സ്വര്‍ണവില വീണ്ടും 20,000ത്തില്‍ Madhyamam News Feeds |  |
- സ്വര്‍ണവില വീണ്ടും 20,000ത്തില്‍
- രാഷ്ട്രീയത്തില്‍ വഴികളടഞ്ഞ് മുശര്‍റഫ്
- പരിയാരം: മുഖ്യമന്ത്രിയുമായി ഭിന്നതയില്ലെന്ന് രമേശ് ചെന്നിത്തല
- ആറുവയസുകാരി മാനഭംഗത്തിനിരയായി കൊല്ലപ്പെട്ട സംഭവം: അലിഗഡില്‍ ശക്തമായ പ്രതിഷേധം
- അല്‍ജസീറ ചലച്ചിത്രമേളക്ക് തിരിതെളിഞ്ഞു
- മനുഷ്യക്കടത്ത് നിയമത്തില്‍ ഭേദഗതി; കുറ്റവാളികള്‍ക്ക് കടുത്ത ശിക്ഷ
- സ്വര്‍ണ വിലയില്‍ ഇടിവ്; അവസരം മുതലാക്കി ഉപഭോക്താക്കള്‍
- പ്രതിസന്ധിക്കിടെ പുതിയ വൈദ്യുതി പദ്ധതികളും നിലച്ചു; ഭാവിയും ഇരുട്ടിലേക്ക്
- ബോസ്റ്റണ്‍ സ്ഫോടനം: ബോംബ് വെച്ചവരുടെ ചിത്രങ്ങള്‍ പുറത്തുവിട്ടു
- മുശര്‍റഫ് അറസ്റ്റില്‍
| സ്വര്‍ണവില വീണ്ടും 20,000ത്തില്‍ Posted: 18 Apr 2013 11:30 PM PDT Image:  കൊച്ചി: ആഗോള വിപണിയില്‍ ഉണ്ടായ തുടര്‍ച്ചയായ ഇടിവിനു ശേഷം സ്വര്‍ണവില വീണ്ടും 20,000 ത്തിലെത്തി. സ്വര്‍ണം പവന് 280 രൂപ വര്‍ധിച്ച് 20,000 രൂപയിലെത്തി. ഗ്രാമിന് 35 രൂപ കൂടി 2,500 രൂപയിലാണ് വ്യാപാരം നടക്കുന്നത്. കഴിഞ്ഞ രണ്ടു ദിവസമായി പവന് 19,720 രൂപയായിരുന്നു സ്വര്‍ണവില. ചൊവ്വാഴ്ച 1000 രൂപ ഇടിഞ്ഞ് 19,800 രൂപയിലെത്തിയ വില ബുധനാഴ്ചയും മാറ്റമില്ലാതെ തുടരുകയായിരുന്നു. ഗ്രാമിന് 2475 രൂപയിലാണ് വ്യാപാരം നടന്നിരുന്നത്.ആഗോളവിപണിയിലുണ്ടായ വന്‍ വിലയിടിവാണ് ആഭ്യന്തരവിപണിയിലും പ്രതിഫലിച്ചത്. തിങ്കളാഴ്ച മാത്രം 400 രൂപ കുറഞ്ഞ് പവന് 20,800 രൂപയായിരുന്നു. നാലു മാസംകൊണ്ട് 3440 രൂപയുടെയും നാലു ദിവസംകൊണ്ട് 1240 രൂപയുടെയും കുറവാണ് സ്വര്‍ണവിലയില്‍ ഉണ്ടായിരിക്കുന്നത്. ശനിയാഴ്ച പവന് 560 രൂപ കുറഞ്ഞിരുന്നു. കഴിഞ്ഞവര്‍ഷം നവംബര്‍ 27ന് പവന് 24,540 രൂപയിലെത്തിയതാണ് കേരളത്തില്‍ സ്വര്‍ണത്തിന്റെ ഏറ്റവും ഉയര്‍ന്ന വില.
 |
| രാഷ്ട്രീയത്തില്‍ വഴികളടഞ്ഞ് മുശര്‍റഫ് Posted: 18 Apr 2013 11:19 PM PDT Image:  ഇസ്ലാമാബാദ്: അധികാരത്തിലേക്കുള്ള വഴിയില്‍ തനിക്കു പരിചയമില്ലാത്ത തെരഞ്ഞെടുപ്പും ജനാധിപത്യവും ഒന്നു പരീക്ഷിച്ചുനോക്കാമെന്നു വെച്ച് നാലു വര്‍ഷത്തെ സ്വയം വരിച്ച പ്രവാസം അവസാനിപ്പിച്ച് മടങ്ങിയെത്തിയ പര്‍വേസ് മുശര്‍റഫിന്‍െറ സ്വപ്നങ്ങള്‍ക്ക് ഏറ്റവുമൊടുവില്‍ ഇസ്ലാമാബാദ് ഹൈകോടതിയും കൂച്ചുവിലങ്ങിട്ടിരിക്കുകയാണ്. 1999ല്‍ സൈനിക അട്ടിമറിയിലൂടെ അധികാരം പിടിച്ചടക്കി പാകിസ്താനില്‍ ചരിത്രം ആവര്‍ത്തിച്ച മുശര്‍റഫ് ഒരു പതിറ്റാണ്ടോളം നീണ്ട ഭരണത്തിനൊടുവില്‍ 2008ലാണ് അധികാരമൊഴിയുന്നത്. തുടര്‍ന്ന് ലണ്ടനിലേക്ക് നാടുവിട്ട അദ്ദേഹം മാസങ്ങള്‍ക്കു മുമ്പ് ദുബൈയിലെത്തി പ്രാഥമിക രാഷ്ട്രീയ പ്രവര്‍ത്തനങ്ങള്‍ക്കു തുടക്കം കുറിച്ചിരുന്നു. നേരത്തെയുള്ള കേസുകളില്‍ അറസ്റ്റു ചെയ്യില്ലെന്ന ഉറപ്പിന്മേല്‍ കറാച്ചിയില്‍ വിമാനമിറങ്ങിയ അദ്ദേഹത്തോടു പക്ഷേ, ഒരു കോടതിയും കനിഞ്ഞില്ല. മേയ് 11ന് നടക്കുന്ന തെരഞ്ഞെടുപ്പില്‍ മത്സരിക്കാനായി നാലിടത്തു നല്‍കിയ അപേക്ഷകളൊക്കെയും തള്ളി. അതിനിടെയാണ് വ്യാഴാഴ്ച ഹൈകോടതി അദ്ദേഹത്തിന്‍െറ ജാമ്യാപേക്ഷയും തള്ളി അറസ്റ്റിന് ഉത്തരവിട്ടതും വെള്ളിയാഴ്ച പുലര്‍ച്ചെ അറസ്റ്റിലാകുന്നതും. 1943 ആഗസ്റ്റ് 11ന് ദല്‍ഹിയില്‍ ജനിച്ച മുശര്‍റഫ് 1964ലാണ് പാക് സൈന്യത്തിലെത്തിയത്. വളരെ പെട്ടെന്ന് ഉയരങ്ങള്‍ കീഴടക്കിയ അദ്ദേഹം 1998 ഒക്ടോബറില്‍ സൈനിക മേധാവിയായി ഉയര്‍ന്നു. 2007 നവംബര്‍ മുതല്‍ 2001 വരെ പാക് സായുധ സേനാ ജോയന്‍റ് ചീഫ്സ് ഓഫ് സ്റ്റാഫ് ചെയര്‍മാനായിരുന്നു. നവാസ് ശരീഫ് പ്രധാനമന്ത്രിയായിരിക്കെ നടന്ന കാര്‍ഗില്‍ യുദ്ധത്തിന്‍െറ പ്രധാന ബുദ്ധികേന്ദ്രവും മറ്റാരുമായിരുന്നില്ല. ഇതിനു ശേഷമാണ് ശരീഫിനെ വീട്ടുതടങ്കലിലാക്കി മുശര്‍റഫ് അധികാരം പിടിച്ചെടുത്തത്. എല്ലാം അവസാനിച്ച് 2008ല്‍ രാജ്യം വിട്ട അദ്ദേഹം ഒരിക്കല്‍ക്കൂടി അധികാരം സ്വപ്നം കണ്ടാണ് താലിബാന്‍െറ വധഭീഷണി അവഗണിച്ച് മാര്‍ച്ച് 24ന് വീണ്ടുമെത്തിയത്. ബേനസീര്‍ ഭുട്ടോയുടെ വധത്തില്‍ അദ്ദേഹത്തിന് പങ്കുണ്ടെന്നതുള്‍പ്പെടെ ആരോപണങ്ങള്‍ ശക്തമാണെന്നതിനാല്‍ അന്വേഷണങ്ങളുടെ ചുഴിയില്‍പെടുന്ന മുശര്‍റഫിന്‍െറ ഭാവി ഇനി കണ്ടറിയണം.  |
| പരിയാരം: മുഖ്യമന്ത്രിയുമായി ഭിന്നതയില്ലെന്ന് രമേശ് ചെന്നിത്തല Posted: 18 Apr 2013 11:17 PM PDT Image:  കാസര്‍കോട്: പരിയാരം മെഡിക്കല്‍ കോളജ് ഏറ്റെടുക്കുന്ന കാര്യത്തില്‍ മുഖ്യമന്ത്രി ഉമ്മന്‍ചാണ്ടിയുമായി അഭിപ്രായ ഭിന്നതയില്ലെന്ന് കെ.പി.സി.സി പ്രസിഡന്റ് രമേശ് ചെന്നിത്തല. വിഷയത്തില്‍ താനും മുഖ്യമന്ത്രിയും പറഞ്ഞത് ഒന്നുതന്നെയാണ്. പരിയാരം ഏറ്റെടുക്കുമ്പോള്‍ എം.വി രാഘവന്റെ അഭിപ്രായം കൂടി മാനിക്കണമെന്ന് മാത്രമാണ് താന്‍ പറഞ്ഞത്. മന്ത്രിസഭ സ്വീകരിച്ച നിലപാട് മരവിപ്പിക്കണമെന്ന് പറഞ്ഞിട്ടില്ല. മന്ത്രിസഭാ തീരുമാനം മാറ്റാന്‍ പറയാന്‍ തനിക്ക് അധികാരമില്ലെന്നും അദ്ദേഹം പറഞ്ഞു. എല്ലാവരുടെയും അഭിപ്രായം പരിഗണിക്കുമെന്ന രീതിയില്‍ ചാനലുകളോടാണ് ഇതു പറഞ്ഞത്. പക്ഷേ, പ്രമുഖ പത്രങ്ങളില്‍ അടിച്ചു വന്നത് മറ്റൊന്നാണ്. താന്‍ പറഞ്ഞതിന്റെ വീഡിയോ ക്ലിപ്പുകള്‍ വേണമെങ്കില്‍ പരിശോധിക്കാമെന്നും രമേശ് ചെന്നിത്തല കൂട്ടിച്ചേര്‍ത്തു. കേരള സന്ദേശ യാത്രക്കിടെ കാസര്‍കോട് ഡി.സി.സി ഓഫീസില്‍ മാധ്യമ പ്രവര്‍ത്തകരോടു സംസാരിക്കുകയായിരുന്നു അദ്ദേഹം.
 |
| ആറുവയസുകാരി മാനഭംഗത്തിനിരയായി കൊല്ലപ്പെട്ട സംഭവം: അലിഗഡില്‍ ശക്തമായ പ്രതിഷേധം Posted: 18 Apr 2013 11:08 PM PDT Image:  ലഖ്നോ: അലിഗഡില്‍ ആറുവയസുകാരി മാനഭംഗത്തിനിരയായി കൊല്ലപ്പെട്ട സംഭവത്തില്‍ പ്രതിഷേധം വ്യാപകം. സംഭവത്തില്‍ പൊലീസിന്റെ നിഷ്ക്രിയത്വം ആരോപിച്ച് പ്രതിഷേധവുമായി റോഡിലിറങ്ങിയ സ്ത്രീകളെയും കുട്ടികളെയും പൊലീസ് തല്ലിച്ചതച്ചു. കൊല്ലപ്പെട്ട പെണ്‍കുട്ടിയുടെ മാതാവിനെ പൊലീസ് തല്ലുകയും റോഡിലൂടെ വലിച്ചിഴക്കുകയും ചെയ്യുന്ന രംഗങ്ങള്‍ പ്രാദേശിക വാര്‍ത്താ ചാനലുകള്‍ പുറത്തു വിട്ടു. വ്യാഴാഴ്ച രാവിലെയാണ് പെണ്‍കുട്ടിയുടെ മൃതദേഹം ചവറുകുനക്കു സമീപം കണ്ടെത്തിയത്. പോസ്റ്റ്മോര്‍ട്ടം റിപ്പോര്‍ട്ടില്‍ പെണ്‍കുട്ടി മാനഭംഗത്തിനിരയായതായി തെളിഞ്ഞിരുന്നു. സംഭവത്തില്‍ പൊലീസിന്റെ ഭാഗത്തുനിന്നുണ്ടായ വീഴ്ചക്കെതിരെ പ്രതിഷേധവുമായി എത്തിയ പ്രദേശവാസികളെ പൊലീസ് തല്ലിച്ചതക്കുകയായിരുന്നു. ലാത്തി ചാര്‍ജില്‍ 30 ഓളം പേര്‍ക്ക് പരിക്കേറ്റു. പ്രക്ഷോഭകര്‍ പൊലീസിനുനേരെ കല്ലെറിഞ്ഞപ്പോഴാണ് ലാത്തി വീശിയതെന്ന് പൊലീസ് പറഞ്ഞു. പൊലീസിന്റെ ക്രൂരമായ നടപടിക്കെതിരെ വീണ്ടും പ്രതിഷേധം ശക്തമായതിനെ തുടര്‍ന്ന് പെണ്‍കുട്ടിയുടെ മാതാവിനോട് മോശമായി പെരുമാറിയ പൊലീസുകാരനെയും പ്രതിഷേധക്കാരെ മര്‍ദിച്ച സര്‍ക്കിള്‍ ഓഫീസര്‍ ഉള്‍പ്പെടെ രണ്ട് പൊലീസുകാരെയും സസ്പെന്‍ഡ് ചെയ്തു.
 |
| അല്‍ജസീറ ചലച്ചിത്രമേളക്ക് തിരിതെളിഞ്ഞു Posted: 18 Apr 2013 10:24 PM PDT Image:  ദോഹ: ഒമ്പതാമത് അല്‍ജസീറ അന്താരാഷ്ട്ര ഡോക്യുമെന്‍ററി ചലച്ചിത്രമേളക്ക് ദോഹ ഷെറാട്ടണ്‍ ഹോട്ടലില്‍ തിരിതെളിഞ്ഞു. ഷെറാട്ടണലിലെ മജ്ലിസ് ഹാളില്‍ ലോകത്തിന്‍െറ വിവിധ ഭാഗങ്ങളില്‍ നിന്നുള്ള ചലച്ചിത്രപ്രതിഭകള്‍ തിങ്ങിനിറഞ്ഞ പ്രൗഢഗംഭീരമായ ചടങ്ങിലായിരുന്നു ഉദ്ഘാടനം. ഇനിയുള്ള നാല് നാളുകള്‍ ലോകസിനിമയുടെ വൈവിധ്യം നിറഞ്ഞ കാഴ്ചകളും അറബ്ലോകത്തിന്‍െറ ആത്സംഘര്‍ഷങ്ങള്‍ അഭ്രപാളികളില്‍ കോറിയിട്ട ചലച്ചിത്രവിസ്മയങ്ങളും ദോഹയുടെ പ്രേക്ഷകസമൂഹത്തിന് വിരുന്നൂട്ടും. ഉദ്ഘാടന ചടങ്ങില്‍ ഖത്തര്‍, കലാ, സാംസ്കാരിക, പൈതൃക വകുപ്പ് മന്ത്രി ഡോ. ഹമദ് ബിന്‍ അബ്ദുല്‍അസീസ് അല്‍കുവാരിയടക്കമുള്ള പ്രമുഖവും അല്‍ജസീറ നെറ്റ്വര്‍ക്കിലെ ഉന്നതോദ്യേഗസ്ഥരും പങ്കെടുത്തു. അല്‍ജസീറ നെറ്റ്വര്‍ക്ക് ഡയറക്ടര്‍ബോര്‍ഡ് ചെയര്‍മാന്‍ ഹമദ് ബിന്‍ ഥാമിര്‍ ആല്‍ഥാനി ഉദ്ഘാടനപ്രസംഗം നിര്‍വ്വഹിച്ചു. സിറിയയില്‍ കൊല്ലപ്പെട്ട അല്‍ജസീറ ലേഖകന്‍ മുഹമ്മദ് അല്‍ മുസല്ലമാനിയുടെ കുടുംബത്തെ ചടങ്ങില്‍ ആദരിച്ചു. തുടര്‍ന്ന് ഉദ്ഘാടന ചിത്രമായി ചൈനീസ് സംവിധായകനായ ഴീ ഴാങിന്‍െറ ‘അപ്പേയ്ന്‍റ്മെന്‍റ്’ നിറഞ്ഞ സദസ്സില്‍ പ്രദര്‍ശിപ്പിച്ചു. മേളയുടെ ഔചാരിക ഉദ്ഘാടനം വൈകിട്ടായിരുന്നെങ്കിലും പ്രദര്‍ശനം രാവിലെ ഒമ്പത് മണിമുതല്‍ ഷെറാട്ടണിലെ വിവിധ ഹാളുകളില്‍ ആരംഭിച്ചിരുന്നു. ന്യൂ ഹൊറൈസണ്‍ വിഭാഗത്തിലുള്ള ചിത്രങ്ങളാണ് ഇന്നലെ കൂടുതലും പ്രദര്‍ശിപ്പിച്ചത്. വിവിധ രാജ്യങ്ങളില്‍ നിന്നായി 300 പ്രതിനിധികള്‍ നാല് ദിവസത്തെ മേളയില്‍ പങ്കെടുക്കും. ചൈനീസ് ചലച്ചിത്രങ്ങളുടെയും ചലച്ചിത്രപ്രവര്‍ത്തകരുടെയും ശ്രദ്ധയമായ സാന്നിധ്യം ഇത്തവണത്തെ മേളയിലുണ്ട്.  |
| മനുഷ്യക്കടത്ത് നിയമത്തില്‍ ഭേദഗതി; കുറ്റവാളികള്‍ക്ക് കടുത്ത ശിക്ഷ Posted: 18 Apr 2013 10:21 PM PDT Image:  ദുബൈ: മനുഷ്യക്കടത്ത് തടയാന്‍ രാജ്യത്ത് നടപടി ശക്തമാക്കുന്നു. ഇതിന്‍െറ ഭാഗമായി മനുഷ്യക്കടത്ത് സംബന്ധിച്ച നിയമത്തില്‍ ഭേദഗതികള്‍ വരുത്തും. കുറ്റവാളികള്‍ക്ക് വധശിക്ഷ വരെ ലഭിക്കാവുന്ന കടുത്ത വകുപ്പുകള്‍ ഉള്‍പ്പെടുത്തിയാണ് ഭേദഗതി. അതേസമയം, മനുഷ്യക്കടത്തിന് ഇരകളാകുന്നവരെ സഹായിക്കാന്‍ പ്രത്യേക ഫണ്ട് രൂപവത്കരിക്കാനും തീരുമാനിച്ചു.  |
| സ്വര്‍ണ വിലയില്‍ ഇടിവ്; അവസരം മുതലാക്കി ഉപഭോക്താക്കള്‍ Posted: 18 Apr 2013 10:13 PM PDT Image:  മസ്കത്ത്: വിലയില്‍ അപ്രതീക്ഷിതമായി ഇടിവു വന്നതോടെ സ്വര്‍ണത്തിന് വിപണിയില്‍ ആവശ്യക്കാരേറുന്നു. കഴിഞ്ഞ ഒരാഴ്ചക്കിടെ അന്താരാഷ്ട്ര വിപണിയില്‍ സ്വര്‍ണ വില കുത്തനെ കുറഞ്ഞതാണ് ഇടപാടുകാരുടെ എണ്ണം വര്‍ധിക്കാനിടയാക്കിയത്. മസ്കത്തിലുള്ള വിവിധ ജ്വല്ലറികളിലെ വില്‍പ്പനക്കനുസരിച്ച് സ്റ്റോക്ക് ചെയ്യാന്‍ കഴിയാത്തത് വ്യാപാരികളെ പ്രതിസന്ധിയിലാക്കിയിട്ടുണ്ട്. വില കുറഞ്ഞതോടെ ആഭരണം വാങ്ങാന്‍ ഉപഭോക്താക്കള്‍ കൂട്ടമായി എത്തുന്നത് മിക്ക ജ്വല്ലറികളിലെയും സ്റ്റോക്കിനെ ബാധിച്ചു തുടങ്ങിയിരിക്കുന്നു. ആഭരണങ്ങള്‍, സ്വര്‍ണ കട്ടി, നാണയങ്ങള്‍ എന്നിവ കിലോ കണക്കിന് ഉപഭോക്താക്കള്‍ കൊണ്ടുപോകുന്നതാണ് സ്റ്റോക്കില്‍ കുറവു വരാന്‍ കാരണമെന്ന് പ്രമുഖ ജ്വല്ലറികള്‍ പറയുന്നു. ഒരു ഗ്രാം സ്വര്‍ണം 20ഉം 21ഉം റിയാലിന് വിറ്റിരുന്ന സ്ഥാനത്ത് 16 റിയാലിനൊക്കെയാണ് ഇപ്പോള്‍ നല്‍കികൊണ്ടിരിക്കുന്നത്.  |
| പ്രതിസന്ധിക്കിടെ പുതിയ വൈദ്യുതി പദ്ധതികളും നിലച്ചു; ഭാവിയും ഇരുട്ടിലേക്ക് Posted: 18 Apr 2013 09:22 PM PDT Image:  ആലുവ: വൈദ്യുതി പ്രതിസന്ധി രൂക്ഷമായിരിക്കെ സംസ്ഥാനത്ത് പുതിയ പദ്ധതികളുടെ നിര്‍മാണവും നിലച്ചു. നിര്‍മാണത്തിലിരിക്കുന്ന ഏഴ് വലിയ പദ്ധതികളില്‍ ആറും വിവിധ കാരണങ്ങളാല്‍ മുടങ്ങിയിരിക്കുകയാണ്. സംസ്ഥാനത്തിന്‍െറ ഭാവി വൈദ്യുതി പ്രതീക്ഷകള്‍ക്കും മങ്ങലേല്‍ക്കുന്ന സ്ഥിതിവിശേഷമാണ് ഇതുണ്ടാക്കിയിട്ടുള്ളത്. വന്‍കിട പദ്ധതികള്‍ പാരിസ്ഥിതിക കുരുക്കിലായതോടെ ചെറുകിട-ഇടത്തരം പദ്ധതികള്‍ക്ക് പ്രാമുഖ്യം നല്‍കി നിര്‍മാണം തുടങ്ങിയവയാണ് പാതിവഴിയില്‍ നിലച്ചത്. 3000 കോടി മുതല്‍മുടക്കുള്ള നിര്‍ദിഷ്ട പദ്ധതികളില്‍ 2250 കോടിയുടേതാണ് നിര്‍മാണം സ്തംഭിച്ചത്. പള്ളിവാസല്‍ വിപുലീകരണം, തൊട്ടിയാര്‍, ചെങ്കുളം ഓഗെമന്റേന്‍, ചിമ്മിനി, പെരുന്തേനരുവി, വെള്ളത്തൂവല്‍ എന്നിവയാണ് നിര്‍മ്മാണത്തിലിരിക്കെ മൂന്നാഴ്ചക്കിടെ മുടങ്ങിയ പദ്ധതികള്‍. ഭൂതത്താന്‍കെട്ട്, പെരിങ്ങല്‍കൂത്ത്,  |
| ബോസ്റ്റണ്‍ സ്ഫോടനം: ബോംബ് വെച്ചവരുടെ ചിത്രങ്ങള്‍ പുറത്തുവിട്ടു Posted: 18 Apr 2013 09:09 PM PDT Image:  വാഷിംഗ്ടണ്‍: ബോസ്റ്റണ്‍ മാരത്തണിനിടെ ഇരട്ട സ്ഫോടനം നടത്തിയവരുടെ ചിത്രങ്ങള്‍ എഫ്.ബി.ഐ പുറത്തു വിട്ടു. കുറ്റവാളികളെ കണ്ടെത്താന്‍ പൊതുജനത്തിന്‍െറ സഹായം അഭ്യര്‍ത്ഥിച്ചാണ് ചിത്രങ്ങള്‍ പുറത്തു വിട്ടിരിക്കുന്നത്. മാരത്തണിന്റെ ഫിനിഷിങ് ലൈനിന് സമീപത്തുള്ള നിരീക്ഷണ കാമറയില്‍ പതിഞ്ഞ ദൃശ്യങ്ങളാണ് പുറത്തു വിട്ടത്. കൂടാതെ വ്യത്യസ്ത ദിശകളില്‍ നിന്നുള്ള 30 സെക്കന്‍ഡ് ദൈര്‍ഘ്യമുള്ള വീഡിയോയും എഫ്.ബി.ഐ പുറത്തു വിട്ടിട്ടുണ്ട്. സ്ഫോടനം നടന്ന സ്ഥലങ്ങളില്‍ ബാഗുമായെത്തിയ രണ്ടു പേരുടെ ചിത്രങ്ങളാണിത്. രണ്ടു പേരുടെയും ചുമലില്‍ ബാഗുണ്ട്. ഈ ബാഗുകളില്‍ ബോംബായിരുന്നുവെന്നാണ് കരുതുന്നത്. സംഭവ സ്ഥലത്ത് ഒരാള്‍ ബാഗ് ഉപേക്ഷിക്കുന്ന ദൃശ്യം ലഭിച്ചിട്ടുണ്ടെന്ന് ബോസ്റ്റണ്‍ സിറ്റി കൗണ്‍സില്‍ പ്രസിഡന്റ് സ്റ്റീഫന്‍ മര്‍ഫി കഴിഞ്ഞ ദിവസം അറിയിച്ചിരുന്നു. ബോസ്റ്റണ്‍ മാരത്തണിനിടെ ഞായറാഴ്ചയുണ്ടായ ഇരട്ട സ്ഫോടനത്തില്‍ മൂന്നു പേര് കൊല്ലപ്പെടുകയും 170ലേറെ പേര്‍ക്ക് പരിക്കേല്‍ക്കുകയും ചെയ്തു. ഇതില്‍ മൂന്നു കുട്ടികള്‍ ഉള്‍പ്പെടെ 14 പേരുടെ നില ഗുരുതരമായി തുടരുകയാണ്.  |
| Posted: 18 Apr 2013 08:47 PM PDT Image:  ഇസ്ലാമാബാദ്: ജഡ്ജിമാരെ അന്യായമായി തടവിലിട്ട കേസില്‍ പാകിസ്താന്‍ മുന്‍ പ്രസിഡന്‍്റ് പര്‍വേസ് മുശര്‍റഫിനെ അറസ്റ്റ് ചെയ്തു. കോടതിയില്‍ ഹാജരാക്കിയ അദ്ദേഹത്തെ ജുഡീഷ്യല്‍ കസ്റ്റഡിയില്‍ വിട്ടു.കേസില്‍ മുശര്‍റഫിന്‍െറ ജാമ്യ ഹരജി തള്ളിയ ഹൈകോടതി വ്യാഴാഴ്ച അദ്ദേഹത്തെ അറസ്റ്റ് ചെയ്യാന്‍ ഉത്തരവിട്ടിരുന്നു. എന്നാല്‍, കോടതിവിധി വന്നതോടെ മുശറര്‍ഫ് ഇസ്ലാമാബാദിലെ തന്റെ ഫാം ഹൗസിലേക്ക് മുങ്ങുകയായിരുന്നു. ഫാം ഹൗസില്‍ വെച്ച് വെള്ളിയാഴ്ച രാവിലെയാണ് മുശര്‍റഫിനെ അറസ്റ്റ് ചെയ്തത്. സബ്ജയില്‍ എന്ന പരിഗണന നല്‍കി ഫാം ഹൗസില്‍ തന്നെയാകും മുശര്‍റഫിനെ പാര്‍പ്പിക്കുക. 2007 നവംബര്‍ മൂന്നിനു പാകിസ്താനില്‍ അടിയന്തരാവസ്ഥ പ്രഖ്യാപിച്ച ശേഷം സുപ്രീംകോടതി ചീഫ് ജസ്റ്റിസ് ഇഫ്തികാര്‍ മുഹമ്മദ് ചൗധരി ഉള്‍പ്പെടെ 60ലധികം ജഡ്ജിമാരെ തടവിലിട്ട കേസിലാണ് മുശര്‍റഫിനെതിരെ നടപടി. കേസില്‍ മുശര്‍റഫ് കുറ്റക്കാരനാണെന്ന് കോടതി നേരത്തെ കണ്ടെത്തിയിരുന്നു. ഹൈകോടതി ഉത്തരവിനെതിരെ സുപ്രീംകോടതിയില്‍ അപ്പീല്‍ നല്‍കുമെന്ന് മുശ്റഫിന്റെ അഭിഭാഷകര്‍ അറിയിച്ചു. നാലു വര്‍ഷമായി വിദേശത്തായിരുന്നു മുശര്‍റഫ് കഴിഞ്ഞ മാസമാണ് തിരഞ്ഞെടുപ്പില്‍ മത്സരിക്കാന്‍ പാകിസ്താനില്‍ തിരിച്ചത്തെിയത്. മെയ് 11ന് നടക്കുന്ന പൊതുതെരഞ്ഞെടുപ്പില്‍ ആള്‍ പാര്‍ട്ടി മുസ്ലിം ലീഗിനെ നയിക്കുന്ന അദ്ദഹേം കറാച്ചി, ഇസ്ലാമാബാദ്, ചിത്രാല്‍, കസൂര്‍ എന്നീ മണ്ഡലങ്ങളില്‍ നാമനിര്‍ദ്ദശേ പത്രിക നല്‍കിയിരുന്നു. എന്നാല്‍, മുഴുവന്‍ പത്രികയും തള്ളിയതോടെ കഴിഞ്ഞദിവസം അദ്ദഹേം തെരഞ്ഞെടുപ്പ് ഗോദയില്‍ നിന്ന് പുറത്തായിരുന്നു.
 |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment