എന്തിനു രാജിവെക്കണമെന്ന് മുഖ്യമന്ത്രി Madhyamam News Feeds |  |
- എന്തിനു രാജിവെക്കണമെന്ന് മുഖ്യമന്ത്രി
- റിപ്പര്‍ ജയാനന്ദനൊപ്പം ജയില്‍ ചാടിയ ഊപ്പന്‍ പ്രകാശ് പിടിയില്‍
- പ്രവാസി പുനരധിവാസത്തിന് സഹകരണ സംഘങ്ങള്‍: നോര്‍ക്ക മുന്‍കൈയെടുക്കും
- ബിഹാര്‍ ബന്ദ്; ബി.ജെ.പി-ജെ.ഡി.യു പ്രവര്‍ത്തകര്‍ ഏറ്റുമുട്ടി
- ശൂന്യവേള റദ്ദാക്കിയതിനെതിരെ പ്രതിപക്ഷം; അസ്വാഭാവികമായി ഒന്നുമില്ലെന്ന് സ്പീക്കര്‍
- ഭരണഘടനയുടെ അന്തസത്ത ഉയര്‍ത്തിപ്പിടിച്ച ചരിത്രവിധി - കുവൈത്ത് അമീര്‍
- രൂപയുടെ മൂല്യം വീണ്ടും ഇടിഞ്ഞു
- ഇളവുകാലം നീട്ടാന്‍ ശക്തമായ ആവശ്യം
- മാര്‍ക്കറ്റുകളില്‍ റമദാന് ഒരുക്കം തുടങ്ങി
- ഭാര്യാഘാതകനെ മുഖ്യമന്ത്രി തോളിലേറ്റുന്നു -വി.എസ്
| എന്തിനു രാജിവെക്കണമെന്ന് മുഖ്യമന്ത്രി Posted: 18 Jun 2013 12:32 AM PDT Image:  തിരുവനന്തപുരം: പേഴ്സണല്‍ സ്റ്റാഫ് അംഗങ്ങള്‍ സരിതാ എസ്. നായരെ ഫോണ്‍ വിളിച്ചതിന്റെപേരില്‍ താന്‍ എന്തിനു രാജിവെക്കണമെന്ന് മുഖ്യമന്ത്രി ഉമ്മന്‍ ചാണ്ടി. സോളാര്‍ തട്ടിപ്പുമായി ബന്ധപ്പെട്ട് അടിസ്ഥാനമില്ലാത്ത കാര്യങ്ങളാണ് പ്രതിപക്ഷം ഉന്നയിക്കുന്നത്. ഇല്ലാത്ത ആരോപണങ്ങളുടെ പേരിലാണ് പ്രതിപക്ഷം രാജി ആവശ്യപ്പെടുന്നത്. താന്‍ നല്‍കിയെന്ന് പറയപ്പെടുന്ന ശിപാര്‍ശക്കത്ത് വ്യാജമാണ്. ദല്‍ഹിയിലെ വിജ്ഞാന്‍ ഭവനില്‍വച്ച് സരിതയെ കണ്ടെന്നു പറയുന്നതും തെറ്റാണെന്ന് തെളിഞ്ഞിരിക്കുകയാണ്. കഴിഞ്ഞ രണ്ട് വര്‍ഷത്തിനിടയില്‍ സംസ്ഥാന താത്പര്യം പരിഗണിക്കാതെ സോളാര്‍ കമ്പനിക്ക് വേണ്ടി ഒരു സഹായവും ചെയ്തിട്ടില്ല. ഇക്കാര്യത്തില്‍ എന്തെങ്കിലും വീഴ്ചയുണ്ടെങ്കില്‍ പരിശോധിക്കാം. ബിജു രാധാകൃഷ്ണനെ കൊച്ചിയിലെ ഗസ്റ്റ് ഹൗസില്‍വച്ചു കണ്ടത് സത്യമാണ്. ഒരു കമ്പനി എക്സിക്യൂട്ടിവിന് താനുമായി സംസാരിക്കണമെന്നു മുതിര്‍ന്ന നേതാവ് എം.ഐ.ഷാനവാസ് ആവശ്യപ്പെട്ടത് അനുസരിച്ചാണ് കണ്ടത്. അന്നാണ് ആദ്യമായി ബിജു രാധാകൃഷ്ണനെ കാണുന്നത്. ഒരു പത്ര ജീവനക്കാരനും അയാള്‍ക്കൊപ്പം ഉണ്ടായിരുന്നു. അത് ഒരു മണിക്കൂര്‍ നീണ്ട കൂടിക്കാഴ്ചയായിരുന്നില്ല. അന്നു സംസാരിച്ചത് ബിസിനസ് കാര്യങ്ങളല്ല. കുടംബ കാര്യങ്ങളായിരുന്നു. ബിജു സംസാരിച്ചത് കെ.ബി ഗണേഷ് കുമാറിന്റെ കുടുംബ കാര്യങ്ങളായിരുന്നില്ലേയെന്ന മാധ്യമ പ്രവര്‍ത്തകരുടെ ആവര്‍ത്തിച്ചുള്ള ചോദ്യത്തിനു അതിന്റെ വിശദാംശങ്ങള്‍ പറയാന്‍ കഴിയില്ലെന്നും അദ്ദേഹം പറഞ്ഞു. വീഴ്ച സംഭവിച്ചിട്ടുണ്ട്. ബിജു കുറ്ററവാളിയാണെന്ന് അറിയാതെ അയാളെ കണ്ടത് വീഴ്ചയാണ്. തന്നെ കാണാന്‍ വരുന്നവരോട് സ്വഭാവ സര്‍ട്ടിഫിക്കറ്റുമായി വരണമെന്ന് പറയാന്‍ കഴിയില്ല. സന്ദര്‍ശകരെ നിയന്ത്രിക്കണമെന്ന കാര്യത്തില്‍ മാനസികമായി യോജിപ്പില്ലെന്നും അദ്ദേഹം വ്യക്തമാക്കി. ക്ളിഫ് ഹൗസില്‍ സോളാര്‍ പാനല്‍ വച്ചത് അനര്‍ട്ടാണ്. എമേര്‍ജിങ് കേരളയില്‍ ടീം സോളാറിനെ ഉള്‍പ്പെടുത്താന്‍ കത്ത് നല്‍കിയിട്ടില്ലെന്നും മുഖ്യമന്ത്രി വ്യക്തമാക്കി. കേസുമായി ബന്ധപ്പെട്ട് ശക്തമായ നടപടി സ്വീകരിക്കുമെന്നും അദ്ദേഹം പറഞ്ഞു. |
| റിപ്പര്‍ ജയാനന്ദനൊപ്പം ജയില്‍ ചാടിയ ഊപ്പന്‍ പ്രകാശ് പിടിയില്‍ Posted: 18 Jun 2013 12:02 AM PDT Image:  കായംകുളം: റിപ്പര്‍ ജയാനന്ദനൊപ്പം ജയില്‍ ചാടിയ 'ഊപ്പന്‍' പ്രകാശ് പിടിയില്‍. കായംകുളത്തുനിന്ന് ക്രൈം ഡിറ്റാച്ച്‌മെന്റ് ഡി.വൈ.എസ്.പിയുടെ നേതൃത്വത്തിലുള്ള സംഘമാണ് ഇയാളെ അറസ്റ്റ് ചെയ്തത്. പൂജപ്പുര സെന്‍ട്രല്‍ ജയിലില്‍നിന്നാണ് റിപ്പര്‍ ജയാനന്ദനും ഊപ്പന്‍ പ്രകാശും രക്ഷപ്പെട്ടത്. ജയാനന്ദന് വേണ്ടിയുള്ള പൊലീസിന്റെ തിരച്ചില്‍ തുടരുകയാണ്. |
| പ്രവാസി പുനരധിവാസത്തിന് സഹകരണ സംഘങ്ങള്‍: നോര്‍ക്ക മുന്‍കൈയെടുക്കും Posted: 17 Jun 2013 11:29 PM PDT Image:  ദുബൈ: ഗള്‍ഫ് നാടുകളില്‍ നിന്ന് തിരികെയെത്തുന്ന പ്രവാസികള്‍ക്കുള്ള പുനരധിവാസ പദ്ധതികളുടെ ഭാഗമായി എല്ലാ പഞ്ചായത്തുകളിലും നോര്‍ക്കയുടെ രക്ഷാകര്‍തൃത്വത്തില്‍ സഹകരണ സംഘങ്ങള്‍ തുടങ്ങുന്നത് സജീവ പരിഗണനയിലാണെന്ന് നോര്‍ക്ക് റൂട്സ് ഡയറക്ടര്‍ ഡോ. ആസാദ് മൂപ്പന്‍ വാര്‍ത്താസമ്മേളനത്തില്‍ പറഞ്ഞു. ഈ വര്‍ഷം തന്നെ പരീക്ഷണാര്‍ഥം ഏതാനും പഞ്ചായത്തുകളില്‍ ഇത് നടപ്പാക്കാനാകുമെന്നാണ് പ്രതീക്ഷ. മടങ്ങിയെത്തുന്ന പ്രവാസികളില്‍ നിന്ന് നിക്ഷേപം സ്വീകരിച്ച് സഹകരണ സംഘങ്ങള്‍ രജിസ്റ്റര്‍ ചെയ്യുന്നതിന് നോര്‍ക്ക സഹായിക്കും. മാലിന്യ സംസ്കരണ കേന്ദ്രങ്ങള്‍, ക്ഷീര വികസനം തുടങ്ങിയ മൈക്രോ പദ്ധതികളാണ് പരിഗണനയില്‍. ലാഭത്തിന്‍െറ ഒരു വിഹിതം പ്രവാസി ക്ഷേമ നിധിയിലേക്കും നല്‍കുമെന്നും അദ്ദേഹം പറഞ്ഞു. |
| ബിഹാര്‍ ബന്ദ്; ബി.ജെ.പി-ജെ.ഡി.യു പ്രവര്‍ത്തകര്‍ ഏറ്റുമുട്ടി Posted: 17 Jun 2013 11:15 PM PDT Image:  പട്ന: എന്‍.ഡി.എയില്‍ നിന്ന് പിരിഞ്ഞ ജനതദള്‍ യുവിന്റെനിലപാടില്‍ പ്രതിഷേധിച്ച് ബിഹാറില്‍ ബി.ജെ.പി ആഹ്വാനം ചെയ്ത ബന്ദില്‍ വ്യാപക സംഘര്‍ഷം. തലസ്ഥാനമായ പട്നയിലുള്‍പ്പെടെ നിരവധി സ്ഥലങ്ങളില്‍ ബി.ജെ.പി-ജെ.ഡി.യു പ്രവര്‍ത്തകര്‍ തമ്മില്‍ ഏറ്റുമുട്ടി. അക്രമ സംഭവങ്ങളില്‍ നിരവധി പേര്‍ക്ക് പരിക്കേറ്റു. ബന്ദ് സംസ്ഥാനത്തെ ജനജീവിതത്തെ കാര്യമായി ബാധിച്ചിട്ടുണ്ടെന്നാണ് പ്രാഥമിക റിപ്പോര്‍ട്ട്. കടകമ്പോളങ്ങള്‍ പൂര്‍ണമായി അടഞ്ഞു കിടക്കുകയാണ്. ബന്ദിന്റെ ഭാഗമായി ബി.ജെ.പി മാര്‍ച്ച് നടത്തി. മാര്‍ച്ചില്‍ പങ്കെടുത്ത ബി.ജെ.പി ദേശീയ നേതാക്കളായ രവിശങ്കര്‍ പ്രസാദ്, ഷാനവാസ് ഹുസൈന്‍ എന്നിവരെ പൊലീസ് അറസ്റ്റ് ചെയ്തു. 17 വര്‍ഷത്തെ ബന്ധത്തിനു ശേഷമാണ് ജെ.ഡി.യു ഞായറാഴ്ച എന്‍.ഡി.എയില്‍ നിന്ന് തെറ്റിപ്പിരിഞ്ഞത്. ഇതില്‍ പ്രതിഷേധിച്ചാണ് ബി.ജെ.പി സംസ്ഥാന നേതൃത്വം വിശ്വാസ്ഘട്ട് ദിവസ് എന്ന പേരില്‍ സംസ്ഥാന വ്യാപകമായി 24 മണിക്കൂര്‍ ബന്ദ് ആചരിക്കുന്നത്. ജെ.ഡി.യുവിന്റെ വഞ്ചനയില്‍ പ്രതിഷേധിച്ചാണ് ബന്ദ് നടത്തുന്നതെന്ന് ബിഹാര്‍ മുന്‍ ഉപമുഖ്യമന്ത്രിയും ബി.ജെ.പി നേതാവുമായ സുഷീല്‍ കുമാര്‍ മോഡി പറഞ്ഞു.
|
| ശൂന്യവേള റദ്ദാക്കിയതിനെതിരെ പ്രതിപക്ഷം; അസ്വാഭാവികമായി ഒന്നുമില്ലെന്ന് സ്പീക്കര്‍ Posted: 17 Jun 2013 11:11 PM PDT Image:  തിരുവനന്തപുരം: ശൂന്യവേള റദ്ദാക്കി നിയമസഭ പെട്ടെന്ന് പിരിഞ്ഞതിനെതിരെ പ്രതിപക്ഷം സ്പീക്കര്‍ക്കു പരാതി നല്‍കി. ശൂന്യവേള റദ്ദാക്കിയതു ചട്ടവിരുദ്ധമെന്നു പരാതിയില്‍ ആരോപിക്കുന്നു. കേരള നിയമസഭയുടെ ചരിത്രത്തിലാദ്യമായാണ് ഇത്തരമൊരു സംഭവം ഉണ്ടാകുന്നതെന്നു സി.പി.ഐ നേതാവ് സി.ദിവാകരന്‍ പറഞ്ഞു. അതേസമയം, ഇതിനു മുന്‍പും ഇത്തരം സംഭവങ്ങള്‍ ഉണ്ടായിട്ടുണ്ടെന്നും അതുകൊണ്ട് ഇതില്‍ അസാധാരണമായി ഒന്നുമില്ലെന്നും സ്പീക്കര്‍ ജി.കാര്‍ത്തികേയന്‍ മറുപടി നല്‍കി. സോളാര്‍ തട്ടിപ്പുകേസില്‍ മുഖ്യമന്ത്രി ഉമ്മന്‍ചാണ്ടിയുടെ രാജി ആവശ്യപ്പെട്ടുള്ള പ്രതിപക്ഷ ബഹളത്തെ തുടര്‍ന്നാണ് ചോദ്യോത്തരവേളയും ശൂന്യവേളയും റദ്ദാക്കി നിയമസഭ ഇന്നത്തേക്കു പിരിയുന്നതായി സ്പീക്കര്‍ അറിയിച്ചത്. |
| ഭരണഘടനയുടെ അന്തസത്ത ഉയര്‍ത്തിപ്പിടിച്ച ചരിത്രവിധി - കുവൈത്ത് അമീര്‍ Posted: 17 Jun 2013 10:57 PM PDT Image:  കുവൈത്ത് സിറ്റി: ഭരണഘടനയുടെ അന്തസത്ത ഉയര്‍ത്തിപ്പിടിച്ച ചരിത്രപ്രധാനമായ വിധിയാണ് പാര്‍ലമെന്‍റ് പിരിച്ചുവിട്ട സുപ്രീം കോടതി ഭരണഘടനാ ബെഞ്ചിന്‍േറതെന്ന് അമീര്‍ ശൈഖ് സ്വബാഹ് അല്‍ അഹ്മദ് അസ്വബാഹ് പറഞ്ഞു. ഭരണഘടനാ ബെഞ്ചിന്‍െറ വിധിക്ക് ശേഷം രാജ്യത്തെ അഭിസംബോധന ചെയ്ത് സംസാരിക്കുകയായിരുന്നു അമീര്‍. |
| രൂപയുടെ മൂല്യം വീണ്ടും ഇടിഞ്ഞു Posted: 17 Jun 2013 10:55 PM PDT Image:  കൊച്ചി: വിദേശനാണ്യ വിപണിയില്‍ ഡോളറിനെതിരെ രൂപയുടെ മൂല്യം വീണ്ടും ഇടിഞ്ഞു. ചൊവ്വാഴ്ച രാവിലെ രൂപയുടെ മൂല്യത്തില്‍ 56 പൈസയുടെ ഇടിവാണ് ഉണ്ടായിരിക്കുന്നത്. ഇതോടെ രൂപയുടെ മൂല്യം 58.46 ആയി. തിങ്കളാഴ്ച 36 പൈസയുടെ നഷ്ടവുമായി 57.87 എന്ന നിലയിലായിരുന്നു ഇന്ത്യന്‍ കറന്‍സി ക്ലോസ് ചെയ്തത്. കഴിഞ്ഞ ചൊവ്വാഴ്ച വ്യാപാരത്തിനിടെ ഒരവസരത്തില്‍ 58.98 എന്ന നിലവാരത്തിലേക്ക് രൂപ കൂപ്പുകുത്തിയിരുന്നു. ഇന്ത്യന്‍ കറന്‍സിയുടെ ചരിത്രത്തിലെ ഏറ്റവും താഴ്ന്ന നിലയായിരുന്നു ഇത്. റിസര്‍വ് ബാങ്കിന്റെ ഇടപെടലിനെ തുടര്‍ന്ന് പിന്നീടുള്ള ദിവസങ്ങളില്‍ വില നേരിയ തോതില്‍ തിരിച്ചുകയറിയെങ്കിലും ഇപ്പോള്‍ വീണ്ടും ഇടിഞ്ഞിരിക്കുകയാണ്. |
| ഇളവുകാലം നീട്ടാന്‍ ശക്തമായ ആവശ്യം Posted: 17 Jun 2013 10:46 PM PDT Image:  റിയാദ്: ഇളവ് കാലം മൂന്ന്മാസം കൂടി നീട്ടി നല്‍കണമെന്ന ആവശ്യം ശക്തമാകുന്നു. ലക്ഷക്കണക്കിനാളുകള്‍ക്ക് അവരുടെ താമസ, തൊഴില്‍ പദവി നിയമാനുസൃതമാക്കുന്ന നടപടി പൂര്‍ത്തീകരിക്കാന്‍് ഇനിയും കഴിഞ്ഞിട്ടില്ലെന്നിരിക്കെ, ശേഷിക്കുന്ന രണ്ടാഴ്ചക്കുള്ളില്‍ അവ പൂര്‍ത്തീകരിക്കുക അസാധ്യമാണെന്ന് വിവിധ മേഖലകളിലുള്ള തൊഴിലുടമകള്‍ അഭിപ്രായപ്പെട്ടു. അതിനാല്‍ ഇളവു കാലാവധി മൂന്നു മാസം കൂടി നീട്ടണമെന്ന് അവര്‍ ആവശ്യപ്പെട്ടു. കരാര്‍മേഖലയില്‍ അഞ്ച് ലക്ഷം തൊഴിലാളികളുടെ രേഖകള്‍ നിയമവിധേയമാക്കേണ്ടതുണ്ട്. |
| മാര്‍ക്കറ്റുകളില്‍ റമദാന് ഒരുക്കം തുടങ്ങി Posted: 17 Jun 2013 10:15 PM PDT Image:  മനാമ: മാര്‍ക്കറ്റുകളില്‍ റമദാനോടനുബന്ധിച്ചുളള ഭക്ഷ്യസാധനങ്ങള്‍ സ്റ്റോക്ക് ചെയ്ത് മിതമായ വിലയില്‍ ലഭ്യമാക്കിത്തുടങ്ങിയതായി വാണിജ്യ-വ്യവസായ മന്ത്രാലയം അറിയിച്ചു. വിലവര്‍ധനയില്ലാതെ ആവശ്യമായ സാധനങ്ങള്‍ എല്ലാ സൂപ്പര്‍, ഹൈപ്പര്‍ മാര്‍ക്കറ്റുകളില്‍ ലഭ്യമാണ്. |
| ഭാര്യാഘാതകനെ മുഖ്യമന്ത്രി തോളിലേറ്റുന്നു -വി.എസ് Posted: 17 Jun 2013 10:04 PM PDT Image:  തിരുവനന്തപുരം: സോളാര്‍ തട്ടിപ്പ് കേസുമായി ബന്ധപ്പെട്ട് മുഖ്യമന്ത്രിയുടെ രാജിയും ജുഡീഷ്യല്‍ അന്വേഷണവും ആവശ്യപ്പെട്ട് നിയമസഭക്കു മുന്നില്‍ പ്രതിപക്ഷം കുത്തിയിരിപ്പ് ധര്‍ണ നടത്തി. പ്രതിപക്ഷ ബഹളത്തെ തുടര്‍ന്ന് നിയമസഭ ഇന്നത്തേക്ക് പിരിഞ്ഞതിനു പിന്നാലെയായിരുന്നു പ്രതിപക്ഷത്തിന്റെ ധര്‍ണ. മുദ്രവാക്യം വിളിയും ബാനറുകളുമായി പ്രതിപക്ഷം നിയമസഭാ കവാടത്തിനു മുന്നിലെത്തി പ്രതിഷേധ ധര്‍ണ നടത്തുകയായിരുന്നു. പ്രതിപക്ഷ നേതാവ് വി.എസ് അച്യുതാനന്ദനുള്‍പ്പടെ എല്‍.ഡി.എഫ് എം.എല്‍.എമാര്‍ ധര്‍ണയില്‍ പങ്കെടുത്തു. സോളാറില്‍ നടന്നത് കോടികളുടെ കുംഭകോണമാണെന്ന് ധര്‍ണ ഉദ്ഘാടനം ചെയ്തുകൊണ്ട് വിഎസ് പറഞ്ഞു. സര്‍ക്കാരിന്റെ ഖജനാവ് കാലിയാക്കുന്ന അഴിമതിയാണു ഉണ്ടായത്. ഭാര്യാഘാതകനെ തോളിലേറ്റിയാണ് മുഖ്യമന്ത്രി ഉമ്മന്‍ചാണ്ടി നടക്കുന്നത്. ആദ്യഭാര്യയെ വിഷം കൊടുത്തു കൊന്ന ബിജു രാധാകൃഷ്ണനെ മുഖ്യമന്ത്രി സംരക്ഷിക്കുകയാണ്. ഇതിനു ഭരണകക്ഷി പൂര്‍ണ പിന്തുണയും നല്‍കുകയാണ്. ഉമ്മന്‍ചാണ്ടിക്കു കുടപിടിക്കുന്ന നിലപാടാണു സ്പീക്കര്‍ സ്വീകരിക്കുന്നത്. ഭരണകക്ഷിയുടെ കൊള്ളരുതായ്മ ചോദ്യം ചെയ്യാന്‍ സമ്മതിക്കില്ലെന്ന നിലപാടാണ് സ്പീക്കര്‍ എടുത്തത്. ജനങ്ങളുടെ കോടിക്കണക്കിന് രൂപ തട്ടിയെടുത്തയാളുമായി മുഖ്യമന്ത്രിക്ക് എന്താണ് ബന്ധം. അത് വ്യക്തമാക്കാന്‍ ഇതുവരെ അദ്ദേഹം തയ്യാറായിട്ടില്ല. 100 കോടി രൂപ പിടുങ്ങിയ ആളാണു ബിജു രാധാകൃഷ്ണന്‍. 10,000 കോടിയെന്ന് സര്‍ക്കാര്‍ ചീഫ് വിപ്പ് പി.സി.ജോര്‍ജ് പറയുന്നു. വസ്തുതകള്‍ അറിയാതെ ജോര്‍ജ് അങ്ങനെ പറയില്ല. തിരുത്തുന്നെങ്കില്‍ തിരുത്തട്ടെയെന്നും കേസെടുക്കുന്നെങ്കില്‍ എടുക്കട്ടെ എന്നും കരുതിയാണ് ജോര്‍ജ് കാര്യങ്ങള്‍ പറയുന്നതെന്നു തോന്നുന്നു. പ്രശ്‌നത്തിനു പരിഹാരം കാണാതെ ജനങ്ങള്‍ക്കു മുന്നോട്ടു പോകാന്‍ കഴിയില്ല. കേന്ദ്രത്തില്‍ കേരളത്തില്‍ നിന്ന് എട്ടു മന്ത്രിമാരുണ്ട്. അവര്‍ ഇക്കാര്യം കേന്ദ്രത്തിന്റെ ശ്രദ്ധയില്‍ കൊണ്ടുവരുന്നില്ല. ജനങ്ങളുടെ പ്രശ്‌നങ്ങള്‍ നേരെ കണ്ണടക്കുന്ന മുഖ്യമന്ത്രിയും മന്ത്രിമാരുമാണ് സംസ്ഥാനം ഭരിക്കുന്നത്. മന്‍മോഹന്‍ സിങ്ങും ഉമ്മന്‍ ചാണ്ടിയും ഒരേ നാണയത്തിന്റെ രണ്ട് വശങ്ങളായി ജനങ്ങളെ കൊള്ളയടിക്കുകയാണ്. എല്ലാത്തിനും എതിരെ പ്രതികരിക്കുന്ന ആളായിട്ടാണ് എ.കെ ആന്റണിയെ ജനങ്ങള്‍ കണ്ടത്. എന്നാല്‍ ഇക്കാര്യത്തില്‍ ആന്റണി ഒന്നും ശബ്ദിച്ചില്ല. അദ്ദേഹം പ്രതികരിക്കണം. മിണ്ടാതിരിക്കുന്നത് ശരിയല്ല. മുഖ്യമന്ത്രിയുടെ രാജിയല്ലാതെ മറ്റു പോംവഴില്ല. അതിനായി ഏതറ്റം വരേയും പോകും. ജനങ്ങളെ അണിനിരത്തികൊണ്ട് കൂടുതല്‍ ജനകീയ സമരത്തിലേക്ക് പ്രതിപക്ഷം ഇറങ്ങുകയാണ്. സഭക്കകത്തും പുറത്തും നാളെയും പ്രക്ഷോഭം തുടരുമെന്നും വി.എസ് വ്യക്തമാക്കി. |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment