5000 രൂപ കൈക്കൂലി വാങ്ങുന്നതിനിടെ ഡെപ്യൂട്ടി തഹസില്‍ദാര്‍ പിടിയില്‍ Madhyamam News Feeds |  |
- 5000 രൂപ കൈക്കൂലി വാങ്ങുന്നതിനിടെ ഡെപ്യൂട്ടി തഹസില്‍ദാര്‍ പിടിയില്‍
- ഇടതുമുന്നണിയും കോണ്‍ഗ്രസും ഉപവാസം തുടങ്ങി
- ആഭ്യന്തരമന്ത്രി പാര്‍ട്ടി അധ്യക്ഷസ്ഥാനത്തു തുടരുന്നത് ശരിയല്ല -പിണറായി
- ഉത്തരാഖണ്ഡ് മുഖ്യമന്ത്രി വിജയ് ബഹുഗുണ രാജി നല്‍കി
- വീട്ടമ്മമാര്‍ ജല അതോറിറ്റി എന്‍ജിനീയറെ വളഞ്ഞു
- ലാവ് ലിന്‍ കേസ്: പിണറായിയെ ഒഴിവാക്കിയതിനെതിരെ സി.ബി.ഐ ഹരജി നല്‍കി
- ജസ്റ്റിസ് വര്‍മയുടെ കുടുംബം പത്മഭൂഷണ്‍ നിരസിച്ചു
- ഗാന്ധി രക്തസാക്ഷിദിനം ആചരിച്ചു
- മലപ്പുറം നഗരവികസനപദ്ധതി കേന്ദ്ര പരിഗണനയില്‍ –ഇ. അഹമ്മദ്
- സഹ. ബാങ്ക് തെരഞ്ഞെടുപ്പ്: സി.പി.എമ്മും സി.പി.ഐയും ഇടയുന്നു
| 5000 രൂപ കൈക്കൂലി വാങ്ങുന്നതിനിടെ ഡെപ്യൂട്ടി തഹസില്‍ദാര്‍ പിടിയില്‍ Posted: 31 Jan 2014 12:34 AM PST ശാസ്താംകോട്ട: താലൂക്കോഫിസ് പരിസരത്ത് സൂക്ഷിച്ചിരുന്ന കല്ലുവെട്ടുയന്ത്രം ഉടമക്ക് വിട്ടുകൊടുക്കുന്നതിനായി 5000 രൂപ നടുറോഡില്‍ വെച്ച് കൈക്കൂലിയായി വാങ്ങിയ ഡെപ്യൂട്ടി തഹസില്‍ദാരെ വിജിലന്‍സ് പിടികൂടി. |
| ഇടതുമുന്നണിയും കോണ്‍ഗ്രസും ഉപവാസം തുടങ്ങി Posted: 31 Jan 2014 12:30 AM PST Subtitle: പീച്ചി റോഡ് സമരം മണ്ണുത്തി: പീച്ചി റോഡ് ഗതാഗത യോഗ്യമാക്കണമെന്നാവശ്യപ്പെട്ട് ആക്ഷന്‍ കൗണ്‍സില്‍ നേതൃത്വത്തില്‍ നടക്കുന്ന സമരം നാലുനാള്‍ പിന്നിട്ടു. വ്യാഴാഴ്ച വാഹന ഗതാഗതം തടഞ്ഞുള്ള സമരം അവസാനിപ്പിച്ചു. സമരത്തിനോട് ഐക്യദാര്‍ഢ്യം പ്രകടിപ്പിച്ച് ഇടതുമുന്നണി കണ്ണാറ ജങ്ഷനില്‍ നിരാഹാര സമരം തുടങ്ങി. ഈ വിഷയത്തില്‍ മൗനം പാലിച്ചിരുന്ന കോണ്‍ഗ്രസും ഇതോടെ സമരരംഗത്തേക്ക് വന്നു. പട്ടിക്കാട് പീച്ചി റോഡ് ജങ്ഷനില്‍ കോണ്‍ഗ്രസ് പാണഞ്ചേരി പഞ്ചായത്ത് കമ്മിറ്റിയുടെ നേതൃത്വത്തില്‍ ഉപവാസ സമരം ആരംഭിച്ചു. |
| ആഭ്യന്തരമന്ത്രി പാര്‍ട്ടി അധ്യക്ഷസ്ഥാനത്തു തുടരുന്നത് ശരിയല്ല -പിണറായി Posted: 30 Jan 2014 11:44 PM PST Image:  തിരുവനന്തപുരം: രമേശ് ചെന്നിത്തല കെ.പി.സി പ്രസിഡന്‍്റ് സ്ഥാനവും ആഭ്യന്തരമന്ത്രി സ്ഥാനവും വഹിക്കുന്നത് ഉചിതമല്ളെന്ന് സി.പി.എം സംസ്ഥാന സെക്രട്ടറി പിണറായി വിജയന്‍. സംസ്ഥാനത്തെ മന്ത്രി പാര്‍ട്ടി അധ്യക്ഷസ്ഥാനത്തു തുടരുന്നതു ശരിയല്ല. കോണ്‍ഗ്രസില്‍ പ്രശ്നങ്ങള്‍ നിലനില്‍ക്കുന്നതുകൊണ്ടാണ് ഇതുവരെ കെ.പി.സി.സി പ്രസിഡന്‍്റിനെ തീരുമാനിക്കാത്തത്. രമേശ് ചെന്നിത്തലയെ മന്ത്രിയാക്കിയതോടെയാണ് കോണ്‍ഗ്രസിലെ ആഭ്യന്തരപ്രശ്നം രൂക്ഷമായത്. കെ.പി.സി.സി പ്രസിഡന്‍്റ് ആരാണെന്നു തീരുമാനിക്കാന്‍ പോലും സാധിക്കാത്ത അവസ്ഥയാണെന്നും പിണറായി വാര്‍ത്താ സമ്മേളനത്തില്‍ പറഞ്ഞു. സര്‍ക്കാര്‍ തീവ്രവാദം പ്രോത്സാഹിപ്പിക്കുന്നു. തിരൂരില്‍ കഴിഞ്ഞദിവസം ഉണ്ടായ ആക്രമണവുമായി ബന്ധപ്പെട്ട് മുസ്ലിം ലീഗ് നിലപാട് വ്യക്തമാക്കണം. എസ്.ഡി.പി. ഐ നടത്തിയ അക്രമരാഷ്ട്രീയത്തിനു പിന്നില്‍ ആരാണെന്ന് അറിയേണ്ടതുണ്ട്. |
| ഉത്തരാഖണ്ഡ് മുഖ്യമന്ത്രി വിജയ് ബഹുഗുണ രാജി നല്‍കി Posted: 30 Jan 2014 11:43 PM PST Image:  ഡെറാഡൂണ്‍: ഉത്തരാഖണ്ഡ് മുഖ്യമന്ത്രി വിജയ് ബഹുഗുണ രാജിക്കത്ത് സമര്‍പിച്ചു. ഗവര്‍ണര്‍ അസീസ് ഖുറൈശിക്കാണ് രാജിക്കത്ത് നല്‍കിയത്. കഴിഞ്ഞ വര്‍ഷം പ്രളയ ദുരന്തത്തിനിരയായവര്‍ക്ക് നല്‍കിയ ദുരിതാശ്വാസത്തില്‍ കൃത്രിമം നടത്തിയതായി ബഹുഗുണ സര്‍ക്കാറിനെതിരെ ആരോപണം ഉയര്‍ന്നിരുന്നു. എന്നാല്‍, തെരഞ്ഞെടുപ്പ് മുന്നില്‍ക്കണ്ട് സംഘടനാ തലത്തില്‍ കോണ്‍ഗ്രസ് നടത്തുന്ന അഴിച്ചുപണിയുടെ ഭാഗമായാണ് രാജിയെന്നാണ് ഒൗദ്യോഗിക വിശദീകരണം. രാജസ്ഥാനിലും മധ്യപ്രദേശിലും പാര്‍ട്ടി നേതൃതലത്തില്‍ നേരത്തെ അഴിച്ചുപണി നടത്തിയിരുന്നു. കേന്ദ്രമന്ത്രി ഹരീഷ് റാവത്ത് ആയിരിക്കും പുതിയ മുഖ്യമന്ത്രി എന്ന് റിപ്പോര്‍ട്ടുകള്‍ സൂചിപ്പിക്കുന്നു. |
| വീട്ടമ്മമാര്‍ ജല അതോറിറ്റി എന്‍ജിനീയറെ വളഞ്ഞു Posted: 30 Jan 2014 10:42 PM PST Subtitle: അധികൃതരുടെ ഉറപ്പില്‍ പിരിഞ്ഞുപോയി കാസര്‍കോട്: നഗരത്തില്‍ കുടിവെള്ള വിതരണം മുടങ്ങിയിട്ട് ഒരാഴ്ചയാകുന്നു. ഇതില്‍ പ്രതിഷേധിച്ച് വ്യാഴാഴ്ച നഗരപരിസരത്തെ വീട്ടമ്മമാര്‍ വിദ്യാനഗറിലെ ജല അതോറിറ്റി ഓഫിസിലെത്തി എക്സി. എന്‍ജിനീയറെ വളഞ്ഞു. നഗരത്തിലേക്കും സമീപ പഞ്ചായത്തുകളിലേക്കും കുടിവെള്ളമെത്തിക്കുന്ന ബാവിക്കര പമ്പ് ഹൗസിലെ നാല് മോട്ടോറുകള്‍ തകരാറിലായതാണ് ജലവിതരണം മുടങ്ങാന്‍ കാരണമായത്. |
| ലാവ് ലിന്‍ കേസ്: പിണറായിയെ ഒഴിവാക്കിയതിനെതിരെ സി.ബി.ഐ ഹരജി നല്‍കി Posted: 30 Jan 2014 10:37 PM PST Image:  കൊച്ചി: എസ്.എന്‍. സി ലാവ്ലിന്‍ കേസില്‍ സി.പി.എം സംസ്ഥാന സെക്രട്ടറി പിണറായി വിജയന്‍ ഉള്‍പ്പെടെ ഏഴ് പ്രതികളെ കുറ്റ വിമുക്തരാക്കിയ തിരുവനന്തപുരം സി.ബി.ഐ കോടതി വിധിക്കെതിരെ സി.ബി.ഐ ഹൈകോടതിയില്‍ പുനപരിശോധന ഹരജി നല്‍കി. കീഴ് കോടതി വിധി റദ്ദാക്കണമെന്നാവശ്യപ്പെട്ടാണ് പുനപരിശോധന ഹരജി. കുറ്റപത്രത്തിലെ വസ്തുതകള്‍ പരിശോധിക്കാതേയും പ്രതികളെ വിചാരണ ചെയ്യാതെയുമാണ് സി.ബി.ഐ കോടതി വിധി പുറപ്പെടുവിച്ചിട്ടുളളതെന്ന് പുനപരിശോധന ഹരജിയില്‍ ചൂണ്ടിക്കാട്ടി. സംസ്ഥാനത്തെ മൂന്ന് വൈദ്യുത പദ്ധതികള്‍ നവീകരിക്കുന്നതിന് വേണ്ടി കനഡയിലെ എസ്.എന്‍. സി ലാവ്ലിന്‍ കമ്പനിക്ക് കരാര്‍ നല്‍കിയതില്‍ അഴിമതി നടന്നുവെന്നാണ് കേസ്. പിണറായി വിജയന്‍ വൈദ്യൂത മന്ത്രിയായിരിക്കെയാണ് കരാര്‍ നല്‍കിയത്. അതിനിടെ, എസ്.എന്‍. സി ലാവ്ലിന്‍ കേസ് പരിഗണിക്കുന്നതിന് ഹൈകോടതിക്ക് പുതിയ ജഡ്ജിയെ കണ്ടെത്തേണ്ടി വരും. കേസ് പരിഗണിക്കുന്നതില്‍ നിന്ന് മൂന്ന് ജഡ്ജിമാര്‍ ഇതിനകം പിന്‍മാറിയിരുന്നു. പിണറായി വിജയനടക്കമുള്ളവരെ കുറ്റ വിമുക്തനാക്കിയതിനെതിരെ ടി.പി നന്ദ കുമാര്‍ നല്‍കിയ ഹരജിയും ഹൈകോടതിയൂടെ പരിഗണനയിലുണ്ട്്. അതേസമയം, വിചാരണക്ക് പോലും യോഗ്യതയില്ലാത്ത കേസാണെന്ന് കോടതി കണ്ടത്തെിയ കേസാണിതെന്ന് പിണറായി വിജയന്‍ പ്രതികരിച്ചു. സി.ബി.ഐ കോടതിയുടെ വിധി ഇപ്പോഴും നിലനില്‍ക്കുന്നുണ്ടെന്നും അദ്ദേഹം ചൂണ്ടിക്കാട്ടി. |
| ജസ്റ്റിസ് വര്‍മയുടെ കുടുംബം പത്മഭൂഷണ്‍ നിരസിച്ചു Posted: 30 Jan 2014 10:36 PM PST Image:  ന്യൂഡല്‍ഹി: പ്രമുഖ നിയമജ്ഞന്‍ ജസ്റ്റിസ് ജെ.എസ് വര്‍മക്ക് സമ്മാനിച്ച പത്മഭൂഷണ്‍ ബഹുമതി അദ്ദേഹത്തിന്‍്റെ കുടംബം നിരസിച്ചു. കഴിഞ്ഞ ഏപ്രിലില്‍ അന്തരിച്ച ജസ്റ്റിസ് വര്‍മക്ക് മരണാനന്തര ബഹുമതിയായാണ് പരമോന്നത സിവിലിയന്‍ ബഹുമതി കഴിഞ്ഞ റിപ്പബ്ളിക് ദിനത്തില്‍ സമ്മാനിച്ചത്. എന്നാല്‍, പത്മഭൂഷണ്‍ സ്വീകരിക്കുന്നില്ളെന്ന് കാണിച്ച് ജസ്റ്റിസ് വര്‍മയുടെ പത്നി പുഷ്പ വര്‍മ രാഷ്ട്രപതി പ്രണബ് മുഖര്‍ജിക്ക് കത്തെഴുതി. തന്‍്റെ ഭര്‍ത്താവ് ഇന്നുവരെ ഇത്തരത്തിലുള്ള ഒന്നും സ്വീകരിച്ചിട്ടില്ല. അതുകൊണ്ട് തന്നെ അദ്ദേഹത്തിന്‍്റെ കുടുംബവും ഒന്നും സ്വീകരിക്കാന്‍ ആഗ്രഹിക്കുന്നില്ല. ഒരു ബഹുമതിയും അദ്ദേഹം ആഗ്രഹിച്ചിട്ടില്ളെന്നും ഒരിക്കലും സ്തുതിപാഠകരെ കൊണ്ടു നടന്നിരുന്നില്ളെന്നും അവര്‍ കത്തില്‍ ചൂണ്ടിക്കാട്ടി. രാജ്യത്തെ മികച്ച നിയമജ്ഞരില്‍ ഒരാള്‍ എന്ന നിലയില്‍ തന്നെ അദ്ദേഹത്തിന് ജനമനസ്സുകളില്‍ സ്ഥാനം പടിക്കാന്‍ കഴിഞ്ഞിട്ടുണ്ട്. അതില്‍ എന്നും അദ്ദേഹം സംതൃപ്തനായിരുന്നുവെന്നും അവര്‍ എഴുതി. രാജ്യത്തെ നടുക്കിയ ഡല്‍ഹി മാനഭംഗത്തിന്‍്റെ പശ്ചാത്തലത്തില്‍ സ്ത്രീ സുരക്ഷയുമായി ബന്ധപ്പെട്ട് ശക്തമായ നിയമത്തിന്‍്റെ രൂപരേഖ തയ്യാറാക്കിയ ജസ്റ്റിസ് വര്‍മ ഏറെ ശ്രദ്ധിക്കപ്പെട്ടിരുന്നു. അദ്ദേഹത്തിന്‍്റെ നേതൃത്വത്തിലുള്ള മൂന്നംഗ പാനല്‍ ആണ് അടിയന്തരമായി നടപ്പാക്കേണ്ട ബലാല്‍സംഗ വിരുദ്ധ നിയമത്തിന്‍്റെ കരട് തയ്യാറാക്കിയത്. 630 പേജുള്ള റിപ്പോര്‍ട്ട് 29 ദിവസം കൊണ്ട് ഈ സംഘം സമര്‍പിച്ചു. ഇന്ത്യയുടെ നീതിന്യായ ചരിത്രത്തില്‍ നാഴികക്കല്ലുകളായി വിശേഷിപ്പിക്കാന്‍ പാകത്തിലുള്ള നിയമ ശിപാര്‍കള്‍ ആയിരുന്നു അവ. |
| ഗാന്ധി രക്തസാക്ഷിദിനം ആചരിച്ചു Posted: 30 Jan 2014 10:34 PM PST കണ്ണൂര്‍: മഹാത്മാഗാന്ധിയുടെ 66ാം രക്തസാക്ഷിദിനാചരണം ജില്ലയിലെങ്ങും വിവിധ പാര്‍ട്ടികളും സംഘടനകളും വിപുലമായ പരിപാടികളോടെ നടത്തി. ഡി.സി.സി ഓഫിസില്‍ നടന്ന അനുസ്മരണ സമ്മേളനത്തില്‍ പ്രസിഡന്‍റ് കെ. സുരേന്ദ്രന്‍ അധ്യക്ഷത വഹിച്ചു. യു.ഡി.എഫ് ജില്ലാ ചെയര്‍മാന്‍ എ.ഡി. മുസ്തഫ, മാര്‍ട്ടിന്‍ ജോര്‍ജ്, വി.വി. പുരുഷോത്തമന്‍, റഷീദ് കവ്വായി, സുധീപ് ജയിംസ്, ഇബ്രാഹിം പാറക്കണ്ടി, വി.ടി. ശ്രീലത, അമൃത രാമകൃഷ്ണന്‍, കെ. ബിനോജ്, വല്ലി ടീച്ചര്‍ എന്നിവര്‍ പുഷ്പാര്‍ച്ചനക്ക് നേതൃത്വം നല്‍കി. |
| മലപ്പുറം നഗരവികസനപദ്ധതി കേന്ദ്ര പരിഗണനയില്‍ –ഇ. അഹമ്മദ് Posted: 30 Jan 2014 10:28 PM PST മലപ്പുറം: നഗരസഭയുടെ നഗര വികസനപദ്ധതി കേന്ദ്രസര്‍ക്കാര്‍ പരിഗണനയിലെന്ന് കേന്ദ്രവിദേശകാര്യ സഹമന്ത്രി ഇ. അഹമ്മദ്. നഗരസഭയുടെ വികേന്ദ്രീകൃതാസൂത്രണം വികസന സെമിനാര്‍ ഉദ്ഘാടനം ചെയ്യുകയായിരുന്നു അദ്ദേഹം. |
| സഹ. ബാങ്ക് തെരഞ്ഞെടുപ്പ്: സി.പി.എമ്മും സി.പി.ഐയും ഇടയുന്നു Posted: 30 Jan 2014 10:14 PM PST മാനന്തവാടി: താലൂക്കിലെ വിവിധ സഹ. ബാങ്ക് തെരഞ്ഞെടുപ്പുകളെ ചൊല്ലി സി.പി.എമ്മും സി.പിഐയും ഇടയുന്നു. തവിഞ്ഞാല്‍ സര്‍വീസ് സഹ. ബാങ്ക് തെരഞ്ഞെടുപ്പുമായി ബന്ധപ്പെട്ട് സി.പി.എമ്മിനെതിരെ സി.പി.ഐ പരസ്യമായി രംഗത്തുവന്നു. |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment