മഴക്കെടുതി: കേന്ദ്രസംഘം കേരളത്തില്‍ Madhyamam News Feeds |  |
- മഴക്കെടുതി: കേന്ദ്രസംഘം കേരളത്തില്‍
- നര്‍മദ ഡാമിന്‍റെ ഉയരം കൂട്ടുന്നതിനെതിരെ പ്രതിഷേധം
- വില്ലേജ് ഓഫിസര്‍ക്ക് സസ്പെന്‍ഷന്‍
- യാത്രാപ്പടി അഴിമതി: രാജ്യസഭാ എം.പിമാര്‍ക്കെതിരെ സി.ബി.ഐ കേസ്
- കടലാക്രമണം; ആറ് വീടുകള്‍ക്ക് ഭീഷണി
- പ്ളസ്ടു പാഠപുസ്തകങ്ങള്‍ ഇനിയും എത്തിയില്ല
- വൈപ്പിനില്‍ തീരദേശം കടലാക്രമണ ഭീഷണിയില്‍
- ലോകകപ്പ് ആവേശം വാനോളമുയര്‍ത്തി റോഡ്ഷോ
- കാപ്പ നിയമത്തില്‍ ഭേദഗതിയില്ല; പ്രതിപക്ഷം ഇറങ്ങിപ്പോയി
- ഇനി കാണാനിരിക്കുന്നതാണ് കളി...
| മഴക്കെടുതി: കേന്ദ്രസംഘം കേരളത്തില്‍ Posted: 13 Jun 2014 12:06 AM PDT Image:  തിരുവനന്തപുരം: മഴക്കെടുതി വിലയിരുത്താനുള്ള കേന്ദ്രസംഘം കേരളത്തിലെത്തി. കേന്ദ്ര ആഭ്യന്തരമന്ത്രാലയം ജോയന്‍റ് സെക്രട്ടറി ശൈലേഷിന്‍െറ നേതൃത്വത്തിലുള്ള ഏഴംഗ സംഘമാണ് തിരുവനന്തപുരത്ത് എത്തിയത്. ശൈലേഷിന് പുറമെ പ്ളാനിങ് കമിഷന്‍ റിസര്‍ച് ഓഫിസര്‍ എ. ചന്ദ്രശേഖര്‍, കൃഷിമന്ത്രാലയം പ്രതിനിധി ആര്‍.പി. സിങ് എന്നിവരും സംഘത്തിലുണ്ട്. രാവിലെ സംഘം മുഖ്യമന്ത്രി ഉമ്മന്‍ചാണ്ടി, റവന്യു മന്ത്രി അടൂര്‍ പ്രകാശ് എന്നിവരുമായി പ്രാഥമിക വിലയിരുത്തല്‍ നടത്തും. വെള്ളിയാഴ്ച തിരുവനന്തപുരത്തും ശനിയാഴ്ച ആലപ്പുഴയിലുമായിരിക്കും സംഘം സന്ദര്‍ശനം നടത്തുക. സംസ്ഥാന ദുരന്ത നിവാരണ അതോറിറ്റി അംഗം ഡോ. ശേഖര്‍ കുര്യാക്കോസ് സംഘത്തോടൊപ്പം ഉണ്ടാകും. കേന്ദ്ര കുടിവെള്ള ശുചിത്വ മന്ത്രാലയത്തിലെ ജി. ബാലസുബ്രഹ്മണ്യം, കേന്ദ്ര ഉപരിതല ഗതാഗത മന്ത്രാലയത്തിലെ സൂപ്രണ്ടിങ് എന്‍ജിനീയര്‍ ആര്‍.പി സിങ്, കേന്ദ്ര ധനകാര്യ കമീഷനിലെ മുകേഷ് കുമാര്‍, കേന്ദ്ര ഗ്രാമവികസന മന്ത്രാലയത്തിലെ വി.എസ്. പ്രസന്ന എന്നിവരാണ് ശനിയാഴ്ച വയനാട് ജില്ല സന്ദര്‍ശിക്കുക.  |
| നര്‍മദ ഡാമിന്‍റെ ഉയരം കൂട്ടുന്നതിനെതിരെ പ്രതിഷേധം Posted: 13 Jun 2014 12:02 AM PDT Image:  ന്യൂഡല്‍ഹി: നര്‍മദ പദ്ധതിയിലെ സര്‍ദാര്‍ സരോവര്‍ അണക്കെട്ടിന്‍റെ ഉയരം 17 മീറ്റര്‍ വര്‍ധിപ്പിക്കാനുള്ള നര്‍മദ ഡാം കണ്‍ട്രോള്‍ അതോറിറ്റിയുടെ തീരുമാനത്തിനെതിരെ പ്രതിഷേധം ശക്തമാവുന്നു. നിലവില്‍ 121 മീറ്റര്‍ ഉയരമുള്ള അണക്കെട്ട് 138 മീറ്റര്‍ ആക്കാന്‍ ആണ് തീരുമാനം. ഈ നീക്കം തികച്ചും ജനാധിപത്യവിരുദ്ധമാണെന്നും അണക്കെട്ടിന്‍റെ പ്രാന്തപ്രദേശങ്ങളില്‍ താമസിക്കുന്ന എണ്ണമറ്റ പാവങ്ങളുടെ ജീവന്‍ അപായപ്പെടുത്തുന്നതാണെന്നും നര്‍മദ ബചാവോ ആന്ദോളന്‍ നേതാവ് മേധാ പട്കര്‍ പറഞ്ഞു. വിഷയം മന്ത്രാലയം പരിഗണനക്കെടുക്കന്നതിനു മുമ്പ് ആ പ്രദേശത്തെ അവസ്ഥ പരിശോധിക്കണമെന്നും മേധ ആവശ്യപ്പെട്ടു. നര്‍മദ ബച്ചാവോ ആന്ദോളന്‍റെ ആഭിമുഖ്യത്തില്‍ മഹരാഷ്ട്രയിലെ ആദിവാസികളുടെ പ്രതിനിധികള്‍ ഈ ആഴ്ച ആദ്യത്തില്‍ നന്ദൂര്‍ബാര്‍ കളക്ടര്‍ പി.പ്രദീപുമായി കൂടിക്കാഴ്ച നടത്തിയിരുന്നു. നീണ്ട കാലമായി മുടങ്ങിക്കിടക്കുന്ന ഡാമിന്‍റെ പരിസരത്തു താമസിച്ചുവരുന്ന ആദിവാസികളുടെ പുനരധിവാസ പദ്ധതി ഡാമിന്‍റെ ഉയരം കൂട്ടുന്നതിനു മുമ്പ് പ്രാവര്‍ത്തികമാക്കണമെന്നാണ് ഇവരുടെ ആവശ്യം. ആദിവാസി ഭവനങ്ങള്‍,മാര്‍ക്കറ്റുകള്‍,കൃഷിയടങ്ങള്‍,ആരാധനാലയങ്ങള്‍ തുടങ്ങിയവ അടക്കമുള്ളതായിരിക്കണം പുനരധിവാസ പദ്ധതിയെന്ന് ഈ രംഗത്തെ പൊതു പ്രവര്‍ത്തകരും പറയുന്നു. നര്‍മദയിലെ സര്‍ദാര്‍ സരോവര്‍ പദ്ധതിയുടെ പരിസരത്ത് ഏകദേശം 2,500,00ത്തോളം പേരാണ് താമസിച്ചു വരുന്നത്. മഹാരാഷ്ട്ര, ഗുജറാത്ത്, മധ്യപ്രദേശ് എന്നീ സംസ്ഥാനങ്ങളുടെ പരിധിയിലായാണ് സര്‍ദാര്‍ സരോവര്‍ അണക്കെട്ട്. എന്നാല്‍, പ്രതിഷേധം വകവെക്കാതെ വിവാദമായ സര്‍ദാര്‍ സരോവരം പദ്ധതിയുമായി മുന്നോട്ടു പോവാനാണ് ഗുജറാത്ത് സര്‍ക്കാറിന്‍റെ തീരുമാനം. ഇക്കാര്യത്തില്‍ ചുവപ്പുനാട നീങ്ങിക്കിട്ടിയതില്‍ ഗുജറാത്ത് മുഖ്യമന്ത്രി ആനന്ദിബെന്‍ പട്ടേന്‍ പ്രധാനമന്ത്രി നരേന്ദ്ര മോദിക്ക് നന്ദി അറിയിച്ചു. അണക്കെട്ടിന്‍റെ ഉയരം കൂട്ടുന്നത് മണ്‍സൂണ്‍ തുടര്‍ച്ചയായി ശോഷിച്ചുവരുന്ന സന്ദര്‍ഭത്തില്‍ സംസ്ഥാനത്തെ കര്‍ഷകര്‍ക്ക് ഏറെ സഹായകരമാവുമെന്നാണ് ഗുജറാത്ത് സര്‍ക്കാറിന്‍റെ വാദം. നര്‍മദ പദ്ധതിയില്‍ മധ്യപ്രദേശ്, ഗുജറാത്ത്,മഹാരാഷ്ട്ര എന്നീ സംസ്ഥാനങ്ങളിലായുള്ള 3000 ഡാമുകള്‍ ആണ് ഉള്‍പ്പെട്ടിരിക്കുന്നത്.  |
| വില്ലേജ് ഓഫിസര്‍ക്ക് സസ്പെന്‍ഷന്‍ Posted: 12 Jun 2014 11:59 PM PDT പാലക്കാട്: നഗരത്തോട് ചേര്‍ന്നുകിടക്കുന്ന കോടികള്‍ വിലയുള്ള പുറമ്പോക്ക് ഭൂമി വ്യാജരേഖകള്‍ ചമച്ച് മറിച്ച് വില്‍ക്കാന്‍ നടത്തിയ ശ്രമത്തില്‍ വില്ലേജ് ഓഫിസര്‍ക്ക് സസ്പെന്‍ഷന്‍.  |
| യാത്രാപ്പടി അഴിമതി: രാജ്യസഭാ എം.പിമാര്‍ക്കെതിരെ സി.ബി.ഐ കേസ് Posted: 12 Jun 2014 11:40 PM PDT Image:  ന്യൂഡല്‍ഹി: വ്യാജ .യാത്രാപ്പടി രേഖകള്‍ ഹാജരാക്കി പണം തട്ടിയ കേസില്‍ രാജ്യസഭാ എം.പിമാരടക്കം ആറ് പേര്‍ക്കെതിരെ സി.ബി.ഐ കേസ്. രാജ്യസഭയിലെ മൂന്ന് സിറ്റിങ് എം.പിമാര്‍ക്കും മൂന്ന് മുന്‍ എം.പിമാര്‍ക്കുമെതിരെയാണ് കേസെടുത്തത്. വഞ്ചനാ, വ്യാജ യാത്രാരേഖകളില്‍ കൃത്രിമം നടത്തുക എന്നീ കുറ്റങ്ങളാണ് പ്രതികള്‍ക്കെതിരെ ചുമത്തിയിട്ടുള്ളത്. ഡി. ബന്ധോപാദ്ധ്യായ (തൃണമൂണ്‍ കോണ്‍ഗ്രസ്), ബ്രിജേഷ് പാതക് (ബി.എസ്.പി), ലാല്‍ മിങ് ലിയാന (എം.പി.എഫ്) എന്നിവരാണ് കേസെടുക്കപ്പെട്ട രാജ്യസഭാ എം.പിമാര്‍. ജെ.പി.ന്‍ സിങ് (ബി.ജെ.പി), രേണു ബാല (ബി.ജെ.ഡി), മെഹ്മൂദ് എ. മദ്നി (ആര്‍.എല്‍.ഡി) എന്നിവരാണ് മുന്‍ എം.പിമാര്‍. വ്യാജ ടിക്കറ്റുകളും ബോര്‍ഡിങ് പാസുകളും തയാറാക്കി നല്‍കിയത് വഴി യാത്രാപ്പടി പൂര്‍ണമായി കൈപ്പറ്റിയെന്നാണ് കേസ്. കേസില്‍ ഉള്‍പ്പെട്ട ഭൂരിപക്ഷം എം.പിമാരും മൂന്നും അതിലധികവും പ്രാവശ്യം യാത്രാപ്പടി വാങ്ങിയിട്ടുണ്ട്. യാത്രാപ്പടി ആരോപണത്തില്‍ ആദ്യമായാണ് രാജ്യസഭാ എം.പിമാര്‍ക്കെതിരെ കേസെടുക്കുന്നത്.  |
| കടലാക്രമണം; ആറ് വീടുകള്‍ക്ക് ഭീഷണി Posted: 12 Jun 2014 11:35 PM PDT കാസര്‍കോട്: മൊഗ്രാലില്‍ രൂക്ഷമായ കടലാക്രമണം. മൊഗ്രാല്‍ കൊപ്പളം തീരദേശവാസികളെ ദുരിതത്തിലാക്കി രണ്ട് ദിവസമായി തുടരുന്ന കടല്‍ക്ഷോഭം മൂലം 200 മീറ്റര്‍ കര ഇതിനകം കടലെടുത്തു കഴിഞ്ഞു. 25ഓളം തെങ്ങുകള്‍ കടപുഴകി, നിരവധി തെങ്ങുകള്‍ ഏതുനിമിഷവും കടലെടുക്കാവുന്ന സ്ഥിതിയിലാണ്. തെങ്ങുകള്‍ കയര്‍കെട്ടി സരംക്ഷിക്കാനുള്ള ശ്രമം ഫലംകണ്ടില്ല. തെങ്ങുകള്‍ കടലെടുത്തുകൊണ്ടിരിക്കുന്നു. എട്ട് വര്‍ഷങ്ങള്‍ക്ക് ശേഷമാണ് ഇത്ര രൂക്ഷമായ കടലാക്രമണം മൊഗ്രാല്‍ കൊപ്പള പ്രദേശത്ത് ഉണ്ടാകുന്നതെന്ന് പ്രദേശവാസികള്‍ പറയുന്നു. തിരമാലകള്‍ തീരത്തെ വീടുകളിലേക്ക് ഇരച്ചുകയറി. എസ്.എ. അബ്ബാസ്, കാദര്‍-മമ്മിയാക്ക, സി.കെ. അബ്ദുല്‍ റഹ്മാന്‍, പുത്തൂര്‍ മുഹമ്മദ്, ലത്തീഫ് നാകി, സി.കെ. അബൂബക്കര്‍ എന്നിവരുടെ വീടുകള്‍ ഭീഷണിയിലാണ്. ഇതിനകം 200 മീറ്ററോളം കര കടലെടുത്തു. പരേതനായ മമ്മു-അബ്ദുല്ലക്കുഞ്ഞി, ബീരാന്‍ കൊപ്പളം, സിദ്ദീഖ് ചെടേക്കാല്‍, സി.എം. മൊയ്തു കടവത്ത് എന്നിവരുടെ ഭൂമിയാണ് കടലെടുത്തത്. കഴിഞ്ഞ വര്‍ഷമുണ്ടായ കടലാക്രമണത്തില്‍ നഷ്ടം സംഭവിച്ചവര്‍ക്ക് ഇതുവരെ നഷ്ടപരിഹാരം ലഭിച്ചില്ലെന്ന പരാതിയും പ്രദേശവാസികള്‍ക്കുണ്ട്. കടലാക്രമണ പ്രദേശം കാസര്‍കോട് തഹസില്‍ദാറുടെ നേതൃത്വത്തിലുള്ള റവന്യൂ അധികൃതര്‍ സന്ദര്‍ശിച്ചു. ഭീഷണി നേരിടുന്ന വീടുകളില്‍ താമസിക്കുന്നവരോട് മാറിത്താമസിക്കാന്‍ ആവശ്യപ്പെട്ടിട്ടുണ്ട്.  |
| പ്ളസ്ടു പാഠപുസ്തകങ്ങള്‍ ഇനിയും എത്തിയില്ല Posted: 12 Jun 2014 11:31 PM PDT ശ്രീകണ്ഠപുരം: അധ്യയനം തുടങ്ങി ദിവസങ്ങള്‍ കഴിഞ്ഞിട്ടും ഹയര്‍സെക്കന്‍ഡറി പാഠപുസ്തകങ്ങള്‍ ഇനിയുമെത്തിയില്ല. പ്ളസ്ടു ക്ളാസുകള്‍ ജൂണ്‍ രണ്ടിനാണ് ഔദ്യാഗികമായി ആരംഭിച്ചതെങ്കിലും സംസ്ഥാനത്താകെ കഴിഞ്ഞ മേയ് പകുതിയോടെ തന്നെ പലയിടത്തും അവധിക്കാല ക്ളാസുകള്‍ ആരംഭിച്ചിരുന്നു.  |
| വൈപ്പിനില്‍ തീരദേശം കടലാക്രമണ ഭീഷണിയില്‍ Posted: 12 Jun 2014 11:23 PM PDT വൈപ്പിന്‍: കാലവര്‍ഷം ശക്തമായതോടെ വൈപ്പിന്‍ തീരദേശത്ത് കടലാക്രമണ ഭീഷണി ശക്തമായി. എടവനക്കാട് പഴങ്ങാട് പള്ളിപ്പുറം പഞ്ചായത്തിലെ ചെറായി, മുനമ്പം ബീച്ചുകളില്‍ കഴിഞ്ഞദിവസം കടല്‍ രൗദ്രഭാവം പൂണ്ടു. പഴങ്ങാട് രണ്ടുമാസം മുമ്പ്് നിര്‍മിച്ച കടന്‍ഭിത്തി തകര്‍ന്നു. ഭിത്തി തകര്‍ന്നതോടെ ഇവിടെ ശക്തമായ കടല്‍കയറ്റമാണ് അനുഭവപ്പെട്ടത്. കടല്‍ഭിത്തിക്ക് മുകളിലൂടെയും വിടവുകളിലൂടെയും വെള്ളം കരയിലേക്ക് ഒഴുകുകയാണ്. ചെളിയും മണലും വീണ് തീരദേശ റോഡ് മൂടിയിരിക്കുകയാണ്. കാലവര്‍ഷം ശക്തമാകുന്നതോടെ സമീപവീടുകളിലേക്ക് വെള്ളം കയറാനുള്ള സാധ്യതയും നിലനില്‍ക്കുന്നു. ഇവിടെ ഏതാനും മാസങ്ങള്‍ക്കുമുമ്പ് രൂപംകൊണ്ട വിശാലമായ തീരം കവര്‍ന്നിരുന്നു. കടല്‍ഭിത്തി നിര്‍മാണത്തിലെ അശാസ്ത്രീയതമൂലമാണ് എല്ലാവര്‍ഷവും അറ്റകുറ്റപ്പണി വേണ്ടിവരുന്നതെന്ന് നാട്ടുകാര്‍ പറയുന്നു. നിര്‍മാണരീതിയിലെ അപാകതമൂലം ശക്തമായ കടല്‍ത്തിരകള്‍ അടിച്ച് കല്ലുകള്‍ പെട്ടെന്ന് ഇളകിപ്പോകുന്നു.  |
| ലോകകപ്പ് ആവേശം വാനോളമുയര്‍ത്തി റോഡ്ഷോ Posted: 12 Jun 2014 11:08 PM PDT കല്‍പറ്റ: സാവോപോളോയില്‍ കിക്കോഫ് വിസില്‍ മുഴങ്ങാന്‍ മണിക്കൂറുകള്‍ ശേഷിക്കെ, കല്‍പറ്റയിലെ നഗരവഴികളെ ആവേശത്തിലാഴ്ത്തി ആരാധകരുടെ റോഡ്ഷോ. ലോകകപ്പിനെ വരവേല്‍ക്കാന്‍ സംസ്ഥാന യുവജന ക്ഷേമ ബോര്‍ഡും വയനാട് ഫുട്ബാള്‍ അക്കാദമിയും ജില്ലാ സ്പോര്‍ട്സ് കൗണ്‍സിലും സംയുക്തമായി സംഘടിപ്പിച്ച റോഡ്ഷോയില്‍ അണിനിരന്ന ആബാലവൃദ്ധം ആരാധകര്‍ വയനാടിന്‍െറ സമ്പന്നമായ ഫുട്ബാള്‍ പാരമ്പര്യം വിളിച്ചോതി. ഇഷ്ട ടീമുകളുടെ ജഴ്സിയണിഞ്ഞ കളിക്കമ്പക്കാരും വര്‍ണങ്ങള്‍ വാരിയണിഞ്ഞ വാഹനങ്ങളും വാനിലുയര്‍ന്ന ബലൂണുകളും പതാകകളുമൊക്കെയായി മുന്നേറിയ പ്രൗഢഗംഭീരമായ റോഡ്ഷോ കല്‍പറ്റ ടൗണിനെ ആവേശം കൊള്ളിച്ചു.  |
| കാപ്പ നിയമത്തില്‍ ഭേദഗതിയില്ല; പ്രതിപക്ഷം ഇറങ്ങിപ്പോയി Posted: 12 Jun 2014 10:47 PM PDT Image:  തിരുവനന്തപുരം: യുവജന തോക്കളെ കള്ളക്കേസില്‍ കുടുക്കുന്ന കാപ്പ നിയമം ഭേദഗതി ചെയ്യണമെന്നാവശ്യപ്പെട്ട് പ്രതിപക്ഷം നല്‍കിയ അടിയന്തര പ്രമേയത്തിന് നിയമസഭ അനുമതി നല്‍കിയില്ല. ഇതില്‍ പ്രതിഷേധിച്ച് പ്രതിപക്ഷം സഭയില്‍ നിന്ന് ഇറങ്ങിപ്പോയി. കാപ്പ നിയമം എടുത്തിട്ട് യുവ നേതാക്കളെ കള്ളക്കേസില്‍ കുടുക്കയാണെന്ന് പ്രമേയത്തിന് അനുമതി തേടിക്കൊണ്ട് ഇ.പി ജയരാജന്‍ പറഞ്ഞു. ജനകീയ സമരങ്ങള്‍ നടത്തുന്ന യുവജന നേതാക്കളെ കാപ്പ നിയമം ഉപയോഗിച്ച് സര്‍ക്കാര്‍ അടിച്ചമര്‍ത്തുകയാണ്. സി.പി.എം, ഡി.വൈ.എഫ്.ഐ, എസ്.എഫ്.ഐ നേതാക്കളെ കേസില്‍ കുടുക്കുകയാണെന്നും ജയരാജന്‍ പറഞ്ഞു. കോടതി പോലും ഇവരെ വെറുതെ വിട്ടതാണ്. ഈ വിഷയം സഭ ചര്‍ച്ച ചെയ്യണമെന്നും ജയരാജന്‍ ആവശ്യപ്പെട്ടു. എന്നാല്‍, രാഷ്ട്രീയ ലക്ഷ്യങ്ങളോടെ നിയമം പ്രയോഗിക്കുന്നത് സര്‍ക്കാര്‍ നയമല്ളെന്നും നിയമ ഭേദഗതി ഇപ്പോള്‍ ആലോചനയില്‍ ഇല്ളെന്നും ആഭ്യന്തര മന്ത്രി രമേശ് ചെന്നിത്തല വ്യക്തമാക്കിയതോടെ പ്രതിപക്ഷം ഇറങ്ങിപ്പോവുകയായിരുന്നു.  |
| ഇനി കാണാനിരിക്കുന്നതാണ് കളി... Posted: 12 Jun 2014 10:47 PM PDT കോഴിക്കോട്: 'തീച്ചൂളയില്‍ ജനിച്ച ഞങ്ങളെന്തിന് തീപ്പെട്ടിക്കൊള്ളിയെ ഭയപ്പെടണം...?' എന്ന് ബ്രസീലുകാരുടെ ചോദ്യം. ഉടനെത്തി 'പരാജയം ഭയപ്പെടുന്നവര്‍ വിജയം അര്‍ഹിക്കുന്നില്ല ബ്രസീലുകാരാ' എന്ന് അര്‍ജന്‍റീനക്കാരുടെ ഉരുളയ്ക്കുപ്പേരി.  |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment