പരാതികളേറെ, മറുപടി ‘ഗ്യാസ്’ Madhyamam News Feeds |  |
- പരാതികളേറെ, മറുപടി ‘ഗ്യാസ്’
- സര്‍വീസ് സഹകരണ ബാങ്ക് തെരഞ്ഞെടുപ്പുകള്‍; കോണ്‍ഗ്രസില്‍ പ്രശ്നങ്ങള്‍ പുകയുന്നു
- ഇരുട്ടായാല്‍ ജില്ലാ ആശുപത്രി അഴിഞ്ഞാട്ട കേന്ദ്രം
- മുന്‍ ഇന്ത്യന്‍ ക്രിക്കറ്റ് താരം വിനോദ് കാംബ്ളിക്ക് ഹൃദയാഘാതം
- ലാലുവിന്റെ ജാമ്യാപേക്ഷയില്‍ സി.ബി.ഐക്ക് സുപ്രീംകോടതി നോട്ടീസ്
- ബി.ജെ.പി വെട്ടില്‍; മോഡി യുവതിയുമായി സംസാരിക്കുന്ന ചിത്രം പുറത്ത്
- മുര്‍സി അനുകൂലികളായ പെണ്‍കുട്ടികളെ ജയിലില്‍ അടച്ചു; ഈജിപ്തില്‍ പ്രതിഷേധം പടരുന്നു
- എല്‍.പി.ജി സിലിണ്ടര്‍ ക്ഷാമം രണ്ടാഴ്ചക്കകം പരിഹരിക്കും - കലക്്ടര്‍
- കൊയ്യാന്‍ ആളില്ല; 80 ഏക്കറിലെ വിളവ് നശിക്കുന്നു
- വീടിന്‍െറ വാതില്‍ തകര്‍ത്ത് 17 പവന്‍ കവര്‍ന്നു
| Posted: 29 Nov 2013 01:08 AM PST Subtitle: 'പാചകവാതക സബ്സിഡി ബാങ്ക് അക്കൗണ്ടിലൂടെ' പദ്ധതി പരീക്ഷണം ജില്ലയില്‍ പാളുന്നു പത്തനംതിട്ട: പാചകവാതക സബ്സിഡി ബാങ്ക് അക്കൗണ്ടില്‍ നിക്ഷേപിക്കുന്ന പദ്ധതി പരീക്ഷണാടിസ്ഥാനത്തില്‍ ജില്ലയില്‍ നടപ്പാക്കി വിജയിച്ചെന്ന് അധികൃതര്‍ പ്രഖ്യാപിക്കുമ്പോഴും നിരവധി പേര്‍ക്ക് പണം നഷ്ടപ്പെട്ടു. പരാതികളുമായി സമീപിക്കുമ്പോള്‍ ഏജന്‍സിയും ജില്ലാഭരണകൂടവും കൈമലര്‍ത്തുകയാണ്. ഉത്തരവാദി പെട്രോളിയം കമ്പനികളാണെന്നാണ് ഇരുകൂട്ടരും ഉപഭോക്താക്കളോട് വിശദീകരിക്കുന്നത്. ജില്ലയില്‍ കൂടുതല്‍ ഏജന്‍സികളും ഇന്ത്യന്‍ ഓയില്‍ കോര്‍പറേഷന്‍േറതായതിനാല്‍ ഇതില്‍പ്പെട്ട ഉപഭോക്താക്കളാണ് പണം നഷ്ടപ്പെട്ടതില്‍ ബഹുഭൂരിപക്ഷവും. ആധാര്‍ നമ്പര്‍ ഗ്യാസ് ഏജന്‍സിയിലും ബാങ്ക് അക്കൗണ്ടിലും ബന്ധിപ്പിച്ച ശേഷം രണ്ടും മൂന്നും സിലിണ്ടര്‍ വരെ എടുത്തവര്‍ സബ്സിഡി തുകക്കായുള്ള കാത്തിരിപ്പ് തുടരുകയാണ്. ആധാര്‍ നമ്പര്‍ ലിങ്ക് ചെയ്യാന്‍ നല്‍കിയ അപേക്ഷകള്‍ ഗ്യാസ് ഏജന്‍സികള്‍ ബന്ധപ്പെട്ട എണ്ണക്കമ്പനികള്‍ക്ക് അയക്കാത്ത നിരവധി പരാതികളും പുറത്തുവന്നിട്ടുണ്ട്. അപേക്ഷകള്‍ പലതും ഏജന്‍സി ഓഫിസുകളില്‍നിന്ന് നഷ്ടപ്പെട്ടിട്ടുണ്ട്. കോഴഞ്ചേരിയിലെ ഏജന്‍സിയില്‍നിന്ന് അപേക്ഷകള്‍ നഷ്ടപ്പെട്ടതായി കണ്ടത്തെി. ഇതുകാരണവും നിരവധി ഉപഭോക്താക്കള്‍ക്ക് സബ്സിഡി തുക നഷ്ടപ്പെട്ടു. ജില്ലയിലെ ലീഡ് ബാങ്കായ എസ്.ബി.ടി ഉള്‍പ്പെടെ ബാങ്കുകളുടെ അലംഭാവം മൂലം അക്കൗണ്ടില്‍ ആധാര്‍ നമ്പര്‍ കൂട്ടിച്ചേര്‍ക്കല്‍ നടന്നിട്ടില്ളെന്നും ആക്ഷേപമുണ്ട്. |
| സര്‍വീസ് സഹകരണ ബാങ്ക് തെരഞ്ഞെടുപ്പുകള്‍; കോണ്‍ഗ്രസില്‍ പ്രശ്നങ്ങള്‍ പുകയുന്നു Posted: 29 Nov 2013 01:03 AM PST പീരുമേട്: താലൂക്ക് കാര്‍ഷിക വികസന ബാങ്ക് തെരഞ്ഞെടുപ്പില്‍ സി.പി.എമ്മിന് എതിരില്ലാതെ തെരഞ്ഞെടുക്കപ്പെടാന്‍ അവസരം സൃഷ്ടിച്ച സംഭവം കോണ്‍ഗ്രസില്‍ പുകയുന്നു. താലൂക്ക് കാര്‍ഷിക വികസന ബാങ്കില്‍ സി.പി.എം എതിരില്ലാതെ തെരഞ്ഞെടുക്കപ്പെടുകയും മലനാട് സര്‍വീസ് സഹകരണ ബാങ്കില്‍ ചില കോണ്‍ഗ്രസ് അംഗങ്ങള്‍ രഹസ്യമായി ഒരു വിഭാഗം ആളുകളെ മത്സരിപ്പിച്ച് എതിരില്ലാതെ തെരഞ്ഞെടുത്തതുമാണ് പാര്‍ട്ടിയില്‍ പ്രശ്നങ്ങള്‍ സൃഷ്ടിക്കുന്നത്. കഴിഞ്ഞ ദിവസം നടന്ന കോണ്‍ഗ്രസ് ബ്ളോക് കമ്മിറ്റിയില്‍ നേതാക്കള്‍ക്കെതിരെ രൂക്ഷ വിമര്‍ശം ഉണ്ടായി. കാര്‍ഷിക വികസന ബാങ്ക് തെരഞ്ഞെടുപ്പില്‍ നാമനിര്‍ദേശ പത്രിക നല്‍കാന്‍ പോലും തയാറായില്ല. പത്രിക നല്‍കാന്‍ തയാറായവരെ പിന്തിരിപ്പിച്ചതായും യോഗത്തില്‍ പരാതി ഉയര്‍ന്നു. |
| ഇരുട്ടായാല്‍ ജില്ലാ ആശുപത്രി അഴിഞ്ഞാട്ട കേന്ദ്രം Posted: 29 Nov 2013 12:55 AM PST Subtitle: പൊട്ടിപ്പൊളിഞ്ഞ വാര്‍ഡുകള്‍, മദ്യപശല്യം, വനിത ജീവനക്കാരുള്‍പ്പെടെ ഭീതിയില്‍ കോട്ടയം: മദ്യപരുടെയും ഒളിഞ്ഞുനോട്ടക്കാരുടെയും വിഹാരഭൂമിയായ ജില്ലാ ആശുപത്രിയില്‍ രോഗികളും ജീവനക്കാരും ഓരോ ദിനവും തള്ളിനീക്കുന്നത് കടുത്ത ഭീതിയില്‍. പകലും രാത്രിയും ഒരുപോലെ മദ്യപര്‍ ആശുപത്രി പരിസരം കൈയടക്കുകയാണ്. |
| മുന്‍ ഇന്ത്യന്‍ ക്രിക്കറ്റ് താരം വിനോദ് കാംബ്ളിക്ക് ഹൃദയാഘാതം Posted: 29 Nov 2013 12:29 AM PST Image:  മുംബൈ: മുന്‍ ഇന്ത്യന്‍ ക്രിക്കറ്റ് താരം വിനോദ് കാംബ്ളിക്ക് ഹൃദയാഘാതം. കാംബ്ളിയെ മുംബൈ ലിലാവതി ആശുപത്രിയില്‍ പ്രവേശിപ്പിച്ചു. |
| ലാലുവിന്റെ ജാമ്യാപേക്ഷയില്‍ സി.ബി.ഐക്ക് സുപ്രീംകോടതി നോട്ടീസ് Posted: 29 Nov 2013 12:26 AM PST Image:  ന്യൂദല്‍ഹി: കാലിത്തീറ്റ കുംഭകോണ കേസില്‍ അഞ്ച് വര്‍ഷത്തെ തടവ് അനുഭവിക്കുന്ന ആര്‍.ജെ.ഡി നേതാവ് ലാലുപ്രസാദ് യാദവിന്റെ ജാമ്യാപേക്ഷയില്‍ സി.ബി.ഐക്ക് സുപ്രീംകോടതി നോട്ടീസ്. ചീഫ് ജസ്റ്റിസ് പി. സദാശിവം, ജസ്റ്റിസ് രഞ്ജന്‍ ഗോഗായി എന്നിവരടങ്ങുന്ന ഡിവിഷന്‍ ബെഞ്ചാണ് നോട്ടീസ് അയച്ചത്. ലാലുവിനുവേണ്ടി മുതിര്‍ന്ന അഭിഭാഷകന്‍ റാം ജെത്മലാനി ഹാജരായി. തടവിന് ശിക്ഷിക്കപ്പെട്ട 44 പേരില്‍ 37 പേരും ജാമ്യത്തിലാണെന്ന് ജെത്മലാനി കോടതിയെ അറിയിച്ചു. ആറു പേരുടെ ജാമ്യാപേക്ഷ കോടതിയുടെ പരിഗണനയിലാണ്. ലാലുവിനൊപ്പം അഞ്ച് വര്‍ഷം തടവുശിക്ഷ ലഭിച്ചയാള്‍ക്കും ജാമ്യം അനുവദിച്ചിട്ടുണ്ട്. എന്നാല്‍, ലാലുവിന് മാത്രമാണ് ജാമ്യം അനുവദിക്കാത്തതെന്നും അഭിഭാഷകന്‍ വാദിച്ചു. കേസ് ഡിസംബര്‍ 13ന് സുപ്രീംകോടതി പരിഗണിക്കും. |
| ബി.ജെ.പി വെട്ടില്‍; മോഡി യുവതിയുമായി സംസാരിക്കുന്ന ചിത്രം പുറത്ത് Posted: 29 Nov 2013 12:24 AM PST Image:  ന്യൂദല്‍ഹി: ഗുജറാത്ത് മുഖ്യമന്ത്രിയും ബി.ജെ.പിയുടെ പ്രധാനമന്ത്രി സ്ഥാനാര്‍ഥിയുമായ നരേന്ദ്രമോഡിയും ഗുജറാത്ത് സര്‍ക്കാറിന്‍്റെ ഒളിനോട്ടത്തിനിരയായ യുവതിയും ഒന്നിച്ചുള്ള ചിത്രം പുറത്ത്. ഗുലൈല്‍ ഡോട്ട് കോം എന്ന വെബ് പോര്‍ട്ടല്‍ ആണ് മോഡിയെയും ബി.ജെ.പിയെയും വെട്ടിലാക്കുന്ന ചിത്രം പുറത്ത് വിട്ടിരിക്കുന്നത്. പെണ്‍കുട്ടിക്ക് മോഡിയെ അറിയില്ളെന്ന ബി.ജെ.പിയുടെ വാദം പൊളിക്കുന്നതാണ് ഇത്. ഗുജറാത്തിലെ കച്ചില്‍ 2005ല്‍ ഹില്‍ ഗാര്‍ഡന്‍ പദ്ധതിയുടെ ഉദ്ഘാടന ചടങ്ങിനിടെയാണ് മോഡിയും ബാഗ്ളുര്‍ സ്വദേശിയായ ആര്‍കിടെക്ട് മാധുരിയും കൂടിക്കാഴ്ച നടത്തിയത്. പെണ്‍കുട്ടി മോഡിക്ക് ഇ മെയിലും ഫോണ്‍ നമ്പറും കൈമാറിയെന്നും അന്ന് രാത്രി മാധുരി മോഡിയുടെ ടെന്‍്റിലാണ് കഴിഞ്ഞതെന്നും അന്ന് കച്ച് കളക്ടര്‍ ആയിരുന്ന പ്രദീപ് ശര്‍മയെ ഉദ്ധരിച്ച് ഗുലൈല്‍ റിപ്പോര്‍ട്ട് ചെയ്യുന്നു. 2009ല്‍ ഗുജറാത്ത് സര്‍ക്കാറിന്‍്റെ നിരീക്ഷണത്തിന് ഇരയാവുന്നതിന് മുമ്പ് തന്നെ പെണ്‍കുട്ടിക്ക് മോഡിയെ അറിയാമായിരുന്നു എന്നതിലേക്കാണ് ഈ ചിത്രം വിരല്‍ ചൂണ്ടുന്നത്. സുപ്രീംകോടതിയില്‍ നല്‍കിയ സത്യവാങ്മൂലത്തില്‍ ആണ് സസ്പെന്‍റ് ചെയ്യപ്പെട്ട ഈ ഐ.എ.എസ് ഉദ്യോഗസ്ഥന്‍ കാര്യങ്ങള്‍ വെളിപ്പെടുത്തിയത്. യുവതിയുടെ ദൃശ്യങ്ങള്‍ അടങ്ങിയ സി.ഡി തന്‍്റെ പക്കല്‍ ഉണ്ടെന്ന സംശയം കാരണമാണ് മോഡി തന്നെ കള്ളക്കേസില്‍ കുടുക്കിയതെന്ന് പ്രദീപ് ശര്‍മ നേരത്തെ ആരോപിച്ചിരുന്നു. യുവതിക്ക് തന്നെ പരിചയമുണ്ടായിരുന്നതിനാല്‍ ഈ സി.ഡി കണ്ടെടുക്കാന്‍ പുലര്‍ച്ചെ തന്‍്റെ വീട്ടില്‍ റെയ്ഡ് നടത്തി. നരേന്ദ്ര മോഡി അയച്ചതെന്ന് ചൂണ്ടിക്കാട്ടി ഒരു എസ്.എം.എസ് യുവതി തന്നെ കണിച്ചിരുന്നു. ഈ നമ്പറിലേക്ക് വിളിച്ചുനോക്കിയപ്പോള്‍ മോഡി ഉപയോഗിക്കുന്ന നമ്പറാണെന്ന് വ്യക്തമായെന്നും പ്രദീപ് ശര്‍മ പറയുന്നു. ഈ സംഭവങ്ങള്‍ സി.ബി.ഐ അന്വേഷിക്കണമെന്നാവശ്യപ്പെട്ടാണ് പ്രദീപ് ശര്‍മ സുപ്രീംകോടതിയെ സമീപിച്ചത്. പെണ്‍കുട്ടിയെയും തന്നെയും അന്യായമായി നിരീക്ഷിച്ചതും മൊബൈല്‍ ടാപ്പ് ചെയ്തതും ഇന്ത്യന്‍ ടെലഗ്രാഫ് ആക്ടിന്‍്റെ ലംഘനമാണെന്നും ശര്‍മ ഹരജിയില്‍ ചൂണ്ടിക്കാട്ടുന്നു. |
| മുര്‍സി അനുകൂലികളായ പെണ്‍കുട്ടികളെ ജയിലില്‍ അടച്ചു; ഈജിപ്തില്‍ പ്രതിഷേധം പടരുന്നു Posted: 28 Nov 2013 11:19 PM PST Image:  കൈറോ: ഈജിപ്തില്‍ മുന്‍ പ്രസിഡന്‍്റ് മുഹമ്മദ് മുര്‍സിയെ അനുകൂലിച്ച് സമാധാനപരമായി പ്രകടനം നടത്തിയ 21 സ്ത്രീകളെ ജയിലില്‍ അടച്ചതില്‍ പ്രതിഷേധം കനക്കുന്നു. കൈറോ സര്‍വകലാശാലക്കു പുറത്ത് നടന്ന പ്രതിഷേധത്തില്‍ ഒരാള്‍ കൊല്ലപ്പെട്ടതായി മെഡിക്കല്‍ വൃത്തങ്ങള്‍ പറഞ്ഞു. 11 വര്‍ഷം വരെ തടവു ശിക്ഷ നല്‍കുന്ന വിധത്തില്‍ തീവ്രവാദ സംഘടകളില്‍ പ്രവര്‍ത്തിക്കുന്നവരാണെന്നും ഗതാഗതം തടസ്സപ്പെടുത്തിയെന്നും അടക്കമുള്ള നിരവധി കുറ്റങ്ങളാണ് ഇവര്‍ക്കുമേല്‍ ചുമത്തിയിരിക്കുന്നത്. 18 വയസ്സില്‍ താഴെയുള്ളവര്‍ ആണ് ഇതില്‍ ഏഴു പേര്‍. ഇവരെ ജുവനൈല്‍ ജയിലിലും അടച്ചു. ഈ മാസം ആദ്യത്തില്‍ ആണ് അലക്സാണ്ട്രിയ നഗരത്തില്‍ പെണ്‍കുട്ടികളും സ്ത്രീകളും പ്രതിഷേധ പ്രകടം നടത്തിയത്. രാവിലെ ഏഴിന് നടന്ന പ്രതിഷേധം വളരെ സമാധാനപരമായിരുന്നു എന്നും സ്കൂളിലേക്ക് പോവുന്ന വഴിയില്‍ ആണ് ഇതില്‍ ഒരു കുട്ടിയെ പിടികൂടിയതെന്നും ബന്ധുക്കള്‍ പറഞ്ഞു. ജയിലിടക്കാനുള്ള വിധിയെ വിമര്‍ശിച്ച് മനുഷ്യാവകാശ പ്രവര്‍ത്തകര്‍ രംഗത്തത്തെിയിട്ടുണ്ട്. ഈ വിധിയെ ‘ഭ്രാന്ത്’ എന്നാണ് ഇവരിലൊരാള്‍ വിശേഷിപ്പിച്ചത്. നിരവധി സെക്കുലര്‍ പ്രവര്‍ത്തകരായ സ്ത്രീകളെ കൈറോവില്‍ അറസ്റ്റ് ചെയ്ത പശ്ചാത്തലത്തില്‍ ആണ് പുതിയ വിധി. തങ്ങളെ അടിക്കുകയും ക്രൂരമായി മര്‍ദിക്കുകയും മരുഭൂമിയിലൂടെ വലിച്ചിഴക്കുകയും ചെയ്തതായി ഇവര്‍ പറഞ്ഞിരുന്നു. മുര്‍സിലെ അധികാരത്തില്‍ തിരിച്ചുകൊണ്ടുവരണമെവശ്യപ്പെട്ട് നടന്ന പ്രതിഷേധം സൈന്യം അടിച്ചമര്‍ത്തിയതിനെ തുടര്‍ന്ന് നൂറു കണക്കിന് പേരാണ് ഈജിപ്തില്‍ കൊല്ലപ്പെട്ടത്. |
| എല്‍.പി.ജി സിലിണ്ടര്‍ ക്ഷാമം രണ്ടാഴ്ചക്കകം പരിഹരിക്കും - കലക്്ടര്‍ Posted: 28 Nov 2013 10:53 PM PST Subtitle: അഞ്ചുകിലോ എല്‍.പി.ജി സിലിണ്ടര്‍ സബ്സിഡിയില്ലാതെ നല്‍കുന്ന പദ്ധതി കൊച്ചിയില്‍ അടുത്തവര്‍ഷം കൊച്ചി: ജില്ലയില്‍ ഇന്‍ഡേന്‍ ഗ്യാസ് സിലിണ്ടര്‍ ലഭ്യതയിലുണ്ടായ കുറവ് 15 ദിവസത്തിനകം പരിഹരിക്കുമെന്ന് ഇന്ത്യന്‍ ഓയില്‍ കോര്‍പറേഷന്‍ ഉറപ്പ് നല്‍കിയതായി കലക്ടര്‍ പി.ഐ. ഷെയ്ഖ് പരീത്. ഇതോടെ സിലിണ്ടര്‍ ലഭിക്കാനുള്ള ഇടവേള 25-30 ദിവസത്തിലധികം നീളില്ല. ഭാരത് പെട്രോളിയം, ഹിന്ദുസ്ഥാന്‍ പെട്രോളിയം എന്നീ കമ്പനികളുടെ ഡീലര്‍മാരുടെ കൈവശം ആവശ്യത്തിന് സിലിണ്ടറുകള്‍ സ്റ്റോക്കുണ്ട്. |
| കൊയ്യാന്‍ ആളില്ല; 80 ഏക്കറിലെ വിളവ് നശിക്കുന്നു Posted: 28 Nov 2013 10:48 PM PST അരൂര്‍: നെല്‍കതിരുകള്‍ കൊയ്യാന്‍ ആളില്ല. അരൂര്‍ കുമ്പഞ്ഞി പാടശേഖരത്തില്‍ 80 ഏക്കറിലെ വിളവ് നശിക്കുന്നു. 120 ഏക്കറിലാണ് കൃഷി നടത്തിയത്. ഇതില്‍ 40 ഏക്കറിലെ കതിരുകള്‍ മാത്രമേ കൊയ്തെടുക്കാനായുള്ളൂ. കൊയ്ത്തുകാരെ കിട്ടാതായതോടെ കര്‍ഷകസംഘം ഭാരവാഹികളും ഏറെ ക്ളേശിക്കുകയാണ്. കര്‍ഷകസംഘമാണ് കൃഷിയിറക്കിയത്. കുറഞ്ഞത് 40 തൊഴിലാളികളെങ്കിലും കൊയ്ത്തിന് ഇറങ്ങേണ്ട സ്ഥാനത്ത് നാലും അഞ്ചും തൊഴിലാളികളാണ് എത്തുന്നത്. കര്‍ഷകസംഘം ഭാരവാഹികള്‍ വീടുകളിലെത്തി കൊയ്ത്തിനിറങ്ങണമെന്ന് പറഞ്ഞിട്ടും ആരും എത്തുന്നില്ല. രാവിലെ എട്ടുമുതല്‍ ഉച്ചക്ക് രണ്ടുവരെയാണ് കൊയ്ത്ത്. ഒരു തൊഴിലാളിക്ക് 200 രൂപയും ഭക്ഷണവും നല്‍കുന്നുണ്ട്. തൊഴിലുറപ്പ് തൊഴിലാളികള്‍ക്ക് ലഭിക്കുന്ന കൂലിയെക്കാള്‍ കൂടുതല്‍ നല്‍കിയിട്ടും പാടത്തിറങ്ങാന്‍ ആളെ കിട്ടാത്ത അവസ്ഥയാണ്. 80 ഏക്കറിലെ വിളഞ്ഞ നെല്‍കതിരുകള്‍ കൊയ്തെടുക്കാന്‍ കഴിയാതായതോടെ നാലുലക്ഷം രൂപയുടെ നഷ്ടം സംഭവിച്ചതായി കര്‍ഷകസംഘം സെക്രട്ടറി സുനില്‍ പി. തെക്കേമഠം, പ്രസിഡന്‍റ് ടി.കെ. ശശിധരന്‍പിള്ള എന്നിവര്‍ പറഞ്ഞു. |
| വീടിന്‍െറ വാതില്‍ തകര്‍ത്ത് 17 പവന്‍ കവര്‍ന്നു Posted: 28 Nov 2013 10:36 PM PST കാഞ്ഞാണി: അരിമ്പൂര്‍ ആറാംകല്ലില്‍ വീടിന്‍െറ വാതില്‍ തകര്‍ത്ത് 17 പവന്‍ സ്വര്‍ണാഭരണം കവര്‍ന്നു. പാലയൂര്‍ വീട്ടില്‍ മാര്‍ട്ടിന്‍െറ വീട്ടില്‍ ബുധനാഴ്ച വൈകീട്ടാണ് കവര്‍ച്ച നടന്നത്. മാര്‍ട്ടിനും കുടുംബവും വൈകീട്ട് സഹോദരിയുടെ വീട്ടിലേക്ക് പോയിരുന്നു. രാത്രി 9.15ഓടെ തിരിച്ചെത്തിയപ്പോള്‍ മുന്‍വശത്തെ വാതില്‍ തുറക്കാന്‍ കഴിഞ്ഞില്ല. സംശയം തോന്നി നോക്കിയപ്പോഴാണ് പിന്‍വാതില്‍ തുറന്ന് കിടക്കുന്നത് കണ്ടത്. തുടര്‍ന്ന് പരിശോധിച്ചപ്പോള്‍ അലമാരകളിലെ സാധനങ്ങള്‍ വാരിവലിച്ചിട്ട നിലയിലായിരുന്നു. അലമാരയില്‍നിന്ന് വളകള്‍, മാലകള്‍, പാദസരം, കൈചെയ്ന്‍, കമ്മല്‍ എന്നിവയാണ് കവര്‍ന്നത്. |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment