ധന്യമായ ഗാനജീവിതം Madhyamam News Feeds |  |
- ധന്യമായ ഗാനജീവിതം
- കരിമണ്ണൂര്‍ ഗ്രാമപഞ്ചായത്ത് ഉപതെരഞ്ഞെടുപ്പ്: യു.ഡി.എഫിന് ജയം
- സത്യത്തിന്റെയും നീതിയുടെയും വിജയം -വി.എസ്; വിശദാംശങ്ങള്‍ പഠിച്ച ശേഷം നടപടി- തിരുവഞ്ചൂര്‍
- നമ്പ്യാര്‍കുന്ന്-പൂളക്കുണ്ട് റോഡ് വികസനം തര്‍ക്കത്തില്‍
- ഉപതെരഞ്ഞെടുപ്പുകളില്‍ ഇടതിന് മികച്ച നേട്ടം
- ശൈഖ് ജാബിര്‍ അല്‍ മുബാറക് അസ്വബാഹ് വീണ്ടും കുവൈത്ത് പ്രധാനമന്ത്രി
- ജര്‍മന്‍ സഹകരണത്തോടെ ഖത്തറില്‍ കാലാവസ്ഥാ ഗവേഷണ കേന്ദ്രം
- ഊര്‍ജപ്രതിസന്ധി നേരിടാന്‍ ബൃഹദ്പദ്ധതികള്‍
- അക്രമങ്ങള്‍ക്ക് പിന്നിലുള്ളവര്‍ ആരെന്ന് വ്യക്തമായി: മന്ത്രി
- ഭൂമിദാനം: വി.എസിന് അനുകൂല വിധി; കേസ് റദ്ദാക്കി
| Posted: 06 Dec 2012 12:44 AM PST Image: 
ആറ്റിക്കുറുക്കിയ കവിത എന്ന് മഹാകവി ജി.ശങ്കരക്കുറുപ്പിന്‍്റെ കവിതകളെപ്പറ്റി പറയുന്നതുപോലെ മലയാളത്തില്‍ ആറ്റിക്കുറുക്കിയ ഗാനങ്ങള്‍ എന്ന് പറയാവുന്നത് യൂസഫലി കേച്ചേരിയുടെ പാട്ടുകളെപ്പറ്റിയാണ്. 1962ല്‍ മൂടുപടമെന്ന ചിത്രത്തിലൂടെ മലയാളഗാനശാഖയെ ധന്യമാക്കാനത്തെിയ യൂസഫലി കേച്ചേരി എന്ന പണ്ഡിതനായ കവി ഗാനരചന തുടങ്ങിയിട്ട് അരനൂറ്റാണ്ട് പിന്നിടുന്നു. സിനിമയുടെ ക്ളിക്കുകളില്‍പ്പെടാതെ തിരക്കഥയും സംവിധാനവുമുള്‍പ്പെടെ വിവിധ മേഖലകള്‍ കൈകാര്യം ചെയ്ത, എന്നും കേച്ചേരിയെന്ന സ്വന്തം ഗ്രാമത്തെ മറക്കാത്ത കവിക്ക് കേരളം സ്നേഹാദരമരുളുകയാണിപ്പോള്‍. ഒരിക്കല്‍ കുറച്ചുകാലത്തെ ഇടവേളക്കുശേഷം സര്‍ഗ്ഗം എന്ന ചിത്രത്തിനുവേണ്ടി അതിമനോഹരങ്ങളായ ഗാനങ്ങള്‍ യുസഫലി എഴുതിയപ്പോള്‍ ഗാനവിമര്‍ശകനായ ടി.പി.ശാസ്തമംഗലം കലാകൗമുദിയിലെഴുതിയ ലേഖനത്തിന്‍്റെ ആദ്യവരി ‘സൂകരപ്രസവംപോലെ പാട്ടെഴുതുന്ന ആളല്ല യൂഫലികേച്ചേരി’ എന്നായിരുന്നു. അദ്ദേഹത്തിന്‍്റെ നിരീക്ഷണം ശരിയായിരുന്നു. വലിച്ചുവാരിയെഴുതി തന്‍്റെ എഴുത്തിന്‍െറ വില കളയാന്‍ ഒരിക്കലും യൂസഫലി ഒരുക്കമായിരുന്നില്ല. അതുകൊണ്ടാണ് അദ്ദേഹത്തിന്‍െറ പാട്ടുകള്‍ ആറ്റിക്കുറുക്കിയതാണെന്ന് നമുക്ക് നിസ്സംശയം പറയാന്‍ കഴിയുന്നത്. അര്‍ഥശൂന്യമായ പാട്ടുകള്‍ കേട്ട് മടുത്തിരിക്കുമ്പോഴായിരുന്നുആശ്വാസത്തിന്‍്റെ കുളിര്‍കാറ്റുപോലെയത്തെിയ യൂസഫലിയുടെ ഗാനങ്ങളെ ശാസ്തമംഗലം വാനോളം പുകഴ്ത്തിയത്. സര്‍ഗത്തിലെ ‘ആന്തോളനം ദോളനം , സ്വരരാഗഗംഗാ പ്രവാഹമേ, കണ്ണാടിയാദ്യമായെന്‍, സംഗീതമേ അമരസല്ലാപമേ’ എന്നീ ഗാനങ്ങളില്‍ സംഗീതവും കവിതയും സമഞ്ജസമായി മേളിക്കുന്ന ഗാനപുണ്യമാണ് നാം നുകര്‍ന്നത്. അന്‍പതു വര്‍ഷവും നിലയ്ക്കാതെ പാട്ടെഴുതിയില്ളെങ്കിലും ഇന്നും മലയാള ഗാനങ്ങളില്‍ അദ്ദേഹം നിറസാന്നിധ്യമാണ്. പാട്ടില്‍ കവിതക്കല്ലാതെ മറ്റൊന്നിനും സ്ഥാനമില്ളെന്ന് വിശ്വസിച്ച കവി ഒരിക്കലും പാട്ടിനുവേണ്ടി സര്‍ഗാത്മകതയെ വിട്ടുവീഴ്ച ചെയ്തില്ല. ഓരോ ദശാബ്ദത്തിലും ശ്രദ്ധേയങ്ങളായ ഗാനങ്ങളുമായി മലയാളഗാനശാഖയെ ധന്യമാക്കിയ യൂസഫലിയുടെ സാന്നിധ്യം മലയാളത്തിന്‍്റെ പുണ്യമായി കാണണം. അറുപതുകളില്‍ ‘മൈലാഞ്ചിത്തോപ്പില്‍, അനുരാഗഗാനം പോലെ, സുറുമയെഴുതിയ മിഴികളെ, പാവാടപ്രായത്തില്‍, എഴുതിയതാരാണു സുജാത, ഇക്കരെയാണെന്‍്റെ താമസം, കസവിന്‍്റെ തട്ടമിട്ട്, എഴുപതുകളില്‍ ‘കടലേ നീലക്കടലേ,തമ്പ്രാന്‍ തൊടുത്തത് മലരമ്പ്, ഓമലാളെ കണ്ടുഞാന്‍ പൂങ്കിനാവില്‍,പതിനാലാം രാവുദിച്ചത്, സ്വര്‍ഗം താണിറങ്ങിവന്നതോ, വെണ്ണയോ വണ്ണിലാവുറഞ്ഞതോ, മുറുക്കിച്ചുവന്നതോ, നാദാപുരം പള്ളിയിലെതുടങ്ങിയ ഗാനങ്ങളിലൂടെ മലയാളത്തിന്‍െറ സാംസ്കാരിക വൈവിധ്യം യൂസഫലി പാട്ടുകളിലൊരുക്കി. എണ്‍പതുകളില്‍ മലയാള ഗാനങ്ങള്‍ക്ക് പൊതുവെ നിലവാരം കുറഞ്ഞപ്പോള്‍ യൂസഫലിയുടെ ഗാനങ്ങള്‍ ആശ്വാസമേകി. പാട്ടൊന്നു പാടുന്നേന്‍ പാണനാര്, മഞ്ഞേ വാ മധുവിധുവേള, മാനത്തെ ഹൂറിപോലെ, കുങ്കുമസൂര്യന്‍ രാഗംശു ചര്‍ത്തി, വൈശാഖസന്ധ്യേ, ശിശിരമേ നീ ഇതിലേ വാ, ഉല്ലാസപ്പൂത്തിരികള്‍ തുടങ്ങിയ ഹിറ്റുകള്‍ ഇന്നും മലയാളികള്‍ മനസില്‍ സൂക്ഷിക്കുന്നവയാണ്. തൊണ്ണൂറുകളിലും ഗാനങ്ങളുടെ നിലവാരം ഇടിഞ്ഞകാലത്തും വലിയ ആശ്വാസമായിരുന്നു യൂസഫലി ഗാനങ്ങള്‍. എണ്‍പതുകളിടെ ഒടുവിലിറങ്ങിയ ധ്വനിയിലെ ഗാനങ്ങള്‍ മറ്റൊരു സര്‍ഗവസന്തമാണ് ഗാനലോകത്തു തീര്‍ത്തത്. തന്നെയുമല്ല തൊണ്ണൂറുകളില്‍ നിത്യസുന്ദരങ്ങളായ ഗാനവസന്തം തന്നെയായിരുന്നു അദ്ദേഹം തീര്‍ത്ത്. സര്‍ഗം, പരിണയം, ഗസല്‍, ഫൈവ്സ്റ്റാര്‍ ഹോസ്പിറ്റല്‍, വാസന്തിയും ലക്ഷ്മിയും പിന്നെ ഞാനും, ദീപസ്തംഭം മഹാശ്ചര്യം, വര്‍ണ്ണക്കാഴ്ചകള്‍ തുടങ്ങിയ ചിത്രങ്ങളിലൂടെ രചനയുടെ സൗകുമാര്യത്തെ മലയാളത്തിലേക്ക് തിരികെകൈാണ്ടുവന്നു. തുടര്‍ന്ന് പുത്തന്‍ സഹസ്രാബ്ദത്തില്‍ ഗാനസംസ്കാരം ഒന്നാകെ മാറിയപ്പോഴും തന്‍്റെ കരുത്തുറ്റ കവിതകളില്‍ ഉറച്ചുനിന്ന് അദ്ദേഹം കാലഘട്ടത്തെ വെല്ലുവിളിച്ചു. ആ വെല്ലുവിളി ഗാനാസ്വാദകര്‍ മനസോടെ സ്വീകരിക്കുകയും ചെയ്തു. ‘മഴ’യിലെ സംസ്കൃതഗാനത്തിലൂടെ അദ്ദേഹം ദേശീയ അവാര്‍ഡ് നേടുകയും ചെയ്തു. തുടര്‍ന്നും ധ്വനിതരംഗതരളം, എന്തുഭംഗി നിന്നെ കാണാന്‍, സഹ്യസാനുശ്രുതിചേര്‍ത്തുവെച്ച, ആകാശദീപമേ, എനിക്കും ഒരു നാവുണ്ടെങ്കില്‍, നെഞ്ചുടുക്കിന്‍െറ, നീയറിഞ്ഞോ നീലക്കുഴലീ, പേടിതോന്നിയാദ്യം കണ്ടപ്പോള്‍ തുടങ്ങിയ ഗാനങ്ങള്‍. സിനിമേതരഗാനങ്ങളില്‍ തരംഗിണിക്കുവേണ്ടി അദ്ദേഹഴെമാരുക്കിയ നിരവധി ഗാനങ്ങള്‍ മലയാള കവിതയുടെ വശ്യസൗന്ദര്യം തുളുമ്പുന്നവയാണ്. ഉംബായിയുടെ ഈണത്തില്‍ അദ്ദേഹം രചിച്ച ഗസലുകള്‍ മറ്റൊരു പാട്ടുപാരമ്പര്യത്തിനാണ് നാന്നി കുറിച്ചത്. ധന്യമായ ഗാനജീവിതത്തിന്‍്റെ അരനൂറ്റാണ്ടാണ് അനുഗൃഹീത കവി പിന്നിടുന്നത്. features: Facebook |
| കരിമണ്ണൂര്‍ ഗ്രാമപഞ്ചായത്ത് ഉപതെരഞ്ഞെടുപ്പ്: യു.ഡി.എഫിന് ജയം Posted: 05 Dec 2012 11:26 PM PST തൊടുപുഴ: കരിമണ്ണൂര്‍ ഗ്രാമപഞ്ചായത്ത് പാഴൂക്കര ഏഴാം വാര്‍ഡിലേക്ക് നടന്ന ഉപതെരഞ്ഞെടുപ്പില്‍ യു.ഡി.എഫിലെ സൗമിയ ഷാജി (മുസ്ലിം ലീഗ്) വിജയിച്ചു. തൊട്ടടുത്ത സ്ഥാനാര്‍ഥി എല്‍.ഡി.എഫിലെ ലീല ടീച്ചറെ 28 വോട്ടിനാണ് പരാജയപ്പെടുത്തിയത്. പോള്‍ ചെയ്ത 745 വോട്ടില്‍ സൗമിയ ഷാജിക്ക് 347 ഉം ലീല ടീച്ചര്‍ക്ക് 319 ഉം ലഭിച്ചു. എസ്.ഡി.പി.ഐ 68 വോട്ട് നേടി. എല്‍.ഡി.എഫില്‍നിന്ന് ഈ സീറ്റ് യു.ഡി.എഫ് തിരിച്ചുപിടിക്കുകയായിരുന്നു. 11 വോട്ടുകള്‍ അസാധുവായി. |
| സത്യത്തിന്റെയും നീതിയുടെയും വിജയം -വി.എസ്; വിശദാംശങ്ങള്‍ പഠിച്ച ശേഷം നടപടി- തിരുവഞ്ചൂര്‍ Posted: 05 Dec 2012 11:06 PM PST Image:  കൊച്ചി: ഭൂമിദാന കേസില്‍ തന്നെ പ്രതിസ്ഥാനത്തുനിന്ന് നീക്കിക്കൊണ്ടുള്ള ഹൈകോടതി വിധി സത്യത്തിന്റെയും നീതിയുടെയും വിജയമെന്ന് പ്രതിപക്ഷ നേതാവ് വി.എസ് അച്യുതാനന്ദന്‍ പ്രതികരിച്ചു. കൊച്ചിയില്‍ മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം. തന്നെ പ്രതിപക്ഷ നേതൃ സ്ഥാനത്തുനിന്നും നീക്കി മറ്റൊരാളെ അവരോധിക്കാനുള്ള ഉമ്മന്‍ ചാണ്ടിയുടെയും കുഞ്ഞാലിക്കുട്ടിയുടെയും ഗൂഡാലോചനയാണ് തിരിച്ചറിയപ്പെട്ടിരിക്കുന്നതെന്നും വി.എസ് പറഞ്ഞു. ഇതേപ്പറ്റി അന്വേണാത്മക പത്രപ്രവര്‍ത്തനം നടത്തുന്നവര്‍ അന്വേഷിക്കട്ടെയെന്നും വി.എസ് പറഞ്ഞു. ഭൂമിദാന കേസില്‍ പ്രതിപക്ഷ നേതാവ് വി.എസ് അച്യൂതാനന്ദനെ പ്രതിസ്ഥാനത്തു നിന്ന് നീക്കിക്കൊണ്ടുള്ള ഹൈകോടതി വിധിയെ സിപി.എം സംസ്ഥാന സെക്രട്ടറി പിണറായി വിജയന്‍ സ്വഗതം ചെയ്തു. ദല്‍ഹിയില്‍ മാധ്യമ പ്രവര്‍തതകരോട് സസാരിക്കുകയായിരുന്നു അദ്ദേഹം. സി.പി.എം നേതാക്കളെ കള്ളകേസില്‍ കുടുക്കുകയാണ്. യു.ഡി.എഫിന്റെതെറ്റായ നിലാപടിനുള്ള തിരിച്ചടിയാണ് ഇപ്പോഴത്തെ വിധിയെന്നും അദ്ദേഹം പറഞ്ഞു. രണ്ടു ദിവസത്തെ പോളിറ്റ്ബ്യൂറോ യോഗത്തിനായി ദല്‍ഹിയിലെത്തിയതായിരുന്നു അദ്ദേഹം. വിധിയെക്കുറിച്ച് പഠിച്ചതിന് ശേഷം പ്രതികരിക്കാമെന്ന് വ്യവസായ മന്ത്രി പി.കെ കുഞ്ഞാലിക്കുട്ടി പറഞ്ഞു. വിധിയെക്കുറിച്ച് പ്രതികരിക്കവെ, വി.എസ് തനിക്കും ഉമ്മന്‍ചാണ്ടിക്കുമെതിരെ നടത്തിയ പ്രസ്താവന ഈ വര്‍ഷത്തെ ഏറ്റവും വലിയ തമാശയാണ്. ഇക്കാര്യം സി.പി.എമ്മില്‍ വരും ദിവസങ്ങളില്‍ ചര്‍ച്ചയാകുമെന്നാണ് കരുതുന്നത്. വിധി സര്‍ക്കാറിനുള്ള തിരിച്ചടിയാണെന്ന് കരുതുന്നില്ലെന്നും കുഞ്ഞാലിക്കുട്ടി പറഞ്ഞു.
features: Facebook |
| നമ്പ്യാര്‍കുന്ന്-പൂളക്കുണ്ട് റോഡ് വികസനം തര്‍ക്കത്തില്‍ Posted: 05 Dec 2012 10:32 PM PST സുല്‍ത്താന്‍ ബത്തേരി: കേന്ദ്രാവിഷ്കൃത പദ്ധതിയില്‍ എം.എല്‍.എ ഫണ്ടില്‍നിന്ന് രണ്ടു കോടി രൂപ മുടക്കി നടത്തുന്ന നമ്പ്യാര്‍കുന്ന്-പൂളക്കുണ്ട് റോഡ് വിപുലീകരണ പ്രവൃത്തി തര്‍ക്കത്തില്‍. ആദിവാസി കുഴിമാടം പൊളിച്ചും സ്വകാര്യ വ്യക്തികളുടെ ഭൂമി കൈയേറി നിര്‍ദേശിക്കപ്പെട്ടതിലും വീതിയില്‍ അധികമെടുത്തുമാണ് പണി നടത്തുന്നതെന്നാണ് ആക്ഷേപം. ആരോപണം അടിസ്ഥാനരഹിതമാണെന്നും സ്വകാര്യ വ്യക്തിയുടെ കൈവശമുള്ള റവന്യൂ ഭൂമി റോഡിനുവേണ്ടി എടുക്കേണ്ടിവന്നതിലുണ്ടായ അനാവശ്യ വിവാദമാണ് നടക്കുന്നതെന്നും ഗ്രാമപഞ്ചായത്ത് പ്രസിഡന്‍റ് ജയ മുരളി പറഞ്ഞു. |
| ഉപതെരഞ്ഞെടുപ്പുകളില്‍ ഇടതിന് മികച്ച നേട്ടം Posted: 05 Dec 2012 10:26 PM PST കോഴിക്കോട്: ജില്ലയില്‍ നാല് ഗ്രാമപഞ്ചായത്ത് വാര്‍ഡുകളിലേക്ക് നടന്ന ഉപതെരഞ്ഞെടുപ്പുകളില്‍ ഇടതുമുന്നണിക്ക് നേട്ടം. ഉണ്ണികുളം പഞ്ചായത്തിലെ വാര്‍ഡ് പിടിച്ചെടുത്ത ഇടതുപക്ഷം വിജയിച്ച മറ്റു രണ്ടിടത്തും ഭൂരിപക്ഷം വര്‍ധിപ്പിച്ചു. യു.ഡി.എഫ് വിജയിച്ച മണ്ഡലത്തില്‍ ഭൂരിപക്ഷം കുറക്കുകയും ചെയ്തു. |
| ശൈഖ് ജാബിര്‍ അല്‍ മുബാറക് അസ്വബാഹ് വീണ്ടും കുവൈത്ത് പ്രധാനമന്ത്രി Posted: 05 Dec 2012 10:06 PM PST Image:  കുവൈത്ത് സിറ്റി: ശൈഖ് ജാബിര്‍ അല്‍ മുബാറക് അസ്വബാഹിനെ കുവൈത്ത് പ്രധാനമന്ത്രിയായി അമീര്‍ ശൈഖ് സ്വബാഹ് അല്‍ അഹ്മദ് അസ്വബാഹ് വീണ്ടും നിയമിച്ചു. പാര്‍ലമെന്‍റ് തെരഞ്ഞെടുപ്പ് ഫലം പുറത്തുവന്നതോടെ കഴിഞ്ഞദിവസം രാജി സമര്‍പ്പിച്ചിരുന്ന ശൈഖ് ജാബിറിനെ പുതിയ മന്ത്രിസഭ രൂപവല്‍ക്കരിക്കാനായി വീണ്ടും അമീര്‍ ശൈഖ് സ്വബാഹ് അല്‍ അഹ്മദ് അസ്വബാഹ് ബുധനാഴ്ച പ്രനധാനമന്ത്രിയായി നിയമിക്കുകയായിരുന്നു.
|
| ജര്‍മന്‍ സഹകരണത്തോടെ ഖത്തറില്‍ കാലാവസ്ഥാ ഗവേഷണ കേന്ദ്രം Posted: 05 Dec 2012 09:57 PM PST Image:  ദോഹ: കാലാവസ്ഥാ രംഗത്തെ ലോകപ്രശസ്ത ജര്‍മന്‍ സ്ഥാപനത്തിന്‍െറ സഹകരണത്തോടെ ഖത്തറില്‍ കാലാവസ്ഥാ ഗവേഷണ കേന്ദ്രം സ്ഥാപിക്കുന്നു. കാലാവസ്ഥാ വ്യതിയാനത്തിനെതിരായ ആഗോള പോരാട്ടത്തിന് മുന്നോടിയായ പ്രവര്‍ത്തനങ്ങള്‍ ഏറ്റെടുക്കുന്നതിനാണ് കേന്ദ്രം സ്ഥാപിക്കുന്നത്. കേന്ദ്രം സ്ഥാപിക്കുന്നത് സംബന്ധിച്ച് ജര്‍മനിയിലെ പോട്ട്സ്ഡാം കാലാവസ്ഥാ ആഘാത ഗവേഷണ സ്ഥാപനവും ഖത്തര്‍ ഫൗണ്ടേഷനും തമ്മില്‍ ധാരണാപത്രം ഒപ്പുവെച്ചു. ഖത്തര്‍ നാഷനല്‍ കണ്‍വെന്‍ഷന്‍ സെന്‍ററില്‍ നടക്കുന്ന കാലാവസ്ഥാ വ്യതിയാന സമ്മേളനത്തില്‍ ഖത്തര്‍ ഫൗണ്ടേഷനിലെ ഗവേഷണ, വികസന വിഭാഗം പ്രസിഡന്‍റ് ഫൈസല്‍ അല്‍ സുവൈദിയും പോട്ട്സ്ഡാം ഇന്‍സ്റ്റിറ്റ്യൂട്ട് ഡയറക്ടര്‍ പ്രൊഫ. ഹാന്‍സ് ജൊവാഷിം ഷെല്‍നൂബറുമാണ് കരാറില്‍ ഒപ്പുവെച്ചത്. ഖത്തര്‍ ഫൗണ്ടേഷന്‍ ചെയര്‍പേഴ്സണ്‍ ശൈഖ മൗസ ബിന്‍ത് നാസര്‍, യു.എന്‍ സെക്രട്ടറി ജനറല്‍ ബാന്‍ കി മൂണ്‍, സമ്മേളന അധ്യക്ഷന്‍ അബ്ദുല്ല ബിന്‍ ഹമദ് അല്‍ അതിയ്യ, യു.എന്‍.എഫ്.സി.സി.സി എക്സിക്യൂട്ടീവ് സെക്രട്ടറി ക്രിസ്റ്റീന ഫിഗരസ് എന്നിവര്‍ ചടങ്ങില്‍ സംബന്ധിച്ചു. |
| ഊര്‍ജപ്രതിസന്ധി നേരിടാന്‍ ബൃഹദ്പദ്ധതികള്‍ Posted: 05 Dec 2012 09:43 PM PST Image:  ജിദ്ദ: രാജ്യത്തെ വര്‍ധിച്ചുവരുന്ന ഊര്‍ജപ്രതിസന്ധി മറികടക്കാന്‍ സൗദി ബൃഹദ് പദ്ധതികള്‍ക്ക് ഒരുങ്ങുന്നു. 2022ല്‍ തിരക്കേറിയ സമയത്ത് 90,000 മെഗാവാട്ട് വൈദ്യുതി വിനിമയം വിഭാവനം ചെയ്യുന്ന 500 ബില്യണ്‍ റിയാലിന്‍െറ പദ്ധതിക്ക് അടുത്ത വര്‍ഷങ്ങളില്‍ തുടക്കം കുറിക്കുമെന്ന് വൈദ്യുതി, ജലവിഭവ മന്ത്രി അബ്ദുല്ല അല്‍ ഹുസൈന്‍ പറഞ്ഞു. ജിദ്ദ ഹില്‍ട്ടണ്‍ ഹോട്ടലില്‍ വാട്ടര്‍ ആന്‍ഡ് പവര്‍ ഫോറം ഉദ്ഘാടനസെഷനില്‍ സംസാരിക്കുകയായിരുന്നു മന്ത്രി. ഈ തുകയുടെ 30 ശതമാനം സൗദി ഇലക്ട്രിക് കമ്പനി തന്നെ നിക്ഷേപമിറക്കുമെന്ന് അദ്ദേഹം വ്യക്തമാക്കി. ഇതോടൊപ്പം ഊര്‍ജസംഭരണത്തിനു വേണ്ടി ലഭ്യമായ പുറം സഹായങ്ങളും രാജ്യം തേടും. പുനരുല്‍പാദക ഊര്‍ജവഴികള്‍ സംബന്ധിച്ച് ഇന്ത്യയുടെ സഹകരണം തേടുമെന്നും മന്ത്രി പറഞ്ഞു. |
| അക്രമങ്ങള്‍ക്ക് പിന്നിലുള്ളവര്‍ ആരെന്ന് വ്യക്തമായി: മന്ത്രി Posted: 05 Dec 2012 09:34 PM PST Image:  മനാമ: അക്രമപ്രവര്‍ത്തനങ്ങള്‍ക്ക് പിന്നിലുള്ളവര്‍ ആരാണെന്ന് വ്യക്തമായതായി പ്രതിരോധ കാര്യ സ്റ്റേറ്റ് മന്ത്രി ശൈഖ് മുഹമ്മദ് ബിന്‍ അബ്ദുല്ല ആല്‍ഖലീഫ വ്യക്തമാക്കി. കഴിഞ്ഞ ദിവസം പ്രാദേശിക പത്രത്തിന് അനുവദിച്ച അഭിമുഖത്തില്‍ സംസാരിക്കുകയായിരുന്നു അദ്ദേഹം. |
| ഭൂമിദാനം: വി.എസിന് അനുകൂല വിധി; കേസ് റദ്ദാക്കി Posted: 05 Dec 2012 08:58 PM PST Image:  കൊച്ചി: ഭൂമിദാന കേസില്‍ പ്രതിപക്ഷനേതാവ് വി.എസ് അച്യൂതാനന്ദന് അനുകൂലമായി ഹൈകോടതി വിധി. ഭൂമിദാന കേസ് സംബന്ധിച്ച് വി.എസിനെതിരെ ഉന്നയിച്ച കുറ്റാരോപണങ്ങള്‍ നിലനില്‍ക്കുന്നതല്ലെന്ന് ഹൈകോടതി ജഡ്ജി എസ്.എസ് സതീഷ് ചന്ദ്ര വ്യക്തമാക്കി. ഒപ്പം കേസ് റദ്ദാക്കുകയും ചെയ്തു. കുറ്റാരോപണങ്ങള്‍ നിയമപരമായി നിലനില്‍ക്കുന്നതല്ല എന്ന വി.എസിന്റെഅഭിഭാഷകന്റെവാദം അംഗീകരിച്ചാണ് ഹൈകോടതി അനുകൂല വിധി പുറപ്പെടുവിച്ചത്. വി.എസിനെതിരായ അഴിമതി ആരോപണങ്ങളില്‍ കഴമ്പില്ലെന്നും ഹൈകോടതി വ്യക്തമാക്കി. അഴിമതിരഹിതനായ ഒരാളെ കുരിശിലേറ്റാനുള്ള ശ്രമം വിലപ്പോവില്ലെന്ന് നിരീക്ഷിച്ച കോടതി വി.എസിനെ പ്രതി സ്ഥാനത്തു നിന്നും ഒഴിവാക്കി. ഔദ്യാഗിക പദവികള്‍ വി.എസ് ദുരുപയോഗം ചെയ്തതിന് തെളിവില്ല. എന്നാല്‍, അദ്ദേഹത്തെ കേസില്‍ ഉള്‍പ്പെടുത്താന്‍ സര്‍ക്കാര്‍ വിജിലന്‍സ് സംവിധാനത്തെ ദുരുപയോഗപ്പെടുത്തിയെന്നൂം കോടതി നിരീക്ഷിച്ചു. 54 പേജുള്ള വിധിന്യായത്തിലാണ് വി.എസിനെ കുറ്റമുക്തനാക്കിക്കൊണ്ടുള്ള ഉത്തരവ് പുറത്തുവന്നത്. ഭൂമിദാന കേസില്‍ വി.എസിനെ ഒന്നാം പ്രതിയാക്കികൊണ്ട് കുറ്റപത്രം സമര്‍പ്പിച്ചിരിക്കുന്നതിനിടെയാണ് ഇത്തരത്തിലൊരു വിധി പുറത്തുവന്നിരിക്കുന്നത്. രാഷ്ട്രീയ പ്രതികാരം തീര്‍ക്കുന്നതിന്റെഭാഗമായാണ് തനിക്കെതിരെയുള്ള കേസുകള്‍ എന്ന് കഴിഞ്ഞ ദിവസം വി.എസ് ആരോപിച്ചിരുന്നു. ഇന്നും നാളെയുമായി ദല്‍ഹിയില്‍ നടക്കുന്ന സി.പി.എം പോളിറ്റ് ബ്യൂറോയില്‍ ഭൂമിദാന കേസുള്‍പ്പെടെയുള്ള കാര്യങ്ങള്‍ ചര്‍ച്ച ചെയ്യാനിരിക്കുകയായിരുന്നു. ഭൂമിദാന കേസില്‍ വി.എസിനെയും മുന്‍ റവന്യൂ മന്ത്രി കെ.പി രാജേന്ദ്രനെയും പ്രതികളാക്കാന്‍ തെളിവുണ്ടെന്ന് കഴിഞ്ഞ ദിവസം പ്രോസിക്യൂഷന്‍സ് ഡെപ്യൂട്ടി ഡയറക്ടര്‍ വിജിലന്‍സിന് നിയമോപദേശം നല്‍കിയിരുന്നു. ഇതു സംബന്ധിച്ച ഫയല്‍ ആഭ്യന്തര മന്ത്രി തിരുവഞ്ചൂര്‍ രാധാകൃഷ്ണന് ലഭിച്ചിരുന്നു. തുടര്‍ന്ന് വി.എസിന്‍െതിരായ പ്രോസിക്യൂഷന് അഡ്വക്കേറ്റ് ജനറലിന്റെും ഗവര്‍ണറുടെയും അനുമതി തേടാന്‍ സര്‍ക്കാര്‍ തീരുമാനിക്കുകയായിരുന്നു.
features: Facebook |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment