കസ്തൂരിരംഗന്‍: കര്‍ഷകര്‍ക്ക് ആശങ്ക വേണ്ട -സുധീരന്‍ Madhyamam News Feeds |  |
- കസ്തൂരിരംഗന്‍: കര്‍ഷകര്‍ക്ക് ആശങ്ക വേണ്ട -സുധീരന്‍
- എല്‍.ഡി.എഫ് സ്വതന്ത്രനായി മല്‍സരിക്കുമെന്ന് പീലിപ്പോസ് തോമസ്
- വൈകിയെങ്കിലും വേഗം കുറയാതെ മെട്രോ നിര്‍മാണം
- ടി.പി വധക്കേസ്: അച്ചടക്ക നടപടി അപൂര്‍ണമെന്ന് വി.എസ്
- 124 കെയ്സ് വ്യാജമദ്യം പിടികൂടി; രണ്ടുപേര്‍ അറസ്റ്റില്‍
- രേഖകളില്ലാതെ അരലക്ഷം രൂപയില്‍ കൂടുതല്‍ കൈവശംവെക്കരുത് –കലക്ടര്‍
- മലപ്പുറത്ത് വോട്ടര്‍മാര്‍ 26,90,785
- ഭൂമി മണ്ണിട്ട് നികത്തുന്നത് നാട്ടുകാര്‍ തടഞ്ഞു
- ചൈന ക്ളേ കമ്പനി അടച്ചുപൂട്ടണമെന്ന് മാടായി പഞ്ചായത്ത്
- കെ.സി രാമചന്ദ്രനെ പുറത്താക്കിയത് സ്വാഗതാര്‍ഹമെന്ന് വി.എസ്
| കസ്തൂരിരംഗന്‍: കര്‍ഷകര്‍ക്ക് ആശങ്ക വേണ്ട -സുധീരന്‍ Posted: 07 Mar 2014 12:58 AM PST Subtitle: ജനവാസ, കാര്‍ഷിക, പ്ളാന്‍േറഷന്‍ മേഖലകളെ ഒഴിവാക്കിയാവും വിജ്ഞാപനം ഒല്ലൂര്‍: കസ്തൂരിരംഗന്‍ റിപ്പോര്‍ട്ട് സംബന്ധിച്ച് മലയോര കര്‍ഷകര്‍ക്ക് ആശങ്ക വേണ്ടെന്ന് കെ.പി.സി.സി പ്രസിഡന്‍റ് വി.എം. സുധീരന്‍.  |
| എല്‍.ഡി.എഫ് സ്വതന്ത്രനായി മല്‍സരിക്കുമെന്ന് പീലിപ്പോസ് തോമസ് Posted: 07 Mar 2014 12:30 AM PST Image:  പത്തനംതിട്ട: ലോക്സഭ തെരഞ്ഞെടുപ്പില്‍ പത്തനംതിട്ട മണ്ഡലത്തില്‍ എല്‍.ഡി.എഫ് സ്വതന്ത്രനായി മല്‍സരിക്കുമെന്ന് എ.ഐ.സി.സി അംഗം പീലിപ്പോസ് തോമസ്. തെരഞ്ഞെടുപ്പില്‍ മത്സരിക്കാമെന്ന് സി.പി.എം ജില്ലാ നേതൃത്വത്തെ അറിയിച്ചതായും വാര്‍ത്താസമ്മേളനത്തില്‍ അദ്ദേഹം പറഞ്ഞു. പ്രാഥമിക അംഗത്വം ഉള്‍പ്പെടെ കോണ്‍ഗ്രസിലെ എല്ലാ പദവികളും രാജിവെച്ചു. രാജിക്കത്ത് കെ.പി.സി.സിക്ക് ഫാക്സ് ചെയ്തു. തീരുമാനത്തിന്‍െറ ലാഭനഷ്ടങ്ങള്‍ കാലം തെളിയിക്കട്ടെ. അപമാനവും നിന്ദയും സഹിച്ച് കോണ്‍ഗ്രസില്‍ നിശബദ്നായി തുടരാന്‍ സാധിക്കില്ല. ഇന്ന് സി.പി.എം ജില്ലാ കമ്മിറ്റി ഓഫിസിലെത്തി നേതാക്കളുമായി കൂടിക്കാഴ്ച നടത്തുമെന്നും അദ്ദേഹം പറഞ്ഞു. ആറന്മുള വിമാനത്താവളം വിഷയത്തില്‍ സര്‍ക്കാര്‍ ഒളിച്ചുകളിക്കുന്നു. ഇക്കാര്യത്തില്‍ പൊതുജനങ്ങള്‍ക്ക് നല്‍കിയ വാഗ്ദാനം സര്‍ക്കാര്‍ പാലിച്ചില്ളെന്നും ഫീലിപ്പോസ് തോമസ് ആരോപിച്ചു.  |
| വൈകിയെങ്കിലും വേഗം കുറയാതെ മെട്രോ നിര്‍മാണം Posted: 06 Mar 2014 10:53 PM PST Subtitle: ഗാര്‍ഡറുകളുടെ നിര്‍മാണം ഏപ്രിലോടെ പൂര്‍ത്തിയാകും കൊച്ചി: പ്രതീക്ഷിക്കാത്ത ചില പ്രതിസന്ധികള്‍ മൂലം ഉദ്ദേശിച്ച സമയത്ത് നിര്‍മാണം പൂര്‍ത്തിയാക്കാന്‍ കഴിയില്ലെന്ന ആശങ്കകള്‍ക്കിടയിലും കൊച്ചി മെട്രോ നിര്‍മാണപ്രവര്‍ത്തനം വേഗത്തില്‍ പുരോഗമിക്കുന്നു. മെട്രോ റെയില്‍ പദ്ധതിയുടെ ഒന്നാംഘട്ടത്തിന്‍െറ തുടര്‍ച്ചയായി പേട്ടയില്‍നിന്ന് തൃപ്പൂണിത്തുറയിലേക്കും നീട്ടാന്‍ അനുമതിയായതോടെ കൂടുതല്‍ പ്രദേശം മെട്രോ നഗരമായി മാറും.  |
| ടി.പി വധക്കേസ്: അച്ചടക്ക നടപടി അപൂര്‍ണമെന്ന് വി.എസ് Posted: 06 Mar 2014 10:45 PM PST Image:  കൊട്ടാരക്കര: ടി.പി വധക്കേസില്‍ കെ.സി. രാമചന്ദ്രനെ പുറത്താക്കിയ പാര്‍ട്ടി നടപടിയെ പിന്തുണച്ച് വാര്‍ത്താകുറിപ്പ് ഇറക്കിയ പ്രതിപക്ഷ നേതാവ് വി.എസ്. അച്യുതാനന്ദന്‍ മണിക്കൂറിനുള്ളില്‍ അതൃപ്തിയുമായി രംഗത്തെ ത്തി. പ്രതികള്‍ക്കെതിരെ സ്വീകരിച്ച അച്ചടക്ക നടപടി അപൂര്‍ണമെന്ന് വി.എസ്. പറഞ്ഞു. പ്രാഥമിക അന്വേഷണത്തിന്‍െറ അടിസ്ഥാനത്തിലാണ് ഒരാള്‍ക്കെതിരെ നടപടി സ്വീകരിച്ചത്. കൊലക്ക് കാരണം വ്യക്തി വിരോധമാണെന്ന അന്വേഷണ കമ്മീഷന്‍െറ നിഗമനം ഒരു കണ്ടെ ത്തല്‍ മാത്രമാണ്. കൂടുതല്‍ പരാതി കിട്ടിയാല്‍ പാര്‍ട്ടി വിശദമായി അന്വേഷണം നടത്തണം. കൊലക്ക് പിന്നില്‍ രാഷ്ട്രീയമില്ലായെന്ന് പറയാനാവില്ളെന്നും വി.എസ് മാധ്യമപ്രവര്‍ത്തകരുടെ ചോദ്യങ്ങള്‍ക്ക് മറുപടിയായി പറഞ്ഞു. തടവുശിക്ഷ ലഭിച്ച സി.പി.എം പാനൂര്‍ ഏരിയാ കമ്മിറ്റിയംഗം പി.കെ. കുഞ്ഞനന്തന്‍, കുന്നോത്തുപറമ്പ് മുന്‍ ബ്രാഞ്ച് സെക്രട്ടറി വടക്കയില്‍ മനോജന്‍ എന്ന ട്രൗസര്‍ മനോജ് എന്നിവര്‍ക്കെതിരെ പാര്‍ട്ടി നടപടി സ്വീകരിക്കാത്തതില്‍ വി.എസിന് കടുത്ത അതൃപ്തിയുണ്ട്. ഇതാണ് മാധ്യമപ്രവര്‍ത്തകര്‍ക്കുള്ള മറുപടിയായി പുറത്തുവന്നത്. ഇതിലൂടെ ടി.പി കേസില്‍ താന്‍ സ്വീകരിച്ച മുന്‍ നിലപാടില്‍ മാറ്റമില്ളെന്ന് സി.പി.എം കേന്ദ്ര-സംസ്ഥാന നേതൃത്വങ്ങളെ അറിയിക്കുക കൂടിയാണ് വി.എസ് ചെയ്യുന്നത്.  |
| 124 കെയ്സ് വ്യാജമദ്യം പിടികൂടി; രണ്ടുപേര്‍ അറസ്റ്റില്‍ Posted: 06 Mar 2014 10:37 PM PST ഹരിപ്പാട്: മിനിലോറിയില്‍ ഒളിപ്പിച്ച് കടത്താന്‍ ശ്രമിച്ച 124 കെയ്സ് വ്യാജമദ്യവുമായി രണ്ടുപേരെ എക്സൈസ് സംഘം അറസ്റ്റ് ചെയ്തു.  |
| രേഖകളില്ലാതെ അരലക്ഷം രൂപയില്‍ കൂടുതല്‍ കൈവശംവെക്കരുത് –കലക്ടര്‍ Posted: 06 Mar 2014 10:24 PM PST Subtitle: ലോക്സഭാ തെരഞ്ഞെടുപ്പ്: കണ്‍ട്രോള്‍ റൂം തുറന്നു കോയമ്പത്തൂര്‍: ലോക്സഭാ തെരഞ്ഞെടുപ്പ് പെരുമാറ്റച്ചട്ടം പ്രാബല്യത്തിലായതോടെ മതിയായ രേഖകളില്ലാതെ 50,000 രൂപക്ക് മുകളില്‍ പണം കൊണ്ടുപോകുന്നത് കുറ്റകരമാണെന്നും ഇത്തരത്തിലുള്ള കറന്‍സി പിടിച്ചെടുക്കുമെന്നും ജില്ലാ കലക്ടര്‍ അര്‍ച്ചന പട്നായിക്. കോയമ്പത്തൂര്‍ കലക്ടറേറ്റില്‍ തെരഞ്ഞെടുപ്പ് ഉദ്യോഗസ്ഥന്‍മാരുടെ ആലോചനായോഗത്തില്‍ പങ്കെടുത്തശേഷം മാധ്യമ പ്രവര്‍ത്തകരോട് സംസാരിക്കുകയായിരുന്നു അവര്‍. തെരഞ്ഞെടുപ്പുമായി ബന്ധപ്പെട്ട് 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂം പ്രവര്‍ത്തനം തുടങ്ങി. 18004257024 എന്ന ടോള്‍ഫ്രീ നമ്പറാണിതിന്‍േറത്. coimbatore2014compliants@gmail.com എന്ന വിലാസത്തില്‍ ഇ- മെയിലിലും പരാതികള്‍ സമര്‍പ്പിക്കാം. ജില്ലയില്‍ കോയമ്പത്തൂര്‍, പൊള്ളാച്ചി എന്നീ ലോക്സഭാ മണ്ഡലങ്ങളാണുള്ളത്. മൊത്തം 25,35,378 വോട്ടര്‍മാര്‍. 2,512 ബൂത്തുകള്‍. ഇതില്‍ 237 എണ്ണം പ്രശ്നബാധിതമാണ്. ഇവിടങ്ങളില്‍ കൂടുതല്‍ സുരക്ഷ ഏര്‍പ്പെടുത്തും. ജില്ലയില്‍ അര്‍ധ സൈനിക വിഭാഗങ്ങളും ലോക്കല്‍ പൊലീസും ഉള്‍പ്പെടെ 6,500ഓളം പേരെയാണ് സുരക്ഷാ ഡ്യൂട്ടിക്കായി നിയോഗിക്കപ്പെടുകയെന്നും അവര്‍ അറിയിച്ചു.  |
| മലപ്പുറത്ത് വോട്ടര്‍മാര്‍ 26,90,785 Posted: 06 Mar 2014 10:18 PM PST മലപ്പുറം: ജില്ലയിലെ 16 നിയോജക മണ്ഡലങ്ങളിലായി വോട്ടര്‍പട്ടികയില്‍ ഇതിനകം ഇടംനേടിയത് 26,90,785 പേര്‍. മലപ്പുറം ലോക്സഭാ മണ്ഡലത്തില്‍ പുരുഷന്മാരെക്കാള്‍ 4335 സ്ത്രീകള്‍ കൂടുതലാണ്. പൊന്നാനി നിയോജക മണ്ഡലത്തില്‍ പുരുഷന്മാരെക്കാള്‍ 35,145 സ്ത്രീ വോട്ടര്‍മാരാണ് കൂടുതലുള്ളത്.  |
| ഭൂമി മണ്ണിട്ട് നികത്തുന്നത് നാട്ടുകാര്‍ തടഞ്ഞു Posted: 06 Mar 2014 10:02 PM PST നീലേശ്വരം: ജില്ലാ കോഓപറേറ്റിവ് ഹൗസിങ് നീലേശ്വരം ശാഖാ സൊസൈറ്റിയുടെ ഉടമസ്ഥതയിലുണ്ടായിരുന്ന സ്ഥലം വാങ്ങിയ ഉടമകള്‍ പ്ളോട്ടുകള്‍ മണ്ണിട്ട് നികത്തുന്നതിനുള്ള ശ്രമം നാട്ടുകാര്‍ തടഞ്ഞു. കാഞ്ഞങ്ങാട് നഗരസഭയിലെ അനന്തംപള്ളയില്‍ നിര്‍മിക്കുന്ന പ്ളോട്ടുകളുടെ നിര്‍മാണം ഇതോടെ അനിശ്ചിതത്വത്തിലായി. ആയിരക്കണക്കിന് ലോഡ് മണ്ണിട്ട് നികത്തുമ്പോള്‍ നാട്ടുകാരുടെ കുടിവെള്ളം കിട്ടാക്കനിയാകുന്നതുമൂലമാണ് മണ്ണിടല്‍ തടഞ്ഞതെന്ന് നാട്ടുകാര്‍ പറയുന്നു. നഗരസഭാ കൗണ്‍സിലര്‍ ടി.പി. കരുണാകരന്‍െറ നേതൃത്വത്തിലാണ് മണ്ണിടല്‍ തടഞ്ഞ് മുന്നറിയിപ്പ് ബോര്‍ഡ് സ്ഥാപിച്ചത്.  |
| ചൈന ക്ളേ കമ്പനി അടച്ചുപൂട്ടണമെന്ന് മാടായി പഞ്ചായത്ത് Posted: 06 Mar 2014 09:59 PM PST Subtitle: കമ്പനി പാരിസ്ഥിതിക പ്രശ്നങ്ങളും ആരോഗ്യപ്രശ്നങ്ങളുംസൃഷ്ടിക്കുന്നതായി പഞ്ചായത്തിന്‍െറ പ്രമേയം പഴയങ്ങാടി: കേരള ക്ളേസ് ആന്‍ഡ് സിറാമിക്സ് പ്രൊഡക്ട്സ് ലിമിറ്റഡ് എന്ന പേരില്‍ പ്രവര്‍ത്തിക്കുന്ന പഴയങ്ങാടി ചൈന ക്ളേ കമ്പനി അടച്ചു പൂട്ടണമെന്ന് മാടായി ഗ്രാമ പഞ്ചായത്ത് ഭരണ സമിതി സര്‍ക്കാറിനോട് ആവശ്യപ്പെട്ടു.  |
| കെ.സി രാമചന്ദ്രനെ പുറത്താക്കിയത് സ്വാഗതാര്‍ഹമെന്ന് വി.എസ് Posted: 06 Mar 2014 09:55 PM PST Image:  തിരുവനന്തപുരം: ടി.പി. ചന്ദ്രശേഖരന്‍ വധക്കേസ് പ്രതിയെ പുറത്താക്കിയ പാര്‍ട്ടി നടപടി സ്വാഗതാര്‍ഹമെന്ന് പ്രതിപക്ഷ നേതാവ് വി.എസ്. അച്യുതാനന്ദന്‍. മറ്റൊരു പാര്‍ട്ടിക്കും ചെയ്യാന്‍ സാധിക്കാത്ത കാര്യമാണ് സി.പി.എം ചെയ്തിരിക്കുന്നത്. കേന്ദ്ര കമ്മിറ്റി തീരുമാനം സംസ്ഥാന കമ്മിറ്റി നടപ്പാക്കിയെന്നും വാര്‍ത്താകുറിപ്പില്‍ വി.എസ് ചൂണ്ടിക്കാട്ടി. ചന്ദ്രശേഖരനെ കൊലപ്പെടുത്തിയതിന് പിന്നില്‍ വ്യക്തി വിരോധം മാത്രമാണ് എന്നത് അന്വേഷണ കമ്മീഷന്‍്റെ മാത്രം നിഗമനമാണ്. ഇതേക്കുറിച്ച് കൂടുതല്‍ കാര്യങ്ങള്‍ പാര്‍ട്ടിക്ക് അന്വേഷിക്കാവുന്നതാണെന്നും വി.എസ് ചൂണ്ടിക്കാട്ടി. നിലമ്പൂര്‍ കൊലപാതകത്തില്‍ കോണ്‍ഗ്രസ് എന്ത് നടപടി സ്വീകരിച്ചു? പാര്‍ട്ടി നടത്തിയതുപോലെ ഒരു അന്വേഷണം നടത്താന്‍ കോണ്‍ഗ്രസ് തയാറുണ്ടോയെന്നും വി.എസ് ചോദിച്ചു. ടി.പി വധക്കേസില്‍ തടവുശിക്ഷ അനുഭവിക്കുന്ന കുന്നുമ്മക്കര മുന്‍ ലോക്കല്‍ കമ്മിറ്റി അംഗം കെ.സി രാമചന്ദ്രനെ സി.പി.എം ഇന്നലെ പുറത്താക്കിയിരുന്നു. പാര്‍ട്ടി സ്വീകരിച്ച ഈ അച്ചടക്ക നടപടിയോട് പ്രതികരിക്കുകയായിരുന്നു വി.എസ്. അതേസമയം തടവുശിക്ഷ അനുഭവിക്കുന്ന മറ്റ് രണ്ട് പാര്‍ട്ടി പ്രവര്‍ത്തകര്‍ക്കെതിരെ നടപടി സ്വീകരിക്കാത്തതില്‍ വി.എസ് കേന്ദ്രനേതൃത്വത്തെ അതൃപ്തി അറിയിച്ചു.  |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment