‘നിര്‍മല ’ സേവനത്തിന്‍െറ 75 വര്‍ഷങ്ങള്‍ Madhyamam News Feeds |  |
- ‘നിര്‍മല ’ സേവനത്തിന്‍െറ 75 വര്‍ഷങ്ങള്‍
- പിള്ള-ഗണേഷ് തര്‍ക്കം തീരുന്നു
- ഉത്തരകൊറിയ വെടിനിര്‍ത്തല്‍ കരാറില്‍ നിന്ന് പിന്‍മാറി
- ഒളിമ്പ്യന്‍ വിജേന്ദര്‍ സിങിന് മയക്കുമരുന്ന് മാഫിയയുമായി ബന്ധമെന്ന്
- സി.പി.ഐ ബന്ധത്തിന്‍െറ പേരില്‍ കോണ്‍ഗ്രസില്‍ ഗ്രൂപ്പ് യുദ്ധം
- ജില്ലയില്‍ കുടിവെള്ളക്ഷാമം പരിഹരിക്കാന്‍ നടപടി
- നിയമം നോക്കുകുത്തി; അടൂര്‍ ബാറുകളുടെ പറുദീസ
- ചാവെസിന്റെ മൃതദേഹം എംബാം ചെയ്ത് സൂക്ഷിക്കും
- ചിറക്കുളത്തിലേക്ക് ഹോട്ടലില്‍നിന്ന് കക്കൂസ് മാലിന്യപൈപ്പ്
- സ്ത്രീയെ ഉപഭോഗവസ്തുവാക്കുന്നത് ചെറുക്കണം -ഗൗരിയമ്മ
| ‘നിര്‍മല ’ സേവനത്തിന്‍െറ 75 വര്‍ഷങ്ങള്‍ Posted: 08 Mar 2013 12:40 AM PST Image:  കോഴിക്കോട്: 75 വര്‍ഷം മുമ്പ് ധര്‍മാശുപത്രിയായി തുടങ്ങി അര നൂറ്റാണ്ടായി സ്ത്രീശാക്തീകരണത്തിന്‍െറ സാക്ഷ്യപത്രമായി മേരിക്കുന്നിലെ നിര്‍മല ആശുപത്രി. ഇറ്റലി ആസ്ഥാനമായ ‘ഉര്‍സുലിന്‍ സിസ്റ്റേഴ്സ് ഓഫ് മേരി ഉമ്മാക്കുലറ്റ്’ സന്യാസിനി സഭയിലെ കന്യാസ്ത്രീകളുടെ നേതൃത്വത്തിലാണ് ആശുപത്രിയുടെ നടത്തിപ്പ്. നഗരത്തിലും പരിസരത്തും കൂണുകള്‍ പോലെ മള്‍ട്ടി സ്പെഷാലിറ്റി ആശുപത്രികള്‍ മുളച്ചുപൊന്തിയിട്ടും ‘നിര്‍മല’യുടെ പവിത്രതക്ക് ഒരു കളങ്കവും സംഭവിച്ചിട്ടില്ലെന്നത് ചരിത്രം സാക്ഷ്യപ്പെടുത്തുന്നു. |
| Posted: 08 Mar 2013 12:24 AM PST Image:  തിരുവനന്തപുരം: രണ്ടു വര്‍ഷമായി തുടരുന്ന പിള്ള-ഗണേഷ് തര്‍ക്ക പരിഹാരത്തിന് വഴി തുറന്നു. പാര്‍ട്ടിക്ക് വിധേയനായി പ്രവര്‍ത്തിച്ചു കൊള്ളാമെന്നു മന്ത്രി ഗണേഷ് കുമാര്‍ പിതാവ് ആര്‍. ബാലകൃഷ്ണപിള്ളയെ കണ്ട് അറിയിച്ചതോടെയാണ് ഇരുവര്‍ക്കുമിടയിലെ മഞ്ഞുരുകിയത്. ശനിയാഴ്ച നടക്കുന്ന കേരള കോണ്‍ഗ്രസ് ബി യോഗത്തില്‍ ഗണേഷ് പങ്കെടുക്കും. പിള്ള ആവശ്യപ്പെടുന്നതിനുസരിച്ച് പേഴ്സണല്‍ സ്റ്റാഫില്‍ മാറ്റങ്ങള്‍ വരുത്തും. അതോടെ പാര്‍ട്ടിക്ക് ഭരണത്തില്‍ ഇടപെടാന്‍ അവസരം ലഭിക്കും. സ്ത്രീ വിവാദത്തില്‍ കുടുങ്ങി ഗതികെട്ടപ്പോള്‍ അവസാന ആശ്രയം എന്ന നിലയിലാണ് ഗണേഷ് പിള്ളയെ അഭയം പ്രാപിച്ചത്. ഇതിനു വഴിയൊരുക്കിയത് തൊഴില്‍ മന്ത്രി ഷിബു ബേബിജോണും. ചൊവ്വാഴ്ച രാത്രി തന്നെ ഗണേഷ് എന്‍.എസ്.എസ് ആസ്ഥാനത്ത് എത്തി ജി. സുകുമാരന്‍ നായരെ കണ്ട് പ്രശ്നപരിഹാരത്തിന് തയ്യറാണെന്ന് അറിയിച്ചു. പിള്ളയെ കാണാന്‍ ആയിരുന്നു ഉപദേശം. അതനുസരിച്ച് യു.ഡി.എഫ് യോഗം കഴിഞ്ഞ് ഷിബു ബേബിജോണിനൊപ്പം പിതാവിനെ കണ്ടു. പാര്‍ട്ടിയുടെ മന്ത്രി ആയി പ്രവര്‍ത്തിക്കാമെന്ന് അറിയിച്ചു. അതോടെ തര്‍ക്കങ്ങള്‍ക്ക് പരിഹാരമായി. പുതിയ വിവാദത്തില്‍ നിന്ന് തലയൂരാന്‍ ഗണേഷിന് മറ്റൊരു വഴിയും ഇല്ലായിരുന്നു. പരസ്ത്രീ വിവാദത്തില്‍ രാജി വെക്കേണ്ടി വന്നാല്‍ തീര്‍ത്താല്‍ തീരാത്ത കളങ്കവും രാഷ്ട്രീയ അന്ത്യവും ആകുമായിരുന്നു അത്. അഴിമതിക്ക് കൂട്ടു നില്‍ക്കുന്നില്ല എന്നതാണ് തന്നില്‍ പാര്‍ട്ടി കാണുന്ന കുറ്റമെന്ന് ഗണേഷ് മുമ്പ് തുറന്നടിച്ചിരുന്നു. അതൊക്കെ ഇനി ഗണേഷിനെ തിരിഞ്ഞു കുത്താന്‍ തുടങ്ങും. പി.സി ജോര്‍ജിന് ഈ വിവാദത്തില്‍ വന്‍ ലാഭമാണ്. ഇടഞ്ഞു നിന്ന കൊമ്പനെ തളച്ചതിന്റെആഹ്ളാദം ജോര്‍ജിന്റെഉള്ളിലുണ്ട്. അഴിമതിക്കാരനല്ലാത്ത മന്ത്രി എന്ന് ഇനി എത്ര കാലം പറയാന്‍ ഗണേഷിനു കഴിയുമെന്ന് കണ്ടറിയണം. |
| ഉത്തരകൊറിയ വെടിനിര്‍ത്തല്‍ കരാറില്‍ നിന്ന് പിന്‍മാറി Posted: 07 Mar 2013 11:03 PM PST Image:  പ്യോങ്യാങ്: ദക്ഷിണകൊറിയയുമായുള്ള സമാധാന കരാറില്‍ നിന്ന് ഉത്തരകൊറിയ പിന്‍മാറി. ഐക്യരാഷ്ട്രസഭ രക്ഷാസമിതി ഉത്തരകൊറിക്ക് പുതിയ ഉപരോധം പ്രഖ്യാപിച്ചതിനു പിന്നാലെയാണ് ഉത്തരകൊറിയ സമാധാനകരാറില്‍ നിന്ന് പിന്‍മാറിയത്. ഐക്യരാഷ്ട്രസഭ വഴി സാമ്പത്തിക ഉപരോധം അടിച്ചേല്‍പ്പിക്കുന്ന പക്ഷം ദക്ഷിണ കൊറിയയുമായി 1953ല്‍ ഒപ്പുവെച്ച വെടിനിര്‍ത്തല്‍ കരാറില്‍നിന്ന് പിന്മാറുമെന്ന് ഉത്തരകൊറിയ നേരത്തെ അറിയിച്ചിരുന്നു. |
| ഒളിമ്പ്യന്‍ വിജേന്ദര്‍ സിങിന് മയക്കുമരുന്ന് മാഫിയയുമായി ബന്ധമെന്ന് Posted: 07 Mar 2013 10:53 PM PST Image:  ഛഢീഗഡ്: രണ്ട് ഒളിമ്പിക്‌സുകളില്‍ ഇന്ത്യയെ പ്രതിനിധീകരിച്ച ബോക്‌സിങ് താരം വിജേന്ദര്‍ സിങിന് മയക്കുമരുന്ന് മാഫിയയുമായി ബന്ധമുള്ളതായി റിപ്പോര്‍ട്ട്. മയക്കുമരുന്ന് കടത്തുമായി ബന്ധപ്പെട്ട് അനൂപ് സിങ് ഖാലോന് എന്നയാളെ ഞായറാഴ്ച പൊലീസ് അറസ്റ്റ് ചെയ്തിരുന്നു. ഇയാളില്‍ നിന്നാണ് വിജേന്ദറിന്‍െറ പങ്കിനെക്കുറിച്ചുള്ള സൂചനകള്‍ പൊലീസിന് ലഭിച്ചത്. മറ്റൊരു ബോക്സര്‍ ആയ രാം സിങുമായും തനിക്ക് ബന്ധമുള്ളതായി അനൂപ് സിങ് ഖാലോന് സമ്മതിച്ചിട്ടുണ്ട്. ഞായറാഴ്ച മൊഹാലിയിലെ സിറാക്പൂരിലെ ഒരു ഫ്ളാറ്റില്‍ നിന്നും 130 കോടിയുടെ ഹെറോയിന്‍ പൊലീസ് പിടിച്ചെടുത്തിരുന്നു. ഫ്ളാറ്റിനു പുറത്ത് വിജേന്ദര്‍ സിങിന്‍െറ ഭാര്യയുടെ കാര്‍ കണ്ടെത്തിയെന്നും തൊട്ടടുത്ത് പാര്‍ക്ക് ചെയ്ത മറ്റൊരു കാറില്‍ 10 കിലോ മയക്കുമരുന്ന് ഉണ്ടായിരുന്നെന്നും പൊലീസ് പറയുന്നു. കാനഡയില്‍ ട്രക്ക് ഡ്രൈവറായ അനൂപ് സിങ് ഖാലോന് അന്തരാഷ്ട്ര മയക്കുമരുന്ന് മാഫിയയുമായി ബന്ധമുള്ളതായി പൊലീസ് സംശയിക്കുന്നു. വിജേന്ദറിനെയും രാം സിങിനെയും പൊലീസ് ചോദ്യം ചെയ്യാനായി വിളിപ്പിച്ചേക്കും. 2008ലെ ബീജിങ് ഒളിമ്പിക്സിലും 2006ലെ ഏഷ്യന്‍ ഗെയിംസിലും വെങ്കല മെഡല്‍ ജേതാവായിരുന്നു വിജേന്ദര്‍. |
| സി.പി.ഐ ബന്ധത്തിന്‍െറ പേരില്‍ കോണ്‍ഗ്രസില്‍ ഗ്രൂപ്പ് യുദ്ധം Posted: 07 Mar 2013 10:03 PM PST പാരിപ്പള്ളി: ക്ഷീരസംഘം തെരഞ്ഞെടുപ്പില്‍ സി.പി.ഐയുമായി സഖ്യമുണ്ടാക്കിയതിന്‍െറ പേരില്‍ കല്ലുവാതുക്കല്‍ കോണ്‍ഗ്രസ് മണ്ഡലം കമ്മിറ്റിയില്‍ ഗ്രൂപ്പ് പോര് മുറുകുന്നു. ഇളംകുളം ക്ഷീരോല്‍പാദക സഹകരണസംഘം തെരഞ്ഞെടുപ്പിലാണ് സി.പി.എമ്മിനെതിരെ കോണ്‍ഗ്രസ് -സി.പി.ഐ സഖ്യം മത്സരിച്ചത്. എന്നിട്ടും സി.പി.എം ഒറ്റക്ക് ഭൂരിപക്ഷം നേടിയിരുന്നു. പ്രവര്‍ത്തകരുടെ വികാരം മാനിക്കാതെയും ഭൂരിപക്ഷമാളുകളുടെയും അഭിപ്രായമാരായാതെയും ഒരു വിഭാഗം നേതാക്കളുണ്ടാക്കിയ രഹസ്യധാരണയാണ് സി.പി.ഐ സഖ്യമെന്നാണ് ആക്ഷേപം. തെരഞ്ഞെടുപ്പിന്ശേഷം ചേര്‍ന്ന മണ്ഡലം കമ്മിറ്റി യോഗത്തില്‍ ഇതേചൊല്ലി രൂക്ഷമായ വാക്കുതര്‍ക്കമുണ്ടായി. സ്വന്തം പാര്‍ട്ടിയെയും പ്രവര്‍ത്തകരെയും വിശ്വാസത്തിലെടുക്കാതെയും അവഗണിച്ചും സ്വന്തം താല്‍പര്യം സംരക്ഷിക്കുന്നതിനായി ഏതാനും നേതാക്കള്‍ നടത്തിയ രഹസ്യനീക്കം പാര്‍ട്ടിക്ക് പ്രദേശത്ത് തിരിച്ചടിയുണ്ടാക്കിയിരിക്കയാണെന്ന് ഒരുവിഭാഗം പറയുന്നു.അവസരവാദപരമായ സഖ്യത്തെതുടര്‍ന്ന് പ്രവര്‍ത്തകരിലുണ്ടായ നിരാശയാണ് ഒറ്റക്ക് ഭൂരിപക്ഷം നേടാന്‍ സി.പി.എമ്മിനെ സഹായിച്ചതെന്നാണ് ഒരു കൂട്ടരുടെ നിരീക്ഷണം. എ ഗ്രൂപ്പുകാരനായ പ്രമുഖ നേതാവിന്‍െറ പിന്തുണയോടെ നാലാം ഗ്രൂപ്പുകാരനായ മണ്ഡലം പ്രസിഡന്‍റും കൂട്ടാളികളും ചേര്‍ന്ന് നടത്തുന്ന പ്രവര്‍ത്തനം മേഖലയില്‍ കോണ്‍ഗ്രസിന്‍െറ തകര്‍ച്ചക്ക് വഴിവെക്കുമെന്ന് ആരോപണമുയര്‍ന്നു. എ ഗ്രൂപ്പുകാര്‍ തന്നെയാണ് ഈ ആരോപണം ഉന്നയിച്ചത്. ഇതോടെ ഗ്രൂപ്പിനുള്ളിലും ഗ്രൂപ്പ് പോര് രൂക്ഷമാകുന്ന അവസ്ഥയാണ്. |
| ജില്ലയില്‍ കുടിവെള്ളക്ഷാമം പരിഹരിക്കാന്‍ നടപടി Posted: 07 Mar 2013 09:49 PM PST കട്ടപ്പന: കടുത്ത വേനലിനെ തുടര്‍ന്ന് ജില്ല നേരിടുന്ന കുടിവെള്ള ക്ഷാമം പരിഹരിക്കുന്നതിന് നടപടി തുടങ്ങി. |
| നിയമം നോക്കുകുത്തി; അടൂര്‍ ബാറുകളുടെ പറുദീസ Posted: 07 Mar 2013 09:46 PM PST അടൂര്‍: നിയമങ്ങള്‍ ലംഘിച്ച് പ്രവര്‍ത്തിക്കുന്ന ബാറുകളും പ്രവര്‍ത്തനം ആരംഭിക്കാന്‍ കാത്തിരിക്കുന്ന ബാറുകളും അടൂരില്‍ വിവാദമാകുന്നു. ഹൈസ്കൂള്‍ കവലയില്‍ ലൈസന്‍സ് കാത്തുകിടക്കുന്ന പ്രമുഖരുടെ ബാറിന് നഗരസഭ ചെയര്‍മാന്‍ കാട്ടിയ പച്ചക്കൊടിക്കെതിരെ വെള്ളിയാഴ്ച കൗണ്‍സില്‍ യോഗത്തില്‍ ഭരണപക്ഷ അംഗങ്ങളില്‍ ഒരു വിഭാഗം ശക്തമായി എതിര്‍ക്കുമെന്ന് സൂചനയുണ്ട്. എന്നാല്‍ സി.പി.എം ഉള്‍പ്പെടെയുള്ള എല്‍.ഡി.എഫ് അംഗങ്ങള്‍ വിഷയത്തില്‍ മൗനം നടിക്കുകയാണ്. ഹൈസ്കൂള്‍ ജങ്ഷന് കിഴക്കുവശം എം.സി റോഡും കെ.പി റോഡും ഒന്നായി കടന്നുപോകുന്ന ഭാഗത്ത് സ്ഥിതിചെയ്യുന്ന ഹോട്ടലിനാണ് ബാര്‍ ലൈസന്‍സ് നല്‍കുന്നത് സംബന്ധിച്ച് വിവാദം. കേരള സര്‍വകലാശാല യു.ഐ.ടി, കരുവാറ്റ സെന്‍റ് മേരീസ് ഓര്‍ത്തഡോക്സ് പള്ളി, കരുവാറ്റ ഗവ. എല്‍.പി.എസ്, സിന്ധു ഐ.ടി.സി എന്നിവയുടെ അടുത്താണ് ഹോട്ടല്‍. സ്കൂളിലേക്കുള്ള വഴി ഹോട്ടലിനു അടുത്തുകൂടിയാണ്. ദൂരപരിധി ലംഘിച്ചാണ് ഹോട്ടലിന് ബാര്‍ ലൈസന്‍സിനായി അപേക്ഷ നല്‍കിയത്. ഹോട്ടലിന്‍െറ പ്രധാന കവാടത്തില്‍ നിന്ന് ഈ സ്ഥാപനങ്ങളിലേക്ക് 130-140 മീറ്റര്‍ ദൂരമേയുള്ളുവെന്നാണ് ആക്ഷേപം. എന്നാല്‍ ഇംഗ്ളീഷ് അക്ഷരമാലയിലെ ‘ഇസെഡ്’ ആകൃതിയില്‍ കൃത്രിമ വഴിയുണ്ടാക്കി പ്രവേശകവാടം ഇതാണെന്ന് തെറ്റിദ്ധരിപ്പിച്ചാണ് ഹോട്ടല്‍ ഉടമകള്‍ ബാര്‍ ലൈസന്‍സിനായി കാത്തിരിക്കുന്നത്. ബാറിന് ലൈസന്‍സ് നല്‍കേണ്ട എന്ന് ഭരണപക്ഷത്തെ കൗണ്‍സിലര്‍മാര്‍ വരെ ശാഠ്യം പിടിക്കുമ്പോള്‍ ഇടതുപക്ഷ കക്ഷികള്‍ക്ക് കുലുക്കമില്ലാത്തത് ദുരൂഹതയുണര്‍ത്തുന്നതാണെന്ന് മുതിര്‍ന്ന എല്‍.ഡി.എഫ് നേതാവ് പറഞ്ഞു. |
| ചാവെസിന്റെ മൃതദേഹം എംബാം ചെയ്ത് സൂക്ഷിക്കും Posted: 07 Mar 2013 09:41 PM PST Image:  Subtitle: സംസ്കാര ചടങ്ങില്‍ ഇന്ത്യയെ പ്രതിനിധീകരിച്ച് സച്ചിന്‍ പൈലറ്റ് കാരക്കസ്: വെനസ്വേലന്‍ പ്രസിഡന്റ്‌ ഊഗോ ചാവെസിന്റെ മൃതദേഹം എംബാം ചെയ്തു സൂക്ഷിക്കും. വൈസ് പ്രസിഡന്റ്‌ നിക്കോളാസ് മധുരോ അറിയിച്ചതാണ് ഇക്കാര്യം. ഔദ്യാഗിക സംസ്കാരത്തിനു ശേഷമായിരിക്കും മൃതദേഹം എംബാം ചെയ്യാനുള്ള നടപടികള്‍ ആരംഭിക്കുക. മാവോ സേ തൂങ്ങിന്റെയും ലെനിന്റെയും പോലെ ഞങ്ങളുടെ നേതാവിന്റെ മൃതദേഹവും എംബാം ചെയ്ത് സൂക്ഷിക്കും -മധുരോ പറഞ്ഞു. പ്രസിഡന്റിന്റെ കൊട്ടാരത്തിനു സമീപമുള്ള മൂസിയം ഓഫ് റെവല്യൂഷനില്‍ മൃതദേഹം എംബാം ചെയ്ത് പൊതുദര്‍ശനത്തിനായി തുറന്നുകൊടുക്കും. ഇന്ത്യയെ പ്രതിനിധീകരിച്ച് കേന്ദ്ര മന്ത്രി സച്ചിന്‍ പൈലറ്റ് സംസ്കാര ചടങ്ങുകളില്‍ പങ്കെടുക്കും. |
| ചിറക്കുളത്തിലേക്ക് ഹോട്ടലില്‍നിന്ന് കക്കൂസ് മാലിന്യപൈപ്പ് Posted: 07 Mar 2013 09:26 PM PST ഏറ്റുമാനൂര്‍: ചിറക്കുളത്തിലേക്ക് വന്‍കിട ഹോട്ടലില്‍നിന്ന് റോഡ് വെട്ടിപ്പൊളിച്ച് മാലിന്യപൈപ്പിട്ടത് വിവാദമാകുന്നു. പഞ്ചായത്തിന്‍െറ മൂക്കിന് താഴെയാണെങ്കിലും സംഭവം അധികൃതര്‍ അറിഞ്ഞിട്ടില്ലത്രേ. ഭൂമിക്കടിയിലൂടെ പത്തിഞ്ച് വലിപ്പമുള്ള പൈപ്പിലൂടെ കക്കൂസ്മാലിന്യമാണ് ശുദ്ധജലസ്രോതസ്സായ ചിറക്കുളത്തിലേക്ക് വിടുന്നത്. 35 ലക്ഷം രൂപ മുടക്കി ശുചീകരിച്ച് ചുറ്റുമതിലും കമ്പിവേലിയും കെട്ടി തിരിച്ചതാണ് കുളം. നിര്‍മാണം നടക്കുന്നതിനിടെ ഹോട്ടലില്‍നിന്ന് കക്കൂസ് മാലിന്യം ഉള്‍പ്പെടെ തള്ളിയിരുന്നതായി കണ്ടെത്തിയിരുന്നു. അന്ന് പ്രതിഷേധം ഉയര്‍ന്നതോടെ പൈപ്പ് മാറ്റി മണ്ണിട്ട് മൂടിയിരുന്നു. എക്സ്കവേറ്റര്‍ ഉപയോഗിച്ച് മണ്്ണ നീക്കിയാണ് മാലിന്യക്കുഴല്‍ കുളത്തിലേക്ക് വീണ്ടും സ്ഥാപിച്ചത്. രണ്ടര ഏക്കറില്‍ വ്യാപിച്ചുകിടന്ന ചിറക്കുളം കാലാന്തരത്തില്‍ 50 സെന്‍റ് മാത്രമായി ചുരുങ്ങി. |
| സ്ത്രീയെ ഉപഭോഗവസ്തുവാക്കുന്നത് ചെറുക്കണം -ഗൗരിയമ്മ Posted: 07 Mar 2013 09:20 PM PST ആലപ്പുഴ: ഭയാനകമായ ജീവിത സാഹചര്യത്തിലാണ് സ്ത്രീകള്‍ ജീവിക്കുന്നതെന്നും ഉപഭോഗ വസ്തുവായി സ്ത്രീയെ കാണാനുള്ള ത്വരയാണ് എങ്ങും ഉള്ളതെന്നും മുന്‍മന്ത്രി കെ.ആര്‍. ഗൗരിയമ്മ. സ്വതന്ത്രമായി പുറത്തിറങ്ങാനോ വീട്ടില്‍ കഴിയാനോ സ്ത്രീകള്‍ക്ക് പറ്റുന്നില്ല. ഇത്തരം ജീര്‍ണ സംസ്കാരത്തെ ചെറുക്കാന്‍ രാഷ്ട്രീയ-മത-ജാതി ചിന്തകള്‍ക്ക് അതീതമായ കൂട്ടായ്മ രൂപപ്പെടണമെന്നും അവര്‍ പറഞ്ഞു. ആലപ്പുഴ നഗരസഭയുടെയും കുടുംബശ്രീയുടെയും ആഭിമുഖ്യത്തില്‍ നടന്ന സാര്‍വദേശീയ മഹിളാ ദിനാചരണം ടൗണ്‍ഹാളില്‍ ഉദ്ഘാടനം ചെയ്യുകയായിരുന്നു ഗൗരിയമ്മ |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment