ജില്ലയില്‍ പകുതിയിലേറെ ജീവനക്കാരും അധ്യാപകരും പണിമുടക്കില്‍ Madhyamam News Feeds |  |
- ജില്ലയില്‍ പകുതിയിലേറെ ജീവനക്കാരും അധ്യാപകരും പണിമുടക്കില്‍
- സാഹിത്യ അക്കാദമിയെ സര്‍ക്കാര്‍ ഏജന്‍സിയാക്കി -യു.കെ. കുമാരന്‍
- ചാവെസിന്റെ സത്യപ്രതിജ്ഞ നീട്ടിവെച്ചു
- മോണോ റെയില്‍: മൂന്നു വര്‍ഷംകൊണ്ട് ആദ്യഘട്ടം പൂര്‍ത്തിയാക്കും -ഇ. ശ്രീധരന്‍
- പണിമുടക്ക് ഭാഗികം
- പണിമുടക്ക് ജില്ലയില്‍ ജനജീവിതത്തെ ബാധിച്ചു
- പാക് നടപടി മനുഷ്യത്വരഹിതവും പ്രകോപനപരവും- എ.കെ ആന്റണി
- വിവാദ പ്രസംഗം: ഉവൈസിയെ ജുഡീഷ്യല്‍ കസ്റ്റഡിയില്‍ വിട്ടു
- ഡി.ടി.എച്ച് റിലീസില്ല; 'വിശ്വരൂപം' ആദ്യം തിയറ്ററുകളില്‍
- പക്ഷിവളര്‍ത്തലില്‍ പ്രിയമേറുന്നു; വില 13,000 റിയാല്‍ വരെ
| ജില്ലയില്‍ പകുതിയിലേറെ ജീവനക്കാരും അധ്യാപകരും പണിമുടക്കില്‍ Posted: 09 Jan 2013 12:14 AM PST പാലക്കാട്: ഒരു വിഭാഗം സര്‍ക്കാര്‍ ജീവനക്കാരും അധ്യാപകരും ചൊവ്വാഴ്ച ആരംഭിച്ച അനിശ്ചിതകാല പണിമുടക്കിനെ തുടര്‍ന്ന് സര്‍ക്കാര്‍ ഓഫിസുകളുടെ പ്രവര്‍ത്തനം താളംതെറ്റി. സര്‍ക്കാര്‍, എയ്ഡഡ് വിദ്യാലയങ്ങളുടെ പ്രവര്‍ത്തനത്തെയും സമരം പ്രതികൂലമായി ബാധിച്ചു. സംസ്ഥാന അതിര്‍ത്തിയായ വാളയാര്‍ ചെക്പോസ്റ്റില്‍ രണ്ട് ബ്ളോക്കുകളില്‍ ഒന്നിന്‍െറ പ്രവര്‍ത്തനം മുടങ്ങി. കൊല്ലങ്കോട് എ.ഇ.ഒ ഓഫിസില്‍ സമരാനുകൂലികളും ജോലിക്കെത്തിയവരും തമ്മിലുള്ള തര്‍ക്കം അടിപിടിയില്‍ കലാശിച്ചു. പണിമുടക്കിയവര്‍ക്ക് ഐക്യദാര്‍ഢ്യം പ്രഖ്യാപിച്ച് കെ.എസ്.ആര്‍.ടി.സിയിലെ സി.പി.എം അനുകൂല സംഘടനകളും സമരത്തിനിറങ്ങിയതോടെ പകുതിയോളം ബസ് സര്‍വീസുകള്‍ റദ്ദാക്കി. വടക്കഞ്ചേരി ഡിപ്പോയില്‍ നിന്ന് മംഗലം ഡാമിലേക്ക് പോയ കെ.എസ്.ആര്‍.ടി.സി ബസ് ഒരു വിഭാഗം വഴിയില്‍ തടഞ്ഞു നിര്‍ത്തി ഡ്രൈവര്‍ സലാമുവിനെ വലിച്ചിറക്കി മര്‍ദിച്ചു. ബസിന്‍െറ ടയര്‍ കുത്തിക്കീറി. സി.പി.എം അനുകൂലികളായ കണ്ടാലറിയാവുന്ന 15ഓളം പേര്‍ക്കെതിരെ വടക്കഞ്ചേരി പൊലീസ് കേസെടുത്തു. |
| സാഹിത്യ അക്കാദമിയെ സര്‍ക്കാര്‍ ഏജന്‍സിയാക്കി -യു.കെ. കുമാരന്‍ Posted: 09 Jan 2013 12:04 AM PST Image:  കോഴിക്കോട്: സാഹിത്യ അക്കാദമിയുടെ ആത്മാഭിമാനവും സ്വയംഭരണാവകാശവും ജനാധിപത്യ സ്വാതന്ത്ര്യവും തകര്‍ത്ത് അതിനെ കേവലം സര്‍ക്കാര്‍ ഏജന്‍സിയാക്കി മാറ്റിയെന്ന് പ്രശസ്ത എഴുത്തുകാരനും അക്കാദമി മുന്‍ വൈസ് പ്രസിഡന്‍റുമായ യു.കെ. കുമാരന്‍. ഒരു ആനുകാലികത്തിലെഴുതിയ ലേഖനത്തില്‍ സാംസ്കാരിക വകുപ്പുമന്ത്രി കെ.സി. ജോസഫും അക്കാദമി പ്രസിഡന്‍റ് പെരുമ്പടവം ശ്രീധരനുമാണ് ഇതിന് ഉത്തരവാദിയെന്ന് ഒ.വി. വിജയന്‍ സ്മാരക സമിതി ചെയര്‍മാന്‍കൂടിയായ കുമാരന്‍ കുറ്റപ്പെടുത്തി. ലേഖനത്തിന്റെ പ്രസക്തഭാഗം: ചരിത്രത്തിലെ ഏറ്റവുംഉള്‍ക്കാമ്പില്ലാത്ത ജനറല്‍ കൗണ്‍സിലാണ് ഇപ്പോഴത്തേത്. അക്കാദമിയുടെ നയപരമായ സ്വാതന്ത്ര്യം അടിയറവെച്ച് പ്രസിഡന്‍റ് വിധേയത്വം പ്രകടിപ്പിച്ചു. അക്കാദമിയെ ഇന്നത്തെ പരിഹാസ്യമായ അവസ്ഥയിലെത്തിച്ചത് പ്രസിഡന്‍റിന്‍െറ നിലപാട് രാഹിത്യവും വിധേയത്വവുമാണ്. അക്കാദമിയുടെ ചരിത്രത്തില്‍ ആദ്യമായാണ് വൈസ് പ്രസിഡന്‍റ് ഉള്‍പ്പെടെ ഏതാനും പേരെ പുറത്താക്കിയത്. ഈ രീതിയില്‍ സ്വയംഭരണത്തില്‍ ഇടപെടുന്നത് ഇതാദ്യമാണ്. ഇവര്‍ ചെയ്ത തെറ്റുകള്‍ എന്താണെന്ന് ഇതുവരെ വെളിവാക്കപെട്ടിട്ടില്ല. ചാനലില്‍ മുഖം കാണിച്ചത് തെറ്റാണെന്ന് കോണ്‍ഗ്രസ് മന്ത്രിക്ക് തോന്നിയെങ്കില്‍ അതിന്‍െറ പേരില്‍ നടപടിയെടുത്തുതുടങ്ങിയാല്‍ പാര്‍ട്ടിയില്‍ എത്രപേര്‍ അവശേഷിക്കും? തെറ്റ് ചെയ്തയാള്‍ പരിരക്ഷിക്കപ്പെടുകയും ചൂണ്ടിക്കാണിച്ചവര്‍ ശിക്ഷിക്കപ്പെടുകയും ചെയ്ത വിചിത്ര രീതിയാണ് നടപ്പാക്കിയത്. |
| ചാവെസിന്റെ സത്യപ്രതിജ്ഞ നീട്ടിവെച്ചു Posted: 08 Jan 2013 11:15 PM PST Image:  കറാക്കസ്: അര്‍ബുദ ചികിത്സയെ തുടര്‍ന്ന് ക്യൂബയില്‍ കഴിയുന്ന ഊഗോ ചാവെസിന്റെ സത്യപ്രതിജ്ഞ നീട്ടി വെച്ചു. അര്‍ബുദ ചികിത്സയുടെ ഭാഗമായി നടത്തിയ ശസ്ത്രക്രിയയെ തുടര്‍ന്ന് ശ്വാസകോശത്തില്‍ അണുബാധ ഉണ്ടായതാണ് ചാവെസിന്റെ ആരോഗ്യനില വഷളാക്കിയത്. ആരോഗ്യം വീണ്ടെടുക്കുന്നതു വരെ സത്യപ്രതിജ്ഞ നീട്ടുന്നതു സംബന്ധിച്ച തീരുമാനം നിയമസഭാംഗങ്ങള്‍ പാര്‍ലമെന്‍്റില്‍ വോട്ടിനിട്ട് പാസാക്കുകയായിരുന്നു. എന്നാല്‍ സത്യപ്രതിജ്ഞ മാറ്റിവെക്കുന്നത് ഭരണഘടനാ ലംഘനമാണെന്ന വാദവുമായി പ്രതിപക്ഷം രംഗത്തെത്തിയിരുന്നു. നേരത്തെ, വൈസ് പ്രസിഡന്‍്റ് നിക്കോളാസ് മദുരോ സത്യപ്രതിജ്ഞാ ചടങ്ങില്‍ ചാവെസ് പങ്കെടുക്കില്ലെന്ന് അറിയിച്ചിരുന്നു. |
| മോണോ റെയില്‍: മൂന്നു വര്‍ഷംകൊണ്ട് ആദ്യഘട്ടം പൂര്‍ത്തിയാക്കും -ഇ. ശ്രീധരന്‍ Posted: 08 Jan 2013 09:39 PM PST കോഴിക്കോട്: കോഴിക്കോട് മോണോ റെയില്‍ പദ്ധതിയുടെ ഒന്നാംഘട്ടം മൂന്നു വര്‍ഷംകൊണ്ട് കമീഷന്‍ ചെയ്യുമെന്ന് ഇ. ശ്രീധരന്‍. മോണോ റെയില്‍ യാഥാര്‍ഥ്യമാകുന്നതോടെ നഗരജീവിതം തന്നെ മാറുമെന്നും അദ്ദേഹം അഭിപ്രായപ്പെട്ടു. റോട്ടറി ക്ളബ് ഓഫ് കാലിക്കറ്റ് ഈസ്റ്റിന്‍െറ ‘ഫോര്‍ ദ സെയ്ക് ഓഫ് ഓണര്‍ അവാര്‍ഡ്’ സ്വീകരിച്ച് സംസാരിക്കുകയായിരുന്നു അദ്ദേഹം. |
| Posted: 08 Jan 2013 09:36 PM PST മലപ്പുറം: പങ്കാളിത്ത പെന്‍ഷനെതിരെ ഇടതു സര്‍വീസ് സംഘടനകള്‍ ആഹ്വാനം ചെയ്ത അനിശ്ചിതകാല പണിമുടക്കില്‍ ജില്ലയില്‍ സര്‍ക്കാര്‍ ഓഫിസുകളുടെ പ്രവര്‍ത്തനം ഭാഗികമായി മുടങ്ങി. |
| പണിമുടക്ക് ജില്ലയില്‍ ജനജീവിതത്തെ ബാധിച്ചു Posted: 08 Jan 2013 09:08 PM PST തിരുവനന്തപുരം: പങ്കാളിത്ത പെന്‍ഷനെതിരെ സര്‍ക്കാര്‍ ജീവനക്കാരും അധ്യാപകരും ആരംഭിച്ച പണിമുടക്കും അതിന് അനുഭാവം പ്രകടിപ്പിച്ച് കെ.എസ്.ആര്‍.ടി.സിയിലെ ഒരു വിഭാഗം ജീവനക്കാര്‍ നടത്തിയ പണിമുടക്കും ജില്ലയിലെ ജനജീവിതത്തെ സാരമായി ബാധിച്ചു. |
| പാക് നടപടി മനുഷ്യത്വരഹിതവും പ്രകോപനപരവും- എ.കെ ആന്റണി Posted: 08 Jan 2013 09:07 PM PST Image:  ന്യൂദല്‍ഹി: ജമ്മുവില്‍ നിയന്ത്രണരേഖ മുറിച്ചുകടന്ന് വെടിനിര്‍ത്തല്‍ കരാര്‍ ലംഘിച്ച് രണ്ട് ഇന്ത്യന്‍ സൈനികരെ വധിക്കുകയും മൃതദേഹം വികൃതമാക്കുകയും ചെയ്ത പാക് സൈനികരുടെ നടപടി മനുഷ്യത്വരഹിതവും പ്രകോപനപരവുമാണെന്ന് പ്രതിരോധമന്ത്രി എം.കെ ആന്റണി. രാജ്യത്തിന്റെ ശക്തമായ പ്രതിഷേധം പാകിസ്താനെ അറിയിക്കുമെന്നും അദ്ദേഹം വ്യക്തമാക്കി. അതേസമയം, സംഭവത്തില്‍ പാകിസ്താന്‍ ഹൈകമ്മീഷണറെ വിളിച്ചു വരുത്തി ഇന്ത്യ പ്രതിഷേധമറിയിക്കുമെന്ന് റിപ്പോര്‍ട്ടുകളുണ്ട്. പാകിസ്താന്‍ വെടിനിര്‍ത്തല്‍ കരാര്‍ പാലിക്കുമെന്ന് കരുതിയതായും സംഭവത്തില്‍ സര്‍ക്കാര്‍ നടപടിയെടുക്കുമെന്നും പ്രതിരോധമ മന്ത്രാലയം അറിയിച്ചു. ഇരു രാഷ്ട്രങ്ങളുടെയും മിലിറ്ററി ഡയറക്ടറല്‍ ജനറലുമായി സംഭവം ചര്‍ച്ചചെയ്യുമെന്നും മന്ത്രാലയം വ്യക്തമാക്കി. നിയന്ത്രണ രേഖയും വെടിനിര്‍ത്തല്‍ കരാറും ലംഘിച്ച് പാകിസ്താന്‍ നടത്തിയ ആക്രമണത്തിനെതിരെ ഇന്ത്യ ശക്തമായി പ്രതികരിക്കുമെന്ന് വിദേശകാര്യ മന്ത്രി സല്‍മാന്‍ ഖുര്‍ശിദും വ്യക്തമാക്കി. പാക് സേനയുടെ നടപടി മനുഷ്യത്വ രഹിതവും ദാരുണവുമാണെന്നും ഇത്തരത്തിലുള്ള നടപടി തുടര്‍ന്നാല്‍ ഇരു രാജ്യങ്ങളുടെയും ബന്ധം വഷളാകുമെന്നും അദ്ദേഹം പറഞ്ഞു. സംഭവത്തെ കുറിച്ച് പാകിസ്താന്റെഭാഗത്തു നിന്ന് വ്യക്തമായ മറുപടി ലഭിക്കണമെന്നും സല്‍മാന്‍ ഖുര്‍ശിദ് ആവശ്യപ്പെട്ടു. ജമ്മുവിലെ പൂഞ്ച് ജില്ലയില്‍ മെന്ഥാര്‍ മേഖലയിലുള്ള കൃഷ്ണഗഡിയിലാണ് ചൊവ്വാഴ്ച പുലര്‍ച്ചെ പാകിസ്താന്‍ സേനാംഗങ്ങള്‍ അതിര്‍ത്തി നിയന്ത്രണ രേഖ മറികടന്ന് ഇന്ത്യന്‍ സേനാംഗങ്ങള്‍ക്ക് നേരെ വെടിവെച്ചത്. പരസ്പരമുണ്ടായ വെടിവെപ്പില്‍ ലാന്‍സ് നായിക്കുമാരായ ഹേംരാജ്, സുധാകര്‍ സിങ് എന്നിവരാണ് കൊല്ലപ്പെട്ടത്. സൈനികരുടെ തല വെട്ടിമാറ്റിയ പാക് സേന അതിലൊന്ന് എടുത്തു കൊണ്ടുപോയതായും പി.ടി.ഐ റിപ്പോര്‍ട്ടു ചെയ്തിരുന്നു. എന്നാല്‍ തലയറുത്തുവെന്ന റിപ്പോര്‍ട്ടുകളോട് സേന പ്രതികരിച്ചിട്ടില്ല. |
| വിവാദ പ്രസംഗം: ഉവൈസിയെ ജുഡീഷ്യല്‍ കസ്റ്റഡിയില്‍ വിട്ടു Posted: 08 Jan 2013 09:01 PM PST Image:  ഹൈദരാബാദ്: പ്രകോപനപരമായ പ്രസംഗം നടത്തിയെന്ന ആരോപണത്തെ തുടര്‍ന്ന് അറസ്റ്റിലായ ആന്ധ്രപ്രദേശ് എം.എല്‍.എ അക്ബറുദ്ദീന്‍ ഉവൈസിയെ 14 ദിവസത്തേക്ക് ജുഡീഷ്യല്‍ കസ്റ്റഡിയില്‍ വിട്ടു. നിര്‍മല്‍ മുന്‍സിഫ് മജിസ്‌ട്രേറ്റ് കെ.അഗേഷ് കുമാറിന്റേതാണ് നടപടി. ചോദ്യം ചെയ്യാനായി ഉവൈസിയെ ഏഴു ദിവസം പൊലീസ് കസ്റ്റഡിയില്‍ വിട്ടുകിട്ടണമെന്ന് ആവശ്യപ്പെട്ടെങ്കിലും കോടതി ഇത് നിരസിച്ചു. ബുധനാഴ്ച പുലര്‍ച്ചെ 5.25നാണ് ഉവൈസിയെ കോടതിയില്‍ ഹാജരാക്കിയത്. ഇന്ത്യന്‍ ശിക്ഷാനിയമ പ്രകാരം അഞ്ച് പുതിയ കുറ്റങ്ങള്‍ കൂടി ഉവൈസിക്കെതിരെ ചുമത്തിയിട്ടുണ്ട്. ഉവൈസിയെ ആദിലബാദിലെ രാജീവ് ഗാന്ധി ഇന്‍സ്റ്റിറ്റിയൂട്ട് ഓഫ് മെഡിക്കല്‍ സയന്‍സസില്‍ വൈദ്യപരിശോധനക്ക് വിധേയനാക്കാനും കോടതി നിര്‍ദേശിച്ചു. മജ്‌ലിസെ ഇത്തിഹാദുല്‍ മുസ്ലിമീന്‍ (എം.ഐ.എം) നേതാവായ ഉവൈസി ഡിസംബര്‍ 24ന് പ്രകോപനപരമായ പ്രസംഗം നടത്തിയെന്നാണ് ആരോപണം. ഇതത്തേുടര്‍ന്ന് ഉവൈസിക്കെതിരെ കീഴ്‌കോടതി നിര്‍ദേശപ്രകാരം കേസെടുത്തിരുന്നു. അതിനിടെ, ചികിത്സക്കായി ലണ്ടനിലേക്ക് പോയ ഇദ്ദേഹം കഴിഞ്ഞദിവസമാണ് തിരിച്ചെത്തിയത്. ആദിലാബാദ് ജില്ലയിലെ നിര്‍മല്‍ ടൗണ്‍ സ്റ്റേഷനില് ഹാജരാകാന്‍ പൊലീസ് ആവശ്യപ്പെട്ടെങ്കിലും ഉവൈസി നാലുദിവസത്തെ സാവകാശം ആവശ്യപ്പെട്ടു. തിങ്കളാഴ്ച വൈകുന്നേരത്തോടെ അന്വേഷണ ഉദ്യോഗസ്ഥന്‍ ഉവൈസിയുടെ വീട്ടിലെത്തിയെങ്കിലും ശരീരവേദനയായതിനാല്‍ ചോദ്യംചെയ്യലില്‍നിന്ന് ഒഴിവാക്കണമെന്ന് അദ്ദേഹം വീണ്ടും ആവശ്യപ്പെട്ടു. എന്നാല്‍, ആരോഗ്യനില തൃപ്തികരമാണെന്ന് ഉറപ്പാക്കാനായി പൊലീസ് ഗവ. ഗാന്ധി ആശുപത്രിയില്‍ പ്രവേശിപ്പിച്ച് ഉവൈസിയെ വിദഗ്ധ പരിശോധനക്ക് വിധേയമാക്കി. പരിശോധനാ റിപ്പോര്‍ട്ടില്‍ ആരോഗ്യത്തിന് കുഴപ്പമില്ലെന്ന് ഡോക്ടര്‍മാര്‍ അറിയിച്ചതോടെ അറസ്റ്റ് രേഖപ്പെടുത്തി. അതേസമയം ഉവൈസിയെ പൊലീസ് കസ്റ്റഡിയില്‍ വിട്ടുകിട്ടാനായി വീണ്ടും ഹരജി സമര്‍പ്പിക്കുമെന്ന് ആദിലാബാദ് പൊലീസ് സൂപ്രണ്ട് എസ്.ത്രിപാഠി മാധ്യമപ്രവര്‍ത്തകരോട് പറഞ്ഞു. അന്വേഷണസമയത്ത് പൊലീസുകാരുടെ ചോദ്യങ്ങളോട് ഉവൈസി സഹകരിച്ചിരുന്നില്ലെന്നും അദ്ദേഹം പറഞ്ഞു. ചൊവ്വാഴ്ച രാത്രി 9.45ഓടെ നിര്‍മല്‍ ടൗണ്‍ പൊലീസ് സ്റ്റേഷനിലെത്തിയ ഉവൈസിയെ നാല് മണിക്കൂര്‍ പൊലീസ് ചോദ്യം ചെയ്തിരുന്നു. തനിക്കെതിരായ കേസ് റദ്ദാക്കണമെന്നാവശ്യപ്പെട്ട് ഉവൈസി ഹൈകോടതിയെ സമീപിച്ചിട്ടുണ്ട്.
|
| ഡി.ടി.എച്ച് റിലീസില്ല; 'വിശ്വരൂപം' ആദ്യം തിയറ്ററുകളില്‍ Posted: 08 Jan 2013 08:57 PM PST Image:  തിയറ്ററുകാരുടെ ശക്തിക്ക് മുന്നില്‍ കമല്‍ഹാസന്‍ കീഴടങ്ങി, 'വിശ്വരൂപ'ത്തിന്റെ ഡി.ടി.എച്ച് പ്രീമിയര്‍ ഉപേക്ഷിച്ചു. കമല്‍ സംവിധാനം ചെയ്ത് നായകനാകുന്ന ബ്രഹ്മാണ്ഡ ചിത്രം 'വിശ്വരൂപം' ആദ്യം തിയറ്ററുകളില്‍ റിലീസ് ചെയ്യാന്‍ ധാരണയായി. തമിഴ് നാട് ഫിലിം തിയറ്റര്‍ ഓണേഴ്സ് അസോസിയേഷന്‍, നിര്‍മാതാവും വിതരണക്കാരനുമായ കേയാര്‍ എന്നിവരുമായി ചൊവ്വാഴ്ച നടന്ന ചര്‍ച്ചയിലാണ് കമല്‍ഹാസന്‍ മുന്‍നിലപാടില്‍ നിന്ന് വിട്ടുവീഴ്ചക്ക് തയാറായത്. പുതിയ ധാരണ പ്രകാരം 'വിശ്വരൂപം' ആദ്യം തിയറ്ററുകളില്‍ റിലീസ് ചെയ്തശേഷമേ ഡി.ടി.എച്ച് കണക്ഷനുകള്‍ വഴി ടി.വി യില്‍ പ്രദര്‍ശിപ്പിക്കൂ. തിയറ്റര്‍ റിലീസിന് ഒരു ദിവസം മുമ്പ് ഡി.ടി.എച്ച് വഴി പ്രത്യേക പ്രദര്‍ശനം നടത്താനായിരുന്നു കമല്‍ നേരത്തെ തീരുമാനിച്ചിരുന്നത്. ഇത് തിയറ്റര്‍ ഉടമകളുടെ സംഘടനകളുടെ പ്രതിഷേധത്തിനും ബഹിഷ്കരണത്തിനും കാരണമാക്കിയിരുന്നു. കൂടാതെ, സംഘടനകളുടെ എതിര്‍പ്പിനെത്തുടര്‍ന്ന് കേരളത്തിലും കര്‍ണാടകത്തിലും വരെ വിതരണക്കാരെ കിട്ടിയതുമില്ല. ഡി.ടി.എച്ച് ടി.വി വഴി ചിത്രം ആദ്യം പ്രദര്‍ശിപ്പിക്കാനുള്ള തീരുമാനം കമല്‍ഹാസന്‍ ഉപേക്ഷിച്ചതിലൂടെ തിയറ്റര്‍ സംഘടനകളുടെയും വിതരണക്കാരുടെയും എതിര്‍പ്പ് അവസാനിച്ചിട്ടുണ്ട്. ബുധനാഴ്ച ഒരുവട്ടം കൂടി ചര്‍ച്ച നടത്തിയശേഷം ചിത്രത്തിന്റെ റിലീസ് തീയതി പ്രഖ്യാപിക്കുമെന്ന് തിയറ്റര്‍ സംഘടനാനേതാവ് ആര്‍. പനീര്‍ശെല്‍വം അറിയിച്ചു. റിലീസിന് തലേദിവസമുള്ള പ്രത്യേക ടി.വി പ്രദര്‍ശനത്തിനുള്ള മുന്‍കൂര്‍ ബുക്കിങ് നിര്‍ത്തിവെച്ചതായി എയര്‍ടെല്‍ ഡി.ടി.എച്ച് സി.ഇ.ഒ ശശി അറോറയും അറിയിച്ചിട്ടുണ്ട്. ജനുവരി 10ന് പ്രമുഖ ഡി.ടി.എച്ച് സേവനദാതാക്കളായ എയര്‍ടെല്‍, ടാറ്റാ, വിഡിയോകോണ്‍, ഡിഷ് ടി.വി തുടങ്ങിയ മുഖേന ടി.വിയില്‍ പ്രത്യേക പ്രദര്‍ശനം നടത്താനും 11ന് തിയറ്ററുകളില്‍ റിലീസ് ചെയ്യാനുമായിരുന്നു കമല്‍ഹാസന്‍ ആദ്യം തീരുമാനിച്ചിരുന്നത്. 1000 രൂപയോളം മുടക്കിയാലേ ഈ പ്രദര്‍ശനം ഡി.ടി.എച്ച് കണക്ഷന്‍ ഉണ്ടെങ്കിലും ടി.വിയില്‍ കാണാനാവുമായിരുന്നുള്ളൂ. തമിഴ്, തെലുങ്ക്, ഹിന്ദി ഭാഷകളിലാണ് 'വിശ്വരൂപം' റിലീസ് ചെയ്യുന്നത്. റാണി മുഖര്‍ജി, രാഹുല്‍ ബോസ്, ആന്‍ഡ്രിയ ജെറിമിയ, നാസര്‍, സറീന വഹാബ്, ശേഖര്‍ കപൂര്‍ തുടങ്ങിയവരാണ് 'വിശ്വരൂപ'ത്തിലെ മറ്റ് താരങ്ങള്‍. ശങ്കര്‍ എഹ്സാന്‍ ലോയ് ടീമാണ് സംഗീതമൊരുക്കുന്നത്. മലയാളിയായ മഹേഷ് നാരായണനാണ് ചിത്രത്തിന്റെ എഡിറ്റര്‍. 95 കോടി മുടക്കിയാണ് ചിത്രം നിര്‍മിച്ചിരിക്കുന്നത്.   features: Facebook Twitter |
| പക്ഷിവളര്‍ത്തലില്‍ പ്രിയമേറുന്നു; വില 13,000 റിയാല്‍ വരെ Posted: 08 Jan 2013 08:50 PM PST Image:  ദോഹ: പക്ഷി വളര്‍ത്തലിന് ഖത്തറിലെ സ്വദേശികള്‍ക്കും രാജ്യത്തെത്തുന്ന സഞ്ചാരികള്‍ക്കുമിടയില്‍ പ്രിയമേറുന്നു. സൂഖ് വാഖിഫിലെ വില്‍പ്പന ശാലകളില്‍ പക്ഷികളെ വാങ്ങാനെത്തുന്നവരുടെ എണ്ണം വര്‍ധിച്ചുവരുന്നതായാണ് ഈ രംഗത്തുള്ളവര്‍ പറയുന്നത്. ശൈത്യകാലമായതോടെ പതിവ് പോലെ വ്യത്യസ്ത ഇനം പക്ഷികളുമായി ഉപഭോക്താക്കളെ ആകര്‍ഷിക്കാന്‍ കച്ചവടക്കാരും ഒരുങ്ങിക്കഴിഞ്ഞു. രൂപത്തിലും സൗന്ദര്യത്തിലുമെല്ലാം ഏറെ സവിശേഷതകളുള്ള വിവിധയിനം പക്ഷികള്‍ക്ക് അവയുടെ ഇനമനുസരിച്ച് ആയിരക്കണക്കിന് റിയാല്‍ വരെ വിലയുണ്ട്. |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment