അഴിമതിക്കെതിരായ പോരാട്ടം കോണ്‍ഗ്രസ് തുടരും- സോണിയ Madhyamam News Feeds |  |
- അഴിമതിക്കെതിരായ പോരാട്ടം കോണ്‍ഗ്രസ് തുടരും- സോണിയ
- നഗരത്തില്‍ പേപ്പട്ടി ശല്യം രൂക്ഷം
- ദേശീയപാതക്ക് കല്ലിടാനെത്തിയവരെ തടഞ്ഞു; സംഘര്‍ഷാവസ്ഥ
- ഹൈറേഞ്ചില്‍ കുടിവെള്ള ക്ഷാമം രൂക്ഷം
- പമ്പ വരളുന്നു; നാടും...
- ചോദിച്ചത് ചിക്കന്‍കറിയുടെ ചാറ്; കിട്ടിയത് തലക്ക് അടി
- ബി.ജെ.പിയില്‍ അധികാര വടംവലി: ദേശീയ അധ്യക്ഷ പദവി ലക്ഷ്യമിട്ട് സുഷമ സ്വരാജും
- ഒബാമയുടെ രണ്ടാമൂഴത്തിന് ഇന്ന് ഔദ്യോഗിക തുടക്കം
- കുടിവെള്ളക്ഷാമം പരിഹരിക്കാന്‍ 71 ആര്‍.ഒ പ്ളാന്‍റുകള്‍ കൂടി
| അഴിമതിക്കെതിരായ പോരാട്ടം കോണ്‍ഗ്രസ് തുടരും- സോണിയ Posted: 19 Jan 2013 11:36 PM PST Image:  ജയ്പൂര്‍: അഴിമതിക്കെതിരായ പോരാട്ടം പാര്‍ട്ടി തുടരുമെന്ന് കോണ്‍ഗ്രസ് പ്രസിഡന്റ് സോണിയ ഗാന്ധി. എ.ഐ.സി.സി യോഗത്തില്‍ അഴിമതിയായിരുന്നു പ്രധാന വിഷയമെന്നും അഴിമതി ഇല്ലാതാക്കാന്‍ അഞ്ചിന അജണ്ടക്ക് രൂപം നല്‍കിയിട്ടുണ്ടെന്നും സര്‍ക്കാര്‍ ഇതനുസരിച്ച് പ്രവര്‍ത്തിക്കുമെന്നും അവര്‍ പറഞ്ഞു. ജയ്പൂരില്‍ നടക്കുന്ന പാര്‍ട്ടിയുടെ 'ചിന്തന്‍ ശിബിരി'ല്‍ സംസാരിക്കുകയായിരുന്നു സോണിയ. അഴിമതി ഇല്ലാതാക്കുന്നതിനുള്ള പദ്ധതിയുടെ ഭാഗമായാണ് ലോക്പാല്‍ ബില്‍ പാര്‍ലമെന്റില്‍ അവതരിപ്പിച്ചത്. ജനങ്ങളുടെ പരാതികള്‍ പരിഹരിക്കുന്നതിനുള്ള നിയമവും അഴിമതിക്കാരെക്കുറിച്ചുള്ള രഹസ്യവിവരങ്ങള്‍ നല്‍കുന്നവര്‍ക്ക് സംരക്ഷണം നല്‍കുന്ന നിയമനിര്‍മാണവും സബ്‌സിഡികള്‍ നേരിട്ട് നല്‍കാനുള്ള ചരിത്രപരമായ തീരുമാനവുമെല്ലാം ഇതിന്റെ ഭാഗമാണ്. ഇത്തരം തീരുമാനങ്ങള്‍ ഇടനിലക്കാരുടെ അഴിമതി ഇല്ലാതാക്കുമെന്നും അവര്‍ പറഞ്ഞു. ദല്‍ഹി കൂട്ടമാനഭംഗത്തിനിരയായി മരിച്ച പെണ്‍കുട്ടി ഇന്ത്യയിലെ സ്ത്രീകളുടേയും കുട്ടികളുടേയും പ്രതീകമാണെന്ന് പറഞ്ഞ സോണിയ അവളുടെ മരണം വൃഥാവിലാവില്ലെന്നും അവര്‍ വ്യക്തമാക്കി. രാജ്യാന്തര തലത്തില്‍ സാമ്പത്തിക മേഖലയില്‍ ഉണ്ടായ പ്രതിസന്ധികള്‍ രാജ്യത്തെയും ബാധിച്ചു. അതിനാലാണ് രാജ്യത്ത് കടുത്ത സാമ്പത്തിക നടപടി കൈക്കൊള്ളേണ്ടി വന്നത്. ഈ സാഹചര്യം ജനങ്ങളെ ബോധ്യപ്പെടുത്തണം. അഴിമതിയെ ക്രിയാത്മകമായി നേരിടും. ഭിന്നശക്തികളുമായി പൊരുതി രാജ്യത്തിന്റെ ഐക്യം ഉറപ്പിക്കാന്‍ കോണ്‍ഗ്രസിന് ബാധ്യതയുണ്ട്. തെരഞ്ഞെടുപ്പ് ചട്ടങ്ങളിലെ ഭേദഗതികളെക്കുറിച്ച് പാര്‍ട്ടിയുടെ അഭിപ്രായം സ്വരൂപിക്കാന്‍ പ്രത്യേക സമിതി രൂപീകരിക്കുമെന്നും സോണിയ വ്യക്തമാക്കി. വനിതാശാക്തീകരണത്തിനുള്ള പ്രചാരണം തുടരും. പാര്‍ലമെന്റുള്‍പ്പെടെയുള്ള തെരഞ്ഞെടുക്കപ്പെടുന്ന സ്ഥാനങ്ങളില്‍ സ്ത്രീകള്‍ക്ക് 30 ശതമാനം സംവരണം നടപ്പിലാക്കാനുള്ള ശ്രമങ്ങള്‍ക്ക് വ്യക്തിപരമായി മുന്‍കൈയെടുക്കുമെന്നും അവര്‍ പറഞ്ഞു. ചിന്തന്‍ ശിബരത്തിലെ ഫലപ്രാപ്തിയില്‍ പൂര്‍ണസന്തോഷമുണ്ടെന്ന് വ്യക്തമാക്കിയാണ് സോണിയ പ്രസംഗം ആരംഭിച്ചത്.
 |
| നഗരത്തില്‍ പേപ്പട്ടി ശല്യം രൂക്ഷം Posted: 19 Jan 2013 11:13 PM PST തിരുവനന്തപുരം: നഗരത്തില്‍ പേപ്പട്ടികളുടെ ആക്രമണം വര്‍ധിക്കുന്നു. 10 ദിവസത്തിനിടെ 25 ലധികം പേര്‍ക്ക് പേപ്പട്ടിയുടെ കടിയേറ്റു. നന്ദന്‍കോട്ട് ഒരുദിവസം 15ലേറെ പേര്‍ക്ക് കടിയേറ്റപ്പോള്‍ പേട്ടയില്‍ 10ഓളം പേര്‍ക്കാണ് കടിയേറ്റത്.  |
| ദേശീയപാതക്ക് കല്ലിടാനെത്തിയവരെ തടഞ്ഞു; സംഘര്‍ഷാവസ്ഥ Posted: 19 Jan 2013 11:08 PM PST കൊട്ടിയം: ദേശീയപാതക്ക് സ്ഥലം ഏറ്റെടുക്കാന്‍ കല്ലിടാനെത്തിയ ഉദ്യോഗസ്ഥ സംഘത്തെ ഹൈവേ ആക്ഷന്‍ ഫോറത്തിന്‍െറ നേതൃത്വത്തില്‍ തടഞ്ഞത് കൊട്ടിയത്ത് സംഘര്‍ഷാന്തരീക്ഷം സൃഷ്ടിച്ചു. സ്ത്രീകള്‍ അടക്കമുള്ളവരെ അറസ്റ്റ് ചെയ്തുനീക്കി.  |
| ഹൈറേഞ്ചില്‍ കുടിവെള്ള ക്ഷാമം രൂക്ഷം Posted: 19 Jan 2013 11:03 PM PST കട്ടപ്പന: വേനല്‍ ശക്തമാകുകയും നദികളിലെ ജലനിരപ്പ് താഴുകയും ചെയ്തതോടെ ഹൈറേഞ്ചിലെ ഗ്രാമങ്ങളിലും പട്ടണങ്ങളിലും കുടിവെള്ള ക്ഷാമം രൂക്ഷമായി. പെരിയാര്‍ നദിയുള്‍പ്പെടെ എല്ലാ നദിയിലെയും നീരൊഴുക്ക് നിലച്ചതോടെ കുളങ്ങളും കിണറുകളും വറ്റിത്തുടങ്ങി. മലമുകളില്‍ താമസിക്കുന്നവരാണ് ഏറെ കഷ്ടപ്പെടുന്നത്. കിലോമീറ്ററുകള്‍ നടന്നാണ് പലരും കുടിവെള്ളം ശേഖരിക്കുന്നത്.  |
| Posted: 19 Jan 2013 10:55 PM PST വടശേരിക്കര: നീരൊഴുക്ക് നിലച്ച് പമ്പാനദി നാശത്തിലേക്ക്.നദിയിലെ സ്വാഭാവിക നീരൊഴുക്കിന് തടസ്സമുണ്ടാക്കുന്ന വിധം രൂപപ്പെട്ട മണ്‍പുറ്റുകളാണ്പമ്പാനദിയുടെ നാശത്തിന് കാരണമാകുന്നത്. ഒരുകാലത്ത് കഠിന വരള്‍ച്ചയില്‍പ്പോലും തടസ്സമില്ലാത്ത നീരൊഴുക്കുണ്ടായിരുന്ന പമ്പാനദിയുടെ നീര്‍ച്ചാലുകളില്‍ ചെളിയടിഞ്ഞ് രൂപപ്പെട്ട മണ്‍പുറ്റകള്‍ കരയെയും പുഴയെയും തിരിച്ചറിയാന്‍ വയ്യാത്തവിധം വ്യാപിച്ചു.  |
| ചോദിച്ചത് ചിക്കന്‍കറിയുടെ ചാറ്; കിട്ടിയത് തലക്ക് അടി Posted: 19 Jan 2013 10:51 PM PST കോട്ടയം: ചിക്കന്‍കറിയുടെ ചാറ് ചോദിച്ചതിനെച്ചൊല്ലിയുണ്ടായ തര്‍ക്കം കലാശിച്ചത് ഹോട്ടലില്‍ ഭക്ഷണം കഴിക്കാനെത്തിയ യുവാവിന്‍െറ തലക്ക് അടിയേല്‍ക്കുന്നതില്‍. പരിക്കേറ്റ മൂലേടം ചെറുകനാലില്‍ അനൂപിനെ (പൊന്നന്‍-24) ജില്ലാ ആശുപത്രിയില്‍ പ്രവേശിപ്പിച്ചു. ശനിയാഴ്ച രാത്രി 9.30ന് കടുവാക്കുളം മരിയ ഹോട്ടലിലായിരുന്നു സംഭവം.സുഹുത്തുക്കള്‍ക്കൊപ്പം ഭക്ഷണം കഴിക്കാനെത്തിയ അനൂപ് പൊറോട്ടയും ചിക്കനുമാണ് മേടിച്ചത്. കഴിച്ചുകൊണ്ടിരിക്കെ ചിക്കന്‍കറിയുടെ ചാറ് ചോദിച്ചു. എന്നാല്‍, കിട്ടിയത് ഉള്ളിച്ചാറാണ് ഇതോടെ ഉടമയുമായി വാക്കേറ്റവും ഉന്തുംതള്ളുമായി. ഇതേതുടര്‍ന്ന് ഷട്ടര്‍താഴ്ത്തിയശേഷം ഹോട്ടല്‍ ഉടമ തലക്കടിക്കുകയായിരുന്നുവെന്ന് ചികിത്സയില്‍ കഴിയുന്ന അനൂപ് പൊലീസിന് മൊഴി നല്‍കി. അതേസമയം ഉന്തും തള്ളും മാത്രമാണ് നടന്നതെന്നും മദ്യലഹരിയിലായിരുന്ന യുവാവ് നിലത്തുവീണാണ് തലപൊട്ടിയതെന്നും ഹോട്ടല്‍ ഉടമ പറഞ്ഞു. ഈസ്റ്റ് പൊലീസ് സ്ഥലത്തെത്തി.  |
| ബി.ജെ.പിയില്‍ അധികാര വടംവലി: ദേശീയ അധ്യക്ഷ പദവി ലക്ഷ്യമിട്ട് സുഷമ സ്വരാജും Posted: 19 Jan 2013 10:45 PM PST Image:  ന്യൂദല്‍ഹി: ബി.ജെ.പി ദേശീയ അധ്യക്ഷ സ്ഥാനത്തേക്കുള്ള തെരഞ്ഞെടുപ്പ് വിജ്ഞാപനം ഇന്ന് പ്രഖ്യാപിക്കാനിരിക്കെ അധികാരത്തിനായി കൂടുതല്‍ പേര്‍ രംഗത്ത്. പാര്‍ട്ടിയുടെ ഏറ്റവും മുതിര്‍ന്ന നേതാവ് എല്‍.കെ. അദ്വാനിയുടെ പിന്തുണയോടെ പ്രതിപക്ഷ നേതാവ് സുഷമാ സ്വരാജാണ് നിതിന്‍ ഗഡ്ക്കരിക്ക് വെല്ലുവിളിയായി രംഗത്തെത്തിയിരിക്കുന്നത്.  |
| ഒബാമയുടെ രണ്ടാമൂഴത്തിന് ഇന്ന് ഔദ്യോഗിക തുടക്കം Posted: 19 Jan 2013 10:32 PM PST Image:  വാഷിങ്ടണ്‍: രണ്ടാമതും അമേരിക്കന്‍ പ്രസിഡന്റ് പദത്തിലെത്തിയ ബറാക്ക് ഒബാമയുടെ രണ്ടാമൂഴത്തിന് ഇന്ന് ഔദ്യോഗിക തുടക്കം. രണ്ടാമതും ഒബാമ രണ്ടുവട്ടം സത്യപ്രതിജ്ഞ ചെയ്യും. ഞായറാഴ്ചയും തിങ്കളാഴ്ചയുമായാണ് ചടങ്ങ് നടക്കുക. ഭരണഘടനയനുസരിച്ചു പുതിയ പ്രസിഡന്റ് സത്യപ്രതിജ്ഞ ചെയ്യേണ്ടതു ജനുവരി 20നാണ്. ഇത്തവണ ജനുവരി 20 അവധി ദിവസമായ ഞായറാഴ്ചയായതിനാലാണ് തിങ്കളാഴ്ച വീണ്ടും സത്യപ്രതിജ്ഞ ചെയ്യുന്നത്. വൈറ്റ് ഹൗസിലെ ബ്ലൂറൂമില്‍ (നീലമുറി) ഞായറാഴ്ച ഉച്ചക്ക് മുമ്പ് ഒബാമ സത്യപ്രതിജ്ഞ ചെയ്യും. ഇവിടെ പൊതുജനത്തിന് പ്രവേശനമില്ല. പിന്നീട് തിങ്കളാഴ്ച ക്യാപിറ്റോളിനു മുന്നിലെ വേദിയില്‍ പൊതുജനങ്ങള്‍ക്കു മുന്നില്‍ വീണ്ടും ഒബാമ പ്രതിജ്ഞയെടുക്കും. 2009ല്‍ ആദ്യമായി പ്രസിഡന്റ് സ്ഥാനത്തേക്ക് തെരഞ്ഞെടുക്കപ്പെട്ടപ്പോഴും ഒബാമക്ക് രണ്ടുതവണ സത്യപ്രതിജ്ഞ ചെയ്യേണ്ടിവന്നിരുന്നു. അന്ന് സത്യവാചകം ചൊല്ലിക്കൊടുത്ത ചീഫ് ജസ്റ്റിസ് ജോണ്‍ റോബേര്‍ട്‌സിന്റെ നാക്കുപിഴകൊണ്ടാണ് കുറച്ചുദിവസത്തിനു ശേഷം ഒബാമക്ക് വീണ്ടും സത്യപ്രതിജ്ഞയെടുക്കേണ്ടിവന്നത്.  |
| കുടിവെള്ളക്ഷാമം പരിഹരിക്കാന്‍ 71 ആര്‍.ഒ പ്ളാന്‍റുകള്‍ കൂടി Posted: 19 Jan 2013 10:21 PM PST ആലപ്പുഴ: ജില്ലയിലെ കുടിവെള്ള ക്ഷാമത്തിന് പരിഹാരം കാണാന്‍ 71 ആര്‍.ഒ പ്ളാന്‍റുകള്‍ കൂടി സ്ഥാപിക്കുമെന്ന് കലക്ടര്‍ പി. വേണുഗോപാല്‍ അറിയിച്ചു. കുടിവെള്ള പ്രശ്നം നേരിടുന്ന കുട്ടനാട് പ്രദേശങ്ങളിലെ പഞ്ചായത്ത് പ്രസിഡന്‍റുമാരുടെയും വാട്ടര്‍ അതോറിറ്റി ഉദ്യോഗസ്ഥരുടെയും യോഗത്തില്‍ സംസാരിക്കുകയായിരുന്നു അദ്ദേഹം. കുട്ടനാട് പാക്കേജില്‍ ഉള്‍പ്പെടുത്തി മണിക്കൂറില്‍ 250 ലിറ്റര്‍ ശുദ്ധീകരണശേഷിയുള്ള 66 ആര്‍.ഒ പ്ളാന്‍റുകള്‍ ഡോ. സജിത്തിന്‍െറ നേതൃത്വത്തിലും അഞ്ച് ആര്‍.ഒ പ്ളാന്‍റുകള്‍ ‘ഏട്രീ’ എന്ന സന്നദ്ധ സംഘടനയുടെ നേതൃത്വത്തിലും ഉടന്‍ പൂര്‍ത്തീകരിക്കാന്‍ നടപടി സ്വീകരിക്കും. ഇതിനായി പൊതു ടെന്‍ഡര്‍ വിളിക്കും. പ്ളാന്‍റിന്‍െറ സാങ്കേതിക വിദഗ്ധന്‍ ഡോ. സജിത്, വാട്ടര്‍ അതോറിറ്റി എക്സി. എന്‍ജിനീയര്‍മാര്‍, തദ്ദേശഭരണവകുപ്പ് എന്‍ജിനീയര്‍മാര്‍, ഭൂഗര്‍ഭജല വകുപ്പ് എന്‍ജിനീയര്‍, പഞ്ചായത്ത് പ്രസിഡന്‍റുമാര്‍ എന്നിവരടങ്ങുന്ന സമിതി ടെന്‍ഡര്‍ പരിശോധിച്ച് സാങ്കേതികാനുമതി നല്‍കും. തുടര്‍ന്ന് സര്‍ക്കാറിന്‍െറ അംഗീകാരവും വാങ്ങും. ഏട്രീയുടെ ചുമതലയിലുള്ള പ്ളാന്‍റുകള്‍ക്കായി പഞ്ചായത്തുകളുമായി സമ്മതപത്രം ഒപ്പുവെക്കും. അഞ്ച് പ്ളാന്‍റുകള്‍ ഫെബ്രുവരി 28നകം പൂര്‍ത്തീകരിക്കും. കൈനകരി, കാവാലം, വെളിയനാട്, പുളിങ്കുന്ന്, മുഹമ്മ പഞ്ചായത്തുകളിലാണ് പ്ളാന്‍റുകള്‍ സ്ഥാപിക്കുക.  |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment