പ്രവൃത്തി വീണ്ടും നിര്‍ത്തി; റിലയന്‍സിനെതിരെ കൗണ്‍സിലര്‍മാര്‍ കത്തിക്കയറി Madhyamam News Feeds |  |
- പ്രവൃത്തി വീണ്ടും നിര്‍ത്തി; റിലയന്‍സിനെതിരെ കൗണ്‍സിലര്‍മാര്‍ കത്തിക്കയറി
- ഒറ്റപ്പാലത്ത് വിദ്യാര്‍ഥികളെ ബസില്‍ കയറ്റുന്നതിനെചൊല്ലി വീണ്ടും സംഘര്‍ഷം
- പൊന്നാനിയില്‍ ശ്രീധരന്‍ ടച്ചിന് ഫലം കണ്ടുതുടങ്ങി
- കാര്‍ കള്ളക്കടത്ത്: കസ്റ്റംസ് ഓഫിസില്‍ സി.ബി.ഐ പരിശോധന
- ആലപ്പുഴയുടെ വികസനത്തോട് സര്‍ക്കാര്‍ യുദ്ധം പ്രഖ്യാപിക്കുന്നു –ജി. സുധാകരന്‍ എം.എല്‍.എ
- രാജിക്കില്ളെന്ന് പി.സി ജോര്‍ജ്
- സത്യഗ്രഹത്തിന് പിന്തുണയുമായി സി.പി.എമ്മും ബി.ജെ.പിയും
- ആറളം ഫാം ആദിവാസി ഭൂമിയില്‍ ചട്ടങ്ങള്‍ ലംഘിച്ച് പാട്ടകൃഷി
- പൊഴുതനയില്‍ അനധികൃത മണല്‍വാരല്‍ വ്യാപകം
- രണ്ടാം ബാച്ച് നിരാഹാര സമരം തുടങ്ങി
| പ്രവൃത്തി വീണ്ടും നിര്‍ത്തി; റിലയന്‍സിനെതിരെ കൗണ്‍സിലര്‍മാര്‍ കത്തിക്കയറി Posted: 05 Mar 2014 12:58 AM PST Subtitle: കൗണ്‍സില്‍ യോഗം തൃശൂര്‍: റിലയന്‍സിന് ഭൂഗര്‍ഭ കേബ്ളിടാന്‍ അനുമതി കൊടുത്തത് നഗരസഭക്ക് തീരാ തലവേദനയായി മാറുന്നു. റിലയന്‍സ് തുടര്‍ച്ചയായി കരാര്‍ ലംഘനം നടത്തി റോഡുകള്‍ വെട്ടിപ്പൊളിക്കുന്നതിലൂടെ ജലവിതരണ പൈപ്പുകള്‍ പൊട്ടുന്നത് തുടര്‍ച്ചയായെന്നും ഗതാഗത പ്രശ്നമുണ്ടാക്കുന്നെന്നും പറഞ്ഞ് കൗണ്‍സിലര്‍മാര്‍ ഒന്നടങ്കം പ്രതിഷേധ ഗര്‍ജനം മുഴക്കി. ഇത് സഭയെ പ്രക്ഷുബ്ധമാക്കി. ഒരുഘട്ടത്തില്‍ മേയര്‍ക്കുനേരെ അവര്‍ തിരിഞ്ഞു. ഒടുവില്‍ കൗണ്‍സിലര്‍മാരുടെ സമ്മര്‍ദത്തിന് വഴങ്ങി റിലയന്‍സിന്‍െറ പ്രവൃത്തികള്‍ നിര്‍ത്തിവെപ്പിക്കാന്‍ വീണ്ടും നഗരസഭ തീരുമാനിച്ചു. റിലയന്‍സിന്‍െറയും നഗരസഭയുടെയും ഉദ്യോഗസ്ഥരുടെയും കൗണ്‍സിലര്‍മാരുടെയും സംയു്തയോഗം വിളിച്ചുകൂട്ടി പ്രശ്നം ചര്‍ച്ച ചെയ്യാനും തീരുമാനമായി.  |
| ഒറ്റപ്പാലത്ത് വിദ്യാര്‍ഥികളെ ബസില്‍ കയറ്റുന്നതിനെചൊല്ലി വീണ്ടും സംഘര്‍ഷം Posted: 05 Mar 2014 12:52 AM PST Subtitle: ഒന്നര മണിക്കൂര്‍ ഗതാഗതം സ്തംഭിച്ചു ഒറ്റപ്പാലം: വിദ്യാര്‍ഥികളെ ബസില്‍ കയറ്റുന്നതിനെചൊല്ലി സ്വകാര്യ ബസ് ജീവനക്കാരും വിദ്യാര്‍ഥികളും തമ്മില്‍ ഒറ്റപ്പാലത്ത് വീണ്ടും സംഘര്‍ഷം. ഇതേതുടര്‍ന്ന് ഒന്നര മണിക്കൂറിലേറെ ഗതാഗതം സ്തംഭിച്ചത് യാത്രക്കാരെ വലച്ചു.  |
| പൊന്നാനിയില്‍ ശ്രീധരന്‍ ടച്ചിന് ഫലം കണ്ടുതുടങ്ങി Posted: 05 Mar 2014 12:46 AM PST Subtitle: പള്ളപ്രം പാലത്തിന് ഭരണാനുമതി പൊന്നാനി: പൊന്നാനിയുടെ വികസന സ്വപ്നങ്ങള്‍ പൂവണിയാന്‍ തുടങ്ങുന്നു. മെട്രോമാന്‍ ഇ. ശ്രീധരന്‍െറ പരിശ്രമങ്ങള്‍ക്ക് ഫലം കണ്ടുതുടങ്ങി. 20 വര്‍ഷത്തോളമായി അനുമതി കിട്ടാതെ കിടന്നിരുന്ന ചമ്രവട്ടം-പുതുപൊന്നാനി ഹൈവേയില്‍ പള്ളപ്രത്ത് കനോലി കനാലിന് കുറുകെ നിര്‍മിക്കുന്ന പാലത്തിനാണ് കഴിഞ്ഞദിവസം ന്യൂഡല്‍ഹിയില്‍ നടന്ന കേന്ദ്ര ഉപരിതല ഗതാഗത മന്ത്രാലയം ഭരണാനുമതി നല്‍കിയത്.  |
| കാര്‍ കള്ളക്കടത്ത്: കസ്റ്റംസ് ഓഫിസില്‍ സി.ബി.ഐ പരിശോധന Posted: 04 Mar 2014 11:28 PM PST Subtitle: കൊച്ചി വഴി ചെന്നൈയിലെത്തിയത് 15 കാറുകള്‍ കൊച്ചി: 500 കോടിയിലേറെ രൂപയുടെ കാര്‍ കള്ളക്കടത്തുമായി ബന്ധപ്പെട്ട് കൊച്ചി കസ്റ്റംസ് ഓഫിസില്‍ സി.ബി.ഐ പരിശോധന. ചെന്നൈയില്‍നിന്നുള്ള സി.ബി.ഐ സംഘമാണ് വെലിങ്ടണ്‍ ഐലന്‍ഡിലെ കസ്റ്റംസ് കമീഷണറേറ്റ് ഓഫിസില്‍ ചൊവാഴ്ച പരിശോധന നടത്തിയത്. കൊച്ചി തുറമുഖം വഴി 2010 മുതല്‍ നടത്തിയ കാര്‍ ഇറക്കുമതിയുടെ വിശാദാംശങ്ങള്‍ തേടിയാണ് പരിശോധന. നികുതിവെട്ടിച്ച് കാര്‍ കള്ളക്കടത്ത് നടത്തിയ കേസില്‍ അടുത്തിടെ സി.ബി.ഐ ഡല്‍ഹിയില്‍നിന്ന് അറസ്റ്റ് ചെയ്ത അലക്സ് സി. ജോസഫിന്‍െറ മൊഴിയെത്തുടര്‍ന്നാണ് അന്വേഷണസംഘം കേരളത്തിലേക്ക് തിരിച്ചത്. സി.ബി.ഐയുടെ ചോദ്യംചെയ്യലില്‍ തമിഴ്നാട്ടിലെ പ്രമുഖ രാഷ്ട്രീയ നേതാക്കളടക്കമുള്ളവര്‍ക്ക് വിതരണം ചെയ്ത 57 കാറുകളില്‍ 15 എണ്ണവും കൊച്ചി തുറമുഖം വഴിയാണ് കൊണ്ടുവന്നതെന്ന് കണ്ടെത്തി. ഇതേതുടര്‍ന്ന് സി.ബി.ഐ പലതവണ ഈ കാറുകളുടെ ഇറക്കുമതി വിശദാംശങ്ങള്‍ കസ്റ്റംസ് അധികൃതരില്‍നിന്ന് ആരാഞ്ഞെങ്കിലും നല്‍കാത്തതിനെത്തുടര്‍ന്നാണ് സംഘം നേരിട്ടെത്തിയത്. ഇതുവരെയുള്ള പരിശോധനയില്‍ നാല് കാറുകളുടെ വിവരങ്ങള്‍ ലഭിച്ചതായി അന്വേഷണ ഉദ്യോഗസ്ഥനായ സി.ബി.ഐ ചെന്നൈ യൂനിറ്റ് ഇന്‍സ്പെക്ടര്‍ പി.ഐ. അബ്ദുല്‍ അസീസ് ‘മാധ്യമ’ത്തോട് പറഞ്ഞു. പരിശോധനക്കായി ഏതാനും ദിവസംകൂടി കൊച്ചിയില്‍ ക്യാമ്പ് ചെയ്യാനാണ് സി.ബി.ഐയുടെ തീരുമാനം. കേസുമായി ബന്ധപ്പെട്ട കൂടുതല്‍ വിശദാംശങ്ങള്‍ ലഭിച്ചില്ലെങ്കില്‍ അന്ന് കസ്റ്റംസ് ക്ളിയറന്‍സിലുണ്ടായിരുന്ന ഉദ്യോഗസ്ഥരെ കണ്ടെത്തി ചോദ്യംചെയ്യാനാണ് തീരുമാനം. കാര്‍ കള്ളക്കടത്തുമായി ബന്ധപ്പെട്ട് കേരളത്തിലെ ഏതാനും കേസുകളില്‍ അന്വേഷണം നടത്തിയ ഡി.ആര്‍.ഐ അധികൃതരെയും ചോദ്യംചെയ്യാനും ആലോചിക്കുന്നുണ്ട്. ഡി.ആര്‍.ഐ അന്വേഷണം നടത്തിയപ്പോള്‍ പിടിച്ചെടുത്ത രേഖകള്‍ കൈമാറാനാവശ്യപ്പെട്ട് സി.ബി.ഐ അടുത്തദിവസം അധികൃതര്‍ക്ക് നോട്ടീസ് നല്‍കും. നികുതി വെട്ടിപ്പിലൂടെ ഡി.എം.കെ നേതാവ് സ്റ്റാലിനും ബി.സി.സി.ഐ പ്രസിഡന്‍റ് എന്‍. ശ്രീനിവാസനും നിരവധി സിനിമ താരങ്ങളുമടക്കമുള്ളവര്‍ കാര്‍ വാങ്ങിയതായാണ് കണ്ടെത്തല്‍. സി.ബി.ഐയുടെ ചോദ്യംചെയ്യലിനെത്തുടര്‍ന്ന് അലക്സ് സി. ജോസഫ് 33 ദിവസമായി ചെന്നൈയില്‍ ജയിലില്‍ കഴിയുകയാണ്. ഇതിനിടെ, അലക്സ് രണ്ടുതവണ ചെന്നൈ പ്രത്യേക സി.ബി.ഐ കോടതിയില്‍ ജാമ്യാപേക്ഷ നല്‍കിയെങ്കിലും തള്ളിയിരുന്നു. ഇതേതുടര്‍ന്ന് ഇയാള്‍ മദ്രാസ് ഹൈകോടതിയില്‍ ജാമ്യാപേക്ഷ നല്‍കിയിരിക്കുകയാണ്.  |
| ആലപ്പുഴയുടെ വികസനത്തോട് സര്‍ക്കാര്‍ യുദ്ധം പ്രഖ്യാപിക്കുന്നു –ജി. സുധാകരന്‍ എം.എല്‍.എ Posted: 04 Mar 2014 11:03 PM PST ആലപ്പുഴ: കാപ്പിത്തോട് പുനര്‍നിര്‍മിക്കാനും വളഞ്ഞവഴി ഭാഗത്തെ പീലിങ് ഷെഡുകളില്‍നിന്നുള്ള മലിനജലം ശുദ്ധീകരിച്ച് തോട്ടില്‍ ഒഴുക്കാനുമുള്ള വന്‍ പദ്ധതി എം.എല്‍.എയും ത്രിതല പഞ്ചായത്തുകളും നഗരസഭയും ചേര്‍ന്ന് നടപ്പാക്കാന്‍ തുടങ്ങിയപ്പോള്‍ അധികാരം ഉപയോഗിച്ച് അതിനെ അട്ടിമറിച്ച മുഖ്യമന്ത്രി ഉമ്മന്‍ ചാണ്ടി ആലപ്പുഴയുടെ ശത്രുവായി മാറിയിരിക്കുകയാണെന്ന് ജി. സുധാകരന്‍ എം.എല്‍.എ ആരോപിച്ചു. രാഷ്ട്രീയപ്രതിബദ്ധതയുള്ള ആലപ്പുഴയുടെ വികസനത്തിനെതിരെ അദ്ദേഹത്തിന്‍െറ സര്‍ക്കാര്‍ യുദ്ധം പ്രഖ്യാപിച്ചിരിക്കുകയാണെന്നും സുധാകരന്‍ പ്രസ്താവനയില്‍ പറഞ്ഞു. കാപ്പിത്തോടിന്‍െറ കാര്യത്തില്‍ മുഖ്യമന്ത്രിയുടെ തീരുമാനത്തിലുള്ള കടുത്ത തെറ്റുകള്‍ തിരുത്തണം. കാപ്പിത്തോട് പ്രശ്നം പരിഹരിക്കാന്‍ 16.5 കോടിയുടെ എ.എസ് അനുമതി നല്‍കിയതായി മുഖ്യമന്ത്രി കഴിഞ്ഞദിവസം വിളിച്ചുചേര്‍ത്ത യോഗത്തില്‍ തീരുമാനിച്ചതായി പറയുന്നത് വലിയ തമാശയാണ്. ഒരുപൈസപോലും മുഖ്യമന്ത്രി തന്‍െറ ദുരിതാശ്വാസ ഫണ്ടില്‍നിന്ന് അനുവദിച്ചിട്ടില്ല. 16 കോടി ആവശ്യപ്പെട്ട് ധനമന്ത്രിക്ക് ഫയല്‍ അയച്ചിട്ടില്ല. ഇറിഗേഷന്‍ വകുപ്പിന്‍െറ ബന്ധപ്പെട്ട രേഖയിലും ബജറ്റില്‍ ഈ തുക അനുവദിച്ചതായി കാണുന്നില്ല. ശുചിത്വമിഷന്‍ രണ്ടുവര്‍ഷം മുമ്പ് ജില്ലാപഞ്ചായത്തിന് നല്‍കിയ 40 ലക്ഷം രൂപ മാത്രമാണ് അനുമതി ലഭിച്ച ഏക തുക. ഇപ്രകാരം സര്‍ക്കാറിന്‍െറ ഭാഗത്തുനിന്ന് അനുവദിക്കാത്ത 16 കോടിക്ക് മുഖ്യമന്ത്രി എ.എസ് നല്‍കിയെന്ന് പ്രചരിപ്പിക്കുന്ന പി.ആര്‍.ഡി ഉദ്യോഗസ്ഥരുടെ പേരില്‍ നടപടിയെടുക്കണം. മാര്‍ച്ച് മൂന്നിന് മുഖ്യമന്ത്രി വിളിച്ച യോഗം സ്ഥലം എം.എല്‍.എയായ തന്നെ നേരിട്ടോ ഫോണിലൂടെയോ അറിയിച്ചിരുന്നില്ലെന്നും സുധാകരന്‍ പറഞ്ഞു.  |
| രാജിക്കില്ളെന്ന് പി.സി ജോര്‍ജ് Posted: 04 Mar 2014 10:57 PM PST Image:  തിരുവനന്തപുരം:മന്ത്രിസഭയിലെ മറ്റ് അംഗങ്ങളോടുള്ള അവഗണനയാകുമെന്നതിനാല്‍ തത്കാലം രാജിക്കില്ളെന്ന് പി.സി ജോര്‍ജ്. താന്‍ ഒറ്റക്ക് രാജിവെച്ചാല്‍ എം.എല്‍ എമാരെ അവഹേളിച്ചതായി കരുതും. ഇത് ആഗ്രഹിക്കാത്തതിനാലാണ് രാജി വെക്കാത്തതെന്നും കത്ത് മുഖ്യമന്ത്രിക്ക് നല്‍കാത്തതെന്നും അദ്ദേഹം കൂട്ടിച്ചേര്‍ത്തു. ഇത് സംബന്ധിച്ച് കൊണ്ടുള്ള കത്ത് അദ്ദേഹം പാര്‍ട്ടി ചെയര്‍മാന്‍ കെ.എം മാണിക്ക് കൈമാറി. കത്തില്‍ കസ്തൂരിരംഗന്‍ റിപ്പോര്‍ട്ട് വിഷയത്തില്‍ പാര്‍ട്ടി ഉന്നതാധികാര സമിതി യോഗം ചേരാന്‍ മാണിയോട് ആവശ്യപ്പെട്ടിട്ടുണ്ടെന്നും അദ്ദേഹം വ്യക്തമാക്കി. കസ്തൂരി രംഗന്‍ റിപ്പോര്‍ട്ടിന്‍ മേലുള്ള കരട് വിജ്ഞാപനം ഇറക്കിയില്ളെങ്കില്‍ രാജി വെക്കുമെന്ന് പി.സി ജോര്‍ജ് അറിയിച്ചതായി റിപ്പോര്‍ട്ടുകളുണ്ടായിരുന്നു. ഗാഡ്ഗില്‍ കമ്മറ്റി അംഗവും ജൈവ വൈവിദ്യ ബോര്‍ഡ് മുന്‍ ചെയര്‍മാനുമായ വി.എസ് വിജയനും മകനും ചേര്‍ന്ന് പശ്ചിമഘട്ട സംരക്ഷണത്തിന്‍െറ പേരില്‍ കോടിക്കണക്കിന് രൂപയുടെ വിദേശ ഫണ്ട് സ്വീകരിച്ചിട്ടുണ്ടെന്നും ഇതേ പറ്റി സി.ബി.ഐ അന്വേഷണം നടത്തണമെന്നും പി.സി ജോര്‍ജ് ആവശ്യപ്പെട്ടു. പരിസ്ഥിതിവാദികള്‍ പശ്ചിമഘട്ട സംരക്ഷണമെന്ന പേരില്‍ പുട്ടടിക്കുകയാണെന്നും അദ്ദേഹം പറഞ്ഞു.
 |
| സത്യഗ്രഹത്തിന് പിന്തുണയുമായി സി.പി.എമ്മും ബി.ജെ.പിയും Posted: 04 Mar 2014 10:56 PM PST Subtitle: മാലിന്യ പ്രശ്നം മഞ്ചേശ്വരം: അപാര്‍ട്മെന്‍റില്‍നിന്നുള്ള മലിനജലം മൂലം കുടിവെള്ളം ഉപയോഗശൂന്യമായതിനെതിരെ ശാശ്വത പരിഹാരം കണ്ടെത്തണമെന്ന് ആവശ്യപ്പെട്ട് മാലിന്യ നിര്‍മാര്‍ജന നിയമ സഹായ സംരക്ഷണ സമിതി മംഗല്‍പാടി പഞ്ചായത്ത് ഓഫിസിന് മുന്നില്‍ നടത്തിവരുന്ന അനിശ്ചിതകാല നിരാഹാര സമരം 16 ദിവസം പിന്നിട്ടു. പ്രശ്നം പരിഹരിക്കാത്തതില്‍ പ്രതിഷേധിച്ച് സി.പി.എം-ഡി.വൈ.എഫ്.ഐ പ്രവര്‍ത്തകര്‍ പഞ്ചായത്തിലേക്ക് പ്രതിഷേധ മാര്‍ച്ച് നടത്തുകയും സമരത്തിന് ഐക്യദാര്‍ഢ്യം പ്രകടിപ്പിച്ച് സമരപ്പന്തല്‍ സന്ദര്‍ശിക്കുകയും ചെയ്തു.നയാബസാറില്‍നിന്ന് ആരംഭിച്ച പ്രകടനത്തിന് സാദിഖ് ചെറുഗോളി, റഫീഖ് സോങ്കാല്‍, ഹിദായത്ത്, ഹാരിസ് ഉപ്പള, കബീര്‍, ഫൈസല്‍ കൈക്കമ്പ, അശ്റഫ് എന്നിവര്‍ നേതൃത്വം നല്‍കി.  |
| ആറളം ഫാം ആദിവാസി ഭൂമിയില്‍ ചട്ടങ്ങള്‍ ലംഘിച്ച് പാട്ടകൃഷി Posted: 04 Mar 2014 10:48 PM PST Subtitle: കൃഷിയുടെ മറവിലെ ചൂഷണം തടയണമെന്ന് ആദിവാസി സംഘടനകള്‍ കേളകം: ആദിവാസി പുനരധിവാസ മേഖലയായ ആറളം ഫാം ബ്ളോക് ഒമ്പതില്‍ ചട്ടങ്ങള്‍ ലംഘിച്ചും പുനരധിവാസ കുടുംബങ്ങളെ ചൂഷണം ചെയ്തും പുറത്തുനിന്നെത്തുന്നവരുടെ പാട്ട കൃഷി. ബ്ളോക് ഒമ്പതിലെ വളയഞ്ചാല്‍ ബാബു, ഭാസ്കരന്‍, നാരായണന്‍ എന്നിവരുടെ കൈവശമുള്ള ഭൂമികള്‍ മണ്ണുമാന്തി യന്ത്രം ഉപയോഗിച്ച് ഉഴുതു മറിച്ചും മുളകളും മരങ്ങളും തീയിട്ട് നശിപ്പിച്ചുമാണ് പുറമെ നിന്നെത്തിയ പാട്ടക്കാര്‍ കൃഷിയിടമൊരുക്കുന്നത്.  |
| പൊഴുതനയില്‍ അനധികൃത മണല്‍വാരല്‍ വ്യാപകം Posted: 04 Mar 2014 10:30 PM PST Subtitle: കസ്തൂരിരംഗന്‍ റിപ്പോര്‍ട്ടിന്‍െറ മറവില്‍ കൊള്ള ലാഭത്തിലാണ് വില്‍പന വൈത്തിരി: നിയമങ്ങളും നിയന്ത്രണങ്ങളും കാറ്റില്‍പറത്തിയുള്ള അനധികൃത മണല്‍വാരല്‍ പൊഴുതന പഞ്ചായത്തിന്‍െറ വിവിധ ഭാഗങ്ങളില്‍ വ്യാപകമാകുന്നു.  |
| രണ്ടാം ബാച്ച് നിരാഹാര സമരം തുടങ്ങി Posted: 04 Mar 2014 10:21 PM PST Subtitle: കസ്തൂരി രംഗന്‍ റിപ്പോര്‍ട്ട് കോഴിക്കോട്: പശ്ചിമഘട്ട ജനസംരക്ഷണ സമിതിയുടെ ആഭിമുഖ്യത്തില്‍ കലക്ടറേറ്റ് പടിക്കല്‍ നടക്കുന്ന നിരാഹാര സമരത്തിന് പിന്തുണയര്‍പ്പിച്ച് കൂടുതല്‍ വ്യക്തികളും സംഘടനകളും ചൊവ്വാഴ്ചയും എത്തി. തിങ്കളാഴ്ച അര്‍ധരാത്രിയോടെ സമരക്കാരെ അറസ്റ്റ്ചെയ്തു നീക്കിയതിലുള്ള പ്രതിഷേധം അറിയിക്കാന്‍ മലയോരം നഗരത്തിലേക്ക് ഒഴുകി. പുതിയ സമരഭടന്മാരായ ഫാ. ജില്‍സണ്‍ തയ്യില്‍ (താമരശ്ശേരി രൂപതാംഗം), ഗിരീഷ് ജോണ്‍ (പുതുപ്പാടി), സിജോ കരിനാട്ട് (നെല്ലിപ്പൊയില്‍), ബാബു കുരിശിങ്കല്‍ (കട്ടിപ്പാറ), ജിജി ഇല്ലിക്കല്‍(തിരുവമ്പാടി) എന്നിവരെ കര്‍ഷകര്‍ മാലയിട്ട് സ്വീകരിച്ചു.  |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment