ആദിവാസി പുനരധിവാസത്തിന് 1800 ഏക്കര്‍ ഭൂമി കണ്ടത്തെി Madhyamam News Feeds |  |
- ആദിവാസി പുനരധിവാസത്തിന് 1800 ഏക്കര്‍ ഭൂമി കണ്ടത്തെി
- ഇടുക്കി ജലാശയത്തില്‍ മണലൂറ്റ് സജീവം
- നിലപാട് മയപ്പെടുത്തി സുധീരന്
- ഫാക്ട് നഷ്ടപരിഹാരം നല്‍കാന്‍ കലക്ടറുടെ നിര്‍ദേശം
- മലബാര്‍ സ്പെഷല്‍ പൊലീസിന്‍െറ അരീക്കോട് ആസ്ഥാനം ഭീകരവിരുദ്ധ സേനക്ക് കൈമാറുന്നു
- കോള്‍മേഖലയിലെ ബണ്ടുകളുടെ തകര്‍ച്ച; കര്‍ഷകര്‍ ആശങ്കയില്‍
- സമഗ്ര ജലസംരക്ഷണ പദ്ധതി നടപ്പാക്കും –മന്ത്രി
- ഒന്നിച്ചുനിന്നാല്‍ പാര്‍ട്ടിയും സര്‍ക്കാറും ശക്തിപ്പെടും ^ചെന്നിത്തല
- ‘പഴയ കാലത്ത് നിന്ന്’ പ്രദര്‍ശനം തുടങ്ങി
- കോഹ്ലിക്കും രഹാനെക്കും സെഞ്ച്വറി; ഇന്ത്യ തിരിച്ചടിക്കുന്നു.
- എണ്ണവിപണിയിലെ പ്രതിസന്ധി ഗുരുതരം -വലീദ് ബിന്‍ തലാല്‍
- ഫിലിപ്പീന്‍ യുവതിയുടെ കൊലപാതകം: മൂന്നു മലയാളികളുടെ വിധി ഇന്ന്
- മത്സ്യത്തൊഴിലാളി ബോട്ടിന്‍െറ എന്‍ജിനുള്ളില്‍ കുടുങ്ങി മരിച്ചു
- അന്യമത പ്രണയ കാമ്പയിനുമായി ബജ്റംഗ്ദള്‍ കേരളത്തിലേക്കും
- കണക്കില്‍ കണ്ണ് മിഴിക്കുന്നവരെ മുമ്പന്മാരാക്കാന്‍ അധ്യാപക സുഹൃത്തുക്കളുടെ മാതൃക
- ബദ്ധവൈരികളുടെ സഖ്യശ്രമം
- സ്വകാര്യ മെഡിക്കല്‍ ലബോറട്ടറികളില്‍ 93 ശതമാനവും അനധികൃതം
- യുക്രെയ്ന്‍ സംഘര്‍ഷം അയയുന്നു: 368 തടവുകാരെ കൈമാറി
- മസ്തിഷ്ക മരണം സംഭവിച്ച ഗര്‍ഭിണിക്ക് മരണം അനുവദിക്കാമെന്ന് കോടതി
- സൈനിക ചെക് പോസ്റ്റ് ആക്രമണം: പാകിസ്താനില്‍ 60 തീവ്രവാദികളെ വധിച്ചു
- ദാവൂദ് ഇബ്രാഹിമിനെ വിട്ട് തരണമെന്ന് ഇന്ത്യ പാകിസ്താനോട് ആവശ്യപ്പെട്ടു
- വധശിക്ഷ നിര്‍ത്തലാക്കണമെന്ന് പാകിസ്താനോട് യു.എന്‍
- ജമ്മുകശ്മീര്‍: 370ാം വകുപ്പില്‍ മാറ്റംവരുത്താന്‍ പറ്റില്ല ^പി.ഡി.പി
- കൃഷ്ണപിള്ള സ്മാരകം: പാര്‍ട്ടി നടപടി ശരിയായില്ല ^വി.എസ്
| ആദിവാസി പുനരധിവാസത്തിന് 1800 ഏക്കര്‍ ഭൂമി കണ്ടത്തെി Posted: 28 Dec 2014 12:07 AM PST പാലക്കാട്: അട്ടപ്പാടി പാക്കേജ് നടപ്പാക്കാനുള്ള പ്രവര്‍ത്തനങ്ങള്‍ പുരോഗമിക്കുന്നതായി ഒറ്റപ്പാലം സബ് കലക്ടര്‍ പി.ബി. നൂഹ് ജില്ലാ വികസന സമിതി യോഗത്തെ അറിയിച്ചു. |
| ഇടുക്കി ജലാശയത്തില്‍ മണലൂറ്റ് സജീവം Posted: 28 Dec 2014 12:03 AM PST കട്ടപ്പന: ഇടുക്കി ജലാശയത്തിന്‍െറ ഭാഗമായ കിഴക്കേ മാട്ടുക്കട്ടയില്‍ മണലൂറ്റ് വീണ്ടും സജീവമായി. |
| Posted: 27 Dec 2014 11:32 PM PST Image:  തിരുവനന്തപുരം: മദ്യനയത്തില്‍ സര്‍ക്കാരിനോട് ഇടഞ്ഞു നിന്ന കെ.പി.സി.സി പ്രസിഡന്‍റ് വി.എം സുധീരന് നിലപാട് മയപ്പെടുത്തി. ഞായറാഴ്ച കാലത്ത് ഇന്ദിരാ ഭവനില്‍ കോണ്‍ഗ്രസിന്‍റെ 130ാം ജന്മദിനാഘോഷ ചടങ്ങില്‍ പ്രസംഗിക്കവെ കടുത്ത· നിലപാടുമായി ഇനി മുന്നോട്ടില്ലെന്ന് അദ്ദേഹം വ്യക്തമായ സൂചന നല്‍കി. കീഴടങ്ങലിന്‍റെ സ്വരമായിരുന്നു സുധീരന്‍റെ ഉദ്ഘാടന പ്രസംഗത്തിലുടനീളം. നയങ്ങളുടെയും നിലപാടുകളുടെയും കാര്യത്തില്‍ പാര്‍ട്ടിയില്‍ അഭിപ്രായഭിന്നത സ്വാഭാവികമാണെന്ന് സുധീരന് പറഞ്ഞു. ചില അഭിപ്രായ വ്യത്യാസങ്ങള്‍ എളുപ്പം തീരും. ചിലതില്‍ സമവായത്തിന് സമയമെടുക്കും. ഇതു പാര്‍ട്ടിയെയോ സര്‍ക്കാരിനെയോ ബാധിക്കില്ല. താന്‍ നടത്തിയ ജനപക്ഷ യാത്ര ഉദ്ഘാടനം ചെയ്തത് മുഖ്യമന്ത്രി ഉമ്മന്‍ചാണ്ടിയാണ്. യാത്രയില്‍ പല ഘട്ടത്തിലും രമേശ് ചെന്നിത്തല പങ്കെടുത്തു. യാത്രക്കിടയില്‍ ജനങ്ങള്‍ ഉന്നയിച്ച ചില കാര്യങ്ങള്‍ ചൂണ്ടിക്കാണിച്ചു എന്നേയുള്ളൂ. അഭിപ്രായ വ്യത്യാസങ്ങള്‍ പറഞ്ഞു തീര്‍ത്ത് മുന്നോട്ടു പോയാല്‍ ഭരണത്തുടര്‍ച്ച ഉണ്ടാകുമെന്നും സുധീരന് പറഞ്ഞു. സുധീരനും ഉമ്മന്‍ചാണ്ടിയും ഒന്നിച്ചു പോയാല്‍ പാര്‍ട്ടി ശക്തിപ്പെടുമെന്ന് തുടര്‍ന്ന് സംസാരിച്ച രമേശ് ചെന്നിത്തല പറഞ്ഞു. അഭിപ്രായ വ്യത്യാസങ്ങള്‍ പറഞ്ഞു തീര്‍ത്ത് മുന്നോട്ടു പോകണം. പാര്‍ട്ടിയുടെ നേട്ടം ഏതെങ്കിലും ഒരു വ്യക്തിയുടെ നേട്ടമല്ല. അങ്ങിനെ കാണേണ്ട. പ്രവര്‍ത്തകര്‍ ഒറ്റക്കെട്ടായി നില്‍ക്കുമ്പോഴാണ് പാര്‍ട്ടി ചലിക്കുക ^രമേശ് പറഞ്ഞു. മദ്യനയം തിരുത്തിയതിനു സര്‍ക്കാരിനെ പരസ്യമായി വിമര്‍ശിച്ച സുധീരനെതിരെ കോണ്‍ഗ്രസിലെ ഇരു ഗ്രൂപ്പുകളും യോജിച്ചതോടെ നിവൃത്തിയില്ലാതെ അദ്ദേഹം വഴങ്ങുകയായിരുന്നു. പാര്‍ട്ടിയിലെ ഒരു എം.എല്‍.എ ഒഴികെ മറ്റെല്ലാവരും ഉമ്മന്‍ചാണ്ടിക്കും രമേശിനും പിന്തുണ പ്രഖ്യാപിച്ചതോടെ സുധീരന് പൂര്‍ണമായി ഒറ്റപ്പെട്ട പ്രതീതി കൈവന്നിരുന്നു. മുതിര്‍ന്ന നേതാക്കള്‍ സംഘടിതമായി അദ്ദേഹത്തിനെതിരെ രംഗത്ത് വരികയും ചെയ്തു. സുധീരന് വേണ്ടി സംസാരിക്കാന്‍ ആരുമില്ലാത്ത അവസ്ഥ വന്നു. എം.