തെളിവുകള്‍ വിജിലന്‍സിന് കൈമാറും^ ബിജു രമേശ് Madhyamam News Feeds |  |
- തെളിവുകള്‍ വിജിലന്‍സിന് കൈമാറും^ ബിജു രമേശ്
- കെജ് രിവാളിനെതിരെ നൂപുര്‍ ശര്‍മ ബി.ജെ.പി സ്ഥാനാര്‍ഥി
- ദേശീയ ഗെയിംസ്: കൂട്ടയോട്ടം ഫ്ളാഗ് ഓഫ് ചെയ്തു
- കെജ് രിവാളിന്‍റെ വെല്ലുവിളി സ്വീകരിച്ച് കിരണ്‍ബേദി
- കനത്ത മഴ, ശീതക്കാറ്റ്, ആലിപ്പഴ വര്‍ഷം
- തൊഴില്‍ കരാര്‍ നിര്‍ബന്ധമാക്കാന്‍ സൗദി മന്ത്രിസഭ നിര്‍ദേശം
- ദേശീയ സ്കൂള്‍ അത് ലറ്റിക് മീറ്റ്: കേരളത്തിന് നാലാം സ്വര്‍ണം
- മഴ തകര്‍ത്താടി; മസ്കത്ത് മേഖലയില്‍ വന്‍ നാശം
- ബാര്‍ കോഴ: യു.ഡി.എഫ് കൂടുതല്‍ പ്രതിസന്ധിയിലേക്ക് പിള്ളയെ ഒഴിവാക്കാന്‍ നീക്കം ശക്തം
- ബജറ്റ് അവതരണത്തിന് മാണിയുടെ ധാര്‍മികത ചോദ്യംചെയ്യപ്പെടുന്നു
- ഇതൊരു രോഗമാണോ സാര്‍...?
- കലയും രാഷ്ട്രീയക്കാരുടെ പിടിയില്‍
- ബിജു രമേശുമായുള്ള പിള്ളയുടെയും പി.സി ജോര്‍ജിന്റെയും സംഭാഷണത്തിന്റെ പൂര്‍ണ രൂപം
- പാലക്കാടും കോഴിക്കോടും പോരാട്ടത്തില്‍; കണ്ണൂര്‍ മൂന്നാമത്
- പാര്‍ട്ടി സമ്മേളനങ്ങളില്‍ സര്‍വത്ര വിഭാഗീയത; സംസ്ഥാന നേതൃത്വത്തിനെതിരെ വീണ്ടും വി.എസ്
- കിരണ്‍ ബേദി ബി.ജെ.പിയുടെ മുഖ്യമന്ത്രി സ്ഥാനാര്‍ത്ഥി
- നടന് ഗ്രെഗ് പ്ളിറ്റ് ഷൂട്ടിങ്ങിനിടെ ട്രെയിനിടിച്ച് മരിച്ചു
- ആഗോള സമ്പത്തിന്‍െറ പകുതിയും ജനസംഖ്യയിലെ ഒരു ശതമാനത്തിന്
- ഡോണെറ്റ്സ്ക് വിമാനത്താവളം വിമതര്‍ പിടിച്ചു
- മിസ് ലബനാനെ ചൊല്ലി സെല്‍ഫി വിവാദം
- ഹിസ്ബുല്ല പ്രമുഖര്‍ ഇസ്രായേല്‍ ആക്രമണത്തില്‍ കൊല്ലപ്പെട്ടു
- ആസ്ട്രേലിയന്‍ ഓപണ്‍: മുന്‍നിര താരങ്ങള്‍ക്ക് വിജയത്തുടക്കം
- കര്‍ണാടകയെ പരാജയപ്പെടുത്തി കേരളം അന്തിമ റൗണ്ടില്‍
- സുനന്ദയുടെ മരണം: തരൂരിനെ ചോദ്യം ചെയ്തു
- ബാര്‍കോഴ: പിള്ള ഒന്നും പറഞ്ഞിട്ടില്ലെന്ന് മുഖ്യമന്ത്രി; പറഞ്ഞിരുന്നെന്ന് ബാലകൃഷ്ണപിള്ള
| തെളിവുകള്‍ വിജിലന്‍സിന് കൈമാറും^ ബിജു രമേശ് Posted: 19 Jan 2015 10:52 PM PST Image:  തിരുവനന്തപുരം: ധനമന്ത്രി കെ.എം മാണിക്കെതിരായ കോഴ ആരോപണത്തില്‍ തെളിവുകള്‍ ഇന്ന് വിജിലന്‍സിന് കൈമാറുമെന്ന് ബിജു രമേശ്. ആരോപണം തെളിയിക്കുന്ന ശബ്ദരേഖയടങ്ങിയ സിഡിയാണ് അന്വേഷണസംഘത്തിന് കൈമാറുക. കോഴ കെ.എം മാണിക്ക് കൊണ്ടുപോയി കൊടുത്ത അനിമോന്‍റെ ശബ്ദരേഖയും പണം നല്‍കിയത് സംബന്ധിച്ച് രാജ് കുമാര്‍ ഉണ്ണി അസോസിയേഷനില്‍ സംസാരിക്കുന്നതിന്‍റെ ശബ്ദരേഖയുമാണ് ഇന്നു ഹാജരാക്കുകയെന്ന് ബിജു രമേശ് പറഞ്ഞു.  |
| കെജ് രിവാളിനെതിരെ നൂപുര്‍ ശര്‍മ ബി.ജെ.പി സ്ഥാനാര്‍ഥി Posted: 19 Jan 2015 10:19 PM PST Image:  ന്യൂഡല്‍ഹി: ഡല്‍ഹി നിയമസഭാ തെരഞ്ഞെടുപ്പില്‍ ആം ആദ്മി പാര്‍ട്ടി അധ്യക്ഷന്‍ അരവിന്ദ് കെജ് രിവാളിനെതിരെ ബി.ജെ.പിയുടെ യുവ വനിതാ നേതാവ് നൂപുര്‍ ശര്‍മ മത്സരിക്കും. 30 കാരിയായ നുപൂര്‍ ശര്‍മ ലണ്ടന്‍ സ്കൂള്‍ ഓഫ് ഇക്കണോമിക്സില്‍ നിന്ന് പഠനം പൂര്‍ത്തിയാക്കിയ ശേഷം അഭിഭാഷകയായി പ്രവര്‍ത്തിക്കുകയാണ്. ഡല്‍ഹി യൂണിവേഴ്സിറ്റി യൂണിയന്‍ മുന്‍ പ്രസിഡന്‍്റായ അവര് യുവമോര്‍ച്ച പ്രവര്‍ത്തകയാണ്. ‘ഈ തെരഞ്ഞെടുപ്പില്‍ ജയിക്കാനായി മാത്രമാണ് മത്സരിക്കുന്നത്’ എന്നാണ് നൂപുര്‍ പ്രതികരിച്ചത്. 62 സ്ഥാനാര്‍ഥികളുടെ പട്ടികയാണ് ബി.ജെ.പി കഴിഞ്ഞ ദിവസം പുറത്തു വിട്ടത്. ബി.ജെ.പിയുടെ മുഖ്യമന്ത്രി സ്ഥാനാര്‍ഥി കിരണ്‍ ബേദി കൃഷ്ണ നഗറില്‍ നിന്നാണ് മത്സരിക്കുന്നത്. കോണ്‍ഗ്രസ് വിട്ട് ഇന്നലെ ബി.ജെ.പിയില്‍ ചേര്‍ന്ന മുന്‍ കേന്ദ്രമന്ത്രി കൃഷ്ണ തിരഥ് പട്ടേല്‍ നഗര്‍ മണ്ഡലത്തില്‍ സ്ഥാനാര്‍ഥിയാകും. എ.എ.പി വിട്ടത്തെിയ വിനോദ് കുമാര്‍ ബിന്നി പട്പട് ഗഞ്ച് മണ്ഡലത്തിലും എം.എസ്. ധിര്‍ ജാങ്പുര മണ്ഡലത്തിലും ജനവിധി തേടും. മുതിര്‍ന്ന നേതാക്കളായ വിജേന്ദ്ര ഗുപ്ത രോഹിണിയിലും ജഗദീഷ് മുഖി ജനക്പുരിയിലുമാണ് മല്‍സരിക്കുക.  |
| ദേശീയ ഗെയിംസ്: കൂട്ടയോട്ടം ഫ്ളാഗ് ഓഫ് ചെയ്തു Posted: 19 Jan 2015 09:50 PM PST Image:  Subtitle: സച്ചിന്‍ സെക്രട്ടറിയറ്റ് നോര്‍ത്ത് ഗേറ്റുവരെ ഓടും തിരുവനന്തപുരം: ദേശീയ ഗെയിംസിന് മുന്നോടിയായുള്ള ‘റണ്‍ കേരള റണ്‍’ കൂട്ടയോട്ടത്തിന് തുടക്കമായി. തിരുവനന്തപുരത്ത് ഗവര്‍ണര്‍ പി. സദാശിവം ഫ്ളാഗ് ഓഫ് ചെയ്തു. കൂട്ടയോട്ടത്തിന്‍െറ ഭാഗമായി വിവിധ ജില്ലകളിലായി 21 മെഗാറണ്ണും 226 മിനി റണ്ണും 10,000 ഓര്‍ഡിനറി പോയന്‍റുകളുമാണ് സജ്ജീകരിച്ചിരുന്നത്.  |
| കെജ് രിവാളിന്‍റെ വെല്ലുവിളി സ്വീകരിച്ച് കിരണ്‍ബേദി Posted: 19 Jan 2015 09:41 PM PST Image:  ന്യൂഡല്‍ഹി: തുറന്ന സംവാദത്തിനുള്ള ആം ആദ്മി പാര്‍ട്ടി അധ്യക്ഷന്‍ അരവിന്ദ് കെജ് രിവാളിന്‍റെ വെല്ലുവിളി സ്വീകരിച്ച് ബി.ജെ.പിയുടെ മുഖ്യമന്ത്രി സ്ഥാനാര്‍ഥി കിരണ്‍ബേദി. സംവാദത്തിനുള്ള കെജ് രിവാളിന്‍റെ വെല്ലുവിളി സ്വീകരിക്കുന്നു. തെരഞ്ഞെടുപ്പിനു മുമ്പ് കെജ് രിവാളുമായുള്ള സംവാദത്തിന് തയാറാണ്. അദ്ദേഹത്തിന് വാഗ്വാദത്തില്‍ മാത്രമാണ് താല്‍പര്യം, എന്നാല്‍ താന്‍ പ്രവര്‍ത്തനത്തിലാണ് വിശ്വസിക്കുന്നത്. ഡല്‍ഹിയില്‍ നല്ല രീതിയിലുള്ള ഭരണം കാഴ്ചവെക്കാനാണ് ശ്രമിക്കുന്നതെന്നും ബേദി പറഞ്ഞു.
 |
| കനത്ത മഴ, ശീതക്കാറ്റ്, ആലിപ്പഴ വര്‍ഷം Posted: 19 Jan 2015 09:02 PM PST Image:  അബൂദബി/ദുബൈ/ഷാര്‍ജ/റാസല്‍ഖൈമ: തിങ്കളാഴ്ച രാജ്യം ഉണര്‍ന്നെഴുന്നേറ്റത് കനത്ത മഴയിലേക്കും കാറ്റിലേക്കും ആലിപ്പഴ വര്‍ഷത്തിലേക്കും. കാലാവസ്ഥാ നിരീക്ഷണ കേന്ദ്രം പ്രവചിച്ചത് പോലെ ശക്തമായ മഴയും കാറ്റുമാണ് രാജ്യമെങ്ങും അനുഭവപ്പെട്ടത്. ആലിപ്പഴ വര്‍ഷം താമസക്കാര്‍ക്കും സ്വദേശികള്‍ക്കും വേറിട്ട അനുഭവവും പകര്‍ന്നു.  |
| തൊഴില്‍ കരാര്‍ നിര്‍ബന്ധമാക്കാന്‍ സൗദി മന്ത്രിസഭ നിര്‍ദേശം Posted: 19 Jan 2015 08:18 PM PST Image:  റിയാദ്: സൗദിയിലേക്ക് തൊഴിലാളികളെ റിക്രൂട്ട് ചെയ്യുന്ന വിദേശരാജ്യങ്ങളുമായി തൊഴില്‍ കരാര്‍ ഒപ്പുവെക്കാന്‍ മന്ത്രിസഭ നിര്‍ദേശിച്ചു. സൗദി തൊഴില്‍ മന്ത്രാലയവും വിദേശ രാജ്യത്തെ സമാന സ്വഭാവത്തിലുള്ള മന്ത്രാലയവും തമ്മില്‍ രൂപപ്പെടുത്തുന്ന കരാര്‍ ഒപ്പുവെക്കാന്‍ തൊഴില്‍ മന്ത്രി എന്‍ജി. ആദില്‍ മുഹമ്മദ് ഫഖീഹിനെ മന്ത്രിസഭ ചുമതലപ്പെടുത്തി.  |
| ദേശീയ സ്കൂള്‍ അത് ലറ്റിക് മീറ്റ്: കേരളത്തിന് നാലാം സ്വര്‍ണം Posted: 19 Jan 2015 07:57 PM PST Image:  റാഞ്ചി: ദേശീയ സ്കൂള്‍ അത് ലറ്റിക് മീറ്റിന്‍റെ രണ്ടാം ദിനം കേരളത്തിന് സ്വര്‍ണനേട്ടത്തോടെ തുടക്കം. സീനിയര്‍ പെണ്‍കുട്ടികളുടെ അഞ്ചു കിലോമീറ്റര്‍ നടത്തത്തില്‍ കേരള വനിതാ അത് ലറ്റിക് ടീമിന്‍റെ ക്യാപ്റ്റന്‍ കെ.ടി നീനയാണ് സ്വര്‍ണം നേടിയത്. ഇതോടെ കേരളത്തിന്‍റെ സ്വര്‍ണ നേട്ടം നാലായി. പാലക്കാട് പറളി സ്കൂള്‍ വിദ്യാര്‍ഥിയാണ് കെ.ടി നീന.  |
| മഴ തകര്‍ത്താടി; മസ്കത്ത് മേഖലയില്‍ വന്‍ നാശം Posted: 19 Jan 2015 07:18 PM PST Image:  മസ്കത്ത്: ഒമാന്‍െറ വിവിധ ഭാഗങ്ങളില്‍ തിങ്കളാഴ്ച കനത്ത മഴ പെയ്തു. മസ്കത്ത് ഗവര്‍ണറേറ്റില്‍ മഴ വന്‍ നാശനഷ്ടങ്ങളുണ്ടാക്കി. മഴയെ തുടര്‍ന്ന് റൂവി, അല്‍ ഹംരിയ്യയിലെ അല്‍ നഹ്ദ ആശുപത്രിയില്‍നിന്ന് രോഗികളെ മറ്റ് ആശുപത്രികളിലേക്ക് മാറ്റി. വന്‍ സന്നാഹത്തോടെയാണ് രോഗികളെ മാറ്റിയത്. രാത്രിയും രോഗികളെ മാറ്റുന്നത് തുടരുന്നുണ്ട്. റോയല്‍ ഒമാന്‍ പൊലീസിന്‍െറ ഹെലികോപ്ടറുകളും നിരവധി ആംബുലന്‍സുകളും രോഗികളെ മാറ്റാന്‍ രംഗത്തുണ്ടായിരുന്നു. മഴ ശക്തമായതോടെ വന്‍ ഗതാഗത കുരുക്കാണ് മസ്കത്ത് മേഖലയില്‍ അനുഭവപ്പെട്ടത്. വാഹനങ്ങള്‍ മണിക്കൂറുകളോളം റോഡില്‍ കുടുങ്ങി. ശക്തമായ മഴയില്‍ റോഡില്‍ വെള്ളം കയറുകയും ട്രാഫിക് സിഗ്നലുകള്‍ പ്രവര്‍ത്തനരഹിതമാവുകയും ചെയ്തു.മഴയില്‍ നിര്‍ത്തിയിട്ട വാഹനങ്ങള്‍ ഒലിച്ചു പോയി. അല്‍ ഹംരിയയില്‍ വെള്ളത്തില്‍ വീണ വാഹനം ക്രെയിന്‍ ഉപയോഗിച്ചാണ് പൊക്കിയെടുത്തത്. ഹംരിയയില്‍വെള്ളത്തിന്‍െറ കുത്തൊഴുക്കില്‍ കുടുങ്ങിപ്പോയ കുടുംബത്തെ സിവില്‍ ഡിഫന്‍സ് അധികൃതരത്തെി രക്ഷപ്പെടുത്തി. മഴ കാരണം നിരവധി വാഹനങ്ങള്‍ അപകടത്തില്‍പ്പെട്ടു. അപകടങ്ങള്‍ ഗതാഗതക്കുരുക്ക് രൂക്ഷമാക്കി. കസബിലേക്കുള്ള വിമാനങ്ങള്‍ മൂന്നു മണിക്കൂര്‍ വൈകി. ചില ആഭ്യന്തര വിമാനങ്ങള്‍ റദ്ദാക്കി. ഒമാന്‍െറ പല ഭാഗങ്ങളിലും വാദികള്‍ നിറഞ്ഞൊഴുകി. കനത്ത മഴ മസ്കത്ത് ദുബൈ റോഡില്‍ ഗതാഗത തടസ്സമുണ്ടാക്കി. വിവിധ ഭാഗങ്ങളില്‍ വാഹനം തിരിച്ചുവിട്ടു. ഗതാഗതക്കുരുക്ക് കുറക്കാന്‍ വിമാനത്താവളത്തില്‍ നിന്നുള്ള വാഹനങ്ങള്‍ എക്സ്പ്രസ് വേ വഴി തിരിച്ചുവിട്ടു. ബോഷറില്‍നിന്ന് അല്‍ അംറാത്തിലേക്ക് മലമുകളിലൂടെയുള്ള റോഡ് പാറയും മണ്ണും ഇടിഞ്ഞുവീണതിനാല്‍ അടച്ചിട്ടു. സൂര്‍ ഭാഗത്തുനിന്നുള്ള വാഹനങ്ങള്‍ വാദിഅദൈ വഴിയാണ് ഹൈവേയില്‍ കടന്നത്. വിവിധ ഭാഗങ്ങളില്‍ ശക്തമായ മഴയില്‍ ചളിയും മണ്ണും കല്ലും റോഡിലത്തെിയത് ഗതാഗതം സ്തംഭിപ്പിച്ചു.  |
| ബാര്‍ കോഴ: യു.ഡി.എഫ് കൂടുതല്‍ പ്രതിസന്ധിയിലേക്ക് പിള്ളയെ ഒഴിവാക്കാന്‍ നീക്കം ശക്തം Posted: 19 Jan 2015 06:46 PM PST Image:  തിരുവനന്തപുരം: ബാര്‍ കോഴയുമായി ബന്ധപ്പെട്ട പുതിയ ആരോപണങ്ങള്‍ യു.ഡി.എഫിനെയും ഭരണത്തെയും കൂടുതല്‍ പ്രതിസന്ധിയിലാക്കി. കോഴ വിവാദം അന്വേഷിക്കുന്ന വിജിലന്‍സിന് മൊഴി കൊടുക്കുംമുമ്പ് രണ്ട് യു.ഡി.എഫ് ഉന്നതരുമായി നടത്തിയ ഫോണ്‍ സംഭാഷണ രേഖ ബാര്‍ ഉടമ ബിജു രമേശ് പുറത്തുവിടുകയായിരുന്നു. ശബ്ദം തങ്ങളുടേതാണെന്ന് നേതാക്കള്‍കൂടി സമ്മതിച്ച സാഹചര്യത്തില്‍ പ്രതിസന്ധിയുടെ ആഴം കൂടുതല്‍ വലുതായി. മുന്നണിയുടെ വിവിധ വിഷയങ്ങളില്‍ കലഹിച്ച് നില്‍ക്കുന്ന കേരള കോണ്‍ഗ്രസ് പിള്ള ഗ്രൂപ്പിനെ ഒഴിവാക്കാന്‍ ഇതോടെ നീക്കങ്ങള്‍ ശക്തിപ്പെട്ടു.  |
| ബജറ്റ് അവതരണത്തിന് മാണിയുടെ ധാര്‍മികത ചോദ്യംചെയ്യപ്പെടുന്നു Posted: 19 Jan 2015 06:43 PM PST Image:  തിരുവനന്തപുരം: കോഴയാരോപണങ്ങളില്‍ കഴുത്തറ്റം മുങ്ങിനില്‍ക്കെ, ധനമന്ത്രിയെന്ന നിലയില്‍ അടുത്ത സംസ്ഥാന ബജറ്റ് അവതരിപ്പിക്കാനുള്ള കെ.എം. മാണിയുടെ ധാര്‍മികത ചോദ്യംചെയ്യപ്പെടുന്നു. ബാറിന് പുറമെ സ്വര്‍ണം, ബേക്കറി, അരി തുടങ്ങിയ മേഖലകളിലെ കച്ചവടക്കാരില്‍നിന്ന് കോടികള്‍ കൈക്കൂലി വാങ്ങിയെന്ന ആരോപണം സ്വന്തം മുന്നണിയില്‍നിന്ന് വന്നതോടെ അദ്ദേഹത്തിന്‍െറ നില കൂടുതല്‍ പരുങ്ങലിലായി.  |
| Posted: 19 Jan 2015 06:36 PM PST Image:  Subtitle: തൂക്കുവിളക്ക് നമ്മുടെ ചില മന്ത്രിമാര്‍ അല്ളെങ്കിലും അങ്ങനെയാണ്. നേരാവണ്ണം ഭരണമൊന്നും നടന്നില്ളെങ്കിലും ഇടയ്ക്കൊക്കെ അവര്‍ക്ക് നല്ലവണ്ണം ചിരിപ്പിക്കാനറിയാം. അല്ളെങ്കില്‍ കഴിഞ്ഞ ദിവസം നമ്മുടെ ഒരു മന്ത്രി നടത്തിയ പ്രസ്താവന കേള്‍ക്കൂ. കേരളത്തിലെ റോഡുകളില്‍ നാം അനാവശ്യമായി ഹോണടിക്കുന്നത് നിര്‍ത്തണം...! അത് വല്ലാത്ത ശബ്ദമലിനീകരണം ഉണ്ടാക്കുന്നു..!! കേട്ടിട്ട് മണ്ണുകപ്പും മാതിരി നിങ്ങള്‍ ചിരിച്ചില്ളേ..?  |
| കലയും രാഷ്ട്രീയക്കാരുടെ പിടിയില്‍ Posted: 19 Jan 2015 06:29 PM PST Image:  കേന്ദ്ര ഫിലിം സെന്‍സര്‍ ബോര്‍ഡിനെ അപ്പലറ്റ് ട്രൈബ്യൂണല്‍ വഴി കേന്ദ്രസര്‍ക്കാര്‍ സെന്‍സര്‍ ചെയ്തുകളഞ്ഞതോടെ ബോര്‍ഡ് അംഗങ്ങളില്‍ ഒരു വിഭാഗം രാജിവെച്ചിരിക്കുന്നു. രാജിവെച്ചുകൊണ്ട് അധ്യക്ഷ ലീല സാംസണ്‍ ഗുരുതരമായ ആരോപണങ്ങളുയര്‍ത്തി. അഴിമതിയാണ് ഒന്ന്. മറ്റൊന്ന് കേന്ദ്ര വാര്‍ത്താവിനിമയ മന്ത്രാലയത്തിന്‍െറ ഇടപെടലാണ്. എന്നാല്‍, ആരോപണങ്ങള്‍ കേന്ദ്രം നിഷേധിച്ചിരിക്കുന്നു. യു.പി.എ അധികാരത്തിലിരിക്കുന്ന കാലത്ത് നിയമിക്കപ്പെട്ട സെന്‍സര്‍ ബോര്‍ഡ് രാഷ്ട്രീയം കളിക്കുന്നു എന്ന നിലക്കാണ് സര്‍ക്കാര്‍ തിരിച്ചടിക്കുന്നത്. രാഷ്ട്രീയം ഇതിലുണ്ടെന്ന കാര്യത്തില്‍ സംശയമില്ല. ആരൊക്കെയാണ് അത് കളിക്കുന്നത് എന്നതാണ് ചോദ്യം. സെന്‍സര്‍ ബോര്‍ഡിന്‍െറ പ്രവര്‍ത്തനസ്വാതന്ത്ര്യത്തെ ബാധിക്കുന്ന തരത്തില്‍ ഇടപെടലുണ്ടായി എന്നത് വ്യക്തമാണ്. ദേര സച്ചാ സൗദ വിഭാഗത്തിന്‍െറ തലവന്‍ ഗുര്‍മീത് റാം റഹീം സിങ് ആള്‍ദൈവമെന്ന പ്രതിച്ഛായ പ്രചരിപ്പിക്കാന്‍വേണ്ടി സ്വയം അതിമാനുഷനായി ചിത്രീകരിക്കുന്ന ‘മെസഞ്ചര്‍ ഓഫ് ഗോഡ്’ എന്ന സിനിമ നിര്‍മിച്ചിറക്കി. ഇതിന് സെന്‍സര്‍ ബോര്‍ഡ് പ്രദര്‍ശനാനുമതി നിഷേധിച്ചു. എന്നാല്‍, അപ്പലറ്റ് ട്രൈബ്യൂണല്‍വഴി അനുമതി നേടിക്കൊണ്ട് ബന്ധപ്പെട്ടവര്‍ സിനിമ പ്രദര്‍ശനത്തിനത്തെിച്ചു. ഇന്ത്യയില്‍ പുസ്തകങ്ങള്‍ക്കും സിനിമകള്‍ക്കുമെതിരെ തീവ്രവലതുപക്ഷത്തിന്‍െറ അസഹിഷ്ണുതയും എതിര്‍പ്പും പതിവു വാര്‍ത്തയായിക്കൊണ്ടിരിക്കെ സെന്‍സര്‍ ബോര്‍ഡ് വിലക്കിയ ഒരു സിനിമക്ക് അനുമതി നേടിയെടുക്കാന്‍ സര്‍ക്കാര്‍ ഇടപെട്ടത് അരുണ്‍ ജെയ്റ്റ്ലിയും മറ്റും പറയുന്നതുപോലെ സാധാരണ നടപടിക്രമമാണെന്നു കരുതാന്‍ പ്രയാസമാണ്.  |
| ബിജു രമേശുമായുള്ള പിള്ളയുടെയും പി.സി ജോര്‍ജിന്റെയും സംഭാഷണത്തിന്റെ പൂര്‍ണ രൂപം Posted: 19 Jan 2015 11:45 AM PST Image:  പിള്ള^ബിജു രമേശ് സംഭാഷണത്തിന്‍െറ പൂര്‍ണ രൂപം ‘മാണി റൈസ് മില്ലുകാരുടേന്ന് രണ്ട് കോടി വാങ്ങിച്ചു ’ നമ്മക്ക് ഒന്ന് കാണണം -പി.സി.ജോര്‍ജ് തിരുവനന്തപുരം: മാണിക്കെതിരെ കോഴ ആരോപണം ഉന്നയിച്ച ബാര്‍ ഉടമ ബിജു രമേശിനോട് നേരിട്ട് കാണണമെന്ന് ചീഫ് വിപ്പ് പി.സി. ജോര്‍ജ്.  |
| പാലക്കാടും കോഴിക്കോടും പോരാട്ടത്തില്‍; കണ്ണൂര്‍ മൂന്നാമത് Posted: 19 Jan 2015 11:17 AM PST Image:  കോഴിക്കോട്: സംസ്ഥാന സ്കൂള്‍ കലോത്സവം അഞ്ചാം ദിവസം പിന്നിട്ടപ്പോള്‍ പാലക്കാട് ജില്ല മുന്നില്‍. 772 പോയിന്‍റാണ് ഇതുവരെ പാലക്കാടിന് ലഭിച്ചത്. ആതിഥേയരായ കോഴിക്കോട് 761പോയിന്‍റുമായി രണ്ടാംസ്ഥാനത്തുണ്ട്. മൂന്നും നാലും സ്ഥാനങ്ങളില്‍ കണ്ണൂര്‍, തൃശൂര്‍ ജില്ലകളാണുള്ളത്. ഇവര് യഥാക്രമം 751, 746 പോയിന്‍റുകളുമായി മുന്നേറുകയാണ്. പോയന്‍റ് നില
 |
| പാര്‍ട്ടി സമ്മേളനങ്ങളില്‍ സര്‍വത്ര വിഭാഗീയത; സംസ്ഥാന നേതൃത്വത്തിനെതിരെ വീണ്ടും വി.എസ് Posted: 19 Jan 2015 11:12 AM PST Image:  Subtitle: സി.പി.എം കേന്ദ്ര കമ്മിറ്റി ഹൈദരാബാദില്‍ തുടങ്ങി ഹൈദരാബാദ്: കേരളത്തില്‍ പാര്‍ട്ടി സമ്മേളനങ്ങളില്‍ സംസ്ഥാന നേതൃത്വം വിഭാഗീയമായാണ് കാര്യങ്ങള്‍ നടത്തുന്നതെന്ന് വി.എസ്. അച്യുതാനന്ദന്‍. ഹൈദരാബാദില്‍ തിങ്കളാഴ്ച തുടങ്ങിയ കേന്ദ്ര കമ്മിറ്റി യോഗത്തില്‍ പതിവുപോലെ വി.എസ് സംസ്ഥാന നേതൃത്വത്തിനെതിരെ ആഞ്ഞടിച്ചു. ജില്ലാ സമ്മേളനങ്ങള്‍ പൂര്‍ത്തിയാകുമ്പോള്‍ വി.എസ് പക്ഷം ഏറക്കുറെ ഇല്ലാതാവുകയും പിണറായി വിജയന്‍ നേതൃത്വം നല്‍കുന്ന ഒൗദ്യോഗിക പക്ഷം പിടിമുറുക്കുകയും ചെയ്യുന്നതാണ് സംസ്ഥാന ഘടകത്തിലെ സാഹചര്യം. പാര്‍ട്ടിക്കുള്ളില്‍ ഒറ്റപ്പെട്ടുപോയ വി.എസ് കേന്ദ്ര കമ്മിറ്റിയില്‍ രാഷ്ട്രീയ അടവുനയ അവലോകന രേഖ സംബന്ധിച്ച ചര്‍ച്ച അവസരമാക്കി സംസ്ഥാന നേതൃത്വത്തിനെതിരെ രംഗത്തുവരുകയായിരുന്നു. കേരള ഘടകത്തിന്‍െറ വീഴ്ചകള്‍ അടവുനയ അവലോകന രേഖയില്‍ പ്രത്യേകം ഉള്‍പ്പെടുത്തണമെന്നും വി.എസ് ആവശ്യപ്പെട്ടു. വിഭാഗീയമായാണ് സംസ്ഥാന നേതൃത്വം പ്രവര്‍ത്തിക്കുന്നത്. ജില്ലാ സമ്മേളനങ്ങളില്‍ പോലും അതാണ് അവസ്ഥ. കേരളത്തില്‍ നേതൃത്വത്തിന് സംഭവിച്ച തെറ്റുകള്‍ പലപ്പോഴായി കേന്ദ്ര നേതൃത്വത്തിന്‍െറ ശ്രദ്ധയില്‍പെടുത്തിയതാണ്. എന്നാല്‍, നടപടിയെടുക്കാതെ മൗനം പാലിച്ച് മാറിനില്‍ക്കുകയാണ് കേന്ദ്ര നേതൃത്വം ചെയ്തത്. ഒരു പക്ഷത്തിന് മാത്രം അനുകൂലമാകുന്ന തരത്തില്‍ ഏകപക്ഷീയമായി തീരുമാനമെടുത്ത് മുന്നോട്ടുപോവുകയാണ്. അത് തിരുത്താന്‍ നടപടി വേണം. കഴിഞ്ഞ 25 വര്‍ഷത്തെ അടവുനയ അവലോകന രേഖയെക്കുറിച്ച് സീതാറാം യെച്ചൂരിയുടെ അഭിപ്രായത്തോട് ചേര്‍ന്നുനിന്നുള്ള നിലപാടാണ് വി.എസ് സ്വീകരിച്ചത്. പാര്‍ട്ടിയുടെ ഇന്നത്തെ അവസ്ഥ പരിശോധിക്കുമ്പോള്‍ അടവുനയത്തെ മാത്രം കുറ്റപ്പെടുത്തുന്നത് ശരിയല്ല. അടവുനയം നടപ്പാക്കുന്നതില്‍ നേതൃത്വത്തിന് വീഴ്ചകള്‍ സംഭവിച്ചിട്ടുണ്ട്. ഇടതുപക്ഷത്തിന് ശക്തമായ അടിത്തറയുള്ള കേരളത്തില്‍ പോലും അടവുനയം ശരിയായ രീതിയില്‍ നടപ്പാക്കാന്‍ നേതൃത്വത്തിന് കഴിഞ്ഞിട്ടില്ളെന്ന് ചൂണ്ടിക്കാട്ടിയ വി.എസ് ഒരേ സമയം ജനറല്‍ സെക്രട്ടറി പ്രകാശ് കാരാട്ടിനെയും പിണറായി വിജയനെയും പ്രതിക്കൂട്ടിലാക്കി. ജലന്ധര്‍ പാര്‍ട്ടി കോണ്‍ഗ്രസിനുശേഷം സ്വീകരിച്ച കോണ്‍ഗ്രസ് ഉള്‍പ്പെടെയുള്ള ബൂര്‍ഷ്വാ പാര്‍ട്ടികളുമായി സഖ്യമാകാമെന്ന അടവുനയം പാളിയെന്നും ഇത് പാര്‍ട്ടിയെ ഇന്നത്തെ ദുരവസ്ഥയില്‍ എത്തിച്ചുവെന്നുമായിരുന്നു ജനറല്‍ സെക്രട്ടറി പ്രകാശ് കാരാട്ട് തയാറാക്കി പി.ബി അംഗീകരിച്ച ആദ്യത്തെ അവലോകന രേഖ. എന്നാല്‍ അടവുനയമല്ല, കഴിഞ്ഞ 15 വര്‍ഷമായി അത് നടപ്പാക്കിയിടത്താണ് പാളിയതെന്ന ബദല്‍ വിലയിരുത്തല്‍ സീതാറാം യെച്ചൂരി കേന്ദ്ര കമ്മിറ്റിയില്‍ മുന്നോട്ടുവെച്ചു. യെച്ചൂരിയുടെ വാദത്തിന് കേന്ദ്ര കമ്മിറ്റിയില്‍ പിന്തുണ ലഭിച്ചതോടെ കേന്ദ്ര കമ്മിറ്റി തിരിച്ചയച്ച രേഖ യെച്ചൂരിയുടെ വാദങ്ങള്‍ കൂടി ഉള്‍പ്പെടുത്തി പുതുക്കി പ്രകാശ് കാരാട്ട് വീണ്ടും കേന്ദ്ര കമ്മിറ്റിയില്‍ വെച്ചു. ഇതോടൊപ്പം പി.ബി തയാറാക്കിയ പുതിയ രാഷ്ട്രീയ പ്രമേയവും കേന്ദ്ര കമ്മിറ്റി മുമ്പാകെ വരും. കേന്ദ്ര കമ്മിറ്റി അംഗീകരിക്കുന്ന രാഷ്ട്രീയ അടവുനയ അവലേകന രേഖയും രാഷ്ട്രീയ പ്രമേയവുമാണ് വിശാഖപട്ടണത്ത് നടക്കുന്ന പാര്‍ട്ടി കോണ്‍ഗ്രസ് പരിഗണിക്കുക. രാഷ്ട്രീയ പ്രമേയവും അടവുനയ അവലോകന രേഖയും സമാന സ്വഭാവമുള്ളതാണെന്ന് ചൂണ്ടിക്കാട്ടി വെവ്വേറെ രേഖകള്‍ ആവശ്യമുണ്ടോയെന്ന ചര്‍ച്ച നേതാക്കള്‍ക്കിടയിലുണ്ട്. ഇക്കാര്യത്തില്‍ കേന്ദ്രകമ്മിറ്റിയില്‍ തീരുമാനമുണ്ടാകും. ഭൂമി ഏറ്റെടുക്കല്‍ നിയമം പരിഷ്കരിച്ച് മോദി സര്‍ക്കാര്‍ കൊണ്ടുവന്ന ഓര്‍ഡിനന്‍സ് കര്‍ഷക വിരുദ്ധവും കോര്‍പറേറ്റുകളുടെ താല്‍പര്യമനുസരിച്ചുള്ളതുമാണെന്ന് കേന്ദ്ര കമ്മിറ്റി പാസാക്കിയ പ്രമേയം കുറ്റപ്പെടുത്തി.  |
| കിരണ്‍ ബേദി ബി.ജെ.പിയുടെ മുഖ്യമന്ത്രി സ്ഥാനാര്‍ത്ഥി Posted: 19 Jan 2015 11:08 AM PST Image:  ന്യൂഡല്‍ഹി: ഡല്‍ഹിയിലെ ബി.ജെ.പി മുഖ്യമന്ത്രി സ്ഥാനാര്‍ത്ഥിയായി കിരണ്‍ ബേദിയെ പ്രഖ്യാപിച്ചു. തിങ്കളാഴ്ച ചേര്‍ന്ന ബി.ജെ.പി പാര്‍ലമെന്‍ററി ബോര്‍ഡ് യോഗമാണ് മുന്‍ ഐ.പി.എസ് ഉദ്യോഗസ്ഥയായ ബേദിയെ മുഖ്യമന്ത്രി സ്ഥാനാര്‍ത്ഥിയാക്കാന്‍ തീരുമാനിച്ചത്. ബി.ജെ.പി ദേശീയാധ്യക്ഷന്‍ അമിത് ഷായാണ് ഇക്കാര്യം അറിയിച്ചത്. സംസ്ഥാന നേതാക്കളുടെ കടുത്ത എതിര്‍പ്പ് വകവെക്കാതെയാണ് കിരണ്‍ ബേദിയെ മുഖ്യമന്ത്രി സ്ഥാനാര്‍ഥിയായി പ്രഖ്യാപിച്ചത്. കൃഷ്ണ നഗര്‍ മണ്ഡലത്തില്‍ നിന്നാകും ബേദി മത്സരിക്കുക. കഴിഞ്ഞ വ്യാഴാഴ്ച ബി.ജെ.പിയില്‍ ചേര്‍ന്ന കിരണ്‍ ബേദി മുഖ്യമന്ത്രി സ്ഥാനാര്‍ത്ഥിയാവുമെന്ന് റിപ്പോര്‍ട്ടുകളുണ്ടായിരുന്നു. പാര്‍ട്ടി ആവശ്യപ്പെടുകയാണെങ്കില്‍ മുഖ്യമന്ത്രി സ്ഥാനാര്‍ത്ഥിയാകാന്‍ തയ്യാറാണെന്ന് അവര് വ്യക്തമാക്കിയിരുന്നു. അരവിന്ദ് കെജ്രിവാളിനെ എതിരിടാന്‍ പറ്റിയ നേതാവായാണ് ബേദിയെ ബി.ജെ.പി ഉയര്‍ത്തികാണിക്കുന്നത്. അണ്ണാ ഹസാരെ നടത്തിയ അഴിമതി വിരുദ്ധ പോരാട്ടത്തില്‍ ഇരുവരും മുന്‍ നിരയിലുണ്ടായിരുന്നു.  |
| നടന് ഗ്രെഗ് പ്ളിറ്റ് ഷൂട്ടിങ്ങിനിടെ ട്രെയിനിടിച്ച് മരിച്ചു Posted: 19 Jan 2015 10:45 AM PST Image:  കാലിഫോര്‍ണിയ: ഹോളിവുഡ് നടന് ചിത്രീകരണത്തിനിടയില്‍ ട്രെയിനിടിച്ച് മരിച്ചു. ഫിറ്റ്നസ് ഗുരു എന്നറിയപ്പെടുന്ന ഗ്രെഗ് പ്ളിറ്റ് (37) ആണ് മരിച്ചത്. റെയില്‍ പാളത്തില്‍ ചിത്രീകരണം നടത്തുന്നതിനിടെ ലോസ് ആഞ്ചലസിലാണ് സംഭവം. പ്രമുഖ മോഡലും ഫിറ്റ്നസ് ട്രെയ്നറുമാണ്. കാലിഫോര്‍ണിയയിലെ ബുര്‍ബാങ്ങില്‍ പാളത്തില്‍നിന്ന് കാമറയെ അഭിമുഖീകരിക്കുമ്പോഴായിരുന്നു മെട്രോ ലിങ്ക് ട്രെയിനിടിച്ചത്. ട്രെയിന്‍ വരുന്ന പാളത്തില്‍തന്നെ ചിത്രീകരണം നടത്തിയതില്‍ ദുരൂഹതയുള്ളതായി പൊലീസ് പറയുന്നു. ട്രെയിന്‍ വരുന്നതിന്‍െറ ശബ്ദം കേട്ടിട്ടും ഗ്രെഗ് പ്ളിറ്റ് മാറാതിരുന്നതായും റിപ്പോര്‍ട്ടുണ്ട്. മരണസമയത്തും കൈയില്‍ വിഡിയോ കാമറ ഉണ്ടായിരുന്നു. ദ ഗുഡ് ഷെപ്പേര്‍ഡ്്, ടെര്‍മിനേറ്റര്‍ 4 പോലുള്ള പ്രമുഖ ഹോളിവുഡ് സിനിമകളില്‍ അഭിനയിച്ചിട്ടുണ്ട്. 200ലേറെ ഫിറ്റ്നസ് മാഗസിനുകളുടെ കവര്‍ ചിത്രമായിട്ടുണ്ട്. റിയാലിറ്റി ഷോ താരം എന്ന നിലയിലും ശ്രദ്ധേയനാണ്. ബിരുദ പഠനം പൂര്‍ത്തിയാക്കിയ ശേഷം യു.എസ് സൈന്യത്തില്‍ അഞ്ചു വര്‍ഷം സേവനമനുഷ്ഠിച്ചിട്ടുണ്ട്. ഗ്രെഗ് പ്ളിറ്റിന്‍െറ അപ്രതീക്ഷിത വിടവാങ്ങലില്‍ ഹോളിവുഡ് തേങ്ങി. കാലിഫോര്‍ണിയയില്‍ നൂറുകണക്കിനാളുകള്‍ നടന് ആദരാഞ്ജലികള്‍ അര്‍പ്പിച്ചു.  |
| ആഗോള സമ്പത്തിന്‍െറ പകുതിയും ജനസംഖ്യയിലെ ഒരു ശതമാനത്തിന് Posted: 19 Jan 2015 10:44 AM PST Image:  Subtitle: നാലുവര്‍ഷത്തിനിടെ അതിസമ്പന്നരായ 80 പേരുടെ സമ്പത്തില്‍ 60000 കോടി ഡോളര്‍ വര്‍ധന കൈവന്നപ്പോള്‍ താഴെക്കിടയിലുള്ള 50 ശതമാനത്തിന്‍െറ ആസ്തിയില്‍ 75,000 കോടി ഡോളര്‍ കുറവ് രേഖപ്പെടുത്തി ലണ്ടന്‍: ലോക ജനസംഖ്യയിലെ ഒരു ശതമാനത്തിന് അവശേഷിച്ച 99 ശതമാനത്തിന്‍െറയത്ര ആസ്തിയുണ്ടെന്ന് കണക്കുകള്‍. അതിസമ്പന്നരായ ഒരു ശതമാനം 2009ല്‍ മൊത്തം സമ്പത്തിന്‍െറ 44 ശതമാനമാണ് കൈവശപ്പെടുത്തിയിരുന്നതെങ്കില്‍ കഴിഞ്ഞവര്‍ഷം ഇത് 48 ശതമാനമായതായും 2016ല്‍ പകുതിക്കു മേലെയാകുമെന്നും പ്രമുഖ സന്നദ്ധ സംഘടന ഒക്സ്ഫാം തയാറാക്കിയ റിപ്പോര്‍ട്ട് വ്യക്തമാക്കുന്നു. ഡാവോസില്‍ ആരംഭിക്കുന്ന ലോക സാമ്പത്തിക ഫോറത്തിനു മുന്നോടിയായാണ് സമ്പന്നരും ദരിദ്രരും തമ്മിലെ അന്തരം അതിവേഗം വളരുന്നതിന്‍െറ ഞെട്ടിക്കുന്ന കണക്കുകള്‍ പുറത്തുവിട്ടത്. ശതകോടീശ്വരന്മാരായ ആദ്യ 80 പേരുടെ ആസ്തി 1900 ബില്യണ്‍ (ഒരു ബില്യണ്‍ 100 കോടി) ഡോളറാണ്. ഇതാകട്ടെ, ജനസംഖ്യയില്‍ താഴെക്കിടയിലുള്ള പകുതിയുടെ (350 കോടി പേര്) ആസ്തിക്കു തുല്യം. കഴിഞ്ഞ നാലുവര്‍ഷത്തിനിടെ അതിസമ്പന്നരായ 80 പേരുടെ സമ്പത്തില്‍ 60,000 കോടി ഡോളര്‍ വര്‍ധന കൈവന്നപ്പോള്‍ താഴെക്കിടയിലുള്ള 50 ശതമാനത്തിന്‍െറ ആസ്തിയില്‍ 75000 കോടി ഡോളറിന്‍െറ കുറവാണ് രേഖപ്പെടുത്തിയത്. 2002 മുതല്‍ 2010 വരെ ദരിദ്രര്‍ക്കും സാമ്പത്തിക വളര്‍ച്ചയുണ്ടായിരുന്നതാണ് ഇതിനുശേഷമുള്ള കാലയളവില്‍ വന്‍തോതില്‍ ഇടിവു വന്നത്. സമ്പന്നന്‍ ആസ്തി കുത്തനെ ഉയര്‍ത്തുമ്പോള്‍ മറുവശത്ത്, ഉള്ളതുപോലും നിലനിര്‍ത്താനാവാതെ പാവപ്പെട്ടവര്‍ കടുത്ത ദാരിദ്ര്യത്തിലേക്ക് കൂപ്പുകുത്തുന്നെന്ന് വ്യക്തം. ലോകത്ത് നൂറുകോടിയിലേറെ ജനങ്ങള്‍ക്ക് പ്രതിദിനം 1.25 ഡോളര്‍ (77 രൂപ) പോലും വരുമാനമില്ളെന്നും റിപ്പോര്‍ട്ട് പറയുന്നു. മൊത്തം സമ്പത്തിന്‍െറ പകുതിയും കൈവശമുള്ളത് ഒരു ശതമാനത്തിനാണെങ്കിലും അവര്‍ക്കിടയിലുമുണ്ട് കടുത്ത അന്തരം. ഇന്‍ഷുറന്‍സ്, സാമ്പത്തിക മാനേജ്മെന്‍റ്, ആരോഗ്യ മേഖലകളിലുള്ളവരാണ് ഏറ്റവും കൂടുതല്‍ ലാഭമുണ്ടാക്കുന്നത്. ഫാര്‍മസ്യൂട്ടിക്കല്‍, ആരോഗ്യ സുരക്ഷ എന്നീ മേഖലകളില്‍ പ്രവര്‍ത്തിക്കുന്നവര്‍ക്ക് 47 ശതമാനമാണ് വളര്‍ച്ച.  |
| ഡോണെറ്റ്സ്ക് വിമാനത്താവളം വിമതര്‍ പിടിച്ചു Posted: 19 Jan 2015 10:38 AM PST Image:  കിയവ്: കിഴക്കന്‍ യുക്രെയ്ന്‍ പ്രവിശ്യയായ ഡോണെറ്റ്സ്കിലെ വിമാനത്താവളം റഷ്യന്‍ അനുകൂല വിമതര്‍ പിടിച്ചു. ദിവസങ്ങള്‍ നീണ്ട പോരാട്ടത്തിനൊടുവിലാണ് യുക്രെയ്ന്‍ ഒൗദ്യോഗിക സേനയെ തുരത്തിയതെന്ന് വിമത നേതാവ് അലക്സാണ്ടര്‍ സഖര്‍ചെങ്കോ അവകാശപ്പെട്ടു. വിമാനത്താവളത്തില്‍നിന്ന് ഏറെ അകലെ തന്ത്രപ്രധാന പാലത്തിനപ്പുറത്തേക്ക് സേനയെ തുരത്തിയോടിച്ചതായാണ് അവകാശ വാദം. 200ഓളം സൈനികര്‍ കൊല്ലപ്പെട്ടതായും നിരവധി കവചിത വാഹനങ്ങള്‍ തകര്‍ക്കപ്പെട്ടതായും റിപ്പോര്‍ട്ടുകളുണ്ട്. എന്നാല്‍, മൂന്നു സൈനികര്‍ മാത്രമാണ് കൊല്ലപ്പെട്ടതെന്നും 66 പേര്‍ക്ക് പരിക്കേറ്റിട്ടുണ്ടെന്നും യുക്രെയ്ന്‍ അധികൃതര്‍ പറഞ്ഞു. ഇരുവിഭാഗവും അവകാശവാദങ്ങളുമായി സജീവമായതിനിടെയും വിമാനത്താവള പരിസരത്ത് ഇപ്പോഴും ആക്രമണം തുടരുന്നതായാണ് റിപ്പോര്‍ട്ട്. തുടര്‍ച്ചയായ പോരാട്ടത്തിന്‍െറ വേദിയായതിനാല്‍ വിമാനത്താവളവും നാശാവസ്ഥയിലാണ്. വിമതര്‍ക്ക് റഷ്യ ആയുധമത്തെിക്കുന്നതാണ് പ്രശ്നം ഗുരുതരമായി തുടരാനിടയാക്കുന്നതെന്ന് യുക്രെയ്നും യൂറോപ്പും ആരോപിക്കുന്നു. വിമത മേഖലകളില്‍ 8,500 റഷ്യന്‍ സൈനികര്‍ യുദ്ധമുഖത്തുണ്ടെന്നും യുക്രെയ്ന്‍ പറയുന്നു. എന്നാല്‍, യുദ്ധവാഹനങ്ങളും ആയുധങ്ങളും പിന്‍വലിച്ച് വെടിനിര്‍ത്തല്‍ നടപ്പാക്കാമെന്ന നിര്‍ദേശം തള്ളിയതാണ് പ്രശ്നം വഷളാക്കിയതെന്ന് റഷ്യ പ്രതികരിച്ചു.  |
| മിസ് ലബനാനെ ചൊല്ലി സെല്‍ഫി വിവാദം Posted: 19 Jan 2015 10:35 AM PST Image:  ബൈറൂത്ത്: ലോക സൗന്ദര്യ മത്സരത്തിനിടെ ഇസ്രായേല്‍ സുന്ദരിക്കൊപ്പം സെല്‍ഫിയെടുത്ത് സോഷ്യല്‍ മീഡിയയില്‍ പോസ്റ്റ് ചെയ്ത് ലബനാന്‍ സുന്ദരി പുലിവാലുപിടിച്ചു. ഇരു രാജ്യങ്ങള്‍ക്കുമിടയില്‍ കടുത്ത ഭിന്നത നിലനില്‍ക്കുന്നത് മറന്നാണ് ലബനാന്‍ സുന്ദരി സാലി ഗ്രെയ്ഗ് ഇസ്രായേല്‍ സുന്ദരി ഡോറോണ്‍ മറ്റാലണിനൊപ്പം ഫോട്ടോക്ക് പോസ് ചെയ്തത്. എന്നാല്‍, അവരെ വിളിച്ചുവരുത്തിയതല്ളെന്നും അവസാന നിമിഷം ഫോട്ടോയിലേക്ക് ‘ചാടിവന്നതാണെ’ന്നും ചിത്രം അവര് തന്നെയാണ് സോഷ്യല്‍ മീഡിയയില്‍ പോസ്റ്റ് ചെയ്തതെന്നും സാലി വിശദീകരിച്ചു. രാഷ്ട്രീയ വിവാദങ്ങളെ ഇതുപോലുള്ള വേദികളിലേക്ക് ആനയിച്ചത് ശരിയായില്ളെന്നായിരുന്നു സംഭവത്തെക്കുറിച്ച് ഇസ്രായേല്‍ സുന്ദരിയുടെ മറുപടി.  |
| ഹിസ്ബുല്ല പ്രമുഖര്‍ ഇസ്രായേല്‍ ആക്രമണത്തില്‍ കൊല്ലപ്പെട്ടു Posted: 19 Jan 2015 10:27 AM PST Image:  Subtitle: കൊല്ലപ്പെട്ടവരില്‍ ഇമാദ് മുഗ്നിയയുടെ മകനും കമാന്‍ഡറും ബൈറൂത്: മുന്‍ സൈനിക നേതാവ് ഇമാദ് മുഗ്നിയയുടെ മകനും മുതിര്‍ന്ന കമാന്‍ഡറും ഉള്‍പ്പെടെ ആറു ഹിസ്ബുല്ല പോരാളികള്‍ ഇസ്രായേല്‍ ആക്രമണത്തില്‍ കൊല്ലപ്പെട്ടു. ഇസ്രായേല്‍ അധിനിവിഷ്ട ജൂലാന്‍ കുന്നുകള്‍ക്കു സമീപം സിറിയന്‍ അതിര്‍ത്തിപ്രദേശമായ ഖുനൈതറയിലാണ് സംഭവം. ഇമാദ് മുഗ്നിയയുടെ മകന്‍ ജിഹാദ് മുഗ്നിയയും കമാന്‍ഡര്‍ അബൂ ഈസയെന്നറിയപ്പെടുന്ന മുഹമ്മദ് ഈസയും സഞ്ചരിച്ച വാഹന വ്യൂഹത്തിനു നേരെ രണ്ടു മിസൈലുകള്‍ പതിക്കുകയായിരുന്നു. നിരവധി ഇറാന്‍ സൈനികരും സംഭവത്തില്‍ കൊല്ലപ്പെട്ടിട്ടുണ്ട്. റവലൂഷനറി ഗാര്‍ഡിലെ മുതിര്‍ന്ന ഉദ്യോഗസ്ഥന്‍ ജനറല്‍ മുഹമ്മദ് അല്‍ഹദ്ദാദി മരിച്ചതായി ഇറാന്‍ അറിയിച്ചു. ഖുനൈതറയിലെ അമല്‍ ഫാംസില്‍ നിരീക്ഷണം നടത്താനായി പുറപ്പെട്ടവര്‍ക്കു നേരെ ഞായറാഴ്ച ഉച്ചക്കു ശേഷമാണ് ഹെലികോപ്ടര്‍ ആക്രമണമുണ്ടായത്. ജൂലാന്‍ കുന്നുകളില്‍നിന്ന് ഏഴു കിലോമീറ്റര്‍ മാത്രം അകലെയാണ് ആക്രമണം നടന്ന സ്ഥലം. ആക്രമണത്തിന്‍െറ ഉത്തരവാദിത്തം ഇസ്രായേല്‍ ഏറ്റെടുത്തതായി റോയിട്ടേഴ്സ് റിപ്പോര്‍ട്ട് ചെയ്തു. ഇസ്രായേലിനെതിരെ ശക്തമായി നിലകൊണ്ടിരുന്ന ഇമാദ് മുഗ്നിയയെ 2008ലാണ് ഇസ്രായേല്‍ കാര്‍ബോംബ് ആക്രമണത്തിലൂടെ കൊലപ്പെടുത്തിയത്. പിതാവ് മരിച്ച് ഒരാഴ്ച കഴിഞ്ഞാണ് അന്ന് 16 വയസ്സ് മാത്രമുള്ള ജിഹാദ് മുഗ്നിയ ആദ്യമായി രംഗത്തത്തെുന്നത്. ഹിസ്ബുല്ല നേതൃത്വത്തില്‍ പരിഗണിക്കപ്പെട്ടിരുന്ന മകനെക്കൂടി കുരുതിനടത്തിയത് നസ്റുല്ലയെ ചൊടിപ്പിക്കുമെന്ന് തിരിച്ചറിഞ്ഞുതന്നെയാണ് ഇസ്രായേല്‍ ബോംബുകള്‍ വര്‍ഷിച്ചതെന്ന് റിപ്പോര്‍ട്ടുകള്‍ പറയുന്നു. ഹിസ്ബുല്ലയുടെ സിറിയയിലെ തലവനായിരുന്നു കൊല്ലപ്പെട്ട മുഹമ്മദ് ഈസ. ആക്രമണത്തിന് തിരിച്ചടിയുണ്ടാകുമെന്ന് ഹിസ്ബുല്ല പ്രഖ്യാപിച്ചിട്ടുണ്ട്. ഐ.എസ് ഉള്‍പ്പെടെ വിമത സംഘടനകള്‍ പിടിമുറുക്കിയ സിറിയയില്‍ പ്രസിഡന്‍റ് ബശ്ശാര്‍ അല്‍അസദിന് കരുത്തു പകരുന്ന ദൗത്യമാണ് ഹിസ്ബുല്ല ചെയ്യുന്നത്. ഇതിന്‍െറ ഭാഗമായി പുറപ്പെട്ട സംഘമാണ് ആക്രമിക്കപ്പെട്ടത്. സിറിയയില്‍ ആഭ്യന്തര സംഘര്‍ഷം പൊട്ടിപ്പുറപ്പെട്ടതിനു ശേഷം ഏഴാം തവണയാണ് പ്രകോപനമില്ലാതെ ഇസ്രായേല്‍ ആക്രമണം നടത്തുന്നത്. കൊല്ലപ്പെട്ടവരെ ദക്ഷിണ ലബനാനിലത്തെിച്ച് മറവുചെയ്യും. കഴിഞ്ഞ സെപ്റ്റംബറില്‍ ഹിസ്ബുല്ല നേതാവിനെ ഇസ്രായേല്‍ കൊലപ്പെടുത്തിയിരുന്നു. വിദൂര നിയന്ത്രിത ചാര ഉപകരണം നിര്‍വീര്യമാക്കാനുള്ള ശ്രമത്തിനിടെ സ്ഫോടനം നടത്തുകയായിരുന്നു.  |
| ആസ്ട്രേലിയന്‍ ഓപണ്‍: മുന്‍നിര താരങ്ങള്‍ക്ക് വിജയത്തുടക്കം Posted: 19 Jan 2015 09:58 AM PST Image:  മെല്‍ബണ്‍: മുന്‍നിര താരങ്ങളായ റോജര്‍ ഫെഡററും റാഫേല്‍ നദാലും ആന്‍ഡി മറെയും മരിയ ഷറപോവയും ആസ്ട്രേലിയന്‍ ഓപണ്‍ ടെന്നിസില്‍ ജയത്തോടെ തുടങ്ങി. വനിതകളില്‍ മുന്‍ ലോക ഒന്നാംനമ്പര്‍ താരമായ സെര്‍ബിയയുടെ അന ഇവാനോവിച് പുറത്തായി. രണ്ട് മണിക്കൂറും 13 മിനിറ്റും നീണ്ട പോരാട്ടത്തില്‍ ടൈബ്രേക്കറിലാണ് മറെ രണ്ടാം റൗണ്ടിലേക്ക് കടന്നുകൂടിയത്. സ്കോര്‍: 6-3, 6-4, 7-6. യോഗ്യതാറൗണ്ട് ജയിച്ചുവന്ന ഭാംബ്രി മൂന്നാം സെറ്റില്‍ ഒരുഘട്ടത്തില്‍ ഇന്ത്യന്‍ താരം 4-1ന് മുന്നിലായിരുന്നു. ടൈബ്രേക്കറിലേക്ക് മൂന്നാം സെറ്റ് നീണ്ടെങ്കിലും ഭാംബ്രി ഇരട്ടപ്പിഴവ് വരുത്തിയതിനാല്‍ സെറ്റും മത്സരവും മറെ സ്വന്തമാക്കി. മിഖായേല്‍ യൂഷ്നിയെ നേരിട്ടുള്ള സെറ്റിലാണ് സ്പാനിഷ് താരമായ നദാല്‍ ഒന്നാം റൗണ്ടില്‍ തോല്‍പിച്ചത്. സ്കോര്‍: 6-3, 6-2, 6-2. തായ്വാന്‍െറ ലു യെന്‍ സുനിനെയാണ് സ്വിസ് താരമായ ഫെഡറര്‍ മറികടന്നത്. സ്കോര്‍: 6-4, 6-2, 7-5.  |
| കര്‍ണാടകയെ പരാജയപ്പെടുത്തി കേരളം അന്തിമ റൗണ്ടില്‍ Posted: 19 Jan 2015 07:19 AM PST Image:  മഞ്ചേരി: ഗ്രൂപ്പ് എയിലെ അവസാന മത്സരത്തില്‍ കര്‍ണാടകയെ എതിരില്ലാത്ത നാല് ഗോളിന് തോല്‍പ്പിച്ച് കേരളം സന്തോഷ് ട്രോഫിയുടെ അന്തിമ റൗണ്ട് പോരാട്ടത്തിന് യോഗ്യത നേടി. തിങ്കളാഴ്ച വൈകീട്ട് പയ്യനാട്ട് നടന്ന കളിയുടെ എട്ടാം മിനിറ്റിലും 28ാം മിനിറ്റില്‍ ലഭിച്ച പെനാല്‍റ്റിയിലൂടെയും ഉസ്മാന്‍ ആഷിക്ക് ഇരട്ടഗോള്‍ നേടിയപ്പോള്‍ ജോബി ജസ്റ്റിന്‍ (70), യു. ജിംഷാദ് ബബ്ലു (74) എന്നിവരും സ്കോര്‍ ചെയ്തു. 65ാം മിനിറ്റില്‍ മത്സരത്തിലെ രണ്ടാം മഞ്ഞക്കാര്‍ഡും കണ്ട് ക്യാപ്റ്റന്‍ സേവിയര്‍ വിജയകുമാര്‍ പുറത്തായതോടെ അവസാന അരമണിക്കൂറോളം കര്‍ണാടകക്ക് പത്തുപേരുമായി കളിക്കേണ്ടി വന്നു. ദക്ഷിണമേഖലാ യോഗ്യതാ റൗണ്ടിലെ അവസാന മത്സരത്തില്‍ ഗ്രൂപ്പ് ബി ടീമുകളായ സര്‍വീസസും തമിഴ്നാടും ചൊവ്വാഴ്ച ഏറ്റുമുട്ടും. വി.പി. സുഹൈറിന്‍െറ മുന്നേറ്റത്തിലൂടെയാണ് എട്ടാം മിനിറ്റില്‍ ആതിഥേയര്‍ അക്കൗണ്ട് തുറന്നത്. വലതുവിങ്ങിലൂടെ മുന്നോട്ടാഞ്ഞത്തെിയ സുഹൈറിനെ തടുക്കാനായി ഗോളി കയറി വന്നു. പ്രതിരോധക്കാരെയും വെട്ടിച്ച് സുഹൈര്‍ പന്ത് നല്‍കിയെങ്കിലും തലവെക്കാന്‍ ജോബി ജസ്റ്റിന്‍െറ വിഫലശ്രമം. സന്ദര്‍ഭോചിതമായി ഇടപെട്ട് ഉസ്മാന്‍ ആഷിക്കിന്‍െറ അതിവേഗ ഷോട്ട് വലയില്‍ (1-0). തുടര്‍ന്ന് ബോക്സിനകത്ത് വെച്ച് ജോബിയെ മണിവണ്ണന്‍ തള്ളിയിട്ടപ്പോള്‍ ഒന്നും ആലോചിക്കാതെ റഫറി പെനാല്‍റ്റി വിധിച്ചു. 28ാം മിനിറ്റില്‍ ആഷിക് എടുത്ത കിക്കിലൂടെ കേരളം ലീഡ് വര്‍ധിപ്പിച്ചു (2-0). രണ്ടാം പകുതിയിലും കേരളം മേധാവിത്തം തുടര്‍ന്നു. 57ാം മിനിറ്റില്‍ മഞ്ഞക്കാര്‍ഡ് കണ്ട വിജയകുമാര്‍ പത്ത് മിനിറ്റിനകം വീണ്ടും എതിര്‍താരത്തെ വീഴ്ത്തി. ഇതോടെ ചുവപ്പുകാര്‍ഡുമായി ക്യാപ്റ്റന്‍ പുറത്ത്. 70ാം മിനിറ്റില്‍ ഷൈജുമോന്‍െറ ക്രോസ് തടുത്തുനിര്‍ത്തി വരുതിയിലാക്കിയ ജോബി വലതുമൂലയിലൂടെ വലയിലേക്ക് വിട്ടു (3-0). മലപ്പുറത്തുകാരനായ യു. ജിംഷാദ് ബബ്ലുവും സ്വന്തം കാണികള്‍ക്ക് മുന്നില്‍ അരങ്ങു തകര്‍ത്തു. 74ാം മിനിറ്റില്‍ ബബ്ലുവിനെ ചെറുക്കാന്‍ ഗോളി റസാഖ് അഡ്വാന്‍ ചെയ്ത് കയറിയത് വിനയായി. കിട്ടിയ തക്കം നോക്കി ബബ്ലുവിന്‍െറ സ്കോറിങ് (4-0).  |
| സുനന്ദയുടെ മരണം: തരൂരിനെ ചോദ്യം ചെയ്തു Posted: 19 Jan 2015 06:43 AM PST Image:  ന്യൂഡല്‍ഹി: സുനന്ദ പുഷ്കറിന്‍െറ ദുരൂഹ മരണവുമായി ബന്ധപ്പെട്ട് ഭര്‍ത്താവ് ശശി തരൂരിനെ ഡല്‍ഹി പൊലീസ് ചോദ്യം ചെയ്തു. ഡല്‍ഹി വസന്ത് വിഹാറില്‍ കേസന്വേഷിക്കുന്ന പ്രത്യേകാന്വേഷണ സംഘത്തിന്‍െറ ആസ്ഥാനത്താണ് ചോദ്യം ചെയ്യല്‍. രാത്രി എട്ടുമണിയോടെയാണ് ശശി തരൂര്‍ ചോദ്യം ചെയ്യലിന് വിധേയനാകാന്‍ ഹാജരായത്. തരൂരിനൊപ്പം അഭിഭാഷകരുമുണ്ടായിരുന്നു. ചോദ്യം ചെയ്യലിന് വിധേയമാകാന്‍ ആവശ്യപ്പെട്ട് നേരത്തേ ഡല്‍ഹി പൊലീസ് തരൂരിന് നോട്ടീസ് നല്‍കിയിരുന്നു. 48 മണിക്കൂറിനുള്ളില്‍ ഹാജരാകാനാണ് ആവശ്യപ്പെട്ടത്. ബംഗളൂരുവിലാണെന്നും ഡല്‍ഹിയില്‍ തിരിച്ചത്തെിയാല്‍ ഹാജരാകാമെന്നും മറുപടി നല്‍കിയ തരൂര്‍ ഡല്‍ഹിയിലത്തെിയ ഉടന്‍ പൊലീസ് മുമ്പാകെ എത്തുകയായിരുന്നു. ചോദ്യം ചെയ്യല്‍ സംബന്ധിച്ച് പൊലീസോ തരൂരോ പ്രതികരിച്ചില്ല. തരൂര്‍ നേരത്തേ നല്‍കിയ മൊഴിയും കേസിലെ മറ്റു സാക്ഷികളുടെ മൊഴികളും തമ്മില്‍ വൈരുധ്യങ്ങളുണ്ട്. ഇതുസംബന്ധിച്ച് തരൂരിനോട് പൊലീസ് ചോദിച്ചതായാണ് വിവരം. പാക് പത്രപ്രവര്‍ത്തക മെഹര്‍ തരാറുമായുള്ള ബന്ധം, അതേച്ചൊല്ലി സുനന്ദയുമായുള്ള പ്രശ്നങ്ങള്‍, സ്വാഭാവിക മരണമെന്ന് റിപ്പോര്‍ട്ട് ചെയ്യാന്‍ ആവശ്യപ്പെട്ട് തരൂര്‍ ഇ-മെയില്‍ അയച്ചുവെന്ന സുനന്ദയുടെ മൃതദേഹം പോസ്റ്റ്മോര്‍ട്ടം നടത്തിയ ഡല്‍ഹി എയിംസ് ആശുപത്രിയിലെ ഫോറന്‍സിക് വിഭാഗം തലവന്‍ സുധീര്‍ ഗുപ്ത നടത്തിയ വെളിപ്പെടുത്തല്‍ തുടങ്ങിയവയെക്കുറിച്ചും ചോദ്യങ്ങളുണ്ടായി.  |
| ബാര്‍കോഴ: പിള്ള ഒന്നും പറഞ്ഞിട്ടില്ലെന്ന് മുഖ്യമന്ത്രി; പറഞ്ഞിരുന്നെന്ന് ബാലകൃഷ്ണപിള്ള Posted: 19 Jan 2015 02:50 AM PST Image:  തിരുവനന്തപുരം: ബാര്‍കേസില്‍ ധനകാര്യ മന്ത്രിക്കെതിരെ ബാലകൃഷ്ണപിള്ള തന്നോട് ഒന്നും പറഞ്ഞിട്ടില്ലെന്ന് മുഖ്യമന്ത്രി ഉമ്മന്‍ചാണ്ടി. ബാര്‍കോഴ വിവാദം ഉണ്ടായതിന് ശേഷം പിള്ളയുമായി ഒരുമിച്ച് കണ്ടിട്ടില്ല. പെരുന്നയില്‍ എന്‍.എസ്.എസിന്‍െറ സമ്മേളന വേദിയില്‍വെച്ചാണ് അവസാനം പിള്ളയെ കണ്ടത്. എന്നാല്‍ അന്ന് സംസാരിച്ചില്ളെന്നും മുഖ്യമന്ത്രി വ്യക്തമാക്കി. ബാര്‍ അസോസിയേഷന്‍ വര്‍ക്കിങ് പ്രസിഡന്‍റ് ബിജു രമേശുമായി നടത്തിയ ഫോണ്‍ സംഭാഷണത്തില്‍ കെ.എം മാണി കോഴ വാങ്ങിയ കാര്യം ഉമ്മന്‍ചാണ്ടിയോട് പറഞ്ഞിരുന്നതായി ബാലകൃഷ്ണപിള്ള വെളിപ്പെടുത്തിയിരുന്നു. ഇതിനെകുറിച്ച് പ്രതികരിക്കുകയായിരുന്നു ഉമ്മന്‍ചാണ്ടി. അതേസമയം, പറഞ്ഞതില്‍ ഉറച്ചു നില്‍ക്കുന്നതായി ബാലകൃഷ്ണപിള്ള കൊല്ലത്ത് വാര്‍ത്താസമ്മേളനത്തില്‍ പറഞ്ഞു. കെ.ബി ഗണേഷ്കുമാറിനൊപ്പം ക്ളിഫ് ഹൗസില്‍ വെച്ചാണ് ഉമ്മന്‍ചാണ്ടിയോട് ഇക്കാര്യം പറഞ്ഞത്. ബാര്‍ അസോസിയേഷന്‍ വര്‍ക്കിങ് പ്രസിഡന്‍റ് ബിജു രമേശ് ആരോപണം ഉന്നയിക്കുന്നതിന് മുമ്പായിരുന്നു ഇതെന്നും ബാലകൃഷ്ണപിള്ള വ്യക്തമാക്കി. മാണിയുടെ കാര്യം പറഞ്ഞില്ല എന്ന് പരുമല പള്ളിയില്‍ പോയി സത്യം ചെയ്യാന്‍ ഉമ്മന്‍ചാണ്ടി തയാറുണ്ടോ എന്നും അദ്ദേഹം ചോദിച്ചു.
 |
പുലര്‍ച്ചെ മുതല്‍ അനുഭവപ്പെട്ട കനത്ത മഴയും കാറ്റും രാവിലെ 11 വരെ നീണ്ടു. അബൂദബിയില്‍ നിന്ന് ദുബൈയിലേക്കും അല്‍ഐനിലേക്കുമുള്ള പാതകളിലും ട്രക്ക് റോഡിലും പലയിടത്തും ഗതാഗത തടസ്സം അനുഭവപ്പെട്ടു. രാവിലെ ഓഫിസുകളിലേക്കും വിദ്യാലയങ്ങളിലേക്കും പോയവര് ഗതാഗതക്കുരുക്കില്‍ കുടുങ്ങി. ആഭ്യന്തര മന്ത്രാലയവും അബൂദബി പൊലീസും വാഹന ഡ്രൈവര്‍മാര്‍ക്കും യാത്രികര്‍ക്കും മുന്നറിയിപ്പ് നല്‍കിയിരുന്നു. താപനിലയിലും വലിയ കുറവ് അനുഭവപ്പെട്ടു. ഉച്ചയോടെ മഴ അവസാനിച്ചെങ്കിലും അന്തരീക്ഷം മേഘാവൃതമായി തുടരുകയാണ്. ശക്തമായ തണുപ്പും അനുഭവപ്പെടുന്നുണ്ട്. വരുംദിവസങ്ങളിലും മഴക്കും കാറ്റിനും സാധ്യതയുണ്ടെന്നാണ് കാലാവസ്ഥാ നിരീക്ഷണ കേന്ദ്രം അറിയിച്ചിരിക്കുന്നത്.
വെള്ളം കയറി വാഹനങ്ങള്‍ നിരത്തില്‍ കുടുങ്ങിയത് റോഡ് നിര്‍മാണം നടക്കുന്ന അല്‍ നഖീലില്‍ കനത്ത ഗതാഗതകുരുക്കിനിടയാക്കി. കനത്ത മഴയില്‍ കാഴ്ച മറഞ്ഞ അവസ്ഥയില്‍ സാഹസപ്പെട്ടാണ് ഡ്രൈവര്‍മാര്‍ വാഹനങ്ങള്‍ ചലിപ്പിച്ചത്. വിതരണ കമ്പനികളിലെ ജീവനക്കാര്‍, നിര്‍മാണ സ്ഥലങ്ങളിലെ തൊഴിലാളികള്‍, പത്ര വിതരണക്കാര്‍ തുടങ്ങിയവരെല്ലാം ഏറെ ശ്രമകരമായാണ് കൃത്യനിര്‍വഹണത്തിലേര്‍പ്പെട്ടത്.
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
No comments:
Post a Comment