കോട്ടാങ്ങലില്‍ ഭരണം നിലനിര്‍ത്താന്‍ തന്ത്രങ്ങളുമായി മുന്നണികള്‍ Madhyamam News Feeds |  |
- കോട്ടാങ്ങലില്‍ ഭരണം നിലനിര്‍ത്താന്‍ തന്ത്രങ്ങളുമായി മുന്നണികള്‍
- എയര്‍ ഏഷ്യ വിമാനത്തിന്‍റെ രണ്ടു വലിയ ഭാഗങ്ങള്‍ കണ്ടെത്തി
- റേഷന്‍ കാര്‍ഡ് പുതുക്കല്‍: അപേക്ഷഫോറം വിതരണം തുടങ്ങി, ഫോട്ടോയെടുപ്പ് 19 മുതല്‍
- പാചകവാതക ഉപഭോക്താക്കള്‍ സമരവേദി രൂപവത്കരിക്കുന്നു
- ഭീകരാക്രമണ ശ്രമം: നിഷേധിച്ച് പാകിസ്താന്‍
- നവീകരണം : കാഞ്ഞങ്ങാട് നഗരസഭാ കെട്ടിടം പൊളിച്ച് തുടങ്ങി
- കുടുംബശ്രീ ആട് ഉല്‍പാദന കമ്പനി ഉദ്ഘാടനം നാലിന്
- തൃപ്പൂണിത്തുറയില്‍ ചരിത്രപ്രദര്‍ശനത്തിന് ഇന്ന് തുടക്കം
- നടന വിസ്മയങ്ങള്‍ക്ക് ഇനി മണിക്കൂറുകള്‍ മാത്രം
- കോയാറോഡ് മദ്യശാല പൂട്ടി
- പള്ളിക്കുള്ളില്‍ കണങ്കാല്‍ പ്രദര്‍ശിപ്പിച്ച് ഫോട്ടോയെടുത്ത സെലീന ഗോമസ് വിവാദത്തില്‍
- പി.കെ ഡൗണ്‍ലോഡ് ചെയ്ത് കണ്ട അഖിലേഷ് വെട്ടിലായി
- അന്താരാഷ്ട്ര വിമാനത്താവള ഹബ് പട്ടിക: കേരളത്തിന് നഷ്ടങ്ങളേറെ
- കുവൈത്തിന്‍െറ കഥാകാരന്‍ യാത്രയാവുന്നു
- നാട്ടിലേക്ക് അയക്കുന്ന പണത്തിന് നികുതിയില്ല, പ്രവാസികള്‍ക്ക് ആശ്വാസം
- ക്രിസ്മസ്, പുതുവത്സരം: ബഹ്റൈന്‍ കോസ് വേ വഴി പോയത് 2,33,774 യാത്രക്കാര്‍
- പലിശ മാഫിയക്കെതിരെ യോജിച്ച പോരാട്ടത്തിന് നീക്കം
- അതിര്‍ത്തിയില്‍ വീണ്ടും വെടിവെപ്പ്: രണ്ടു പാക് സൈനികര്‍ കൊല്ലപ്പെട്ടു.
- രക്ഷകനായത്തെിയ ആ ഡോക്ടര്‍ ‘തീവ്രവാദി’യെന്ന് അവരറിഞ്ഞില്ല
- ‘സന്തോഷ വാര്‍ത്ത’യുമായി മാവോവാദികള്‍ കുറിച്യ കോളനിയില്‍
- തച്ചങ്കരിയുടെ സ്ഥാനക്കയറ്റം: സര്‍ക്കാറിന്‍െറ ഒളിച്ചുകളി വ്യക്തമാക്കുന്ന തെളിവ് പുറത്ത്
- നിതി ആയോഗിലൂടെ വരുന്നത് നല്ല നാളുകളോ?
- പ്രകാശം പരത്തുന്ന ദൈവദൂതന്‍
- അഞ്ച് പരിസ്ഥിതി നിയമങ്ങള്‍ തിരുത്താന്‍ പുതിയ ബില്‍
| കോട്ടാങ്ങലില്‍ ഭരണം നിലനിര്‍ത്താന്‍ തന്ത്രങ്ങളുമായി മുന്നണികള്‍ Posted: 03 Jan 2015 12:40 AM PST മല്ലപ്പള്ളി: കോട്ടാങ്ങല്‍ പഞ്ചായത്ത് ഭരണം നിലനിര്‍ത്താന്‍ യു.ഡി.എഫും പിടിച്ചെടുക്കാന്‍ എല്‍.ഡി.എഫും തന്ത്രങ്ങള്‍ മെനയുന്നു. പഞ്ചായത്തില്‍ വൈസ് പ്രസിഡന്‍റ് തെരഞ്ഞെടുപ്പ് തിങ്കളാഴ്ച നടക്കും. യു.ഡി.എഫിലെ വൈസ് പ്രസിഡന്‍റ് കുഞ്ഞമ്മ ദേവസ്യ വൈസ് പ്രസിഡന്‍റ് സ്ഥാനം രാജിവെച്ചതിനെ ത്തുടര്‍ന്ന് പ്രസിഡന്‍റ് ജോസഫ് ജോണിനെതിരെ എല്‍.ഡി.എഫ് അംഗങ്ങള്‍ അവിശ്വാസത്തിന് നോട്ടീസ് നല്‍കിയിരുന്നു. അവിശ്വാസ പ്രമേയ വോട്ടെടുപ്പ് ബുധനാഴ്ച നടക്കാനിരിക്കേയാണ് ഇരുമുന്നണിയിലും രഹസ്യ യോഗങ്ങളും മറ്റു തന്ത്രങ്ങളുമായി പരക്കം പായുന്നത്. പിന്തുണപിന്‍വലിച്ച് വൈസ് പ്രസിഡന്‍റ് സ്ഥാനം രാജിവെച്ചെങ്കിലും കുഞ്ഞമ്മ ദേവസ്യയെ എങ്ങനെയും കൂടെ കൂട്ടി ഭരണം നിലനിര്‍ത്താമെന്നാണ് യു.ഡി.എഫ് കണക്കുകൂട്ടലെന്ന് അറിയുന്നു.  |
| എയര്‍ ഏഷ്യ വിമാനത്തിന്‍റെ രണ്ടു വലിയ ഭാഗങ്ങള്‍ കണ്ടെത്തി Posted: 02 Jan 2015 11:36 PM PST Image:  ജകാര്‍ത്ത: കടലില്‍ കാണാതായ എയര്‍ ഏഷ്യ വിമാനത്തിന്‍റെ രണ്ടു വലിയ ഭാഗങ്ങള്‍ കണ്ടെത്തി യതായി തിരച്ചിലിന് നേതൃത്വം നല്‍കുന്ന ഉദ്യോഗസ്ഥര്‍ അറിയിച്ചു. ജാവ കടലിലാണ് ഇന്നലെ അര്‍ധരാത്രിയോടെ വിമാനത്തിന്‍റെ രണ്ട് ഭാഗങ്ങള്‍ കണ്ടെത്തിയത്. വെള്ളത്തിനടിയില്‍ ഏതാണ്ട് 30 മീറ്റര്‍ താഴെയാണ് വസ്തുക്കളെ കണ്ടത്. വിമാനത്തിന്‍റെ ഓയില്‍ സ്പില്ലും മറ്റു രണ്ടു ഭാഗങ്ങളുമാണ് കണ്ടെത്തിയിരിക്കുന്നത്. കടലിനടിയില്‍ കണ്ട ഏറ്റവും വലിയ ഭാഗത്തിന് 10 മീറ്റര്‍ നീളവും 5 മീറ്റര്‍ വീതിയുമുണ്ടെന്ന് അധികൃതര്‍ അറിയിച്ചു. ഇവയുടെ ചിത്രങ്ങള്‍ അത്യാധുനിക ഉപകരണങ്ങളുടെ സഹായത്തോടെ എടുത്ത് പരിശോധിച്ചു വരികയാണെന്ന് ദൗത്യ സേനാ തലവന്‍ അറിയിച്ചു. അതേസമയം വിമാനത്തിനായുള്ള കടലിന്‍െറ അടിത്തട്ടിലേക്കും വ്യാപിപ്പിച്ചിട്ടുണ്ട്. കടലില്‍ നിന്ന് വെള്ളിയാഴ്ച കൂടുതല്‍ മൃതദേഹങ്ങള്‍ കണ്ടെടുത്തതോടെ മൊത്തം കണ്ടെത്തിയ മൃതദേഹങ്ങളുടെ എണ്ണം 30 ആയി. നാലുപേരെയാണ് ഇതുവരെ തിരിച്ചറിഞ്ഞത്. 162 യാത്രക്കാരുമായി ഇന്തോനേഷ്യയിലെ സുരബായയില്‍നിന്ന് സിംഗപ്പൂരിലേക്ക് പോയ വിമാനം ഞായറാഴ്ചയാണ് തകര്‍ന്നുവീണത്.  |
| റേഷന്‍ കാര്‍ഡ് പുതുക്കല്‍: അപേക്ഷഫോറം വിതരണം തുടങ്ങി, ഫോട്ടോയെടുപ്പ് 19 മുതല്‍ Posted: 02 Jan 2015 11:28 PM PST കോട്ടയം: റേഷന്‍ കാര്‍ഡ് പുതുക്കാനുള്ള അപേക്ഷഫോറങ്ങളുടെ വിതരണം റേഷന്‍ കടകളിലൂടെ തുടങ്ങി. 17 വരെ അതത് റേഷന്‍ കടകളില്‍നിന്ന് ഫോറം സൗജന്യമായി ലഭിക്കും. പൂരിപ്പിക്കാനാവശ്യമായ മാര്‍ഗനിര്‍ദേശങ്ങളടങ്ങിയ ലഘുലേഖയും അപേക്ഷക്കൊപ്പം ലഭിക്കും. അപേക്ഷ പൂരിപ്പിക്കുമ്പോള്‍ ഉപഭോക്താക്കള്‍ അതീവ ശ്രദ്ധപുലര്‍ത്തണമെന്ന് സിവില്‍ സപൈ്ളസ് വകുപ്പ് അധികൃതര്‍ അറിയിച്ചു. തെറ്റുവന്നാല്‍ വീണ്ടും അപേക്ഷഫോറം ലഭിക്കില്ളെന്നും ഇവര്‍ അറിയിച്ചു. ഭയമുള്ളവര്‍ ഫോറത്തിന്‍െറ ഫോട്ടോ കോപ്പിയെടുത്ത് പൂരിപ്പിച്ച് തെറ്റില്ളെന്ന് ഉറപ്പുവരുത്തിയശേഷമെ യഥാര്‍ഥ ഫോറം പൂരിപ്പിക്കാവൂ. കാര്‍ഡ് പുതുക്കാനുള്ള അപേക്ഷഫോറത്തില്‍ ചേര്‍ക്കുന്ന വിവരങ്ങള്‍ തെറ്റാണെന്ന് കണ്ടത്തെിയാല്‍ ഒരുവര്‍ഷം വരെ തടവും പിഴയും ഉള്‍പ്പെടെ ക്രിമിനല്‍ നിയമപ്രകാരം നടപടി സ്വീകരിക്കുമെന്നും അധികൃതര്‍ അറിയിച്ചു.  |
| പാചകവാതക ഉപഭോക്താക്കള്‍ സമരവേദി രൂപവത്കരിക്കുന്നു Posted: 02 Jan 2015 11:19 PM PST കൊടുങ്ങല്ലൂര്‍: മേഖലയിലെ പാചകവാതക ഉപഭോക്താക്കള്‍ നേരിടുന്ന ദുരിതങ്ങള്‍ക്ക് അറുതിതേടി സംയുക്ത സമരവേദി രൂപവത്കരിക്കുന്നു. ആലോചനായോഗം ശനിയാഴ്ച വൈകീട്ട് മൂന്നിന് കൊടുങ്ങല്ലൂര്‍ കിഴക്കേനടയിലെ ഒ.കെ യോഗം ഓഫിസ് ഹാളില്‍ ചേരും.  |
| ഭീകരാക്രമണ ശ്രമം: നിഷേധിച്ച് പാകിസ്താന്‍ Posted: 02 Jan 2015 11:08 PM PST Image:  ഇസ് ലാമാബാദ്: ഗുജറാത്തിലെ പോര്‍ബന്തര്‍ തീരത്തിനടുത്ത് സ്ഫോടകവസ്തുക്കള്‍ നിറച്ച ബോട്ട് പൊട്ടിത്തെറിച്ച സംഭവത്തില്‍ ഇന്ത്യയുടെ ആരോപണം നിഷേധിച്ച് പാകിസ്താന്‍ രംഗത്തത്തെി. പാകിസ്താനിലെ കേതി ബന്ദറില്‍ നിന്ന് ഒരു ബോട്ടും പുറപ്പെട്ടിട്ടില്ളെന്ന് പാകിസ്താന്‍ വ്യക്തമാക്കിയതായി ജിയോ ടി.വി റിപ്പോര്‍ട്ട് ചെയ്തു. പാകിസ്താന്‍ വിദേശകാര്യ വക്താവ് തസ്നീം അസ് ലമാണ് ഇക്കാര്യം വ്യക്തമാക്കിയത്. ‘കേതി ബന്ദറില്‍ നിന്ന് ഒരു ബോട്ടും പുറപ്പെട്ടിട്ടില്ല. പാകിസ്താനെ അപകീര്‍ത്തിപ്പെടുത്താന്‍ ഇന്ത്യ സൃഷ്ടിക്കുന്ന പ്രചാരണങ്ങളാണിത്’-അദ്ദേഹം വ്യക്തമാക്കി. അതേസമയം പാകിസ്താനില്‍നിന്ന് ഇന്ത്യ ലക്ഷ്യമാക്കി നീങ്ങിയത് രണ്ട് ബോട്ടുകളാണെന്ന് റിപ്പോര്‍ട്ടുകളുണ്ട്. ഒരു ബോട്ട് തകര്‍ന്നുവെന്ന് പ്രതിരോധ മന്ത്രാലയം വ്യക്തമാക്കിയെങ്കിലും രണ്ടാമത്തെ ബോട്ടിനെ പിന്തുടരാനോ കൂടുതല്‍ വിവരങ്ങള്‍ പിടിച്ചെടുക്കാനോ കഴിഞ്ഞില്ല. രണ്ടാമത്തെ ബോട്ടുപയോഗിച്ച് ശ്രദ്ധ തിരിച്ചുവിട്ട് ഇന്ത്യന്‍ തീരത്തേക്ക് പ്രവേശിക്കുകയായിരുന്നു ഭീകരരുടെ ലക്ഷ്യമെന്നാണ് കരുതുന്നത്. രണ്ടാമത്തെ ബോട്ടിനുവേണ്ടി തെരച്ചില്‍ ശക്തമാക്കി. തകര്‍ത്ത ബോട്ടിലുണ്ടായിരുന്നവര്‍ രണ്ടാമത്തെ ബോട്ടില്‍ രക്ഷപ്പെട്ടിട്ടുണ്ടാകാമെന്നും റിപ്പോര്‍ട്ടുണ്ട്. പുതുവര്‍ഷ ദിനത്തിന്‍െറ തലേദിവസമാണ് സ്ഫോടകവസ്തുക്കള്‍ നിറച്ച ബോട്ട് ഗുജറാത്ത് തീരത്ത് പൊട്ടിത്തെറിച്ചത്. വെള്ളിയാഴ്ചയാണ് പ്രതിരോധ മന്ത്രാലയം ഇത് സംബന്ധിച്ച വാര്‍ത്ത പുറത്തുവിടുന്നത്. പാകിസ്താനില്‍ നിന്ന് വന്ന ബോട്ടാണ് കോസ്റ്റ് ഗാര്‍ഡ് പിന്തുടരുന്നതിനിടെ പൊട്ടിത്തെറിച്ചതെന്ന് സര്‍ക്കാര്‍ അറിയിച്ചു. കറാച്ചിയില്‍ നിന്നും വന്ന ബോട്ടില്‍ നാലുപേരുണ്ടായിരുന്നു. നാലുപേരും കൊല്ലപ്പെട്ടെന്നാണ് കരുതുന്നത്. പോര്‍ബന്തര്‍ തീരത്തുനിന്ന് 350 കിലോമീറ്റര്‍ അകലെ തെക്ക്-പടിഞ്ഞാറ് ഭാഗത്താണ് സംഭവം.
 |
| നവീകരണം : കാഞ്ഞങ്ങാട് നഗരസഭാ കെട്ടിടം പൊളിച്ച് തുടങ്ങി Posted: 02 Jan 2015 10:46 PM PST കാഞ്ഞങ്ങാട്: നവീകരണത്തിനായി അരനൂറ്റാണ്ട് പഴക്കമുള്ള നഗരസഭയുടെ ഇരുനില കെട്ടിടം പൊളിച്ച് തുടങ്ങി. നിലവിലെ കെട്ടിടത്തിന്‍െറ സ്ഥാനത്ത് അത്യാധുനിക സൗകര്യങ്ങളോടുകൂടിയ മൂന്നുനില കെട്ടിടമാണ് ലോകബാങ്ക് സഹായത്തോടെ നിര്‍മിക്കുന്നത്. 1984ല്‍ കാഞ്ഞങ്ങാട് നഗരസഭയായി മാറുന്നതുവരെ പഞ്ചായത്ത് ഓഫിസ് പ്രവര്‍ത്തിച്ചിരുന്ന കെട്ടിടമാണ് പൊളിക്കുന്നത്.  |
| കുടുംബശ്രീ ആട് ഉല്‍പാദന കമ്പനി ഉദ്ഘാടനം നാലിന് Posted: 02 Jan 2015 10:42 PM PST കണ്ണൂര്‍: കുടുംബശ്രീ ജില്ലാ മിഷന്‍ കണ്ണൂര്‍ ഗോട്ട് ഫാര്‍മേഴ്സ് പ്രൊഡ്യൂസര്‍ കമ്പനി ഉദ്ഘാടനവും ജില്ലാ പഞ്ചായത്തിന് സ്നേഹജ്യോതി ഫണ്ട് കൈമാറലും ജനുവരി നാലിന് കണ്ണൂരില്‍ നടക്കുമെന്ന് മിഷന്‍ ജില്ലാ കോഓഡിനേറ്റര്‍ എം.വി. പ്രേമരാജന്‍ വാര്‍ത്താസമ്മേളനത്തില്‍ അറിയിച്ചു. രാവിലെ 10ന് ചേംബര്‍ ഓഫ് കോമേഴ്സ് ഹാളില്‍ പഞ്ചായത്ത് സാമൂഹികനീതി മന്ത്രി ഡോ. എം.കെ. മുനീര്‍ ഉദ്ഘാടനം ചെയ്യും. ജില്ലയിലെ മികച്ച സി.ഡി.എസിനുള്ള അവാര്‍ഡു വിതരണം പി.കെ. ശ്രീമതി എം.പി, പ്രൊഡ്യൂസര്‍ കമ്പനി ആദ്യ ഓഹരി വിതരണം കെ.എം. ഷാജി എം.എല്‍.എ, സംരംഭകര്‍ക്കുള്ള സബ്സിഡി വിതരണം ജില്ലാ പഞ്ചായത്ത് പ്രസിഡന്‍റ് പ്രഫ. കെ.എ. സരള, മാച്ചിങ് ഗ്രാന്‍റ് വിതരണം കുടുംബശ്രീ എക്സി. ഡയറക്ടര്‍ കെ.ബി. വത്സലകുമാരി എന്നിവര്‍ നിര്‍വഹിക്കും.  |
| തൃപ്പൂണിത്തുറയില്‍ ചരിത്രപ്രദര്‍ശനത്തിന് ഇന്ന് തുടക്കം Posted: 02 Jan 2015 10:31 PM PST കൊച്ചി: അയ്യങ്കാളി നയിച്ച കര്‍ഷകത്തൊഴിലാളി സമരത്തിന്‍െറ ശതാബ്ദി ആചരണ കമ്മിറ്റി സംഘടിപ്പിക്കുന്ന നവോത്ഥാന ശക്തി ചരിത്രപ്രദര്‍ശനം ശനിയാഴ്ച രാവിലെ 10ന് ആരംഭിക്കും.  |
| നടന വിസ്മയങ്ങള്‍ക്ക് ഇനി മണിക്കൂറുകള്‍ മാത്രം Posted: 02 Jan 2015 10:26 PM PST കോട്ടക്കല്‍: പൂരപ്പെരുമയുടെ തട്ടകത്തില്‍ അഞ്ച് രാവുകള്‍ നീണ്ട കൗമാര കേളികൊട്ടിന് ഞായറാഴ്ച തുടക്കമാവും. കരവിരുതിന്‍െറ ചടുതലയോടെ കോല്‍ക്കളിയും മൈലാഞ്ചി മൊഞ്ചണിഞ്ഞ മണവാട്ടിയും തോഴിമാരും അമ്പിളിപ്പൂചൂടി മങ്കമാരും കൈമുദ്രകളില്‍ നടന മനോഹാരിത ചാര്‍ത്തിയ നര്‍ത്തകരും ഇനിയുള്ള രാവില്‍ കലയുടെ സുഗന്ധം പരത്തും. വര്‍ഷങ്ങള്‍ക്കുശേഷം വീണ്ടുമത്തെുന്ന കലോത്സവത്തെ വരവേല്‍ക്കാന്‍ നാടും നഗരവും ഒരുങ്ങിക്കഴിഞ്ഞു. കോട്ടക്കല്‍ ഗവ. രാജാസ് ഹയര്‍സെക്കന്‍ഡറി സ്കൂളിലെ രാജാങ്കണത്തില്‍ ജനുവരി നാല് മുതല്‍ എട്ട് വരെയാണ് കലയുടെ 27ാം മേളപ്പെരുക്കം.  |
| Posted: 02 Jan 2015 10:16 PM PST കോഴിക്കോട്: പുതിയങ്ങാടി-കോയാ റോഡ് പ്രദേശത്തിന്‍െറ തലവേദനയായി മാറിയ അത്താണിക്കല്‍ ബിവറേജസ് കോര്‍പറേഷന്‍ മദ്യവില്‍പന പൂട്ടാന്‍ ഉത്തരവിറങ്ങിയത് നാടിന് ആശ്വാസമായി. ജനങ്ങളുടെ ശക്തമായ ചെറുത്തുനില്‍പിന്‍െറ വിജയം കൂടിയായി തീരുമാനം. 14 കൊല്ലത്തോളമായി നാടിന്‍െറ ഉറക്കംകെടുത്തിയ മദ്യശാല പൂട്ടിയത് ആഘോഷിക്കാനുള്ള തയാറെടുപ്പിലാണ് ജനങ്ങള്‍. അടുത്തയാഴ്ച ചടങ്ങുകള്‍ സംഘടിപ്പിക്കാനാണ് തീരുമാനം. മദ്യ വിരുദ്ധ ബോധവത്കരണ സമിതിയും കേരള മദ്യനിരോധന സമിതിയും കഴിഞ്ഞ 108 ദിവസമായി ഷോപ്പിന് മുന്നില്‍ പന്തല്‍കെട്ടി പ്രക്ഷോഭം നടത്തിവരുകയായിരുന്നു.  |
| പള്ളിക്കുള്ളില്‍ കണങ്കാല്‍ പ്രദര്‍ശിപ്പിച്ച് ഫോട്ടോയെടുത്ത സെലീന ഗോമസ് വിവാദത്തില്‍ Posted: 02 Jan 2015 09:59 PM PST Image:  വാഷിങ്ടണ്‍: അബുദാബിയിലെ പള്ളി സന്ദര്‍ശനത്തിനിടെ കണങ്കാല്‍ കാണിച്ച് ഫോട്ടോക്ക് പോസ് ചെയ്ത അമേരിക്കന്‍ ഗായികയും ചലച്ചിത്രനടിയുമായ സെലീന ഗോമസ് വിവാദത്തില്‍. ശൈഖ് സായിദ് ഗ്രാന്‍റ് മോസ്ക്ക് സന്ദര്‍ശനിക്കാനത്തെിയ 22 കാരിയായ പോപ്പ് താരം പള്ളികകത്ത് കൂട്ടുകാരനൊപ്പം നിന്നാണ് ഫോട്ടോക്ക് പോസ് ചെയ്തത്.  |
| പി.കെ ഡൗണ്‍ലോഡ് ചെയ്ത് കണ്ട അഖിലേഷ് വെട്ടിലായി Posted: 02 Jan 2015 09:18 PM PST Image:  ലഖ്നൗ: ആമിര്‍ഖാന്‍ ഹിറ്റ് ചിത്രം പി.കെയുടെ വ്യാജന്‍ കണ്ടെന്ന് ഉത്തര്‍പ്രദേശ് മുഖ്യമന്ത്രി അഖിലേഷ് യാദവിനെതിരെ ആരോപണം. ട്വിറ്ററടക്കമുള്ള സോഷ്യല്‍ മീഡിയകളില്‍ അഖിലേഷിനെതിരെ പ്രതിഷേധം കനക്കുന്നുണ്ട്. ഡിസംബര്‍ 31ന് നടന്ന വാര്‍ത്താ സമ്മേളനത്തിനിടെയാണ് അഖിലേഷിന് അബദ്ധം പിണഞ്ഞത്. ‘പി.കെ കാണാനായി എന്നോട് കുറേ പേര് ആവശ്യപ്പെട്ടിരുന്നു. ചിത്രം ഞാന്‍ കുറച്ചു ദിവസം മുമ്പ് ഇന്‍റര്‍നെറ്റില്‍ നിന്നും ഡൗണ്‍ലോഡ് ചെയ്തിരുന്നു. പക്ഷേ ഇന്നലെ രാത്രിയാണ് പി. കെ എനിക്ക് കാണാനായത്. ഈ ചിത്രം എനിക്ക് ഏറെ ഇഷ്ടമായി. എല്ലാവരും ഈ ചിത്രം കാണണമെന്നതിനാല്‍ സംസ്ഥാനത്ത് പി.കെ യെ നികുതിയില്‍ നിന്നും ഒഴിവാക്കിയിട്ടുണ്ട്’. പി.കെ സിനിമക്കെതിരെ ഹിന്ദുത്വ സംഘടനകളുടെ പ്രതിഷേധം നിലനില്‍ക്കുന്ന സാഹചര്യത്തില്‍ സിനിമയെക്കുറിച്ച് ആരാഞ്ഞ മാധ്യമപ്രവര്‍ത്തകരോടാണ് അഖിലേഷ് ഇങ്ങനെ പറഞ്ഞത്. സിനിമ ഇന്‍റര്‍നെറ്റില്‍ നിന്നും ഡൗണ്‍ലോഡ് ചെയ്തതാണ് എന്ന പരാമര്‍ശമാണ് അഖിലേഷിന് വിനയായത്. മുഖ്യമന്ത്രി ആന്‍റി പൈറസി നിയമം വ്യക്തമായി ലംഘിച്ചിരിക്കുകയാണെന്ന് ആരോപണമുയര്‍ന്നു. എന്നാല്‍ നേരായ രീതിയില്‍ പണമടച്ചാണ് സിനിമ കണ്ടെതെന്നാണ് മുഖ്യമന്ത്രിയുമായി ബന്ധപ്പെട്ടവര്‍ വ്യക്തമാക്കുന്നത്. ഇപ്പോള്‍ തീയേറ്ററില്‍ ഓടിക്കൊണ്ടിരിക്കുന്ന സിനിമ എങ്ങനെയാണ് മുഖ്യമന്ത്രിക്ക് കാണാന്‍ സാധിക്കുകയെന്നാണ് വിമര്‍ശകര്‍ ഉയര്‍ത്തുന്ന ചോദ്യം.
 |
| അന്താരാഷ്ട്ര വിമാനത്താവള ഹബ് പട്ടിക: കേരളത്തിന് നഷ്ടങ്ങളേറെ Posted: 02 Jan 2015 09:02 PM PST Image:  ദുബൈ: കേരളത്തിലെ മൂന്നു വിമാനത്താവളങ്ങളെയും ‘അന്താരാഷ്ട്ര ഹബ്’ പട്ടികയില്‍ നിന്നൊഴിവാക്കിയത് സംസ്ഥാനത്തിന് വലിയ നഷ്ടംവരുത്തുമെന്ന് ചൂണ്ടിക്കാണിക്കപ്പെടുന്നു. അടുത്ത രണ്ടു പതിറ്റാണ്ടുകളില്‍ ഇന്ത്യന്‍ വ്യേമയാന മേഖലയില്‍ നടക്കാന്‍ പോകുന്ന വികസന പ്രവര്‍ത്തനങ്ങളെല്ലാം അന്താരാഷ്ട്ര ഹബ്’ പട്ടികയില്‍പ്പെടുന്ന ആറു വിമാനത്താവളങ്ങളെ കേന്ദ്രീകരിച്ചായിരിക്കും. ലക്ഷകണക്കിന് പ്രവാസി മലയാളികളെ പ്രതികൂലമായി ബാധിക്കുന്ന ഈ തീരുമാനത്തിനെതിരെ കേരള സര്‍ക്കാരും ജനപ്രതിനിധികളും പ്രവാസി സംഘടനകളും ഒത്തൊരുമിച്ച് രംഗത്തിറങ്ങേണ്ട സമയമാണിതെന്ന് ഈ മേഖലയുമായി ബന്ധപ്പെട്ടവര്‍ പറയുന്നു.  |
| കുവൈത്തിന്‍െറ കഥാകാരന്‍ യാത്രയാവുന്നു Posted: 02 Jan 2015 08:50 PM PST Image:  കുവൈത്ത് സിറ്റി: പ്രവാസത്തിന്‍െറ ഊഷരതയിലും അക്ഷരങ്ങളുടെ ഊഷ്മളത കാത്തുസൂക്ഷിച്ച എഴുത്തുകാരന്‍ കൈപ്പട്ടൂര്‍ തങ്കച്ചന്‍ കുവൈത്തിനോട് വിടപറയുന്നു. മൂന്നര പതിറ്റാണ്ട് നീണ്ട പ്രവാസ ജീവിതത്തിന് സാഹിത്യ സപര്യയിലൂടെ ഗരിമ പകര്‍ന്നതിനൊപ്പം സാമൂഹിക, സാംസ്കാരിക രംഗത്ത് വേറിട്ട വ്യക്തിത്വമായി ജ്വലിച്ചുനിന്നു എന്നതാണ് കൈപ്പട്ടൂര്‍ എന്ന പേരിലറിയപ്പെടുന്ന തങ്കച്ചനെ വ്യത്യസ്തനാക്കുന്നത്.  |
| നാട്ടിലേക്ക് അയക്കുന്ന പണത്തിന് നികുതിയില്ല, പ്രവാസികള്‍ക്ക് ആശ്വാസം Posted: 02 Jan 2015 08:45 PM PST Image:  മസ്കത്ത്: പുതിയ ബജറ്റില്‍ പ്രവാസികള്‍ നാട്ടിലേക്കയക്കുന്ന പണത്തിന് നികുതി ഏര്‍പ്പെടുത്താനുള്ള നിര്‍ദേശം ഒഴിവാക്കിയത് വിദേശികള്‍ക്ക് ആശ്വാസംപകര്‍ന്നു. പ്രവാസികള്‍ നാട്ടിലയക്കുന്ന പണത്തിന് രണ്ടു ശതമാനം നികുതി ഏര്‍പ്പെടുത്തണമെന്ന് മജ് ലിസു ശൂറയാണ് നിര്‍ദേശംവെച്ചത്. എണ്ണവില കുത്തനെ കുറയുന്ന സാഹചര്യത്തില്‍ രാജ്യത്തിന്‍െറ സാമ്പത്തിക രംഗത്തെ രക്ഷപ്പെടുത്താന്‍ മജ് ലിസു ശൂറ നിരവധി നിര്‍ദേശങ്ങള്‍ വെച്ചിരുന്നു. പ്രവാസികള്‍ നാട്ടിലയക്കുന്ന പണത്തിന് നികുതി ഏര്‍പ്പെടുത്തുകയെന്നത് അതില്‍ പ്രധാന നിര്‍ദേശമായിരുന്നു. മജ് ലിസു ശൂറയില്‍ നിന്ന് ഈ നിര്‍ദേശം വന്നപ്പോള്‍ തന്നെ പ്രവാസികള്‍ ആശങ്കയിലായിരുന്നു. നാട്ടിലയക്കുന്ന പണത്തിന്‍െറ ഒരു ഭാഗം നികുതിയടക്കേണ്ടി വരുന്നത് ചെറിയ വരുമാനക്കാരെയാണ് ഏറെ അസ്വസ്ഥരാക്കിയത്. അതിനിടെ കഴിഞ്ഞ ദിവസം ഉപരിസഭയായ സ്റ്റേറ്റ് കൗണ്‍സില്‍ നിര്‍ദേശം തള്ളിയതോടെ തന്നെ പ്രവാസികള്‍ ആശ്വാസത്തിലായിരുന്നു. എന്നാലും, അവസാന നിമിഷത്തില്‍ നികുതി നിര്‍ദേശവുമായി മുമ്പോട്ട് പോവുമെന്ന ആശങ്കയിലായിരുന്നു പലരും. പുതിയ ബജറ്റില്‍ ഇതുസംബന്ധമായ നിര്‍ദേശങ്ങള്‍ ഒന്നുമില്ളെങ്കിലും ചില ആശങ്കകള്‍ നിലനില്‍ക്കുന്നതായി ഈ രംഗത്തുള്ളവര്‍ പറയുന്നു.  |
