അവര്‍ തീവ്രവാദികളല്ല; പോരാളികള്‍-വി.എസ് Madhyamam News Feeds |  |
- അവര്‍ തീവ്രവാദികളല്ല; പോരാളികള്‍-വി.എസ്
- ശരീഅത്ത് കോടതികള്‍ക്കും ഫത്വകള്‍ക്കും നിയമ സാധുതയില്ല -സുപ്രീംകോടതി
- ആധാര്‍ വിതരണം തുടരുമെന്ന് കേന്ദ്രം
- 32 രൂപ വരുമാനമുള്ളവന്‍ ഇനി സമ്പന്നന്‍!
- നിര്‍മ്മാണ വിസ്മയം തീര്‍ത്ത് നാഷണല്‍ മ്യൂസിയം 2016ല്‍ പൂര്‍ത്തിയാവും
- ന്യൂ ജനറേഷന്‍ കെ.എസ്.ആര്‍.ടി.സി ബസ് ടെര്‍മിനല്‍ റെഡി
- ഇത്തിഹാദ് റെയില്‍: ആദ്യ ഘട്ടം പ്രവര്‍ത്തന സജ്ജമാകുന്നു
- നഴ്സുമാരുമായി പ്രത്യേക യോഗം ചേരും -മുഖ്യമന്ത്രി
- ഗസ്സയില്‍ ഇസ്രായേലിന്‍െറ കനത്ത വ്യോമാക്രമണം; 9 മരണം
- ഖത്തര്‍ അമീര്‍ കുവൈത്തില്‍
| അവര്‍ തീവ്രവാദികളല്ല; പോരാളികള്‍-വി.എസ് Posted: 07 Jul 2014 12:02 AM PDT Image:  തിരുവനന്തപുരം : മലയാളി നഴ്സുമാരെ നാട്ടിലത്തെിക്കാന്‍ സഹായിച്ച ഇറാഖിലെ സുന്നി വിമതരെ തീവ്രവാദികളെന്ന് വിളിക്കരുതെന്ന് പ്രതിപക്ഷ നേതാവ് വി.എസ് അച്യുതാനന്ദന്‍. പോരാളികളായ സൈനികരാണ് അവരെന്നും വി.എസ് വ്യക്തമാക്കി. |
| ശരീഅത്ത് കോടതികള്‍ക്കും ഫത്വകള്‍ക്കും നിയമ സാധുതയില്ല -സുപ്രീംകോടതി Posted: 06 Jul 2014 11:37 PM PDT Image:  ന്യൂഡല്‍ഹി: രാജ്യത്തെ ശരീഅത്ത് കോടതികള്‍ക്കും ഫത് വകള്‍ക്കും നിയമസാധുതയില്ലെന്ന് സുപ്രീംകോടതി. മൗലികാവകാശത്തെ ഹനിക്കുന്ന ഫത് വകള്‍ അംഗീകരിക്കാനാവില്ലെന്നും കോടതി വ്യക്തമാക്കി. മുസ്ലിം പേഴ്സ ണല്‍ ബോര്‍ഡിന്റെ തര്‍ക്ക പരിഹാര വേദിക്കെതിരെ ഡല്‍ഹിയിലെ വിശ്വ ലോചന്‍ മദന്‍ എന്ന അഭിഭാഷകന്‍ നല്‍കിയ ഹരജിയില്‍ ആണ് കോടതിയുടെ നിര്‍ണായകമായ നിരീക്ഷണം. ദാറുല്‍ ഖദ, ദാറുല്‍ ഇഫ്താ എന്നീ സ്ഥാപനങ്ങള്‍ സമാന്തര കോടതികള്‍ ആയി പ്രവര്‍ത്തിക്കുന്നു എന്ന് കാണിച്ചായിരുന്നു ഹരജി. രാജ്യത്തെ മുസ്ലിം പൗരന്‍മാരുടെ സാമൂഹ്യ-മത സ്വാതന്ത്ര്യത്തെ ഹനിച്ച് തീരുമാനങ്ങള്‍ എടുക്കുന്ന ശരീഅത്ത് കോടതികള്‍ അനധികൃതമാണെന്നായിരുന്നു ഹരജിക്കാരന്റെ പ്രധാന വാദം. ഖാദിമാരും മുഫ്തിമാരും പുറപ്പെടുക്കുന്ന ഫത് വകളിലൂടെ മുസ്ലിം പൗരന്‍മാരുടെ മൗലികാവകാശങ്ങളെ നിയന്ത്രിക്കാനാവില്ലെന്നും ഹരജിക്കാരന്‍ വാദിച്ചു. മുസ്ലിം ഭൂരിപക്ഷ പ്രദേശങ്ങളില്‍ ആണ് ഈ സമാന്തര കോടതികളുടെ പ്രവര്‍ത്തനം എന്നും അവിടെയുള്ള ജനങ്ങള്‍ ഇവരുടെ വിധികളെ എതിര്‍ക്കുന്നില്ലെന്നും പറഞ്ഞ ഹരജിക്കാരന്‍ മുസ്ലിം സ്ത്രീകളുടെ വിഷയം പരാമര്‍ശിച്ചപ്പോള്‍ വിഷയത്തെ അമിതമായ നാടകീയ വല്‍ക്കരികേണ്ടതില്ലെന്ന് പറഞ്ഞ കോടതി തങ്ങള്‍ അവരുടെ രക്ഷക്കെത്തുമെന്ന് പറഞ്ഞു. താങ്കള്‍ പറയുന്നു എല്ലാ ഫത് വകളും യുക്തി രഹിതമെന്ന്. എന്നാല്‍, അതില്‍ ചിലതെങ്കിലും നല്ലതുമാണ്. രാജ്യത്തെ ജനങ്ങള്‍ മതിയായ ബുദ്ധിയുള്ളവരാണ്. രണ്ടു പേര്‍ വിചാരിക്കുന്നു അവര്‍ക്ക് മധ്യസ്ഥം വേണമെന്ന്. അപ്പോള്‍ അവരെ ആര്‍ക്ക് തടയാന്‍ കഴിയും എന്നും കോടതി ചോദിച്ചു. എന്നാല്‍, ഫത് വകള്‍ മൗലികാവകാശങ്ങളെ ഹനിക്കുന്നുവെന്ന് തോന്നുന്നുവെങ്കില്‍ ആര്‍ക്കും കോടതിയെ സമീപിക്കാമെന്ന് മുസ്ലിം വ്യക്തി നിയമ ബോര്‍ഡ് പറഞ്ഞു. വ്യക്തികളുടെ മൗലിവാകാശങ്ങള്‍ ലംഘിക്കാത്തപക്ഷം മുസ്ലിം വ്യക്തി നിയമത്തില്‍ തങ്ങള്‍ ഇടപെടില്ലെന്ന് മുന്‍ സര്‍ക്കാര്‍ വ്യക്തമാക്കിയ കാര്യവും ബോര്‍ഡ് ചൂണ്ടിക്കാട്ടി. |
| ആധാര്‍ വിതരണം തുടരുമെന്ന് കേന്ദ്രം Posted: 06 Jul 2014 11:14 PM PDT Image:  ന്യൂഡല്‍ഹി: യു.പി.എ സര്‍ക്കാറിന്‍െറ പ്രധാന പദ്ധതിയായിരുന്ന ആധാര്‍ എന്‍.ഡി.എ സര്‍ക്കാറും തുടരുമെന്ന് റിപ്പോര്‍ട്ട്. ആധാറിലേക്ക് 100 കോടി ജനങ്ങളെ ചേര്‍ക്കുകയാണ് സര്‍ക്കാറിന്‍െറ ലക്ഷ്യം. പാചക വാതക സബ്സിഡി തുടര്‍ന്നും ആധാര്‍ വഴിയായിരിക്കും ലഭിക്കുക. ആധാറിനെ പാസ്പോര്‍ട്ടുമായി ബന്ധിപ്പിക്കാനും ആലോചനയുണ്ട്. പ്രധാനമന്ത്രി, ആഭ്യന്തര മന്ത്രി, ധനമന്ത്രി, യു.ഐ.ഡി.എ.ഐ ഡറക്ടര്‍ ജനറല്‍ വിജയ് മദന്‍ എന്നിവര്‍ ശനിയാഴ്ച നടത്തിയ കൂടിക്കാഴ്ചയിലാണ് ഇക്കാര്യത്തില്‍ തീരുമാനമായത്. ദേശീയ ജനസംഖ്യാ രജിസ്റ്ററിനെ (എന്‍.പി.ആര്‍) ആധാറുമായി ബന്ധിപ്പിച്ചേക്കുമെന്ന് റിപ്പോര്‍ട്ടുകള്‍ ഉണ്ടായിരുന്നെങ്കിലും ഇത് ഉടന്‍ നടപ്പാകാന്‍ സാധ്യതയില്ല. ആധാര്‍ അടക്കമുള്ള പദ്ധതികള്‍ നിര്‍ത്തലാക്കണമെന്ന് തെരഞ്ഞെടുപ്പ് സമയത്ത് ആവശ്യമുയര്‍ന്നിരുന്നു. 70 കോടി പേരെയാണ് ഇതിനകം ആധാറില്‍ പേരുചേര്‍ത്തത്. ഇതില്‍ 65 കോടി പേര്‍ക്കും ആധാര്‍ കാര്‍ഡ് നല്‍കിയിട്ടുണ്ട്. |
| 32 രൂപ വരുമാനമുള്ളവന്‍ ഇനി സമ്പന്നന്‍! Posted: 06 Jul 2014 10:52 PM PDT Image:  ന്യൂഡല്‍ഹി: ദരിദ്രന് ഇനി മുതല്‍ പുതിയ നിര്‍വചനം. ഇന്ത്യയിലെ ഗ്രാമങ്ങളില്‍ 32 രൂപയും നഗരങ്ങളില്‍ 47 രൂപയും പ്രതിദിനം ചെലവിടാന്‍ ശേഷിയുള്ളവരെല്ലാം ദരിദ്രരല്ളെന്ന് പുതിയ റിപ്പോര്‍ട്ട്. ഇന്ത്യന്‍ ജനസംഖ്യയില്‍ 29.5 ശതമാനവും ദരിദ്രരാണെന്ന് പുതിയ റിപ്പോര്‍ട്ടില്‍ പറയുന്നു.അതായത് രാജ്യത്തെ പത്തില്‍ മൂന്ന് പേര്‍ പുതിയ ദാരിദ്ര്യരേഖ മാനദണ്ഡത്തില്‍ പറയുന്ന വരുമാനം തന്നെ ഇല്ലാത്തവരാണ്. 2009-10 വര്‍ഷങ്ങളില്‍ 38.2 ശതമാനമായിരുന്നു രാജ്യത്തെ ദരിദ്രരുടെ കണക്ക്. വിലക്കയറ്റം ജനങ്ങളുടെ നടുവൊടിക്കുന്ന സന്ദര്‍ഭത്തില്‍ വന്ന പുതിയ റിപ്പോര്‍ട്ടും വന്‍ വിമര്‍ശനത്തിനിടയാക്കിയേക്കും. |
| നിര്‍മ്മാണ വിസ്മയം തീര്‍ത്ത് നാഷണല്‍ മ്യൂസിയം 2016ല്‍ പൂര്‍ത്തിയാവും Posted: 06 Jul 2014 10:47 PM PDT Image:  ദോഹ: രാജ്യത്തിന്‍െറ സാംസ്കാരിക രംഗത്തും നിര്‍മ്മാണ ചാതുരിയിലും പുതു കാല്‍വെപ്പാവുമെന്ന് പ്രതീക്ഷിക്കുന്ന ഖത്തര്‍ നാഷണല്‍ മ്യൂസിയം 2016 ല്‍ പൂര്‍ത്തിയാകുമെന്ന് അധികൃതര്‍. മ്യൂസിയം ഓഫ് ഇസ്ലാമിക് ആര്‍ട്ടില്‍ നിന്ന് അധികം അകലെയല്ലാതെ കോര്‍ണിഷിലാണ് നാഷണല്‍ മ്യൂസിയം പണിയുന്നത്. മരുഭൂമിയില്‍ വിരിയുന്ന ഒരുതരം പൂവിനെ അനുസ്മരിപ്പിക്കുന്ന അതിമനോഹരമായ രൂപകല്‍പനയിലാണ് മ്യൂസിയമൊരുങ്ങുന്നത്. മ്യൂസിയം ഓഫ് ഇസ്്ലാമിക് ആര്‍ട്ടിനും അറബ് മ്യൂസിയം ഓഫ് മോഡേണ്‍ ആര്‍ട്ടിനും (മതാഫ്) പിന്നാലെ ഖത്തറില്‍ സാംസ്കാരിക വളര്‍ച്ചയില്‍ പ്രധാന പങ്കുവഹിക്കുന്നതാകും നാഷണല്‍ മ്യൂസിയം. കഴിഞ്ഞ വര്‍ഷം അവസാനം ശൈഖ് അംന ബിന്‍ത് അബ്ദുല്‍ അസീസ് ബിന്‍ ജാസിം ആല്‍ഥാനി മ്യൂസിയം ഡയറക്ടറായി ചുമതലയേറ്റിരുന്നു. |
| ന്യൂ ജനറേഷന്‍ കെ.എസ്.ആര്‍.ടി.സി ബസ് ടെര്‍മിനല്‍ റെഡി Posted: 06 Jul 2014 10:24 PM PDT കോഴിക്കോട്: മാവൂര്‍ റോഡില്‍ സജ്ജമായ ന്യൂ ജനറേഷന്‍ കെ.എസ്.ആര്‍.ടി.സി ബസ് ടെര്‍മിനലിന്‍െറ അവസാന മിനുക്കുപണികള്‍ പൂര്‍ത്തിയാകുന്നു. ഒരു മാസത്തിനകം പ്രവൃത്തികള്‍ തീരുമെന്ന് നിര്‍മാണച്ചുമതല വഹിക്കുന്ന കെ.ടി.ഡി.എഫ്.സി ചീഫ് എന്‍ജിനീയര്‍ നവകുമാര്‍ 'മാധ്യമ'ത്തോട് പറഞ്ഞു. |
| ഇത്തിഹാദ് റെയില്‍: ആദ്യ ഘട്ടം പ്രവര്‍ത്തന സജ്ജമാകുന്നു Posted: 06 Jul 2014 10:04 PM PDT Image:  അബൂദബി: രാജ്യത്തെ പ്രഥമ റെയില്‍ പദ്ധതിയായ ഇത്തിഹാദ് റെയിലിന്‍െറ ആദ്യ ഘട്ടം പ്രവര്‍ത്തന സജ്ജമാകാന്‍ ഒരുങ്ങുന്നു. നിര്‍മാണ പ്രവൃത്തികള്‍ ഏകദേശം പൂര്‍ത്തിയാകുകയും ചരക്കുതീവണ്ടികളുടെ പരീക്ഷണ ഓട്ടം ആരംഭിക്കുകയും ചെയ്ത ആദ്യ ഘട്ടത്തിന്‍െറ ഉദ്ഘാടനം അധികം വൈകാതെയുണ്ടാകുമെന്നാണ് സൂചന. അബൂദബി എമിറേറ്റിലെ ഷാഹ് മുതല്‍ റുവൈസ് വരെ നീളുന്ന 266 കിലോമീറ്ററിലാണ് ആദ്യ ഘട്ടം നിര്‍മാണം പൂര്‍ത്തിയാക്കിയിരിക്കുന്നത്. ഷാഹ്, ഹബ്ഷാന്‍ എന്നിവിടങ്ങളില്‍ നിന്ന് ചരക്കുതീവണ്ടികളിലായി സള്‍ഫര്‍ റുവൈസിലത്തെിക്കാനാണ് പാത ഉപയോഗിക്കുന്നത്. 2010 ല്‍ രൂപവത്കരിക്കുകയും 2011 നവംബറില്‍ ആദ്യ ഘട്ട നിര്‍മാണത്തിനുള്ള കരാര്‍ നല്‍കുകയും ചെയ്യുകയായിരുന്നു. മരുഭൂമിയെ പകുത്ത് നിര്‍മിച്ച റെയിലിന്‍െറ ആദ്യ ഘട്ടത്തിന്‍െറ നിര്‍മാണം 2013 അവസാനം പൂര്‍ത്തിയാകുമെന്നാണ് പ്രതീക്ഷിച്ചിരുന്നതെങ്കിലും ഉദ്ഘാടനം ഏതാനും മാസങ്ങള്‍ കൂടി വൈകുകയായിരുന്നു. |
| നഴ്സുമാരുമായി പ്രത്യേക യോഗം ചേരും -മുഖ്യമന്ത്രി Posted: 06 Jul 2014 10:00 PM PDT Image:  തിരുവനന്തപുരം: ഇറാഖില്‍ നിന്നത്തെിയ 45 നഴ്സുമാരുമായി വെള്ളിയാഴ്ച തിരുവനന്തപുരത്ത് പ്രത്യേക യോഗം ചേരുമെന്ന് മുഖ്യമന്ത്രി ഉമ്മന്‍ ചാണ്ടി. നഴ്സുമാര്‍ക്ക് ജോലി വാഗ്ദാനം ചെയ്തവരേയും യോഗത്തിലേക്ക് വിളിക്കും. അവര്‍ക്ക് പുനരധിവാസം ഉറപ്പാക്കുമെന്നും അദ്ദേഹം നിയമസഭയില്‍ പറഞ്ഞു. കടബാധ്യത തീര്‍ക്കാന്‍ ആവശ്യമായ നടപടിയെടുക്കും. നഴ്സുമാരുടെ മനസാന്നിധ്യത്തിനാണ് ക്രെഡിറ്റെന്നും മുഖ്യമന്ത്രി പറഞ്ഞു. നഴ്സുമാരുടെ വിദ്യാഭ്യാസ വായ്പ എഴുതി തള്ളണമെന്ന് പ്രതിപക്ഷനേതാവ് വി.എസ്. അച്യുതാനന്ദന്‍ സഭയില്‍ ആവശ്യപ്പെട്ടു. |
| ഗസ്സയില്‍ ഇസ്രായേലിന്‍െറ കനത്ത വ്യോമാക്രമണം; 9 മരണം Posted: 06 Jul 2014 09:44 PM PDT Image:  ജറൂസലം: ഗസ്സയില്‍ ഇസ്രായേല്‍ നടത്തിയ ശക്തമായ വ്യോമാക്രമണം ഒമ്പത് ഫലസ്തീന്‍ പോരാളികള്‍ കൊല്ലപ്പെട്ടു. റഫയിലും ബുറൈജ് അഭയാര്‍ത്ഥി ക്യാമ്പിലും നടന്ന ആക്രമണത്തില്‍ ഏഴ് ഹമാസ് പ്രവര്‍ത്തകരും രണ്ട് ഫതഹ് പ്രവര്‍ത്തകുമാണ് കൊല്ലപ്പെട്ടത്. ഞായറാഴ്ച രാവിലെ പത്ത് തവണ ഇസ്രായേല്‍ വ്യോമാക്രമണം നടത്തിയിരുന്നു. എന്നാല്‍ ആളപായമുണ്ടായിരുന്നില്ല. അതേസമയം, ഫലസ്തീനില്‍ വ്യാപകമായ തോതില്‍ ആക്രമണം നടത്താന്‍ പദ്ധതിയില്ലെന്ന് പ്രധാനമന്ത്രി ബിന്യമിന്‍ നെതന്യാഹു പറഞ്ഞതായി റോയിട്ടേഴ്സ് റിപ്പോര്‍ട്ട് ചെയ്തു. കഴിഞ്ഞ ദിവസം 16കാരനായ മുഹമ്മദ് അബു ഖദീറിനെ ഇസ്രായേല്‍ തട്ടിക്കൊണ്ടുപോയി വധിച്ചിരുന്നു. ഇതില്‍ പ്രതിഷേധിക്കുന്ന ഫലസ്തീനികള്‍ക്കെതിരെ ശക്തമായ ആക്രമണമാണ് ഇസ്രായേല്‍ നടത്തുന്നത്. |
| Posted: 06 Jul 2014 09:10 PM PDT Image:  കുവൈത്ത് സിറ്റി: ഖത്തര്‍ അമീര്‍ ശൈഖ് തമീം ബിന്‍ഹമദ് ആല്‍ഥാനി ഒൗദ്യോഗിക സന്ദര്‍ശനത്തിനായി കുവൈത്തിലത്തെി. |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment