മെത്തയുടെ ഇളം ചൂടില്‍ നിന്ന് മോര്‍ച്ചറിയുടെ തണുപ്പിലേക്ക് Madhyamam News Feeds |  |
- മെത്തയുടെ ഇളം ചൂടില്‍ നിന്ന് മോര്‍ച്ചറിയുടെ തണുപ്പിലേക്ക്
- ഉത്തര്‍പ്രദേശില്‍ 21 കോടി ജനങ്ങളുണ്ടെങ്കിലും മാനഭംഗം കുറവെന്ന് മുലായം സിങ്
- ഇന്‍സിനറേറ്റര്‍ തകര്‍ന്നു: മെഡിക്കല്‍ കോളജില്‍ മാലിന്യം സംസ്കരിക്കാന്‍ സംവിധാനമില്ല
- മാധ്യമങ്ങളിലൂടെയുള്ള തെറ്റായ മതവിധികളെ കരുതിയിരിക്കുക- ശൈഖുല്‍ അസ്ഹര്‍
- സംസ്കൃതവാരാഘോഷം: പ്രധാനമന്ത്രിക്ക് ജയലളിതയുടെ കത്ത്
- കാര്ത്തികേയന് മാന്യമായ സ്ഥാനം നല്‍കണം- കെ.സുധാകരന്‍
- ഗസ്സ: മരണം 300 കവിഞ്ഞു; സിവിലിയന്‍ കുരുതിക്കെതിരെ ഒബാമയുടെ കരുതല്‍ നിര്‍ദേശം
- മലപ്പുറത്ത് ഗൃഹാതുരതക്ക് വീടൊരുക്കി അറബി മലയാളി
- ഗസ്സ: വിഭവ സമാഹരണ യജ്ഞത്തിന് തുടക്കം
- സ്നേഹമസൃണനായ രാമന്‍
| മെത്തയുടെ ഇളം ചൂടില്‍ നിന്ന് മോര്‍ച്ചറിയുടെ തണുപ്പിലേക്ക് Posted: 19 Jul 2014 12:45 AM PDT Image:  ഗസ്സ സിറ്റി: ആയിരം നാവുകള്‍ ഉണ്ട് ഇസ്രായേല്‍ നരനായാട്ട് തീര്‍ക്കുന്ന രക്തചരിത്രത്തില്‍ നിന്ന് ഗസ്സ പറയുന്ന ഓരോ കഥകള്‍ക്കും. തെറ്റും ശരിയും തിരിച്ചറിയാനാവാത്ത കുഞ്ഞുങ്ങളുടെ ചേതനയറ്റ ഉടലുകള്‍കൊണ്ട് നിറയുകയാണ് ആശുപത്രി മോര്‍ച്ചറികള്‍. അബൂ മുസല്ല കുടുംബത്തിലെ അഹ്മദ്,വാല,മുഹമ്മദ് എന്നീ മൂന്നു കുട്ടികളുടെ മൃതദേഹങ്ങള്‍ ആണ് അല്‍ഖിദ്റയിലെ അല്‍ ശിഫ ആശുപത്രി മോര്‍ച്ചറി ഏറ്റുവാങ്ങിയത്. 11കാരന്‍ അഹ്മദിന്‍റെ മുഖം പുകയും പൊള്ളലേറ്റുമേറ്റ് കാണാനാവാത്ത വിധം കറുത്തുപോയിരുന്നു. വീടിനുമേല്‍ ഷെല്ലുകള്‍ പതിക്കുമ്പോള്‍ ഉറങ്ങിക്കിടക്കുകയായിരുന്നു ഈ കുടുംബം. തകര്‍ന്നടിഞ്ഞ വീടിന്‍റെ കൂമ്പാരത്തിനിടയില്‍ പെട്ട കുട്ടികളെ വലിച്ചു പുറത്തെടുക്കുന്ന പിതാവ് ഇസ്മായീല്‍ മുസല്ലമിനെയാണ് ആംബുലന്‍സുമായി എത്തിയവര്‍ ആ രാത്രിയില്‍ കണ്ടത്. ഷെല്‍വര്‍ഷത്തിനിടെ മണിക്കൂറുകള്‍ വൈകി മൂന്നു മൃതദേഹങ്ങളും പേറി ചെറുസംഘം ആശുപത്രിയിലേക്ക് യാത്രയായി. ഏതുനിമിഷവും ഇസ്രായേലിന്‍റെ ബോബ് വര്‍ഷം പ്രതീക്ഷിച്ചുകൊണ്ടായിരുന്നു ആ യാത്ര. ‘ മത്തെയുടെ ഇളം ചൂടില്‍ ഉറങ്ങുകയായിരുന്നു ഈ കുട്ടികള്‍. ഇപ്പോള്‍ അവര്‍ യാത്രയാവുകയാണ് മോര്‍ച്ചറിയിലെ തണുത്തുറഞ്ഞ കിടപ്പറയിലേക്ക്.’ നടത്തത്തിനിടെ ഒരു ബന്ധു പറഞ്ഞുകൊണ്ടിരുന്നു. വിടരുന്ന റോസാപൂവിന്‍റെ പ്രായമായിരുന്നു അവള്‍ക്ക്. എന്തു കുറ്റമാണ് അവള്‍ ഇസ്രായേലിനോട് ചെയ്തത്? അദ്ദേഹത്തിന്‍റെ ആ ചോദ്യം മറുപടികളില്ലാത്ത പ്രതിധ്വനിയായി. ഇസ്രായേല്‍ ഷെല്‍ വര്‍ഷം ഏറെ നീണ്ടു നിന്നതിനെ തുടര്‍ന്ന് കുട്ടികളുടെ സംസ്കാരവും വൈകി. ശരീരം മുഴുക്കെ പൊള്ളലേറ്റ, കയ്യും കാലും അറ്റുതൂങ്ങിയ, തല തകര്‍ന്ന ഡസണ്‍ കണക്കിന് ശരീരങ്ങള്‍ ആണ് വടക്കന്‍ ഗസ്സയിലെ കമാല്‍ അദ് വാന്‍ ആശുപത്രിയിലേക്ക് ഒഴുകുന്നത്. സാധാരണഗതിയില്‍ ആശുപത്രിക്കകത്ത് ആണ് രോഗികള്‍ സുരക്ഷ അനുഭവിക്കുക. എന്നാല്‍, ഗസ്സയിലെ ആശുപത്രികളില്‍ ചെന്നാല്‍ അറിയാം. എന്തുമാത്രം അരക്ഷിതരാണ് ഇവിടെയുള്ള രോഗികളും പരിചാരകരും എന്ന്. ഏതു നിമിഷവും പതിച്ചേക്കാവുന്ന തീഗോളത്തിന്‍റെ ഭീതിയതില്‍ ജീവന്‍ ബലിയര്‍പിച്ച് ഉള്ള സൗകര്യങ്ങളില്‍ രോഗികളെ പരിചരിക്കുകയാണ് ഇവിടുത്തെ ഡോക്ടര്‍മാര്‍. ഇസ്രായേല്‍ മിസൈലുകള്‍ ആശുപത്രികളെ എങ്ങനെ തകര്‍ത്തുകളയുന്നുവെന്ന് കണ്ടു കൊണ്ടിരിക്കുകയാണ് ഞങ്ങള്‍. ഇവിടെപോലും സുരക്ഷിതരല്ളെന്ന് തിരിച്ചറിയുന്നു-ആശുപത്രിയില്‍ പ്രവേശിപ്പിക്കപ്പെട്ട 57കാരനായ അബു ഇയാദിന്‍റെ വാക്കുകള്‍. ബെയ്ത് ലാഹിയയിലെ അതിര്‍ത്തിയില്‍ ഇസ്രായേല്‍ സേന നിലയുറപ്പിച്ചതിന്‍റെ ഒരു കിലോമീറ്റര്‍ മാത്രം അകലെ നിന്നാണ് അദ്ദേഹത്തെ ഇവിടെ കൊണ്ടുവന്നത്. ദക്ഷിണ ഗസ്സയിലെ ഖാന്‍ യൂനുസില്‍ റദ്വാന്‍ കുടംബത്തിന് ഒറ്റ രാത്രികൊണ്ട് നഷ്ടമായത് നാലു പേരെയാണ്. ഗസ്സക്കും ഇസ്രായേലിനും ഇടയിലെ ബഫര്‍സോണ്‍ ആയി അറിയപ്പെടുന്ന ഇവിടത്തെ കൃഷിഭൂമി ബുള്‍ഡോസര്‍ കൊണ്ട് വന്ന് ഇടിച്ചു നിരത്തിക്കളഞ്ഞു ഇസ്രായേല്‍. കരയാക്രമണം തുടങ്ങിയതിനുശേഷം 24 മണിക്കൂറിനുള്ളില്‍ 55 ഫല്സതീനികള്‍ കൊല്ലപ്പെട്ടെന്ന് അല്‍ഖിദ്റയിലെ അല്‍ ശിഫ ആശുപത്രിയിലെ ഡോക്ടര്‍ അഷ്റഫ് അല്‍ ഖ്വദ്റി പറയുന്നു. പോരാളികളുടെ തുരങ്കങ്ങളും റോക്കറ്റ് വിക്ഷേപിണികളും ലക്ഷ്യമിട്ടാണ് തങ്ങളുടെ കരയാക്രമണമെന്ന് ഇസ്രായേലിന്‍റെ വാദമെങ്കിലും നിരപരാധികളുടെ ജീവനുമേല്‍ ഷെല്‍വര്‍ഷം നടത്തിയാണ് സേന ഗസ്സക്കകത്തേക്ക് പ്രവേശിക്കുന്നത്.
 |
| ഉത്തര്‍പ്രദേശില്‍ 21 കോടി ജനങ്ങളുണ്ടെങ്കിലും മാനഭംഗം കുറവെന്ന് മുലായം സിങ് Posted: 18 Jul 2014 11:56 PM PDT Image:  ന്യൂഡല്‍ഹി: സമാജ് വാദി പാര്‍ട്ടി നേതാവ് മുലായം സിങ്ങിന്‍െറ പ്രസ്താവന വിവാദത്തില്‍. ഉത്തര്‍പ്രദേശില്‍ 21 കോടി ജനങ്ങളുണ്ട്, എന്നിട്ടും മാനഭംഗക്കേസുകള്‍ കുറവെന്ന പ്രസ്താവനയാണ് വിവാദമായത്. സംസ്ഥാനത്ത് വര്‍ധിച്ചുവരുന്ന മാനഭംഗക്കേസുകളെ കുറിച്ചുള്ള മാധ്യമപ്രവര്‍ത്തകരുടെ ചോദ്യത്തിന് മറുപടിയായാണ് മുലായം ഇക്കാര്യം പറഞ്ഞത്. ഏത് സംസ്ഥാന സര്‍ക്കാറുകളാണെങ്കിലും ഇത്തരത്തിലുള്ള ഒരു കേസ് തന്നെ നാണക്കേടാണെന്ന് കോണ്‍ഗ്രസ് നേതാവ് റാഷിദ് അല്‍വി പ്രതികരിച്ചു. ആണ്‍കുട്ടികള്‍ ആണ്‍കുട്ടികള്‍ തന്നെയാണ് അവര്‍ക്ക് തെറ്റുകള്‍ പറ്റുമെന്ന മുലായത്തിന്‍െറ പ്രസ്താവന നേരത്തെ വിവാദമായിരുന്നു.
 |
| ഇന്‍സിനറേറ്റര്‍ തകര്‍ന്നു: മെഡിക്കല്‍ കോളജില്‍ മാലിന്യം സംസ്കരിക്കാന്‍ സംവിധാനമില്ല Posted: 18 Jul 2014 11:50 PM PDT കോഴിക്കോട്: മാലിന്യം സംസ്കരിക്കാന്‍ സംവിധാനമില്ലാതെ മെഡിക്കല്‍ കോളജ് ശ്വാസം മുട്ടുന്നു. ഇന്‍സിനറേറ്റര്‍ തകര്‍ന്നതോടെ പകരം സംവിധാനമില്ലാതെ പാടുപെടുകയാണ് ആശുപത്രി. മഴക്കാലം തുടങ്ങിയതോടെ മാലിന്യം എന്തുചെയ്യണമെന്നറിയാതെ ജീവനക്കാരും കുഴങ്ങുകയാണ്. മഴ വരുന്നതിനുമുമ്പ് ആശുപത്രിക്കു പുറത്ത് കുറേ മാലിന്യം കത്തിക്കാറുണ്ടായിരുന്നു.  |
| മാധ്യമങ്ങളിലൂടെയുള്ള തെറ്റായ മതവിധികളെ കരുതിയിരിക്കുക- ശൈഖുല്‍ അസ്ഹര്‍ Posted: 18 Jul 2014 11:26 PM PDT Image:  ദുബൈ: ദൃശ്യ, ശ്രാവ്യ, അച്ചടി മാധ്യമങ്ങളിലൂടെ തെറ്റായ മതവിധികള്‍ പ്രചരിപ്പിക്കാന്‍ ശ്രമിക്കുന്നവരെ കരുതിയിരിക്കണമെന്ന് ഈജിപ്തിലെ അല്‍ അസ്ഹര്‍ ഗ്രാന്‍ഡ് ഇമാം ഡോ. അഹ്മദ് അല്‍ ത്വയ്യിബ് പറഞ്ഞു. ഇത്തരം മതവിധികള്‍ യുവതലമുറയെ വഴിതെറ്റിക്കുമെന്നും അദ്ദേഹം കൂട്ടിച്ചേര്‍ത്തു. ദുബൈ ഹോളി ഖുര്‍ആന്‍ അവാര്‍ഡ് കമ്മിറ്റിയുടെ ഈ വര്‍ഷത്തെ ലോക ഇസ്ലാമിക വ്യക്തിത്വ പുരസ്കാരം ഏറ്റുവാങ്ങാനത്തെിയ അദ്ദേഹം മാധ്യമപ്രവര്‍ത്തകരോട് സംസാരിക്കുകയായിരുന്നു.  |
| സംസ്കൃതവാരാഘോഷം: പ്രധാനമന്ത്രിക്ക് ജയലളിതയുടെ കത്ത് Posted: 18 Jul 2014 11:26 PM PDT Image:  ചെന്നൈ: സംസ്കൃതവാരം ആഘോഷിക്കാനുള്ള കേന്ദ്ര തീരുമാനത്തിനെതിരെ തമിഴ്നാട്ടില്‍ പ്രതിഷേധം ശക്തമാകുന്നു. തിരൂമാനത്തിനെതിരെ പ്രധാനമന്ത്രിക്ക് തമിഴ്നാട് മുഖ്യമന്ത്രി ജയലളിതയുടെ കത്ത്. ഓരോ സംസ്ഥാനത്തിന്‍െറയും ഭാഷാപൈതൃകമനുസരിച്ച് ക്ളാസിക്കല്‍ ഭാഷാവാരോഘോഷമാണ് നടത്തേണ്ടതെന്നും ജയലളിത പ്രതികരിച്ചു. സംസ്ഥാനത്തെ സി.ബി.എസ്.ഇ സ്കൂളുകളില്‍ സംസ്കൃതവാരം ആഘോഷിക്കാനുള്ള തയ്യാറെടുപ്പ് നടക്കുന്നതിനിടെ ബി.ജെ.പിയുടെ സഖ്യ കക്ഷിയായ എം.ഡി.എം.കെ നേതാവ് വൈക്കോയടക്കമുള്ളവര്‍ തീരുമാനത്തിനെതിരെ രംഗത്തു വന്നിരുന്നു. തീരുമാനത്തിനെതിരെ ഡി.എം.കെയും രംഗത്തുവന്നിരുന്നു. സംസ്കൃത ഭാഷ സാധാരണക്കാരന്‍െറ ഭാഷ അല്ളെന്നും ആര്‍.എസ്.എസ് അജണ്ട നടപ്പാക്കാനാണ് ബി.ജെ.പി ശ്രമിക്കുന്നതെന്നും ഡി.എം.കെ കുറ്റപ്പെടുത്തിയിരുന്നു.
 |
| കാര്ത്തികേയന് മാന്യമായ സ്ഥാനം നല്‍കണം- കെ.സുധാകരന്‍ Posted: 18 Jul 2014 11:21 PM PDT Image:  തിരുവനന്തപുരം: സ്പീക്കര്‍ സ്ഥാനം രാജിവെച്ച ജി.കാര്ത്തികേയന് മാന്യമായ സ്ഥാനം നല്‍കണമെന്ന് കെ.സുധാകരന്‍ ആവശ്യപ്പെട്ടു. ഇക്കാര്യത്തില്‍ കോണ്‍ഗ്രസിന് ബാധ്യതയുണ്ട്. ഇക്കാലം വരെയുളള പരിചയം വെച്ച് ഏതു സ്ഥാനത്തിനും കാര്ത്തികേയന് അര്‍ഹനാണ്. പാര്‍ട്ടി പ്രവര്‍ത്തകര്‍ക്കിടയില്‍ നിന്നിരുന്ന അദ്ദേഹം ഇക്കാലമത്രയും സ്പീക്കര്‍ സ്ഥാനമെന്ന ചില്ലു കൂട്ടിലിരിക്കുകയായിരുന്നു. ഇങ്ങനെ എത്ര കാലം അദ്ദേഹത്തിന് പാര്‍ട്ടി പ്രവര്‍ത്തകരില്‍ നിന്ന് അകന്നു നില്‍ക്കാന്‍ കഴിയുമെന്നും സുധാകരന്‍ ചോദിച്ചു. വിഷയത്തില്‍ മുഖ്യമന്ത്രിയും കെ.പി.സി.സി പ്രസിഡന്‍റും തീരുമാനമെടുക്കണം. കാര്‍ത്തികേയനെ സ്പീക്കര്‍ ആക്കേണ്ടിയിരുന്നില്ളെന്നും അന്നത്തെ പ്രത്യേക സാഹചര്യത്തിലാണ് അദ്ദേഹം ഈ സ്ഥാനത്ത് എത്തിയതെന്നും സുധാകരന്‍ വ്യക്തമാക്കി. അതിനിടെ കാര്‍ത്തികേയനെ പിന്തുണച്ച് എക്സൈസ് മന്ത്രി കെ.ബാബുവും രംഗത്തത്തെി. സ്പീക്കര്‍ സ്ഥാനം രാജി വെച്ച് മന്ത്രിമാരായവരുടെ ചരിത്രം ഇതിനു മുമ്പും ഉണ്ടായിട്ടുണ്ടെന്ന് അദ്ദേഹം വ്യക്തമാക്കി. എം.എല്‍.എയായ ആര്‍ക്കും മന്ത്രിയാകാം. വിഷയത്തില്‍ മുഖ്യമന്ത്രി തീരുമാനമെടുക്കുമെന്നും ബാബു പറഞ്ഞു.
 |
| ഗസ്സ: മരണം 300 കവിഞ്ഞു; സിവിലിയന്‍ കുരുതിക്കെതിരെ ഒബാമയുടെ കരുതല്‍ നിര്‍ദേശം Posted: 18 Jul 2014 11:07 PM PDT Image:  വാഷിങ്ടണ്‍: ഒമ്പതു ദിവസമായി തുടരുന്ന ഗസ്സ ആക്രമണത്തില്‍ സിവിലിയന്‍ കുരുതിക്കെതിരെ ഇസ്രായേലിന് പ്രധാന സഖ്യ കക്ഷിയായ യു.എസിന്‍റെ കരുതല്‍ നിര്‍ദേശം. ഇസ്രായേലിന്‍റെ പ്രതിരോധ ശ്രമങ്ങള്‍ക്ക് തുടര്‍ന്നും പിന്തുണ നല്‍കുമെന്ന് പറഞ്ഞ യു.എസ് പ്രസിഡന്‍റ് ബറാക് ഒബാമ ഗസ്സയില്‍ ആക്രമണം തീവ്രമാക്കുമ്പോള്‍ ഉണ്ടാവാനിടയുള്ള അപായസാധ്യതയെ കുറിച്ചും നിരപരാധികളുടെ ജീവന്‍ നഷ്ടത്തെകുറിച്ചും കരുതല്‍ വേണമെന്ന് ഇസ്രായേല്‍ പ്രധാനമന്ത്രി നെതന്യാഹുവിനെ ഉണര്‍ത്തി. സിവിലിയന്‍ കുരുതി ഇസ്രായേല്‍ കുറച്ചുകൊണ്ടുവരുമെന്ന് യു.എസ് പ്രതീക്ഷിക്കുന്നതായും ഒബാമ പറഞ്ഞു. ഇസ്രായേല്‍ വ്യോമാക്രമണത്തിനൊപ്പം കരയുദ്ധം കൂടി ആരംഭിച്ചതിന്‍റെ പശ്ചാത്തലത്തില്‍ ആണ് ഒബാമയുടെ പ്രസ്താവന. കരയുദ്ധം തുടങ്ങിയതിനുശേഷം 65 ഫലസ്തീന്‍ പൗരന്‍മാര്‍ കൊല്ലപ്പെട്ടതായും ഇതില്‍ 15 പേര്‍ 18 വയസ്സിനു താഴെയുള്ളവരാണെന്നും ഫലസ്തീന്‍ ഉദ്യോഗസ്ഥര്‍ അറിയിച്ചു. ഇതോടെ കഴിഞ്ഞ ജൂലൈ എട്ടിന് ആക്രമണം തുടങ്ങിയതു മുതല്‍ ഇതുവരെയായി ജീവന്‍ വെടിഞ്ഞവരുടെ എണ്ണം 307 ആയി. ഇതില്‍ ഭൂരിഭാഗവും സിവിലിയന്‍മാരാണെന്നും 50തിലേറെ പേര്‍ കുട്ടികളാണെന്നും ഉദ്യോഗസ്ഥര്‍ പറഞ്ഞു. ഇതുവരെയായി 2,260 പേര്‍ക്ക് പരിക്കേല്‍ക്കുകയും ചെയ്തു.ഗസ്സ മുനമ്പില്‍ കടന്ന് 17 ഫല്സതീന്‍ തോക്കുധാരികളെ കൊലപ്പെടുത്തിയതായും 13 പേരെ തടവുകാരായി പിടിച്ചതായും ഇസ്രായേല്‍ അവകാശവാദമുന്നയിച്ചു. ഹമാസിന്‍റെ 21 റോക്കറ്റ് വിക്ഷേപിണികളും നാലു തുരങ്കങ്ങളും അടക്കം150 ലക്ഷ്യകേന്ദ്രങ്ങള്‍ തകര്‍ത്തതായും ഇസ്രായേല്‍ പറയുന്നു.  |
| മലപ്പുറത്ത് ഗൃഹാതുരതക്ക് വീടൊരുക്കി അറബി മലയാളി Posted: 18 Jul 2014 10:44 PM PDT Image:  ജിദ്ദ: ഇക്കരെ താമസം എത്രനാള്‍ നീണ്ടാലും മാനസം അക്കരെ കാത്തുസൂക്ഷിക്കുന്ന സവിശേഷത ഗള്‍ഫ് മലയാളിക്കു സ്വന്തം. എന്നാല്‍ മലനാട്ടില്‍നിന്നു നിന്നു കുറ്റിയും പറിച്ചുപോന്നു തലമുറകള്‍ കഴിഞ്ഞിട്ടും നാളികേരത്തിന്‍െറ നാടുമായുള്ള ഈ പൊക്കിള്‍കൊടി ബന്ധം മുറിയരുതെന്നു ശാഠ്യമുള്ള സൗദി മലയാളികള്‍ വിരളം. അക്കൂട്ടത്തിലൊരാളാണ് ജിദ്ദയിലെ പ്രശസ്തമായ കയറ്റുമതി സ്ഥാപനമായ അല്‍ഫദ്ല്‍ ഫ്രെയ്റ്റ് സൊലൂഷന്‍സ് ഉടമ അബ്ദുറഹ്മാന്‍ അബ്ദുല്ല യൂസുഫ്. പിതാവ് കുടഞ്ഞെറിഞ്ഞു പോന്നിട്ടും പിറന്ന മണ്ണിനോടുള്ള പിരിശം കെടാതെ സൂക്ഷിച്ച ഉമ്മയുടെ ഗൃഹാതുരതകള്‍ അനന്തരമെടുത്ത അബ്ദുറഹ്മാന്‍ ഇപ്പോള്‍ സ്വന്തം മോഹങ്ങള്‍ക്ക് മലപ്പുറം കൂട്ടിലങ്ങാടിയിലെ കടലുണ്ടി പുഴയോരത്ത് പുരകെട്ടുകയാണ്. ഇതാദ്യമായി പെരുന്നാളിന് കുടുംബവുമായി നാടു പിടിക്കുന്ന കൂട്ടുകാരുടെ ‘ഫദ്ല്‍’ ഇത്തവണ മലപ്പുറത്തത്തെുന്നത് അറബ് സജ്ജീകരണങ്ങളോടെ മലയാളത്തില്‍ പണികഴിപ്പിച്ച സ്വന്തം വീട്ടില്‍ അവരെ കുടിയിരുത്താന്‍ കൂടിയാണ്. പെരുന്നാളിന്‍െറ തൊട്ടടുത്തയാഴ്ച ആഗസ്റ്റ് നാലിന് കൂട്ടിലങ്ങാടിയിലെ പുഴയോരത്ത് നിര്‍മിച്ച വീടിന്‍െറ ഗൃഹപ്രവേശത്തിന് ഒരുങ്ങിയാണ് ഈ അറബി മലയാളിയുടെ ഇത്തവണത്തെ കേരള യാത്ര.  |
| ഗസ്സ: വിഭവ സമാഹരണ യജ്ഞത്തിന് തുടക്കം Posted: 18 Jul 2014 10:16 PM PDT Image:  മനാമ: ഫലസ്തീനിലെ ഗസ്സ ജനതയെ സഹായിക്കുന്നതിന് റോയല്‍ ചാരിറ്റി ഓര്‍ഗനൈസേഷന്‍െറ ആഭിമുഖ്യത്തില്‍ നടത്തുന്ന ഒരാഴ്ച നീണ്ടുനില്‍ക്കുന്ന വിഭവ സമാഹരണ യജ്ഞം ശൈഖ് നാസര്‍ ബിന്‍ ഹമദ് ആല്‍ഖലീഫ ഉദ്ഘാടനം ചെയ്തു.  |
| Posted: 18 Jul 2014 09:38 PM PDT Image: 
 |
.png)
കാലാതീതമായി നില്‍ക്കുന്ന സാഹിത്യകൃതികളെടുത്തുനോക്കിയാല്‍ മനസ്സിലാകുന്ന ഒരു കാര്യമുണ്ട്, അവയില്‍ മിക്കവയും അനശ്വരപ്രണയകാവ്യങ്ങളാണ്. അതു വാമൊഴിയായോ വരമൊഴിയായോ പ്രചരിച്ചുകൊണ്ടേയിരിക്കും. ഇതിന് അപവാദമായി നില്‍ക്കുകയാണ് രാമായണം. രാമായണം ഒരു പ്രേമകഥയല്ല, അത് സ്നേഹ ഗാഥയാണ്. മക്കള്‍ക്ക് അച്ഛനമ്മമാരോടുണ്ടാകുന്ന സ്നേഹം, സനാതന മൂല്യങ്ങളോടുള്ള സ്നേഹം, ബഹുമാനം, ഭര്‍ത്താവിന് ഭാര്യയോടും തിരിച്ച് ഭാര്യക്ക് ഭര്‍ത്താവിനോടും, സഹോദരന്മാര്‍ക്ക് തമ്മില്‍ത്തമ്മിലും ഉണ്ടായിരിക്കേണ്ട സ്നേഹത്തെ അത് വരച്ചിടുന്നു. അത്യന്തം മനോഹരമാണ് ആ ചിത്രം. ആ ചിത്രത്തില്‍ മുഗ്ധരാകുമ്പോള്‍ നാം സ്വയമറിയാതെ വിമലീകരിക്കപ്പെടുന്നുണ്ട്. പവിത്ര സ്നേഹത്തിന്‍െറ അഗാധതയിലേക്ക് നമ്മെ കൂട്ടിക്കൊണ്ടുപോയി ആരോ ഉമ്മതന്ന് ഉറക്കുന്നതുപോലെ നിര്‍മലമായ ഒരനുഭവമാണ് രാമായണ പാരായണം. അതില്‍ ഉദാത്തസ്നേഹത്തിന്‍െറ നെടുന്തൂണായി വര്‍ത്തിക്കുന്നത് ശ്രീരാമന്‍തന്നെയാണ്.| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment