുന്ന വാജ്പേയിക്ക് വസതിലത്തെി മോദി ആശംസകള്‍ നേര്‍ന്നു. |
| സി.പി.എം ഏരിയാസമ്മേളനങ്ങള്‍ പകുതി പിന്നിട്ടു; മേധാവിത്വം ഉറപ്പിച്ച് ഇരുവിഭാഗവും Posted: 24 Dec 2014 09:08 PM PST കൊച്ചി: ശക്തികേന്ദ്രങ്ങളിലെ സമ്മേളന നടപടികള്‍ പൂര്‍ത്തിയായതോടെ ജില്ലയില്‍ സി.പി.എമ്മിലെ ഇരുപക്ഷങ്ങളുടെയും ശക്തി-ദൗര്‍ബല്യങ്ങള്‍ സംബന്ധിച്ച ചിത്രം തെളിയുന്നു. ജനുവരി 13 മുതല്‍ തൃപ്പൂണിത്തുറയില്‍ ജില്ലാ സമ്മേളനം ആരംഭിക്കാനിരിക്കെ ഇരുപക്ഷവും സര്‍വാധിപത്യത്തിന് തീവ്രശ്രമത്തിലാണ്. കഴിഞ്ഞ സമ്മേളനം തെരഞ്ഞെടുത്ത ജില്ലാ കമ്മിറ്റിയില്‍ അംഗസഖ്യയില്‍ മുന്‍തൂക്കമുണ്ടായിട്ടും ജില്ലാ സെക്രട്ടറി പദവി ഒൗദ്യോഗിക പക്ഷത്തിന് വിട്ടുകൊടുക്കേണ്ടി വന്ന വി.എസ് പക്ഷം ഇക്കുറി സെക്രട്ടറി പദവി ഉള്‍പ്പെടെ മേധാവിത്വം പിടിച്ചെടുക്കാമെന്ന കണക്കുകൂട്ടലിലാണ്. അതേസമയം, ജില്ലാ സമ്മേളനത്തില്‍ നിര്‍ണായകമായേക്കാവുന്ന സംസ്ഥാന നേതൃത്വത്തിന്‍െറ ഇടപെടല്‍ സഹായിക്കുമെന്ന പ്രതീക്ഷയിലാണ് ഒൗദ്യോഗിക പക്ഷവും. ജില്ലയിലെ 19 ഏരിയ കമ്മിറ്റികളില്‍ 10 ഏരിയ കമ്മിറ്റികളിലാണ് ഇതുവരെ സമ്മേളനങ്ങള്‍ പൂര്‍ത്തിയായത്. കഴിഞ്ഞതവണ സമ്മേളനം നടത്താന്‍ കഴിയാതെ വന്ന കൊച്ചി ഏരിയ കമ്മിറ്റി, പള്ളുരുത്തി, പറവുര്‍, ആലങ്ങാട്, കളമശ്ശേരി, വൈറ്റില, തൃപ്പൂണിത്തുറ, കോതമംഗലം, പെരുമ്പാവൂര്‍, കോലഞ്ചേരി എന്നിവിടങ്ങളില്‍ സമ്മേളനം പൂര്‍ത്തിയായപ്പോള്‍ അഞ്ച് ഏരിയ കമ്മിറ്റികള്‍ വി.എസ് വിഭാഗത്തിനും അഞ്ചെണ്ണം ഒൗദ്യോഗിക പക്ഷത്തിനുമാണ്. കഴിഞ്ഞ സമ്മേളനത്തിനുശേഷം സംസ്ഥാന നേതൃത്വം ഇടപെട്ട് ഒൗദ്യോഗികപക്ഷത്തിന് സെക്രട്ടറി പദവി നല്‍കിയ പറവൂര്‍ ഇത്തവണ തിരിച്ചുപിടിച്ചതടക്കം ഏരിയാസമ്മേളനങ്ങള്‍ പകുതി പിന്നിട്ടപ്പോള്‍തന്നെ മുന്നേറാനായതായി വി.എസ് പക്ഷം കണക്കുകൂട്ടുന്നു. ജില്ലാസമ്മേളന പ്രതിനിധികളായ 387പേരില്‍ നൂറിലധികം പേര് ഇപ്പോള്‍തന്നെ സ്വന്തം പാളയത്തിലുണ്ടെന്നാണ് വി.എസ് പക്ഷത്തിന്‍െറ കണക്കുകള്‍. കൂടാതെ, നിലവിലെ ജില്ലാകമ്മിറ്റിയിലെ 23 പേരുടെ പിന്തുണയും ഇവര്‍ പ്രതീക്ഷിക്കുന്നു. അതേസമയം, സമ്മേളനങ്ങള്‍ പൂര്‍ത്തിയാവാത്ത അങ്കമാലി, നെടുമ്പാശ്ശേരി, എറണാകുളം, കാലടി, കവളങ്ങാട്, മുളന്തുരുത്തി, മൂവാറ്റുപുഴ, വൈപ്പിന്‍, കൂത്താട്ടുകുളം എന്നിവിടങ്ങളിലെ അടിയൊഴുക്കുകളാണ് ഇരുപക്ഷത്തിനും നിര്‍ണായകമാവുക. അങ്കമാലി, കാലടി, വൈപ്പിന്‍, എറണാകുളം, മൂവാറ്റുപുഴ, നെടുമ്പാശ്ശേരി സമ്മേളനങ്ങളില്‍ മുന്‍തൂക്കം ലഭിക്കുമെന്നാണ് വി.എസ് പക്ഷത്തിന്‍െറ പ്രതീക്ഷ. അതേസമയം, മുളന്തുരുത്തി, കൂത്താട്ടുകുളം, കവളങ്ങാട് കമ്മിറ്റികളില്‍ മുന്‍തൂക്കവും മറ്റിടങ്ങളില്‍ ഒപ്പത്തിനൊപ്പം എത്താനാകുമെന്നാണ് ഒൗദ്യോഗികപക്ഷത്തിന്‍െറ കണക്കുകൂട്ടല്‍. |
| കൊടുവള്ളി പഞ്ചായത്തില്‍ വന്‍ ക്രമക്കേടെന്ന് ഓഡിറ്റ് റിപ്പോര്‍ട്ട് Posted: 24 Dec 2014 09:02 PM PST കോഴിക്കോട്: കൊടുവള്ളി പഞ്ചായത്തില്‍ പദ്ധതി നടത്തിപ്പില്‍ ലക്ഷങ്ങളുടെ ക്രമക്കേടെന്ന് ലോക്കല്‍ ഫണ്ട് ഓഡിറ്റ് റിപ്പോര്‍ട്ട്. റോഡ് ടാറിങ്, റിപ്പയറിങ്, തെരുവുവിളക്ക് സ്ഥാപിക്കല്‍ എന്നിവയില്‍ ക്രമക്കേടുള്ളതായി 2012-13 വര്‍ഷത്തെ റിപ്പോര്‍ട്ട് പറയുന്നു. ഇല്ലാത്ത വേപ്പര്‍ ലാമ്പ് സ്ഥാപിക്കാനും ടാര്‍ ചെയ്ത റോഡ് ടാര്‍ ചെയ്യാനും സിമന്‍റ് ഉപയോഗിക്കാതെ സംരക്ഷണ ഭിത്തി കെട്ടിയും തട്ടിപ്പ് നടത്തി. ഒരു വര്‍ഷത്തിനിടെ 74,60,655 രൂപയുടെ ക്രമക്കേടാണ് കണ്ടത്തെിയത്. അനുവദനീയമായതിലും അധികം തുകക്ക് ടെന്‍ഡര്‍ നല്‍കുക വഴി പോര്‍ങ്ങോട്ടുര്‍-പാലക്കുന്ന് റോഡ്, ഊരപ്പറമ്പ്-എളവന കതിരോട് റോഡ്, വാവാട് സെന്‍റര്‍-കപ്പലാം റോഡ്, വാവാട് കോയിക്കല്‍ കണ്ടി റോഡ്, അണ്ടോണ പാലം-ബി പാലം മുക്ക് എന്നീ അഞ്ച് റോഡുകളുടെ പ്രവൃത്തിയില്‍ 96,950 രൂപയുടെ നഷ്ടമാണ് വരുത്തിയത്. പഞ്ചായത്ത് കമ്മിറ്റിയുടെയും ജില്ലാ ആസൂത്രണ സമിതിയുടെയും അംഗീകാരത്തോടെ മാത്രമേ ഇത് അനുവദിക്കാവൂ എന്ന മാനദണ്ഡമാണ് പഞ്ചായത്ത് ലംഘിച്ചത്. മൂന്ന് റോഡുകളുടെ പ്രവൃത്തിയില്‍ സിമന്‍റ് ഉപയോഗിക്കാതെ ഉപയോഗിച്ചെന്ന് കണക്കുണ്ടാക്കി. പള്ളിമുക്ക് റോഡ് സ്പില്‍ ഓവറിന് 2,64,709 രൂപയും ഹൈസ്കൂള്‍ ചാവടിക്കുന്ന് റോഡിന് 2,04,375 രൂപയും കപ്പലാംകുഴി പുരക്കെട്ടില്‍ ജൂബിലി റോഡിന് 1,22,255 രൂപയുമാണ് തട്ടിപ്പ് നടത്തിയത്. ടാറിങ് നടത്തിയ അഞ്ച് റോഡുകളില്‍ പുതിയ റോഡ് നിര്‍മാണത്തിന് എന്ന പേരില്‍ പണം പറ്റിയതും കണ്ടത്തെി. |
| മാവോവാദി നിരീക്ഷണം: സ്പെഷല്‍ സ്ക്വാഡ് പ്രവര്‍ത്തനം പരാജയം Posted: 24 Dec 2014 08:55 PM PST മാനന്തവാടി: ജില്ലയില്‍ മാവോവാദി സാന്നിധ്യം സ്ഥിരീകരിക്കപ്പെട്ടതിനെ തുടര്‍ന്ന് അവരുടെ നീക്കങ്ങള്‍ നിരീക്ഷിക്കുന്നതിനായി രൂപവത്കരിച്ച പ്രത്യേക സംഘത്തിന്‍െറ പ്രവര്‍ത്തനം പൂര്‍ണ പരാജയമെന്ന് സമീപകാല സംഭവങ്ങള്‍ തെളിയിക്കുന്നു. |
| ഈജിപ്ത് ജയിലില്‍ അല്‍ ജസീറ മാധ്യമപ്രവര്‍ത്തകരുടെ ഒരുവര്‍ഷം Posted: 24 Dec 2014 07:45 PM PST Image:  ദോഹ: ഈജിപ്ഷ്യന്‍ ജയിലില്‍ ഒരുവര്‍ഷം പൂര്‍ത്തിയാക്കുന്ന അല്‍ജസീറ മാധ്യമ പ്രവര്‍ത്തകരായ പീറ്റര്‍ ഗ്രെസ്റ്റ്, മുഹമ്മദ് ഫഹ്മി, ബാഹര്‍ മുഹമ്മദ് എന്നിവര്‍ക്ക് ലോകത്തെ മാധ്യമ പ്രവര്‍ത്തകരും സുഹൃത്തുക്കളും ഐക്യദാര്‍ഢ്യം പ്രഖ്യാപിക്കുന്നു. ഇവര്‍ അറസ്റ്റ് ചെയ്യപ്പെട്ടതിന്‍െറ വാര്‍ഷികദിനമായ ഡിസംബര്‍ 29-ന് ഈജിപ്ത് സമയം 12 മണിക്ക് ലോകത്തെ എല്ലാ ന്യൂസ് റൂമുകളും നിശ്ചലമാക്കാനാണ് പദ്ധതി. |
| ക്രിസ്മസ് ആഘോഷ നിറവില്‍ പ്രവാസികള്‍ Posted: 24 Dec 2014 07:30 PM PST Image:  അബൂദബി/ഷാര്‍ജ/ദുബൈ: തണുത്ത രാവില്‍ മിന്നിതിളങ്ങുന്ന നക്ഷത്രങ്ങളുടെ തിളക്കം കൂട്ടി ഒഴുകി വരുന്ന കരോള്‍ ഗാനങ്ങള്‍. നിരവധി ഭാഷകളുടെ പ്രാര്‍ഥന പുഷ്പങ്ങള്‍ കൊണ്ട് ആര്‍ദ്രമായി പള്ളി അങ്കണങ്ങള്‍. പള്ളിമണികളുടെയും കരോള്‍ ഗാനങ്ങളുടെയും അകമ്പടിയോടെ ലോകം വീണ്ടും ഒരു ക്രിസ്മസ് പുലരിയിലേക്ക് കൂടി. ആഹ്ളാദ പൂത്തിരി കത്തുന്ന മനസോടെ മനസില്‍ താലോലിക്കുന്ന ആഘോഷ നിമിഷങ്ങള്‍ പ്രവാസ നാട്ടിലും യാഥാര്‍ഥ്യമാക്കാനുള്ള ക്രൈസ്തവ വിശ്വാസികളുടെ ഒരുക്കങ്ങളെല്ലാം പൂര്‍ത്തിയായി കഴിഞ്ഞു. |
| അസമിലെ ബോഡോ ആക്രമണം: മരണസംഖ്യ 76 ആയി Posted: 24 Dec 2014 07:25 PM PST Image:  Subtitle: അസം ചീഫ് സെക്രട്ടറിയുടെ അവധിയാഘോഷത്തിനെതിരെ പ്രതിഷേധം ഗുവാഹതി: അസമിലെ ആദിവാസി മേഖലകളില്‍ ബോഡോലാന്‍ഡ് തീവ്രവാദികള്‍ നടത്തിയ ആക്രമണത്തില്‍ മരണസംഖ്യ 76 ആയി. ബുധനാഴ്ച രാത്രിയില്‍ അസമിലെ ഉദല്‍ഗുരി ജില്ലയില്‍ ബോഡോ തീവ്രവാദികള്‍ ആക്രമണം നടത്തി. പ്രദേശവാസികള്‍ക്കും വീടുകള്‍ക്കും നേരെ തീവ്രവാദികള്‍ നടത്തിയ വെടിവെപ്പില്‍ ഒരാള്‍ക്ക് പരിക്കേറ്റു. കഴിഞ്ഞ ദിവസം തുടങ്ങിയ ആക്രമണത്തില്‍ ഇതുവരെ 60 ഗോത്രവര്‍ഗക്കാര്‍ കൊല്ലപ്പെട്ടതായാണ് റിപ്പോര്‍ട്ട്. വ്യാഴാഴ്ച രാവിലെ ബോഡോ സെറ്റില്‍മെന്‍റ് ഏരിയയില്‍ നടന്ന ആക്രമണത്തില്‍ മൂന്നു കൊല്ലപ്പെട്ടു. സോനിത്പൂര്‍, കൊക്രജര്‍ ജില്ലകളില്‍ ജില്ലാ ഭരണകൂടം ഏര്‍പ്പെടുത്തിയ നിരോധനാജ്ഞ തുടരുകയാണ്. തീവ്രവാദികള്‍ക്കെതിരായ നീക്കത്തില്‍ പൊലീസ്, അര്‍ധ സൈനിക വിഭാഗങ്ങള്‍, സൈന്യം എന്നിവ കൂട്ടായ നീക്കം നടത്തുമെന്ന് കേന്ദ്ര ആഭ്യന്തര മന്ത്രി രാജ്നാഥ് സിങ് പറഞ്ഞു. അതേസമയം, തീവ്രവാദി ആക്രമണ സമയത്ത് സംസ്ഥാന ചീഫ് സെക്രട്ടറി ജിതേഷ് ഖോസ് ലെ അവധിയാഘോഷത്തില്‍ പങ്കെടുക്കുന്നതിനെതിരെ പ്രതിഷേധം ഉയര്‍ന്നിട്ടുണ്ട്. പ്രതിഷേധം ഉയര്‍ന്നെങ്കിലും അവധിയാഘോഷം റദ്ദാക്കാന്‍ ചീഫ് സെക്രട്ടറി തയാറായിട്ടില്ല. കുടുംബത്തോടൊപ്പം കാസിരംഗ ദേശീയ പാര്‍ക്കില്‍ ആനസവാരി നടത്തുന്ന ചിത്രങ്ങള്‍ പ്രാദേശിക ടി.വി ചാനല്‍ പുറത്തുവിട്ടിരുന്നു. എന്നാല്‍, ചീഫ് സെക്രട്ടറിയുടെ നടപടിക്കെതിരെ മുഖ്യമന്ത്രി തരുണ്‍ ഗൊഗോയ് രംഗത്തെത്തിയിട്ടുണ്ട്. ചീഫ് സെക്രട്ടറിയുടെ നടപടി സംസ്ഥാനത്തിന് ഗുണകരമല്ളെന്നും ഉടന്‍ മടങ്ങിയെത്തണമെന്നും ഗൊഗോയ് ആവശ്യപ്പെട്ടു. |
| ദുരന്തത്തിന്‍െറ വേദനകള്‍ക്കിടയിലും അമാവാസി അറുമുഖം ചിരിക്കുന്നു; പൂര്‍ണചന്ദ്രനെപ്പോലെ Posted: 24 Dec 2014 06:53 PM PST Image:  മസ്കത്ത്: ഒരു കാല്‍ മുട്ടിനുമേല്‍ മുറിച്ചുമാറ്റി, മറ്റൊരു കാലിനു മുകളില്‍ സ്റ്റീല്‍ കമ്പികളുടെ നിര, പല്ലുകളെല്ലാം കൊഴിഞ്ഞുപോയി. ഒരു മനുഷ്യന് തകരാന്‍ ഇതില്‍ കൂടുതല്‍ ഒന്നും വേണ്ട. എന്നാല്‍, അറുമുഖം അമാവാസി എന്ന 53കാരന്‍ മോണകള്‍ കാട്ടി ചിരിക്കുകയാണ്. തന്‍െറ ജീവിതവും സ്വപ്നങ്ങളും തട്ടിത്തെറിപ്പിച്ച വിധിയെ വെല്ലുവിളിച്ച്. തമിഴ്നാട്ടിലെ ശിവഗംഗ സ്വദേശിയാണ് അറുമുഖം അമ്മൈവാസി എന്ന് പാസ്പോര്‍ട്ടിലും രേഖകളിലും പേരുള്ള ഈ ഹതഭാഗ്യന്‍. എല്ലാ പ്രവാസികളെയുംപോലെ ചെറിയ സ്വപ്നങ്ങളും വലിയ പ്രതീക്ഷകളുമായാണ് 20 വര്‍ഷം മുമ്പ് ഒമാനിലേക്ക് വിമാനം കയറിയത്. 20 വര്‍ഷത്തെ പ്രവാസജീവിതത്തിനിടെ നാട്ടില്‍ ഒരു കൊച്ചുവീട് നിര്‍മിക്കാനും പ്രായമായ മാതാവും ഭാര്യയും നാല് മക്കളുമടങ്ങുന്ന കുടുംബത്തെ അല്ലലില്ലാതെ നോക്കാനും കഴിഞ്ഞു. |
| നിതാഖാത് : സൗദിയില്‍ 15 ലക്ഷം ചെറുകിട സ്ഥാപനങ്ങളുടെ നിലനില്‍പ് ആശങ്കയില്‍ Posted: 24 Dec 2014 06:42 PM PST Image:  റിയാദ്: സൗദി തൊഴില്‍ മന്ത്രാലയം നടപ്പാക്കിവരുന്ന നിതാഖാത്ത് വ്യവസ്ഥയുടെ പുതിയ ഘട്ടത്തില്‍ നിലവില്‍ വരുന്ന ചെറുകിട സ്ഥാപനങ്ങളിലെ സ്വദേശിവത്കരണത്തോടെ രാജ്യത്തെ 15 ലക്ഷം സ്ഥാപനങ്ങളുടെ നിലനില്‍പ് ആശങ്കയിലാവുമെന്ന് റിയാദ് ചേംബറിലെ സൗദി തൊഴില്‍ വിപണി സമിതി മേധാവി എന്‍ജി. മന്‍സൂര്‍ ബിന്‍ അബ്ദുല്ല അശ്ശത്രി വ്യക്തമാക്കി. ഒമ്പത് ജോലിക്കാരില്‍ കുറഞ്ഞ ചെറുകിട സ്ഥാപനത്തിലും സ്വദേശിയെ നിയമിക്കണമെന്ന മന്ത്രാലയത്തിന്‍െറ അപ്രായോഗിക നിബന്ധന രാജ്യത്തെ 85 ശതമാനം സ്ഥാപനങ്ങളെയും ബാധിക്കുമെന്ന് ശത്രി മുന്നറിയിപ്പ് നല്‍കി. |
| ഇന്ത്യന്‍ കോസ്റ്റ് ഗാര്‍ഡ് കപ്പല്‍ ‘വിജിത്’ ബഹ്റൈനില്‍ Posted: 24 Dec 2014 06:40 PM PST Image:  മനാമ: ഇന്ത്യന്‍ കോസ്റ്റ് ഗാര്‍ഡിന്‍െറ കപ്പല്‍ ‘വിജിത്’ ചതുര്‍ രാഷ്ട്ര സന്ദര്‍ശനത്തിന്‍െറ ഭാഗമായി ബഹ്റൈനിലെ മിന സല്‍മാന്‍ തുറമുഖത്തത്തെി. 25ദിവസം നീളുന്ന യാത്രയില്‍ ഖത്തറില്‍ നങ്കൂരമിട്ട ശേഷമാണ് കപ്പല്‍ ബഹ്റൈനില്‍ എത്തിയത്. 27ന് ദുബൈയിലേക്ക് പോകുന്ന കപ്പല്‍ അവിടെ നിന്ന് ഒമാനിലേക്ക് തിരിക്കും. |
| കരയില്‍ പിടയ്ക്കുന്ന ജീവിതങ്ങള്‍ക്ക് പതിറ്റാണ്ട് Posted: 24 Dec 2014 06:37 PM PST Image: .png) Subtitle: സൂനാമിക്ക് നാളെ പത്തുവര്‍ഷം കൊല്ലം: കേരളം മുമ്പെങ്ങും അറിയുകയോ അനുഭവിക്കുകയോ ചെയ്തിട്ടില്ലാത്ത ആ മഹാദുരന്തത്തിന് നാളെ പത്തുവര്‍ഷം. 2004 ഡിസംബറിലെ ക്രിസ്മസ് പിറ്റേന്ന് രാവിലെ, കടലില്‍ അനുഭവപ്പെട്ട അസാധാരണ ചലനങ്ങള്‍ പിന്നീട് മൂന്നു മുതല്‍ അഞ്ചു വരെ മീറ്റര്‍ ഉയരത്തില്‍ പൊങ്ങിയ തിരമാലകളായി മാറുകയായിരുന്നു. തമിഴ്നാട്, ആന്ധ്ര, പുതുച്ചേരി, ആന്തമാന്‍- നികോബാര്‍ ദ്വീപ് സമൂഹങ്ങളില്‍ അനുഭവപ്പെട്ട സൂനാമിയില്‍ കേരളവും പെടുകയായിരുന്നു. അതിലകപ്പെട്ട് കേരളത്തിലാകെ മരിച്ചവരുടെ ഒൗദ്യോഗിക എണ്ണം 168. കൊല്ലം ജില്ലയില്‍ മാത്രം മരിച്ചത് 131 പേര്. സംസ്ഥാനത്തെ 250 കിലോമീറ്റര്‍ തീരത്താണ് ഇതിന്‍െറ ആഘാതം അനുഭവപ്പെട്ടത്. 24 ലക്ഷത്തോളം പേരെ നേരിട്ട് ബാധിക്കുകയും 85000ത്തോളം പേരെ മാറ്റിപാര്‍പ്പിക്കേണ്ടിയും വന്നു. ദുരന്തത്തെതുടര്‍ന്ന് സംസ്ഥാനം അതുവരെ സ്വപ്നംപോലും കണ്ടിട്ടില്ലാത്ത സഹായ വാഗ്ദാനങ്ങളും പുനരധിവാസപദ്ധതികളുമാണ് പ്രഖ്യാപിക്കപ്പെട്ടത്. 2371 കോടി രൂപയുടെ പദ്ധതികളാണ് സംസ്ഥാന സര്‍ക്കാര്‍ സൂനാമി പുനരധിവാസത്തിനായി കേന്ദ്ര സര്‍ക്കാറിന് സമര്‍പ്പിച്ചത്. 1141.75 കോടി അനുവദിക്കുകയും 1148 കോടി പദ്ധതിക്കായി നീക്കിവെക്കുകയും ചെയ്തു. 1148 കോടിയുടെ അധിക കേന്ദ്ര സഹായത്തോടെ നടപ്പാക്കുന്ന പദ്ധതിയുടെ കാലാവധി 2011 മാര്‍ച്ചിലാണ് അവസാനിക്കേണ്ടിയിരുന്നത്. എന്നാല്‍, ഒരു പദ്ധതിയും എങ്ങും എത്താത്തതിനെതുടര്‍ന്ന് കാലാവധി 2011 ഡിസംബര്‍ 31വരെ നീട്ടി. ഏറ്റവുമൊടുവില്‍, മൂന്നു മാസത്തിനകം എല്ലാം പൂര്‍ത്തിയാക്കാന്‍ കലക്ടര്‍മാര്‍ക്ക് നിര്‍ദേശം നല്‍കിയിരിക്കുകയാണ്. കൊല്ലം, ആലപ്പുഴ, തിരുവനന്തപുരം, എറണാകുളം ജില്ലകളാണ് നേരിട്ട് സൂനാമിയില്‍പെട്ടതെങ്കിലും തൃശൂര്‍, മലപ്പുറം, കോഴിക്കോട്, കണ്ണൂര്‍, കാസര്‍കോട് ജില്ലകളും ചേര്‍ത്താണ് പദ്ധതികള്‍ ആവിഷ്കരിച്ചിരുന്നത്. സൂനാമിയില്‍ കൂടുതല്‍ പേര് മരിക്കുകയും നാശനഷ്ടങ്ങള്‍ ഏറെ ഉണ്ടാവുകയും ചെയ്തത് കൊല്ലം ജില്ലയിലെ ആലപ്പാട് ഗ്രാമപഞ്ചായത്തിലാണ്. പ്രഖ്യാപിച്ച പദ്ധതികളില്‍ കുറച്ചെങ്കിലും നടപ്പായിരുന്നെങ്കില്‍ ആ പഞ്ചായത്തെങ്കിലും ഇന്ന് സ്വയം പര്യാപ്തമാവേണ്ടിയിരുന്നു. എന്നാല്‍ പുനരധിവാസം, ആതുരാലയം, തൊഴില്‍, ദുരന്തം ആവര്‍ത്തിക്കാതിരിക്കാനുള്ള തീരസംരക്ഷണം എന്നിവയിലൊന്നും ആര്‍ക്കും ഒരു തൃപ്തിയുമില്ല. കടലിന്‍െറ അവസ്ഥ, മത്സ്യബന്ധന മേഖലയില്‍ ഇതുണ്ടാക്കിയ പ്രശ്നങ്ങള്‍ എന്നിവയെക്കുറിച്ച് ഇതുവരെ ഒരു പഠനവും നടത്തിയിട്ടില്ളെന്നാണ് ഇന്‍സ്റ്റിറ്റ്യൂട്ട ഓഫ് ഡിസാസ്റ്റര്‍ മാനേജ്മെന്‍റ് ഒൗദ്യോഗികമായി അറിയിക്കുന്നത് -ഒരു ദുരന്തം എന്തു പഠിപ്പിച്ചു എന്ന ചോദ്യത്തിന്‍െറ പത്താം വര്‍ഷത്തെ ഉത്തരം. |
| Posted: 24 Dec 2014 06:27 PM PST Image:  Subtitle: മുന്‍കാല നേതാക്കള്‍ക്ക് പരമോന്നത ബഹുമതി നല്‍കുന്നത് പുതിയ ആവശ്യങ്ങളുയരുന്നതിനിടയാക്കും ന്യൂഡല്‍ഹി: രാജ്യത്തിന്‍െറ പരമോന്നത സിവിലിയന്‍ ബഹുമതിയായ ഭാരത് രത്നക്ക് കാവിച്ചന്തം. ഹിന്ദുത്വ അജണ്ടയോട് ചേര്‍ന്നുനിന്നവര്‍ക്ക് ഭാരത് രത്ന നല്‍കുകയാണ് മോദിസര്‍ക്കാര്‍ ചെയ്തിരിക്കുന്നത്. വാജ്പേയി മികച്ച പാര്‍ലമെന്‍േററിയനും നയതന്ത്രജ്ഞനുമൊക്കത്തെന്നെ. എന്നാല്‍, മതനിരപേക്ഷതയുടെ ഉരകല്ലില്‍ തേച്ചുനോക്കുമ്പോഴാണ് വാജ്പേയിയുടെ ചെമ്പ് തെളിഞ്ഞുവരുന്നത്. രാജ്യത്തിന്‍െറ ഐക്യത്തിലും സാഹോദര്യത്തിലും വിള്ളല്‍ വീഴ്ത്തിയ രാമജന്മഭൂമി പ്രക്ഷോഭത്തിന് സംഘ്പരിവാര്‍ തീ പകര്‍ന്നത് വാജ്പേയിയെ മുന്നില്‍ നിര്‍ത്തിയാണ്. ബാബരി മസ്ജിദ് പൊളിച്ച് കര്‍സേവകര്‍ താല്‍ക്കാലിക ക്ഷേത്രം കെട്ടിപ്പൊക്കിയ സംഭവപരമ്പരകളുടെ നായകസ്ഥാനത്ത് വാജ്പേയി-അദ്വാനിമാരായിരുന്നു. ജനതാ സര്‍ക്കാറിനു ശേഷമുള്ള കാലത്തെല്ലാം, രാജ്യത്ത് വര്‍ഗീയത വളര്‍ത്തിയ ഹിന്ദുത്വത്തിന്‍െറ മുഖമാണ് വാജ്പേയിക്ക്. ഉദാര ഹിന്ദുത്വ മുഖം ചാര്‍ത്തിക്കൊടുത്ത്, വാജ്പേയിയെ മുന്നില്‍ നിര്‍ത്തിയതുകൊണ്ടാണ് എന്‍.ഡി.എ സഖ്യമുണ്ടാക്കി കേന്ദ്രത്തില്‍ അധികാരം പിടിക്കാന്‍ ബി.ജെ.പിക്ക് സാധിച്ചത്. ഉദാരമുഖമുള്ള പ്രധാനമന്ത്രിയായി വാജ്പേയി മുന്നില്‍ നില്‍ക്കുമ്പോള്‍തന്നെ, ഹിന്ദുത്വ അജണ്ടകള്‍ മുന്നോട്ടു നീങ്ങി. തികഞ്ഞ സംഘ്പരിവാര്‍ അനുചരനായും സഖ്യകക്ഷികള്‍ക്കു മുന്നില്‍ മൃദുലഹൃദയനായും ഇരട്ടമുഖമാണ് വാജ്പേയി പലപ്പോഴും പ്രദര്‍ശിപ്പിച്ചത്. ഗുജറാത്ത് കലാപത്തിന് ഒത്താശചെയ്തതിന് മുഖ്യമന്ത്രിസ്ഥാനം ഒഴിയേണ്ടി വരുമായിരുന്ന മോദിയെ സംരക്ഷിച്ചത് അദ്വാനിയാണെങ്കില്‍, വാജ്പേയിയുടെ മൗനസമ്മതമാണ് ഏറ്റവും നിര്‍ണായകമായത്. മോദി മുഖ്യമന്ത്രിയായി തുടരുന്നത് ചോദ്യംചെയ്ത് അന്നത്തെ രാഷ്ട്രപതി കെ.ആര്‍. നാരായണന്‍ വാജ്പേയിക്ക് എഴുതിയ കത്ത് ഇന്നും രഹസ്യമാണ്. രാഷ്ട്രപതിയുടെ കത്ത് പ്രധാനമന്ത്രി അവഗണിച്ചുവെന്നതാണ് ചരിത്രം. മദന്‍മോഹന്‍ മാളവ്യ സ്വാതന്ത്ര്യത്തിനു മുമ്പത്തെ കോണ്‍ഗ്രസിനെ രണ്ടുവട്ടം നയിച്ച പണ്ഡിത പ്രതിഭതന്നെ. എന്നാല്‍, ഹിന്ദുമഹാസഭയുടെ നേതാവ്, ഹിന്ദു ദേശീയവാദി എന്ന നിലയിലാണ് പിന്നീട് മാളവ്യ അറിയപ്പെട്ടത്. ബനാറസില്‍ ‘ഹിന്ദു’ പേരിനൊപ്പം കൊത്തിവെച്ചാണ് അദ്ദേഹം സര്‍വകലാശാല സ്ഥാപിച്ചത്. മതനിരപേക്ഷ-ജനാധിപത്യ ഇന്ത്യക്ക് മാളവ്യ പൊതുസമ്മതനല്ല. സ്വാതന്ത്ര്യ സമരകാലത്തെ നേതാക്കള്‍ക്ക് മരണാനന്തര ബഹുമതിയായി ഭാരത്രത്ന നല്‍കുന്നതിനെതിരായ വികാരം അവഗണിച്ചുകൂടിയാണ് മാളവ്യയെ തിരഞ്ഞുപിടിച്ചത്. മുന്‍കാല നേതാക്കള്‍ക്ക് പരമോന്നത ബഹുമതി കൊടുക്കുന്നത്, പുതിയ ആവശ്യങ്ങള്‍ ഉയരുന്നതിന് ഇടയാക്കും. നെഹ്റു കുടുംബത്തിലെ മൂന്നു മുന്‍പ്രധാനമന്ത്രിമാരെയും ഭാരത് രത്നയാക്കിയ കോണ്‍ഗ്രസിനാകട്ടെ, ഇതു ചോദ്യംചെയ്യാന്‍ ശബ്ദം കിട്ടുകയുമില്ല. |
| ‘ബോക്സിങ് ഡേ’ ടെസ്റ്റ് നാളെ മുതല്‍ പരമ്പര പിടിക്കാന്‍ ഓസീസ്; ഇന്ത്യ മുള്‍മുനയില്‍ Posted: 24 Dec 2014 06:10 PM PST Image:  Subtitle: പരമ്പരയില്‍ പ്രതീക്ഷ നിലനിര്‍ത്താന്‍ ഇന്ത്യക്ക് വിജയം അനിവാര്യമാണ് മെല്‍ബണ്‍: ക്രിസ്മസ് പിറ്റേന്ന് സമ്മാനപ്പെട്ടികള്‍ തുറക്കുന്ന ബോക്സിങ് ഡേയില്‍ ധോണിയും കൂട്ടരും വിജയസ്വപ്നത്തില്‍ ക്രീസിലത്തെും. എന്നാല്‍ ആസ്ട്രേലിയക്കെതിരെ ആദ്യരണ്ടു മത്സരങ്ങളില്‍ തോല്‍വി വഴങ്ങിയ ഇന്ത്യക്ക് വെള്ളിയാഴ്ച 'ബോക്സിങ് ഡേ ' ടെസ്റ്റില്‍ തരിച്ചുവരാനാകുമോ എന്നതില്‍ ആരാധകര്‍ ആശങ്കയിലാണ്. മൂന്നാം ടെസ്റ്റിന് വേദിയാകുന്ന മെല്‍ബണില്‍ ഏതായാലും സന്ദര്‍ശകര്‍ക്ക് കാര്യങ്ങള്‍ എളുപ്പമാവില്ളെന്നു തന്നെയാണ് വിലയിരുത്തല്‍. 2-0ന് മുന്നില്‍ നില്‍ക്കുന്ന ആസ്ട്രേലിയക്ക് ഈ മത്സരംകൂടി തോല്‍ക്കാതിരുന്നാല്‍ പരമ്പര സ്വന്തമാക്കാം. അതേസമയം, പരമ്പര നഷ്ടപ്പെടാതിരിക്കാന്‍ ഇന്ത്യക്ക് വിജയം അനിവാര്യമാണ്. ആദ്യടെസ്റ്റുകളില്‍ മികച്ചതുടക്കം കിട്ടിയിട്ടും തന്ത്രങ്ങളിലെ പാളിച്ചകളാണ് സന്ദര്‍ശകര്‍ക്ക് തിരിച്ചടിയായത്. പരിക്കിനൊപ്പം ടീമിലെ പടലപ്പിണക്കങ്ങളും സന്ദര്‍ശക ടീമിന്‍െറ പ്രകടനത്തെ ബാധിച്ചിട്ടുണ്ട്. വൈസ് ക്യാപ്റ്റന്‍ വിരാട് കോഹ്ലിയും ശിഖര്‍ ധവാനും രണ്ടാംടെസ്റ്റിനിടെ വാക്പോര് നടത്തിയത് കഴിഞ്ഞദിവസം വാര്‍ത്തയായിരുന്നു. പരിക്ക് മൂലം നാലാംദിനം തുടര്‍ ബാറ്റിങ്ങിനിറങ്ങാന്‍ ധവാന്‍ വിസമ്മതിച്ചതാണ് ഇരുതാരങ്ങളും തമ്മില്‍ ഡ്രസിങ് റൂമില്‍ ഏറ്റുമുട്ടലിന് വഴിവെച്ചതെന്നാണ് റിപ്പോര്‍ട്ടുകള്‍. പരിക്കുമൂലം സ്പിന്നര്‍ രവീന്ദ്ര ജദേജ ശേഷിക്കുന്ന മത്സരങ്ങളില്‍ കളിക്കില്ളെന്ന് ടീം അധികൃതര്‍ വ്യക്തമാക്കിയിട്ടുണ്ട്. പരിക്കിലായിരുന്ന പേസര്‍ ഭുവനേശ്വര്‍ കുമാര്‍ മൂന്നാം ടെസ്റ്റില്‍ തിരിച്ചത്തെുമെന്ന് സൂചനയുണ്ടെങ്കിലും അക്കാര്യത്തില്‍ വ്യക്തത കൈവന്നിട്ടില്ല. ബൗളിങ്ങില്‍ ശരാശരിക്കപ്പുറത്തേക്ക് ഇനിയും കടന്നിട്ടില്ലാത്ത ഇന്ത്യയുടെ ആകെയുള്ള പ്രതീക്ഷ ബാറ്റിങ് നിരയിലാണ്. എന്നാല്‍, ഒറ്റപ്പെട്ട പ്രകടനങ്ങള്‍ മാറ്റിനിര്‍ത്തിയാല്‍ അഡ്ലെയ്ഡിലും ബ്രിസ്ബേനിലും ഇന്ത്യന്‍ ബാറ്റിങ്ങിന് എതിരാളികളെ വിറപ്പിക്കുന്ന പ്രകടനം പുറത്തെടുക്കാനായിട്ടില്ല. ആദ്യടെസ്റ്റിലെ രണ്ട് ഇന്നിങ്സുകളില്‍ കോഹ്ലിയും രണ്ടാം ടെസ്റ്റില്‍ മുരളി വിജയും സെഞ്ച്വറി നേടിയെങ്കിലും വ്യക്തിഗത പ്രകടനങ്ങള്‍ക്കപ്പുറത്തേക്ക് ടീമിനത് നേട്ടമായി മാറിയില്ല. മധ്യനിരയില്‍ രോഹിത് ശര്‍മ, ക്യാപ്റ്റന്‍ ധോണി തുടങ്ങിയവര്‍ക്ക് ദീര്‍ഘ ഇന്നിങ്സുകള്‍ കളിക്കാനാവുന്നില്ളെന്നതും തിരിച്ചടിയായി. ബാറ്റിങ്ങിലും ബൗളിങ്ങിലും ഇന്ത്യയേക്കാള്‍ മുന്നിലാണ് ഓസീസ് ടീം. ഓപണര്‍ ഡേവിഡ് വാര്‍ണര്‍, ക്യാപ്റ്റന്‍ സ്റ്റീവന്‍ സ്മിത്ത് എന്നിവര്‍ മികച്ച ഫോമിലാണ്. പേസര്‍ മിച്ചല്‍ ജോണ്‍സനും സ്പിന്നര്‍ നഥാന്‍ ലിയോണും ചേര്‍ന്നുള്ള ബൗളിങ് ആക്രമണത്തിനു മുന്നിലാണ് കഴിഞ്ഞ രണ്ട് മത്സരങ്ങളിലും സന്ദര്‍ശ ബാറ്റിങ് തകര്‍ന്നടിഞ്ഞത്. ആദ്യ ഇന്നിങ്സുകളില്‍ 295 റണ്‍സാണ് കഴിഞ്ഞ 11 ടെസ്റ്റുകളില്‍ മെല്‍ബണിലെ റണ്‍ ശരാശരി. എന്നാല്‍ ബൗളര്‍മാര്‍ക്ക് മേധാവിത്തം ലഭിക്കുമെങ്കിലും ക്രമേണ ബാറ്റിങ്ങിന് അനുകൂലമാകുമെന്നാണ് ക്യൂറേറ്റര്‍മാരുടെ നിരീക്ഷണം. |
| Posted: 24 Dec 2014 06:05 PM PST Image:  Subtitle: അര്‍ബുദത്തെ മറികടന്ന അന്‍െറജെയുടെ അവാര്‍ഡ് തുക അര്‍ബുദം ബാധിച്ച കുട്ടികള്‍ക്ക് ബര്‍ലിന്‍: അര്‍ബുദം ബാധിച്ച കുട്ടികള്‍ക്കായുള്ള ആശുപത്രിക്കായി അവാര്‍ഡ് തുക സമ്മാനിച്ച്, അര്‍ബുദ രോഗത്തില്‍ നിന്ന് തിരിച്ചുവന്ന ജര്‍മന്‍ അത് ലറ്റ് അന്‍െറജെ മോയിടെലറുടെ അനുകരണീയ മാതൃക. 2014ലെ മികച്ച കായികതാരങ്ങളെ പ്രഖ്യാപിച്ച ചടങ്ങിലാണ് മോയിടെലറിന് 50,000 യൂറോയും പ്രത്യേക പുരസ്കാരവും ജര്‍മന്‍ അധികൃതര്‍ കഴിഞ്ഞദിവസം സമ്മാനിച്ചത്. സുഷുമ്നയില്‍ ബാധിച്ച കാന്‍സറില്‍നിന്ന് മരണത്തിന്‍െറ ട്രാക്കിനരികിലത്തെിയ ഈ സ്റ്റീപ്ള്‍ചേസ് താരം അദ്ഭുതകരമായാണ് തിരിച്ചുവന്നത്. തല്‍ക്കാലം ജീവന്‍ നിലനിര്‍ത്താനുള്ള സ്നേഹപരിചരണ ചികിത്സ മാത്രമേ ഡോക്ടര്‍മാര്‍ അവള്‍ക്ക് നിര്‍ദേശിച്ചിരുന്നുള്ളൂ. എന്നാല്‍, വൈദ്യശാസ്ത്രത്തെ വെല്ലുവിളിച്ച് മരണം അതിജയിച്ച മോയിടെലര്‍ കഴിഞ്ഞ ആഗസ്റ്റില്‍ സൂറിച്ചില്‍ നടന്ന യൂറോപ്യന്‍ ചാമ്പ്യന്‍ഷിപ്പില്‍ 3000 മീറ്റര്‍ സ്റ്റീപ്ള്‍ചേസില്‍ സ്വര്‍ണം നേടിയിരുന്നു. മത്സരത്തിനിടയില്‍ ജീവന്‍ നഷ്ടമാകുമെന്നറിഞ്ഞിട്ടും ഇഷ്ടയിനത്തില്‍ ഒന്നാംസ്ഥാനത്ത് ഫിനിഷ് ചെയ്ത ഈ താരത്തിന്‍െറ അസാമാന്യ ധീരതയെ സകലരും അഭിനന്ദിച്ചിരുന്നു. മുമ്പ് 1500 മീറ്ററില്‍ മത്സരിച്ചിരുന്ന മോയിടെലര്‍ ഈയിനത്തില്‍ ദേശീയജേത്രിയായിരുന്നു. 2005ലെ അണ്ടര്‍23 യൂറോപ്യന്‍ അത്ലറ്റിക്സ് ചാമ്പ്യന്‍ഷിപ്പില്‍ 1500 മീറ്ററില്‍ വെങ്കലവും നേടിയ താരം 2008ലാണ് 3000 മീറ്റര്‍ സ്റ്റീപ്ള്‍ചേസിലേക്ക് ട്രാക്ക് മാറിയത്. |
| ലില്ലിയുടെ ‘സചിന്‍ സ്വപ്നം’ പൂവണിഞ്ഞു Posted: 24 Dec 2014 06:03 PM PST Image:  അടിമാലി: ക്രിക്കറ്റ് താരം സചിന്‍ ടെണ്ടുല്‍കറുടെ ആരാധികയായ ലില്ലിക്ക് ഇത് സ്വപ്ന സാഫല്യം. രഞ്ജി ട്രോഫിയില്‍ ഹൈദരാബാദിനെതിരെ ഇരട്ട സെഞ്ച്വറി നേടിയ കേരള ക്യാപ്റ്റന്‍ സചിന്‍ ബേബിയുടെ അമ്മയാണ് ലില്ലി. കോളജില്‍ പഠിക്കുമ്പോഴും വിവാഹത്തിന് ശേഷവും ക്രിക്കറ്റിനെയും സചിനെയും ആരാധിച്ച ലില്ലി മകന് ജനിച്ചപ്പോള്‍ സചിന്‍െറ പേര് മകന് നല്‍കി. എല്‍.ഐ.സി ഏജന്‍റായ ഭര്‍ത്താവ് ബേബി ലില്ലിയുടെ താല്‍പര്യത്തിന് പിന്തുണയും പ്രോത്സാഹനവും നല്‍കിയതോടെ ആ കുടുംബം ക്രിക്കറ്റ് ജ്വരത്തിലമര്‍ന്നു. ഇതിനിടെ ആരോഗ്യവകുപ്പില്‍ പബ്ളിക് ഹെല്‍ത്ത് നഴ്സായി ലില്ലിക്ക് ജോലി ലഭിച്ചു. തുടര്‍ന്ന് കുഞ്ഞ് സചിന്‍ ബേബിയുമായി ഈ കുടുംബം അടിമാലി പട്ടണത്തിന്‍െറ നടുക്ക് താലൂക്കാശുപത്രിയുടെ ക്വാര്‍ട്ടേഴ്സില്‍ താമസം ആരംഭിച്ചു. ഇവിടത്തെ മുറ്റത്താണ് കുഞ്ഞ് ബാറ്റും ബാളുമായി സച്ചിന്‍ ബേബി ക്രിക്കറ്റ് കളിച്ച് വളര്‍ന്നത്. അടിമാലി വിശ്വദീപ്തി സ്കൂളില്‍ ക്രിക്കറ്റ് ടീം രൂപവത്കരിച്ചതാണ് സച്ചിന്‍െറ കളി ജീവിതത്തില്‍ വഴിത്തിരിവായത്. സ്കൂള്‍തല മത്സരത്തില്‍ മികച്ച പ്രകടനം നടത്തിയ സചിന്‍ ടീം ക്യാപ്റ്റനുമായി. 2000 ത്തില്‍ തൊടുപുഴയില്‍വെച്ച് ജില്ലാ ടീം തെരഞ്ഞടുപ്പിന് സചിനെയും കൊണ്ട് അമ്മ ലില്ലിയാണ് എത്തിയത്. ഈ സമയം സ്വന്തമായി ബാറ്റോ പന്തോ ഇല്ലാത്തതിനാല്‍ എറ്റവും അവസാനമാണ് സചിന്‍ ബേബിക്ക് അവസരം ലഭിച്ചത്. എന്നാല്‍, മികച്ച കളിയിലൂടെ സചിന്‍ ജില്ലാ ടീമില്‍ എത്തി. 2001ല്‍ തൃപ്പൂണിത്തുറയില്‍ നടന്ന പരിശീലനത്തില്‍ മേഖലാ ടീമില്‍ അംഗമാവുകയും ടീം ക്യാപ്റ്റനാവുകയുമായിരുന്നു. ഇതാണ് സചിന്‍ ബേബിയുടെ ക്രിക്കറ്റ് ജീവിതത്തിന് അടിത്തറയായതെന്ന് അമ്മ ലില്ലി ബേബി പറയുന്നു. |
| ക്രിസ്മസ് അടയാളപ്പെടുത്തുന്നത് Posted: 24 Dec 2014 05:43 PM PST Image:  ഓര്‍മയിലുള്ള ആദ്യത്തെ ക്രിസ്മസ് ആറു വയസ്സ്തികയാത്ത അള്‍ത്താര ബാലന്‍െറ മനസ്സിലെ അത്യുത്സാഹമാണ്. 1946 സെപ്റ്റംബറിലാണ് ഞാന്‍ ആ ശുശ്രൂഷക്കായി വേര്‍തിരിക്കപ്പെട്ടത്. അന്ന് ഞങ്ങള്‍ക്ക് ക്രിസ്മസ് ജനുവരിയിലാണ്. ജൂലിയന്‍ കലണ്ടര്‍ ആണ് അത് അങ്ങനെ നിര്‍ണയിച്ചത്. പാശ്ചാത്യലോകം ഗ്രിഗോറിയന്‍ കലണ്ടര്‍ സ്വീകരിച്ചുകഴിഞ്ഞിരുന്നതിനാല്‍ കത്തോലിക്കരും പ്രൊട്ടസ്റ്റന്‍റുകാരും ഡിസംബര്‍ 25 തന്നെ ആണ് ക്രിസ്മസ് ആയി ആചരിച്ചുവന്നത്. കുന്നത്തുനാട് താലൂക്കില്‍ പ്രൊട്ടസ്റ്റന്‍റുകാര്‍ ഉണ്ടായിരുന്നില്ല. കത്തോലിക്കര്‍ ഒരു ദുര്‍ബല ന്യൂനപക്ഷം ആയിരുന്നു താനും. അതുകൊണ്ട് ക്രിസ്മസ് തീയതിയിലെ ഈ ദ്വന്ദ്വഭാവം ഞങ്ങളാരും ശ്രദ്ധിച്ചില്ല. ശ്രദ്ധിച്ചത് പെലാലയ്ക്കുള്ള കുര്‍ബാനയാണ്. പെലാല സമം പെലഹാല. ചില ചേട്ടന്മാര്‍ ഉപയോഗിച്ച ‘പരിഷ്കൃത’ രൂപം. പുലര്‍കാലം എന്നര്‍ഥം. ക്രിസ്മസ് നക്ഷത്രങ്ങളില്ല. ക്രിസ്മസ് കാര്‍ഡുകള്‍ ഇല്ല. ക്രിസ്മസ് ഫാദറുമില്ല. പള്ളിക്ക് ചുറ്റും ഉള്ള പത്തമ്പത് വീടുകളില്‍ കയറി തമ്പേറും ചേങ്ങലയും ഉപയോഗിച്ച് ഉറക്കം കെടുത്തുന്ന കാരള്‍ എന്ന് വിവരിക്കാവുന്ന ഒരു പരിപാടി ഉണ്ടായിരുന്നെങ്കിലും അതും ‘നൊയമ്പുവീടിക’യുടെ കുര്‍ബാനയിലേക്കാണ് നയിച്ചിരുന്നത്. പള്ളിയുടെ അടുത്തായിരുന്നു വീട്. ഒരു മലയുടെ കിഴക്കേ ചരിവില്‍. മുന്നില്‍ വയലാണ്. വയലിനപ്പുറം പള്ളി. പള്ളിക്ക് മുന്നില്‍ നമ്മുടെ എല്ലാ ആരാധനാലയങ്ങളെയും അടയാളപ്പെടുത്തിയിരുന്ന ആല്‍മരങ്ങള്‍ പോലെ ഞങ്ങളുടെ സ്വന്തം ആല്‍മരം. ബാല്യകാലസ്മരണയില്‍നിന്ന് ചൂണ്ടിക്കാണിക്കാന്‍ ഇന്നും ആ നാട്ടിന്‍പുറത്ത് ബാക്കിനില്‍ക്കുന്നുണ്ട് അത്. അതിന്‍െറ ചില്ലകളിലും വള്ളികളിലും നിറയെ മിന്നാമിനുങ്ങുകള്‍. വിദ്യുച്ഛക്തി ഇല്ലാത്ത ഗ്രാമത്തില്‍ പ്രകൃതിയുടെ ദീപാലങ്കാരം. ഇരുട്ട് കീറുന്ന വജ്രസൂചികളായി ചൂട്ടുകറ്റകള്‍ പള്ളിയിലേക്ക് പോവുന്നത് കാണാന്‍ നല്ല രസമുണ്ടായിരുന്നു. ബസും കാറും ഓട്ടോയും ഒന്നും ഇല്ലല്ളോ. പലയിടങ്ങളില്‍നിന്ന് ചൂട്ട് വീശി പള്ളിയിലത്തെുന്ന കുടുംബങ്ങള്‍. മൂന്ന് വഴികള്‍ ചേരുന്ന ഇടം കവല. പിന്നെ പന്തം കൊളുത്തി പ്രകടനം രൂപം കൊള്ളുകയായി. പള്ളിപ്പറമ്പില്‍ ഒന്നോ രണ്ടോ വലിയ ദീപയഷ്ടികള്‍. പള്ളിയകത്ത് പെട്രോമാക്സുകള്‍. അത് വാടകക്ക് എടുത്തിരുന്നതാവണം. ഒരുവേള ‘പള്ളിക്കാര്യം’ സ്വന്തമായി സൂക്ഷിച്ചിരുന്നതുമാവാം. അയ്യായിരംപറ പാട്ടം കിട്ടുന്ന പള്ളി ആയിരുന്നു കുറുപ്പംപടിയില്‍ ഞങ്ങളുടേത്. ധനുമാസം നോമ്പുകാലമാണ്. ഇരുപത്തിയഞ്ച് ദിവസം. ഇന്നത്തെ മാതിരി ഇറച്ചിക്കടകളൊന്നും ഇല്ല നാട്ടിന്‍പുറത്ത്. ചില ‘വ്യവസായ സംരംഭകര്‍’ നോമ്പ് പിടിച്ചാല്‍ വൈകാതെ വീടുകള്‍തോറും കയറിയിറങ്ങും. ‘നൊയമ്പുവീടിക’യ്ക്ക് ഒരു ഉരു വെട്ട്ന്ന്ണ്ട്. ബ്ടെ വേണോ? എന്തോരം എടുക്കും?’’ അര റാത്തല്‍. അഞ്ച് റാത്തല്‍. ശേഷം അവര്‍ ഷൊര്‍ണൂറിനപ്പുറം വാണിയംകുളം കാളവയല്‍ ലക്ഷ്യമാക്കി യാത്രയാവും. പല്ലിന്‍െറ എണ്ണം നോക്കി വിലപേശും. ഉരുക്കളുമായി മടക്കയാത്ര. അത്ര നേരത്തേ ബുദ്ധി ഉദിക്കാത്തവര്‍ക്ക് പെരുമ്പാവൂരില്‍ തലേയാഴ്ചയിലെ കാളച്ചന്തയാണ് ശരണം. ധനുമാസം കാപ്പിമരങ്ങള്‍ പൂക്കുന്ന കാലവുമാണ്. ഞങ്ങളുടെ നാട്ടില്‍ കാപ്പിത്തോട്ടങ്ങള്‍ ഉണ്ടായിരുന്നില്ല. എങ്കിലും പുരയിടങ്ങളില്‍ രണ്ടും മൂന്നും കാപ്പിമരങ്ങള്‍ ഉണ്ടായിരുന്നു. മിക്കവാറും വീടിനോടു ചേര്‍ന്ന്. തോട്ടങ്ങളില്‍ മനുഷ്യന് ഇടപെട്ട് വളര്‍ച്ച ക്രമീകരിക്കുന്നതിനാല്‍ കാപ്പിമരങ്ങള്‍ ഉണ്ടാവാനിടയില്ല. ഞങ്ങള്‍ക്കില്ലാതിരുന്നത് കാപ്പിച്ചെടികളാണ്. ഞങ്ങളുടെ കാപ്പിമരങ്ങള്‍ പൂക്കുമായിരുന്നു. ധനുമാസക്കുളിരിനെ കാല്‍പനികതകൊണ്ട് പുതപ്പിച്ച വെളുത്ത പൂക്കള്‍. നിലാവില്‍ വിരിഞ്ഞ കാപ്പിപ്പൂക്കള്‍ പ്രണയസുലഭമായ കൗമാരങ്ങളെ തഴുകിപ്പോവുന്ന മണം പരത്തി. ജനനം ഡിസംബറിലോ? ഡിസംബറില്‍ അല്ല ജനനം എന്നുപറയാന്‍ കാരണം ഉണ്ട്. ഡിസംബറില്‍ ഫലസ്തീനില്‍ കൊടിയ തണുപ്പാവും. അപ്പോള്‍ മൃഗങ്ങള്‍ക്ക് തുറസ്സായ ഇടങ്ങളില്‍ കഴിയാനാവുകയില്ല. മസൂറിയിലെ ഐ.എ.എസ് പ്രബേഷണര്‍മാരുടെ പേടിസ്വപ്നമായ കുതിരകള്‍ നവംബര്‍ ആദ്യം താഴ്വരയിലേക്ക് യാത്രയാവും. പിന്നെ മാര്‍ച്ച് കഴിയണം മല കയറാന്‍. ശ്രീയേശു ജനിച്ചപ്പോഴാവട്ടെ, ഇടയന്മാര്‍ തീകായുന്ന കാലം ആയിരുന്നു. അതുകൊണ്ട് നവംബര്‍ പകുതിക്ക് മുമ്പോ മാര്‍ച്ച് പകുതിക്ക് ശേഷമോ ആവണം ക്രിസ്തു ജനിച്ചത്. മറ്റൊരു സൂചന കാനേഷുമാരി ആണല്ളോ. ചിതറിപ്പാര്‍ക്കുന്ന ജനങ്ങള്‍ അവരവരുടെ ഗോത്ര കേന്ദ്രങ്ങളില്‍ എത്തിവേണം കണക്കില്‍ പെടാന്‍ എന്ന നിയമം ഒരു വലിയ ജനസഞ്ചയത്തെ തലങ്ങും വിലങ്ങും യാത്രചെയ്യാന്‍ നിര്‍ബന്ധിച്ചിരുന്നു. കൊടുംതണുപ്പില്‍ അങ്ങനെ ഒരു യാത്രാനിയമം കൊണ്ട് നിര്‍ബന്ധിക്കപ്പെടുമായിരുന്നു എന്ന് കരുതുക വയ്യ. ക്രിസ്തുവിന്‍െറ ജനനം അവിടത്തെ തലമുറക്ക് അപ്രധാനമായിരുന്നു. അതുകൊണ്ടാണ് ആദ്യം വിരചിതമായ സുവിശേഷത്തില്‍ മര്‍ക്കോസും മനുഷ്യാവതാരത്തിന്‍െറ ദാര്‍ശനികതലം ചര്‍ച്ച ചെയ്യുന്ന സുവിശേഷത്തില്‍ യോഹന്നാനും ഇക്കാര്യം പരാമര്‍ശിക്കാത്തത് എന്ന് വിചാരിക്കണം. യോഹന്നാന്‍ സ്നാപകന്‍ മുതലാണ് ആ രണ്ട് കൃതികളും തുടങ്ങുന്നത്. ക്രി.മു. 238ല്‍ ടോളമിയുടെ തിരുനാള്‍ ആഘോഷമായി പ്രഖ്യാപിക്കപ്പെട്ടു. നൂറ്റമ്പത് സംവത്സരങ്ങള്‍ കഴിഞ്ഞ് കൊമജീനിലെ അന്തിയോക്കസിന്‍െറ തിരുനാള്‍ ആചരിക്കാന്‍ തുടങ്ങി. ക്രിസ്തബ്ദം ഒമ്പതില്‍ ‘ദേവതുല്യനായ അഗസ്റ്റസിന്‍െറ പിറന്നാള്‍’ ആചരിക്കണമെന്ന് നിര്‍ദേശിച്ച ഒരു സംസ്ഥാന ഗവര്‍ണര്‍ മനുഷ്യവംശത്തിന്‍െറ പുനരുജ്ജീവനത്തിന് ചക്രവര്‍ത്തി നല്‍കിയ സംഭാവനകളെ പ്രകീര്‍ത്തിച്ചിട്ടാണ് ആ നിര്‍ദേശത്തിന് ന്യായം കണ്ടത്. ക്രിസ്തുവിനെ മുഖദാവില്‍ അറിഞ്ഞ തലമുറക്ക് അങ്ങനെ ഒരു പ്രതിമാവത്കരണം വേണ്ടിയിരുന്നില്ല. മാര്‍ക്കോസിന്‍െറ സുവിശേഷം വിരചിതമായി പത്തുപന്ത്രണ്ട് കൊല്ലം ആയപ്പോഴേക്കും സ്ഥിതി മാറി. പൗലോസിന്‍െറ യാത്രകളിലൂടെ അയഹൂദര്‍ ധാരാളമായി ക്രിസ്തുവിനെ അറിഞ്ഞു. അതോടെ ഈ പ്രശസ്തന്‍െറ ജനനവും കുലവും ഒക്കെ അറിയാനുള്ള കൗതുകം വളര്‍ന്നു. അങ്ങനെയാവണം മത്തായിയും ലൂക്കോസും ജനനാദിവൃത്താന്തങ്ങള്‍ രേഖപ്പെടുത്താന്‍ നിശ്ചയിച്ചത്. ലൂക്കോസ് മറിയം ആണ് വിവരങ്ങളുടെ സ്രോതസ്സ് എന്ന് സൂചിപ്പിക്കുന്നുണ്ട്. മത്തായിയും കുടുംബാംഗങ്ങളില്‍നിന്നുതന്നെ ആവണം വിവരങ്ങള്‍ കണ്ടത്തെിയത്. എന്നാല്‍, ഐതിഹ്യമാല പോലെയോ നാടോടിസാഹിത്യം പോലെയോ ഉള്ള ശൈശവ സുവിശേഷങ്ങളുടെ നിലവാരം അല്ല മത്തായിയും ലൂക്കോസും സൂചിപ്പിക്കുന്നത്. ഭാഗവതകഥകള്‍പോലെ വായിക്കാവുന്ന പ്രോട്ടോ ഏവന്‍ഗേലിയം വേദപുസ്തകത്തിന്‍െറ ഭാഗമായതുമില്ല. സൈറസിന് പാല്‍ കൊടുത്ത് പരിപാലിച്ച പട്ടിയുടെ കഥ ഹെറോഡോട്ടസ് പറയുന്നില്ല. റോമുലുസിന്‍െറയും റെമുസിന്‍െറയും കഥ ലിവി ഗൗരവമായി എടുക്കുന്നുമില്ല. അതുതന്നെയാണ് മത്തായിയുടെയും ലൂക്കോസിന്‍െറയും സമീപനം എന്ന് ഡാനിയല്‍ റോപ്സ് എന്ന ഫ്രഞ്ച് പണ്ഡിതന്‍ ജീസസ് ആന്‍ഡ് ഹിസ് ടൈംസ് എന്ന കൃതിയില്‍ പറയുന്നുണ്ട്. ക്രിസ്തു ജനിച്ചത് ഡിസംബറില്‍ അല്ല എന്നാണല്ളോ പറഞ്ഞുവന്നത്. ആദ്യത്തെ മൂന്ന് നൂറ്റാണ്ടുകളില്‍ ക്രിസ്മസ് ആഘോഷിച്ചിരുന്നില്ല എന്നതാണ് ഇവിടെ ശ്രദ്ധിക്കാനുള്ള ഒരു പ്രധാന സംഗതി. ക്രിസ്തുമതത്തിന്‍െറ കാതല്‍ ബെത്ലഹേമിലെ ജനനം അല്ല, കാല്‍വര്‍യിലെ മരണവും മൂന്നാംനാളിലെ പുനരുത്ഥാനവും ആണ്. അതുകൊണ്ട് ക്രിസ്തു ഉയിര്‍ത്തെഴുന്നേറ്റ ഞായറാഴ്ചകളിലാണ് അനുയായികള്‍ ഒത്തുകൂടിയിരുന്നതും അവസാനത്തെ അത്താഴത്തിന്‍െറ നേരത്ത് ക്രിസ്തു ചെയ്തതുപോലെ അപ്പം നുറുക്കി ഓര്‍മ പുതുക്കിയിരുന്നതും. ആണ്ടുവട്ടത്തിലെ ഓര്‍മയും ജയന്തി ആയിരുന്നില്ല; ഈസ്റ്റര്‍ ആയിരുന്നു. പിന്നെ എങ്ങനെയാണ് ഡിസംബറില്‍ ക്രിസ്മസ് ആഘോഷിച്ചുതുടങ്ങിയത്? ഡിസംബര്‍ 21 മുതല്‍ ഉത്തരാര്‍ധഗോളത്തില്‍ പകലുകളുടെ ദൈര്‍ഘ്യം വര്‍ധിക്കുന്നു. തണുപ്പുകാലം കഴിഞ്ഞ് സൂര്യന്‍ തിരിച്ചുവരുന്ന നാളുകള്‍. റോമാ സാമ്രാജ്യത്തില്‍ അത് ഉത്സവമായിരുന്നു. ഡിസംബര്‍ 25 ആയിരുന്നു ഏറ്റവും പ്രധാനം.സൂര്യോത്സവം. കോണ്‍സ്റ്റന്‍ൈറന്‍ ക്രിസ്തുമതം സ്വീകരിക്കുകയും ആ മതം സാമ്രാജ്യത്തിന്‍െറ ഒൗദ്യോഗിക മതം എന്ന പദവി നേടുകയും ചെയ്തപ്പോള്‍ ഇത് വലിയ തലവേദനയായി. ജനം പഴയ സമ്പ്രദായം ഉപേക്ഷിക്കാന്‍ തയാറായില്ല. അപ്പോള്‍ ക്രിസോസ്തം എന്ന് പാശ്ചാത്യരും സ്വര്‍ണനാവുകാരന്‍ എന്ന് പൗരസ്ത്യരും വിളിക്കുന്ന സഭാപിതാവ്് പ്രശസ്തമായ ഒരു പ്രഭാഷണത്തില്‍ യേശുവാണ് സൂര്യന്‍ എന്നും സൂര്യോത്സവം സൂര്യന്‍െറ പിറവിയാണ് എന്നതിനര്‍ഥം അത് യേശുവിന്‍െറ ജനനപ്പെരുന്നാളാണ് എന്നുതന്നെയാണ് എന്നും പ്രഖ്യാപിച്ചു. അവിടെ ചക്രവര്‍ത്തിക്ക് കിട്ടിയ പിടിവള്ളിയാണ് ഡിസംബര്‍ 25 നെ ക്രിസ്മസ് ആക്കിയത്. തീയതിയല്ല പ്രധാനം സ്വന്തം വിജ്ഞാനമാണ് പണ്ഡിതന്മാരെ യാത്ര തിരിക്കാന്‍ പ്രേരിപ്പിച്ചത്. എന്നാല്‍, ഈശ്വരനുമായി സംവദിച്ചതോടെ അവര്‍ ദൈവത്തിന്‍െറ ശബ്ദം കേട്ടു. ആട്ടിടയന്മാരാവട്ടെ, അവിശ്വസനീയമായ അദ്ഭുതം കണ്ടിട്ടാണ് യാത്ര തുടങ്ങിയത്. അവര്‍ കണ്ടത്തെിയത് അതിസാധാരണ സാഹചര്യങ്ങളില്‍ അവതീര്‍ണനായ ഈശ്വരനെ ആയിരുന്നു. അവര്‍ ഈശ്വരനെ മഹത്വപ്പെടുത്താന്‍ പഠിച്ചു. |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
No comments:
Post a Comment