എല്‍.എമാര്‍ സംഘടിതമായി പിന്തുണ അറിയിക്കാന്‍ എത്തിയ പോലെ കെ.പി.സി.സി ഭാരവാഹികളും അടുത്ത ദിവസം ഉമ്മന്‍ചാണ്ടിയെയും ചെന്നിത്തലയെയും കാണാന്‍ തീരുമാനിച്ചിരുന്നു. ഇതിനുള്ള തീയതി ഞായറാഴ്ച തീരുമാനിക്കാനിരിക്കെയാണ് സുധീരന് നിലപാട് മയപ്പെടുത്തിയത്. സര്‍ക്കാരിന് എതിരെ ഇത്ര കടുത്ത· സമീപനം വേണ്ടെന്നു എ.കെ ആന്‍റണി സുധീരനെ ഉപദേശിച്ചതായാണ് സൂചന. കോണ്‍ഗ്രസ് കേന്ദ്രനേതൃത്വവും നിലപാട് മാറ്റാന്‍ നിര്‍ദേശിച്ചു. സുധീരനോട് ഒട്ടും മയംകാണിക്കേണ്ടെന്ന് എ, ഐ ഗ്രൂപ്പുകള്‍ തീരുമാനിച്ചിരുന്നു. സംഘടനാ തെരഞ്ഞെടുപ്പില്‍ സമവായത്തിലൂടെ ഇരു ഗ്രൂപ്പുകളും സ്ഥാനാര്‍ഥികളെ തീരുമാനിച്ചാല്‍ സുധീരന് പ്രസിഡന്‍റ് പദവിയില്‍ തുടരാനാവാത്ത സ്ഥിതി വരും. ഇതൊഴിവാക്കാനാണ് അദ്ദേഹം പിന്നാക്കം പോയത്. |
| ഫാക്ട് നഷ്ടപരിഹാരം നല്‍കാന്‍ കലക്ടറുടെ നിര്‍ദേശം Posted: 27 Dec 2014 11:23 PM PST കൊച്ചി: ചിത്രപ്പുഴയില്‍ മത്സ്യം ചത്തുപൊങ്ങിയ സംഭവത്തില്‍ മത്സ്യത്തൊഴിലാളികള്‍ക്ക് നഷ്ടപരിഹാരം നല്‍കാന്‍ നടപടി. കേന്ദ്ര പൊതുമേഖല സ്ഥാപനമായ ഫാക്ടില്‍നിന്ന് നഷ്ടപരിഹാരം ഈടാക്കി മത്സ്യത്തൊഴിലാളികള്‍ക്ക് നല്‍കാന്‍ കലക്ടര്‍ എം.ജി. രാജമാണിക്യത്തിന്‍െറ അധ്യക്ഷതയില്‍ ചേര്‍ന്ന ജില്ലാ വികസന സമിതി യോഗത്തിലാണ് തീരുമാനം. |
| മലബാര്‍ സ്പെഷല്‍ പൊലീസിന്‍െറ അരീക്കോട് ആസ്ഥാനം ഭീകരവിരുദ്ധ സേനക്ക് കൈമാറുന്നു Posted: 27 Dec 2014 10:57 PM PST അരീക്കോട്: മലബാര്‍ സ്പെഷല്‍ പൊലീസിന്‍െറ അരീക്കോട്ടെ ആസ്ഥാനം ഭീകര വിരുദ്ധ സേനക്ക് താവളമാക്കാന്‍ തീരുമാനം. |
| കോള്‍മേഖലയിലെ ബണ്ടുകളുടെ തകര്‍ച്ച; കര്‍ഷകര്‍ ആശങ്കയില്‍ Posted: 27 Dec 2014 10:57 PM PST ചങ്ങരംകുളം: കോള്‍മേഖലയില്‍ അടിക്കടിയുണ്ടാകുന്ന ബണ്ടുതകര്‍ച്ചയില്‍ കര്‍ഷകര്‍ ആശങ്കയില്‍. പുതിയതായി നിര്‍മിക്കുന്ന സ്ഥിരം ബണ്ടുകള്‍ക്ക് കര്‍ഷകര്‍ താല്‍ക്കാലികമായി നിര്‍മിക്കുന്ന ബണ്ടിന്‍െറ ബലം പോലുമില്ലാത്തതാണ് ആശങ്കക്ക് കാരണം. |
| സമഗ്ര ജലസംരക്ഷണ പദ്ധതി നടപ്പാക്കും –മന്ത്രി Posted: 27 Dec 2014 10:34 PM PST കോഴിക്കോട്: സംസ്ഥാനത്തെ എല്ലാ ഗ്രാമ-ബ്ളോക് പഞ്ചായത്തുകളിലും സമഗ്ര ജല സംരക്ഷണ പദ്ധതി നടപ്പാക്കുമെന്ന് ഗ്രാമവികസന മന്ത്രി കെ.സി. ജോസഫ്. സി.ഡബ്ള്യു.ആര്‍.ഡി.എമ്മില്‍ കാര്യക്ഷമമായ ജലവിനിയോഗവും സുസ്ഥിര വികസനവും എന്ന വിഷയത്തില്‍ നടത്തിയ ശില്‍പശാല ഉദ്ഘാടനം ചെയ്യുകയായിരുന്നു അദ്ദേഹം. സംസ്ഥാനത്ത് ജലദൗര്‍ലഭ്യം ഇല്ലാതിരുന്നപ്പോഴാണ് മുല്ലപ്പെരിയാര്‍-പറമ്പിക്കുളം ആളിയാര്‍ പദ്ധതികളില്‍ നാം ഉദാരസമീപനം സ്വീകരിച്ചത്. ഇന്നിപ്പോള്‍ കേരളം കടുത്ത ജലക്ഷാമം അനുഭവിക്കുക മാത്രമല്ല ഉപയോഗം പതിന്മടങ്ങ് വര്‍ധിക്കുകയും ചെയ്തു. അതുകൊണ്ട് പഴയ ഉദാര സമീപനം സ്വീകരിക്കാനാവില്ല. |
| ഒന്നിച്ചുനിന്നാല്‍ പാര്‍ട്ടിയും സര്‍ക്കാറും ശക്തിപ്പെടും ^ചെന്നിത്തല Posted: 27 Dec 2014 10:03 PM PST Image:  തിരുവനന്തപുരം: എല്ലാവരും ഒന്നിച്ചുനിന്നാല്‍ പാര്‍ട്ടിയും സര്‍ക്കാറും ശക്തിപ്പെടുമെന്നും ഭരണത്തുടര്‍ച്ചയുണ്ടാകുമെന്നും ആഭ്യന്തര മന്ത്രി രമേശ് ചെന്നിത്തല. കോണ്‍ഗ്രസിന്‍െറ 130ാം ജന്‍മദിനത്തില്‍ കോണ്‍ഗ്രസ് ആസ്ഥാനത്ത് സംസാരിക്കവെയാണ് സുധീരനെതിരെ ചെന്നിത്തലയുടെ പരോക്ഷ വിമര്‍ശം. പാര്‍ട്ടിക്കകത്ത് അഭിപ്രായ വ്യത്യാസങ്ങള്‍ സാധാരണമാണ്. താന്‍ കെ.പി.സി.സി പ്രസിഡന്‍റായപ്പോഴും അഭിപ്രായ വ്യത്യാസങ്ങള്‍ ഉണ്ടായിട്ടുണ്ട്. ഇതെല്ലാം പറഞ്ഞ് തീര്‍ത്ത് മുന്നോട്ട് പോകണം. എല്ലാ നേതാക്കള്‍ക്കും അവരുടേതായ കഴിവും ജനസമ്മിതിയും ഉണ്ട്. പാര്‍ട്ടിയുടെ ഐക്യം ഉറപ്പിക്കുന്നതാകണം എല്ലാവരുടെയും കടമയെന്നും ചെന്നിത്തല പറഞ്ഞു. തിരിച്ചടികളില്‍ നിന്ന് പാഠമുള്‍ക്കൊണ്ട് കോണ്‍ഗ്രസ് മുന്നോട്ടുപോകുമെന്ന് കെ.പി.സി.സി പ്രസിഡന്‍റ് വി.എം സുധീരന് വ്യക്തമാക്കി. പാര്‍ട്ടിയില്‍ അനൈക്യമുണ്ട് എന്നത് അടിസ്ഥാനരഹിതമായ കാര്യമാണെന്നും സുധീരന് പറഞ്ഞു. മദ്യനയത്തില്‍ പ്രായോഗിക മാറ്റം എന്ന സര്‍ക്കാറിന്‍െറ നിലപാടിനെതിരെ സുധീരന് ശക്തമായി രംഗത്തുവന്നിരുന്നു. |
| ‘പഴയ കാലത്ത് നിന്ന്’ പ്രദര്‍ശനം തുടങ്ങി Posted: 27 Dec 2014 09:38 PM PST Image:  ദോഹ: രാജ്യത്തിന്‍െറ ചരിത്രം പുതുതലമുറക്ക് മുമ്പില്‍ അവതരിപ്പിക്കുന്ന ‘ഖത്തര്‍ മാല്‍ ലവാല്‍’ പ്രദര്‍ശനത്തിന്‍െറ രണ്ടാം ഭാഗം ദഫ്നയിലെ ദോഹ എക്സിബിഷന്‍ സെന്‍ററില്‍ തുടങ്ങി. 2015 ഫെബ്രുവരി 28 വരെ ചൊവ്വ ഒഴികെയുളള ദിവസങ്ങളില്‍ രാവിലെ ഒമ്പത് മണി മുതല്‍ രാത്രി ഒമ്പത് മണി വരെ പ്രദര്‍ശനം കാണാം. വെള്ളിയാഴ്ചകളില്‍ വൈകീട്ട് മൂന്ന് മുതല്‍ രാത്രി 10 മണി വരെയാണ് പ്രദര്‍ശനം. |
| കോഹ്ലിക്കും രഹാനെക്കും സെഞ്ച്വറി; ഇന്ത്യ തിരിച്ചടിക്കുന്നു. Posted: 27 Dec 2014 09:24 PM PST Image:  മെല്‍ബണ്‍: ആസ്ട്രേലിയക്കെതിരായ മൂന്നാം ടെസ്റ്റില്‍ വിരാട് കോഹ്ലിയുടെയും അജിന്‍ക്യാ രെഹാനയുടെയും സെഞ്ചുറികളുടെ കരുത്തില്‍ ഇന്ത്യ തിരിച്ചടിക്കുന്നു. ഒരു വിക്കറ്റ് നഷ്ടത്തില്‍ 108 റണ്‍സ് എന്ന നിലയിലാണ് മൂന്നാംദിനം ഇന്ത്യ ബാറ്റിങ് ആരംഭിച്ചത്. കോഹ്ലി -രഹാനെ കൂട്ടുകെട്ടില്‍ നേടിയ 250 റണ്‍സാണ് ഉന്ത്യക്ക് അടിത്തറ പാകിയത്. 147 റണ്‍സെടുത്ത രഹാനെ പുറത്തായപ്പോള്‍ 143 റണ്‍സുമായി കോഹ്ലി ബാറ്റിങ് തുടരുകയാണ്. നാല് വിക്കറ്റ് നഷ്ടത്തില്‍ 415 റണ്‍സാണ് ഇന്ത്യയുടെ സ്കോര്‍. ആസ്ട്രേലിയയുടെ ഒന്നാം ഇന്നിങ്സ് സ്കോറായ 530 ണ്‍സിന് 115 റണ്‍സ് അകലെയാണ് ഇന്ത്യ ഇപ്പോള്‍. |
| എണ്ണവിപണിയിലെ പ്രതിസന്ധി ഗുരുതരം -വലീദ് ബിന്‍ തലാല്‍ Posted: 27 Dec 2014 08:42 PM PST Image:  റിയാദ്: എണ്ണവിപണിയിലെ പ്രതിസന്ധി ഗുരുതരമെന്ന് സൗദി വ്യാപാര പ്രമുഖനും കിങ്ഡം ഹോള്‍ഡിങ് കമ്പനി ഉടമയുമായ അമീര്‍ വലീദ് ബിന്‍ തലാല്‍. സൗദി അറേബ്യയുടെ ബജറ്റിന്‍െറ 90 ശതമാനവും എണ്ണ വരുമാനത്തില്‍ അധിഷ്ഠിതമാണ്. എണ്ണവില കുത്തനെ ഇടിയുമ്പോള്‍ അതിന് മേലുള്ള ചെലവുകള്‍ സര്‍ക്കാര്‍ വെട്ടിക്കുറച്ചില്ളെങ്കില്‍ ബജറ്റ് വിഹിതത്തെ ബാധിക്കും. ചെലവ് ഇതേ നിലയില്‍ തുടര്‍ന്നാല്‍ കരുതല്‍ നിധിയില്‍ നിന്ന് പിന്‍വലിക്കാന്‍ നിര്‍ബന്ധിതമാകും. ആത്യന്തികമായി കരുതല്‍നിധി ക്ഷയിക്കും. പിന്നീട് പ്രാദേശിക, അന്താരാഷ്ട്ര വായ്പകള്‍ക്ക് പിന്നാലെ കഴിഞ്ഞ ദശകത്തില്‍ സംഭവിച്ചതുപോലെ പോകേണ്ടിവരുമെന്നും ‘സൗദി ഗസറ്റ്’ പത്രത്തിന് അനുവദിച്ച അഭിമുഖത്തില്‍ അദ്ദേഹം പറഞ്ഞു. എട്ടു വര്‍ഷത്തിനു ശേഷമാണ് ലോകത്തെ ഏറ്റവും വലിയ നിക്ഷേപകരിലൊരാളും പശ്ചിമേഷ്യയിലെ പൗരപ്രമുഖനുമായ അമീര്‍ വലീദ് ഒരു സൗദി പത്രത്തിന് അഭിമുഖം നല്‍കുന്നത്. |
| ഫിലിപ്പീന്‍ യുവതിയുടെ കൊലപാതകം: മൂന്നു മലയാളികളുടെ വിധി ഇന്ന് Posted: 27 Dec 2014 08:30 PM PST Image:  കുവൈത്ത് സിറ്റി: ഫിലിപ്പീന്‍ യുവതിയെ കൊന്ന് ഫ്ളാറ്റിന് തീയിട്ട കേസില്‍ പിടിയിലായ മൂന്നു മലയാളികളുടെ വിധി ഞായറാഴ്ച. ക്രിമിനല്‍ കോടതിയില്‍ വിചാരണ പൂര്‍ത്തിയാക്കിയ കേസില്‍ ജസ്റ്റിസ് മിത്അബ് അല്‍ആര്‍ദിയുടെ നേതൃത്വത്തിലുള്ള ബെഞ്ചാണ് വിധി പ്രസ്താവിക്കുക. കോഴിക്കോട് സ്വദേശികളായ മൂന്നു പേരാണ് പ്രതികള്‍. താമരശ്ശേരി സ്വദേശി അജിത് അഗസ്റ്റിന്‍, ഈങ്ങാപ്പുഴ സ്വദേശി ടിജോ തോമസ്, ബാലുശ്ശേരിയിലെ തുഫൈല്‍ എന്നിവര്‍. ഈവര്‍ഷം ഫെബ്രുവരി 11നാണ് ഫര്‍വാനിയ പാകിസ്താന്‍ സ്കൂളിന് സമീപം ബഹുനില കെട്ടിടത്തിലെ ഫ്ളാറ്റില്‍ തീപിടിത്തമുണ്ടാവുകയും ഫിലിപ്പീന്‍ യുവതിയായ ഇസ്ത്രീല കാബ കുജാന്‍ എന്ന ജമീല ഗോണ്‍സാലസിനെ മരിച്ച നിലയില്‍ കണ്ടത്തെുകയും ചെയ്തത്. തീപിടിത്തത്തെ തുടര്‍ന്നാണ് യുവതി മരിച്ചതെന്നായിരുന്നു പ്രാഥമിക നിഗമനം. എന്നാല്‍, മൃതദേഹം ഫോറന്‍സിക് പരിശോധനക്ക് വിധേയമാക്കിയപ്പോഴാണ് തീപിടിത്തത്തിനുമുമ്പ് തന്നെ യുവതി കൊല്ലപ്പെട്ടിരുന്നുവെന്ന് തെളിഞ്ഞത്. |
| മത്സ്യത്തൊഴിലാളി ബോട്ടിന്‍െറ എന്‍ജിനുള്ളില്‍ കുടുങ്ങി മരിച്ചു Posted: 27 Dec 2014 07:42 PM PST Image:  മനാമ: മത്സ്യബന്ധന ബോട്ടിന്‍െറ എന്‍ജിന്‍ ഷാഫ്റ്റിനുള്ളില്‍ കുടുങ്ങി മത്സ്യത്തൊഴിലാളി യുവാവ് ദാരുണമായി മരിച്ചു. കന്യാകുമാരി ജില്ലയിലെ മുട്ടം സ്വദേശി സഹായ ഷെല്‍ട്ടണ്‍ (25) ആണ് വെള്ളിയാഴ്ച രാത്രി മരണപ്പെട്ടത്. സിത്രയില്‍ നിന്ന് വൈകീട്ട് നാല് മണിയോടെ കടലിലേക്ക് തിരിച്ച ബോട്ടില്‍ ഷെല്‍ട്ടണ്‍ ഉള്‍പ്പെടെ മൂന്നുപേരാണ് ഉണ്ടായിരുന്നത്. ജോലി കഴിഞ്ഞ് ബോട്ട് വൃത്തിയാക്കുന്നതിനിടെ രാത്രി 11.30 നുമ 12.00 നും ഇടയിലാണ് അപകടം നടന്നത്. കുനിഞ്ഞ സമയത്ത് യുവാവിന്‍െറ കഴുത്തിലെ ഷാള്‍ ഷാഫ്റ്റില്‍ ചുറ്റുകയായിരുന്നു എന്നാണ് കരുതുന്നത്. ശബ്ദം കേട്ട് ഒപ്പമുണ്ടായിരുന്നവര്‍ നോക്കുമ്പോള്‍ ഷെല്‍ട്ടണ്‍ ഷാഫ്റ്റിനുള്ളില്‍ രക്തത്തില്‍ കുതിര്‍ന്നു കിടക്കുന്നതാണ് കണ്ടത്. ഉടന്‍ കോസ്റ്റ് ഗാര്‍ഡിനെ അറിയിച്ചെങ്കിലും ഫലമുണ്ടായില്ല. ബോട്ടിനുള്ളില്‍ വച്ചു തന്നെ യുവാവ് മരിച്ചിരുന്നു. |
| അന്യമത പ്രണയ കാമ്പയിനുമായി ബജ്റംഗ്ദള്‍ കേരളത്തിലേക്കും Posted: 27 Dec 2014 06:37 PM PST Image:  Subtitle: 'മുസ്ലിം-ക്രിസ്ത്യന്‍ മരുമകളെ കൊണ്ടുവരൂ, ഹിന്ദു മകളെ സംരക്ഷിക്കൂ' ന്യൂഡല്‍ഹി: രാജ്യത്തെ സാമൂഹികാന്തരീക്ഷം തകര്‍ക്കാന്‍ ലക്ഷ്യമിട്ട തീവ്ര ഹിന്ദുത്വ സംഘടനകള്‍ ലവ് ജിഹാദ്, ഘര്‍ വാപസി കാമ്പയിനുകള്‍ക്ക് ശേഷം റിവേഴ്സ് ലവ് ജിഹാദുമായി രംഗത്ത്. ‘ലവ് ജിഹാദ്’ എന്ന പ്രയോഗത്തിലൂടെ അന്യമതസ്ഥരായ യുവാക്കള്‍ക്കെതിരെ വിദ്വേഷപ്രചാരണം നടത്തിയ ആര്‍.എസ്.എസ് പോഷക സംഘടനയായ വിശ്വഹിന്ദു പരിഷത്തിന്‍െറ യുവജനവിഭാഗം ബജ്റംഗ്ദള്‍ ഹിന്ദുമതത്തിലേക്ക് ആളെ കൂട്ടാന്‍ അന്യമത പ്രണയത്തിന്‍െറ കാമ്പയിന്‍ തുടങ്ങുകയാണെന്ന് പ്രഖ്യാപിച്ചു. ഉത്തര്‍പ്രദേശില്‍ ഫെബ്രുവരി 17ന് തുടങ്ങുന്ന കാമ്പയിന്‍ തുടര്‍ന്ന് കേരളത്തിലേക്കും കര്‍ണാടകയിലേക്കും വ്യാപിപ്പിക്കുമെന്ന് നേതാക്കള്‍ അറിയിച്ചു. ‘ബഹു ലാവോ, ബേട്ടി ബചാവോ (മരുമകളെ കൊണ്ടുവരൂ, മകളെ സംരക്ഷിക്കൂ)’ എന്നു പേരിട്ട കാമ്പയിന്‍ വഴി ഹിന്ദുയുവാക്കളുടെ പ്രണയത്തിലൂടെ പരമാവധി മുസ്ലിം, ക്രിസ്ത്യന്‍ പെണ്‍കുട്ടികളെ മരുമക്കളാക്കി കൊണ്ടുവരാന്‍ ആവശ്യപ്പെടുന്ന ബജ്റംഗ്ദള്‍ തിരിച്ച് ഇതര മതസ്ഥരുടെ പ്രണയങ്ങളില്‍നിന്ന് ഹിന്ദു പെണ്‍കുട്ടികളെ സംരക്ഷിച്ചു നിര്‍ത്താനും ആഹ്വാനം ചെയ്തു. മുസ്ലിം, ക്രിസ്ത്യന്‍ പെണ്‍കുട്ടികളെ പ്രണയിച്ച് വിവാഹം ചെയ്ത മുഴുവന്‍ ഹിന്ദു യുവാക്കള്‍ക്കും തങ്ങള്‍ സംരക്ഷണം നല്‍കുമെന്ന് ബജ്റംഗ്ദള്‍ വ്യക്തമാക്കി. അതേസമയം, ഹിന്ദു പെണ്‍കുട്ടികള്‍ അന്യമതസ്ഥരായ യുവാക്കളെ പ്രണയിക്കുകയോ വിവാഹം കഴിക്കുകയോ ചെയ്യാതിരിക്കാന്‍ എല്ലാ ഹിന്ദു കുടുംബങ്ങളെയും ബോധവത്കരിക്കുമെന്നും ബജ്റംഗ്ദള്‍ ഉത്തര്‍പ്രദേശ് കണ്‍വീനര്‍ അജ്ജു ചൗഹാന്‍ പറഞ്ഞു. അന്യമതസ്ഥരായ പെണ്‍കുട്ടികളെ വഞ്ചിക്കരുതെന്നും അവരെ പാട്ടിലാക്കാന്‍ പണം നല്‍കരുതെന്നും ഹിന്ദുയുവാക്കളോട് ബജ്റംഗ്ദള്‍ ആവശ്യപ്പെടും. ഹിന്ദു യുവാക്കളെ പ്രേമിച്ച പെണ്‍കുട്ടികള്‍ക്ക് അവരെ വിവാഹം കഴിക്കുന്നതിനെ ഏതെങ്കിലും മുസ്ലിം, ക്രിസ്ത്യന്‍ കുടുംബങ്ങള്‍ എതിര്‍ക്കുകയാണെങ്കില്‍ അവരുടെ വിവാഹം നടത്താന്‍ ബജ്റംഗ് ദള്‍ സംരക്ഷണം നല്‍കും. പ്രണയ കാമ്പയിന്‍െറ ഭാഗമായി ബോര്‍ഡുകള്‍ സ്ഥാപിക്കുകയും ലഘുലേഖകള്‍ വിതരണം ചെയ്യുകയും, തെരുവുനാടകങ്ങള്‍ അവതരിപ്പിക്കുകയും ചെയ്യും. |
| കണക്കില്‍ കണ്ണ് മിഴിക്കുന്നവരെ മുമ്പന്മാരാക്കാന്‍ അധ്യാപക സുഹൃത്തുക്കളുടെ മാതൃക Posted: 27 Dec 2014 06:01 PM PST Image: .jpg) മാവൂര്‍: കണക്കെന്നു കേള്‍ക്കുമ്പോഴെ തുറിച്ച കണ്ണുമായി മിഴിച്ചിരിക്കുന്നവരെ കണക്കില്‍ മുമ്പന്മാരാക്കാന്‍ രണ്ട് അധ്യാപക സുഹൃത്തുക്കളുടെ മാതൃകാ പ്രവര്‍ത്തനം. എറണാകുളം ഡയറ്റിലെ സീനിയര്‍ ലെക്ചറര്‍ ചെറുകുളത്തൂര്‍ നാരായണന്‍ നമ്പൂതിരി, കോഴിക്കോട് ഡയറ്റിലെ ലെക്ചറര്‍ മലപ്പുറം വിളയില്‍ ഡോ. കെ.എസ്. വാസുദേവന്‍ എന്നിവരാണ് കണക്കില്‍ പിന്നോക്കക്കാരെ മുന്നിലേക്ക് നയിക്കുന്നത്. ചെറുപ്പം മുതല്‍ അടുത്ത സുഹൃത്തുക്കളായ ഇവര്‍ ഡയറ്റിലത്തെിയതോടെ നടത്തിയ പഠനത്തിലാണ് ഏറ്റവും എളുപ്പമാകേണ്ട കണക്കില്‍ കുട്ടികള്‍ പിന്നോക്കം നില്‍കുന്നതായി തെളിഞ്ഞത്. അതിന് പരിഹാരം കാണണമെന്ന ഇവരുടെ ആഗ്രഹമാണ് ഇപ്പോള്‍ പുതിയൊരാശയ രൂപവത്കരണത്തിലേക്കത്തെിച്ചത്. |
| Posted: 27 Dec 2014 05:57 PM PST Image:  പി.ഡി.പിയും നാഷനല്‍ കോണ്‍ഫറന്‍സും കശ്മീരിന്‍െറ ചരിത്രത്തിലുടനീളം എതിര്‍ത്തത് ആര്‍.എസ്.എസിനെയും ബി.ജെ.പിയെയും ആണ്. എന്നിട്ടും ബി.ജെ.പിക്കെതിരെ ഒന്നിച്ചു നില്‍ക്കാന്‍ സ്വന്തം വോട്ടുബാങ്കും വിജയിച്ച അഞ്ച് സ്വതന്ത്രരും പിന്തുണ നല്‍കിയിട്ടും മുഫ്തി മുഹമ്മദ് സഈദിനും ഉമര്‍ അബ്ദുല്ലക്കും ഇപ്പോള്‍ കഴിയുന്നില്ല. ജനങ്ങള്‍ വോട്ടുചെയ്യാനാരംഭിച്ചു, രാഷ്ട്രീയ പാര്‍ട്ടികള്‍ ഏത് നഗരത്തിലും നിര്‍ഭയമായി റാലികള്‍ നടത്തി, 2008നും 2010നുമിടയില്‍ പലതവണ പാകിസ്താന്‍െറ പതാക പാറിയ ലാല്‍ചൗക്കില്‍ കലപ്പയും മഷിക്കുപ്പിയും താമരയും കൈപ്പത്തിയുമൊക്കെ തോരണങ്ങളായി നിറഞ്ഞു. ബി.ജെ.പിപോലും കശ്മീര്‍ താഴ്വരയില്‍ 34 സ്ഥാനാര്‍ഥികളെ രംഗത്തിറക്കി... ഇതെല്ലാം തീര്‍ച്ചയായും കശ്മീര്‍ ജനാധിപത്യത്തിന്‍െറ വളര്‍ച്ചതന്നെയാണ് സൂചിപ്പിച്ചത്. പക്ഷേ, അന്തിമമായി സംസ്ഥാനം ആരു ഭരിക്കണമെന്ന് ഇപ്പോഴും സുതാര്യമായ ഒരു പ്രക്രിയയിലൂടെയല്ല തീരുമാനിക്കപ്പെടുന്നത്. ബി.ജെ.പി കേന്ദ്രത്തില്‍ അധികാരത്തില്‍ വന്നതിനു ശേഷമുള്ള ഭയം അസാധാരണമായിരുന്നു. ഇത്രയേറെ സ്ത്രീകള്‍ കശ്മീരിന്‍െറ ചരിത്രത്തില്‍ ഒരിക്കലും രാഷ്ട്രീയ പ്രചാരണ റാലികളില്‍ പങ്കെടുത്തിട്ടില്ല. ഓരോ ചെറിയ പാര്‍ട്ടിക്കു പിന്നില്‍പോലും എപ്പോഴും ആളും ആരവവുമുണ്ടായിരുന്നു. ഇതായിരുന്നില്ല 2002ലെ ചിത്രം. ഇന്ത്യന്‍ ഭരണഘടന അടിസ്ഥാനമാക്കി നടത്തുന്ന ഈ തെരഞ്ഞെടുപ്പുകളില്‍ ഒരു അര്‍ഥവുമില്ളെന്നും ഇന്ത്യ കശ്മീരികള്‍ക്കിടയില്‍ ആദ്യം ഹിതപരിശോധന നടത്തട്ടെയെന്നുമാണ് ഹുര്‍റിയത്ത് കോണ്‍ഫറന്‍സ് നേതാവായ പ്രഫ അബ്ദുല്‍ ഗനി ഭട്ട് അന്ന് മാധ്യമപ്രവര്‍ത്തകരോടു പറഞ്ഞത്. കശ്മീരിലെ 78 ശതമാനം വോട്ടര്‍മാര്‍ പോളിങ് ബൂത്തുകളിലത്തെിയ ഒന്നാം ഘട്ടത്തിനുശേഷം ഇത്തവണ വീണ്ടുമൊരിക്കല്‍കൂടി ഭട്ടിനെ സന്ദര്‍ശിക്കാന്‍ അവസരം ലഭിച്ചു. തെരഞ്ഞെടുപ്പുകളുടെ ശതമാനക്കണക്കുകളും അതിലടങ്ങിയ പ്രക്രിയയുമല്ല കശ്മീരി എന്ന നിലയില്‍ തന്നെ അലോസരപ്പെടുത്തുന്നത്. അതിന്‍െറ പ്രത്യയശാസ്ത്ര പരിസരമാണെന്നാണ് അദ്ദേഹം പറഞ്ഞത്. വോട്ടു ചെയ്യുന്നവര്‍ പ്രതികരിക്കുന്നത് അവരുടെ നിത്യജീവിത ഗന്ധിയായ പ്രശ്നങ്ങളോടും തൊഴില്‍ സാഹചര്യങ്ങളോടും റോഡും വൈദ്യുതിയും ആശുപത്രിയും നല്‍കാത്ത സര്‍ക്കാറുകളോടുമാണെന്നും അദ്ദേഹം പറഞ്ഞു. 370ാം വകുപ്പല്ല റോഡും വെളിച്ചവും തൊഴിലുമാണ് അടിസ്ഥാന വിഷയം എന്നായിരുന്നുവല്ളോ മോദിയുടെ പ്രചാരണവും. പക്ഷേ, ഈ സൗകര്യങ്ങള്‍ കശ്മീരിക്ക് ചെയ്തു കൊടുക്കേണ്ട ആ വ്യവസ്ഥ ഏതു ഭരണഘടനയുടെ അടിസ്ഥാനത്തിലെന്ന ചോദ്യം ഭട്ടും കൂട്ടരും കണ്ടില്ളെന്നു നടിച്ചു. കടുംപിടിത്തക്കാരനായ സയ്യിദ് അലിഷാ ഗീലാനിയുടെ പക്ഷത്തുള്ള ആസിയാ ആന്ധ്രാബി വരെ പരോക്ഷമായി വോട്ടെടുപ്പിനെ ന്യായീകരിച്ചു. വോട്ടെടുപ്പിലെ കൂടിവരുന്ന ശതമാനം ബി.ജെ.പി-മോദി വിരുദ്ധ നിലപാടുകളുടെ പ്രതിഫലനമാണെന്ന അഭിപ്രായമായിരുന്നു ആസ്യയുടേത്. വോട്ടെടുപ്പിനെ തള്ളിപ്പറയുന്നതില്‍നിന്ന് തീവ്രവാദ നിലപാടുള്ളവരും മിതവാദികളും ഒരുപോലെ പിന്നാക്കം പോയി എന്നത് കശ്മീരിന്‍െറ ചരിത്രത്തില്‍ ഇതാദ്യമായിരുന്നു. ഡല്‍ഹിയുമായി പരസ്യമായി ബന്ധമുണ്ടെന്ന് സംശയിക്കപ്പെടുന്ന എന്തും ഈ തെരഞ്ഞെടുപ്പില്‍ താഴ്വരയില്‍ നിഷ്കരുണം തൂത്തെറിയപ്പെട്ടു. അതിന്‍െറ ഏറ്റവും മികച്ച ഉദാഹരണങ്ങള്‍ രണ്ടാണ്. മൊത്തം 34 സ്ഥാനാര്‍ഥികളെ കശ്മീരില്‍ മത്സരിപ്പിച്ച ബി.ജെ.പിക്കു കിട്ടിയത് താഴ്വരയില്‍ പോള്‍ ചെയ്യപ്പെട്ടതിന്‍െറ വെറും ഒരു ശതമാനം വോട്ട്. സൈന്യത്തിന്‍െറ പറ്റുപടിക്കാരില്‍ ഉള്‍പ്പെട്ടുവെന്ന ആരോപണം നേരിട്ട മന്ത്രിയും ഡി.പി.എന്‍ നേതാവുമായ ഗുലാം ഹസന്‍ മീര്‍ ഗുല്‍മറില്‍ ഇത്തവണ പരാജയപ്പെട്ടു. കശ്മീര്‍ ഭരണഘടനാ അസംബ്ളിക്ക് പ്രമേയം പാസാക്കാന്‍ കഴിഞ്ഞാല്‍ മാത്രം റദ്ദാക്കാനാവുന്ന 370ാം വകുപ്പിന്‍െറ കാര്യമായിരുന്നു ഈ വോട്ടെടുപ്പിന്‍െറ നാഡീസ്പന്ദനം. അഫ്സല്‍ ഗുരുവും അഫ്സ്പാ നിയമവും താഴ്വരയിലെ ഓരോ മണ്ഡലത്തിലും ചര്‍ച്ചയായി. മറുവശത്ത് ബി.ജെ.പിയും താഴ്വരയിലെ കക്ഷികളും ഒപ്പം വിഘടനവാദികളും വികസന മുദ്രാവാക്യങ്ങളുടെ പൊയ്ക്കുതിരകളിലേറിയും അന്യോന്യം ഒളിയങ്കം വെട്ടി. വിഘടനവാദി ഗ്രൂപ്പുകള്‍ വോട്ടെടുപ്പില്‍നിന്ന് വിട്ടുനിന്നാല്‍ ബി.ജെ.പി സംസ്ഥാനത്ത് ജയിച്ചുകയറുക എളുപ്പമായിരുന്നു. പക്ഷേ, ഇതാദ്യമായി അവര്‍ തന്ത്രം മാറ്റി. പാര്‍ലമെന്‍റില്‍ മൃഗീയ ഭൂരിപക്ഷമുള്ള നരേന്ദ്ര മോദി സര്‍ക്കാറിന് കശ്മീരില്‍ എന്തും ചെയ്യാനാവുമെന്ന തിരിച്ചറിവാണ് വിഘടനവാദി നേതാക്കളെ മറിച്ചുചിന്തിക്കാന്‍ വഴിയൊരുക്കിയത്. തെരഞ്ഞെടുപ്പു പ്രകടന പത്രികയില്‍നിന്ന് ബി.ജെ.പി ഈ വിഷയം ഒഴിവാക്കിയെങ്കിലും 370ാം വകുപ്പിന്‍െറ കാര്യത്തില്‍ പാര്‍ട്ടി മറ്റൊരവസരത്തിന് കാത്തുനില്‍ക്കില്ല എന്ന് ആര്‍.എസ്.എസിന്‍െറ സൂചനകളിലുണ്ടായിരുന്നു. അഭ്യസ്തവിദ്യരായ മലയാളികള്‍ക്കിടയില്‍പോലും ഏറിയാല്‍ അര ഡസന്‍ ഇംഗ്ളീഷ് പത്രങ്ങളുള്ള കേരളത്തിനെ ഞെട്ടിച്ച് ജമ്മുവിലും ശ്രീനഗറിലുമായി ഓരോ പ്രഭാതത്തിലും പുറത്തിറങ്ങുന്ന ഇംഗ്ളീഷ് പത്രങ്ങളുടെ എണ്ണം ഏറ്റവും ചുരുങ്ങിയത് 50 ആയിരുന്നു! നരേന്ദ്ര മോദിയെ ‘ശരി’യായി മനസ്സിലാക്കാന്‍ അനന്തകോടി സാധ്യതകളാണ് കശ്മീരികള്‍ക്ക് ഉണ്ടായിരുന്നതെന്നര്‍ഥം. നഗരജീവികളില്‍ ഈ പത്രങ്ങള്‍ വായിച്ചവര്‍ക്ക് മറ്റെല്ലായിടത്തെയുംപോലെ നരേന്ദ്ര മോദി വീരനായകനും വികസന പുരുഷനുമായി മാറി. ജമ്മുവിലെ പരമ്പരാഗത വോട്ടുബാങ്കില്‍ മോദി ഹിന്ദു വിരാട് പുരുഷനായി. പത്രം വായിക്കാത്തവര്‍ കൂടുതലുള്ള അതിര്‍ത്തി മേഖലയിലുള്ളവര്‍ മോദി ഗുജറാത്തിലെ ഗുജ്ജാറും അമിത് ഷാ സയ്യിദുമാണെന്ന് വിശ്വസിച്ചു. ഗുജറാത്ത് കലാപത്തെക്കുറിച്ച് ജമ്മു മേഖലയിലെ മഹാഭൂരിപക്ഷം പത്രവായനക്കാരും കേട്ടിട്ടുപോലുമുണ്ടായിരുന്നില്ല. എന്നാല്‍, കശ്മീരിലെ പരമ്പരാഗത ഗ്രാമീണ മേഖലയില്‍ മോദിയെ കുറിച്ച ഭീതി ഓരോ വോട്ടറിലും നിറഞ്ഞു നിന്നിരുന്നു. നഗരങ്ങളില്‍ അതായിരുന്നില്ല ചിത്രം. അമിറക്കടലിലെ ബി.ജെ.പി സ്ഥാനാര്‍ഥി ഹിനാഭട്ട് വെറും 500ല്‍ താഴെ വോട്ടിനു തോറ്റതും ഹബ്ബകടലില്‍ ഫയാസ് ഭട്ട് അപ്രതീക്ഷിതമായി വോട്ടു പിടിച്ചതുമൊക്കെ ഇംഗ്ളീഷ് പത്രം വായിക്കുന്ന നഗരവാസികളായ കശ്മീരിയുടെ മാറിവരുന്ന ചിന്താഗതിയുടെ പ്രതിഫലനമായിരുന്നു. വോട്ടു ചെയ്യരുതെന്ന് ഗീലാനിയും മീര്‍വാഇസും ഭട്ടും മലിക്കും ആഹ്വാനം ചെയ്യുമ്പോള്‍ അതിനോട് പ്രതികരിക്കുന്നവരുടെ ശതമാനക്കണക്ക് 30 മുതല്‍ 40 വരെയുണ്ടെന്ന യാഥാര്‍ഥ്യമായിരുന്നു ഇത്തവണ തെളിഞ്ഞത്. എക്കാലത്തും തെരഞ്ഞെടുപ്പ് ബഹിഷ്കരിച്ചവര്‍ ഇത്തവണ തന്ത്രം മാറ്റി. നേതാക്കള്‍ വോട്ടെടുപ്പില്‍നിന്ന് പ്രത്യക്ഷമായി വിട്ടുനില്‍ക്കുകയും എന്നാല്‍, അണികള്‍ വോട്ടുചെയ്യുന്നത് കണ്ടില്ളെന്നു നടിക്കുകയാണ് അവര്‍ ചെയ്തത്. ഈ വോട്ടുകളായിരുന്നു പി.ഡി.പിയുടെ പെട്ടിയില്‍ വീണത്. കോണ്‍ഗ്രസിന്‍െറ ഉപമുഖ്യമന്ത്രി താരാചന്ദും മന്ത്രിമാരായ മനോഹര്‍ ലാല്‍ ശര്‍മയെയും രമണ്‍ ബല്ലയെയും പോലുള്ള തലമുതിര്‍ന്ന നേതാക്കളും പരാജയമടഞ്ഞു. പി.ഡി.പി 28 സീറ്റില്‍ വിജയിച്ച് ഏറ്റവും വലിയ ഒറ്റക്കക്ഷിയായെങ്കിലും പാര്‍ട്ടിയുടെ മുഴുവന്‍ എം.എല്‍.എമാരും മുസ്ലിംകളായിരുന്നു. ജമ്മു മേഖലയില്‍നിന്ന് ഒറ്റ ഹിന്ദു എം.എല്‍.എയെ ജയിപ്പിക്കാന്‍ പി.ഡി.പിക്കു കഴിഞ്ഞില്ല. രണ്ടു പേരെ ജമ്മുവില്‍ ജയിപ്പിച്ച ഉമര്‍ അബ്ദുല്ലയുടെ പാര്‍ട്ടി മാത്രമായിരുന്നു ആ അര്‍ഥത്തില്‍ ജമ്മുവിലെയും കശ്മീരിലെയും പ്രാതിനിധ്യം ഉറപ്പുവരുത്തിയത്. ജമ്മുവിലെ ഹിന്ദു ഭൂരിപക്ഷ മേഖലകളില്‍നിന്നു മാത്രമാണ് ബി.ജെ.പിയുടെ 24 സ്ഥാനാര്‍ഥികളും ജയിച്ചത്. താഴ്വരയില്‍ 27 മുസ്ലിം സ്ഥാനാര്‍ഥികളെയും ജമ്മുവില്‍ ഏഴു പേരെയും മത്സരിപ്പിച്ച ബി.ജെ.പിക്ക് ജമ്മുവിലെ രജൗരിയോടു ചേര്‍ന്ന കാലക്കോട്ട് സീറ്റില്‍ അബ്ദുല്‍ ഗനി കോലിയെ മാത്രമാണ് ജയിപ്പിക്കാനായത്. സംസ്ഥാനത്ത് മൂന്നു മേഖലകളിലുമായി പാര്‍ട്ടി 23.4 ശതമാനം വോട്ടു നേടിയെന്നു പറയുമ്പോള്‍ അതിന്‍െറ 99 ശതമാനവും ജമ്മുവിലെ ഹിന്ദു ഭൂരിപക്ഷ സീറ്റുകളില്‍ നിന്നായിരുന്നു. താഴ്വരയുടെയും ജമ്മുവിന്‍െറയും ഈ നഗ്നയാഥാര്‍ഥ്യങ്ങളെ മറികടന്നാണ് പി.ഡി.പിയും നാഷനല്‍ കോണ്‍ഫറന്‍സും ബി.ജെ.പിയുമായി കൂട്ടുകൂടാന്‍ നിര്‍ബന്ധിതരാവുന്നത്. ബി.ജെ.പിയുമായി ചേരുന്നതിനേക്കാള്‍ അവര്‍ക്ക് കോണ്‍ഗ്രസുമായിട്ടായിരുന്നു ആശയതലത്തിലെങ്കിലും ബന്ധം. ഒരുവേള കോണ്‍ഗ്രസിനേക്കാള്‍ ഉമറിനും മുഫ്തിക്കും യോജിക്കാവുന്നത് അവര്‍ക്കിടയില്‍ തന്നെ ആയിരുന്നു. എന്നിട്ടും പെരുമ്പാമ്പിന്‍െറ വായില്‍ കയറുന്നതിന്‍െറ നാള്‍പ്പൊരുത്തം നോക്കുകയാണ് കശ്മീര്‍ പാര്‍ട്ടികള്‍. |
| സ്വകാര്യ മെഡിക്കല്‍ ലബോറട്ടറികളില്‍ 93 ശതമാനവും അനധികൃതം Posted: 27 Dec 2014 05:38 PM PST Image:  Subtitle: അക്രഡിറ്റേഷന്‍ ഉള്ളത് 15 ലബോറട്ടറികള്‍ക്ക് മാത്രം തൃശൂര്‍: സംസ്ഥാനത്തെ സ്വകാര്യ മെഡിക്കല്‍ ലബോറട്ടറികളില്‍ 93 ശതമാനവും പ്രവര്‍ത്തിക്കുന്നത് അനധികൃതമായാണെന്ന് സര്‍ക്കാര്‍ പഠനം. ഈ ലബോറട്ടറികള്‍ക്ക് അക്രഡിറ്റേഷനോ ഏതെങ്കിലും ആധികാരിക ഏജന്‍സിയുടെ അംഗീകാരമോ ഇല്ളെന്ന് ഡയറക്ടറേറ്റ് ഓഫ് ഇക്കണോമിക്സ് ആന്‍ഡ് സ്റ്റാറ്റിസ്റ്റിക്സ് നടത്തിയ പഠനം വെളിപ്പെടുത്തുന്നു. സംസ്ഥാനത്തെ 4168 സ്വകാര്യ മെഡിക്കല്‍ ലബോറട്ടറികളില്‍ 3887 എണ്ണവും അനധികൃതമാണെന്ന് കഴിഞ്ഞമാസം പുറത്തിറക്കിയ പഠനറിപ്പോര്‍ട്ടില്‍ വ്യക്തമാക്കുന്നു. ഗുരുതരമായ രോഗ നിര്‍ണയത്തിനും മറ്റുമായി ദിനേന ലക്ഷക്കണക്കിന് രോഗികള്‍ ആശ്രയിക്കുന്ന സ്വകാര്യ ലാബുകളെക്കുറിച്ച് ഞെട്ടിക്കുന്ന വിവരങ്ങളാണ് റിപ്പോര്‍ട്ടിലുള്ളത്. രാജ്യത്തെ ആരോഗ്യ നിയമങ്ങളും മറ്റ് സുരക്ഷാ നിര്‍ദേശങ്ങളും ലംഘിച്ച് നടത്തുന്ന ലബോറട്ടറികളില്‍ പരിശോധനയുടെ പേരില്‍ നടക്കുന്നത് വന്‍ ചൂഷണത്തിലേക്കും റിപ്പോര്‍ട് വെളിച്ചം വീശുന്നു. സംസ്ഥാനത്തെ 339 ലബോറട്ടറികള്‍ക്ക് മാത്രമാണ് മെഡിക്കല്‍ കൗണ്‍സലിന്‍െറ അംഗീകാരമുള്ളത്. മലപ്പുറം ജില്ലയിലെ 58 ശതമാനം ലബോറട്ടറികള്‍, അതായത് 477 ലാബുകളില്‍ 275 എണ്ണവും രാജ്യത്തെ ഒരു എജന്‍സിയുടെയും അംഗീകാരമില്ലാതെയാണ് പ്രവര്‍ത്തിക്കുന്നത്. |
| യുക്രെയ്ന്‍ സംഘര്‍ഷം അയയുന്നു: 368 തടവുകാരെ കൈമാറി Posted: 27 Dec 2014 09:30 AM PST Image:  കിയവ്: കിഴക്കന്‍ മേഖലയിലെ റഷ്യന്‍ അനുകൂല വിമതരും സര്‍ക്കാറും തമ്മില്‍ നടക്കുന്ന ചര്‍ച്ചകളുടെ ഭാഗമായി നൂറുകണക്കിന് തടവുകാരെ ഇരു വിഭാഗവും കെമാറി. |
| മസ്തിഷ്ക മരണം സംഭവിച്ച ഗര്‍ഭിണിക്ക് മരണം അനുവദിക്കാമെന്ന് കോടതി Posted: 27 Dec 2014 09:10 AM PST Image:  ഡബ്ളിന്‍: മസ്തിഷ്ക മരണം സംഭവിച്ച സ്ത്രീക്ക് ഗര്‍ഭിണിയായതിന്‍െറ പേരില്‍ സുഖമരണം നിഷേധിക്കരുതെന്ന് കോടതി. നാലര മാസം ഗര്‍ഭിണിയായ സ്ത്രീയുടെ ജീവന്‍രക്ഷാ സംവിധാനം എടുത്തുകളയാന്‍ അനുവദിക്കണമെന്നാവശ്യപ്പെട്ട് ബന്ധുക്കള്‍ നല്‍കിയ ഹരജിയിലാണ് ഡബ്ളിന്‍ ഹൈകോടതി അനുകൂല വിധി നല്‍കിയത്. |
| സൈനിക ചെക് പോസ്റ്റ് ആക്രമണം: പാകിസ്താനില്‍ 60 തീവ്രവാദികളെ വധിച്ചു Posted: 27 Dec 2014 08:46 AM PST Image:  പെഷാവര്‍: പെഷാവര്‍ സ്കൂള്‍ ആക്രമണത്തെ തുടര്‍ന്ന് തീവ്രവാദവേട്ട ശക്തമാക്കിയ പാക്സൈന്യം ശനിയാഴ്ച രാവിലെ സൈനിക ചെക്പോസ്റ്റ് ആക്രമിച്ച സംഭവത്തിന്‍െറ തുടര്‍ച്ചയായി 60 തീവ്രവാദികളെക്കൂടി വധിച്ചു. അഫ്ഗാന്‍ അതിര്‍ത്തിയായ ഷിന്ദാരയിലെയും കസാന കണ്ടൗവിലെയും ചെക്പോസ്റ്റുകള്‍ ആക്രമിച്ച തീവ്രവാദികള്‍ക്കു നേരെ സൈന്യം നടത്തിയ പ്രത്യാക്രമണത്തില്‍ 20പേരും ദത്താഖെല്‍ മേഖലയില്‍ നടത്തിയ വ്യോമാക്രമണത്തില്‍ 39 പേരുമാണ് മരിച്ചത്.
|
| ദാവൂദ് ഇബ്രാഹിമിനെ വിട്ട് തരണമെന്ന് ഇന്ത്യ പാകിസ്താനോട് ആവശ്യപ്പെട്ടു Posted: 27 Dec 2014 07:23 AM PST Image:  ന്യൂഡല്‍ഹി: അധോലോക നായകന്‍ ദാവൂദ് ഇബ്രാഹിമിനെ വിട്ടുനല്‍കണമെന്ന് ഇന്ത്യ പാകിസ്താനോട് ആവശ്യപ്പെട്ടു. ദാവൂദ് പാകിസ്താനില്‍ ഉണ്ടെന്നതിന് കൂടുതല്‍ തെളിവുകള്‍ പുറത്ത് വന്നതിന് പിന്നാലെയാണ് ഇന്ത്യ വീണ്ടും ആവശ്യം ഉന്നയിച്ചത്. 1993 ലെ മുംബൈ സ്ഫോടന പരമ്പര ഉള്‍പ്പെടെ നിരവധി കേസുകളില്‍ പ്രതിയാണ് ദാവൂദ് ഇബ്രാഹിം. ‘ദാവൂദ് പാകിസ്താനിലുണ്ടെന്നാണ് ദീര്‍ഘകാലമായി ഇന്ത്യയുടെ നിലപാട്. ദാവൂദ് കറാച്ചിയിലുണ്ടെന്നതിന് അനേകം തെളിവുകള്‍ ഇന്ത്യ കൈമാറിയിട്ടുണ്ട്. തീവ്രവാദത്തിനെതിരായ പാക് നിലപാട് സത്യസന്ധമാണെങ്കില്‍ ദാവൂദിനെ കൈമാറുന്ന കാര്യത്തില്‍ പാകിസ്താന്‍ സഹകരിക്കണമെന്ന് ആഭ്യന്തര സഹമന്ത്രി കിരണ്‍ റിജ്ജു പറഞ്ഞു. ദാവൂദിനെ കൈമാറണമെന്ന് പാകിസ്താനോട് നിരന്തരം ആവശ്യപ്പെട്ടിട്ടുണ്ടെന്ന് ആഭ്യന്തര മന്ത്രി രാജ്നാഥ് സിങ് ലക്നോവില്‍ പറഞ്ഞു. ഇക്കാര്യത്തില്‍ കാത്തിരുന്ന് കാണാമെന്നതാണ് ഇപ്പോള്‍ ഇന്ത്യയുടെ നയമെന്നും അദ്ദേഹം വ്യക്തമാക്കി. ദാവൂദ് ഇബ്രാഹിം പാകിസ്താനില്‍ തന്നെയുണ്ടെന്ന് തെളിയിക്കുന്ന ഫോണ്‍ സന്ദേശം കഴിഞ്ഞ ദിവസം പുറത്ത് വന്നിരുന്നു. ദാവൂദ് പാകിസ്താനില്‍ നിന്നും ദുബൈയിലുള്ള വസ്തു ഇടപാടുകാരനുമായി നടത്തുന്ന സംഭാഷണമാണ് പുറത്തുവന്നത്. ന്യൂസ് മൊബൈല്‍ ഡോട്ട് ഇന്‍ എന്ന വെബ്സൈറ്റാണ് ദാവൂദിന്‍െറ സംഭാഷണം പുറത്ത്വിട്ടത്. |
| വധശിക്ഷ നിര്‍ത്തലാക്കണമെന്ന് പാകിസ്താനോട് യു.എന്‍ Posted: 27 Dec 2014 04:46 AM PST Image:  യു.എന്‍: വധശിക്ഷ നടപ്പിലാക്കുന്നത് നിര്‍ത്തണമെന്ന് പാകിസ്താനോട് യു.എന്‍ ജനറല്‍ സെക്രട്ടറി ബാന്‍ കി മൂണ്‍. വധശിക്ഷ നടപ്പാക്കുന്നതിന് ഏര്‍പ്പെടുത്തിയ മോറട്ടോറിയം പുന:സ്ഥാപിക്കണമെന്നും ബാന്‍ കി മൂണ്‍ ആവശ്യപ്പെട്ടു. പാക് പ്രധാനമന്ത്രി നവാസ് ശരീഫുമായി ഡിസംബര്‍ 25 ന് നടത്തിയ ഫോണ്‍ സംഭാഷണത്തിലാണ് വധശിക്ഷ നടപ്പാക്കരുതെന്ന് ബാന്‍ കി മൂണ്‍ ആവശ്യപ്പെട്ടത്. പെഷാവര്‍ സൈനിക സ്കൂള്‍ ആക്രമണത്തിന്‍െറ പശ്ചാത്തലത്തില്‍ വധശിക്ഷക്ക് ഏര്‍പ്പെടുത്തിയിരുന്ന താല്‍ക്കാലിക വിലക്ക് പാകിസ്താന്‍ പിന്‍വലിച്ചിരുന്നു. ഭീകരാക്രമണ കേസുകളില്‍ ഉള്‍പ്പെട്ട ആറ് പേരുടെ വധശിക്ഷ നടപ്പിലാക്കുകയും ചെയ്തു. ഈ പശ്ചാത്തലത്തിലാണ് ബാന്‍ കി മൂണ്‍ ആവശ്യം ഉന്നയിച്ചത്. പാകിസ്താനില്‍ നിലവിലുള്ള വിഷമകരമായ സാഹചര്യത്തെ മനസിലാക്കുന്നു. എന്നാല്‍ വധശിക്ഷക്ക് എര്‍പ്പെടുത്തിയിരുന്ന താല്‍ക്കാലിക വിലക്ക് പുന:സ്ഥാപിക്കണം. വധശിക്ഷക്ക് വിധിക്കപ്പെട്ടവരുടെ ശിക്ഷ നടപ്പിലാക്കുന്നത് റദ്ദാക്കണമെന്നും മൂണ്‍ ആവശ്യപ്പെട്ടു. പെഷാവര്‍ സൈനിക സ്കൂള്‍ ആക്രമണത്തിന് ഇരയായ ജനങ്ങളുടെയും സര്‍ക്കാറിന്‍െറയും ദു:ഖത്തില്‍ പങ്ക് ചേരുന്നെന്നും ബാന്‍ കി മൂണ്‍ അറിയിച്ചു. ജനാധിപത്യം, നിയമവാഴ്ച, സ്വതന്ത്ര നീതിന്യായ വ്യവസ്ഥ എന്നിവ നിലനില്‍ക്കേണ്ടതിന്‍െറ ആവശ്യകതയെ പറ്റി ഇരു നേതാക്കളും സംസാരിച്ചു. പാകിസ്താനിലെ ജനങ്ങളുടെ വികാരം മനസിലാക്കുന്നെന്നും ബാന്‍ കി മൂണ്‍ പറഞ്ഞു. എല്ലാ നിയമ നടപടിക്രമങ്ങളും പാലിക്കപ്പെടുമെന്ന് നവാസ് ശരീഫ് ഉറപ്പുനല്‍കിയതായി യു.എന്‍ വക്താവ്് അറിയിച്ചു. വധശിക്ഷ നടപ്പിലാക്കാനുള്ള പാകിസ്താന്‍െറ തീരുമാനത്തിനെതിരെ നേരത്തെ യു.എന്‍ മനുഷ്യാവകാശ ഹൈകമ്മീഷണര്‍ സയ്യിദ് റആദുല്‍ ഹുസൈനും രംഗത്ത് വന്നിരുന്നു. വധശിക്ഷ നടപ്പിലാക്കുന്നതില്‍ നിന്ന് അന്താരാഷ്ട്ര സമൂഹം പിന്‍മാറുന്ന സമയത്താണ് പാകിസ്താന്‍െറ തീരുമാനമെന്നും അദ്ദേഹം കുറ്റപ്പെടുത്തി. |
| ജമ്മുകശ്മീര്‍: 370ാം വകുപ്പില്‍ മാറ്റംവരുത്താന്‍ പറ്റില്ല ^പി.ഡി.പി Posted: 27 Dec 2014 04:06 AM PST Image:  ശ്രീനഗര്‍: ജമ്മുകശ്മീരില്‍ സര്‍ക്കാര്‍ രൂപീകരണം അനിശ്ചിതത്വത്തില്‍ തുടരവെ ബി.ജെ.പിയുടെ മുന്നില്‍ നിബന്ധനകള്‍ വെച്ച് പി.ഡി.പി. 370ാം വകുപ്പ് സംരക്ഷിക്കുമെന്നും സായുധസേന പ്രത്യേകാധികാര നിയമം (അഫ്സ്പ) റദ്ദാക്കുമെന്നും ബി.ജെ.പി ഉറപ്പ് നല്‍കണം എന്നാണ് പി.ഡി.പിയുടെ ആവശ്യം. പി.ഡി.പി വക്താവ് നഈം അക്തറാണ് ശ്രീനഗറില്‍ ഇക്കാര്യം അറിയിച്ചത്. സര്‍ക്കാര്‍ രൂപീകരണവുമായി ബന്ധപ്പെട്ട് എല്ലാ വാതിലുകളും പി.ഡി.പി തുറന്നിട്ടിരിക്കുകയാണ്. ഒരു പാര്‍ട്ടിയുമായും ചേര്‍ന്ന് സര്‍ക്കാര്‍ രൂപീകരിക്കുന്നതിനെക്കുറിച്ച് ഇതുവരെ തീരുമാനത്തിലെത്തിയിട്ടില്ല. ചില കാര്യങ്ങളില്‍ പി.ഡി.പിക്ക് വ്യക്തമായ നിലപാടുണ്ട്. കശ്മീരിന് പ്രത്യേക അവകാശം നല്‍കുന്ന 370ാം വകുപ്പില്‍ ഒരു തരത്തിലും മാറ്റം വരുത്താന്‍ അനുവദിക്കില്ല. അഫ്സ്പ നിയമം എടുത്തുകളയണം. തങ്ങളുടെ സഖ്യകക്ഷി ഇത് അംഗീകരിക്കുക എന്നത് അത്യാവശ്യമാണെന്നും നഈം അക്തര്‍ വ്യക്തമാക്കി. സര്‍ക്കാര്‍ രൂപീകരണത്തിന് കോണ്‍ഗ്രസ് നല്‍കിയ പിന്തുണ വാഗ്ദാനം പാര്‍ട്ടിയുടെ പരിഗണനയിലുണ്ടെന്നും അക്തര്‍ അറിയിച്ചു. സര്‍ക്കാര്‍ രൂപീകരണ ചര്‍ച്ചകള്‍ക്കായി പി.ഡി.പിയെയും ബി.ജെ.പിയെയും ഗവര്‍ണര്‍ എന്‍.എന്‍ വോറ ക്ഷണിച്ചിട്ടുണ്ട്. ജനുവരി ഒന്നിന് വെവ്വേറെ സമയങ്ങളില്‍ ചെന്ന് കാണാനാണ് ഇരു പാര്‍ട്ടികള്‍ക്കും നിര്‍ദേശം ലഭിച്ചിരിക്കുന്നത്. 87 അംഗ നിയമസഭയിലേക്ക് നടന്ന തെരഞ്ഞെടുപ്പില്‍ പി.ഡി.പിക്ക് 28 സീറ്റും ബി.ജെ.പിക്ക് 25 സീറ്റുമാണ് ലഭിച്ചത്. 44 പേരുടെ പിന്തുണയാണ് കേവല ഭൂരിപക്ഷത്തിനാവശ്യം. സര്‍ക്കാര്‍ രൂപീകരണത്തിന് പി.ഡി.പിയെ പിന്തുണക്കുമെന്ന് അറിയിച്ച് നാഷണല്‍ കോണ്‍ഫറന്‍സ് ഇന്നലെ കത്തയച്ചിരുന്നു. എന്നാല്‍ വാര്‍ത്ത വന്നയുടന്‍ പിന്തുണവാഗ്ദാനം പി.ഡി.പി തള്ളുകയായിരുന്നു. |
| കൃഷ്ണപിള്ള സ്മാരകം: പാര്‍ട്ടി നടപടി ശരിയായില്ല ^വി.എസ് Posted: 26 Dec 2014 11:11 PM PST Image:  ആലപ്പുഴ: കൃഷ്ണപിള്ള സ്മാരകം തകര്‍ത്ത സംഭവത്തില്‍ പാര്‍ട്ടിക്കെതിരെ വിമര്‍ശവുമായി പ്രതിപക്ഷ നേതാവ് വി.എസ് അച്യുതാനന്ദന്‍. സംഭവത്തില്‍ പൊലിസ് പ്രതികളാക്കിയവര്‍ക്കെതിരെ പാര്‍ട്ടി നടപടി എടുത്തത് ശരിയായില്ളെന്ന് അദ്ദേഹം വ്യക്തമാക്കി. പൊലീസിന്‍െറ കള്ളക്കഥ പാര്‍ട്ടി തള്ളണമായിരുന്നു. കൃഷ്ണപിള്ള സ്മാരകം തകര്‍ത്തത് കോണ്‍ഗ്രസുകാരാണ്. സ്മാരകം ആക്രമണ കേസില്‍ ഗൂഢാലോചന നടന്നിട്ടുണ്ട്. ആഭ്യന്തര മന്ത്രി രമേശ ചെന്നിത്തല കൂടി ചേര്‍ന്നാണ് ഗൂഢാലോചന നടത്തിയത്. തന്തയെയും തള്ളയെയും തല്ലുന്നവരല്ല കമ്മ്യൂണിസ്റ്റുകാരെന്നും വി.എസ് പറഞ്ഞു. സി.പി.എമ്മില്‍ വിഭാഗീയത ഇല്ളെന്നും വിഭാഗീയ പ്രവര്‍ത്തനങ്ങള്‍ ചൂണ്ടിക്കാണിച്ചാല്‍ അന്വേഷിക്കുമെന്നും അദ്ദേഹം ചൂണ്ടിക്കാട്ടി. ആര്‍.എസ്.എസ് പ്രവര്‍ത്തകനായ നരേന്ദ്രമോദി പ്രധാനമന്ത്രിയായതിനു ശേഷം രാജ്യത്ത് ഘര്‍ വാപസി പോലുള്ള പ്രകടമായ രീതിയില്‍ വര്‍ഗീയത വരികയാണ്. അര്‍ഹിക്കുന്ന ഗൗരവത്തോടെ അതിനെ ചെറുത്ത് തോല്‍പിക്കണം. ഇതിന്‍െറ സത്യാവസ്ഥ അന്വേഷിക്കാന്‍ മാധ്യമങ്ങള്‍ക്കും പൊലിസിനും ഉത്തരവാദിത്തമുണ്ടെന്നും പ്രതിപക്ഷ നേതാവ് ചൂണ്ടിക്കാട്ടി. ആലപ്പുഴയില്‍ നടക്കാനിരിക്കുന്ന സി.പി.എം സംസ്ഥാന സമ്മേളനത്തിന്‍െറ സ്വാഗത സംഘം ജില്ലാ എന്‍.ജി.ഒ ആസ്ഥാനത്ത് വിളിച്ചു ചേര്‍ത്ത വാര്‍ത്താസമ്മേളനത്തിലാണ് വി.എസ് നയം വ്യക്തമാക്കിയത്. |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
No comments:
Post a Comment