രാഷ്ട്രപതി ആകുമെന്ന് സ്മൃതി ഇറാനിയോട് ജ്യോതിഷി Madhyamam News Feeds |  |
- രാഷ്ട്രപതി ആകുമെന്ന് സ്മൃതി ഇറാനിയോട് ജ്യോതിഷി
- ജമ്മു കശ്മീര്‍, ഝാര്‍ഖണ്ഡ് ഒന്നാംഘട്ട വോട്ടെടുപ്പ് നാളെ
- എം.എം മണിയുടെ വെളിപ്പെടുത്തല്‍: തുടരന്വേഷണം വേണ്ടെന്ന് ഹൈകോടതി
- ഇന്ത്യന്‍ ഓഹരി വിപണിയില്‍ റെക്കോഡ് നേട്ടം
- കലക്ടറുടെ നിരോധം മറികടന്ന് ഗജമേള
- മലമ്പുഴ ഡാമിന് ചുറ്റും കമ്പിവേലി കെട്ടിയതില്‍ ക്രമക്കേട്
- കീച്ചേരി സംഘര്‍ഷം: സമാധാനത്തിന് ആഹ്വാനം
- ജില്ലയില്‍ ഡിസംബര്‍ ഒന്നുമുതല്‍ മണല്‍ വാരല്‍ ആരംഭിക്കും
- ഇറാനില്‍ വോളിബോള്‍ കണ്ടതിന് തടവിലായ യുവതിക്ക് ജാമ്യം
- ലാപ്ടോപ്പ് അഴിമതി: ഡല്‍ഹിയിലെ 300 ജഡ്ജിമാര്‍ക്കെതിരെ അന്വേഷണം
- സംസ്ഥാന സീനിയര്‍ ഫുട്ബാള്‍ ചാമ്പ്യന്‍ഷിപ്പിന് കിക്കോഫ്
- മദ്യവില്‍പനക്കാരുടെ വോട്ടും പണവും വേണ്ട ^സുധീരന്‍
- വികലാംഗദിനാഘോഷത്തിന് ടാഗോര്‍ഹാള്‍ നിഷേധിച്ചത് വിവാദമാകുന്നു
- സ്വര്‍ണവിലയില്‍ മാറ്റമില്ല; പവന് 19,960 രൂപ
- വരുന്നു, ശരീഅ മ്യൂച്വല്‍ ഫണ്ട്
- രണ്ടാം പാദത്തില്‍ കോര്‍പ്പറേറ്റുകള്‍ക്ക് നിരാശ
- ഗള്‍ഫ് കപ്പ്: ഖത്തര്‍ x സൗദി ഫൈനല്‍
- ഡിപ്ളോമാറ്റ്സ് കപ്പ് ക്രിക്കറ്റ് വെള്ളിയാഴ്ച
- മുല്ലപ്പെരിയാര്‍ ജലനിരപ്പ് 140.9 അടിയായി താഴ്ന്നു
- തൊഴില്‍ മന്ത്രിമാരുടെ യോഗം ഇന്നു കുവൈത്തില്‍; നിതാഖാത്ത് ശ്രദ്ധേയമാകും
- കുവൈത്തില്‍ വൈദ്യുതി, വെള്ളം, പെട്രോള്‍ സബ്സിഡി നിയന്ത്രണം ജനുവരിയോടെ
- അസ്ലമിനു വേണം സുമനസ്സുകളുടെ സഹായം
- വോട്ടിംഗ് 51 ശതമാനം; മിക്ക മണ്ഡലങ്ങളിലും വീണ്ടും വോട്ടെടുപ്പ്
- ജീവന്മരണ പോരാട്ടത്തില്‍ ഡല്‍ഹിയും യുനൈറ്റഡും
- മറക്കാനാകുമോ ഈ വീരസിംഹത്തെ?
| രാഷ്ട്രപതി ആകുമെന്ന് സ്മൃതി ഇറാനിയോട് ജ്യോതിഷി Posted: 24 Nov 2014 01:05 AM PST Image:  ജയ്പൂര്‍ : അഞ്ചു കൊല്ലത്തിനുള്ളില്‍ ഇന്ത്യയുടെ രാഷ്ട്രപതി ആകുമെന്ന് കേന്ദ്ര മാനവ വിഭവ ശേഷി മന്ത്രി സ്മൃതി ഇറാനിയോട് ജ്യോതിഷി. സ്മൃതിയുടെ സ്ഥിരം ജ്യോതിഷി പണ്ഡിറ്റ് നാഥുലാല്‍ വ്യാസ് ആണ് പ്രവചനം നടത്തിയത്. നാലു മണിക്കൂറാണ് ജ്യോതിഷിയോടൊപ്പം കേന്ദ്ര മന്ത്രി ചെലവഴിച്ചത്. രാഷ്ട്രീയത്തില്‍ അടിക്കടി ഉയര്‍ച്ച ഉണ്ടാകുമെന്നാണ് ഗ്രഹനില നോക്കി പറഞ്ഞത്. തന്‍റെ വ്യക്തിപരമായ കാര്യം ആണിതെന്നും മാധ്യമങ്ങള്‍ അറിയേണ്ട കാര്യമില്ളെന്നും ചോദ്യങ്ങളോട് അവര്‍ പ്രതികരിച്ചു. വിദ്യാഭ്യാസ വകുപ്പ് നിയന്ത്രിക്കുന്ന സ്മൃതി ഇറാനി മക്കളെ ഡല്‍ഹിയിലെ സ്കൂളില്‍ ചേര്‍ക്കാന്‍ ഭര്‍ത്താവിനെയും കൂട്ടി സ്കൂള്‍ അധികൃതരുടെ ഇന്‍റര്‍വ്യൂവില്‍ പങ്കെടുത്തത് ഈയിടെ വാര്‍ത്തയായിരുന്നു. മന്ത്രി ആണെങ്കിലും സ്കൂളിലെ നിയമം അനുസരിക്കാന്‍ താന്‍ ബാധ്യസ്ഥയാണെന്നാണ് ഇതേപറ്റി അവര്‍ പറഞ്ഞത്. പി.ടി.എ യോഗങ്ങളിലും താന്‍ മുടങ്ങാതെ പോകുമെന്ന് സ്മൃതി പറഞ്ഞു.  |
| ജമ്മു കശ്മീര്‍, ഝാര്‍ഖണ്ഡ് ഒന്നാംഘട്ട വോട്ടെടുപ്പ് നാളെ Posted: 24 Nov 2014 12:25 AM PST Image:  ന്യൂഡല്‍ഹി: ജമ്മു കശ്മീര്‍, ഝാര്‍ഖണ്ഡ് നിയമസഭകളിലേക്കുള്ള ഒന്നാംഘട്ട തെരഞ്ഞെടുപ്പിന്‍െറ വോട്ടെടുപ്പ് നാളെ നടക്കും. ജമ്മു കശ്മീരിലെ 87ല്‍ 15 സീറ്റിലേക്കും ഝാര്‍ഖണ്ഡിലെ 81ല്‍ 13 സീറ്റിലേക്കുമാണ് വോട്ടെടുപ്പ് നടക്കുന്നത്. ഒന്നാംഘട്ട പരസ്യ പ്രചാരണങ്ങള്‍ ഞായറാഴ്ച സമാപിച്ചിരുന്നു. ഇന്ന് നിശബ്ദ പ്രചാരണ ദിവസമാണ്. തീവ്രവാദി,നക്സല്‍ ഭീഷണി കണക്കിലെടുത്ത് വന്‍ സുരക്ഷയാണ് രണ്ട് സംസ്ഥാനങ്ങളിലും ഏര്‍പ്പെടുത്തിയിട്ടുള്ളത്. കശ്മീരില്‍ ഉമര്‍ അബ്ദുള്ളയുടെ നാഷണല്‍ കോണ്‍ഫറന്‍സും മെഹബൂബ മുഫ്തിയുടെ പിപ്പ്ള്‍സ് ഡെമോക്രറ്റിക് പാര്‍ട്ടിയും കോണ്‍ഗ്രസും ബി.ജെ.പിയുമാണ് മത്സര രംഗത്തുള്ളത്. ഭരണം തിരിച്ചുപിടിക്കാന്‍ കോണ്‍ഗ്രസും പി.ഡി.പിയും ശ്രമിക്കുമ്പോള്‍ മോദിയുടെ പ്രതിച്ഛായയില്‍ വിജയം നേടാനാണ് ബി.ജെ.പി നീക്കം. ഝാര്‍ഖണ്ഡ് സ്റ്റുഡന്‍റ്സ് യൂണിയന്‍ പാര്‍ട്ടി, ലോക് ജനശക്തി പാര്‍ട്ടി, രാഷ്ട്രീയ ലോക് സമതാ പാര്‍ട്ടി എന്നിവര്‍ ഉള്‍പ്പെടുന്ന എന്‍.ഡി.എ സഖ്യത്തിനാണ് ഝാര്‍ഖണ്ഡില്‍ ബി.ജെ.പി നേതൃത്വം നല്‍കുന്നത്. സീറ്റ് വിഭജന തര്‍ക്കത്തെ തുടര്‍ന്ന് ഝാര്‍ഖണ്ഡ് മുക്തി മോര്‍ച്ചയും കോണ്‍ഗ്രസും ഒറ്റക്കാണ് മത്സരിക്കുന്നത്. ആര്‍.ജെ.ഡി, ജെ.ഡി.യു പാര്‍ട്ടികള്‍ കോണ്‍ഗ്രസ് സഖ്യത്തിനൊപ്പമാണ്. അഞ്ച് ഘട്ടങ്ങളായാണ് ഇരു സംസ്ഥാനങ്ങളിലെ തെരഞ്ഞെടുപ്പ് ക്രമീകരിച്ചിട്ടുള്ളത്. കശ്മീരിലെയും ഝാര്‍ഖണ്ഡിലെയും രണ്ടാംഘട്ടം ഡിസം^2, മൂന്നാംഘട്ടം ഡിസം^9, നാലാംഘട്ടം ഡിസം^14. അഞ്ചാംഘട്ടം ഡിസം^20 തീയതികളിലാണ് വോട്ടെടുപ്പ്. ഡിസംബര്‍ 23നാണ് രണ്ടിടത്തും വോട്ടെണ്ണല്‍.  |
| എം.എം മണിയുടെ വെളിപ്പെടുത്തല്‍: തുടരന്വേഷണം വേണ്ടെന്ന് ഹൈകോടതി Posted: 23 Nov 2014 11:30 PM PST Image:  കൊച്ചി: വണ്ടിപ്പെരിയാര്‍ ബാലു വധക്കേസില്‍ തുടരന്വേഷണം നടത്തണമെന്ന് ആവശ്യപ്പെട്ട് സര്‍ക്കാര്‍ നല്‍കിയ ഹരജി ഹൈകോടതി തള്ളി. സി.പി.എം ഇടുക്കി ജില്ലാ സെക്രട്ടറി എം.എം മണിയുടെ വെളിപ്പെടുത്തലിന്‍റെ പശ്ചാത്തലത്തില്‍ കേസില്‍ തുടരന്വേഷണം വേണമെന്നാണ് സര്‍ക്കാര്‍ ഹൈകോടതിയില്‍ ആവശ്യപ്പെട്ടത്. സര്‍ക്കാറിന്‍റെ ഈ ആവശ്യം കോടതി തള്ളി. കുറ്റകൃത്യത്തില്‍ ആര്‍ക്കെങ്കിലും പങ്കുണ്ടോ എന്ന കാര്യം വ്യക്തമല്ല. അന്വേഷണത്തില്‍ അതു സംബന്ധിച്ച തെളിവ് ലഭിച്ചിട്ടില്ളെന്നും കോടതി വ്യക്തമാക്കി. ടി.പി ചന്ദ്രശേഖരന്‍ വധത്തോടനുബന്ധിച്ചാണ് സി.പി.എം ജില്ലാ സെക്രട്ടറിയായ എം.എം മണി വിവാദ പ്രസംഗം നടത്തിയത്. ഇടുക്കി മേഖലയിലെ തോട്ടങ്ങളില്‍ പാര്‍ട്ടിക്കെതിരെ പ്രവര്‍ത്തിച്ചവരെ പട്ടിക തയാറാക്കി കൊന്നിട്ടുണ്ടെന്നാണ് പൊതുയോഗത്തില്‍ മണി പ്രസംഗിച്ചത്.  |
| ഇന്ത്യന്‍ ഓഹരി വിപണിയില്‍ റെക്കോഡ് നേട്ടം Posted: 23 Nov 2014 10:07 PM PST Image:  മുംബൈ: വാരാരംഭത്തില്‍ ഇന്ത്യന്‍ ഓഹരി വിപണിയില്‍ റെക്കോഡ് നേട്ടം. ബോംബെ സൂചികയായ സെന്‍സെക്സ് 148.98 പോയന്‍റ് ഉയര്‍ന്ന് 28,483.61 പോയന്‍റിലെത്തി. 0.53 ശതമാനം ഉയര്‍ച്ചയാണ് രേഖപ്പെടുത്തിയത്. ദേശീയ സൂചിക നിഫ്റ്റി 50.40 പോയന്‍റ് ഉയര്‍ന്നാണ് റെക്കോഡിട്ടത്. 8,527.75 പോയന്‍റിലാണ് വ്യാപാരം പുരോഗമിക്കുന്നത്. ചരിത്രത്തില്‍ ആദ്യമായി നിഫ്റ്റി 8,500 പോയന്‍റിന് മുകളിലെ ത്തി. ആഗോള വിപണിയിലെ മുന്നേറ്റവും ഏഷ്യന്‍ വിപണികളിലുണ്ടായ കുതിപ്പുമാണ് ഇന്ത്യന്‍ ഓഹരി വിപണിലെ ഉയര്‍ച്ചക്ക് വഴിവെച്ചത്. പാര്‍ലമെന്‍റ് ശീതകാല സമ്മേളനത്തില്‍ സാമ്പത്തിക പരിഷ്കരണ പ്രഖ്യാപനങ്ങള്‍ ഉണ്ടാകുമെന്ന വിലയിരുത്തലും വിപണിയിലെ കയറ്റത്തിന് കാരണമായി. ജിന്‍ഡാല്‍ സ്റ്റീല്‍, മണിവെല്‍ ഓട്ടോ, എം.ടി.എന്‍.എല്‍, ഗാത്തി, ജെ.കെ ടെയേഴ്സ് ആന്‍ഡ് ഇന്‍ഡസ്ട്രീസ് തുടങ്ങിയ കമ്പനികള്‍ നേട്ടം കൊയ്തു. സ്പൈസ് ജെറ്റ്, ഡി.സി.എം ശ്രീറാം, എസാര്‍ ഓയില്‍, സി. മഹേന്ദ്ര എക്സ് തുടങ്ങിയവ നഷ്ടത്തില്‍  |
| കലക്ടറുടെ നിരോധം മറികടന്ന് ഗജമേള Posted: 23 Nov 2014 10:05 PM PST പാലക്കാട്: കലക്ടറുടെ നിരോധം മറികടന്ന് ആന ഉടമാ സംഘം ചെറിയ കോട്ടമൈതാനത്ത് ഗജമേള നടത്തി. ഗജമേള, മൃഗങ്ങളെ ഉപയോഗിച്ച് പ്രദര്‍ശനം, കന്നുകാലിഓട്ടം എന്നിവക്ക് അനുമതി നല്‍കില്ളെന്ന് രണ്ട് ദിവസം മുമ്പാണ് കലക്ടര്‍ ഉത്തരവിറക്കിയത്. എന്നാല്‍, ആന ഉടമസംഘം ഞായറാഴ്ച നടത്തിയ സംസ്ഥാന സമ്മേളനത്തിന്‍െറ ഭാഗമായി 18 ആനകളെ പങ്കെടുപ്പിച്ചാണ് ഗജസംഗമം എന്ന പേരില്‍ ഗജമേള നടത്തിയത്. എഴുന്നെള്ളിപ്പിന്‍െറ തരത്തില്‍ ആനകളെ അണിയിച്ചൊരുക്കിയാണ് ഗജസംഗമത്തില്‍ പങ്കെടുപ്പിച്ചത്. മംഗലാംകുന്ന് ഗണപതി, മംഗലാംകുന്ന് കര്‍ണന്‍, ചെര്‍പ്പുളശ്ശേരി അനന്തപത്മനാഭന്‍, ഉഷശ്രീ ശങ്കരന്‍കുട്ടി, പട്ടാമ്പി ചന്ദ്രശേഖരന്‍, തിരുവമ്പാടി കുട്ടിശങ്കരന്‍, ശ്രീകൃഷ്ണപുരം വിജയ്, അക്കിക്കാവ് ഗണപതി, ഒളരിക്കാവ് അമ്പാടിക്കണ്ണന്‍, ചത്തെല്ലൂര്‍ മുരളീകൃഷ്ണന്‍, പാലോട് ഗോവിന്ദന്‍കുട്ടി, കല്ളേക്കുളങ്ങര രാജഗോപാലന്‍ തുടങ്ങി 18 ആനകളെ നെറ്റിപ്പട്ടവും വെഞ്ചാമരവും മുത്തുക്കുടയുമായാണ് മേളയില്‍ പങ്കെടുപ്പിച്ചത്.  |
| മലമ്പുഴ ഡാമിന് ചുറ്റും കമ്പിവേലി കെട്ടിയതില്‍ ക്രമക്കേട് Posted: 23 Nov 2014 10:05 PM PST പാലക്കാട്: മലമ്പുഴ റിസര്‍വോയറിന് ചുറ്റും കമ്പിവേലി കെട്ടുന്നതില്‍ അഴിമതിയെന്ന് ആക്ഷേപം. 500 ഹെക്ടറോളം വരുന്ന ഡാമിന്‍െറ വൃഷ്ടി പ്രദേശത്താണ് കമ്പിവേലി കെട്ടുന്നത്. 9,80,20,475 രൂപക്കാണ് വേലി നിര്‍മിക്കാന്‍ ടെന്‍ഡര്‍ നല്‍കിയത്.  |
| കീച്ചേരി സംഘര്‍ഷം: സമാധാനത്തിന് ആഹ്വാനം Posted: 23 Nov 2014 09:52 PM PST പാപ്പിനിശ്ശേരി: കീച്ചേരിയില്‍ വെള്ളിയാഴ്ച നടന്ന സംഘര്‍ഷത്തെ തുടര്‍ന്ന് വിളിച്ചുചേര്‍ത്ത സര്‍വകക്ഷി സമാധാന യോഗത്തില്‍ സമാധാനത്തിന് ആഹ്വാനം. വളപട്ടണം സി.ഐ ഓഫിസില്‍ വിളിച്ചുചേര്‍ത്ത യോഗത്തില്‍ സി.പി.എം വിട്ടുനിന്നു.  |
| ജില്ലയില്‍ ഡിസംബര്‍ ഒന്നുമുതല്‍ മണല്‍ വാരല്‍ ആരംഭിക്കും Posted: 23 Nov 2014 09:36 PM PST കാക്കനാട്: ജില്ലയില്‍ ഡിസംബര്‍ ഒന്നുമുതല്‍ മണല്‍വാരല്‍ ആരംഭിക്കുമെന്ന് കലക്ടര്‍ എം.ജി. രാജമാണിക്യം പറഞ്ഞു. മൂന്ന് മാസത്തേക്കാണ് താല്‍ക്കാലികമായി മണല്‍ വാരാന്‍ അനുമതി നല്‍കുന്നത്.  |
| ഇറാനില്‍ വോളിബോള്‍ കണ്ടതിന് തടവിലായ യുവതിക്ക് ജാമ്യം Posted: 23 Nov 2014 09:33 PM PST Image:  തെഹ്റാന്‍: ഇറാനില്‍ പുരുഷന്മാരുടെ വോളിബാള്‍ മത്സരം കാണാന്‍ ശ്രമിച്ചതിന് തടവിലായ യുവതിക്ക് ജാമ്യം അനുവദിച്ചു. സര്‍ക്കാര്‍വിരുദ്ധ പ്രചാരണം നടത്തിയെന്ന് ആരോപിച്ച് ഇറാന്‍ ജയിലിലടച്ച ഗുന്‍ചി ഗവാമി (25) എന്ന ബ്രിട്ടീഷ് വംശജക്കാണ് ഇറാന്‍ കോടതി ജാമ്യം അനുവദിച്ചത്. കോടതി ഒരു വര്‍ഷം തടവിനു ശിഷിച്ച ഗുന്‍ചി ഗവാമി ജയില്‍ നിരാഹാര സമരത്തിലായിരുന്നു. ആരോഗ്യ പ്രശ്നങ്ങള്‍ പരിഗണിച്ചാണ് കോടതി ഗവാമിക്ക് ജാമ്യം നല്‍കിയത്. അപ്രതീക്ഷിതമായാണ് ജാമ്യം ലഭിച്ചതെന്നും അതില്‍ സന്തോഷമുണ്ടെന്നും ഗവാമി പ്രതികരിച്ചു. ഇറാനില്‍ പുരുഷന്മാരുടെ കായികമത്സരങ്ങള്‍ കാണുന്നതിന് സ്ത്രീകള്‍ക്ക് വിലക്കേര്‍പ്പെടുത്തിയിരുന്നു. 2012 ജൂണില്‍ പുരുഷന്മാരുടെ വോളിബാള്‍ മത്സരം കാണാന്‍ ശ്രമിച്ച സംഭവത്തില്‍ ഗവാമിയുള്‍പെടുന്ന സംഘത്തെ പൊലീസ് അറസ്റ്റു ചെയ്യുകയായിരുന്നു. തെഹ്റാനിലെ ആസാദി സ്റ്റേഡിയത്തില്‍ വെച്ചാണ് ഇവര്‍ പൊലീസ് പിടിയിലായത്. ഇവരെ പിന്നീട് വിട്ടയക്കുകയും കേസില്‍ വീണ്ടും അറസ്റ്റു ചെയ്ത് വിചാരണ നടത്തി ജയിലില്‍ അടക്കുകയുമായിരുന്നു.
 |
| ലാപ്ടോപ്പ് അഴിമതി: ഡല്‍ഹിയിലെ 300 ജഡ്ജിമാര്‍ക്കെതിരെ അന്വേഷണം Posted: 23 Nov 2014 09:32 PM PST Image:  ന്യൂഡല്‍ഹി: കമ്പ്യൂട്ടറുകളും ലാപ്ടോപ്പുകളും വാങ്ങുന്നതിന് ഡല്‍ഹി സര്‍ക്കാര്‍ അനുവദിച്ച ഫണ്ടില്‍ തിരിമറി നടത്തിയെന്ന കേസില്‍ ഡല്‍ഹിയിലെ 300 ഓളം കീഴ്കോടതി ജഡ്ജിമാക്കെതിരെ അന്വേഷണം. 2013 ലാണ് ഡല്‍ഹി സര്‍ക്കാറും ഹൈകോടതിയും ജഡ്ജിമാരുടെ കമ്പ്യൂട്ടര്‍ സൗകര്യങ്ങള്‍ മെച്ചപ്പെടുത്തുന്നതിനായുള്ള പദ്ധതി ആവിഷ്കരിച്ചത്. പദ്ധതിയുടെ കീഴില്‍ ഒരോ ജഡ്ജിനും 1.1 ലക്ഷം രൂപ ഇതിനാനി അനുവദിച്ചിരുന്നു. കേസുകള്‍ തീര്‍പ്പാക്കുന്നതിന്‍റെ കാര്യക്ഷമത വര്‍ധിപ്പിക്കുന്നതിന് കമ്പ്യൂട്ടര്‍, ലാപ്പ്ടോപ്പ്, ഐ പാഡ് എന്നീ സൗകര്യങ്ങള്‍ ഉപയോഗപ്പെടുത്തുന്നതിനാണ് പദ്ധതി ആവിഷ്കരിച്ചതും ഫണ്ട് അനുവദിച്ചതും. എന്നാല്‍ ഫണ്ട് വിനിയോഗിച്ചതില്‍ ക്രമക്കേടുണ്ടെന്ന് ഹൈകോടതി നിരീക്ഷിക്കുകയും അന്വേഷിക്കുന്നതിനായി ചീഫ് ജസ്റ്റിസ് ജി. രോഹിണി അധ്യക്ഷയായ മൂന്നംഗ സമിതി രൂപീകരിക്കുകയും ചെയ്തു. വിപിന്‍ സാങ്ഖി, രാജീവ് ശാങ്ക്ദെര്‍, വി.കെ റാവു എന്നിവരാണ് മറ്റ് സമിതിയംഗങ്ങള്‍. ഫണ്ട് ചെലവഴിച്ചത് സംബന്ധിച്ച് അന്വേഷണ സമിതിക്ക് മുമ്പാകെ സമര്‍പ്പിച്ച രേഖകള്‍ സൂക്ഷ്മപരിശോധന നടത്തുമെന്ന് സമിതി അറിയിച്ചു. ഫണ്ട് ചെലവഴിച്ച എല്ലാ ജഡ്ജിമാരും അന്വേഷണത്തിന്‍റെ കീഴിലാണെന്നും ലാപ്ടോപ്പ് വാങ്ങിയെന്ന് കാണിച്ച് ജഡ്ജിമാര്‍ ഹൈകോടതിയില്‍ നല്‍കിയ ഫണ്ട് യൂട്ടിലൈസേഷന്‍ സര്‍ട്ടിഫിക്കറ്റ് പരിശോധിക്കുമെന്നും സമിതി അറിയിച്ചു. അന്വേഷണത്തില്‍ പലരും ഫണ്ട് ഉപയോഗിച്ച് ടി.വികളും ഹോം തിയറ്റര്‍ സിസ്റ്റങ്ങളുമാണ് വാങ്ങിയത്. കോടതി ഉദ്യോഗസ്ഥര്‍ നടത്തിയ വിജിലന്‍സ് അന്വേഷണത്തിലാണ് ഫണ്ട് തിരിമറി സംബന്ധിച്ച വിവരം പുറത്തു വന്നത്. ഇതുവരെ ഫണ്ടില്‍ നിന്നും എത്ര രൂപയോളം കമ്പ്യുട്ടര്‍ വാങ്ങാന്‍ വിനിയോഗിച്ചുവെന്ന് വ്യക്തമല്ല. സാമ്പത്തിക തിരിമറിയും കോടതിയില്‍ വ്യാജ രേഖകള്‍ സമര്‍പ്പിക്കലും ഗൗരവകരമായ കുറ്റങ്ങളാണ്. സാമ്പത്തിക തിരിമറി തെളിയിക്കപ്പെടുകയാണെങ്കില്‍ ജഡ്ജിമാരെ സര്‍വീസില്‍ നിന്നും മാറ്റുമെന്നും സമിതി അറിയിച്ചു.
 |
| സംസ്ഥാന സീനിയര്‍ ഫുട്ബാള്‍ ചാമ്പ്യന്‍ഷിപ്പിന് കിക്കോഫ് Posted: 23 Nov 2014 09:24 PM PST മലപ്പുറം: 51ാമത് സംസ്ഥാന സീനിയര്‍ ഫുട്ബാള്‍ ചാമ്പ്യന്‍ഷിപ്പിന് കോട്ടപ്പടി മൈതാനത്ത് ആരവംമുറ്റിയ കിക്കോഫ്. ആദ്യ മത്സരത്തില്‍ ഏറ്റുമുട്ടിയ പത്തനംതിട്ടയും ആലപ്പുഴയും കൊണ്ടും കൊടുത്തും മുന്നേറിയ കളിയാവേശം നിശ്ചിതസമയം സമനിലയില്‍ കലാശിച്ചപ്പോള്‍ പെനാല്‍റ്റി ഷൂട്ടൗട്ട് വിജയികളെ തീരുമാനിച്ചു. ആദ്യ പകുതിയില്‍ 1-3ന് പിന്നിട്ട് നിന്ന ശേഷമായിരുന്നു പത്തനംതിട്ടക്കാരുടെ തിരിച്ചുവരവ്.  |
| മദ്യവില്‍പനക്കാരുടെ വോട്ടും പണവും വേണ്ട ^സുധീരന്‍ Posted: 23 Nov 2014 09:17 PM PST Image:  കൊച്ചി: മദ്യ വില്‍പനക്കാരുടെ വോട്ട് വേണ്ടെന്നാണ് പാര്‍ട്ടിയുടെ നയമെന്ന് കെ.പി.സി.സി പ്രസിഡന്‍റ് വി.എം സുധീരന്‍. ഇത് സംബന്ധിച്ച് പാര്‍ട്ടി സമിതികളില്‍ കൂടിയാലോചിച്ച ശേഷം ഒൗദ്യോഗിക പ്രഖ്യാപനം നടത്തുമെന്നും അദ്ദേഹം പറഞ്ഞു. ജനപക്ഷ യാത്രക്കിടെ കൊച്ചിയില്‍ മീറ്റ് ദ പ്രസ് പരിപാടിയില്‍ സംസാരിക്കുകയായിരുന്നു അദ്ദേഹം. മദ്യ വില്‍പനക്കാരുടെ പണവും വോട്ടും വേണ്ടെന്നാണ് പാര്‍ട്ടിയുടെ നിലപാട്. മദ്യ വര്‍ജനമാണ് മുന്നണിയുടെ നയമെന്ന യു.ഡി.എഫ് കണ്‍വീനര്‍ പി.പി തങ്കച്ചന്‍െറ വാദം സുധീരന്‍ തിരുത്തി. മദ്യ വര്‍ജനമല്ല, മദ്യ നിരോധമാണ് യു.ഡി.എഫിന്‍െറ പ്രഖ്യാപിത നയമെന്ന് അദ്ദേഹം പറഞ്ഞു. മദ്യപാനികള്‍ക്ക് തെരഞ്ഞെടുപ്പില്‍ സീറ്റ് നല്‍കില്ല. അടുത്ത തെരഞ്ഞെടുപ്പ് മുതല്‍ ഇത് കള്‍ശനമായി നടപ്പാക്കും. മദ്യവില്‍പനക്കാരില്‍ നിന്ന് പണം സ്വീകരിക്കരുതെന്ന് പ്രവര്‍ത്തകര്‍ക്ക് നിര്‍ദേശം നല്‍കിയിട്ടുണ്ട്. ബാറുടമകളായ കോണ്‍ഗ്രസ് നേതാക്കള്‍ ഉണ്ടോ എന്നകാര്യം അറിയില്ളെന്നും സുധീരന്‍ വ്യക്തമാക്കി. ബാര്‍കോഴ ആരോപണം ഉന്നയിച്ചവര്‍ക്ക് ഇതുവരെ വിശ്വസനീയമായ തെളിവു നല്‍കാനായില്ല. യു.ഡി.എഫിലെ ശക്തനായ നേതാവാണ് മാണി. അതുകൊണ്ടാണ് ബാറുടമകള്‍ മാണിയെ ലക്ഷ്യം വെക്കുന്നത്. മാണിക്കെതിരെ ഇടതുപക്ഷം നടത്തുന്ന സമരം അഡ്ജസ്റ്റ്മെന്‍റ് സമരമാണ്. ബാര്‍ കോഴ ആരോപണം സംബന്ധിച്ച് ഏതു തരത്തിലുള്ള അന്വേഷണം വേണമെന്ന് സി.പി.എമ്മിലും സി.പി.ഐയിലും തര്‍ക്കമുണ്ട്. ഈ തര്‍ക്കം തീര്‍ക്കാനുള്ള സമരമാണ് എല്‍.ഡി.എഫ് നടത്തുന്നത്. ഇതാണ് പൂര്‍വ ചരിത്രം പരിശോധിച്ച് പരസ്പരം കുറ്റപ്പെടുത്തുന്നത് വരെ എത്തിയതെന്നും അദ്ദേഹം പറഞ്ഞു. അതേസമയം വിദ്വേഷ പ്രസംഗം നടത്തിയ വി.എച്ച്.പി നേതാവ് പ്രവീണ്‍ തൊഗാഡിയക്കെതിരായ കേസ് പിന്‍വലിച്ചതിനെ കുറിച്ച് ചോദിച്ചപ്പോള്‍ കേസുകള്‍ പിന്‍വലിക്കാന്‍ സര്‍ക്കാറിന് അവകാശമുണ്ടെന്നായിരുന്നു സുധീരന്‍െറ പ്രതികരണം. കേസ് പിന്‍വലിക്കുമ്പോള്‍ ജാഗ്രത കാണിക്കണമായിരുന്നുവെന്നും സുധീരന്‍ പറഞ്ഞു.  |
| വികലാംഗദിനാഘോഷത്തിന് ടാഗോര്‍ഹാള്‍ നിഷേധിച്ചത് വിവാദമാകുന്നു Posted: 23 Nov 2014 09:16 PM PST കോഴിക്കോട്: വികലാംഗദിനാഘോഷത്തിന് അനുവദിച്ച ടാഗോര്‍ഹാള്‍ കോഴിക്കോട് കോര്‍പറേഷന്‍ പിന്നീട് നിഷേധിച്ചത് വിവാദമാകുന്നു. സാമൂഹികക്ഷേമവകുപ്പും ജില്ലാഭരണകൂടവും ചേര്‍ന്ന് നടത്തുന്ന പരിപാടിക്കാണ് ഹാള്‍ അനുവദിക്കാനാവില്ളെന്ന് കാണിച്ച് കോര്‍പറേഷന്‍ കത്ത് നല്‍കിയിരിക്കുന്നത്.  |
| സ്വര്‍ണവിലയില്‍ മാറ്റമില്ല; പവന് 19,960 രൂപ Posted: 23 Nov 2014 08:39 PM PST Image:  കൊച്ചി: വാരാരംഭത്തില്‍ സംസ്ഥാനത്ത് സ്വര്‍ണവിലയില്‍ മാറ്റമില്ല. പവന് 19,960 രൂപയിലും ഗ്രാമിന് 2,495 രൂപയിലുമാണ് വ്യാപാരം നടക്കുന്നത്. കഴിഞ്ഞ വാരത്തില്‍ ബുധനാഴ്ചയാണ് പവന്‍വില 19,880 രൂപയില്‍ നിന്ന് 19,960 രൂപയിലെത്തിയത്. തുടര്‍ന്ന് ഈ വില തുടരുകയായിരുന്നു. അതേസമയം, അന്താരാഷ്ട്ര വിപണിയില്‍ സ്വര്‍ണവില ഒൗണ്‍സിന് 2.80 ഡോളര്‍ കൂടി 12,00.30 ഡോളറിലെത്തി.  |
| വരുന്നു, ശരീഅ മ്യൂച്വല്‍ ഫണ്ട് Posted: 23 Nov 2014 08:38 PM PST Image:  Subtitle: ഡിസംബര്‍ ഒന്നിന് വിപണിയില്‍ ന്യൂഡല്‍ഹി: രാജ്യത്ത് ആദ്യമായി സര്‍ക്കാറിനു കീഴിലുള്ള ധനകാര്യ സ്ഥാപനം ശരീഅ ഇക്വിറ്റി ഫണ്ട് സമാഹരിക്കാന്‍ തീരുമാനിച്ചതോടെ ഇന്ത്യ ഒൗദ്യോഗികമായി പലിശരഹിത ഇസ്ലാമിക് ഫിനാന്‍സിലേക്ക്. സര്‍ക്കാറിനു കീഴിലുള്ള രാജ്യത്തെ ഏറ്റവും വലിയ ബാങ്കായ സ്റ്റേറ്റ് ബാങ്ക് ഓഫ് ഇന്ത്യയാണ് എസ്.ബി.ഐ ശരീഅ ഇക്വിറ്റി ഫണ്ട് എന്ന പേരില്‍ പ്രത്യേക മ്യൂച്വല്‍ ഫണ്ടിന് തുടക്കം കുറിച്ചത്. ഇസ്ലാമിക ശരീഅത്തിന്‍െറ അടിസ്ഥാനത്തില്‍ നിക്ഷേപം ആഗ്രഹിക്കുന്നവരെ ലക്ഷ്യമിട്ട് ഡിസംബര്‍ ഒന്നിനാണ് ആദ്യമായി എസ്.ബി.ഐ ഒരു ഇസ്ലാമിക് ഫിനാന്‍സ് ഉല്‍പന്നം ഓഹരി വിപണിയിലിറക്കുന്നത്. ഇന്ത്യന്‍ ഓഹരി വിപണി നിയന്ത്രിക്കുന്ന കേന്ദ്ര സര്‍ക്കാര്‍ ഏജന്‍സിയായ സെക്യൂരിറ്റീസ് ആന്‍ഡ് എക്സ്ചേഞ്ച് ബോര്‍ഡ് ഓഫ് ഇന്ത്യ(സെബി)യുടെ അംഗീകാരത്തോടെയാണ് എസ്.ബി.ഐയുടെ ചുവടുവെപ്പ്. ഡിസംബര്‍ ഒന്നിന് ഇന്ത്യന്‍ ഓഹരി വിപണിയിലിറക്കുന്ന ശരീഅ ഇക്വിറ്റി ഫണ്ട് ഡിസംബര്‍ 15ന് ക്ളോസ് ചെയ്യും. തുടര്‍ന്ന് ഡിസംബര്‍ 26 മുതല്‍ വീണ്ടും ശരീഅ ഇക്വിറ്റി ഫണ്ടില്‍ നിക്ഷേപം സ്വീകരിച്ചുതുടങ്ങുമെന്ന് എസ്.ബി.ഐ അറിയിച്ചു. ശരീഅ അടിസ്ഥാനമാക്കി നിക്ഷേപമിറക്കുന്നവര്‍ക്ക് മാത്രമല്ല, സാമൂഹിക തിന്മകളില്ലാത്ത നിക്ഷേപങ്ങളില്‍ പണമിറക്കാന്‍ ആഗ്രഹിക്കുന്ന മറ്റു ദീര്‍ഘകാല നിക്ഷേപകര്‍ക്കും അനുയോജ്യമാണ് ശരീഅ ഇക്വിറ്റി ഫണ്ട് എന്ന് എസ്.ബി.ഐ വ്യക്തമാക്കി. ഈ നിക്ഷേപം ഹൈ റിസ്ക് ഗണത്തിലാണ് സ്റ്റേറ്റ് ബാങ്ക് ഉള്‍പ്പെടുത്തിയിട്ടുള്ളത്. സാധാരണ മ്യൂച്വല്‍ ഫണ്ടുകളുടെ കാര്യത്തിലെന്ന പോലെ നിക്ഷേപകര്‍ തങ്ങളുടെ ധനകാര്യ ഉപദേശകരുമായി കൂടിയാലോചിച്ചാണ് നിക്ഷേപം ഇറക്കേണ്ടതെന്നും എസ്.ബി.ഐ ഉപദേശിച്ചു. പൊതുജനങ്ങളില്‍ നിന്ന് നിക്ഷേപങ്ങള്‍ സമാഹരിച്ച് ഓഹരി വിപണിയിലിറക്കാന്‍ സ്റ്റേറ്റ് ബാങ്ക് ഓഫ് ഇന്ത്യ രൂപവത്കരിച്ച എസ്.ബി.ഐ ഫണ്ട് മാനേജ്മെന്‍റ് പ്രൈവറ്റ് ലിമിറ്റഡ് ആയിരിക്കും നിക്ഷേപങ്ങള്‍ കൈകാര്യം ചെയ്യുക. സമാഹരിക്കുന്ന നിക്ഷേപം ഇന്ത്യന്‍ ശരീഅ ബോര്‍ഡിന്‍െറ അംഗീകാരമുള്ള കമ്പനികളിലായിരിക്കും നിക്ഷേപിക്കുക. ഏത് കമ്പനിയാണ് ശരീഅ നിയമങ്ങള്‍ക്ക് അനുസൃതമായി നിക്ഷേപിക്കുന്നതെന്ന് സാക്ഷ്യപ്പെടുത്താന്‍ ഇസ്ലാമിക പണ്ഡിതര്‍ അടങ്ങുന്ന ശരീഅ ബോര്‍ഡ് ഫത്വ പുറപ്പെടുവിക്കും. നിക്ഷേപങ്ങള്‍ ശരീഅ നിയമങ്ങള്‍ അംഗീകരിക്കുന്നുണ്ടോ എന്ന് നിരീക്ഷിക്കാനും അന്താരാഷ്ട്ര മാനദണ്ഡങ്ങള്‍ അവലംബിക്കും. അഖിലേന്ത്യാ മുസ്ലിം വ്യക്തി നിയമ ബോര്‍ഡ് സെക്രട്ടറിയും ഇസ്ലാമിക് ഫിഖ്ഹ് അക്കാദമി സെക്രട്ടറി ജനറലുമായ മൗലാന ഖാലിഖ് സൈഫുല്ലാ റഹ്മാനി, ബംഗളൂരുവിലെ ജാമിഅ ഇസ്ലാമിയ മസീഹുല്‍ ഉലൂം റെക്ടര്‍ മുഫ്തി മുഹമ്മദ് ശുഐബുല്ലാ ഖാന്‍ എന്നിവരാണ് നിലവില്‍ ഇന്ത്യന്‍ ശരീഅ ബോര്‍ഡിന്‍െറ ഫത്വ നല്‍കുക. ഡയറക്ട് പ്ളാന്‍, റെഗുലര്‍ പ്ളാന്‍ എന്നീ പേരുകളില്‍ രണ്ട് പദ്ധതികള്‍ ഫണ്ടിന് കീഴിലുണ്ടാകും. രണ്ട് പദ്ധതികളും മൂലധനവര്‍ധനയും ലാഭവിഹിതവും വാഗ്ദാനം ചെയ്യുന്നുണ്ട്.  |
| രണ്ടാം പാദത്തില്‍ കോര്‍പ്പറേറ്റുകള്‍ക്ക് നിരാശ Posted: 23 Nov 2014 08:35 PM PST Image:  മുംബൈ: നടപ്പ് സാമ്പത്തിക വര്‍ഷത്തെ രണ്ടാം പാദം കോര്‍പ്പറേറ്റുകള്‍ക്ക് സമ്മാനിച്ചത് നിരാശ. ഇന്ത്യയിലെ സാമ്പത്തിക വളര്‍ച്ച ഉയരുകയും പണപ്പെരുപ്പം കുറയുകയും ചെയ്തിട്ടും ഭൂരിഭാഗം മേഖലയിലെയും കമ്പനികള്‍ക്ക് കാര്യമായ നേട്ടം ഉണ്ടാക്കാന്‍ കഴിഞ്ഞിട്ടില്ല. കമ്പനികളുടെ വില്‍പ്പനയുടെയും ലാഭത്തിന്‍െറയും ഗ്രാഫ് താഴേക്കാണ് നീങ്ങുന്നത്. അതേസമയം, ഓഹരി ബ്രോക്കറേജ്, സിമെന്‍റ്, വാഹന ഘടന നിര്‍മാണം തുടങ്ങിയ മേഖലയിലെ കമ്പനികള്‍ നേട്ടമുണ്ടാക്കി. വര്‍ഷത്തിന്‍െറ വരും പാദങ്ങളില്‍ സ്ഥിതി മാറുമെന്ന പ്രതീക്ഷയാണിപ്പോഴുള്ളത്. 2014 ജൂലൈ^ സെപ്തംബര്‍ പാദത്തില്‍ ഇന്ത്യയിലെ കോര്‍പ്പറേറ്റ് മേഖലയുടെ വില്‍പ്പനയിലെ വളര്‍ച്ച മുന്‍ വര്‍ഷത്തെ അപേക്ഷിച്ച് 3.2 ശതമാനം മാത്രമാണ്. പ്രവര്‍ത്തനത്തില്‍ നിന്നുള്ള ശരാശരി ലാഭം വെറും എട്ട് ശതമാനവും. നടപ്പ് സാമ്പത്തിക വര്‍ഷത്തെ ആദ്യ പാദത്തില്‍ വില്‍പ്പന 10 ശതമാനവും പ്രവര്‍ത്തന ലാഭം 23 ശതമാനവും വര്‍ധിച്ചിരുന്നു. നടപ്പ് സാമ്പത്തിക വര്‍ഷത്തെ രണ്ടാം പാദത്തില്‍ കമ്പനികളുടെ ശരാശരി അറ്റാദായം 29 ശതമാനം വര്‍ധിച്ചിട്ടുണ്ടെങ്കിലും അത് ആസ്തികളുടെ വില്‍പ്പന ഉള്‍പ്പെടെയുള്ള മറ്റ് വരുമാനവും നിക്ഷേപങ്ങളില്‍ നിന്നുള്ള വരുമാനവും ഉയര്‍ന്നതു മൂലമാണ്. ആദ്യപാദത്തില്‍ അറ്റാദായ വളര്‍ച്ച 31 ശതമാനമായിരുന്നു. കഴിഞ്ഞ ഒരു വര്‍ഷമായി കണ്ടുവന്ന വില്‍പ്പന വളര്‍ച്ച പതിയെ ഇല്ലാതാകുന്ന സുചനയാണ് കഴിഞ്ഞ രണ്ട് പാദങ്ങളില്‍ ലഭിക്കുന്നത്. ഈ സ്ഥിതി വരും നാളുകളിലും തുടരുമോയെന്ന ആശങ്ക വ്യവസായ മേഖലയില്‍ ശക്തമാണ്.  |
| ഗള്‍ഫ് കപ്പ്: ഖത്തര്‍ x സൗദി ഫൈനല്‍ Posted: 23 Nov 2014 08:17 PM PST Image:  ദോഹ: പ്രതികൂല കാലാവസ്ഥയില്‍ കാണികള്‍ ഏറക്കുറെ മാറി നിന്ന ഗള്‍ഫ് കപ്പിലെ ആദ്യ സെമിയില്‍ ജയം ഖത്തറിന്. ടൂര്‍ണമെന്‍റിലെ ആദ്യകുതിപ്പില്‍ ഖത്തര്‍ ഫൈനലിലത്തെി. നോക്കൗട്ട് മത്സരങ്ങളിലെ മൂന്നു കളികളില്‍ സമനില വഴങ്ങി മൂന്നു പോയിന്‍റുമായി സെമിഫൈനലിലത്തെിയ ഖത്തര്‍ ഞായറാഴ്ച മികച്ച പ്രകടനത്തിലൂടെ ഒമാനെ ഒന്നിനെതിരെ മൂന്നു ഗോളിന് തകര്‍ത്താണ് ഫൈനലില്‍ പ്രവേശം നേടിയത്. ആദ്യപകുതിയില്‍ ഒമാനെ ഒരു ഗോള്‍ സമനിലയില്‍ പിടിച്ച ശേഷം രണ്ടാം പകുതിയില്‍ കളിക്കാനിറങ്ങിയ അലി അസദിന്‍െറ എണ്ണം പറഞ്ഞ രണ്ടുഗോളുകളിലാണ് ഖത്തര്‍ ജയിച്ചടക്കിയത്. ബുധനാഴ്ച നടക്കുന്ന ഫൈനലില്‍ ഖത്തര്‍ ആതിഥേയരായ സൗദിയെ നേരിടും.  |
| ഡിപ്ളോമാറ്റ്സ് കപ്പ് ക്രിക്കറ്റ് വെള്ളിയാഴ്ച Posted: 23 Nov 2014 08:13 PM PST Image:  ദുബൈ: ഇന്ത്യയും പാകിസ്താനും ഉള്‍പ്പെടെ 10 രാജ്യങ്ങളിലെ നയതന്ത്ര പ്രതിനിധികളും ഉന്നതരും പാഡണിയുന്ന രണ്ടാമത് ഡാന്യൂബ് ഡിപ്ളോമാറ്റ്സ് കപ്പ് അടുത്ത വെള്ളിയാഴ്ച ദുബൈയില്‍ നടക്കും.  |
| മുല്ലപ്പെരിയാര്‍ ജലനിരപ്പ് 140.9 അടിയായി താഴ്ന്നു Posted: 23 Nov 2014 08:03 PM PST Image:  കുമളി: മുല്ലപ്പെരിയാര്‍ ജലനിരപ്പ് 140.9 അടിയായി താഴ്ന്നു. ജലം കൊണ്ടു പോകുന്നതിന്‍റെ അളവ് തമിഴ്നാട് പരമാവധി വര്‍ധിപ്പിച്ചതാണ് ജലനിരപ്പ് കുറയാന്‍ കാരണം. വൃഷ്ടി പ്രദേശത്ത് മഴ കുറഞ്ഞിട്ടുണ്ട്. സെക്കന്‍ഡില്‍ 1000 ഘനയടിയില്‍ താഴെയാണ് അണക്കെട്ടിലേക്കുള്ള നീരൊഴുക്ക്. സെക്കന്‍ഡില്‍ 2020 ഘനയടി ജലമാണ് തമിഴ്നാട് കൊണ്ടു പോകുന്നത്. അതേസമയം, അണക്കെട്ടിന്‍റെ വൃഷ്ടി പ്രദേശത്ത് പെയ്യുന്ന മഴയുടെ അളവറിയാന്‍ കേരളം മഴമാപിനി യന്ത്രം സ്ഥാപിച്ചു. ജലനിരപ്പ് 140 ന് മുകളിലെത്തുമ്പോള്‍ സന്ദര്‍ശിക്കാന്‍ നിശ്ചയിച്ചിരുന്ന ഉന്നതതല സമിതി അംഗങ്ങള്‍ ഇന്ന് 11ന് അണക്കെട്ടിലെത്തും. ചെയര്‍മാന്‍ എല്‍.എ.വി. നാഥന്‍െറ നേതൃത്വത്തില്‍ നവംബര്‍ മൂന്നിനാണ് സമിതി അണക്കെട്ട് സന്ദര്‍ശിച്ചത്. അന്ന് ജലനിരപ്പ് 137.80 അടിയായിരുന്നു.  |
| തൊഴില്‍ മന്ത്രിമാരുടെ യോഗം ഇന്നു കുവൈത്തില്‍; നിതാഖാത്ത് ശ്രദ്ധേയമാകും Posted: 23 Nov 2014 08:02 PM PST Image:  റിയാദ്: ആറ് ഗള്‍ഫ് രാജ്യങ്ങളിലെ തൊഴില്‍മന്ത്രിമാരുടെ സമ്മേളനം തിങ്കളാഴ്ച കുവൈത്തില്‍ ചേരും. നവംബര്‍ 27 വരെ നീളുന്ന സമ്മേളനം കുവൈത്ത് അമീര്‍ ശൈഖ് സബാഹ് അല്‍ അഹ്മദ് അസ്സബാഹിന്‍െറ മേല്‍നോട്ടത്തിലാണ് നടക്കുന്നത്. സ്വദേശിവത്കരണത്തിന്‍െറ തോത് വര്‍ധിപ്പിക്കലാണ് യോഗത്തിന്‍െറ മുഖ്യലക്ഷ്യം എന്നതിനാല്‍ സൗദി അറേബ്യ വിജയകരമായി നടപ്പാക്കിവരുന്ന ‘നിതാഖാത്ത്’ ശ്രദ്ധേയ ചര്‍ച്ചയാവുമെന്ന് പ്രതീക്ഷിക്കപ്പെടുന്നു.  |
| കുവൈത്തില്‍ വൈദ്യുതി, വെള്ളം, പെട്രോള്‍ സബ്സിഡി നിയന്ത്രണം ജനുവരിയോടെ Posted: 23 Nov 2014 07:46 PM PST Image:  കുവൈത്ത് സിറ്റി: കുവൈത്തില്‍ പൊതുചെലവ് നിയന്ത്രിക്കുന്നതിന്‍െറ ഭാഗമായി വൈദ്യുതി, വെള്ളം, പെട്രോള്‍ സബ്സിഡി നിയന്ത്രണം ജനുവരിയോടെയുണ്ടാവുമെന്ന് സൂചന. ഇതുസംബന്ധിച്ച റിപ്പോര്‍ട്ടിന് മന്ത്രിതല സമിതി അംഗീകാരം നല്‍കിയതായും മന്ത്രസഭയുടെ പരിഗണനക്കായി സമര്‍പ്പിച്ചതായും സര്‍ക്കാറുമായി അടുത്ത വൃത്തങ്ങള്‍ അറിയിച്ചു.  |
| അസ്ലമിനു വേണം സുമനസ്സുകളുടെ സഹായം Posted: 23 Nov 2014 07:09 PM PST Image:  ഫറോക്ക്: കുടുംബത്തിലെ ഏക ആണ്‍തരിയായ അസ്ലം അരക്കുതാഴെ തളര്‍ന്ന് കിടപ്പായിട്ട് 10 വര്‍ഷം പിന്നിടുന്നു. രോഗിയായ പിതാവിന് ഇനി കുടുംബത്തെ മുന്നോട്ട് കൊണ്ടുപോകാനാവില്ല. സഹോദരിമാര്‍ രണ്ടുപേരും വിവാഹപ്രായം കഴിഞ്ഞ് നില്‍ക്കുന്നു. ഉമ്മയും ഉമ്മാമ്മയും രോഗികള്‍തന്നെ. ഇത് അഴിഞ്ഞിലം വടക്കയില്‍ പുലക്കത്ത് മണ്ണാക്കല്‍ അസ്ലം എന്ന 24കാരന്‍െറ കദനകഥ. ജന്മനാലുള്ള അസ്ഥിരോഗം കൂനനാക്കി മാറ്റിയ ബാല്യകാലമായിരുന്നു അസ്ലമിന്‍േറത്. എന്നാല്‍, ഈ അവസ്ഥയും ഏറെക്കാലം നീണ്ടുനിന്നില്ല. എട്ടാം ക്ളാസിലത്തെുമ്പോഴേക്ക് ശരീരം ആകെ വളഞ്ഞ് അരക്കുതാഴെ തളര്‍ന്നനിലയിലായി. അതോടെ പഠനം മുടങ്ങി കിടപ്പിലായ മകനെയുമായി പിതാവ് മുഹമ്മദ് എന്ന അയമു ആശുപത്രികള്‍ തോറും ചികിത്സതേടി. എന്നാല്‍, ആര്‍ക്കും അവന് സൗഖ്യം നല്‍കാനായില്ല. കൂലിപ്പണിക്കാരനായ അയമുവിനും ഇതിനിടെ അസ്ഥി സംബന്ധമായ രോഗം വന്നു. ഇതോടെ, നാട്ടുകാര്‍ മുന്‍കൈയെടുത്ത് ഇദ്ദേഹത്തിന് അറപ്പുഴ ടോള്‍ ബൂത്തില്‍ ആഴ്ചയില്‍ രണ്ടുനാള്‍ താല്‍ക്കാലികമായി തൊഴിലവസരം നല്‍കിയാണ് പട്ടിണിയില്‍നിന്ന് രക്ഷിച്ചത്. രോഗം കാരണം ഈ ജോലിയും അധികസമയം ചെയ്യാന്‍ കഴിയുന്നില്ല. അസ്ലമിന് ഇപ്പോള്‍ കോയമ്പത്തൂര്‍ സത്യമംഗലത്തെ സഹായി പുനരധിവാസ കേന്ദ്രത്തില്‍ ഫിസിയോ തെറപ്പി ചികിത്സ ചെയ്യുകയാണ്. ഒരു തവണത്തെ ചികിത്സക്ക് ഒരു ലക്ഷത്തിലധികം രൂപ ചെലവാകും. സുമനസ്സുകളുടെ സഹായത്തിന് പുറമെ ഭാരിച്ച കടവും പേറിയാണ് യാത്ര. വര്‍ഷത്തില്‍ നാലു ലക്ഷത്തിലധികം ചികിത്സക്ക് ചെലവു വരും. ഇപ്പോള്‍ കാലുകള്‍ക്ക് കൃത്രിമ ഉപകരണം പിടിപ്പിച്ച് നടക്കാനുള്ള ശ്രമത്തിലാണ്. ഇതിനും വലിയ തുക വേണം. സ്വന്തം വിധിയേക്കാളേറെ അസ്ലമിനെ വേദനിപ്പിക്കുന്നത് സഹോദരിമാരുടെ വിവാഹം വൈകുന്നതാണ്. കുടുംബത്തിന്‍െറ കഷ്ടപ്പാട് കണ്ട് നാട്ടുകാര്‍ അഴിഞ്ഞിലം അരിയിലടക്കാട് അങ്കണവാടിക്കടുത്ത് കൊച്ചു വീട് പണിത് നല്‍കിയിട്ടുണ്ട്. തന്‍െറ ചികിത്സക്കും സഹോദരിമാരുടെ വിവാഹത്തിനും ഒരു കൈ സഹായം അഭ്യര്‍ഥിക്കുകയാണ് അസ്ലം.  |
| വോട്ടിംഗ് 51 ശതമാനം; മിക്ക മണ്ഡലങ്ങളിലും വീണ്ടും വോട്ടെടുപ്പ് Posted: 23 Nov 2014 07:04 PM PST Image:  മനാമ: രാജ്യത്ത് കഴിഞ്ഞ ദിവസം നടന്ന പാര്‍ലമെന്‍റ്-മുനിസിപ്പല്‍ തെരഞ്ഞെടുപ്പില്‍ മിക്ക മണ്ഡലങ്ങളിലൂം രണ്ടാം വട്ട തെരഞ്ഞെടുപ്പ് വേണ്ടിവരുമെന്ന് ഫലങ്ങള്‍ തെളിയിക്കുന്നു. ആകെ പോള്‍ ചെയ്ത വോട്ടിന്‍െറ 50 ശതമാനത്തിലധികം ലഭിക്കാത്തവരെ ജയിച്ചതായി പ്രഖ്യാപിക്കാന്‍ നിയമം അനുവദിക്കുന്നില്ല. സാധാരണ ജനാധിപത്യരാജ്യങ്ങളില്‍ ഏറ്റവൂം കൂടുതല്‍ വോട്ട് ലഭിച്ചവരെ ജയിച്ചവരായി പ്രഖ്യാപിക്കുകയാണ് ചെയ്യുന്നത്. പാര്‍ലമെന്‍റിലേക്ക് 51.5 ശതമാനവും മുനിസിപ്പാലിറ്റിയിലേക്ക് 53.7 ശതമാനവുമാണ് പോളിങ്്. രണ്ടാം വട്ട തെരഞ്ഞെടുപ്പ് നവംബര്‍ 29ശനിയാഴ്ച്ചയായിരിക്കും നടക്കുകയെന്ന് നീതിന്യായ-ഇസ്ലാമിക കാര്യ-ഒൗഖാഫ് മന്ത്രി ശൈഖ് ഖാലിദ് ബിന്‍ അഹ്മദ് ആല്‍ഖലീഫ അറിയിച്ചു.  |
| ജീവന്മരണ പോരാട്ടത്തില്‍ ഡല്‍ഹിയും യുനൈറ്റഡും Posted: 23 Nov 2014 06:32 PM PST Image:  ഗുവാഹതി: പോയന്‍റ് പട്ടികയില്‍ ഏഴും എട്ടും സ്ഥാനങ്ങളുടെ താഴ്ചയില്‍ കിടക്കുന്ന നോര്‍ത് ഈസ്റ്റ് യുനൈറ്റഡ് എഫ്.സിക്കും ഡല്‍ഹി ഡൈനാമോസിനും ഇന്ന് ജീന്മരണ പോരാട്ടം. ഒമ്പത് മത്സരങ്ങള്‍ വീതം കളിച്ച ഇരുവര്‍ക്കും യഥാക്രമം 10 ഉം ഏഴും പോയന്‍റ് വീതമാണുള്ളത്. ലീഗിന്‍െറ ആദ്യഘട്ടത്തില്‍ കരുത്തരെന്ന് പറയിപ്പിച്ചെങ്കിലും ഇരു യുനൈറ്റഡിന് ഇതുവരെയായി രണ്ടു ജയം മാത്രമാണ് നേടാനായത്. കഴിഞ്ഞ അഞ്ചുമത്സരങ്ങളില്‍ രണ്ടു തോല്‍വിയും മൂന്നു പരാജയവുമാണ് ഹൈലാന്‍ഡേഴ്സ് ഏറ്റുവാങ്ങിയത്. ഡല്‍ഹിയാകട്ടെ ഒരു ജയം മാത്രം നേടി ലീഗിലെ ഏറ്റവും മോശം പ്രകടനത്തിന്‍െറ അവകാശികളാണ്. കഴിഞ്ഞ ആറു കളികളില്‍ നാലു തോല്‍വിയും രണ്ടു സമനിലയും. ആദ്യ പാദത്തില്‍ ഇരുവരും പോരാടിയപ്പോള്‍ ഗോള്‍രഹിത സമനിലയായിരുന്നു ഫലം. ഇന്ന് ജയം നേടിയാല്‍ 13 പോയന്‍റുമായി ആദ്യ നാലിനുള്ളിലത്തൊന്‍ യുനൈറ്റഡിന് കഴിയും. മറിച്ച് ജയം നേടിയാലും ഡല്‍ഹിയുടെ നില പരിതാപകരമായി തുടരും.  |
| Posted: 23 Nov 2014 06:23 PM PST Image:  ഇന്ത്യന്‍ സ്വാതന്ത്ര്യസമര ചരിത്ര ഭൂമികയില്‍ മലയാള മണ്ണില്‍നിന്ന് ഉദിച്ചുയര്‍ന്ന സൂര്യതേജസ്സായിരുന്നു മുഹമ്മദ് അബ്ദുറഹിമാന് സാഹിബ്. ജാതി^മത ഭേദമെന്യേ ജനസാമാന്യത്തെ മതേതര മാര്‍ഗത്തിലൂടെ ഇന്ത്യന്‍ ദേശീയതയുടെ മുഖ്യധാരയിലേക്ക് നയിച്ച ദേശാഭിമാനി. നെഞ്ചില്‍ അദമ്യമായ സ്വാതന്ത്രേ്യച്ഛയുടെ തീക്കനല്‍ പേറി ധീരതക്ക് അദ്ദേഹം ഇതിഹാസ സമാനമായ തലങ്ങള്‍ തീര്‍ത്തു. സ്വന്തം സമുദായത്തിലെ അനാചാരങ്ങള്‍ക്കെതിരെ നിരന്തരം പോരാടിയ പരിഷ്കര്‍ത്താവ്. ഷേറെ മലബാര്‍ അഥവാ മലബാറിലെ സിംഹം എന്ന അപരനാമമാണ് മുഹമ്മദ് അബ്ദുറഹിമാന് എന്ന പേരിനോടൊപ്പം പതിവായി ചേര്‍ത്തുവെക്കുന്നത്. കുറച്ചുകാലത്തേക്കെങ്കിലും ആ വിളിപ്പേര് മറക്കുക. പകരം, അദ്ദേഹത്തിന്‍െറ കേരള നേതാജി എന്ന അപരനാമം പ്രചാരം നേടട്ടെ. എന്തുകൊണ്ടെന്നാല്‍, മലബാറിലോ മലയാള മണ്ണിലോ ഒതുക്കപ്പെടേണ്ട ഒരു നാമമല്ല മുഹമ്മദ് അബ്ദുറഹിമാന്‍േറത്. നിസ്സഹകരണ തന്ത്രത്തിന്‍െറ ഭാഗമായി സര്‍ക്കാര്‍ കലാലയങ്ങള്‍ ബഹിഷ്കരിച്ചവര്‍ക്കായി ഏതാനും ദേശീയ സര്‍വകലാശാലകള്‍ സ്ഥാപിക്കപ്പെട്ടിരുന്നു. അതില്‍ പ്രമുഖമായിരുന്നു അലീഗഢിലെ ജാമിഅ മില്ലിയ. ചരിത്രം ഐച്ഛിക വിഷയമായെടുത്ത് മുഹമ്മദ് അബ്ദുറഹിമാന് ജാമിഅ മില്ലിയയില്‍ ബിരുദാനന്തര പാഠ്യപദ്ധതിയില്‍ ചേര്‍ന്നു. ഖിലാഫത്ത്- കോണ്‍ഗ്രസ് പ്രസ്ഥാനങ്ങളിലെ മുന്‍നിര നേതാക്കളായ മൗലാനാ അബുല്‍കലാം ആസാദ്, ഡോ. എ.എം. അന്‍സാരി തുടങ്ങിയവരായിരുന്നു അവിടത്തെ അധ്യാപകര്‍. മുഹമ്മദ് അബ്ദുറഹിമാനെ ചരിത്രം പഠിപ്പിക്കാന്‍ എത്തിയതാകട്ടെ തീപ്പൊരി നേതാവ് മൗലാനാ മുഹമ്മദലിയും. ഹൃദ്യവും ഗാഢവുമായ ആ ഗുരു-ശിഷ്യ ബന്ധം മുഹമ്മദ് അബ്ദുറഹിമാന് പുതിയ ദിശാബോധം നല്‍കി. ഖിലാഫത്തിന്‍െറ പ്രവര്‍ത്തനങ്ങളില്‍ സജീവമായ അബ്ദുറഹിമാന് മലബാര്‍ ഖിലാഫത്ത് കമ്മിറ്റിയുടെ പ്രതിനിധിയായി 1920 ഡിസംബറില്‍ നാഗ്പൂരില്‍ നടന്ന ഇന്ത്യന്‍ നാഷനല്‍ കോണ്‍ഗ്രസിന്‍െറ വാര്‍ഷിക സമ്മേളനത്തില്‍ കെ. മാധവന്‍ നായരോടൊത്ത് പങ്കെടുത്തു. പിന്നീട്, അലീഗഢിലത്തെി പഠനം തുടര്‍ന്നെങ്കിലും കേരള രാഷ്ടീയത്തില്‍ ആജ്ഞാശക്തിയും സമര്‍പ്പണ മനോഭാവവുമുള്ള ധീരനായ ഒരു നേതാവിന്‍െറ അഭാവമുണ്ടെന്ന് മനസ്സിലാക്കിയ മൗലാനാ മുഹമ്മദലി 23കാരനായ തന്‍െറ അരുമ ശിഷ്യനെ അവിടേക്ക് നിയോഗിച്ചു. ഗുരുവിന്‍െറ നിര്‍ദേശപ്രകാരം അലീഗഢില്‍നിന്ന് വണ്ടികയറിയ അബ്ദുറഹിമാന് നേരെ ഒറ്റപ്പാലത്തെ ഒന്നാം കേരള സംസ്ഥാന രാഷ്ട്രീയ സമ്മേളനത്തിന്‍െറ പന്തലിലേക്കാണ് എത്തിയത്. തുടര്‍ന്ന്, പ്രവര്‍ത്തനങ്ങള്‍ ഊര്‍ജിതമാക്കാന്‍ മലബാറിന്‍െറ തലസ്ഥാനമായ കോഴിക്കോട്ടേക്ക് പോയി. മലബാര്‍, കൊച്ചി മേഖലയിലെ ഓരോ മുക്കിലും മൂലയിലും നിരന്തരം സഞ്ചരിച്ച് ഖിലാഫത്ത് പ്രസ്ഥാനത്തിന്‍െറയും സ്വാതന്ത്ര്യസമരത്തിന്‍െറയും സന്ദേശങ്ങള്‍ പ്രചരിപ്പിച്ചു. മുഹമ്മദ് അബ്ദുറഹിമാന് സാഹിബിന്‍െറ ആദ്യ അറസ്റ്റും ജയില്‍ വാസവും മലബാര്‍ലഹളയോട് ബന്ധപ്പെട്ടായിരുന്നു. ഖിലാഫത്ത്-കോണ്‍ഗ്രസ് പ്രസ്ഥാനങ്ങളെ തകര്‍ക്കാന്‍ മലബാറിലേക്ക് ബ്രിട്ടീഷ് സര്‍ക്കാര്‍ പട്ടാളത്തെ അയച്ചത് കൂടുതല്‍ ദുരന്തങ്ങള്‍ക്ക് കാരണമായി. സ്ത്രീകളോടും കുട്ടികളോടും പട്ടാളം മനുഷ്യത്വപരമായി പെരുമാറണമെന്ന് അഭ്യര്‍ഥിച്ച് മുഹമ്മദ് അബ്ദുറഹിമാന് മലബാര്‍ കലക്ടര്‍ക്ക് കത്തയച്ചു. കലക്ടര്‍ കത്ത് തിരിച്ചയച്ചു. ഇതത്തേുടര്‍ന്ന്, ബാധിത പ്രദേശങ്ങളിലെ യഥാര്‍ഥ അവസ്ഥ അദ്ദേഹം കേരളത്തിന് പുറത്തെ മാധ്യമങ്ങളെ എഴുതി അറിയിച്ചു. ഹിന്ദു (മദ്രാസ്), ബോംബെ ക്രോണിക്ക്ള്‍ തുടങ്ങിയ പത്രങ്ങള്‍ അദ്ദേഹത്തിന്‍െറ കത്ത് പ്രസിദ്ധീകരിക്കുക മാത്രമല്ല, വിഷയത്തില്‍ മുഖപ്രസംഗവും എഴുതി. കുപിതനായ കലക്ടറുടെ ഉത്തരവനുസരിച്ച് പട്ടാളനിയമ ഓര്‍ഡിനന്‍സ് 12ാം വകുപ്പ് പ്രകാരം മുഹമ്മദ് അബ്ദുറഹിമാനെ അറസ്റ്റ് ചെയ്തു. രാജ്യദ്രോഹക്കുറ്റം ചുമത്തി രണ്ടുകൊല്ലത്തെ ജയില്‍ശിക്ഷ വിധിച്ചു. ബെല്ലാരി ജയിലില്‍ കിടന്ന കാലയളവിലാണ് കേരളത്തിലെ ദേശീയ പ്രവര്‍ത്തനങ്ങളുടെ മുന്നേറ്റത്തിനും ഏകോപനത്തിനുമായി ഒരു പത്രം തുടങ്ങണമെന്ന് അദ്ദേഹം തീരുമാനമെടുത്തത്. അങ്ങനെയാണ് അല്‍അമീന്‍ പിറവിയെടുത്തത്. സൈമണ്‍ കമീഷന്‍, അന്തമാന്‍ സ്കീം, വാഗണ്‍ ട്രാജഡി, മാപ്പിള ഒൗട്ട്റേജസ് ആക്ട് എന്നിങ്ങനെ അല്‍അമീന്‍ പ്രസിദ്ധീകരണം നിലവില്‍ വന്നതിനുശേഷമുള്ള ഓരോ സംഭവങ്ങള്‍ക്കും കരിനിയമങ്ങള്‍ക്കുമെതിരെ ശക്തവും യുക്തവുമായ നിലപാട് വെളിപ്പെടുത്തി അല്‍-അമീന്‍ വേറിട്ടുനിന്നു. ഉപ്പ് സത്യഗ്രഹത്തോട് ബന്ധപ്പെട്ടായിരുന്നു അബ്ദുറഹിമാന്‍െറ രണ്ടാമത്തെ അറസ്റ്റ്. കെ. കേളപ്പന്‍, മുഹമ്മദ് അബ്ദുറഹിമാന്, കൃഷ്ണസ്വാമി അയ്യര്‍ എന്നിവരെ ഒമ്പത് മാസത്തേക്കാണ് അന്ന് ശിക്ഷിച്ചത്. അന്ന് സത്യഗ്രഹവേളയില്‍ ഏറ്റവുമധികം മര്‍ദനമേറ്റത് അദ്ദേഹത്തിനായിരുന്നു. ഉപ്പു കുറുക്കാന്‍ അദ്ദേഹത്തിന്‍െറ കൈയിലുണ്ടായിരുന്ന പാത്രം പിടിച്ചെടുക്കാന്‍ പൊലീസുകാര്‍ പണിപ്പെട്ടു. ലാത്തികള്‍കൊണ്ടും ബൂട്ടുകള്‍കൊണ്ടും മര്‍ദിച്ചു. തുടര്‍ച്ചയായുള്ള അടിയേറ്റ് പാത്രം തകര്‍ന്നുപോയി. തകര്‍ന്നുവീണ കഷണങ്ങള്‍ ചേര്‍ത്തുവെച്ച് അദ്ദേഹം പാത്രം വീണ്ടും കൈയിലെടുത്തു. മറ്റു നേതാക്കന്മാരെല്ലാം അടികൊണ്ട് വീണിട്ടും ഇദ്ദേഹം വീഴാതിരുന്നത് കണ്ടിട്ട് കഴുത്തിന്‍െറ ഇരുവശത്തും പൊലീസുകാര്‍ രണ്ട് ലാത്തികള്‍വെച്ച് ഞെരുക്കി ശ്വാസംമുട്ടിച്ചാണ് അദ്ദേഹത്തെ വീഴ്ത്തിയത്. നേതാജി^കേരള നേതാജി എ.ഐ.സി.സിയുടെ ത്രിപുര സമ്മേളനത്തില്‍ ഏറെപ്പേരുടെ നിര്‍ദേശപ്രകാരം സുഭാഷ്ചന്ദ്ര ബോസ് അധ്യക്ഷ സ്ഥാനത്തേക്കുള്ള സ്ഥാനാര്‍ഥിയായി. എന്നാല്‍, താനുമായി വ്യക്തമായി വിരുദ്ധചേരിയിലായിരുന്ന സുഭാഷ്ചന്ദ്രബോസിന്‍െറ സ്ഥാനാര്‍ഥിത്വം അംഗീകരിക്കാന്‍ ഗാന്ധിജി തയാറായില്ല. ഗാന്ധിജി അബുല്‍കലാം ആസാദിനെ സ്ഥാനാര്‍ഥിയാക്കിയെങ്കിലും അദ്ദേഹം നേതാജിക്കെതിരെ മത്സരിക്കാന്‍ തയാറായില്ല. എന്നിട്ടും പിന്‍വാങ്ങാതെ ഗാന്ധിജി പട്ടാഭി സീതാരാമയ്യയെ സ്ഥാനാര്‍ഥിയാക്കി. വാശിയേറിയ മത്സരത്തില്‍ ഭൂരിപക്ഷം വോട്ടുകള്‍നേടി നേതാജി തന്നെ വിജയിച്ചു. കേന്ദ്രനേതൃത്വവുമായുണ്ടായ അഭിപ്രായ വ്യത്യാസങ്ങളത്തെുടര്‍ന്ന് നേതാജി തന്‍െറ ആശയങ്ങള്‍ മൂര്‍ത്തരൂപം നല്‍കാന്‍ അഖിലേന്ത്യാ ഫോര്‍വേഡ് ബ്ളോക് സ്ഥാപിച്ചു. അഖിലേന്ത്യാ ഫോര്‍വേഡ് ബ്ളോക്കിന്‍െറ നിര്‍വാഹക സമിതിയില്‍ ആത്മസുഹൃത്തായ അബ്ദുറഹിമാനെയും ഉള്‍പ്പെടുത്തി. ഫോര്‍വേഡ് ബ്ളോക് കേരള ഘടകം അധ്യക്ഷനായി നേതാജി നിയോഗിച്ചത് അബ്ദുറഹിമാനെയാണ്. നേതാജിയെയും സാഹിബിനേയും അടുത്തറിഞ്ഞിരുന്ന പട്ടാഭി സീതാരാമയ്യ ഇങ്ങനെ രേഖപ്പെടുത്തി: ദേശീയ ചരിത്രത്തില്‍ സുഭാഷ് ചന്ദ്ര ബോസിനെയും അബ്ദുറഹിമാനേയും പോലെ വളരെയധികംപേരെ ഞാന്‍ കണ്ടിട്ടില്ല. നിര്‍ഭയനായ അബ്ദുറഹിമാനെ ആരും സ്നേഹിക്കും. വിവാഹം കഴിഞ്ഞ് കേവലം മൂന്ന് വര്‍ഷം തികയുന്നതിന് മുമ്പ് വസൂരി ബാധിച്ച് ഭാര്യ മരണമടഞ്ഞപ്പോള്‍ ഉറ്റവരും സ്നേഹിതരും അദ്ദേഹത്തെ മറ്റൊരു വിവാഹത്തിന് നിര്‍ബന്ധിച്ചു. മുന്നോട്ടുള്ള പ്രതിസന്ധികള്‍ നിറഞ്ഞ ജീവിതത്തിന് ഒരു കൂട്ട് അത്യാവശ്യമാണെന്ന് ഉപദേശിച്ചവരോട്, എന്‍െറ കുഞ്ഞി ബീപാത്തു ഇപ്പോഴും എന്‍െറ കൂടെയുണ്ട്. എനിക്കവളെ കാണാം, എന്നാണ് അദ്ദേഹം പറഞ്ഞത്. ബഹുഭാഷാ പണ്ഡിതനായിരുന്ന അദ്ദേഹത്തിന് ചരിത്ര-മത ഗ്രന്ഥങ്ങള്‍ക്ക് പുറമെ മിസ്റ്റിക് കവിതകളോട് താല്‍പര്യമുണ്ടായിരുന്നു. ഏതാനും അടി മുന്നോട്ടുവെച്ചപ്പോഴേക്കും പെട്രോമാക്സ് കെട്ടു, അദ്ദേഹത്തിന് കാലിടറി. അണികള്‍ ഓടിവന്ന് താങ്ങി. അല്ലാഹ് എന്ന് മൂന്നുവട്ടം ആ ചുണ്ടുകള്‍ ചലിച്ചു. പിന്നെ നിശ്ചലം. 47 വര്‍ഷത്തെ ഹ്രസ്വമായ ആ ജീവിതത്തില്‍ ഒമ്പതു വര്‍ഷത്തോളം ജയില്‍ശിക്ഷ അനുഭവിച്ചു. ശത്രുക്കള്‍പോലും തികഞ്ഞ ബഹുമാനത്തോടെയല്ലാതെ അദ്ദേഹത്തെ സ്മരിക്കാനിടയില്ല. സംഭവബഹുലമായ ആ ജീവിതത്തിന് കൊടുങ്കാറ്റിന്‍െറ ശക്തിയും വേഗതയും ഉണ്ടായിരുന്നു.  |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
No comments:
Post a Comment