ബാര്‍ കോഴ: ആരോപണങ്ങളില്‍ ഉറച്ചുനില്‍ക്കുന്നെന്ന് ബിജു രമേശ് Madhyamam News Feeds |  |
- ബാര്‍ കോഴ: ആരോപണങ്ങളില്‍ ഉറച്ചുനില്‍ക്കുന്നെന്ന് ബിജു രമേശ്
- അടഞ്ഞുകിടക്കുന്ന പത്ത് ബാറുകള്‍ തുറക്കാന്‍ അനുമതി
- സോളാര്‍ കേസില്‍ മുഖ്യമന്ത്രിയുടെ ഓഫീസിന്‍റെ പങ്കും അന്വേഷിക്കും
- മഅ്ദനിയുടെ ജാമ്യകാലാവധി ഒരാഴ്ചത്തേക്ക് നീട്ടി
- സര്‍ക്കാറിനെ താഴെയിറക്കാമെന്ന് ആരും വിചാരിക്കേണ്ടെന്ന് ചെന്നിത്തല
- ബാറുടമകളുടേത് അവ്യക്തമായ ആരോപണങ്ങള്‍ ^വി.എം സുധീരന്‍
- ഐ.എസ്.ഐ.എസ് എന്ന പേര് ബെല്‍ജിയന്‍ ചോക്ലേറ്റ് കമ്പനി മാറ്റി
- യുവാവിന്‍െറ ആത്മഹത്യ പൊലീസ് പീഡനത്തില്‍ മനംനൊന്തെന്ന്
- സഹോദരങ്ങളെ തീകൊളുത്തി കൊന്ന കേസില്‍ യുവാവും കൂട്ടാളിയും അറസ്റ്റില്‍
- പഞ്ചായത്ത് നിര്‍മിച്ച ബസ് സ്റ്റാന്‍ഡ് സ്വകാര്യ ലോറി സ്റ്റാന്‍ഡായി
- മെഡിക്കല്‍ കോളജില്‍ കോടികളുടെ ക്രമക്കേടെന്ന് ഓഡിറ്റ് റിപ്പോര്‍ട്ട്
- നഗരത്തിലെ റോഡുകള്‍ ടാറിങ് തുടങ്ങി
- സ്ത്രീ വോട്ടര്‍മാരെ ചേര്‍ക്കാന്‍ പ്രത്യേക കാമ്പയിന്‍
- മാനാഞ്ചിറ–വെള്ളിമാട്കുന്ന് റോഡ്: നടപടിക്രമങ്ങള്‍ അന്തിമഘട്ടത്തില്‍
- സ്വര്‍ണവിലയില്‍ മാറ്റമില്ല; പവന് 19,400 രൂപ
- യു.എ.ഇ സമ്പദ് മേഖല അതിവേഗം കരകയറുന്നതായി ഐ.എം.എഫ് റിപ്പോര്‍ട്ട്
- ഫട്നാവിസിന്‍െറ സത്യപ്രതിജ്ഞാ ചടങ്ങില്‍ സുരക്ഷാവീഴ്ച
- മസ്ജിദുല്‍ അഖ്സ വിമോചനത്തിന് അറബ് രാജ്യങ്ങള്‍ പിന്തുണ നല്‍കണം -ഖാലിദ് മിശ്അല്‍
- തമിഴ്നാട്ടിലെ കോണ്‍ഗ്രസ് നേതാക്കളുമായി സോണിയ ചര്‍ച്ച നടത്തി
- എണ്ണവിലയില്‍ റെക്കോഡ് തകര്‍ച്ച
- ഇറാന്‍ പരമോന്നത നേതാവിന് ഒബാമയുടെ കത്ത്
- വെസ്റ്റ് എക്കറില്‍ മലയാളികളുടെ കോള്‍ഡ് സ്റ്റോര്‍ കത്തിനശിച്ചു; 45,000 ദിനാറിന്‍െറ നഷ്ടം
- സൗദി-ബഹ്റൈന്‍ കോസ് വേ എമിഗ്രേഷന്‍ ഏകീകരിക്കും
- ജീവിത സായന്തനത്തില്‍ മനം നിറച്ച് അവര്‍ മടങ്ങി....
- ബാറുടമകളുടെ നിലപാട് കേരള കോണ്‍ഗ്രസിനെ പ്രതിസന്ധിയിലാക്കി
| ബാര്‍ കോഴ: ആരോപണങ്ങളില്‍ ഉറച്ചുനില്‍ക്കുന്നെന്ന് ബിജു രമേശ് Posted: 07 Nov 2014 12:53 AM PST Image:  തിരുവനന്തപുരം: ബാര്‍ കോഴ സംബന്ധിച്ച് മന്ത്രി കെ.എം മാണിക്കെതിരെ ഉന്നയിച്ച ആരോപണങ്ങളില്‍ ഉറച്ചുനില്‍ക്കുന്നെന്ന് ബാറുടമ ബിജു രമേശ്. ആരോപണത്തെ കുറിച്ച് വിശദമായ മൊഴിയാണ് വിജിലന്‍സ് സംഘത്തിന് മുമ്പാകെ നല്‍കിയത്. ഉന്നയിച്ച ആരോപണങ്ങളില്‍ ഉറച്ചുനില്‍ക്കുകയാണ്. ആരോപണത്തെ കുറിച്ച് വിശദമായ മൊഴിയാണ് നല്‍കിയത്. കൂടുതല്‍ രേഖകള്‍ ഇന്നുതന്നെ വിജിലന്‍സ് സംഘത്തിന് കൈമാറുമെന്നും ബിജു രമേശ് വാര്‍ത്താലേഖകരോട് പറഞ്ഞു. വിഷയത്തില്‍ ആരുമായും ഒത്തുതീര്‍പ്പിനില്ല. കൂടുതല്‍ തെളിവുകള്‍ ശേഖരിക്കാന്‍ ബാര്‍ ഹോട്ടല്‍ ഓണേഴ്സ് അസോസിയേഷന്‍ അഞ്ചംഗ സമിതിയെ നിയോഗിച്ചിട്ടുണ്ട്. ഈ തെളിവുകള്‍ ശേഖരിച്ച ശേഷം സമിതി തന്നെ വിജിലന്‍സ് സംഘത്തിന് നേരിട്ടു കൈമാറുമെന്നും ബിജു പറഞ്ഞു. രാവിലെ പത്തരയോടെയാണ് മൊഴി നല്‍കാന്‍ ബിജു രമേശ് തിരുവനന്തപുരത്തെ വിജിലന്‍സ് ഓഫീസില്‍ എത്തിയത്. 2.15ഓടെ മൊഴി രേഖപ്പെടുത്തി പുറത്തിറങ്ങിയ ബിജുവിനെ മാധ്യമപ്രവര്‍ത്തകര്‍ വളഞ്ഞു. ചോദ്യങ്ങളില്‍ നിന്ന് ഒഴിഞ്ഞു മാറാന്‍ ശ്രമിച്ച ബിജുവിനെ മാധ്യമപ്രവര്‍ത്തകര്‍ നിര്‍ബന്ധിച്ച് മറുപടി പറയിക്കുകയായിരുന്നു. |
| അടഞ്ഞുകിടക്കുന്ന പത്ത് ബാറുകള്‍ തുറക്കാന്‍ അനുമതി Posted: 06 Nov 2014 11:02 PM PST Image:  കൊച്ചി: അടഞ്ഞുകിടക്കുന്ന 418 ബാറുകളില്‍ പത്തെണ്ണം തുറക്കാന്‍ ഹൈകോടതിയുടെ അനുമതി. ത്രീ, ഫോര്‍ സ്റ്റാര്‍ ലൈസന്‍സുള്ള ബാറുകള്‍ തുറക്കാനാണ് കോടതിയുടെ അനുമതി. ഗുണനിലവാരമില്ലെന്ന് കാണിച്ചാണ് സര്‍ക്കാര്‍ 418 ബാറുകള്‍ അടച്ചുപൂട്ടിയത്. ജസ്റ്റിസ് രാമകൃഷ്ണപിള്ളയുടേതാണ് ഉത്തരവ്. 2007ല്‍ ബാറുകളുടെ കണക്കെടുത്തപ്പോള്‍ സ്റ്റാര്‍ പദവി ഇല്ലാത്ത 50 ഓളം ബാറുകള്‍ പിന്നീട് ത്രീ, ഫോര്‍ സ്റ്റാര്‍ പദവി നേടിയിരുന്നു. ഇതില്‍പ്പെട്ട ബാറുടമകളാണ് കോടതിയെ സമീപിച്ചത്. ഈ ബാറുകളുടെ ലൈസന്‍സ് രണ്ടാഴ്ചക്കുള്ളില്‍ പുതുക്കി നല്‍കണമെന്നാണ് കോടതി ഉത്തരവ്. ഫൈവ് സ്റ്റാര്‍ ബാറുകളെ ഒഴിവാക്കി മദ്യനയം നടപ്പാക്കിയ സര്‍ക്കാര്‍ നിലപാടിനെ നേരത്തെ കോടതി വിമര്‍ശിച്ചിരുന്നു. |
| സോളാര്‍ കേസില്‍ മുഖ്യമന്ത്രിയുടെ ഓഫീസിന്‍റെ പങ്കും അന്വേഷിക്കും Posted: 06 Nov 2014 10:59 PM PST Image:  തിരുവനന്തപുരം: സോളാര്‍ കേസില്‍ മുഖ്യമന്ത്രിയുടെ ഓഫീസിന്‍റെ പങ്കും അന്വേഷിക്കാന്‍ ജുഡീഷ്യല്‍ കമ്മീഷന്‍റെ തീരുമാനം. മുഖ്യമന്ത്രിയുടെ പേഴ്സണല്‍ സ്റ്റാഫില്‍പ്പെട്ടവര്‍ക്ക് സോളാര്‍ കേസിലെ സരിതാ നായരുമായി ബന്ധമുണ്ടെന്ന ആരോപണവും അന്വേഷിക്കും. കേസ് അന്വേഷണം വഴി തെറ്റിച്ചെന്ന മന്ത്രി തിരുവഞ്ചൂരിനെതിരായ ആരോപണവും തിരുവഞ്ചൂരിന്‍റെ ഫോണ്‍കോളുകളും പരിശോധിക്കും. സോളാര്‍ കേസില്‍ സഭക്കകത്തും പുറത്തും ഉയര്‍ന്ന ആക്ഷേപങ്ങള്‍ സംബന്ധിച്ച രേഖകള്‍ അന്വേഷണ കമ്മീഷന്‍ പരിശോധിച്ചതിന്‍റെ അടിസ്ഥാനത്തില്‍ ആണ് ഈ ഉത്തരവ്. കമ്മീഷന്‍ കേസില്‍ കക്ഷി ചേര്‍ത്തിരിക്കുന്ന ആറു പേരോടും തെളിവുകള്‍ ഹാജരാക്കാന്‍ ആവശ്യപ്പെട്ടു. 20 ദിവസത്തിനകം സാക്ഷിപ്പട്ടിക ഹാജരാക്കണമെന്നും കമ്മീഷന്‍ കക്ഷികളോട് ആവശ്യപ്പെട്ടു. സരിതാ നായരെയും ശാലു മേനോനെയും തിരുവഞ്ചൂര്‍ സഹായിച്ചുവെന്നും മുഖ്യമന്ത്രിയുടെ ഒഫീസിലുള്ളവര്‍ സരിതാ നായരുമായി ഫോണില്‍ ബന്ധപ്പെട്ടു എന്നതും അടക്കമുള്ള കാര്യങ്ങള്‍ സഭക്കകത്തും പുറത്തും ഉയര്‍ന്നിരുന്നു. |
| മഅ്ദനിയുടെ ജാമ്യകാലാവധി ഒരാഴ്ചത്തേക്ക് നീട്ടി Posted: 06 Nov 2014 10:53 PM PST Image:  ന്യൂഡല്‍ഹി: ബംഗളൂരുവില്‍ ചികിത്സയില്‍ കഴിയുന്ന പി.ഡി.പി ചെയര്‍മാന്‍ അബ്ദുല്‍ നാസര്‍ മഅ്ദനിയുടെ ജാമ്യകാലാവധി ഒരാഴ്ചത്തേക്ക് നീട്ടി. ചികിത്സ തുടരാന്‍ ജാമ്യ കാലാവധി ദീര്‍ഘിപ്പിക്കണമെന്ന മഅ്ദനിയുടെ ഹരജി പരിഗണിച്ചാണ് ചീഫ് ജസ്റ്റിസ് എച്ച്.എല്‍ ദത്തു അധ്യക്ഷനായ ബെഞ്ച് ജാമ്യം നീട്ടിയത്. വിചാരണ വേഗത്തിലാക്കാന്‍ നടപടി സ്വീകരിക്കണമെന്ന മഅ്ദനിയുടെ ആവശ്യം പരിഗണിക്കാമെന്നു സുപ്രീംകോടതി വ്യക്തമാക്കി. മാധ്യമങ്ങളെ കാണുന്നത് മഅ്ദനി നിയന്ത്രിക്കണമെന്നും കോടതി അനുവദിച്ച ജാമ്യത്തിലാണെന്ന കാര്യം മഅ്ദനി ഓര്‍ക്കണമെന്നും സുപ്രീംകോടതി ചൂണ്ടിക്കാട്ടി. ഒരു മാസത്തെ ജാമ്യ കാലാവധി അവസാനിച്ചതോടെ ഒക്ടോബര്‍ 31ന് ഇതേ ആവശ്യവുമായി മഅ്ദനി സുപ്രീംകോടതിയെ സമീപിച്ചിരുന്നു. എന്നാല്‍, ജാമ്യ കാലാവധി ഒരാഴ്ചത്തേക്കാണ് കോടതി നീട്ടി നല്‍കിയത്. പ്രമേഹനിരക്ക് അനിയന്ത്രിതമായതിനാല്‍ കണ്ണ് ചികിത്സ നടത്താനായിട്ടില്ളെന്നും ആരോഗ്യനിലയില്‍ പുരോഗതി കൈവരിക്കാനായിട്ടില്ളെന്നും മഅ്ദനിയുടെ അഭിഭാഷകന്‍ കോടതിയെ അറിയിച്ചിരുന്നു. നേത്ര ചികിത്സക്ക് എറണാകുളത്തെ ശ്രീധരീയം ആശുപത്രിയുടെ പേര് മഅ്ദനി നിലവില്‍ ചികിത്സ തുടരുന്ന ബംഗളൂരുവിലെ സഹായ ഹോളിസ്റ്റിക് ആശുപത്രി അധികൃതര്‍ ചൂണ്ടിക്കാണിച്ചിട്ടുണ്ട്. |
| സര്‍ക്കാറിനെ താഴെയിറക്കാമെന്ന് ആരും വിചാരിക്കേണ്ടെന്ന് ചെന്നിത്തല Posted: 06 Nov 2014 10:22 PM PST Image:  തിരുവനന്തപുരം: യു.ഡി.എഫ് സര്‍ക്കാറിനെ താഴെയിറക്കാമെന്ന് ആരും വിചാരിക്കേണ്ടെന്ന് ആഭ്യന്തരമന്ത്രി രമേശ് ചെന്നിത്തല. ജനങ്ങള്‍ തെരഞ്ഞെടുത്ത സര്‍ക്കാരാണിത്. സര്‍ക്കാറിനെ അട്ടിമറിക്കാമെന്നത് മലര്‍പ്പൊടിക്കാരന്‍െറ സ്വപ്നം മാത്രമാണെന്നും ചെന്നിത്തല തിരുവനന്തപുരത്ത് വാര്‍ത്താലേഖകരോട് പറഞ്ഞു. പരാതിയുള്ളവര്‍ അന്വേഷണ ഉദ്യോഗസ്ഥരുടെ മുന്നില്‍ തെളിവുകള്‍ ഹാജരാക്കണം. വെറും ആരോപണം ഉന്നയിച്ചതുകൊണ്ട് കാര്യമില്ലെന്നും ചെന്നിത്തല പറഞ്ഞു. |
| ബാറുടമകളുടേത് അവ്യക്തമായ ആരോപണങ്ങള്‍ ^വി.എം സുധീരന്‍ Posted: 06 Nov 2014 10:01 PM PST Image:  കണ്ണൂര്‍: ബാര്‍ കോഴ ആരോപണത്തിന് പിന്നില്‍ അന്തര്‍ദേശീയ മദ്യ കുത്തകകളാണെന്ന് കെ.പി.സി.സി അധ്യക്ഷന്‍ വി.എം സുധീരന്‍. അവ്യക്തമായ ആരോപണമാണ് ബാറുടമകള്‍ ഉന്നയിക്കുന്നത്. തെളിവുകളുണ്ടെന്ന് പറയുന്നവര്‍ അത് പുറത്തുവിടണമെന്നും സുധീരന്‍ പറഞ്ഞു. മദ്യനയത്തില്‍ ശക്തമായ നടപടികളുമായാണ് യു.ഡി.എഫ് സര്‍ക്കാര്‍ മുന്നോട്ടു പോകുന്നത്. സര്‍ക്കാരിനെ പ്രതിരോധത്തിലാക്കാനുള്ള നീക്കമാണ് മദ്യ കുത്തകകള്‍ നടത്തുന്നത്. ഇത്തരം നീക്കങ്ങള്‍ക്കൊന്നും സര്‍ക്കാരിന്‍െറ മദ്യനയത്തെ ദുര്‍ബലപ്പെടുത്താന്‍ കഴിയില്ളെന്നും സുധീരന്‍ വാര്‍ത്താലേഖകരോട് പറഞ്ഞു. |
| ഐ.എസ്.ഐ.എസ് എന്ന പേര് ബെല്‍ജിയന്‍ ചോക്ലേറ്റ് കമ്പനി മാറ്റി Posted: 06 Nov 2014 09:54 PM PST Image:  ബ്രസല്‍സ്: ഐ.എസ്.ഐ.എസ് എന്ന ബ്രാന്‍ഡ് നെയിം വിനയായി ബെല്‍ജിയന്‍ ചോക്ലേറ്റ് കമ്പനി. ഇസ് ലാമിക് സ്റ്റേറ്റ് ഓഫ് ഇറാഖ് ആന്‍ഡ് സിറിയ(ഐ.എസ്.ഐ.എസ്)യുടെ പേരുമായുള്ള സാമ്യമാണ് കമ്പനിക്ക് തിരിച്ചടിയായിരിക്കുന്നത്. ഇതിനെത്തുടര്‍ന്ന് കമ്പനി പേര് ലിബീര്‍ട്ട് എന്നാക്കി മാറ്റി. ഐ.എസ്.ഐ.എസ് എന്ന പേര് കാരണം സീസണായിട്ടും ഓര്‍ഡറുകള്‍ ലഭിക്കുന്നില്ല എന്നതിനാലാണ് പേര് മാറ്റിയതെന്ന് കമ്പനി അധികൃതര്‍ പറഞ്ഞു. ഇത് രണ്ടാം തവണയാണ് കമ്പനി പേര് മാറ്റുന്നത്. ഇറ്റാലോ സ്വിസെ എന്നായിരുന്നു കമ്പനിക്ക് ഒരു വര്‍ഷം മുമ്പുള്ള പേര്. ഇറ്റലിയുമായി കമ്പനിക്ക് ബന്ധമുണ്ട് എന്ന് ചര്‍ച്ച വന്നതോടെ ഇറ്റാലോ സ്വിസെയുടെ പേര് ഐ.എസ്.ഐ.എസ് എന്നാക്കി മാറ്റി. എന്നാല്‍ പുതിയ സാഹചര്യത്തില്‍ പേര് വീണ്ടും പാരയാവുകയായിരുന്നു പതിറ്റാണ്ടുകളുടെ പാരമ്പര്യമുള്ള ചോക്ലേറ്റ് നിര്‍മാതാക്കള്‍ക്ക്. ഇറാഖിലും സിറിയയിലുമുള്ള ഐ.എസ്.ഐ.എസ്, പേര് മാറ്റി ഐ.എസ് (ഇസ് ലാമിക് സ്റ്റേറ്റ്)എന്നാക്കിയെങ്കിലും ചോക്ലേറ്റ് കമ്പനിക്ക് കഷ്ടകാലം മാറിയില്ല. 1923ലാണ് കമ്പനി സ്ഥാപിച്ചത്. കമ്പനി ഉടമസ്ഥരുടെ കുടുംബ പേരാണ് ലിബീര്‍ട്ട്. |
| യുവാവിന്‍െറ ആത്മഹത്യ പൊലീസ് പീഡനത്തില്‍ മനംനൊന്തെന്ന് Posted: 06 Nov 2014 09:39 PM PST വിതുര: പൊലീസിന്‍െറ മാനസിക പീഡനത്തെ തുടര്‍ന്ന് ആത്മഹത്യ ചെയ്ത ചെറ്റച്ചല്‍ ഇടമുക്ക് മുപ്രയില്‍ തടത്തരികത്ത് വീട്ടില്‍ അന്‍സാരിയുടെ (29) മൃതദേഹം ഖബറടക്കി. മകന്‍െറ മരണത്തിന് ഉത്തരവാദിയായ വിതുര ജനമൈത്രി പൊലീസ് സ്റ്റേഷന്‍ എസ്.ഐക്കും മറ്റുമെതിരെ ഉന്നതര്‍ക്ക് പരാതി നല്‍കുമെന്ന് പിതാവ് സുലൈമാന്‍ പറഞ്ഞു. |
| സഹോദരങ്ങളെ തീകൊളുത്തി കൊന്ന കേസില്‍ യുവാവും കൂട്ടാളിയും അറസ്റ്റില്‍ Posted: 06 Nov 2014 09:34 PM PST വണ്ടിപ്പെരിയാര്‍: അമ്മയുമായുള്ള അവിഹിത ബന്ധം ചോദ്യം ചെയ്ത സഹോദരങ്ങളെ പെട്രോളൊഴിച്ച് തീകൊളുത്തി കൊലപ്പെടുത്തിയ യുവാവും കൂട്ടാളിയും അറസ്റ്റില്‍. |
| പഞ്ചായത്ത് നിര്‍മിച്ച ബസ് സ്റ്റാന്‍ഡ് സ്വകാര്യ ലോറി സ്റ്റാന്‍ഡായി Posted: 06 Nov 2014 09:29 PM PST മൂന്നാര്‍: പഞ്ചായത്ത് പണിത പഴ മൂന്നാറിലെ ബസ് സ്റ്റാന്‍ഡ് സ്വകാര്യ ലോറി സ്റ്റാന്‍ഡായി. ട്രാഫിക് കുരുക്കിന് പരിഹാരമായി മൂന്നാര്‍ പഞ്ചായത്ത് 1994ല്‍ ജെ.ആര്‍.വൈ സ്കീമില്‍ ലക്ഷങ്ങള്‍ ചെലവഴിച്ച് നിര്‍മിച്ച പ്രൈവറ്റ് ബസ് സ്റ്റാന്‍ഡാണ് സ്വകാര്യ ലോറി സ്റ്റാന്‍ാഡായി മാറിയത്. |
| മെഡിക്കല്‍ കോളജില്‍ കോടികളുടെ ക്രമക്കേടെന്ന് ഓഡിറ്റ് റിപ്പോര്‍ട്ട് Posted: 06 Nov 2014 09:26 PM PST മുളങ്കുന്നത്തുകാവ്: മെഡിക്കല്‍ കോളജ് ആശുപത്രിയും ന്യായവില ഷോപ്പും കേന്ദ്രീകരിച്ച് കോടികളുടെ ക്രമക്കേട് നടന്നതായി അക്കൗണ്ട്സ് ജനറല്‍ ഓഡിറ്റ് റിപ്പോര്‍ട്ട്. മെഡിക്കല്‍ കോളജ് ന്യായവില ഷോപ്പില്‍ 2.15 കോടിയുടെ മരുന്ന് വാങ്ങിയത് നിയമ വിരുദ്ധമായാണെന്നും ടെന്‍ഡര്‍ നടപടിക്രമങ്ങള്‍ പാലിക്കാതെ ക്വട്ടേഷന്‍ പോലുമില്ലാത്ത ഇടപാടുകളാണ് നടന്നതെന്നും എ.ജി ഓഡിറ്റ് റിപ്പോര്‍ട്ടില്‍ പറയുന്നു. മരുന്നുകള്‍ വാങ്ങിയതിന്‍െറ പേരില്‍ വ്യാജ ബില്ലുകളാണ് അക്കൗണ്ട് ചെയ്തിരിക്കുന്നതെന്നും 44 ലക്ഷം രൂപ ബാധ്യതയുണ്ടെന്നും പരാമര്‍ശമുണ്ട്. ബാധ്യതയുടെ കാരണം വ്യക്തമാക്കുന്ന രേഖകള്‍ സമര്‍പ്പിക്കാന്‍ കഴിഞ്ഞിട്ടില്ളെന്നും ഓഡിറ്റ് റിപ്പോര്‍ട്ട് പറയുന്നു. |
| നഗരത്തിലെ റോഡുകള്‍ ടാറിങ് തുടങ്ങി Posted: 06 Nov 2014 09:18 PM PST കണ്ണൂര്‍: ഏറെ മുറവിളിക്കും സമരങ്ങള്‍ക്കും ഒടുവില്‍ നഗരത്തിലെ റോഡുകളുടെ ടാറിങ് തുടങ്ങി. |
| സ്ത്രീ വോട്ടര്‍മാരെ ചേര്‍ക്കാന്‍ പ്രത്യേക കാമ്പയിന്‍ Posted: 06 Nov 2014 08:58 PM PST മലപ്പുറം: വോട്ടര്‍പട്ടികയില്‍ സ്ത്രീ വോട്ടര്‍മാരുടെ എണ്ണം കുറവുള്ള മണ്ഡലങ്ങളില്‍ പേര് ചേര്‍ക്കാന്‍ പ്രത്യേക കാമ്പയിന്‍ നടത്താന്‍ കലക്ടര്‍ കെ. ബിജുവിന്‍െറ അധ്യക്ഷതയില്‍ ചേര്‍ന്ന യോഗത്തില്‍ തീരുമാനിച്ചു. കൊണ്ടോട്ടി, ഏറനാട്, മലപ്പുറം, വേങ്ങര, വള്ളിക്കുന്ന്, തിരൂരങ്ങാടി മണ്ഡലങ്ങളിലാണ് സ്ത്രീ വോട്ടര്‍മാര്‍ കുറവുള്ളത്. കുടുംബശ്രീ വഴിയാണ് കൂടുതല്‍ സ്ത്രീ വോട്ടര്‍മാരെ ചേര്‍ക്കുക. ഇതിനായി പ്രത്യേക പ്രചാരണം നടത്തും. കാമ്പസുകള്‍ കേന്ദ്രീകരിച്ചും വിപുലമായ പ്രചാരണം നടത്തും. കാമ്പസ് അംബാസഡര്‍മാര്‍ക്കാണ് ഇതിന്‍െറ ചുമതല. കൂടുതല്‍ സ്ത്രീ വോട്ടര്‍മാരെ ചേര്‍ക്കുന്ന സി.ഡി.എസ് ചെയര്‍പേഴ്സന്മാര്‍ക്കും കാമ്പസ് അംബാസഡര്‍മാര്‍ക്കും അവാര്‍ഡ് നല്‍കുമെന്ന് കലക്ടര്‍ അറിയിച്ചു. |
| മാനാഞ്ചിറ–വെള്ളിമാട്കുന്ന് റോഡ്: നടപടിക്രമങ്ങള്‍ അന്തിമഘട്ടത്തില്‍ Posted: 06 Nov 2014 08:55 PM PST കോഴിക്കോട്: മാനാഞ്ചിറ-വെള്ളിമാട്കുന്ന് റോഡ് വികസനവുമായി ബന്ധപ്പെട്ട നടപടിക്രമങ്ങള്‍ അന്തിമഘട്ടത്തിലാണെന്ന് ജില്ലാ കല്കടര്‍ സി.എ. ലത അറിയിച്ചു. ഇഖ്റ ആശുപത്രി മുതല്‍ മലാപ്പറമ്പ് യു.പി സ്കൂള്‍ വരെയുള്ള അഞ്ചാമത്തെ സ്ട്രെച്ചില്‍ ഉള്‍പ്പെട്ട സ്ഥലമുടമകളുടെ പ്രയാസങ്ങളും നിര്‍ദേശങ്ങളും ചര്‍ച്ച ചെയ്യാന്‍ കലക്ടറുടെ അധ്യക്ഷതയില്‍ ചേംബറില്‍ ചേര്‍ന്ന ജില്ലാതല പര്‍ച്ചേസ് കമ്മിറ്റി യോഗത്തിലാണ് ഇക്കാര്യം അറിയിച്ചത്. |
| സ്വര്‍ണവിലയില്‍ മാറ്റമില്ല; പവന് 19,400 രൂപ Posted: 06 Nov 2014 08:49 PM PST Image:  കൊച്ചി: സംസ്ഥാനത്ത് സ്വര്‍ണവിലയില്‍ മാറ്റമില്ല. പവന് 19,400 രൂപയിലും ഗ്രാമിന് 2,425 രൂപയിലുമാണ് വ്യാപാരം പുരോഗമിക്കുന്നത്. ആഗോള വിപണിയിലെ മാറ്റമാണ് ആഭ്യന്തര വിപണിയില്‍ പ്രതിഫലിച്ചത്. നാല് ദിവസത്തെ സ്ഥിരതക്ക് ശേഷം നവംബര്‍ അഞ്ചിനാണ് സ്വര്‍ണവിലയില്‍ കുറവ് രേഖപ്പെടുത്തിയത്. ചൊവ്വാഴ്ച 19,680 രൂപയായിരുന്ന പവന് വില ബുധനാഴ്ച 19,600 രൂപയിലേക്ക് താഴുകയായിരുന്നു. തുടര്‍ന്ന് വ്യാഴാഴ്ച 200 രൂപ കുറഞ്ഞ് പവന് വില 19,400ല്‍ എത്തി. അന്താരാഷ്ട്ര വിപണിയില്‍ സ്വര്‍ണം ഒൗണ്‍സിന് 02.57 ഡോളര്‍ താഴ്ന്ന് 1,139.73 ഡോളറിലെത്തി. |
| യു.എ.ഇ സമ്പദ് മേഖല അതിവേഗം കരകയറുന്നതായി ഐ.എം.എഫ് റിപ്പോര്‍ട്ട് Posted: 06 Nov 2014 08:38 PM PST Image:  അബൂദബി: അറബ് ലോകത്തെ ഏറ്റവും വലിയ രണ്ടാമത്തെ സമ്പദ്വ്യവസ്ഥയായ യു.എ.ഇ ആഗോള സാമ്പത്തിക മാന്ദ്യത്തില്‍ നിന്ന് അതിവേഗം കരകയറുന്നതായി അന്താരാഷ്ട്ര നാണയ നിധി (ഐ.എം.എഫ്). നിര്‍മാണ മേഖല, ലോജിസ്റ്റിക്സ്, ഹോസപിറ്റാലിറ്റി മേഖലകളുടെ പിന്തുണയുടെ കരുത്തിലാണ് യു.എ.ഇ സമ്പദ് മേഖല കുതിക്കുന്നതെന്ന് അടുത്തിടെ രാജ്യം സന്ദര്‍ശിച്ച ഐ.എം.എഫ് സംഘം വ്യക്തമാക്കി. |
| ഫട്നാവിസിന്‍െറ സത്യപ്രതിജ്ഞാ ചടങ്ങില്‍ സുരക്ഷാവീഴ്ച Posted: 06 Nov 2014 08:29 PM PST Image:  മുംബൈ: മഹാരാഷ്ട്രയില്‍ ഫട്നാവിസ് സര്‍ക്കാറിന്‍െറ സത്യപ്രതിജ്ഞാ വേദിയില്‍ ഗുരുതര സുരക്ഷാ വീഴ്ച. ബീഹാറില്‍ നിന്നുള്ളയാളാണ് മുതിര്‍ന്ന നേതാക്കള്‍ക്കൊപ്പം വേദി പങ്കിട്ടത്. ബി.ജെ.പി അംഗമാണെന്ന് പരിചയപ്പെടുത്തിയ അനില്‍ മിശ്രയാണ് വേദിയില്‍ കയറിപ്പറ്റിയത്. ചടങ്ങിനിടക്ക് പ്രധാനമന്ത്രി നരേന്ദ്ര മോദി, ബി.ജെ.പി അധ്യക്ഷന്‍ അമിത് ഷാ, മഹാരാഷ്ട്ര മുഖ്യമന്ത്രി ദേവേന്ദ്ര ഫട്നാവിസ് എന്നിവരുമായി അനില്‍ മിശ്ര കൂടിക്കാഴ്ച നടത്തി. മോദിയോടൊപ്പം ഇയാള്‍ ഫോട്ടോയെടുക്കുകയും ചെയ്തു. സത്യപ്രതിജ്ഞ നടക്കുന്ന സമയത്ത് വേദിയില്‍ കയറാനും മിശ്രക്ക് കഴിഞ്ഞു. വി.വി.ഐ.പികളുടെ പട്ടികയിലോ സ്റ്റേജില്‍ കയറാന്‍ അനുമതിയുള്ളവരുടെ പട്ടികയിലോ അനില്‍ മിശ്രയുടെ പേരില്ലായിരുന്നു എന്ന് മുംബൈ പൊലീസ് സ്ഥിരീകരിച്ചു. ഇയാള്‍ എങ്ങനെയാണ് വി.വി.ഐ.പി മേഖലയില്‍ കയറിപ്പറ്റിയതെന്ന് അന്വേഷണം ആരംഭിച്ചിരിക്കുകയാണ് പൊലീസ്. ആവശ്യമെങ്കില്‍ എഫ്.ഐ.ആര്‍ രജിസ്റ്റര്‍ ചെയ്യുമെന്നും പൊലീസ് വ്യക്തമാക്കി. ഒക്ടോബര്‍ 31നാണ് ഫട്നാവിസ് സര്‍ക്കാറിന്‍െറ സത്യപ്രതിജ്ഞാ ചടങ്ങ് നടന്നത്. വാംഖഡെ സ്റ്റേഡിയത്തില്‍ നടന്ന ചടങ്ങില്‍ മുതിര്‍ന്ന ബി.ജെ.പി നേതാക്കളും കേന്ദ്രമന്ത്രിമാരും ബി.ജെ.പി മുഖ്യമന്ത്രിമാരും പങ്കെടുത്തിരുന്നു. |
| മസ്ജിദുല്‍ അഖ്സ വിമോചനത്തിന് അറബ് രാജ്യങ്ങള്‍ പിന്തുണ നല്‍കണം -ഖാലിദ് മിശ്അല്‍ Posted: 06 Nov 2014 08:15 PM PST Image:  ദോഹ: മസ്ജിദുല്‍ അഖ്സയുടെ മോചനത്തിന് ഈജിപ്ത്, ജോര്‍ദാന്‍, സൗദി അറേബ്യ എന്നീ രാജ്യങ്ങള്‍ ആത്മാര്‍ഥമായ പിന്തുണ നല്‍കണമെന്ന് ഹമാസ് നേതാവ് ഖാലിദ് മിശ്അല്‍. ഖുദ്സ് വിമോചനം ഫലസ്തീന്‍ ജനതയുടെ മാത്രം ആവശ്യമായി കാണുന്നത് ആത്മഹത്യാപരമായിരിക്കും. അഖ്സ ഫലസ്തീനികളുടെ മാത്രം പുണ്യഗേഹമാണെന്ന് ആരും വിചാരിക്കരുത്. മുസ്ലിം ലോകത്തിന്‍െറ ആദ്യ ഖിബ്ലയാണിതെന്ന കാര്യം വിസ്മരിക്കരുതെന്നും ഖാലിദ് മിശ്അല്‍ അഭിപ്രായപ്പെട്ടു. |
| തമിഴ്നാട്ടിലെ കോണ്‍ഗ്രസ് നേതാക്കളുമായി സോണിയ ചര്‍ച്ച നടത്തി Posted: 06 Nov 2014 08:15 PM PST Image:  ന്യൂഡല്‍ഹി: തമിഴ്നാട്ടില്‍ ജി.കെ വാസന്‍ കോണ്‍ഗ്രസ് ബന്ധം ഉപേക്ഷിച്ച സാഹചര്യത്തില്‍ പാര്‍ട്ടി അധ്യക്ഷ സോണിയ ഗാന്ധി സംസ്ഥാന നേതാക്കളുമായി ചര്‍ച്ച നടത്തി. തമിഴ്നാട് പി.സി.സി പ്രസിഡന്‍റ് ഇ.വി.കെ.എസ് ഇളങ്കോവന്‍ അടക്കം 12 മുതിര്‍ന്ന നേതാക്കളുമായാണ് സോണിയ തമിഴ്നാട്ടിലെ രാഷ്ട്രീയ സ്ഥിതിഗതികള്‍ ചര്‍ച്ച ചെയ്തത്. കൂടിക്കാഴ്ചയില്‍ ഉപാധ്യക്ഷന്‍ രാഹുല്‍ ഗാന്ധി, മുന്‍ കേന്ദ്രമന്ത്രി പി. ചിദംബരം എന്നിവര്‍ പങ്കെടുത്തു. തമിഴ്നാട്ടില്‍ പാര്‍ട്ടി പ്രവര്‍ത്തനം ഊര്‍ജിതമാക്കാന്‍ കോണ്‍ഗ്രസ് ഹൈക്കമാന്‍ഡ് നിര്‍ദേശിച്ചതായി ഇളങ്കോവന്‍ പറഞ്ഞു. ജനങ്ങളുടെ പിന്തുണ നേടാനുള്ള പ്രവര്‍ത്തനങ്ങളുമായി മുന്നോട്ടു പോകുമെന്നും അദ്ദേഹം വാര്‍ത്താലേഖകരെ അറിയിച്ചു. കോണ്‍ഗ്രസ് ഹൈക്കമാന്‍ഡിനെതിരെ പി. ചിദംബരത്തിന്‍െറ മകന്‍ കാര്‍ത്തി ചിദംബരം വിമര്‍ശം ഉയര്‍ത്തിയത് വലിയ വാര്‍ത്തയായിരുന്നു. സംസ്ഥാനത്തെ പ്രശ്നങ്ങള്‍ പരിഹരിക്കാന്‍ കേന്ദ്ര നേതൃത്വത്തിന്‍െറ നിര്‍ദേശം പ്രാദേശിക നേതാക്കള്‍ കാത്തിരിക്കേണ്ട ആവശ്യമില്ളെന്നാണ് കാര്‍ത്തി അഭിപ്രായപ്പെട്ടത്. |
| എണ്ണവിലയില്‍ റെക്കോഡ് തകര്‍ച്ച Posted: 06 Nov 2014 08:07 PM PST Image:  കുവൈത്ത് സിറ്റി: രാജ്യത്തിന്‍െറ സമ്പദ്ഘടനയുടെ അടിസ്ഥാന സ്രോതസ്സായ പെട്രോളിയത്തിന്‍െറ വിലയില്‍ അന്താരാഷ്ട്ര വിപണിയില്‍ തുടര്‍ച്ചയായ ഇടിവ്. വ്യാഴാഴ്ച ഒരു ബാരല്‍ കുവൈത്ത് പെ¤്രടാളിയത്തിന് അന്താരാഷ്ട്ര മാര്‍ക്കറ്റില്‍ രേഖപ്പെടുത്തിയ വില 75.79 ഡോളറാണ്. ബുധനാഴ്ചത്തെ 76.76 ദിവസത്തേതിനേക്കാള്‍ 0.93 ഡോളറിന്‍െറ കുറവിലാണ് ഇന്നലത്തെ പെട്രോള്‍ വില സൂചിക കടന്നുപോയത്. ചൊവ്വാഴ്ചത്തേതില്‍നിന്ന് 1.94 ഡോളര്‍ കുറവായിരുന്നു ബുധനാഴ്ച രേഖപ്പെടുത്തിയിരുന്നത്. |
| ഇറാന്‍ പരമോന്നത നേതാവിന് ഒബാമയുടെ കത്ത് Posted: 06 Nov 2014 07:49 PM PST Image:  വാഷിങ്ടണ്‍: ഐ.എസിനെതിരേ പോരാടുന്നതിന് പിന്തുണ തേടി ഇറാന്‍ പരമോന്നത നേതാവ് ആയത്തുല്ല അലി ഖാംനഇക്ക് യു.എസ് പ്രസിഡന്‍റ് ബറാക് ഒബാമയുടെ കത്ത്. നവംബര്‍ 24ന് ആണവ നിരായുധീകരണം സംബന്ധിച്ച് ഇറാനും അഞ്ച് ലോക രാജ്യങ്ങളും തമ്മിലുള്ള ചര്‍ച്ചക്ക് ഒബാമയുടെ പുതിയ നീക്കം ഗുണം ചെയ്യുമെന്നാണ് നയതന്ത്ര വൃത്തങ്ങള്‍ വിലയിരുത്തുന്നത്. പുതിയ നയതന്ത്ര നീക്കങ്ങള്‍ ഇറാനുമായുള്ള ആണവ ഉടമ്പടി യാഥാര്‍ഥ്യമാകാന്‍ സഹായിക്കുമെന്നാണ് സൂചന. അതേസമയം, ഐ.എസിനെതിരായ നീക്കത്തില്‍ ഇറാനുമായി സൈനിക സഹകരണമില്ളെന്ന് വൈറ്റ് ഹൗസ് വക്താവ് ജോഷ് ഏര്‍ണസ്റ്റ് പറഞ്ഞു. ഇരു രാജ്യങ്ങള്‍ തമ്മില്‍ രഹസ്യവിവരങ്ങള്‍ കൈമാറില്ളെന്നും അദ്ദേഹം അറിയിച്ചു. യു.എസ് നേതൃത്വം നല്‍കുന്ന സഖ്യത്തിന്‍െറ ഭാഗമല്ലാത്ത ഇറാന്‍ ഒറ്റക്കാണ് ഐ.എസിനെതിരായ പോരാട്ടം നടത്തുന്നത്.
|
| വെസ്റ്റ് എക്കറില്‍ മലയാളികളുടെ കോള്‍ഡ് സ്റ്റോര്‍ കത്തിനശിച്ചു; 45,000 ദിനാറിന്‍െറ നഷ്ടം Posted: 06 Nov 2014 07:40 PM PST Image:  മനാമ: വെസ്റ്റ് എക്കറില്‍ മലയാളികള്‍ നടത്തുന്ന കോള്‍ഡ് സ്റ്റോര്‍ കത്തിനശിച്ചു. സാധനങ്ങളും ഉപകരണങ്ങളുമടക്കം 45000 ദിനാര്‍ നഷ്ടം കണക്കാക്കുന്നു. വടകര എടച്ചേരി സ്വദേശി അബ്ദുല്‍ അസീസും പാര്‍ട്ണര്‍മാരും കഴിഞ്ഞ 25 വര്‍ഷമായി നടത്തുന്ന അല്‍ജാബ്രി കോള്‍ഡ് സ്റ്റോറാണ് ഇന്നലെ പുലര്‍ച്ചെയുണ്ടായ തീപിടിത്തത്തില്‍ കത്തിനശിച്ചത്. മൂന്ന് ഷട്ടറുകളുള്ള വലിയ കോള്‍ഡ് സ്റ്റോറിലെ വിലപിടിപ്പുള്ള മുഴുവന്‍ സാധനങ്ങളും ഉപകരണങ്ങളും നശിച്ചു. |
| സൗദി-ബഹ്റൈന്‍ കോസ് വേ എമിഗ്രേഷന്‍ ഏകീകരിക്കും Posted: 06 Nov 2014 07:04 PM PST Image:  റിയാദ്: സൗദിയെയും ബഹ്റൈനെയും തമ്മില്‍ ബന്ധിപ്പിക്കുന്ന കിങ് ഫഹദ് കോസ്വേയിലെ എമിഗ്രേഷന്‍ സംവിധാനം ഏകീകരിക്കുമെന്നും നിലവിലുള്ള രണ്ട് പോയിന്‍റിലെ പരിശോധനക്ക് പകരം ഒന്നായി കുറക്കുമെന്നും സൗദി പാസ്പോര്‍ട്ട് വിഭാഗം (ജവാസാത്ത്) അറിയിച്ചു. ജി.സി.സി രാജ്യങ്ങളില്‍ നിന്നുള്ള പൗരന്മാര്‍ക്കാണ് പുതിയ സംവിധാനത്തിന്‍െറ ഗുണഫലം പ്രത്യക്ഷത്തില്‍ ലഭിക്കുക. എന്നാല്‍ കോസ്വേ അതിര്‍ത്തിയില്‍ തിരക്ക് ഗണ്യമായി കുറക്കാന്‍ പുതിയ തീരുമാനം കാരണമാവുമെന്നതിനാല്‍ എല്ലാ യാത്രക്കാര്‍ക്കും ഇത് അനുഗ്രഹമായിത്തീരും. |
| ജീവിത സായന്തനത്തില്‍ മനം നിറച്ച് അവര്‍ മടങ്ങി.... Posted: 06 Nov 2014 06:55 PM PST Image:  കോഴിക്കോട്: സദാചാര പൊലീസ് ചമഞ്ഞും പരസ്യ ചുംബനമേള നടത്തിയും ഒരു വിഭാഗം ‘ന്യൂ ജനറേഷന്‍’ ഫേസ്ബുക് താളുകളില്‍ ലൈക്കിന് മത്സരിക്കുമ്പോള്‍, ഉറ്റവര്‍ നടതള്ളിയ വന്ദ്യവയോധികര്‍ക്ക് മാനസികോല്ലാസം പകര്‍ന്നു നല്‍കി നഗരത്തില്‍ ഒരു കൂട്ടം ചെറുപ്പക്കാര്‍. കോട്ടൂളി ‘ഹോം ഓഫ് ലവ്’ വൃദ്ധസദനത്തിലെ 60ഓളം അന്തേവാസികളെ സ്വന്തം ചെലവില്‍ നഗരത്തില്‍ കൊണ്ടുവന്ന് സിനിമയും കടലും കാണിച്ച കോട്ടൂളി യുവധാര ക്ളബ് അംഗങ്ങള്‍ അങ്ങനെ യുവതലമുറക്ക് മാതൃകയായി. ഡി.വൈ.എഫ്.ഐ നേതാവുകൂടിയായ പ്രമോദ് കോട്ടൂളിയുടെ നേതൃത്വത്തിലാണ് ക്ളബ് അംഗങ്ങള്‍ വേറിട്ട സാമൂഹിക സേവനത്തിന് തയാറായത്. ക്രിസ്തുദാസി സന്യാസിനി വിഭാഗം നടത്തുന്ന ഹോം ഓഫ് ലവില്‍ മൊത്തം തൊണ്ണൂറിലധികം അന്തേവാസികളുണ്ട്. സമ്പന്നരായ ബന്ധുക്കള്‍ ശല്യം സഹിക്കാതെ നടതള്ളിയവരും പൊലീസും ആശുപത്രി അധികൃതരും എത്തിച്ചവരും ഇതില്‍പെടും. ഇതില്‍ ചലനശേഷിയുള്ള 58 പേരെ ക്ളബ് അംഗങ്ങള്‍ സ്വന്തം വാഹനത്തില്‍ ഇന്നലെ നഗരത്തില്‍ കൊണ്ടുവന്നു. കൈരളി തിയറ്ററില്‍ ‘സപ്തമശ്രീ തസ്കരാഹ’ സിനിമക്ക് കയറിയ അന്തേവാസികളില്‍ ആദ്യമായി സിനിമ കാണുന്നവരുമുണ്ട്. നടക്കാന്‍ കഴിയാത്ത ചിലരെ വീല്‍ചെയറുകളിലാണ് കൊണ്ടുവന്നത്. മൂത്രംപോകുന്നതിനുള്ള ട്യൂബും സഞ്ചിയും വീല്‍ചെയറില്‍ കെട്ടിവെച്ച് അവര്‍ പൃഥ്വീരാജ് നായകനായ സിനിമ മതിയാവോളം ആസ്വദിച്ചു. |
| ബാറുടമകളുടെ നിലപാട് കേരള കോണ്‍ഗ്രസിനെ പ്രതിസന്ധിയിലാക്കി Posted: 06 Nov 2014 06:27 PM PST Image:  കോട്ടയം: ധനമന്ത്രി കെ.എം. മാണിയെ കോഴ ആരോപണക്കെണിയിലാക്കിയ സംഭവത്തില്‍നിന്ന് പിന്നാക്കമില്ളെന്ന ബാര്‍ ഉടമകളുടെ നിലപാട് കേരള കോണ്‍ഗ്രസ് എമ്മിനെ കൂടുതല്‍ പ്രതിസന്ധിയിലാക്കി. ഇടതുപക്ഷം അന്വേഷണ വിഷയത്തില്‍ തമ്മിലടിക്കുമ്പോള്‍ പാര്‍ട്ടി നേതാവ് പൊതുസമൂഹത്തില്‍ കളങ്കിത പ്രതിഛായയോടെ ചര്‍ച്ച ചെയ്യപ്പെടുന്നതാണ് പാര്‍ട്ടിക്ക് മാനഹാനിയുണ്ടാക്കുന്നത്. ആരോപണം ഉന്നയിച്ച ബിജു രമേശിനെയും ബാര്‍ ഹോട്ടല്‍ അസോസിയേഷന്‍ നേതൃത്വത്തെയും അനുനയിപ്പിക്കാന്‍ ഭരണകക്ഷിയിലെ ചില പ്രമുഖര്‍ നടത്തിയ ശ്രമം പരാജയപ്പെട്ടതാണ് പാര്‍ട്ടിക്ക് തിരിച്ചടിയായത്. |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
No comments:
Post a Comment