ജനപ്രതിനിധികളെ അയോഗ്യരാക്കാന്‍ അധികാരമില്ലെന്ന് കോടതി Madhyamam News Feeds |  |
- ജനപ്രതിനിധികളെ അയോഗ്യരാക്കാന്‍ അധികാരമില്ലെന്ന് കോടതി
- റിട്ട. സി.ആര്‍.പി.എഫുകാരന്‍െറ മരണം കൊലപാതകം: 16 വര്‍ഷത്തിനുശേഷം പ്രതികളിലൊരാള്‍ പിടിയില്‍
- വിസ വാഗ്ദാനം ചെയ്ത് തട്ടിപ്പ്; അന്വേഷണം ഊര്‍ജിതം
- ഹോട്ടല്‍ പരിശോധനക്കിടെ മരുന്നുശേഖരം കണ്ടെത്തി
- ആര്‍മി റിക്രൂട്ട്മെന്‍റ് റാലി തുടങ്ങി; ജില്ലയില്‍ നിന്ന് 607 പേര്
- നഗരം കൈയടക്കി തെരുവുനായകള്‍; ഭീതിയോടെ ജനം
- സ്ത്രീകള്‍ ലക്ഷ്മണരേഖ കടന്നാല്‍ ശിക്ഷിക്കപ്പെടുമെന്ന് ബി.ജെ.പി നേതാവ്
- മുഖംമൂടിസംഘം യൂത്ത് കോണ്‍ഗ്രസ് നേതാവിനെ വെട്ടിപ്പരിക്കേല്‍പ്പിച്ചു
- കായംകുളം-എറണാകുളം പാത ഇരട്ടിപ്പിക്കല്‍ 2015ല്‍ പൂര്‍ത്തിയാകും :കേന്ദ്രമന്ത്രി
- ഗുണ്ടാസംഘം വീടുകയറി ആക്രമിച്ചു
| ജനപ്രതിനിധികളെ അയോഗ്യരാക്കാന്‍ അധികാരമില്ലെന്ന് കോടതി Posted: 04 Jan 2013 12:08 AM PST Image:  ന്യൂദല്‍ഹി:സ്ത്രീ പീഡനകേസുകളില്‍ പ്രതികളാകുന്ന ജനപ്രതിനിധികളെ അയോഗ്യരാക്കണമെന്ന ആവശ്യം പരിഗണിക്കാനാവില്ലെന്ന് കോടതി. അതേസമയം, മാനഭംഗകേസുകള്‍ കൈകാര്യം ചെയ്യാന്‍ അതിവേഗ കോടതികള്‍ വേണമെന്ന ആവശ്യത്തില്‍ കോടതി കേന്ദ്രസര്‍ക്കാറിന് നോട്ടീസ് അയച്ചു. ബലാത്സംഗ കേസുകളില്‍ വിചാരണ നേരിടുന്ന ജനപ്രതിനിധികളെ അയോഗ്യരാക്കണമെന്നാവശ്യപ്പെട്ട് സമര്‍പ്പിപ്പിച്ച പൊതുതാല്‍പര്യ ഹരജിയാണ് സുപ്രിംകോടതി പരിഗണിച്ചത്. ദല്‍ഹി കൂട്ടമാനഭംഗത്തിന്റെപശ്ചാത്തലത്തില്‍ മുന്‍ ഐ.എ.എസ് ഉദ്യോഗസ്ഥ പ്രൊമില ശങ്കറാണ് പൊതുതാല്‍പര്യ ഹരജി നല്‍കിയത്. |
| റിട്ട. സി.ആര്‍.പി.എഫുകാരന്‍െറ മരണം കൊലപാതകം: 16 വര്‍ഷത്തിനുശേഷം പ്രതികളിലൊരാള്‍ പിടിയില്‍ Posted: 03 Jan 2013 10:57 PM PST കിളിമാനൂര്‍: റിട്ട. സി.ആര്‍.പി.എഫ് ഉദ്യോഗസ്ഥന്‍െറ മരണം കൊലപാതകമാണെന്ന് പൊലീസ് കണ്ടെത്തി. 16 വര്‍ഷത്തിന് ശേഷം പ്രതികളിലൊരാളെ പൊലീസ് കസ്റ്റഡിയിലെടുത്തു. തുമ്പോട് ഗീതാഭവനില്‍ നാരായണപിള്ളയുടെ മരണവുമായി ബന്ധപ്പെട്ട ദുരൂഹതകളാണ് നീങ്ങുന്നത്. സംഭവത്തില്‍ ഉള്‍പ്പെട്ടതായി കരുതുന്ന അനില്‍കുമാറിനെ നിലമ്പൂര്‍ പൊലീസാണ് പിടികൂടിയത്. |
| വിസ വാഗ്ദാനം ചെയ്ത് തട്ടിപ്പ്; അന്വേഷണം ഊര്‍ജിതം Posted: 03 Jan 2013 10:53 PM PST ചാത്തന്നൂര്‍: ഇ-മെയില്‍ സന്ദേശം വഴി യൂറോപ്യന്‍ രാജ്യങ്ങളില്‍ വിസ വാഗ്ദാനം ചെയ്ത് ലക്ഷങ്ങള്‍ തട്ടിയ കേസില്‍ അന്വേഷണം ഊര്‍ജിതമാക്കി. മുംബൈ കേന്ദ്രമാക്കി പ്രവര്‍ത്തിക്കുന്ന സംഘമാണ് തട്ടിപ്പ് നടത്തിയതെന്ന് മനസ്സിലാക്കി പൊലീസ് സംഘം മുംബൈയിലെത്തി അന്വേഷണം നടത്തിയെങ്കിലും പ്രതികളെ കണ്ടെത്താനായില്ല. പരവൂര്‍ സ്വദേശിയായ അരുണ്‍ഗോപിയാണ് തട്ടിപ്പിനിരയായത്. കമ്പ്യൂട്ടര്‍ ഓപറേറ്ററായ ഇയാള്‍ക്ക് ഇ-മെയിലിലൂടെ റിസോര്‍ട്ടില്‍ ജോലി വാഗ്ദാനം ചെയ്ത് വിസക്കായി പലതവണയായി 12 ലക്ഷത്തോളം രൂപ തട്ടിയെടുക്കുകയായിരുന്നു. ഒരു സ്വകാര്യ ബാങ്കിലെ അക്കൗണ്ടിലാണ് പണം നിക്ഷേപിച്ചത്. മുംബൈയിലുള്ള ഈ ബാങ്ക് അക്കൗണ്ട് വ്യാജവിലാസത്തിലുള്ളതാണെന്ന് പൊലീസ് കണ്ടെത്തിയിട്ടുണ്ട്. ഇവര്‍ നല്‍കിയ ഫോണ്‍നമ്പറുകളും വ്യാജവിലാസത്തില്‍ എടുത്തിട്ടുള്ളതായിരുന്നു. ചെന്നൈ കോയമ്പത്തൂര്‍ എന്നിവിടങ്ങളിലുള്ള നിരവധി പേര് തട്ടിപ്പിനിരയായിട്ടുള്ളതായി പൊലീസിന് വിവരം ലഭിച്ചിട്ടുണ്ട്. വ്യാജ അഡ്രസ്സിലുള്ള ഈ അക്കൗണ്ടില്‍ ലക്ഷങ്ങളുടെ ഇടപാടുകള്‍ നടത്തിയതായും കണ്ടെത്തിയിട്ടുണ്ട്. സംഘം മുബൈയില്‍ തന്നെയുണ്ടെന്ന വിവരത്തിന്‍െറ അടിസ്ഥാനത്തില്‍ ചാത്തന്നൂര്‍ പൊലീസ് വീണ്ടും മുംബൈയിലേക്ക് പോകുന്നതിനുള്ള തയാറെടുപ്പിലാണ്. |
| ഹോട്ടല്‍ പരിശോധനക്കിടെ മരുന്നുശേഖരം കണ്ടെത്തി Posted: 03 Jan 2013 10:44 PM PST തിരുവനന്തപുരം: ഭക്ഷ്യസുരക്ഷാ വിഭാഗത്തിന്‍െറ പരിശോധനക്കിടെ ഹോട്ടലില്‍ മരുന്നുശേഖരം കണ്ടെത്തി. വൃത്തിഹീനമായി പ്രവര്‍ത്തിച്ച രണ്ട് ഹോട്ടലുകള്‍ അടച്ചുപൂട്ടി. |
| ആര്‍മി റിക്രൂട്ട്മെന്‍റ് റാലി തുടങ്ങി; ജില്ലയില്‍ നിന്ന് 607 പേര് Posted: 03 Jan 2013 10:41 PM PST തൊടുപുഴ: സംസ്ഥാനത്തെ ഏഴ് തെക്കന്‍ ജില്ലകള്‍ക്കായി മുട്ടം പോളിടെക്നിക്ക് സ്റ്റേഡിയത്തില്‍ ഈമാസം ഒമ്പത് വരെ നടക്കുന്ന ആര്‍മി റിക്രൂട്ട്മെന്‍റിന്‍െറ ആദ്യ ദിവസം ജില്ലയില്‍ നിന്ന് 607 ഉദ്യോഗാര്‍ഥികള്‍ റാലിയില്‍ പങ്കെടുത്തു. റാലി ജലവിഭവ മന്ത്രി പി.ജെ. ജോസഫ് ഫ്ളാഗ് ഓഫ് ചെയ്തു. രാജ്യത്തിന് ശക്തി പകരാന്‍ വേണ്ടി എത്തിയ എല്ലാ യുവാക്കള്‍ക്കും അദ്ദേഹം ഭാവുകങ്ങള്‍ നേര്‍ന്നു. |
| നഗരം കൈയടക്കി തെരുവുനായകള്‍; ഭീതിയോടെ ജനം Posted: 03 Jan 2013 10:35 PM PST പത്തനംതിട്ട: നഗരത്തില്‍ തെരുവുനായശല്യം വര്‍ധിക്കുന്നു. കഴിഞ്ഞ ദിവസം ടൗണ്‍ഹാളിന് സമീപം കുട്ടികളുടെ പാര്‍ക്കി ലെത്തിയ മൂന്നുവയസ്സുകാരി അടക്കം എട്ടു പേരെ തെരുവുനായ അക്രമിച്ചതാണ് ഒടുവിലത്തെ സംഭവം. |
| സ്ത്രീകള്‍ ലക്ഷ്മണരേഖ കടന്നാല്‍ ശിക്ഷിക്കപ്പെടുമെന്ന് ബി.ജെ.പി നേതാവ് Posted: 03 Jan 2013 10:33 PM PST Image:  ന്യൂദല്‍ഹി: സദാചാരം ലംഘിക്കുന്ന സ്ത്രീകള്‍ ശിക്ഷ അനുഭവിക്കേണ്ടിവരുമെന്ന് ബി.ജെ.പി നേതാവ്. സ്ത്രീകള്‍ക്കെതിരെ നടക്കുന്ന അതിക്രമങ്ങള്‍ക്കെതിരെ രാജ്യം ശക്തമായി പ്രതികരിച്ചുകൊണ്ടിരിക്കെയാണ് വിവാദ പ്രസ്താവനയുമായി ബി.ജെ.പി നേതാവും മധ്യപ്രദേശ് കാബിനറ്റ് മന്ത്രിയുമായ കൈലാഷ് വിജയവര്‍ഗിയ രംഗത്തെത്തിയിരിക്കുന്നത്. സമൂഹത്തില്‍ നിലനില്‍ക്കുന്ന സദാചാരം ലംഘിച്ച് പ്രവര്‍ത്തിക്കുന്ന സ്ത്രീകള്‍ വില നല്‍കേണ്ടി വരുമെന്നും ലക്ഷ്മണരേഖ കടക്കുന്നവരെ രാവണന്‍മാര്‍ എടുത്തുകൊണ്ടുപോകുമെന്നും രാമായണത്തിലെ സീതാപഹരണം ഉദാഹരിച്ചുകൊണ്ട് അദ്ദേഹം അഭിപ്രായപ്പെട്ടു. അതിര്‍ത്തി ലംഘിക്കുന്ന സ്ത്രീ രാവണന്റെ മുന്നില്‍ സ്വയം പ്രതിഷ്ഠിക്കപ്പെടുകയാണെന്നും അതുകൊണ്ട് തന്നെ സീതാപഹരണം പോലെ അവള്‍ ശിക്ഷിക്കപ്പെടുമെന്നും മന്ത്രി പറഞ്ഞു. മന്ത്രിയുടെ സ്ത്രീ വിരുദ്ധ പ്രസ്താവന ബി.ജെ.പി നേതൃത്വത്തിനെ വിവാദത്തിലാക്കിയിരിക്കുകയാണ്. |
| മുഖംമൂടിസംഘം യൂത്ത് കോണ്‍ഗ്രസ് നേതാവിനെ വെട്ടിപ്പരിക്കേല്‍പ്പിച്ചു Posted: 03 Jan 2013 10:28 PM PST പാലാ: കാറിലെത്തിയ മുഖംമൂടിസംഘം യുവാവിനെ വെട്ടിപ്പരിക്കേല്‍പ്പിച്ചു. രാമപുരത്ത് വീട്ടില്‍ ഡോ.ആര്‍.വി.ജോസിന്‍െറ മകനും യൂത്ത് കോണ്‍ഗ്രസ് നേതാവുമായ ആര്‍.വി. ചാക്കോക്കാണ് (28) വെട്ടേറ്റത്. പാലാ ജനറല്‍ ആശുപത്രിയില്‍ പ്രവേശിപ്പിച്ച ഇയാള്‍ ചികിത്സയിലാണ്. |
| കായംകുളം-എറണാകുളം പാത ഇരട്ടിപ്പിക്കല്‍ 2015ല്‍ പൂര്‍ത്തിയാകും :കേന്ദ്രമന്ത്രി Posted: 03 Jan 2013 10:22 PM PST ചെങ്ങന്നൂര്‍: കോട്ടയം വഴിയുള്ള കായംകുളം-എറണാകുളം ഇരട്ടപ്പാത 2015ല്‍ യാഥാര്‍ഥ്യമാക്കുമെന്ന് കേന്ദ്ര റെയില്‍വേ സഹമന്ത്രി കോട്ല ജയസൂര്യപ്രകാശ് റെഡ്ഢി. ഇതിനായി വേണ്ടിവരുന്ന 800 കോടി അടുത്ത രണ്ടുവര്‍ഷത്തെ ബജറ്റുകളില്‍ ഉണ്ടാകേണ്ടതുണ്ട്. കേരളത്തിന്‍െറ പ്രത്യേകത കണക്കിലെടുത്ത് ജനങ്ങളുടെ സുരക്ഷിതത്വം ഉറപ്പാക്കാനുള്ള നടപടി റെയില്‍വേ ക്രോസുകളില്‍ സ്വീകരിക്കുമെന്നും അദ്ദേഹം പറഞ്ഞു. കായംകുളം-ചെങ്ങന്നൂര്‍ ഇരട്ടപ്പാതയുടെ സമര്‍പ്പണം ചെങ്ങന്നൂര്‍ റെയില്‍വേ സ്റ്റേഷനില്‍ നിര്‍വഹിക്കുകയായിരുന്നു അദ്ദേഹം. |
| ഗുണ്ടാസംഘം വീടുകയറി ആക്രമിച്ചു Posted: 03 Jan 2013 10:15 PM PST മട്ടാഞ്ചേരി: കുടുംബ വഴക്കുമായി ബന്ധപ്പെട്ടുണ്ടായ തര്‍ക്കത്തെത്തുടര്‍ന്ന് ബീച്ച് റോഡില്‍ ഗുണ്ടാസംഘം വീടുകയറി ആക്രമിച്ചു. ആക്രമത്തില്‍ പരിക്കേറ്റ വൃദ്ധയടക്കം രണ്ടുപേരെ കരുവേലിപ്പടി മഹാരാജാസ് ആശുപത്രിയില്‍ പ്രവേശിപ്പിച്ചു. ബീച്ച് റോഡ് സൗദി പപ്പങ്ങാമുക്കില്‍ അഞ്ച് തൈക്കല്‍ വീട്ടില്‍ ഗ്രീഫന്‍െറ വീടാണ് പത്തംഗ സംഘം ആക്രമിച്ചത്. സംഭവത്തില്‍ ഗ്രീഫന്‍ (40), മാതാവ് അമ്മിണി (76) എന്നിവരാണ് ആശുപത്രിയില്‍ കഴിയുന്നത്. വ്യാഴാഴ്ച ഉച്ചയോടെയാണ് സംഭവം. സഹോദരന്മാര്‍ തമ്മിലുള്ള വഴിതര്‍ക്കത്തെത്തുടര്‍ന്ന് ഒരു സംഘം ഗുണ്ടകള്‍ ചേര്‍ന്ന് വീട് കയറി കുടുംബാംഗങ്ങളെ മര്‍ദിക്കുകയും വീട് അടിച്ചുതകര്‍ക്കുകയുമായിരുന്നുവെന്ന് ആശുപത്രിയില്‍ കഴിയുന്നവര്‍ പറഞ്ഞു. |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment