കൊറിയന്‍ ഉപ ദ്വീപില്‍ യുദ്ധം ഒഴിവാക്കണമെന്ന് ഫിദല്‍ കാസ്ട്രോ Madhyamam News Feeds |  |
- കൊറിയന്‍ ഉപ ദ്വീപില്‍ യുദ്ധം ഒഴിവാക്കണമെന്ന് ഫിദല്‍ കാസ്ട്രോ
- ആവശ്യപ്പെട്ടാല്‍ സംസ്ഥാനത്തെ പാര്‍ട്ടി പ്രശ്‌നങ്ങളില്‍ ഇടപെടും -ആന്റണി
- ഗാര്‍ഹിക പീഡന പരാതികളുമായി ഭര്‍ത്താക്കന്മാര്‍
- ശ്രീനഗറില്‍ ബ്രിട്ടീഷ് യുവതി മരിച്ച നിലയില്‍; ഡച്ചുകാരന്‍ അറസ്റ്റില്‍
- ഏപ്രില്‍ 10നു ശേഷം വിദേശ എംബസികള്‍ സംരക്ഷിക്കില്ലെന്ന് ഉത്തര കൊറിയ
- 2016ഓടെ ഖത്തര്‍ ഫൗണ്ടേഷനില്‍ 50 ശതമാനം സ്വദേശിവത്കരണം
- അബൂദബിയിലെ സര്‍ക്കാര്‍ സ്ഥാപനങ്ങളില്‍ കൂടുതല്‍ സ്വദേശികളെ നിയമിക്കുന്നു
- കേരളത്തില്‍ നാടകവും സംഗീതവും പരിപോഷിപ്പിക്കപ്പെടുന്നില്ല- സലിംകുമാര്‍
- ഇഖാമ മാറാനുള്ള ശ്രമം ത്വരിതപ്പെടുത്തുക: റിയാദ് ചേംബര്‍
- കണ്ണൂരില്‍ ബോംബ് പൊട്ടി ഒരാള്‍ മരിച്ചു
| കൊറിയന്‍ ഉപ ദ്വീപില്‍ യുദ്ധം ഒഴിവാക്കണമെന്ന് ഫിദല്‍ കാസ്ട്രോ Posted: 06 Apr 2013 12:53 AM PDT Image:  ഹവാന: ദീര്‍ഘ കാല സമാധാന ഉടമ്പടിയില്‍ ഏര്‍പ്പെട്ട് കൊറിയന്‍ ഉപ ദ്വീപില്‍ യുദ്ധം ഒഴിവാക്കണമെന്ന് ക്യൂബന്‍ നേതാവ് ഫിദല്‍ കാസ്ട്രോ ആവശ്യപ്പെട്ടു. യുദ്ധമുണ്ടായാല്‍ ഇരുപക്ഷത്തെയും ജനങ്ങള്‍ ദുരിതത്തിലാകുമെന്നും അതുകൊണ്ട് ആര്‍ക്കും ലാഭമില്ലെന്നും അദ്ദേഹം ക്യൂബന്‍ സ്റ്റേറ്റ് മീഡിയയില്‍ എഴുതി. ഉത്തരകൊറിയ അവരുടെ സാങ്കേതികവും സൈനികപരവുമായ നേട്ടങ്ങള്‍ പ്രദര്‍ശിപ്പിച്ചു. പക്ഷേ ഇനി സ്വന്തം കടമകള്‍ ഓര്‍ക്കേണ്ട സമയമാണ്. യുദ്ധം ഭൂമിയിലെ 70 ശതമാനം ആളുകളെയും ബാധിക്കും. ഉത്തര കൊറിയ എന്നും ക്യൂബയുടെ സുഹൃത്തായിരുന്നു. അതെന്നും അങ്ങിനെ തന്നെ ആയിരിക്കുകയും ചെയ്യും -കാസ്ട്രോ പറഞ്ഞു. യുദ്ധം ഒഴിവാക്കേണ്ട ബാധ്യത അമേരിക്കക്കും ഉണ്ട്. യുദ്ധത്തിന് ചുക്കാന്‍ പിടിച്ചാല്‍ അമേരിക്കന്‍ ചരിത്രത്തിലെ ഏറ്റവും കുടിലനായ പ്രസിഡന്‍റായി ഒബാമ വിലയിരുത്തപ്പെടുമെന്നും അദ്ദേഹം വ്യക്തമാക്കി.  |
| ആവശ്യപ്പെട്ടാല്‍ സംസ്ഥാനത്തെ പാര്‍ട്ടി പ്രശ്‌നങ്ങളില്‍ ഇടപെടും -ആന്റണി Posted: 06 Apr 2013 12:09 AM PDT Image:  കൊച്ചി: കേരളത്തിലെ പാര്‍ട്ടി പ്രശ്‌നങ്ങളില്‍ മുഖ്യമന്ത്രിയും കെ.പി.സി.സി പ്രസിഡന്റും ആവശ്യപ്പെട്ടാല്‍ ഇടപെടുമെന്ന് പ്രതിരോധമന്ത്രി എ.കെ ആന്റണി. സംസ്ഥാനത്തെ പ്രശ്‌നങ്ങള്‍ പരിഹരിക്കാന്‍ ഉമ്മന്‍ചാണ്ടിയും രമേശ് ചെന്നിത്തലയും മതി. അവര്‍ ആവശ്യപ്പെട്ടാല്‍ മാത്രമേ താന്‍ ഇടപെടുകയുള്ളൂവെന്നും അദ്ദേഹം പറഞ്ഞു. കൊച്ചിയില്‍ പാര്‍ട്ടി പരിപാടിയില്‍ സംസാരിക്കുകയായിരുന്നു ആന്റണി. ഗ്രൂപ്പ് നേതാക്കള്‍ ചാനലുകളില്‍ അഭിപ്രായം പറയുന്നത് ഇരിക്കുന്ന കൊമ്പ് മുറിക്കുന്നതിന് തുല്യമാണ്. ഗ്രൂപ്പ് പ്രവര്‍ത്തനങ്ങള്‍ക്ക് ലക്ഷമണരേഖ വേണം. അതിനപ്പുറമുള്ള പ്രവര്‍ത്തനങ്ങളെ ശക്തമായി അടിവരയിട്ട് നിയന്ത്രിക്കണം. ഇപ്പോഴത്തെ കാറ്റിനെയല്ല, കൊടുങ്കാറ്റിനെ അതിജീവിച്ച പാര്‍ട്ടിയാണ് കോണ്‍ഗ്രസ്. ആനക്ക് ആനയുടെ വലിപ്പം അറിയില്ല എന്നു പറയുന്നതു പോലെയാണ് കോണ്‍ഗ്രസിന്റെ കാര്യം. യു.ഡി.എഫിന്റെ നട്ടെല്ല് കോണ്‍ഗ്രസ് ആണ്. കോണ്‍ഗ്രസ് താഴെതട്ടിലുള്ള പ്രവര്‍ത്തനങ്ങള്‍ ശക്തിപ്പെടുത്തണം. കോണ്‍ഗ്രസിന്റെ ജനസമ്പര്‍ക്കം കുറഞ്ഞുവരികയാണ്. ഇതിന് മാറ്റം വരണം. പാര്‍ട്ടി വേദികള്‍ കൂടുതല്‍ വിപുലമാക്കണം. ദേശീയതലത്തില്‍ പാര്‍ട്ടി കടുത്ത വെല്ലുവിളി നേരിടുന്ന സാഹചര്യമാണ്. എന്നിരുന്നാലും കോണ്‍ഗ്രസിന് അതിന്റേതായ പ്രാധാന്യമുണ്ട്. എല്ലാവരെയും ഉള്‍ക്കൊള്ളുന്ന പാര്‍ട്ടിക്ക് മാത്രമേ ഇന്ത്യയില്‍ നിലനില്‍പ്പുള്ളൂവെന്നും ആന്റണി പറഞ്ഞു. ചടങ്ങില്‍ കേന്ദ്രമന്ത്രി വയലാര്‍ രവി, കെ.പി.സി.സി പ്രസിഡന്റ് രമേശ് ചെന്നിത്തല, പത്മജ വേണുഗോപാല്‍, ഹൈബി ഈഡന്‍ എം.എല്‍.എ തുടങ്ങിയവരും പങ്കെടുത്തു.  |
| ഗാര്‍ഹിക പീഡന പരാതികളുമായി ഭര്‍ത്താക്കന്മാര്‍ Posted: 05 Apr 2013 10:51 PM PDT Image:  കോഴിക്കോട്: സ്ത്രീസംരക്ഷണ നിയമങ്ങള്‍ ദുരുപയോഗം ചെയ്യുന്ന ഭാര്യമാര്‍ക്കെതിരെ പരാതി പ്രളയവുമായി പുരുഷന്മാര്‍. ജനമിത്രം ജനകീയ നീതിവേദി കോഴിക്കോട് ശിക്ഷക് സദനില്‍ സംഘടിപ്പിച്ച തെളിവെടുപ്പിലാണ് ‘നല്ല പാതി’ക്കെതിരെ പരാതിക്കെട്ടുകളുമായി ഭര്‍ത്താക്കന്മാരെത്തിയത്. വ്യാജമായി പൊലീസ് സ്റ്റേഷനുകളിലും കുടുംബ കോടതികളിലും നല്‍കിയ സ്ത്രീധന-ഗാര്‍ഹിക പീഡന, സാമ്പത്തിക പീഡന പരാതികളെക്കുറിച്ചാണ് കൂടുതലും പരാതികള്‍ എത്തിയത്. യുവാക്കള്‍ മുതല്‍ മുതിര്‍ന്ന പൗരന്മാര്‍ വരെ പരാതി നല്‍കാനെത്തിയവരില്‍പെടും.  |
| ശ്രീനഗറില്‍ ബ്രിട്ടീഷ് യുവതി മരിച്ച നിലയില്‍; ഡച്ചുകാരന്‍ അറസ്റ്റില്‍ Posted: 05 Apr 2013 10:17 PM PDT Image:  ശ്രീനഗര്‍: വിനോദസഞ്ചാരിയായ ബ്രിട്ടീഷ് യുവതിയെ ശ്രീനഗറിലെ ഹൗസ്‌ബോട്ടില്‍ മരിച്ച നിലയില്‍ കണ്ടെത്തി. സംഭവവുമായി ബന്ധപ്പെട്ട് ഡച്ച് സ്വദേശിയെ പൊലീസ് അറസ്റ്റു ചെയ്തു. ശനിയാഴ്ച രാവിലെയാണ് ഹൗസ്‌ബോട്ടിലെ മുറിയില്‍ 23കാരിയായ യുവതിയുടെ മൃതദേഹം കണ്ടത്. ബോട്ടില്‍ യുവതി താമസിച്ചിരുന്ന മുറിക്ക് സമീപമാണ് ഡച്ചുകാരന്‍ താമസിച്ചിരുന്നത്. ശനിയാഴ്ച രാത്രി ബലപ്രയോഗത്തിലൂടെ യുവതിയുടെ മുറിയില്‍ കടന്ന ഡച്ചുകാരന്‍ യുവതിയെ ആക്രമിക്കുകയായിരുന്നുവെന്ന് പൊലീസ് പറഞ്ഞു. മുറിയുടെ വാതിലുകള്‍ തകര്‍ന്ന നിലയിലായിരുന്നു. യുവതി ലൈംഗികമായി പീഡിപ്പിക്കപ്പെട്ടതായി തെളിഞ്ഞിട്ടുണ്ടെന്നും പൊലീസ് പറഞ്ഞു. സംഭവത്തിന് ശേഷം രാത്രി തന്നെ ബോട്ട് വിട്ട് ഓടിപ്പോയ ഡച്ചുകാരന്‍ പാസ്‌പോര്‍ട്ട് മാത്രമാണ് കൈവശം വെച്ചിരുന്നത്. ഇതാണ് പൊലീസിന് സംശയത്തിനിടയാക്കിയത്. തുടര്‍ന്ന് നടത്തിയ തെരച്ചിലില്‍ പൊലീസ് ഇയാളെ പിടികൂടുകയായിരുന്നു.  |
| ഏപ്രില്‍ 10നു ശേഷം വിദേശ എംബസികള്‍ സംരക്ഷിക്കില്ലെന്ന് ഉത്തര കൊറിയ Posted: 05 Apr 2013 10:16 PM PDT Image:  സോള്‍: രാജ്യത്തെ വിദേശ എംബസികള്‍ ഒഴിപ്പിക്കുമെന്ന് ഉത്തരകൊറിയന്‍ ഔദ്യോഗിക വൃത്തങ്ങള്‍ അറിയിച്ചതായി ചൈനീസ് വാര്‍ത്താ ഏജന്‍സി റിപ്പോര്‍ട്ട് ചെയ്തു. ഏപ്രില്‍ 10നു ശേഷം എംബസികള്‍ സംരക്ഷിക്കില്ലെന്നും നയതന്ത്ര ഉദ്യോഗസ്ഥരുടെ മേല്‍ ഉത്തരവാദിത്വമുണ്ടായിരിക്കില്ലെന്നുമാണ് ഉത്തരകൊറിയയുടെ അറിയിപ്പ്. അതേസമയം, കൊറിയന്‍ മേഖലയില്‍ സംഘര്‍ഷാന്തരീക്ഷം ശക്തമായി തുടരുകയാണ്. ഉത്തര കൊറിയ മിസൈല്‍ വിന്യസിച്ചതായി ദക്ഷിണ കൊറിയന്‍ പ്രതിരോധമന്ത്രി ക്വിം ക്വാന്‍ ജിന്‍ അറിയിച്ചു. മിസൈല്‍ നീക്കത്തിന്‍െറ പിന്നിലെ ലക്ഷ്യമെന്തെന്ന് അറിയില്ലെന്നും പരീക്ഷണാര്‍ഥം വിന്യസിച്ചതാവാമെന്നും അദ്ദേഹം പറഞ്ഞു. ദീര്‍ഘദൂര മിസൈലായ കെ.എന്‍-08 ആണ് വിന്യസിച്ചതെന്ന വാര്‍ത്ത അദ്ദേഹം നിഷേധിച്ചു. മിസൈല്‍ അമേരിക്കയില്‍ എത്താന്‍മാത്രം പര്യാപ്തമല്ലെന്നും ഉത്തര കൊറിയ യുദ്ധത്തിന് സജ്ജമാണെന്ന് കരുതുന്നില്ലെന്നും അദ്ദേഹം വ്യക്തമാക്കി. എന്നാല്‍ 3,000 കി.മീറ്റര്‍ ദൂരപരിധിയുള്ള മിസൈല്‍ ജപ്പാനിലെയും ദക്ഷിണ കൊറിയയിലെയും സൈനികത്താവളങ്ങളെ ലക്ഷ്യമാക്കിയുള്ളതാവാമെന്നും അദ്ദേഹം അഭിപ്രായപ്പെട്ടു. അമേരിക്കക്കെതിരെ ആണവാക്രമണം നടത്തുമെന്ന ഭീഷണി ഉത്തര കൊറിയ കഴിഞ്ഞ ദിവസവും ആവര്‍ത്തിച്ചിരുന്നു. എന്നാല്‍, അമേരിക്കന്‍ സൈനിക കേന്ദ്രങ്ങളില്‍ ആണവാക്രമണമോ മിസൈലാക്രമണമോ നടത്താനുള്ള സാങ്കേതികവിദ്യ ഉത്തര കൊറിയക്കില്ലെന്നായിരുന്നു വിലയിരുത്തല്‍. മധ്യദൂര മിസൈലുകള്‍ ഉത്തര കൊറിയയുടെ കൈവശമുണ്ടെന്ന വാര്‍ത്തകള്‍ പുറത്തുവന്നതോടെ മിസൈല്‍ രക്ഷാകവചങ്ങള്‍ ഒരുക്കുകയാണ് അമേരിക്ക.  |
| 2016ഓടെ ഖത്തര്‍ ഫൗണ്ടേഷനില്‍ 50 ശതമാനം സ്വദേശിവത്കരണം Posted: 05 Apr 2013 10:11 PM PDT Image:  ദോഹ: 2016ഓടെ 50 ശതമാനം സ്വദേശിവത്കരണം എന്ന ലക്ഷ്യം ഖത്തര്‍ ഫൗണ്ടേഷന് കൈവരിക്കുമെന്ന് ഫൗണ്ടേഷനിലെ ഹ്യൂമന്‍ റിസോഴ്സ് ഡയറക്ടറേറ്റ് വൃത്തങ്ങള്‍ അറിയിച്ചു. ഇതോടെ ഫൗണ്ടേഷന് കീഴിലുള്ള മൊത്തം ജീവനക്കാരില്‍ 50 ശതമാനവും സ്വദേശികളായിരിക്കും. ഇതുമായി ബന്ധപ്പെട്ട പ്രവര്‍ത്തനങ്ങള്‍ക്ക് ഡയറക്ടറേറ്റ് ഇതിനകം തുടക്കം കുറിച്ചിട്ടുണ്ട്.  |
| അബൂദബിയിലെ സര്‍ക്കാര്‍ സ്ഥാപനങ്ങളില്‍ കൂടുതല്‍ സ്വദേശികളെ നിയമിക്കുന്നു Posted: 05 Apr 2013 09:47 PM PDT Image:  ദുബൈ: സ്വദേശിവത്കരണം ശക്തമാക്കുന്നതിന്‍െറ ഭാഗമായി അബൂദബിയിലെ സര്‍ക്കാര്‍ സ്ഥാപനങ്ങള്‍ കൂടുതല്‍ സ്വദേശികളെ നിയമിക്കുന്നു. യോഗ്യരായ സ്വദേശികളെ കണ്ടെത്തി പരമാവധി പേര്‍ക്ക് നിയമനം നല്‍കാനുള്ള ശ്രമം പല വകുപ്പുകളും ഏജന്‍സികളും ഊര്‍ജിതമാക്കി. ‘അബ്ഷിര്‍’ പദ്ധതി: ഫെഡറല്‍  |
| കേരളത്തില്‍ നാടകവും സംഗീതവും പരിപോഷിപ്പിക്കപ്പെടുന്നില്ല- സലിംകുമാര്‍ Posted: 05 Apr 2013 09:36 PM PDT Image:  മസ്കത്ത്: സംഗീതനാടക അക്കാദമി ഉണ്ടായിട്ടും കേരളത്തില്‍ നാടകവും സംഗീതവും പരിപോഷിപ്പിക്കപ്പെടുന്നില്ലെന്ന് നടന്‍ സലിംകുമാര്‍. ദല്ലാളന്മാരും ഇടനിലക്കാരുമാണ് നാടകത്തെയും കലകളെയും നശിപ്പിക്കുന്നതെന്നും അദ്ദേഹം പറഞ്ഞു. മസ്കത്ത് നാടകവേദിയുടെ ഉദ്ഘാടനത്തിന് ഒമാനിലെത്തിയ അദ്ദേഹം വാര്‍ത്താസമ്മേളനത്തില്‍ സംസാരിക്കുകയായിരുന്നു.  |
| ഇഖാമ മാറാനുള്ള ശ്രമം ത്വരിതപ്പെടുത്തുക: റിയാദ് ചേംബര്‍ Posted: 05 Apr 2013 09:27 PM PDT Image:  റിയാദ്: അന്യസ്പോണ്‍സറുടെ കീഴില്‍ സ്വകാര്യമേഖലയില്‍ ജോലിയെടുക്കുന്നവര്‍ ഇഖാമ മാറാനുള്ള അവസരം ഉടനടി വിനിയോഗിക്കണമെന്ന് റിയാദ് ചേംബര്‍ ഓഫ് കോമേഴ്സ്. സ്വദേശിവത്കരണവുമായി ബന്ധപ്പെട്ട് കാര്യങ്ങള്‍ ശരിപ്പെടുത്താന്‍ സ്ഥാപനങ്ങള്‍ക്ക് പലവുരു സമയം നീട്ടിക്കൊടുത്തിട്ടുണ്ടെന്നും ഈ രംഗത്ത് ഇനിയും അനിശ്ചിതത്വം തുടരാനാവില്ലെന്നും റിയാദ് ചേംബര്‍ പ്രസിഡന്റ് ഡോ. അബ്ദുറഹ്മാന്‍ അസ്സാമില്‍ പറഞ്ഞു. നിതാഖാത് ഉപാധികള്‍ക്കു വഴങ്ങാന്‍ തയാറാവാത്ത സ്ഥാപനങ്ങളില്‍ നിന്നു ഒളിച്ചോടിപ്പോകുന്ന അനധികൃത തൊഴിലാളികള്‍ക്കു പകരം പുതിയ വിസക്ക് വിദേശികളെ കൊണ്ടുവന്നാണ് സ്പോണ്‍സര്‍മാര്‍ പരിഹാരം കാണുന്നത്. ഇത് പ്രശ്നം കൂടുതല്‍ സങ്കീര്‍ണമാക്കുകയേയുള്ളൂവെന്ന് അബ്ദുറഹ്മാന്‍ അസ്സാമില്‍ ചൂണ്ടിക്കാട്ടി.  |
| കണ്ണൂരില്‍ ബോംബ് പൊട്ടി ഒരാള്‍ മരിച്ചു Posted: 05 Apr 2013 09:25 PM PDT Image:  കണ്ണൂര്‍: മട്ടന്നൂരിനടുത്ത് മരുതായി റോഡില്‍ ബോംബ് പൊട്ടി ആര്‍.എസ്.എസ് പ്രവര്‍ത്തകന്‍ മരിച്ചു. മട്ടന്നൂര്‍ ആമ്പിലാട്ട് വീട്ടില്‍ ദിലീപ് (30) ആണ് മരിച്ചത്. സ്ഫോടക വസ്തുക്കളുമായി ബൈക്കില്‍ സഞ്ചരിക്കുമ്പോഴായിരുന്നു സ്ഫോടനം. സ്ഫോടനത്തില്‍ ഒരാള്‍ക്ക് ഗുരുതരമായി പരിക്കേറ്റു. ശനിയാഴ്ച രാവിലെ 5.30 ഓടെയായിരുന്നു സംഭവം. സ്ഫോടനത്തിന്റെ ശക്തിയില്‍ സമീപത്തെ വീടുകളുടെ ചില്ലുകള്‍ തകര്‍ന്നു. സ്ഫോടക വസ്തുക്കള്‍ എങ്ങോട്ട് കൊണ്ടുപോകുകയായിരുന്നുവെന്നതിനെ സംബന്ധിച്ച് വിവരമൊന്നും ലഭിച്ചിട്ടില്ല. ജില്ലാ പൊലീസ് ചീഫ് രാഹുല്‍ ആര്‍. നായര്‍ അടക്കമുള്ള ഉന്നത പൊലീസ് ഉദ്യോഗസ്ഥര്‍ സ്ഥലത്തെത്തിയിട്ടുണ്ട്.  |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment