സംസ്ഥാനത്ത് സാമ്പത്തിക പ്രതിസന്ധിയില്ല -കെ.എം മാണി Madhyamam News Feeds |  |
- സംസ്ഥാനത്ത് സാമ്പത്തിക പ്രതിസന്ധിയില്ല -കെ.എം മാണി
- വിവാദ പരാമര്‍ശം; കേന്ദ്ര മന്ത്രി നിരഞ്ജന്‍ ജ്യോതി ഖേദം പ്രകടിപ്പിച്ചു
- സഭയില്‍ പ്രതിപക്ഷ ബഹളം; ശിവന്‍കുട്ടി എം.എല്‍.എക്ക് സസ്പെന്‍ഷന്‍
- മഹാരാഷ്ട്ര മുന്‍ മുഖ്യമന്ത്രി എ.ആര്‍ ആന്തുലെ അന്തരിച്ചു
- വായ്പാ നയം പ്രഖ്യാപിച്ചു; നിരക്കുകളില്‍ മാറ്റമില്ല
- ഒമാനില്‍ വീണ്ടും വിസ നിരോധം
- ക്രിമിനലുകളെ പൊലീസില്‍ എടുക്കരുത് ^സുപ്രീംകോടതി
- ആഘോഷപ്പൊലിമയില്‍ യു.എ.ഇക്ക് ഇന്ന് ദേശീയദിനം
- ദേശീയ ഗെയിംസ് അരികെ; സംഘാടനത്തില്‍ ധൂര്‍ത്ത്, ക്രമക്കേട്
- ബഹ്റൈന്‍ വനിതാ ദിനം ആഘോഷിച്ചു
- ഇനി തെരഞ്ഞെടുപ്പ് ആരവങ്ങളിലേക്ക്
- ബാച്ലര്‍മാരെ ഒഴിപ്പിക്കാന്‍ അബ്ദുല്‍ ഫത്താഹ് അലി വരുന്നു
- പരിസ്ഥിതി നിയമങ്ങള്‍ ബലിക്കല്ലില്‍
- ഒമാന്‍ അസംസ്കൃത എണ്ണയുടെ വിലയില്‍ റെക്കോഡ് തകര്‍ച്ച
- അടിയന്തര പ്രമേയത്തിന് അനുമതി നിഷേധിച്ചു; പ്രതിപക്ഷം ഇറങ്ങിപ്പോയി
- കശ്മീരിലും ഝാര്‍ഖണ്ഡിലും രണ്ടാംഘട്ട വോട്ടെടുപ്പ് പുരോഗമിക്കുന്നു
- വായ്പാ നയം ഇന്ന്; പലിശ നിരക്ക് കുറച്ചേക്കില്ല
- നിനവിലെത്താറില്ലേ ഇപ്പോഴുമാ കുഞ്ഞുടല്‍
- എസ്.ബി.ഐ ശരീഅ ഫണ്ട് മരവിപ്പിച്ചു
- ബാര്‍ കോഴ: ആരോപണം ഉന്നയിച്ചവര്‍പോലും തെളിവ് നല്‍കിയില്ളെന്ന് വിജിലന്‍സ്
- ഇസ്രായേലില്‍ ഭരണ പ്രതിസന്ധി; സര്‍ക്കാരിനെ രക്ഷിക്കാന്‍ തിരക്കിട്ട നീക്കം
- ജയം; ഗോവ രണ്ടാമന്‍
- സ്പാനിഷ് ലീഗ് ബാഴ്സക്ക് നാടകീയജയം
- അരങ്ങേറ്റത്തില്‍ ഹാട്രിക്; തെയ്ജുലിന് റെക്കോഡ്
- ഹോങ്കോങ് പ്രക്ഷോഭം കനക്കുന്നു; സര്‍ക്കാര്‍ ആസ്ഥാനം അടച്ചിട്ടു
| സംസ്ഥാനത്ത് സാമ്പത്തിക പ്രതിസന്ധിയില്ല -കെ.എം മാണി Posted: 02 Dec 2014 01:16 AM PST Image:  തിരുവനന്തപുരം: സംസ്ഥാനത്ത് സാമ്പത്തിക പ്രതിസന്ധിയില്ളെന്ന് ധനമന്ത്രി കെ.എം മാണി. നിയമസഭയില്‍ ചോദ്യോത്തര വേളയിലാണ് മാണി ഇക്കാര്യം പറഞ്ഞത്. പുതിയ തസ്തികകള്‍ സൃഷ്ടിക്കുന്നതില്‍ നിയന്ത്രണം ഏര്‍പെടുത്തിയിട്ടുണ്ടെന്നും 2015 മാര്‍ച്ച് 31 വരെയാണ് നിയന്ത്രണമെന്നും മാണി കൂട്ടിച്ചേര്‍ത്തു. റവന്യു വരുമാനത്തില്‍ ഉദ്ദേശിച്ച വര്‍ധനവില്ല. 42663 കോടി രൂപ പൊതുവിപണിയില്‍ നിന്ന് കടമെടുത്തിട്ടുണ്ട്. വിഭവ സമാഹരമത്തിനും അധിക വിഭവ സമാഹരണത്തിനും നടപടികള്‍ സ്വീകരിക്കുമെന്നും മാണി പറഞ്ഞു. ധനമന്ത്രി ചോദ്യങ്ങള്‍ക്ക് കൃത്യമായി ഉത്തരം നല്‍കുന്നില്ളെന്നാരോപിച്ച് പ്രതിപക്ഷം ബഹളം വെക്കുകയുമുണ്ടായി. പ്രതിപക്ഷ നേതാവ് വി.എസ്.അച്യുതാനന്ദന്‍ രണ്ടുതവണ ചോദ്യമുന്നയിച്ചിട്ടും ധനമന്ത്രി കെ.എം. മാണി മറുപടി നല്‍കിയില്ളെന്ന് പ്രതിപക്ഷം ആരോപിച്ചു. |
| വിവാദ പരാമര്‍ശം; കേന്ദ്ര മന്ത്രി നിരഞ്ജന്‍ ജ്യോതി ഖേദം പ്രകടിപ്പിച്ചു Posted: 02 Dec 2014 01:13 AM PST Image:  ന്യൂഡല്‍ഹി: മുസ്ലികളും കൃസ്ത്യാനികളും രാമന്‍റെ മക്കളാണെന്നും ഇതംഗീകരിക്കാന്‍ ഇന്ത്യക്കാരല്ളെന്നുമുള്ള പരാമര്‍ശം വിവാദമായതിനെ തുടര്‍ന്ന് ബി.ജെ.പി മന്ത്രി സാധ്വി നിരഞ്ജന്‍ ജ്യോതി പാര്‍ലമെന്‍റില്‍ ഖേദ പ്രകടനം നടത്തി. എന്നാല്‍,ഖേദപ്രകടനം വളരെ വൈകിയുള്ളതും പേരിനു മാത്രമുള്ളതും ആണെന്നും കോണ്‍ഗ്രസ് പ്രതികരിച്ചു. മന്ത്രിയുടെ രാജിയില്‍ കുറഞ്ഞതൊന്നും സ്വീകാര്യമല്ളെന്ന നിലപാടില്‍ ആണ് കോണ്‍ഗ്രസ്. പ്രശ്നം പ്രതിപക്ഷ കക്ഷികള്‍ ഒന്നടങ്കം ഏറ്റെടുത്തതോടെ ഇരു സഭകളുടെയും പ്രവര്‍ത്തനം തടസ്സപ്പെട്ടു. ലോക്സഭയില്‍ സ്പീക്കര്‍ സുമിത്ര മഹാജന്‍ സഭ പിരിച്ചുവിടാനുള്ള നോട്ടീസ് നല്‍കാന്‍ വിസമ്മതിച്ചു. പ്രതിപക്ഷ ബഹളത്തെ പിന്നീട് സഭ പിരിഞ്ഞു. പാര്‍ലമെന്‍റിനു പുറത്ത് രാഹുല്‍ഗാന്ധിയുടെ നേതൃത്വത്തില്‍ ധര്‍ണ നടത്തി. വനിതാ മന്ത്രിയുടെ വാക്കുകള്‍ തീര്‍ത്തും അപലപനീയമാണെന്ന് ബി.എസ്.പി നേതാവ് മായാവതി പ്രതികരിച്ചു. എല്ലാ ഇന്ത്യക്കാരും രാമന്‍റെ മക്കളാണെന്ന അവരുടെ പ്രസ്താവന നമ്മുടെ രാജ്യത്തിന്‍റെ മതേതര സ്വഭാവത്തിനു നേര്‍ക്കുള്ള കടന്നാക്രമണമാണെന്നും മായാവതി പറഞ്ഞു. പശ്ചിമ ബീഹാറിലെ ബി.ജെ.പി റാലിയില്‍ ആയിരുന്നു കേന്ദ്ര മന്ത്രിയുടെ വിവാദ പ്രസംഗം. |
| സഭയില്‍ പ്രതിപക്ഷ ബഹളം; ശിവന്‍കുട്ടി എം.എല്‍.എക്ക് സസ്പെന്‍ഷന്‍ Posted: 02 Dec 2014 01:13 AM PST Image:  തിരുവനന്തപുരം: ബാര്‍ കോഴ വിഷയത്തില്‍ ഇന്നും നിയമസഭയില്‍ പ്രതിപക്ഷ ബഹളം. സ്പീക്കറുടെ ഡയസിലേക്ക് കയറിയ വി. ശിവന്‍കുട്ടി എം.എല്‍.എയെ സസ്പെന്‍ഡ് ചെയ്തു. ഒരുദിവസത്തേക്കാണ് സസ്പെന്‍ഷന്‍. തുടര്‍ന്ന് സഭ ഇന്നത്തേക്ക് പിരിഞ്ഞു. പ്രതിപക്ഷ എം.എല്‍.എമാരായ ബാബു എം. പാലിശേരി, പി. ശ്രീരാമകൃഷ്ണന്‍, ടി. വി രാജേഷ്, ആര്‍. രാജേഷ് എന്നിവരെ താക്കീത് ചെയ്തിട്ടുമുണ്ട്. ബാര്‍ കോഴ വിഷയത്തില്‍ എഫ്.ഐആര്‍ രജിസ്റ്റര്‍ ചെയ്ത് അന്വേഷിക്കണമെന്നാവശ്യപ്പെട്ട് പ്രതിപക്ഷനേതാവ് വി.എസ് അച്യുതാനന്ദന്‍ സബ്മിഷന് ഉന്നയിച്ചതിന് ശേഷമാണ് ബഹളം തുടങ്ങിയത്. പ്രതിപക്ഷം ഡെപ്യൂട്ടി സ്പീക്കറുടെ ഇരിപ്പിടത്തിനടുത്തത്തെി മൈക്ക് തട്ടിയെടുത്ത് മുദ്രാവാക്യം മുഴക്കി. ബഹളത്തത്തെുടര്‍ന്ന് ഡെ.സ്പീക്കര്‍ ഇരിപ്പിടത്തില്‍ നിന്ന് ഇറങ്ങിപ്പോയി. തെളിവുകള്‍ നശിപ്പിക്കാനാണ് സര്‍ക്കാര്‍ ശ്രമിക്കുന്നതെന്ന് വി.എസ്. പറഞ്ഞു. കേസ് രജിസ്റ്റര്‍ ചെയ്യാനുള്ള വസ്തുതകള്‍ വി എസിന്‍റെ പരാതിയിലില്ലായിരുന്നുവെന്ന് ആഭ്യന്തര മന്ത്രി രമേശ് ചെന്നിത്തല വി.എസിന്‍റെ സബ്മിഷന് മറുപടി നല്‍കി. കൃത്യസമയത്ത് തന്നെ അന്വേഷണം പൂര്‍ത്തിയാക്കുമെന്നും അന്വേഷണം യു.ഡി.എഫ് ചര്‍ച്ച ചെയ്തിട്ടില്ളെന്നും വിജിലന്‍സിന് താന്‍ ഒരു നിര്‍ദ്ദശേവും നല്‍കിയിട്ടില്ളെന്നും രമേശ് ചെന്നിത്തല പറഞ്ഞു. മാണിയെ പിന്തുണച്ചത് യു.ഡി.എഫ് നേതാവെന്ന നിലയിലാണെന്നും അന്വേഷണം യു.ഡി.എഫ് ചര്‍ച്ച ചെയ്തിട്ടില്ലന്നെും ചെന്നിത്തല വ്യക്തമാക്കി. അടിയന്തര പ്രമേയത്തിന് അനുമതി നിഷേധിച്ചതില്‍ പ്രതിഷേധിച്ച് പ്രതിപക്ഷം സഭയില്‍ നിന്നിറങ്ങിപ്പോയിരുന്നു. രൂക്ഷമായ വിലക്കയറ്റം സഭ നിര്‍ത്തിവെച്ച് ചര്‍ച്ച ചെയ്യണമെന്നാവശ്യപ്പെട്ട് സി. ദിവാകരന്‍ എം.എല്‍.എയാണ് അടിയന്തര പ്രമേയത്തിന് നോട്ടീസ് നല്‍കിയത്. |
| മഹാരാഷ്ട്ര മുന്‍ മുഖ്യമന്ത്രി എ.ആര്‍ ആന്തുലെ അന്തരിച്ചു Posted: 02 Dec 2014 01:13 AM PST Image:  മുംബൈ: മഹാരാഷ്ട്രാ മുന്‍ മുഖ്യമന്ത്രിയും മുന്‍ കേന്ദ്ര മന്ത്രിയുമായ എ.ആര്‍ ആന്തുലെ(അബ്ദുല്‍ റഹ്മാന്‍ ആന്തുലെ) അന്തരിച്ചു. 85 വയസായിരുന്നു. മഹാരാഷ്ട്ര മുഖ്യമന്ത്രി സ്ഥാനത്തത്തെിയ ഏക മുസ്ലിമാണ് ആന്തുലെ. ചൊവ്വാഴ്ച രാവിലെ മുംബൈയിലെ ബ്രീച്ച് കാന്‍ഡി ആശുപത്രിയിലായിരുന്നു അന്ത്യം. വൃക്ക സംബന്ധമായ അസുഖത്തെ തുടര്‍ന്ന് കഴിഞ്ഞ മാസമാണ് ആന്തുലെയെ ആശുപത്രിയില്‍ പ്രവേശിപ്പിച്ചത്. സംസ്കാരം സ്വദേശമായ അംബറ്റില്‍ ബുധനാഴ്ച നടക്കും. |
| വായ്പാ നയം പ്രഖ്യാപിച്ചു; നിരക്കുകളില്‍ മാറ്റമില്ല Posted: 01 Dec 2014 10:20 PM PST Image:  മുംബൈ: നിരക്കുകളില്‍ മാറ്റം വരുത്താതെ റിസര്‍വ് ബാങ്ക് വായ്പാ നയം പ്രഖ്യാപിച്ചു. പലിശ നിരക്ക് കുറക്കാനുള്ള സമ്മര്‍ദ്ദത്തിനിടെയാണ് റിസര്‍വ് ബാങ്ക് വായ്പാ നയം പ്രഖ്യാപിച്ചത്. റിപ്പോ നിരക്ക് 8 ശതമാനവും റിവേഴ്സ് റിപ്പോ നിരക്ക് 7 ശതമാനവും കരുതല്‍ ധന അനുപാതം 4 ശതമാനത്തിലും നിലനിര്‍ത്തി. |
| Posted: 01 Dec 2014 10:20 PM PST Image:  മസ്കത്ത്: പ്രവാസികള്‍ക്ക് വിസ നല്‍കുന്നതിനുള്ള നിരോധം ആറ് മാസത്തേക്കു കൂടി നീട്ടി. സെയില്‍സ്, മാര്‍ക്കറ്റിങ് മേഖലകളില്‍ വിസ നല്‍കുന്നതിനുള്ള വിലക്കാണ് ആറ് മാസത്തേക്ക് കൂടി നീട്ടി തൊഴില്‍ മന്ത്രാലയം ഉത്തരവാണ് പുറപ്പെടുവിച്ചത്. തൊഴില്‍ വിപണി ക്രമീകരണവും സ്വദേശിവത്കരണവും നടപ്പാക്കുന്നതിന്‍െറ ഭാഗമായാണ് തീരുമാനം കൈക്കൊണ്ടത്. ഒരു വര്‍ഷം മുമ്പാണ് രാജ്യത്ത് വിസ നിരോധം നിലവില്‍ വന്നത്. ഇത് അവസാനിച്ച സാഹചര്യത്തിലാണ് ആറ് മാസത്തേക്ക് കൂടി നീട്ടി തീരുമാനം കൈക്കൊണ്ടത്. |
| ക്രിമിനലുകളെ പൊലീസില്‍ എടുക്കരുത് ^സുപ്രീംകോടതി Posted: 01 Dec 2014 10:09 PM PST Image:  ന്യൂഡല്‍ഹി: ക്രിമിനല്‍ കേസുകളില്‍ പ്രതികള്‍ ആയവരെ പൊലീസില്‍ എടുക്കരുതെന്ന് സുപ്രീംകോടതി. കോടതി കുറ്റവിമുക്തര്‍ ആക്കിയാല്‍ പോലും ഇത്തരക്കാരെ സേനയിലേക്ക് പരിഗണിക്കാന്‍ പാടില്ല. ഇവര്‍ പൊലീസിന്‍റെ വിശ്വാസ്യത തകര്‍ക്കും. സത്യസന്ധരും കറകളഞ്ഞ വ്യക്തിത്വത്തിന്‍റെ ഉടമകളുമായിരിക്കണം പൊലീസ് സേനയില്‍ എന്നും ജസ്റ്റിസ് ടി.എസ് താക്കൂറിന്‍റെ നേതൃത്വത്തില്‍ ഉള്ള ബെഞ്ച് ഓര്‍മിപ്പിച്ചു. കളങ്കിത വ്യക്തിത്വങ്ങളെ പോലീസ് സേനയിലേക്ക് എടുക്കരുതെന്ന മധ്യപ്രദേശ് ഹൈകോടതിയുടെ വിധിക്കെതിരെ പര്‍വേസ് ഖാന്‍ എന്നയാള്‍ സുപ്രീംകോടതിയില്‍ നല്‍കിയ ഹരജിയിലാണ് കോടതിയുടെ ഇടപെടല്‍. |
| ആഘോഷപ്പൊലിമയില്‍ യു.എ.ഇക്ക് ഇന്ന് ദേശീയദിനം Posted: 01 Dec 2014 09:58 PM PST Image:  അബുദബി/ദുബൈ: രാജ്യം 43ാമത് ദേശീയദിനം ഇന്ന് ഏറെ വര്‍ണപ്പൊലിമയോടെ കൊണ്ടാടും. എല്ലാ എമിറേറ്റുകളിലും ദിവസങ്ങള്‍ക്ക് മുമ്പേ ആഘോഷ പരിപാടികള്‍ ആരംഭിച്ചിരുന്നു. ഇവ ഇന്ന് പൂര്‍ണതയിലത്തെും. വാരാന്ത്യം അടക്കം അഞ്ച് ദിവസത്തെ അവധി കൂടി ലഭിച്ചതോടെ ദേശീയദിനം അവസ്മരണീയമാക്കാനുള്ള ഒരുക്കത്തിലാണ് സ്വദേശികള്‍ക്കൊപ്പം പ്രവാസികളും. നാടാകെ ദേശീയപതാകയുടെ ചതുര്‍വര്‍ണത്തില്‍ കുളിച്ചുനില്‍ക്കുകയാണ്. വിവിധ സര്‍ക്കാര്‍ വകുപ്പുകളും സ്ഥാപനങ്ങളും സ്വകാര്യ സ്ഥാപനങ്ങളും പ്രവാസി കൂട്ടായ്മകളുമെല്ലാം ദിവസങ്ങള്‍ക്ക് മുമ്പ് തുടക്കമിട്ട ആഘോഷപരിപാടികള്‍ ഇന്നും വരും ദിവസങ്ങളിലും തുടരും. |
| ദേശീയ ഗെയിംസ് അരികെ; സംഘാടനത്തില്‍ ധൂര്‍ത്ത്, ക്രമക്കേട് Posted: 01 Dec 2014 09:47 PM PST Image:  Subtitle: സ്പോര്‍ട്സുമായി പുലബന്ധം പോലുമില്ലാത്തവരെ സംഘാടകസമിതിയുടെ തലപ്പത്ത് തിരുകിക്കയറ്റി അഴിമതിക്കു കളമൊരുക്കുന്നതായി ആരോപണം കോഴിക്കോട്: 35ാമത് ദേശീയ ഗെയിംസിന് ആഴ്ചകള്‍ മാത്രം ശേഷിക്കെ വേദികളുടെ നിര്‍മാണം പൂര്‍ത്തിയായില്ളെങ്കിലും ധൂര്‍ത്തും കെടുകാര്യസ്ഥതയും അരങ്ങു തകര്‍ക്കുന്നു. സ്പോര്‍ട്സുമായി പുലബന്ധം പോലുമില്ലാത്തവരെ സംഘാടകസമിതിയുടെ തലപ്പത്ത് തിരുകിക്കയറ്റി അഴിമതിക്കു കളമൊരുക്കുന്നതായ ആരോപണവും ഉയര്‍ന്നു. സംഘാടകസമിതിയിലെ പ്രമുഖന് താമസിക്കാന്‍ കൊച്ചി ബൊള്‍ഗാട്ടി പാലസില്‍ ഒരു മുറിക്കു പകരം അഞ്ചു മുറികള്‍ ബുക് ചെയ്തും കോഴിക്കോട്ടത്തെിയ ഗെയിംസ് ടെക്നിക്കല്‍ കണ്ടക്ട് കമ്മിറ്റി (ജി.ടി.സി.സി) അംഗങ്ങള്‍ക്ക് കടവ് റിസോര്‍ട്ടില്‍ താമസമൊരുക്കിയും ലക്ഷങ്ങള്‍ ധൂര്‍ത്തടിച്ചതിന്‍െറ വിവരങ്ങള്‍ പുറത്തുവന്നു. കൊച്ചിയില്‍ ഒരാള്‍ക്ക് താമസിക്കാന്‍ അഞ്ചു മുറികള്‍ ബുക് ചെയ്ത അതേ സംഘാടകന്‍ തിരുവനന്തപുരം മസ്കത്ത് ഹോട്ടലിലും ഇതേവിധം തനിക്കായി മൂന്നു മുറികള്‍ ബുക് ചെയ്തു. |
| ബഹ്റൈന്‍ വനിതാ ദിനം ആഘോഷിച്ചു Posted: 01 Dec 2014 09:47 PM PST Image:  മനാമ: വിവിധ മന്ത്രാലയങ്ങളില്‍ ബഹ്റൈന്‍ വനിതാദിനത്തോടനുബന്ധിച്ച് പരിപാടികള്‍ സംഘടിപ്പിച്ചു. |
| ഇനി തെരഞ്ഞെടുപ്പ് ആരവങ്ങളിലേക്ക് Posted: 01 Dec 2014 09:44 PM PST Image:  Subtitle: പാര്‍ട്ടികള്‍ തദ്ദേശ തെരഞ്ഞെടുപ്പിന് ഒരുങ്ങിത്തുടങ്ങിയിരിക്കുന്നു. പാര്‍ട്ടികള്‍ക്കിടയിലെ വിഭാഗീയതകളും അവിശ്വാസവും കുതികാല്‍വെട്ടും അടവുനയവും നിറഞ്ഞാടുന്ന രാഷ്ട്രീയ കളരിയാണ് തദ്ദേശ തെരഞ്ഞെടുപ്പ് അടുത്ത സെപ്റ്റംബറില്‍ നടക്കുന്ന തദ്ദേശ സ്വയംഭരണ തെരഞ്ഞെടുപ്പിന് ഒരുക്കം തുടങ്ങി. വീണ്ടും അധികാരത്തിലേറാനും കൈമോശംവന്ന അധികാരം തിരിച്ചുപിടിക്കാനും മുന്നണികള്‍ അരയുംതലയും മുറുക്കുകയാണ്. സംസ്ഥാന ഭരണത്തിന്‍െറ പ്രഭവകേന്ദ്രം കൂടിയായതിനാല്‍ തിരുവനന്തപുരത്ത് മത്സരം കടുത്തതാണ്. ഇവിടെ രാഷ്ട്രീയാതിപ്രസരവും വികസനമുരടിപ്പും അഴിമതിയും ഭരണസംവിധാനങ്ങളെ ജനങ്ങളില്‍നിന്ന് അകറ്റിയിട്ടുണ്ട്. തിരുവനന്തപുരം കോര്‍പറേഷന്‍ വര്‍ഷങ്ങളായി എല്‍.ഡി.എഫിന്‍െറ കൈകളിലാണ്. ഇത്തവണ ഒരു സീറ്റിന്‍െറ ഭൂരിപക്ഷം മാത്രമാണ് ഭരണമുന്നണിക്കുള്ളത്. ആകെയുള്ള 100 സീറ്റില്‍ 51കൗണ്‍സിലര്‍മാരാണ് എല്‍.ഡി.എഫ് പക്ഷത്ത്. ആറംഗങ്ങളുള്ള ബി.ജെ.പി എല്‍.ഡി.എഫ് പക്ഷത്തോട് ഇണങ്ങി നില്‍ക്കുന്നതും ഭരണസമിതിയുടെ പദ്ധതികള്‍ക്ക് പച്ചക്കൊടികാട്ടുന്നതും യു.ഡി.എഫിന് തിരിച്ചടിയായി. പലഘട്ടങ്ങളിലും ഭരണം അട്ടിമറിക്കപ്പെടുമെന്ന അവസ്ഥയും കോര്‍പറേഷനിലുണ്ടായിരുന്നു. ബി.ജെ.പി സീറ്റുകള്‍ വര്‍ധിപ്പിക്കാനുള്ള സാധ്യതകള്‍ ഇരുമുന്നണികളും മുന്‍കൂട്ടി കാണുന്നുണ്ട്. പത്തനംതിട്ടയില്‍ തദ്ദേശ സ്ഥാപനങ്ങളില്‍ ഇടത് മേല്‍ക്കൈ തകര്‍ത്തതായിരുന്നു കഴിഞ്ഞ തെരഞ്ഞെടുപ്പ്. ജില്ലാ പഞ്ചായത്തിലും മൂന്നു നഗരസഭകളിലും എട്ട് ബ്ളോക് പഞ്ചായത്തുകളില്‍ ആറിലും 54 ഗ്രാമപഞ്ചായത്തുകളില്‍ 41ലും യു.ഡി.എഫ് ഭരണമാണ്. സി.പി.എം ബൂത്തുതല കമ്മിറ്റികള്‍ രൂപവത്കരിച്ച് വോട്ടര്‍ പട്ടികയില്‍ പേരുചേര്‍ക്കലും മറ്റ് തെരഞ്ഞെടുപ്പ് പ്രവര്‍ത്തനങ്ങളും തുടങ്ങിയിട്ടുണ്ട്. ജില്ലാ പഞ്ചായത്തിലടക്കം നടക്കുന്ന അഴിമതിയും യു.ഡി.എഫിന്‍െറ വികസന വിരുദ്ധ നിലപാടുകളും ജനങ്ങളുടെ മുന്നില്‍ അവതരിപ്പിച്ചാവും ഇടതുമുന്നണി തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പിനെ സമീപിക്കുകയെന്ന് സി.പി.എം ജില്ലാ സെക്രട്ടറി കെ. അനന്തഗോപന്‍ പറഞ്ഞു. 1.35 കോടി ചെലവഴിച്ച് സ്ഥാപിച്ച ഇ-ടോയ്ലറ്റുകള്‍ ഒന്നുപോലും പ്രവര്‍ത്തിക്കുന്നില്ല. വാഴകൃഷി പ്രോത്സാഹിപ്പിക്കാനെന്നുപറഞ്ഞ് കൊണ്ടുവന്ന 1.45 കോടിയുടെ കദളീവനം പദ്ധതി എവിടെ നടപ്പാക്കിയെന്നറിയില്ല. ജില്ലയില്‍ പാര്‍ട്ടിയും ഭരണവും ഒത്തുപോകുന്നതിനുള്ള നടപടികള്‍ക്കാണ് മുന്‍തൂക്കം നല്‍കുന്നതെന്ന് ഡി.സി.സി പ്രസിഡന്‍റ് പി. മോഹന്‍രാജ് പറയുന്നു. ഇതിന്‍െറ ഭാഗമായി കോണ്‍ഗ്രസ് ജില്ലാതലത്തില്‍ പഞ്ചായത്ത് പ്രസിഡന്‍റുമാരുടെയും പാര്‍ട്ടി നേതാക്കളുടെയും യോഗം ചേര്‍ന്നുകഴിഞ്ഞു. കഴിഞ്ഞ തെരഞ്ഞെടുപ്പ് ആലപ്പുഴയില്‍ ഇടതുപക്ഷത്തിന് ക്ഷീണമായിരുന്നു. കഷ്ടിച്ച് ഒരു ജില്ലാ പഞ്ചായത്തും ആലപ്പുഴ നഗരസഭയുമാണ് എല്‍.ഡി.എഫിന്‍െറ മുഖം രക്ഷിച്ചത്. അതില്‍തന്നെ കോണ്‍ഗ്രസ് സ്വതന്ത്രയെ ചാക്കിട്ടുപിടിച്ച് സ്റ്റാന്‍ഡിങ് കൗണ്‍സില്‍ ചെയര്‍മാന്‍ പദവി വെച്ചുനീട്ടിയാണ് ആലപ്പുഴയുടെ നഗരഭരണം കൈയടക്കിയത്. പരിമിതികള്‍ എല്‍.ഡി.എഫും പ്രത്യേകിച്ച് സി.പി.എമ്മും തിരിച്ചറിഞ്ഞ് കൃത്യമായി ഗൃഹപാഠം ചെയ്യുന്നു എന്നതിന്‍െറ തെളിവാണ് ഉറവിട മാലിന്യ നിര്‍മാര്‍ജന പദ്ധതിയുടെ ആലപ്പുഴ മോഡല്‍ കേരളത്തിലാകെ വ്യാപിപ്പിക്കാനുള്ള തീരുമാനം. വി.എസിനെയും പിണറായിയേയും ഒരേ വേദിയില്‍ പങ്കെടുപ്പിച്ച് മാലിന്യവിഷയത്തില്‍ സെമിനാര്‍ നടത്തി അവര്‍ മുന്നൊരുക്കം തുടങ്ങി. അതിനെ ചെറുക്കാന്‍ യു.ഡി.എഫും കളികള്‍ തുടങ്ങിയിട്ടുണ്ട്.തോമസ് ഐസക് എം.എല്‍.എയുടെ നേതൃത്വത്തില്‍ നടക്കുന്ന എയ്റോ ബിക് കമ്പോസ്റ്റ് പരിപാടിക്ക് എതിരെ ഡി.സി.സി പ്രസിഡന്‍റും മുന്‍ എം.എല്‍.എയുമായ എ.എ. ഷുക്കൂര്‍ സി.പി.എമ്മിനെതിരെ ഒരു മുഴം മുമ്പേ എറിഞ്ഞുകഴിഞ്ഞു. സി.പി.എമ്മിന്‍െറ കൈയിലുള്ള ജില്ലാപഞ്ചായത്ത്, ആലപ്പുഴ മുനിസിപ്പാലിറ്റിയിലും യു.ഡി.എഫ് കണ്ണുവെച്ചിട്ടുണ്ട്. മറ്റു ജില്ലകളില്‍നിന്ന് വ്യത്യസ്തമാണ് കോട്ടയത്തിന്‍െറ രാഷ്ട്രീയ ഭൂമിക. തത്ത്വശാസ്ത്രവും അടിസ്ഥാന നയവും നിലപാടുകളും മാറ്റിവെച്ച് മുന്നണികള്‍ അടവുനയം പയറ്റുന്ന ജില്ല. മതവും ജാതിയും സഭയുമെല്ലാം അതില്‍ ചേരുവയാകുന്നു. ഇടതുപക്ഷത്തിന്‍െറ സ്വാധീനത്തെ മറികടന്ന് ജില്ലയില്‍ യു.ഡി.എഫിന് മേല്‍ക്കൈനേടാന്‍ സഹായിക്കുന്നതും ഈ ഘടകങ്ങളാണ്. റബറിന്‍െറ നാട്ടില്‍ വലിക്കാനും ചുരുക്കാനും കഴിയുന്ന അവസരവാദനയങ്ങള്‍. അതിന്‍െറ ഭാഗംതന്നെയാണ് മറ്റെങ്ങുമില്ലാത്ത തരത്തിലുള്ള ഒളിഞ്ഞുംതെളിഞ്ഞുമുള്ള കേരള കോണ്‍ഗ്രസ്-ബി.ജെ.പി ബാന്ധവവും. അതിന്‍െറ പ്രതിഫലനം പലയിടത്തും കാണാം, പ്രത്യേകിച്ച് കേരള കോണ്‍ഗ്രസിന് വേരോട്ടമുള്ള കിഴക്കന്‍ മേഖലകളിലെ പഞ്ചായത്തുകളില്‍. ആ ഭാഗങ്ങളില്‍ ബി.ജെ.പി പ്രാതിനിധ്യം ഏറെയാണ്. സംസ്ഥാന രാഷ്ട്രീയത്തിലെ ചില അടിയൊഴുക്കുകള്‍ ഏറ്റവുമധികം പ്രതിഫലിച്ച ജില്ലയാണ് ഇടുക്കി. ലോക്സഭാ സീറ്റ് തര്‍ക്കവുമായി ബന്ധപ്പെട്ട് കേരള കോണ്‍ഗ്രസും കോണ്‍ഗ്രസും തമ്മിലുള്ള ബന്ധത്തിലുണ്ടായ വിള്ളലുകള്‍ ഇപ്പോഴും തുടരുന്നു. പാര്‍ലമെന്‍റ് തെരഞ്ഞെടുപ്പില്‍ തങ്ങള്‍ക്ക് സീറ്റ് നിഷേധിച്ച ഇടുക്കിയില്‍ കരുത്ത് തെളിയിക്കാനുള്ള നീക്കങ്ങളാണ് കോണ്‍ഗ്രസിനെ വെല്ലുവിളിച്ച് മാണി ഗ്രൂപ് നടത്തുന്നത്. ജില്ലയില്‍ പഞ്ചായത്ത്, സഹകരണസംഘം ഭരണസമിതികളില്‍നിന്ന് കോണ്‍ഗ്രസിനെ പുറത്താക്കാന്‍ സി.പി.എമ്മുമായി കൂട്ടുകൂടുക എന്നത് കേരള കോണ്‍ഗ്രസിന്‍െറ അപ്രഖ്യാപിത നയമായിരിക്കുന്നു. ഇത് മുതലാക്കാനുള്ള അടവുകളുമായി എല്‍.ഡി.എഫും രംഗത്തുണ്ട്. ത്രിതലപഞ്ചായത്ത് ഭരണസമിതി തെരഞ്ഞെടുപ്പുകളില്‍ കേരള കോണ്‍ഗ്രസ് ഇടതുപക്ഷവുമായി ചേര്‍ന്ന് കോണ്‍ഗ്രസിനെ പരാജയപ്പെടുത്തുന്നത് പതിവാണ്. മുന്‍ധാരണകള്‍ ലംഘിച്ച് ഇടതുപക്ഷത്തിന്‍െറ പിന്തുണയോടെ സ്ഥാനം നിലനിര്‍ത്തുന്ന രീതിയാണ് കേരള കോണ്‍ഗ്രസിന്‍േറത്. കസ്തൂരിരംഗന്‍ റിപ്പോര്‍ട്ടിന്‍െറ പേരില്‍ കോണ്‍ഗ്രസുമായി ഇടഞ്ഞുനില്‍ക്കുന്ന സഭാനേതൃത്വത്തിന്‍െറ പിന്തുണയും ഇക്കാര്യത്തില്‍ കേരള കോണ്‍ഗ്രസിന് ലഭിക്കുന്നു. കോണ്‍ഗ്രസിന് എം.പിയോ എം.എല്‍.എയോ ഇല്ലാത്ത ഏകജില്ലയാണ് ഇടുക്കി. കോണ്‍ഗ്രസിന്‍െറ ശക്തി കൂടുതല്‍ ക്ഷയിപ്പിച്ച് രാഷ്ട്രീയനേട്ടം കൊയ്യുകയാണ് കേരള കോണ്‍ഗ്രസിന്‍െറ ലക്ഷ്യം. തെരഞ്ഞെടുപ്പിന് മുന്നോടിയായ ഒരുക്കങ്ങള്‍ എല്ലാ പാര്‍ട്ടികളും താഴത്തെട്ടില്‍ ആരംഭിച്ചിട്ടുണ്ട്. പഞ്ചായത്ത് ഭരണസമിതികളിലെ പാര്‍ട്ടി പ്രതിനിധികളുടെ യോഗം ഉടന്‍ വിളിച്ചുചേര്‍ക്കുമെന്ന് ഡി.സി.സി പ്രസിഡന്‍റ് റോയി കെ. പൗലോസ് അറിയിച്ചു. കേരള കോണ്‍ഗ്രസും കോണ്‍ഗ്രസും തമ്മിലെ ഭിന്നതകള്‍ പൂര്‍ണമായി പരിഹരിച്ച് തെരഞ്ഞെടുപ്പിനെ ഒറ്റക്കെട്ടായി നേരിടാന്‍ ജില്ലയിലെ യു.ഡി.എഫിനെ സജ്ജമാക്കുമെന്നും അദ്ദേഹം പറഞ്ഞു. സി.പി.ഐ വാര്‍ഡ്തലത്തില്‍ ഒരുക്കം ആരംഭിച്ചു. ജില്ലാ സമ്മേളനത്തിനുശേഷമേ തദ്ദേശസ്ഥാപന തെരഞ്ഞെടുപ്പുമായി ബന്ധപ്പെട്ട ഒരുക്കങ്ങളിലേക്ക് കടക്കൂ എന്നും സി.പി.എം ജില്ലാ സെക്രട്ടറി എം.എം. മണി അറിയിച്ചു. ഉരുക്കുകോട്ടകളില്‍പോലും ഉരുള്‍പൊട്ടിയ തെരഞ്ഞെടുപ്പിനാണ് കഴിഞ്ഞ തവണ എറണാകുളം ജില്ല സാക്ഷ്യം വഹിച്ചത്. സംസ്ഥാനത്താകെ വീശിയടിച്ച പൊതുതരംഗത്തിനൊപ്പംനിന്ന എറണാകുളത്ത് മൃഗീയഭൂരിപക്ഷമായിരുന്നു യു.ഡി.എഫിന്. കൊച്ചി നഗരസഭയില്‍ മൂന്നു പതിറ്റാണ്ടിനുശേഷം യു.ഡി.എഫ് അധികാരത്തില്‍ തിരിച്ചത്തെി. 11 മുനിസിപ്പാലിറ്റികളില്‍ 10 എണ്ണവും സ്വന്തമാക്കിയായിരുന്നു ജില്ലയില്‍ യു.ഡി.എഫ് മുന്നേറ്റം. ത്രിതല പഞ്ചായത്തുകളില്‍ ജില്ലാ പഞ്ചായത്തിലും 14 ബ്ളോക് പഞ്ചായത്തുകളിലും യു.ഡി.എഫ് തൂത്തുവാരി. കൂടാതെ, പരമ്പരാഗത ഇടത് കേന്ദ്രങ്ങളില്‍നിന്നുപോലും ഗ്രാമപഞ്ചായത്തുകള്‍ അടര്‍ത്തിയെടുത്ത് യു.ഡി.എഫിന്‍െറ സര്‍വാധിപത്യം പൂര്‍ത്തിയാക്കി. ജില്ലയുടെ ചരിത്രത്തില്‍ വന്‍ പരാജയമേറ്റുവാങ്ങേണ്ടിവന്ന എല്‍.ഡി.എഫിന് തദ്ദേശ സ്വയംഭരണ സ്ഥാപന തെരഞ്ഞെടുപ്പിന്‍െറ ആഘാതത്തില്‍ നിയമസഭാ തെരഞ്ഞെടുപ്പിലും കാലിടറുന്ന കാഴ്ചയായിരുന്നു പിന്നീട്. നിയമസഭയിലേക്ക് ജില്ലയില്‍നിന്ന് 14ല്‍ 11പേരെയും വിജയിപ്പിച്ചയച്ച യു.ഡി.എഫ് ഉറച്ച ജനപിന്തുണയോടെ പടുത്തുയര്‍ത്തിയ ‘ഭരണസൗധങ്ങള്‍’ ഭരണകക്ഷി തന്നെ പൊളിച്ചടുക്കുന്ന കാഴ്ചകളും എറണാകുളത്ത് അരങ്ങേറി. തൃശൂരില്‍ ഫണ്ട് അനുവദിക്കുന്നതില്‍ തദ്ദേശ സ്ഥാപനങ്ങളോട് രാഷ്ട്രീയ പക്ഷപാതിത്വം കാണിക്കുന്നുവെന്ന ആക്ഷേപമില്ളെങ്കിലും ഭരിക്കുന്ന മുന്നണിയിലെ പ്രതിനിധികളുടെ വാര്‍ഡുകളോട് കൂടുതല്‍ പരിഗണന പുലര്‍ത്തുന്നുവെന്ന പ്രാദേശികമായ പരാതികള്‍ വ്യാപകമാണ്. പാര്‍ട്ടിയും ഇടതുമുന്നണിയും പ്രതിപക്ഷമായ പഞ്ചായത്തുകളില്‍ ജനകീയ വിഷയങ്ങള്‍ ഉയര്‍ത്തിക്കാട്ടി പ്രക്ഷോഭം സംഘടിപ്പിക്കുന്ന തിരക്കിലാണ് സി.പി.എം. ഭരിക്കുന്ന പഞ്ചായത്തുകളില്‍ ജനോപകാരപ്രദമായ പദ്ധതികള്‍ക്കും ഇടപെടലുകള്‍ക്കുമാണ് അവസാനത്തെ ഒരു വര്‍ഷം പാര്‍ട്ടി ശ്രദ്ധിക്കുന്നത്. മലപ്പുറത്ത് കഴിഞ്ഞ തെരഞ്ഞെടുപ്പില്‍ നേടിയ വിജയം യു.ഡി.എഫിന് ആവര്‍ത്തിക്കാനാകുമോ എന്നത് കണ്ടറിയണം. ജില്ലയില്‍ ഇടതുപക്ഷം ക്ഷീണിച്ച മട്ടാണ്. തല്‍ക്കാലം ലീഗ്-കോണ്‍ഗ്രസ് പ്രശ്നങ്ങള്‍ നിര്‍ജീവമാണ്. ഏതു നിമിഷവും തലപൊക്കാവുന്ന അവസ്ഥയിലാണ് പ്രശ്നം നിലനില്‍ക്കുന്നത്. സാമുദായിക സംഘടനകള്‍ ഒറ്റക്കെട്ടായി യു.ഡി.എഫിനൊപ്പംനിന്ന കാഴ്ചയാണ് 2010ല്‍ കണ്ടത്. ഈ അവസ്ഥ ഇപ്പോഴില്ല. പ്രത്യേകിച്ച്, സുന്നി വിഭാഗങ്ങള്‍ തമ്മില്‍ അന്നത്തെ ഐക്യം നിലനില്‍ക്കുന്നില്ല. ഭരണസ്വാധീനം ഉപയോഗിച്ച് തങ്ങളുടെ പ്രവര്‍ത്തകരെ പീഡിപ്പിക്കുന്നതിനെതിരെ എ.പി വിഭാഗം എസ്.പി ഓഫിസിലേക്ക് മാര്‍ച്ച് നടത്തുകയുമുണ്ടായി. ലീഗ് നേതൃത്വം ഇടപെട്ട് അവരുടെ പ്രശ്നങ്ങള്‍ പരിഹരിച്ചില്ളെങ്കില്‍ പ്രാദേശികമായി അത് യു.ഡി.എഫിന് ദോഷംചെയ്യും. എസ്.ഡി.പി.ഐ, വെല്‍ഫെയര്‍ പാര്‍ട്ടി കളുടെ തദ്ദേശ മേഖലയിലെ രംഗപ്രവേശം ഏതുമുന്നണിയെ ബാധിക്കുമെന്ന് ഇപ്പോള്‍ പറയാനാവില്ല. യു.ഡി.എഫിന് അനുകൂലമാണ് വയനാട്ടില്‍ ജില്ലയുടെ രാഷ്ട്രീയ ഭൂമിക. ഓരോ വാര്‍ഡിലുമെന്നപോലെ സ്ഥാനാര്‍ഥിമോഹികള്‍ പ്രത്യക്ഷപ്പെട്ട് തുടങ്ങിയിട്ടുണ്ട്. തന്ത്രങ്ങളും മറുതന്ത്രങ്ങളുമായി പാര്‍ട്ടികള്‍ സജീവമാവുകയാണ്. പുതിയ രാഷ്ട്രീയ സാഹചര്യങ്ങള്‍ കണക്കിലെടുക്കുമ്പോള്‍ പഞ്ചായത്ത് തെരഞ്ഞെടുപ്പില്‍ യു.ഡി.എഫിന് ഇപ്പോഴത്തെ മേല്‍ക്കോയ്മ അതേയളവില്‍ നിലനിര്‍ത്തുക ശ്രമകരമാകും. കസ്തൂരിരംഗന്‍, ഗാഡ്ഗില്‍ റിപ്പോര്‍ട്ടുകള്‍ ഒരിക്കല്‍കൂടി തെരഞ്ഞെടുപ്പിന്‍െറ തീയില്‍ വേവും. എന്നാല്‍, സംസ്ഥാനത്തെയും തദ്ദേശ ഭരണ സ്ഥാപനങ്ങളിലെയും ഭരണവിരുദ്ധ വികാരം മുതലെടുക്കാന്‍ എല്‍.ഡി.എഫ് കോപ്പുകൂട്ടുകയാണ്. പാര്‍ലമെന്‍റ് തെരഞ്ഞെടുപ്പില്‍ മന്ത്രി ജയലക്ഷ്മിയുടെ വാര്‍ഡില്‍പോലും യു.ഡി.എഫ് പിന്നിലായത് നല്ല സൂചനയാണെന്ന് അവര്‍ കരുതുന്നു. അതേസമയം, സി.പി.എം ഒഴികെയുള്ള മുന്നണി ഘടകകക്ഷികള്‍ക്ക് ജില്ലയില്‍ ആള്‍ബലം തുലോം കുറവാണെന്നതാണ് എല്‍.ഡി.എഫിനെ കുഴക്കുന്ന പ്രധാന ഘടകം. പാരമ്പര്യമായി അവര്‍ക്ക് ശക്തിപകരുന്ന ഗോത്രവിഭാഗക്കാരുടെ വോട്ടുകള്‍ ഇക്കുറി ധ്രുവീകരിക്കപ്പെടുമെന്ന സൂചനകളും ഉയരുന്നുണ്ട്. എങ്കിലും സി.പി.എം ഒറ്റക്കുതന്നെ തെരഞ്ഞെടുപ്പിന് മുന്നോടിയായി കളത്തില്‍ ഇറങ്ങിക്കഴിഞ്ഞു. മിക്ക പഞ്ചായത്തുകളിലും നഗരസഭയിലും അഴിമതിയും വികസനമുരടിപ്പും ആരോപിച്ച് മാര്‍ച്ചും ധര്‍ണയുമൊക്കെയായി സി.പി.എം രംഗത്തത്തെിയിരുന്നു. കോഴിക്കോട് 2010ല്‍ ഉഴുതുമറിച്ചിട്ട ചെങ്കോട്ടകളില്‍ വന്‍ കൊയ്ത്ത് നടത്താനാണ് യു.ഡി.എഫ് പുറപ്പാട്. എങ്കിലും പിടിച്ചെടുത്ത സീറ്റുകളും ഭരണസമിതികളും നിലനിര്‍ത്താനാകുമോ എന്ന ആശങ്കയിലാണവര്‍. ടി.പി. ചന്ദ്രശേഖരന്‍ വധത്തിനുശേഷം നടക്കുന്ന ആദ്യ പഞ്ചായത്ത് തെരഞ്ഞെടുപ്പില്‍ കൂടുതല്‍ നേട്ടമുണ്ടാക്കാമെന്ന് യു.ഡി.എഫ് പ്രതീക്ഷിക്കുമ്പോള്‍ വൈകാരിക പ്രശ്നങ്ങള്‍ കെട്ടടങ്ങിയെന്ന സമാധാനത്തിലാണ് എല്‍.ഡി.എഫ്. ഇടതു കോട്ടകളില്‍ വികസനമുരടിപ്പ് ഉയര്‍ത്തിക്കാട്ടിയായിരുന്നു 2010ലെ യു.ഡി.എഫ് മുന്നേറ്റം. മറ്റ് ജില്ലകളില്‍നിന്ന് വ്യത്യസ്തമായി അന്ന് കോഴിക്കോട്ട് കുറെയൊക്കെ പിടിച്ചുനില്‍ക്കാനായി എന്നത് എല്‍.ഡി.എഫിനും ആശ്വാസമായി. സി.പി.എമ്മിന് ആഴത്തില്‍ വേരോട്ടമുള്ള ജില്ലയില്‍ അതിശയിപ്പിക്കുന്ന മുന്നേറ്റമാണ് കഴിഞ്ഞതവണ യു.ഡി.എഫ് നടത്തിയത്. പാര്‍ട്ടി കമ്മിറ്റികളില്‍ കാര്യങ്ങള്‍ ചര്‍ച്ചചെയ്ത് പരിഹരിക്കുന്നതിനുപകരം പോളിങ് ബൂത്തില്‍ പ്രവര്‍ത്തകര്‍ കണക്കുതീര്‍ക്കുന്ന രീതി വന്നതോടെ പ്രാദേശിക തലത്തിലുള്ള ചെറിയ പ്രശ്നങ്ങള്‍പോലും ഇനി സി.പി.എമ്മിന് തലവേദനയുണ്ടാക്കും. മറുപക്ഷത്താകട്ടെ, മുഖ്യ ഘടകകക്ഷികളായ മുസ്ലിംലീഗും കോണ്‍ഗ്രസും തമ്മിലുള്ള ചെറിയ അസ്വാരസ്യംപോലും യു.ഡി.എഫിനെ കുഴക്കും. 38 ഗ്രാമപഞ്ചായത്തുകളും ആറ് ബ്ളോക് പഞ്ചായത്തുകളും മൂന്ന് നഗരസഭകളുമുള്ള കാസര്‍കോട് ജില്ലയില്‍ 20 ഗ്രാമ പഞ്ചായത്തുകളും മൂന്ന് ബ്ളോക് പഞ്ചായത്തുകളും രണ്ട് നഗരസഭകളും ഭരിക്കുന്നത് യു.ഡി.എഫാണ്. ജില്ലാ പഞ്ചായത്തും മൂന്ന് ബ്ളോക് പഞ്ചായത്തുകളും ഒരു നഗരസഭയും 18 ഗ്രാമപഞ്ചായത്തുകളുമാണ് എല്‍.ഡി.എഫിന്‍െറ നിയന്ത്രണത്തിലുള്ളത്. മൂന്ന് പഞ്ചായത്തുകള്‍ ഭരിക്കുന്നത് ബി.ജെ.പിയാണ്. തൊഴുത്തില്‍ക്കുത്തും സ്ഥാനമോഹവും പെരുത്ത്, കൈയിലുള്ളത് കളയുന്ന പ്രവണതയാണ് കാസര്‍കോട് യു.ഡി.എഫ് പ്രകടിപ്പിച്ചുകൊണ്ടിരിക്കുന്നത്. |
| ബാച്ലര്‍മാരെ ഒഴിപ്പിക്കാന്‍ അബ്ദുല്‍ ഫത്താഹ് അലി വരുന്നു Posted: 01 Dec 2014 09:43 PM PST Image:  കുവൈത്ത് സിറ്റി: സ്വദേശികള്‍ക്കുവേണ്ടിയുള്ള സ്വകാര്യ പാര്‍പ്പിട മേഖലകളില്‍ താമസിക്കുന്ന ബാച്ലര്‍മാര്‍ക്ക് മരണമണി മുഴങ്ങുന്നു. ഇത്തരം കേന്ദ്രങ്ങളില്‍ വാടകക്കെടുത്ത കെട്ടിടങ്ങളില്‍ ബാച്ലര്‍മാരെ താമസിപ്പിക്കുന്നതിനെതിരെ മുനിസിപ്പല്‍ മന്ത്രാലയം ശക്തമായ താക്കീത് നല്‍കിയതിന് പിന്നാലെ ഇത്തരക്കാരെ ഒഴിപ്പിക്കാന്‍ അധികൃതര്‍ ഒരുങ്ങുകയാണ്. |
| പരിസ്ഥിതി നിയമങ്ങള്‍ ബലിക്കല്ലില്‍ Posted: 01 Dec 2014 09:39 PM PST Image:  വികസനത്തിന്‍െറ പേരില്‍ വ്യാപകമായി പരിസ്ഥിതി നശീകരണം നടക്കുന്നു എന്നത് ഒരു വസ്തുതയാണ്. പരിസ്ഥിതിനാശത്തിനു പുറമെ, ജനങ്ങളെ കുടിയൊഴിപ്പിക്കുന്ന സമ്പ്രദായവും വര്‍ധിച്ചുവരുന്നു. ഇത് അനിയന്ത്രിതമായി നടക്കാതെ, പരിസ്ഥിതിയെയും പാവപ്പെട്ടവരെയും സംരക്ഷിച്ചുനിര്‍ത്തിയത് ഏതാനും നിയമങ്ങളാണ്. എന്നാല്‍, കേന്ദ്രത്തില്‍ പുതിയ സര്‍ക്കാര്‍ വന്നതോടെ കോര്‍പറേറ്റ് താല്‍പര്യങ്ങള്‍ക്ക് അനുകൂലമായി നിയമങ്ങള്‍ മാറ്റിയെഴുതാനും നീക്കം തുടങ്ങി. ആഗസ്റ്റ് ഒടുവില്‍ ടി.എസ്.ആര്‍. സുബ്രഹ്മണ്യന്‍ ഉന്നതാധികാര സമിതിയെ നിയോഗിച്ചത് ഈ നീക്കത്തിന്‍െറ ഭാഗമാണ്. സമിതി ഈയിടെ അതിന്‍െറ റിപ്പോര്‍ട്ട് സമര്‍പ്പിച്ചു. ആറു നിയമങ്ങള്‍ മാറ്റിയെഴുതാന്‍ ഉദ്ദേശിച്ചാണ് കമ്മിറ്റി രൂപവത്കരിച്ചത്. പരിസ്ഥിതി സംരക്ഷണ നിയമം (1986), വനം പരിരക്ഷാ നിയമം (1980), വന്യജീവി സംരക്ഷണ നിയമം (1972), ജലമലിനീകരണ നിയന്ത്രണ നിയമം (1974), വായുമലിനീകരണ നിയന്ത്രണ നിയമം (1981), ഇന്ത്യന്‍ വനനിയമം (1927) എന്നിവ പുന$പരിശോധിച്ച് മാറ്റിയെഴുതാനുള്ള ശിപാര്‍ശകള്‍ സമിതി നല്‍കിയിരിക്കുന്നു. കാലാനുസൃത പരിഷ്കാരങ്ങള്‍ മാറ്റങ്ങള്‍ പലപ്പോഴായി വരുത്താനായിരുന്നില്ല സമിതിയോട് നിര്‍ദേശിച്ചിരുന്നത്. അത്തരം മാറ്റങ്ങള്‍ പലപ്പോഴായി ഈ നിയമങ്ങളില്‍ വരുത്തിക്കൊണ്ടിരുന്നതാണ്. മറിച്ച്, ‘ഇപ്പോഴത്തെ ആവശ്യങ്ങളുമായി പൊരുത്തപ്പെടുംവിധം’ അവയെ മാറ്റിയെഴുതാനാണ് നിര്‍ദേശം. എന്താണ് ആ ആവശ്യങ്ങള്‍? പരിസ്ഥിതി സംരക്ഷണത്തേക്കാള്‍ ഊന്നല്‍ നല്‍കപ്പെടുന്ന ‘ആവശ്യം’, പുതിയ പദ്ധതികള്‍ കാലതാമസം കൂടാതെ പാസാക്കുക എന്നതാണ്. സമിതിക്ക് നല്‍കിയ മാര്‍ഗനിര്‍ദേശങ്ങള്‍ മാത്രമല്ല, അതിന്‍െറ ഘടനയും പ്രവര്‍ത്തനരീതിയും ഇതിന് അനുസൃതമാണ്. മുന്‍കൂട്ടി നിശ്ചയിച്ച ഏതാനും സംഘടനകളോടും വ്യക്തികളോടും മാത്രമാണ് സമിതി കൂടിയാലോചിച്ചിട്ടുള്ളത്. പദ്ധതികളുടെ ഇരകളാകാന്‍ സാധ്യതയുള്ളവര്‍ക്ക് പറയാനുള്ളത് കേള്‍ക്കാന്‍ സംവിധാനമുണ്ടായിട്ടില്ല. |
| ഒമാന്‍ അസംസ്കൃത എണ്ണയുടെ വിലയില്‍ റെക്കോഡ് തകര്‍ച്ച Posted: 01 Dec 2014 09:37 PM PST Image:  മസ്കത്ത്: അന്താരാഷ്ട്ര വിപണിയില്‍ അസംസ്കൃത എണ്ണയുടെ വില കുറയുന്ന പ്രവണത തുടരുന്ന സാഹചര്യത്തില്‍ ഒമാനില്‍നിന്നുള്ള എണ്ണ വിലയിലും വന്‍ ഇടിവ്. അഞ്ച് വര്‍ഷത്തിനിടയിലെ ഏറ്റവും കുറഞ്ഞ നിരക്കിലേക്ക് ഒമാന്‍ അസംസ്കൃത എണ്ണയുടെ വില കൂപ്പുകുത്തി. തിങ്കളാഴ്ച മാത്രം വീപ്പക്ക് 3.07 ഡോളറാണ് കുറഞ്ഞത്. നിലവില്‍ ഒരു വീപ്പ ഒമാന്‍ അസംസ്കൃത എണ്ണ 67.23 ഡോളറിനാണ് വില്‍ക്കുന്നതെന്ന് ദുബൈ മെര്‍ക്കന്‍ൈറല്‍ എക്സ്ചേഞ്ച് അറിയിച്ചു. 2010 ജുലൈക്ക് ശേഷം ആദ്യമായാണ് എണ്ണ വില 70 ഡോളറില്‍ താഴെ പോകുന്നത്. 2009 സെപ്റ്റംബറിന് ശേഷം ഏറ്റവും കുറഞ്ഞവിലയിലാണ് ഒമാന്‍ എണ്ണ ഇപ്പോള്‍ വില്‍ക്കുന്നത്. ദുബൈ മെര്‍ക്കന്‍ൈറല്‍ എക്സ്ചേഞ്ചില്‍ കഴിഞ്ഞ മൂന്നു തവണയും വ്യാപാരം നടന്നപ്പോഴും ഒമാന്‍ എണ്ണയുടെ വില തുടര്‍ച്ചയായി കുറയുകയായിരുന്നു. മൂന്നു ദിവസത്തിനിടെ 9.50 ഡോളറാണ് വിലകുറഞ്ഞത്. |
| അടിയന്തര പ്രമേയത്തിന് അനുമതി നിഷേധിച്ചു; പ്രതിപക്ഷം ഇറങ്ങിപ്പോയി Posted: 01 Dec 2014 09:33 PM PST Image:  തിരുവനന്തപുരം: അടിയന്തര പ്രമേയത്തിന് അനുമതി നിഷേധിച്ചതില്‍ പ്രതിഷേധിച്ച് പ്രതിപക്ഷം സഭയില്‍ നിന്നിറങ്ങിപ്പോയി. രൂക്ഷമായ വിലക്കയറ്റം സഭ നിര്‍ത്തിവെച്ച് ചര്‍ച്ച ചെയ്യണമെന്നാവശ്യപ്പെട്ടാണ് സി. ദിവാകരന്‍ എം.എല്‍.എയാണ് അടിയന്തര പ്രമേയത്തിന് നോട്ടീസ് നല്‍കിയത്. നിയമസഭയില്‍ മന്ത്രിമാരെ രക്ഷിക്കുന്നതിനായി ഡപ്യൂട്ടി സ്പീക്കര്‍ ശ്രമിക്കുന്നതായി പ്രതിപക്ഷം ആരോപണമുന്നയിച്ചു. പ്രതിപക്ഷ നേതാവ് വി.എസ്.അച്യുതാനന്ദന്‍ രണ്ടുതവണ ചോദ്യമുന്നയിച്ചിട്ടും ധനമന്ത്രി കെ.എം. മാണി മറുപടി നല്‍കിയില്ളെന്ന് പ്രതിപക്ഷം ആരോപിച്ചു. തുടര്‍ന്ന് പ്രതിപക്ഷം നടുത്തളത്തിലിറങ്ങി. മന്ത്രിയെക്കൊണ്ട് ഉത്തരം പറയിപ്പിക്കാന്‍ കഴിയാത്തതിനാലാണ് പ്രതിഷേധമെന്ന് വി.എസ് പറഞ്ഞു. ഭക്ഷ്യ സുരക്ഷാ ബില്‍ സര്‍ക്കാര്‍ അട്ടിമറിച്ചെന്നും പ്രതിപക്ഷം ആരോപണം ഉന്നയിച്ചു. 7 വര്‍ഷത്തിന് ശേഷമാണ് വില പുനനിര്‍ണയം നടത്തിയതെന്നും ഈ സര്‍ക്കാര്‍ 96 മാവേലിസ്റ്റോറുകള്‍ തുടങ്ങിയെന്നും ഭക്ഷ്യമന്ത്രി അനൂപ് ജേക്കബ് മറുപടി നല്‍കി. ഭക്ഷ്യസുരക്ഷാ ബില്‍ നടപ്പാക്കുമെന്ന് കേന്ദ്രത്തെ അറിയിച്ചെന്നും ഭക്ഷ്യമന്ത്രി പറഞ്ഞു. എന്നാല്‍, സംസ്ഥാനത്ത് സാമ്പത്തിക പ്രതിസന്ധിയില്ളെന്ന് ധനമന്ത്രി കെ.എം മാണി സഭയില്‍ പറഞ്ഞു. ചോദ്യോത്തര വേളയിലാണ് മാണി ഇക്കാര്യം പറഞ്ഞത്. പുതിയ തസ്തികകള്‍ സൃഷ്ടിക്കുന്നതില്‍ നിയന്ത്രണം ഏര്‍പെടുത്തിയിട്ടുണ്ടെന്നും 2015 മാര്‍ച്ച് 31 വരെയാണ് നിയന്ത്രണമെന്നും മാണി കൂട്ടിച്ചേര്‍ത്തു. റവന്യു വരുമാനത്തില്‍ ഉദ്ദേശിച്ച വര്‍ധനവില്ല. 42,663 കോടി രൂപ പൊതുവിപണിയില്‍ നിന്ന് കടമെടുത്തിട്ടുണ്ട്. വിഭവ സമാഹരമത്തിനും അധിക വിഭവ സമാഹരണത്തിനും നടപടികള്‍ സ്വീകരിക്കുമെന്നും മാണി പറഞ്ഞു. ധനമന്ത്രി ചോദ്യങ്ങള്‍ക്ക് കൃത്യമായി ഉത്തരം നല്‍കുന്നില്ളെന്നാരോപിച്ച് പ്രതിപക്ഷം ബഹളം വെക്കുകയുമുണ്ടായി.
|
| കശ്മീരിലും ഝാര്‍ഖണ്ഡിലും രണ്ടാംഘട്ട വോട്ടെടുപ്പ് പുരോഗമിക്കുന്നു Posted: 01 Dec 2014 09:32 PM PST Image:  ശ്രീനഗര്‍/റാഞ്ചി : ജമ്മുകശ്മീരിലെ 18 സീറ്റുകളിലേക്കും ഝാര്‍ഖണ്ഡിലെ 20 സീറ്റിലേക്കുമുള്ള രണ്ടാംഘട്ട വോട്ടിങ് പുരോഗമിക്കുന്നു. ഇരു സംസംഥാനങ്ങളിലും കനത്ത സുരക്ഷയാണ് ഒരുക്കിയിട്ടുള്ളത്. രണ്ട് മുന്‍ മുഖ്യമന്ത്രിമാരും ഏവ് സംസ്ഥാനമന്ത്രിമാരും ഇന്ന് ജനവിധി തേടുന്നുണ്ട്. രാവിലെ 8മുതല്‍ വൈകുന്നേരം 4വരെയാണ് വോട്ടെടുപ്പ്. കശ്മീരിലെ അഞ്ച് ജില്ലകളിലെ 18 സീറ്റിലേക്കാണ് ഇന്ന് തെരഞ്ഞെടുപ്പ് നടക്കുന്നത്. ജമ്മുവില്‍ ആറും കശ്മീരില്‍ അഞ്ചും ലഡാക്കിലെ നാലു സീറ്റുകളിലാണ് വോട്ടെടുപ്പ് പുരോഗമിക്കുന്നത്. നവംബര്‍ 25ന് നടന്ന ഒന്നാംഘട്ട വോട്ടെടുപ്പില്‍ 71 ശതമാനം പേരാണ് വോട്ട് രേഖപ്പെടുത്തിയത്. വോട്ടെടുപ്പ് നടക്കുന്ന 18 മണ്ഡലങ്ങളില്‍ ഏഴെണ്ണം നാഷണല്‍ കോണ്‍ഫറന്‍സിന്‍്റേയും മൂന്നു വീതം കോണ്‍ഗ്രസിന്‍്റേയും പി.ഡി.പിയുടേയും സിറ്റിംഗ് സീറ്റുകളാണ്. ഝാര്‍ഖണ്ഡില്‍ 223 പേരാണ് മത്സരരംഗത്തുള്ളത്. ഇതില്‍ 35 സ്ത്രീകളാണ്. മുന്‍ മുഖ്യമന്ത്രിമാരായ അര്‍ജുന്‍ മുണ്ഡ, മധി ഘോഡ എന്നിവരും മൂന്നു മന്ത്രിമാരും ജനവിധി തേടുന്നവരില്‍ ഉള്‍പ്പെടും. മാവോയിസ്റ്റ് ഭീഷണിയുള്ള ആറ് ജില്ലകളിലാണ് പോളിങ്് പുരോഗമിക്കുന്നത്. 35,000 പോളിങ്് ഓഫീസര്‍മാരെയാണ് തെരഞ്ഞെടുപ്പ് ജോലികള്‍ക്കായി നിയോഗിച്ചിരിക്കുന്നത്. |
| വായ്പാ നയം ഇന്ന്; പലിശ നിരക്ക് കുറച്ചേക്കില്ല Posted: 01 Dec 2014 09:30 PM PST Image:  ന്യൂഡല്‍ഹി: പണപ്പെരുപ്പ നിരക്ക് കുറയുകയും രാജ്യാന്തര വിപണിയിലെ അസംസ്കൃത എണ്ണ വില കാര്യമായി ഇടിയുകയും ചെയ്തെങ്കിലും ചെവ്വാഴ്ച്ച അവതരിപ്പിക്കുന്ന വായ്പാ നയത്തില്‍ റിസര്‍വ് ബാങ്ക് പലിശ നിരക്ക് കുറച്ചേക്കില്ല. പണപ്പെരുപ്പം കുറഞ്ഞെങ്കിലും പൂര്‍ണമായി ആശ്വസിക്കാവുന്ന നിലയിലല്ളെന്നാണ് കേന്ദ്ര ബാങ്ക് നല്‍കുന്ന സൂചന. അതുപോലെ എണ്ണ വില ഇന്ത്യയുടെ നിയന്ത്രണത്തില്‍ നില്‍ക്കുന്ന കാര്യമല്ളെന്നും അവര്‍ വിലയിരുത്തുന്നു. കഴിഞ്ഞ വര്‍ഷം പണപ്പെരുപ്പം ഭീമമായി വര്‍ധിച്ചിരുന്നു. ഇതിന്‍െറ അടിസ്ഥാനത്തില്‍ കണക്കാക്കുമ്പോഴാണ് പണപ്പെരുപ്പത്തില്‍ കുറവ് അനുഭവപ്പെടുന്നത്. അതുകൊണ്ടുതന്നെ വിലക്കുറവ് വിപണിയില്‍ പ്രകടവുമല്ല. 2015 മാര്‍ച്ച്-ഏപ്രില്‍ മാസത്തോടെയേ പണപ്പെരുപ്പത്തിന്‍െറ യഥാര്‍ഥ ചിത്രം ലഭിക്കൂ എന്നാണ് ആര്‍.ബി.ഐ ഗവര്‍ണര്‍ രഘുറാം രാജന്‍ ഉള്‍പ്പെടെയുള്ളവരുടെ നിലപാട്. എന്നാല്‍ മുന്‍ വായ്പാ നയങ്ങളില്‍ എന്ന പോലെ തന്നെ ഇക്കുറിയും വിപണിയില്‍ പണലഭ്യത ഉയര്‍ത്താന്‍ കേന്ദ്ര ബാങ്ക് ശ്രമിച്ചേക്കും. പണലഭ്യത ഉയര്‍ത്തുക വഴി വാണിജ്യ ബാങ്കുകളെ പലിശ നിരക്ക് കുറയ്ക്കാന്‍ പ്രേരിപ്പിക്കുക എന്ന തന്ത്രമാണ് കഴിഞ്ഞ ഏതാനും വയ്പാ നയങ്ങളില്‍ കേന്ദ്ര ബാങ്ക് സ്വീകരിക്കുന്നത്. |
| നിനവിലെത്താറില്ലേ ഇപ്പോഴുമാ കുഞ്ഞുടല്‍ Posted: 01 Dec 2014 09:25 PM PST Image:  Subtitle: ഭോപാല്‍ ദുരന്തത്തിന് മൂന്നു പതിറ്റാണ്ട് ന്യൂഡല്‍ഹി: ആഗ്രയെന്നു കേട്ടാല്‍ താജ്മഹല്‍ ഓര്‍മയിലത്തെും പോലെ ഭോപാല്‍ എന്നു കേള്‍ക്കുമ്പോള്‍ ആരും മനസ്സിലോര്‍ക്കുക ആ മുഖമാണ്. മണ്ണിലേക്കമരുമ്പോഴും കുഞ്ഞിക്കണ്ണുകളടക്കാതെ ചതികള്‍ നിറഞ്ഞ നമ്മുടെ ലോകത്തോട് പകയില്ലാതെ, കൊതിയോടെ നോക്കിക്കിടന്ന ഒരു ഇളംപൈതലിനെ. യൂനിയന്‍ കാര്‍ബൈഡ് കമ്പനിയുടെ ലാഭക്കൊതിയും അധികാരികളുടെ അനാസ്ഥയും മൂലം 1984 ഡിസംബര്‍ രണ്ടിന്‍െറ രാത്രിയില്‍ മാത്രം ശ്വാസംമുട്ടി മരിച്ചത് പേരറിയാത്ത ആ കുഞ്ഞുള്‍പ്പെടെ ഏഴായിരത്തോളം മനുഷ്യരും അനേകായിരം മറ്റു ജീവജാലങ്ങളുമാണ്. ഗുരുതര പരിക്കേറ്റ കാല്‍ ലക്ഷത്തോളം പേര്‍ക്ക് തുടര്‍ വര്‍ഷങ്ങളില്‍ ജീവന് നഷ്ടപ്പെട്ടു. ഈ വ്യാവസായിക വംശഹത്യമൂലം നിത്യരോഗികളായി മാറിയവര്‍ അതിന്‍െറ അനേകമിരട്ടി വരും. ശുദ്ധവായുവും ശുദ്ധജലവും പോലും അവര്‍ക്ക് അന്യമായി. |
| എസ്.ബി.ഐ ശരീഅ ഫണ്ട് മരവിപ്പിച്ചു Posted: 01 Dec 2014 06:47 PM PST Image:  Subtitle: രാഷ്ട്രീയ ഇടപെടലില്‍ പെട്ടെന്നുള്ള പിന്മാറ്റം ന്യൂഡല്‍ഹി: അപ്രതീക്ഷിത രാഷ്ട്രീയ ഇടപെടലിനെ തുടര്‍ന്ന് ശരീഅ ഇക്വിറ്റി മ്യൂച്വല്‍ ഫണ്ട് സമാഹരിക്കാനുള്ള തീരുമാനം സ്റ്റേറ്റ് ബാങ്ക് ഓഫ് ഇന്ത്യ മരവിപ്പിച്ചു. ഇന്ത്യയിലും വിദേശത്തും പദ്ധതി തുടങ്ങാന്‍ എസ്.ബി.ഐ എല്ലാവിധ സംവിധാനങ്ങളുമൊരുക്കിയ ശേഷമാണ് തുടങ്ങാനിരുന്ന ദിവസത്തിന് തൊട്ടുമുമ്പ് നടപ്പാക്കരുതെന്ന് നിര്‍ദേശം ലഭിച്ചത്. |
| ബാര്‍ കോഴ: ആരോപണം ഉന്നയിച്ചവര്‍പോലും തെളിവ് നല്‍കിയില്ളെന്ന് വിജിലന്‍സ് Posted: 01 Dec 2014 10:33 AM PST Image:  Subtitle: പ്രധാന സാക്ഷികളുടെ മൊഴി ലഭിക്കാത്തത് അന്വേഷണം വൈകിപ്പിക്കുന്നു കൊച്ചി: ബാര്‍ കോഴയുമായി ബന്ധപ്പെട്ട് ആരോപണമുന്നയിച്ചവരും സംഘടനാ നേതാക്കളുമടക്കമുള്ളവര്‍ തെളിവ് നല്‍കാന്‍ തയാറായിട്ടില്ളെന്ന് വിജിലന്‍സ് അന്വേഷണ സംഘം ഹൈകോടതിയില്‍. ആരോപണമുന്നയിച്ച ബാര്‍ ഹോട്ടല്‍ അസോസിയേഷന്‍ വര്‍ക്കിങ് പ്രസിഡന്‍റ് ബിജു രമേശ് അടക്കമുള്ള പ്രധാന സാക്ഷികള്‍ മൊഴി നല്‍കാന്‍ തയാറാകാത്തതുമൂലമാണ് പ്രാഥമികാന്വേഷണം പൂര്‍ത്തിയാക്കാനാവാത്തതെന്ന് വിജിലന്‍സ് ഡിവൈ.എസ്.പി എസ്. സുരേഷ്കുമാര്‍ സമര്‍പ്പിച്ച അന്വേഷണ പുരോഗതി സംബന്ധിച്ച വിശദീകരണ പത്രികയില്‍ പറയുന്നു. |
| ഇസ്രായേലില്‍ ഭരണ പ്രതിസന്ധി; സര്‍ക്കാരിനെ രക്ഷിക്കാന്‍ തിരക്കിട്ട നീക്കം Posted: 01 Dec 2014 09:59 AM PST Image:  ടെല്‍അവീവ്: പ്രധാനമന്ത്രി ബിന്യമിന്‍ നെതന്യാഹുവിനെതിരെ മുന്നണിയില്‍ പടയൊരുക്കം ശക്തമായതോടെ സര്‍ക്കാര്‍ വീഴാതിരിക്കാന്‍ അവസാന വട്ട ചര്‍ച്ചകള്‍ സജീവം. വലതുപക്ഷ കക്ഷിയായ ‘യിസ്രായേല്‍ ബെയ്തയ്നു’വിലെ അവിഗ്ദര്‍ ലീബര്‍മാനുമായി ഞായറാഴ്ച നെതന്യാഹു ചര്‍ച്ച നടത്തി. കാലാവധി പൂര്‍ത്തിയാക്കും മുമ്പ് സര്‍ക്കാര്‍ പിരിച്ചുവിടാതിരിക്കാനുള്ള അടിയന്തര നടപടികളാണ് ചര്‍ച്ചയായതെന്ന് ഒൗദ്യോഗിക വാര്‍ത്താ ഏജന്‍സി വൈനെറ്റ് അറിയിച്ചു. മന്ത്രിസഭയിലെ പ്രമുഖരും നെതന്യാഹുവിന്‍െറ പ്രധാന വിമര്‍ശകരുമായ ജ്യൂയിഷ് ഹോം പാര്‍ട്ടിയുടെ നഫ്താലി ബെനറ്റ് (ധനമന്ത്രി), ഹത്നൂവ പാര്‍ട്ടിയുടെ സിപി ലിവ്നി (നീതിന്യായ മന്ത്രി), യെഷ് അടിഡ് പാര്‍ട്ടിയിലെ യായര്‍ ലാപിഡ് എന്നിവരുമായും പ്രധാനമന്ത്രി ചര്‍ച്ച നടത്തുന്നുണ്ട്. 22 അംഗ ഇസ്രായേല്‍ മന്ത്രിസഭയില്‍ നെതന്യാഹുവിന്‍െറ ലികുഡ് പാര്‍ട്ടിക്ക് 12 പ്രതിനിധികളാണുള്ളത്. ഹത്നുവക്ക് രണ്ടും യെഷ് അടിഡിന് അഞ്ചും യിസ്രായേല്‍ ബെയ്തയ്നുവിന് മൂന്നും മന്ത്രിമാരുമുണ്ട്. ഏറ്റവുമൊടുവില്‍ ജൂത രാഷ്ട്ര ബില്ലാണ് പ്രതിസന്ധി കൂടുതല്‍ ശക്തമാക്കിയത്. സിപി ലിവ്നിക്കു പുറമെ യായര്‍ ലാപിഡും ഇതിനെ ശക്തമായി എതിര്‍ത്ത് രംഗത്തുണ്ട്. പുതിയ സര്‍ക്കാര്‍ അവതരിപ്പിക്കുന്ന ബജറ്റിനെതിരെയും പ്രതിഷേധമുണ്ട്. നിലവിലെ പ്രതിസന്ധി ഉടന്‍ പരിഹരിക്കാനായില്ളെങ്കില്‍ സര്‍ക്കാര്‍ വീഴുമെന്ന സ്ഥിതിയാണുള്ളത്. അതേ സമയം, പാര്‍ട്ടികള്‍ വിട്ടുപോയാല്‍ തീവ്ര വലതുപക്ഷ കക്ഷികളായ ഷാസ് പാര്‍ട്ടി, യഹാദത് ഹതോറ എന്നിവയെ ഉള്‍പെടുത്തി പുതിയ മന്ത്രിസഭ രൂപവത്കരിക്കാനും ശ്രമമുണ്ട്. |
| Posted: 01 Dec 2014 09:58 AM PST Image:  Subtitle: നോര്‍ത് ഈസ്റ്റ് യുനൈറ്റഡിനെതിരെ ജയം 3-0ത്തിന് മഡ്ഗാവ്: തോല്‍വിയുടെ ആദ്യ ദിനങ്ങളെ മറവിയിലേക്ക് തള്ളി ഗോവ എഫ്.സി ഇന്ത്യന്‍ സൂപ്പര്‍ ലീഗിന്‍െറ മുന്‍നിരപ്പോരാളിയായി തുടര്‍ച്ചയായ മൂന്നാം ജയവുമായി പോയന്‍റ് പട്ടികയില്‍ രണ്ടാം സ്ഥാനത്ത്. സെമിഫൈനല്‍ സാധ്യത കൂടുതല്‍ സജീവമാക്കിക്കൊണ്ട് സ്വന്തം തട്ടകമായ ഫട്ടോഡ സ്റ്റേഡിയത്തില്‍ നോര്‍ത് ഈസ്റ്റ് യുനൈറ്റഡ് എഫ്.സിയെ 3^0ത്തിന് തകര്‍ത്തെറിഞ്ഞാണ് ഗോവന്‍ പോരാളികള്‍ വിജയശ്രീലാളിതരായത്. ജയത്തോടെ 12 മത്സരങ്ങളില്‍നിന്ന് 18 പോയന്‍റുമായാണ് അത്ലറ്റികോ ഡി കൊല്‍ക്കത്തയെ മൂന്നാം സ്ഥാനത്തേക്ക് പിന്തള്ളി ഗോവ രണ്ടാമതത്തെിയത്. റോമിയോ ഫെര്‍ണാണ്ടസ്, മിറോസ്ളാവ് സ്ളെപിസ്ക, ആന്ദ്രെ സാന്‍േറാസ് എന്നിവരാണ് യുനൈറ്റഡിന്‍െറ നെഞ്ചുപിളര്‍ന്ന് ഗോവക്കായി ഗോള്‍ രക്തം വീഴ്ത്തിയത്. തോല്‍വി യുനൈറ്റഡിന്‍െറ സെമി പ്രതീക്ഷകളെ ഏതാണ്ട് തല്ലിക്കെടുത്തിയിരിക്കുകയാണ്. സ്ളെപിസ്കയുടെ സഹായത്തിന്‍െറ പിന്‍ബലത്തില്‍ 34ാം മിനിറ്റിലാണ് റോമിയോ ഗോവക്കായി ആദ്യം എതിര്‍വല കുലുക്കിയത്. ഐ.എസ്.എല്ലിലെ 100ാം ഗോളാണ് ഇന്ത്യന്‍ യുവതാരത്തിന്‍െറ ബൂട്ടിലൂടെ പിറന്നത്. യുനൈറ്റഡിന്‍െറ ഗോളിനായുള്ള ശ്രമങ്ങളെ അച്ചടക്കമാര്‍ന്ന പ്രതിരോധത്തിലൂടെ പൂട്ടിയ ഗോവ ആദ്യ പകുതിയുടെ ഇഞ്ചുറി ടൈമില്‍ ലീഡ് 2-0 ആക്കി ഉയര്‍ത്തി. യുനൈറ്റഡിന്‍െറ ആക്രമണത്തിനുള്ള ഗോവയുടെ പ്രത്യാക്രമണമായിരുന്നു ഗോളിലേക്ക് നയിച്ചത്. തന്‍െറ നേര്‍ക്കത്തെിയ കോര്‍ണര്‍ പിടിച്ചെടുത്ത്, ഗോള്‍ കീപ്പര്‍ യാന്‍ സെദ ഉയര്‍ത്തിയെറിഞ്ഞ് നല്‍കിയത് മധ്യവരയില്‍നിന്ന് പിടിച്ചെടുത്ത റോമിയോ പ്രതിരോധനിരയെ കബളിപ്പിച്ച് ഗോള്‍മുഖത്തത്തെിച്ചു. അവിടെനിന്ന് ബിക്രംജിത്തിന്‍െറ സഹായത്തോടെ സ്ളെപിസ്ക ഗോളിലേക്ക് വഴിതുറന്നു. 74ാം മിനിറ്റില്‍ യുനൈറ്റഡിന്‍െറ പ്രതീക്ഷകള്‍ക്ക് അവസാനം കുറിച്ച് സാന്‍േറാസ് ഗോവക്കായി മൂന്നാം ഗോള്‍ കണ്ടത്തെി. നാരായണന്‍ ബോക്സിന്‍െറ ഇടതുവശത്തുനിന്ന് നീട്ടിനല്‍കിയ പാസ് മൂന്നു പ്രതിരോധ താരങ്ങള്‍ ചുറ്റും നില്‍ക്കെ, സാവധാനം നിയന്ത്രിച്ച് വലയുടെ മൂലയിലേക്ക് സാന്‍േറാസ് തൊടുത്തപ്പോള്‍ യുനൈറ്റഡ് ഗോളി ടി.പി. റെഹിനേഷ് വീണ്ടും നിസ്സഹായനായി. |
| സ്പാനിഷ് ലീഗ് ബാഴ്സക്ക് നാടകീയജയം Posted: 01 Dec 2014 09:53 AM PST Image:  Subtitle: വിജയഗോള്‍ ഇഞ്ചുറി ടൈമില്‍ മഡ്രിഡ്: സ്പാനിഷ് ലീഗിലെ എവേ മത്സരത്തില്‍ വലന്‍സിയക്കെതിരെ ബാഴ്സലോണക്ക് ഏകഗോളിന്‍െറ നാടകീയ ജയം. ഗോള്‍രഹിത സമനിലയിലേക്ക് നീങ്ങുകയായിരുന്ന മത്സരത്തില്‍ ഇഞ്ചുറി ടൈമിന്‍െറ രണ്ടാം മിനിറ്റില്‍ സ്പെയിന്‍താരം സെര്‍ജിയോ ബുസ്ക്വെ്സാണ് എതിര്‍ വലകുലുക്കി ടീമിന്‍െറ മാനം കാത്തത്. ഇതോടെ പട്ടികയില്‍ ഒന്നാം സ്ഥാനത്തുള്ള റയല്‍ മഡ്രിഡുമായുള്ള പോയന്‍റ് വ്യത്യാസം രണ്ടാക്കി കുറക്കാനും ബാഴ്സക്കായി. രണ്ടാം സ്ഥാനക്കാരായ ബാഴ്സക്ക് 13 കളികളില്‍നിന്ന് 31 പോയന്‍റാണുള്ളത്. റലയിന് 33 പോയന്‍റുണ്ട്. സൂപ്പര്‍താരം ലയണല്‍ മെസി നല്‍കിയ ക്രോസില്‍ നെയ്മര്‍ തൊടുത്ത ഹെഡര്‍ വലന്‍സിയ ഗോളി തടഞ്ഞിട്ടു. റീബൗണ്ട് ചെയ്തുവന്ന് പന്ത് ക്ളോസ് റെയ്ഞ്ച്ഷോട്ടില്‍ വലയിലത്തെിച്ചാണ് ബുസ്ക്വെ് ബാഴ്സയുടെ രക്ഷകനായത്. അതേസമയം, നിരവധി അവസരങ്ങള്‍ കളഞ്ഞുകുളിച്ച വലന്‍സിയ ജയത്തിനുള്ള സുവര്‍ണാവസരം കളഞ്ഞുകുളിക്കുകയും ചെയ്തു. പലപ്പോഴും ഗോളി ക്ളോഡിയോ ബ്രാവോയുടെ തകര്‍പ്പന്‍ സേവുകളാണ് കറ്റാലിയന്‍ ക്ളബിന് തുണയായത്. മെസി, നെയ്മര്‍, സുവാറസ് ത്രയങ്ങള്‍ മുന്നേറ്റത്തിലുണ്ടായിട്ടും പെരുമക്കൊത്ത പ്രകടനം പുറത്തെടുക്കാന്‍ ബാഴ്സക്കായില്ല. മറുവശത്താകട്ടെ റോഡ്രിഗോ, നെഗ്രെഡോ എന്നിവരുടെ മികവില്‍ തുടക്കം മുതല്‍ ആഞ്ഞടിച്ച വലന്‍സിയ മിന്നുന്ന ഫോം പുറത്തെടുത്തെങ്കിലും ലക്ഷ്യം കാണുന്നതില്‍ പിഴച്ചു. 13 കളികളില്‍നിന്ന് 24 പോയന്‍റുള്ള വലന്‍സിയ പട്ടികയില്‍ അഞ്ചാം സ്ഥാനത്താണ്. |
| അരങ്ങേറ്റത്തില്‍ ഹാട്രിക്; തെയ്ജുലിന് റെക്കോഡ് Posted: 01 Dec 2014 09:52 AM PST Image:  ധാക്ക: ഏകദിന ക്രിക്കറ്റില്‍, അരങ്ങേറ്റ മത്സരത്തില്‍ ഹാട്രിക് നേട്ടം കൈവരിക്കുന്ന ആദ്യ ബൗളര്‍ റെക്കോഡ് ബംഗ്ളാദേശിന്‍െറ തെയ്ജുല്‍ ഇസ്ലാമിന്‍െറ പേരില്‍. സിംബാബ്വെക്കെതിരെയുള്ള പരമ്പരയിലെ അവസാന മത്സരത്തിലാണ് സ്പിന്‍ ബൗളറായ തെയ്ജുല്‍ അപൂര്‍വ നേട്ടം കൈപ്പിടിയിലൊതുക്കിയത്. മത്സരത്തില്‍ അഞ്ചുവിക്കറ്റിന് ജയം കുറിച്ച ബംഗ്ളാദേശ് പരമ്പര 5-0ന് തൂത്തുവാരുകയും ചെയ്തു. രണ്ട് ഓവറുകള്‍ക്കിടയിലെ പന്തിലാണ് തെയ്ജുല്‍ ഹാട്രിക് തികച്ചത്. 27ാം ഓവറിലെ അവസാന പന്തില്‍ സിംബാബ്വെ ബാറ്റ്സ്മാന്‍ തിനാഷെ പന്‍യന്‍ങ്ങരയെ (പൂജ്യം) പുറത്താക്കിയ തെയ്ജുല്‍ 29ാം ഓവറിലെ ആദ്യപന്തില്‍ നിയുംബുവിനെ (മൂന്ന്) മടക്കി. തൊട്ടടുത്ത പന്തില്‍ തെന്‍ഡായ് ചെതാരയെയും (പൂജ്യം) വീഴ്ത്തിയതോടെ റെക്കോഡിലത്തെുകയും ചെയ്തു. ആദ്യം ബാറ്റ് ചെയ്ത സിംബാബ്വെ 30 ഓവറില്‍ 128 റണ്‍സിന് എല്ലാവരും പുറത്തായി. മറുപടി ബാറ്റിങ്ങില്‍ 24.3 ഓവറില്‍ അഞ്ചുവിക്കറ്റ് നഷ്ടത്തില്‍ ബംഗ്ളാദേശ് ലക്ഷ്യം കണ്ടു. |
| ഹോങ്കോങ് പ്രക്ഷോഭം കനക്കുന്നു; സര്‍ക്കാര്‍ ആസ്ഥാനം അടച്ചിട്ടു Posted: 01 Dec 2014 09:27 AM PST Image:  Subtitle: പ്രക്ഷോഭകര്‍ മടങ്ങിവരരുതെന്ന് അന്ത്യശാസനം, സംഘര്‍ഷത്തില്‍ 40 പേര്‍ക്ക് പരിക്ക് വിക്ടോറിയ സിറ്റി: രണ്ടു മാസത്തോളമായി തുടരുന്ന സര്‍ക്കാര്‍ വിരുദ്ധ പ്രക്ഷോഭം കൂടുതല്‍ ശക്തിപ്രാപിക്കുന്നതിന്‍െറ സൂചന നല്‍കി ഹോങ്കോങ്ങിലെ സര്‍ക്കാര്‍ ആസ്ഥാനം പ്രതിഷേധക്കാര്‍ വളഞ്ഞു. പിരിഞ്ഞുപോകാനുള്ള നിര്‍ദേശം അവഗണിച്ചതിനെ തുടര്‍ന്ന് പൊലീസ് ലാത്തിച്ചാര്‍ജ് നടത്തി. പരിക്കേറ്റ 40 ഓളം പേരെ ആശുപത്രിയിലാക്കിയിട്ടുണ്ട്. 40 പേരെ അറസ്റ്റ് ചെയ്യുകയും ചെയ്തതായി റിപ്പോര്‍ട്ടുകള്‍ പൊലീസ് സ്ഥിരീകരിച്ചു. ആഴ്ചകള്‍ക്കിടെ ആദ്യമായാണ് പ്രക്ഷോഭം ആക്രമണാത്മകമാകുന്നത്. പ്രതിഷേധം ശക്തമായതോടെ തിങ്കളാഴ്ച താല്‍ക്കാലികമായി സര്‍ക്കാര്‍ ആസ്ഥാനം അടച്ചിട്ടു. നൂറുകണക്കിന് വിദ്യാര്‍ഥികളുടെ നേതൃത്വത്തിലാണ് ഭരണകേന്ദ്രമായ അഡ്മിറാലിറ്റി സെന്‍റര്‍ വളഞ്ഞത്. അക്രമസാധ്യത കണക്കിലെടുത്ത് പരിസരത്തെ കടകളും അടച്ചിട്ടു. രണ്ടുമാസമായി കുത്തിയിരിപ്പ് സമരം തുടരുന്ന പ്രക്ഷോഭകരെ പൂര്‍ണമായി തുരത്തിയിട്ടുണ്ട്. ഇനിയും സ്ഥലത്തേക്ക് മടങ്ങരുതെന്ന് പൊലീസ് കര്‍ശന നിര്‍ദേശവും നല്‍കി. ചൈനീസ് ആധിപത്യത്തില്‍ തുടരുന്ന ഹോങ്കോങ്ങിന് സമ്പൂര്‍ണ സ്വയംഭരണമാണ് പ്രക്ഷോഭകരുടെ ആവശ്യം. 2017ല്‍ നടക്കുന്ന തെരഞ്ഞെടുപ്പില്‍ ചൈന നിര്‍ണയിക്കുന്ന സ്ഥാനാര്‍ഥികള്‍ക്കുപകരം സ്വതന്ത്രമായി സ്ഥാനാര്‍ഥികളെ നിര്‍ത്താന്‍ അനുവദിക്കണമെന്നാണ് ആവശ്യം. ഹോങ്കോങ് ചീഫ് എക്സിക്യൂട്ടിവ് സി.വൈ. ലിയൂങ്ങിന്‍െറ ഓഫിസുകള്‍ വളയാന്‍ പ്രക്ഷോഭകര്‍ ഞായറാഴ്ച ആഹ്വാനം ചെയ്തതോടെയാണ് പുതിയ സംഘര്‍ഷത്തിനു തുടക്കം. ഇവരെ തടയാന്‍ തമ്പടിച്ച പൊലീസുകാര്‍ക്കെതിരെ കുപ്പികളും ഹെല്‍മറ്റുകളും കുടകളും എറിഞ്ഞതോടെ തിരിച്ച് ആക്രമിക്കുകയായിരുന്നു. ജലപീരങ്കിയും പ്രയോഗിച്ചു. സര്‍ക്കാര്‍ പ്രവര്‍ത്തനത്തെ തടസ്സപ്പെടുത്തുകയാണ് നിരന്തര പ്രക്ഷോഭത്തിന്‍െറ ലക്ഷ്യമെന്ന് വിദ്യാര്‍ഥിസംഘം നേതാവ് അലെക്സ് ചോ പറഞ്ഞു. എന്നാല്‍, ഇന്നലെ രാവിലെ അടച്ചിട്ട ഓഫിസ് ഉച്ചയോടെ വീണ്ടും തുറന്നു. പഴയ ബ്രിട്ടീഷ് ബന്ധം അന്വേഷിക്കാന്‍ യു.കെ പാര്‍ലമെന്‍റ് സംഘം ഹോങ്കോങ് സന്ദര്‍ശിക്കാനുള്ള നീക്കം കഴിഞ്ഞ ആഴ്ച ചൈന വിലക്കിയിരുന്നു. |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
No comments:
Post a Comment