ഡീസല്‍ വില നിയന്ത്രണാധികാരം എണ്ണ കമ്പനികള്‍ക്ക് Madhyamam News Feeds |  |
- ഡീസല്‍ വില നിയന്ത്രണാധികാരം എണ്ണ കമ്പനികള്‍ക്ക്
- ഝാര്‍ഖണ്ഡില്‍ രാഷ്ട്രപതി ഭരണത്തിന് ശിപാര്‍ശ
- അതിര്‍ത്തിയിലെ വെടിവെപ്പ്: മന്‍മോഹന്‍ - ഖുര്‍ശിദ് കൂടിക്കാഴ്ച ഇന്ന്
- പാക് പ്രധാനമന്ത്രിയെ അറസ്റ്റ് ചെയ്യാനാകില്ല
- സ്മാര്‍ട്ട്സിറ്റി: ദല്‍ഹി യോഗം നിര്‍ണായകം
- എയര്‍ കേരള: തടസ്സങ്ങള്‍ നീക്കും -കുഞ്ഞാലിക്കുട്ടി
- മത്രയില്‍ അഗ്നിബാധ; ആറ് ഫ്ളാറ്റുകള്‍ കത്തി
- ചെക്ക് തട്ടിപ്പ്: കൂടുതല്‍ വ്യാപാരികള്‍ പരാതിയുമായി രംഗത്ത്
- കേരള എന്‍ട്രന്‍സ് ഏപ്രില്‍ 22 മുതല്‍ 25 വരെ
- എയര്‍ ഇന്ത്യ ഡ്രീംലൈനര്‍ സര്‍വ്വീസുകള്‍ നിര്‍ത്തലാക്കി
| ഡീസല്‍ വില നിയന്ത്രണാധികാരം എണ്ണ കമ്പനികള്‍ക്ക് Posted: 17 Jan 2013 12:25 AM PST Image:  ന്യൂദല്‍ഹി: ഡീസല്‍ വില നിയന്ത്രണാധികാരം രാജ്യത്തെ എണ്ണ കമ്പനികള്‍ക്ക് നല്‍കാന്‍ വ്യാഴാഴ്ച ചേര്‍ന്ന കേന്ദ്ര മരന്തിസഭായോഗം തീരുമാനിച്ചു. പെട്രോളിയം മന്ത്രി എം.വീരപ്പമൊയ്ലിയാണ് ഇക്കാര്യം അറിയിച്ചത്. അന്താരാഷ്ട്ര വിപണിയിലെ വിലനിലവാരമനുസരിച്ചായിരിക്കും ഇനി രാജ്യത്തെ ഡീസല്‍ വിലയെന്ന് അദ്ദേഹം പറഞ്ഞു. ഡീസലിന് ഒരു വര്‍ഷത്തിനുള്ളില്‍ പത്ത് രൂപയുടെ വില വര്‍ധനയാണ് പ്രതീക്ഷിക്കുന്നത്.
 |
| ഝാര്‍ഖണ്ഡില്‍ രാഷ്ട്രപതി ഭരണത്തിന് ശിപാര്‍ശ Posted: 17 Jan 2013 12:13 AM PST Image:  ന്യൂദല്‍ഹി: രാഷ്ട്രീയ അനിശ്ചിതത്വം നിലനില്‍ക്കുന്ന ഝാര്‍ഖണ്ഡില്‍ നിയമസഭ പിരിച്ചുവിട്ട് രാഷ്ട്രപതി ഭരണത്തിന് കേന്ദ്രമന്ത്രി സഭ ശിപാര്‍ െചെയ്തു. ഝാര്‍ഖണ്ഡ് ഗവര്‍ണര്‍ സയ്യിദ് അഹമ്മദ് കേന്ദ്ര അഭ്യന്തര മന്ത്രാലയത്തിന് സമര്‍പ്പിച്ച റിപ്പോര്‍ട്ടിന്റെഅടിസ്ഥാനത്തിലാണ് ശിപാര്‍ശ.
 |
| അതിര്‍ത്തിയിലെ വെടിവെപ്പ്: മന്‍മോഹന്‍ - ഖുര്‍ശിദ് കൂടിക്കാഴ്ച ഇന്ന് Posted: 16 Jan 2013 11:45 PM PST Image:  ന്യൂദല്‍ഹി: നിയന്ത്രണ രേഖയിലെ വെടിനിര്‍ത്തല്‍ കരാര്‍ ലംഘനത്തെ തുടര്‍ന്ന് ഇന്ത്യക്കും പാകിസ്താനും ഇടയിലുണ്ടായിരുക്കുന്ന പ്രശ്നം എങ്ങനെ കൈകാര്യം ചെയ്യണമെന്ന് തീരുമാനിക്കാന്‍ വിദേശകാര്യമന്ത്രി സല്‍മാന്‍ ഖുര്‍ശിദ് പ്രധാനമന്ത്രി മന്‍മോഹന്‍ സിങുമായി ഇന്ന് കൂടിക്കാഴ്ച നടത്തും. പ്രശ്നം പരിഹരിക്കാന്‍ ഇന്ത്യന്‍ വിദേശകാര്യമന്ത്രിയെ പാക് വിദേശകാര്യ മന്ത്രി ഹിന റബ്ബാനി ചര്‍ച്ചക്ക് ക്ഷണിച്ചിരുന്നു. ഹിനയുടെ ക്ഷണം സ്വീകരിക്കണമോ എന്ന വിഷയത്തിലാണ് ഖുര്‍ശിദ് മന്‍മോഹന്‍ സിങുമായി പ്രധാനമായും ചര്‍ച്ച നടത്തുക.  |
| പാക് പ്രധാനമന്ത്രിയെ അറസ്റ്റ് ചെയ്യാനാകില്ല Posted: 16 Jan 2013 11:38 PM PST Image:  ഇസ്ലാമാബാദ്: അഴിമതി കേസില്‍ കുറ്റാരോപിതനായ പാക് പ്രധാനമന്ത്രി രാജാ പര്‍വേസ് അശ്റഫിനെ അറസ്റ്റ് ചെയ്യാന്‍ മതിയായ തെളിവുകളില്ലെന്ന് രാജ്യത്തെ അഴിമതി നിരോധ ഏജന്‍സിയായ നാഷനല്‍ അക്കൗണ്ടബിലിറ്റി ബ്യൂറോ (എന്‍.എ.ബി)തലവന്‍ സുപ്രീംകോടതിയെ അറിയിച്ചു. രാജാ അശ്റഫിനെതിരായ പ്രാഥമിക അന്വേഷണത്തില്‍ അദ്ദേഹത്തിനെതിരെ തെളിവില്ലെന്നും അതുകൊണ്ടുതന്നെ അറ്സ്റ്റ് സംബന്ധിച്ച തീരുമാനം കൈകൊള്ളാന്‍ കൂടുതല്‍ സമയം വേണമെന്നുമാണ് എന്‍.എ.ബി തലവന്‍ ഫസീഹ് ബുഖാരി കോടതിയെ അറിയിച്ചത്. അതേസമയം, കേസന്വേഷണത്തിന് കൂടുതല്‍ സമയം വേണമെന്ന എന്‍.എ.ബി ആവശ്യത്തെ ചീഫ് ജസ്റ്റിസ് ഇഫ്തികാര്‍ ചൗധരി വിമര്‍ശിച്ചു. കേസ് വൈകുന്നേരം വീണ്ടും പരിഗണിക്കും.
 |
| സ്മാര്‍ട്ട്സിറ്റി: ദല്‍ഹി യോഗം നിര്‍ണായകം Posted: 16 Jan 2013 11:37 PM PST Image:  കൊച്ചി: സ്മാര്‍ട്ട്സിറ്റി നിര്‍മാണം സംബന്ധിച്ച് സര്‍ക്കാര്‍- ദുബൈ ടീകോം തര്‍ക്കം പരിഹരിച്ചെങ്കിലും വെള്ളിയാഴ്ച ദല്‍ഹിയില്‍ ചേരുന്ന സെസ് അപ്രൂവല്‍ ബോര്‍ഡ് യോഗം നിര്‍ണായകമാകും. നിര്‍മാണം നിശ്ചിതസമയത്ത് തുടങ്ങണമെങ്കില്‍ പദ്ധതി പ്രദേശത്തിന് ഒറ്റ സെസ് ലഭിക്കണമെന്ന ആവശ്യത്തില്‍ ടീകോം ഉറച്ചുനില്‍ക്കുന്നതിനാലാണിത്. ഒറ്റസെസ് ലഭിക്കാതെ നിര്‍മാണവുമായി മുന്നോട്ടുപോകുന്നതിലുള്ള സാങ്കേതികത്വം ചൊവ്വാഴ്ച ദുബൈയില്‍ ചേര്‍ന്ന ഡയറക്ടര്‍ ബോര്‍ഡ് യോഗത്തിലും ടീകോം ഉന്നയിച്ചിരുന്നു.  |
| എയര്‍ കേരള: തടസ്സങ്ങള്‍ നീക്കും -കുഞ്ഞാലിക്കുട്ടി Posted: 16 Jan 2013 10:16 PM PST Image:  ദുബൈ: ഗള്‍ഫ് മേഖലയിലുള്ളവരുടെ യാത്രാ പ്രശ്നങ്ങള്‍ പരിഹരിക്കാന്‍ കേരള സര്‍ക്കാര്‍ ആരംഭിക്കാന്‍ തീരുമാനിച്ച എയര്‍ കേരള പദ്ധതി യാഥാര്‍ഥ്യമാക്കാന്‍ എല്ലാ ശ്രമങ്ങളും നടത്തുമെന്നും ഇതിനുള്ള തടസ്സങ്ങള്‍ തട്ടിമാറ്റുമെന്നും വ്യവസായ മന്ത്രി പി.കെ. കുഞ്ഞാലിക്കുട്ടി വ്യക്തമാക്കി. എയര്‍ കേരളയുടെ കാര്യത്തില്‍ കേരള സര്‍ക്കാറിന് നിശ്ചയദാര്‍ഢ്യമുണ്ടെന്നും അദ്ദേഹം ഷാര്‍ജയില്‍ വാര്‍ത്താസമ്മേളനത്തില്‍ പറഞ്ഞു.  |
| മത്രയില്‍ അഗ്നിബാധ; ആറ് ഫ്ളാറ്റുകള്‍ കത്തി Posted: 16 Jan 2013 10:08 PM PST Image:  മസ്കത്ത്: മത്ര സൂഖിലെ പഴയ ബഹുനില കെട്ടിടമായ താലിബ് ബിള്‍ഡിങില്‍ അഗ്നിബാധ. രാജസ്ഥാന്‍ സ്വദേശി യൂനുസിന് പൊള്ളലേറ്റു. പുകശ്വസിച്ച് അവശനിലയിലായ ഇദ്ദേഹത്തെ ആശുപത്രിയിലേക്ക് മാറ്റി. ബുധനാഴ്ച രാത്രി ഏഴരക്ക് ആരംഭിച്ച തീപ്പിടുത്തം രാത്രി വൈകിയും പൂര്‍ണമായി അണക്കാനായിട്ടില്ല. രണ്ടും മൂന്നും നിലകളിലെ ആറ് ഫ്ളാറ്റുകള്‍ കത്തിനശിച്ചു. മൂന്നാം നിലയിലെ മധ്യഭാഗത്തെ മുറിയിലാണ് ആദ്യം തീപ്പിടുത്തമുണ്ടായത്. നിമിഷങ്ങള്‍ക്കകം തീ മറ്റു ഭാഗങ്ങളിലേക്ക് ആളി പടര്‍ന്നുവെന്ന് സ്ഥലവാസികള്‍ പറയുന്നു. മൂന്നാം നിലയിലെ ആറ് ഫ്ളാറുകള്‍ പൂര്‍ണമായി കത്തി നശിച്ചു. കെട്ടിടത്തിന്‍െറ പഴക്കവും പഴയ ഫര്‍ണിച്ചറുകളും തീ ആളിപ്പടരാന്‍ കാരണമായി. സിലിണ്ടുറുകളും മറ്റും ഇലക്ട്രിക് ഉപകരണങ്ങളും പൊട്ടിതെറിക്കുന്നത് കേള്‍ക്കാമായിരുന്നു. കെട്ടിടത്തിലെ മറ്റ് മറ്റ് റൂമുകളിലുള്ള താമസക്കാര്‍ ചാടി പുറത്ത് പോയത് കാരണം വന്‍ ദുരന്തം ഒഴിവായി.  |
| ചെക്ക് തട്ടിപ്പ്: കൂടുതല്‍ വ്യാപാരികള്‍ പരാതിയുമായി രംഗത്ത് Posted: 16 Jan 2013 09:58 PM PST Image:  മനാമ: സാധനങ്ങള്‍ വാങ്ങി ചെക്ക് നല്‍കി വഞ്ചിക്കുന്ന സംഘത്തിനെതിരെ പരാതിയുമായി നിരവധി വ്യാപാരികള്‍ രംഗത്ത് എത്തി. ഇത്തരം സംഘങ്ങള്‍ ബഹ്റൈനില്‍ വിലസുന്നതായ ഇന്നലത്തെ ‘ഗള്‍ഫ് മാധ്യമം’ വാര്‍ത്തയെ തുടര്‍ന്നാണ് ചെക്ക് വാങ്ങിവെച്ച നിരവധി വ്യാപാരികള്‍ ഈ സംഘത്തിനെതിരെ രംഗത്ത് വന്നിരിക്കുന്നത്. 10000 ദിനാറിന് മുകളില്‍ വിലവരുന്ന സാധനങ്ങള്‍ നല്‍കി ചെക്ക് വാങ്ങി വെച്ചവരും കൂട്ടത്തിലുണ്ട്. മിക്ക വ്യാപാരികള്‍ക്കും ഫെബ്രുവരി അവസാനവും മാര്‍ച്ച് ആദ്യവും തീയിതിയിട്ടാണ് ചെക്ക് നല്‍കിയിരിക്കുന്നത്. അതേസമയം, ചെറിയ തുകക്ക് ചെക്ക് നല്‍കിയവര്‍ക്ക് അക്കൗണ്ടില്‍നിന്ന് പണം ലഭിച്ചിട്ടുണ്ട്. ഇങ്ങനെ വിശ്വാസം ആര്‍ജിച്ച ശേഷം പിന്നീട് വലിയ സംഖ്യക്ക് സാധനങ്ങള്‍ വാങ്ങി ചെക്ക് നല്‍കി മുങ്ങുന്ന രീതിയാണ് ഒമാനിലും ഖത്തറിലും കുവൈത്തിലുമെല്ലാം തട്ടിപ്പു സംഘങ്ങള്‍ നടത്തിയത്. ഇതേ രീതിതന്നെ പിന്തുടരാനാണ് ഇവിടെയും പദ്ധയിട്ടതെന്നാണ് വ്യാപാരികളുടെ ആശങ്ക.  |
| കേരള എന്‍ട്രന്‍സ് ഏപ്രില്‍ 22 മുതല്‍ 25 വരെ Posted: 16 Jan 2013 09:57 PM PST Image:  2013ലെ കേരളത്തിലെ എന്‍ജിനീയറിങ് പ്രവേശ പരീക്ഷ ഏപ്രില്‍ 22, 23 തീയതികളില്‍ നടക്കും. ഏപ്രില്‍ 22ന് ഫിസിക്സ്, കെമിസ്ട്രി (പേപ്പര്‍ ഒന്ന്), ഏപ്രില്‍ 23ന് മാത്തമാറ്റിക്സ് (പേപ്പര്‍ രണ്ട്). ആര്‍കിടെക്ചര്‍ KEAM: ഈ വര്‍ഷത്തെ സവിശേഷതകള്‍ ഈ വര്‍ഷത്തെ പ്രഫഷനല്‍ കോഴ്സ് പ്രവേശത്തില്‍ നിരവധി സവിശേഷതകളുണ്ട്. കേരളീയന്‍ എന്ന ആനുകൂല്യം ലഭിക്കാന്‍ അപേക്ഷാര്‍ഥിയോ അപേക്ഷാര്‍ഥിയുടെ അച്ഛനോ അമ്മയോ കേരളത്തില്‍ ജനിച്ചിരിക്കണം. എട്ട് മുതല്‍ 12 വരെ ക്ളാസുകളില്‍ കേരളത്തില്‍ പഠിച്ചതിന്‍െറ അടിസ്ഥാനത്തിലും കഴിഞ്ഞ 12 വര്‍ഷത്തിനുള്ളില്‍ അഞ്ചു വര്‍ഷമെങ്കിലും കേരളത്തില്‍ താമസിച്ചതിന്‍െറ അടിസ്ഥാനത്തിലും ഇത്തവണ ‘കേരളീയന്‍’ എന്ന പരിഗണന ലഭിക്കുന്നതല്ല. എം.ബി.ബി.എസ്/ബി.ഡി.എസ് കോഴ്സുകളിലേക്ക് സ്പെഷല്‍ റിസര്‍വേഷന്‍ സീറ്റുകളില്‍ പ്രവേശത്തിനായി പരിഗണിക്കണമെങ്കില്‍ അവര്‍ നീറ്റ്-യു.ജി 2013ന്‍െറ കേരള റാങ്ക് പട്ടികയില്‍ സ്ഥാനം നേടിയിരിക്കണം. അതിനാല്‍ ആയുര്‍വേദ ഡിഗ്രി/ഡിപ്ളോമക്കാര്‍,ഹോമിയോപ്പതി/ഡിപ്ളോമക്കാര്‍, സര്‍വീസിലുള്ള നഴ്സുമാര്‍ എന്നിവരും മറ്റു വിഭാഗക്കാരും എം.ബി.ബി.എസ്,ബി.ഡി.എസ് വിശേഷാല്‍ സംവരണ സീറ്റുകളിലേക്ക് പരിഗണിക്കപ്പെടണമെങ്കില്‍ അവര്‍ നീറ്റ്-യു.ജി 2013 എഴുതി കേരളത്തിനുള്ള റാങ്ക് പട്ടികയില്‍ ഇടം നേടണം. അതിലെ റാങ്ക് എത്രതന്നെയായാലും പ്രവേശത്തിന് അര്‍ഹതയുണ്ടായിരിക്കും. മുന്‍ വര്‍ഷങ്ങളില്‍ നിശ്ചിത റാങ്ക് പരിധിയില്‍ ഉള്‍പ്പെടുന്നവരെ മാത്രമേ പ്രവേശത്തിന് പരിഗണിക്കുമായിരുന്നുള്ളൂ. രജിസ്റ്റര്‍ ചെയ്ത ഓപ്ഷനുകളുടെ അടിസ്ഥാനത്തില്‍ അവസാന അലോട്ടുമെന്‍റില്‍ അനുവദിച്ച സീറ്റ് സ്വീകരിക്കാതിരുന്നാല്‍, എം.ബി.ബി.എസ്/ബി.ഡി.എസ് സീറ്റാണെങ്കില്‍ 10 ലക്ഷം രൂപയും മറ്റ് കോഴ്സുകളിലെ സീറ്റാണെങ്കില്‍ അമ്പതിനായിരം രൂപയും പിഴ നല്‍കേണ്ടിവരും. വരുമാനപരിധി, സംവരണ ആനുകൂല്യം, നേറ്റിവിറ്റി എന്നിവ പരിഗണിച്ച് ഇതില്‍ ഒരു ഇളവും അനുവദിക്കുന്നതല്ല. സര്‍ക്കാര്‍, സ്വാശ്രയ മെഡിക്കല്‍, ഡെന്‍റല്‍ കോളജുകളിലെ സര്‍ക്കാര്‍ സീറ്റുകളിലും പ്രവേശ പരീക്ഷാ കമീഷണറുടെ അലോട്ടുമെന്‍റ് വഴി പ്രവേശം നേടുന്ന സര്‍ക്കാര്‍ നിയന്ത്രിത സ്വാശ്രയ മെഡിക്കല്‍/ഡെന്‍റല്‍ കോളജുകളിലെ മാനേജ്മെന്‍റ് സീറ്റുകളിലും പ്രവേശം നേടിയവര്‍, പ്രവേശ നടപടികള്‍ പൂര്‍ത്തിയായശേഷം ആ വര്‍ഷം പഠനം തുടരാതിരിക്കുന്നപക്ഷം പത്തു ലക്ഷം രൂപ, ലിക്വിഡേറ്റഡ് ഡാമേജായി നല്‍കേണ്ടിവരും. പരമാവധി രണ്ടു വര്‍ഷത്തേക്ക് ഇവര്‍ക്ക് പ്രവേശ പരീക്ഷാ കമീഷണറുടെ അലോട്ട്മെന്‍റിലും പ്രവേശ പ്രക്രിയയിലും പങ്കെടുക്കുന്നതില്‍ വിലക്കു കല്‍പിക്കുകയും ചെയ്യും. റാങ്ക് പട്ടിക തയാറാക്കുമ്പോള്‍ യോഗ്യതാ പരീക്ഷയില്‍ ഫിസിക്സ്, മാത്തമാറ്റിക്സ്, കെമിസ്ട്രി എന്നീ വിഷയങ്ങളില്‍ 12ാം ക്ളാസില്‍ ബോര്‍ഡ് പരീക്ഷയില്‍ ലഭിച്ച മാര്‍ക്കുകൂടി പരിഗണിക്കും. ഈ മാര്‍ക്കുകള്‍ ഓരോന്നും നൂറിലാക്കി, സമീകരണത്തിന് വിധേയമാക്കി പരിഗണിക്കും. ഈ പ്രക്രിയയില്‍ globen mean, global standard deviation എന്നിവ കണക്കാക്കാന്‍ 2009 മുതല്‍ 2013 വരെയുള്ള ബന്ധപ്പെട്ട വിവരങ്ങളായിരിക്കും പരിഗണിക്കുക. എം.ബി.ബി.എസ്/ബി.ഡി.എസ് പ്രവേശത്തിന് മാത്രമായി ഒരു പ്രത്യേക കേന്ദ്രീകൃത അലോട്ടുമെന്‍റ് പ്രക്രിയ ഉണ്ടായിരിക്കും. നീറ്റ് 2013 ന്‍െറ അടിസ്ഥാനത്തില്‍ തയാറാക്കുന്ന കേരളത്തിനുവേണ്ടിയുള്ള റാങ്ക് പട്ടികയുടെ അടിസ്ഥാനത്തിലായിരിക്കും ഈ കേന്ദ്രീകൃത അലോട്ട്മെന്‍റ് നടത്തുക.  |
| എയര്‍ ഇന്ത്യ ഡ്രീംലൈനര്‍ സര്‍വ്വീസുകള്‍ നിര്‍ത്തലാക്കി Posted: 16 Jan 2013 09:44 PM PST Image:  ന്യൂദല്‍ഹി: എയര്‍ ഇന്ത്യയുടെ ആറ് ബോയിങ് 787 ഡ്രീം ലൈനര്‍ സര്‍വ്വീസുകള്‍ നിര്‍ത്തലാക്കി. യു.എസ് ഫെഡറല്‍ ഏവിയേഷന്‍ അഡ്മിനിസ്ട്രേഷന്റെനിര്‍ദ്ദേശത്തെ തുടര്‍ന്നാണ് എയര്‍ ഇന്ത്യ ഡ്രീം ലൈനര്‍ സര്‍വ്വീസുകള്‍ നിര്‍ത്തലാക്കിയത്. വിവിധ രാജ്യങ്ങളിലായി ഇത്തരത്തിലുള്ള 50 വിമാനങ്ങള്‍ യു.എസ് ഫെഡറല്‍ ഏവിയേഷന്‍ അഡ്മിനസ്ട്രേഷന്‍ വിതരണം ചെയ്തിരുന്നു. സാങ്കേതിക തകരാറുകള്‍ ശ്രദ്ധയില്‍ പെട്ടതിനെ തുടര്‍ന്നാണ് ഈ വിമാനങ്ങളുടെയെല്ലാം സര്‍വ്വീസ് നിര്‍ത്താലാക്കാന്‍ നിര്‍ദ്ദേശം നല്‍കിയത്.  |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment