നയതന്ത്രപ്രതിനിധികളുടെ സഹായികള്‍ക്ക് രജിസ്ട്രേഷന്‍ അമേരിക്ക കര്‍ശനമാക്കി Madhyamam News Feeds |  |
- നയതന്ത്രപ്രതിനിധികളുടെ സഹായികള്‍ക്ക് രജിസ്ട്രേഷന്‍ അമേരിക്ക കര്‍ശനമാക്കി
- ഈജിപ്തില്‍ ഹിതപരിശോധനക്കിടെ സംഘര്‍ഷം
- സ്വകാര്യ മേഖലയില്‍ സ്വദേശിവത്കരണം പത്തുമടങ്ങാക്കും
- 41 കല്‍ക്കരിപ്പാടങ്ങളുടെ അനുമതി റദ്ദാക്കും -കേന്ദ്രം
- സിറിയ : എന്‍.ജി.ഒകളുടെ കൂട്ടായ്മയില്‍ 40 കോടി ഡോളറിന്റെ സഹായ വാഗ്ദാനം
- നിയമ മേഖലയിലെ ലൈംഗികാരോപണം അന്വേഷിക്കാന്‍ പ്രത്യേക സംവിധാനം
- മോഷ്ടിക്കപ്പെട്ട ഇന്ത്യന്‍ പൗരാണിക ശില്‍പങ്ങള്‍ അമേരിക്ക തിരികെ നല്‍കി
- ആണവോര്‍ജം: ഇറാന്‍ പറയുന്നത് ശരിയെന്ന് ശൈഖ് മുഹമ്മദ്
- സ്വര്‍ണവില വീണ്ടും കുറഞ്ഞു; പവന് 21,920 രൂപ
- ഡല്‍ഹിയില്‍ വിദേശവനിത കൂട്ടമാനഭംഗത്തിന്നിരയായി
| നയതന്ത്രപ്രതിനിധികളുടെ സഹായികള്‍ക്ക് രജിസ്ട്രേഷന്‍ അമേരിക്ക കര്‍ശനമാക്കി Posted: 14 Jan 2014 11:32 PM PST Image:  വാഷിങ്ടണ്‍: വിദേശ നയതന്ത്ര പ്രതിനിധികളുടെ സഹായത്തിനായി എത്തുന്ന വീട്ടുജോലിക്കാരുടെയും സഹായികളുടെയും രജിസ്ട്രേഷന്‍ അമേരിക്ക കര്‍ശനമാക്കി. ഇന്ത്യന്‍ നയതന്ത്രപ്രതിനിധി ദേവയാനി കോബ്രഗെഡെക്കെതിരായ വിസാ തട്ടിപ്പ് കേസിന്‍െറ പശ്ചാത്തലത്തിലാണ് അമേരിക്കന്‍ നടപടി. എന്നാല്‍ ദേവയാനി വിഷയമാണ് നടപടിക്ക് കാരണമെന്ന് യു.എസ് അധികൃതര്‍ സമ്മതിച്ചിട്ടില്ല. മനുഷ്യക്കടത്ത്, വ്യാജ വിസയില്‍ ജോലി ചെയ്യല്‍ എന്നിവക്കെതിരായ ഫെഡറല്‍ സ്ട്രാറ്റജിക് ആക്ഷന്‍ പ്ളാനിന്‍െറ ഭാഗമായാണ് അമേരിക്കന്‍ നടപടി. എ-3, ജി-5 ജോലിക്കാരുടെ സുരക്ഷ ഉറപ്പാക്കുകയാണ് ലക്ഷ്യം. അന്താരാഷ്ട്ര സ്ഥാപനങ്ങളുടെയും ആഭ്യന്തര-വിദേശ രാജ്യങ്ങളില്‍ നിന്നുള്ള പ്രതിനിധികളുടെയും സഹായികളായി ജോലി ചെയ്യുന്നവരാണ് അമേരിക്കയില്‍ എത്തിയാലുടന്‍ രജിസ്ട്രേഷന്‍ നടത്തേണ്ടത്. ആഭ്യന്തര ജോലിക്കാര്‍ക്കും വിദ്യാഭ്യാസം അടിസ്ഥാനമാക്കിയുള്ള കുടിയേറ്റ വിസാ അപേക്ഷകര്‍ക്കായും ബോധവത്കരണ വിഡിയോ പുറത്തിറക്കും. യു.എസ് എംബസികളിലെയും കോണ്‍സുലെറ്റുകളിലെയും അപേക്ഷകര്‍ക്കുള്ള വിശ്രമമുറികളില്‍ വിവിധ ഭാഷകളില്‍ വിഡിയോ പ്രദര്‍ശിപ്പിക്കാനും തീരുമാനിച്ചിട്ടുണ്ട്. മനുഷ്യക്കടത്തിന് ഇരയായവര്‍ക്ക് മാനുഷിക പരിഗണന ഉറപ്പാക്കുന്നതിന്‍െറ ഭാഗമായാണ് രജിസ്ട്രേഷന്‍ കര്‍ശമാക്കിയതെന്ന് പ്രസിഡന്‍റ് ബറാക് ഒബാമ പറഞ്ഞു. |
| ഈജിപ്തില്‍ ഹിതപരിശോധനക്കിടെ സംഘര്‍ഷം Posted: 14 Jan 2014 11:30 PM PST Image:  കൈറോ: സൈനിക ഭരണകൂടത്തിന്‍്റെ പുതിയ ഭരണഘടനക്ക് അംഗീകാരം നേടാനുള്ള ഹിത പരിശോധനക്കിടെ ഈജിപ്തില്‍ സംഘര്‍ഷം. 5.3കോടി ജനങ്ങള്‍ ഹിതപരിശോധനയില്‍ ഭാഗഭാക്കാവുന്നുണ്ടെന്നാണ് ഒൗദ്യോഗിക ഭാഷ്യമെങ്കിലും മുന്‍ പ്രസിഡന്‍്റ് മുഹമ്മദ് മുര്‍സിയെ പട്ടാള അട്ടിമറിയിലൂടെ പുറത്താക്കി അധികാരത്തിലേറിയ സര്‍ക്കാറിന്‍്റെ ഭരണഘടനയെ അംഗീകരിക്കാന്‍ നല്ളൊരു ശതമാനം ജനങ്ങളും തയ്യാറായിട്ടില്ല. മുസ്ലിം ബ്രദര്‍ഹുഡ് ഹിത പരിശോധന ബഹിഷ്കരിക്കുന്നതായി പ്രഖ്യാപിച്ചിട്ടുമുണ്ട്. ഇന്നലെ തുടങ്ങിയ ഹിതപരിശോധനയുടെ ആദ്യ ഘട്ടം സമാധാനപരമായിരുന്നുവെങ്കിലും പോളിംഗ് സ്റ്റേഷനുകള്‍ക്കു മുന്നില്‍ അക്രമങ്ങളും ആഹ്ളാദപ്രകടങ്ങളും ഇടകലര്‍ന്ന ദൃശ്യങ്ങള്‍ ആണ് ടെലിവിഷനുകള്‍ പിന്നീട് പുറത്തുവിട്ടുകൊണ്ടിരിക്കുന്നത്. ഹിതപരിശോധനക്കെതിരായി നടക്കുന്ന മാര്‍ച്ചിനെ പട്ടാളം നേരിട്ടതിനെ തുടര്‍ന്ന് ഇതുവരെ 11 പേരെങ്കിലും മരിച്ചതായും 28 പേര്‍ക്ക് പരിക്കേറ്റതായും റിപോര്‍ട്ടുകള്‍ സൂചിപ്പിക്കുന്നു. പ്രതിഷേധങ്ങളെ നേരിടാന്‍ രാജ്യത്തുടനീളം രണ്ടു ലക്ഷത്തോളം സരക്ഷാസൈനികരെയും ഒന്നര ലക്ഷത്തിലേറെ സൈനികരെയും ആണ് പട്ടാള ഭരണകൂടം വിന്യസിച്ചിരിക്കുന്നത്. സൈനിക ഭരണകൂടം നിയമിച്ച 50 അംഗ സമിതിയാണ് പുതിയ ഭരണഘടന തയാറാക്കിയത്. മുര്‍സി പ്രസിഡന്‍റായിരിക്കെ ആവിഷ്കരിച്ച് ഹിതപരിശോധനയിലൂടെ അംഗീകാരം നേടിയ ഭരണഘടന ദേഭഗതി ചെയ്താണ് പുതിയ ഭരണഘടനക്ക് രൂപംനല്‍കിയത്. ഇതില്‍, പ്രതിരോധ മന്ത്രിയെ സൈന്യം തീരുമാനിക്കും (വകുപ്പ് 234), സിവിലിന്‍മാരെ സൈനിക വിചാരണ നടത്തും(വകുപ്പ് 204), മതാടിസ്ഥാനത്തിലുള്ള പാര്‍ട്ടികള്‍ നിരോധിക്കും(വകുപ്പ് 54) എന്നിവക്കെതിരെയാണ് ജനം പ്രതിഷേധവുമായി രംഗത്തത്തെിയത്. |
| സ്വകാര്യ മേഖലയില്‍ സ്വദേശിവത്കരണം പത്തുമടങ്ങാക്കും Posted: 14 Jan 2014 10:53 PM PST Image:  Subtitle: യു.എ.ഇ ദേശീയ അജണ്ട പുറത്തിറക്കി ദുബൈ: വികസനത്തിന് വേഗം കൂട്ടാന്‍ ലക്ഷ്യമിട്ടുകൊണ്ട് അടുത്ത ഏഴു വര്‍ഷത്തേക്കുള്ള യു.എ.ഇയുടെ ദേശീയ അജണ്ട യു.എ.ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന്‍ റാശിദ് ആല്‍ മക്തൂം ഇന്നലെ പുറത്തിറക്കി. സ്വകാര്യ മേഖലയില്‍ സ്വദേശിവത്കരണം നിലവിലുള്ളതിന്റെ പത്തു മടങ്ങായി വര്‍ധിപ്പിക്കാന്‍ അജണ്ട ലക്ഷ്യമിടുന്നതായി ശൈഖ് മുഹമ്മദ് വ്യക്തമാക്കി. |
| 41 കല്‍ക്കരിപ്പാടങ്ങളുടെ അനുമതി റദ്ദാക്കും -കേന്ദ്രം Posted: 14 Jan 2014 10:33 PM PST Image:  ന്യൂഡല്‍ഹി: സ്വകാര്യകമ്പനികള്‍ക്ക് അനുവദിച്ച 41 കല്‍ക്കരിപ്പാടങ്ങളുടെ ലൈസന്‍സ് റദ്ദാക്കുമെന്ന് കേന്ദ്രസര്‍ക്കാര്‍ സുപ്രീംകോടതിയില്‍. രേഖകള്‍ ഹാജരാക്കത്തവരുടെ ഖനനാനുമതി റദ്ദാക്കുമെന്നും സര്‍ക്കാര്‍ കോടതിയെ അറിയിച്ചു. അനുമതി ലഭിച്ചവര്‍ക്ക് രേഖകള്‍ ഹാജരാക്കാന്‍ ആറ് ആഴ്ചത്തെ സമയം അനുവദിച്ചിട്ടുണ്ട്. ഇതുസംബന്ധിച്ച് കല്‍ക്കരിപ്പാടം ലൈസന്‍സ് ലഭിച്ച കമ്പനികളുടെ പ്രതികരണം ആരാഞ്ഞ് ആറാഴ്ച്ചക്കകം തീരുമാനം അറിയിക്കാമെന്നും കേന്ദ്രം കോടതിയെ അറിയിച്ചു. കേസില്‍ സി.ബി.ഐ സമര്‍പ്പിച്ച അന്വേഷണ പുരോഗതി റിപ്പോര്‍ട്ട് സുപ്രീംകോടതി ഇന്ന് പരിഗണിക്കാനിരിക്കെയാണ് കേന്ദ്രത്തിന്‍്റെ പ്രതികരണം. 1993-2009 കാലഘട്ടങ്ങളിലായി 195 കല്‍ക്കരിപ്പാടങ്ങള്‍ വില്‍പന നടത്തിയതിലെ ക്രമക്കേടുകള്‍ ആണ് സി.ബി.ഐ അന്വേഷിക്കുന്നത്. ഇതില്‍ ഫയല്‍ ചെയ്തിരിക്കുന്ന ആറു കേസുകളില്‍ ഇതിനകം അന്വേഷണം പുര്‍ത്തിയാക്കിയതായാണ് സി.ബി.ഐ കോടതിയെ അറിയിച്ചിരിക്കുന്നത്.പ്രധാനമന്ത്രിക്കടക്കം പങ്കുണ്ടെന്ന് ആരോപണമുയര്‍ന്ന ഈ കേസിന്‍്റെ ഗതി ഏറെ നിര്‍ണായകമാണ്. അറുപത് കല്‍ക്കരിപ്പാടങ്ങളുടെ വിതരണത്തില്‍ ക്രമക്കേട് കണ്ടത്തൊതിനാല്‍ കേസുകള്‍ പിന്‍വലിക്കാന്‍ സി.ബി.ഐ നേരത്തെ കോടതിയുടെ അനുമതി തേടിയിരുന്നു. സ്വകാര്യ കമ്പനികളായ ഹിന്‍ഡാല്‍കോ, ജാര്‍ഖണ്ഡ് ഇസ്പാറ്റ്, ജെ.എ.എസ്. ഇന്‍ഫ്രാസ്ട്രക്ചര്‍ ക്യാപിറ്റല്‍, എ.എം.ആര്‍. അയണ്‍ ആന്‍ഡ് സ്റ്റീല്‍, ജെ.എല്‍.ഡി. യവത്മാല്‍, ഗ്രേസ് ഇന്‍ഡസ്ട്രീസ്, വിനി അയണ്‍ ആന്‍ഡ് സ്റ്റീല്‍, വികാശ് മെറ്റല്‍സ്, റാഥി സ്റ്റീല്‍ ആന്‍ഡ് പവര്‍, കമല്‍ സ്പോഞ്ച്, പുഷ്പ് സ്റ്റീല്‍, ബി. എല്‍.എ. ഇന്‍ഡസ്ട്രീസ്, കാസ്ട്രോണ്‍ ടെക്നോളജീസ് തുടങ്ങി 41 കമ്പനികള്‍ക്കാണ് ലൈസന്‍സ് ലഭിച്ചത്. |
| സിറിയ : എന്‍.ജി.ഒകളുടെ കൂട്ടായ്മയില്‍ 40 കോടി ഡോളറിന്റെ സഹായ വാഗ്ദാനം Posted: 14 Jan 2014 10:18 PM PST Image:  കുവൈത്ത് സിറ്റി: കുവൈത്ത് ആതിഥ്യമരുളുന്ന രണ്ടാമത് സിറിയന്‍ സഹായ ഉച്ചകോടിയുടെ മുന്നോടിയായി ചൊവ്വാഴ്ച നടന്ന അന്താരാഷ്ട്ര എന്‍.ജി.ഒകളുടെ കൂട്ടായ്മയില്‍ 40 കോടി ഡോളറിന്റെ സഹായ വാഗ്ദാനം ലഭിച്ചു. |
| നിയമ മേഖലയിലെ ലൈംഗികാരോപണം അന്വേഷിക്കാന്‍ പ്രത്യേക സംവിധാനം Posted: 14 Jan 2014 09:59 PM PST Image:  ന്യൂദല്‍ഹി: നിയമ രംഗത്തുള്ളവര്‍ക്കെതിരായ ലൈംഗിക ആരോപണം അന്വേഷിക്കാന്‍ പ്രത്യേക സംവിധനം വേണമെന്ന് സുപ്രീംകോടതി. സുപ്രീംകോടതി മുന്‍ ജഡ്ജ് സ്വതന്ത്രകുമാറിനെതിരായ നിയമ വിദ്യാര്‍ഥിനിയുടെ ഹരജി പരിഗണിക്കവെയാണ് കോടതിയുടെ നിദേശം. സുപ്രീംകോടതി, ഹൈകോടതി, ജില്ലാ കോടതികള്‍ എന്നിവ അന്വേഷണത്തിന്‍്റെ പരിധിയില്‍ വരും. ഈ സംവിധാനം രൂപീകരിക്കുന്നതിന് മുതിര്‍ന്ന അഭിഭാഷകരായ ഫാലി എസ്.നരിമാന്‍, കെ.കെ വേണുഗോപാല്‍ എന്നിവരെ അമികസ് ക്യൂറിയായി കോടതി നിയോഗിച്ചു. ഇക്കാര്യത്തില്‍ അഭിപ്രായം തേടി അറ്റോര്‍ണി ജനറല്‍ ജി വഹന്‍വതിക്ക് കോടതി നോട്ടീസ് അയക്കുകയും ചെയ്തു. 2011ല്‍ ഇന്‍്റേണ്‍ഷിപ്പ് ചെയ്യാനത്തെിയ തന്നെ സ്വതന്ത്ര കുമാര്‍ ലൈംഗികമായി പീഡിപ്പിച്ചു എന്നാണ് നിയമ വിദ്യാര്‍ഥിനിയുടെ പരാതി. തനിക്ക് പരാതി നല്‍കാന്‍ ഒരു നിയമ വേദി ഇല്ളേ എന്ന് പെണ്‍കുട്ടി പരാതിയില്‍ ഉന്നയിച്ചിരുന്നു. ഇതിനുള്ള പ്രതികരണമായാണ് കോടതിയുടെ നിര്‍ദേശം. എന്നാല്‍, സ്വതന്ത്ര കുമാരിനെതിരായ പരാതിയില്‍ ഇപ്പോള്‍ തല്‍ക്കാലം അഭിപ്രായം പറയുന്നില്ളെന്നു പറഞ്ഞ കോടതി നിയമ ബിരുദം നേടിയിട്ടും പരാതി നല്‍കാന്‍ രണ്ടു വര്‍ഷം എടുത്തത് എന്ത് കൊണ്ടാണെന്നും പെണ്‍കുട്ടിയോട് ചോദിച്ചു. ദേശീയ ഹരിത ട്രൈബ്യൂണലിന്‍്റെ അധ്യക്ഷനാണിപ്പോള്‍ ആരോപണവിധേയനായ സ്വതന്ത്ര കുമാര്‍. തനിക്കെതിരുള്ള ആരോപണങ്ങള്‍ അദ്ദേഹം നിഷേധിച്ചിട്ടുണ്ട്. നേരത്തെ മറ്റൊരു സുപ്രീംകോടതി മുന്‍ ജഡ്ജ് എ.കെ ഗാംഗുലിക്കെതിരെ നിയമ വിദ്യാര്‍ഥിനി പരാതിയുമായി കോടതിയെ സമീപിച്ചിരുന്നു. സംഭവം വിവാദമായതോടെ പശ്ചിമ ബംഗാള്‍ മനുഷ്യാവകാശ കമ്മീഷന്‍ സ്ഥാനത്തു നിന്ന് ഗാംഗുലിക്ക് രാജി വെക്കേണ്ടി വന്നു. |
| മോഷ്ടിക്കപ്പെട്ട ഇന്ത്യന്‍ പൗരാണിക ശില്‍പങ്ങള്‍ അമേരിക്ക തിരികെ നല്‍കി Posted: 14 Jan 2014 09:58 PM PST Image:  ന്യൂയോര്‍ക്ക്: ഇന്ത്യയില്‍ നിന്ന് മോഷ്ടിക്കപ്പെട്ട പൗരാണിക ശില്‍പങ്ങള്‍ അമേരിക്ക തിരികെ നല്‍കി. ന്യൂയോര്‍ക്കിലെ ഇന്ത്യന്‍ കോണ്‍സുലെറ്റില്‍ നടന്ന ചടങ്ങില്‍ കോണ്‍സല്‍ ജനറല്‍ ധ്യാനേശ്വര്‍ മുലേക്കാണ് പ്രതിമകള്‍ കൈമാറിയത്. അമേരിക്കന്‍ ആഭ്യന്തര സുരക്ഷാ ഏജന്‍സിയാണ് മോഷ്ടിക്കപ്പെട്ട ശില്‍പങ്ങള്‍ കണ്ടെടുത്ത്. 1.5 ദശലക്ഷം അമേരിക്കന്‍ ഡോളര്‍ വിലമതിക്കുന്ന ശില്‍പങ്ങള്‍ ഇന്ത്യയിലെ ക്ഷേത്രങ്ങളില്‍ നിന്നാണ് മോഷ്ടിക്കപ്പെട്ടത്. 11-12 നൂറ്റാണ്ടില്‍ ചുവന്ന കല്ലില്‍ തീര്‍ത്തതാണ് വിഷ്ണുലക്ഷ്മി, വിഷ്ണുപാര്‍വതി, ബോധിസത് വ ശില്‍പങ്ങള്‍. അമേരിക്കയിലെ കരകൗലശ വ്യാപാരികള്‍ വില്‍പന നടത്താന്‍ ശ്രമിക്കുന്നതിനിടെയാണ് ശില്‍പങ്ങള്‍ പിടിച്ചെടുത്തത്. അമൂല്യമായ ശില്‍പങ്ങള്‍ കൈമാറിയതിലൂടെ ഇന്ത്യയുമായി മികച്ച സഹകരണത്തിനാണ് തുടക്കമിട്ടതെന്ന് ആഭ്യന്തര സുരക്ഷാ ഏജന്‍സി എക്സിക്യൂട്ടീവ് അസോസിയെറ്റ് ഡയറക്ടര്‍ ജയിംസ് ഡിന്‍കിന്‍സ് പറഞ്ഞു. ഒരു രാജ്യത്തിന്‍െറ സാംസ്കാരിക പൈതൃകമാണ് മോഷ്ടിക്കപ്പെട്ടത്. ഇത് പൊറുക്കാവുന്ന തെറ്റല്ളെന്നും അദ്ദേഹം വ്യക്തമാക്കി. ദേവയാനി വിഷയത്തില്‍ കര്‍ക്കശ നിലപാട് വിദേശകാര്യ മന്ത്രി സല്‍മാന്‍ ഖുര്‍ഷിദ് ആവര്‍ത്തിച്ചതിന് പിന്നാലെയാണ് അമേരിക്ക ശില്‍പങ്ങള്‍ ഇന്ത്യക്ക് കൈമാറിയത്. ഈ നീക്കത്തിലൂടെ ഇന്ത്യയുമായി സൗഹൃദത്തിന്‍്റെ പുതിയ പാത തുറക്കാനാണ് അമേരിക്കയുടെ ശ്രമം. |
| ആണവോര്‍ജം: ഇറാന്‍ പറയുന്നത് ശരിയെന്ന് ശൈഖ് മുഹമ്മദ് Posted: 14 Jan 2014 09:12 PM PST Image:  ദുബൈ: ആണവ വിഷയത്തില്‍ ഇറാനെതിരായ ഉപരോധം പിന്‍വലിക്കണമെന്നും അതുകൊണ്ട് എല്ലാവര്‍ക്കും ഗുണമുണ്ടാകുമെന്നും യു.എ.ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന്‍ റാശിദ് ആല്‍ മക്തൂം. ബി.ബി.സി വേള്‍ഡ് ന്യൂസിന് നല്കിയ അഭിമുഖത്തിലാണ് ശൈഖ് മുഹമ്മദ് ഈ അഭിപ്രായപ്രകടനം നടത്തിയത്. ഇറാന്‍ ഞങ്ങളുടെ അയല്‍ക്കാരാണ്.അവരുമായി ഒരു പ്രശ്നത്തിനും യു.എ.ഇ ആഗ്രഹിക്കുന്നില്ല. സിവിലിയന്‍ ആവശ്യങ്ങള്‍ക്കായാണ് ആണവ സാങ്കേതിക വിദ്യ ഉപയോഗിക്കുന്നതെന്ന ഇറാന്‍െറ അവകാശവാദം സത്യമാണെന്നാണ് താന്‍ കരുതുന്നത്. അഹ്മദി നജാദിനോട് ഇക്കാര്യം സംസാരിച്ചപ്പോള്‍ അദ്ദേഹം പറഞ്ഞത് ഇറാന്‍ ഇസ്രയിലിലേക്ക് റോക്കറ്റ് വിട്ടാല്‍ എത്ര ഫലസ്തീന്‍കാര്‍ മരിക്കുമെന്നാണ്. മാത്രമല്ല അമേരിക്കയും യൂറോപ്പും ഇറാന്‍ നഗരങ്ങളെ നശിപ്പിക്കുകയും ചെയ്യും. ആണവായുധം കഴിഞ്ഞകാലത്തിന്‍െറ ആയുധമാണെന്ന് നജാദ് പറഞ്ഞതായും ശൈഖ് മുഹമ്മദ് പറഞ്ഞു. മേഖലയിലെ നിരവധി രാഷ്ട്രീയ പ്രശ്നങ്ങളെക്കുറിച്ചുള്ള യു.എ.ഇയുടെ നിലപാട് ബി.ബി.സിയുടെ ജോണ്‍ സോപാലുമായുള്ള അഭിമുഖത്തില്‍ ശൈഖ് മുഹമ്മദ് വ്യക്തമാക്കി. സിറിയന്‍ ജനതയെ സഹായിക്കുന്നത് തുടരുമെങ്കിലും സിറിയന്‍ പ്രശ്നത്തില്‍ യു.എ.ഇ ഇടപെടില്ല. സിറിയന്‍ പ്രസിഡന്‍റിന് ഒരിക്കല്‍ പുറത്തുപോകേണ്ടിവരുമെന്നും സ്വന്തം ജനങ്ങളെ കൊന്നാല്‍ നിങ്ങള്‍ക്ക് അധികാരത്തില്‍ തുടരാനാവില്ളെന്നും ശൈഖ് മുഹമ്മദ് അഭിപ്രായപ്പെട്ടു. ഈജിപ്തില്‍ ജനറല്‍ അബ്ദുല്‍ ഫതാഹ് അല്‍ സിസി സൈനിക മേധാവി സ്ഥാനത്ത് തുടരുകയും മറ്റാരെങ്കിലും പ്രസിഡന്‍റാവുകയും ചെയ്യുന്നതാണ് ആ രാജ്യത്തിന് നല്ലതെന്ന് ശൈഖ് മുഹമ്മദ് പറഞ്ഞു. ഇത് സഹോദര സ്നേഹത്തോടെയുള്ള ഉപദേശമാണ്. സൈനിക സ്ഥാനാര്‍ഥിയായി അല്‍ സിസി മത്സരിക്കുന്നതിനെതിരെയാണ് ശൈഖ് മുഹമ്മദ് ഉപദേശിച്ചതെന്നും സിവില്‍ സ്ഥാനാര്‍ഥിയായി മത്സരിക്കുന്നത് അദ്ദേഹത്തിന്‍െറ വ്യക്തിപരമായ കാര്യമാണെന്നും പിന്നീട് ശൈഖ് മുഹമ്മദിന്‍െറ ഓഫീസ് വിശദീകരിച്ചു. ഫലസ്തീനുമായി സമാധാനക്കരാര്‍ ഒപ്പുവെച്ചാല്‍ ഇസ്രയേലുമായി നയതന്ത്ര ബന്ധം സ്ഥാപിക്കുന്നതില്‍ യു.എ.ഇക്ക് വിരോധമില്ല. ഇസ്രയേലുമായി എല്ലാം ഞങ്ങള്‍ ചെയ്യും. അവരുമായി വ്യാപാരം നടത്തും. അവരെ സ്വാഗതം ചെയ്യും. പക്ഷെ സമാധാന നടപടികളില്‍ അവര്‍ ഒപ്പുവെക്കണം-ശൈഖ് മുഹമ്മദ് നയം വ്യക്തമാക്കി. യു.എ.ഇയൂടെ നിയമ സംവിധാനത്തെക്കുറിച്ചും മനുഷ്യാവകാശ ചരിത്രത്തെക്കുറിച്ചും ചോദ്യങ്ങള്‍ ഉന്നയിക്കപ്പെട്ടതിന് ശൈഖ് മുഹമ്മദ് മറുപടി നല്‍കി. യു.എ.ഇ സംസ്കാരത്തെ അവഹേളിച്ച വീഡിയോ പ്രദര്‍ശിപ്പിച്ചതിന് അമേരിക്കക്കാരനെ തടവിലിട്ടത് ശരിയായ നടപടിയല്ളെന്ന് അദ്ദേഹം സമ്മതിച്ചു. ഞങ്ങള്‍ എല്ലാം തികഞ്ഞവരല്ല. മാറാന്‍ ശ്രമിക്കുകയാണ്. കഴിവിന്‍െറ പരമാവധി ഞങ്ങള്‍ ചെയ്യുന്നുണ്ട്-ശൈഖ് മുഹമ്മദ് വ്യക്തമാക്കി. |
| സ്വര്‍ണവില വീണ്ടും കുറഞ്ഞു; പവന് 21,920 രൂപ Posted: 14 Jan 2014 08:55 PM PST Image:  കൊച്ചി: സംസ്ഥാനത്ത് സ്വര്‍ണവില വീണ്ടും കുറഞ്ഞു. പവന് 80 രൂപ താഴ്ന്ന് 21,920 രൂപയായി. ഗ്രാമിന് 10 രൂപ കുറഞ്ഞ് 2,740 രൂപയിലാണ് വ്യാപാരം. ആഗോള വിപണിയിലെ മാറ്റമാണ് ആഭ്യന്തര വിപണിയില്‍ പ്രതിഫലിച്ചത്. വാരാരംഭത്തില്‍ പവന്‍വില 21,920 രൂപയായി കുറഞ്ഞിരുന്നു. എന്നാല്‍ ചൊവ്വാഴ്ച വില 80 രൂപ വര്‍ധിച്ച് 22,000ല്‍ എത്തി. അന്താരാഷ്ട്ര വിപണിയില്‍ സ്വര്‍ണവില ട്രോയി ഒൗണ്‍സിന് 11.06 ഡോളര്‍ താഴ്ന്ന് 1,240.04ല്‍ എത്തി. |
| ഡല്‍ഹിയില്‍ വിദേശവനിത കൂട്ടമാനഭംഗത്തിന്നിരയായി Posted: 14 Jan 2014 08:42 PM PST Image:  ന്യൂഡല്‍ഹി : ഡല്‍ഹിയില്‍ വീണ്ടും കൂട്ടമാനഭംഗം. 51കാരിയായ ഡാനിഷ് വനിതയെയാണ് അക്രമികള്‍ കൂട്ടമാനഭംഗത്തിന്നിരയാക്കിയത്. ചൊവ്വാഴ്ച വൈകിട്ട് അഞ്ച് മണിയോടെയാണ് സംഭവം. മ്യൂസിയം കണ്ട് മടങ്ങിയ ഡാനിഷ് വനിത വഴിതെറ്റി അലയുന്നതിനിടെ സഹായിക്കാനെന്ന വ്യാജേനയാണ് അക്രമികള്‍എത്തിയത്. ഡല്‍ഹി റെയില്‍വേ സ്റ്റേഷന് സമീപത്തെ പഹര്‍ഗഞ്ചിലെ ഹോട്ടലിലേക്കുള്ള വഴികാണിച്ചുതരാമെന്നു പറഞ്ഞാണ് ഇവരെ ഒഴിഞ്ഞ പ്രദേശത്തേക്ക് കൊണ്ടുപോയത്. എട്ടുപേര്‍ തന്നെ മാനഭംഗപ്പെടുത്തിയതായും മറ്റുള്ളവര്‍ കൈവശമുണ്ടായിരുന്ന വിലപിടിപ്പുള്ള വസ്തുക്കള്‍ അപഹരിച്ചതായും പോലീസിന് നല്കിയ പരാതിയില്‍ പറയുന്നു. സംഭവത്തില്‍ കര്‍ശന നടപടിയെടുക്കണമെന്ന് ഡാനിഷ് എംബസി ആവശ്യപ്പെട്ടു. ഇന്നു രാവിലെ നാട്ടിലേക്ക് പുറപ്പെടേണ്ടിയിരുന്ന വനിതയെ പോലീസ് തിരികെവിളിക്കുകയും അന്വേഷണത്തോട് സഹകരിക്കണമെന്ന് ആവശ്യപ്പെടുകയും ചെയ്തു. |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment