നിര്‍മല്‍ യൂനിറ്റ് ശ്രീകണ്ഠേശ്വരത്തും പ്രവര്‍ത്തനമാരംഭിച്ചു Madhyamam News Feeds |  |
- നിര്‍മല്‍ യൂനിറ്റ് ശ്രീകണ്ഠേശ്വരത്തും പ്രവര്‍ത്തനമാരംഭിച്ചു
- അഷ്ടമുടിക്കായലിനെ രക്ഷിക്കാന്‍ നാടൊന്നിച്ചു
- റോഡുകള്‍ സഞ്ചാരയോഗ്യമാക്കണം –ജില്ലാ വികസന സമിതി
- ബദല്‍രേഖയില്‍ കാരാട്ടിനെതിരെ യെച്ചൂരിയുടെ വിമര്‍ശം
- നെല്‍കര്‍ഷകര്‍ക്ക് സംഭരണവില ഉടന്‍ നല്‍കണം –ജില്ലാ വികസന സമിതി
- ഡോക്ടര്‍മാരുടെ താമസത്തിന് പേവാര്‍ഡിലെ സ്ഥലം നല്‍കാന്‍ ആലോചന
- ഉദ്യോഗസ്ഥര്‍ക്കായി എല്ലാ ജില്ലയിലും ആരോഗ്യ ക്യാമ്പ് നടത്തും –മന്ത്രി അടൂര്‍ പ്രകാശ്
- ബാര്‍ബര്‍മാര്‍ക്കെതിരായ മണിയുടെ പരാമര്‍ശം വിവാദത്തിലേക്ക്
- പ്രതിപക്ഷം ഇറങ്ങിപ്പോയി
- അടിയന്തര നടപടിയെടുക്കാന്‍ വികസന സമിതി നിര്‍ദേശം
- ട്രെയിനിലെ കൊല: ഒരാള്‍ കസ്റ്റഡിയില്‍
- അഞ്ചുമാസവും അഞ്ചുദിവസവും; കടവന്ത്ര പാലം റെഡി
- റിലയന്‍സ് കേബ്ളിന് അനുമതി; നഗരസഭാ കൗണ്‍സിലില്‍ ബഹളം
- കുടിവെള്ള പദ്ധതികളുടെ നിര്‍മാണം വേഗത്തിലാക്കണമെന്ന് വികസന സമിതി
- വൂണ്ട് സര്‍ട്ടിഫിക്കറ്റ് നല്‍കാന്‍ ഡോക്ടര്‍മാര്‍ക്ക് മടി; രോഗികള്‍ നെട്ടോട്ടത്തില്‍
- മനോഹര്‍ലാല്‍ ഖട്ടാര്‍ അധികാരമേറ്റു
- മുന്‍ എം.പി എ. ചാള്‍സ് അന്തരിച്ചു
- ജുമൈറ കോര്‍ണിഷ് പദ്ധതി പൂര്‍ത്തിയായി; ഇന്ന് തുറക്കും
- നിതാഖാത്ത് പുതിയ ഘട്ടത്തിലേക്ക്; പച്ച വിഭാഗത്തെ മൂന്നായി തിരിക്കും
- മജ് ലിസിന്‍െറ വിജയം കൈമാറുന്ന രാഷ്ട്രീയ മുന്നറിയിപ്പുകള്‍
- അവര്‍ മുഴക്കോല്‍ കൈയിലെടുത്തിട്ട് 25 വര്‍ഷം
- പ്രചാരകമുഖ്യന്‍
- 56 ഇഞ്ചിന്‍െറ ചില അളവെടുപ്പുകള്‍
- ക്ളാസിക് റയല്‍
- തരൂരിന്‍െറ വിഴിഞ്ഞം ശുചീകരണത്തിന് മോദിയുടെ പ്രശംസ
| നിര്‍മല്‍ യൂനിറ്റ് ശ്രീകണ്ഠേശ്വരത്തും പ്രവര്‍ത്തനമാരംഭിച്ചു Posted: 26 Oct 2014 12:54 AM PDT തിരുവനന്തപുരം: എന്‍െറ നഗരം സുന്ദര നഗരം പദ്ധതിയുടെ ഭാഗമായി പുതിയ നിര്‍മല്‍ യൂനിറ്റുകള്‍ ശ്രീകണ്ഠേശ്വരത്ത് പ്രവര്‍ത്തനം ആരംഭിച്ചു. നഗരത്തെ മാലിന്യമുക്തമാക്കുകയെന്ന ലക്ഷ്യത്തോടെ നഗരസഭയുടെ കീഴില്‍ ജൈവമാലിന്യ ശേഖര കേന്ദ്രത്തിന്‍െറ ആറും ഏഴും യൂനിറ്റുകളാണ് ഉദ്ഘാടനം ചെയ്തത്.  |
| അഷ്ടമുടിക്കായലിനെ രക്ഷിക്കാന്‍ നാടൊന്നിച്ചു Posted: 26 Oct 2014 12:50 AM PDT കൊല്ലം: നാടിന്‍െറ ജീവനാഡിയായി തെളിനീരുപോലൊഴുകിയ അഷ്ടമുടിക്കായലിനെ രക്ഷിക്കുമെന്ന് ദൃഢപ്രതിജ്ഞയെടുത്ത് നാടൊരുമിച്ചു.  |
| റോഡുകള്‍ സഞ്ചാരയോഗ്യമാക്കണം –ജില്ലാ വികസന സമിതി Posted: 26 Oct 2014 12:36 AM PDT തൃശൂര്‍: മഴമൂലം തകര്‍ന്ന ജില്ലയിലെ റോഡുകള്‍ അടിയന്തരമായി സഞ്ചാര യോഗ്യമാക്കണമെന്ന് ജില്ലാ വികസനസമിതി യോഗം ആവശ്യപ്പെട്ടു. ഇതുസംബന്ധിച്ച് കെ.വി. അബ്ദുല്‍ഖാദര്‍ എം.എല്‍.എ അവതരിപ്പിച്ച പ്രമേയം ബി.ഡി. ദേവസി എം.എല്‍.എ പിന്താങ്ങി. തീരദേശ -മത്സ്യത്തൊഴിലാളി മേഖല എന്ന പരിഗണനയില്‍ നാട്ടിക മണ്ഡലത്തിലെ ഗവ. ആശുപത്രികളില്‍ ആവശ്യത്തിന് നിയമനം നടത്താനും ഡോക്ടര്‍മാരുടെ സേവനം ഫലപ്രദമായി ലഭ്യമാക്കാനും ആവശ്യപ്പെടുന്ന പ്രമയം ഗീതാഗോപി എം.എല്‍.എ അവതരിപ്പിച്ചു. തൃശൂര്‍ -പൊന്നാനി കോള്‍ വികസന സമിതി ചെയര്‍മാനായി സി.എന്‍. ജയദേവന്‍ എം.പിയെ നിയമിക്കണമെന്ന് മറ്റൊരു പ്രമേയത്തിലൂടെ ഗീതാഗോപി എം.എല്‍.എ ആവശ്യപ്പെട്ടു.  |
| ബദല്‍രേഖയില്‍ കാരാട്ടിനെതിരെ യെച്ചൂരിയുടെ വിമര്‍ശം Posted: 26 Oct 2014 12:33 AM PDT Image:  ന്യൂഡല്‍ഹി: സി.പി.എം കേന്ദ്രകമ്മിറ്റി യോഗം ഡല്‍ഹിയില്‍ ആരംഭിച്ചു. വ്യക്ത്യധിഷ്ഠിത നിലപാടുകള്‍ പാര്‍ട്ടിക്ക് ദോഷം ചെയ്തെന്ന് സി.പി.എം പി.ബി അംഗം സീതാറാം യെച്ചൂരി. ജനപക്ഷ നിലപാടുകള്‍ക്ക് എതിരായി പാര്‍ട്ടിയുടെ പല നിലപാടുകളും മാറിയെന്നും ബദല്‍രേഖയില്‍ യെച്ചൂരി വിമര്‍ശിച്ചു. സീതാറാം യെച്ചൂരിയുടെ രേഖക്കെതിരെ ആന്ധ്രയില്‍ നിന്നുള്ള പി.ബി.അംഗം ബി.വി രാഘവുലു കുറിപ്പ് നല്‍കി. ഇത് രണ്ടും കേന്ദ്ര കമ്മിറ്റി അംഗങ്ങള്‍ക്ക് വിതരണം ചെയ്യും. കഴിഞ്ഞ കാല പ്രവര്‍ത്തനങ്ങളെ വിലയിരുത്തി പോളിറ്റ്ബ്യൂറോ തയാറാക്കിയ രാഷ്ട്രീയ, അടവുനയ അവലോകന രേഖയിലെ വിലയിരുത്തലുകള്‍ ചോദ്യം ചെയ്താണ് സീതാറാം യെച്ചൂരി ‘ബദല്‍ രേഖ’ മുന്നോട്ടുവെച്ചത്. ഇടതുപക്ഷ ഇതര പാര്‍ട്ടികളുമായി സഖ്യമാകാമെന്ന 1978ല്‍ ജലന്ധറില്‍ നടന്ന 10ാം പാര്‍ട്ടി കോണ്‍ഗ്രസ് തീരുമാനം പാളിയെന്നും ബൂര്‍ഷ്വാ പാര്‍ട്ടികളുമായി സഖ്യമുണ്ടാക്കിയത് ഉള്‍പ്പെടെയുള്ള പാര്‍ട്ടിയുടെ അടവുനയങ്ങളിലെ വീഴ്ചയാണ് പാര്‍ട്ടിയെ തളര്‍ത്തിയതെന്നും പി.ബി അംഗീകരിച്ച അവലോകന രേഖയില്‍ പറയുന്നുണ്ട്. ജനറല്‍ സെക്രട്ടറി പ്രകാശ് കാരാട്ട്, പി.ബി അംഗം എസ്. രാമചന്ദ്രന്‍ പിള്ള തുടങ്ങിയവരുടെ നേതൃത്വത്തില്‍ പാര്‍ട്ടി സെന്‍റര്‍ തയാറാക്കിയതാണ് ഈ രേഖ. അടവുനയമല്ല പാളിയതെന്നും നയങ്ങള്‍ നടപ്പാക്കിയതിലെ സംഘടനാപരമായ വീഴ്ചയാണ് പാര്‍ട്ടിയെ തളര്‍ത്തിയതെന്നുമാണ് യെച്ചൂരിയുടെയും മറ്റും വാദം. പി.ബിയില്‍ യെച്ചൂരിയുടെ നിലപാടിന് ഭൂരിപക്ഷ പിന്തുണ ലഭിച്ചില്ല. പാര്‍ട്ടി സെന്‍റര്‍ തയാറാക്കിയ അവലോകന രേഖക്ക് പി.ബിയുടെ അംഗീകാരം ലഭിക്കുകയും ചെയ്തു. ഇതേതുടര്‍ന്ന് യെച്ചൂരി തന്‍െറ വാദങ്ങള്‍ അവതരിപ്പിച്ച കുറിപ്പ് പ്രത്യേകമായി നല്‍കി. കുറിപ്പ് യെച്ചൂരി കേന്ദ്ര കമ്മിറ്റിയില്‍ വെക്കുമെന്ന് സൂചിപ്പിക്കുകകൂടി ചെയ്തതോടെ, പി.ബി അവലോകന രേഖക്കൊപ്പം യെച്ചൂരിയുടെ ‘ബദല്‍ രേഖ’യും കേന്ദ്ര കമ്മിറ്റിയില്‍ ചര്‍ച്ചക്കുവെക്കാന്‍ നേതൃത്വം തീരുമാനിക്കുകയായിരുന്നു.  |
| നെല്‍കര്‍ഷകര്‍ക്ക് സംഭരണവില ഉടന്‍ നല്‍കണം –ജില്ലാ വികസന സമിതി Posted: 26 Oct 2014 12:31 AM PDT പാലക്കാട്: ജില്ലയിലെ നെല്‍കര്‍ഷകര്‍ക്ക് സംഭരണവില അടിയന്തരമായി നല്‍കണമെന്ന് ജില്ലാ വികസന സമിതി യോഗം ആവശ്യപ്പെട്ടു. കലക്ടറേറ്റ് കോണ്‍ഫറന്‍സ് ഹാളില്‍ നടന്ന യോഗത്തില്‍ സംബന്ധിച്ച ജനപ്രതിനിധികളാണ് ഈ ആവശ്യം അവതരിപ്പിച്ചത്. നെല്ല് സംഭരണം ഊര്‍ജിതമാക്കണമെന്നും കിലോഗ്രാമിന് 25 രൂപയായി സംഭരണവില വര്‍ധിപ്പിക്കണമെന്നും സമിതി ആവശ്യപ്പെട്ടു. വി. ചെന്താമരാക്ഷന്‍ എം.എല്‍.എ പ്രമേയം അവതരിപ്പിച്ചു. കുടിശ്ശികയുള്ള നെല്ലുസംഭരണ തുക പൂര്‍ണമായും ഒരു മാസത്തിനകം കര്‍ഷകര്‍ക്ക് നല്‍കണമെന്ന് എം.എല്‍.എമാരായ സി.പി. മുഹമ്മദും വി.ടി. ബല്‍റാമും പറഞ്ഞു. നെല്‍കര്‍ഷകര്‍ക്ക് ആശ്വാസമായ സംഭരണപദ്ധതി സ്വകാര്യ മില്ലുകാരെ ഏല്‍പ്പിക്കരുതെന്നും യോഗം നിര്‍ദേശിച്ചു.  |
| ഡോക്ടര്‍മാരുടെ താമസത്തിന് പേവാര്‍ഡിലെ സ്ഥലം നല്‍കാന്‍ ആലോചന Posted: 26 Oct 2014 12:25 AM PDT മഞ്ചേരി: മെഡിക്കല്‍ കോളജില്‍ 200 വിദ്യാര്‍ഥികള്‍ക്ക് കിടക്കാന്‍ രോഗികള്‍ക്ക് നിര്‍മിച്ച മുറികള്‍ ഉപയോഗിക്കുന്നതിന് പുറമെ പേവാര്‍ഡിലെ 20 മുറികള്‍ മെഡിക്കല്‍ കോളജ് ഡോക്ടര്‍മാര്‍ക്ക് നല്‍കാനും നീക്കം. കേരള ഹോസ്പിറ്റല്‍ റിസര്‍ച്ച് വെല്‍ഫെയര്‍ സൊസൈറ്റി (കെ.എച്ച്.ആര്‍.ഡബ്ള്യു.എസ്) നടത്തിവരുന്ന പേ വാര്‍ഡില്‍ 40 മുറികളുണ്ട്. വാര്‍ഡില്‍ കിടത്താന്‍ കഴിയാത്ത രോഗികള്‍ക്ക് കുറഞ്ഞ വാടക നല്‍കി ഈ മുറികള്‍ എടുക്കാനുള്ള സൗകര്യമുണ്ടായിരുന്നു. 40 മുറികള്‍ ഉണ്ടെങ്കിലും മിക്ക സമയത്തും പേ വാര്‍ഡില്‍ മുറി ഒഴിവില്ലാത്ത സ്ഥിതി ഉണ്ടാവാറുണ്ട്. ഇതില്‍ പകുതി മുറികള്‍ ഡോക്ടര്‍മാര്‍ക്ക് താമസിക്കാന്‍ നല്‍കുന്നത് പ്രതിസന്ധിയുണ്ടാക്കും.  |
| ഉദ്യോഗസ്ഥര്‍ക്കായി എല്ലാ ജില്ലയിലും ആരോഗ്യ ക്യാമ്പ് നടത്തും –മന്ത്രി അടൂര്‍ പ്രകാശ് Posted: 26 Oct 2014 12:15 AM PDT പത്തനംതിട്ട: ഉദ്യോഗസ്ഥര്‍ക്കായി എല്ലാ ജില്ലകളിലും ആരോഗ്യ പരിശോധനാ ക്യാമ്പ് സംഘടിപ്പിക്കുമെന്ന് മന്ത്രി അടൂര്‍ പ്രകാശ്. കലക്ടര്‍ക്ക് നല്‍കുന്ന പരാതിയുടെ തുടര്‍ നടപടികള്‍ അപേക്ഷകനെ അറിയിക്കുന്നതിനുള്ള എസ്.എം.എസ് സംവിധാനത്തിന്‍െറയും കലക്ടറേറ്റിലെയും കോഴഞ്ചേരി താലൂക്ക് ഓഫിസിലെയും ജീവനക്കാര്‍ക്കായി നടത്തിയ ആരോഗ്യ പരിശോധനാ ക്യാമ്പിന്‍െറയും ഉദ്ഘാടനം നിര്‍വഹിക്കുകയായിരുന്നു അദ്ദേഹം.  |
| ബാര്‍ബര്‍മാര്‍ക്കെതിരായ മണിയുടെ പരാമര്‍ശം വിവാദത്തിലേക്ക് Posted: 26 Oct 2014 12:10 AM PDT തൊടുപുഴ: സി.പി.എം ഇടുക്കി ജില്ലാ സെക്രട്ടറി എം.എം. മണി ബാര്‍ബര്‍മാരെ കുറിച്ച് നടത്തിയ പരാമര്‍ശം വിവാദത്തിലേക്ക്. ബാര്‍ബര്‍മാരെ അവഹേളിക്കുന്ന തരത്തില്‍ പ്രസംഗിച്ച ജില്ലാ സെക്രട്ടറി മാപ്പു പറയണമെന്നും അതല്ളെങ്കില്‍ ശക്തമായ സമരപരിപാടികള്‍ക്ക് നേതൃത്വം നല്‍കുമെന്നും ബാര്‍ബര്‍ ആന്‍ഡ് ബ്യൂട്ടീഷന്‍ അസോസിയേഷന്‍ അറിയിച്ചു.  |
| Posted: 26 Oct 2014 12:05 AM PDT തൊടുപുഴ: തൊടുപുഴ നഗരസഭയില്‍ വിഷയങ്ങള്‍ പഠിക്കാതെ കൗണ്‍സില്‍ യോഗത്തില്‍ അജണ്ടകള്‍ നടപ്പാക്കുന്നുവെന്നാരോപിച്ച് പ്രതിപക്ഷ കൗണ്‍സില്‍ അംഗങ്ങള്‍ യോഗം ബഹിഷ്കരിച്ച് ഇറങ്ങിപ്പോയി. ശനിയാഴ്ച കൗണ്‍സില്‍ ഹാളില്‍ ചേര്‍ന്ന യോഗത്തിലാണ് സംഭവം. തൊടുപുഴ നഗരസഭയില്‍ ചേരുന്നത് അടിയന്തര യോഗങ്ങള്‍ മാത്രമാണെന്നും സാധാരണ കൗണ്‍സിലുകളില്‍ ചര്‍ച്ച ചെയ്യേണ്ട വിഷയങ്ങള്‍പോലും അടിയന്തര കൗണ്‍സിലുകളുടെ പരിധിയില്‍ ഉള്‍പ്പെടുത്തി ചര്‍ച്ചക്കെടുക്കുകയാണെന്നും ആരോപിച്ചാണ് പ്രതിപക്ഷ കൗണ്‍സിലംഗങ്ങള്‍ പ്രതിഷേധവുമായി രംഗത്തത്തെിയത്. കോടിക്കണക്കിന് രൂപയുടെ പദ്ധതികളും തീരുമാനങ്ങളുമാണ് അടിയന്തര കൗണ്‍സിലില്‍ ഉള്‍പ്പെടുത്തി മിനിറ്റുകള്‍ക്കകം പാസാക്കിയെടുക്കുന്നത്. കൗണ്‍സില്‍ യോഗം ചേരുന്ന വിവരം തലേദിവസം വൈകുന്നേരത്തോടെ മാത്രമാണ് അറിയുന്നതെന്നും പ്രതിപക്ഷ കൗണ്‍സിലംഗങ്ങള്‍ കുറ്റപ്പെടുത്തി. വിഷയങ്ങള്‍ പഠിക്കാതെയും ചര്‍ച്ച ചെയ്യാതെയും അജണ്ടകള്‍ നടപ്പാക്കുന്നത് കൗണ്‍സിലര്‍മാരുടെ അവകാശങ്ങള്‍ക്ക് നേരെയുള്ള കടന്നുകയറ്റമാണെന്ന് പ്രതിപക്ഷ നേതാവ് ആര്‍. ഹരി ആരോപിച്ചു.  |
| അടിയന്തര നടപടിയെടുക്കാന്‍ വികസന സമിതി നിര്‍ദേശം Posted: 25 Oct 2014 11:59 PM PDT കാസര്‍കോട്: പരപ്പ ബ്ളോക്കിലെ പട്ടികവര്‍ഗ കോളനികളില്‍ താമസിക്കുന്നവര്‍ക്ക് ഭൂമി ലഭ്യമാക്കാന്‍ അടിയന്തര നടപടി സ്വീകരിക്കാന്‍ ജില്ലാ വികസന സമിതി യോഗം നിര്‍ദേശിച്ചു. ഭൂമി ഇല്ലാത്തതിനാല്‍ ഇവിടെ താമസിക്കുന്ന പട്ടികവര്‍ഗക്കാര്‍ക്ക് ഒരു ആനുകൂല്യവും ലഭിക്കുന്നില്ളെന്ന് ജനപ്രതിനിധികള്‍ യോഗത്തില്‍ ചൂണ്ടിക്കാട്ടി.  |
| ട്രെയിനിലെ കൊല: ഒരാള്‍ കസ്റ്റഡിയില്‍ Posted: 25 Oct 2014 11:56 PM PDT കണ്ണൂര്‍: കണ്ണൂര്‍ റെയില്‍വേ സ്റ്റേഷനില്‍ നിര്‍ത്തിയിട്ട ട്രെയിനില്‍ മലപ്പുറം കൊണ്ടോട്ടി കീഴശ്ശേരി സ്വദേശിനി ഫാത്തിമയെ (45) തീകൊളുത്തി കൊലപ്പെടുത്തിയ സംഭവത്തില്‍ 20 പേരെ അന്വേഷണ സംഘം ചോദ്യം ചെയ്തു. ഇതില്‍ മലപ്പുറം സ്വദേശിയായ ഒരാള്‍ ഒഴികെ മറ്റുള്ളവരെ വിട്ടയച്ചു. ചോദ്യം ചെയ്യുന്നതിനിടെ വിരുദ്ധമായ മൊഴികള്‍ നല്‍കിയതിനത്തെുടര്‍ന്നാണ് ഇയാളെ അന്വേഷണ സംഘം കസ്റ്റഡിയില്‍വെച്ചിട്ടുള്ളത്. എന്നാല്‍, ഇയാള്‍ക്ക് കൊലയില്‍ നേരിട്ട് ബന്ധമില്ളെന്ന നിഗമനത്തിലാണ് അന്വേഷണ സംഘം. സംഭവം നടന്നിട്ട് ഒരാഴ്ച ആകാറായിട്ടും അന്വേഷണ സംഘത്തിന് പ്രതിയെക്കുറിച്ച് വ്യക്തമായ സൂചനയൊന്നും കിട്ടിയിട്ടില്ല. 24 വയസ്സ് വരുന്ന യുവാവാണ് പ്രതിയെന്ന നിഗമനത്തിലാണ് ദൃക്സാക്ഷികളുടെ മൊഴിയുടെ അടിസ്ഥാനത്തില്‍ പൊലീസ് എത്തിച്ചേര്‍ന്നിട്ടുള്ളത്.  |
| അഞ്ചുമാസവും അഞ്ചുദിവസവും; കടവന്ത്ര പാലം റെഡി Posted: 25 Oct 2014 11:51 PM PDT കൊച്ചി: ആറുമാസം സമയം ആവശ്യപ്പെട്ട കടവന്ത്ര പാലം പൂര്‍ത്തിയാക്കാന്‍ ജി.സി.ഡി.എ എടുത്തത് വെറും അഞ്ചുമാസവും അഞ്ചുദിവസവും. കഴിഞ്ഞ മേയ് 20 ന് ആരംഭിച്ച പണി ഒട്ടേറെ പ്രതിസന്ധികളെയും തരണംചെയ്താണ് പ്രഖ്യാപിച്ചതിനും 25 ദിവസം മുമ്പ് ഗതാഗതത്തിന് തുറന്നുകൊടുത്തത്. പാലംപണിക്കായി കാല്‍നൂറ്റാണ്ട് പഴക്കമുള്ള രണ്ട് മരങ്ങള്‍ വെട്ടിമാറ്റിയതിന് പകരം മൂന്ന് പുതിയ വൃക്ഷത്തൈകളും ഇവിടെ നട്ടു.  |
| റിലയന്‍സ് കേബ്ളിന് അനുമതി; നഗരസഭാ കൗണ്‍സിലില്‍ ബഹളം Posted: 25 Oct 2014 11:46 PM PDT ആലപ്പുഴ: റിലയന്‍സ് കമ്പനി നഗരത്തില്‍ സ്ഥാപിക്കുന്ന കേബ്ളിന് അനുമതി നല്‍കിയതിനുപിന്നില്‍ ഭരണകക്ഷി കൗണ്‍സിലര്‍മാരും സി.പി.എം ഉന്നതരും 25 ലക്ഷം കൈക്കൂലി വാങ്ങിയെന്ന് പ്രത്യേക കൗണ്‍സില്‍ യോഗത്തില്‍ പ്രതിപക്ഷത്തിന്‍െറ ആരോപണം.  |
| കുടിവെള്ള പദ്ധതികളുടെ നിര്‍മാണം വേഗത്തിലാക്കണമെന്ന് വികസന സമിതി Posted: 25 Oct 2014 11:41 PM PDT കല്‍പറ്റ: തദ്ദേശ ഭരണ സ്ഥാപനങ്ങളുടെ അഞ്ചുലക്ഷത്തിന് മുകളിലുള്ള പദ്ധതികളുടെ ഇ-ടെന്‍ഡര്‍ പരിധി 25 ലക്ഷം രൂപയായി ഉയര്‍ത്തണമെന്ന് കലക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന ജില്ലാ വികസന സമിതി യോഗം സംസ്ഥാന സര്‍ക്കാറിനോട് ആവശ്യപ്പെട്ടു. തദ്ദേശ ഭരണ സ്ഥാപനങ്ങളുടെ പല പദ്ധതികളും ഇ-ടെന്‍ഡര്‍ ചെയ്യാന്‍ കരാറുകാരെ കിട്ടാത്ത സാഹചര്യത്തിലാണിത്. പഞ്ചായത്തുകളുടെ സ്പില്‍ ഓവര്‍ പദ്ധതികള്‍ ഒക്ടോബര്‍ 31നകം തീര്‍ക്കണമെന്നത് ഡിസംബര്‍ 31വരെ നീട്ടണമെന്നും യോഗം സര്‍ക്കാറിനോടാവശ്യപ്പെട്ടു. പനമരം ഗ്രാമപഞ്ചായത്ത് പ്രസിഡന്‍റ് പി.കെ. അസ്മത്ത് ഇതു സംബന്ധിച്ച് അവതരിപ്പിച്ച പ്രമേയം യോഗം അംഗീകരിച്ചു.  |
| വൂണ്ട് സര്‍ട്ടിഫിക്കറ്റ് നല്‍കാന്‍ ഡോക്ടര്‍മാര്‍ക്ക് മടി; രോഗികള്‍ നെട്ടോട്ടത്തില്‍ Posted: 25 Oct 2014 11:30 PM PDT കോഴിക്കോട്: അപകടത്തില്‍ പരിക്കേറ്റ് ആശുപത്രിയില്‍ ചികിത്സ തേടുന്നവര്‍ കേസ് നടത്തിപ്പിനായി വൂണ്ട് സര്‍ട്ടിഫിക്കറ്റ് ലഭിക്കാന്‍ നെട്ടോട്ടമോടുന്നു. മറ്റ് ആശുപത്രികളില്‍നിന്ന് മെഡിക്കല്‍ കോളജിലേക്ക് റഫര്‍ ചെയ്യപ്പെടുന്ന രോഗികള്‍ക്കാണ് ഈ ഗതികേട്.  |
| മനോഹര്‍ലാല്‍ ഖട്ടാര്‍ അധികാരമേറ്റു Posted: 25 Oct 2014 11:12 PM PDT Image:  ചണ്ഡീഗഡ്: ഹരിയാനയുടെ ആദ്യ ബി.ജെ.പി മുഖ്യമന്ത്രിയായി മനോഹര്‍ലാല്‍ ഖട്ടാര്‍ സത്യപ്രതിജ്ഞ ചെയ്ത് അധികാരമേറ്റു. ഗവര്‍ണര്‍ കപ്റ്റന്‍ സിങ് സോളങ്കിയാണ് സത്യവാചകം ചൊല്ലിക്കൊടുത്തത്. ക്യാപ്റ്റന്‍ അഭിമന്യൂ, രാംവിലാസ് ശര്‍മ, ഒ.പി ധന്‍കര്‍ എന്നിവരും ഖട്ടാറിനൊപ്പം സത്യപ്രതിജ്ഞ ചെയ്തു. പഞ്ച്കുലയിലെ ഹുഡ മൈതാനത്ത് നടന്ന ചടങ്ങിന് സാക്ഷ്യം വഹിക്കാന്‍ ധാരാളം പാര്‍ട്ടിപ്രവര്‍ത്തകരെത്തിയിരുന്നു. പത്ത് വര്‍ഷം തുടര്‍ച്ചയായി അധികാരത്തിലിരുന്ന കോണ്‍ഗ്രസിന് കനത്ത തിരിച്ചടിയായിരുന്നു ഹരിയാനയിലെ തെരഞ്ഞെടുപ്പ് ഫലങ്ങള്‍. 90 അംഗ നിയമസഭയില്‍ 47 സീറ്റാണ് ബി.ജെ.പിക്ക് ലഭിച്ചത്. ഓംപ്രകാശ് ചൗട്ടാലയുടെ ഐ.എന്‍.എല്‍.ഡി 19 സീറ്റ് നേടി. 15 സീറ്റ് നേടിയ കോണ്‍ഗ്രസിന് മൂന്നാം സ്ഥാനമാണ് ലഭിച്ചത്. ഹരിയാന ജന്‍ഹിത് കോണ്‍ഗ്രസിന് രണ്ട് സീറ്റും അകാലിദളിനും ബി.എസ്.പിക്കും ഓരോ സീറ്റ് വീതവുമാണ് നിയമസഭാ തെരഞ്ഞെടുപ്പില്‍ ലഭിച്ചത്. അഞ്ച് മണ്ഡലങ്ങളില്‍ സ്വതന്ത്രരും വിജയിച്ചു. കനത്ത സുരക്ഷയാണ് സത്യപ്രതിജ്ഞാ ചടങ്ങിന് ഒരുക്കിയത്. ചടങ്ങിന് 3,000ലധികം സുരക്ഷാ ഉദ്യോഗസ്ഥരെ വിന്യസിച്ചിരുന്നു.  |
| മുന്‍ എം.പി എ. ചാള്‍സ് അന്തരിച്ചു Posted: 25 Oct 2014 09:59 PM PDT Image:  തിരുവനന്തപുരം: മുന്‍ തിരുവനന്തപുരം എം.പി എ. ചാള്‍സ് (84) അന്തരിച്ചു. വാര്‍ധക്യ സഹജമായ അസുഖത്തെത്തുടര്‍ന്ന് ചികിത്സയിലായിരുന്ന അദ്ദേഹം ഞായറാഴ്ച രാവിലെ 9.30നാണ് അന്തരിച്ചത്. സംസ്കാരം പിന്നീട് നടക്കും. 1984, 89, 91 വര്‍ഷങ്ങളിലാണ് അദ്ദേഹം തിരുവനന്തപുരത്തുനിന്നും എം.പിയായി തെരഞ്ഞെടുക്കപ്പെട്ടത്. 1991ല്‍ കോണ്‍ഗ്രസ് നിര്‍വാഹക സമിതി അംഗമായും പ്രവര്‍ത്തിച്ചു. എ. നീലലോഹിത ദാസന്‍ നാടാരെ നേരിടാനാണ് ചാള്‍സിനെ തിരുവനന്തപുരത്ത് സ്ഥാനാര്‍ഥിയായി ഇറക്കിയത്. കെ.കരുണാകരനായിരുന്നു ഈ നീക്കം നടത്തിയത്. കോണ്‍ഗ്രസ് ടിക്കറ്റില്‍ മത്സരിച്ച് എം.എന്‍ ഗോവിന്ദന്‍ നായരെ പരാജയപ്പെടുത്തിയ നാടാര്‍ ഇടതുപക്ഷത്തേക്ക് പോവുകയായിരുന്നു. പി.എസ്.സി അംഗമായും എ. ചാള്‍സ് സേവനമനുഷ്ഠിച്ചിട്ടുണ്ട്. ചാള്‍സ് മികച്ചൊരു പാര്‍ലമെന്‍േററിയനായിരുന്നെന്ന് മരണത്തില്‍ അനുശോചിച്ച് കോണ്‍ഗ്രസ് നേതാവ് കെ.മുരളീധരന്‍ എം.എല്‍.എ പറഞ്ഞു.  |
| ജുമൈറ കോര്‍ണിഷ് പദ്ധതി പൂര്‍ത്തിയായി; ഇന്ന് തുറക്കും Posted: 25 Oct 2014 09:59 PM PDT Image:  ദുബൈ: ലക്ഷങ്ങള്‍ ചെലവിട്ട് മുഖം മിനുക്കിയ ജുമൈറ കടല്‍ത്തീരം ഞായറാഴ്ച സന്ദര്‍ശകര്‍ക്കായി തുറന്നുകൊടുക്കും. ദുബൈ മറീന ബീച്ച് റിസോര്‍ട്ട് മുതല്‍ ബുര്‍ജുല്‍ അറബ് ഹോട്ടല്‍ വരെ 14 കിലോമീറ്റര്‍ തീരമാണ് റോഡ്സ് ആന്‍ഡ് ട്രാന്‍സ്പോര്‍ട്ട് അതോറിറ്റിയുടെ നേതൃത്വത്തില്‍ നവീകരിച്ചത്.  |
| നിതാഖാത്ത് പുതിയ ഘട്ടത്തിലേക്ക്; പച്ച വിഭാഗത്തെ മൂന്നായി തിരിക്കും Posted: 25 Oct 2014 09:37 PM PDT Image:  റിയാദ്: സ്വദേശിവത്കരണത്തിന്‍െറ ഭാഗമായി സൗദി തൊഴില്‍ മന്ത്രാലയം നടപ്പാക്കിവരുന്ന നിതാഖാത്ത് ഹിജ്റ പുതുവര്‍ഷത്തോടെ പുതിയ ഘട്ടത്തിലേക്ക് പ്രവേശിച്ചു. തൊഴില്‍ സഹമന്ത്രി ഡോ. മുഫ്രിജ് സഅദ് അല്‍ഹഖബാനി നേരത്തെ പ്രഖ്യാപിച്ചതനുസരിച്ച് പച്ച ഗണത്തിലുള്ള സ്ഥാപനങ്ങളെ മൂന്ന് വിഭാഗമായി തിരിക്കുന്ന ഘട്ടം ഒക്ടോബര്‍ 25 ന് പ്രാബല്യത്തില്‍ വന്നു.  |
| മജ് ലിസിന്‍െറ വിജയം കൈമാറുന്ന രാഷ്ട്രീയ മുന്നറിയിപ്പുകള്‍ Posted: 25 Oct 2014 07:01 PM PDT Image:  ഹൈദരാബാദ് ആസ്ഥാനമായി പ്രവര്‍ത്തിക്കുന്ന ഓള്‍ ഇന്ത്യ മജ്ലിസെ ഇത്തിഹാദുല്‍ മുസ്ലിമീന്‍ എന്ന രാഷ്ട്രീയപാര്‍ട്ടി പഞ്ചകോണ മത്സരം നടന്ന മഹാരാഷ്ട്ര നിയമസഭ തെരഞ്ഞെടുപ്പില്‍ ബി.ജെ.പി, ശിവസേന, കോണ്‍ഗ്രസ്, എന്‍.സി.പി എന്നീ കക്ഷികളെ പരാജയപ്പെടുത്തി രണ്ടു സീറ്റ് പിടിച്ചെടുത്തത് വേണ്ടവിധം ചര്‍ച്ച ചെയ്യപ്പെട്ടില്ളെങ്കിലും പ്രതിയോഗികളെയും രാഷ്ട്രീയ നിരീക്ഷകരെയും സ്തബ്ധരാക്കിയിട്ടുണ്ട്. ഒൗറംഗാബാദ് സെന്‍ട്രല്‍ മണ്ഡലത്തില്‍ മുന്‍ ടി.വി ജേണലിസ്റ്റ് മജ്ലിസ് ബാനറില്‍ ജയിച്ചുകയറിയത് 30,000 വോട്ടിന്‍െറ ഭൂരിപക്ഷത്തിനാണ്. മുംബൈ ബൈക്കുളയില്‍ അഡ്വ. വാരിസ് യൂസുഫ് പത്താന്‍ സിറ്റിങ് എം.എല്‍.എയെയാണ് തോല്‍പിച്ചത്. ഭൂരിപക്ഷം 1357 മാത്രമാണെങ്കിലും മഹാനഗരത്തില്‍ നാല് പ്രമുഖ കക്ഷികളെ പിന്നിലാക്കിക്കൊണ്ടുള്ള മജ്ലിസ് മുന്നേറ്റം എല്ലാവരെയും ഞെട്ടിച്ചു. 24 മണ്ഡലങ്ങളില്‍ പ്രതിനിധികളെ ഒറ്റക്ക് നിര്‍ത്തിയ അസദുദ്ദീന്‍ ഉവൈസിയുടെ പാര്‍ട്ടിക്ക് മൂന്നിടങ്ങളില്‍ (ഒൗറംഗാബാദ് ഈസ്റ്റ്, നാന്‍ദദ് സൗത്, പാര്‍ബാനി) രണ്ടാം സ്ഥാനത്തത്തൊന്‍ കഴിഞ്ഞു. ഒമ്പതിടങ്ങളില്‍ മൂന്നാം സ്ഥാനത്തും. പഴയ നൈസാം ഭരണകൂടത്തിന്‍െറ ഭാഗമായിരുന്ന മഹാരാഷ്ട്രയിലെ വിദര്‍ഭ, മറാത്തവാഡ മേഖലയിലും കര്‍ണാടകയിലെ ബിദാറിലും പാര്‍ട്ടിയുടെ സ്വാധീനം വ്യാപിപ്പിക്കാന്‍ മൂന്നാലുവര്‍ഷമായി നടത്തിവരുന്ന ശ്രമങ്ങളുടെ ഫലശ്രുതിയാണ് ഈ വിജയം. 2012ലെ തദ്ദേശസ്വയംഭരണ തെരഞ്ഞെടുപ്പില്‍ നാന്‍ദദ് മുനിസിപ്പാലിറ്റിയിലേക്ക് 11 പ്രതിനിധികളെ അയക്കാന്‍ സാധിച്ച ആത്മവിശ്വാസത്തിലായിരുന്നു മജ്ലിസ് ഇത്തവണ വമ്പന്മാരോടൊപ്പം താക്കറെയുടെ നാട്ടില്‍ ഇറങ്ങിക്കളിച്ചത്. മുന്‍കാലങ്ങളില്‍ കോണ്‍ഗ്രസിനോ എന്‍.സി.പിക്കോ സമാജ്വാദിപാര്‍ട്ടിക്കോ ആണ് മുസ്ലിംകള്‍ വോട്ട് രേഖപ്പെടുത്താറ്. മജ്ലിസിന്‍െറ മുന്നേറ്റത്തില്‍ എസ്.പിക്ക് രണ്ടുസീറ്റ് നഷ്ടമായി. ഒരുവേള മുംബൈക്ക് പരിചയമുള്ള ഏക ന്യൂനപക്ഷപാര്‍ട്ടി മുസ്ലിംലീഗ് ആയിരുന്നു. 1970കളും 80കളും ലീഗിന്‍െറ സുവര്‍ണകാലഘട്ടമായിരുന്നുവെന്ന് പറയാം. അസംബ്ളിയില്‍ നാല് ലീഗ് അംഗങ്ങള്‍ ഉണ്ടായിരുന്ന ഒരു കാലമുണ്ടായിരുന്നു. 1967-77 ദശാബ്ദക്കാലം പരേതനായ ഗുലാം മുഹമ്മദ് ബനാത്ത്വാലയടക്കം സഭയില്‍ പാര്‍ട്ടിയെ പ്രതിനിധീകരിച്ചിരുന്നു. 1978ല്‍ മുംബൈ മുനിസിപ്പാലിറ്റിയില്‍ ലീഗിന് 11 അംഗങ്ങളുണ്ടായിരുന്നു. ശിവസേന നേതാവ് മനോഹര്‍ ജോഷി അന്ന് ഭരിച്ചത് ലീഗിന്‍െറ പിന്തുണയില്‍. 78ല്‍ സുധീര്‍ ജോഷിയും ലീഗിന്‍െറ ചുമലില്‍ കയറി മുംബൈ ഭരിച്ചു. ബാല്‍ താക്കറെയും ബനാത്ത്വാലയും ഒരേ വേദിയില്‍ പ്രത്യക്ഷപ്പെട്ട ‘അനുരജ്ഞന രാഷ്ട്രീയത്തിന്‍െറ’ കാലഘട്ടം. അതേ ലീഗിന് മൂന്നു മണ്ഡലങ്ങളില്‍ മത്സരിച്ചപ്പോള്‍ ആകെ കിട്ടിയത് 9000ത്തില്‍ താഴെ വോട്ട്! ലീഗിന്‍െറ ശിഥിലീഭവനത്തെക്കാള്‍ മുസ്ലിംകളെയും സമാധാനകാംക്ഷികളെയും ഉത്കണ്ഠാകുലരാക്കുന്നത് ആന്ധ്രയിലെ മുസ്ലിംഭൂരിപക്ഷമേഖലയില്‍ മാത്രം ഇതുവരെ രാഷ്ട്രീയപരീക്ഷണങ്ങള്‍ നടത്തിയ, തീവ്രസാമുദായികതയുടെ പ്രക്ഷുബ്ധാവസ്ഥ സൃഷ്ടിക്കുന്നതില്‍ വിരുത് തെളിയിച്ച മജ്ലിസിന്‍െറ ആഗമനം അന്തരീക്ഷം കലുഷിതമാക്കുമോയെന്നതാണ്. കഴിഞ്ഞ ആറേഴുവര്‍ഷമായി കണ്ടുതുടങ്ങിയ പുതിയ മുസ്ലിം രാഷ്ട്രീയ ധ്രുവീകരണത്തിന്‍െറ മൂര്‍ധന്യദശയിലൂടെയാണ് മുംബൈ കടന്നുപോകുന്നത്. ഇതിന്‍െറ പ്രത്യാഘാതങ്ങളെയും ഗുണദോഷങ്ങളെയും കുറിച്ച് ചിന്തിക്കുന്നതിന് മുമ്പ് എന്തുകൊണ്ട് ഇത് സംഭവിച്ചു എന്ന് പരിശോധിക്കാനുള്ള ഉത്തരവാദിത്തം മതേതര പാര്‍ട്ടികള്‍ക്കുണ്ട്. കോണ്‍ഗ്രസ്, എന്‍.സി.പി തുടങ്ങിയ പാര്‍ട്ടികള്‍ കാലാകാലമായി തങ്ങളെ വഞ്ചിക്കുകയാണെന്ന ചിന്തയാണ് രണ്ടും കല്‍പിച്ച് മാറിച്ചിന്തിക്കാന്‍ ന്യൂനപക്ഷത്തില്‍ വലിയൊരു വിഭാഗത്തെ പ്രേരിപ്പിച്ചത്. പവാറിന്‍െറയും അശോക് ചവാന്‍െറയും പാര്‍ട്ടികള്‍ മതേതരപ്രതിബദ്ധതയുടെ കാര്യത്തില്‍ എവിടെ നില്‍ക്കുന്നുവെന്ന് അനുഭവത്തിലൂടെ എല്ലാവരും തിരിച്ചറിഞ്ഞിട്ടുണ്ട്. മതേതരനാട്യം വോട്ട് തട്ടാനുള്ള സൂത്രവാക്യം എന്നതിനപ്പുറം ആശയപരമായോ പ്രായോഗിക തലത്തിലോ ബി.ജെ.പിയില്‍നിന്നും ശിവസേനയില്‍നിന്നും ഇക്കൂട്ടര്‍ ഒട്ടും ഭിന്നമല്ല എന്നു തെളിഞ്ഞിരിക്കുന്നു. കഴിഞ്ഞ ലോക്സഭ തെരഞ്ഞെടുപ്പില്‍ വിദര്‍ഭ മേഖലയില്‍ മുസ്ലിംകള്‍ ഒറ്റക്കെട്ടായി കോണ്‍ഗ്രസ്-എന്‍.സി.പി സഖ്യത്തിനു സമ്മതിദാനവകാശം രേഖപ്പെടുത്തിയിട്ടും ജയിച്ചുകയറിയത് കാവിരാഷ്ട്രീയമാണ്. അതോടെ നിസ്സംഗതയിലേക്കും നിരാശയിലേക്കും ആപതിച്ച ഒരു ജനവിഭാഗത്തിന്‍െറ മുന്നില്‍ ഇത്തവണ പ്രത്യക്ഷപ്പെട്ടത് പരസ്പരം വഴിപിരിഞ്ഞു ഹിന്ദുത്വശക്തികളുടെ കൈകളിലേക്ക് അധികാരം താലത്തില്‍ വെച്ചുകൊടുക്കാന്‍ കൊമ്പുകോര്‍ത്തുനില്‍ക്കുന്ന രണ്ടുപാര്‍ട്ടികളാണ്. നരേന്ദ്ര മോദിയുടെ അധികാരാരോഹണം സൃഷ്ടിച്ച ചകിതാവസ്ഥയും ഹിന്ദുത്വരാഷ്ട്രീയത്തിന്‍െറ ഇരച്ചുകയറ്റവും മുസ്ലിം വോട്ടിന്‍െറ ഏകീകരണത്തിനു സ്വാഭാവികമായും വഴിവെച്ചിട്ടുണ്ടാകാം. അസദുദ്ദീന്‍-അക്ബറുദ്ദീന്‍ ഉവൈസിമാരുടെ വികാരവിക്ഷോഭങ്ങളും തീവ്രതമുറ്റിയ വാഗ്ധോരണികളും മതേതരപാര്‍ട്ടികള്‍ക്കെതിരായ അമര്‍ഷം ആളിക്കത്തിക്കുന്നതില്‍ വലിയ പങ്കുവഹിച്ചിട്ടുണ്ട്. രണ്ടുവര്‍ഷം മുമ്പ് ആന്ധ്രയിലെ കോണ്‍ഗ്രസ് സര്‍ക്കാറില്‍നിന്ന് ഏറ്റുവാങ്ങിയ ശക്തമായ എതിര്‍പ്പും തുടര്‍ന്നുണ്ടായ അറസ്റ്റും തടവറ ജീവിതവുമൊക്കെ ഇരുവരുടെയും പ്രവര്‍ത്തനശൈലിയെ സമൂലമായി മാറ്റിപ്പണിതതായാണ് മനസ്സിലാകുന്നത്. വര്‍ഗീയതയോളം വരുന്ന കടുത്ത സാമുദായികതയാണ് ഇവരുടെ കൈമുതല്‍. കോണ്‍ഗ്രസ് സര്‍ക്കാറിന്‍െറ കീഴില്‍ മുസ്ലിം ചെറുപ്പക്കാര്‍ ഏറ്റുവാങ്ങേണ്ടിവന്ന പീഡനങ്ങളും തടവറയും ഭൂരിപക്ഷ പ്രീണനവുമൊക്കെയാണ് ഇവര്‍ രാഷ്ട്രീയ ആയുധമായി എടുത്തുപയോഗിക്കുന്നത്. ദേശീയരാഷ്ട്രീയം ഹിന്ദുത്വ ശക്തികളുടെ കരവലയത്തില്‍ ആമഗ്നമായതോടെ ഇന്ത്യയിലെവിടെയും പരീക്ഷിക്കപ്പെടാന്‍ പോകുന്ന ഒരു മാതൃകയായി മുംബൈ മാറിയേക്കാം. പശ്ചിമബംഗാളിലും ബിഹാറിലും കര്‍ണാടകയിലും മജ്ലിസിന്‍െറ പ്രവര്‍ത്തനം വ്യാപിപ്പിക്കുമെന്ന് ഉവൈസി പറയുമ്പോള്‍ മുസ്ലിം നേതൃത്വം അത്യാവേശത്തോടെ ആ വക പ്രഖ്യാപനങ്ങള്‍ സ്വീകരിക്കണമെന്നില്ല. കാരണം, ഇതിനകം വിഭജിക്കപ്പെട്ട മുസ്ലിം വോട്ടിന്‍െറ ശിഥിലീകരണത്തിന് ആക്കം കൂട്ടാനേ അത് സഹായകരമാകൂയെന്ന് മാത്രമല്ല, ഹിന്ദുത്വവിരുദ്ധരായ ഭൂരിപക്ഷസമുദായാംഗങ്ങളെപോലും അവരിലേക്ക് അടുപ്പിക്കുന്ന ശക്തമായ ധ്രുവീകരണ പ്രക്രിയക്ക് വഴിവെക്കാനും അത് ഇടവരുത്തിയേക്കാം. മഹാരാഷ്ട്രയില്‍ ചുരുങ്ങിയ 13 മണ്ഡലങ്ങളില്‍ കോണ്‍ഗ്രസിന്‍െറ ജയം തട്ടിത്തെറിപ്പിച്ചത് മജ്ലിസിന്‍െറ സാന്നിധ്യമാണ്. ഹിന്ദുവോട്ടിന്‍െറ ഏകീകരണത്തെക്കാള്‍ മുസ്ലിം വോട്ടിന്‍െറ വിഭജനമാണ് കാവിരാഷ്ട്രീയത്തിന് എന്നും അനുകൂലമായി ഭവിക്കാറ്. കഴിഞ്ഞ പൊതുതെരഞ്ഞെടുപ്പില്‍ ഉത്തര്‍പ്രദേശിലെ 50 മണ്ഡലങ്ങളിലെങ്കിലും ബി.ജെ.പിയുടെ വിജയം സുനിശ്ചിതമാക്കിയത് മുസ്ലിം വോട്ട് കോണ്‍ഗ്രസിനും സമാജ്വാദി പാര്‍ട്ടിക്കും ബി.എസ്.പിക്കുമിടയില്‍ ചിന്നിച്ചിതറിയതാണ്. സെക്കുലര്‍ പാര്‍ട്ടികള്‍ മാത്രം തെരഞ്ഞെടുക്കപ്പെടാറുള്ള മുസ്ലിം കേന്ദ്രീകൃത മേഖലയായ രാംപൂരിലും ഷഹറാന്‍പൂരിലും താമര വിരിഞ്ഞത് ഹിന്ദുത്വം വളര്‍ന്നതുകൊണ്ട് മാത്രമായിരുന്നില്ല. പശ്ചിമ ബംഗാളിലെ ജാംഗപൂര്‍ ലോക്സഭാ മണ്ഡലത്തില്‍ 2012ല്‍ നടന്ന ഉപതെരഞ്ഞെടുപ്പ് ഫലം വന്നപ്പോള്‍ രാഷ്ട്രപതി പ്രണബ് മുഖര്‍ജിയുടെ പുത്രന്‍ അഭിജിത് കഷ്ടിച്ചാണ് രക്ഷപ്പെട്ടത്; 2,500 വോട്ടിന്. മത്സരരംഗത്തുണ്ടായിരുന്ന വെല്‍ഫെയര്‍ പാര്‍ട്ടി 41,620വോട്ടും എസ്.ഡി.പി.ഐ 24,691വോട്ടും പിടിച്ചിരുന്നു. ന്യൂനപക്ഷങ്ങളുടെ വോട്ട് ജയപരാജയങ്ങള്‍ നിര്‍ണയിക്കുന്നതില്‍ നിസ്സാരമല്ലാത്ത പങ്ക് വഹിക്കുന്നുണ്ടെന്നും കാവിരാഷ്ട്രീയത്തിന്‍െറ കടന്നുകയറ്റം ഭയന്ന് അവര്‍ തങ്ങളുടെ ചിഹ്നത്തില്‍ കണ്ണുംപൂട്ടി കുത്തുമെന്നും പ്രതീക്ഷിക്കേണ്ടതില്ല എന്ന വ്യക്തമായ മുന്നറിയിപ്പ് മതേതര മുദ്ര ചൂടി നടക്കുന്ന പാര്‍ട്ടികള്‍ക്ക് മജ്ലിസിന്‍െറ മുന്നേറ്റം കൈമാറുന്നുണ്ട്. ദേശീയപാര്‍ട്ടികളിലുള്ള വിശ്വാസം പൂര്‍ണമായി തകരുമ്പോള്‍ സ്വന്തം ‘അസ്മിത’യില്‍ അഭയം തേടുന്ന ന്യൂനപക്ഷങ്ങളും ദലിതുകളും മറ്റു ദുര്‍ബലവിഭാഗങ്ങളും ഏത് പരീക്ഷണത്തിനും നിന്നുകൊടുക്കുമെന്നാണ് മുംബൈ തെളിയിച്ചിരിക്കുന്നത്. അസമിലെ ഓള്‍ ഇന്ത്യ യുനൈറ്റഡ് ഫ്രണ്ടും കശ്മീരിലെ നാഷനല്‍ കോണ്‍ഫറന്‍സും പി.ഡി.പിയുമെല്ലാം ഇറങ്ങിക്കളിക്കുന്ന ഗോദയിലേക്കാണ് കൂടുതല്‍ സന്നാഹങ്ങളോടെ മജ്ലിസെ ഇത്തിഹാദുല്‍ മുസ്ലിമീനും കടന്നുവന്നിരിക്കുന്നത്. തമിഴ്നാട്ടില്‍ മുസ്ലിംലീഗിന്‍െറയും നാഷനല്‍ ലീഗിന്‍െറയും തകര്‍ച്ച സൃഷ്ടിച്ച വിടവിലേക്ക് കയറിവന്ന തമിഴ്നാട് മുസ്ലിം മുന്നേറ്റ കഴകവും തമിഴ്നാട് തൗഹീദ് ജമാഅത്തുമൊക്കെ പ്രതിനിധാനം ചെയ്യുന്ന ആത്യന്തിക സാമുദായിക രാഷ്ട്രീയം ക്ഷണിച്ചുവരുത്തുന്ന ഭവിഷ്യത്ത് തന്നെയാവും മജ്ലിസും സമുദായത്തിന് സമ്മാനിക്കാന്‍ പോകുന്നത്. വേരാഴ്ത്താന്‍ നനവ് തേടുന്ന ഹിന്ദുത്വരാഷ്ട്രീയത്തിന് അനുകൂലമായ കാലാവസ്ഥ സൃഷ്ടിക്കുന്നതില്‍ പുതുതായി രൂപം കൊണ്ട ചില കൂട്ടായ്മകള്‍ നിസ്സാരമല്ലാത്ത പങ്ക് വഹിക്കുന്നുണ്ട്. ഖാഇദെ മില്ലത്ത് ഇസ്മാഈല്‍ സാഹിബും അദ്ദേഹത്തിന്‍െറ ശിഷ്യന്മാരായ എം.എ. അബ്ദുസ്സമദും എം.എ. ലത്തീഫും പ്രതിനിധാനം ചെയ്ത സഹവര്‍ത്തിത്വത്തിന്‍െറ രാഷ്ട്രീയത്തിനു പകരം സമുദായസ്വത്വത്തിന്‍െറ ഇടുങ്ങിയ ചക്രവാളത്തില്‍ ചുറ്റിക്കറങ്ങുന്ന സങ്കുചിത രാഷ്ട്രീയമാണ് എം.എച്ച്. ജവാഹിറുല്ലയും പി. സൈനുല്‍ ആബിദീനും എസ്.എം. ബക്കറുമൊക്കെ പിന്തുടരുന്നത്. സമന്വയത്തിന്‍െറ പാരമ്പര്യം കൈയേല്‍ക്കാന്‍ കെല്‍പുള്ള പിന്‍ഗാമികളെ സൃഷ്ടിക്കുന്നതില്‍ ലീഗ്-ഐ.എന്‍.എല്‍ നേതാക്കള്‍ പരാജയപ്പെട്ടതാണ് ദാരുണമായ ഈ അവസ്ഥാവിശേഷത്തിന് കാരണം. പക്ഷേ, ന്യൂനപക്ഷങ്ങളിലെ പുതുതലമുറയോട് കാലം ആവശ്യപ്പെടുന്നത് ബുദ്ധിപൂര്‍വമായ കാല്‍വെപ്പാണ്. വാ പിളര്‍ന്ന് കാത്തുനില്‍ക്കുന്ന വര്‍ഗീയ ഫാഷിസ്റ്റ് ശക്തികള്‍ക്ക് മുന്നില്‍ പിടിച്ചുനില്‍ക്കാന്‍ തല പൂഴിയില്‍ പൂഴ്ത്തിയത് കൊണ്ടോ അന്യോന്യം കെട്ടിപ്പിടിച്ചു കരഞ്ഞത് കൊണ്ടോ ആയില്ല. വേണ്ടത് സൗഹാര്‍ദത്തിലും സഹവര്‍ത്തിത്വത്തിലും വിശ്വസിക്കുന്ന അവസാനത്തെ മനുഷ്യനെയും കണ്ണി ചേര്‍ത്തുകൊണ്ടുള്ള പ്രതിരോധമാണ്. ഭേദപ്പെട്ട തൊമ്മനെ കൂട്ടുപിടിച്ച്, അത്തരമൊരു പ്രതിരോധനിര പടുത്തുയര്‍ത്തുന്നതില്‍ മജ്ലിസിനെ പോലുള്ള പാര്‍ട്ടികള്‍ കടമ്പയായി മാറില്ളെന്ന് ആര്‍ക്ക് ഗാരണ്ടി നല്‍കാനാകും?  |
| അവര്‍ മുഴക്കോല്‍ കൈയിലെടുത്തിട്ട് 25 വര്‍ഷം Posted: 25 Oct 2014 06:40 PM PDT Image:  കോട്ടയം: പുരുഷന്മാരുടെ കുത്തക തകര്‍ത്ത് ഒരുപറ്റം സ്ത്രീകള്‍ മേസ്തിരിക്കുപ്പായം ഇട്ടിട്ട് 25 വര്‍ഷം തികയുന്നു. മുഴക്കോല്‍ കൈയിലെടുത്ത് കെട്ടിടങ്ങളും വീടുകളും നിര്‍മിക്കാന്‍ കഴിയുമെന്ന് തെളിയിച്ച അവര്‍ കോട്ടയത്ത് രജതജൂബിലി ആഘോഷത്തിനായി ഒത്തുകൂടുന്നു. കോട്ടയം കേന്ദ്രമായി പ്രവര്‍ത്തിക്കുന്ന വനിതാ മേസ്തിരി പ്രസ്ഥാനമാണ് പുതുചരിത്രമെഴുതുന്നത്. സഹായികളെന്ന നിലയില്‍നിന്ന് കരാറുകള്‍ ഏറ്റെടുത്ത് സ്വയം നിര്‍മിച്ചു നല്‍കുന്ന നിലയിലത്തെിയിരിക്കുകയാണ് ഈ സ്ത്രീകൂട്ടായ്മ.  |
| Posted: 25 Oct 2014 06:37 PM PDT Image:  രാഷ്ട്രീയ സ്വയംസേവകര്‍ മുഖ്യമന്ത്രിമാരായി വരുമ്പോള്‍ ജനസേവനം കൂടിയ അളവില്‍ ഉണ്ടാവുമോ എന്നറിയാന്‍ നമുക്കിനി ഹരിയാന മുഖ്യമന്ത്രി മനോഹര്‍ലാല്‍ ഖട്ടറിന്‍െറ ഭരണത്തെ വിശകലന വിധേയമാക്കിയാല്‍ മതിയാവും. സംസ്ഥാനത്തിന്‍െറ ആദ്യ ബി.ജെ.പി മുഖ്യമന്ത്രിയാണ്. കഴിഞ്ഞ പതിനെട്ടുവര്‍ഷക്കാലത്തിനിടയില്‍ ജാട്ടുകാരനല്ലാത്ത ആദ്യ മുഖ്യമന്ത്രി. ഈ കസേരയില്‍ ഇരിക്കുന്ന ഇരുപതാമന്‍. ഈ പ്രചാരകന്‍ എന്തൊക്കെ കാര്യങ്ങളായിരിക്കും സംസ്ഥാനത്ത് പ്രചരിപ്പിക്കുക എന്നതിന് ചില സൂചനകള്‍ തെരഞ്ഞെടുപ്പു പ്രചാരണകാലത്തു തന്നെ നമുക്കു കിട്ടിയിട്ടുണ്ട്. ഖാപ്പ് പഞ്ചായത്തുകള്‍ ഇന്ത്യയുടെ പാരമ്പര്യമാണ് എന്നാണ് പ്രചാരകന്‍ പ്രചരിപ്പിച്ചത്. അതായത് ഉന്നതജാതിക്കാരായ ഗ്രാമത്തലവന്മാരും ശിങ്കിടികളുമടങ്ങുന്ന നാട്ടുക്കൂട്ടത്തിന്‍െറ വിചാരണയിലൂടെ ഗ്രാമങ്ങളില്‍ ഏത് കാട്ടുനീതിയും നടപ്പാക്കാം. ഇന്ത്യയുടെ പാരമ്പര്യവും സംസ്കാരവുമാണത്രെ അവര്‍ നടപ്പാക്കുന്നത്. അതുകൊണ്ട് അവര്‍ക്ക് പ്രചാരകമുഖ്യന്‍െറ പൂര്‍ണ പിന്തുണയുണ്ട്. അന്യജാതിക്കാരനെ പ്രണയിച്ച് ഒളിച്ചോടിയ പെണ്‍കുട്ടിയെ തെരഞ്ഞുപിടിച്ച് ബലാത്സംഗം ചെയ്യാന്‍ ഉത്തരവിട്ട ഖാപ്പ് പഞ്ചായത്തുകളുണ്ട് ഉത്തരേന്ത്യയില്‍. ഈ കംഗാരു കോടതികളുടെ തലവന്മാര്‍ക്ക് രണ്ടു പാര്‍ട്ടി ടിക്കറ്റുകളാണ് കഴിഞ്ഞ ഹരിയാന തെരഞ്ഞെടുപ്പില്‍ ബി.ജെ.പി നല്‍കിയത്. ഇന്ത്യയെ ഇരുണ്ട നൂറ്റാണ്ടിലേക്കു തിരിച്ചുവിളിക്കുന്ന, ഫ്യൂഡല്‍ മൂല്യബോധത്തിലേക്ക് പുനരാനയിക്കുന്ന പ്രചാരകന്‍മാര്‍ ഇനിയും വരും മുഖ്യമന്ത്രിമാരായും മന്ത്രിമാരായുമെല്ലാം. പെണ്‍കുട്ടികള്‍ നന്നായി വസ്ത്രം ധരിക്കാത്തതുകൊണ്ടാണ് ഇന്ത്യയില്‍ ബലാത്സംഗങ്ങളുണ്ടാവുന്നത് എന്ന അഭിപ്രായക്കാരനാണ്. നല്ല പെണ്ണുടലുകള്‍ കണ്ടാല്‍ ആണുങ്ങള്‍ പ്രലോഭിപ്പിക്കപ്പെടുമെന്നും അതിന് അവരെ കുറ്റം പറയാനാവില്ളെന്നും പറയുന്ന ആണ്‍കോയ്മയുടെ പതിവു പല്ലവി തന്നെ. ഹരിയാനയിലെ പെണ്‍കുട്ടികള്‍ക്ക് ഈ പ്രചാരകന്‍െറ കീഴില്‍ എത്രമാത്രം നീതികിട്ടുമെന്ന് കണ്ടുതന്നെ അറിയണം. എല്ലാ അധികാരങ്ങളും തന്നിലേക്കു കേന്ദ്രീകരിക്കുന്നതാണ് മോദിയുടെ മിടുക്ക്. മോദിയും അമിത് ഷായും ചേര്‍ന്ന് ബി.ജെ.പിയെ കൈപ്പിടിയിലൊതുക്കിയതിന്‍െറ മറ്റൊരു തുടര്‍ച്ച ഖട്ടറിന്‍െറ നിയമനത്തിലും കാണാം. ആനന്ദിബെന്‍ പട്ടേലിന്‍െറ നിയമനത്തില്‍ നേരത്തെ നാമത് കണ്ടു. അമിത്ഷായെയും ആനന്ദിബെന്നിനെയും പോലെ ഖട്ടറും മോദിയുടെ സ്വന്തക്കാരന്‍. വിശ്വസ്തന്‍. ഇരുപതോളം കൊല്ലത്തെ അടുപ്പമുണ്ട് മോദിയും ഖട്ടറും തമ്മില്‍. 1996ല്‍ മോദിക്ക് ഹരിയാനയുടെ ചുമതലയുണ്ടായിരുന്ന കാലത്തു തുടങ്ങിയ ബന്ധമാണ്. രണ്ടുപേരും ആര്‍.എസ്.എസ് പ്രചാരകുമാര്‍. രാഷ്ട്രത്തെ സേവിക്കുകയല്ലാതെ വേറെ ലക്ഷ്യങ്ങളൊന്നുമില്ലാത്തവര്‍. ഒരുപാടുകാലം ഒരേ മുറിയും ഭക്ഷണവും പങ്കിട്ടവര്‍. ലോക്സഭാ തെരഞ്ഞെടുപ്പില്‍ പാര്‍ട്ടിയുടെ ഹരിയാന പ്രചാരണ സമിതി ചെയര്‍മാനായിരുന്നു ഖട്ടര്‍. പത്തില്‍ ഏഴു സീറ്റും പിടിച്ചു. പിന്നീടുവന്ന നിയമസഭാ തെരഞ്ഞെടുപ്പില്‍ 90ല്‍ 47 ഉം നേടി. ഉത്തര്‍പ്രദേശിലെ വാരാണസിയില്‍ മോദിയുടെ വിജയത്തിനായി പ്രവര്‍ത്തിച്ച ഖട്ടര്‍ക്ക് അമ്പത് വാര്‍ഡുകളുടെ ചുമതലയുണ്ടായിരുന്നു അവിടെ. മോദി നേരത്തെയും ഖട്ടര്‍ക്ക് വലിയ ദൗത്യങ്ങള്‍ ഏല്‍പിച്ചു കൊടുത്തിട്ടുണ്ട്. 2001ല്‍ കൊടുത്തത് കച്ച് മേഖലയിലെ പാര്‍ട്ടിയുടെ പ്രചാരണച്ചുമതല. ഭുജിലെ ഭൂമികുലുക്കത്തെ തുടര്‍ന്ന് തകര്‍ന്ന് തരിപ്പണമായ മേഖലയില്‍ പാര്‍ട്ടി കെട്ടിപ്പടുക്കുക ദുഷ്കരമായ ദൗത്യമായിരുന്നു. ഖട്ടറിന്‍െറ പ്രചാരണതന്ത്രത്തില്‍ കച്ച് ജില്ലയിലെ ആറു സീറ്റില്‍ മൂന്നും ബി.ജെ.പി നേടി. ഛത്തിസ്ഗഢ് എന്ന സംസ്ഥാനം സൃഷ്ടിക്കപ്പെട്ടപ്പോള്‍ പാര്‍ട്ടി നേതൃത്വം ഈ പ്രചാരകനെ അവിടേക്കു വിട്ടു. പരമ്പരാഗതമായി കോണ്‍ഗ്രസിന്‍െറ ശക്തികേന്ദ്രമായ ബസ്തറില്‍ ഖട്ടര്‍ പാര്‍ട്ടിക്ക് വളക്കൂറുള്ള മണ്ണൊരുക്കി. 12ല്‍ പത്തും ബി.ജെ.പിക്ക് കിട്ടി. സംസ്ഥാനത്ത് ബി.ജെ.പിയെ അധികാരത്തിലത്തെിച്ചതില്‍ ഈ പ്രചാരകിനുള്ള പങ്കു ചെറുതല്ല. 2004ല്‍ ഡല്‍ഹിയും രാജസ്ഥാനുമുള്‍പ്പെടെയുള്ള 12 സംസ്ഥാനങ്ങളുടെ ചുമതല ഖട്ടറിനായിരുന്നു. ജമ്മു കശ്മീര്‍, പഞ്ചാബ്, ഹരിയാന, ഛത്തിസ്ഗഢ്, ഹിമാചല്‍ പ്രദേശ് എന്നീ അഞ്ചു സംസ്ഥാനങ്ങളുടെ ചുമതലയുള്ള മേഖലാ സംഘടന്‍ മഹാമന്ത്രിയായിരുന്നിട്ടുണ്ട്. അക്കാലത്താണ് കശ്മീരിന്‍െറ ചരിത്രത്തിലാദ്യമായി അവിടെ ബി.ജെ.പിക്ക് 11 സീറ്റു നേടാനായത്. ചുവടുകള്‍ പിഴക്കാത്ത തന്ത്രജ്ഞനാണ്. പക്ഷേ, ഇതാദ്യമായാണ് തെരഞ്ഞെടുപ്പില്‍ മത്സരിക്കുന്നത്. കര്‍ണാല്‍ ആയിരുന്നു മണ്ഡലം. മോദി ഹരിയാനയിലെ പ്രചാരണം തുടങ്ങിയത് പ്രിയപ്പെട്ട പ്രചാരകന്‍െറ ഈ മണ്ഡലത്തില്‍നിന്നാണ്. മോദിയുമായി പല തരത്തിലുണ്ട് സാദൃശ്യങ്ങള്‍. ആദ്യമായി തെരഞ്ഞെടുപ്പില്‍ ജയിച്ച് മുഖ്യമന്ത്രിയാവുന്ന മോദിക്കുശേഷമുള്ള വ്യക്തിയാണ്. ഇരുവര്‍ക്കും അതിനു മുമ്പ് നിയമസഭാപരിചയമോ ഭരണപരിചയമോ ഇല്ല. ഇരുവരും പൊതുജീവിതം തുടങ്ങിയത് ആര്‍.എസ്.എസിലൂടെയാണ്. ഇരുവരും ബ്രഹ്മചര്യം പിന്തുടരുന്നവര്‍. ഇരുവരുടെയും പിതാക്കന്മാര്‍ കടയുടമകളായിരുന്നു. മോദിയെ മുഖ്യമന്ത്രിയായി നിയമിച്ചത് ഗുജറാത്തിലെ നേതാക്കള്‍ക്ക് പിടിച്ചിരുന്നില്ല. അന്ന് കേന്ദ്രനേതൃത്വമാണ് (പ്രധാനമായും അദ്വാനി) മോദിയെ നിയമിച്ചത്. പഞ്ചാബിസമുദായത്തില്‍നിന്നുള്ള, നാട്ടില്‍ സ്വാധീനമില്ലാത്ത ഖട്ടറിനെ മുഖ്യമന്ത്രിയാക്കാന്‍ ഹരിയാനയിലെ നേതാക്കള്‍ക്കും താല്‍പര്യമില്ലായിരുന്നു. മോദിയും അമിത് ഷായും ചേര്‍ന്ന കേന്ദ്ര നേതൃത്വമാണ് ഖട്ടറിനെ മുഖ്യനാക്കിയത്. ഇരുവരും വളരെ താഴ്ന്ന കുടുംബപശ്ചാത്തലത്തില്‍നിന്നും ഉന്നതങ്ങളിലത്തെിയവര്‍. 1954 മേയ് അഞ്ചിന് ഹരിയാനയിലെ റോത്തക് ജില്ലയിലെ മഹാം തെഹ്സില്‍ ഗ്രാമത്തില്‍ ജനനം. വിഭജനകാലത്ത് ഇന്ത്യയിലേക്കു കുടിയേറിയ പഞ്ചാബിയായിരുന്നു പിതാവ് ഹര്‍ബന്‍സ് ലാല്‍ ഖട്ടര്‍. കൂലിപ്പണിയെടുത്തു കട തുടങ്ങിയ ഹര്‍ബന്‍സ് ലാല്‍ പിന്നീട് ബന്യനി ഗ്രാമത്തില്‍ കുറച്ച് കൃഷിഭൂമി വാങ്ങി. മകന്‍ കൂടുതലൊന്നും പഠിക്കണമെന്ന് പിതാവിന് ആഗ്രഹമുണ്ടായിരുന്നില്ല. പക്ഷേ, മനോഹര്‍ലാലിന് ആഗ്രഹമുണ്ടായിരുന്നു, ഡോക്ടറാവാന്‍. അമ്മയില്‍നിന്ന് പണം കടംവാങ്ങി റോത്തക്കില്‍നിന്ന് ഹൈസ്കൂള്‍ പഠനം പൂര്‍ത്തിയാക്കി. മെഡിക്കല്‍ പ്രവേശന പരീക്ഷക്ക് തയാറെടുക്കാന്‍ ഡല്‍ഹിയിലത്തെി. ബന്ധുക്കള്‍ക്കൊപ്പമായിരുന്നു താമസം. സദര്‍ ബസാറില്‍ അവര്‍ക്ക് തുണിക്കച്ചവടമുണ്ടായിരുന്നു. ഡോക്ടറാവാന്‍ പിന്നെയും അഞ്ചെട്ടുകൊല്ലം പഠിക്കേണ്ടതിനാല്‍ ആദ്യം ബിസിനസ് ചെയ്യാം എന്ന തീരുമാനത്തിലത്തെി. അങ്ങനെ പിതാവില്‍നിന്നു കടം വാങ്ങിയ പണംകൊണ്ട് സദര്‍ ബസാറില്‍ തുണിക്കട തുടങ്ങി. അവിടെനിന്നു കിട്ടിയ ലാഭം കൊണ്ടു വൈകാതെ തന്നെ ആ കടം തീര്‍ത്തു. ഇളയ സഹോദരിയെ വിവാഹം കഴിപ്പിച്ചയച്ചു. അതിനിടയില്‍ ഡല്‍ഹി യൂനിവേഴ്സിറ്റിയില്‍നിന്ന് ബിരുദം നേടി. അവിടെനിന്നാണ് ആര്‍.എസ്.എസിനെക്കുറിച്ച് ആദ്യമായി കേള്‍ക്കുന്നത്. 24ാം വയസ്സില്‍ 1977ല്‍ ആര്‍.എസ്.എസില്‍ ചേര്‍ന്നു. 1979ല്‍ അലഹബാദിലെ പ്രയാഗില്‍ ചേര്‍ന്ന വിശ്വഹിന്ദു പരിഷത്ത് സമാഗമില്‍ നിരവധി സന്യാസിമാരും ആര്‍.എസ്.എസ് പ്രവര്‍ത്തകരുമായി അടുത്തിടപഴകി. തുടര്‍ന്ന് ത്രിവേണിദര്‍ശനത്തിനു പോയി. അവിടെനിന്നാണ് മുഴുവന്‍ സമയ സ്വയംസേവകനാവാന്‍ തീരുമാനമെടുക്കുന്നത്. അവിവാഹിതനായി തുടരാനുള്ള ആഗ്രഹത്തെ അമ്മ എതിര്‍ത്തെങ്കിലും ആ നിശ്ചയദാര്‍ഢ്യത്തിനു മുന്നില്‍ അവര്‍ക്കു മുട്ടുമടക്കേണ്ടിവന്നു. പതിനാലുവര്‍ഷം പ്രചാരക് ആയി പ്രവര്‍ത്തിച്ചതിനുശേഷമാണ് ബി.ജെ.പിയില്‍ എത്തുന്നത്. നല്ല ഒരു പാചകക്കാരനാണ്. മോദിക്ക് ഇടക്ക് കിച്ചടിയുണ്ടാക്കിക്കൊടുക്കാറുണ്ടായിരുന്നു. മോദി തിരിച്ച് കമ്പ്യൂട്ടര്‍ ഉപയോഗിക്കാനും പഠിപ്പിച്ചു. ഈ കൊടുക്കല്‍ വാങ്ങലുകളാണ് ഇനി ഹരിയാനയും കേന്ദ്രവും തമ്മില്‍ നടക്കാനിരിക്കുന്നത്.  |
| 56 ഇഞ്ചിന്‍െറ ചില അളവെടുപ്പുകള്‍ Posted: 25 Oct 2014 06:32 PM PDT Image:  56 ഇഞ്ച് നെഞ്ചളവുള്ള രാഷ്ട്രീയ കൗശലം എങ്ങനെ നേരിടുമെന്നതാണ് ദേശീയതലത്തില്‍ പ്രതിപക്ഷത്തിന്‍െറ മുഖ്യ പ്രശ്നം. പദവിയില്ലാതെ മുഖ്യപ്രതിപക്ഷമെന്ന ബഹുമതി ചുമന്നു നാണംകെടുന്ന കോണ്‍ഗ്രസ് ഈ പ്രശ്നത്തിന് ഉത്തരം കാണുമെന്ന പ്രതീക്ഷക്ക് ഒട്ടും തിളക്കമില്ല. നരേന്ദ്ര മോദിയെ നേരിടുന്ന രാഷ്ട്രീയത്തില്‍ കഴിഞ്ഞ അഞ്ചു മാസത്തിനിടയില്‍ കോണ്‍ഗ്രസില്‍ നിന്ന് കൊള്ളാവുന്ന ഒരു പ്രസ്താവനയെങ്കിലും ഉണ്ടായത് പാകിസ്താന്‍ ജമ്മു അതിര്‍ത്തിയില്‍ സംഘര്‍ഷം സൃഷ്ടിച്ചു തുടങ്ങിയപ്പോഴാണ്. പാകിസ്താനോട് എന്തുവേണമെന്ന് പതറി നിന്ന മോദിയുടെ നെഞ്ചളവ് 56 അല്ല 5.6 ഇഞ്ച് മാത്രമാണെന്നാണ് കോണ്‍ഗ്രസ് വക്താവ് അഭിഷേക് സിങ്വി പരിഹസിച്ചത്. അതേതായാലും 0.56 നെഞ്ചളവ് മാത്രമുള്ള ഒരാളെ 10 കൊല്ലം പ്രധാനമന്ത്രിക്കസേരയില്‍ ഇരുത്തി നടത്തിയ പടയോട്ടത്തിന്‍െറ കെടുതി കോണ്‍ഗ്രസ് മാത്രമല്ല, മതേതര-ജനാധിപത്യ ചേരിക്കാര്‍ ഒന്നാകെ അനുഭവിക്കുന്നു എന്ന യാഥാര്‍ഥ്യം ബാക്കി.
സ്വാതന്ത്ര്യം കിട്ടി പലപ്പോഴായി നാലഞ്ചു പതിറ്റാണ്ട് അധികാരത്തിലിരുന്ന കോണ്‍ഗ്രസ് ഇക്കാലംകൊണ്ട് ആസൂത്രിതമായി ഒരുക്കിയെടുത്ത ബിംബകല്‍പനകള്‍ വരെയാണ് അഞ്ചു മാസത്തിനിടയില്‍ നരേന്ദ്ര മോദി തട്ടിത്തെറിപ്പിച്ചു തുടങ്ങിയിരിക്കുന്നത്. ഗോദ്സെയുടെ വെടികൊണ്ട രാഷ്ട്രപിതാവിനെ വാഴ്ത്തി അംഗീകരിച്ചാണ് ‘കോണ്‍ഗ്രസ്മുക്ത ഭാരത’മെന്ന പരിപാടിക്ക് നരേന്ദ്ര മോദി തുടക്കമിട്ടത്. ഗാന്ധി ഗുജറാത്തുകാരന്‍ മാത്രമല്ല; കാലാതീതനുമാണ്. തിരസ്കരിക്കാന്‍ നോക്കിയിട്ടു കാര്യമില്ലാത്തതിനെ ഉള്‍ക്കൊണ്ടു മുന്നോട്ടു പോകുന്നതാണ് രാഷ്ട്രീയ തന്ത്രജ്ഞതയെന്നാണ് പ്രധാനമന്ത്രിപദത്തിലിരിക്കുന്ന മോദി തിരിച്ചറിയുന്നത്. എന്തിനധികം? ജന്‍ ധന്‍ പദ്ധതി നടപ്പാക്കിയിട്ടു പോലും പാര്‍ട്ടിക്ക് അക്കൗണ്ട് തുറക്കാന്‍ കഴിയാത്ത കേരളത്തിലെ ബി.ജെ.പി നേതാക്കള്‍ വരെ അത് ഇപ്പോള്‍ മനസ്സിലാക്കുന്നു. ഗോദ്സെക്ക് ഉന്നംതെറ്റിപ്പോയെന്ന് നെഹ്റുവിനെ ചൂണ്ടി ബി. ഗോപാലകൃഷ്ണന്‍ വിളിച്ചുപറഞ്ഞു പോകുന്നത് മോദിതന്ത്രം കണ്ടിട്ടുണ്ടായ ആവേശത്തള്ളിച്ചകൊണ്ടാണ്. നെഹ്റുവിനെ കിട്ടിയില്ളെങ്കില്‍ ഇന്ദിരയെ പിടികൂടുക എന്നതാണ് സ്വീകരിക്കാന്‍ കഴിയുന്ന ഒരു വഴി. ഗാന്ധിജി ഒഴികെയുള്ള ദേശീയ നേതാക്കളുടെ ജനന-മരണ ദിനങ്ങളില്‍ ആഘോഷ-ആചാരാദികള്‍ സര്‍ക്കാര്‍ ചെലവില്‍ വേണ്ടതില്ളെന്ന് കേന്ദ്രമന്ത്രിസഭ അടുത്തിടെ തീരുമാനിച്ചത് അങ്ങനെയാണ്. യു.പി.എ സര്‍ക്കാര്‍ ഇന്ദിര ഗാന്ധിയുടെ രക്തസാക്ഷിത്വ ദിനമായാണ് ഒക്ടോബര്‍ 31 ആചരിച്ചുവന്നതെങ്കില്‍, ഇനി ആ ദിനം ആഘോഷവേളയാണ്. സംസ്ഥാനങ്ങള്‍ കൂട്ടിച്ചേര്‍ക്കുന്നതിന് കരുത്തനായി നിന്ന സര്‍ദാര്‍ വല്ലഭ്ഭായ് പട്ടേലിന്‍െറ ജന്മദിനമെന്ന നിലയിലാണ് ആ ദിനം ആഘോഷത്തിന്‍െറ സന്ദര്‍ഭമായി മാറുന്നത്. ശുചിത്വപരിപാടിയിലൂടെയാണ് ഗാന്ധിജയന്തി ആഘോഷങ്ങള്‍ക്ക് തുടക്കമിടുന്നതെങ്കില്‍, സര്‍ദാര്‍ പട്ടേലിന്‍െറ ജന്മദിനം ദേശീയ ഏകതാ ദിനമായിരിക്കും. ആദ്യത്തെ ഏകതാദിനത്തില്‍ മോദി പങ്കെടുക്കുന്ന കൂട്ടയോട്ടമായിരിക്കും ആകര്‍ഷക ഐറ്റം. ഗാന്ധിജയന്തി-ശുചിത്വ പരിപാടികളുടെ പ്രചാരണത്തിന് തുടക്കമിടുന്നത്, ആര്‍.എസ്.എസിന് അത്രമേല്‍ വേണ്ടപ്പെട്ട പണ്ഡിറ്റ് ദീനദയാല്‍ ഉപാധ്യായയുടെ ഒരാഴ്ച മുമ്പത്തെ ജന്മവാര്‍ഷികദിനത്തിലായിരിക്കും. ഗോദ്സെ ഉന്നംമാറി വെടിവെച്ച് ഗാന്ധി മരിക്കാനിടയായ ജനുവരി 30 എങ്ങനെ ആചരിക്കണമെന്ന് ഇനിയും തീരുമാനിച്ചിട്ടില്ല! കുറച്ചങ്ങോട്ടു ചെല്ലുമ്പോള്‍ ഗാന്ധിയും പട്ടേലും മോദിയുമല്ലാതെ മറ്റാരും ചിത്രത്തിലില്ലാത്തവിധം ചരിത്രപരമായ മാറ്റങ്ങള്‍ മാത്രമല്ല, വര്‍ത്തമാനകാല മാറ്റങ്ങളും കോണ്‍ഗ്രസാദി പ്രതിപക്ഷ പാര്‍ട്ടികള്‍ക്കെതിരെ നടപ്പാക്കി വരുന്നുണ്ട്. ആദ്യപ്രധാനമന്ത്രി നെഹ്റുവിന്‍െറ 125ാം ജന്മവാര്‍ഷികം ആഘോഷിക്കാന്‍ ബി. ഗോപാലകൃഷ്ണന്‍ അറിയാതെ കേന്ദ്രസര്‍ക്കാര്‍ കമ്മിറ്റി ഉണ്ടാക്കിയിട്ടുണ്ട്. അതില്‍ പക്ഷേ, നെഹ്റുവിന്‍െറ കുടുംബ പരമ്പരകളെ കൂട്ടത്തോടെ ഒഴിവാക്കി. സോണിയയും രാഹുലും പ്രിയങ്കയുമൊക്കെ ഒൗട്ട്. ജൂബിലിയാഘോഷ സംഖ്യാശാസ്ത്ര പ്രകാരം 125 കഴിഞ്ഞാല്‍ 150 ആകുന്നതു വരെ നെഹ്റുവും ഒൗട്ട്. സഖ്യകക്ഷിയാകാന്‍ സാധ്യതയില്ലാത്ത ആര്‍.എല്‍.ഡി നേതാവ് അജിത് സിങ്ങിന്‍െറ പിതാവും മുന്‍പ്രധാനമന്ത്രിയുമായ ചൗധരി ചരണ്‍ സിങ്ങിനടക്കം ഒറ്റയാള്‍ക്കും സ്മാരകമുണ്ടാക്കാന്‍ ഡല്‍ഹിയിലെ സര്‍ക്കാര്‍ ബംഗ്ളാവുകള്‍ അനുവദിക്കേണ്ട എന്ന് തീരുമാനിച്ചിട്ടുണ്ട്. വയലാര്‍ രവിയുടെ മകനടക്കം, മുതിര്‍ന്ന കോണ്‍ഗ്രസ് നേതാക്കളുടെ ഉറ്റബന്ധുക്കള്‍ക്കെതിരെ സി.ബി.ഐ അന്വേഷണം, മമത ബാനര്‍ജി മുഖ്യമന്ത്രിയായിരിക്കുന്ന പശ്ചിമ ബംഗാളില്‍ ബര്‍ദ്വാന്‍ സ്ഫോടനക്കേസില്‍ എന്‍.ഐ.എ അന്വേഷണം, റോബര്‍ട്ട് വാദ്രയുടെ അവിഹിത സമ്പാദ്യത്തെക്കുറിച്ച് ഹരിയാന സര്‍ക്കാറിന്‍െറ അന്വേഷണം എന്നിങ്ങനെ പല വഴികളില്‍ ഭരണസൗകര്യങ്ങള്‍ പ്രതികാരബുദ്ധ്യാ നീങ്ങിത്തുടങ്ങിയിട്ടുണ്ട്. ഒന്നിലും ഒറ്റനോട്ടത്തില്‍ അപാകത ആരോപിക്കാന്‍ കഴിയാത്ത വിധത്തിലാണ് ഭരണകൗശലം പുരോഗമിക്കുന്നത്. ഇതിനെയൊക്കെ ഫലപ്രദമായി നേരിടണമെങ്കില്‍ ‘ഹൈകമാന്‍ഡായ’ സോണിയ ഗാന്ധിയും രാഹുല്‍ ഗാന്ധിയും പാര്‍ട്ടിപ്രവര്‍ത്തകരോടും പൊതുജനത്തോടും ഇടക്കിടെ മിണ്ടണമെന്നാണ് മുന്‍ ധനമന്ത്രി പി. ചിദംബരം ഉപദേശിക്കുന്നത്. ഉപദേശികളാണ് കോണ്‍ഗ്രസിനെ ഇപ്പരുവത്തിലാക്കിയതെന്ന് മലയാളിത്തമുള്ള ഉപദേശകന്‍ മോഹന്‍ഗോപാല്‍ വരെയുള്ളവരെ ചൂണ്ടി സാധാരണ കോണ്‍ഗ്രസുകാര്‍ പറയും. സബ്സിഡി സിലിണ്ടറിന്‍െറയും ആധാറിന്‍െറയും പേരില്‍ യു.പി.എ സര്‍ക്കാറിന്‍െറ കാലത്തുണ്ടായ കോലാഹലവും, ഇപ്പോഴത് നിശ്ശബ്ദം ഏറ്റുവാങ്ങാന്‍ പാകത്തില്‍ കൂളായി നടപ്പാക്കുന്ന രീതിയുമൊക്കെ കാണുന്നവരാണ് അവര്‍. അരിവാള്‍ ചുറ്റിക നക്ഷത്രത്തില്‍ മത്സരിച്ച ഒമ്പതു പേരെ മാത്രം ഇക്കുറി ലോക്സഭയില്‍ എത്തിക്കാന്‍ കഴിഞ്ഞ സി.പി.എമ്മിന്‍െറ ദേശീയപാര്‍ട്ടി പദവിയും കോണ്‍ഗ്രസിന്‍െറ പ്രതിപക്ഷ നേതൃപദവിയും അതിസാങ്കേതികവിദ്യ ഉപയോഗിച്ചു പരിശോധിച്ചാല്‍ തട്ടിപ്പാണെന്ന സ്ഥിതി നിലനില്‍ക്കേ, വിപ്ളവപാതയില്‍ സി.പി.എമ്മിനൊരു ബദല്‍വഴി നിര്‍ദേശിച്ചു കാത്തിരിക്കുകയാണ് സീതാറാം യെച്ചൂരി. പാര്‍ട്ടിയെ ഈ പരുവത്തിലത്തെിച്ച ‘അടവുനയ’ത്തിന് പാര്‍ട്ടി കോണ്‍ഗ്രസില്‍ പ്രകാശ് കാരാട്ട് മാത്രം ചീത്തവിളി കേട്ടാല്‍ മതിയെന്ന ലളിത മന$ശാസ്ത്രവും ഈ ബദല്‍രേഖയില്‍ സൗജന്യമായി അടക്കം ചെയ്തിരിക്കുന്നുവെന്നതാണ് ശരി. മോദിയുടെയും ആര്‍.എസ്.എസിന്‍െറയും യോജിച്ച നീക്കത്തിലൂടെ ദേശീയ പാര്‍ട്ടികളുടെ എണ്ണം മൂന്നായി ചുരുക്കിക്കളഞ്ഞ സാഹചര്യമാണ് ദേശീയ രംഗത്ത് ഉണ്ടായിത്തീര്‍ന്നിരിക്കുന്നത്. രാജ്യത്തെ 125 കോടി ജനങ്ങളില്‍ വോട്ടു ചെയ്യാന്‍ അര്‍ഹതയുള്ളവരുടെ മൂന്നിലൊന്ന് വോട്ടു മാത്രമാണ് മോദിയെ മുന്നില്‍ നിര്‍ത്തി ബി.ജെ.പി പിടിച്ചത്. മോദികേന്ദ്രീകൃതമായ രാഷ്ട്രീയം ഇനിയും കുറച്ചുകൂടി മുന്നോട്ടു പോകുമ്പോള്‍ കോണ്‍ഗ്രസ് വിരുദ്ധതയില്‍നിന്ന് രാഷ്ട്രീയത്തിന്‍െറ അച്ചുതണ്ട് ബി.ജെ.പി/മോദി വിരുദ്ധതയിലേക്ക് മാറുമെന്ന് കാണേണ്ടിയിരിക്കുന്നു. മഹാരാഷ്ട്രയിലും ഹരിയാനയിലും നടന്ന ലോക്സഭാ തെരഞ്ഞെടുപ്പുകള്‍ ആ സന്ദേശം നല്‍കുന്നുണ്ട്. മഹാരാഷ്ട്രയില്‍ പഞ്ചകോണ മത്സരം നടന്നിട്ടും പ്രാദേശിക കക്ഷികളെ എഴുതിത്തള്ളാന്‍ പറ്റിയില്ല. കോണ്‍ഗ്രസ് നാലാം സ്ഥാനത്തേക്കു വരെ തെറിച്ചുവീണെങ്കിലും പ്രാദേശിക കക്ഷികള്‍ ബി.ജെ.പിയോട് പിടിച്ചുനിന്നു. കാലങ്ങളായി ബി.ജെ.പിക്കൊപ്പം നിന്ന ശിവസേനയെ, ഏറ്റവും വലിയ ഒറ്റക്കക്ഷിയായതിന്‍െറ അഹങ്കാരത്തില്‍ കുതികാലിനു വെട്ടിയത് ഭാവിസഖ്യകക്ഷി സാധ്യതകളില്‍ അവിശ്വാസത്തിന്‍െറ കരിനിഴല്‍ വീഴ്ത്തുന്നുണ്ട്. ഹരിയാനയില്‍ സീറ്റു പിടിക്കാന്‍ ദേരാ സച്ചാ സൗദയുമായി ചങ്ങാത്തമുണ്ടാക്കിയത്, അവരുടെ ശത്രുവും ബി.ജെ.പി സഖ്യകക്ഷിയുമായ അകാലിദളില്‍ അവിശ്വാസം സൃഷ്ടിച്ചിരിക്കുന്നു. മോദിയുടെ ഏകാധിപത്യം മൂലം ബി.ജെ.പിക്കുള്ളില്‍ പല്ലിറുമ്മുന്ന നേതാക്കളുടെ എണ്ണം കൂടിയിരിക്കുന്നു. സര്‍വോപരി നയങ്ങളില്‍, പരീക്ഷിച്ചു മടുത്ത കോണ്‍ഗ്രസിന്‍െറ അതേവഴി പിന്തുടരുന്ന പുതിയ സര്‍ക്കാറിനോടുള്ള അമര്‍ഷം ഭരണവിരുദ്ധവികാരമായി മാറുന്നകാലം വിദൂരമല്ല. പറ്റിയ നേതാവിനെ കണ്ടെടുക്കാന്‍ കഴിയാത്ത കോണ്‍ഗ്രസിനെക്കാള്‍, വിശ്വാസ്യത നല്‍കാന്‍ കഴിയുന്ന പ്രാദേശിക-പ്രതിപക്ഷ-ബദല്‍ കക്ഷികള്‍ക്കായി അത് കൂടുതല്‍ സാധ്യതകള്‍ തുറക്കുന്നുണ്ട്.  |
| Posted: 25 Oct 2014 12:54 PM PDT Image:  Subtitle: എല്‍ക്ളാസികോ പോരില്‍ ബാഴ്സക്കെതിരെ റയലിന് 1-3ന്‍െറ ജയം മഡ്രിഡ്: സാന്‍റിയാഗോ ബെര്‍ണബ്യൂ ആതിഥ്യമരുളിയ ലാ ലിഗ സീസണിലെ ആദ്യ എല്‍ക്ളാസികോയില്‍ ബാഴ്സലോണയെ റയല്‍ മഡ്രിഡ് മൂന്നായി വലിച്ചുകീറി. ഒരു ഗോളിന് പിന്നിലായ ശേഷം തിരിച്ചടിച്ച് 3-1ന്‍െറ ജയവുമായി ചിരവൈരികളെ റയല്‍ നാണംകെടുത്തി. നെയ്മറിന്‍െറ നാലാം മിനിറ്റ് ഗോളിന് ക്രിസ്റ്റ്യാനോ റൊണാള്‍ഡോയും പെപെയും കരിം ബെന്‍സേമയുമാണ് മറുപടി നല്‍കിയത്. റയലിന്‍െറ പോരാട്ടഭൂവില്‍, അവരുടെ അനേകായിരം ആരാധകകണ്ഠങ്ങളെ നിശ്ശബ്ദമാക്കിക്കൊണ്ടാണ് ബാഴ്സ ക്ളാസിക് പോരാട്ടത്തതിന് തുടക്കംകുറിച്ചത്; നാലാം മിനിറ്റില്‍ നെയ്മറിലൂടെ. ഒൗദ്യോഗിക മത്സരങ്ങളില്‍ ബാഴ്സക്കായി അരങ്ങേറ്റം കുറിച്ച ലൂയി സുവാരസിന്‍െറ സഹായത്തില്‍, റയല്‍ പ്രതിരോധത്തില്‍ നുഴഞ്ഞു കയറി വലയുടെ വലത്തേ മൂലയിലേക്ക് നെയ്മറിന്‍െറ ഗോള്‍ (1-0). ആക്രമണത്തിന്‍െറ നിയന്ത്രണം തങ്ങളുടെ കൈയില്‍തന്നെ ഭദ്രമാക്കി ബാഴ്സ കാര്യങ്ങള്‍ നീക്കി. പന്തടക്കത്തിലും പാസിങ്ങിലും എതിരാളികള്‍ക്കടുത്തത്തൊന്‍ റയല്‍ നന്നായി വിയര്‍ത്തു. എന്നാല്‍, കളിയുടെ തലവര മാറ്റി ബാഴ്സയുടെ പ്രതിരോധ വിശ്വസ്തന്‍ പിക്വെില്‍നിന്ന് പിഴവുപറ്റി. മാഴ്സലോയില്‍നിന്ന് വന്ന അപകടം ഒഴിവാക്കാന്‍ ശ്രമിക്കവേ പിക്വെപന്ത് തടുത്തത് കൈകൊണ്ട്. റയലിന് അനുകൂലമായി പെനാല്‍റ്റിയും പിക്വെ് മഞ്ഞക്കാര്‍ഡും. 35ാം മിനിറ്റില്‍ കിക്ക് എടുത്ത റൊണാള്‍ഡോ പിഴക്കാതെ ലക്ഷ്യംകണ്ടു (1-1). ആദ്യ പകുതിയില്‍ ആധിപത്യം പുലര്‍ത്തുന്ന ബാഴ്സയെയാണ് കണ്ടത്. എന്നാല്‍, രണ്ടാം പകുതിയില്‍ കാര്യങ്ങള്‍ റയലിന്‍െറ കോര്‍ട്ടിലത്തെി. 50ാം മിനിറ്റില്‍ കോര്‍ണര്‍ കിക്കിനെ മനോഹരമായൊരു ഹെഡറിലൂടെ ബാഴ്സ വലയിലത്തെിച്ച് പെപെ സ്വന്തം തട്ടകത്തില്‍ റയലിന്‍െറ അഭിമാനം മുന്നിലത്തെിച്ചു (1-2). 61ാം മിനിറ്റില്‍ സന്ദര്‍ശകരുടെ നെഞ്ചില്‍ അവസാന ആണി തറച്ചത് കരിം ബെന്‍സേമ. ജയിംസ് റോഡ്രിഗസിന്‍െറ സഹായത്തില്‍ പന്ത് കിട്ടിയ ബെന്‍സേമ പിഴക്കാതെ ടീമിന്‍െറ മൂന്നാം ഗോളിന്‍െറ ഉടമയായി (1-3). തുടര്‍ന്ന് തിരിച്ചുവരാനുള്ള നിരവധി ശ്രമങ്ങള്‍ കറ്റാലന്‍ ടീം നടത്തിയെങ്കിലും റയലിന്‍െറ പ്രതിരോധ മികവിനു മുന്നില്‍ എല്ലാം അവസാനിച്ചു.  |
| തരൂരിന്‍െറ വിഴിഞ്ഞം ശുചീകരണത്തിന് മോദിയുടെ പ്രശംസ Posted: 25 Oct 2014 10:42 AM PDT Image:  ന്യൂഡല്‍ഹി: ശശി തരൂര്‍ എം.പി വിഴിഞ്ഞം തുറമുഖത്ത് ശുചീകരണ പ്രവര്‍ത്തനത്തില്‍ പങ്കാളിയായതിനെ അഭിനന്ദിച്ച് പ്രധാനമന്ത്രി നരേന്ദ്ര മോദിയുടെ ട്വീറ്റ്. തരൂര്‍ തുറമുഖത്ത് ശുചീകരണത്തിലേര്‍പ്പെടുന്ന ചിത്രം മോദി റീട്വീറ്റ് ചെയ്യുകയും ചെയ്തു. 'വലിയൊരു ഉദ്യമമാണ് തരൂരിന്‍െറ ഭാഗത്തുനിന്നും ഉണ്ടായത്. സ്വച്ഛ് ഭാരത് ദൗത്യത്തിനായി അദ്ദേഹം നടത്തുന്ന സജീവശ്രമങ്ങള്‍ പ്രോത്സാഹനാജനകമാണ്' -മോദി ട്വിറ്ററില്‍ കുറിച്ചു. നേരത്തെ മോദിയുടെ സ്വച്ഛ് ഭാരത് പദ്ധതിയെയടക്കം പിന്തുണച്ചതിന് തരൂരിനെ എ.ഐ.സി.സി വക്താവ് സ്ഥാനത്തുനിന്നും നീക്കിയിരുന്നു. തരൂരിനെതിരെ മുഖ്യമന്ത്രി ഉമ്മന്‍ചാണ്ടി, കെ.പി.സി.സി പ്രസിഡന്‍റ് വി.എം.സുധീരന്‍, ആഭ്യന്തരമന്ത്രി രമേശ് ചെന്നിത്തല എന്നിവര്‍ രംഗത്തുവന്നിരുന്നു. പാര്‍ട്ടി വക്താവിന്‍െറ സ്ഥാനത്തുനിന്നും ഉണ്ടാകാന്‍ പാടില്ലാത്ത അഭിപ്രായമാണ് തരൂര്‍ പ്രകടിപ്പിച്ചതെന്നാണ് തരൂരിനെ വിമര്‍ശിച്ച് രംഗത്തുവന്ന സംസ്ഥാന നേതാക്കള്‍ പറഞ്ഞത്.  |
.jpg)
മോദിയുടെ രാഷ്ട്രീയ കൗശലങ്ങള്‍ക്കു മുന്നില്‍ കോണ്‍ഗ്രസ് മാത്രമല്ല, ആരും പകച്ചു പോകും. ഗുജറാത്തുകാരായ ‘മോഹന്‍ലാല്‍’ കരംചന്ദ് ഗാന്ധിയും ഉരുക്കു മനുഷ്യനായ സര്‍ദാര്‍ വല്ലഭ്ഭായ് പട്ടേലും പിന്നെ നരേന്ദ്ര മോദിയുമല്ലാതെ രാജ്യത്തിന് ചരിത്രത്തിലും വര്‍ത്തമാനത്തിലും, ഇനിയൊരുവേള ഭാവിയില്‍തന്നെയും കൊള്ളാവുന്നൊരു നേതാവിനെ കണ്ടത്തൊന്‍ കഴിയില്ളെന്ന മട്ടിലുള്ള കൗശലം ഒരുവഴിക്ക്. അരവിന്ദ് കെജ്രിവാളിന്‍െറ കുറ്റിച്ചൂല്‍ മുതല്‍ ബാല്‍താക്കറെയുടെ കടുവത്തോല്‍ വരെ ഏറ്റെടുത്ത് ബദല്‍ രാഷ്ട്രീയവും സഖ്യകക്ഷി ഭരണവും ഇല്ലാതാക്കാനുള്ള പുറപ്പാട് മറുവശത്ത്. പതിറ്റാണ്ടിലേറെ വിസ നിഷേധിച്ചവരുടെ നാട്ടില്‍ ഇവന്‍റ് മാനേജ്മെന്‍റുകാരുമായിച്ചെന്ന് ജനപ്രിയത കാണിച്ചുകൊടുക്കുന്ന നയതന്ത്രവഴി വേറൊരു ഭാഗത്ത്. സ്വന്തം പാര്‍ട്ടിക്കാരെയും ഗുരുതുല്യ നേതാക്കളെയും ഒതുക്കിയിരുത്താന്‍ മാര്‍ഗദര്‍ശക മണ്ഡല്‍ വരെ പണികഴിപ്പിച്ച് മുന്നേറുന്ന ആഭ്യന്തര ജനാധിപത്യ മാര്‍ഗങ്ങള്‍ പുറമെ. വാക്കും പ്രവൃത്തിയും ചോര്‍ത്താനുള്ള ഉപകരണങ്ങള്‍ തൂണിലും തുരുമ്പിലുമുണ്ടെന്ന ആശങ്കകള്‍, അതു വേറെ. ഫലത്തില്‍ കോണ്‍ഗ്രസിന്‍െറ കുടുംബവാഴ്ചയെ കടത്തിവെട്ടി ഏകാധിപത്യത്തിലേക്കാണ് മോദിയുടെ ചുവടുവെപ്പ്..jpg)
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
No comments:
Post a Comment