സ്വര്‍ണത്തിന്‍െറ ഇറക്കുമതി തീരുവ ഇനി കൂട്ടില്ല -ധനമന്ത്രി Madhyamam News Feeds |  |
- സ്വര്‍ണത്തിന്‍െറ ഇറക്കുമതി തീരുവ ഇനി കൂട്ടില്ല -ധനമന്ത്രി
- ഇറ്റാലിയന്‍ സ്ഥാനപതിയുടെ യാത്രാനിയന്ത്രണം നീക്കി
- ഹമാസ് നേതാവായി ഖാലിദ് മിശ്അല്‍ വീണ്ടും തെരഞ്ഞെടുക്കപ്പെട്ടു
- ഗണേഷ് കുമാറിന്റെ രാജി ഗവര്‍ണര്‍ സ്വീകരിച്ചു
- ഹരിഹരവര്‍മ: ദുരൂഹത നീങ്ങിയില്ല; ജനസഹായം തേടി പൊലീസ്
- കളിക്കു മുമ്പേ കേളികൊട്ട്
- വ്യാപാരിയെ തട്ടിക്കൊണ്ടുപോയി കവര്‍ച്ച: പ്രതി പിടിയില്‍
- ഗണേഷിന്റെയും യാമിനിയുടെയും പരാതി ക്രൈംബ്രാഞ്ച് അന്വേഷിക്കും
- ഡെങ്കിപ്പനി പടരുന്നു
- സ്വകാര്യ ജലവൈദ്യുത പദ്ധതിക്ക് സ്ഥലം നല്‍കിയവര്‍ക്ക് നഷ്ടപരിഹാരമില്ല
| സ്വര്‍ണത്തിന്‍െറ ഇറക്കുമതി തീരുവ ഇനി കൂട്ടില്ല -ധനമന്ത്രി Posted: 02 Apr 2013 01:07 AM PDT Image:  ന്യൂദല്‍ഹി: സ്വര്‍ണത്തിന്‍െറ ഇറക്കുമതി തീരുവ ഇനി വര്‍ധിപ്പിക്കില്ലെന്ന് കേന്ദ്ര ധനമന്ത്രി പി.ചിദംബരം. ഇനിയും നികുതി വര്‍ധിപ്പിച്ചാല്‍ സ്വര്‍ണത്തിന്‍െറ കള്ളക്കടത്ത് ഭീമമായി വര്‍ധിക്കുമെന്ന് അദ്ദേഹം പറഞ്ഞു.  |
| ഇറ്റാലിയന്‍ സ്ഥാനപതിയുടെ യാത്രാനിയന്ത്രണം നീക്കി Posted: 02 Apr 2013 12:29 AM PDT Image:  ന്യൂദല്‍ഹി: കടല്‍ക്കൊല കേസുമായി ബന്ധപ്പെട്ട് ഇറ്റാലിയന്‍ സ്ഥാനപതി ഡാനിയേല്‍ മന്‍ജീനിക്ക് ഏര്‍പ്പെടുത്തിയ യാത്രാനിയന്ത്രണം സുപ്രീംകോടതി പിന്‍വലിച്ചു. കൊലക്കേസിലുള്‍പ്പെട്ട നാവികരെ ഇന്ത്യയിലേക്ക് തിരികെ അയക്കില്ലെന്ന് ഇറ്റലി അറിയിച്ചതിനെ തുടര്‍ന്നാണ് സ്ഥാനപതിയോട് രാജ്യം വിട്ടുപോകരുതെന്ന് സുപ്രീംകോടതി ഉത്തരവിട്ടത്. തെരഞ്ഞെടുപ്പില്‍ വോട്ടു ചെയ്യുന്നതിന് സ്ഥാനപതിയുടെ ഉറപ്പിന്മേല്‍ നാലാഴ്ചത്തെ അനുമതി തേടി ഇറ്റലിയിലേക്ക് പോയ നാവികരെ തിരിച്ചയക്കില്ലെന്ന് ബന്ധപ്പെട്ടവര്‍ അറിയിക്കുകയായിരുന്നു. ഇതിനെ തുടര്‍ന്നാണ് സ്ഥാനപതി രാജ്യത്ത് തുടരണമെന്ന് കോടതി ഉത്തരവിട്ടത്. എന്നാല്‍ പിന്നീട് നാവികര്‍ക്ക് വധശിക്ഷ ഉണ്ടാവില്ല എന്നതടക്കമുള്ള ചില ധാരണകളുടെ അടിസ്ഥാനത്തില്‍ ഇറ്റലി നിലപാട് തിരുത്തി നാവികരെ ഇന്ത്യയിലേക്ക് തിരിച്ചയച്ചു. നാലാഴ്ചത്തെ സമയപരിധി തീരാന്‍ മണിക്കൂറുകള്‍ ബാക്കിനില്‍ക്കെ നാവികര്‍ ഇന്ത്യയില്‍ തിരിച്ചെത്തി. അതിനിടെ, കടല്‍ക്കൊല കേസ് എന്‍.ഐ.എക്ക് കൈമാറാനുള്ള സര്‍ക്കാര്‍ തീരുമാനത്തെ ഇറ്റലി എതിര്‍ത്തു.  |
| ഹമാസ് നേതാവായി ഖാലിദ് മിശ്അല്‍ വീണ്ടും തെരഞ്ഞെടുക്കപ്പെട്ടു Posted: 01 Apr 2013 11:43 PM PDT Image:  ഗസ്സ സിറ്റി: ഫലസ്തീനിലെ പ്രബല ഇസ്ലാമിക പ്രസ്ഥാനമായ ഹമാസ് തലവനായി ഖാലിദ് മിശ്അല്‍ വീണ്ടും തെരഞ്ഞെടുക്കപ്പെട്ടു. ഈജിപ്ത് തലസ്ഥാനമായ കൈറോയില്‍ ചേര്‍ന്ന ഹമാസ് ശൂറാ കൗണ്‍സിലിലാണ് തീരുമാനം. അടുത്ത നാല് വര്‍ഷത്തേക്കാണ് അദ്ദേഹം തെരഞ്ഞെടുക്കപ്പെട്ടത്. 2004ല്‍, ഹമാസ് സ്ഥാപകന്‍ ശൈഖ് യാസീന്‍ അഹമ്മദ് ഇസ്രായേല്‍ ആക്രമണത്തില്‍ കൊല്ലപ്പെട്ടതിനെ തുടര്‍ന്നാണ് മിശ്അല്‍ നേതൃസ്ഥാനത്തേക്കുയരുന്നത്. വര്‍ഷങ്ങളായി സിറിയ, ജോര്‍ഡന്‍,ഖത്തര്‍ എന്നീ രാജ്യങ്ങളില്‍ പ്രവാസ ജീവിതം നയിക്കുന്ന മിശ്അല്‍ കഴിഞ്ഞ ഡിസംബറില്‍ ഗസ്സ സന്ദര്‍ശിച്ചിരുന്നു. 1956ല്‍ ഫലസ്തീനിലെ റാമല്ലക്കടുത്ത സല്‍വാദ് ഖദാ ഗ്രാമത്തിലാണ് മിശ്അലിന്റെജനനം. 1967ല്‍ കുടുംബത്തോടൊപ്പം കുവൈത്തിലേക്ക് പലായനം ചെയ്ത മിശ്അല്‍ അവിടെ വെച്ച് മുസ്ലിം ബ്രദര്‍ഹുഡുമായി ചേര്‍ന്നു പ്രവര്‍ത്തിച്ചു. ഇറാഖിന്റെകുവൈത്ത് അധിനിവേശത്തോടെ അവിടം വിട്ട മിശ്അല്‍ ജോര്‍ഡനിലെത്തി ഹമാസുമായി പ്രവര്‍ത്തനങ്ങളിലേര്‍പ്പെട്ടു. ഹമാസിന്റെതുടക്കം തൊട്ടേ പോളിറ്റ് ബ്യൂറോയില്‍ അംഗമായിരുന്നു. 1996ല്‍ അതിന്റെചെയര്‍മാനായി തെരഞ്ഞെടുക്കപ്പെട്ടു. ഭൗതിക ശാസ്ത്രത്തില്‍ ബിരുദാനന്തര ബിരുദധാരിയായ മിശ്അല്‍ കുവൈത്തില്‍ അധ്യാപകനായും സേവനമനുഷ്ഠിച്ചിട്ടുണ്ട്.
 |
| ഗണേഷ് കുമാറിന്റെ രാജി ഗവര്‍ണര്‍ സ്വീകരിച്ചു Posted: 01 Apr 2013 11:35 PM PDT Image:  തിരുവനന്തപുരം: കെ.ബി ഗണേഷ്‌കുമാറിന്റെ രാജി ഗവര്‍ണര്‍ സ്വീകരിച്ചു. രാജിക്കത്ത് ഒപ്പിട്ട ശേഷം ഗവര്‍ണര്‍ തിരിച്ചയച്ചു. അതേസമയം, തനിക്കെതിരെ ഭാര്യ യാമിനി തങ്കച്ചി നല്‍കിയത് കള്ളക്കേസാണെന്ന് ഗണേഷ്കുമാര് നിയമസഭയില്‍ പറഞ്ഞു. തന്റെ ചോരക്കായി ദാഹിക്കുന്നവര്‍ ഗൂഢാലോചന നടത്തുന്നതായും ആ കറുത്ത ശക്തികള്‍ ആരെന്നത് ഒരുദിവസം വ്യക്തമാകുമെന്നും അദ്ദേഹം പറഞ്ഞു. ഞാന്‍ ദൈവവിശ്വാസിയാണ്. മന്ത്രസ്ഥാനം രാജിവെച്ചത് നീതിപൂര്‍വ്വമായ അന്വേഷണത്തിന് തടസ്സമുണ്ടാവാതിരിക്കാനാണ് ഗണേഷ് പറഞ്ഞു. അതേസമയം താനാണ് പാര്‍ട്ടിയെന്നും ജനങ്ങളുടെ പിന്തുണയുള്ള ആളാണ് പാര്‍ട്ടിയെന്നും നിയമസഭയിലേക്ക് പോകുന്നതിന് മുമ്പ് ഗണേഷ് മാധ്യമപ്രവര്‍ത്തകരോട് പറഞ്ഞിരുന്നു. തന്നെ വിജയിപ്പിച്ച ജനങ്ങളോട് പ്രതിബദ്ധതയുള്ളതിനാല്‍ എം.എല്‍.എ സ്ഥാനം രാജിവെക്കില്ല. ഇക്കാര്യത്തില്‍ പാര്‍ട്ടിയുടെ നിലപാട് എന്തുതന്നെയായാലും പ്രശ്‌നമല്ലെന്നും അദ്ദേഹം വ്യക്തമാക്കി.  |
| ഹരിഹരവര്‍മ: ദുരൂഹത നീങ്ങിയില്ല; ജനസഹായം തേടി പൊലീസ് Posted: 01 Apr 2013 10:05 PM PDT തിരുവനന്തപുരം: രത്നവ്യാപാരത്തിനിടെ കൊല്ലപ്പെട്ട ഹരിഹര വര്‍മയുടെ സ്വദേശമോ ബന്ധുക്കളെയോ കണ്ടെത്താനാവാതെ പൊലീസ് അന്വേഷണം വഴിമുട്ടി. 2012 ഡിസംബര്‍ 24ന് വട്ടിയൂര്‍ക്കാവ് പുതൂര്‍ക്കോണത്തെ സുഹൃത്തിന്‍െറ വീട്ടിലാണ് രത്നക്കച്ചവടത്തിന് ശ്രമിക്കുന്നതിനിടെ ഹരിഹര വര്‍മ കൊല്ലപ്പെട്ടത്. മാവേലിക്കര, പൂഞ്ഞാര്‍ രാജകുടുംബാംഗമെന്ന് സ്വയം പരിചയപ്പെടുത്തിയിരുന്ന ഹരിഹര വര്‍മ കൊല്ലപ്പെട്ടതോടെയാണ് ഇയാളുടെ തായ്വേരുകള്‍ ചികഞ്ഞ് പൊലീസ് അന്വേഷണം ആരംഭിച്ചത്.  |
| Posted: 01 Apr 2013 10:04 PM PDT Image:  Subtitle: ഐ.പി.എല്‍ സീസണിന് ഇന്ന് കൊടിയേറും കൊല്‍ക്കത്ത: കളിയുടെ ചെറുപൂരത്തിന് ഇന്ന് വംഗനാടന്‍ മണ്ണില്‍ കൊടിയേറ്റം. ഇന്ത്യന്‍ പ്രീമിയര്‍ ലീഗ് ട്വന്‍റി20 ക്രിക്കറ്റ് ചാമ്പ്യന്‍ഷിപ്പിന്‍െറ ആറാമത് ടൂര്‍ണമെന്‍റിന് സാള്‍ട്ട് ലേക് സ്റ്റേഡിയത്തിലെ കളിത്തട്ടില്‍ അരങ്ങുണരുന്നത് വര്‍ണവൈവിധ്യങ്ങളും കലാപ്രകടനങ്ങളും കൊഴുപ്പേകുന്ന പ്രൗഢോജ്ജ്വലമായ ഉദ്ഘാടന ചടങ്ങോടെയാണ്. ഉദ്ഘാടന ദിനത്തില്‍ പക്ഷേ, മത്സരങ്ങള്‍ അരങ്ങേറുന്നില്ല. ആദ്യകളിയില്‍ ബുധനാഴ്ച നിലവിലെ ചാമ്പ്യന്മാരായ കൊല്‍ക്കത്ത നൈറ്റ്റൈഡേഴ്സ് ഹോം ഗ്രൗണ്ടായ ഈഡന്‍ ഗാര്‍ഡനില്‍ ഡല്‍ഹി ഡെയര്‍ഡെവിള്‍സുമായി ഏറ്റുമുട്ടും. ഒമ്പതു ടീമുകള്‍ പരസ്പരം ഏറ്റുമുട്ടുന്ന ടൂര്‍ണമെന്‍റിന്‍െറ ഫൈനല്‍ അരങ്ങേറുന്നത് മേയ് 26നാണ്.  |
| വ്യാപാരിയെ തട്ടിക്കൊണ്ടുപോയി കവര്‍ച്ച: പ്രതി പിടിയില്‍ Posted: 01 Apr 2013 09:53 PM PDT ചാത്തന്നൂര്‍: കടം വാങ്ങിയ പണം തിരികെ നല്‍കാമെന്നുപറഞ്ഞ് വ്യാപാരിയെ കരുനാഗപ്പള്ളിയില്‍നിന്ന് കാറില്‍ കയറ്റി ചാത്തന്നൂരില്‍ ഊറാംവിളയില്‍ എത്തിച്ചശേഷം ഒരു പവന്‍ മോതിരവും 10,000 രൂപയും തട്ടിയെടുത്ത കേസില്‍ ഒരാള്‍ പിടിയിലായി. ചിറയിന്‍കീഴ് തിരുവാതിര കോളനിയില്‍ ദുഷ്യന്തന്‍ എന്ന ഷിജു (30) ആണ് പിടിയിലായത്.  |
| ഗണേഷിന്റെയും യാമിനിയുടെയും പരാതി ക്രൈംബ്രാഞ്ച് അന്വേഷിക്കും Posted: 01 Apr 2013 09:48 PM PDT Image:  തിരുവനന്തപുരം: കെ.ബി ഗണേഷ് കുമാറിന്റെയും ഭാര്യ ഡോ.യാമിനി തങ്കച്ചിയുടേയും പരാതി ക്രൈംഞ്ച്ര് അന്വേഷിക്കും. പതിനാറു വര്‍ഷമായി ഗണേഷ് തന്നെ പീഡിപ്പിക്കുകയാണെന്നും പരസ്ത്രീ ബന്ധത്തെ കുറിച്ച് അന്വേഷിച്ചപ്പോള്‍ അതിക്രൂരമായി മര്‍ദിച്ചിരുന്നുവെന്നും ആരോപിച്ച് യാമിനി തങ്കച്ചി ഗാര്‍ഹിക പീഡനത്തിന് പൊലീസില്‍ പരാതി നല്‍കിയിരുന്നു.
 |
| Posted: 01 Apr 2013 09:46 PM PDT അടിമാലി: അടിമാലിയില്‍ ഡെങ്കിപ്പനി നിയന്ത്രിക്കുന്നതില്‍ അധികൃതര്‍ പരാജയപ്പെടുന്നു. തിങ്കളാഴ്ച അടിമാലി താലൂക്കാശുപത്രിയില്‍ ആദിവാസി യുവാവ് ഉള്‍പ്പെടെ മൂന്നുപേര്‍ കൂടി ചികിത്സ തേടിയെത്തി. ഇതോടെ താലൂക്കാശുപത്രിയിലെ ഡെങ്കിപ്പനി വാര്‍ഡില്‍ 17 രോഗികളായി. കോതമംഗലം, മൂവാറ്റുപുഴ എന്നിവിടങ്ങളിലെ ആശുപത്രികളിലും അടിമാലിയില്‍ നിന്ന് ഡെങ്കിപ്പനി ബാധിതര്‍ എത്തിയിട്ടുണ്ട്. 30 ലേറെ പേരില്‍ ഡെങ്കിപ്പനി ലക്ഷണങ്ങളോടെയുള്ള പനി കണ്ടെത്തിയതായി ദേവിയാര്‍ കോളനി പ്രാഥമികാരോഗ്യ കേന്ദ്രത്തിലെ മെഡിക്കല്‍ ഓഫിസര്‍ ഡോ.അനൂപ് അറിയിച്ചു.  |
| സ്വകാര്യ ജലവൈദ്യുത പദ്ധതിക്ക് സ്ഥലം നല്‍കിയവര്‍ക്ക് നഷ്ടപരിഹാരമില്ല Posted: 01 Apr 2013 09:42 PM PDT ചിറ്റാര്‍: മുതലവാരം കാരികയം സ്വകാര്യജലവൈദ്യുത പദ്ധതി പൂര്‍ത്തിയാകാറായിട്ടും പദ്ധതിക്കായി സ്ഥലം നല്‍കിയ പാമ്പിനി, മണക്കയം നിവാസികള്‍ക്ക് നഷ്ടപരിഹാരം നല്‍കാത്തതില്‍ പ്രതിഷേധിച്ച് നാട്ടുകാര്‍ പ്രക്ഷോഭത്തിലേക്ക്.  |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment