കൊടുവള്ളിയില്‍ യൂത്ത്ലീഗ്-യൂത്ത് കോണ്‍ഗ്രസ് പ്രവര്‍ത്തകര്‍ ഏറ്റുമുട്ടി Madhyamam News Feeds |  |
- കൊടുവള്ളിയില്‍ യൂത്ത്ലീഗ്-യൂത്ത് കോണ്‍ഗ്രസ് പ്രവര്‍ത്തകര്‍ ഏറ്റുമുട്ടി
- രമേശ് ചെന്നിത്തല എം.വി.ആറുമായി കൂടിക്കാഴ്ച നടത്തി
- സഞ്ജയ് ദത്തിനു കീഴടങ്ങാന്‍ നാലാഴ്ച കൂടി സമയം അനുവദിച്ചു
- ബംഗളൂരുവില്‍ ബി.ജെ.പി ഓഫീസിനു മുന്നില്‍ സ്ഫോടനം; 16 പേര്‍ക്ക് പരിക്ക്
- ഗുജറാത്ത് വംശഹത്യ: കോഡ്നാനിക്ക് വധശിക്ഷ നല്‍കണമെന്ന് ആവശ്യപ്പെടും
- ഭൂചലനം: പരിഭ്രാന്തിയുടെ പകല്‍
- സ്വദേശിവത്കരണം: തൊഴില്‍ മന്ത്രാലയത്തിന് ശൂറയുടെ വിമര്‍ശം
- പാകിസ്താനില്‍ എ.എന്‍.പി റാലിക്കിടെ സ്ഫോടനം; 16 മരണം
- രാഷ്ട്രീയത്തിന്‍െറ ബലക്ഷയം
| കൊടുവള്ളിയില്‍ യൂത്ത്ലീഗ്-യൂത്ത് കോണ്‍ഗ്രസ് പ്രവര്‍ത്തകര്‍ ഏറ്റുമുട്ടി Posted: 17 Apr 2013 12:01 AM PDT കൊടുവള്ളി: യൂത്ത് കോണ്‍ഗ്രസ് സംഘടനാ തെരഞ്ഞെടുപ്പ് നടക്കുന്നതിനിടെ കൊടുവള്ളിയില്‍ മുസ്ലിം യൂത്ത്ലീഗ്-യൂത്ത്കോണ്‍ഗ്രസ് പ്രവര്‍ത്തകര്‍ ഏറ്റുമുട്ടി. ചൊവ്വാഴ്ച വൈകുന്നേരം മൂന്നു മണിയോടെയാണ് സംഭവം. യൂത്ത്കോണ്‍ഗ്രസ് തെരഞ്ഞെടുപ്പ് നടക്കുന്ന കൊടുവള്ളി പഞ്ചായത്ത് കമ്യൂണിറ്റി ഹാള്‍ പരിസരത്ത് രാവിലെ മുതല്‍തന്നെ വിവിധ ഗ്രൂപ്പുകാര്‍ തമ്മില്‍ വാക്കേറ്റങ്ങള്‍ നടന്നിരുന്നു. ഗ്രൂപ് അടിസ്ഥാനത്തില്‍ പ്രവര്‍ത്തകര്‍ സംഘടിച്ചതോടെ പ്രശ്നം വഷളാവുമെന്ന് തോന്നിച്ചെങ്കിലും മുതിര്‍ന്ന നേതാക്കള്‍ ഇടപെട്ട് ശാന്തമാക്കുകയായിരുന്നു. വൈകുന്നേരം മൂന്നു മണിയോടെ തെരഞ്ഞെടുപ്പ് പ്രക്രിയ അവസാന ഘട്ടത്തിലെത്തിനില്‍ക്കേ പോളിങ് സ്റ്റേഷന്‍ പരിസരത്തുള്ള എം.എല്‍.എ ഓഫിസിലേക്ക് പോവുകയായിരുന്ന യൂത്ത്ലീഗ് മണ്ഡലം സെക്രട്ടറി ഹാരിസ് അമ്പായത്തോടിനെ ഒരുവിഭാഗം യൂത്ത്കോണ്‍ഗ്രസ് പ്രവര്‍ത്തകര്‍ കൈയേറ്റം ചെയ്യാന്‍ ശ്രമിച്ചു. യൂത്ത്കോണ്‍ഗ്രസ് മണ്ഡലം പ്രസിഡന്റ് സി.കെ. ജലീലിനെ യൂത്ത്ലീഗുകാര്‍ ആക്രമിച്ചെന്നാരോപിച്ചായിരുന്നു ഇത്.  |
| രമേശ് ചെന്നിത്തല എം.വി.ആറുമായി കൂടിക്കാഴ്ച നടത്തി Posted: 16 Apr 2013 11:43 PM PDT Image:  കണ്ണൂര്‍: പരിയാരം മെഡിക്കല്‍ കോളജ് ഏറ്റെടുക്കല്‍ വിഷയത്തിലടക്കം ഉടക്കി നില്‍ക്കുന്ന സി.എം.പിയെ അനുനയിപ്പിക്കാനായി കെ.പി.സി.സി പ്രസിഡന്റ് രമേശ് ചെന്നിത്തല എം.വി.രാഘവനുമായി കൂടിക്കാഴ്ച നടത്തി. കണ്ണൂരിലെ എം.വിആറിന്റെ വസതിയില്‍ നടന്ന കൂടിക്കാഴ്ച 15 മിനിറ്റോളം നീണ്ടു. എം.വി.ആറുമായി കൂടിയാലോചിച്ച് മാത്രമേ പരിയാരം മെഡിക്കല്‍ കോളജ് ഏറ്റെടുക്കുന്ന കാര്യത്തില്‍ സര്‍ക്കാര്‍ അന്തിമതീരുമാനം എടുക്കുകയുള്ളൂവെന്ന് കൂടിക്കാഴ്ചയില്‍ ചെന്നിത്തല എം.വി.ആറിനെ അറിയിച്ചു. പരിയാരം ഏറ്റെടുക്കുന്ന വിഷയത്തില്‍ സി.എം.പി പ്രതിനിധികള്‍ യു.ഡി.എഫ് യോഗത്തില്‍ എതിര്‍പ്പ് രേഖപ്പെടുത്തിയിരുന്നു. ബോര്‍ഡ്-കോര്‍പറേഷന്‍ വിഭജനത്തിലും സി.എം.പിക്ക് അഭിപ്രായ വ്യത്യാസമുണ്ടായിരുന്നു. ഇക്കാര്യവും കൂടിക്കാഴ്ചയില്‍ ചര്‍ച്ചയായെന്നാണ് അറിയുന്നത്. കഴിഞ്ഞ ദിവസം നടന്ന യു.ഡി.എഫ് യോഗത്തിലെ തീരുമാനങ്ങള്‍ എം.വി.ആറിനെ അറിയിക്കാനാണ് എത്തിയതെന്ന് കൂടിക്കാഴ്ചക്ക് ശേഷം ചെന്നിത്തല മാധ്യമങ്ങളോട് പറഞ്ഞു. സി.എം.പിയുമായുള്ള പ്രശ്‌നങ്ങള്‍ പറഞ്ഞു തീര്‍ക്കുമെന്നും എം.വി.ആര്‍ മുന്നണി വിടുമെന്ന് കരുതുന്നില്ലെന്നും അദ്ദേഹം കൂട്ടിച്ചേര്‍ത്തു. ചില അഭിപ്രായ വ്യത്യാസങ്ങള്‍ നില നില്‍ക്കുന്നുണ്ടെന്നും എന്നാല്‍ യു.ഡി.എഫുമായി തര്‍ക്കമില്ലെന്നും എം.വി.ആര്‍ പറഞ്ഞു.  |
| സഞ്ജയ് ദത്തിനു കീഴടങ്ങാന്‍ നാലാഴ്ച കൂടി സമയം അനുവദിച്ചു Posted: 16 Apr 2013 11:13 PM PDT Image:  ന്യൂദല്‍ഹി: മുംബൈ സ്ഫോടനക്കേസില്‍ തടവുശിക്ഷ ലഭിച്ച ബോളിവുഡ് താരം സഞ്ജയ് ദത്തിനു കീഴടങ്ങാന്‍ സുപ്രീം കോടതി കൂടുതല്‍ സമയം അനുവദിച്ചു. നാല് ആഴ്ചത്തെ സമയപരിധിയാണ് ജസ്റ്റിസ് പി. സദാശിവം, ബി.എസ് ചൗഹാന്‍ എന്നവിരടങ്ങിയ സുപ്രീം കോടതി ബെഞ്ച് അനുവദിച്ചത്. മാനുഷിക പരിഗണനയുടെ പേരില്‍ കീഴടങ്ങാന്‍ ആറു മാസത്തേക്ക് സമയം നീട്ടിത്തരണമെന്നാവശ്യപ്പെട്ടാണ് സഞ്ജയ് ദത്ത് കോടതിയെ സമീപിച്ചത്. സഞ്ജയ് ദത്തിനെ ജയിലിലടച്ചാല്‍ സിനിമ മേഖലയില്‍ 278 കോടിയുടെ നഷ്ടമുണ്ടാകുമെന്നും നിരവധി മനുഷിക പ്രവര്‍ത്തനങ്ങള്‍ തടസപ്പെടുമെന്നും ദത്തിനു വേണ്ടി ഹാജരായ പ്രമുഖ അഭിഭാഷകന്‍ ഹരിഷ് സാല്‍വെ കോടതിയെ ബോധിപ്പിച്ചു. അതേസമയം, ദത്തിന് സമയം നീട്ടി നല്‍കരുതെന്ന് മഹാരാഷ്ര്ട സര്‍ക്കാരിനു വേണ്ടി ഹാജരായ അഡീഷണല്‍ സോളിസിറ്റര്‍ ജനറല്‍ ഹരേണ്‍ റാവല്‍ കോടതിയില്‍ ആവശ്യപ്പെട്ടു. 1993ലെ മുംബൈ സ്ഫോനക്കേസില്‍ തടവുശിക്ഷക്ക് വിധിക്കപ്പെട്ട ദത്തിന്റെകീഴടങ്ങാനുള്ള സമയ പരിധി വ്യാഴാഴ്ച അവസാനിക്കാനിരിക്കെയാണ് സുപ്രീം കോടതി വിധി. ആയുധം കൈവശംവെച്ചതിന് അഞ്ചുകൊല്ലമാണ് ദത്തിനെ ശിക്ഷിച്ചത്. വിചാരണ കാലയളവില്‍ ഒന്നരക്കൊല്ലം തടവനുഭവിച്ചത് കണക്കാക്കി, ബാക്കിയുള്ള മൂന്നരക്കൊല്ലം ഇനി ശിക്ഷയനുഭവിക്കണം.
 |
| ബംഗളൂരുവില്‍ ബി.ജെ.പി ഓഫീസിനു മുന്നില്‍ സ്ഫോടനം; 16 പേര്‍ക്ക് പരിക്ക് Posted: 16 Apr 2013 10:57 PM PDT Image:  ബംഗളൂരു: ബംഗളൂരുവിലെ മല്ലേശ്വരത്ത് ബി.ജെ.പി ഓഫീസിനു മുന്നിലുണ്ടായ സ്ഫോടനത്തില്‍ എട്ടു പൊലീസുകാരടക്കം 16 പേര്‍ക്ക് പരിക്കേറ്റു. ഓഫീസിന് പുറത്ത് പാര്‍ക്ക് ചെയ്ത മോട്ടോര്‍ സൈക്കിളിലെ ഗ്യാസ് സിലിണ്ടര്‍ പൊട്ടിത്തെറിച്ചാണ് സ്ഫോടനമുണ്ടായതെന്ന് പൊലീസ് പറഞ്ഞു. ബുധനാഴ്ച രാവിലെ 10.45 ഓടെയായിരുന്നു സ്ഫോടനം. സ്ഫോനടത്തില്‍ സമീപത്തുണ്ടായിരുന്ന പൊലീസ് ബസ് അടക്കം നിരവധി വാഹനങ്ങള്‍ കത്തി നശിച്ചു. എന്‍.ഐ.എ സംഘം സ്ഥലത്ത് പരിശോധന നടത്തുകയാണ്. മെയ് 5ന് നടക്കാനിരിക്കുന്ന കര്‍ണാടക നിയമസഭ തെരഞ്ഞെടുപ്പില്‍ നാമനിര്‍ദേശ പത്രിക സമര്‍പ്പിക്കേണ്ട അവസാന ദിവസമായതിനാല്‍ ബുധനാഴ്ച ബി.ജെ.പി ഓഫീസില്‍ നല്ല തിരക്കുണ്ടായിരുന്നു.  |
| ഗുജറാത്ത് വംശഹത്യ: കോഡ്നാനിക്ക് വധശിക്ഷ നല്‍കണമെന്ന് ആവശ്യപ്പെടും Posted: 16 Apr 2013 10:49 PM PDT Image:  അഹമ്മദാബാദ്: ഗുജറാത്ത് വംശഹത്യയുമായി ബന്ധപ്പെട്ട നരോദ പാട്യ കേസില്‍ കുറ്റക്കാരിയെന്ന് കണ്ടെത്തിയ മുന്‍ മന്ത്രി മായ കോഡ്നാനിക്ക് വധശിക്ഷ നല്‍കണമെന്ന് ഗുജറാത്ത് സര്‍ക്കാര്‍ ആവശ്യപ്പെടും. കേസില്‍ തടവ് ശിക്ഷ ലഭിച്ച കോഡ്നാനിക്ക് പുറമെ ബജ്റംഗ്ദള്‍ നേതാവ് ബാബു ബജ്റംഗിക്കും മറ്റ് എട്ട് പേര്‍ക്കും വധശിക്ഷ നല്‍കണമെന്ന് ആവശ്യപ്പെട്ട് സര്‍ക്കാര്‍ ഗുജറാത്ത് ഹൈക്കോടതിയില്‍ അപ്പീല്‍ നല്‍കും. ഹരജി സമര്‍പ്പിക്കാന്‍ ഗുജറാത്ത് നിയമ വകുപ്പ് അനുമതി നല്‍കുകയും മൂന്ന് അഭിഭാഷകരുടെ പാനല്‍ തയാറാക്കുകയും ചെയ്തിട്ടുണ്ടെന്ന് അസിസ്റ്റന്‍്റ് പബ്ളിക് പ്രോസിക്യൂട്ടര്‍ ഗൗരങ് വ്യാസ് പറഞ്ഞു. വിചാരണക്കോടതിയുടെ വിധിക്കെതിരെ അപ്പീല്‍ നല്‍കാന്‍ അനുവദിച്ച സമയം കഴിഞ്ഞ് നാല് മാസത്തിനു ശേഷമാണ് ഹൈക്കോടതിയില്‍ ഹരജി നല്‍കുന്നത്. ഇക്കാര്യത്തില്‍ ഹൈക്കോടതിയുടെ അനുമതി തേടും. ഗുജറാത്ത് വംശഹത്യയുമായി ബന്ധപ്പെട്ട് ന്യൂനപക്ഷ സമുദായത്തില്‍പെട്ട 97 പേരെ ക്രൂരമായി കൊലപ്പെടുത്തിയ നരോദ പാട്യ കേസില്‍ മുന്‍മന്ത്രിയും ബി.ജെ.പി എം.എല്‍.എയുമായ മായാ കൊഡ്നാനിയെ 28 വര്‍ഷം കഠിനതടവിനും ബജ്റംഗ്ദള്‍ നേതാവ് ബാബു ബജ്റംഗിയെ മരണംവരെ തടവിനും ശിക്ഷിച്ചിരുന്നു. ഇവരുള്‍പ്പെടെ 32 പേര്‍ കുറ്റക്കാരാണെന്ന് നേരത്തേ പ്രത്യേക കോടതിയാണ് ശിക്ഷവിധിച്ചത്. ബാക്കിയുള്ളവരില്‍ ഏഴുപേര്‍ക്ക് 21 വര്‍ഷത്തെ കഠിന തടവും 22 പേര്‍ക്ക് 14 വര്‍ഷത്തെ ജീവപര്യന്തം തടവിനും ശിക്ഷിച്ചിരുന്നു. കേസുമായി ബന്ധപ്പെട്ട് ഒരാള്‍ ഒളിവിലാണ്. വംശഹത്യക്കിടെ മാനഭംഗത്തിനിരയായ സ്ത്രീകള്‍ക്ക് അഞ്ചു ലക്ഷം രൂപ വീതം നഷ്ടപരിഹാരം നല്‍കാനും പ്രത്യേക കോടതി ജഡ്ജി ജ്യോത്സ്ന യാഗ്നിക് വിധിച്ചിരുന്നു. നരേന്ദ്ര മോഡി മന്ത്രിസഭയില്‍ വനിത-ശിശുക്ഷേമ മന്ത്രിയും മൂന്നു തവണ എം.എല്‍.എയുമായിരുന്നു മായാ കൊഡ്നാനി. ബജ്റംഗ്ദള്‍ നേതാവ് ബാബു ബജ്റംഗി മൂന്നു തവണ എം.എല്‍.എ ആയിരുന്നു. 2002 ഫെബ്രുവരി 27ലെ ഗോധ്ര തീപിടിത്തത്തിനുപിന്നാലെ വി.എച്ച്.പി ആഹ്വാനം ചെയ്ത ബന്ദിനിടയിലാണ് 28ന് നരോദ പാട്യയില്‍ കൂട്ടക്കൊല നടന്നത്. മായാ കൊഡ്നാനിയുടെയും ബാബു ബജ്റംഗിയുടെയും നേതൃത്വത്തില്‍ തോക്കും ബോംബും വാളും ശൂലവും ഉള്‍പ്പെടെയുള്ള ആയുധങ്ങളുമായി 1,500 ഓളം പേര്‍ നടത്തിയ പ്രകടനത്തിനിടയിലാണ് നരോദയിലെ കുട്ടികളും സ്ത്രീകളുമടക്കം 97 മുസ്ളിംകള്‍ കൊലചെയ്യപ്പട്ടത്. ഇവരില്‍ പലരെയും ജീവനോടെ ചുട്ടെരിക്കുകയായിരുന്നു.  |
| Posted: 16 Apr 2013 10:48 PM PDT Image:  മസ്കത്ത്: ഉച്ചമയക്കത്തിന്‍െറ ആലസ്യത്തിലായിരുന്നു അത്. പലര്‍ക്കും എന്താണ് സംഭവിക്കുന്നതെന്ന ്പിടികിട്ടിയില്ല. കിടന്നുറങ്ങിയിരുന്നവരുടെ കട്ടിലുകള്‍ ഇളകി. സോഫാ സെറ്റിയിലും കസേരയിലും മറ്റും ഇരുന്നവര്‍ പെട്ടെന്ന് കുലുങ്ങി. ചിലര്‍ കുപ്പിവെള്ളത്തിന്‍െറ ബോട്ടിലുകള്‍ വെള്ളം ഇളകുന്നത് കണ്ടു. ഓഫിസുകളില്‍ കമ്പ്യൂട്ടറുകള്‍ക്കും അലമാരകള്‍ക്കുമാണ് കുലുക്കം അനുഭവപ്പെട്ടത്. പലയിടത്തും സാധനങ്ങള്‍ താഴേക്കു വീണു. ഉച്ചക്ക് 2.35 ഓടെയാണ് 15 മുതല്‍ മുപ്പതു സെക്കന്‍റ് വരെ നീണ്ടു നിന്ന കുലുക്കം അനുഭവപെട്ടത്. ഭൂചലനമാണെന്ന് പിടികിട്ടിയതോടെ കുട്ടികളും സ്ത്രീകളുമുള്‍പ്പടെ എല്ലാവരും വീടുകളില്‍ നിന്നും ഓഫിസുകളില്‍ നിന്നും പുറത്തിറങ്ങി. സെക്കന്‍റുകള്‍ മാത്രമായിരുന്നു കുലുക്കമെങ്കിലും അതിന്‍െറ പരിഭ്രാന്തി മാറാന്‍ സമയമെടുത്തു.  |
| സ്വദേശിവത്കരണം: തൊഴില്‍ മന്ത്രാലയത്തിന് ശൂറയുടെ വിമര്‍ശം Posted: 16 Apr 2013 10:41 PM PDT Image:  റിയാദ്: സ്വദേശിവത്കരണത്തിന് സ്വകാര്യമേഖലയെ നിര്‍ബന്ധിക്കുന്ന തൊഴില്‍ മന്ത്രാലയത്തിലെ മൊത്തം ജീവനക്കാരില്‍ 60 ശതമാനം പേരും വിദേശികളാണെന്ന് ആരോപിച്ച് മന്ത്രാലയത്തിനെതിരെ ശൂറാ കൗണ്‍സില്‍ അംഗങ്ങള്‍ രംഗത്തുവന്നു. ശൂറ കൗണ്‍സിലിന്‍െറ 16 ാമത്തെ സാധാരണ സമ്മേളനത്തിലാണ് സ്വദേശിവത്കരണം നടപ്പാക്കുന്നതില്‍ തൊഴില്‍മന്ത്രാലയം തന്നെ പിന്നാക്കം പോയതായി ചില അംഗങ്ങള്‍ അഭിപ്രായപ്പെട്ടതെന്ന് ‘അശ്ശര്‍ഖ്’ പത്രം റിപ്പോര്‍ട്ട് ചെയ്തു. വിദേശ ജീവനക്കാരെ ഒഴിവാക്കി പകരം സ്വദേശികളെ അടിയന്തിരമായി നിയമിക്കാനും അവര്‍ മന്ത്രാലയത്തോട് ആവശ്യപ്പെട്ടു.  |
| പാകിസ്താനില്‍ എ.എന്‍.പി റാലിക്കിടെ സ്ഫോടനം; 16 മരണം Posted: 16 Apr 2013 10:13 PM PDT Image:  പെഷാവര്‍: പാകിസ്താനില്‍ തെരഞ്ഞെടുപ്പ് റാലിക്കിടെയുണ്ടായ ചാവേര്‍ സ്ഫോടനത്തില്‍ മാധ്യമപ്രവര്‍ത്തകനും പൊലീസ് ഉദ്യോഗസ്ഥരും ഉള്‍പ്പെടെ 16 മരണം. അവാമി നാഷനല്‍ പാര്‍ട്ടിയുടെ തെരഞ്ഞെടുപ്പ് പ്രചാരണറാലിക്കിടെയാണ് പൊട്ടിത്തെറി. രണ്ട് കുട്ടികളും ഒരു മാധ്യമപ്രവര്‍ത്തകനും ആറ് പൊലീസ് ഉദ്യോഗസ്ഥരും സ്ഫോടനത്തില്‍ കൊല്ലപ്പെട്ടു. എ.എന്‍.പിയുടെ മുതിര്‍ന്ന നേതാവ് ഗുലാം അഹ്മദ് ബിലൂര്‍ റാലിയില്‍ പങ്കെടുക്കാനായി സ്ഥലത്തെത്തിയ ഉടനെയാണ് ചാവേര്‍ പൊട്ടിത്തെറിച്ചത്. മുന്‍ റെയില്‍വേ മന്ത്രി കൂടിയായ ഗുലാം അഹ്മദ് നിസ്സാര പരിക്കുകളോടെ രക്ഷപ്പെട്ടു. മേയ് 11ന് നടക്കുന്ന പൊതു തെരഞ്ഞെടുപ്പിനായി രാജ്യം ഒരുങ്ങുന്നതിനിടെ മൂന്ന് ദിവസത്തിനുള്ളില്‍ നാലാമത്തെ പൊട്ടിത്തെറിയാണിത്. സ്ഫോടനത്തിന്‍െറ ഉത്തരവാദിത്തം തെഹ്രീകെ താലിബാന്‍ ഏറ്റെടുത്തു. അതേസമയം, പാകിസ്താനിലെ ഇടക്കാല സര്‍ക്കാറും തെരഞ്ഞെടുപ്പ് കമീഷനും തീവ്രവാദികളെ നേരിടുന്നതില്‍ പരാജയപ്പെടുകയാണെന്ന് എ.എന്‍.പി ആരോപിച്ചു.  |
| Posted: 16 Apr 2013 08:40 PM PDT Image:  Subtitle: നേരക്കുറികള്‍ ലൈംഗികപീഡകരുടെ തലസ്ഥാനം മാത്രമല്ല ന്യൂദല്‍ഹി. അത് അധികാരദുര മൂത്ത് കുതികാല്‍ വെട്ടുന്നവരുടെയും സിംഹാസനത്തിലേറാന്‍ ഏത് നെറികേടിനും മടിക്കാത്തവരുടെയും വിഹാരഭൂമികൂടിയാണ്. രാജ്യത്തെ പരമോന്നത പദവിയായ പ്രധാനമന്ത്രിയുടെ കസേരയില്‍ കണ്ണുനടുന്നവരുടെ കളികളാല്‍ ഇന്ദ്രപ്രസ്ഥം മുഖരിതമായിരിക്കുന്നു. 2014 ഏപ്രില്‍-മേയ് മാസങ്ങളിലായി തെരഞ്ഞെടുപ്പ് നടക്കുമെന്ന സൂചന ലഭിച്ചതോടെ പ്രതിയോഗിയുടെ എത്ര റാത്തല്‍ മാംസം വേണമെങ്കിലും മുറിച്ചെടുക്കാമെന്ന കണക്കുകൂട്ടലിലാണ് രാഷ്ട്രീയ നേതാക്കള്‍.  |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment