അല്‍ഖാഇദ വീഡിയോ; സംസ്ഥാനങ്ങള്‍ക്ക് ജാഗ്രതാ നിര്‍ദേശം Madhyamam News Feeds |  |
- അല്‍ഖാഇദ വീഡിയോ; സംസ്ഥാനങ്ങള്‍ക്ക് ജാഗ്രതാ നിര്‍ദേശം
- പൊലീസ് സ്റ്റേഷനുകളില്‍ മാധ്യമവക്താക്കളെ നിയമിക്കണം -സുപ്രീംകോടതി അമിക്കസ് ക്യൂറി
- യൂനിവേഴ്സിറ്റി എന്‍ജിനീയറിങ് വിഭാഗത്തിന്‍െറ നിര്‍മാണങ്ങളില്‍ ഗുരുതര ക്രമക്കേട്
- ബൈപാസ് ഉദ്ഘാടനം ആഘോഷമാക്കാന്‍ ഒരുക്കമായി
- ഗജവിജ്ഞാനോത്സവത്തിന് നാളെ തുടക്കം
- മൂലേടം റെയില്‍വേ മേല്‍പാലം ഉദ്ഘാടനം നാളെ
- വ്യാജമദ്യവും കഞ്ചാവും തടയാന്‍ അതിര്‍ത്തിയില്‍ പരിശോധന തുടങ്ങി
- ജയരാജന്‍െറ മകനെതിരെ കേസെടുത്തത് സ്വാഭാവിക നടപടി -വി.എസ്
- ഓണത്തിരക്കില്‍ നാടും നഗരവും
- അക്രമികള്‍ക്കെതിരെ കാപ്പ ഉപയോഗിക്കും –എസ്.പി
| അല്‍ഖാഇദ വീഡിയോ; സംസ്ഥാനങ്ങള്‍ക്ക് ജാഗ്രതാ നിര്‍ദേശം Posted: 04 Sep 2014 12:38 AM PDT Image:  ന്യൂഡല്‍ഹി: അല്‍ഖാഇദയുടെ പ്രവര്‍ത്തനം ഇന്ത്യന്‍ ഉപഭൂഖണ്ഡത്തിലേക്ക് വ്യാപിപ്പിക്കുമെന്ന അല്‍ഖാഇദ നേതാവ് അയ്മന്‍ അല്‍ സവാഹിരിയുടെ വീഡിയോ സന്ദേശത്തിന്റെ പശ്ചാത്തലത്തില്‍ എല്ലാ സംസ്ഥാനങ്ങള്‍ക്കും കേന്ദ്ര രഹസ്യാന്വേഷണ വിഭാഗം ജാഗ്രതാ നിര്‍ദേശം നല്‍കി. ഏത് തരത്തിലുള്ള ആക്രമണത്തിനും സാധ്യതയുണ്ടെന്നും കരുതിയിരിക്കണമെന്നുമുള്ള നിര്‍ദേശമാണ് നല്‍കിയത്. വീഡിയോയുടെ സ്ഥിരീകരണം നടത്തിക്കൊണ്ടിരിക്കുകയാണെന്നും വീഡിയോയെ കുറിച്ച് രഹസ്യാന്വേഷണ വിഭാഗത്തോട് മന്ത്രാലയം റിപ്പോര്‍ട്ട് തേടിയതായും കേന്ദ്ര ആഭ്യന്തര മന്ത്രി രാജ് നാഥ് സിങ് വ്യക്തമാക്കി. സംഘടനയുടെ ഇന്ത്യന്‍ ഘടകം ഇന്ത്യയില്‍ ഇസ്ലാമിക ഭരണം വ്യാപിപ്പിക്കുമെന്നും ജിഹാദിന്‍െറ കൊടി ഉയര്‍ത്തുമെന്നും സവാഹിരി പറഞ്ഞിരുന്നു. ഓണ്‍ലൈനില്‍ പുറത്തുവിട്ട 55 മിനിട്ടുള്ള വിഡിയോയിലൂടെയാണ് സവാഹിരിയുടെ പ്രഖ്യാപനം.
 |
| പൊലീസ് സ്റ്റേഷനുകളില്‍ മാധ്യമവക്താക്കളെ നിയമിക്കണം -സുപ്രീംകോടതി അമിക്കസ് ക്യൂറി Posted: 04 Sep 2014 12:11 AM PDT Image:  ന്യൂഡല്‍ഹി: രാജ്യത്തെ എല്ലാ പൊലീസ് സ്റ്റേഷനുകളിലും മാധ്യമ വക്താക്കളെ നിയമിക്കണമെന്ന് സുപ്രീംകോടതി നിയമിച്ച അമിക്കസ് ക്യൂറിയുടെ ശിപാര്‍ശ. പൊലീസ് ഉദ്യോഗസ്ഥര്‍ മാധ്യമങ്ങളുമായി സംസാരിക്കുന്നതിന് നിയന്ത്രണം ഏര്‍പ്പെടുത്തണം. പൊലീസ് വാര്‍ത്താ സമ്മേളനങ്ങള്‍ നടത്തരുതെന്നും പകരം വാര്‍ത്താകുറിപ്പുകള്‍ ഇറക്കണമെന്നും അമിക്കസ് ക്യൂറി ശിപാര്‍ശ ചെയ്തു. പൊലീസിലെ തെരഞ്ഞെടുക്കപ്പെട്ട വക്താക്കള്‍ മാത്രമേ മാധ്യമങ്ങളുമായി സംസാരിക്കാന്‍ പാടുള്ളൂ. അന്വേഷണത്തിലിരിക്കുന്ന കേസുകളുടെ വിവരങ്ങള്‍ അതത് ഘട്ടങ്ങളില്‍ മാത്രം പുറത്ത് വിടണം. കേസിനെ കുറിച്ചുള്ള വിവരങ്ങള്‍ അനാവശ്യമായി വെളിപ്പെടുത്താന്‍ പാടില്ല. എഫ്.ഐ.ആര്‍ രജിസ്റ്റര്‍ ചെയ്യുന്നതിന് മുമ്പ് വാര്‍ത്താസമ്മേളനങ്ങള്‍ നടത്തരുത് തുടങ്ങിയവയാണ് അമിക്കസ് ക്യൂറിയുടെ ശിപാര്‍ശകള്‍. ശിപാര്‍ശകള്‍ പരിഗണിച്ചാവും സുപ്രീംകോടതി ഇത് സംബന്ധിച്ച മാര്‍ഗനിര്‍ദേശങ്ങള്‍ പുറപ്പെടുവിക്കുക.  |
| യൂനിവേഴ്സിറ്റി എന്‍ജിനീയറിങ് വിഭാഗത്തിന്‍െറ നിര്‍മാണങ്ങളില്‍ ഗുരുതര ക്രമക്കേട് Posted: 04 Sep 2014 12:07 AM PDT കഴക്കൂട്ടം: യൂനിവേഴ്സിറ്റി എന്‍ജിനീയറിങ് വിഭാഗം നടത്തുന്ന നിര്‍മാണപ്രവര്‍ത്തനങ്ങളില്‍ ഗുരുതരക്രമക്കേടുകളെന്ന് ആക്ഷേപം. ശരിയായ മേല്‍നോട്ടമില്ലാതെയാണ് നിര്‍മാണപ്രവര്‍ത്തനങ്ങള്‍ നടക്കുന്നത്. പാളയത്ത് ഒരു മാസം മുമ്പ് പുതുതായി നിര്‍മിച്ച കെട്ടിട ഭാഗം തകര്‍ന്നുവീണ് യുവതിക്ക് പരിക്കേറ്റിരുന്നു. നിര്‍മാണപ്രവര്‍ത്തനങ്ങള്‍ ശരിയായ പരിശോധനയില്ലാതെ നടത്തിയതാണ് തകര്‍ന്നുവീഴാന്‍ കാരണമെന്നാണ് ആരോപണം. പാളയത്ത് ഐ.ഡി.ഇയില്‍ നടത്തിയ നിര്‍മാണപ്രവര്‍ത്തനവും വിവാദമായി. സ്വാതന്ത്ര്യദിനത്തിന് പതാക ഉയര്‍ത്താനത്തെിയ വൈസ് ചാന്‍സലറിന്‍െറ ശ്രദ്ധയില്‍പെട്ടതിന് തുടര്‍ന്ന് ഇത് പൊളിച്ചുമാറ്റാന്‍ കര്‍ശന നിര്‍ദേശം നല്‍കുകയായിരുന്നു. രണ്ടു സംഭവങ്ങളിലും യൂനിവേഴ്സിറ്റി എന്‍ജിനീയര്‍ക്ക് മെമ്മോ നല്‍കിയിരുന്നു. തുടര്‍ച്ചയായി മെമ്മോ നല്‍കിയിട്ടും ക്രമക്കേടുകള്‍ ആവര്‍ത്തിക്കുകയാണെന്നാണ് ആക്ഷേപം. കാര്യവട്ടം കാമ്പസില്‍ നടക്കുന്ന യൂനിവേഴ്സിറ്റി സ്റ്റാഫ് ക്വാര്‍ട്ടേഴ്സിന്‍െറ അറ്റകുറ്റപ്പണിയില്‍ വ്യാപകക്രമക്കേട് നടന്നിട്ടുണ്ട്. യൂനിവേഴ്സിറ്റി എന്‍ജിനീയറിങ് വിഭാഗം ശരിയായ പരിശോധന ഇവിടെ നടത്തിയിട്ടില്ളെന്ന് താമസക്കാര്‍ പറയുന്നു. കാര്യവട്ടത്ത് 38 ക്വാര്‍ട്ടേഴ്സുകളുടെ അറ്റകുറ്റപ്പണികളാണ് പൂര്‍ത്തിയായി വരുന്നത്. മൂന്നു മാസം മുമ്പ് പണികള്‍ നടത്തി പെയ്ന്‍റിങ്ങും പൂര്‍ത്തിയാക്കിയ ക്വാര്‍ട്ടേഴ്സുകളിലാണ് വീണ്ടും അറ്റകുറ്റപ്പണി നടത്തുന്നത്. പെയ്ന്‍റിങ് നടത്തിയ കെട്ടിടങ്ങള്‍ ഇടിച്ചുപൊളിച്ചാണ് വയറിങ് നടത്തുന്നത്. 38 ക്വാര്‍ട്ടേഴ്സുകളിലായി 20 ലക്ഷത്തോളം രൂപയുടെ വയറിങ്ങാണ് നടന്നുവരുന്നത്. എന്നാല്‍, ഒരിടത്തുപോലും അധികൃതര്‍ പരിശോധന നടത്തിയിട്ടില്ലത്രേ. പുറത്ത് സ്ഥാപിക്കേണ്ട സാമഗ്രിക്ക് അലുമിനിയം ഡൈകാസ്റ്റ് നിര്‍മിതമായ ബോഡിയാകണമെന്നാണ് കരാറില്‍ പറഞ്ഞിരിക്കുന്നത്. ഇതനുസരിച്ചുള്ള കരാറാണ് യൂനിവേഴ്സിറ്റി കരാറുകാരന് എസ്റ്റിമേറ്റ് നല്‍കിയത്. ഇത്തരത്തില്‍ പുറത്ത് സ്ഥാപിക്കേണ്ട ലൈറ്റ് ഒരെണ്ണത്തിന് 601 രൂപ നിരക്കിലാണ് കരാര്‍ നല്‍കിയത്. എന്നാല്‍, സ്ഥാപിച്ചത് 100 രൂപയില്‍ താഴെമാത്രം വില വരുന്ന പി.വി.സി ബോഡിയില്‍ നിര്‍മിതമായ ലൈറ്റ് സെറ്റാണെന്ന് താമസക്കാര്‍ ആരോപിക്കുന്നു. കാസ്റ്റ് അലുമിനിയം ബോഡിക്ക് വിലക്കൂടുതലും ഈടുനില്‍ക്കുന്നതുമാണന്ന് എന്‍ജിനീയര്‍മാര്‍ പറയുന്നു.  |
| ബൈപാസ് ഉദ്ഘാടനം ആഘോഷമാക്കാന്‍ ഒരുക്കമായി Posted: 03 Sep 2014 11:57 PM PDT കൊടുങ്ങല്ലൂര്‍: കൊടുങ്ങല്ലൂരിന്‍െറ ചിരകാലാഭിലാഷമായ ചന്തപ്പുര -കോട്ടപ്പുറം ബൈപാസ് ഉദ്ഘാടനം ആഘോഷമാക്കാന്‍ അരങ്ങൊരുങ്ങുന്നു. ചരിത്രഭൂമിയുടെ സ്വപ്നസാക്ഷാത്കാരം രണ്ട് ദിനങ്ങളിലായി വൈവിധ്യ പരിപാടികളോടെ കെങ്കേമമാക്കാനാണ് തീരുമാനം. ഇതിന് വിപുലമായ സംഘാടകസമിതിയും അനുബന്ധ കമ്മിറ്റികളും രൂപവത്കരിച്ചു. 18ന് വൈകീട്ട് അഞ്ചിന് മുഖ്യമന്ത്രി ഉമ്മന്‍ചാണ്ടി ബൈപാസ് ഉദ്ഘാടനം ചെയ്യും. പൊതുമരാമത്ത് മന്ത്രി വി.കെ. ഇബ്രാഹിംകുഞ്ഞ് അധ്യക്ഷത വഹിക്കും. സ്ഥലം എം.എല്‍.എ ടി.എന്‍. പ്രതാപന്‍ ആമുഖ പ്രസംഗം നടത്തും. ഉദ്ഘാടന വേദിയില്‍ 17ന് മഹാകവി കൊടുങ്ങല്ലൂര്‍ കുഞ്ഞികുട്ടന്‍ തമ്പുരാന്‍ ജന്മശതാബ്ദി ആഘോഷത്തിന്‍െറ ഭാഗമായി കലാ -സാംസ്കാരിക സദസ്സ് അരങ്ങേറും. വൈവിധ്യമാര്‍ന്ന കലാപരിപാടികളും നടക്കും.  |
| ഗജവിജ്ഞാനോത്സവത്തിന് നാളെ തുടക്കം Posted: 03 Sep 2014 11:50 PM PDT കോന്നി: വിനോദസഞ്ചാര ആഘോഷ ഭാഗമായി ആനത്താവളത്തില്‍ സംഘടിപ്പിക്കുന്ന ഗജവിജ്ഞാനോത്സവത്തിന് വെള്ളിയാഴ്ച തുടക്കമാകും. വൈകുന്നേരം മൂന്നിന് സാംസ്കാരിക ഘോഷയാത്ര. ആനത്താവളത്തില്‍ സജ്ജീകരിക്കുന്ന വേദിയില്‍ സാംസ്കാരിക സമ്മേളനവും തുടര്‍ന്ന് കലാപരിപാടികളും നടക്കും. ഒമ്പതു വരെ പരിപാടികള്‍ നീളും. ആനത്താവളത്തില്‍ നിര്‍മിച്ച ഒൗഷധസസ്യ യൂനിറ്റിന്‍െറ ഓഡിറ്റോറിയത്തില്‍ 14 വ്യവസായ കേന്ദ്രങ്ങളും ക്രമീകരിക്കും. ഗജമേള, കോന്നി പൂരം, സെമിനാറുകള്‍, ആനയെയും വന്യജീവികളെയും കുറിച്ചുള്ള പ്രത്യേക ഡോക്യുമെന്‍ററി പ്രദര്‍ശനങ്ങള്‍, ആനസവാരി എന്നിവ നടക്കും.  |
| മൂലേടം റെയില്‍വേ മേല്‍പാലം ഉദ്ഘാടനം നാളെ Posted: 03 Sep 2014 11:48 PM PDT കോട്ടയം: മൂലേടം റെയില്‍വേ മേല്‍പാലം വെള്ളിയാഴ്ച നാടിന് സമര്‍പ്പിക്കും. സംസ്ഥാന പൊതുമരാമത്തു വകുപ്പിനു കീഴിലുള്ള റോഡ്സ് ആന്‍ഡ് ബ്രിഡ്ജസ് ഡെവലപ്മെന്‍റ് കോര്‍പറേഷനും ഇന്ത്യന്‍ റെയില്‍വേയും സംയുക്തമായി നിര്‍മിച്ച മേല്‍പാലത്തിന് 12 സ്പാനുകളിലായി ആകെ 395 മീറ്റര്‍ നീളമാണുള്ളത്. അപ്രോച്ചിന്‍െറ ഭാഗത്ത് 7.5 മീറ്ററും റെയില്‍വേ ഭാഗത്ത് 12 മീറ്ററും വീതിയുണ്ട്. പാലത്തിന്‍െറ നിര്‍മാണത്തിന് 21 സെന്‍റ് സ്ഥലമാണ് ഏറ്റെടുത്തത്. ആര്‍.ബി.ഡി.സി.കെ. 12.7 കോടി രൂപയും റെയില്‍വേ 2.80 കോടി രൂപയും പാലം നിര്‍മാണത്തിനായി ചെലവഴിച്ചു. രാവിലെ 10ന് മുഖ്യമന്ത്രി ഉമ്മന്‍ ചാണ്ടി ഉദ്ഘാടനം ചെയ്യും. മന്ത്രി വി.കെ. ഇബ്രാഹിംകുഞ്ഞിന്‍െറ അധ്യക്ഷതയില്‍ മന്ത്രി കെ.എം.മാണി പൊതുസമ്മേളനം ഉദ്ഘാടനം ചെയ്യും. മന്ത്രി ആര്യാടന്‍ മുഹമ്മദ്, മന്ത്രി തിരുവഞ്ചൂര്‍ രാധാകൃഷ്ണന്‍, ജോസ് കെ.മാണി എം.പി, ജില്ലാ പഞ്ചായത്ത് പ്രസിഡന്‍റ് നിര്‍മല ജിമ്മി, ജില്ലാ കലക്ടര്‍ അജിത് കുമാര്‍, മുനിസിപ്പല്‍ ചെയര്‍മാന്‍ എം.പി. സന്തോഷ് കുമാര്‍, ആര്‍.ബി.ഡി.സി.കെ. മാനേജിങ് ഡയറക്ടര്‍ എ.പി.എം. മുഹമ്മദ് ഹനീഷ്, പൊതുമരാമത്ത് വകപ്പു സെക്രട്ടറി ടി.ഒ.സൂരജ്, റെയില്‍വേ സി.എ.ഒ. ഡാനി തോമസ് തുടങ്ങിയവര്‍ സംബന്ധിക്കും.  |
| വ്യാജമദ്യവും കഞ്ചാവും തടയാന്‍ അതിര്‍ത്തിയില്‍ പരിശോധന തുടങ്ങി Posted: 03 Sep 2014 11:46 PM PDT കുമളി: ഓണക്കാലത്തോടനുബന്ധിച്ച് അന്യ സംസ്ഥാനങ്ങളില്‍ നിന്ന് സ്പിരിറ്റും വിലകുറഞ്ഞ മദ്യവും കഞ്ചാവും സംസ്ഥാനത്തേക്ക് ഒഴുകുന്നത് തടയാന്‍ അതിര്‍ത്തിയില്‍ പൊലീസ് വാഹന പരിശോധന ആരംഭിച്ചു.  |
| ജയരാജന്‍െറ മകനെതിരെ കേസെടുത്തത് സ്വാഭാവിക നടപടി -വി.എസ് Posted: 03 Sep 2014 11:39 PM PDT Image:  തിരുവനന്തപുരം: ആര്‍.എസ്.എസ് പ്രവര്‍ത്തകന്‍െറ കൊലപാതകവുമായി ബന്ധപ്പെട്ട് ഫേസ്ബുക്കില്‍ പോസ്റ്റിട്ടതിന് ജയരാജന്‍െറ മകനെതിരെ കേസെടുത്തത് സ്വാഭാവികമാണെന്ന് പ്രതിപക്ഷ നേതാവ് വി.എസ് അച്യുതാനന്ദന്‍. കൊലപാതകക്കേസുകള്‍ ആരുടെ നേതൃത്വത്തില്‍ എവിടെ നടന്നാലും കുറ്റക്കാര്‍ക്കെതിരെ അന്വേഷിച്ച് നടപടിയെടുക്കണമെന്നും വി.എസ് ആവശ്യപ്പെട്ടു.  |
| Posted: 03 Sep 2014 11:32 PM PDT കാഞ്ഞങ്ങാട്: കഴിഞ്ഞ ദിവസത്തെ ഹര്‍ത്താലും ഒരാഴ്ചയായി തിമിര്‍ത്ത് പെയ്ത കാലവര്‍ഷവും ജനങ്ങളുടെ ഓണാവേശത്തെ തണുപ്പിച്ചില്ല. ആഴ്ചയിലാദ്യമായി പൂര്‍ണമായി തെളിഞ്ഞുനിന്ന ദിവസത്തില്‍ നാട്ടുകാര്‍ നഗരത്തിലേക്കൊഴുകിയത്തെി.  |
| അക്രമികള്‍ക്കെതിരെ കാപ്പ ഉപയോഗിക്കും –എസ്.പി Posted: 03 Sep 2014 11:26 PM PDT കണ്ണൂര്‍: അക്രമികള്‍ക്കെതിരെ കാപ്പ അടക്കമുള്ള ശക്തമായ നിയമം ഉപയോഗിക്കുന്നതിന് തടസ്സമുണ്ടാകില്ളെന്ന് എസ്.പി പി. ഉണ്ണിരാജന്‍. കതിരൂരിലെ ആര്‍.എസ്.എസ് പ്രവര്‍ത്തകന്‍െറ കൊലപാതകത്തെ തുടര്‍ന്ന് അശാന്തിയുടെ നിഴലിലായ കണ്ണൂരില്‍ സമാധാനം പുന$സ്ഥാപിക്കുന്നതിന് കലക്ടറേറ്റില്‍ ചേര്‍ന്ന സര്‍വകക്ഷി സമാധാന യോഗത്തില്‍ സംസാരിക്കുകയായിരുന്നു അദ്ദേഹം.  |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment