കുന്നത്തൂരില്‍ വയല്‍ നികത്തല്‍ തുടരുന്നു; നെടിയാട്ടുപുറം ഏലായും വിസ്മൃതിയിലേക്ക് Madhyamam News Feeds |  |
- കുന്നത്തൂരില്‍ വയല്‍ നികത്തല്‍ തുടരുന്നു; നെടിയാട്ടുപുറം ഏലായും വിസ്മൃതിയിലേക്ക്
- പരിസ്ഥിതിക്ക് അനുകൂലമായ റിപ്പോര്‍ട്ട് നടപ്പാക്കണം –കോടിയേരി
- വ്യവസായ മുരടിപ്പ് അകറ്റുന്നതിന് ബജറ്റില്‍ ഊന്നല്‍
- സ്പെക്ട്രം വില: എല്ലാ വര്‍ഷവും നിരക്ക് വര്‍ധന വേണ്ടി വരും -വൊഡാഫോണ്‍
- കാലിക്കറ്റ് സര്‍വകലാശാല സിന്‍ഡിക്കേറ്റ് അനിശ്ചിതത്വത്തില്‍
- പ്രഖ്യാപനങ്ങള്‍ ഇനിയെങ്കിലും സഫലമാകുമോ...?
- അസൗകര്യങ്ങള്‍ക്ക് നടുവില്‍ മാവേലിക്കര താലൂക്ക് ഗവ. ആയുര്‍വേദാശുപത്രി
- നെല്‍കൃഷി ജലസേചനം അവതാളത്തില്‍
- രാധയുടെ കൊലപാതകം: ദുരൂഹത ബാക്കി
- നിലമ്പൂര്‍ കൊല: അന്വേഷണസംഘത്തലവന് പ്രതിഭാഗം ക്രിമിനല്‍ അഭിഭാഷകന്‍െറ റോള്‍ -പിണറായി
| കുന്നത്തൂരില്‍ വയല്‍ നികത്തല്‍ തുടരുന്നു; നെടിയാട്ടുപുറം ഏലായും വിസ്മൃതിയിലേക്ക് Posted: 17 Feb 2014 12:51 AM PST Subtitle: ശാസ്താംകോട്ടതടാകത്തിലെ ജലനിരപ്പ് താഴാതെ സൂക്ഷിക്കുന്നതില്‍ ഏലായ്ക്ക് പ്രധാന പങ്ക് ശാസ്താംകോട്ട: കുന്നത്തൂര്‍ താലൂക്കിലെ രണ്ട് ജൈവപ്രധാന മേഖലകളില്‍ വന്‍തോതില്‍ നെല്‍പ്പാടവും ചതുപ്പുനിലവും മണ്ണിട്ട് നികത്തുന്നു. ജില്ലാകലക്ടര്‍ക്ക് ഇലക്ഷന്‍ കമീഷന്‍െറ നിര്‍ദേശപ്രകാരം പത്തനംതിട്ടയിലേക്ക് സ്ഥലംമാറ്റപ്പെട്ട അനുകൂല സാഹചര്യം ചില ഉദ്യോഗസ്ഥരും മണ്ണുമാഫിയയും ചേര്‍ന്ന് ചൂഷണംചെയ്യുകയാണെന്നാണ് ആക്ഷേപം. നെടിയാട്ടുപുറം ഏലായില്‍ ഞായറാഴ്ച നൂറുകണക്കിന് ലോഡ് കരമണ്ണാണ് നികത്താന്‍വേണ്ടി ഇറക്കിയത്. ശാസ്താംകോട്ട ശുദ്ധജലതടാകത്തിനും കല്ലടയാറിനും മധ്യേയുള്ള ഏല അതീവപരിസ്ഥിതിപ്രാധാന്യമുള്ളതാണ്. ശുദ്ധജലതടാകത്തിലെ ജലനിരപ്പ് താഴാതെ സൂക്ഷിക്കുന്നത് ഈ ഏലാ കല്ലടയാറുമായി ബന്ധിപ്പിക്കപ്പെട്ടിരിക്കുന്നതിനാലാണെന്ന് പഠനങ്ങള്‍ തെളിയിച്ചിട്ടുള്ളതാണ്. 18 വര്‍ഷമായി കല്ലടയില്‍ നടക്കുന്ന വയല്‍മണല്‍ ഖനനത്തില്‍ ഏതാണ്ട് എല്ലാ ഏലാകളും വന്‍ വെള്ളക്കെട്ടായിരിക്കുകയാണ്.  |
| പരിസ്ഥിതിക്ക് അനുകൂലമായ റിപ്പോര്‍ട്ട് നടപ്പാക്കണം –കോടിയേരി Posted: 17 Feb 2014 12:44 AM PST പാലോട്: പരിസ്ഥിതിസംരക്ഷണത്തില്‍ ജനങ്ങളെ വിശ്വാസത്തിലെടുത്ത് പരിസ്ഥിതിക്ക് അനുകൂലമായ റിപ്പോര്‍ട്ട് നടപ്പാക്കണമെന്ന് പ്രതിപക്ഷ ഉപനേതാവ് കോടിയേരി ബാലകൃഷ്ണന്‍. 51 ാമത് പാലോട് കാര്‍ഷിക മേളയുടെ സമാപന സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.  |
| വ്യവസായ മുരടിപ്പ് അകറ്റുന്നതിന് ബജറ്റില്‍ ഊന്നല്‍ Posted: 17 Feb 2014 12:29 AM PST Image:  തെരഞ്ഞെടുപ്പ് മുന്നില്‍ കണ്ടുള്ള നീകത്തെക്കാള്‍ ധനമന്ത്രി പി.ചിദംബരം ഇക്കുറി ഊന്നല്‍ നല്‍കിയത് മാന്ദ്യവും വ്യവസായ വളര്‍ച്ചാ മുരടിപ്പും നേരിടുന്നതിന്. ആദായ നികുതി ഉള്‍പ്പെടെയുള്ള പ്രത്യക്ഷ നികുതി നിരക്കുകളില്‍ ഒരു ഇളവും പ്രഖ്യാപിക്കാതിരുന്ന ധനമന്ത്രി ഇടക്കാല ബജറ്റില്‍ ഊന്നല്‍ നികിയത് വ്യവാസയികളുടെ വില്‍പ്പന വര്‍ധിപ്പിക്കുന്നതിനുള്ള നടപടികള്‍ക്കാണ്. ഇതോടൊപ്പം വ്യാവസായി വളര്‍ച്ചക്ക് താങ്ങാവുന്ന നികുതി ഇളവുകളും ധനമന്ത്രി ബജറ്റില്‍ പ്രഖ്യാപിച്ചു. വിവിധ തരം വാഹനങ്ങളുടെ തീരുവയില്‍ ഗണ്യമായ കുറവ് വരുത്തിയതിന് പുറമെ ഉപഭോക്തൃ ഉല്‍പ്പന്നങ്ങളും മൂലധന വസ്തുക്കളും അടക്കമുള്ളവയുടെ എക്സൈസ് തീരുവ നിലവിലെ 12 ശതമാനത്തില്‍ നിന്ന് 10 ശതമാനമായി കുറയ്ക്കുകയും ചെയ്തു. രാജ്യത്ത് ഏറ്റവും അധികം വില്‍ക്കുന്ന ചെറുകാറുകളുടെയും മോട്ടോര്‍ സൈക്കിളുകളുടെയും എക്സൈസ് തീരുവ 12 ശതമാനത്തില്‍ നിന്ന് എട്ട് ശതമാനമായി കുറച്ചു. സ്പോര്‍ട്സ് യൂട്ടിലിറ്റി വാഹനങ്ങളുടെ തീരുവ 30 ശതമാനത്തില്‍ നിന്ന് 24 ശതമാനമായും കുറച്ചു. നിലവില്‍ 24 ശതമാനവും 27 ശതമാനവും തീരുവ ചുമത്തുന്ന വലിയ കാറുകളുടെ തീരുവ യഥാക്രമം 20ഉം 24ഉം ശതമാനമായി കുറച്ചു.ധനമന്ത്രിയുടെ ഈ തീരുമാനം വിപണിയില്‍ കാറുകളുടെയും മോട്ടോര്‍സൈക്കിളുകളുടെയും ഡിമാന്‍റ് വര്‍ധിപ്പിക്കുമെന്നാണ് പ്രതീക്ഷ. നടപ്പ് സാമ്പത്തിക വര്‍ഷം ഇന്ത്യയിലെ വാഹന നിര്‍മാതാക്കളെ സംബന്ധിച്ചിടത്തോളം നിരാശയുടെ വര്‍ഷമായിരുന്നു. അടിക്കടി വില്‍പ്പന കുത്തനെ ഇടിയുന്നത് പ്രമുഖ നിര്‍മാതാക്കളെയടക്കം കടുത്ത പ്രതിസന്ധിയിലേക്ക് തള്ളിവിട്ടിരുന്നു. ഇത് മുന്നില്‍ കണ്ടാണ് ബജറ്റില്‍ ആഡംബര കാറുകള്‍ ഉള്‍പ്പെടെയുള്ളവയുടെ നികുതി കുറച്ചത്. കഴിഞ്ഞ 11 വര്‍ഷത്തിനിടയില്‍ 2013 ആദ്യമായി ഇന്ത്യയില്‍ വാഹനങ്ങളുടെ വില്‍പ്പനയില്‍ ഇടിവുണ്ടായിരുന്നു. ഏകദേശം 10 ശതമാനത്തോളമായിരുന്നു ഇടിവ്. കേന്ദ്ര സര്‍ക്കാര്‍ നികുതി നിരക്കില്‍ ലഭ്യമാക്കിയ ഇളവ് ഉപഭോക്താക്കള്‍ക്ക് ലഭ്യമാക്കുമെന്ന് ഇന്ത്യയിലെ മുന്‍ നിര കാര്‍ നിര്‍മാതാക്കള്‍ വ്യക്തമാക്കള്‍ പ്രതികരിച്ചു.കഴിഞ്ഞ ബജറ്റില്‍ ഒരു കോടിയിലേറെ വാര്‍ഷിക വരുമാനമുള്ളവര്‍ക്ക് ഏര്‍പ്പെടുത്തിയ ഒരു ശതമാനം സര്‍ച്ചാര്‍ജും കോര്‍പ്പറേറ്റുകള്‍ക്ക് അടക്കുന്ന നികുതിക്ക് ഏര്‍പ്പെടുത്തിയ അഞ്ചു ശതമാനം സര്‍ചാര്‍ജും തുടരേണ്ടെന്ന് തീരുമാനിച്ചതാണ് പ്രത്യക്ഷ നികുതി മേഖലയില്‍ നല്‍കിയ പ്രധാന ഇളവ്. ഇതോടൊപ്പം മൊബൈല്‍ ഫോണുകള്‍, ഭക്ഷ്യേതര എണ്ണകള്‍ എന്നിവയുടെ ആഭ്യന്തര ഉല്‍പ്പാദനം വര്‍ധിപ്പിക്കുകയെന്ന ലക്ഷ്യത്തോടെ നികുതി ഘടനയില്‍ മാറ്റങ്ങള്‍ കൊണ്ടുവരികയും ചെയ്തു.
 |
| സ്പെക്ട്രം വില: എല്ലാ വര്‍ഷവും നിരക്ക് വര്‍ധന വേണ്ടി വരും -വൊഡാഫോണ്‍ Posted: 16 Feb 2014 11:24 PM PST Image:  മുംബൈ: ഏറ്റവും ഒടുവിലത്തെ സ്പെക്ട്രം ലേലത്തിന്‍െറ ഭാരം കൂടിയായതോടെ ഇന്ത്യയിലെ മൊബൈല്‍ സര്‍വീസ് ദാതാക്കള്‍ക്ക് പിടിച്ചു നില്‍ക്കാന്‍ നിരക്ക് വര്‍ധിപ്പിക്കേണ്ടിവരുമെന്ന് വൊഡാഫോണ്‍ ഇന്ത്യയുടെ മേധാവി. വരും വര്‍ഷങ്ങളിലെ സ്പെക്ട്രം ലേലം കൂടി പരിഗണിക്കുമ്പോള്‍ എല്ലാ വര്‍ഷവും നിരക്ക് വര്‍ധന വേണ്ടിവരുമെന്നും അദ്ദേഹം വ്യക്തമാക്കി.  |
| കാലിക്കറ്റ് സര്‍വകലാശാല സിന്‍ഡിക്കേറ്റ് അനിശ്ചിതത്വത്തില്‍ Posted: 16 Feb 2014 11:22 PM PST Subtitle: യു.ഡി.എഫില്‍ തര്‍ക്കം തൃശൂര്‍: യു.ഡി.എഫിലെ തര്‍ക്കം മൂലം കാലിക്കറ്റ് സര്‍വകലാശാല സിന്‍ഡിക്കേറ്റ് രൂപവത്കരണം അനിശ്ചിതത്വത്തിലായി. തെരഞ്ഞെടുപ്പിലൂടെ 12പേരും നാമനിര്‍ദേശത്തിലൂടെ എത്തുന്ന ആറുപേരും ഉള്‍പ്പെടെ 18 പേരാണ് സിന്‍ഡിക്കേറ്റിന്‍െറ അംഗബലം. ഇതില്‍ നാമനിര്‍ദേശത്തിലൂടെ കേരള കോണ്‍ഗ്രസ് എമ്മിന് ഒരു പ്രതിനിധിയെ നല്‍കുന്നതുമായി ബന്ധപ്പെട്ടാണ് തര്‍ക്കം.  |
| പ്രഖ്യാപനങ്ങള്‍ ഇനിയെങ്കിലും സഫലമാകുമോ...? Posted: 16 Feb 2014 11:11 PM PST Subtitle: കൊച്ചി നഗരസഭ ബജറ്റ് ഇന്ന് കൊച്ചി: കൊച്ചി നഗരസഭയിലെ യു.ഡി.എഫ് ഭരണസമിതിയുടെ നാലാമത് ബജറ്റ് ഡെപ്യൂട്ടി മേയര്‍ ബി. ഭദ്ര ഇന്ന് അവതരിപ്പിക്കും. കഴിഞ്ഞ മൂന്ന് ബജറ്റുകളിലും പ്രഖ്യാപിച്ച പദ്ധതികളില്‍ വിരലിലെണ്ണാവുന്നത് മാത്രമാണ് നടപ്പാക്കിയതെന്ന ആരോപണം നിലനില്‍ക്കെയാണ് പുതിയ ബജറ്റ്.  |
| അസൗകര്യങ്ങള്‍ക്ക് നടുവില്‍ മാവേലിക്കര താലൂക്ക് ഗവ. ആയുര്‍വേദാശുപത്രി Posted: 16 Feb 2014 10:51 PM PST Subtitle: മരുന്നുകളില്ല, ജീവനക്കാര്‍ കുറവ്, ജലവിതരണം മുടങ്ങുന്നു മാവേലിക്കര: താലൂക്ക് ഗവ. ആയുര്‍വേദാശുപത്രി അസൗകര്യങ്ങള്‍ക്ക് നടുവില്‍. മരുന്നുകള്‍ ലഭ്യമാകാതെ നിര്‍ധന രോഗികള്‍ പുറത്തുനിന്ന് വിലകൊടുത്ത് വാങ്ങേണ്ടിവരുന്നെന്ന് പരാതി. കിടത്തിച്ചികിത്സയുള്ള ആശുപത്രിയാണിത്. ആയുര്‍വേദ വകുപ്പ് ഇവിടേക്ക് നല്‍കുന്ന മരുന്ന് അപര്യാപ്തമാണ്. പോരായ്മ നികത്തേണ്ട മാവേലിക്കര നഗരസഭയാകട്ടെ സാമ്പത്തിക ഞെരുക്കത്തിലുമാണ്.  |
| നെല്‍കൃഷി ജലസേചനം അവതാളത്തില്‍ Posted: 16 Feb 2014 10:46 PM PST Subtitle: നൂറിലധികം കുളങ്ങള്‍ വേനലെത്തുംമുമ്പേ ഉപയോഗശൂന്യമായി കൊല്ലങ്കോട്: തണ്ണീര്‍ത്തട സംരക്ഷണം അവതാളത്തില്‍. കാര്‍ഷികാവശ്യത്തിനും ഭൂഗര്‍ഭ ജലസംരക്ഷണത്തിനുമായി വര്‍ഷം തോറും കോടികള്‍ വകയിരുത്തി കുളങ്ങളും ചിറകളും ആഴംകൂട്ടുന്ന പദ്ധതി കൊണ്ടുവന്നെങ്കിലും കൊല്ലങ്കോട്, പല്ലശ്ശന, വടവന്നൂര്‍, മുതലമട പഞ്ചായത്തുകളില്‍ തണ്ണീര്‍തട സംരക്ഷണ സംവിധാനം അവതാളത്തിലാണ്. ജലഅതോറിറ്റി, മണ്ണ് സംരക്ഷണ വകുപ്പ്, കൃഷിവകുപ്പ്, തദ്ദേശ സ്വയംഭരണ വകുപ്പ് എന്നിവയാണ് കുളങ്ങള്‍ ആഴം കൂട്ടാനും കനാല്‍ നവീകരണം, തെന്മലയോരത്തെ മണ്ണൊലിപ്പ് തടയല്‍ എന്നിവക്കുമായി ഫണ്ട് വകയിരുത്തുന്നത്. കൊല്ലങ്കോട് മേഖലയില്‍ 20 ലക്ഷത്തിലധികം രൂപ ഉപയോഗിച്ച് ആഴം കൂട്ടിയ കുളങ്ങള്‍ ഉണ്ടെങ്കിലും നൂറിലധികം കുളങ്ങള്‍ ആഴം കൂട്ടാതെ വേനലെത്തും മുമ്പേ ഉപയോഗശൂന്യമായി.  |
| രാധയുടെ കൊലപാതകം: ദുരൂഹത ബാക്കി Posted: 16 Feb 2014 10:37 PM PST Subtitle: നിര്‍ണായക ഘട്ടം പൂര്‍ത്തിയായെന്ന് പൊലീസ് നിലമ്പൂര്‍: കോണ്‍ഗ്രസ് ഓഫിസില്‍ തൂപ്പുകാരി രാധ കൊല്ലപ്പെട്ട സംഭവത്തില്‍ ദുരൂഹതകള്‍ നിലനില്‍ക്കുമ്പോഴും കേസന്വേഷണത്തിന്‍െറ നിര്‍ണായക ഘട്ടം പൂര്‍ത്തിയായതായി പൊലീസ്. കേസിന്‍െറ സുപ്രധാന ഘട്ടം കഴിഞ്ഞുവെന്ന് വ്യക്തമാക്കിയാണ്അന്വേഷണ സംഘം മേധാവി ഐ.ജി ഗോപിനാഥ് ഞായറാഴ്ച രാത്രി പ്രതികളെ കോടതിയില്‍ ഹാജരാക്കിയത്.  |
| നിലമ്പൂര്‍ കൊല: അന്വേഷണസംഘത്തലവന് പ്രതിഭാഗം ക്രിമിനല്‍ അഭിഭാഷകന്‍െറ റോള്‍ -പിണറായി Posted: 16 Feb 2014 10:28 PM PST Image:  പാലക്കാട്: നിലമ്പൂര്‍ സംഭവം അന്വേഷിക്കുന്ന ഐ.ജി, പ്രതിഭാഗം ക്രിമിനല്‍ അഭിഭാഷകന്‍െറ റോളാണോ വഹിക്കുന്നതെന്ന് സംശയിക്കുന്നതായി സി.പി.എം സംസ്ഥാന സെക്രട്ടറി പിണറായി വിജയന്‍. കേരള രക്ഷായാത്രയുടെ ഭാഗമായത്തെിയ അദേഹം വാര്‍ത്താസമ്മേളനത്തില്‍ സംസാരിക്കുകയായിരുന്നു. രാധയെ കൊലപ്പെടുത്തുന്നതിന് മുമ്പ് ബലാത്സംഗം നടന്നിട്ടില്ളെന്ന് സ്ഥാപിക്കാനാണ് അദ്ദേഹം ശ്രമിക്കുന്നത്. സ്ത്രീയുടെ സ്വകാര്യഭാഗത്തെ പരിക്ക് ചൂലിന്‍െറ പിടി കുത്തിതാഴ്ത്തിയതുകൊണ്ടാണെന്നാണ് ഐ.ജിയുടെ വാദം. ഒരു അവിവാഹിതയായ സ്ത്രീയെ ബലാത്സംഗം ചെയ്തശേഷം തെളിവു നശിപ്പിക്കാന്‍ കൊടുംക്രിമിനലുകള്‍ ചെയ്ത പ്രവൃത്തിയായിരിക്കാം ഇതെന്ന് പൊലീസ് ഓഫിസര്‍ സംശയിക്കാതിരുന്നത് എന്തുകൊണ്ടാണ്? കഴിയാവുന്ന രീതിയില്‍ പ്രതികളെ സംരക്ഷിക്കാനുള്ള വ്യഗ്രതയാണ് ഇതിലൂടെ പുറത്തുവരുന്നത്. അന്വേഷണസംഘത്തലവന്‍െറ ഇത്തരമൊരു നിലപാട് സര്‍ക്കാറിന്‍െറയും ആഭ്യന്തരവകുപ്പിന്‍െറയും കള്ളകളികളെ ബലപ്പെടുത്തുന്നതാണ്. ഇത് പ്രതിഷേധാര്‍ഹമാണ്. ടി.പിക്കെതിരെ പ്രസ്താവന നടത്തിയതിന് പാര്‍ട്ടി കോഴിക്കോട് ജില്ലാ സെക്രട്ടേറിയറ്റംഗം സി. ഭാസ്കരനെതിരെ കേസെടുത്ത നടപടി ശുദ്ധ അസംബന്ധമാണെന്ന് പിണറായി ആവര്‍ത്തിച്ചു. ഞങ്ങള്‍ക്ക് ജീവന്‍ നഷ്ടപ്പെട്ടയാളെ കുറിച്ച് മറ്റേതെങ്കിലും രീതിയില്‍ പറയേണ്ട കാര്യമില്ല. എന്നാല്‍ പ്രദേശത്തുകാര്‍ക്ക് ചന്ദ്രശേഖരനെ നന്നായി അറിയാം. ചന്ദ്രശേഖരന് അവസാനമായി വന്ന കോളിനെകുറിച്ച് എന്തേ പ്രോസിക്യൂഷന്‍ അന്വേഷിച്ച് വ്യക്തത വരുത്താതിരുന്നതെന്ന് പിണറായി ചോദിച്ചു. ടി.പി. വധവുമായി ബന്ധപ്പെട്ട് യു.ഡി.എഫ് പ്രത്യേകം താല്‍പര്യമെടുത്ത് വഴിവിട്ടു അന്വേഷിച്ചിട്ടും അന്നൊന്നും ലഭ്യമല്ലാത്ത വീഡിയോകള്‍ ഇപ്പോള്‍ എവിടുന്നു വരുന്നുവെന്ന് അന്വേഷിക്കണം. രമയുടെ കേരളയാത്ര ഞങ്ങളെ ബാധിക്കുന്ന പ്രശ്നമല്ല. വി.എസ്. രമക്ക് അനുകൂലമായി സര്‍ക്കാറിന് നല്‍കിയ കത്തിനെകുറിച്ചുള്ള ചോദ്യത്തിന് മനുഷ്യന് തെറ്റു പറ്റുമല്ളോ, ഇപ്പോള്‍ പറ്റിയ തെറ്റ് തെറ്റാണെന്ന് പാര്‍ട്ടി കണ്ടു, അത്രയേയുള്ളുവെന്ന് പിണറായി പറഞ്ഞു. നിര്‍ഭയ പദ്ധതി രാഷ്ട്രീയവത്കരിക്കാനാണ് കോണ്‍ഗ്രസ് നീക്കം. 5,000രൂപ പ്രതിമാസവേതനത്തില്‍ 12,000 പേരെയാണ് നിയമിക്കുന്നത്. കോണ്‍ഗ്രസ് സംഘടനാ സംവിധാനം ഉപയോഗിച്ച് പ്രത്യേകം കക്ഷിയില്‍പ്പെട്ടവര്‍ക്കാന് നിയമനം നല്‍കുന്നത്. പക്ഷപാതപരമായ ഈ നിലപാട് സര്‍ക്കാര്‍ ഒഴിവാക്കണമെന്നും മാനദണ്ഡം പാലിക്കണമെന്നും പിണറായി ആവശ്യപ്പെട്ടു. മഅ്ദനിയുടെ ജയില്‍വാസം നീളുന്നതിനെകുറിച്ചുള്ള ചോദ്യത്തിന് ഇവ്വിഷയത്തില്‍ കേരള നിയമസഭ ഒറ്റക്കെട്ടായി പ്രമേയം പാസാക്കിയതാണല്ളോയെന്ന് അദ്ദേഹം പറഞ്ഞു. കസ്തൂരി രംഗന്‍ റിപ്പോര്‍ട്ട് നടപ്പാക്കിയാല്‍ മലബാര്‍ സിമെന്‍റ്സും ഇതിനാവശ്യമായ ചുണ്ണാമ്പ് ഖനനവും നിര്‍ത്തലാക്കേണ്ട അവസ്ഥാണുള്ളതെന്നും ഇത് ഒഴിവാക്കാന്‍ സര്‍ക്കാര്‍ അടിയന്തര നടപടി കൈകൊള്ളണമെന്നും പിണറായി ആവശ്യപ്പെട്ടു.  |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment