പോളിയോ തുള്ളി മരുന്ന് വിതരണം: പാകിസ്താനില്‍ മുന്ന് പേര്‍ കൂടി കൊല്ലപ്പെട്ടു Madhyamam News Feeds |  |
- പോളിയോ തുള്ളി മരുന്ന് വിതരണം: പാകിസ്താനില്‍ മുന്ന് പേര്‍ കൂടി കൊല്ലപ്പെട്ടു
- രാസമാലിന്യം; പെരിയാറിന് വീണ്ടും നിറംമാറ്റം
- കേരളോത്സവം: പുഴക്കലിന് കിരീടം
- ജില്ലയില്‍ കടലാക്രമണം തടയാന്‍ 23 പുലിമുട്ടുകള്‍ നിര്‍മിക്കാന്‍ പദ്ധതി
- കണ്ണൂര്‍ വിമാനത്താവളം 525 ഹെക്ടറില്‍; ചെലവ് 1130 കോടി
- ടി.പി. ചന്ദ്രശേഖരന്‍ വധം: കെ.കെ. രാഗേഷിന്റെ ഹരജി തള്ളി
- പറവൂര്‍ പീഡനം: പിതാവിന് ഏഴു വര്‍ഷം തടവ്
- ബത്തേരി സഹ. ബാങ്കില്‍ ഭരണസമിതി പുറത്തേക്ക്
- വിവാദം കൊഴുക്കുന്നതിനിടെ ഡി.സി.സി ഓഫിസ് കോണ്‍ഗ്രസ് സ്വന്തമാക്കുന്നു
- ഗര്‍ഭഛിദ്ര നിയമത്തില്‍ മാറ്റം വരുത്താന്‍ തയ്യാറെന്ന് അയര്‍ലന്‍ഡ്
| പോളിയോ തുള്ളി മരുന്ന് വിതരണം: പാകിസ്താനില്‍ മുന്ന് പേര്‍ കൂടി കൊല്ലപ്പെട്ടു Posted: 19 Dec 2012 12:56 AM PST Image:  ഇസ്ലാമാബാദ്: പാകിസ്താനില്‍ പോളിയോ തുള്ളിമരുന്ന് നല്‍കുന്നതിന് നിയോഗിക്കപ്പെട്ട മൂന്ന് പേരെ കൂടി വെടിവെച്ച് കൊന്നു. ആരോഗ്യ വകുപ്പിലെ വനിതാ ജീവനക്കാരി, ഇവരുടെ ഡ്രൈവര്‍, ഒരു വിദ്യാര്‍ഥി എന്നിവരാണ് ബുധനാഴ്ച വെടിയുണ്ടക്ക് ഇരയായത്. ചാര്‍സാദ ജില്ലയിലായിരുന്നു യുവതിയും ഡ്രൈവറും കൊല്ലപ്പെട്ടത് പൊലീസ് അറിയിച്ചു. പെഷാവറില്‍ നടന്ന ആക്രമണത്തിലാണ് വിദ്യാര്‍ഥിയെ കൊലപ്പെടുത്തിയത്.
|
| രാസമാലിന്യം; പെരിയാറിന് വീണ്ടും നിറംമാറ്റം Posted: 19 Dec 2012 12:26 AM PST കളമശേരി: പെരിയാറിലേക്ക് രാസമാലിന്യം ഒഴുക്കിയതിനെത്തുടര്‍ന്ന് പുഴ മണിക്കൂറുകളോളം നിറംമാറി ഒഴുകി. വെള്ളം മഞ്ഞ നിറത്തിലായി. മാലിന്യത്തെത്തുടര്‍ന്ന് പ്രദേശത്താകെ രൂക്ഷ ഗന്ധമായിരുന്നു. ചൊവ്വാഴ്ച ഉച്ചക്ക് ഒന്ന് മുതല്‍ പാതാളം ബണ്ടിന് സമീപമാണ് സംഭവം. മലിനീകരണ നിയന്ത്രണ ബോര്‍ഡിനെ സംഭവം വിളിച്ച് അറിയിച്ചെങ്കിലും ഒരു മണിക്കൂര്‍ വൈകിയെത്തി സാമ്പിള്‍ പോലും എടുക്കാതെ മടങ്ങി. എടയാര്‍ വ്യവസായ മേഖലയില്‍ റബര്‍ അനുബന്ധ വ്യവസായ കമ്പനിയില്‍ നിന്നുള്ള രാസമാലിന്യമാണെന്നാണ് നാട്ടുകാര്‍ പറയുന്നത്. വേലിയിറക്ക സമയം ആയതിനാലും റെഗുലേറ്റര്‍ കം ബ്രിഡ്ജിലെ ഷട്ടര്‍ തുറന്നതും കണ്ടാണ് മാലിന്യം തള്ളിയിരിക്കുന്നതെന്നാണ് ആക്ഷേപം. പുഴയുടെ മധ്യഭാഗത്തുനിന്ന് തുടങ്ങിയ നിറംമാറ്റം ഷട്ടര്‍ വരെ കാണമായിരുന്നു. സംഭവം നാട്ടുകാരുടെ ശ്രദ്ധയില്‍പെട്ടതോടെ ഒഴുക്ക് നിര്‍ത്തി. അതേസമയം സാമ്പിള്‍ പരിശോധന പോലും നടത്താതെ പുഴക്ക് കുറുകെ നിര്‍മിക്കുന്ന പുതിയ ബണ്ടിന്‍െറ പൈലിങ്ങില്‍ നിന്നുള്ള നിറംമാറ്റമെന്നാണ് മലിനീകരണ നിയന്ത്രണ ബോര്‍ഡ് ഉദ്യോഗസ്ഥര്‍ പറയുന്നത്. അസി.എക്സിക്യൂട്ടീവ് എന്‍ജിനീയര്‍ അടക്കമുള്ള മൂന്ന് ഉയര്‍ന്ന ഉദ്യോഗസ്ഥര്‍ അടങ്ങുന്ന സംഘം സംഭവ സ്ഥലത്തെത്തിയിട്ടും സാമ്പിള്‍ ശേഖരിക്കാത്തതില്‍ ദുരൂഹതയുണ്ടെന്ന് നാട്ടുകാരുടെ ആരോപിക്കുന്നു. അതേ സമയം ബണ്ടിന്‍െറ പൈലിങ് നടക്കുന്നത് പുഴയുടെ അക്കരെയാണ്. അതിന്‍െറ നിറംമാറ്റം ആ ഭാഗത്തുനിന്നും വേണം തുടങ്ങാന്‍. എടയാറിലെ ചില കമ്പനികളുടെ മാലിന്യക്കുഴല്‍ പുഴയുടെ അടിത്തട്ടുവഴി പുഴയുടെ മറുഭാഗത്ത് സ്ഥാപിച്ചുള്ളതായ പരാതി നേരത്തേ ഉണ്ട്. |
| കേരളോത്സവം: പുഴക്കലിന് കിരീടം Posted: 19 Dec 2012 12:20 AM PST തൃശൂര്‍: ജില്ലാ കേരളോത്സവത്തില്‍ പുഴക്കല്‍ ബ്ളോക്ക് ചാമ്പ്യന്‍മാര്‍. 208 പോയന്‍റ് നേടിയാണ് പുഴക്കല്‍ ബ്ളോക്ക് ഓവറോള്‍ കിരീടം ചൂടിയത്. 188 പോയന്‍റുമായി തൃശൂര്‍ കോര്‍പറേഷന്‍ രണ്ടാമതെത്തി. പുഴക്കലിന്‍െറ ശ്രീജ കലാതിലകവും ചേര്‍പ്പിന്‍െറ യദു എസ്. മാരാര്‍ കലാപ്രതിഭയുമായി. കലാവിഭാഗത്തില്‍ 81 പോയന്‍റുമായി പുഴക്കല്‍ ബ്ളോക്കും 53 പോയന്‍റുമായി ചേര്‍പ്പ് ബ്ളോക്കും ഒന്നും രണ്ടും സ്ഥാനങ്ങള്‍ കരസ്ഥമാക്കി. കായിക വിഭാഗത്തില്‍ 144 പോയന്‍േറാടെ തൃശൂര്‍ കോര്‍പറേഷന്‍ ഒന്നാമതും 127 പോയന്‍റുമായി ഒല്ലൂക്കര ബ്ളോക്ക് രണ്ടാമതുമായി. ചൊവ്വാഴ്ച നടന്ന മത്സരങ്ങളില്‍ കോല്‍കളിയില്‍ ചാവക്കാട് ഒന്നാം സ്ഥാനം നേടി. പുഴക്കലിനാണ് രണ്ടാം സ്ഥാനം. മാപ്പിളപ്പാട്ടില്‍ വടക്കാഞ്ചേരി ഒന്നാമതെത്തിയപ്പോള്‍ മതിലകം രണ്ടാം സ്ഥാനത്തെത്തി. മിമിക്രിയില്‍ പഴയന്നൂര്‍ ഒന്നാമതെത്തി. വടക്കാഞ്ചേരി രണ്ടാമതും. മോണോ ആക്ടില്‍ ചാവക്കാടാണ് ഒന്നാമത്. ഫാന്‍സി ഡ്രസില്‍ കൊടുങ്ങല്ലൂര്‍ ഒന്നാം സ്ഥാനം നേടി. പഞ്ചഗുസ്തി മത്സരത്തില്‍ 48 പോയന്‍റ് നേടി കൊടകര ബ്ളോക്ക് പഞ്ചായത്ത് ചാമ്പ്യന്‍മാരായി. 13 പോയന്‍റ് നേടിയ ചൊവ്വന്നൂര്‍ ബ്ളോക്ക് പഞ്ചായത്തിനാണ് രണ്ടാം സ്ഥാനം. പഞ്ചഗുസ്തി വേള്‍ഡ് റഫറി എം.ഡി. റാഫേല്‍, ഷാജു മോന്‍ വട്ടേക്കാട് എന്നിവര്‍ മത്സരങ്ങള്‍ നിയന്ത്രിച്ചു. |
| ജില്ലയില്‍ കടലാക്രമണം തടയാന്‍ 23 പുലിമുട്ടുകള്‍ നിര്‍മിക്കാന്‍ പദ്ധതി Posted: 18 Dec 2012 11:29 PM PST പൊന്നാനി: ജില്ലയിലെ തീരദേശങ്ങളില്‍ കടലാക്രമണം തടയാന്‍ ജലസേചന വകുപ്പ് 23 പുലിമുട്ടുകള്‍ നിര്‍മിക്കും. പ്രാരംഭ നടപടികള്‍ക്ക് ചെന്നൈ ഐ. ഐ.ടി.യിലെ വിദഗ്ധ സംഘം ജില്ലയില്‍ കടലാക്രമണം രൂക്ഷമായ തീരദേശങ്ങള്‍ സന്ദര്‍ശിക്കും. |
| കണ്ണൂര്‍ വിമാനത്താവളം 525 ഹെക്ടറില്‍; ചെലവ് 1130 കോടി Posted: 18 Dec 2012 11:21 PM PST മട്ടന്നൂര്‍: കണ്ണൂര്‍ വിമാനത്താവള നിര്‍മാണവുമായി ബന്ധപ്പെട്ട ചെലവുകളും മറ്റും ഉള്‍പ്പെടുത്തി പ്രാഥമിക റിപ്പോര്‍ട്ട് തയാറാക്കി. മട്ടന്നൂരിനടുത്ത മൂര്‍ഖന്‍പറമ്പില്‍ 525 ഹെക്ടറില്‍ നിര്‍മിക്കുന്ന വിമാനത്താവളത്തിന് 1130 കോടി രൂപ ചെലവാണ് പ്രതീക്ഷിക്കുന്നത്. നിര്‍മാണം |
| ടി.പി. ചന്ദ്രശേഖരന്‍ വധം: കെ.കെ. രാഗേഷിന്റെ ഹരജി തള്ളി Posted: 18 Dec 2012 10:53 PM PST Image:  കോഴിക്കോട്: ടി.പി. ചന്ദ്രശേഖരന്‍ വധക്കേസില്‍ പ്രതിപ്പട്ടികയില്‍ നിന്ന് ഒഴിവാക്കണമെന്നാവശ്യപ്പെട്ട് സി.പി.എം സംസ്ഥാന സമിതി അംഗം കെ.കെ രാഗേഷ് ഉള്‍പ്പെടെ 16പേരുടെ ഹരജി തള്ളി. അതേസമയം, രണ്ടു പേരെ പ്രതിപട്ടികയില്‍ നിന്ന് ഒഴിവാക്കി. 54ാം പ്രതി കാര്യത്ത് വത്സന്‍, 61ാം പ്രതി മദനന്‍ എന്നിവരെയാണ് പ്രതിപട്ടികയില്‍ നിന്ന് ഒഴിവാക്കിയത്. പ്രതിപട്ടികയില്‍ നിന്ന ്ഒഴിവാക്കണമെന്നാവശ്യപ്പെട്ട് 18പേരാണ് ഹരജി നല്‍കിയിരുന്നത്. |
| പറവൂര്‍ പീഡനം: പിതാവിന് ഏഴു വര്‍ഷം തടവ് Posted: 18 Dec 2012 10:39 PM PST Image:  Subtitle: മാതാവ് ഉള്‍പ്പെടെ രണ്ടുപേരെ വെറുതെ വിട്ടു കൊച്ചി: പ്രായപൂര്‍ത്തിയാവാത്ത പറവൂര്‍ സ്വദേശിനിയായ പെണ്‍കുട്ടിയെ 200ലേറെപ്പേര്‍ക്ക് കാഴ്ചവെച്ച കേസില്‍ ഒന്നും മൂന്നും പ്രതികള്‍ക്ക് ഏഴു വര്‍ഷം തടവും 25,000 രൂപ പിഴയും ശിക്ഷ വിധിച്ചു. പെണ്‍കുട്ടിയുടെ പിതാവും ഒന്നാം പ്രതിയുമായ സുധീര്‍ അടക്കം നാല് പ്രതികള്‍ കുറ്റക്കാരാണെന്ന് രാവിലെ കോടതി കണ്ടെത്തിയിരുന്നു. വിജയകുമാര്‍, ഉണ്ണികൃഷ്ണന്‍, നോബി സുഗുണന്‍ എന്നിവരാണ് മറ്റ് പ്രതികള്‍. അഡീഷനല്‍ സെഷന്‍സ് ജഡ്ജി പി.ജി.അജിത് കുമാര്‍ ആണ് കേസ് പരിഗണിച്ചത്. അതേസമയം, കേസിലെ രണ്ടും ആറും പ്രതികളായ പെണ്‍കുട്ടിയുടെ മാതാവ് സുബൈദ, ഇടനിലക്കാരന്‍ ബിജു നാരായണന്‍ എന്നിവരെ തെളിവുകളുടെ അഭാവത്തില്‍ കോടതി വെറുതെ വിട്ടു. 2009 ഏപ്രിലില്‍ വീട്ടില്‍ ആരുമില്ലാതിരുന്ന സമയം സുധീര്‍ 14 കാരിയായ പെണ്‍കുട്ടിയെ പീഡിപ്പിക്കുകയായിരുന്നു. കുളിച്ചുകൊണ്ടിരിക്കെ മൊബൈലില്‍ പകര്‍ത്തിയ നഗ്‌ന ദൃശ്യങ്ങള്‍ കാണിക്കുകയും വഴങ്ങിയില്ലെങ്കില്‍ ദൃശ്യങ്ങള്‍ പ്രചരിപ്പിക്കുമെന്നും പെണ്‍കുട്ടിയെയും സഹോദരനെയും കൊല്ലുമെന്ന് ഭീഷണിപ്പെടുത്തിയായിരുന്നു പീഡിപ്പിച്ചത്. സിനിമാ മേഖലകളിലുള്ളവര്‍ ഇത്തരത്തില്‍ ചെയ്യാറുണ്ടെന്നും ആരോടും പറയരുതെന്നും പെണ്‍കുട്ടിയെ പറഞ്ഞ് വിശ്വസിപ്പിച്ചു. തുടര്‍ന്ന് പലതവണ പീഡിപ്പിക്കുകയും കേരളത്തിലെ വിവിധയിടങ്ങളിലെ പ്രമുഖര്‍ക്ക് കാഴ്ചവെക്കുകയും ചെയ്ത പെണ്‍കുട്ടിയെ കോയമ്പത്തൂര്‍, ബംഗളുരു എന്നിവിടങ്ങളിലെ പെണ്‍വാണിഭ സംഘത്തിനും പിതാവ് കൈമാറി. പിതാവിന്റെ ആജ്ഞകള്‍ക്ക് പെണ്‍കുട്ടി വഴങ്ങാന്‍ വിസമ്മതിച്ചപ്പോള്‍ വരാപ്പുഴ പാലത്തിന് മുകളില്‍ കൊണ്ടുപോയി തള്ളിയിടുമെന്ന് ഭീഷണിപ്പെടുത്തുകയും അനുജനെ ഫാനിന്റെ ഹുക്കില്‍ തൂക്കിയിട്ട് പീഡിപ്പിക്കാന്‍ ശ്രമിക്കുകയും ചെയ്തതിലൂടെ പെണ്‍കുട്ടിയെ സുധീര്‍ നിശബ്ദനാക്കുകയായിരുന്നു. 2009 മുതല്‍ 2012 വരെ പെണ്‍കുട്ടിയെ പീഡിപ്പിച്ചവരില്‍ 162 പേരെ െ്രെകംബ്രാഞ്ച് ഇതുവരെ കണ്ടെത്തിയിട്ടുണ്ട്. 50 ലേറെ കുറ്റപത്രങ്ങള്‍ നല്‍കാനുദ്ദേശിക്കുന്ന കേസിലെല്ലാത്തിലും സുധീറാണ് ഒന്നാം പ്രതി. െ്രെകംബ്രാഞ്ച് ഡി.വൈ.എസ്പിയായിരുന്ന ബിജോ അലക്‌സാണ്ടാറാണ് കേസില്‍ കുറ്റപത്രം സമര്‍പ്പിച്ചത്. ഹയര്‍സെക്കന്‍ഡറി വിദ്യാര്‍ഥിയായിരിക്കെ പീഡനത്തിന് ഇരയാക്കപ്പെട്ട പെണ്‍കുട്ടിക്ക് അടുത്ത അധ്യയന വര്‍ഷമെങ്കിലും പഠനം പുനരാരംഭിക്കാന്‍ സാധ്യമാകുംവിധം വിചാരണ എത്രയും വേഗം പൂര്‍ത്തിയാക്കണമെന്ന് ഹൈക്കോടതി നിര്‍ദേശമുണ്ടായിരുന്നു. |
| ബത്തേരി സഹ. ബാങ്കില്‍ ഭരണസമിതി പുറത്തേക്ക് Posted: 18 Dec 2012 10:33 PM PST സുല്‍ത്താന്‍ ബത്തേരി: ബി.ജെ.പിയുടെ നേതൃത്വത്തില്‍ ഭരണം നടക്കുന്ന സുല്‍ത്താന്‍ ബത്തേരി സര്‍വീസ് സഹകരണ ബാങ്ക് ഡയറക്ടര്‍ ബോര്‍ഡില്‍ നിന്ന് ഏഴ് ഡയറക്ടര്‍മാര്‍ രാജിവെച്ചു. |
| വിവാദം കൊഴുക്കുന്നതിനിടെ ഡി.സി.സി ഓഫിസ് കോണ്‍ഗ്രസ് സ്വന്തമാക്കുന്നു Posted: 18 Dec 2012 10:27 PM PST കോഴിക്കോട്: വന്‍തുക മുടക്കി ഡി.സി.സി ഓഫിസ് സ്വന്തമാക്കാനിരിക്കെ കോണ്‍ഗ്രസില്‍ വിവാദം കൊഴുക്കുന്നു. ഉപസമിതിയെ നോക്കുകുത്തിയാക്കി പ്രസിഡന്‍റ് ഏകപക്ഷീയമായി കാര്യങ്ങള്‍ തീരുമാനിച്ചതാണ് തുടക്കത്തില്‍ ആരോപണത്തിനിടയാക്കിയതെങ്കില്‍ ഇപ്പോഴത്തെ വിവാദം പണപ്പിരിവുമായി ബന്ധപ്പെട്ട സുതാര്യതയില്ലായ്മയാണ്. |
| ഗര്‍ഭഛിദ്ര നിയമത്തില്‍ മാറ്റം വരുത്താന്‍ തയ്യാറെന്ന് അയര്‍ലന്‍ഡ് Posted: 18 Dec 2012 10:00 PM PST Image:  ലണ്ടന്‍: ഇന്ത്യക്കാരിയായ ദന്തഡോക്ടറുടെ മരണത്തിന് കാരണമായ വിവാദ നിയമം തിരുത്താന്‍ തയ്യാറാണെന്ന് അയര്‍ലന്‍ഡ്. ഗുരുതരമായ ആരോഗ്യപ്രശ്നങ്ങള്‍ ഉണ്ടായിട്ടും ഗര്‍ഭഛിദ്രം അനുവദിക്കാത്തതിനാല്‍ കര്‍ണാടക സ്വദേശിനിയായ സവിത ഹാലപ്പനവര്‍ അയര്‍ലന്‍ണ്ടില്‍ മരിക്കാനിടയായത് ഏറെ വിവാദമായ പശ്ചാത്തലത്തിലാണ് നിയമം തിരുത്താന്‍ തയ്യാറാണെന്ന് അയര്‍ലന്‍ഡ് സര്‍ക്കാര്‍ അറിയിച്ചത്. 20 വര്‍ഷം മുമ്പ് അയര്‍ലന്‍ഡ് സുപ്രീം കോടതി നടത്തിയ ഉത്തരവിനെക്കുറിച്ച് പഠിച്ച് 2013 ജനുവരിയില്‍ പുതിയ നിയമം നടപ്പിലാക്കാനാണ് സര്‍ക്കാര്‍ ആലോചിക്കുന്നത്. ആത്മഹത്യ ചെയ്യാന്‍ പ്രേരിപ്പിക്കുന്ന സാഹചര്യം, ഗര്‍ഭം മാതാവിന്‍െറ ജീവന് ഭീഷണിയുണ്ടാക്കുന്ന സാഹചര്യം എന്നീ സന്ദര്‍ഭങ്ങളില്‍ ഗര്‍ഭഛിദ്രം അനുവദിക്കാമെന്ന് 20 വര്‍ഷം മുമ്പ് അയര്‍ലന്‍ഡ് സുപ്രീംകോടതി വ്യക്തമാക്കിയിരുന്നു. ഈ ഉത്തരവിനെക്കുറിച്ച് പഠിക്കാനും പുതിയ നിയമത്തില്‍ ആവശ്യമായ നിര്‍ദ്ദേശങ്ങള്‍ നല്‍കാനും സര്‍ക്കാര്‍ ഒരു വിദഗ്ഥ സമിതിയെ നിയോഗിച്ചിട്ടുണ്ട്. ഗര്‍ഭിണികളുടെ സുരക്ഷ സംബന്ധിച്ച് സര്‍ക്കാറിന് അതീവ കരുതലുണ്ടെന്നും ഇത്തരം നിര്‍ണ്ണായക വിഷയത്തില്‍ വളരെ ആലോചിച്ച് തീരുമാനമെടുക്കുമെന്നും അയര്‍ലന്‍ഡ് ആരോഗ്യമന്ത്രി ജെയിംസ് റെല്ലി അറിയിച്ചു. |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment