അനന്തപുരിയില്‍ ഇനി കാഴ്ചയുടെ വാരാഘോഷം Madhyamam News Feeds |  |
- അനന്തപുരിയില്‍ ഇനി കാഴ്ചയുടെ വാരാഘോഷം
- ഗോഡ്സെ ദേശീയവാദി: സാക്ഷി മഹാരാജ് പ്രസ്താവന പിന്‍വലിച്ചു
- ഗൂഗ്ള്‍ പരിഭാഷ ഇനി മലയാളത്തിലും
- ദൈവാനുഗ്രഹം ഉണ്ടെങ്കില്‍ പാകിസ്താനിലേക്ക് മടങ്ങും ^മലാല
- രാമക്ഷേത്രം ഇന്ത്യക്കാരുടെ അഭിലാഷമെന്ന് യു.പി ഗവര്‍ണര്‍
- തടവറകളിലെ ക്രൂരതയെ ന്യായീകരിച്ച് സി.ഐ.എ മേധാവി
- ഇന്ത്യ 444ന് പുറത്ത്; ലീഡുയര്‍ത്തി ഓസീസ്
- ഐ.എസിന്‍റെ ട്വിറ്റര്‍ അക്കൗണ്ടിന് പിന്നില്‍ ബംഗളൂരു എക്സിക്യൂട്ടീവ്
- ദുബൈ ചലച്ചിത്രോത്സവത്തിന് വര്‍ണാഭ തുടക്കം
- ജി.സി.സി : ഏകീകൃത നാവിക സേനക്ക് രൂപംനല്‍കും
- മാണിയുടെ രാജി: പ്രതിപക്ഷ ബഹളം; നിയമസഭ ഇന്നത്തേക്ക് പിരിഞ്ഞു
- ബ്ളാസ്റ്റേഴ്സ് ^ചെന്നൈയിന്‍ ആദ്യപാദ സെമി നാളെ
- സല്‍മാബാദില്‍ വെയര്‍ഹൗസില്‍ വന്‍ തീപിടിത്തം
- ഒമാന്‍ സായുധസേനാ ദിനം ആഘോഷിച്ചു
- അല്‍ഖാഇദയില്‍ അംഗമായിരുന്ന സ്വദേശി യുവാവിന് 27 വര്‍ഷം കഠിന തടവ്
- രാഷ്ട്രീയധാര്‍മികത: മാണി പ്രതിരോധത്തില്‍
- മറാത്താ മന്ദിറില്‍ ആ പ്രണയം ഒഴുകുന്നു; ഏഴായിരം ദിവസങ്ങളെന്ന ചരിത്രത്തിലേക്ക്
- അനശ്വരപ്രണയത്തിന്‍െറ കഥയുമായി ‘കൂനന്‍’ 1898ാം വേദിയില്‍ നിറഞ്ഞാടി
- അട്ടപ്പാടിയിലെ അനാരോഗ്യ പരിപാലനം
- ആര്‍.എസ്.എസിന്‍െറ മതവും ബി.പി.എല്‍ കാര്‍ഡും
- ബാര്‍ കോഴ: മാണി പ്രതി
- ഫോട്ടോഫിനിഷ്
- മികവിന്‍െറ നിറവില്‍ ഇവര്‍
- സിറ്റി ക്വാര്‍ട്ടറില്‍; ബാഴ്സക്കും ജയം
| അനന്തപുരിയില്‍ ഇനി കാഴ്ചയുടെ വാരാഘോഷം Posted: 12 Dec 2014 12:58 AM PST Image:  തിരുവനന്തപുരം: അഭ്രപാളിയിലെ വര്‍ണക്കൂട്ടുകളിലേക്ക് മിഴിതുറക്കുന്ന അനന്തപുരിക്ക് ഇനി ഒരാഴ്ച ഉത്സവ രാപകലുകള്‍. 19ാമത് അന്താരാഷ്ട്ര ചലച്ചിത്രമേളക്ക് വെള്ളിയാഴ്ച തിരിതെളിയും. നിലനില്‍പ്പിനായുള്ള പോരാട്ടത്തിന്‍െറയും അധിനിവേശത്തിന്‍െറയും പ്രണയത്തിന്‍െറയും പ്രതികാരത്തിന്‍െറയും നേര്‍ക്കാഴ്ചകളുമായി ഒരുപിടി നല്ല ചിത്രങ്ങളാണ് മേളയില്‍ പ്രദര്‍ശിപ്പിക്കുന്നതെന്ന് സംഘാടകര്‍ പറയുന്നു. പതിവുപോലെ 14 ചിത്രങ്ങളാണ് മത്സരവിഭാഗത്തിലുള്ളത്. ലോകസിനിമാ വിഭാഗത്തില്‍ 37 രാജ്യങ്ങളില്‍നിന്ന് 60 ചിത്രങ്ങള്‍ പ്രദര്‍ശിപ്പിക്കും. ഇറാന്‍ റിക്ളിസ് സംവിധാനം ചെയ്ത ‘ഡാന്‍സിങ് അറബ്സ്’ ആണ് ഉദ്ഘാടന ചിത്രം. ഇതിലെ നായകന്‍ തൗഫിക് ബാറോമിന്‍െറ സാന്നിധ്യം ഉദ്ഘാടന ചടങ്ങില്‍ ശ്രദ്ധേയമാകും. വൈകീട്ട് 5.30ന് നിശാഗന്ധിയില്‍ നടക്കുന്ന ചടങ്ങില്‍ മുഖ്യമന്ത്രി ഉമ്മന്‍ ചാണ്ടി മേള ഉദ്ഘാടനം ചെയ്യും. മന്ത്രി തിരുവഞ്ചൂര്‍ രാധാകൃഷ്ണന്‍ അധ്യക്ഷത വഹിക്കും. സമഗ്രസംഭാവനക്കുള്ള അവാര്‍ഡ് നല്‍കി ആദരിക്കുന്ന ഇറ്റാലിയന്‍ സംവിധായകന്‍ മാര്‍ക്കോ ബലോച്ചിയോ, സംവിധായകന്‍ അടൂര്‍ ഗോപാലകൃഷ്ണന്‍ എന്നിവര്‍ സംബന്ധിക്കും. ഉദ്ഘാടന ചിത്രം നിശാഗന്ധിയിലും കൈരളി തിയറ്ററിലും ഒരേസമയം പ്രദര്‍ശിപ്പിക്കും. സിഗ്നേച്ചര്‍ സിനിമയുടെ ആദ്യ പ്രദര്‍ശനവും നടക്കും. കലാഭവന്‍, കൈരളി, ശ്രീ, നിള, ന്യൂ തിയറ്ററിലെ മൂന്ന് വേദികള്‍, ശ്രീകുമാര്‍, ശ്രീവിശാഖ്, ധന്യ, നിശാഗന്ധി എന്നിവിടങ്ങളിലായാണ് പ്രദര്‍ശനം. |
| ഗോഡ്സെ ദേശീയവാദി: സാക്ഷി മഹാരാജ് പ്രസ്താവന പിന്‍വലിച്ചു Posted: 11 Dec 2014 11:20 PM PST Image:  ന്യൂഡല്‍ഹി: മഹാത്മാ ഗാന്ധിയുടെ ഘാതകന്‍ നാഥുറാം ഗോഡ്സെയെ ദേശീയവാദിയെന്ന് ബി.ജെ.പി എം.പി വിശേഷിപ്പിച്ചതിനെതിരെ ലോക്സഭയില്‍ ബഹളം. സാക്ഷി മഹാരാജ് നിരുപാധികം മാപ്പു പറയണമെന്ന് കോണ്‍ഗ്രസ് എം.പിമാര്‍ ആവശ്യപ്പെട്ടു.വിഷയത്തില്‍ സഭ പ്രക്ഷുബ്ദമായതിനെ തുടര്‍ന്ന് വിവാദ പ്രസ്താവന പിന്‍വലിക്കുന്നതായി സാക്ഷി മഹാരാജ് അറിയിച്ചു. ’താന്‍ ഗാന്ധിജിയെ ബഹുമാനിക്കുന്നു. ഗാന്ധിയെ വധിച്ചത് ഗോഡ്സെയാണ്. എന്നാല്‍ ഗാന്ധി യഥാര്‍ഥത്തില്‍ കൊല്ലപ്പെട്ടത് 1984 ല്‍ സിഖ് കലാപം നടന്നപ്പോഴാണെന്ന് താന്‍ വിശ്വസിക്കുന്നു. തന്‍റെ പ്രസ്താവന ഏതെങ്കിലും വ്യക്തികളെ വേദനിപ്പിച്ചിട്ടുണ്ടെങ്കില്‍ ഖേദിക്കുന്നുവെന്നും പ്രതിപക്ഷം ഇതൊരു പ്രശ്നമായി ഉയര്‍ത്തരുതെന്നും മഹാരാജ് സഭയില്‍ അറിയിച്ചു. കഴിഞ്ഞ ദിവസം മഹാരാഷ്ട്രയില്‍ ഒരു പരിപാടിയില്‍ ഗോഡ്സെയെ ആദരിക്കുന്ന ചടങ്ങ് നടന്നതായി കോണ്‍ഗ്രസ് എം.പി പാര്‍ലമെന്‍റില്‍ അറിയിച്ചതിന് തൊട്ടുടനെ ആയിരുന്നു പാര്‍ലമെന്‍റിനു പുറത്ത് സാക്ഷി മഹാരാജിന്‍െറ വിവാദ പ്രസ്താവന.നാഥുറാം ഗോഡ്സെ ദേശീയവാദിയാണെന്നും മഹാത്മാ ഗാന്ധിക്കൊപ്പം ആദരിക്കപ്പെടേണ്ട വ്യക്തിയാണെന്നുമുള്ള പ്രസ്താവന സാക്ഷി മഹാരാജ് ഉടന്‍ തിരുത്തിയിരുന്നു. എന്നാല്‍ വിഷയം കോണ്‍ഗ്രസ് എം.പിമാര്‍ വീണ്ടും സഭയില്‍ ഉന്നയിക്കുകയായിരുന്നു. |
| ഗൂഗ്ള്‍ പരിഭാഷ ഇനി മലയാളത്തിലും Posted: 11 Dec 2014 11:00 PM PST Image:  ന്യൂഡല്‍ഹി: ഗൂഗ്ള്‍ പരിഭാഷ ഇനി നമ്മുടെ മലയാളത്തിലും. മൂന്നു കോടി ജനങ്ങള്‍ സംസാരിക്കുന്ന ഭാഷയെ ഇനി ലോകത്തിലെ ഏതു ഭാഷയിലേക്കും ഗൂഗ്ളിലൂടെ പരിഭാഷ ചെയ്യാം. നേരത്തെ നിരവധി ഇന്ത്യന്‍ ഭാഷകള്‍ക്ക് ഗൂഗ്ള്‍ ഈ സൗകര്യം ഒരുക്കിയിരുന്നുവെങ്കിലും മലയാളം അതില്‍ ഉള്‍പ്പെട്ടിരുന്നില്ല. എന്നാല്‍, പുതുതായി ഉള്‍പെടുത്തിയ പത്ത് ഭാഷകളില്‍ മലയാളത്തെയും ഗൂഗ്ള്‍ തെരഞ്ഞെടുത്തിരിക്കുകയാണ്. അതേസമയം,തുടക്ക ഘട്ടമെന്ന നിലയില്‍ നിരവധി അബദ്ധങ്ങളാണ് പരിഭാഷയില്‍ ഉള്‍പെട്ടിട്ടുള്ളത്. കൂടുതല്‍ ഇന്ത്യക്കാരെ ഇന്‍്റര്‍നെറ്റിന്‍്റെ ലോകത്തേക്ക് കൊണ്ടു വരികയെന്നതാണ് പുതിയ നീക്കത്തിലൂടെ ലക്ഷ്യമിടുന്നത്. 2017 ഓടു കൂടി ഇന്ത്യയില്‍ ഗൂഗ്ളിന് 50 കോടി ഉപഭോക്താക്കെള സൃഷ്ടിക്കുകയെന്നതാണ് ലക്ഷ്യമിടുന്നതെന്ന് ഗൂഗ്ള്‍ ഇന്ത്യ എം.ഡി രാജന്‍ ആനന്ദന്‍ വാര്‍ത്താ സമ്മേളനത്തില്‍ വ്യക്തമാക്കി. ഹിന്ദി, പഞ്ചാബി, തമിഴ്, ഉര്‍ദു, തെലുങ്ക് എന്നീ ഇന്ത്യന്‍ ഭാഷകളടക്കം 90 ഭാഷകളാണ് നിലവില്‍ ഗൂഗ്ള്‍ പരിഭാഷയില്‍ ഉള്ളത്. |
| ദൈവാനുഗ്രഹം ഉണ്ടെങ്കില്‍ പാകിസ്താനിലേക്ക് മടങ്ങും ^മലാല Posted: 11 Dec 2014 10:57 PM PST Image:  ഓസ് ലോ: അടുത്ത വര്‍ഷം പാകിസ്താനിലേക്ക് മടങ്ങാന്‍ ഉദ്ദേശിക്കുന്നതായി പ്രമുഖ വിദ്യാഭ്യാസ അവകാശ പ്രവര്‍ത്തകയും നൊബേല്‍ പുരസ്കാര ജേതാവുമായ മലാലാ യൂസുഫ് സായി. ദൈവം അനുഗ്രഹിക്കുകയാണെങ്കില്‍ ഏറ്റവും അടുത്തു തന്നെ പാകിസ്താനിലേക്ക് മടങ്ങും എന്ന് അവര്‍ പറഞ്ഞു. പുരസ്കാരം ഏറ്റുവാങ്ങിയതിനുശേഷം ഓസ്ലോയില്‍ ഒരു അഭിമുഖത്തിനിടെയാണ് 17കാരി തന്‍റെ ആഗ്രഹം വ്യക്തമാക്കിയത്. പെണ്‍കുട്ടികളുടെ വിദ്യാഭ്യാസത്തിനു വേണ്ടി പ്രവര്‍ത്തിച്ചുകൊണ്ടിരിക്കെ സ്വന്തം ദേശമായ പാകിസ്താനിലെ സ്വാത് താഴ്വരയില്‍ വെച്ച് 15ാം വയസ്സില്‍ മലാലക്ക് താലിബാന്‍ തീവ്രവാദികളില്‍ നിന്ന് വെടിയേല്‍ക്കുകയായിരുന്നു. ബ്രിട്ടനിലെ ബെര്‍മിങ്ഹാം സിറ്റിയിലെ ആശുപത്രിയില്‍ ശസ്ത്രക്രിയക്കു വിധേയയായ മലാല മരണമുഖത്തു നിന്നും രക്ഷപ്പെട്ടു. അതിനുശേഷം തന്‍റെ കുടുംബവുമൊത്ത് ഇംഗ്ളണ്ടില്‍ താമസിച്ചുവരികയായിരുന്നു. അവിടെ ഇരുന്നു തന്നെ തന്‍റെ വിദ്യാഭ്യാസവും അവകാശ പോരാട്ടവും മലാല തുടര്‍ന്നു. നോബല്‍ സമ്മാനത്തുക പാകിസ്താനിലെ കുട്ടികളുടെ വിദ്യാഭ്യാസത്തിനുവേണ്ടി ചെലവഴിക്കുമെന്ന് മലാല വ്യക്താമക്കിയിരുന്നു. |
| രാമക്ഷേത്രം ഇന്ത്യക്കാരുടെ അഭിലാഷമെന്ന് യു.പി ഗവര്‍ണര്‍ Posted: 11 Dec 2014 10:08 PM PST Image:  ന്യുഡല്‍ഹി: ‘രാമന്‍്റെ മക്കള്‍’, ‘ഭഗവദ്ഗീത’, ‘മതപരിവര്‍ത്തനം’തുടങ്ങിയ വിവാദങ്ങള്‍ കെട്ടടങ്ങുന്നതിനിടെ രാമക്ഷേത്രം സംബന്ധിച്ച് വിവാദ പ്രസ്താവനയുമായി ഉത്തര്‍പ്രദേശ് ഗവര്‍ണര്‍ രംഗത്ത്. അയോധ്യയില്‍ ഉടന്‍ തന്നെ രാമക്ഷേത്രം പുന:നിര്‍മ്മിക്കണമെന്നും ഇന്ത്യന്‍ ജനതയുടെ അഭിലാഷമാണ് അയോധ്യയിലെ രാമഭൂമിയില്‍ ക്ഷേത്രമെന്നും ഉത്തര്‍പ്രദേശ് ഗവര്‍ണര്‍ രാം നായിക് പ്രസ്താവിച്ചു. ഫൈസാബാദിലെ അവാധ് സര്‍വകലാശാലയിലെ പരിപാടിയില്‍ പങ്കെടുത്ത് സംസാരിക്കുകയായിരുന്നു അദ്ദേഹം. അയോധ്യയിലെ രാമക്ഷേത്രം യാഥാര്‍ഥ്യമായി കാണാന്‍ ജനങ്ങള്‍ ആഗ്രഹിക്കുന്നുണ്ടെന്നും മാധ്യമപ്രവര്‍ത്തരുടെ ചോദ്യത്തിന് മറുപടിയായി അദ്ദേഹം പറഞ്ഞു. വിവാദങ്ങള്‍ക്കിടെ പാര്‍ലമെന്‍്റില്‍ ബി.ജെ.പിക്കെതിരെ ആഞ്ഞടിക്കാന്‍ ഗവര്‍ണറുടെ പ്രസ്താവനയും പ്രതിപക്ഷം ആയുധമാക്കാനാണ് സാധ്യത. |
| തടവറകളിലെ ക്രൂരതയെ ന്യായീകരിച്ച് സി.ഐ.എ മേധാവി Posted: 11 Dec 2014 09:41 PM PST Image:  വാഷിങ്ടണ്‍: തീവ്രവാദ ബന്ധം ആരോപിച്ച് അറസ്റ്റു ചെയ്തവരെ ക്രൂരമായി പീഢിപ്പിച്ച നടപടിയെ ന്യായീകരിച്ച് അമേരിക്കന്‍ ചാര സംഘടനയായ സി.ഐ.എ മേധാവി രംഗത്ത്.കൃത്യമായ ഉത്തരം കിട്ടാത്തപ്പോള്‍ പോലും സി.ഐ.എ ശരിയായ രീതിയില്‍ ചോദ്യം ചെയ്തിട്ടുണ്ട്. ഉത്തരവാദിത്തമില്ലാത്ത ചില ഓഫീസര്‍മാരാണ് ചോദ്യം ചെയ്യലില്‍ നിയമം ലംഘിച്ചതെന്ന് സി.ഐ.എ മേധാവി ജോണ്‍ ബ്രണ്ണന്‍ പറഞ്ഞു. ചോദ്യം ചെയ്യുക എന്നത് തങ്ങളുടെ ജോലിയാണ്. തടവുകാര്‍ക്കെതിരെ ചില അവസരങ്ങളില്‍ നിയമവിരുദ്ധമായ രീതികള്‍ സ്വീകരിച്ചിട്ടുണ്ടെന്നും ജോണ്‍ ബ്രണ്ണന്‍ വ്യക്തമാക്കി. ജനങ്ങള്‍ക്ക് വിശ്വസിക്കാന്‍ കഴിയുന്നതിനും അപ്പുറമാണ് സി.ഐ.എ നടത്തിയ ക്രൂരതകളെന്ന ഇന്‍റലിന്‍സ് കമ്മിറ്റി ചെയര്‍മാന്‍ ഡയാന ഫെയ്ന്‍സ്റ്റീന്‍ പറഞ്ഞു. |
| ഇന്ത്യ 444ന് പുറത്ത്; ലീഡുയര്‍ത്തി ഓസീസ് Posted: 11 Dec 2014 08:45 PM PST Image:  അഡലെയ്ഡ്: ഇന്ത്യ^ ആസ്ട്രേലിയ ഒന്നാം ടെസ്റ്റിന്‍െറ രണ്ടാം ഇന്നിങ്സില്‍ ഓസീസിന് 209 റണ്‍സിന്‍്റെ ലീഡ്. ഒടുവില്‍ വിവരം ലഭിക്കുമ്പോള്‍ ഒരു വിക്കറ്റ് നഷ്ടത്തില്‍ 136 റണ്‍സെന്ന നിലയിലുള്ള ഓസിസിനായി ഷെയ്ന്‍ വാട്സണ്‍(32) ഡേവിഡ് വാര്‍ണര്‍(67) എന്നിവരാണ് ഇപ്പോള്‍ ക്രീസിലുള്ളത്. ഇരുവരുടെയും കൂട്ടുകെട്ട് മികച്ച രീതിയില്‍ മുന്നേറുകയാണ്. മത്സരത്തില്‍ ഇന്ത്യയെ 444 റണ്‍സിന് പുറത്താക്കി ആദ്യ ഇന്നിങ്സില്‍ കംഗാരുക്കള്‍ 73 റണ്‍സിന്‍്റെ ലീഡ് കരസ്ഥമാക്കിയിരുന്നു. കരണ്‍ ശര്‍മയുടെ പന്തില്‍ ഓസീസ് നിരയില്‍ ക്രിസ്റോജേഴ്സ് ആണ് കൂടാരം കയറിയത്. നേരത്തേ അഞ്ച് വിക്കറ്റിന് 369 റണ്‍സെന്ന നിലയില്‍ കളിയാരംഭിച്ച ഇന്ത്യന്‍ നിരയില്‍ രോഹിത് ശര്‍മ (43), വൃദ്ധിമാന്‍ സാഹ(25) എന്നിവര്‍ പെട്ടന്നു തന്നെ പുറത്തായിരുന്നു. കരണ്‍ശര്‍മ(4), വരുണ്‍ ആരോണ്‍( 3) എന്നിവര്‍ രണ്ടക്കം കാണാതെയും പുറത്തായി. മുഹമ്മദ് ഷമി(340 മാത്രമാണ് ഓസിസ് ബൗളര്‍മാരെ ചെറുത്തു നിന്നത്. |
| ഐ.എസിന്‍റെ ട്വിറ്റര്‍ അക്കൗണ്ടിന് പിന്നില്‍ ബംഗളൂരു എക്സിക്യൂട്ടീവ് Posted: 11 Dec 2014 08:43 PM PST Image:  ബംഗളൂരു: തീവ്രവാദ സംഘടനയായ ഇസ്ളാമിക് സ്റ്റേറ്റിലേക്ക് ഓണ്‍ലൈനായി യുവാക്കളെ റിക്രൂട്ട് ചെയ്യുന്ന ട്വിറ്റര്‍ അക്കൗണ്ടിന് പിന്നില്‍ ബംഗളൂരുവില്‍ നിന്നുള്ള മാര്‍ക്കറ്റിങ് എക്സിക്യൂട്ടീവ് ആണെന്ന് റിപ്പോര്‍ട്ട്. ബ്രിട്ടന്‍റെ ചാനല്‍ ഫോര്‍ ന്യൂസാണ് ഐ.എസിന്‍െറ ഏറ്റവും കൂടുതല്‍ സ്വാധീനമുള്ള ട്വിറ്റര്‍ അക്കൗണ്ടിന് പിന്നില്‍ ബംഗളൂരുവിലെ എക്സിക്യൂട്ടീവാണെന്ന വിവരം പുറത്തുവിട്ടത്. മെഹ്ദി എന്ന പേരിലുള്ള മാര്‍ക്കറ്റിങ് എക്സിക്യൂട്ടീവാണ് ഷാമി വിറ്റ്നസ് എന്ന ട്വിറ്റര്‍ അക്കൗണ്ട് ഉപയോഗിക്കുന്നത്. 17,700 ഓളം ഫോളോവേഴ്സ് ഉള്ള അക്കൗണ്ടിലൂടെ ഒരോ മാസം രണ്ടു ദശലക്ഷം ട്വീറ്റുകളാണ് കൈമാറുന്നത്. ഇത് ഐ.എസിന്‍റെ ഏറ്റവും സ്വാധീനമുള്ള അക്കൗണ്ടാണ് - ചാനല്‍ ഫോര്‍ ന്യൂസ് വെളിപ്പെടുത്തി. സുരക്ഷാ കാരണങ്ങളാലാണ് വ്യക്തിയുടെ പേര് മുഴുവനായും വെളിപ്പെടുത്താന്‍ കഴിയില്ളെന്നും ചാനല്‍ പറയുന്നു. ഐ.എസ് അജണ്ട വ്യക്തമാക്കി കൊണ്ടുള്ള ആയിരക്കണക്കിന് ട്വീറ്റുകളാണ് ഒരോ ദിവസം പോസ്റ്റ് ചെയ്യുന്നത്. ഷാമി വിറ്റ്നസ് തീവ്രവാദ സംഘടന പിന്തുണക്കുന്നവര്‍ക്കും ജിഹാദികള്‍ക്കും അതില്‍ ചേരാന്‍ ആഗ്രഹിക്കുന്നവര്‍ക്കുമുള്ള വിവരണങ്ങളാണ് നല്‍കുന്നത്. ഐ.എസ് പോരാളികളില്‍ മൂന്നില്‍ രണ്ടുഭാഗം ആളുകളും ഈ ട്വിറ്റര്‍ അക്കൗണ്ട് പിന്തുണക്കുന്നുണ്ടെന്നും ചാനല്‍ വെളിപ്പെടുത്തുന്നു. കുടുംബം പൂര്‍ണമായും തന്നെ ആശ്രയിക്കുന്നതിനാലാണ് താന്‍ ഐ.എസില്‍ ചേരാത്തത്. എല്ലാ ഉപേക്ഷിക്കാന്‍ കഴിയുന്ന ദിവസം താന്‍ ഐ.എസില്‍ ചേരുമെന്നും മെഹ്ദി ട്വീറ്റ് ചെയ്തിട്ടുണ്ട്. ബ്രീട്ടീഷ് ഐ.എസ് പോരാളികളുമായി നിരന്തരമായി ബന്ധപ്പെടാറുണ്ടെന്നും അയാള്‍ പറയുന്നു. ചാനല്‍ ഫോര്‍ ന്യൂസ് പുറത്തുവിട്ട ഈ വാര്‍ത്തയില്‍ ഇന്ത്യ ഇതുവരെ പ്രതികരിച്ചിട്ടില്ല.
|
| ദുബൈ ചലച്ചിത്രോത്സവത്തിന് വര്‍ണാഭ തുടക്കം Posted: 11 Dec 2014 08:11 PM PST Image:  ദുബൈ: പതിനൊന്നാമത് ദുബൈ അന്താരാഷ്ട്ര ചലച്ചിത്രോത്സവം രണ്ടാം ദിവസത്തിലേക്ക് കടന്നതോടെ സിനിമാ പ്രേമികള്‍ ആവേശത്തില്‍. വിഖ്യാത ശാസ്ത്രജ്ഞന്‍ സ്റ്റീഫന്‍ ഹോക്കിങ്സിന്‍െറ ജീവിതത്തെ ആസ്പദമാക്കി നിര്‍മിച്ച ‘ദ തിയറി ഓഫ് എവരിതിങ്’ എന്ന ഉദ്ഘാടന ചിത്രം തന്നെ മികച്ച ദൃശ്യാനുഭവമായിരുന്നെന്ന പൊതു അഭിപ്രായം കൂടുതല്‍ പേരെ മേളയിലേക്ക് ആകര്‍ഷിക്കുമെന്ന പ്രതീക്ഷയിാലാണ് സംഘാടകര്‍. മദീനത്ത് ജുമൈറയില്‍ ചുകപ്പ് പരവതാനി വിരിച്ച ഗാല സ്ക്രീനിങ് താര സമ്പന്നമായിരുന്നു. അക്കാദമി അവാര്‍ഡ് ജേതാവ് ജെയിംസ് മാര്‍ഷ് സംവിധാനം ചെയ്ത സിനിമയില്‍ സ്റ്റീഫന്‍ ഹോക്കിങ്സിനെ തന്മയത്വത്തോടെ അവതരിപ്പിച്ച എഡ്ഡീ റെഡ്മെയ്ന്‍ ഏവരുടെയും കൈയടി നേടി. ഇന്നത്തെ പ്രധാന സിനിമകള്‍
|
| ജി.സി.സി : ഏകീകൃത നാവിക സേനക്ക് രൂപംനല്‍കും Posted: 11 Dec 2014 07:52 PM PST Image:  ദോഹ: ഗള്‍ഫ് രാജ്യങ്ങള്‍ക്കായി ഏകീകൃത നാവിക സേന രൂപവല്‍കരിക്കാനും അംഗ രാജ്യങ്ങളെ പരസ്പരം ബന്ധിപ്പിക്കുന്ന ദീര്‍ഘദൂര റെയില്‍ പദ്ധതി ഊര്‍ജ്ജിതമാക്കാനും ജി.സി.സി ഉച്ചകോടിയില്‍ തീരുമാനം. |
| മാണിയുടെ രാജി: പ്രതിപക്ഷ ബഹളം; നിയമസഭ ഇന്നത്തേക്ക് പിരിഞ്ഞു Posted: 11 Dec 2014 07:51 PM PST Image:  തിരുവനന്തപുരം: ധനമന്ത്രി കെ.എം മാണി മന്ത്രിസഭയില്‍ തുടരുന്നതിനെ കുറിച്ച് ചര്‍ച്ച ചെയ്യണമെന്ന പ്രതിപക്ഷ ആവശ്യം നിയമസഭാ സ്തംഭനത്തിലും ബഹളത്തിലും കലാശിച്ചു. ബഹളം നിയന്ത്രിക്കാന്‍ സാധിക്കാത്തതിനെ തുടര്‍ന്ന് സ്പീക്കര്‍ സഭാ നടപടികള്‍ നിര്‍ത്തിവെച്ചു. വീണ്ടും പുനരാരംഭിച്ചെങ്കിലും പ്രതിപക്ഷ ബഹളത്തെ തുടര്‍ന്ന് നടപടികള്‍ വെട്ടിച്ചുരുക്കി നിയമസഭ ഇന്നത്തേക്ക് പിരിഞ്ഞു. നടുത്തളത്തില്‍ കുത്തിയിരിപ്പ് നടത്തിയ പ്രതിപക്ഷ അംഗങ്ങള്‍ സ്പീക്കറുടെ ഡയസിലേക്ക് ബാനര്‍ വലിച്ചെറിഞ്ഞു. വിഷയം സഭ നിര്‍ത്തിവെച്ച് ചര്‍ച്ച ചെയ്യണമെന്ന് ആവശ്യപ്പെട്ട് സി.പി.എമ്മിലെ കെ. സുരേഷ് കുറുപ്പാണ് അടിയന്തര പ്രമേയത്തിന് നോട്ടീസ് നല്‍കിയത്. മാണിക്ക് കൈക്കൂലി കൊടുത്തതായി എഫ്.ഐ.ആറില്‍ വ്യക്തമായി പറയുന്നുണ്ടെന്ന് സുരേഷ് കുറുപ്പ് പറഞ്ഞു. നിയമം നിയമത്തിന്‍െറ വഴിക്കും മാണി മാണിയുടെ വഴിക്കും പോകുന്നു. മന്ത്രിയെ അറസ്റ്റ് ചെയ്ത് ചോദ്യം ചെയ്യണമെന്നും അദ്ദേഹം ആവശ്യപ്പെട്ടു. കേസിന് പിന്നില്‍ ഗൂഢാലോചന ഉണ്ടെങ്കില്‍ മാണി വെളിപ്പെടുത്തണം. ഒരു കുറ്റവാളിക്കും കിട്ടാത്ത ആനുകൂല്യം ഉപയോഗിച്ചാണ് മന്ത്രിപദവിയില്‍ തുടരുന്നത്. രാജിവെച്ചില്ളെങ്കില്‍ മാണിയെ പുറത്താക്കണമെന്നും സുരേഷ് കുറുപ്പ് ആവശ്യപ്പെട്ടു. ഇതിനിടെ, കേസ് അന്വേഷിക്കുന്ന വിജിലന്‍സ് ഉദ്യോഗസ്ഥരുമായി ആഭ്യന്തര മന്ത്രി രമേശ് ചെന്നിത്തല ചര്‍ച്ച നടത്തിയെന്ന് കോടിയേരി ആരോപിച്ചു. വിജിലന്‍സ് ഡയറക്ടര്‍ സ്വതന്ത്രമായി തീരുമാനമെടുക്കണമെന്നാണ് ഹൈകോടതി നിര്‍ദേശിച്ചിട്ടുള്ളത്. എന്നാല്‍, ആഭ്യന്തര മന്ത്രി വിവരങ്ങള്‍ ശേഖരിച്ചു. ഇത് ഹൈകോടതി ചട്ടങ്ങള്‍ക്ക് വിരുദ്ധമാണ്. ചര്‍ച്ച നടത്തിയില്ളെങ്കില്‍ ഇത്രയും വിവരങ്ങള്‍ ചെന്നിത്തലക്ക് എവിടെന്ന് കിട്ടിയെന്നും കോടിയേരി ചോദിച്ചു. അന്വേഷണ ഉദ്യോഗസ്ഥരുമായി ചര്‍ച്ച നടത്തിയിട്ടില്ളെന്ന് ചെന്നിത്തല സഭയില്‍ വിശദീകരിച്ചു. എഫ്.ഐ.ആറിലെ കാര്യങ്ങള്‍ മാത്രമാണ് ചര്‍ച്ച ചെയ്തത്. പരാതിയില്‍ കഴമ്പുണ്ടോയെന്ന് വിജിലന്‍സ് അന്വേഷിച്ചിട്ടില്ല. എഫ്.ഐ.ആറില്‍ പറഞ്ഞ കാര്യങ്ങള്‍ മാത്രമാണ് സഭയില്‍ പറഞ്ഞതെന്നും അദ്ദേഹം വ്യക്തമാക്കി. എഫ്.ഐ.ആറിന്‍െറ പേരില്‍ രാജിവെക്കുകയാണെങ്കില്‍ ഒരു മന്ത്രിയും ഉണ്ടാകില്ല. പ്രതിപക്ഷത്തിന്‍െറ കൈയ്യില്‍ സര്‍ക്കാരിനെതിരെ ആയുധമില്ലാത്തതു കൊണ്ടാണ് പുതിയ നീക്കമെന്നും ചെന്നിത്തല ചൂണ്ടിക്കാട്ടി. മാണിയെ പിന്തുണച്ചു കൊണ്ടു മുഖ്യമന്ത്രി ഉമ്മന്‍ചാണ്ടി ഇന്നും രംഗത്തെത്തി. മാണിക്ക് അഴിമതി കേസുമായി ബന്ധമില്ളെന്ന് അദ്ദേഹം വ്യക്തമാക്കി. പ്രതിപക്ഷ ആരോപണങ്ങള്‍ കെ.എം മാണി നിഷേധിച്ചു. എല്ലാം അവാസ്തവമാണെന്നും അദ്ദേഹം പറഞ്ഞു. രാവിലെ നിയമസഭ ചേര്‍ന്ന ഉടന്‍ തന്നെ സഭക്കുള്ളില്‍ പ്രതിപക്ഷ അംഗങ്ങള്‍ ബഹളം തുടങ്ങി. പ്ളക്കാര്‍ഡുകളും ബാനറുകളുമായാണ് അംഗങ്ങള്‍ രാവിലെ സഭയിലെത്തിയത്. ചോദ്യോത്തരവേള പല തവണ തടസപ്പെട്ടു. ഇതേ തുടര്‍ന്ന് ചോദ്യോത്തരവേള സ്പീക്കര്‍ റദ്ദാക്കി. കൂടാതെ ചോദ്യോത്തരവേളയിലെ ദൃശ്യങ്ങള്‍ ക്യാമറയില്‍ പകര്‍ത്തരുതെന്ന് മാധ്യമങ്ങളെ സ്പീക്കര്‍ വാക്കാല്‍ വിലക്കുകയും ചെയ്തു. മാണിയുടെ രാജി ആവശ്യപ്പെട്ട് നിയമസഭക്കകത്തും പുറത്തും ശക്തമായ പ്രക്ഷോഭം നടത്തുമെന്ന് പ്രതിപക്ഷം വ്യാഴാഴ്ച പ്രഖ്യാപിച്ചിരുന്നു. കേസ് രജിസ്റ്റര്‍ ചെയ്തത് കൊണ്ടു മാത്രം മാണി രാജിവെക്കേണ്ടെന്ന നിലപാടാണ് യു.ഡി.എഫ് സ്വീകരിച്ചിട്ടുള്ളത്. |
| ബ്ളാസ്റ്റേഴ്സ് ^ചെന്നൈയിന്‍ ആദ്യപാദ സെമി നാളെ Posted: 11 Dec 2014 07:39 PM PST Image:  കൊച്ചി: ആരാധകര്‍ തോളിലേറ്റിയ കേരള ബ്ളാസ്റ്റേഴ്സിന്‍െറ സെമി പോരാട്ടത്തിന് കൊച്ചിയൊരുങ്ങി. ഗോളടിക്കാന്‍ മറന്നും എതിരാളിയെ ഗോളടിക്കാതെ പ്രതിരോധിച്ചും പിടിച്ചുനിന്ന ബ്ളാസ്റ്റേഴ്സ് ഐ.എസ്.എല്ലിലെ ആദ്യ സെമിയില്‍ കരുത്തരായ ചെന്നൈയിന്‍ എഫ്.സിയെ നേരിടും. ഹോം-എവേ അടിസ്ഥാനത്തില്‍ രണ്ട് പാദങ്ങളിലായാണ് സെമി മത്സരങ്ങള്‍. 16ന് ചെന്നൈയിലാണ് ബ്ളാസ്റ്റേഴ്സിന്‍െറ രണ്ടാംപാദ സെമി. രണ്ടാംസെമിയില്‍ ഞായറാഴ്ച അത്ലറ്റികോ കൊല്‍ക്കത്ത-ഗോവ എഫ്.സി മത്സരത്തിന് കൊല്‍ക്കത്ത വേദിയാകും. 17ന് ഗോവയിലാണ് ഇവരുടെ രണ്ടാം പാദമത്സരം. ലീഗ് റൗണ്ടില്‍ രണ്ടുതവണ ഏറ്റുമുട്ടിയപ്പോഴും ചെന്നൈയിനെതിരെ ബ്ളാസ്റ്റേഴ്സ് തോല്‍വി വഴങ്ങിയിരുന്നു. ചെന്നൈയില്‍ നടന്ന മത്സരത്തില്‍ 2-1നും കൊച്ചിയില്‍ 1-0നും ചെന്നൈ വിജയം സ്വന്തമാക്കി. ബ്ളാസ്റ്റേഴ്സിന് ഒരുപോയന്‍റ് പോലും സമ്മാനിക്കാത്ത ടീമും ചെന്നൈയിന്‍തന്നെ. ടൂര്‍ണമെന്‍റില്‍ ഗോള്‍ നേടിയതിന്‍െറയും (ഒമ്പത്), വഴങ്ങിയതിന്‍െറയും (11) കാര്യത്തില്‍ ഏറ്റവും കുറവുള്ള ടീമാണ് ബ്ളാസ്റ്റേഴ്സ്. ചെന്നൈയിനാവട്ടെ 24 ഗോള്‍ അടിക്കുകയും 20 ഗോള്‍ വഴങ്ങുകയും ചെയ്തു. ടിക്കറ്റ് ഇന്നുമുതല്‍ കലൂര്‍ സ്റ്റേഡിയത്തില്‍ മാത്രം |
| സല്‍മാബാദില്‍ വെയര്‍ഹൗസില്‍ വന്‍ തീപിടിത്തം Posted: 11 Dec 2014 07:33 PM PST Image:  മനാമ: സല്‍മാബാദ് ഹാജി ഹസനടുത്തുള്ള വെയര്‍ഹൗസില്‍ വന്‍ തീപിടിത്തം. ഇന്നലെ വൈകീട്ട് നാലുമണിയോടെയുണ്ടായ തീപിടുത്തത്തില്‍ നിരവധി ഗോഡൗണുകളും ഫാക്ടറികളും പൂര്‍ണമായി കത്തിയമര്‍ന്നു. ആളപായമില്ല. ഡസന്‍കണക്കിന് ഫയര്‍ എഞ്ചിനുകള്‍ മണിക്കൂറുകള്‍ പ്രവര്‍ത്തിപ്പിച്ചിട്ടും തീയണക്കാനായില്ല. രാജ്യത്തിന്‍െറ വിവിധ ഭാഗങ്ങളില്‍നിന്നത്തെിയ 70ഓളം അഗ്നിശമനസേനാംഗങ്ങളാണ് തീ അണക്കാനുള്ള പ്രവര്‍ത്തനങ്ങള്‍ക്ക് നേതൃത്വം കൊടുത്തത്. |
| ഒമാന്‍ സായുധസേനാ ദിനം ആഘോഷിച്ചു Posted: 11 Dec 2014 07:31 PM PST Image:  മസ്കത്ത്: സുല്‍ത്താനേറ്റിന്‍െറ വിവിധ ഭാഗങ്ങളില്‍ സായുധസേനാ ദിനാഘോഷം വര്‍ണാഭ പരിപാടികളോടെ ആഘോഷിച്ചു. മസ്കത്ത്, ദോഫാര്‍, മുസന്തം തുടങ്ങിയ വിവിധ മേഖലകളില്‍ പരിപാടികള്‍ നടന്നു. സൈനിക പരേഡുകളും അഭ്യാസപ്രകടനങ്ങളും ആദരിക്കല്‍ ചടങ്ങുകളും സേനയില്‍നിന്ന് വിരമിച്ചവര്‍ക്കുള്ള പരിപാടികളും സായുധസേനാ ദിനത്തിന്‍െറ ഭാഗമായി അരങ്ങേറി. മന്ത്രിമാരും ജഡ്ജിമാരും മജ്ലിസുശ്ശൂറ അംഗങ്ങളും അടക്കം നിരവധി പ്രമുഖര്‍ പങ്കെടുത്തു. മികച്ച പ്രകടനം കാഴ്ചവെച്ച സായുധസേനാ അംഗങ്ങള്‍ക്കുള്ള മെഡലുകള്‍ വിവിധ ഭാഗങ്ങളില്‍ നടന്ന ചടങ്ങുകളില്‍ സമ്മാനിച്ചു. ദീര്‍ഘകാലം സായുധസേനയില്‍ സേവനം അനുഷ്ഠിച്ചവരെയും ആദരിച്ചു. |
| അല്‍ഖാഇദയില്‍ അംഗമായിരുന്ന സ്വദേശി യുവാവിന് 27 വര്‍ഷം കഠിന തടവ് Posted: 11 Dec 2014 07:09 PM PST Image:  റിയാദ്: അല്‍ഖാഇദ തീവ്രവാദ സംഘടനയില്‍ അംഗമായിരുന്ന സ്വദേശി യുവാവിന് ക്രിമിനല്‍ കോടതി 27 വര്‍ഷത്തെ കഠിന തടവ് വിധിച്ചു. പിഴച്ച ചിന്താഗതികള്‍ പുലര്‍ത്തിയിരുന്ന പ്രതി സൗദി അടക്കമുള്ള ഭരണകൂടങ്ങളെ അവിശ്വാസി ഭരണകൂടങ്ങളായി ഗണിച്ചിരുന്നതായി കുറ്റപത്രത്തില്‍ ആരോപിച്ചു. യമനിലെ സൗദി ഡെപ്യൂട്ടി കോണ്‍സുലര്‍ അബ്ദുല്ല അല്‍ഖാലിദിയെ തട്ടിക്കൊണ്ടുപോയ കേസിലും ഇയാള്‍ പ്രതിയായിരുന്നു. മുന്‍ അല്‍ഖാഇദ നേതാവായിരുന്ന ഉസാമ ബിന്‍ലാദിനുമായി പ്രതിജ്ഞ ചെയ്ത് സംഘടനയില്‍ പ്രവര്‍ത്തിച്ചുവന്നിരുന്നതായും കോടതി കണ്ടത്തെി. തീവ്രവാദ കേസില്‍ സൗദി പൊലീസ് അന്വേഷിച്ചുവരുന്ന ചിലരുമായി ത്വാഇഫില്‍ വെച്ച് പ്രതി സംഗമിച്ചതായും അനധികൃത മാര്‍ഗത്തിലൂടെ രണ്ട് കൂട്ടാളികളുമായി യമനിലേക്ക് കടക്കാന്‍ ശ്രമിച്ചതായും കോടതി പറഞ്ഞു. നേരത്തെ യമനിലെ അല്‍ഖാഇദയുടെ പ്രവര്‍ത്തനങ്ങളില്‍ സജീവമായിരുന്ന പ്രതി സംഘടനയില്‍ പുതുതായി ചേരുന്ന യുവാക്കള്‍ക്ക് സായുധ പരിശീലനം നല്‍കിയിരുന്നതായും കുറ്റപത്രത്തില്‍ വ്യക്തമാക്കി. യമന്‍ കേന്ദ്രമാക്കി സൗദിയില്‍ ഭീകര പ്രവര്‍ത്തനങ്ങള്‍ നടത്താന്‍ പ്രതി പരിപാടിയിട്ടിരുന്നതായും കോടതി നിരീക്ഷിച്ചു. യമനില്‍ നടന്ന നിരവധി സായുധ പ്രവര്‍ത്തനങ്ങളില്‍ പ്രതി പങ്കെടുത്തിട്ടുണ്ട്. അല്‍ഖാഇദയുടെ മാധ്യമ വക്താവായി മാധ്യമങ്ങളില്‍ പ്രത്യക്ഷപ്പെട്ടിരുന്നു. സംഘടനയുടെ ഇംഗ്ളീഷ് പ്രസിദ്ധീകരണത്തിന്‍െറ ആദ്യലക്കത്തില്‍ മാധ്യമവക്താവായി പരിചയപ്പെടുത്തുകയും അഫ്ഗാനിസ്താനിലെ പ്രവര്‍ത്തന പരിചയം പങ്കുവെക്കുകയും ചെയ്തിരുന്നതായും കോടതി കണ്ടത്തെി. |
| രാഷ്ട്രീയധാര്‍മികത: മാണി പ്രതിരോധത്തില്‍ Posted: 11 Dec 2014 06:36 PM PST Image:  Subtitle: തല്‍ക്കാലത്തേക്ക് കസേര ഉറപ്പിച്ചുനിര്‍ത്താമെങ്കിലും അന്വേഷണം പുരോഗമിക്കുമ്പോള്‍ സാധ്യത സംശയകരം കോട്ടയം: ഒൗദ്യോഗിക പദവി ദുരുപയോഗം ചെയ്ത് കോഴ വാങ്ങിയെന്ന കേസില്‍ കെ.എം. മാണി പ്രതിയായതോടെ മന്ത്രിസഥാനത്തിരുന്ന് അന്വേഷണം നേരിടുന്നതിന്‍െറ യുക്തി ചര്‍ച്ചയാകുന്നു. രാഷ്ട്രീയധാര്‍മികതയെന്ന ചോദ്യമാണ് മാണിക്കുമുന്നില്‍ ഉയരുന്നത്. ഘടകകക്ഷികളുടെ പിന്തുണകൂടി ഉള്ളതുകൊണ്ട് തല്‍ക്കാലത്തേക്ക് കസേര ഉറപ്പിച്ചുനിര്‍ത്താമെങ്കിലും അന്വേഷണം പുരോഗമിക്കുമ്പോള്‍ അതിന് എത്രമാത്രം സാധ്യതയുണ്ടെന്നത് സംശയകരമാണ്. മാണി കോഴക്കേസില്‍ പ്രതിയാക്കപ്പെട്ടത് അദ്ദേഹത്തിന്‍െറ തട്ടകമായ കോട്ടയത്തും പാലായിലും അണികള്‍ ഞെട്ടലോടെയാണ് ശ്രവിച്ചത്. നേതാവിന്‍െറ കൈകള്‍ ശുദ്ധമാണെന്ന് വിശ്വസിക്കുമ്പോള്‍തന്നെ എല്ലാത്തിനും കാരണം കോണ്‍ഗ്രസുകാരാണെന്നും അതില്‍ പ്രധാനി മുഖ്യമന്ത്രി ഉമ്മന്‍ ചാണ്ടിയാണെന്നും കരുതുന്നവരാണ് ഏറെ. ഉമ്മന്‍ ചാണ്ടിയുടെ തന്ത്രങ്ങളാണ് കോഴക്കേസ് സജീവമാക്കി നിര്‍ത്തിയതും മന്ത്രി ചെന്നിത്തലയെക്കൊണ്ട് അന്വേഷണം സജീവമാക്കിച്ചതുമെന്ന് വലിയൊരുവിഭാഗം കേരള കോണ്‍ഗ്രസ് പ്രവര്‍ത്തകര്‍ കരുതുന്നു. ആര്‍. ബാലകൃഷ്ണപിള്ള, ടി.എം. ജേക്കബ് എന്നിവര്‍ ആരോപണവിധേയരായി. പിള്ള തടവുശിക്ഷ അനുഭവിക്കുകയും ചെയ്തു. പി.സി. ജോര്‍ജും ആരോപണവിധേയനായി അന്വേഷണം നേരിട്ടിട്ടുണ്ട്. ഇക്കാലത്തൊക്കെ അഴിമതിക്കെതിരെ ഘോരഘോരം പ്രസംഗിക്കുകയും അതിന്‍െറ പേരില്‍ പാര്‍ട്ടിയിലെ രാഷ്ട്രീയ എതിരാളികളെ കൈകാര്യം ചെയ്യുകയും ചെയ്ത നേതാവാണ് മാണി. അദ്ദേഹത്തിന് ഉണ്ടായ തിരിച്ചടി പാര്‍ട്ടിയുടെ ജൂബിലി വര്‍ഷത്തിലാണെന്നതും ശ്രദ്ധേയം. പാര്‍ട്ടിയോളം തന്നെ രാഷ്ട്രീയപഴക്കവും ജനപ്രതിനിധിയായും ധനമന്ത്രിയായും ഏറെ പാരമ്പര്യവും റെക്കോഡുമുള്ള മാണിയുടെ വലിയ വീഴ്ചയായാണ് കോഴ വിവാദം വിലയിരുത്തപ്പെടുന്നത്. മന്ത്രിമാരില്‍ കൂടുതല്‍ പേരും അവരുടെ വകുപ്പുകളുടെ ക്രമക്കേടുകളില്‍കൂടിയാണ് അഴിമതിക്കേസുകളില്‍ ഉള്‍പ്പെട്ടതെങ്കില്‍ മാണി വ്യക്തിപരമായി പണം വാങ്ങി അഴിമതിക്ക് കൂട്ടുനിന്നുവെന്ന ദുഷ്പേരാണ് നേടിയത്. അത്തരമൊരാള്‍ മന്ത്രിക്കസേരയിലിരുന്ന് അന്വേഷണം നേരിടുന്നതിലെ ഒൗചിത്യമാണ് ചോദ്യം ചെയ്യപ്പെടുന്നത്. താന്‍ മന്ത്രിസ്ഥാനത്തുനിന്ന് മാറേണ്ട കാര്യമില്ളെന്ന് മാണിതന്നെ വ്യക്തമാക്കിക്കഴിഞ്ഞു. രാഷ്ട്രീയ ഗൂഢാലോചനയെന്ന മുന്‍കൂര്‍ ജാമ്യവും എടുത്തിട്ടുണ്ട്. കോഴ ആരോപണത്തിന് പിന്നിലെ ഗൂഢാലോചന അന്വേഷിക്കാന്‍ പാര്‍ട്ടിതല സമിതി ഗൗരവമായി ചര്‍ച്ചകള്‍ നടത്തുന്നതിനിടെയാണ് നേതാവിനുതന്നെ ഒന്നാം പ്രതിയാകേണ്ടിവന്നത്.മാണിയുടെ അഴിമതിക്കറ പുരളാത്ത നേതാവെന്ന പ്രതിച്ഛായക്കും ഇതോടെ ഇളക്കം തട്ടി. |
| മറാത്താ മന്ദിറില്‍ ആ പ്രണയം ഒഴുകുന്നു; ഏഴായിരം ദിവസങ്ങളെന്ന ചരിത്രത്തിലേക്ക് Posted: 11 Dec 2014 06:32 PM PST Image:  Subtitle: മുംബൈ തിയറ്ററില്‍ 'ദില്‍വാലെ ദുല്‍ഹനിയ ലേ ജായേംഗെ' പ്രദര്‍ശനത്തിന് തിരക്കൊഴിയുന്നില്ല മുംബൈ: ‘ദില്‍വാലെ ദുല്‍ഹനിയ ലേ ജായേംഗെ’ എന്ന പ്രണയ കഥക്ക് ഇന്ന് ഏഴായിരം ദിവസം. എന്നിട്ടും, മുംബൈ നഗരത്തിന്‍െറ അടയാളങ്ങളിലൊന്നായ മറാത്താ മന്ദിര്‍ തിയറ്ററിലെ പതിനൊന്നരയുടെ പ്രദര്‍ശനത്തിന് തിരക്കൊഴിഞ്ഞില്ല. വ്യാഴാഴ്ചയും ബാല്‍ക്കണി ‘ഹൗസ്ഫുള്‍’. അറുന്നൂറ്റമ്പത് പേര് അകത്തിരുന്ന് ആ പ്രണയ കഥക്കൊപ്പം ഒഴുകി. കൈയടിയും വിസിലടിയും ഒക്കെയായി. യാഷ്ചോപ്ര ഫിലിംസിനായി സംവിധായകന്‍ ആദിത്യ ചോപ്ര തീര്‍ത്ത പ്രണയകാവ്യം ‘ദില്‍വാലെ ദുല്‍ഹനിയ ലേ ജായേംഗെ’ അങ്ങനെ ഇന്ത്യന്‍ സിനിമാ ചരിത്രത്തിലെ സുവര്‍ണാക്ഷരങ്ങളായി. ഈ പ്രണയകാവ്യം മുടക്കില്ലാതെ മറാത്താ മന്ദിറിലെ സ്ക്രീനില്‍ തെളിഞ്ഞു തുടങ്ങിയിട്ട് ഇന്നേക്ക് ഏഴായിരം ദിവസം തികഞ്ഞു. ‘ജീവന്‍ പൊലിയും മുമ്പ് കണ്ടിരിക്കേണ്ട 1001 (ലോക ) സിനിമകളില്‍’ ഇടം നേടിയ രണ്ടാമത്തെ ഇന്ത്യന്‍ സിനിമയാണ് ഷാറൂഖ് ഖാനും കജോളും പ്രണയ ജോടികളായി പ്രേക്ഷക ഹൃദയം കവര്‍ന്ന ‘ദില്‍വാലെ ദുല്‍ഹനിയ ലേ ജായേംഗെ’. 1995ല്‍ നിര്‍മിച്ച ചിത്രം ഇന്ത്യയില്‍ ഏറ്റവും കൂടുതല്‍ പ്രദര്‍ശിപ്പിക്കപ്പെട്ട സിനിമയെന്ന ബഹുമതി നേടിക്കഴിഞ്ഞു. 2001 വരെ ‘ഷോലെ’ക്കായിരുന്നു ബഹുമതി. സിനിമക്ക് ആദിത്യ തന്നെ രചിച്ച കഥയും ഷാറൂഖ്, കജോള്‍ ജോടികളുടെ ഭാവാഭിനയവും ഇന്ത്യന്‍ സിനിമയുടെ ചരിത്രത്താളുകളിലേക്കാണ് കടന്നുചെന്നത്. ഇതുവരെ രാജ്യത്തിനകത്തും പുറത്തുമായി സിനിമ വാരിക്കൂട്ടിയ പണത്തിന് കണക്കില്ല. നായകനും നായികക്കും നല്‍കിയ ജനസമ്മതിക്കും. മികച്ച സിനിമ, സംവിധായകന്‍, നടന്‍, നടി, പാട്ട്, തിരകഥ തുടങ്ങി 96ലെ ഫിലിംഫെയര്‍ അവാര്‍ഡ് പത്തെണ്ണമാണ് ചിത്രം നേടിയത്. ആ വര്‍ഷത്തെ മികച്ച പോപുലര്‍ സിനിമയെന്ന ദേശീയ ബഹുമതിയും. ലണ്ടനില്‍ കഴിയുന്ന ഇന്ത്യന്‍ വംശജരായ രാജ് മല്‍ഹോത്രയെന്ന യുവാവിന്‍െറയും സിമ്രാന്‍ സിങ്ങെന്ന യുവതിയുടെയും പ്രണയമാണ് കഥ. തീര്‍ത്തും ഇന്ത്യന്‍ സംസ്കാരത്തിനകത്ത് വളര്‍ന്ന നായികയെ സ്വതന്ത്ര ചിന്താഗതിക്കാരനായ നായകന്‍ സ്വന്തമാക്കാന്‍ ശ്രമിക്കുന്നതിലെ വ്യത്യസ്തതയാണ് കഥയുടെ മര്‍മം. ഒളിച്ചോടാന്‍ നില്‍ക്കാതെ കടുപ്പക്കാരനായ നായികാ പിതാവിന്‍െറ മനസ്സു നേടാനുള്ള നായകന്‍െറ ശ്രമമാണത്. ഇന്ത്യ, ലണ്ടന്‍, സ്വിസ്സര്‍ലന്‍ഡ് എന്നിവിടങ്ങളിലായാണ് ചിത്രീകരണം നടന്നത്. പിന്നണി പ്രവര്‍ത്തനങ്ങളെക്കുറിച്ച് ഡോക്യുമെന്‍ററി ഇറങ്ങിയ ചിത്രമെന്ന ഖ്യാതിയും ‘ദില്‍വാലെ ദുല്‍ഹനിയ ലേ ജായേംഗെ’ക്കുണ്ട്. 1000 വാരം തികക്കുന്നതിന്‍െറ ഭാഗമായി പുതിയ ട്രെയിലറും ഇറങ്ങി. ആയിരം ആഴ്ചകള്‍ തികയുന്ന ദിവസം ആഘോഷം കേമമാക്കുന്നുമുണ്ട്. നായികാനായകന്മാരായ ഷാറൂഖും കജോളും ചിത്രീകരണാനുഭവങ്ങള്‍ പങ്കുവെക്കും. ചിത്രത്തിനൊപ്പം മറാത്താ മന്ദിറും ചരിത്രത്താളുകളില്‍ ഇടംപിടിക്കുകയാണ്. നിരവധി ഹിന്ദി സിനിമകള്‍ നിറഞ്ഞോടിയ തിയറ്ററെന്ന ഖ്യാതി നേരത്തെ തന്നെയുണ്ട്. നഗരത്തിന്‍െറ പ്രശസ്തമായ അടയാളങ്ങളിലൊന്നാണ് മുംബൈ സെന്‍ട്രലില്‍ നിലകൊള്ളുന്ന തിയറ്റര്‍. |
| അനശ്വരപ്രണയത്തിന്‍െറ കഥയുമായി ‘കൂനന്‍’ 1898ാം വേദിയില്‍ നിറഞ്ഞാടി Posted: 11 Dec 2014 06:09 PM PST Image:  തിരൂര്‍: വിശുദ്ധ പ്രണയത്തിന്‍െറ കഥ പറയുന്ന ‘കൂനന്‍’ എന്ന ഏകാങ്ക നാടകത്തിന് മലയാള സര്‍വകലാശാലയുടെ രംഗശാലയില്‍1898ാം അരങ്ങേറ്റം. പത്ത് വര്‍ഷത്തിനുള്ളിലാണ് കൂനന്‍ 1898 വേദികളില്‍ അരങ്ങേറിയതെന്ന് മഞ്ജുളന്‍ ‘മാധ്യമ’ത്തോട് പറഞ്ഞു. ജയപ്രകാശ് കുളൂര്‍ ആണ് രചന നിര്‍വഹിച്ചത്. ആദ്യം ഏഴ് മിനിറ്റ് മാത്രമുള്ളതായിരുന്നു. പിന്നീട് വിപുലീകരിച്ച് 40 മിനിറ്റാക്കി. അഭിനയത്തിനിടെ കാണികള്‍ക്ക് കൂടി ഇടപെടാന്‍ അവസരമുണ്ടെന്നതാണ് ഏകാങ്കത്തിന്‍െറ പ്രത്യേകത. അതിനാല്‍ ഒന്നേകാല്‍ മണിക്കൂര്‍ വരെ പലപ്പോഴും നീണ്ടതായി അദ്ദേഹം പറഞ്ഞു. മലയാള സര്‍വകലാശാലയില്‍ രണ്ട് ദിവസങ്ങളിലായി നടന്ന നാടക പരിശീലന കളരിയുടെ ഭാഗമായാണ് വേദിയൊരുക്കിയത്. ‘കൂനന്‍’ ഇറാഖിലുള്‍പ്പെടെ അരങ്ങിലത്തെിയിട്ടുണ്ട്. 2010ലായിരുന്നു ഇത്. വിവിധ ഗള്‍ഫ് രാജ്യങ്ങളിലെ വേദികളിലും കൈയടി നേടി. 2500 വേദി പിന്നിടുന്നതോടെ ഗിന്നസ് ബുക്കില്‍ ഇടം ലഭിക്കുമെന്ന പ്രതീക്ഷയിലാണ് മഞ്ജുളന്‍. അഞ്ച് വര്‍ഷംമുമ്പ് 500ാം പ്രദര്‍ശനത്തിന് ആശംസയുമായി നടന്‍ മമ്മൂട്ടി എത്തിയിരുന്നു. കണ്ണൂര്‍ പയ്യന്നൂര്‍ സ്വദേശിയായ മഞ്ജുളന്‍ തൃശൂര്‍ സ്കൂള്‍ ഓഫ് ഡ്രാമയില്‍ നിന്ന് ഒന്നാംറാങ്കോടെ ബിരുദപഠനം പൂര്‍ത്തിയാക്കിയാണ് കലാരംഗത്തേക്ക് ചുവടുവെച്ചത്. |
| അട്ടപ്പാടിയിലെ അനാരോഗ്യ പരിപാലനം Posted: 11 Dec 2014 05:41 PM PST Image:  Subtitle: അട്ടപ്പാടിയിലെ വംശഹത്യകള്‍ അധികം മുമ്പല്ല. രാത്രി 2.30ന് കോയമ്പത്തൂര്‍ ആശുപത്രിക്കുമുന്നില്‍ കൈയില്‍ ഒരു സഞ്ചിയുമായി ആദിവാസി യുവതി നിസ്സഹായയായി നിന്ന് നിലവിളിച്ചു. സ്വന്തം കുഞ്ഞിന്‍െറ മൃതശരീരമായിരുന്നു ആ സഞ്ചിയില്‍. അട്ടപ്പാടിയിലെ ഒരു ദരിദ്ര യുവതിയായിരുന്നു അവര്‍. അവരുടെ കുട്ടി കോട്ടത്തറ ആശുപത്രിയില്‍വെച്ച് മരിച്ചു. എന്നാല്‍, കുട്ടിക്ക് മരണം സംഭവിച്ചുവെന്ന് അറിയിക്കാതെ ആശുപത്രി അധികൃതര്‍ ആംബുലന്‍സില്‍ കോയമ്പത്തൂരിലേക്ക് അയച്ചു. ഇവരെ അവിടെ ഇറക്കിയശേഷം മടങ്ങിപ്പോരാനാണ് ആശുപത്രി അധികൃതര്‍ ആംബുലന്‍സ് ഡ്രൈവര്‍ക്ക് നല്‍കിയ നിര്‍ദേശം. അയാളത് ചെയ്തു. കോയമ്പത്തൂരില്‍ ആശുപത്രി ഗേറ്റില്‍ യുവതിയെ ഇറക്കി ആംബുലന്‍സ് പാഞ്ഞുപോയി. കുട്ടി നേരത്തേ മരിച്ചിരുന്നുവെന്ന് അറിയുമ്പോഴേക്കും വാഹനമില്ല. മരിച്ച കുഞ്ഞുമായി റോഡില്‍ നിന്നാല്‍ പൊലീസ് പിടിക്കുമെന്ന് കണ്ടതിനാല്‍ അവര്‍ മൃതശരീരം ഒരു പ്ളാസ്റ്റിക് സഞ്ചിയിലാക്കി. അധികം വൈകാതെ വഴിയില്‍ മണ്ണുമാന്തി കുഴിച്ചിട്ടു. പിന്നെ വളഞ്ഞ വഴിയിലൂടെ വീട്ടിലത്തെി. അട്ടപ്പാടിയിലെ ഒരു പതിവു കഥയാണിത്. ഇത്തരം ദശക്കണക്കിന് കഥകള്‍ ആദിവാസികള്‍ക്ക് പറയാനുണ്ട്. പക്ഷേ, ആരു കേള്‍ക്കാന്‍? കേള്‍ക്കേണ്ടവരില്‍ ഒരാളായ മന്ത്രി കെ.സി. ജോസഫ് അട്ടപ്പാടിയിലത്തെിയപ്പോള്‍ സര്‍ക്കാറിന് വീഴ്ചപറ്റിയെന്ന് തുറന്നുപറഞ്ഞിരുന്നു. എന്നാല്‍, തിരുവനന്തപുരത്ത് എത്തിയപ്പോള്‍ വാക്ക് മാറ്റി. പിറക്കുന്ന കുട്ടികള്‍ക്ക് മരണം സംഭവിക്കുന്നതിന് സര്‍ക്കാര്‍ എന്തു പിഴച്ചുവെന്നാണ് മന്ത്രിയുടെ ചോദ്യം. മാത്രമല്ല, മാധ്യമങ്ങള്‍ നല്‍കുന്നതുപോലെ ഒരവസ്ഥ അട്ടപ്പാടിയിലില്ളെന്ന് മന്ത്രി സൂചിപ്പിച്ചു. അട്ടപ്പാടിയിലും തിരുവനന്തപുരത്തും എത്തുമ്പോള്‍ രണ്ട് നിലപാടുള്ള മന്ത്രിമാര്‍ ഉള്ളപ്പോള്‍ ആദിവാസികളുടെ അവസ്ഥ എങ്ങനെ മാറാന്‍? ആദിവാസി ക്ഷേമത്തിന് അനുവദിച്ച 100 ശതമാനം ഫണ്ട് ഉപയോഗിച്ച് നിര്‍മിച്ച ട്രൈബല്‍ സ്പെഷാലിറ്റി ആശുപത്രിയാണ്് കോട്ടത്തറ. അതിപ്പോള്‍ കോട്ടത്തറ ജനറല്‍ ആശുപത്രിയാണ്. ഇടതു ഭരണ കാലത്ത് ആരോഗ്യമന്ത്രി പി.കെ. ശ്രീമതിയാണ് കോട്ടത്തറയിലെ ആശുപത്രിക്ക് ഉയര്‍ന്ന പദവി നല്‍കിയത്. അതോടെ ആശുപത്രിയില്‍ ആദിവാസികള്‍ അഭയാര്‍ഥികളായി. നാടിന്‍െറ വികസനം ആദിവാസികള്‍ക്ക് മാത്രല്ല എല്ലാവര്‍ക്കും ലഭിക്കട്ടേയെന്നായിരുന്നു ഇടതു സര്‍ക്കാറിന്‍െറ ന്യായീകരണം. അതോടെ ഡോക്ടര്‍മാര്‍ ആശുപത്രിയില്‍ ജനറല്‍ വിഭാഗത്തെ അഡ്മിറ്റ് ചെയ്തു തുടങ്ങി. ആശുപത്രി വികസനത്തിന് ആരോഗ്യവകുപ്പിന് ഫണ്ടില്ളെന്നത് വേറെ കാര്യം. ആദിവാസി കുടുംബങ്ങളുടെ വലിയ പ്രതിസന്ധികള്‍ തിരിച്ചറിയാതെയാണ് ആരോഗ്യവകുപ്പ് ഉദ്യോഗസ്ഥരുടെ ഇടപെടല്‍. ഗര്‍ഭിണികളെ വീട്ടില്‍ച്ചെന്ന് വിളിക്കും. വന്നില്ളെങ്കില്‍ അടുത്ത ദിവസം പൊലീസിനെയും കൂട്ടിയാണ് ഉദ്യോഗസ്ഥരുടെ വരവ്. അതോടെ ആദിവാസികള്‍ക്ക് ആരോഗ്യവകുപ്പ് ജീവനക്കാര്‍ ശത്രുക്കളായി മാറുന്നു. പൊലീസിനെ കണ്ട് പലപ്പോഴും ഊരിലുള്ള പുരുഷന്മാര്‍ ഓടിമറയും. ഇനി സ്ത്രീകളെ എത്തിച്ചാല്‍ കിടത്താന്‍ കോട്ടത്തറയില്‍ സ്ഥലമില്ല. ആശുപത്രിയിലെ ബെഡുകളില്‍ 80 ശതമാനത്തിലധികം ജനറല്‍ വിഭാഗത്തിലുള്ളവരുടെ കൈയിലാണ്. ഒരു ബെഡില്‍ മൂന്നും നാലും ആദിവാസി സ്ത്രീകളെ കുത്തിനിറക്കുകയാണ് ആശുപത്രി മേധാവികള്‍ ചെയ്യുന്നത്. രാത്രി ഉരുണ്ട് നിലത്ത് വീഴുമോയെന്നാണ് സ്ത്രീകള്‍ക്ക് ഭയം. പക്ഷേ, നിവൃത്തിയില്ല. സഹിച്ചേ പറ്റൂ. കോട്ടത്തറ ആശുപത്രിയില്‍ ആദിവാസികള്‍ കൂടുതലായി എത്തിയാല്‍ അഗളിക്ക് മാറ്റുകയാണ് പതിവ്. എന്നാല്‍, അഗളിയില്‍ ഗൈനക്കോളജിസ്റ്റില്ല. അത് കോട്ടത്തറയില്‍ മാത്രമേ ഉള്ളൂ. അതേസമയം, ജനറല്‍ വിഭാഗത്തിലുള്ള രോഗികള്‍ ഡോക്ടര്‍മാരുടെ വീട്ടില്‍ പൈസയുമായത്തെും. അതിനാല്‍, പലര്‍ക്കും ആദിവാസികളോട് താല്‍പര്യമില്ല. അഗളിയിലെ രണ്ട് വാര്‍ഡുകള്‍ തുറന്നുപ്രവര്‍ത്തിക്കുന്നില്ല. ഇവിടെ രോഗികളില്ല. അഗളിയില്‍ മതിയായ സ്റ്റാഫുമില്ല. കിടത്തിചികിത്സ വേണ്ട ആദിവാസികളെ മടക്കിയയക്കും. പാലക്കാട്ടേക്ക് ദിവസം ശരാരശി ആറ് ആംബുലന്‍സ് ഓടുന്നുണ്ടെന്നാണ് കണക്ക്. ആംബുലന്‍സ് ഓടുന്നതിന് വര്‍ഷംപ്രതി ഐ.ടി.ഡി.പി 70 ലക്ഷം ചെലവഴിക്കുന്നു. അതില്‍ 20 ലക്ഷം മുടക്കിയാല്‍ റേഡിയോളജിസ്റ്റിനെ നിയമിക്കാം. ബാക്കി 50 ലക്ഷം ഐ.ടി.ഡി.പിക്ക് ലാഭിക്കാം. ആറ് ആംബുലന്‍സില്‍ മൂന്നെണ്ണം വിവേകാനന്ദ ആശുപത്രിയുടേതാണ്. റേഡിയോളജിസ്റ്റിനെ നിയമിക്കാത്തതില്‍ അവര്‍ക്കാണ് പ്രയോജനം. വിവേകാനന്ദ പ്രവര്‍ത്തിക്കുന്നതുതന്നെ ആംബുസന്‍സിന്‍െറ വരുമാനത്തിലാണ്. ഗര്‍ഭകാലം മുതല്‍ പ്രസവം വരെ ആനകെട്ടി ബഥനിയില്‍ പോയാല്‍ ആദിവാസികള്‍ക്ക് മൂന്നിലൊന്ന് സൗജന്യം. അങ്ങനെ കോട്ടത്തറയില്‍ ചികിത്സ ലഭിക്കാത്തപ്പോള്‍ നേട്ടം ബഥനിക്കാണ്. കോട്ടത്തറയില്‍ ചെയ്യാവുന്ന കാര്യങ്ങളാണ് ബഥനിയില്‍ പോവുന്നത്. ആരോഗ്യവകുപ്പിലെ ജീവനക്കാര്‍ ആദിവാസികളോട് സ്നേഹപൂര്‍വമല്ല പെരുമാറുന്നത്. അതിന് പരിഹാരമായി ഡോ. പ്രഭുദാസ് ആദിവാസികളത്തെന്നെ ജീവനക്കാരായി നിയമിച്ചിരുന്നു. പിന്നീട് അവരെയെല്ലാം പിരിച്ചുവിട്ടു. നിയമനമെല്ലാം രാഷ്ട്രീയ സ്വാധീനത്തിലാണ്. അത് കോട്ടത്തറയെ തകര്‍ത്തു. യഥാര്‍ഥത്തില്‍ സര്‍ക്കാര്‍ ഡോ. പ്രഭുദാസിനെ പീഡിപ്പിക്കുകയാണ്. അദ്ദേഹം പറഞ്ഞാല്‍ കേള്‍ക്കുന്ന ജീവനക്കാരില്ല. പ്രഭുദാസിനെ പൂര്‍ണസമയം കോട്ടത്തറയില്‍ നിയോഗിക്കുമെന്ന് മന്ത്രി നിരന്തരം പറഞ്ഞതല്ലാതെ ഉത്തരവ് ഇറക്കിയില്ല. അതിനാല്‍, അഡീഷനല്‍ ചാര്‍ജ് മാത്രമാണ് ലഭിച്ചത്. പാലക്കാട്ടാണ് മുഴുവന്‍ ചാര്‍ജ്. ഡോക്ടര്‍ക്ക് കോട്ടത്തറയിലേക്കുള്ള യാത്രക്ക് വണ്ടി നല്‍കി. ഡീസലിന് പണമില്ല. ഒ.പി കോട്ടത്തറയില്‍ അവസാനിപ്പിക്കണം. അതുവഴി ഡോക്ടര്‍മാര്‍ അല്‍പം ഫ്രീയാവും. അട്ടപ്പാടിയില്‍ അഞ്ച് മൊബൈല്‍ മെഡിക്കല്‍ യൂനിറ്റ് പ്രവര്‍ത്തിക്കുന്നുണ്ട്. അവര്‍ ആരോഗ്യ ക്യാമ്പ് നടത്തുമെന്ന് പറയുന്നത് കടലാസില്‍ മാത്രമാണ്. ആഴ്ചയിലൊരിക്കല്‍ ഊരുകളില്‍ മൊബൈല്‍ യൂനിറ്റ് എത്തും. മറ്റൊന്നും ചെയ്യുന്നില്ല. ആരോഗ്യവകുപ്പിന്‍െറ പ്രവര്‍ത്തനം മൂലം ആരുടെയും നില മെച്ചപ്പെട്ടില്ല. എം.പി. രാജേഷ് എം.പി നിരാഹാര സമരം നടത്തിയത് കോട്ടത്തറ ആശുപത്രിയിലെ അടിസ്ഥാന സൗകര്യം. (നാളെ: ആദിവാസികള്‍ക്ക് നന്മ വരുത്താത്ത പാക്കേജുകളെപ്പറ്റി) |
| ആര്‍.എസ്.എസിന്‍െറ മതവും ബി.പി.എല്‍ കാര്‍ഡും Posted: 11 Dec 2014 05:31 PM PST Image:  ഉത്തര്‍പ്രദേശിലെ ആഗ്രയില്‍, പഴയ സാധനങ്ങള്‍ പെറുക്കി വിറ്റ് ജീവിക്കുന്ന, ബംഗാളില്‍നിന്ന് കുടിയേറിയ അങ്ങേയറ്റം ദരിദ്രരായ മനുഷ്യര്‍ താമസിക്കുന്ന പ്രദേശമാണ് വേദ് നഗര്‍ കോളനി. കോളനിയിലെ 57 മുസ്ലിം കുടുംബങ്ങളില്‍പെട്ട 350 പേരെ ഹിന്ദുമതത്തിലേക്ക് പരിവര്‍ത്തനം ചെയ്തതായി സംഘ്പരിവാര്‍ സംഘടനകളായ ബജ്റംഗ് ദളും ധര്‍മ ജാഗരണ്‍ സമന്വയ വിഭാഗും മൂന്നു ദിവസം മുമ്പ് അവകാശപ്പെട്ടിരുന്നു. താനാണ് ഈ ‘ശുദ്ധീകരണ’ കര്‍മത്തിന് ചുക്കാന്‍പിടിച്ചതെന്ന് അവകാശപ്പെട്ട് ബജ്റംഗ് ദള്‍ ഉത്തര്‍പ്രദേശ് കോ-കണ്‍വീനര്‍ അവനീന്ദ്ര പ്രതാപ് സിങ് രംഗത്തുവരികയും ചെയ്തു. സമാന തരത്തിലുള്ള കൂട്ട മതപരിവര്‍ത്തനം ഡിസംബര്‍ 25ന് അലീഗഢിലും സംഘടിപ്പിക്കുമെന്നും അയാള്‍ അവകാശപ്പെട്ടു. മതപരിവര്‍ത്തനം നിയമം വഴി നിരോധിക്കണമെന്ന നിലപാടുള്ളവരാണ് ആര്‍.എസ്.എസും അനുബന്ധ സംഘടനകളും. ബി.ജെ.പി അധികാരത്തിലിരുന്ന പല സംസ്ഥാനങ്ങളിലും മതപരിവര്‍ത്തനത്തെ തടയാന്‍/ കര്‍ശനമായി നിയന്ത്രിക്കാന്‍ ആവശ്യമായ നിയമങ്ങള്‍ അവര്‍ നടപ്പാക്കിയിട്ടുമുണ്ട്. മധ്യപ്രദേശ്, ഛത്തിസ്ഗഢ്, ഹിമാചല്‍ പ്രദേശ്, ഗുജറാത്ത് എന്നീ സംസ്ഥാനങ്ങളിലാണ് ഇത്തരം നിയമങ്ങള്‍ നിലനില്‍ക്കുന്നത്. ഗുജറാത്ത് ഫ്രീഡം ഓഫ് റിലീജിയന്‍ ആക്ട് പ്രകാരം, ഒരാള്‍ക്ക് തന്‍െറ വിശ്വാസം മാറ്റണമെന്നുണ്ടെങ്കില്‍ ജില്ലാ മജിസ്ട്രേറ്റിന്‍െറ മുന്‍കൂര്‍ അനുമതി വാങ്ങിയിരിക്കണം! മതസ്വാതന്ത്ര്യത്തിനായുള്ള യു.എന്‍ സമിതിയുടെ വിമര്‍ശം ഏറ്റുവാങ്ങിയ നിയമമാണിത്. ഏതു മതം തെരഞ്ഞെടുക്കണം എന്ന വ്യക്തിയുടെ അവകാശങ്ങള്‍ക്കുമേല്‍ കര്‍ശനമായ നിയന്ത്രണം വെക്കുന്നതാണ് ഇത്തരം നിയമങ്ങള്‍. രാജ്യമാസകലം ഇത്തരം നിയമങ്ങള്‍ വേണമെന്നതാണ് സംഘ്പരിവാര്‍ നിലപാട്. അതേസമയം, മുസ്ലിം, ക്രിസ്ത്യന്‍ വിഭാഗത്തില്‍പെട്ടവരെ ഹിന്ദുമതത്തിലേക്ക് മതം മാറ്റുന്ന കാര്യത്തില്‍ ആര്‍.എസ്.എസിന് വലിയ ആവേശവുമാണ്. ‘ഘര്‍ വാപസി’ (വീട്ടിലേക്കുള്ള തിരിച്ചു പോക്ക്) എന്നാണ് ഇതിന് അവര്‍ വിളിക്കുന്ന പേര്. അതായത്, ഇവിടെയുള്ള മുസ്ലിംകളുടെയും ക്രിസ്ത്യാനികളുടെയും പൂര്‍വികര്‍ ഹിന്ദുക്കളാണ്, അതിനാല്‍ അവര്‍ അവരുടെ പൂര്‍വ ഗൃഹത്തിലേക്ക് തിരിച്ചുപോകണം. ആര്‍ക്കും അവരുടെ മതതത്വങ്ങള്‍^മതേതര തത്വങ്ങളും^സ്വതന്ത്രമായി പ്രചരിപ്പിക്കാനും ഏതൊരു വ്യക്തിക്കും അതില്‍ തനിക്ക് യുക്തിപൂര്‍ണമായി തോന്നിയത് തെരഞ്ഞെടുക്കാനും അഥവാ ഒന്നും തെരഞ്ഞെടുക്കാതിരിക്കാനും കഴിയുമ്പോഴാണ് വിശ്വാസ സ്വാതന്ത്ര്യം പ്രയോഗത്തില്‍ വരുന്നത്. ഈ അടിസ്ഥാന കാഴ്ചപ്പാടിന് എതിരാണ് ആര്‍.എസ്.എസിന്‍െറ നിലപാടുകള്‍. പാര്‍ട്ടിമാറിയവരെ കുലംകുത്തികളായി പ്രഖ്യാപിച്ച് കൊന്നു തള്ളുന്ന ചില മതേതര പാര്‍ട്ടികളുടെ നിലപാടും മതം മാറിയവരെ പിടിച്ചുകൊണ്ടുപോയി തിരിച്ചെടുക്കുന്ന മത യാഥാസ്ഥികരുടെ നിലപാടും അടിസ്ഥാനപരമായി ജനാധിപത്യ തത്വങ്ങള്‍ക്ക് വിരുദ്ധമാണ്. പക്ഷേ, ആഗ്രയില്‍ സംഘ്പരിവാറിന്‍െറ നേതൃത്വത്തില്‍ നടന്നത് ഇതിലും വഷളായ ഏര്‍പ്പാടായിരുന്നുവെന്നാണ് ഇപ്പോള്‍ വെളിപ്പെട്ടിരിക്കുന്നത്. ദരിദ്രരായ മനുഷ്യര്‍ക്ക് ബി.പി.എല്‍ റേഷന്‍ കാര്‍ഡും ആധാര്‍ കാര്‍ഡും ശരിയാക്കിക്കൊടുക്കാം എന്ന് പ്രലോഭിപ്പിച്ച് കൂട്ടിക്കൊണ്ടു പോവുകയായിരുന്നു. അവരെക്കൊണ്ട് പലവിധം കടലാസുകളില്‍ ഒപ്പിടീക്കുകയും നെറ്റിയില്‍ തിലകം ചാര്‍ത്തുകയും ചെയ്തു. ചിലര്‍ക്കെല്ലാം ഹിന്ദുത്വ സംഘടനകള്‍ പുതിയ പേരും നിര്‍ദേശിച്ചു കൊടുത്തു. മാധ്യമങ്ങളില്‍ വാര്‍ത്തകള്‍ നിറഞ്ഞപ്പോഴാണ് തങ്ങള്‍ക്ക് ‘വിശ്വാസ മാറ്റം’ സംഭവിച്ചതായി ആ മനുഷ്യര്‍ അറിയുന്നത്! അവര്‍തന്നെ ടെലിവിഷന്‍ കാമറകള്‍ക്കു മുമ്പില്‍ വന്ന് ബി.പി.എല്‍ കാര്‍ഡിന്‍െറ കഥ പറയുകയും ചെയ്തു. ആര്‍.എസ്.എസ് കൊണ്ടുനടക്കുന്ന വിശ്വാസദര്‍ശനത്തിന് ഒരു ബി.പി.എല്‍ കാര്‍ഡിന്‍െറ വിലയേ ഉള്ളൂ എന്ന ചോദ്യമാണ് ഇത് ഉയര്‍ത്തുന്നത്. സ്വതന്ത്രമായി മതം മാറാനും പാര്‍ട്ടി മാറാനുമൊക്കെയുള്ള അവകാശം ജനാധിപത്യ സംസ്കാരത്തിന്‍െറ ഭാഗമാണ്. അതേസമയം, ദരിദ്രരായ മനുഷ്യര്‍ക്ക് പണവും വസ്തുക്കളും നല്‍കി പ്രലോഭിപ്പിച്ച് കൗശലത്തില്‍ അവരുടെ വിശ്വാസം ‘മാറ്റി’യെടുക്കുന്ന ഏര്‍പ്പാട് അങ്ങേയറ്റം വഷളത്തം നിറഞ്ഞതുമാണ്. നക്കാപിച്ച നല്‍കി വിലക്കു വാങ്ങേണ്ട ഒന്നല്ല മതവിശ്വാസം. ഇനി, അങ്ങനെ കുറേ വിശ്വാസികളെ സൃഷ്ടിച്ചതുകൊണ്ട് മതത്തിനെന്തു കാര്യം; ദൈവത്തിനെന്തു കാര്യം? ജനങ്ങളുടെ ദൈന്യതയെ തങ്ങളുടെ കുടിലമായ മത/രാഷ്ട്രീയ താല്‍പര്യങ്ങള്‍ക്ക് വേണ്ടി മുതലെടുക്കുന്നത് എന്തുമാത്രം അശ്ളീലമായ കാഴ്ചയാണ്. ബി.ജെ.പി രാജ്യം ഭരിക്കുന്ന സന്ദര്‍ഭത്തില്‍ ആര്‍.എസ്.എസും അനുബന്ധ സംഘടനകളും സ്വല്‍പം ഒൗചിത്യത്തോടെ പെരുമാറും എന്ന് പ്രതീക്ഷിച്ചവര്‍ ഉണ്ടായിരുന്നു. രാജ്യഭരണത്തിന്‍െറ ഉത്തരവാദിത്തം ഏല്‍പിക്കപ്പെട്ട ഒരു പ്രസ്ഥാനത്തില്‍നിന്ന് ആരും സ്വാഭാവികമായും പ്രതീക്ഷിക്കുന്ന ഒൗചിത്യബോധം. അത് സ്വായത്തമാക്കാന്‍ സംഘ്പരിവാറിന് കഴിഞ്ഞില്ല എന്നു മാത്രമല്ല, അക്കാര്യത്തില്‍ അവര്‍ കൂടുതല്‍ പിന്നാക്കം പോവുകയാണ് എന്നാണ് ആഗ്ര സംഭവം കാണിക്കുന്നത്. |
| Posted: 11 Dec 2014 12:15 PM PST Image:  Subtitle: കോഴവാങ്ങല്‍, അധികാര ദുര്‍വിനിയോഗം •ഏഴുവര്‍ഷംവരെ തടവ് ലഭിക്കാം തിരുവനന്തപുരം: ബാര്‍ കോഴക്കേസില്‍ ധനമന്ത്രി കെ.എം. മാണിയെ ഒന്നാംപ്രതിയാക്കി വിജിലന്‍സ് ആന്‍ഡ് ആന്‍റി കറപ്ഷന്‍ ബ്യൂറോ കേസ് രജിസ്റ്റര്‍ ചെയ്തു. |
| Posted: 11 Dec 2014 11:09 AM PST Image:  Subtitle: സെന്‍റ് ജോര്‍ജ് കിരീടം കാത്തു •കോഴിക്കോടന്‍ സ്കൂളുകള്‍ക്ക് മുന്നേറ്റം •പാലക്കാട്ട് കല്ലടിയെ കടന്ന് പറളി •അദ്ഭുതമായി നാട്ടിക ഗവ. ഫിഷറീസ് എച്ച്.എസ് തിരുവനന്തപുരം: ലീഡ് നില മാറിമറിഞ്ഞ് അന്തിമഫലം വന്നപ്പോള്‍ ലഭിക്കുന്നത് ട്രാക്കിലും ഫീല്‍ഡിലും കുത്തകകള്‍ അവസാനിക്കുകയാണെന്ന വ്യക്തമായ സന്ദേശം. 58ാമത് സംസ്ഥാന സ്കൂള്‍ കായികമേളയില്‍ 130 പോയന്‍റും കിരീടവുമെന്ന ലക്ഷ്യവുമായി എത്തിയ എറണാകുളം കോതമംഗലം സെന്‍റ് ജോര്‍ജ് എച്ച്.എസ്.എസ് കിരീടം നിലനിര്‍ത്തിയത് 83 പോയന്‍റ് മാത്രം നേടിയാണ്. സെന്‍റ് ജോര്‍ജിനും 82 പോയന്‍റുമായി രണ്ടാം സ്ഥാനത്തത്തെിയ കോതമംഗലം മാര്‍ബേസില്‍ എച്ച്.എസ്.എസിനും നിരന്തര വെല്ലുവിളി ഉയര്‍ത്തിയാണ് പാലക്കാട് പറളി എച്ച്.എസ് (72) മൂന്നാമതായി ഫിനിഷ് ചെയ്തിരിക്കുന്നത്. ഒപ്പം പിന്നാക്ക സാഹചര്യങ്ങളില്‍നിന്ന് വരുന്ന സര്‍ക്കാര്‍ സ്കൂളുകളുള്‍പ്പെടെയുള്ളവയുടെ മുന്നേറ്റത്തിനും ഈ മേള സാക്ഷിയായി. കഴിഞ്ഞ വര്‍ഷം 100 പോയന്‍റാ യിരുന്നു സെന്‍റ് ജോര്‍ജിന്‍െറ സമ്പാദ്യം. 80 പോയന്‍റുള്ള മാര്‍ബേസില്‍ അന്ന് ഏറെ പിറകിലായിരുന്നു. എന്നാല്‍, ഇക്കുറി പോരാട്ടം ഇഞ്ചോടിഞ്ചായി. ഷിബി മാത്യു മുഖ്യ പരിശീലകനായ മാര്‍ബേസിലിന്‍െറ മുന്നേറ്റമാണ് തുടക്കത്തില്‍ കണ്ടതെങ്കില്‍ ഇടക്ക് ഒമ്പതാം കിരീടത്തിനായി രാജുപോളിന്‍െറ സെന്‍റ് ജോര്‍ജ് മുന്നോട്ടുകയറി. പലപ്പോഴും രണ്ടാം സ്ഥാനത്ത് നിലയുറപ്പിച്ച പറളിയാവട്ടെ എറണാകുളം സ്കൂളുകളെ അട്ടിമറിച്ചേക്കുമെന്ന തോന്നല്‍ വരെയുണ്ടാക്കി. 2012ല്‍ 59 പോയന്‍റുമായി പാലക്കാട് കുമരംപുത്തൂര്‍ കല്ലടി എച്ച്.എസിന് പിറകില്‍ നാലാമതായിരുന്നു പറളി. ഇപ്രാവശ്യം 16 പോയന്‍റ് അധികം നേടി കല്ലടിക്കാരെ (59) മറികടന്ന് പി.ജി. മനോജിന്‍െറ കുട്ടികള്‍ മൂന്നാം സ്ഥാനത്തേക്ക് കയറി. 2011ല്‍ 150 പോയന്‍റുമായി ജേതാക്കളായ മാര്‍ബേസില്‍ പിന്നീട് പിറകോട്ട് പോവുകയായിരുന്നു. അന്ന് കല്ലടിക്ക് പിറകില്‍ 71 പോയന്‍റുമായി മൂന്നാം സ്ഥാനത്തായിരുന്ന സെന്‍റ് ജോര്‍ജാവട്ടെ പിറ്റേവര്‍ഷം കിരീടം തിരിച്ചുപിടിച്ച് ഹാട്രിക് ചാമ്പ്യന്‍ പട്ടത്തിലത്തെിയിരിക്കുകയാണിപ്പോള്‍. പി.യു. ചിത്രയുടെ കരുത്തില്‍ കഴിഞ്ഞവര്‍ഷം 42 പോയന്‍റ് നേടി നാലാം സ്ഥാനത്തുണ്ടായിരുന്ന പാലക്കാട് മുണ്ടൂര്‍ എച്ച്.എസ് ഇക്കുറി ചിത്രത്തിലേയില്ല. മാര്‍ബേസിലിന്‍െറ മുന്‍ പരിശീലകന്‍ പി.ഐ. ബാബുവിന്‍െറ നേതൃത്വത്തില്‍ എത്തിയിരിക്കുന്ന എറണാകുളം മാതിരപ്പള്ളി ഗവ. വി.എച്ച്.എസ്.എസ് (54) അഞ്ചാം സ്ഥാനത്തേക്ക് കുതിച്ചത് 21 പോയന്‍റ് അധികം നേടിയാണ്. കഴിഞ്ഞ വര്‍ഷമായിരുന്നു നൂറ്റാണ്ട് പഴക്കമുള്ള മാതിരപ്പള്ളിയുടെ ചരിത്രത്തിലെ ആദ്യ സ്വര്‍ണം. കോഴിക്കോടന്‍ സ്കൂളുകളുടെ മുന്നേറ്റമാണ് ഇത്തവണത്തെ മറ്റൊരു പ്രത്യേകത. 2012ല്‍ 24 പോയന്‍േറാടെ ആറാം സ്ഥാനത്തായിരുന്ന സെന്‍റ് ജോസഫ്സ് എച്ച്.എസ് പുല്ലൂരാംപാറ (41) ഈ മീറ്റില്‍ ആറാം സ്ഥാനത്തേക്ക് കയറി. ഇക്കുറി നാല് പോയന്‍റ് അധികം സ്വന്തമാക്കി ഉഷ സ്കൂളിലെ താരങ്ങളുമായി വന്ന എ.എച്ച്.എം.എസ് പൂവമ്പായി ഏഴാം സ്ഥാനം നിലനിര്‍ത്തി. 28 പോയന്‍റ് നേടി കോഴിക്കോട്ടെ തന്നെ സെന്‍റ് ജോണ്‍സ് നെല്ലിപ്പൊയില്‍ ഒരു സ്ഥാനം മുന്നോട്ടുകയറി എട്ടിലത്തെി. മത്സ്യത്തൊഴിലാളികള്‍ തിങ്ങിപ്പാര്‍ക്കുന്ന തൃശൂര്‍ നാട്ടികയിലെ സര്‍ക്കാര്‍ സ്കൂളായ ഗവ. ഫിഷറീസ് എച്ച്.എസ്.എസിന്‍െറ മുന്നേറ്റം കായികകേരളത്തെ അതിശയിപ്പിക്കുകയാണ്. നാല് സ്വര്‍ണവും രണ്ട് വെങ്കലവുമടക്കം 22 പോയന്‍റാണ് പരിമിത സൗകര്യങ്ങള്‍ക്കുള്ളില്‍നിന്ന് ഈ സ്ഥാപനം നേടിയിരിക്കുന്നത്. ഇവിടത്തെ പി.ഡി. അഞ്ജലി 100, 200, 400 മീറ്റര്‍ ഓട്ട മത്സരങ്ങളില്‍ ഒന്നാം സ്ഥാനത്തത്തെി വ്യക്തിഗത ചാമ്പ്യനായി. പേരും പെരുമയുമുണ്ടാക്കാന്‍ കുട്ടികളെ ചാക്കിട്ട് പിടിക്കുന്നവര്‍ക്ക് ശക്തമായ മുന്നറിയിപ്പ് നല്‍കുകയാണ് നാട്ടുകാരെ അണിനിരത്തി നേട്ടം കൊയ്ത സ്കൂളുകള്‍. |
| Posted: 11 Dec 2014 11:00 AM PST Image:  തിരുവനന്തപുരം: മധ്യദൂരത്തിലും ദീര്‍ഘദൂരത്തിലും നാളെയുടെ വാഗ്ദാനമായി കരുതുന്ന പറളിയുടെ മുഹമ്മദ് അഫ്സല്‍ മൂന്നാം സ്വര്‍ണവുമായി സ്കൂള്‍ കായികമേളയില്‍ നിന്ന് പടിയിറങ്ങി. വ്യാഴാഴ്ച നടന്ന സീനിയര്‍ ആണ്‍കുട്ടികളുടെ 800 മീറ്ററില്‍ ജി.വി. രാജയുടെ സനു രാജന്‍െറ കടുത്ത വെല്ലുവിളി അതിജയിച്ച അഫ്സല്‍ ഓടിക്കയറിയത് തുടര്‍ച്ചയായ മൂന്നാം സ്വര്‍ണത്തിലേക്ക്.ഒപ്പം മീറ്റിലെ മൂന്നാമത്തെ വ്യക്തിഗത ചാമ്പ്യന്‍ പട്ടത്തിലേക്കും. അഫ്സലിനൊപ്പം സെന്‍റ് ജോര്‍ജിന്‍െറ ബിബിന്‍ ജോര്‍ജും പൂവമ്പായി സ്കൂളിലെ ജിസ്ന മാത്യുവും നാട്ടിക ഫിഷറീസ് സ്കൂളിലെ പി.ഡി. അഞ്ജലിയും ട്രിപ്പിള്‍ മികവുമായി മീറ്റിന്‍െറ താരങ്ങളായി. സെന്‍റ് ജോര്‍ജിന്‍െറ സ്മൃതിമോള്‍ രാജേന്ദ്രനും അഭിഷേക് മാത്യുവും അഭിനവുമാണ് വിവിധ വിഭാഗങ്ങളില്‍ ഈ നേട്ടം പങ്കിട്ട മറ്റു താരങ്ങള്‍. അവസാന മീറ്റിനിറങ്ങിയ അഫ്സല്‍ 800 മീറ്റര്‍ ഒരു മിനിറ്റ് 53.18 സെക്കന്‍ഡില്‍ പൂര്‍ത്തിയാക്കിയാണ് മൂന്നാം സ്വര്‍ണവും സീനിയര്‍ ആണ്‍കുട്ടികളില്‍ വ്യക്തിഗത ചാമ്പ്യന്‍പട്ടവും സ്വന്തമാക്കിയത്.2011ലും 2012ലും ജൂനിയര്‍ വിഭാഗം ചാമ്പ്യന്‍പട്ടം നേടിയ അഫ്സലിന് കഴിഞ്ഞ വര്‍ഷം ബ്രസീലിലായതിനാല്‍ സ്കൂള്‍മീറ്റില്‍ പങ്കെടുക്കാനായിരുന്നില്ല. ഇത്തവണ 5000 മീറ്ററിലും 3000 മീറ്ററില്‍ റെക്കോഡോടെയും അഫ്സലിനായിരുന്നു സ്വര്‍ണം.സീനിയര്‍ പെണ്‍കുട്ടികളുടെ വിഭാഗത്തില്‍ മൂന്നാം സ്വര്‍ണം തേടിയിറങ്ങിയ സെന്‍റ് ജോര്‍ജിന്‍െറ സ്മൃതിമോള്‍ 800 മീറ്റര്‍ ഫൈനലില്‍ പുല്ലൂരാംപാറയുടെ തേരേസ ജോസഫിന് പിറകിലായിപ്പോയെങ്കിലും 13 പോയന്‍റുമായി വ്യക്തിഗത പട്ടം സ്വന്തമാക്കി. 400 മീറ്ററിലും 400 മീറ്റര്‍ ഹര്‍ഡ്ല്‍സിലും സ്മൃതിക്കായിരുന്നു സ്വര്‍ണം. ജൂനിയര്‍ ആണ്‍കുട്ടികളുടെ 800 മീറ്ററില്‍ സ്വര്‍ണം നേടിയ ബിബിന്‍ ജോര്‍ജിന്‍െറ സമ്പാദ്യത്തില്‍ 1500, 5000 മീറ്റര്‍ ഒന്നാം സ്ഥാനവുമുണ്ടായിരുന്നു. ടിന്‍റു ലൂക്കയുടെ പിന്‍ഗാമിയായി ഉഷാ സ്കൂളില്‍ നിന്ന് ഉയരങ്ങള്‍ കീഴടക്കുന്ന ജിസ്ന മാത്യു വ്യാഴാഴ്ച ജൂനിയര്‍ പെണ്‍കുട്ടികളുടെ 200 മീറ്ററിലും അപരാജിതയായി മുന്നേറിയാണ് വ്യക്തിഗത മികവ് നിലനിര്‍ത്തിയത്. പൂവമ്പായി സ്കൂളിനെ പ്രതിനിധീകരിച്ചത്തെിയ ജിസ്ന 100 മീറ്ററിലും 400 മീറ്ററില്‍ റെക്കോഡോടെയും സ്വര്‍ണമണിഞ്ഞിരുന്നു. സബ് ജൂനിയര്‍ പെണ്‍കുട്ടികളില്‍ പുതിയ താരോദയമായ പി.ഡി. അഞ്ജലിയാണ് ട്രിപ്പിളിലേക്ക് കുതിച്ച മറ്റൊരു പ്രതിഭ.വേഗമേറിയ താരങ്ങളില്‍ ഇടം നേടിയ അഞ്ജലി 400 മീറ്ററിന് പിന്നാലെ 200 മീറ്ററിലും എതിരാളികളില്ലാതെ മുന്നിലത്തെി. സബ് ജൂനിയര്‍ ആണ്‍കുട്ടികളില്‍ മാര്‍ ബേസിലിന്‍െറ അഭിഷേക് മാത്യുവും തിരുവനന്തപുരം സായിയിലെ സി. അഭിനവും രണ്ട് സ്വര്‍ണവുമായാണ് വ്യക്തിഗത ചാമ്പ്യന്‍പട്ടം പങ്കിട്ടത്. അഭിനവ് 100, 200 മീറ്ററുകളില്‍ ഒന്നാമതത്തെിയപ്പോള്‍ അഭിഷേക് 400, 600 മീറ്ററുകളില്‍ വിജയക്കൊടി നാട്ടി. |
| സിറ്റി ക്വാര്‍ട്ടറില്‍; ബാഴ്സക്കും ജയം Posted: 11 Dec 2014 10:40 AM PST Image:  പാരിസ്: ചാമ്പ്യന്‍സ് ലീഗില്‍ ഫ്രഞ്ച് താരം സാമിര്‍ നസ്റിയുടെ മികവില്‍ റോമക്കെതിരെ ജയത്തോടെ ഇ ഗ്രൂപ്പില്‍ മാഞ്ചസ്റ്റര്‍ സിറ്റി ക്വാര്‍ട്ടര്‍ (2-0) ഉറപ്പാക്കി. മറ്റൊരു മത്സരത്തില്‍ പി.എസ്.ജിക്കെതിരെ തകര്‍പ്പന്‍ ജയത്തോടെ ബാഴ്സലോണ (3-1) എഫ് ഗ്രൂപ് ചാമ്പ്യന്മാരായി. ജി ഗ്രൂപ്പില്‍ സ്പോര്‍ട്ടിങ് സി.പിയെ വീഴ്ത്തി ചെല്‍സിയും മുന്നിലത്തെി. ഗോള്‍ രഹിതമായി ആദ്യപകുതിക്കുശേഷം ഫ്രഞ്ച് താരം സമിര്‍ നസ്റിയുടെ ഗോളിലാണ് സിറ്റി മുന്നിലത്തെിയത്. 60ാം മിനിറ്റിലാണ് ചാമ്പ്യന്‍സ് ലീഗില്‍ തന്‍െറ 50ാം മത്സരത്തിനിറങ്ങിയ നസ്റി റോമയുടെ വലകുലുക്കിയത്. കളി അവസാനിക്കാന്‍ നാല് മിനിറ്റ് മാത്രം ബാക്കിനില്‍ക്കെ പാബ്ളോ സബലേറ്റയുടെ ഗോളില്‍ സിറ്റി വിജയം ആധികാരികമാക്കി. സൂപ്പര്‍താരങ്ങളായ മെസ്സിയുടെയും നെയ്മറുടെയും ഗോളുകളായിരുന്നു ബാഴ്സലോണ ജയത്തിന്‍െറ സവിശേഷത. സ്ളാറ്റന്‍ ഇബ്രാഹിമോവിച്ചിന്‍െറ ഗോളില്‍ പി.എസ്.ജിയാണ് ആദ്യം ലീഡ് നേടിയത്്. എന്നാല്‍, 19ാം മിനിറ്റില്‍ മെസ്സി ബാഴ്സയെ ഒപ്പമത്തെിച്ചു. പിന്നാലെ ഇടവേളക്ക് മുമ്പ് നെയ്മര്‍ (41) ലീഡുയര്‍ത്തി. 77ാം മിനിറ്റില്‍ ലൂയി സുവാരസിലൂടെ കറ്റാലിയന്‍ ക്ളബ് ഗോള്‍ പട്ടിക തികച്ചു. |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
No comments:
Post a Comment