| ക്രിസ്മസ്, പുതുവത്സരം: ബഹ്റൈന്‍ കോസ് വേ വഴി പോയത് 2,33,774 യാത്രക്കാര്‍ Posted: 02 Jan 2015 08:40 PM PST Image:  ദമ്മാം: സൗദി-ബഹ്റൈന്‍ അതിര്‍ത്തിയായ കിങ് ഫഹദ് കോസ് വേയിലൂടെ ക്രിസ്മസ്, പുതുവത്സര ദിനങ്ങളില്‍ 2,33,774 യാത്രക്കാര്‍ സഞ്ചരിച്ചതായി കോസ്വേ അധികൃതര്‍ അറിയിച്ചു. ഡിസംബര്‍ 25നും ജനുവരി ഒന്നിനുമിടയില്‍ ഈ റൂട്ടില്‍ യാത്ര ചെയ്തവരുടെ കണക്കാണിത്. പുതുവത്സരാഘോഷങ്ങള്‍ക്ക് സാക്ഷിയാകാന്‍ സഞ്ചാരികള്‍ കൂട്ടത്തോടെ എത്തിയതാണ് അഭൂതപൂര്‍വമായ തിരക്കിന് ഇടയാക്കിയത്. വാഹനങ്ങളുടെ അമിത തിരക്കു കാരണം എമിഗ്രേഷന്‍ പരിശോധന പൂര്‍ത്തിയാകാന്‍ മണിക്കൂറുകളാണ് എടുത്തത്. അക്ഷമരായ യാത്രക്കാര്‍ പലരും ഹോണ്‍ അടിച്ചാണ് കാത്തിരിപ്പിന്‍െറ അമര്‍ഷം തീര്‍ത്തത്. എല്ലാ കൗണ്ടറുകളും പ്രവര്‍ത്തിച്ചിരുന്നുവെങ്കിലും തിരക്കു നിയന്ത്രിക്കാന്‍ എമിഗ്രേഷന്‍ അധികൃതര്‍ നന്നേ പാടുപെട്ടു. ബഹ്റൈന്‍െറയും സൗദിയുടെയും ചെക്പോയന്‍റുകളില്‍ വാഹനങ്ങളുടെ നീണ്ട നിരയാണ് പ്രത്യക്ഷപ്പെട്ടത്. കോസ്വേക്ക് സമാന്തരമായി റെയല്‍ പാത കൂടി അടങ്ങുന്ന പുതിയ പാലം നിര്‍മിക്കുമെന്ന് ബഹ്റൈന്‍ രാജാവ് അടുത്തിടെ പ്രഖ്യാപിച്ചിരുന്നു. പദ്ധതി യാഥാര്‍ഥ്യമായാല്‍ കോസ്വേയിലെ തിരക്ക് ഗണ്യമായി കുറയുമെന്നാണ് കരുതുന്നത്.  |
| പലിശ മാഫിയക്കെതിരെ യോജിച്ച പോരാട്ടത്തിന് നീക്കം Posted: 02 Jan 2015 08:30 PM PST Image:  മനാമ: ബഹ്റൈനില്‍ വര്‍ധിച്ചു വരുന്ന പലിശ മാഫിയയുടെ പ്രവര്‍ത്തനങ്ങള്‍ങ്ങള്‍ക്കെതിരെ കൂടുതല്‍ സംഘടനകളെ അണിനിരത്താന്‍ പലിശ വിരുദ്ധ ജനകീയ സമിതി തീരുമാനിച്ചു. ബഹ്റൈനിലെ വിവിധ സാമൂഹിക-സാംസ്കാരിക സംഘടനകളില്‍ സജീവമായ കൊള്ളപ്പലിശക്കാരെ അതാത് സംഘടനകളില്‍ നിന്ന് ഒഴിവാക്കാന്‍ ആവശ്യപ്പെടുമെന്ന് ജനകീയ സമിതി ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു.  |
| അതിര്‍ത്തിയില്‍ വീണ്ടും വെടിവെപ്പ്: രണ്ടു പാക് സൈനികര്‍ കൊല്ലപ്പെട്ടു. Posted: 02 Jan 2015 08:23 PM PST Image:  ശ്രീനഗര്‍: അതിര്‍ത്തിയില്‍ പാക്കിസ്ഥാന്‍ വെടിനിര്‍ത്തല്‍ ലംഘിച്ചു. വെള്ളിയാഴ്ച വൈകുന്നേരം മുതല്‍ ഇന്ത്യന്‍ പോസ്റ്റുകള്‍ക്കു നേരെ പാകിസ്താന്‍ വെടിവെപ്പും മോര്‍ട്ടാര്‍ ഷെല്‍ ആക്രമണവും ആരംഭിച്ചു. ജമ്മുവിലെ ഹിരാനഗര്‍, സാംബ, കത് വ സെക്ടറുകളിലെ ബി.എസ്.എഫ് പോസ്റ്റുകള്‍ക്കു നേരെയാണ് കനത്ത ആക്രമണമുണ്ടായത്. ഇന്ത്യന്‍ തിരിച്ചടിയില്‍ രണ്ട് പാക് സൈനികര്‍ കൊല്ലപ്പെട്ടു. പാക് ആക്രമണത്തിന് കനത്ത തിരിച്ചടി നല്‍കാന്‍ ആഭ്യന്തര വകുപ്പ് മന്ത്രി രാജ്നാഥ് സിങ് ഉത്തരവിട്ടിരുന്നു. 10 ദിവസത്തിനുള്ളില്‍ ഒമ്പതാം തവണയാണ് പാകിസ്താന്‍ വെടിനിര്‍ത്തല്‍ കരാര്‍ ലംഘിക്കുന്നത്. വ്യാഴാഴ്ച നടന്ന ആക്രമണങ്ങളില്‍ അഞ്ച് പാക് സൈനികര്‍ കൊല്ലപ്പെട്ടിരുന്നു.  |
| രക്ഷകനായത്തെിയ ആ ഡോക്ടര്‍ ‘തീവ്രവാദി’യെന്ന് അവരറിഞ്ഞില്ല Posted: 02 Jan 2015 06:54 PM PST Image:  മാലേഗാവ് (മഹാരാഷ്ട്ര): മുഖത്തും കഴുത്തിലും കൈകാലുകളിലുമേറ്റ മുറിവുകള്‍ വേദനയായി പടരുമ്പോള്‍ തങ്ങളുടെ രക്തസമ്മര്‍ദവും മിടിപ്പും നേരെയാക്കാന്‍ പരിശ്രമിക്കുകയായിരുന്ന ആ താടിക്കാരന്‍ ഡോക്ടര്‍ ഒരു സ്ഫോടനക്കേസ് പ്രതിയായിരുന്നുവെന്ന് കര്‍ഷകനായ ചിന്ദാമണ്‍ ഗോയിക്കറിനൊ സഹായി വിത്തല്‍ ഷിണ്ഡെക്കൊ അറിയുമായിരുന്നില്ല. താന്‍ രക്ഷിക്കാന്‍ ശ്രമിക്കുന്നവര്‍ സ്ഫോടനത്തില്‍ പരിക്കേറ്റവരാണെന്ന് ഡോ. സല്‍മാന്‍ ഫാരിസിയും അറിഞ്ഞില്ല. എന്‍.ഐ.എ കേസ് ഏറ്റെടുക്കുകയും സ്ഫോടനം നടത്തിയത് ഹിന്ദുതീവ്രവാദ സംഘടനയാണെന്ന് കണ്ടത്തെുകയും ചെയ്തതോടെ ജാമ്യത്തിലിറങ്ങിയതാണ് അദ്ദേഹം. രണ്ടുമാസം മുമ്പാണ് ഇവിടത്തെ ആശുപത്രിയില്‍ എമര്‍ജന്‍സി ഡോക്ടറായി എത്തിയത്. 2006 സെപ്റ്റംബര്‍ എട്ടിനാണ് ഡോ. സല്‍മാന്‍ ഫാരിസി പ്രതിയായ സ്ഫോടന പരമ്പര നടന്നത്. ഹാമിദിയാ മസ്ജിദിനും ബഡേ ഖബര്‍സ്ഥാനിലും മുശാവറത്ത് ചൗക്കിലുമായി നടന്ന സ്ഫോടനത്തില്‍ 31പേര് മരിച്ചിരുന്നു. പാക് ചാരസംഘടനയായ ഐ.എസ്.ഐയുടെ സഹായത്തോടെ സിമിയാണ് സ്ഫോടനം നടത്തിയതെന്ന് ആരോപിച്ച എ.ടി.എസ് ഫാരിസി ഉള്‍പ്പെടെ മാലേഗാവിലെ ഒമ്പത് മുന്‍ സിമി പ്രവര്‍ത്തകരെ അറസ്റ്റ് ചെയ്തു. 2006 നവംബര്‍ അഞ്ചിന് മാലേഗാവിലെ സ്വന്തം ക്ളിനിക്കില്‍ രോഗികളെ പരിശോധിക്കുന്ന സമയത്താണ് എ.ടി.എസ് ഫാരിസിയെ കസ്റ്റഡിയിലെടുത്തത്. പാകിസ്താനികളെ സഹായിക്കുകയും സ്ഫോടനത്തിന് ഉപയോഗിച്ച ആര്‍.ഡി.എക്സ് കടത്തുകയും ചെയ്തെന്നാണ് കുറ്റം. എന്നാല്‍, 2011ല്‍ കേസ് ഏറ്റെടുത്ത എന്‍.ഐ.എ ആര്‍.എസ്.എസ് പ്രചാരകനായിരുന്ന സുനില്‍ ജോഷിയും കൂട്ടാളികളുമാണ് സ്ഫോടനത്തിനു പിന്നിലെന്ന് കണ്ടത്തെി. അതോടെ, ഫാരിസി ഉള്‍പ്പെടെ ഒമ്പത് പേര്‍ക്കും ജാമ്യം നല്‍കി. കേസില്‍നിന്ന് കുറ്റമുക്തനാക്കി പ്രഖ്യാപിക്കാനുള്ള നിയമപോരാട്ടത്തിലാണിപ്പോള്‍ ഫാരിസി. അഞ്ചു വര്‍ഷമാണ് ജയിലില്‍ കിടന്നത്. ജീവിതത്തിലെ ഭയാനകമായ ആ അനുഭവം ഓര്‍ക്കാന്‍ ഇഷ്ടമില്ളെന്ന് അദ്ദേഹം പറയുന്നു. ജയില്‍ മോചിതനായ ഉടന്‍ ജസ്റ്റിസ് ലീഗല്‍ വോയിസ് എന്ന പേരില്‍ സന്നദ്ധ സംഘടക്ക് രൂപം നല്‍കിയിട്ടുണ്ട്. കേസില്‍ അകപ്പെടുന്ന നിരപരാധികള്‍ക്ക് ജാതി-മതം നോക്കാതെ സഹായിക്കലാണ് ലക്ഷ്യം. മാത്രമല്ല, കള്ളക്കേസില്‍ ആളുകളെ കുടുക്കുന്ന നിയമപാലകര്‍ക്ക് ശിക്ഷ വാങ്ങിക്കൊടുക്കലും ലക്ഷ്യമാണ്.  |
| ‘സന്തോഷ വാര്‍ത്ത’യുമായി മാവോവാദികള്‍ കുറിച്യ കോളനിയില്‍ Posted: 02 Jan 2015 06:46 PM PST Image:  Subtitle: ആദിവാസികളോട് ഇനിയും വരുമെന്ന് പറഞ്ഞ് യാത്ര നിടുംപൊയില്‍ (കണ്ണൂര്‍): പേര്യ ചുരം റോഡിനോട് ചേര്‍ന്നുള്ള ന്യൂ ഭാരത് സ്റ്റോണ്‍ ക്രഷര്‍ ഓഫിസ് അടിച്ചുതകര്‍ത്ത് വനത്തിലൂടെ രണ്ടുകിലോമീറ്റര്‍ സഞ്ചരിച്ച് ചെക്യേരി കുറിച്യ കോളനിയിലാണ് മാവോവാദികള്‍ എത്തിയത്. ഇത് രൂപേഷും കൂട്ടരുമാണെന്ന് വെള്ളിയാഴ്ച രാവിലെ പൊലീസ് സ്ഥിരീകരിച്ചു. മാവോയിസ്റ്റുകളാണെന്ന് പരിചയപ്പെടുത്തിയ സംഘം, പ്രദേശത്തിന് ഭീഷണിയായ ക്വാറിയും ക്രഷറും പ്രവര്‍ത്തിക്കുന്ന ഓഫിസ് തകര്‍ത്ത സന്തോഷ വാര്‍ത്ത അറിയിക്കാനാണെന്നും ടി.വി തുറന്നാല്‍ വാര്‍ത്ത കാണാമെന്നും പറഞ്ഞു. കുറച്ചു കഴിയുമ്പോള്‍ പൊലീസും മറ്റും സ്ഥലത്തത്തെുമെന്നതിനാല്‍ പോവുകയാണെന്ന് പറഞ്ഞ അവര്‍, അരിയും പച്ചക്കറിയും ശേഖരിച്ചു. അല്‍പം കഴിഞ്ഞ് പഞ്ചസാരയും ആവശ്യപ്പെട്ടു. മൂന്നുപേര്‍ ബിന്ദുവിന്‍െറ വീട്ടുമുറ്റത്ത് നിന്നപ്പോള്‍ നാലുപേര്‍ വഴിയില്‍ തോക്കുമായി കാവല്‍ നിന്നു. സുവോളജിയില്‍ ബിരുദ വിദ്യാര്‍ഥിനിയായ ജിഷ്ണയോട് നന്നായി പഠിക്കണമെന്ന് പറഞ്ഞു. ഒരാഴ്ചത്തെ ഭക്ഷ്യസാധനങ്ങളുണ്ടെന്നും തീരുമ്പോള്‍ വരുമെന്നും അറിയിച്ചതായും ബിന്ദു പറഞ്ഞു.കോളനിയിലെ രാകേഷ്, രവീന്ദ്രന്‍, മൂത്രാടന്‍ കുമ്പ എന്നിവരുടെ വീടുകളിലും സംഘം എത്തിയിരുന്നു. കൂടുതല്‍ പേര് ഉണ്ടായിരുന്നതായി രാകേഷ് വെളിപ്പെടുത്തി. ജില്ലാ പൊലീസ് മേധാവി ഉണ്ണിരാജനും സ്പെഷല്‍ ബ്രാഞ്ചിലെ ഉന്നത ഉദ്യോഗസ്ഥരും വെള്ളിയാഴ്ച കോളനിയിലത്തെി വിവരങ്ങള്‍ അന്വേഷിച്ചു. രൂപേഷിന്‍െറ ചിത്രം കാണിച്ചപ്പോള്‍ ആദിവാസികള്‍ തിരിച്ചറിഞ്ഞു. അച്ചടിച്ച നോട്ടീസുകളും സ്ക്രീന്‍ പ്രിന്‍റ് ചെയ്ത പോസ്റ്ററുകളും മാവോവാദികള്‍ ആക്രമണം നടത്തിയ ക്രഷര്‍ ഓഫിസിന് മുന്നില്‍ പതിച്ചിട്ടുണ്ട്. പശ്ചിമഘട്ട പ്രത്യക മേഖലാ കമ്മിറ്റിയുടെ പേരിലാണിത്.  |
| തച്ചങ്കരിയുടെ സ്ഥാനക്കയറ്റം: സര്‍ക്കാറിന്‍െറ ഒളിച്ചുകളി വ്യക്തമാക്കുന്ന തെളിവ് പുറത്ത് Posted: 02 Jan 2015 06:43 PM PST Image:  ആലപ്പുഴ: അവിഹിത സ്വത്ത് സമ്പാദന കേസില്‍ വിജിലന്‍സ് അന്വേഷണം നേരിടുന്ന ടോമിന്‍ ജെ.തച്ചങ്കരിയെ അഡീഷനല്‍ ഡി.ജി.പിയായി സ്ഥാനക്കയറ്റം നല്‍കിയത് വിവാദമായിരിക്കെ, സര്‍ക്കാര്‍ ഇക്കാര്യത്തില്‍ ഒളിച്ചുകളി നടത്തിയതായി തെളിയുന്നു. ബന്ധപ്പെട്ട എല്ലാ രേഖകളും നല്‍കാന്‍ ആവശ്യപ്പെട്ട അപേക്ഷകന് ലഭിച്ച മറുപടിയില്‍ അത്തരമൊരു ആവശ്യം നാളിതുവരെ ലഭിച്ചിട്ടില്ളെന്ന് 2014 ഡിസംബര്‍ 17ന് കേന്ദ്ര ആഭ്യന്തര മന്ത്രാലയത്തിലെ ചീഫ് പബ്ളിക് ഇന്‍ഫര്‍മേഷന്‍ ഓഫിസറായ ഡെപ്യൂട്ടി സെക്രട്ടറി (പൊലീസ്) ജി.സി. യാദവ് നല്‍കിയ മറുപടിയില്‍ വ്യക്തമാക്കുന്നു. 1987 ഐ.പി.എസ് ബാച്ചില്‍പ്പെട്ട ടോമിന്‍ തച്ചങ്കരിക്ക് ഇനിയും പത്ത് വര്‍ഷം സര്‍വീസുണ്ട്.നേരത്തെ സെന്‍ട്രല്‍ അഡ്മിനിസ്ട്രേറ്റീവ് ട്രൈബ്യൂണലില്‍ കേരള സര്‍ക്കാര്‍ നല്‍കിയ സത്യവാങ്മൂലത്തില്‍ പ്രമോഷന്‍ നല്‍കുന്നതിനെ എതിര്‍ത്തു എന്ന വാര്‍ത്തകളും പുറത്ത് വന്നിരുന്നു. തച്ചങ്കരിയുടെ പ്രമോഷന്‍െറ കാര്യത്തിലും കേന്ദ്ര സര്‍ക്കാറാണ് തീരുമാനമെടുക്കുന്നതെന്ന നിലപാടായിരുന്നു സര്‍ക്കാര്‍ സ്വീകരിച്ചത്. മുമ്പൊരിക്കല്‍ വിമാന യാത്രക്ക് നെടുമ്പാശ്ശേരി വിമാനത്താവളത്തില്‍ എത്തിയപ്പോള്‍ ടിക്കറ്റില്‍ പേരിലെ ഇനിഷ്യലിനുപകരം പിതാവിന്‍െറ പേര് വിപുലപ്പെടുത്തി വീട്ടുപേരിനോപ്പം ചേര്‍ത്തത് വിവാദമായിരുന്നു. അനുമതിയില്ലാതെ വിദേശയാത്ര നടത്തിയതിന് സസ്പെന്‍ഷനില്‍ കഴിയവെ പുതിയ പാസ്പോര്‍ട്ടിന് ടോമിന്‍ തച്ചങ്കരി നല്‍കിയ അപേക്ഷയുമായി ബന്ധപ്പെട്ട് റീജനല്‍ പാസ്പോര്‍ട്ട് ഓഫിസ് കൊച്ചി സിറ്റി പൊലീസിനോട് വിവരങ്ങള്‍ ആവശ്യപ്പെട്ടിരുന്നു.  |
| നിതി ആയോഗിലൂടെ വരുന്നത് നല്ല നാളുകളോ? Posted: 02 Jan 2015 06:36 PM PST Image:  1950 മാര്‍ച്ചില്‍ ഇന്ത്യയുടെ പ്രഥമ പ്രധാനമന്ത്രി ജവഹര്‍ലാല്‍ നെഹ്റു രാജ്യക്ഷേമത്തിനും വികസനത്തിനുമായി രൂപവത്കരിച്ച ആസൂത്രണ കമീഷന്‍ അവസാനിപ്പിച്ചുകൊണ്ട്, ഘടനയിലും സ്വഭാവത്തിലും ലക്ഷ്യങ്ങളിലും തികച്ചും ഭിന്നമായ ‘നിതി ആയോഗ്’ എന്ന പേരില്‍ പുതിയ സംവിധാനം പ്രഖ്യാപിച്ചിരിക്കുകയാണ് പ്രധാനമന്ത്രി നരേന്ദ്ര മോദി. മതനിരപേക്ഷ ജനാധിപത്യവാദിയും സോഷ്യലിസ്റ്റ് വീക്ഷണഗതിക്കാരനുമായിരുന്ന നെഹ്റു പൊതുമേഖലക്ക് പ്രാമുഖ്യവും ഒപ്പം സ്വകാര്യമേഖലക്ക് പരിഗണനയും നല്‍കുന്ന പഞ്ചവത്സര പദ്ധതികളിലൂടെയാണ് ഇന്ത്യയുടെ വളര്‍ച്ചയും വികാസവും സ്വപ്നം കണ്ടതെങ്കില്‍, വി.ഡി. സവര്‍ക്കറും എം.എസ്. ഗോള്‍വാള്‍ക്കറും വരഞ്ഞുകാട്ടിയ ഹിന്ദുരാഷ്ട്ര സങ്കല്‍പത്തിന്‍െറ സാക്ഷാത്കാരം തേടുന്ന നരേന്ദ്ര മോദി പൂര്‍ണമായും ഭാരതീയ ഭരണമാതൃകയാണ് ‘ഇന്ത്യ പരിവര്‍ത്തന സ്ഥാപന’ത്തിന്‍െറ (നാഷനല്‍ ഇന്‍സ്റ്റിറ്റ്യൂഷന്‍ ഫോര്‍ ട്രാന്‍സ്ഫോമിങ് ഇന്ത്യ) രൂപവത്കരണത്തിലൂടെ ഉന്നംവെക്കുന്നതെന്ന് ഇതുസംബന്ധിച്ച മന്ത്രിസഭാ പ്രമേയത്തില്‍ വ്യക്തമാക്കിയിട്ടുണ്ട്. അറുപത്തിയഞ്ച് സംവത്സരക്കാലത്തിനിടെ പന്ത്രണ്ട് പഞ്ചവത്സര പദ്ധതികളാണ് ആസൂത്രണ കമീഷന്‍െറ മാര്‍ഗദര്‍ശനത്തില്‍ രാജ്യം നടപ്പാക്കിയിരുന്നത്. 200 ലക്ഷം കോടി രൂപ ഇതിനായി ചെലവഴിക്കുകയും ചെയ്തു. എന്നിട്ടെന്തുനേടി എന്ന് ചോദിച്ചാല്‍ സാമ്പത്തിക, സാമൂഹിക, സാംസ്കാരിക, സാങ്കേതിക രംഗങ്ങളില്‍ രാജ്യം നേടിയ വന്‍ പുരോഗതിയും വികാസവും തന്നെയാണ് അതിനുള്ള മറുപടി. സംസ്ഥാനങ്ങളിലെ പ്ളാനിങ് ബോര്‍ഡുകള്‍ ശിപാര്‍ശചെയ്യുന്ന പദ്ധതികളില്‍നിന്ന് യോജനഭവന്‍ തെരഞ്ഞെടുക്കുന്നവ കേന്ദ്രവും സംസ്ഥാനങ്ങളും സംയുക്തമായി നീക്കിവെക്കുന്ന തുക ഉപയോഗപ്പെടുത്തി നിശ്ചിത കാലയളവില്‍ നടപ്പാക്കുകയാണ് ഇതുവരെ പിന്തുടര്‍ന്നുവന്ന രീതി. അതിപ്രധാനമായ ഈ പ്രക്രിയ യഥോചിതം കൃത്യമായും കാര്യക്ഷമമായും പൂര്‍ത്തിയായിരുന്നെങ്കില്‍ സംശയമില്ല ഇതിനകം വികസിത രാജ്യങ്ങളിലൊന്നായി ഇന്ത്യ മാറുമായിരുന്നു. പക്ഷേ, ഭീകരമായ ദുര്‍വിനിയോഗവും അഴിമതിയും കെടുകാര്യസ്ഥതയുംമൂലം പദ്ധതികള്‍ക്കായി നീക്കിവെച്ച ഭീമന്‍ തുകയില്‍ പകുതിപോലും ലക്ഷ്യസാക്ഷാത്കാരത്തിന് ഉപയോഗപ്പെട്ടില്ല. തത്ഫലമായി 30-40 കോടി ജനങ്ങള്‍ ഇന്നും ദാരിദ്ര്യരേഖക്ക് താഴെ ജീവിതമെന്ന ശിക്ഷ അനുഭവിച്ചു തീര്‍ക്കുന്നു. മധ്യവര്‍ഗക്കാരായി കണക്കാക്കപ്പെടുന്നവരില്‍തന്നെ 20 കോടിയിലധികം പേര്‍ക്ക് ഒരുവക തൃപ്തികരമായ ജീവിതംപോലും വിധിക്കപ്പെട്ടിട്ടില്ല. ന്യൂനാല്‍ ന്യൂനമായ ഒരു ന്യൂനപക്ഷം ധനത്തിന്‍െറയും ധനസ്രോതസ്സുകളുടെയും സിംഹഭാഗവും കൈയടക്കി വികസിത മുതലാളിത്ത രാജ്യങ്ങളിലെ അതികായന്മാരെപോലും തോല്‍പിച്ച് ഫലത്തില്‍ നാടു ഭരിക്കുകയാണ്. സോഷ്യലിസത്തിന്‍െറ മേല്‍വിലാസത്തിലാണ് പഞ്ചവത്സര പദ്ധതികള്‍ ആരംഭിച്ചതെങ്കിലും രാജ്യത്തെ സാമൂഹിക നീതിയുടെ സമീപത്തൊന്നുമത്തെിക്കാന്‍ അതിനായിട്ടില്ല. ഈ പശ്ചാത്തലത്തില്‍ ആസൂത്രണ കമീഷനെയും വികസന പദ്ധതികളെയും ഉടച്ചുവാര്‍ക്കണമെന്ന അഭിപ്രായങ്ങള്‍ നേരത്തേ ഉയര്‍ന്നുവന്നിട്ടുണ്ട്. എന്നാല്‍, മോദിസര്‍ക്കാര്‍ കഴിഞ്ഞ ദിവസം പ്രഖ്യാപിച്ച നിതി ആയോഗ് പ്രത്യാശാജനകവും ക്രിയാത്മകവും വിപ്ളവകരവുമായ ബദല്‍ ആവുമോ? ദാരിദ്ര്യ നിര്‍മാര്‍ജനമാണ് ഏറ്റവും പ്രധാന ലക്ഷ്യമെന്ന് ഇതുസംബന്ധിച്ച പ്രമേയത്തില്‍ പറയുന്നുണ്ട്്. തദടിസ്ഥാനത്തിലാണ് ഒരു രാഷ്ട്രമെന്ന നിലയിലുള്ള നമ്മുടെ വിജയം അളക്കപ്പെടുക എന്നും വ്യക്തമാക്കുന്നു. ജനങ്ങള്‍ക്ക് അനുകൂലമായ അജണ്ട, പൗരപങ്കാളിത്തം, സമഗ്രമായ സ്ത്രീ ശാക്തീകരണം, യുവാക്കള്‍ക്ക് അവസര സമത്വവും സുതാര്യതയും, സാമൂഹികമായും സാമ്പത്തികമായും പിന്നാക്കമായ വിഭാഗങ്ങളുടെയും ന്യൂനപക്ഷങ്ങളുടെയും നേരെ പ്രത്യേക ശ്രദ്ധ തുടങ്ങിയ കാര്യങ്ങള്‍ ഫലപ്രദമായ ഭരണത്തിന്‍െറ ലക്ഷ്യമായി പ്രഖ്യാപനത്തില്‍ പ്രതിപാദിക്കുന്നു. വ്യവസായിക, സേവനരംഗങ്ങളില്‍ ഭരണകൂടം ഇറങ്ങിക്കളിക്കുന്നതിനുപകരം നിയമനിര്‍മാണം, നയരൂപവത്കരണം, ക്രമീകരണം എന്നിവയിലാണ് സര്‍ക്കാര്‍ ശ്രദ്ധയൂന്നേണ്ടതെന്നാണ് ഭാരതീയ മാതൃകയായി അവതരിപ്പിച്ചിരിക്കുന്നത്. സൂക്ഷ്മമായ വിലയിരുത്തലില്‍ വ്യവസായ, സേവന മേഖലകള്‍ സ്വദേശി, വിദേശി കുത്തകകള്‍ക്ക് തീറെഴുതിക്കൊടുത്ത് അവരുടെ മാര്‍ഗം സുഗമമാക്കുന്നതിനാണ് മോദിസര്‍ക്കാര്‍ സര്‍വ ശ്രദ്ധയും ചെലുത്തുക എന്ന്. അതിന് സഹായിക്കുംവിധം ഭൂമി ഏറ്റെടുക്കല്‍ ഭേദഗതി നിയമവും തൊഴില്‍ നിയമ ഭേദഗതിയും മറ്റ് പലതും ഇതിനകം കൊണ്ടുവന്നുകഴിഞ്ഞു. തനിക്ക് അധികാരം പിടിച്ചടക്കാന്‍ അക്ഷീണം പ്രയത്നിച്ച കോര്‍പറേറ്റുകളെ ഒരു കാരണവശാലും മോദി പിണക്കുകയില്ളെന്നര്‍ഥം. ‘നിതി ആയോഗി’ന്‍െറ വിശദ ചിത്രം പുറത്തുവന്നില്ളെങ്കിലും പൂര്‍ണമായും പ്രധാനമന്ത്രിയുടെ പിടിയിലൊതുങ്ങുന്ന വിധമാണ് പുതിയ ആസൂത്രണ സംവിധാനം രൂപകല്‍പന ചെയ്യപ്പെട്ടിരിക്കുന്നതെന്ന് സ്പഷ്ടമായിരിക്കുന്നു. ആയോഗിന്‍െറ ചെയര്‍മാനായ പ്രധാനമന്ത്രിതന്നെ നിശ്ചയിക്കുന്ന ഒരു ഡെപ്യൂട്ടി ചെയര്‍മാനും സി.ഇ.ഒയുമാവും തലപ്പത്ത്. ഭരണസമിതിയില്‍ സംസ്ഥാന മുഖ്യമന്ത്രിമാരെയും കേന്ദ്രഭരണ പ്രദേശങ്ങളിലെ ലഫ്. ഗവര്‍ണര്‍മാരെയും ഉള്‍പ്പെടുത്തുമെങ്കിലും അവരൊക്കെ വെറും നോക്കുകുത്തികളാവും. ഒന്നോ അതിലധികമോ സംസ്ഥാനങ്ങളെ ഉള്‍പ്പെടുത്തി പ്രാദേശിക ഭരണസമിതികള്‍ രൂപവത്കരിക്കുമെങ്കിലും അവയുടെയും മേല്‍നോട്ടം പ്രധാനമന്ത്രിക്കുതന്നെ. ചുരുക്കത്തില്‍, നരേന്ദ്ര മോദിയുടെ നേതൃത്വത്തിലുള്ള ആര്‍.എസ്.എസ് സര്‍ക്കാറിന്‍െറ സമഗ്രാധിപത്യ പ്രവണതയുടെ നിദര്‍ശനമാവും നിതി ആയോഗ്. അതുവഴി മോദി വാഗ്ദാനം ചെയ്ത നല്ല നാളുകള്‍ വരുമെങ്കില്‍ അതൊരദ്ഭുതമായിരിക്കും.  |
| Posted: 02 Jan 2015 06:33 PM PST Image:  പ്രവാചകശൃംഖലയിലെ അവസാനത്തെ കണ്ണിയാണ് മുഹമ്മദ് നബി. നോഹയുടെയും അബ്രഹാമിന്‍െറയും മോസസിന്‍െറയും യേശുവിന്‍െറയും മറ്റനവധി പ്രവാചകന്മാരുടെയും പിന്‍ഗാമി. എല്ലാ പ്രവാചകന്മാരും ഒരേയൊരു ദൈവത്തില്‍നിന്നുള്ളവര്‍. അവര്‍ ഉയര്‍ത്തിപ്പിടിച്ച ആദര്‍ശമാണ് ഇസ്ലാം.മുഹമ്മദ് നബി ഒരു പുതിയ മതവുമായി രംഗപ്രവേശം ചെയ്തിട്ടില്ല. മുന്‍ഗാമികള്‍ കൊളുത്തിവെച്ച ദീപത്തെ പുന$പ്രകാശിപ്പിക്കുക മാത്രമായിരുന്നു അദ്ദേഹം. മുഹമ്മദ് നബിയിലും മുന്‍ പ്രവാചകന്മാരിലും വിശ്വസിക്കാതെ ഒരാള്‍ മുസ്ലിമാവുകയില്ല. തിന്മക്ക് മേല്‍ക്കോയ്മയുണ്ടായിരുന്ന സാമൂഹിക പശ്ചാത്തലത്തിലാണ് പ്രവാചകന് വളര്‍ന്നത്. ആറാം നൂറ്റാണ്ടിലെ അറേബ്യ അപരിഷ്കൃതരുടേതായിരുന്നു. അവര്‍ പെണ്‍കുട്ടികളെ ജീവനോടെ കുഴിച്ചുമൂടി. സ്ത്രീകള്‍ക്ക് ആത്മാവില്ളെന്ന് വാദിച്ചു. ഗോത്ര പക്ഷപാതവും വര്‍ഗസംഘട്ടനങ്ങളും പതിവാക്കി. തീര്‍ഥാടക സംഘങ്ങളെയും വണിക്കുകളെയും ആക്രമിച്ചു. അന്യന്‍െറ മുതല്‍ അപഹരിച്ചു. സ്ത്രീകളെ മാനഭംഗപ്പെടുത്തി. മണ്‍മറഞ്ഞ വ്യക്തികളെ വിഗ്രഹങ്ങളാക്കി പൂജിച്ചു. കലാപകലുഷിതമായ അറേബ്യയെ സമാധാന ഗേഹമാക്കി മാറ്റാന്‍ പ്രവാചകന് അത്യധ്വാനം ചെയ്തു. അദ്ദേഹം പ്രബോധനം ചെയ്ത ഇസ്ലാമിന് സമാധാനം, സമര്‍പ്പണം എന്നൊക്കെയാണ് അര്‍ഥം. പരസ്പരം പോരടിച്ചിരുന്ന ഗോത്രസമൂഹങ്ങളെ അദ്ദേഹം സമഭാവനയുടെ ചരടില്‍ കോര്‍ത്തിണക്കി. നീതി, ഗുണകാംക്ഷ, കാരുണ്യം എന്നിവയില്‍ അധിഷ്ഠിതമായ പ്രവാചകന്‍െറ പ്രബോധനം കലഹംമൂലം ഛിന്നഭിന്നമായ ജനങ്ങളെ ഒരുമിപ്പിച്ചു. ഏകനായ ദൈവത്തിന്‍െറ മുന്നില്‍ സര്‍വവും സമര്‍പ്പിക്കുന്നതിലൂടെ മാത്രമേ സമാധാനം പുലരൂ എന്ന് അദ്ദേഹം പ്രായോഗികമായി തെളിയിച്ചു. എല്ലാവര്‍ക്കും ശാന്തി, എല്ലാവര്‍ക്കും നീതി-അതായിരുന്നു നബിയുടെ ദൗത്യത്തിന്‍െറ അന്തസ്സത്ത. അനീതിക്കും അക്രമത്തിനുമെതിരെ പൊരുതുന്നതിന് അറിവുവേണം. അറിവിന്‍െറ ചക്രവാളം വികസിപ്പിക്കാന്‍ മുഹമ്മദ് നബി ജനങ്ങളെ ആഹ്വാനം ചെയ്തു. പ്രവാചകന് ഒന്നാമതായി ലഭിച്ച ദിവ്യസന്ദേശം വായനയെ കുറിച്ചായിരുന്നു. ദൈവം സ്വതന്ത്രനായി സൃഷ്ടിച്ച മനുഷ്യനെ സകലവിധ അടിമത്വത്തില്‍നിന്ന് വിമോചിപ്പിക്കണമെന്ന് അദ്ദേഹം പ്രഖ്യാപിച്ചു. ലോകസമാധാനത്തിന് ഇസ്ലാം നല്‍കിയ സംഭാവന ചെറുതല്ല. പക്ഷേ, ഇസ്ലാം ഇന്ന് പ്രതിക്കൂട്ടിലാണ്. മുസ്ലിംകള്‍ തീവ്രവാദികളും ഭീകരവാദികളുമായി മുദ്രകുത്തപ്പെടുന്നു. ഇസ്ലാമിന്‍െറ അനുയായികള്‍ യുദ്ധക്കൊതിയന്മാരും കൊലയാളികളുമാണ്. ഇവിടെ പ്രത്യേകമായി ചര്‍ച്ച ചെയ്യേണ്ട ഒരു വസ്തുതയുണ്ട്. ഇസ്ലാം യുദ്ധം ചെയ്തതെന്തിന്? രാജ്യങ്ങള്‍ വെട്ടിപ്പിടിക്കുകയെന്ന സാമ്രാജ്യത്വ ഗൂഢാലോചനയായിരുന്നോ ഇതിന്‍െറ പിന്നില്‍? അങ്ങനെ ആഗോള ഇസ്ലാമിക ഭരണം സ്ഥാപിക്കുകയായിരുന്നോ യുദ്ധത്തിന്‍െറ താല്‍പര്യം? അല്ളെങ്കില്‍, യുദ്ധഭീതി പരത്തി നിര്‍ബന്ധ മതപരിവര്‍ത്തനത്തിന് വേഗംകൂട്ടുകയോ? രണ്ടുമല്ല. ഇസ്ലാം ആരെയും ആക്രമിച്ചിട്ടില്ല. പ്രത്യുത ആക്രമിക്കപ്പെട്ടപ്പോള്‍ ആയുധമെടുക്കുക മാത്രമാണ് ചെയ്തത്. ഇസ്ലാം പ്രചരിച്ചത് വാള്‍കൊണ്ടാണെന്ന പടിഞ്ഞാറന്‍ ജല്‍പനം തീര്‍ത്തും അടിസ്ഥാനരഹിതമാണ്. മക്കയില്‍ നീണ്ട 13 വര്‍ഷക്കാലം മുസ്ലിംകള്‍ കൊടിയ പീഡനങ്ങള്‍ക്ക് വിധേയരായി. അവിടെ അവര്‍ ആയുധമെടുത്തില്ല. മദീനയിലേക്ക് ഹിജ്റ ചെയ്ത ശേഷവും സൈ്വരജീവിതം നിഷേധിക്കപ്പെട്ടപ്പോഴാണ് തിരിച്ചടിക്കാന്‍ ഖുര്‍ആന്‍ അനുമതി നല്‍കിയത്. ഇസ്ലാം വളര്‍ത്തിയെടുത്ത യുദ്ധസംസ്കാരം അന്നോളം ലോകത്തിന് പരിചയമുണ്ടായിരുന്നില്ല. ഭീതിജനകമായ യുദ്ധാന്തരീക്ഷം സമൂഹത്തിന്‍െറ സൈ്വരജീവിതം അപകടപ്പെടുത്തുമെന്നും സമാധാനം സംസ്ഥാപിക്കുന്നതിന് യുദ്ധം അനിവാര്യമായി വരുന്ന സന്ദര്‍ഭങ്ങളുണ്ടെന്നും നാം തിരിച്ചറിയണം. കുഴപ്പം യുദ്ധത്തേക്കാള്‍ സങ്കീര്‍ണമാണെന്നും പ്രതികാരനടപടിയില്‍ അതിജീവനമുണ്ടെന്നും ഖുര്‍ആന്‍ ആഹ്വാനം ചെയ്യുന്നതിന്‍െറ പൊരുള്‍ ഇതാണ്. യുദ്ധരംഗത്ത് ഇസ്ലാം നിഷ്കര്‍ഷിച്ച സവിശേഷമായ മൂല്യവിചാരം ശ്രദ്ധേയമാണ്. പ്രവാചകരും അദ്ദേഹത്തിന്‍െറ ഉന്നതരായ ഖലീഫമാരും യുദ്ധവേളയില്‍ ശത്രുക്കളുടെ ആരാധനാലയങ്ങള്‍ ആക്രമിക്കരുതെന്നും സ്ത്രീകളെയും കുട്ടികളെയും വൃദ്ധജനങ്ങളെയും വധിക്കരുതെന്നും ഫലം നല്‍കുന്ന മരങ്ങള്‍ മുറിച്ചുകളയുകയോ ചുട്ടുകരിക്കുകയോ ചെയ്യരുതെന്നും അണികള്‍ക്ക് കര്‍ശന നിര്‍ദേശം നല്‍കി. ആരാധനയില്‍ കഴിഞ്ഞുകൂടുന്ന അന്യമതസ്ഥരെ ഉപദ്രവിക്കരുതെന്നു മാത്രമല്ല, അവരെ സംരക്ഷിക്കണമെന്നുകൂടി പട്ടാളക്കാരോട് കല്‍പിക്കുകയും ചെയ്തു. ശത്രുഹത്യ പ്രവാചകന്‍െറ ലക്ഷ്യമായിരുന്നില്ളെന്ന് ഇസ്ലാമിന്‍െറ യുദ്ധങ്ങള്‍ പരിശോധിക്കുമ്പോള്‍ ബോധ്യപ്പെടും. 27 യുദ്ധങ്ങളായിരുന്നു പ്രവാചകന് നേരിട്ട് നയിച്ചത്. അനുയായികളുടെ സംഘങ്ങളെ അയച്ച സംഭവങ്ങള്‍ 54. മൊത്തം 81 യുദ്ധങ്ങളിലായി രക്തസാക്ഷികളായ മുസ്ലിംകള്‍ 259. ശത്രുപക്ഷത്തുനിന്ന് കൊല്ലപ്പെട്ടവര്‍ 759. ജീവഹാനി നേരിട്ടവര്‍ ആകെ 1018. ഒന്നും രണ്ടും ലോകയുദ്ധങ്ങളില്‍ ജീവന്‍ നഷ്ടപ്പെട്ടവരുടെ സംഖ്യ ലക്ഷങ്ങള്‍ വരും. ഇക്കാലത്ത് വാര്‍ത്താപ്രാധാന്യമില്ലാത്ത സംഘട്ടനങ്ങളില്‍പോലും കൊല്ലപ്പെടുന്നവരുടെ എണ്ണം അസംഖ്യമാണ്. രണ്ടാംലോക യുദ്ധാനന്തരം 40 വര്‍ഷത്തിനിടയില്‍ 146 യുദ്ധങ്ങളിലായി മൂന്നുകോടി ജനങ്ങള്‍ മരിച്ചതായി ഇറ്റാലിയന്‍ കമ്യൂണിസ്റ്റ് പാര്‍ട്ടിയുടെ മുഖപത്രം ‘യൂണിത്ത്’ റിപ്പോര്‍ട്ട് ചെയ്യുകയുണ്ടായി. ഇസ്ലാം മുന്നോട്ടുവെച്ച ജനാധിപത്യവും മതേതര കാഴ്ചപ്പാടും ശ്രദ്ധേയമാണ്. ആധുനിക മതേതര-ജനാധിപത്യ വീക്ഷണങ്ങളേക്കാള്‍ ഉത്കൃഷ്ടവും അനുകരണീയവുമാണത്. ‘മതത്തില്‍ ബലാല്‍ക്കാരമില്ളെന്നും’ ‘അല്ലാഹുവല്ലാത്തവരെ വിളിച്ച് പ്രാര്‍ഥിക്കുന്നവരെ അധിക്ഷേപിക്കരുതെന്നും’ ഖുര്‍ആന്‍ അടിവരയിടുന്നു. ‘നിങ്ങള്‍ക്ക് നിങ്ങളുടെ മതം, എനിക്ക് എന്‍െറ മതം’ എന്ന പോളിസിയാണ് ഖുര്‍ആന്‍ മുന്നോട്ടുവെക്കുന്നത്. നിര്‍ബന്ധ മതപരിവര്‍ത്തനത്തിലൂടെ ആളെക്കൂട്ടാന്‍ അനുവാദമുണ്ടായിരുന്നെങ്കില്‍ ദീര്‍ഘകാലം ലോകത്തിന്‍െറ വിവിധ പ്രദേശങ്ങള്‍ ഭരിച്ച മുസ്ലിം രാജാക്കന്മാര്‍ക്ക് അത് എളുപ്പമായിരുന്നു. പക്ഷേ, മുസ്ലിം ഭരണാധികാരികള്‍ക്കു കീഴില്‍ അധികാരം പങ്കിട്ട എത്രയെത്ര അന്യമതസ്ഥരെയാണ് ലോകത്തിന് പരിചയമുള്ളത്! അറഫയിലെ ചരിത്രപ്രസിദ്ധമായ വിടവാങ്ങല്‍ പ്രസംഗത്തില്‍ പ്രവാചകന് പ്രഖ്യാപിച്ചു: ‘മാനവ സമുദായമേ, നിങ്ങളുടെ ദൈവം ഒന്ന്. പിതാവ് ഒന്ന്. നിങ്ങളെല്ലാം ആദമില്‍നിന്നുണ്ടായതാണ്. ആദമോ മണ്ണില്‍നിന്നും. കൂടുതല്‍ ഭയഭക്തിയുള്ളവനാരോ അവനത്രെ അല്ലാഹുവിങ്കല്‍ കൂടുതല്‍ ശ്രേഷ്ഠന്‍. അറബിക്ക് അറബിയല്ലാത്തവനെക്കാളോ അനറബിക്ക് അറബിയേക്കാളോ ദൈവഭക്തി കൊണ്ടല്ലാതെ ഒരു മഹത്ത്വവുമില്ല.’ മദ്യത്തില്‍ മുങ്ങിക്കുളിച്ച അറേബ്യയെ പ്രവാചകന് മദ്യവിമുക്തമാക്കി. നബിയുടെ മദ്യനയം ആധുധിക സമൂഹത്തിന് അനുകരണീയമാണ്. ആദര്‍ശമാറ്റമില്ലാതെ കേവലം മദ്യവര്‍ജനവും മദ്യനിരോധവും ഫലപ്രാപ്തി കൈവരിക്കയില്ളെന്നത് ആധുനിക സമൂഹം സാക്ഷിയാണ്. സമൂഹഗാത്രത്തെ ആമൂലാഗ്രം ഗ്രസിച്ചുകഴിഞ്ഞ മദ്യപാനം പ്രവാചകന് ഘട്ടംഘട്ടമായാണ് ഇല്ലാതാക്കിയത്. മദ്യവിമുക്തമായ കുടുംബത്തിലും സമൂഹത്തിലും മാത്രമേ ശാന്തി കൈവരുകയുള്ളൂവെന്ന് അദ്ദേഹം പ്രായോഗികമായി തെളിയിച്ചു. പലിശക്കെതിരെ കുരിശുയുദ്ധം പ്രഖ്യാപിച്ച പ്രവാചകന് പലിശയെന്ന തിന്മയുമായി ബന്ധപ്പെടുന്നവരെ ഒന്നടങ്കം ശപിച്ചു. ജനജീവിതം ദുസ്സഹമാക്കുന്ന കൊടിയ വിപത്തായ പലിശക്കെതിരെ ശബ്ദിക്കുക മാത്രമല്ല, സ്വപിതൃവ്യന്‍ അബ്ബാസിന് കുടിശ്ശികയുള്ള പലിശമുതല്‍ എഴുതിത്തള്ളുകകൂടി ചെയ്തു അദ്ദേഹം. അഴിമതിക്കും സ്വജനപക്ഷപാതത്തിനുമെതിരെ തുറന്നയുദ്ധം പ്രഖ്യാപിച്ച പ്രവാചകന് നീതിയുടെ പക്ഷത്ത് അണിചേരണമെന്ന് അനുയായികളെ ഉദ്ബോധിപ്പിച്ചു. മോഷണം നടത്തിയ ഉന്നതകുലജാതയായ ‘മഖ്സൂം’ ഗോത്രക്കാരിക്കുവേണ്ടി ശിപാര്‍ശയുമായി സമീപിച്ച അനുചരനോട് നബി പ്രഖ്യാപിച്ചു: ‘മുഹമ്മദിന്‍െറ മകള്‍ ഫാത്വിമയാണ് മോഷ്ടിച്ചതെങ്കില്‍ ഞാനവളെ ശിക്ഷിക്കുകതന്നെ ചെയ്യും’. ആരംഭഘട്ടത്തില്‍ കൊടിയ പരീക്ഷണങ്ങള്‍ക്കും മര്‍ദനങ്ങള്‍ക്കും വിധേയരായ പ്രവാചകനും അനുയായികളും അവസാനം വിജയം കണ്ടത്തെി. ഹിജ്റ 8ാം വര്‍ഷം മക്ക മുസ്ലിംകള്‍ക്ക് അധീനമായി. അതോടെ അറേബ്യ മുഴുവന്‍ പ്രവാചകന് കീഴ്പ്പെട്ടു. അഴിമതിമുക്തവും മാതൃകാപരവുമായ സദ്ഭരണം കാഴ്ചവെക്കാന്‍ നബിക്കും ഖലീഫമാര്‍ക്കും സാധ്യമായി. രാജകൊട്ടാരത്തിലെ അരമനയില്‍ വിശ്രമിച്ച് അനുയായികളെ യുദ്ധത്തിനയക്കുന്ന രാജാവായിരുന്നില്ല മുഹമ്മദ് നബി. അദ്ദേഹത്തിന് കൊട്ടാരമുണ്ടായിരുന്നില്ല. അദ്ദേഹം പനയോലക്കീറുകളില്‍ അന്തിയുറങ്ങി. സ്വയം ചെരിപ്പ് തുന്നി. കാട്ടില്‍ പോയി വിറക് ശേഖരിച്ചു. അധ്വാനിച്ച് ആഹാരം കഴിച്ചു. ആരോടും പ്രതിഫലം വാങ്ങിയില്ല. ഫിലിപ് കെ. ഹിറ്റി എഴുതുന്നു: ‘മുഹമ്മദ് ചെയ്ത യുദ്ധങ്ങള്‍, എടുത്ത തീരുമാനങ്ങള്‍, വരിച്ചനേട്ടങ്ങള്‍ എല്ലാം കാണിക്കുന്നത് ഒരു കരുത്തുള്ള വ്യക്തിത്വത്തെയും ദൃഢമായ ബോധ്യങ്ങളെയും ആത്മസമര്‍പ്പണത്തെയും നേതാക്കള്‍ക്ക് വേണ്ട മറ്റു ഗുണങ്ങളെയുമാണ്. ’ മുഹമ്മദ് ചരിത്രഗതി തിരിച്ചുവിട്ടെന്ന് എച്ച്.ജി. വെല്‍സും നിരീക്ഷിച്ചിട്ടുണ്ട്.  |
| അഞ്ച് പരിസ്ഥിതി നിയമങ്ങള്‍ തിരുത്താന്‍ പുതിയ ബില്‍ Posted: 02 Jan 2015 11:56 AM PST Image:  Subtitle: പരിസ്ഥിതി സംരക്ഷണ നിയമം, വനസംരക്ഷണ നിയമം, ഇന്ത്യന്‍ വനനിയമം, ജലനിയമം, വായുനിയമം എന്നിവയിലാണ് മാറ്റം വരുത്തുന്നത് ന്യൂഡല്‍ഹി: അഞ്ച് പരിസ്ഥിതി നിയമങ്ങളില്‍ പ്രധാനപ്പെട്ട മാറ്റങ്ങള്‍ വരുത്താന്‍ പുതിയ ബില്‍ കൊണ്ടുവരുമെന്ന് കേന്ദ്ര വനം, പരിസ്ഥിതി മന്ത്രി പ്രകാശ് ജാവ്ദേക്കര്‍ അറിയിച്ചു. എല്ലാ പദ്ധതികള്‍ക്കും പാരിസ്ഥിതിക അനുമതി എളുപ്പത്തില്‍ ലഭിക്കാന്‍ ഏകജാലക സംവിധാനം ഏര്‍പ്പെടുത്തണമെന്ന ശിപാര്‍ശ അംഗീകരിച്ചാണ് സര്‍ക്കാറിന്‍െറ പുതിയ നീക്കം.  |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
No comments:
Post a Comment