ആന്‍റണി ജീവിക്കുന്നത് ഏത് ലോകത്ത് -പ്രകാശ് കാരാട്ട് Madhyamam News Feeds |  |
- ആന്‍റണി ജീവിക്കുന്നത് ഏത് ലോകത്ത് -പ്രകാശ് കാരാട്ട്
- മനുഷ്യവിരുദ്ധ വികസന നിലപാടുകള്‍ക്ക് വോട്ടില്ല –പ്രകൃതി സംരക്ഷണ സമിതി
- ജില്ലയില്‍ അതീവ പ്രശ്ന സാധ്യതയുള്ള 171 ബൂത്തുകള്‍
- കേരളത്തിലെ കോണ്‍ഗ്രസില്‍ നിന്ന് കേന്ദ്രം പാഠംപഠിക്കണം -രാഹുല്‍ ഗാന്ധി
- ചെന്നിത്തല തന്നെ അധിക്ഷേപിക്കുന്നത് സരിതക്ക് വേണ്ടി -വി.എസ്
- നഗരം മദ്യ–മയക്കുമരുന്ന് ഗുണ്ടാ സംഘങ്ങളുടെ പിടിയില്‍
- എ.കെ ആന്‍റണി സത്യസന്ധന്‍ -വി.കെ സിങ്
- അബൂദബിയില്‍ കാറ്റിലും മഴയിലും കനത്ത നാശം
- തൊഴിലാളികളുടെ കൂട്ട സ്പോണ്‍സര്‍ഷിപ് മാറ്റം ഉടന്‍ സാധ്യമായേക്കും
- ടി.പി വധം: ഷംസീറിന്‍െറ പങ്ക് അന്വേഷിക്കണം -ആര്‍.എം.പി
| ആന്‍റണി ജീവിക്കുന്നത് ഏത് ലോകത്ത് -പ്രകാശ് കാരാട്ട് Posted: 05 Apr 2014 01:03 AM PDT Image:  കൊച്ചി: പ്രതിരോധമന്ത്രി എ.കെ. ആന്‍റണി ജീവിക്കുന്നത് ഏതു ലോകത്താണെന്ന് സി.പി.എം ജനറല്‍ സെക്രട്ടറി പ്രകാശ് കാരാട്ട്. നൂറ് സീറ്റ് തികച്ചുകിട്ടാത്ത കോണ്‍ഗ്രസ് സി.പി.എം പിന്തുണ തേടുന്നത് ഏതര്‍ഥത്തിലാണ്. അഴിമതിക്കാരനല്ളെന്ന് പറയുന്ന ആന്‍്റണിയുടെ വകുപ്പില്‍ നടക്കുന്നത് വന്‍ അഴിമതിയാണ്. ഈ തെരഞ്ഞെടുപ്പില്‍ കോണ്‍ഗ്രസിന് സര്‍വനാശമാണ് വരാനിരിക്കുന്നത്. എന്നിട്ടും ഇടതുപാര്‍ട്ടികള്‍ കോണ്‍ഗ്രസിനെ പിന്തുണക്കുമെന്ന് പറയാന്‍ ആന്‍്റണിക്ക് മാത്രമെ കഴിയൂവെന്നും കാരാട്ട് ചൂണ്ടിക്കാട്ടി. കോണ്‍ഗ്രസിനെ പിന്തുണക്കുമോയെന്ന ചോദ്യത്തിന് തന്നെ ഇനി പ്രസക്തിയില്ല. ദുര്‍ഭരണം മൂലം ജനം തോല്‍പിക്കുന്ന കോണ്‍ഗ്രസിനെ പിന്തുണക്കേണ്ട കാര്യമില്ല. കോണ്‍ഗ്രസ് നേതൃത്വം കൊടുത്ത യു.പി.എ ഒന്ന്, രണ്ട് സര്‍ക്കാരുകള്‍ക്കെതിരായ വിധിയെഴുത്താണ് വരാനിരിക്കുന്നത്. അവരുടെ ഭരണത്തില്‍ എന്താണ് ഇവിടെ നടന്നത്. വിലക്കയറ്റവും തൊഴിലില്ലായ്മയും കൂടി. കര്‍ഷകരുടെ ജീവിതം ദുരിതത്തിലായി. ഇതെല്ലാം തെരഞ്ഞെടുപ്പില്‍ വിലയിരുത്തപ്പെടുമെന്നും വാര്‍ത്താസമ്മേളനത്തില്‍ കാരാട്ട് പറഞ്ഞു. |
| മനുഷ്യവിരുദ്ധ വികസന നിലപാടുകള്‍ക്ക് വോട്ടില്ല –പ്രകൃതി സംരക്ഷണ സമിതി Posted: 05 Apr 2014 12:27 AM PDT കല്‍പറ്റ: ആദിവാസി-കര്‍ഷക-പരിസ്ഥിതി വിരുദ്ധ വികസന നിലപാടുകളുള്ള പാര്‍ട്ടികളുടെ സ്ഥാനാര്‍ഥികള്‍ക്ക് വോട്ടുനല്‍കരുതെന്ന് വയനാട് പ്രകൃതി സംരക്ഷണ സമിതി ഭാരവാഹികള്‍ വാര്‍ത്താസമ്മേളനത്തില്‍ ആവശ്യപ്പെട്ടു. കൊടുംവരള്‍ച്ച, ചൂട്, കുടിവെള്ളക്ഷാമം, നെല്‍പാടങ്ങളുടെയും തണ്ണീര്‍ത്തടങ്ങളുടെയും ശോഷണം, ഖനനം തുടങ്ങി സംസ്ഥാനം ഗുരുതരമായ പരിസ്ഥിതിനാശത്തിന്‍െറ പിടിയിലാണ്. ഇക്കാര്യങ്ങളാണ് തെരഞ്ഞെടുപ്പില്‍ ചര്‍ച്ചചെയ്യേണ്ടതെങ്കിലും ജനവിരുദ്ധവും പരിസ്ഥിതിവിരുദ്ധവുമായ കാര്യങ്ങളാണ് പ്രചരിപ്പിക്കുന്നത്. കുടിവെള്ളവും ഭക്ഷണവും ഉറപ്പുനല്‍കി പരിസ്ഥിതിയെ സംരക്ഷിക്കുന്ന വികസനമാണ് വേണ്ടത്. ഇത്തരത്തില്‍ രാഷ്ട്രീയ പാര്‍ട്ടികളെ ജനങ്ങള്‍ തിരുത്തണം. ആദിവാസികള്‍ക്ക് കിടപ്പാടമോ ജീവിതസുരക്ഷയോ ഇന്നും അന്യമാണ്. അതേസമയം, ഹാരിസണ്‍പോലുള്ള വന്‍കിട എസ്റ്റേറ്റുകാര്‍ സര്‍ക്കാര്‍ ഭൂമി അനധികൃതമായി കൈവശം വെക്കുന്നു. എട്ടുലക്ഷം വരുന്ന വയനാടന്‍ ജനസംഖ്യയില്‍ ആറര ലക്ഷം വരുന്ന കര്‍ഷകരുടെ അവസ്ഥ ദയനീയമാണ്. സ്വകാര്യ മെഡിക്കല്‍ കോളജിന് അനധികൃതമായി സഹായം നല്‍കുകയാണ് സര്‍ക്കാര്‍. എന്നാല്‍, ഗവ. മെഡിക്കല്‍ കോളജ്, ശ്രീചിത്തിര മെഡിക്കല്‍ സെന്‍റര്‍ എന്നിവയുടെ കാര്യത്തില്‍ ഭൂമി ഇടപാട് ഇനത്തില്‍ ലഭിക്കുന്ന സാമ്പത്തികനേട്ടത്തില്‍ കണ്ണുവെക്കുകയാണ്. ഇതിനാലാണ് ഇവ നടപ്പാകാത്തത്. ആദിവാസികളെ കുടിയിറക്കിയും അവരുടെ ഭൂമി കൈയേറിയുമാണ് പൂക്കോട് വെറ്ററിനറി സര്‍വകലാശാല സ്ഥാപിച്ചത്. ഇതുകൊണ്ട് വയനാട്ടിലെ ക്ഷീരകര്‍ഷകര്‍ക്കോ മറ്റോ ഒരു ഗുണവുമുണ്ടായിട്ടില്ല. പശ്ചിമഘട്ടത്തിലെ ജനങ്ങളുടെ ജീവിതസുരക്ഷ ഉറപ്പുവരുത്തുന്നതായിരുന്നു ഗാഡ്ഗില്‍ കമ്മിറ്റി റിപ്പോര്‍ട്ട്. ആദിവാസി-കര്‍ഷക-പരിസ്ഥിതി അനുകൂലമായ വികസന നിലപാടുകളുള്ള ഒരു പാര്‍ട്ടിയും തെരഞ്ഞെടുപ്പില്‍ മത്സരിക്കുന്നില്ല. |
| ജില്ലയില്‍ അതീവ പ്രശ്ന സാധ്യതയുള്ള 171 ബൂത്തുകള്‍ Posted: 05 Apr 2014 12:23 AM PDT കണ്ണൂര്‍: ജില്ലയില്‍ അതീവ പ്രശ്നസാധ്യതയെന്ന് കണക്കാക്കുന്ന എ വിഭാഗത്തില്‍ 171 ബൂത്തുകള്‍. ഇവ സ്ഥിതി ചെയ്യുന്ന 70 കെട്ടിടങ്ങളില്‍ നാല് വീതം കേന്ദ്ര സേനാംഗങ്ങളെ അധികമായി നിയോഗിക്കും. ബി വിഭാഗത്തിലുള്ള 538 ബൂത്തുകളില്‍ ഓരോ കേന്ദ്രസേനാംഗത്തെയോ അധിക പൊലീസിനെയോ വിന്യസിക്കും. ലോക്സഭാ തെരഞ്ഞെടുപ്പ് സ്വതന്ത്രവും സമാധാനപരവുമായി നടത്താന്‍ ജില്ലയിലെ പ്രശ്നസാധ്യത ബൂത്തുകള്‍ക്ക് അതിശക്തമായ സുരക്ഷാ വലയമാണ് തീര്‍ക്കുന്നത്. |
| കേരളത്തിലെ കോണ്‍ഗ്രസില്‍ നിന്ന് കേന്ദ്രം പാഠംപഠിക്കണം -രാഹുല്‍ ഗാന്ധി Posted: 05 Apr 2014 12:11 AM PDT Image:  കാസര്‍കോട്: കേരളത്തിലെ കോണ്‍ഗ്രസില്‍ നിന്ന് കേന്ദ്രം പാഠംപഠിക്കണമെന്ന് കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധി. രാജ്യത്തിന് മാതൃകാപരമായ രാഷ്ട്രീയബോധം കേരളം നല്‍കുന്നു. ഉമ്മന്‍ചാണ്ടി സംസ്ഥാന മുഖ്യമന്ത്രിയാണ്. പക്ഷെ, കേരളത്തെ നയിക്കുന്നത് ഒരു വ്യക്തിയല്ളെന്നും ദശലക്ഷം വരുന്ന ആളുകളാണെന്നും രാഹുല്‍ പറഞ്ഞു. യു.ഡി.എഫ് സ്ഥാനാര്‍ഥി ടി. സിദ്ദീഖിന്‍്റെ തെരഞ്ഞെടുപ്പ് പ്രചരണത്തിന്‍െറ ഭാഗമായി നടത്തിയ പരിപാടിയില്‍ സംസാരിക്കുകയായിരുന്നു അദ്ദേഹം. അക്രമസംഭവങ്ങള്‍ കേരള രാഷ്ട്രീയത്തില്‍ ഉണ്ടാകരുത്. കേരളത്തിലെ പഞ്ചായത്ത് അംഗങ്ങള്‍ക്കുള്ള അറിവ് അത്ഭുതപ്പെടുത്തുന്നു. തൃശൂര്‍ അടാട്ട് ഗ്രാമപഞ്ചായത്തിലെ പ്രവര്‍ത്തനങ്ങള്‍ താന്‍ നേരില്‍ കണ്ടതാണെന്നും അദ്ദേഹം ചൂണ്ടിക്കാട്ടി. രാജ്യത്തെ എല്ലാവിഭാഗം ജനങ്ങളെയും ഉള്‍ക്കൊള്ളുന്നതാണ് കോണ്‍ഗ്രസ് സംസ്കാരം. എല്ലാവരുടെയും കൂട്ടായ്മയും സഹകരണവുമാണ് പാര്‍ട്ടി ആഗ്രഹിക്കുന്നതെന്നും രാഹുല്‍ വ്യക്തമാക്കി. സി.പി.എമ്മിനുള്ള വോട്ട് പരോക്ഷമായി ബി.ജെ.പിക്കുള്ള വോട്ടാണെന്നും രാഹുല്‍ പറഞ്ഞു. രാവിലെ മംഗലാപുരത്ത് നിന്ന് ഹെലികോപ്ടര്‍ മാര്‍ഗമാണ് രാഹുല്‍ കാസര്‍കോട്ട് എത്തിയത്. തുടര്‍ന്ന് ഗവ. കോളജില്‍ നിന്ന് റോഡ് മാര്‍ഗം പ്രസംഗവേദിയായ മുനിസിപ്പില്‍ സ്റ്റേഡിയത്തില്‍ എത്തി. |
| ചെന്നിത്തല തന്നെ അധിക്ഷേപിക്കുന്നത് സരിതക്ക് വേണ്ടി -വി.എസ് Posted: 05 Apr 2014 12:08 AM PDT Image:  തിരുവനന്തപുരം: ആഭ്യന്തരമന്ത്രി രമേശ് ചെന്നിത്തല തന്നെ അധിക്ഷേപിക്കുന്നത് സരിതക്ക് വേണ്ടിയെന്ന് പ്രതിപക്ഷ നേതാവ് വി.എസ് അച്യുതാനന്ദന്‍. സരിതയുടെ മുമ്പില്‍ ചെന്നിത്തല കുമ്പിടുമോയെന്നും അദ്ദേഹം ചോദിച്ചു. ഉമ്മന്‍ചാണ്ടിയെ കടല്‍ കടത്താതെ കേരളത്തിന് രക്ഷയില്ളെന്നും വി.എസ് പറഞ്ഞു. |
| നഗരം മദ്യ–മയക്കുമരുന്ന് ഗുണ്ടാ സംഘങ്ങളുടെ പിടിയില്‍ Posted: 04 Apr 2014 11:32 PM PDT കോഴിക്കോട്: നഗരം വീണ്ടും മദ്യ-മയക്കുമരുന്ന് ഗുണ്ടാ സംഘങ്ങളുടെ പിടിയില്‍. ലഹരി ഉപയോഗിക്കുന്നവര്‍, അന്യ സംസ്ഥാന തൊഴിലാളികള്‍, പോക്കറ്റടിക്കാര്‍, പൂവാലന്മാര്‍ തുടങ്ങിയ സംഘങ്ങളാണ് കുറച്ചുകാലമായി നഗരം 'ഭരിക്കുന്നത്'. പകലെന്നോ രാത്രിയെന്നോ വ്യത്യാസമില്ലാതെ അക്രമികള്‍ അരങ്ങുവാഴുമ്പോഴും പൊലീസിന്‍െറ നിഷ്ക്രിയത്വം തുടരുന്നു. കഴിഞ്ഞ ഏതാനും മാസങ്ങളായി അടിപിടിയോ സംഘട്ടനമോ നടക്കാത്ത രാത്രികളില്ല. കിടക്കാനുള്ള സ്ഥലത്തെ ചൊല്ലിയുണ്ടായ തര്‍ക്കത്തില്‍ വ്യാഴാഴ്ച രാത്രി കൊലപാതക കേസ് പ്രതി വെസ്റ്റ്ഹില്‍ ശാന്തി നഗര്‍ കോളനി സ്വദേശി സത്യന്‍ തലക്കടിയേറ്റ് മരിച്ചതാണ് അക്രമ പരമ്പരകളിലെ ഒടുവിലത്തെ സംഭവം. ബുധനാഴ്ച രാത്രി കുറ്റ്യാടി സ്വദേശിയായ രണ്ടുപേരെ മദ്യപിച്ച് കുത്തി പരിക്കേല്‍പിച്ചു. മാവൂര്‍ റോഡും മൊഫ്യൂസില്‍ സ്റ്റാന്‍ഡ് പരിസരവുമാണ് അക്രമികള്‍ക്ക് സുരക്ഷിത താവളമായി മാറിയിരിക്കുന്നത്.അടുത്തിടെ മൂന്ന് അന്യ സംസ്ഥാന തൊഴിലാളികളാണ് നഗരത്തില്‍ കൊല്ലപ്പെട്ടത്. അന്യസംസ്ഥാന തൊഴിലാളികള്‍തന്നെ കേസില്‍ പ്രതികളായതിനാല്‍ അക്രമസംഭവങ്ങളെ ആരും അപലപിക്കാത്തത് പൊലീസിന് അനുഗ്രഹമാണ്. മൊഫ്യൂസില്‍ ബസ്റ്റാന്‍ഡിനോട് ചേര്‍ന്ന മദ്യവില്‍പനശാലയുടെ പരിസരങ്ങളിലാണ് അക്രമ സംഭവങ്ങളേറെയും.ബാറിന് മുന്നിലെ വഴിയിലൂടെ സ്ത്രീകള്‍ക്ക് നടന്നുപോകാന്‍ കഴിയാത്ത അവസ്ഥയുമുണ്ട്. സ്റ്റാന്‍ഡിലെ ക്രമസമാധാന പാലനത്തിനായി എല്ലാ രാത്രികളിലും പൊലീസിനെ നിയോഗിക്കാറുണ്ടെങ്കിലും അവര്‍ പ്രശ്നങ്ങളില്‍ ഇടപെടാറില്ല. |
| എ.കെ ആന്‍റണി സത്യസന്ധന്‍ -വി.കെ സിങ് Posted: 04 Apr 2014 11:26 PM PDT Image:  ന്യൂഡല്‍ഹി: പ്രതിരോധമന്ത്രി എ.കെ ആന്‍്റണി സത്യസന്ധനാണെന്ന് മുന്‍ കരസേനാ മേധാവി വി.കെ സിങ്. ഉത്തര്‍പ്രദേശിലെ ഘാസിയാബാദ് മണ്ഡലത്തിലെ ബി.ജെ.പി. സ്ഥാനാര്‍ഥിയായ സിങ് തെരഞ്ഞെടുപ്പ് റാലിക്കിടെയാണ് ആന്‍റണിയെ പ്രശംസിച്ചത്്. സൈനികരുടെ ക്ഷേമം ആഗ്രഹിക്കുന്ന ആന്‍്റണിയെ പ്രതിരോധവകുപ്പിലെ ഉദ്യോഗസ്ഥരാണ് വഴിതെറ്റിക്കുന്നത്. പ്രായവിവാദത്തില്‍ ആന്‍്റണിയെ ഉദ്യോഗസ്ഥര്‍ തെറ്റിദ്ധരിപ്പിക്കുകായിരുന്നുവെന്നും വി.കെ സിങ് പറഞ്ഞു. |
| അബൂദബിയില്‍ കാറ്റിലും മഴയിലും കനത്ത നാശം Posted: 04 Apr 2014 11:07 PM PDT Image:  അബൂദബി: വെള്ളിയാഴ്ച പുലര്‍ച്ചെയോടെയുണ്ടായ കനത്ത കാറ്റിലും മഴയിലും ഇടിമിന്നലിലും അബൂദബിയില്‍ കനത്ത നാശം. മരങ്ങള്‍ കടപുഴകുകയും പരസ്യബോര്‍ഡുകള്‍ നിലംപൊത്തുകയും ചെയ്തു. ശക്തമായ കാറ്റില്‍ നിരവധി അപ്പാര്‍ട്ട്മെന്‍റുകളുടെ ജനാലകള്‍ക്കും തകരാറുകള്‍ സംഭവിച്ചു. പരസ്യ ബോര്‍ഡുകള്‍ വീണ് നിരവധി കാറുകള്‍ക്ക് കേടുപാടുകള്‍ സംഭവിച്ചു. |
| തൊഴിലാളികളുടെ കൂട്ട സ്പോണ്‍സര്‍ഷിപ് മാറ്റം ഉടന്‍ സാധ്യമായേക്കും Posted: 04 Apr 2014 10:53 PM PDT Image:  ദോഹ: പ്രോജക്ട് അവസാനിക്കുമ്പോള്‍ തൊഴിലുടമയുടെ കീഴിലുള്ള തൊഴിലാളികളെ കൂട്ടത്തോടെ മറ്റൊരു തൊഴിലുടമയുടെ സ്പോണ്‍സര്‍ഷിപ്പിലേക്ക് മാറ്റുന്നതിനുള്ള സാധ്യതകള്‍ ഖത്തര്‍ തൊഴില്‍-സാമൂഹിക മന്ത്രാലയം ആരായുന്നു. ഇതുമായി ബന്ധപ്പെട്ട നിര്‍ദേശങ്ങള്‍ മന്ത്രാലയം പഠിച്ചുകൊണ്ടിരിക്കുകയാണ്. |
| ടി.പി വധം: ഷംസീറിന്‍െറ പങ്ക് അന്വേഷിക്കണം -ആര്‍.എം.പി Posted: 04 Apr 2014 10:45 PM PDT Image:  കോഴിക്കോട്: സി.പി.എം സ്ഥാനാര്‍ഥി എ.എന്‍ ഷംസീറിന് ടി.പി വധത്തില്‍ പങ്കുണ്ടെന്ന് ആര്‍.എം.പി. ടി.പിയെ കൊലപ്പെടുത്തതിന് മുമ്പ് പ്രധാന പ്രതി കിര്‍മാനി മനോജ് ഷംസീറിനെ ഫോണില്‍ വിളിച്ചിരുന്നു. ഇക്കാര്യത്തില്‍ അന്വേഷണം നടത്തണമെന്നും ആര്‍.എം.പി ജനറല്‍ സെക്രട്ടറി എന്‍. വേണു ആവശ്യപ്പെട്ടു. കിര്‍മാനി മനോജുമായി രണ്ടുതവണ ഷംസീര്‍ ബന്ധപ്പെട്ടു. വിചാരണ കോടതിയില്‍ അന്വേഷണസംഘം ഹാജരാക്കിയ ടെലിഫോണ്‍ രേഖകളില്‍ ഇക്കാര്യം വ്യക്തമാണ്. എന്നാല്‍ ഷംസീറിന്‍്റ് പങ്ക് പൊലീസ് അന്വേഷിച്ചിട്ടില്ളെന്നും വേണു വാര്‍ത്താലേഖകരോട് പറഞ്ഞു. എ.എന്‍ ഷംസീറിനെ അറസ്റ്റ് ചെയ്യണമെന്ന് ആര്‍.എം.പി നേതാവും ടി.പി ചന്ദ്രശേഖരന്‍െറ വിധവയുമായ കെ.കെ രമ ആവശ്യപ്പെട്ടു. കേസിലെ പ്രധാന പ്രതി കിര്‍മാനി മനോജുമായി ഷംസീര്‍ ഫോണില്‍ സംസാരിച്ചിട്ടുണ്ട്. ഷംസീറിന്‍െറ പങ്ക് സി.ബി.ഐ അന്വേഷിക്കണമെന്നും രമ പറഞ്ഞു. ഷംസീറുമായി കിര്‍മാനി മനോജ് ഫോണില്‍ സംസാരിച്ചതിന്‍െറ രേഖകളുടെ പകര്‍പ്പുകള്‍ ആര്‍.എം.പി പുറത്തുവിട്ടു. |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment