മെഡിറ്ററേനിയന്‍ ബോട്ടപകടം; ക്യാപ്റ്റനും ജീവനക്കാരനും അറസ്റ്റില്‍ Madhyamam News Feeds |  |
- മെഡിറ്ററേനിയന്‍ ബോട്ടപകടം; ക്യാപ്റ്റനും ജീവനക്കാരനും അറസ്റ്റില്‍
- എസ്.എസ്.എല്‍.സി: ജില്ലയില്‍ 98.77 ശതമാനം വിജയം
- ഇരുമ്പുഴിക്കും പൂക്കോട്ടൂരിനും ചരിത്രവിജയം
- കനോലി കനാല്‍ നവീകരണം പുരോഗമിക്കുന്നു
- എസ്.എസ്.എല്‍.സി: ശതമാനത്തിലും ‘എ’ പ്ളസിലും കോഴിക്കോടിന് ‘എ’ പ്ളസ്
- കാബിനറ്റ് പദവി ബാബാ രാംദേവ് നിരസിച്ചു
- ‘മധുരമെന്‍ മലയാളം’: കലാശ മത്സരത്തിന് രണ്ടുനാള്‍ കൂടി
- മോഷണകുറ്റത്തിന് പിടിയിലായ ബാലനെ പൊലീസ് സ്റ്റേഷനില്‍ ചങ്ങലക്കിട്ടു
- ഒഡീഷ മുന്‍ മുഖ്യമന്ത്രി ജെ.ബി പട്നായിക് അന്തരിച്ചു
- യു.ഡി.എഫ് ഒറ്റക്കെട്ടെന്ന് ഉമ്മന്‍ ചാണ്ടി
- കെജ് രിവാള്‍ ഹിറ്റ്ലറെ പോലെ പെരുമാറുന്നു ^ശാന്തി ഭൂഷണ്‍
- യു.എന്‍ പ്രമേയം സൗദിക്കുള്ള ആഗോളപിന്തുണ - മന്ത്രിസഭ
- അന്തര്‍ദേശീയ രാഷ്ട്രീയത്തില്‍ ഖത്തറിന്‍െറ നിലപാടുകള്‍ വിജയം -ഡോ.ഖാലിദ് അല്‍ അത്വിയ്യ
- ക്രിസ്ത്യന്‍ വിവാഹ നിയമത്തില്‍ ഭേദഗതി വേണമെന്ന് സുപ്രീംകോടതി
- നാടിന്‍െറ കവിയെ ആദരിക്കാന്‍ ജന്മനാടൊരുങ്ങുന്നു
- കാലചക്രങ്ങള്‍
- സി.പി.എമ്മിന് പുതിയ നേതൃത്വം
- ബോട്ട് ദുരന്തം: മരണം 950 കവിഞ്ഞു
- ഇസ്രായേല്‍:സര്‍ക്കാര്‍ രൂപവത്കരണത്തിന് നെതന്യാഹുവിന് രണ്ടാഴ്ചകൂടി അനുവദിച്ചു
- യു.എന്‍ വാഹനം പൊട്ടിത്തെറിച്ച് 9 മരണം
- പരിസ്ഥിതി പ്രവര്‍ത്തകരുടെ ജീവനും അപകടത്തില്‍; കൊല്ലപ്പെട്ടത് 116 പേര്‍
- വിഷദുരന്തം സമ്മാനിച്ച ഇരുട്ട് തോറ്റു; ദേവികിരണും ദിലീപും വിജയത്തിളക്കത്തില്‍
- ആവശ്യത്തിന് സീറ്റില്ല: അരലക്ഷം കുട്ടികളുടെ ഉപരിപഠനം പ്രതിസന്ധിയിലാകും
- മുന്നണിമാറ്റ സൂചനയുമായി വീണ്ടും ജെ.ഡി.യു; എല്‍.ഡി.എഫിനൊപ്പം വേദിപങ്കിടും
- എസ്.എസ്.എല്‍.സി ഫലം അബദ്ധപഞ്ചാംഗം
| മെഡിറ്ററേനിയന്‍ ബോട്ടപകടം; ക്യാപ്റ്റനും ജീവനക്കാരനും അറസ്റ്റില്‍ Posted: 21 Apr 2015 12:23 AM PDT Image:  റോം: 900ത്തോളം പേരുടെ ജീവഹാനിക്കിടയാക്കിയ മെഡിറ്ററേനിയന്‍ ബോട്ടപകടത്തില്‍ ബോട്ടിന്‍റെ ക്യാപ്റ്റനും ജീവനക്കാരനും അറസ്റ്റില്‍. തുനീഷ്യക്കാരനായ ക്യാപ്റ്റനും സിറിയക്കാരനായ ജീവനക്കാരനുമാണ് അറസ്റ്റിലായത്. അനധികൃത മനുഷ്യക്കടത്തിന് ഇരുവര്‍ക്കുമെതിരെ കേസ് എടുത്തു. ക്യാപ്റ്റനെതിരെ നരഹത്യക്കും കേസ് എടുത്തതായി ഇറ്റാലിയന്‍ അസിസ്റ്റന്‍റ് പ്രോസിക്യൂട്ടര്‍ റോക്കേ ലിഗൗറി അറിയിച്ചു. ലിബിയയിലെ ആഭ്യന്തര സംഘര്‍ഷങ്ങളുടെ പശ്ചാത്തലത്തില്‍ അവിടെ നിന്നും കൂടുതല്‍ ബോട്ടുകള്‍ ഇറ്റലിയിലേക്ക് വരുന്നത് തടയാന്‍ യൂറോപ്യന്‍ യൂണിയന്‍ ശ്രദ്ധ ചെലുത്തണമെന്ന് ഇറ്റാലിയന്‍ പ്രധാനമന്ത്രി മാറ്റിയോ റെന്‍സി ആവശ്യപ്പെട്ടു. പണം ലക്ഷ്യമിട്ട് നടത്തുന്ന മനുഷ്യക്കടത്ത് അടക്കമുള്ള കുറ്റകൃത്യങ്ങള്‍ തങ്ങള്‍ അഭിമുഖീകരിക്കുകയാണെന്നും ഇത് അനേകം ജീവനുകളാണ് ഇല്ലാതാക്കുന്നതെന്നും റെന്‍സി പറഞ്ഞു. മനുഷ്യക്കടത്തിനെതിരെ യൂറോപ്യന്‍ യൂണിയന്‍ ഉണര്‍ന്നു പ്രവര്‍ത്തിക്കുമെന്ന് ഇ.യു വിദേശകാര്യ മേധാവി ഫെഡെറിക് മോഗെറിനിറി അറിയിച്ചു. അപകടം മൂന്നു ദിവസം പിന്നിടുമ്പോഴും രക്ഷാപ്രവര്‍ത്തനം തുടരുകയാണ്. |
| എസ്.എസ്.എല്‍.സി: ജില്ലയില്‍ 98.77 ശതമാനം വിജയം Posted: 21 Apr 2015 12:12 AM PDT കൊച്ചി: എസ്.എസ്.എല്‍.സി വിജയശതമാനത്തില്‍ ജില്ലക്ക് മുന്നേറ്റം. കഴിഞ്ഞവര്‍ഷത്തേക്കാള്‍ 2.37 ശതമാനം വര്‍ധനയാണ് ഇത്തവണ രേഖപ്പെടുത്തിയത്. കഴിഞ്ഞ വര്‍ഷം ജില്ലയില്‍ 96.40 ശതമാനം പേര്‍ വിജയിച്ചപ്പോള്‍ ഇക്കുറി അത് 98.77 ശതമാനമായി ഉയര്‍ന്നു. സംസ്ഥാന ശരാശരിയേക്കാള്‍ ഉയര്‍ന്ന വിജയശതമാനമാണിത്. 97.99 ആണ് സംസ്ഥാനതലത്തിലെ വിജയശതമാനം. |
| ഇരുമ്പുഴിക്കും പൂക്കോട്ടൂരിനും ചരിത്രവിജയം Posted: 20 Apr 2015 11:40 PM PDT മലപ്പുറം: എസ്.എസ്.എല്‍.സി പരീക്ഷയില്‍ നൂറുശതമാനം വിജയം നേടി ഇരുമ്പുഴി ഗവ. ഹൈസ്കൂള്‍ ചരിത്രവിജയം നേടി. പഠനനിലവാരം മെച്ചപ്പെട്ടതോടൊപ്പം കലാകായിക രംഗത്തും മികവുപുലര്‍ത്താന്‍ ഈ സര്‍ക്കാര്‍ സ്കൂളിന് സാധിച്ചിട്ടുണ്ട്. അടിസ്ഥാന സൗകര്യങ്ങളുടെ കാര്യത്തില്‍ ഏറെ പിന്നില്‍നില്‍ക്കുന്ന ജില്ലയിലെ സര്‍ക്കാര്‍ സ്കൂളാണിത്. 217 കുട്ടികള്‍ പരീക്ഷ എഴുതി. 99.5 ശതമാനമായിരുന്നു മുന്‍വര്‍ഷത്തെ വിജയശതമാനം. ഒരു വിദ്യാര്‍ഥിനി എല്ലാ വിഷയങ്ങളിലും എപ്ളസ് നേടി. എടരിക്കോടിന് ഇരട്ടത്തിളക്കം |
| കനോലി കനാല്‍ നവീകരണം പുരോഗമിക്കുന്നു Posted: 20 Apr 2015 11:40 PM PDT താനൂര്‍: മുന്‍ രാഷ്ട്രപതി അബ്ദുല്‍ കലാമിന്‍െറ സ്വപ്ന പദ്ധതിയായിരുന്ന കനോലി കനാലിന്‍െറ നവീകരണം പുരോഗമിക്കുന്നു. വ്യത്യസ്ത പദ്ധതികള്‍ വിഭാവനം ചെയ്യുന്ന കനാല്‍ നവീകരണത്തില്‍ മത്സ്യബന്ധനം, ടൂറിസം, ശുദ്ധജലം തുടങ്ങിയ പ്രോജക്ടുകള്‍ ഉള്‍പ്പെടും. 2020ഓടെ കനാലിന്‍െറ മുഖഛായ മാറ്റി ജലഗതാഗതത്തിന് തുറന്നുകൊടുക്കുമെന്നാണ് പ്രതീക്ഷ. സംസ്ഥാന ഇറിഗേഷന്‍ വകുപ്പിന്‍െറ കീഴില്‍ കനാലിന്‍െറ പല ഭാഗങ്ങളും നവീകരിച്ചുവരികയാണ്. ഉള്‍നാടന്‍ ജലഗതാഗത വികസനത്തിന്‍െറ ഭാഗമായാണ് പ്രവൃത്തി നടക്കുന്നത്. കേന്ദ്ര-സംസ്ഥാന ഫണ്ടുകള്‍ ഉപയോഗപ്പെടുത്തിയാണ് വികസനം. വീതി കൂടിയ ഭാഗങ്ങളിലാണ് നിലവില്‍ പ്രവൃത്തി നടത്തുന്നത്. |
| എസ്.എസ്.എല്‍.സി: ശതമാനത്തിലും ‘എ’ പ്ളസിലും കോഴിക്കോടിന് ‘എ’ പ്ളസ് Posted: 20 Apr 2015 11:27 PM PDT കോഴിക്കോട്: എസ്.എസ്.എല്‍.സി പരീക്ഷാ ഫലത്തില്‍ സംസ്ഥാന ശരാശരിയായ 97.99 നെ പിന്തള്ളി 98.97 ശതമാനവുമായി കോഴിക്കോട് റവന്യൂ ജില്ലക്ക് തകര്‍പ്പന്‍ വിജയം. |
| കാബിനറ്റ് പദവി ബാബാ രാംദേവ് നിരസിച്ചു Posted: 20 Apr 2015 11:15 PM PDT Image:  ചണ്ഡിഗഢ്: ഹരിയാന സര്‍ക്കാര്‍ വാഗ്ദാനം ചെയ്ത കാബിനറ്റ് പദവി യോഗ ഗുരു ബാബ രാംദേവ് നിരസിച്ചു. യോഗയുടെയും ആയുര്‍വേദത്തിന്‍െറയും ബ്രാന്‍ഡ് അംബാസഡറായി ഹരിയാന സര്‍ക്കാര്‍ നേരത്തെ രാംദേവിനെ നിയമിച്ചിരുന്നു. തുടര്‍ന്നാണ് കാബിനറ്റ് മന്ത്രി പദവി നല്‍കുമെന്ന് ഹരിയാന ആരോഗ്യ മന്ത്രി അനില്‍ വിജ് അറിയിച്ചത്. ഇത് വിവാദമായിരുന്നു. ബി.ജെ.പി സര്‍ക്കാര്‍ രാംദേവിനെ പ്രീണിപ്പിക്കുകയാണെന്ന കോണ്‍ഗ്രസിന്‍െറ വിമര്‍ശത്തിന് തൊട്ടുപിന്നാലെയാണ് കാബിനറ്റ് പദവി നല്‍കാന്‍ സര്‍ക്കാര്‍ തീരുമാനിച്ചത്. കഴിഞ്ഞ ലോക്സഭ തെരഞ്ഞെടുപ്പ് പ്രചാരണത്തില്‍ ബി.ജെ.പിക്ക് വന്‍ പിന്തുണ നല്‍കിയ രാംദേവിനെ ഹരിയാനയില്‍ ബി.ജെ.പി സര്‍ക്കാര്‍ അധികാരത്തിലേറിയ ഉടന്‍തന്നെയാണ് ബ്രാന്‍ഡ് അംബാസഡറായി നിയമിച്ചത്.
|
| ‘മധുരമെന്‍ മലയാളം’: കലാശ മത്സരത്തിന് രണ്ടുനാള്‍ കൂടി Posted: 20 Apr 2015 10:46 PM PDT Image:  ദുബൈ: കേരള ഭാഷാ ഇന്‍സ്റ്റിറ്റ്യൂട്ട്, സംസ്ഥാന ബാലസാഹിത്യ ഇന്‍സ്റ്റിറ്റ്യൂട്ട്, മലയാളം മിഷന്‍ എന്നിവയുടെ സഹകരണത്തോടെ ഗള്‍ഫ് മാധ്യമവും മാധ്യമം ഓണ്‍ലൈനും ദുബൈയില്‍ സംഘടിപ്പിക്കുന്ന ‘മധുരമെന്‍ മലയാളം’ കലാശ പോരാട്ടത്തിന് ഇനി രണ്ടു ദിവസങ്ങള്‍ മാത്രം. |
| മോഷണകുറ്റത്തിന് പിടിയിലായ ബാലനെ പൊലീസ് സ്റ്റേഷനില്‍ ചങ്ങലക്കിട്ടു Posted: 20 Apr 2015 10:16 PM PDT Image:  ഹൈദരാബാദ്: ആന്ധ്രാപ്രദേശില്‍ മോഷണകുറ്റത്തിന് പിടിയിലായ 13 കാരനെ പൊലീസ് സ്റ്റേഷനില്‍ ചങ്ങലക്കിട്ടു. മാല മോഷണത്തിന് പിടിയിലായ ആണ്‍കുട്ടിയാണ് പൊലീസ് അഞ്ചുദിവസം ലോക്കപ്പില്‍ ചങ്ങലക്കിട്ടത്. ലോക്കപ്പിലെ ജനാലയില്‍ ബന്ധിച്ച നിലയില്‍ കരഞ്ഞുകൊണ്ടിരിക്കുന്ന കുട്ടിയുടെ ചിത്രം മാധ്യമങ്ങളില്‍ വന്നതോടെയാണ് സംഭവം പുറത്തായത്. പ്രായപൂര്‍ത്തിയാകാത്ത കുട്ടിയെ നിയമവിരുദ്ധമായി അറസ്റ്റു ചെയ്ത് ലോക്കപ്പില്‍ കെട്ടിയിട്ടത് വിവാദമായിരിക്കുകയാണ്. |
| ഒഡീഷ മുന്‍ മുഖ്യമന്ത്രി ജെ.ബി പട്നായിക് അന്തരിച്ചു Posted: 20 Apr 2015 09:37 PM PDT Image:  ഭുവനേശ്വര്‍: ഒഡീഷ മുന്‍ മുഖ്യമന്ത്രിയും അസം മുന്‍ ഗവര്‍ണറുമായ ജാനകി ബല്ലവ് പട്നായിക് അന്തരിച്ചു. 89 വയസായിരുന്നു. ചൊവ്വാഴ്ച പുലര്‍ച്ചെ തിരുപ്പതിയിലെ സ്വകാര്യ ആശുപത്രിയില്‍ വെച്ചായിരുന്നു അന്ത്യം. |
| യു.ഡി.എഫ് ഒറ്റക്കെട്ടെന്ന് ഉമ്മന്‍ ചാണ്ടി Posted: 20 Apr 2015 09:35 PM PDT Image:  തിരുവനന്തപുരം: യു.ഡി.എഫ് ഒറ്റക്കെട്ടാണെന്ന് മുഖ്യമന്ത്രി ഉമ്മന്‍ ചാണ്ടി. ഒരു ഘടകകക്ഷിയും യു.ഡി.എഫില്‍ നിന്നും കൊഴിഞ്ഞു പോകില്ല. ഘടകകക്ഷികളില്‍ വലിപ്പച്ചെറുപ്പങ്ങളില്ളെന്നും അദ്ദേഹം കൂട്ടിച്ചേര്‍ത്തു. 2016ലെ നിയമസഭാ തെരഞ്ഞെടുപ്പിലും ഇതേ ഘടകകക്ഷികള്‍ തന്നെ മുന്നണിയിലുണ്ടാകുമെന്നും വീഴാന്‍ സാധ്യതയുള്ള സര്‍ക്കാരായിരുന്നെങ്കില്‍ എന്നേ വീണേനെയെന്നും മുഖ്യമന്ത്രി പറഞ്ഞു. എം.പി. വീരേന്ദ്രകുമാര്‍ പറഞ്ഞ കാര്യങ്ങള്‍ പരിശോധിച്ചു വരികയാണെന്നും അദ്ദേഹം വ്യക്തമാക്കി. സംഘ്പരിവാര്‍ വെല്ലുവിളി നേരിടാന്‍ കേരളത്തില്‍ ഇടതുമുന്നണിയുമായും വേദിപങ്കിടുമെന്ന് വീരേന്ദ്രകുമാര്‍ കഴിഞ്ഞദിവസം വ്യക്തമാക്കിയിരുന്നു. കേന്ദ്രത്തിലെ മാറിയ രാഷ്ട്രീയ സാഹചര്യത്തില്‍ മതേതരത്വമാണ് ഏറ്റവുംവലിയ ചര്‍ച്ച. ദേശീയ നേതൃത്വത്തിന്‍െറ ഭാഗമായതിനാല്‍ ജെ.ഡി.യു കേരളഘടകത്തിലും തീരുമാനമെടുക്കുക കേന്ദ്ര നേതൃത്വമായിരിക്കുമെന്നും അദ്ദേഹം പറഞ്ഞിരുന്നു. ലോക്സഭാ തെരഞ്ഞെടുപ്പില്‍ പാലക്കാട് മണ്ഡലത്തിലെ തോല്‍വി സംബന്ധിച്ച് യു.ഡി.എഫ് ഉപസമിതി നടത്തിയ അന്വേഷണ റിപ്പോര്‍ട്ട് പുറത്തുവിടണമെന്നും വീരേന്ദ്രകുമാര്‍ ആവശ്യപ്പെട്ടിരുന്നു. |
| കെജ് രിവാള്‍ ഹിറ്റ്ലറെ പോലെ പെരുമാറുന്നു ^ശാന്തി ഭൂഷണ്‍ Posted: 20 Apr 2015 09:13 PM PDT Image:  ന്യൂഡല്‍ഹി: ഡല്‍ഹി മുഖ്യമന്ത്രിയും എ.എ.പി നേതാവുമായ അരവിന്ദ് കെജ് രിവാളിനെതിരെ രൂക്ഷവിമര്‍ശവുമായി എ.എ.പി സ്ഥാപക നേതാവും മുതിര്‍ന്ന അഭിഭാഷകനുമായ ശാന്തി ഭൂഷണ്‍ രംഗത്ത്. കെജ് രിവാള്‍ ഹിറ്റ്ലറെ പോലെ പെരുമാറുന്നുവെന്ന് അദ്ദേഹം കുറ്റപ്പെടുത്തി. കെജ് രിവാളിന്‍റെ തനിനിറം തിരിച്ചറിയുന്നതില്‍ തനിക്ക് വീഴ്ച പറ്റി. എന്തുകൊണ്ടാണ് തന്നെ ഈ പാര്‍ട്ടിയില്‍ നിന്ന് പുറത്താക്കാത്തതെന്നും ശാന്തിഭൂഷണ്‍ ചോദിച്ചു. എ.എ.പി ഇപ്പോള്‍ ഖാപ് പഞ്ചായത്ത് പോലെയായെന്ന് പ്രശാന്ത് ഭൂഷണ്‍ പ്രതികരിച്ചു. ഒരു ഏകാധിപതിയും അയാളുടെ കൂട്ടാളികളും ചേര്‍ന്ന് ഒരു പ്രസ്ഥാനത്തിന്‍െറ എല്ലാ സ്വപ്നങ്ങളും ഛിന്നഭിന്നമാക്കി. ഞങ്ങളെ പുറത്താക്കിയതോടെ നാടകം അവസാനിച്ചിരിക്കുകയാണ്. ഏറെ ദുഃഖമുണ്ട്. എന്നാല്‍ വ്യക്തിപരമായ നഷ്ടങ്ങളൊന്നും ഉണ്ടായിട്ടില്ലെന്നും പ്രശാന്ത് ഭൂഷണ്‍ കൂട്ടിച്ചേര്‍ത്തു. അതേസമയം, പാര്‍ട്ടി നടപടി ആകസ്മികമായിരുന്നില്ളെന്ന് യോഗേന്ദ്ര യാദവ് പ്രതികരിച്ചു. കഴിഞ്ഞ കുറച്ചു ദിവസങ്ങളായി കാര്യങ്ങള്‍ ഇതേ തരത്തിലാണ് പോയിരുന്നത്. എന്നാല്‍ തന്നെ നടപടി ഒരുപാട് വിഷമിപ്പിച്ചിച്ചു. സ്വന്തം വീട്ടില്‍ നിന്ന് പുറത്താക്കിയതുപോലെയാണ് തോന്നുന്നതെന്നും യോഗേന്ദ്ര യാദവ് പറഞ്ഞു. എ.എ.പിയില്‍ നിന്നും തന്നെ പുറത്താക്കിയത് അഴിമതിക്കെതിരേയുള്ള പോരാട്ടത്തിനു കരുത്തു പകരുമെന്ന് അനന്ത്കുമാര്‍ പ്രതികരിച്ചു. വിമത നേതാക്കളായ യോഗേന്ദ്ര യാദവ്, പ്രശാന്ത് ഭൂഷണ്‍, അനന്ത്കുമാര്‍, അജിത് ഝാ എന്നിവരെ ആം ആദ്മി പാര്‍ട്ടിയില്‍ നിന്നും കഴിഞ്ഞദിവസം പുറത്താക്കിയിരുന്നു. പാര്‍ട്ടി വിരുദ്ധ പ്രവര്‍ത്തനങ്ങളും അച്ചടക്ക ലംഘനവും ചൂണ്ടിക്കാട്ടിയായിരുന്നു നടപടി. ഇവര്‍ക്കു നല്‍കിയ കാരണം കാണിക്കല്‍ നോട്ടിസിനു ലഭിച്ച മറുപടി തൃപ്തികരമല്ളെന്നു വിലയിരുത്തിയാണു പാര്‍ട്ടി അച്ചടക്കസമിതി തീരുമാനം കൈക്കൊണ്ടത്. |
| യു.എന്‍ പ്രമേയം സൗദിക്കുള്ള ആഗോളപിന്തുണ - മന്ത്രിസഭ Posted: 20 Apr 2015 08:57 PM PDT Image:  റിയാദ്: യമനിലെ ഹൂതി - അലി സാലിഹ് കക്ഷികള്‍ക്കെതിരായി ഉപരോധം പ്രഖ്യാപിച്ചുകൊണ്ടുള്ള ഐക്യരാഷ്ട്രസഭയുടെ 2216 ാം പ്രമേയം യമന്‍ വിഷയത്തില്‍ സൗദി അറേബ്യ അടക്കമുള്ള രാജ്യങ്ങള്‍ കൈക്കൊണ്ട തീരുമാനത്തിനുള്ള ആഗോള പിന്തുണയുടെ പ്രതിഫലനമാണെന്ന് സൗദി മന്ത്രിസഭ വിലയിരുത്തി. 14 രാഷ്ട്രങ്ങള്‍ ഈ വിഷയത്തില്‍ അറബ്രാഷ്ട്രങ്ങള്‍ക്കൊപ്പം നിന്നു. അന്താരാഷ്ട്ര സമൂഹത്തിന്‍െറ ഇഛാശക്തിയും യമന്‍ ജനതയുടെ പക്ഷത്തു നില്‍ക്കാനുള്ള അവരുടെ തന്‍േറടവും തെളിയിച്ചു കാണിച്ച പ്രമേയം ഹൂതി കലാപകാരികള്‍ക്കെതിരായ ശക്തമായ സന്ദേശം കൂടിയാണെന്ന് കാബിനറ്റ് അഭിപ്രായപ്പെട്ടു. |
| അന്തര്‍ദേശീയ രാഷ്ട്രീയത്തില്‍ ഖത്തറിന്‍െറ നിലപാടുകള്‍ വിജയം -ഡോ.ഖാലിദ് അല്‍ അത്വിയ്യ Posted: 20 Apr 2015 08:54 PM PDT Image:  ദോഹ: അന്തര്‍ദേശീയ രാഷ്ട്രീയ ഭൂപടത്തില്‍ ഖത്തറിന്‍െറ വിജയത്തിലും പരിപൂര്‍ണതയിലും പ്രതിഫലിക്കുന്നത് ഖത്തര്‍ അമീര്‍ ശൈഖ് തമീം ബിന്‍ ഹമദ് ആല്‍ഥാനിയുടെ ദീര്‍ഘവീക്ഷണവും ആഴമേറിയ കാഴ്ചപ്പാടുകളുമാണെന്ന് ഖത്തര്‍ വിദേശകാര്യ മന്ത്രി ഡോ. ഖാലിദ് ബിന്‍ മുഹമ്മദ് അല്‍ അത്വിയ്യ. ഖത്തറിന്‍െറ വിഷന്‍ 2030 ലക്ഷ്യം വെച്ചുകൊണ്ടാണ് സര്‍ക്കാര്‍ ഭാഗത്തുനിന്നുള്ള പരിശ്രമങ്ങള്‍. അതിനുവേണ്ടിയുള്ള എല്ലാ പദ്ധതികളും തയ്യാറാണ്. |
| ക്രിസ്ത്യന്‍ വിവാഹ നിയമത്തില്‍ ഭേദഗതി വേണമെന്ന് സുപ്രീംകോടതി Posted: 20 Apr 2015 07:41 PM PDT Image:  ന്യൂഡല്‍ഹി:ക്രിസ്ത്യന്‍ വിവാഹ നിയമത്തില്‍ ഭേദഗതി വേണമെന്ന് സുപ്രീംകോടതി. പരസ്പര സമ്മതത്തോടെ ഒരു വര്‍ഷം പിരിഞ്ഞു കഴിഞ്ഞവര്‍ക്ക് വിവാഹമോചനം അനുവദിക്കണം. ക്രിസ്ത്യന്‍ വിവാഹചട്ടം ഭേദഗതി ചെയ്യാന്‍ ജസ്റ്റിസുമാരായ വിക്രംജിത്ത് സിങ്, എ.എം. സപ്റേ എന്നിവരടങ്ങിയ ബെഞ്ച് കേന്ദ്രസര്‍ക്കാരിന് നിര്‍ദേശം നല്‍കി. മറ്റു സമുദായങ്ങളില്‍ വിവാഹമോചനത്തിന് ഒരു വര്‍ഷം പിരിഞ്ഞുതാമസിച്ചാല്‍ മതി എന്നിരിക്കെ ക്രിസ്തീയ വിവാഹചട്ടപ്രകാരം വിവാഹമോചനത്തിന് രണ്ടുവര്‍ഷം വേര്‍പിരിഞ്ഞു കഴിയണമെന്ന വ്യവസ്ഥ അംഗീകരിക്കാനാകില്ല. ഭരണഘടനയിലെ 14, 21 വകുപ്പുകളുടെ ലംഘനമാണ് നിലവിലെ നിയമമെന്നും കോടതി ചൂണ്ടിക്കാട്ടി. ഡല്‍ഹിയിലെ സ്വകാര്യവ്യക്തി സമര്‍പ്പിച്ച ഹരജിയിലാണ് സുപ്രീംകോടതിയുടെ നിര്‍ദേശം. |
| നാടിന്‍െറ കവിയെ ആദരിക്കാന്‍ ജന്മനാടൊരുങ്ങുന്നു Posted: 20 Apr 2015 07:34 PM PDT Image:  Subtitle: കവി ചെമ്മനം ചാക്കോക്ക് 26നാണ് സ്വീകരണം കോട്ടയം: കവിതക്ക് ഹാസ വിമര്‍ശത്തിന്‍െറ ശക്തിയും ഓജസ്സും പകര്‍ന്ന കവിയെ ആദരിക്കാന്‍ ജന്മനാടൊരുങ്ങുന്നു. നവതിയുടെ പൂര്‍ണിമയില്‍ നില്‍ക്കുന്ന കവി ചെമ്മനം ചാക്കോക്ക് ചെമ്മനം കുടുംബയോഗത്തിന്‍െറയും പൗരാവലിയുടെയും ആഭിമുഖ്യത്തില്‍ 26നാണ് സ്വീകരണവും അനുമോദനസമ്മേളനവും. |
| Posted: 20 Apr 2015 07:16 PM PDT Image:  ഞാന്‍ ഈ ലേഖനമെഴുതുന്നത് ദുബൈ നഗരത്തിലെ ആരവമൊഴിഞ്ഞ ഒരു വീട്ടിലിരുന്നാണ്. ഇത്തവണ വിമാനമിറങ്ങിയ വേളയില്‍തന്നെ പൊടിക്കാറ്റിന്‍െറ ഭീഷണിയുണ്ടായിരുന്നു. ഇന്നലെയാണ് കാറ്റിന്‍െറ രൂക്ഷത നേരിലറിയുന്നത്. അടുത്തു നില്‍ക്കുന്നവരെപോലും പെട്ടെന്ന് കാണാതായി. എല്ലാവരും മൂക്കുകള്‍ മറിച്ച്, ശിരോവസ്ത്രങ്ങള്‍കൊണ്ട് മുഖമാകെ മൂടി ഉള്‍ത്തളങ്ങളിലേക്ക് പലായനം ചെയ്യുകയാണ്. രണ്ടര ദശാബ്ദങ്ങളായി ഇവിടെ ജോലിചെയ്യുന്ന സുഹൃത്ത് പറഞ്ഞു-ഇതൊരു സൂചികയാണെന്ന്. ശമനതാളമാണെന്ന് ഇനിയൊരു നൂല്‍മഴ പെയ്തേക്കും. വേനലിന്‍െറയും വറുതിയുടെയും കാലമാണ് പിന്നീട്. എന്‍െറ പുറംകാഴ്ചകളെ മറച്ച്, ഓര്‍മയുടെ മണല്‍പരപ്പില്‍ വീണ്ടും പൊടിക്കാറ്റ് വീശുകയാണ്. ഒരുകാര്യം അദ്ഭുതത്തോടെ ഞാനോര്‍ക്കുകയായിരുന്നു. ദശാബ്ദങ്ങള്‍ക്കുമുമ്പ്, ആദ്യമായി ഇവിടെയത്തെുമ്പോള്‍ എവിടേക്ക് തിരിഞ്ഞാലും മലയാളത്തിലുള്ള അടക്കി സംസാരം കേള്‍ക്കാമായിരുന്നു. വിമാനത്താവളത്തിലെ ടാക്സി ഡ്രൈവര്‍മാര്‍ മുതല്‍, മഹാ വാണിജ്യ സമുച്ചയത്തിലെ സെയില്‍സ്മാന്‍ വരെ മലയാളിയുടെ പ്രളയം. ഇത്തവണ അവരെ അപൂര്‍വമായി മാത്രമേ കാണുന്നുള്ളൂ. ആദ്യം വിചാരിച്ചു, അതൊരു തോന്നലാണെന്ന്. എന്‍െറ സുഹൃത്തുക്കള്‍ ആ ആകുലതയെ സ്ഥിതീകരിക്കുമ്പോള്‍ മനസ്സിലൊരു മിന്നല്‍! വന്ധ്യമായിക്കൊണ്ടിരിക്കുന്ന നമ്മുടെ നാടിന്‍െറ മരുപ്പച്ചയായിരുന്നുവല്ളോ രക്തംവിറ്റ് കാശാക്കിമാറ്റിയ ഈ മറുനാടന്‍ മലയാളികള്‍.
അവരുടെ എണ്ണത്തില്‍ ഗണ്യമായ കുറവുണ്ടായിരുന്നു. ശരിയായിരിക്കാം. കേരളത്തിലെ സാമ്പത്തിക അവസരങ്ങളില്‍ മാറ്റം വന്നിരിക്കുന്നു. കഠിനമായി പണിയെടുക്കുന്ന തൊഴിലാളിക്ക് ഒരുമാസം ഏകദേശം പതിനയ്യായിരത്തിന് മുകളില്‍ വേതനമായിക്കിട്ടുന്നു. ബോണസായി വീടും ഭക്ഷണവും കുടുംബാംഗങ്ങളോടൊത്തുള്ള സഹവാസവും. ഇത്യാദി കാരണങ്ങളാവും മലയാളിയെ സ്വന്തംനാട്ടില്‍ നിലനിര്‍ത്തുന്നത്. ഇത്തവണ കണ്ട മറ്റൊരു കാഴ്ചയെ പറ്റി എഴുതാതിരിക്കാന്‍ കഴിയുന്നില്ല. ആശങ്കജനകമായ സ്ഥിതിവിശേഷണമാണിത്. ചില കൂട്ടായ്മയില്‍ പങ്കെടുത്തപ്പോള്‍ കണ്ട കാഴ്ചയാണിത് ! ഞങ്ങളെ കടന്നുപോയ പലരും ഭ്രാന്തമായ ഒരന്വേഷണത്തിലാണ്. കേരളത്തിലെ വിവിധ നഗരങ്ങളില്‍ ഉയരുന്ന വന്‍ ഫ്ളാറ്റ് സമുച്ചയങ്ങളില്‍ വീണ്ടും ഫ്ളാറ്റുകള്‍ വാങ്ങാനായി-മൂന്നുംനാലും മതിയാകാതെ അഞ്ചാമത്തെ നിക്ഷേപം സ്വപ്നം കാണുന്നവര്‍. വലിയവീടുകള്‍, ഫ്ളാറ്റ് സമുച്ചയങ്ങള്‍, പുത്തന്‍ നഗരങ്ങള്‍. ഇതൊക്കെ താങ്ങാനുള്ള ശേഷി സര്‍വംസഹയായ അമ്മയായ ഭൂമിക്ക് കുറഞ്ഞുവരുകയാണ്. പണ്ടൊരുനാള്‍ ഭൂമിപിളര്‍ന്ന് സീതാദേവി അപ്രത്യക്ഷയായതുപോലെ, വളര്‍ച്ചയുടെ സീമകള്‍ അതിലംഘിക്കുമ്പോള്‍ വിനാശത്തിലേക്കുള്ള വാതിലുകളാണ് നമ്മള്‍ തുറക്കുന്നത്. ചെറിയ വീടുകളാണ് നമുക്കേറ്റവും അഭികാമ്യം. ഞാന്‍ കഴിഞ്ഞവര്‍ഷം ഫിലിപ്പീന്‍സില്‍ വീണ്ടും പോയിരുന്നു. അവിടെ ഏറ്റവുംമുന്തിയ സാമ്പത്തിക സൗകര്യമുള്ളവര്‍ക്ക് 700 സ്ക്വയര്‍ അടി വിസ്തീര്‍ണമുള്ള ഫ്ളാറ്റുകളാണ് പരമാവധികിട്ടുക. സംവാദമധ്യേ, സ്ഥലലഭ്യതയെക്കുറിച്ചും ഉള്ള സ്ഥലം എങ്ങനെ ഫലപ്രദമായി വാസയോഗ്യമാക്കാമെന്നതിനെ കുറിച്ചും ഞാന്‍ പരാമര്‍ശിച്ചിരുന്നു. ഭൂമിയുടെ ഉയര്‍ച്ചയും താഴ്ചയും പലപ്പോഴും ഒരു വാസ്തുശില്‍പിയുടെ മുന്നില്‍ സജീവസാധ്യതകള്‍ ഉയര്‍ത്താറുണ്ട്. ഭൂമി വരദാനമാണെന്നും അത് വികലപ്പെടുത്താന്‍ മനുഷ്യന് അവകാശമില്ളെന്നുംകൂടി ഞാന്‍ പറഞ്ഞു. ഭൂമി ദൈവഹിതമാണെന്നു പറഞ്ഞത്, എന്നെ വിഷമവൃത്തത്തിലാക്കി. പിന്നെ തുരുതുരെ ചോദ്യങ്ങള്‍. വാസ്തുവാണ് വിഷയം... ആരെയും നിരാശരാക്കാതെ, വ്യക്തമായ ഉത്തരങ്ങള്‍ പറയാതെ ഞാന്‍ പറഞ്ഞൊഴിഞ്ഞു. അതൊരു ഒന്നാന്തരം അടവുനയമാണെന്ന് എന്‍െറ അനുഭവസാക്ഷ്യം. രാത്രി വളരെ വൈകിയാണെങ്കിലും ഭക്ഷണത്തിന്‍െറ കാര്യത്തില്‍ ഒത്തുതീര്‍പ്പുണ്ടായില്ല. രുചിയുടെ ഭേദങ്ങളറിയാന്‍ ഒരു ഇറാനിയന്‍ റസ്റ്റാറന്‍റില്‍ ഇരിപ്പുറപ്പിച്ചു. പാത്രങ്ങള്‍ നിരക്കുന്നതിനുമുമ്പ് കടലാസ് വിരികള്‍കൊണ്ട് അലങ്കരിച്ച മേശ. അതിലൊരു മത്സ്യത്തിന്‍െറ അപൂര്‍ണചിത്രം. എന്‍െറ സഹപ്രവര്‍ത്തകനും ചിത്രകാരനുമായ ഹുമയൂണ്‍ കബീര്‍ പേനയെടുത്ത് വരച്ചുതുടങ്ങി. മീനിന് ചുറ്റും ജീവജലം, പവിഴപ്പുറ്റുകള്‍. ഉപരിതലത്തിലേക്ക് നീണ്ടുപോകുന്ന സസ്യലതാദികള്‍, കുമിളകള്‍, വേഗതയാര്‍ന്ന വരകളുടെ സൗകുമാര്യത്തില്‍ മീന്‍ നീന്തിത്തുടിക്കുന്നുണ്ടാകണം! മനസ്സിന്‍െറ ആഴങ്ങളില്‍നിന്ന് മുങ്ങാംകുഴിയെടുത്തു വന്നത് ക്ളിന്‍റ്. കേരളത്തിന്‍െറ ഈ പൊന്നോമന മകന്‍, എന്നെവീണ്ടും വേട്ടയാടുകയാണ്. കാരണങ്ങള്‍ പലതുണ്ട്. യാദൃച്ഛികമായി അടുത്തിടെ ഞാന്‍ വായിച്ച അമ്മു ജോസഫിന്‍െറ പുസ്തകം. കൊച്ചി ബിനാലെയുടെ ചുമരുകളെ ത്രസിപ്പിച്ച അമൃതമുദ്രകള്‍. പഴമക്കാര്‍ പറയാറുണ്ട്, എന്തെങ്കിലുമൊക്കെ ആലോചിച്ച്, അസ്വസ്ഥനായി കിടക്കുകയാണെങ്കില്‍, രാത്രി അതുതന്നെ സ്വപ്നമായി പുനരവതരിക്കുമെന്ന്. അന്ന് രാത്രി, അതുതന്നെ സംഭവിച്ചു. പണ്ട് വിശ്വവിഖ്യാതനായിരുന്ന സാല്‍വദോര്‍ ഡാലിയുടെ ധ്യാനസദൃശ്യമായ തയാറെടുപ്പുകളെപറ്റി ഞാന്‍ വായിച്ചറിഞ്ഞിട്ടുണ്ട്. ചിത്രം അവസാനമായി വരക്കുംമുമ്പ് ഒരാഴ്ച അദ്ദേഹം ഉറങ്ങാറുണ്ടായിരുന്നില്ല. ആഹാരംപോലും കഴിക്കാതെ, ഭ്രമാത്മക കല്‍പനകള്‍ക്കുവേണ്ടി കാത്തിരിക്കും. |
| Posted: 20 Apr 2015 06:56 PM PDT Image:  അവസാനഘട്ടത്തില്‍ ഉയര്‍ന്നുവന്നതും പിന്നീട് ഒഴിഞ്ഞുപോയതുമായ ഒരു വോട്ടെടുപ്പ് സാധ്യത മാറ്റിനിര്‍ത്തിയാല്‍ സീതാറാം യെച്ചൂരി സി.പി.എം ജനറല്‍ സെക്രട്ടറി പദത്തിലേക്ക് തെരഞ്ഞെടുക്കപ്പെട്ടത് തീര്‍ത്തും പ്രതീക്ഷിതമായിരുന്നു. ഒരുനിലക്ക് നോക്കിയാല്‍, എസ്. രാമചന്ദ്രന്‍പിള്ള എതിരാളിയായി പ്രത്യക്ഷപ്പെട്ടതായിരുന്നു അപ്രതീക്ഷിത സംഭവവികാസം. താരതമ്യേന ചെറുപ്പമാണെന്നതും അഖിലേന്ത്യാതലത്തില്‍ കൂടുതല്‍ ബന്ധങ്ങളുണ്ടെന്നതും പാര്‍ലമെന്‍ററി പ്രവര്‍ത്തനരംഗത്ത് തെളിയിക്കപ്പെട്ട മികവും അണികളുമായുള്ള അടുപ്പവുമെല്ലാം യെച്ചൂരിക്ക് അനുകൂലമായ ഘടകങ്ങളാണ്. ഒരുപക്ഷേ, ഇന്നത്തെ സാഹചര്യത്തില്‍ പാര്‍ട്ടിയുടെ കടിഞ്ഞാണ്‍ ഏല്‍പിക്കാവുന്ന ഏറ്റവുംനല്ല കൈകള്‍ അദ്ദേഹത്തിന്‍െറതാണെന്ന് അവര്‍ തിരിച്ചറിഞ്ഞിരിക്കുന്നു. പ്രത്യയശാസ്ത്രപരമായ ദാര്‍ഢ്യത്തോടൊപ്പം പ്രായോഗിക രാഷ്ട്രീയം ആവശ്യപ്പെടുന്ന നയചാതുരിയും അദ്ദേഹത്തിലവര്‍ കാണുന്നു. ഏതാനും കാലമായി ആദര്‍ശപരമായ അവ്യക്തതയും പ്രായോഗിക സമീപനങ്ങളിലെ വീഴ്ചകളും സി.പി.എമ്മിനെ ക്ഷീണിപ്പിച്ചിട്ടുണ്ട്. കമ്യൂണിസ്റ്റ് ആദര്‍ശങ്ങളെ ഇന്ത്യന്‍മണ്ണില്‍ പറിച്ചുനടുന്നതില്‍ അവര്‍ ഇപ്പോഴും വിജയിച്ചിട്ടില്ല. ഇന്ത്യയുടെ അടിസ്ഥാനയാഥാര്‍ഥ്യങ്ങളെ അറിയുന്നിടത്തും മതേതരത്വത്തിന്‍െറ ഇന്ത്യന്‍ഭാവുകത്വത്തെ സ്വാംശീകരിക്കുന്നിടത്തും ആ പാര്‍ട്ടി പലപ്പോഴും പരാജയപ്പെട്ടു. വോട്ടു രാഷ്ട്രീയത്തിന്‍െറ കണക്കുകള്‍ ഒരുഭാഗത്തും കോര്‍പറേറ്റ് പ്രലോഭനങ്ങള്‍ മറു ഭാഗത്തുമായി പാര്‍ട്ടിയെ ഉലച്ചപ്പോഴെല്ലാം മിക്കവാറും അവര്‍ സ്വീകരിച്ചത് ജനവിരുദ്ധ പാതയായിപ്പോയി. സിംഗൂരും നന്ദിഗ്രാമും ഈ അപചയത്തിന്‍െറ ഉദാഹരണമാണ്. പാളിച്ചകള്‍ തുറന്ന് അംഗീകരിക്കാന്‍ പാര്‍ട്ടി നേതൃത്വവും അതിന്‍െറ പുതിയ ജനറല്‍ സെക്രട്ടറിയും സന്നദ്ധരായി എന്നത് പ്രത്യാശക്ക് വകനല്‍കുന്നുണ്ട്. |
| ബോട്ട് ദുരന്തം: മരണം 950 കവിഞ്ഞു Posted: 20 Apr 2015 03:47 PM PDT Image:  Subtitle: അവര്‍ കൂട്ടിലടച്ച എലികളെപ്പോലെ നിലവിളിച്ചെന്ന് രക്ഷപ്പെട്ട സ്ത്രീ റോം: രണ്ടാം ലോകയുദ്ധത്തിനു ശേഷമുണ്ടായ ഏറ്റവുംവലിയ സമുദ്ര ദുരന്തത്തിനാണ് കഴിഞ്ഞദിവസം ലോകം സാക്ഷിയായത്. ഞായറാഴ്ച മെഡിറ്ററേനിയന്‍ കടലില്‍ ലിബിയന്‍ തീരത്ത് അഭയാര്‍ഥികളുമായി പോയ ബോട്ട് മറിഞ്ഞ് മരിച്ചവരുടെ എണ്ണം വീണ്ടും ഉയര്‍ന്നു. 950 യാത്രക്കാര്‍ മരിച്ചതായി ഇറ്റാലിയന്‍ ഉദ്യോഗസ്ഥര്‍ അറിയിച്ചു.
|
| ഇസ്രായേല്‍:സര്‍ക്കാര്‍ രൂപവത്കരണത്തിന് നെതന്യാഹുവിന് രണ്ടാഴ്ചകൂടി അനുവദിച്ചു Posted: 20 Apr 2015 03:27 PM PDT Image:  Subtitle: മാസം കഴിഞ്ഞിട്ടും സര്‍ക്കാര്‍ രൂപവത്കരിക്കാനായില്ല തെല്‍ അവീവ്: പാര്‍ലമെന്‍റ് തെരഞ്ഞെടുപ്പു ഫലം പുറത്തുവന്ന് ഒരു മാസം പിന്നിട്ടിട്ടും ഇസ്രായേലില്‍ പുതിയ സര്‍ക്കാര്‍ രൂപവത്കരണം യാഥാര്‍ഥ്യമായില്ല. ഏറ്റവും വലിയ ഒറ്റകക്ഷിയായ ലിക്കുഡ് പാര്‍ട്ടിയുടെ നേതാവും പ്രധാനമന്ത്രിയുമായ ബിന്യമിന്‍ നെതന്യാഹുവിന്‍െറ നേതൃത്വത്തില്‍ ചര്‍ച്ചകള്‍ പുരോഗമിക്കുന്നുണ്ടെങ്കിലും സര്‍ക്കാര്‍ രൂപവത്കരണത്തിനാവശ്യമായ അംഗങ്ങളുടെ പിന്‍ബലം ലഭിച്ചിട്ടില്ളെന്നാണ് റിപ്പോര്‍ട്ടുകള്‍. ഈ സാഹചര്യത്തില്‍ ലിക്കുഡ് പാര്‍ട്ടിക്ക് പ്രസിഡന്‍റ് റ്യൂവന്‍ റിവ്ലിന്‍ രണ്ടാഴ്ചകൂടി അനുവദിച്ചു. ഫലം പുറത്തുവന്ന് 42 ദിവസത്തിനകം സര്‍ക്കാര്‍ രൂപവത്കരിക്കണമെന്നാണ് നിയമം. മേയ് ആറ് വരെയാണ് നെതന്യാഹുവിന് അനുവദിക്കപ്പെട്ട സമയം. |
| യു.എന്‍ വാഹനം പൊട്ടിത്തെറിച്ച് 9 മരണം Posted: 20 Apr 2015 03:08 PM PDT Image:  മൊഗാദിശു: സോമാലിയയില്‍ ഐക്യരാഷ്ട്രസഭ ജീവനക്കാര്‍ സഞ്ചരിച്ച വാഹനത്തിലുണ്ടായ ബോംബ് സ്ഫോടനത്തില്‍ ഒമ്പത് സുരക്ഷാ ഉദ്യോഗസ്ഥര്‍ കൊല്ലപ്പെട്ടു. ഇവരില്‍ രണ്ടുപേര്‍ കെനിയക്കാരും ഏഴുപേര്‍ സോമാലിയക്കാരുമാണ്. സോമാലിയയുടെ പുന്ത്ലന്‍ഡ് മേഖലയിലെ ഗരോവെയിലേക്ക് യാത്രചെയ്യവേയാണ് പൊട്ടിത്തെറിയുണ്ടായത്. |
| പരിസ്ഥിതി പ്രവര്‍ത്തകരുടെ ജീവനും അപകടത്തില്‍; കൊല്ലപ്പെട്ടത് 116 പേര്‍ Posted: 20 Apr 2015 03:07 PM PDT Image:  Subtitle: ഇന്ത്യയില്‍ ഒരു പരിസ്ഥിതി പ്രവര്‍ത്തകന് ജീവന്‍ നഷ്ടപ്പെട്ടു ലണ്ടന്‍: മലിനീകരണവും ചൂഷണവുംമൂലം നമ്മുടെ പരിസ്ഥിതിയുടെ സുരക്ഷ ഏറെ ആശങ്കയിലാണ്. അതിനൊപ്പം പരിസ്ഥിതി പ്രവര്‍ത്തകരുടെ ജീവനും അപകടത്തിലാണെന്ന് പഠനം പറയുന്നു. ലോകത്ത് പലയിടങ്ങളിലായി കഴിഞ്ഞ വര്‍ഷം മാത്രം 116 പരിസ്ഥിതി പ്രവര്‍ത്തകര്‍ കൊല്ലപ്പെട്ടു. |
| വിഷദുരന്തം സമ്മാനിച്ച ഇരുട്ട് തോറ്റു; ദേവികിരണും ദിലീപും വിജയത്തിളക്കത്തില്‍ Posted: 20 Apr 2015 12:44 PM PDT Image:  കാസര്‍കോട്: ‘പത്ത് പേപ്പറിലും ഫുള്ള് എ പ്ളസ് കിട്ടൂംന്ന് ഒരിക്കലും വിചാരിച്ചിറ്റ്ല്ല.... ’. എന്‍ഡോസള്‍ഫാന്‍ വിഷദുരന്തം സമ്മാനിച്ച അന്ധതയെ കീഴ്പ്പെടുത്തി എസ്.എസ്്.എല്‍.സി പരീക്ഷയില്‍ മുഴുവന്‍ വിഷയങ്ങളിലും എ പ്ളസ് നേടിയ ദേവികിരണിനും ദിലീപിനും പരീക്ഷാ ഫലം ആദ്യകേള്‍വിയില്‍ വിശ്വസിക്കാനായില്ല. സൃഹൃത്തുക്കളുടെ സഹായത്തോടെ ഇന്‍റര്‍നെറ്റ് മുഖേനയാണ് വിജയം ഉറപ്പാക്കിയത്. ബ്രെയില്‍ ലിപിയിലുള്ള പാഠപുസ്തകങ്ങള്‍ പലതും കിട്ടാത്തതിനാല്‍ കൂട്ടുകാര്‍ പാഠഭാഗങ്ങള്‍ വായിച്ച് റെക്കോര്‍ഡ് ചെയ്തത് കേട്ടുപഠിച്ചാണ് ഇവര്‍ പരീക്ഷക്ക് തയാറെടുത്തത്. ഒമ്പതാം ക്ളാസിലെ നഫീസത്ത് നസീറയാണ് പരീക്ഷയെഴുതാന്‍ കിരണിന് സഹായിയായത്. ഇതേ ക്ളാസിലെ ഗംഗ ദിലീപിനുവേണ്ടിയും പരീക്ഷ കേട്ടെഴുതി. മികച്ച ഗായകനും കീബോര്‍ഡ് വിദഗ്ധനുമായ ദേവികിരണ്‍ ഇത്തവണത്തെ സംസ്ഥാന സ്പെഷല്‍ സ്കൂള്‍ കലോത്സവത്തില്‍ ശാസ്ത്രീയ സംഗീതത്തിലും ലളിത ഗാനത്തിലും ഒന്നാംസ്ഥാനം നേടി. ദിലീപ് ഒമ്പതാം ക്ളാസില്‍ പഠിക്കുമ്പോള്‍ സംസ്ഥാന സ്കൂള്‍ കലോത്സവ മിമിക്രിയില്‍ ഒന്നാംസ്ഥാനം നേടിയിരുന്നു. എന്‍ഡോസള്‍ഫാന്‍ ദുരിതബാധിതര്‍ക്കുവേണ്ടിയുള്ള പ്രക്ഷോഭ രംഗത്തും ദേവികിരണിന്‍െറ സാന്നിധ്യമുണ്ട്. സോളിഡാരിറ്റിയുടെ നേതൃത്വത്തില്‍ നടത്തിയ പാര്‍ലമെന്‍റ് മാര്‍ച്ചില്‍ പങ്കെടുത്തു. പ്ളസ് ടുവിന് ഹ്യുമാനിറ്റീസ് എടുക്കണം. പഠിച്ച് അധ്യാപകനാകണം. അതാണ് ആഗ്രഹം -ദേവികിരണ്‍ പറഞ്ഞു. ഇംഗ്ളീഷ് ഭാഷാ പഠനത്തില്‍ മികവ് പുലര്‍ത്തുന്ന വിദ്യാര്‍ഥിയില്‍ ഏറെ പ്രതീക്ഷയുണ്ടെന്ന് അന്ധവിദ്യാലയ അധ്യാപകന്‍ സത്യശീലന്‍ പറഞ്ഞു. |
| ആവശ്യത്തിന് സീറ്റില്ല: അരലക്ഷം കുട്ടികളുടെ ഉപരിപഠനം പ്രതിസന്ധിയിലാകും Posted: 20 Apr 2015 12:40 PM PDT Image:  Subtitle: ഹയര്‍സെക്കന്‍ഡറി ആഗ്രഹിക്കുന്ന 75000 ഓളം കുട്ടികള്‍ക്ക് മറ്റ് സാധ്യത തേടേണ്ടി വരും തിരുവനന്തപുരം: എസ്.എസ്.എല്‍.സി പരീക്ഷ വിജയിച്ച അരലക്ഷത്തോളം വിദ്യാര്‍ഥികളുടെ ഉപരിപഠനം പ്രതിസന്ധിയിലാകും. വിജയശതമാനം സര്‍വകാല റെക്കോഡിട്ടെങ്കിലും ഇതിനനുസരിച്ച് ഉപരിപഠനത്തിന് സീറ്റുകള്‍ സംസ്ഥാനത്ത് ലഭ്യമല്ല. ഇക്കുറി 458841 റഗുലര്‍ കുട്ടികളാണ് ഉപരിപഠനത്തിന് യോഗ്യത നേടിയത്. ഇതിന് പുറമെ ടി.എച്ച്.എസ്.എല്‍.സി അടക്കമുള്ളവയില്‍ 3903 കുട്ടികളും പ്രൈവറ്റായി എഴുതിയ 1500 ഓളം കുട്ടികളും വിജയിച്ചിട്ടുണ്ട്. എന്നാല്‍ ഹയര്‍സെക്കന്‍ഡറിയില്‍ സര്‍ക്കാര്‍-എയ്ഡഡ്-അണ്‍ എയ്ഡഡ് മേഖലയിലായി 361130 സീറ്റുകളാണുള്ളത്. കൂടാതെ വൊക്കേഷണല്‍ ഹയര്‍സെക്കന്‍ഡറിയില്‍ 27500 സീറ്റുകളുണ്ട്. ആകെ ഹയര്‍സെക്കന്‍ഡറിയില്‍ ലഭ്യമായ സീറ്റുകളുടെ എണ്ണം 388630 ആണ്. ഐ.ടി.ഐകളിലും പോളി ടെക്നിക്കുകളിലും സീറ്റുകള്‍ ലഭ്യമാണ്. എയ്ഡഡ് മേഖലയില്‍ 1771 സയന്‍സ് ബാച്ചും 592 ഹ്യുമാനിറ്റീസ് ബാച്ചും 923 കോമേഴ്സ് ബാച്ചുമാണുള്ളത്. അണ്‍എയ്ഡഡ്, ടെക്നിക്കല്‍, സ്പെഷല്‍, റസിഡന്‍ഷ്യല്‍ വിഭാഗങ്ങളിലായി 673 സയന്‍സ് ബാച്ചും 129 ഹ്യുമാനിറ്റീസ് ബാച്ചും 318 കോമേഴ്സ് ബാച്ചുമുണ്ട്. ഇവയിലേക്കാണ് പ്രവേശനടപടികള്‍ ആരംഭിക്കുന്നത്. |
| മുന്നണിമാറ്റ സൂചനയുമായി വീണ്ടും ജെ.ഡി.യു; എല്‍.ഡി.എഫിനൊപ്പം വേദിപങ്കിടും Posted: 20 Apr 2015 12:33 PM PDT Image:  കോഴിക്കോട്: മുന്നണിമാറ്റത്തിന്‍െറ സൂചനനല്‍കി വീണ്ടും ജനതാദള്‍ യുനൈറ്റഡ്. സംഘ്പരിവാര്‍ വെല്ലുവിളി നേരിടാന്‍ കേരളത്തില്‍ ഇടതുമുന്നണിയുമായും വേദിപങ്കിടുമെന്ന് ജെ.ഡി.യു സംസ്ഥാന പ്രസിഡന്‍റ് എം.പി. വീരേന്ദ്രകുമാര്‍. രാജ്യസഭാ തെരഞ്ഞെടുപ്പില്‍ വോട്ടുചെയ്യണമെന്ന് പ്രതിപക്ഷ നേതാവ് വി.എസ്. അച്യുതാനന്ദന്‍ ആവശ്യപ്പെട്ടെന്ന വാര്‍ത്തകളില്‍ മാധ്യമങ്ങളോട് പ്രതികരിക്കുകയായിരുന്നു അദ്ദേഹം. കേന്ദ്രത്തിലെ മാറിയ രാഷ്ട്രീയ സാഹചര്യത്തില്‍ മതേതരത്വമാണ് ഏറ്റവുംവലിയ ചര്‍ച്ച. ദേശീയ നേതൃത്വത്തിന്‍െറ ഭാഗമായതിനാല്‍ ജെ.ഡി.യു കേരളഘടകത്തിലും തീരുമാനമെടുക്കുക കേന്ദ്ര നേതൃത്വമായിരിക്കുമെന്നും അദ്ദേഹം പറഞ്ഞു. രാജ്യസഭാ തെരഞ്ഞെടുപ്പില്‍ എല്‍.ഡി.എഫ് സ്ഥാനാര്‍ഥികള്‍ക്ക് വോട്ടുചെയ്യണമെന്ന് വി.എസ്. അച്യുതാനന്ദന്‍ ആവശ്യപ്പെട്ടിട്ടില്ല. വി.എസിനെ കണ്ടിട്ടോ സംസാരിച്ചിട്ടോ മാസങ്ങളായി. വോട്ട് ചെയ്യുന്നകാര്യത്തില്‍ എല്‍.ഡി.എഫ് നേതാക്കളും ബന്ധപ്പെട്ടിട്ടില്ല. അടിസ്ഥാനരഹിതമായ കാര്യമാണ് പ്രചരിച്ചതെന്നും അദ്ദേഹം പറഞ്ഞു. ലോക്സഭാ തെരഞ്ഞെടുപ്പില്‍ പാലക്കാട് മണ്ഡലത്തിലെ തോല്‍വി സംബന്ധിച്ച് യു.ഡി.എഫ് ഉപസമിതി നടത്തിയ അന്വേഷണ റിപ്പോര്‍ട്ട് പുറത്തുവിടണമെന്ന് വീണ്ടും അദ്ദേഹം ആവശ്യപ്പെട്ടു. ഇക്കാര്യം നേരത്തേ ആവശ്യപ്പെട്ടെങ്കിലും യു.ഡി.എഫില്‍നിന്ന് ഒരാളും തന്നെ വിളിച്ചില്ല. മുന്നണിയിലെ തമ്മിലടി കാരണം യു.ഡി.എഫ് ചെയ്ത നല്ലകാര്യങ്ങള്‍ പുറത്തത്തെുന്നില്ല. കോണ്‍ഗ്രസിലെ ഗ്രൂപ്പ് തര്‍ക്കം ഒഴിവാക്കാനാണ് പാലക്കാട്ട് താന്‍ സ്ഥാനാര്‍ഥിയായതെന്നും അദ്ദേഹം ആവര്‍ത്തിച്ചു. ജനതാദള്‍–യു യു.ഡി.എഫിന്‍െറ അവിഭാജ്യഘടകം സ്വാഗതം ചെയ്ത് ജനതാദള്‍–എസ്
|
| എസ്.എസ്.എല്‍.സി ഫലം അബദ്ധപഞ്ചാംഗം Posted: 20 Apr 2015 12:27 PM PDT Image: .jpg) Subtitle: ഉയര്‍ന്ന വിജയം കണ്ണൂരിനെന്ന് മന്ത്രി, കോഴിക്കോടിനെന്ന് പരീക്ഷാഭവന്‍ തിരുവനന്തപുരം: റെക്കോഡ് മോഹവുമായുള്ള സര്‍ക്കാര്‍ ഉന്നതരുടെയും ഉദ്യോഗസ്ഥരുടെയും കളികളാണ് എസ്.എസ്.എല്‍.സി ഫലപ്രഖ്യാപനം അപൂര്‍ണവും ആശയക്കുഴപ്പം നിറഞ്ഞതുമാകാന്‍ കാരണമെന്ന് ആക്ഷേപം. പ്രഖ്യാപിച്ച ഫലത്തില്‍തന്നെ അടിമുടി പൊരുത്തക്കേടുകളാണ്. കഴിഞ്ഞ വര്‍ഷം ഏപ്രില്‍ 16ന് ഫലം പ്രഖ്യാപിച്ച സാഹചര്യത്തില്‍ ഇക്കുറി 20നുതന്നെ പുറത്തിറക്കണമെന്ന ചിലരുടെ വാശിയും ദുരഭിമാനവും ഫലം അബദ്ധപഞ്ചാംഗമാകുന്നതിന് വഴിയൊരുക്കി. തിരക്കിട്ടായിരുന്നു മൂല്യനിര്‍ണയം. കൂടുതല്‍ സമയം വേണമെന്ന അധ്യാപക സംഘടനകളുടെ ആവശ്യം അംഗീകരിച്ചില്ല. വാരിക്കോരി മാര്‍ക്കിട്ടുവെന്ന ആക്ഷേപവും വന്നു. 100 ശതമാനത്തോടടുത്ത വിജയത്തിലേക്കാണ് എസ്.എസ്.എല്‍.സി ഇക്കുറി പോയിരിക്കുന്നത്. സേ പരീക്ഷകൂടി കഴിയുമ്പോള്‍ 100 ശതമാനം വിജയം തള്ളാനാകില്ളെന്ന് വകുപ്പ് മന്ത്രി തന്നെ പറയുന്ന സ്ഥിതിയുണ്ട്. ജില്ലകളിലെ വിജയശതമാനം പൂര്‍ണമായി പുറത്തിറക്കാന്‍ വിദ്യാഭ്യാസ വകുപ്പിനായില്ല. രാത്രി വൈകിയും അവര്‍ ഇരുട്ടില്‍ തപ്പുകയാണ്. പൊതുവിദ്യാഭ്യാസ ഡയറക്ടറുടെ ഓഫിസില്‍നിന്ന് ലഭിച്ച ജില്ലകളുടെ വിജയശതമാനത്തിലും പൊരുത്തക്കേടുണ്ട്. വിദ്യാഭ്യാസമന്ത്രി ഒൗദ്യോഗികമായി പ്രഖ്യാപിച്ച എസ്.എസ്.എല്‍.സി വിജയശതമാനത്തില്‍പോലും ആശയക്കുഴപ്പമുണ്ട്. പരീക്ഷാഭവനില്‍നിന്ന് ലഭിച്ച പ്രഖ്യാപിക്കാത്ത കണക്കുകള്‍ കൂട്ടുമ്പോള്‍ വിജയശതമാനം മന്ത്രി പറഞ്ഞതിനേക്കാള്‍ കൂടും. വിജയശതമാനം 97.99 ആണെന്നാണ് മന്ത്രി പറഞ്ഞത്. 98.12 ശതമാനം വരെ വിജയം ഉയരുമെന്നാണ് അനൗദ്യോഗിക കണക്ക്. വിജയശതമാനം ഏറ്റവുംകൂടിയ ജില്ല കണ്ണൂരെന്നാണ് മന്ത്രി പ്രഖ്യാപിച്ചത് (97.99). എന്നാല്‍, കോഴിക്കോട് (98.97) മുന്നിട്ടുനില്‍ക്കുന്നുവെന്നാണ് അനൗദ്യോഗിക വിവരം. പരീക്ഷാഭവനില്‍നിന്ന് ലഭിച്ച വിജയശതമാന പട്ടിക ഇങ്ങനെ: തിരുവനന്തപുരം -97.33, കൊല്ലം -97.86, പത്തനംതിട്ട -98.88, ആലപ്പുഴ -98.87, കോട്ടയം -98.87, ഇടുക്കി -98.02, എറണാകുളം -98.77, തൃശൂര്‍ -98.79, പാലക്കാട് -96.41, മലപ്പുറം -96.88, കോഴിക്കോട് -98.97, വയനാട് -97.44, കണ്ണൂര്‍ -98.87, കാസര്‍കോട് -97.81. |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
No comments:
Post a Comment