ദേശീയ അത്ലറ്റിക്സ് മീറ്റ്: ഗായത്രിക്ക് മീറ്റ് റെക്കോഡ്, പി.യു. ചിത്രക്ക് സ്വര്‍ണം Madhyamam News Feeds |  |
- ദേശീയ അത്ലറ്റിക്സ് മീറ്റ്: ഗായത്രിക്ക് മീറ്റ് റെക്കോഡ്, പി.യു. ചിത്രക്ക് സ്വര്‍ണം
- ജയിലുകള്‍ പാര്‍ട്ടിഗ്രാമങ്ങളാക്കി മാറ്റി -മുല്ലപ്പള്ളി
- പൃഥ്വി-2 മിസൈല്‍ വിജയകരമായി പരീക്ഷിച്ചു
- തിരുവഞ്ചൂരിനെ മന്ത്രി സ്ഥാനത്തു നിന്നും മാറ്റണമെന്ന് സുധാകരന്‍
- ഉത്സവലഹരിയില്‍ ദേശീയദിനാഘോഷം
- പ്രതികള്‍ ഫോണ്‍ ഉപയോഗിക്കുന്നു; ജയില്‍മാറ്റം പരിഗണനയില്‍ -തിരുവഞ്ചൂര്‍
- റാസല്‍ഖൈമയില്‍ തീ പിടുത്തം: പിതാവും രണ്ട് മക്കളും മരിച്ചു
- നിയമവിരുദ്ധര്‍ക്കെതിരെ സൂക്ഷ്മ പരിശോധന തുടരും: മന്ത്രിസഭ
- പാര്‍ലമെന്‍റ് അംഗങ്ങളുടെ എണ്ണം വര്‍ധിപ്പിക്കണമെന്ന് ആവശ്യം
- ഫലസ്തീന് ഐക്യദാര്‍ഢ്യ ദിനം സംഘടിപ്പിച്ചു
| ദേശീയ അത്ലറ്റിക്സ് മീറ്റ്: ഗായത്രിക്ക് മീറ്റ് റെക്കോഡ്, പി.യു. ചിത്രക്ക് സ്വര്‍ണം Posted: 02 Dec 2013 11:48 PM PST Image:  ബംഗളൂരു: ദേശീയ ജൂനിയര്‍ അത്ലറ്റിക്സ് മീറ്റില്‍ കേരള താരങ്ങള്‍ മെഡല്‍വേട്ട തുടങ്ങി. ഹൈജംപില്‍ കേരളത്തിന്റെ ഗായത്രി ശിവകുമാര്‍ മീറ്റ് റെക്കോഡോടെ സ്വര്‍ണം നേടി. 20 വയസിന് താഴെ പ്രായമുള്ള പെണ്‍കുട്ടികളുടെ 1500 മീറ്റര്‍ ഓട്ടത്തില്‍ പി.യു. ചിത്രക്ക് സ്വര്‍ണം. പെണ്‍കുട്ടികളുടെ 1500 മീറ്ററില്‍ ആല്‍ബിന്‍ സണ്ണിക്ക് വെങ്കലം. 14 വയസിന് താഴെ പ്രായമുള്ള ആണ്‍കുട്ടികളുടെ ലോങ്ജംപില്‍ സാവില്‍ സാജുവിന് വെങ്കലം. 18 വയസിന് താഴെയുള്ള ആണ്‍കുട്ടികളുടെ 1500 മീറ്ററില്‍ ട്വിങ്കിള്‍ ടോമിയും വെങ്കലം നേടി. |
| ജയിലുകള്‍ പാര്‍ട്ടിഗ്രാമങ്ങളാക്കി മാറ്റി -മുല്ലപ്പള്ളി Posted: 02 Dec 2013 11:12 PM PST Image:  തിരുവനന്തപുരം: ജയിലുകള്‍ പ്രതികള്‍ക്ക് പിക്നിക് കേന്ദ്രങ്ങളെ പോലെയാണെന്നും ഇവ പാര്‍ട്ടി ഗ്രാമങ്ങള്‍ ആക്കിയെന്നും കേന്ദ്ര ആഭ്യന്തര സഹമന്ത്രി മുല്ലപ്പള്ളി രാമചന്ദ്രന്‍. ടി.പി വധക്കേസ് പ്രതികള്‍ ജയിലില്‍ ഫേസ്ബുക്ക് ഉപയോഗിച്ച സംഭവം വിവാദമായ പശ്ചാത്തലത്തില്‍ തിരുവനന്തപുരത്ത് വാര്‍ത്താസമ്മേളനത്തില്‍ സംസാരിക്കുകയായിരുന്നു അദ്ദേഹം. ജയില്‍ പാര്‍ട്ടി ഗ്രാമങ്ങള്‍ ആക്കിയത് കമ്യൂണിസ്റ്റ് പാര്‍ട്ടിയാണ്. അതിന്‍്റെ തുടര്‍ച്ചയാണ് ഇപ്പോള്‍ നടക്കുന്നത്. പടിപടിയായി മാത്രമെ അതില്‍ നിന്ന് മുക്തമാക്കാന്‍ കഴിയൂ. ആര്‍ക്കാണോ വീഴ്ച പറ്റിയത് അത് അന്വേഷിക്കണം. ജയിലില്‍ എന്തൊക്കെ പരിഷ്കരണങ്ങള്‍ വരുത്താന്‍ പറ്റുമോ അതെല്ലാം ഉടനടി വരുത്തണം. പാര്‍ട്ടി ഫോറത്തില്‍ പറയേണ്ട കാര്യങ്ങള്‍ പരസ്യമായി പറയുന്നതിനോട് തനിക്ക് വ്യക്തിപരമായി യോജിപ്പില്ളെന്നും തിരുവഞ്ചൂരിനെതിരെ കെ.സുധാകരന്‍്റെ പരസ്യവിമര്‍ശത്തെ കുറിച്ചുള്ള ചോദ്യത്തിന് അദ്ദേഹം പ്രതികരിച്ചു. |
| പൃഥ്വി-2 മിസൈല്‍ വിജയകരമായി പരീക്ഷിച്ചു Posted: 02 Dec 2013 10:44 PM PST Image:  ബലാസോര്‍: ഇന്ത്യ തദ്ദേശീയമായി വികസിപ്പിച്ച പൃഥ്വി-2 ആണവ മിസൈല്‍ വിജയകരമായി പരീക്ഷിച്ചതായി പ്രതിരോധ വൃത്തങ്ങള്‍ അറിയിച്ചു. ഒഡിഷയിലെ ചന്ദിപൂരില്‍നിന്ന് ചൊവ്വാഴ്ച രാവിലെ പത്തോടെയാണ് 350 കിലോമീറ്റര്‍ ദൂരപരിധിയില്‍ ഉള്ള ഉപരിതല മിസൈല്‍ പരീക്ഷിച്ചത്. പരീക്ഷണം സമ്പൂര്‍ണ വിജയമായിരുന്നുവെന്ന് ഐ.ടി.ആര്‍ ഡയറക്ടര്‍ എം.വി.കെ.വി പ്രസാദ് പറഞ്ഞു. ഡിഫന്‍സ് റിസര്‍ച്ച് ആന്‍റ് ഡവലപ്മെന്‍റ് ഓര്‍ഗനൈസേഷന്‍ (ഡി.ആര്‍.ഡി.ഒ) റഡാറുകള്‍ മിസൈലിന്‍്റെ ദൃശ്യങ്ങള്‍ പിന്തുടരുന്നതായും സ്ട്രാറ്റജിക് ഫോഴ്സ് കമാന്‍റിന്‍്റെ പതിവു പരിശീലനങ്ങളുടെ ഭാഗമായാണ് ഈ പരീക്ഷണമെന്നും പ്രസാദ് അറിയിച്ചു. 500 കിലോഗ്രാം മുതല്‍ 1000കിലോ ഗ്രാം വരെ ഭാരമുള്ള യുദ്ധോപകരണങ്ങള്‍ വഹിക്കാന്‍ ശേഷിയുള്ളതാണ് പ്രിഥ്വി. ഒക്ടോബര്‍ ഏഴിന് നടന്ന പ്രിഥ്വി രണ്ട് മിസൈല്‍ ട്രയല്‍ വിജയകരമായിരുന്നു. |
| തിരുവഞ്ചൂരിനെ മന്ത്രി സ്ഥാനത്തു നിന്നും മാറ്റണമെന്ന് സുധാകരന്‍ Posted: 02 Dec 2013 10:31 PM PST Image:  കണ്ണൂര്‍: സി.പി.എമ്മിനെ സഹായിക്കുന്ന ആഭ്യന്തര മന്ത്രി തിരുവഞ്ചൂര്‍ രാധാകൃഷ്ണന്‍ തെറ്റു തിരുത്തി മുന്നോട്ടു പോവണമെന്നും തെറ്റു തിരുത്താന്‍ തയാറല്ളെങ്കില്‍ അദ്ദഹേത്തെ മാറ്റുന്ന കാര്യം മുഖ്യമന്ത്രി ആലോചിക്കണമെന്നും കെ.സുധാകരന്‍ എം.പി വാര്‍ത്താ സമ്മേളനത്തില്‍ ആവശ്യപ്പെട്ടു. മന്ത്രിസ്ഥാനം ആരുടെയും കുടുംബ സ്വത്തല്ളെന്നും കുടുംബ മഹിമയുടെ അടിസ്ഥാനത്തിലല്ല മന്ത്രി സ്ഥാനം ലഭിക്കുന്നതെന്നും സുധാകരന്‍ പറഞ്ഞു. കോണ്‍ഗ്രസ് പാര്‍ട്ടിയുടെ താല്‍പര്യം ആഭ്യന്തര മന്ത്രി തിരുവഞ്ചൂര്‍ രാധാകൃഷ്ണന്‍ പരിഗണിക്കുന്നില്ളെന്നും ജനങ്ങളുടെ വികാരം ഉള്‍ക്കൊളളാന്‍ കഴിയുന്നില്ളെങ്കില്‍ തിരുവഞ്ചൂര്‍ രാജിവച്ച് പുറത്തുപോകണമെന്നും സുധാകരന്‍ ആവശ്യപ്പെട്ടു. ആഭ്യന്തര മന്ത്രി സ്വന്തം അജണ്ട നടപ്പിലാക്കാനാണ് ശ്രമിക്കുന്നത്. മന്ത്രിമാരുടെ അജണ്ട പാര്‍ട്ടിയുടെയും പ്രവര്‍ത്തകരുടെയും അജണ്ടയാവണം. സി.പി.എമ്മിനെ സഹായിക്കുന്ന നിലപാടാണ് ആഭ്യന്തര വകുപ്പ് സ്വീകരിക്കുന്നത്. തിരുവഞ്ചൂരിന്‍്റെ ഒൗദാര്യം കോണ്‍ഗ്രസ് പ്രവര്‍ത്തകര്‍ക്ക് ആവശ്യമില്ല. നീതി ലഭിക്കണമെന്നാണ് പ്രവര്‍ത്തകര്‍ ആവശ്യപ്പെടുന്നതെന്നും സുധാകരന്‍ പറഞ്ഞു. അല്‍പന് അര്‍ഥം കിട്ടിയാല്‍ അര്‍ധരാത്രിക്ക് കുടപിടിക്കുന്ന തരത്തിലേക്ക് തിരുവഞ്ചൂര്‍ താഴരുത്. വീഴ്ചകള്‍ ചൂണ്ടിക്കാണിക്കുമ്പോള്‍ പരിഹസിക്കുന്ന നിലപാടാണ് ആഭ്യന്തര മന്ത്രി സ്വീകരിക്കുന്നത്. ആഭ്യന്തര വകുപ്പ് ആര്‍ക്കു വേണ്ടിയാണെന്നും സി.പി.എമ്മിനെ സഹായിക്കാനാണോയെന്നും സുധാകരന്‍ ചോദിച്ചു. ടി.പി വധക്കേസില്‍ പ്രതികള്‍ക്ക് ജയിലില്‍ സഹായം ലഭിക്കുന്നത് തിരുവഞ്ചൂരിന്‍്റെ സി.പി.എം സ്നേഹത്തിന്‍്റെ ഭാഗമാണ്. അന്വേഷണം ഉന്നതങ്ങളിലേക്ക് പോകാതിരിക്കുന്നതിന് വേണ്ടി ആഭ്യന്തര വകുപ്പിന്‍്റെ ഇടപെടലുണ്ടായെന്നും സുധാകരന്‍ ആരോപിച്ചു. ലീഗ് പ്രവര്‍ത്തനായ ഷുക്കൂറിന്‍്റെ വധക്കേസ് അന്വേഷണം അട്ടിമറിച്ചു. പ്രതികള്‍ക്കു മേല്‍ ശക്തമായ വകുപ്പുകള്‍ ചാര്‍ത്തിയില്ല. അറിയേണ്ട കാര്യങ്ങള്‍ അറിയാന്‍ ആഭ്യന്തരമന്ത്രി ശ്രമിക്കുന്നില്ളെങ്കില്‍ അതാരുടെ തെറ്റാണെന്ന് സുധാകരന്‍ ചോദിച്ചു. |
| Posted: 02 Dec 2013 10:12 PM PST Image:  ദുബൈ: ഐക്യത്തിന്‍െറയും ഒത്തൊരുമയുടെയും പ്രഘോഷണവുമായി നാടെങ്ങും 42ാമത് ദേശീയദിനം ആഘോഷിച്ചു. അബൂദബി, ദുബൈ, ഷാര്‍ജ, റാസല്‍ഖൈമ, ഉമ്മുല്‍ഖുവൈന്‍, അജ്മാന്‍, ഫുജൈറ എന്നീ എമിറേറ്റുകളില്‍ നടന്ന വര്‍ണാഭമായ ദേശീയദിനാഘോഷ പരിപാടികളില്‍ സ്വദേശികളും വിദേശികളും ഒരുപോലെ പങ്കാളികളായി. മലയാളികളടക്കമുള്ള പ്രവാസികളുടെ നേതൃത്വത്തിലും ആഘോഷ പരിപാടികള്‍ ഒരുക്കിയിരുന്നു. |
| പ്രതികള്‍ ഫോണ്‍ ഉപയോഗിക്കുന്നു; ജയില്‍മാറ്റം പരിഗണനയില്‍ -തിരുവഞ്ചൂര്‍ Posted: 02 Dec 2013 10:11 PM PST Image:  കോഴിക്കോട്: ടി.പി വധക്കേസ് പ്രതികള്‍ കോഴിക്കോട് ജില്ലാ ജയിലിനുള്ളില്‍ മൊബൈല്‍ ഫോണ്‍ അടക്കമുള്ള സൗകര്യങ്ങള്‍ ഉപയോഗിക്കുന്നത് ശ്രദ്ധയില്‍പ്പെട്ടതായി ആഭ്യന്തരമന്ത്രി തിരുവഞ്ചൂര്‍ രാധാകൃഷ്ണന്‍. കൂടാതെ ജയിലിനുള്ളില്‍ പ്രതികള്‍ സംഘര്‍ഷം ഉണ്ടാക്കുന്നുണ്ട്. ഇതടക്കമുള്ള കാര്യങ്ങള്‍ വിചാരണ കോടതിയെ അറിയിക്കും. ടി.പി വധക്കേസ് പ്രതികള്‍ വിചാരണ തടവുകാര്‍ ആയതിനാല്‍ ജയില്‍ മാറ്റുന്നത് അടക്കമുള്ള നടപടികള്‍ക്ക് കോടതിയുടെ അനുമതി ആവശ്യമാണ്. ആഭ്യന്തര സെക്രട്ടറി, ജയില്‍ ഡി.ജി.പി, പൊലീസ് എന്നിവരുടെ ഉന്നതതല സംഘം അന്വേഷണം നടത്തും. ഇവരുടെ റിപ്പോര്‍ട്ടിന്റെ അടിസ്ഥാനത്തില്‍ തുടര്‍നടപടികള്‍ സ്വീകരിക്കുമെന്നും തിരുവഞ്ചൂര്‍ പറഞ്ഞു. പ്രതികള്‍ ഫോണ്‍ ഉപയോഗിച്ചത് അടക്കമുള്ള കാര്യങ്ങളുടെ പശ്ചാത്തലത്തില്‍ മൂന്ന് നടപടികള്‍ സ്വീകരിക്കാനാണ് തീരുമാനിച്ചത്. റിമാന്‍ഡ് പ്രതികളുടെ ജയിലിനുള്ളിലെ പ്രവര്‍ത്തനങ്ങള്‍ കോടതിയെ അറിയിക്കും. ഉന്നതസംഘത്തിന്റെ അന്വേഷണം വേഗത്തിലാക്കും. ജയിലിലെ സുരക്ഷാവീഴ്ചകള്‍ പരിഹരിക്കുന്നതിന് ശക്തമായ നടപടികള്‍ സ്വീകരിക്കും. അന്വേഷണ സംഘത്തിന്റെ നിഗമനങ്ങളുടെ അടിസ്ഥാനത്തില്‍ സുരക്ഷാവീഴ്ച പരിഹരിക്കുമെന്നും ആഭ്യന്തരമന്ത്രി വ്യക്തമാക്കി. ജയിലിനുള്ളില്‍ റെയ്ഡുകള്‍ നടത്തുന്നത് പരിഹാരമാകില്ല. ജയിലിനുള്ളിലെ ജാമറുകള്‍ പ്രവര്‍ത്തിക്കാത്തതാണ് മൊബൈല്‍ ഫോണ്‍ പ്രവര്‍ത്തിക്കാന്‍ കാരണം. ഫോണ്‍ ഉപയോഗിക്കുമ്പോള്‍ തന്നെ അക്കാര്യം കണ്ടത്തൊനുള്ള സെന്‍സറുകള്‍ ജയിലിനുള്ളില്‍ സ്ഥാപിക്കും. ഇതിനായി വിദഗ്ധ സംഘത്തിന്റെ സഹായം തേടും. രാഷ്ട്രീയ ആരോപണങ്ങള്‍ക്ക് പിന്നീട് മറുപടി നല്‍കാമെന്നും തിരുവഞ്ചൂര്‍ മാധ്യമപ്രവര്‍ത്തകരോട് പറഞ്ഞു. കോഴിക്കോട് ജയില്‍ സന്ദര്‍ശിച്ച ആഭ്യന്തരമന്ത്രി സ്ഥിതിഗതികള്‍ അധികൃതരോട് വിശദമായി ചോദിച്ചറിഞ്ഞു. ജയില്‍ ഡി.ജി.പി അലക്സാണ്ടര്‍ ജേക്കബ്, ഇന്‍റലിജന്‍സ് എ.ഡി.ജി.പി സെന്‍കുമാര്‍ എന്നിവര്‍ ആഭ്യന്തരമന്ത്രിയോടൊപ്പം ഉണ്ടായിരുന്നു. |
| റാസല്‍ഖൈമയില്‍ തീ പിടുത്തം: പിതാവും രണ്ട് മക്കളും മരിച്ചു Posted: 02 Dec 2013 10:11 PM PST Image:  റാസല്‍ഖൈമ (യു.എ.ഇ): റാസല്‍ഖൈമയിന്റെ ജൂലാനില്‍ താമസ സ്ഥലത്തുണ്ടായ തീപിടുത്തത്തില്‍ മലപ്പുറം സ്വദേശിയും രണ്ട് മക്കളും മരിച്ചു. മലപ്പുറം വളവന്നൂര്‍ ചങ്ങനക്കാട്ടില്‍ ഹംസയുടെ മകന്‍ ഷിഹാബുദ്ദീന്‍ (31), മക്കളായ രണ്ട് വയസ്സുകാരി മാജിത, റാക് ഇന്ത്യന്‍ സ്കൂളിലെ എല്‍.കെ.ജി വിദ്യാര്‍ഥി ഫിനാസ് എന്നിവരാണ് ദാരുണമായി മരിച്ചത്. ഷിഹാബുദ്ദീന്റെ ഭാര്യ തിരൂര്‍ അന്നാര സ്വദേശിനി ഉമ്മുസല്‍മ മുഖത്തും കൈക്കും പൊള്ളലേറ്റ് റാസല്‍ഖൈമ സഖര്‍ ആശുപത്രി തീവ്രപരിചരണ വിഭാഗത്തില്‍ ചികില്‍സയിലാണ്. ഇവരുടെ പരിക്ക് ഗുരുതരമല്ല. ചൊവ്വാഴ്ച പുലര്‍ച്ചെ ഒന്നരക്ക് ശേഷമാണ് സംഭവം. റാസല്‍ഖൈമയില്‍ അറബ് ഇന്‍ഡോ ഫുഡ്സ്റ്റഫ് ട്രേഡിംഗ് സ്ഥാപനത്തിലായിരുന്നു ഷിഹാബുദ്ദീന്‍ ജോലി ചെയ്തിരുന്നത്. ചൊവ്വാഴ്ച പുലര്‍ച്ചെ 1.30ന് ജൂലാനിലുള്ള ഒരു ഗ്രോസറിയില്‍ ഷിഹാബുദ്ദീന്‍ സാധനങ്ങള്‍ എത്തിച്ചിരുന്നതായി വിവരമുണ്ട്. തീ പിടിത്തത്തിനുണ്ടായ കാരണം അറിവായിട്ടില്ല. മൃതദേഹങ്ങള്‍ റാസല്‍ഖൈമ സെയ്ഫ് ആശുപത്രി മോര്‍ച്ചറിയില്‍. |
| നിയമവിരുദ്ധര്‍ക്കെതിരെ സൂക്ഷ്മ പരിശോധന തുടരും: മന്ത്രിസഭ Posted: 02 Dec 2013 10:07 PM PST Image:  റിയാദ്: സൗദിയില്‍ അനധികൃതമായി തങ്ങുന്നവര്‍ക്കെതിരെയുള്ള പരിശോധന സൂക്ഷ്മമായും കര്‍ശനമായും തുടരുമെന്ന് മന്ത്രിസഭ യോഗം പ്രഖ്യാപിച്ചു. നിയമവിരുദ്ധമായി രാജ്യത്ത് കഴിഞ്ഞവര്‍ക്ക് അവരുടെ നില മെച്ചപ്പെടുത്താന്‍ ഏഴ് മാസത്തെ സമയം അനുവദിച്ച ശേഷമാണ് പരിശോധന ആരംഭിച്ചത്. |
| പാര്‍ലമെന്‍റ് അംഗങ്ങളുടെ എണ്ണം വര്‍ധിപ്പിക്കണമെന്ന് ആവശ്യം Posted: 02 Dec 2013 09:52 PM PST Image:  കുവൈത്ത് സിറ്റി: പാര്‍ലമെന്‍റ് അംഗങ്ങളുടെ എണ്ണം ഉയര്‍ത്തണമെന്ന കാലങ്ങളായുള്ള ആവശ്യം വീണ്ടുമുയരുന്നു. ഈ ആവശ്യമുന്നയിച്ച് ചില എം.പിമാര്‍ പാര്‍ലമെന്‍റില്‍ നിര്‍ദേശം സമര്‍പ്പിച്ചതോടെയാണ് വിഷയം വീണ്ടും ചര്‍ച്ചയാവുന്നത്. നിലവിലുള്ള 50ല്‍നിന്ന് എം.പിമാരുടെ എണ്ണം 70 ആക്കി ഉയര്‍ത്തണമെന്നാണ് നിര്‍ദേശം. അടിയന്തര പ്രാധാന്യത്തോടെ നിര്‍ദേശം പരിഗണിക്കണമെന്നാണ് സമര്‍പ്പിച്ച എം.പിമാരുടെ ആവശ്യം. |
| ഫലസ്തീന് ഐക്യദാര്‍ഢ്യ ദിനം സംഘടിപ്പിച്ചു Posted: 02 Dec 2013 09:46 PM PST Image:  മനാമ: യു.എന്‍ ആചരിക്കുന്ന ഫലസ്തീന് ഐക്യ ദാര്‍ഢ്യ ദിനത്തില്‍ വിവിധ രാജ്യങ്ങളുടെ നയതന്ത്ര ഉദ്യോഗസ്ഥരുടെയും വിവിധ രാജ്യങ്ങളില്‍ നിന്നുള്ള പ്രവാസി പ്രമുഖരുടെയും സാന്നിധ്യത്തില്‍ പ്രത്യേക സമ്മേളനം ചേര്‍ന്നു. യു.എന്‍ ഇന്‍ഫര്‍മേഷന്‍ സെന്‍റര്‍, ഫലസ്തീന് എംബസി എന്നിവയുടെ സഹകരണത്തോടെയാണ് ഐക്യദാര്‍ഢ്യ സംഗമം നടത്തിയത്. ഫലസ്തീന് പ്രശ്നത്തെ അനുകൂലിക്കുന്ന വിവിധ പ്രവാസികളും ചടങ്ങില്‍ പങ്കെടുത്തു. ഫലസ്തീന് പ്രശ്നം ഓരോ അറബികളുടെയും മനസ്സില്‍ കേന്ദ്രീകരിച്ചിരിക്കുന്ന വിഷയമാണ്. |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment