പെരുന്നാളാഘോഷത്തിനൊരുങ്ങി രാജ്യം Madhyamam News Feeds |  |
- പെരുന്നാളാഘോഷത്തിനൊരുങ്ങി രാജ്യം
- ഗസ്സയില് ഇസ്രായേല് വെടിനിര്ത്തല് അവസാനിപ്പിച്ചു
- സംസാരം നിര്ത്തി ഫലസ്തീനികള്ക്ക് സഹായമെത്തിക്കുക–ശൈഖ് മുഹമ്മദ്
- ബഹ്റൈനില് വാഹന ഗതാഗതം ആരംഭിച്ചിട്ട് ഒരു നൂറ്റാണ്ട്
- മൂന്നാര്: ചൊവ്വാഴ്ച ഉന്നതതല യോഗം - അടൂര് പ്രകാശ്
- മഹാരാഷ്ട്ര തെരഞ്ഞെടുപ്പ്: പകുതി സീറ്റ് വേണമെന്ന് എന്.സി.പി
- ടൂ സ്റ്റാര് പദവിയുള്ള ബാറുകള് തുറക്കണം -ജസ്റ്റിസ് ജെ.ബി കോശി
- ഒരു ദിവസം കൂടി വെടിനിര്ത്തലിന് തയാറെന്ന് ഇസ്രായേല്; വ്യവസ്ഥകള് സ്വീകാര്യമല്ല- ഹമാസ്
- വരുംദിനങ്ങള് സര്ക്കാറിനും യു.ഡി.എഫിനും നിര്ണായകം
- നാലു വര്ഷത്തിനുശേഷം മഅ്ദനിക്ക് കുടുംബത്തോടൊപ്പം പെരുന്നാള്
| പെരുന്നാളാഘോഷത്തിനൊരുങ്ങി രാജ്യം Posted: 27 Jul 2014 01:03 AM PDT Image:  Subtitle: മാര്ക്കറ്റുകളില് വന് തിരക്ക് കുവൈത്ത് സിറ്റി: ഒരു മാസക്കാലത്തെ വ്രതശുദ്ധിയിലൂടെ നേടിയെടുത്ത ആത്മീയ ഉണര്വിനൊടുവില് ഈദുല് ഫിത്ര് ഒരിക്കല് കൂടി എത്തുമ്പോള് അതിനെ ആഘോഷമാക്കി മാറ്റാനുള്ള ഒരുക്കത്തിലാണ് സ്വദേശികളും വിദേശികളുമുള്പ്പെടെ രാജ്യനിവാസികള്.
|
| ഗസ്സയില് ഇസ്രായേല് വെടിനിര്ത്തല് അവസാനിപ്പിച്ചു Posted: 27 Jul 2014 12:53 AM PDT Image:  ഗസ്സ സിറ്റി: ഗസ്സയില് വെടിനിര്ത്തല് അവസാനിപ്പിച്ചതായി ഇസ്രായേല്. ഇതോടെ പൂര്വാധികം ശക്തിയില് ഗസ്സയില് കര-വ്യോമ-നാവിക മാര്ഗത്തിലുള്ള ആക്രമണത്തിന് ഇസ്രായേല് ഒരുങ്ങി. സൈനിക പിന്മാറ്റത്തിനും ഗസ്സയിലെ ജനങ്ങള്ക്ക് വീടുകളിലേക്ക് തിരിച്ചുവരാനും വ്യവസ്ഥയില്ലാത്തതിനാല് ഈ സാഹചര്യത്തില് ഇസ്രായേലിന്െറ വെടിനിര്ത്തല് അംഗീകരിക്കാനാവില്ളെന്ന് ഹമാസ് വ്യക്തമാക്കിയിരുന്നു. അഭയാര്ഥികളായവര്ക്ക് തിരിച്ചു പോകാനോ ഇസ്രായേല് ആക്രമണത്തില് പരിക്കേറ്റവരെ ഒഴിപ്പിക്കാനോ വ്യവസ്ഥകളില്ലാത്ത വെടിനിര്ത്തല് അംഗീകരിക്കാനാവില്ളെന്ന് ഹമാസ് വക്താവ് സാമി അബു സഹ്രി പറഞ്ഞു. ജൂലൈ എട്ടിന് ആരംഭിച്ച ഇസ്രായേല് ആക്രമണത്തില് ഇതുവരെ കൊല്ലപ്പെട്ടവരുടെ എണ്ണം 1,049 ആയി. ഇരുപത് ദിവസം നീണ്ട ആക്രമണത്തില് കൊല്ലപ്പെട്ടവരില് ഏറെയും സാധാരണ പൗരരാണ്. 6000 ല് അധികം പേര്ക്ക് പരിക്കേറ്റു. |
| സംസാരം നിര്ത്തി ഫലസ്തീനികള്ക്ക് സഹായമെത്തിക്കുക–ശൈഖ് മുഹമ്മദ് Posted: 27 Jul 2014 12:39 AM PDT Image:  ദുബൈ: ഗസ്സയില് ദുരിതമനുഭവിക്കുന്ന ഫലസ്തീനികള്ക്ക് ഐക്യദാര്ഢ്യം പ്രഖ്യാപിച്ച് അവര്ക്ക് സഹായമെത്തിക്കേണ്ട സമയമാണിതെന്ന് യു.എ.ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന് റാശിദ് ആല് മക്തൂം. സംസാരം നിര്ത്തി പ്രവൃത്തി പഥത്തിലേക്കിറങ്ങുകയാണ് വേണ്ടത്. ലോകത്തെ എല്ലാ രാജ്യങ്ങളും ജനങ്ങളും ഫലസ്തീനികള്ക്കൊപ്പം നിലകൊള്ളണം. |
| ബഹ്റൈനില് വാഹന ഗതാഗതം ആരംഭിച്ചിട്ട് ഒരു നൂറ്റാണ്ട് Posted: 27 Jul 2014 12:00 AM PDT Image:  മനാമ: ബഹ്റൈനില് വാഹന ഗതാഗതം ആരംഭിച്ചിട്ട് ഒരു നൂറ്റാണ്ട് തികയുന്നു. 100 വര്ഷത്തിനിടയില് ഗതാഗത സൗകര്യത്തിലും റോഡുകളിലെ വികാസത്തിലും വന് കുതിച്ചു ചാട്ടമാണ് രാജ്യത്തുണ്ടായത്. ആദ്യമായി ബഹ്റൈനില് വാഹനമെത്തിയത് ഒരു നൂറ്റാണ്ട് മുമ്പാണെങ്കില് ഇന്ന് നാലര ലക്ഷത്തോളം വാഹനങ്ങളാണ് നിരത്തുകളിലുള്ളത്. വര്ഷം തോറും 15 ശതമാനത്തോളം വാഹന വര്ധന ഉണ്ടാകുന്നുണ്ട്. വാഹനങ്ങളുടെ വര്ധനവിനക്കനുസരിച്ച് റോഡുകളുടെ വികസനത്തിനും പദ്ധതികള് ആവിഷ്കരിക്കുന്നുണ്ട്. രാജ്യത്ത് റോഡപകടങ്ങള് വര്ധിക്കുന്നതിന്െറ കാരണമായി ചൂണ്ടിക്കാട്ടുന്നത് വാഹനങ്ങളുടെ ആധിക്യമാണ്. ഇത് കുറച്ചുകൊണ്ടുവരുന്നതിനുള്ള പദ്ധതികളും സര്ക്കാര് സ്വീകരിക്കുന്നുണ്ട്. |
| മൂന്നാര്: ചൊവ്വാഴ്ച ഉന്നതതല യോഗം - അടൂര് പ്രകാശ് Posted: 26 Jul 2014 11:59 PM PDT Image:  പത്തനംതിട്ട: മൂന്നാര്വിഷയം സംബന്ധിച്ച ഹൈകോടതി വിധിയെകുറിച്ചുള്ള തുടര്നടപടികള് തീരുമാനിക്കാന് ചൊവ്വാഴ്ച ഉന്നതതല യോഗം ചേരുമെന്ന് റവന്യൂ മന്ത്രി അടൂര് പ്രകാശ്. മുഖ്യമന്ത്രിയുമായി കൂടിക്കാഴ്ച നടത്തിയ ശേഷം സംസാരിക്കുകയായിരുന്നു അദ്ദേഹം. മുഖ്യമന്ത്രിയുടെ അധ്യക്ഷതയില് ചൊവ്വാഴ്ച ചേരുന്ന യോഗത്തില് റവന്യൂ മന്ത്രിയെക്കൂടാതെ അഡ്വക്കേറ്റ് ജനറല്, നിയമ സെക്രട്ടറി, റവന്യൂ സെക്രട്ടറി എന്നിവര് പങ്കെടുക്കും. നിയമവിദഗ്ധരുടെ ഉപദേശം തേടിയശേഷം തുടര് നടപടികള് സ്വീകരിക്കുമെന്നും അദ്ദേഹം പറഞ്ഞു. |
| മഹാരാഷ്ട്ര തെരഞ്ഞെടുപ്പ്: പകുതി സീറ്റ് വേണമെന്ന് എന്.സി.പി Posted: 26 Jul 2014 10:35 PM PDT Image:  ന്യൂഡല്ഹി: മഹാരാഷ്ട്രയില് നിയമസഭാ തെരഞ്ഞെടുപ്പ് നടക്കാനിരിക്കെ സീറ്റ് വിഭജനം സംബന്ധിച്ച് പുതിയ അവകാശവാദവുമായി എന്.സി.പി രംഗത്ത്. തെരഞ്ഞെടുപ്പില് മത്സരിക്കാന് പകുതി സീറ്റുകള് വേണമെന്ന് എന്.സി.പി അധ്യക്ഷന് ശരത് പവാര് കോണ്ഗ്രസ് നേതൃത്വത്തോട് ഒൗദ്യോഗികമായി ആവശ്യപ്പെട്ടു. ഇക്കാര്യത്തില് കോണ്ഗ്രസ് അധ്യക്ഷ സോണിയ ഗാന്ധിയുമായി ചര്ച്ച നടത്തി കൂട്ടായ തീരുമാനമെടുക്കുമെന്നും പവാര് പറഞ്ഞു. ആകെ 288 അംഗ നിയമസഭാ സീറ്റുകളില് 144 എണ്ണത്തില് മത്സരിക്കാനാണ് എന്.സി.പി തീരുമാനം. പിന്നാക്ക സമുദായ വോട്ട് ബാങ്ക് ലക്ഷ്യമിട്ടാണ് എന്.സി.പിയുടെ പുതിയ നീക്കം. എന്നാല്, എന്.സി.പി ആവശ്യം സംസ്ഥാന കോണ്ഗ്രസ് ഘടകം തള്ളിക്കളഞ്ഞു. അതേസമയം, തെരഞ്ഞെടുപ്പില് 174 സീറ്റുകളില് മത്സരിക്കാനാണ് കോണ്ഗ്രസ് തീരുമാനം. കോണ്ഗ്രസ്-എന്.സി.പി തര്ക്കത്തില് നേട്ടമുണ്ടാക്കാനുള്ള നീക്കത്തിലാണ് ബി.ജെ.പി-ശിവസേന മുന്നണി. അഞ്ച് പാര്ട്ടികളുടെ ഉള്പ്പെടുന്ന ബി.ജെ.പി മുന്നണി കഴിഞ്ഞ തെരഞ്ഞെടുപ്പില് 42 സീറ്റുകളാണ് നേടിയത്. പിന്നാക്ക വിഭാഗങ്ങളില് ശക്തമായ സ്വാധീനമുണ്ടായിരുന്ന ഗോപിനാഥ് മുണ്ടെയുടെ വേര്പാട് ബി.ജെ.പിക്ക് വലിയ തിരിച്ചടിയാകുമെന്നാണ് റിപ്പോര്ട്ട്. |
| ടൂ സ്റ്റാര് പദവിയുള്ള ബാറുകള് തുറക്കണം -ജസ്റ്റിസ് ജെ.ബി കോശി Posted: 26 Jul 2014 09:41 PM PDT Image:  തിരുവനന്തപുരം: പൂട്ടിയ ബാറുകളില് ടുസ്റ്റാര് പദവിയുള്ളവ തുറക്കണമെന്ന് സംസ്ഥാന മനുഷ്യാവാകാശ കമ്മീഷന്. ബാര് ലൈസന്സ് അനുവദിച്ചതില് വിവേചനമുണ്ട്. ബാര് അനുവദിക്കുന്നതില് വിവേചനം പാടില്ളെന്ന് ജസ്റ്റിസ് ജെ.ബി കോശി ഉത്തരവിട്ടു. ബാര് ഉടമകളും വീട്ടമ്മമാരും മദ്യവിരുദ്ധ സമിതിയും സമര്പ്പിച്ച ഹരജിയിലാണ് ഉത്തരവ്. അതേസമയം, ഇപ്പോള് പ്രവര്ത്തുക്കന്നവയില് ടൂ സ്റ്റാര് നിലവാരമില്ലാത്തവ പൂട്ടണമെന്നും അദ്ദേഹം പറഞ്ഞു. എക്സൈസ്, ടൂറിസം സെക്രട്ടറിമാര് ബാറുകള് പരിശോധിച്ച് ഗുണമേല്മ ഉറപ്പുവരുത്തണം. മദ്യനയത്തിന്െറ കാര്യത്തില് സര്ക്കാരിന് നടപടി സ്വീകരിക്കാം. എന്നാല്, വ്യക്തികളുടെ താല്പര്യങ്ങള് നടപ്പാക്കാനാവില്ളെന്നും ഉത്തരവില് പറയുന്നു. |
| ഒരു ദിവസം കൂടി വെടിനിര്ത്തലിന് തയാറെന്ന് ഇസ്രായേല്; വ്യവസ്ഥകള് സ്വീകാര്യമല്ല- ഹമാസ് Posted: 26 Jul 2014 09:05 PM PDT Image:  ഗസ്സ: സൈനിക പിന്മാറ്റത്തിനും ഗസ്സയിലെ ജനങ്ങള്ക്ക് വീടുകളിലേക്ക് തിരിച്ചുവരാനും വ്യവസ്ഥയില്ലാത്തതിനാല് ഇസ്രായേലിന്്റെ വെടിനിര്ത്തല് അംഗീകരിക്കാനാവില്ളെന്ന് ഹമാസ്. |
| വരുംദിനങ്ങള് സര്ക്കാറിനും യു.ഡി.എഫിനും നിര്ണായകം Posted: 26 Jul 2014 07:01 PM PDT Image:  Subtitle: തീരുമാനംകാത്ത് ബാര്, പുന:സംഘടനാ വിഷയങ്ങള് തിരുവനന്തപുരം: ആഗസ്റ്റ് മാസം സംസ്ഥാന സര്ക്കാറിനും യു.ഡി.എഫിനും ഏറെ നിര്ണായകം. ബാര് ലൈസന്സ് മുതല് മന്ത്രിസഭാ പുന$സംഘടനവരെ നിരവധി സുപ്രധാന വിഷയങ്ങളിലാണ് മുന്നണിക്ക് പ്രത്യേകിച്ച് കോണ്ഗ്രസിന് തീരുമാനമെടുക്കേണ്ടതുള്ളത്. ബാര് വിഷയത്തില് കോണ്ഗ്രസില് ധാരണ ഉണ്ടാകാത്തതിനാല് മുന്നണി യോഗം വിളിക്കാന് കഴിയാത്ത അവസ്ഥയാണ്. വിദേശ സന്ദര്ശനം പൂര്ത്തീകരിച്ച് കെ.പി.സി.സി പ്രസിഡന്റ് വി.എം. സുധീരന് 30ന് പുലര്ച്ചെ എത്തുന്നതോടെ വിഷയങ്ങളില് ചര്ച്ചകള് ആരംഭിക്കും. |
| നാലു വര്ഷത്തിനുശേഷം മഅ്ദനിക്ക് കുടുംബത്തോടൊപ്പം പെരുന്നാള് Posted: 26 Jul 2014 06:44 PM PDT Image:  ബംഗളൂരു: പി.ഡി.പി ചെയര്മാന് അബ്ദുന്നാസിര് മഅ്ദനിക്ക് നാലു വര്ഷത്തിനുശേഷം കുടുംബത്തോടൊപ്പം പെരുന്നാള്. ചികിത്സക്കായി ജാമ്യം ലഭിച്ചതോടെ വൈറ്റ് ഫീല്ഡിലെ സൗഖ്യ ആശുപത്രിയില് പ്രവേശിപ്പിച്ചിരിക്കുന്ന മഅ്ദനിക്കൊപ്പം ഈ പെരുന്നാളിന് ഭാര്യയും മക്കളുമുണ്ടാകും. ഇതോടെ വര്ഷങ്ങള്ക്കുശേഷം ഭാര്യക്കും മക്കള്ക്കുമൊപ്പം പെരുന്നാളാഘോഷിക്കാമെന്ന സന്തോഷത്തിലാണ് മഅ്ദനി. പെരുന്നാള് നമസ്കാരത്തിന് പള്ളിയിലോ ഈദ്ഗാഹിലോ പോകാന് മഅ്ദനി ആഗ്രഹം പ്രകടിപ്പിക്കുന്നുണ്ടെങ്കിലും സുരക്ഷാക്രമീകരണങ്ങള് വിലയിരുത്തിയാകും നടപടിയെന്ന് ബന്ധുവും പി.ഡി.പി നേതാവുമായ മുഹമ്മദ് റജീബ് അറിയിച്ചു. 2010 ആഗസ്റ്റ് 17ന് നോമ്പിന്െറ ആദ്യദിനങ്ങളിലാണ് ബംഗളൂരു സ്ഫോടനക്കേസില് മഅ്ദനി അറസ്റ്റിലായത്. ശേഷം വിചാരണത്തടവുകാരനായി ബംഗളൂരുവിലെ പരപ്പന അഗ്രഹാര ജയിലില് പ്രവേശിപ്പിച്ചു. ഇതിനിടെ, എട്ട് പെരുന്നാളുകള് കടന്നുപോയി. ഈവര്ഷം പരപ്പന ജയിലില് അഞ്ചാം വര്ഷവും നോമ്പ് അനുഷ്ഠിച്ചുവരുന്നതിനിടെയാണ് ജൂലൈ14ന് സുപ്രീംകോടതി നിര്ദേശപ്രകാരം സ്വതന്ത്ര ചികിത്സക്കായി ജാമ്യം ലഭിച്ചത്. നേരത്തേ കോയമ്പത്തൂര് സ്ഫോടനക്കേസില് ഒമ്പതര വര്ഷത്തെ ജയില്വാസത്തിനിടെ ആ വര്ഷങ്ങളിലെ മഅ്ദനിയുടെ നോമ്പും പെരുന്നാളും ജയിലഴികള്ക്കുള്ളിലായിരുന്നു. |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment