കഴക്കൂട്ടത്തും പരിസരത്തും കള്ളനോട്ട്-കള്ളപ്പണ മാഫിയ Madhyamam News Feeds |  |
- കഴക്കൂട്ടത്തും പരിസരത്തും കള്ളനോട്ട്-കള്ളപ്പണ മാഫിയ
- മിഷിഗന്‍ ശാസ്ത്രജ്ഞസംഘം കാര്‍ഷിക സര്‍വകലാശാലയില്‍
- ചാരവൃത്തി: പ്രതിരോധ മന്ത്രാലയത്തിലെ ജീവനക്കാരന്‍ അറസ്റ്റില്‍
- കാസര്‍കോട് വികസന പാക്കേജിന്‍െറ നടത്തിപ്പ് ത്വരിതഗതിയിലാക്കും
- കരീബിയന്‍ കൊടുങ്കാറ്റ്
- സര്‍ക്കാറിന്‍െറ ആധുനിക അരിമില്ല് ഏഴ് വര്‍ഷമായിട്ടും പ്രവര്‍ത്തന സജ്ജമായില്ല
- ഭൂമി ഏറ്റെടുക്കല്‍ നിയമഭേദഗതി ബില്‍ പാര്‍ലമെന്‍റില്‍ ; പ്രതിപക്ഷ ബഹളം
- ചന്ദ്രബോസ് വധം: തൃശൂര്‍ സിറ്റി പൊലീസ് മുന്‍ കമീഷണര്‍ക്കെതിരെ അന്വേഷണം
- വനാവകാശ നിയമം: സര്‍വേക്ക് ജില്ലയില്‍ തുടക്കം
- അന്യസംസ്ഥാനക്കാര്‍ക്ക് തൊഴിലിടങ്ങളില്‍ കടുത്തചൂഷണം
- വിഴിഞ്ഞം തുറമുഖ പദ്ധതി: ടെണ്ടര്‍ ഒരു മാസത്തേക്ക് നീട്ടി
- ഐ.എസ് സിറയയില്‍ നിന്ന് 56 ക്രിസ്തുമതക്കാരെ തട്ടികൊണ്ടുപോയി
- ഭൂമി ഏറ്റെടുക്കല്‍: സര്‍ക്കാര്‍ വഴങ്ങിയേക്കും
- പാര്‍ട്ടിയെ വെട്ടിലാക്കുന്നത് കാര്‍ക്കശ്യം
- നഷ്ടപ്പെട്ട സമ്മേളനം
- ‘എല്ലാവര്‍ക്കും വളര്‍ച്ച’?
- സൗദിയില്‍ വാഹനാപകടം; നാല് മലയാളികളടക്കം അഞ്ച് മരണം
- ഐ.എസിനെതിരായ പോരാട്ടം: അമേരിക്കന്‍ പ്രതിരോധ സെക്രട്ടറി കുവൈത്തില്‍
- ഖത്തര്‍ ടോട്ടല്‍ ഓപണ്‍ : വീനസ്, അസാരങ്ക, പെന്നറ്റ രണ്ടാം റൗണ്ടില്‍
- പ്രവാസികള്‍ക്ക് കോണ്‍സുലര്‍ പരാതികള്‍ ഓണ്‍ലൈനായി നല്‍കാന്‍ ‘മദദ്’ പോര്‍ട്ടല്‍
- വിദേശകാര്യ മന്ത്രിക്ക്് ഡല്‍ഹിയില്‍ ഊഷ്മള സ്വീകരണം
- ലാ ലിഗയില്‍ റയലിന് ജയം
- ഫേസ്ബുക് അക്കൗണ്ടില്‍ തുടക്കം; കലക്ടര്‍ ചുമതലയേറ്റു
- തൂണേരി: അക്രമികള്‍ കിണറ്റിലെറിഞ്ഞത് സ്കൂട്ടര്‍, സൈക്ക്ള്‍, വാഷിങ് മെഷീന്‍...
- സര്‍ക്കാര്‍ വിരുദ്ധ പ്രക്ഷോഭം: ഈജിപ്തില്‍ സൈബര്‍ ആക്ടിവിസ്റ്റിന് അഞ്ചു വര്‍ഷം തടവ്
| കഴക്കൂട്ടത്തും പരിസരത്തും കള്ളനോട്ട്-കള്ളപ്പണ മാഫിയ Posted: 23 Feb 2015 11:56 PM PST കഴക്കൂട്ടം: കഴക്കൂട്ടത്തും പരിസരത്തും അന്യസംസ്ഥാന തൊഴിലാളികള്‍ വരെ കണ്ണികളായ കള്ളപ്പണ-കള്ളനോട്ട് സംഘങ്ങള്‍ സജീവമാകുന്നു. കഴിഞ്ഞ ദിവസങ്ങളില്‍ കഴക്കൂട്ടത്തെ ചില വ്യാപാരസ്ഥാപനങ്ങള്‍ വഴിയാണ് കള്ളനോട്ടുകള്‍ പുറത്തുപോയതെന്ന് നാട്ടുകാര്‍ പറയുന്നു. കെട്ടിടനിര്‍മാണ മേഖലയും റിയല്‍ എസ്റ്റേറ്റും തുടങ്ങി ലോട്ടറി വിപണനം വരെ നീളുന്നതാണ് കള്ളപ്പണത്തിന്‍െറ ശൃംഖല. കഴക്കൂട്ടം, ആറ്റിന്‍കുഴി മേഖലകളിലെ ചില സ്വകാര്യ വ്യക്തികള്‍ വഴി ലക്ഷങ്ങളുടെ കള്ളപ്പണമാണ് ഒഴുകുന്നത്. സ്ത്രീകളടക്കം പണം കൈമാറ്റസംഘത്തിന്‍െറ കണ്ണികളായി പ്രവര്‍ത്തിക്കുന്നു. ബംഗളൂരു കേന്ദ്രമായ കള്ളപ്പണസംഘമാണ് കഴക്കൂട്ടത്തെ ഇടനിലക്കാര്‍ക്ക് പണമത്തെിക്കുന്നത്. ഓപറേഷന്‍ കുബേര സംസ്ഥാനത്ത് ശക്തമായതോടെ രംഗംവിട്ട ബ്ളേഡ് സംഘങ്ങളില്‍പെട്ടവരാണ് ബംഗളൂരു സംഘത്തില്‍നിന്ന് പണം വാങ്ങി കള്ളപ്പണം വെളുപ്പിക്കുന്ന ജോലിയിലേക്ക് തിരിഞ്ഞത്. ഒരു ലക്ഷത്തിന് 20,000 മുതല്‍ 30,000 രൂപവരെയാണ്് ഇവര്‍ക്ക് കമീഷന്‍.  |
| മിഷിഗന്‍ ശാസ്ത്രജ്ഞസംഘം കാര്‍ഷിക സര്‍വകലാശാലയില്‍ Posted: 23 Feb 2015 11:52 PM PST തൃശൂര്‍: കാര്‍ഷിക വിദ്യാഭ്യാസ, ഗവേഷണ മേഖലകളില്‍ കാര്‍ഷിക സര്‍വകലാശാലയുമായി സഹകരണ സംരംഭം ആവിഷ്കരിക്കുമെന്ന് മിഷിഗണ്‍ സര്‍വകലാശാലാ ശാസ്ത്രജ്ഞ സംഘത്തലവന്‍ ഡോ. ഡഗ്ളസ് ഡി. ബോളര്‍. സര്‍വകലാശാല ആസ്ഥാനത്ത് ഉദ്യോഗസ്ഥ മേധാവികളുമായി നടത്തിയ ചര്‍ച്ചയിലാണ് ഇക്കാര്യം അറിയിച്ചത്.  |
| ചാരവൃത്തി: പ്രതിരോധ മന്ത്രാലയത്തിലെ ജീവനക്കാരന്‍ അറസ്റ്റില്‍ Posted: 23 Feb 2015 11:48 PM PST Image:  ന്യൂഡല്‍ഹി: കേന്ദ്ര പെട്രോളിയം മന്ത്രാലയത്തില്‍ നിന്ന് സുപ്രധാന രേഖകള്‍ ചോര്‍ത്തിയ കേസില്‍ പ്രതിരോധ മന്ത്രാലയത്തിലെ താത്കാലിക ജീവനക്കാരന്‍ അറസ്റ്റില്‍. വ്യാജ തിരിച്ചറിയല്‍ കാര്‍ഡ് തയാറാക്കി രേഖ ചോര്‍ത്തിയവര്‍ക്ക് നല്‍കിയ വീരേന്ദര്‍ കുമാറാണ് അറസ്റ്റിലായത്. ആറ് മണിക്കൂറിലേറെ ചോദ്യം ചെയ്തശേഷമാണ് പൊലീസ് വീരേന്ദറിന്‍റെ അറസ്റ്റ് ചെയ്തത്. ചാരവൃത്തിക്ക് നേരത്തെ അറസ്റ്റിലായ ലല്‍ട്ട പ്രസാദിന് ഇയാള്‍ വ്യാജ തിരിച്ചറിയല്‍ കാര്‍ഡും ഒൗഗ്യോഗിക ലെറ്റര്‍ഹെഡ്ഡില്‍ തയാറാക്കിയ വ്യാജകത്തും കൈമാറിയിരുന്നു. വീരേന്ദര്‍ കുമാര്‍ നല്‍കിയ വ്യാജകത്ത് ഉപയോഗിച്ചത് ലല്‍ട്ട പ്രസാദിന്‍റെ മകന്‍ രാകേഷ് കുമാറാണ്. രാകേഷ് കുമാര്‍ തന്‍റെ വാഹനത്തില്‍ ഗവണ്‍മെന്‍റ് ഓഫ് ഇന്ത്യ എന്ന ഒൗദ്യോഗിക അടയാളത്തോടെ മന്ത്രാലയത്തിനകത്തേക്ക് കടക്കാന്‍ അനുവാദം ലഭിക്കുന്നതിനാണ് വ്യാജകത്ത് ഉപയോഗിച്ചത്. ലല്‍ട്ട പ്രസാദും രാകേഷ് കുമാറും നേരത്തെ അറസ്റ്റിലായിരുന്നു.  |
| കാസര്‍കോട് വികസന പാക്കേജിന്‍െറ നടത്തിപ്പ് ത്വരിതഗതിയിലാക്കും Posted: 23 Feb 2015 11:46 PM PST കാസര്‍കോട്: കാസര്‍കോട് വികസന പാക്കേജിലുള്‍പ്പെട്ട പദ്ധതികളില്‍ വിശദമായ പദ്ധതി റിപ്പോര്‍ട്ട് സമര്‍പ്പിക്കാന്‍ ബാക്കിയുള്ള നിര്‍വഹണ ഉദ്യോഗസ്ഥര്‍ എത്രയും പെട്ടെന്ന് സമര്‍പ്പിക്കാന്‍ കാസര്‍കോട് വികസന പാക്കേജിന്‍െറ പുരോഗതി വിലയിരുത്താന്‍ പ്രത്യേകം വിളിച്ചുചേര്‍ത്ത ബന്ധപ്പെട്ടവരുടെ യോഗത്തില്‍ ജില്ലാ കലക്ടര്‍ നിര്‍ദേശിച്ചു.  |
| Posted: 23 Feb 2015 11:38 PM PST Image:  Subtitle: ഗെയിലിന് ഡബിള്‍ സെഞ്ച്വറി; സിംബാബ് വേക്ക് 373 റണ്‍സ് വിജയലക്ഷ്യം കാന്‍ബറ: ക്രിക്കറ്റ് ലോകകപ്പ് പൂള്‍ ബിയില്‍ സിംബാബ് വേക്കെതിരെ ക്രിസ് ഗെയിലിന് റെക്കോര്‍ഡോടെ (215) ഡബിള്‍ സെഞ്ച്വറി. സിംബാബ് വേ ബൗളര്‍മാര്‍ മോശം പ്രകടനം പുറത്തെടുത്ത മത്സരത്തില്‍ സഹതാരം മര്‍ലോണ്‍ സാമുവല്‍സും (133 നോട്ട് ഒൗട്ട്) സെഞ്ച്വറി നേടി. കരീബിയന്‍ പടയുടെ വെടിക്കെട്ട് മത്സരത്തില്‍ സിംബാബ് വേക്ക് 373 റണ്‍സാണ് വിജയലക്ഷ്യം. ലോകകപ്പിലെ ആദ്യ ഡബിള്‍ സെഞ്ച്വറി, ഏകദിനത്തിലെ വേഗമേറിയ ഇരട്ട സെഞ്ച്വറി എന്നീ റെക്കോര്‍ഡുകളാണ് ഇന്ന് കാന്‍ബറയില്‍ പിറന്നത്. രണ്ടാം വിക്കറ്റില്‍ ഇരുവരും ചേര്‍ന്നെടുത്ത 372 റണ്‍സ് ഏകദിനത്തിലെ ഏത് വിക്കറ്റിലെയും ഉയര്‍ന്ന സ്‌കോറാണ്. 138 പന്തില്‍ നിന്നും 202 റണ്‍സ് അടിച്ചെടുത്താണ് ഗെയില്‍ ഏകദിനത്തിലെ വേഗമേറിയ ഇരട്ട സെഞ്ച്വറി എന്ന റെക്കോര്‍ഡ് പൂര്‍ത്തിയാക്കിയത്. 140 പന്തില്‍ നിന്നും ഡബിളടിച്ച ഇന്ത്യയുടെ വീരേന്ദര്‍ സേവാഗിന്‍്റെ റെക്കോര്‍ഡാണ് ഇതോടെ കടപുഴകിയത്. 147 പന്തില്‍ നിന്നും അദ്ദേഹം 215 റണ്‍സെടുത്തു. 10 ബൗണ്ടറിയും 16 സിക്സുമടങ്ങുന്നതായിരുന്നു ഗെയിലിന്‍്റെ ഇന്നിങ്സ്. ഗെയ്ല്‍^ സാമുവല്‍സ് സഖ്യത്തിന്റെ സ്കോര് തന്നെയാണ് വിന്‍ഡീസിന്റെ ടീം സ്‌കോറും. വെസ്റ്റിന്‍ഡീസിന്റെ ഏകദിനത്തിലെ ഉയര്‍ന്ന സ്‌കോറും ഇതാണ്. ഒന്നാം ഓവറില്‍ തന്നെ സ്മിത്ത് പുറത്തായിരുന്നു. അതിനു ശേഷം ചേര്‍ന്ന ഗെയ്ല്‍^ സാമുവല്‍സ് സഖ്യമാണ് പിന്നീട് ക്രീസ് ഭരിച്ചത്. ഗെയിലിനെ ടീമില്‍ നിന്നും പുറത്താക്കണമെന്ന ആവശ്യം ശക്തമായ സന്ദര്‍ഭത്തിലാണ് ഫോം വീണ്ടെടുത്ത് അദ്ദേഹം വിമര്‍ശകര്‍ക്ക് ചുട്ട മറുപടി നല്‍കിയത്. ഗെയിലിന്‍െറ വിരമിക്കല്‍ പാക്കേജ് ആവശ്യപ്പെട്ട ഒരു ആരാധകന്‍െറ ട്വീറ്റ് വെസ്റ്റ് ഇന്‍ഡീസ് ക്രിക്കറ്റ് ബോര്‍ഡ് പ്രസിഡന്‍റ് ഡേവ് കാമറൂണ്‍ റിട്വിറ്റ് ചെയ്തിരുന്നു. നേരത്തേ ടോസ് നേടിയ വിന്‍ഡീസ് ക്യാപ്റ്റന്‍ ജാസണ്‍ ഹോള്‍ഡര്‍ ബാറ്റിംഗ് തെരഞ്ഞെടുക്കുകയായിരുന്നു. ലോകകപ്പിലെ രണ്ടാം ജയം തേടിയാണ് ഇരു ടീമുകളും ഇന്ന് കളത്തിലിറങ്ങിയത്. കാന്‍ബറയില്‍ അവസാനമായി നടന്ന നാലു മത്സരങ്ങളില്‍ മൂന്നിലും വിജയിച്ചത് ആദ്യം ബാറ്റ് ചെയ്ത ടീമാണ്.
 |
| സര്‍ക്കാറിന്‍െറ ആധുനിക അരിമില്ല് ഏഴ് വര്‍ഷമായിട്ടും പ്രവര്‍ത്തന സജ്ജമായില്ല Posted: 23 Feb 2015 11:36 PM PST ആലത്തൂര്‍: സര്‍ക്കാര്‍ ഉടമസ്ഥതയിലുള്ള സംസ്ഥാനത്തെ ആദ്യത്തെ ആധുനിക അരിമില്ല് ഉദ്ഘാടനം കഴിഞ്ഞ് ഏഴ് വര്‍ഷമായിട്ടും പ്രവര്‍ത്തന സജ്ജമായില്ല. 1999 ലാണ് ആലപ്പുഴ, കോട്ടയം, പാലക്കാട് ജില്ലകളില്‍ സര്‍ക്കാര്‍ ആധുനിക അരിമില്ല് തുടങ്ങാന്‍ തീരുമാനിച്ചത്. അതിനായി കോട്ടയത്തെ വെച്ചൂര്‍, ആലപ്പുഴയിലെ തകഴി, പാലക്കാട്ടെ ആലത്തൂര്‍ എന്നിവിടങ്ങളാണ് തെരഞ്ഞെടുത്തത്. പ്രവൃത്തി പൂര്‍ത്തീകരിച്ച് ഉദ്ഘാടനം ചെയ്തത് ആലത്തൂരില്‍ മാത്രമാണ്.  |
| ഭൂമി ഏറ്റെടുക്കല്‍ നിയമഭേദഗതി ബില്‍ പാര്‍ലമെന്‍റില്‍ ; പ്രതിപക്ഷ ബഹളം Posted: 23 Feb 2015 11:26 PM PST Image:  ന്യൂഡല്‍ഹി: പ്രതിപക്ഷ ബഹളത്തിനിടെ സര്‍ക്കാര്‍ ഭൂമി ഏറ്റെടുക്കല്‍ നിയമ ഭേദഗതി ബില്‍ ലോക്സഭയില്‍ അവതരിപ്പിച്ചു. കേന്ദ്ര ഗ്രാമവികസന മന്ത്രി ബ്രിജേന്ദര്‍ സിങ്ങാണ് ബില്‍ അവതരിപ്പിച്ചത്. ബില്ലിനെതിരെ പ്രതിപക്ഷ പാര്‍ട്ടികള്‍ ഒറ്റക്കെട്ടായി രംഗത്ത് വന്നു. കോണ്‍ഗ്രസ് സഭയില്‍ നിന്ന് ഇറങ്ങിപ്പോയി. ഭൂമി ഏറ്റെടുക്കല്‍ നിയമ ഭേദഗതി ബില്ലിനെതിരെ രാജ്യസഭയിലും പ്രതിപക്ഷം രംഗത്ത് വന്നു. സുപ്രധാന വിഷയങ്ങള്‍ ഓര്‍ഡിനന്‍സായി കൊണ്ട് വരുന്നതിനെയാണ് പ്രതിപക്ഷം ചോദ്യം ചെയ്തത്. ഓര്‍ഡിനന്‍സുകളിലൂടെ സര്‍ക്കാര്‍ പാര്‍ലമെന്‍റിനെ മറികടക്കാനാണ് ശ്രമിക്കുന്നതെന്ന് പ്രതിപക്ഷം ആരോപിച്ചു. കഴിഞ്ഞ യു.പി.എ സര്‍ക്കാര്‍ നിരവധി ഓര്‍ഡിനന്‍സുകളാണു കൊണ്ടുവന്നതെന്നും അതിനാല്‍ കോണ്‍ഗ്രസിന് ഇക്കാര്യം ഉന്നയിക്കാന്‍ അവകാശമില്ളെന്നും അരുണ്‍ ജയ്റ്റ്ലി പറഞ്ഞു. 2013ല്‍ യു.പി.എ സര്‍ക്കാറാണ് ഭൂമി ഏറ്റെടുക്കല്‍ നിയമം പാസാക്കിയത്. എന്നാല്‍ 2014 ഡിസംബറില്‍ മോദി സര്‍ക്കാര്‍ നിയമത്തിലെ ചില വ്യവസ്ഥകള്‍ക്ക് ഓര്‍ഡിനന്‍സിലൂടെ ഭേദഗതികള്‍ കൊണ്ടു വന്നിരുന്നു. മാര്‍ച്ച് 20 ന് ഓര്‍ഡിനന്‍സിന്‍െറ കാലാവധി അവസാനിക്കുന്നതിനാല്‍ ദേഭഗതികള്‍ക്ക് അംഗീകാരം ലഭിക്കുന്നതിനായാണ് ബില്‍ ലോക്സഭയില്‍ അവതരിപ്പിക്കുന്നത്. അതേസമയം ബി.ജെ.പി സര്‍ക്കാര്‍ കൊണ്ടുവന്ന ഭേദഗതികള്‍ കര്‍ഷക വിരുദ്ധവും വ്യവസായികള്‍ക്ക് അനുകൂലവുമാണെന്ന് ആരോപിച്ച് പ്രതിപക്ഷ പാര്‍ട്ടികളും സന്നദ്ധ സംഘടനകളും രംഗത്തു വന്നിരുന്നു. ഭേദഗതികള്‍ പിന്‍വലിക്കണമെന്ന് ആവശ്യപ്പെട്ട് ജന്തര്‍ മന്ദറില്‍ അണ്ണാ ഹസാരെ ആരംഭിച്ച സമരം തുടരുകയാണ്.  |
| ചന്ദ്രബോസ് വധം: തൃശൂര്‍ സിറ്റി പൊലീസ് മുന്‍ കമീഷണര്‍ക്കെതിരെ അന്വേഷണം Posted: 23 Feb 2015 10:42 PM PST Image:  തൃശൂര്‍: ശോഭാസിറ്റിയിലെ സെക്യൂരിറ്റി ജീവനക്കാരന്‍ ചന്ദ്രബോസിനെ കൊലപ്പെടുത്തിയ കേസിന്‍റെ അന്വേഷണം ഒതുക്കി തീര്‍ത്തെന്ന പരാതിയില്‍ തൃശൂര്‍ സിറ്റി പൊലീസ് മുന്‍ കമീഷണര്‍ ജേക്കബ് ജോബിനെതിരെ അന്വേഷണം നടത്താന്‍ ഉത്തരവ്. തൃശൂര്‍ വിജിലന്‍സ് കോടതിയാണ് അന്വേഷണത്തിന് ഉത്തരവിട്ടത്. ചന്ദ്രബോസിനെ ആക്രമിച്ച മുഹമ്മദ് നിസാമാണ് രണ്ടാം എതിര്‍കക്ഷി. പൊതുപ്രവര്‍ത്തകനായ പി.ഡി ജോസഫ് നല്‍കിയ പരാതിയിലാണ് നടപടി. ഇതു സംബന്ധിച്ച പത്രവാര്‍ത്തകളില്‍ നിന്ന് പ്രാഥമിക വിവരങ്ങള്‍ ശേഖരിച്ച ശേഷമാണ് കോടതി അന്വേഷണത്തിന് ഉത്തരവിട്ടത്. കേസന്വേഷിക്കുന്ന പേരാമംഗലം സി.ഐ ബിജുകുമാര്‍ ഉള്‍പ്പെടെയുള്ളവര്‍ സാക്ഷികളാണ്.  |
| വനാവകാശ നിയമം: സര്‍വേക്ക് ജില്ലയില്‍ തുടക്കം Posted: 23 Feb 2015 10:33 PM PST പൂക്കോട്ടുംപാടം: കേന്ദ്രസര്‍ക്കാര്‍ നടപ്പാക്കുന്ന വനാവകാശ നിയമപ്രകാരമുള്ള സര്‍വേക്ക് ജില്ലയില്‍ തുടക്കം. പരമ്പരാഗത വനവാസികള്‍ ഉപയോഗിച്ചുവരുന്ന വനഭൂമി, വന വിഭവങ്ങള്‍ എന്നിവ ഗോത്ര വിഭാഗങ്ങള്‍ക്ക് ലഭ്യമാക്കുകയാണ് ലക്ഷ്യം. 2005 ഡിസംബര്‍ 13 വരെ വനാശ്രയരായി വനത്തിനകത്ത് ജീവിച്ചവരുടെ അവകാശങ്ങള്‍ ഉറപ്പു വരുത്തുന്നതിന്‍െറ ഭാഗമായാണ് സര്‍വേ. കുടുംബ വിവരം, ഊരു വിവരം, സാമൂഹിക ആവശ്യങ്ങള്‍ക്കുള്ള വസ്തുവിവരം എന്നിവയാണ് സര്‍വേയുടെ ഭാഗമായി ശേഖരിക്കുന്നത്.  |
| അന്യസംസ്ഥാനക്കാര്‍ക്ക് തൊഴിലിടങ്ങളില്‍ കടുത്തചൂഷണം Posted: 23 Feb 2015 10:25 PM PST കോഴിക്കോട്: കടുത്തചൂടില്‍ കേരളം പൊള്ളുമ്പോള്‍ തൊഴിലിടങ്ങളില്‍ ഇരകളാകുന്നത് അന്യസംസ്ഥാന തൊഴിലാളികള്‍. കടുത്തചൂടില്‍ ഭക്ഷണംപോലും കഴിക്കാതെ, തണുത്ത വെള്ളംമാത്രം കുടിച്ചാണ് മിക്ക തൊഴിലിടങ്ങളിലും തൊഴിലാളികള്‍ പണിയെടുക്കുന്നത്.  |
| വിഴിഞ്ഞം തുറമുഖ പദ്ധതി: ടെണ്ടര്‍ ഒരു മാസത്തേക്ക് നീട്ടി Posted: 23 Feb 2015 08:47 PM PST Image:  തിരുവനന്തപുരം: വിഴിഞ്ഞം തുറമുഖ പദ്ധതിയുടെ ടെണ്ടര്‍ കാലാവധി ഒരു മാസത്തേക്ക് കൂടി നീട്ടിയതായി തുറമുഖവകുപ്പ് മന്ത്രി കെ. ബാബു. വിഴിഞ്ഞം പദ്ധതിയുടെ ടെണ്ടര്‍ സമര്‍പ്പിക്കുന്നതിനുള്ള അവസാന തീയതി ഫെബ്രുവരി 20 ആയിരുന്നു. എട്ടുലക്ഷം രൂപ ചെലവില്‍ ദര്‍ഘാസ് രേഖകള്‍ വാങ്ങിയ മൂന്ന് കമ്പനികളും ടെണ്ടറില്‍ നിന്നും പിന്‍മാറിയിരുന്നു. അദാനി പോര്‍ട്സ്, എസ്സാര്‍ പോര്‍ട്സ്, സ്രേ ഒ.എച്ച്.എല്‍ കണ്‍സോര്‍ഷ്യം എന്നീ കമ്പനികളാണ് പദ്ധതി ഏറ്റെടുക്കാന്‍ യോഗ്യത നേടിയിരുന്നത്.  |
| ഐ.എസ് സിറയയില്‍ നിന്ന് 56 ക്രിസ്തുമതക്കാരെ തട്ടികൊണ്ടുപോയി Posted: 23 Feb 2015 08:35 PM PST Image:  ദമാസ്കസ്: സിറയയില്‍ നിന്നും ഇസ്ലാമിക് സ്റ്റേറ്റ് തീവ്രവാദികള്‍ 56 ക്രിസ്തുമത വിഭാഗക്കാരെ തട്ടികൊണ്ടുപോയി. അസീറിയന്‍ ന്യൂനപക്ഷ വിഭാഗത്തില്‍പെട്ട ക്രിസ്തുമതക്കാരെ അല്‍ ഹസാഖ് പ്രവിശ്യയില്‍ നിന്നാണ് തട്ടികൊണ്ടുപോയത്. സിറിയന്‍ മനുഷ്യാവകാശ ഏജന്‍സിയെ ഉദ്ദരിച്ച് ഷിന്‍ഹുവാ ഏജന്‍സിയാണ് വാര്‍ത്ത റിപ്പോര്‍ട്ട് ചെയ്തത്. കുര്‍ദ് ഭുരിപക്ഷമുള്ള പ്രദേശമാണിത്. തല്‍ ഷാമിറാമിനു സമീപത്തുള്ള തല്‍ ഹുര്‍മോസ് എന്ന പ്രദേശത്തു നിന്നും നേരത്തെ 10 അസീറിയന്‍ വിശ്വാസികളെ ഐ.എസ് തട്ടിക്കൊണ്ടു പോയിരുന്നു. അടുത്തിടെ ഈജിപ്തില്‍ നിന്നും തട്ടികൊണ്ടുപോയ 20 കോപ്റ്റിക് ക്രൈസ്തവ വിശ്വാസികളെ ഐ.എസ് ഭീകരര്‍ കഴുത്തറുത്ത് കൊന്നിരുന്നു.  |
| ഭൂമി ഏറ്റെടുക്കല്‍: സര്‍ക്കാര്‍ വഴങ്ങിയേക്കും Posted: 23 Feb 2015 06:47 PM PST Image:  Subtitle: ഓര്‍ഡിനന്‍സില്‍ ഭേദഗതിക്ക് കടുത്ത സമ്മര്‍ദം ന്യൂഡല്‍ഹി: വ്യാപകമായ പ്രതിഷേധങ്ങള്‍ മുന്‍നിര്‍ത്തി ഭൂമി ഏറ്റെടുക്കല്‍ ഓര്‍ഡിനന്‍സില്‍ ഭേദഗതി വരുത്തുന്നതിന് മോദി സര്‍ക്കാറില്‍ കടുത്ത സമ്മര്‍ദം. വ്യവസായികളെ സന്തോഷിപ്പിക്കാനും നിക്ഷേപം ആ കര്‍ഷിക്കാനും തിരക്കിട്ട് ഓര്‍ഡിനന്‍സ് ഇറക്കിയ സര്‍ക്കാര്‍, കര്‍ഷകവിരുദ്ധ പ്രതിച്ഛായ മറികടക്കാന്‍ ചില ഭേദഗതികള്‍ വരുത്തുന്നതു സംബന്ധിച്ച് പിന്നാമ്പുറ ചര്‍ച്ചകള്‍ നടത്തുന്നുണ്ട്. ഭൂമി ഏറ്റെടുക്കല്‍ ഓര്‍ഡിനന്‍സിന് പ്രതിപക്ഷം എതിരാണ്. ആര്.എസ്.എസിന്‍െറ കര്‍ഷക വിഭാഗമായ ഭാരതീയ കിസാന്‍ സംഘും ഓര്‍ഡിനന്‍സിനെതിരെ രംഗത്തുവന്നിട്ടുണ്ട്. കര്‍ഷകരെ നയിച്ച് പ്രമുഖ ഗാന്ധിയന്‍ അണ്ണാ ഹസാരെ ജന്തര്‍മന്തറില്‍ സമരവും ആരംഭിച്ചു. വ്യവസായികളെ സമ്പൂര്‍ണമായി തൃപ്തിപ്പെടുത്താനോ ഇതത്രയും കണ്ടില്ളെന്നുനടിച്ച് മുന്നോട്ടുപോകാനോ കഴിയാത്ത സ്ഥിതിയിലാണ് സര്‍ക്കാര്‍. ബി.ജെ.പിയുടെ കൂടി സമ്മതത്തോടെ തങ്ങള്‍ ഭരണത്തിലിരുന്നപ്പോള്‍ കൊണ്ടുവന്ന ഭൂമി ഏറ്റെടുക്കല്‍-പുനരധിവാസ നിയമം അന്ത$സത്ത നഷ്ടപ്പെടുത്തുന്നവിധം ഭേദഗതി ചെയ്തതിനാല്‍ പാസാക്കാന്‍ സഹകരിക്കില്ളെന്ന് കോണ്‍ഗ്രസ് വ്യക്തമാക്കിയിട്ടുണ്ട്. ഇടതുപാര്‍ട്ടികള്‍, തൃണമൂല്‍ കോണ്‍ഗ്രസ്, ജനതാ പരിവാര്‍, ബി.ജെ.ഡി, ആം ആദ്മി പാര്‍ട്ടി തുടങ്ങിയവയും പാടേ എതിരാണ്. ഈ സാഹചര്യത്തില്‍ എന്തുവേണമെന്ന് ചര്‍ച്ചചെയ്യാന്‍ മുതിര്‍ന്ന മന്ത്രിമാര്‍ തിങ്കളാഴ്ച വൈകീട്ട് യോഗം ചേര്‍ന്നു. പ്രക്ഷോഭരംഗത്തുള്ള കര്‍ഷക സംഘടനാ പ്രതിനിധികളുമായി ആഭ്യന്തരമന്ത്രി രാജ്നാഥ്സിങ് നേരത്തേ ചര്‍ച്ചനടത്തിയിരുന്നു. സമവായമെന്ന നിലക്ക്, സാമൂഹികാഘാത പഠനംപോലും നടത്താതെ ഭൂമി ഏറ്റെടുക്കാന്‍ പാകത്തിലുള്ള ഓര്‍ഡിനന്‍സ് വ്യവസ്ഥ മാറ്റാമെന്ന നിര്‍ദേശം സര്‍ക്കാര്‍ മുന്നോട്ടുവെച്ചേക്കും. കോര്‍പറേറ്റ് താല്‍പര്യം സംരക്ഷിക്കുന്നുവെന്ന പ്രതിച്ഛായ ഇതിനകം സമ്പാദിച്ചിരിക്കെ, കര്‍ഷകവിരുദ്ധമെന്ന പേരുദോഷമുണ്ടാകുന്നത് വോട്ടര്‍മാരെ പാര്‍ട്ടിയില്‍നിന്ന് അകറ്റുമെന്ന തിരിച്ചറിവിലാണ് ഇപ്പോള്‍ ബി.ജെ.പി. ഭൂമി ഏറ്റെടുക്കുന്നതിന് 70 ശതമാനം ഭൂവുടമകളുടെ സമ്മതം വേണമെന്നതടക്കം, യു.പി.എയുടെ കാലത്തെ നിയമനിര്‍മാണ വ്യവസ്ഥകളോട് യോജിച്ച ബി.ജെ.പിക്ക് ഇപ്പോള്‍ നയംമാറ്റത്തിന്‍െറ സാഹചര്യം വിശദീകരിക്കുന്നത് പ്രയാസമായിട്ടുണ്ട്. അര്‍ഥപൂര്‍ണമായ നിര്‍ദേശങ്ങള്‍ക്ക് വഴങ്ങുമെന്നാണ് പാര്‍ലമെന്‍ററികാര്യ മന്ത്രി എം. വെങ്കയ്യനായിഡു തിങ്കളാഴ്ച പറഞ്ഞത്. പൊതുവായ സമവായമുണ്ടെങ്കില്‍, ഭേദഗതികള്‍ നടത്താന്‍ കഴിയും. ഓര്‍ഡിനന്‍സ് കൊണ്ടുവന്നത് വികസനവും നിക്ഷേപവും ആഗ്രഹിച്ചാണെന്നും അദ്ദേഹം കൂട്ടിച്ചേര്‍ത്തു. ജനാധിപത്യത്തില്‍ ചര്‍ച്ചയും അതിന്‍െറ ഗുണഫലവും ഉണ്ടാകണമെന്ന് പ്രധാനമന്ത്രി നരേന്ദ്ര മോദി പറഞ്ഞു.  |
| പാര്‍ട്ടിയെ വെട്ടിലാക്കുന്നത് കാര്‍ക്കശ്യം Posted: 23 Feb 2015 06:32 PM PST Image:  Subtitle: കോടിയേരിക്ക് വെല്ലുവിളികള്‍ ഏറെ തിരുവനന്തപുരം: കാര്‍ക്കശ്യം നിറഞ്ഞ പാര്‍ട്ടി രൂപവും കര്‍ക്കശക്കാരനും തമ്മിലെ ഏറ്റുമുട്ടലാണ് സി.പി.എമ്മിന്‍െറ സമീപകാല ചരിത്രത്തില്‍ പോംവഴിയില്ലാത്ത പ്രശ്നമായി ഉയര്‍ന്നുനില്‍ക്കുന്നത്. പാര്‍ട്ടിയെ ഏറ്റവുംകൂടുതല്‍ കാലം നയിച്ച സെക്രട്ടറി പിണറായി വിജയനും ജീവിച്ചിരിക്കുന്ന സ്ഥാപകനേതാവ് വി.എസ്. അച്യുതാനന്ദനും തമ്മിലെ ഈഗോ തര്‍ക്കമെന്ന മാനം പുതിയ സംഭവവികാസങ്ങളോടെ കൈവന്നിരിക്കുകയാണ്. അച്ചടക്കലംഘനത്തോളം ചെന്നത്തെുന്ന വി.എസിന്‍െറ വെല്ലുവിളിയും പാര്‍ട്ടിവിരുദ്ധ മനസ്സെന്ന വിശേഷണം അദ്ദേഹത്തിന് ചാര്‍ത്തി പ്രസിദ്ധീകരിച്ച സംസ്ഥാന സെക്രട്ടേറിയറ്റിന്‍െറ അസാധാരണ പ്രമേയവുമാണ് പാര്‍ട്ടിയെ പ്രശ്നങ്ങളില്‍ കൊണ്ടുചെന്നത്തെിച്ചത്. ഇത് പരിഹരിക്കേണ്ടത് ഇനി കേന്ദ്രത്തിന്‍െറയും പുതിയ സംസ്ഥാന സെക്രട്ടറി കോടിയേരി ബാലകൃഷ്ണന്‍െറയും ബാധ്യതയാണ്. സംസ്ഥാന സെക്രട്ടറിപദവി ഒഴിഞ്ഞതോടെ പിണറായി-വി.എസ് തര്‍ക്കത്തിന്‍െറ പ്രസക്തിതന്നെ അവസാനിച്ചു. ഇനി അത് പാര്‍ട്ടി സംഘടനാ ചട്ടക്കൂടും അതിനനെതിരായ വെല്ലുവിളിയുമായാവും അറിയപ്പെടുക. ഭൂരിപക്ഷ തീരുമാനത്തെ ന്യൂനപക്ഷം അംഗീകരിക്കുക, കീഴ്ഘടകം മേല്‍ഘടകത്തിന്‍െറ തീരുമാനം നടപ്പാക്കുക, കൂട്ടായ നേതൃത്വം എന്നീ തത്വങ്ങള്‍ നടപ്പാക്കാന്‍ ബാധ്യതപ്പെട്ട കേന്ദ്ര കമ്മിറ്റിയംഗം ഗുരുതര അച്ചടക്ക ലംഘനമാണ് നടത്തിയതെന്ന നിലപാടാണ് സംസ്ഥാന നേതൃത്വത്തിന് വി.എസിനെതിരെയുള്ളത്. ഇതിനുപുറമേയാണ് പി.ബി തീരുമാനം അനുസരിച്ചില്ളെന്നത്. എന്നാല്‍, പാര്‍ട്ടിവിരുദ്ധ മനസ്സാണ് തനിക്കെന്ന സെക്രട്ടേറിയറ്റ് പ്രസ്താവന ആയുധമാക്കിയാണ് ഇപ്പോള്‍ വി.എസ് പുതിയ വെല്ലുവിളി ഉയര്‍ത്തുന്നത്. ഇടഞ്ഞുനില്‍ക്കുന്ന വി.എസ് വിട്ടുപോകുന്നത് സംസ്ഥാന സെക്രട്ടറി എന്ന നിലയില്‍ കോടിയേരിക്ക് രാഷ്ട്രീയ, സംഘടനാ വെല്ലുവിളി ഉയര്‍ത്തും. അതേസമയം, വി.എസിനെ അച്ചടക്കത്തിന്‍െറ വേലിക്കുള്ളിലാക്കി പാര്‍ട്ടിക്കൊപ്പം നിര്‍ത്താനായാല്‍ അത് കോടിയേരിക്ക് നല്‍കുന്നത് ഐക്യത്തിന്‍െറ നേട്ടമായിരിക്കും. സംസ്ഥാന സമിതിയില്‍നിന്നുപോലും ഒഴിവാക്കി വി.എസിനോട് നിലവിലെ സംസ്ഥാനസമിതിയും തെരഞ്ഞെടുക്കപ്പെടാന്‍ പോകുന്ന സെക്രട്ടേറിയറ്റും യാതൊരു ദയയും കാണിക്കില്ളെന്നുറപ്പാണ്. അഴിമതി, വര്‍ഗീയവിരുദ്ധ നിലപാട് മുന്നില്‍നിര്‍ത്തി ദേശീയതലത്തില്‍ വിശാല ഇടത് ഐക്യം നെയ്യാനൊരുങ്ങുന്ന ദേശീയനേതൃത്വത്തിന് വി.എസിന്‍െറ പ്രതിച്ഛായയെ മറികടക്കുന്ന ഒരുനേതാവിനെ പൊതുസമൂഹത്തിനുമുന്നില്‍ അവതരിപ്പിക്കാന്‍ കഴിയാത്തിടത്തോളം കടുത്ത നടപടി പ്രയാസകരമാവും.
 |
| Posted: 23 Feb 2015 06:10 PM PST Image:  Subtitle: സി.പി.എം എന്നും അഹങ്കരിക്കുന്നത് അതിന്‍െറ ലെനിനിസ്റ്റ് സംഘടനാ തത്ത്വങ്ങളുടെ പേരിലാണ്. ലെനിനിസ്റ്റ് സംഘടനാ രീതിയില്‍ രാഷ്ട്രീയത്തിനാണ് ഒന്നാം സ്ഥാനം. എന്നാല്‍, ആലപ്പുഴ സമ്മേളനത്തില്‍ സി.പി.എം രാഷ്ട്രീയം മറന്നു. അഥവാ സമ്മേളനത്തിന്‍െറ ഫോക്കസ് വി.എസ്. അച്യുതാനന്ദനിലേക്ക് മാറി കഴിഞ്ഞുപോയ 21 സംസ്ഥാന സമ്മേനങ്ങളില്‍ സി.പി.എമ്മിന് നഷ്ടത്തില്‍ കലാശിച്ച സമ്മേളനമാണ് ആലപ്പുഴ സമ്മേളനമെന്നു പറഞ്ഞാല്‍ അതിശയോക്തിയാവില്ല. ആലപ്പുഴ സമ്മേളനത്തില്‍ സി.പി.എം രാഷ്ട്രീയം മറന്നുപോയി എന്നതാണ് ബാക്കിപത്രമെന്ന് ചരിത്രം നാളെ വിലയിരുത്തും. പാര്‍ട്ടി എന്നും മുറുകെ പിടിക്കുന്ന ലെനിനിസ്റ്റ് സംഘടനാ തത്ത്വങ്ങള്‍ ആലപ്പുഴ സമ്മേളനത്തില്‍ എവിടെ പോയിമറഞ്ഞു? രാഷ്ട്രീയത്തിനുമുകളില്‍ സംഘടനാ പ്രശ്നങ്ങള്‍ കടന്നുകയറിയത് എങ്ങനെ? ഇതുവരെ ഉണ്ടായ സമ്മേളനങ്ങളിലെല്ലാം ഉള്‍പ്പാര്‍ട്ടി പ്രശ്നങ്ങള്‍ ചര്‍ച്ചചെയ്യുകയും വിഭാഗീയതക്കെതിരെ നടപടികള്‍ എടുക്കുകയും ചെയ്തിട്ടുണ്ടെങ്കിലും അതിനൊക്കെ താത്ത്വിക പരിവേഷമുണ്ടായിരുന്നു. ഇക്കുറി എല്ലാം വ്യക്തിപരം മാത്രമായിപ്പോയി എന്നതും രാഷ്ട്രീയം ഒന്നിലും തൊട്ടുതെറിക്കുക പോലും ചെയ്തില്ളെന്നതും സമ്മേളനത്തിന്‍െറ ദുര്യോഗമായി. ഇനിയെങ്കിലും പാര്‍ട്ടി ഇതൊക്കെ വിലയിരുത്തിയില്ളെങ്കില്‍ സി.പി.എമ്മിന് ബൂര്‍ഷ്വാ പാര്‍ട്ടികളുമായി എന്താണു വത്യസ്തത. സി.പി.എം എന്നും അഹങ്കരിക്കുന്നത് അതിന്‍െറ ലെനിനിസ്റ്റ് സംഘടനാ തത്ത്വങ്ങളുടെ പേരിലാണ്. അടിയുറച്ച സംഘടനാ ചട്ടക്കൂടിനപ്പുറം വ്യക്തമായ കാഴ്ചപ്പാടാണ് ലെനിനിസ്റ്റ് സംഘടനാ രീതി പ്രദാനം ചെയ്യുന്നത്. അതില്‍ രാഷ്ട്രീയത്തിനാണ് ഒന്നാം സ്ഥാനം. സംഘടനാ പ്രശ്നങ്ങള്‍ക്ക് കുറഞ്ഞ പ്രധാന്യമാണ് ലെനിനിസം നല്‍കുന്നത്. എന്നാല്‍, ആലപ്പുഴ സമ്മേളനത്തില്‍ സി.പി.എം രാഷ്ട്രീയം മറന്നുപോയി. അഥവാ രാഷ്ട്രീയത്തില്‍നിന്ന് സമ്മേളനത്തിന്‍െറ ഫോക്കസ് വി.എസ്. അച്യുതാനന്ദനായി. സംസ്ഥാന സെക്രട്ടേറിയറ്റ് തയാറാക്കിയ കുറ്റപത്രത്തിലേക്ക് ചര്‍ച്ച തിരിച്ചുവിട്ടു. സമ്മേളനത്തിന്‍െറ പ്രധാന വിഷയം വി.എസ് എന്നതായി മാറി. പാര്‍ട്ടിയുടെ അടിസ്ഥാന പ്രശ്നങ്ങളെ പോലും വിസ്മരിക്കുന്ന ഈ പ്രവൃത്തിക്ക് ഭാവിയില്‍ സി.പി.എം മറുപടി പറയേണ്ടി വരുമെന്നു കരുതുന്ന പ്രവര്‍ത്തകര്‍ എറെയാണ്. രാജ്യവും സംസ്ഥാനവും പാര്‍ട്ടിയും ഏറ്റവും വലിയ പ്രതിസന്ധികളെ നേരിടുന്ന കാലഘട്ടത്തില്‍ പ്രശ്നങ്ങളില്‍നിന്ന് ഒളിച്ചോടുന്ന പ്രവൃത്തിയാണ് സി.പി.എം സംസ്ഥാന നേതൃത്വം കാട്ടിയത്. സി.പി.എം എന്നും ഉയര്‍ത്തിപ്പിടിച്ച മതേതരത്വവും വര്‍ഗീയ വിരുദ്ധതയും ജനാധിപത്യമൂല്യങ്ങളും ഏറ്റവും അധികം ഭീഷണി നേരിടുന്ന കാലഘട്ടമാണിത്. ഇക്കാര്യത്തില്‍ ശബ്ദമുയര്‍ത്താന്‍ സമ്മേളനത്തിനു കഴിഞ്ഞില്ല. ഉള്‍പ്പാര്‍ട്ടി പ്രശ്നങ്ങളെയാണ് സമ്മേളന അജണ്ടയാക്കി സമ്മേളനത്തലേന്ന് പാര്‍ട്ടി സെക്രട്ടേറിയറ്റ് ഉയര്‍ത്തിവിട്ടത്. അഗോളതലത്തിലും ദേശീയതലത്തിലും സംസ്ഥാനത്തും പൊതുസമൂഹം നേരിടുന്ന പ്രശ്നങ്ങള്‍ ചര്‍ച്ചചെയ്തിട്ടുണ്ടെങ്കില്‍ പോലും പുറത്തറിയണമെന്ന് പാര്‍ട്ടി ആഗ്രഹിച്ചില്ല. അവര്‍ക്കു വിഷയം വി.എസ് എന്ന ‘മനോവ്യാധി’യായിരുന്നു. നേതൃത്വത്തിന്‍െറ ഒട്ടേറെക്കാലത്തെ ഉറക്കം കെടുത്തിയ മനോവ്യാധി. അദ്ദേഹത്തെ പ്രകോപിപ്പിച്ച് ഇറക്കിവിട്ടു എന്നതിലുപരി അദ്ദേഹം ഉയര്‍ത്തിവിട്ട കാര്യങ്ങളില്‍ ഒരു ചര്‍ച്ചപോലും ഉണ്ടാകാന്‍ നേതൃത്വം അനുവദിച്ചില്ല എന്നത് പാര്‍ട്ടി നേതൃത്വത്തിന്‍െറ പുതിയ അടവുനയമായിരുന്നു എന്നും വിലയിരുത്താം. അതിലൂടെ നേതൃത്വത്തിനതിരെ ഉയര്‍ന്നുവരാവുന്ന വിമര്‍ശങ്ങളെ അകറ്റിനിര്‍ത്തിയത് ഈ അടവുനയത്തിന്‍െറ വിജയമാണ്. ഇനി സംഘടനാ പ്രശ്നങ്ങളാണ് പാര്‍ട്ടി സമ്മേളനത്തിന്‍െറ മുഖ്യവിഷയമായതെന്ന് പറഞ്ഞാല്‍ അതിലും ശരികേടുണ്ട്. സംഘടനാ പ്രശ്നങ്ങളെക്കാള്‍ ചിലനേതാക്കളുടെ വ്യക്തിപരമായ കാര്യങ്ങളായിരുന്നു, ഉയര്‍ന്നുവന്നത്. അവരുടെ ഭാവികാര്യങ്ങളും സ്ഥാനമാനങ്ങളും ഇതിന് കാരണമായെന്നും ചുഴിഞ്ഞു ചിന്തിക്കുന്നവര്‍ കരുതിയാല്‍ കുറ്റപ്പെടുത്താനാകുമോ? വി.എസിന്‍െറ നിയമസഭാ പ്രതിപക്ഷ നേതൃത്വവും പിണറായി വിജയന്‍െറ ഭാവി പദവികളെയും കൂട്ടിയിണക്കി കഥകള്‍ മെനയുന്നവര്‍ ഏറെയുണ്ട്. സംസ്ഥാന സമ്മേളനം കഴിഞ്ഞാല്‍ സെക്രട്ടറിയല്ലാതാകുന്ന പിണറായി വിജയന്‍ പാര്‍ലമെന്‍ററി വ്യാമോഹത്തില്‍ പെട്ടുവെന്നും അതില്‍നിന്ന് ഉയര്‍ന്ന ഭീതിയില്‍നിന്നാണ് വി.എസിനെതിരായ പ്രമേയമുണ്ടായതെന്നും കരുതുന്ന വി.എസ് അനുഭാവികള്‍ അണിയറയിലുണ്ട്. പക്ഷേ, വി.എസ് മാറണമെന്നും തനിക്കുവേണ്ടി പാര്‍ലമെന്‍ററി തലത്തില്‍ സൗകര്യമൊരുക്കി നല്‍കണമെന്നും ആഗ്രഹിക്കുന്നത്ര താഴ്ന്നതല്ല, വിജയന്‍െറ നിലവാരം. എന്നാല്‍, ഇരുവരും തമ്മില്‍ ഏറെക്കാലമായി നിലനില്‍ക്കുന്ന കുടിപ്പകയുണ്ട്. ആ കുടിപ്പകയുടെ അവസാന പ്രയോഗമായി സെക്രട്ടേറിയറ്റ് പ്രമേയം വന്നതാണെന്നു കരുതുന്നവരുണ്ട്. അതല്ല, സ്ഥാനമൊഴിയുന്ന തനിക്കെതിരെ ഉയര്‍ന്നുവന്നേക്കാവുന്ന വിമര്‍ശകരെ വായടപ്പിക്കാന്‍ വിജയന്‍ നടത്തിയ അടവായി വ്യാഖ്യാനിക്കുന്നവരുമുണ്ട്. അതെന്തുതന്നെയായാലും വിജയന്‍ പാര്‍ട്ടി സെക്രട്ടറിയായ ശേഷം പാര്‍ട്ടിയിലുണ്ടായത് വിഭാഗീയതയായിരുന്നില്ല, പകരം വി.എസും വിജയനും തമ്മിലുള്ള കുടിപ്പക തന്നെയായിരുന്നുവെന്നു കരുതാന്‍ പോന്ന സംഭവവികാസങ്ങളാണ് പിന്നീടു കണ്ടത്. അത് ഒരു സംസ്ഥാന സമ്മേളനത്തിന്‍െറ അജണ്ടയായി മാറിയെന്നതാണ് പരിണാമഗുപ്തി. സംസ്ഥാന സമ്മേളനങ്ങളില്‍ വിഭാഗീയത പ്രകടമാകുന്നത് പുതുമയുള്ള കാര്യമല്ല. സി.ഐ.ടി.യുവിനെ വെട്ടിനിരത്തിയ പാലക്കാട് സമ്മേളനത്തിനു ശേഷം എല്ലാ സമ്മേളനങ്ങളിലും വിഭാഗീയത പ്രകടമാകുകയും അത് പാര്‍ട്ടി സമ്മേളനങ്ങളില്‍ വിഷയമാകുകയും ചെയ്തിട്ടുണ്ട്. എന്നാല്‍, അതിനൊക്കെ എപ്പോഴും ഒരു താത്ത്വിക പരിവേഷമുണ്ടായിരുന്നു. ഇ.എം.എസ് നമ്പൂതിരിപ്പാട് എം.വി. രാഘവനെ പുറത്താക്കിയത്, രാഘവനെ തനിക്കു പാര്‍ട്ടിയില്‍ സഹിക്കാന്‍ കഴിയില്ല എന്നു പറഞ്ഞായിരുന്നില്ല. രാഘവന് വര്‍ഗീയ കക്ഷികളോട് ആഭിമുഖ്യമുണ്ടെന്നും അദ്ദേഹത്തിന്‍െറ നയങ്ങള്‍ക്കും ബദല്‍രേഖക്കും വര്‍ഗീയമുഖമുണ്ടെന്നും രാഘവന് വര്‍ഗീയതയുടെ വക്താവാകുന്നുവെന്നും വ്യാഖ്യാനിച്ചാണ് പുറത്താക്കുന്നത്. ഇവിടെ ഇക്കുറി പരസ്പരം ഉയര്‍ന്നുവന്ന ആരോപണങ്ങള്‍ ഈ വക വിഭാഗങ്ങളില്‍പെടുന്നില്ല. വ്യക്തിപരമായവയാണ് ഏറെയും. വി.എസ് തന്നെ വേട്ടയാടി എന്നതാണ് പിണറായി വിജയനെ അലട്ടുന്ന പ്രശ്നം. പിണറായി വിജയനെ കേരളത്തിലെ പാര്‍ട്ടി കണ്ട ഏറ്റവും മികച്ച സംഘാടകനായി എതിരാളികള്‍പോലും വിലയിരുത്തും. ആഗോളതലത്തില്‍ കമ്യൂണിസത്തിനു തിരിച്ചടി നേരിട്ട പശ്ചാത്തലത്തിലാണ് വിജയന്‍ കേരളത്തിലെ നേതൃത്വം ഏറ്റെടുക്കുന്നത്. തുടര്‍ന്ന്, ദേശീയതലത്തിലും സി.പി.എമ്മിനും ഇടതുപക്ഷത്തിനും തിരിച്ചടികള്‍ ഉണ്ടായി. യു.പി.എ സര്‍ക്കാറിനു നല്‍കിയ പിന്തുണവഴി പിന്നീട് സി.പി.എം ദേശീയശ്രദ്ധപിടിച്ചുപറ്റി. എന്നാല്‍, ആണവകരാര്‍ മൂലം അതു നിലനിര്‍ത്താനാകാതെ ദേശീയ നേതൃത്വം പിന്നാക്കം പോയി. ബംഗാളില്‍ പാര്‍ട്ടി തകര്‍ന്നു. കേരളത്തില്‍ പാര്‍ട്ടിനിലനിന്നു എന്നു മാത്രമല്ല, അതിന് ആസ്തിയും ഐശ്വര്യവും മികച്ച പ്രഫഷനല്‍ മാനേജ്മെന്‍റും ഉണ്ടായി. അത് വിജയന്‍െറ വിജയമായിരുന്നു. മികച്ച സംഘടനാ പാടവവും കരുത്തും നിശ്ചയദാര്‍ഢ്യവും അദ്ദേഹം കാഴ്ചവെച്ചു. അതിനാല്‍, വിജയനെ മികച്ച മാനേജ്മെന്‍റ് പ്രഫഷനലായി വിലയിരുത്താന്‍ എതിരാളികള്‍ക്കു പോലും മടിയില്ല. എന്നാല്‍, പാവപ്പെട്ടവന്‍െറ പാര്‍ട്ടി എന്നനിലയില്‍നിന്ന് പണക്കാരുടെ ഒൗദാര്യം ചോദിച്ചുവാങ്ങുന്ന പാര്‍ട്ടിയായി മാറി എന്നനിലയിലേക്ക് വിമര്‍ശങ്ങള്‍ ഉയര്‍ന്നു. ഈ 16 വര്‍ഷങ്ങളില്‍ വി.എസ് സാന്നിധ്യം ഉറപ്പിച്ചത് ജനങ്ങള്‍ക്കുമുന്നില്‍ ചില പ്രശ്നങ്ങള്‍ ഉയര്‍ത്തിയാണ്. ആ പ്രശ്നങ്ങളും തുടര്‍ന്നുള്ള കേസുകളും ഇനിയും നിലനില്‍ക്കുന്നു. അവക്ക് ഉത്തരം നല്‍കേണ്ടത്. ഭരണനേതൃത്വം മാത്രമല്ല, സ്വന്തം പാര്‍ട്ടി നേതൃത്വം കൂടിയായിരുന്നു. അവ പലപ്പോഴും തെരഞ്ഞെടുപ്പുകളില്‍ പാര്‍ട്ടിയെ സഹായിച്ചിട്ടുമുണ്ട്. വി.എസ് ഈ സമ്മേളനത്തോടെ പാര്‍ട്ടിയില്‍നിന്ന് നിഷ്കാസിതനാകുകയോ പാര്‍ട്ടി കോണ്‍ഗ്രസില്‍ വീണ്ടും ഉയിര്‍ത്തെഴുനേല്‍ക്കുകയോ ചെയ്തേക്കാം. രണ്ടായാലും അദ്ദേഹം ഉയര്‍ത്തിക്കൊണ്ടുവന്ന ചോദ്യങ്ങള്‍ക്ക് മറുപടി ഉണ്ടാകുമോ എന്നത് സംശയമാണ്. അതിനുള്ള സാധ്യതകള്‍ കൊട്ടിയടക്കുകകൂടിയാണ് ആലപ്പുഴയിലുണ്ടായത്. പാര്‍ട്ടി കോണ്‍ഗ്രസിലേക്ക് പോകുമ്പോള്‍ പാര്‍ട്ടിയുടെ മുഖ്യശത്രു ആരായിരിക്കും? വി.എസ് ആയിരിക്കുമോ അതോ ദേശീയതലത്തിലും സംസ്ഥാനതലത്തിലും വെല്ലുവിളികള്‍ ഉയര്‍ത്തുന്ന ശക്തികളായിരിക്കുമോ? പ്രത്യയശാസ്ത്രങ്ങളായിരിക്കുമോ അതോ വ്യക്തി വിദ്വേഷങ്ങളായിരിക്കുമോ ചര്‍ച്ചചെയ്യപ്പെടുക? പിണറായി വിജയന്‍െറ ഭാവി ദേശീയ ജനറല്‍ സെക്രട്ടറിപദമാകുമോ അതോ സംസ്ഥാന മുഖ്യമന്ത്രിപദമാകുമോ? വി.എസ് ആകട്ടെ വേലിക്കു പുറത്താണിപ്പോള്‍. 93ാം വയസ്സില്‍ ഇനി എന്താണ് അദ്ദേഹത്തിനു ചെയ്യാനുണ്ടാകുക? എല്ലാവര്‍ക്കും നല്ലതുമാത്രം സംഭവിക്കട്ടെ.  |
| Posted: 23 Feb 2015 06:06 PM PST Image:  പാര്‍ലമെന്‍റിന്‍െറ ബജറ്റ് സമ്മേളനം ഇന്നലെ തുടങ്ങിയതോടെ നരേന്ദ്ര മോദി സര്‍ക്കാറിന്‍െറ ജനായത്ത പ്രതിബദ്ധതയും നിലപാടുകളിലെ ജനപക്ഷ സ്വഭാവവും പരീക്ഷിക്കപ്പെടാന്‍ പോവുകയാണ്. എല്ലാവരെയും ഉള്‍ക്കൊള്ളുന്ന പുരോഗതിയാണ് സര്‍ക്കാര്‍ ലക്ഷ്യംവെക്കുന്നതെന്ന് രാഷ്ട്രപതിയുടെ നയപ്രഖ്യാപനം വ്യക്തമാക്കുന്നുണ്ട്. ലക്ഷ്യവും സമീപനവും മാത്രമല്ല, പ്രവര്‍ത്തനശൈലിയും ഒരു ഭരണക്രമത്തിന്‍െറ വിളംബരമാണ്. ഭരണത്തിലത്തെി 10 മാസമാകുംമുമ്പേ ഡല്‍ഹിയിലെ ജനങ്ങള്‍ ബി.ജെ.പിയെ പൂര്‍ണമായി തിരസ്കരിച്ചത് നയപ്രഖ്യാപനങ്ങള്‍ക്ക് ആകര്‍ഷണം കുറഞ്ഞതുകൊണ്ടല്ലല്ളോ. സര്‍ക്കാറും ഇത് മനസ്സിലാക്കാതിരിക്കില്ല എന്നാണ് രാജ്യം പ്രതീക്ഷിക്കുന്നത്. സര്‍വതോന്മുഖവും സര്‍വാശ്ളേഷിയുമായ പുരോഗതി പ്രതിഫലിക്കേണ്ടത് ഭരണശൈലിയിലും ഭരണകൂടത്തിന്‍െറ നിഷ്പക്ഷതയിലും സാമൂഹിക-സാമ്പത്തിക സുസ്ഥിതി ഉറപ്പുവരുത്തുന്നതിലുമാണ്. എന്നാല്‍, സാമ്പത്തികരംഗത്ത് കോര്‍പറേറ്റ് പക്ഷപാതിത്തവും ജനവിരുദ്ധതയും മോദിസര്‍ക്കാറിനെ നയിക്കുന്നുവെന്ന ആശങ്കക്ക് ഇടംനല്‍കുന്നതാണ് ഇതുവരെയുള്ള പ്രധാന നീക്കങ്ങള്‍. അമേരിക്കയുമായുള്ള ആണവക്കരാറില്‍, ഇന്ത്യന്‍ജനതയുടെ സുരക്ഷ അടിയറവെച്ചതുമുതല്‍ ഭൂമി ഏറ്റെടുക്കുന്നതിലെ കോര്‍പറേറ്റ്-സമ്പന്ന വിധേയത്വംവരെ വെളിച്ചത്തുവന്നതാണ്. സാമൂഹികരംഗത്താകട്ടെ വര്‍ഗീയ-ഫാഷിസ്റ്റ് ശക്തികളുടെ ഒളിഞ്ഞും തെളിഞ്ഞുമുള്ള ചെയ്തികളും വാക്കുകളും സര്‍ക്കാറില്‍നിന്നുള്ള ഇടപെടലൊന്നുമില്ലാതെ നടക്കുന്നതും ഉത്കണ്ഠയുണര്‍ത്തിയിരിക്കുന്നു. ഭരണത്തിലത്തെി ഏഴു മാസത്തിനുള്ളില്‍ 10 ഓര്‍ഡിനന്‍സ് ഇറക്കിയതിലെ ‘ജനാധിപത്യ പ്രതിബദ്ധത’യും വിശദീകരിക്കാനാവില്ല. റെയില്‍വേ, പൊതുബജറ്റുകളിലെ സമീപനങ്ങളെന്താകുമെന്ന ചോദ്യത്തിന് ഈയാഴ്ചതന്നെ ഉത്തരം കിട്ടാന്‍പോകുന്നു. ആസൂത്രണ കമീഷന്‍ ഇല്ലാതാവുകയും പകരം ‘നിതി ആയോഗ്’ സംവിധാനം നിലവില്‍വരുകയും ചെയ്തത് നമ്മുടെ സാമ്പത്തികരംഗത്ത് എന്തുതരം നീതിയാണ് കൊണ്ടുവരുകയെന്നതിന്‍െറ സൂചനയും പൊതുബജറ്റില്‍നിന്ന് ലഭിച്ചേക്കും. ഏതായാലും ബജറ്റിനുമുമ്പുള്ള കൂടിയാലോചനകള്‍ വിവിധ വിഭാഗങ്ങളുമായി നടന്നിട്ടുണ്ടെങ്കിലും സംസ്ഥാനങ്ങളുടെയും അസംഘടിതരായ സാധാരണക്കാരുടെയും പ്രതീക്ഷകള്‍ ആര് കേള്‍ക്കുമെന്നുകൂടി കാണാനിരിക്കുന്നു. ഏതാനും വര്‍ഷങ്ങളായി സാധാരണക്കാരുടെ വീക്ഷണങ്ങള്‍ പൊതുബജറ്റുകളില്‍ പ്രതിഫലിക്കാറില്ല. കോര്‍പറേറ്റുകളുടെ വീക്ഷണങ്ങളാണ് പ്രതിഫലിക്കാറ്. ഇത്തവണയും സര്‍ക്കാര്‍ കൂടിയാലോചന നടത്തിയ തല്‍പരവിഭാഗങ്ങള്‍ സമ്മര്‍ദം ചെലുത്തുന്നത് ജനപക്ഷത്തു ചേര്‍ന്നുകൊണ്ടല്ല. വരുമാനമുണ്ടാക്കാന്‍ നികുതിയിതര മാര്‍ഗങ്ങള്‍ തേടണമെന്ന് വ്യവസായികളുടെ കോണ്‍ഫെഡറേഷന്‍ ആവശ്യപ്പെട്ടത് ഉദാഹരണം. സമ്പന്നര്‍ക്ക് കൂടുതല്‍ നികുതി ചുമത്തുന്നതും പാവപ്പെട്ടവരെ പൂര്‍ണമായും നികുതിയില്‍നിന്ന് ഒഴിവാക്കുന്നതും മനസ്സിലാക്കാം. എന്നാല്‍, പ്രത്യക്ഷനികുതികള്‍ക്കുപകരം പരോക്ഷനികുതികള്‍ വര്‍ധിപ്പിക്കുന്നത് ഫലത്തില്‍ വിലക്കയറ്റം സൃഷ്ടിക്കുകയാണ് ചെയ്യുക. അത് നേരിട്ട് ബാധിക്കുക സാധാരണക്കാരെയാവും. ധനക്കമ്മി കുറക്കാന്‍ സബ്സിഡികള്‍ ഒഴിവാക്കുക, സ്വകാര്യ നിക്ഷേപത്തിന് ഇനിയും ഇടം തുറന്നുകൊടുക്കുക തുടങ്ങിയ നിര്‍ദേശങ്ങളും ഉയര്‍ന്നിരിക്കുന്നു. ദേശീയ തൊഴിലുറപ്പുപദ്ധതിയില്‍ ഇതിനകംതന്നെ മായം ചേര്‍ത്തുകഴിഞ്ഞു. ഈ പദ്ധതിക്കും ഭക്ഷ്യ-വളം മേഖലകള്‍ക്കുമായി ഇപ്പോള്‍ നല്‍കുന്ന 2.52 ലക്ഷം കോടി രൂപ സബ്സിഡിയാണെന്നും അത് ധനക്കമ്മി കൂട്ടുകയാണെന്നും സാമ്പത്തിക ‘വിദഗ്ധര്‍’ പറഞ്ഞുകൊണ്ടിരിക്കുന്നുണ്ട്. എന്നാല്‍, വിദേശങ്ങളില്‍ നിക്ഷേപിച്ചിട്ടുള്ള പരലക്ഷം കോടികള്‍ തിരിച്ചുപിടിക്കുമെന്ന വാഗ്ദാനം ക്രമേണ കേള്‍ക്കാതാവുകയാണ്. ആരും പുറത്തുപറയാത്ത മറ്റൊരു വസ്തുത, പാവങ്ങളുടെ ഭക്ഷ്യ-വളം-പാചകവാതക സബ്സിഡികളെയെല്ലാം മഹാപാപമായി എണ്ണുന്ന സര്‍ക്കാറുകള്‍ 2004-05 മുതലിങ്ങോട്ട് സമ്പന്ന കോര്‍പറേറ്റുകള്‍ക്ക് 36 ലക്ഷം കോടി രൂപ നികുതിയിളവ് നല്‍കിയിട്ടുണ്ട് എന്നതാണ്. ഇതിനെ സബ്സിഡി എന്നു വിളിക്കാതിരിക്കാന്‍ എല്ലാവരും ശ്രദ്ധിക്കുന്നു. പകരം, നികുതിയിളവെന്നും മുന്‍കൂര്‍ നികുതിയൊഴിവെന്നുമൊക്കെയാണ് (റവന്യൂ ഫോര്‍ഗോണ്‍) ബജറ്റില്‍ വിളിക്കാറ്. ഏക്കറിന് ഒരു രൂപ എന്ന തോതില്‍വരെ നഗരഭൂമി കോര്‍പറേറ്റുകള്‍ക്ക് നല്‍കുന്നതും പ്രത്യേക സാമ്പത്തികമേഖല (സെസ്) എന്ന പേരില്‍ രാജ്യനിയമങ്ങളില്‍നിന്ന് മുക്തി നല്‍കുന്നതുമൊക്കെയാണ് പുരോഗതി എന്നു പ്രചരിപ്പിക്കുന്നവര്‍ പാവങ്ങള്‍ക്കായുള്ള പദ്ധതികളെയും ഇളവുകളെയും ഉന്നമിടുകയാണ്. രാജ്യം വളര്‍ച്ചയുടെ പാതയിലാണെന്ന് നാം ഊറ്റംകൊള്ളുന്നു. എന്നാല്‍, അസമത്വം വളരുകയാണ്. അതിസമ്പന്നരായ ഒരു ശതമാനം പേര് രാജ്യത്തിന്‍െറ പകുതിയും സ്വന്തമാക്കിയിരിക്കുന്നു. സര്‍ക്കാറുകള്‍ മാറുമ്പോഴും ഈ ന്യൂനപക്ഷമാണ് സാമ്പത്തികനയം തീരുമാനിക്കുന്നത്. രാഷ്ട്രപതി എടുത്തുപറഞ്ഞ ‘എല്ലാവരെയും ഉള്‍ക്കൊള്ളുന്ന വളര്‍ച്ച’ വെറും പ്രഖ്യാപനം മാത്രമോ എന്നറിയാന്‍ ഏറെ താമസിക്കില്ല. ബജറ്റുകള്‍ അക്കാര്യം തെളിയിക്കും. ഇതുവരെയുള്ള അനുഭവം ശുഭസൂചകമല്ല.  |
| സൗദിയില്‍ വാഹനാപകടം; നാല് മലയാളികളടക്കം അഞ്ച് മരണം Posted: 23 Feb 2015 05:50 PM PST Image:  റിയാദ്: റിയാദ് നഗരത്തില്‍നിന്ന് 100 ഓളം കിലോമീറ്ററകലെ ഹുറൈമില പട്ടണത്തിലുണ്ടായ വാഹനാപകടത്തില്‍ അഞ്ച് പേര് മരിച്ചു. ശഖ്‌റയില്‍ താമസിക്കുന്ന കൊല്ലം ഉളിയക്കോവില്‍ സ്വദേശികളായ മുഹമ്മദ് ഹനീഫ്, ഭാര്യ നൂര്‍ജഹാന്‍, കൊല്ലം നിലമേല്‍ സ്വദേശി ശരീഫ്, ഗുരുവായൂര്‍ സ്വദേശി സലീം, ബീഹാര്‍ സ്വദേശി റോണക് എന്നിവരാണ് മരിച്ചത്.  നാട്ടില്‍ നിന്നും വന്ന സലീമിനെ വിമാനത്താവളത്തില്‍ നിന്നും സ്വീകരിച്ച് താമസ സ്ഥലമായ ശഖ്‌റയിലേക്ക് പോകുന്നതിനിടിയിലാണ് അപകടമുണ്ടായത്. തിങ്കളാഴ്ച വൈകീട്ട് 7.30 ഓടെ ഹുറൈമിലയില്‍നിന്ന്, താദിഖിലേക്ക് പോകുന്ന റൂട്ടിലാണ് അപകടമുണ്ടായത്. ശഖ്‌റയില്‍നിന്ന് വന്ന മലയാളികള്‍ സഞ്ചരിച്ച നിസാന്‍ സണ്ണി കാര്‍ സ്വദേശിയുടെ വാഹനവുമായി കൂട്ടിയിടിക്കുകയായിരുന്നു. ഒരു വില്ലയിലെ താമസക്കാരായിരുന്നു ഇവര്‍.റോണക് ഡ്രൈവറാണ്.മൃതദേഹങ്ങള്‍ ഹുറൈമില ആശുപത്രി മോര്‍ച്ചറിയിലാണുള്ളത്.  |
| ഐ.എസിനെതിരായ പോരാട്ടം: അമേരിക്കന്‍ പ്രതിരോധ സെക്രട്ടറി കുവൈത്തില്‍ Posted: 23 Feb 2015 05:28 PM PST Image:  കുവൈത്ത് സിറ്റി: ഇറാഖിലും സിറിയയിലും സജീവമായ സായുധസംഘം ഇസ്ലാമിക് സ്റ്റേറ്റിനെതിരെ (ഐ.എസ്) അമേരിക്കയുടെ നേതൃത്വത്തില്‍ പുതിയ പോര്‍മുഖം തുറക്കുന്നു. ഇതുസംബന്ധിച്ച കൂടിയാലോചനകള്‍ക്ക് യു.എസ് പ്രതിരോധ സെക്രട്ടറി ആഷ്ടണ്‍ കാര്‍ട്ടര്‍ കുവൈത്തിലത്തെി. ഒരാഴ്ച മുമ്പ് സ്ഥാനമേറ്റശേഷം നടത്തുന്ന ആദ്യ വിദേശപര്യടനത്തിന്‍െറ ഭാഗമായി അഫ്ഗാനിസ്താന്‍ സന്ദര്‍ശനം കഴിഞ്ഞാണ് കാര്‍ട്ടര്‍ കുവൈത്തിലത്തെിയത്. കുവൈത്തിലെ അമേരിക്കയുടെ സൈനിക ക്യാമ്പായ ആരിഫ്ജാനില്‍ രണ്ട് ഡസനിലധികം മുതിര്‍ന്ന സൈനിക ഓഫിസര്‍മാരും മേഖലയിലെ യു.എസ് അംബാസഡര്‍മാരും ഇന്‍റലിജന്‍സ് ഉദ്യോഗസ്ഥരും പങ്കെടുത്ത യോഗത്തില്‍ കാര്‍ട്ടര്‍ സംബന്ധിച്ചു. ഐ.എസിനെതിരായ പോരാട്ടം സംബന്ധിച്ച് യോഗത്തില്‍ വ്യക്തമായ ധാരണയായതായാണ് സൂചന. കുവൈത്ത് കേന്ദ്രീകരിച്ച് ഐ.എസിനെതിരെ പോരാട്ടം ശക്തമാക്കുമെന്നും എത്രയും വേഗം സംഘത്തിന്‍െറ ശക്തി ക്ഷയിപ്പിക്കുകയാണ് ലക്ഷ്യമെന്നും യോഗത്തിന് മുമ്പ് ക്യാമ്പിലെ സൈനികരെ അഭിസംബോധന ചെയ്യവെ കാര്‍ട്ടര്‍ പറഞ്ഞു.  |
| ഖത്തര്‍ ടോട്ടല്‍ ഓപണ്‍ : വീനസ്, അസാരങ്ക, പെന്നറ്റ രണ്ടാം റൗണ്ടില്‍ Posted: 23 Feb 2015 05:27 PM PST Image:  ദോഹ: ഖലീഫ ടെന്നിസ് ആന്‍റ് സ്ക്വാഷ് കോംപ്ളക്സില്‍ കഴിഞ്ഞ ദിവസം ആരംഭിച്ച ഖത്തര്‍ ടോട്ടല്‍ ഓപണ്‍ ടെന്നിസ് ചാമ്പ്യന്‍ഷിപ്പില്‍ അമേരിക്കന്‍ താരവും ഏഴാം സ്വീഡുമായ വീനസ് വില്യംസ്, വൈല്‍ഡ് കാര്‍ഡിലത്തെിയ അസാരങ്ക, ഇറ്റലിയുടെ ഫ്ലാവിയ പെന്നറ്റ എന്നിവര്‍ രണ്ടാം റൗണ്ടില്‍ കടന്നു.  |
| പ്രവാസികള്‍ക്ക് കോണ്‍സുലര്‍ പരാതികള്‍ ഓണ്‍ലൈനായി നല്‍കാന്‍ ‘മദദ്’ പോര്‍ട്ടല്‍ Posted: 23 Feb 2015 05:10 PM PST Image:  ദുബൈ: കേന്ദ്ര വിദേശകാര്യ മന്ത്രാലയം പ്രവാസികാര്യ മന്ത്രാലയവുമായി ചേര്‍ന്ന് പ്രവാസി ഇന്ത്യക്കാരുടെ പ്രശ്നപരിഹാരത്തിനായി ഓണ്‍ലൈന്‍ സംവിധാനം തുടങ്ങി. കോണ്‍സുലര്‍ സേവനം സംബന്ധിച്ച പരാതികളില്‍ സയമബന്ധിതമായി നടപടി ഉറപ്പുവരുത്തുന്നതിനും അത് പരാതിക്കാരന് സുതാര്യമായ രീതിയില്‍ നിരീക്ഷിക്കുന്നതിനും ‘മദദ്’ (സഹായം) എന്ന പേരിലുള്ള പുതിയ പോര്‍ട്ടലിലൂടെ കഴിയുമെന്ന് ദുബൈയിലെ ഇന്ത്യന്‍ കോണ്‍സല്‍ ജനറല്‍ അനുരാഗ് ഭൂഷണ്‍ വാര്‍ത്താസമ്മേളനത്തില്‍ അറിയിച്ചു. പരീക്ഷണാടിസ്ഥാനത്തില്‍ യൂ.എ.ഇ (അബൂദബി, ദുബൈ),ബഹ്റൈന്‍, കുവൈത്ത്, ഒമാന്‍,ഖത്തര്‍ എന്നിവിടങ്ങളില്‍ നടപ്പാക്കി വിജയകരമാണെന്ന് കണ്ടതോടെ കഴിഞ്ഞദിവസം മുതല്‍ എല്ലാ രാജ്യങ്ങളിലും ഇത് ഒൗദ്യോഗികമായി തന്നെ പ്രവര്‍ത്തിച്ചുതുടങ്ങി. മദദില്‍ പരാതിപ്പെടാന്‍  |
| വിദേശകാര്യ മന്ത്രിക്ക്് ഡല്‍ഹിയില്‍ ഊഷ്മള സ്വീകരണം Posted: 23 Feb 2015 04:59 PM PST Image:  മനാമ: ഇന്ത്യ സന്ദര്‍ശിക്കുന്ന ബഹ്റൈന്‍ വിദേശകാര്യ മന്ത്രി ശൈഖ് ഖാലിദ് ബിന്‍ അഹ്മദ് ബിന്‍ മുഹമ്മദ് ആല്‍ഖലീഫക്ക് ഡല്‍ഹിയില്‍ വന്‍ സ്വീകരണം. ഇന്ത്യന്‍ വിദേശ കാര്യ മന്ത്രി സുഷമാ സ്വരാജിന്‍െറ നേതൃത്വത്തിലാണ് അദ്ദേഹത്തിന് സ്വീകരണമൊരുക്കിയത്. തുടര്‍ന്ന് ഇന്ത്യ-ബഹ്റൈന്‍ സംയുക്ത യോഗത്തില്‍ അദ്ദേഹം പങ്കെടുത്തു. പ്രധാനമന്ത്രി നരേന്ദ്രമോദിയുമായി അദ്ദേഹം കൂടിക്കാഴ്ച്ച നടത്തുകയും ഇരുരാജ്യങ്ങളും തമ്മിലുള്ള ബന്ധം ശക്തിപ്പെടുത്തുന്നതിനുള്ള മാര്‍ഗങ്ങള്‍ ആരായുകയും ചെയ്തു. സഹകരണ കരാറില്‍ വിദേശകാര്യ മന്ത്രിമാര്‍ ഒപ്പുവെച്ചു. രാജാവ് ഹമദ് ബിന്‍ ഈസ ആല്‍ഖലീഫ കഴിഞ്ഞ വര്‍ഷം നടത്തിയ സന്ദര്‍ശനത്തില്‍ ഉണ്ടാക്കിയ കരാറുകളില്‍ ഒപ്പുവെക്കുന്നതിനാണ് പ്രധാനമായും ശൈഖ് ഖാലിദ് ഇന്ത്യയിലത്തെിയത്. ഇന്ത്യയില്‍ തനിക്കും സംഘത്തിനും ലഭിച്ച ഊഷ്മളമായ സ്വീകരണത്തിന് മന്ത്രി പ്രത്യേകം നന്ദി അറിയിച്ചു. 2011 മാര്‍ച്ചിലാണ് അവസാനമായി വിദേശകാര്യ മന്ത്രി ഇന്ത്യ സന്ദര്‍ശിച്ചത്. പിന്നീട് 2012 മെയ് 30, 31 തീയതികളിലും 2013 മാര്‍ച്ച് 17, 18 തീയതികളിലും കിരീടാവകാശിയും ഒന്നാം ഉപപ്രധാനമന്ത്രിയുമായ പ്രിന്‍സ് സല്‍മാന്‍ ബിന്‍ ഹമദ് ആല്‍ഖലീഫയും 2014 ഫെബ്രുവരിയില്‍ രാജാവ് ഹമദ് ബിന്‍ ഈസ ആല്‍ഖലീഫയും ഇന്ത്യ സന്ദര്‍ശിച്ചിരുന്നു. ഇരുരാജ്യങ്ങളും തമ്മില്‍ കാലങ്ങളായി നിലനില്‍ക്കുന്ന വിവിധ മേഖലകളിലുള്ള ബന്ധവും സഹകരണവും ശക്തിപ്പെടുത്തുന്നതിനുള്ള ചര്‍ച്ചകളാണ് കാര്യമായി നടന്നത്. സംയുക്ത ഉന്നതാധികാര സമിതിയുടെ യോഗം 2014 ഒക്ടോബര്‍ 20ന് ഡല്‍ഹിയില്‍ ചേരുകയും സഹകരണത്തിന്‍െറ വിവിധ മേഖലകള്‍ ചര്‍ച്ച ചെയ്യുകയും ചെയ്തിരുന്നു. സാംസ്കാരിക വിനിമയവും ചരിത്രപരമായ ബന്ധവും പരിഗണിച്ച് അന്താരാഷ്ട്ര വിഷയങ്ങളിലും മറ്റും ഒന്നിച്ച് നീങ്ങുന്നതിനുള്ള സാധ്യതകളാണ് ചര്‍ച്ചയില്‍ തെളിഞ്ഞത്.  |
| Posted: 23 Feb 2015 10:49 AM PST Image:  Subtitle: ഗോള്‍വേട്ടക്കാരില്‍ റൊണാള്‍ഡോ മൂന്നാമന്‍ മഡ്രിഡ്: ലാ ലിഗയില്‍ ദുര്‍ബലരായ എല്‍ച്ചെക്കെതിരെ ഒന്നാം സ്ഥാനക്കാരായ റയല്‍ മഡ്രിഡിന് ആധികാരിക ജയം. ഫ്രഞ്ച് സ്ട്രൈക്കര്‍ കരീം ബെന്‍സീമയും സൂപ്പര്‍ താരം ക്രിസ്റ്റ്യാനോ റൊണാള്‍ഡോയും നേടിയ ഗോളുകള്‍ക്കായിരുന്നു ജയം. ഇന്നലെയും ഗോള്‍ കണ്ടത്തെിയ ക്രിസ്റ്റ്യാനോ ഇതോടെ റയലിന്‍െറ ചരിത്രത്തില്‍ ഏറ്റവും കൂടുതല്‍ ഗോള്‍ നേടിയവരില്‍ മൂന്നാമതാണ്- 290 ഗോളുകള്‍. റൗള്‍ ഗോണ്‍സാലസ് (323), ആല്‍ഫ്രഡോ ഡി സ്റ്റെഫാനോ (305) എന്നിവരാണ് റൊണാള്‍ഡോക്ക് മുന്നിലുള്ളത്. 289 ഗോളുകള്‍ നേടിയ കാര്‍ലോസ് സാന്‍റിലാനയെയാണ് ഇന്നലെ റൊണാള്‍ഡോ മറികടന്നത്. എല്‍ച്ചെക്കെതിരെ അവസാന മൂന്നു മത്സരങ്ങളില്‍ റോണോ ഏഴാം തവണയാണ് വല കുലുക്കുന്നത്.  |
| ഫേസ്ബുക് അക്കൗണ്ടില്‍ തുടക്കം; കലക്ടര്‍ ചുമതലയേറ്റു Posted: 23 Feb 2015 10:40 AM PST Image:  കോഴിക്കോട്: പൊതുജനങ്ങളുടെ നിര്‍ദേശവും സഹകരണവും ഉറപ്പാക്കാന്‍ ഫേസ്ബുക്കില്‍ അക്കൗണ്ട് തുടങ്ങി ജില്ലാ കലക്ടര്‍ എന്‍. പ്രശാന്ത് ഭരണനിര്‍വഹണം തുടങ്ങി. collector kozhikode എന്ന പേരിലാണ് ഫേസ്ബുക് അക്കൗണ്ട്. പരാതികള്‍ നല്‍കാനും കലക്ടറെ കാണുന്നതിന് രജിസ്റ്റര്‍ ചെയ്യാനും ലക്ഷ്യമിട്ട് മൊബൈല്‍ ആപ്ളിക്കേഷനും ഒരുക്കുന്നുണ്ട്. നാഷനല്‍ ഇന്‍ഫര്‍മാറ്റിക്സ് സെന്‍ററുമായി സഹകരിച്ചാണ് ആപ് തയാറാക്കുന്നത്. ഭരണനിര്‍വഹണത്തില്‍ പൊതുജനങ്ങള്‍ക്കുള്ള വിശ്വാസ്യത നിലനിര്‍ത്താനും പുതിയ ആശയങ്ങളും നിര്‍ദേശങ്ങളുമൊക്കെ പങ്കുവെക്കാനുമാണിതെന്ന് കലക്ടര്‍ വാര്‍ത്താസമ്മേളനത്തില്‍ അറിയിച്ചു. അസി. കലക്ടറായിരിക്കെ കോഴിക്കോട്ട് ജോലിചെയ്ത ആത്മവിശ്വാസമുണ്ട്. ഒരുപാട് കാര്യങ്ങള്‍ കോഴിക്കോട്ട് ചെയ്യണമെന്നുണ്ട്. എല്ലാ കാര്യങ്ങളും ആദ്യംതന്നെ പറഞ്ഞാല്‍ ശരിയാവില്ല. മഹാരഥന്മാരായ കലക്ടര്‍മാര്‍ ഇരുന്ന കസേരയില്‍ എത്തുന്നതില്‍ സന്തോഷമുണ്ട്. പരമാവധി കാര്യങ്ങള്‍ ചെയ്യുമെന്ന് ഉറപ്പ്^കലക്ടര്‍ പറഞ്ഞു. വികസനങ്ങള്‍ക്ക് അപ്പുറം ജില്ലയില്‍ ശാന്തിയും സമാധാനവും ഉറപ്പാക്കുകയാണ് പ്രഥമലക്ഷ്യം. ഇതിനായി ഒറ്റമൂലിയൊന്നുമില്ളെങ്കിലും ജനങ്ങള്‍ക്കിടയില്‍ സഹവര്‍ത്തിത്വവും സ്നേഹവും നിലനിര്‍ത്താനുള്ള സാഹചര്യം സൃഷ്ടിക്കും. അക്രമങ്ങള്‍ അരങ്ങേറിയ നാദാപുരം^തൂണേരി ഭാഗങ്ങള്‍ ചൊവ്വാഴ്ച സന്ദര്‍ശിക്കും. നഗരറോഡ് വികസന പദ്ധതിയില്‍ ഉള്‍പ്പെടുത്തി ഒട്ടേറെ കാര്യങ്ങള്‍ ചെയ്യാനുണ്ട്. റോഡിന്‍െറ കാര്യത്തില്‍ തിരുവനന്തപുരം സിറ്റിയെന്നപോലെ കോഴിക്കോടിന് ഉയരേണ്ടതുണ്ട്. പദ്ധതിയുടെ ആദ്യഘട്ടമായുള്ള മാനാഞ്ചിറ-വെള്ളിമാടുകുന്ന് റോഡിന്‍െറ വികസനം വേഗത്തിലാക്കും. വികസനം യാഥാര്‍ഥ്യമാവാന്‍ അല്‍പം ത്യാഗം സഹിക്കേണ്ടിവരും. പ്രോജക്ടുകള്‍ കൊണ്ടുവരുന്നതിലല്ല പ്രാമുഖ്യം നല്‍കുന്നത്. ജനങ്ങളുടെ വിശ്വസംകൂടി കണക്കിലെടുത്താവും പ്രവര്‍ത്തനമെന്നും അദ്ദേഹം വ്യക്തമാക്കി. ആഭ്യന്തരമന്ത്രിയുടെ പ്രൈവറ്റ് സെക്രട്ടറിയായി പ്രവര്‍ത്തിക്കവെയാണ് കലക്ടറായത്തെുന്നത്. 2007ലെ കേരള കാഡര്‍ ഐ.എ.എസുകാരനാണ്. രാവിലെ 10ന് മാതാപിതാക്കള്‍ക്കൊപ്പമാണ് ഇദ്ദേഹം കലക്ടറേറ്റിലത്തെിയത്. നായകന്‍ മോഹന്‍ലാല്‍, സംവിധാനം ഐ.വി. ശശി, കഥ, തിരക്കഥ എന്‍. പ്രശാന്ത്... തീരദേശ വികസന കോര്‍പറേഷന്‍െറയും മുന്നാക്ക വികസന കോര്‍പറേഷന്‍െറയും എം.ഡി ഡോ. കെ. അമ്പാടിയുമായുള്ള സൗഹൃദമാണ് തിരക്കഥയെഴുതുന്നതില്‍ എത്തിച്ചത്. ഒൗദ്യോഗിക തിരക്കുകള്‍ക്കിടയിലാണ് കഥയും ലേഖനവുമെഴുതാന്‍ സമയം കണ്ടത്തെുന്നത്. മോഹന്‍ലാലിനെ നായകനാക്കി സിനിമയെടുക്കാന്‍ ഐ.വി. ശശി ആലോചിക്കുന്നതായുള്ള വിവരമറിഞ്ഞതോടെയാണ് ആ വഴിക്ക് ചിന്തിച്ചത്. കഥ ലാലിന് ഇഷ്ടപ്പെട്ടു. താമസിയാതെ സിനിമ തയാറാവുമെന്നും അദ്ദേഹം പറഞ്ഞു.  |
| തൂണേരി: അക്രമികള്‍ കിണറ്റിലെറിഞ്ഞത് സ്കൂട്ടര്‍, സൈക്ക്ള്‍, വാഷിങ് മെഷീന്‍... Posted: 23 Feb 2015 10:36 AM PST Image:  Subtitle: ഇസ്മായിലിന്‍െറ വീട്ടുമുറ്റത്തെ കിണറിലാണ് വീട്ടില്‍നിന്നെടുത്ത സാധനങ്ങളത്രയും തള്ളിയത് നാദാപുരം: തീവെപ്പും കൊള്ളയും നടന്ന തൂണേരി വെള്ളൂരില്‍ അക്രമികള്‍ മലിനമാക്കിയ കിണര്‍ ശുചീകരിക്കുന്നതിനിടെ ലഭിച്ചത് ലക്ഷങ്ങളുടെ വസ്തുക്കള്‍. പുതുപുത്തന്‍ ആക്ടീവ സ്കൂട്ടര്‍, വാഷിങ് മെഷീന്‍, ഗ്രൈന്‍റര്‍, ഗ്യാസ് സിലിണ്ടര്‍, രണ്ട് സൈക്കിളുകള്‍, അമ്മി ഇങ്ങനെ പോകുന്നു കിണറില്‍നിന്ന് തൊഴിലാളികള്‍ പുറത്തെടുത്ത സാധനങ്ങള്‍! കോടഞ്ചേരി പോസ്റ്റോഫിസിന് സമീപത്തെ മുളിയില്‍ താഴെകുനി ഇസ്മായിലിന്‍െറ വീട്ടുമുറ്റത്തെ കിണറിലാണ് വീട്ടില്‍നിന്നെടുത്ത സാധനങ്ങളത്രയും തള്ളിയത്. ഈ വീട് ചുട്ടു ചാമ്പലാക്കിയ ശേഷമാണ് കലിപൂണ്ട അക്രമിസംഘം സാധനങ്ങള്‍ മുഴുവന്‍ കിണറ്റിലിട്ടത്. സ്കൂട്ടര്‍ ഇന്‍ഷുര്‍ ചെയ്തിരുന്നതിനാല്‍ ഉദ്യോഗസ്ഥര്‍ക്ക് ഇസ്മായില്‍ പരാതി നല്‍കിയിരുന്നു. സംശയം തീര്‍ക്കാന്‍ ഇന്നലെ ഇന്‍ഷുറന്‍സ് ഉദ്യോഗസ്ഥരും സ്ഥലത്തത്തെി ശുചീകരണത്തിന് സാക്ഷിയായി. കിണറില്‍നിന്ന് ഇത്രയും വിലയേറിയ സാധനങ്ങള്‍ കണ്ടെടുത്തത് പ്രദേശത്ത് നടന്ന അക്രമത്തിന്‍െറ വ്യാപ്തിയും ആസൂത്രണവും വെളിപ്പെടുത്തുന്നതാണ്. ഗ്രാമപഞ്ചായത്തിന്‍െറ നേതൃത്വത്തില്‍ നാട്ടുകാരുടെ സഹകരണത്തോടെ നടത്തുന്ന കിണര്‍ ശുചീകരണം ഞായറാഴ്ചയാണ് തുടങ്ങിയത്. ഇന്നലെ ആറ് കിണറുകള്‍ ശുചീകരിച്ചു. വരാങ്കി താഴെകുനി മൊയ്തു, എ.പി. ഇസ്മായില്‍, കടയന്‍ കോട്ടുങ്ങല്‍ ഹമീദ്, കെ.സി. അസ്ലം, വരാങ്കി താഴെകുനി റഷീദ് എന്നിവരുടെ വീടുകളിലെ കിണറുകളും ഇന്നലെ ശുചീകരണം നടത്തി. ഞായറാഴ്ച ഏഴ് കിണറുകള്‍ ശുചീകരിച്ചിരുന്നു. മോട്ടോര്‍ ഉപയോഗിച്ച് വെള്ളം പമ്പ് ചെയ്ത് മാറ്റിയ ശേഷമാണ് അക്രമികള്‍ തള്ളിയ സാധനങ്ങള്‍ പുറത്തെടുക്കുന്നത്. രാസപരിശോധനക്കായി വെള്ളത്തിന്‍െറ സാമ്പിളും ശേഖരിക്കുന്നുണ്ട്.  |
| സര്‍ക്കാര്‍ വിരുദ്ധ പ്രക്ഷോഭം: ഈജിപ്തില്‍ സൈബര്‍ ആക്ടിവിസ്റ്റിന് അഞ്ചു വര്‍ഷം തടവ് Posted: 23 Feb 2015 10:31 AM PST Image:  Subtitle: പ്രമുഖ ബ്ളോഗര്‍ അലാ അബ്ദുല്‍ ഫത്താഹിനെയാണ് ശിക്ഷിച്ചത് കൈറോ: ഈജിപ്തില്‍ ഇതിനകം തന്നെ വിവാദമായ പ്രതിഷേധ സമര നിരോധ നിയമം ലംഘിച്ചുവെന്ന് ആരോപിച്ച് പ്രമുഖ സൈബര്‍ ആക്ടിവിസ്റ്റ് ഉള്‍പ്പെടെ 25 പേര്‍ക്ക് ജയില്‍ശിക്ഷ.  |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
No comments:
Post a Comment