ജനരോഷം അണപൊട്ടി; 12 മണിക്കൂര്‍ ബൈപാസ് ഉപരോധിച്ചു Madhyamam News Feeds |  |
- ജനരോഷം അണപൊട്ടി; 12 മണിക്കൂര്‍ ബൈപാസ് ഉപരോധിച്ചു
- ടി.പി വധ ഗൂഡാലോചന: സി.ബി.ഐ അന്വേഷണം പ്രഖ്യാപിക്കുമെന്ന് പറഞ്ഞിട്ടില്ല -ചെന്നിത്തല
- ഓട്ടോ തൊഴിലാളികള്‍ അനിശ്ചിതകാല പണിമുടക്കിന്
- നഗരത്തില്‍ ബിവറേജസ് ഔ്ലെറ്റ് തുറന്നതിനെതിരെ ജനകീയ പ്രതിരോധം
- അഞ്ചു വര്‍ഷത്തിനിടെ മൂന്നായി പിളര്‍ന്ന് കൊങ്കുനാട് മുന്നേറ്റ കഴകം
- വൈദ്യുതി വിതരണ ലൈസന്‍സ് :കെജ് രിവാളും അംബാനിയും തുറന്ന യുദ്ധത്തിലേക്ക്
- മന്തുരോഗ നിവാരണം: ഗുളിക വിതരണം മാര്‍ച്ച് രണ്ട് മുതല്‍
- കോളനികളില്‍ കുടിവെള്ള പദ്ധതി: രണ്ടാഴ്ചക്കകം നിര്‍ദേശങ്ങള്‍ സമര്‍പ്പിക്കണം
- ഗ്രന്ഥാലയങ്ങള്‍ക്ക് ഗ്രാന്‍റിനത്തില്‍ കിട്ടാനുള്ളത് 1.6 കോടി
- ആദ്യ ടെസ്റ്റില്‍ ന്യൂസിലാന്‍്റ് മികച്ച സ്കോറിലേക്ക്
| ജനരോഷം അണപൊട്ടി; 12 മണിക്കൂര്‍ ബൈപാസ് ഉപരോധിച്ചു Posted: 06 Feb 2014 01:05 AM PST Subtitle: മാസ്റ്റര്‍ പ്ളാനിലെ അവ്യക്തത കഴക്കൂട്ടം: മാസ്റ്റര്‍പ്ളാനിലെ അവ്യക്തത മാറ്റണമെന്നും മാസ്റ്റര്‍ പ്ളാനില്‍ ഭേദഗതി വരുത്തണമെന്നും ആവശ്യപ്പെട്ട് പ്രദേശവാസികള്‍ നടത്തിയ ജനകീയസമരത്തില്‍ പ്രതിഷേധം അണപൊട്ടി. കഴക്കൂട്ടം-വെഞ്ഞാറമൂട് ബൈപാസ് സമരക്കാര്‍ 12 മണിക്കൂര്‍ ഉപരോധിച്ചു. സ്ത്രീകളും കുട്ടികളുമടക്കം 25000ല്‍അധികം പേരാണ് പങ്കുചേര്‍ന്നത്. കാട്ടായിക്കോണം, ചന്തവിള കോര്‍പറേഷന്‍ വാര്‍ഡുകളില്‍ ആക്ഷന്‍ കൗണ്‍സില്‍ ആഹ്വാനം ചെയ്ത ഹര്‍ത്താല്‍ പൂര്‍ണമായിരുന്നു. കടകമ്പോളങ്ങള്‍ അടഞ്ഞുകിടന്നു. കാട്ടായിക്കോണം കേന്ദ്രമാക്കി ഉപഗ്രഹനഗരം പണിയാനാണ് മാസ്റ്റര്‍പ്ളാന്‍ തയാറാക്കിയത്. എന്നാല്‍, സര്‍ക്കാര്‍ഒമ്പത് മാസം മുമ്പ് കരട് പുറത്തിറക്കിയെങ്കിലും 350ഓളം പേജുള്ള മാസ്റ്റര്‍ പ്ളാന്‍ ഇംഗ്ളീഷിലാണ് പ്രസിദ്ധീകരിച്ചത്. തുടര്‍ന്ന് വ്യാപക പ്രതിഷേധം ഉയര്‍ന്നതിനൊടുവില്‍ ദിവസങ്ങള്‍മുമ്പ് 20പേജ് ലഘുരൂപം മലയാളത്തില്‍ പ്രസിദ്ധീകരിച്ചിരുന്നു. ജയില്‍കോംപ്ളക്സ്, ശ്രീചിത്രമെഡിക്കല്‍ സെന്‍റര്‍, ആര്‍.സി.സി, കോടതിസമുച്ചയം എന്നിവയാണ് മാസ്റ്റര്‍പ്ളാനില്‍ പറഞ്ഞിരുന്നത്. എന്നാല്‍ ഓരോ പദ്ധതിക്കും സ്ഥലം എവിടെനിന്നാണ് ഏറ്റെടുക്കുന്നതെന്ന് വ്യക്തമാക്കിയിരുന്നില്ല. ഏറ്റെടുക്കുന്ന വസ്തുക്കളുടെ സര്‍വേ നമ്പറും പ്രസിദ്ധീകരിച്ചിരുന്നില്ല.  |
| ടി.പി വധ ഗൂഡാലോചന: സി.ബി.ഐ അന്വേഷണം പ്രഖ്യാപിക്കുമെന്ന് പറഞ്ഞിട്ടില്ല -ചെന്നിത്തല Posted: 06 Feb 2014 12:13 AM PST Image:  തിരുവനന്തപുരം: ടി.പി ചന്ദ്രശേഖരന്‍ വധത്തിലെ ഗൂഢാലോചന സംബന്ധിച്ച കേസില്‍ സി.ബി.ഐ അന്വേഷണം നടത്തുമെന്ന് താന്‍ എവിടെയും പറഞ്ഞിട്ടില്ളെന്ന് ആഭ്യന്തരമന്ത്രി രമേശ് ചെന്നിത്തല. പൊലീസ് അന്വേഷണത്തിന് ശേഷമെ ഇക്കാര്യത്തില്‍ തീരുമാനമെടുക്കൂ എന്നും ചെന്നിത്തല വ്യക്തമാക്കി. സര്‍ക്കാറിനെ സംബന്ധിച്ച് നിയമപരമായ നടപടികള്‍ മാത്രമെ സ്വീകരിക്കാന്‍ കഴിയൂ. രമയുടെ പരാതി സര്‍ക്കാര്‍ ഗൗരവമായി എടുത്തിട്ടുണ്ട്. അതുകൊണ്ടാണ് അത് പൊലീസിന് കൈമാറിയത്. ഈ സാഹചര്യത്തില്‍ രമ സമരം നിര്‍ത്തി കേസന്വേഷണവുമായി സഹകരിക്കണമെന്നും അദ്ദേഹം ആവശ്യപ്പെട്ടു.  |
| ഓട്ടോ തൊഴിലാളികള്‍ അനിശ്ചിതകാല പണിമുടക്കിന് Posted: 05 Feb 2014 11:28 PM PST Subtitle: വ്യാഴാഴ്ച മുതല്‍ എറണാകുളം നഗരത്തിലാണ് പണിമുടക്ക് കൊച്ചി: എറണാകുളം ഓട്ടോ ഡ്രൈവേഴ്സ് കോഓഡിനേഷന്‍ കമ്മിറ്റിയുടെ നേതൃത്വത്തില്‍ വ്യാഴാഴ്ച മുതല്‍ എറണാകുളം നഗരത്തില്‍ ഓട്ടോ തൊഴിലാളികള്‍ അനിശ്ചിതകാല പണിമുടക്ക് ആരംഭിക്കും.  |
| നഗരത്തില്‍ ബിവറേജസ് ഔ്ലെറ്റ് തുറന്നതിനെതിരെ ജനകീയ പ്രതിരോധം Posted: 05 Feb 2014 11:25 PM PST ആലപ്പുഴ: നഗരത്തില്‍ ജനസാന്ദ്രത ഏറെയുള്ള പിച്ചു അയ്യര്‍ ജങ്ഷന് പടിഞ്ഞാറ് ബിവറേജസ് കോര്‍പറേഷന്‍െറ പുതിയ ഔ്ലെറ്റ് തുറന്നതിനെതിരെ ജനകീയ പ്രതിഷേധം ശക്തമായി. ചൊവ്വാഴ്ച രാത്രിയാണ് രഹസ്യമായി കടകളും ഒട്ടേറെ വീടുകളും ഉള്ള സ്ഥലത്തെ വീട് വാടകക്കെടുത്ത് അവിടെ മദ്യക്കുപ്പികള്‍ കൊണ്ടുനിറച്ചത്. ബുധനാഴ്ച രാവിലെയാണ് വിവരം നാട്ടുകാര്‍ അറിയുന്നത്. സമീപത്ത് താമസിക്കുന്ന വീട്ടുകാരും കടകള്‍ നടത്തുന്നവരും രാവിലെ തന്നെ പ്രതിഷേധവുമായി രംഗത്തെത്തി. വീട്ടമ്മമാര്‍ മദ്യഷാപ്പ് വേണ്ടെന്ന പ്ളക്കാര്‍ഡ് ഏന്തി ഔ്ലെറ്റിന് മുന്നില്‍ മണിക്കൂറുകളോളം കുത്തിയിരുന്ന് മുദ്രാവാക്യം മുഴക്കി. വിവരം അറിഞ്ഞ് വിവിധ രാഷ്ട്രീയ കക്ഷികള്‍ അവര്‍ക്ക് ഐക്യദാര്‍ഢ്യം പ്രഖ്യാപിച്ച് സമരം ഏറ്റെടുത്തു. മാനദണ്ഡം പാലിക്കാതെ, മുന്നറിയിപ്പില്ലാതെ രഹസ്യമായിട്ടാണ് ഔ്ലെറ്റിനുവേണ്ടിയുള്ള നടപടികള്‍ അധികൃതര്‍ നടത്തിയത്. വീട്ടമ്മമാരുടെ പ്രതിഷേധം ശക്തമായപ്പോള്‍ പൊലീസ് സംഘമെത്തി ഭീഷണി സ്വരത്തില്‍ സംസാരിച്ചതോടെ പ്രശ്നം സങ്കീര്‍ണമായി. എന്തുവന്നാലും ഔ്ലെറ്റ് സ്ഥാപിക്കുമെന്ന നിലപാട് അധികൃതരില്‍ ചിലര്‍ സ്വീകരിച്ചപ്പോള്‍ സമരം വിവിധ രാഷ്ട്രീയ പാര്‍ട്ടികളുടെ പങ്കാളിത്തത്തോടെ ശക്തമായി. മദ്യവിരുദ്ധ സമിതികളും വ്യാപാരി വ്യവസായി സംഘടനകളും മറ്റും അവര്‍ക്ക് പിന്തുണ പ്രഖ്യാപിച്ച് രംഗത്തുവന്നു. മണിക്കൂറുകളോളം ഈ ഭാഗം സമരവേദിയായി മാറി. പ്രതിഷേധ യോഗത്തില്‍ വാര്‍ഡ് കൗണ്‍സിലര്‍ ആന്‍റണി റോട്രിക്സ് അധ്യക്ഷത വഹിച്ചു. ബ്രാഹ്മണ സമൂഹം സംസ്ഥാന വൈസ് പ്രസിഡന്‍റ് ഡോ.രാമന്‍, പി.ഡി.പി ജില്ലാ സെക്രട്ടറി സുനീര്‍ ഇസ്മായില്‍, വെല്‍ഫെയര്‍ പാര്‍ട്ടി നേതാക്കളായ പാലസ് അഷ്റഫ്, സദറുദ്ദീന്‍, ബി.ജെ.പി മണ്ഡലം പ്രസിഡന്‍റ് എല്‍.പി. ജയചന്ദ്രന്‍, ആര്‍.എസ്.പി ജില്ലാ കമ്മിറ്റിയംഗം ആര്‍. ചന്ദ്രന്‍, ബ്രാഹ്മണ സമൂഹം വനിത വിഭാഗം നേതാവ് ഡോ.കെ.വി. സരസ്വതി, മുസ്ലിം ലീഗ് നേതാവും കൗണ്‍സിലര്‍മായ ബി.എ. ഗഫൂര്‍, ജമാഅത്ത് കൗണ്‍സില്‍ പ്രതിനിധി ഇലയില്‍ സൈനുദ്ദീന്‍, ഏകോപന സമിതി പ്രതിനിധി അബ്ദുല്‍ ജലീല്‍ മറ്റ് നേതാക്കളായ അഗസ്റ്റിന്‍ കുന്നേല്‍, സുരേഷ്, ശിവമണി, പാര്‍വതി ഗോപാലകൃഷ്ണന്‍ തുടങ്ങിയവര്‍ സംസാരിച്ചു.  |
| അഞ്ചു വര്‍ഷത്തിനിടെ മൂന്നായി പിളര്‍ന്ന് കൊങ്കുനാട് മുന്നേറ്റ കഴകം Posted: 05 Feb 2014 11:17 PM PST Subtitle: പ്രവര്‍ത്തകര്‍ ആശയക്കുഴപ്പത്തില്‍ കോയമ്പത്തൂര്‍: 2009ലെ ലോക്സഭാ തെരഞ്ഞെടുപ്പില്‍ ദ്രാവിഡ കക്ഷികളെ വിറപ്പിച്ച് രംഗപ്രവേശം ചെയ്ത കൊങ്കുനാട് മുന്നേറ്റ കഴകം അഞ്ചു വര്‍ഷത്തിനിടെ മൂന്നായി പിളര്‍ന്നു. കഴിഞ്ഞ ലോക്സഭാ തെരഞ്ഞെടുപ്പിന്‍െറ മാസങ്ങള്‍ക്ക് മുമ്പാണ് തമിഴക പശ്ചിമ മേഖലയിലെ കോയമ്പത്തൂര്‍, തിരുപ്പൂര്‍, ഈറോഡ്, സേലം, നാമക്കല്‍, കരൂര്‍ തുടങ്ങിയ ജില്ലകളിലെ കൊങ്കുവേളാളര്‍ കൗണ്ടര്‍ സമുദായത്തിന്‍െറ ഉന്നമനം ലക്ഷ്യമാക്കിയും കൊങ്കുമേഖലയുടെ സമഗ്ര വികസന മുദ്രാവാക്യമുയര്‍ത്തിയും ‘കൊങ്കുനാട് മുന്നേറ്റ പേരവൈ’ രൂപം കൊണ്ടത്. കൊങ്കു വേളാളര്‍ കൗണ്ടര്‍ സമുദായ ക്ഷേമം മുന്‍ നിര്‍ത്തി പ്രവര്‍ത്തിച്ചിരുന്ന ചെറു സംഘടനകളെ ഇതില്‍ ലയിപ്പിക്കുകയായിരുന്നു. ഒരു ഘട്ടത്തില്‍ തമിഴ്നാട് വിഭജിച്ച് ‘കൊങ്കുനാട്’ എന്ന പുതിയ സംസ്ഥാനം രൂപീകരിക്കണമെന്ന ആവശ്യം പോലും സംഘടന ഉന്നയിച്ചിരുന്നു. ലക്ഷക്കണക്കിന് പ്രവര്‍ത്തകരെ പങ്കെടുപ്പിച്ച് നടത്തിയ സംഘടനയുടെ ആദ്യ സമ്മേളനം തമിഴക രാഷ്ട്രീയ കക്ഷികളുടെ കണ്ണ് തുറപ്പിച്ചു. മാറി മാറി ഭരിച്ച ദ്രാവിഡ കക്ഷികള്‍ കൊങ്കുമേഖലയെ അവഗണിക്കുന്നതായി പേരവൈ ആരോപിച്ചു. സംഘടന രൂപീകരിച്ച് നാലു മാസത്തിനകം നടന്ന ലോക്സഭാ തെരഞ്ഞെടുപ്പില്‍ കോയമ്പത്തൂര്‍, പൊള്ളാച്ചി, നീലഗിരി ഉള്‍പ്പെടെ 12 മണ്ഡലങ്ങളില്‍ ഒറ്റക്ക് മത്സരിച്ചു. പേരവൈ പ്രസിഡന്‍റ് ബെസ്റ്റ് രാമസ്വാമി പൊള്ളാച്ചിയിലും ജനറല്‍ സെക്രട്ടറി ഇ.ആര്‍. ഈശ്വരന്‍ കോയമ്പത്തൂരിലും മത്സരിച്ചു. ഇരുവരും ഒരു ലക്ഷത്തില്‍പരം വോട്ടുകളാണ് നേടിയത്. മൊത്തം ആറു ലക്ഷത്തോളം വോട്ടുകളാണ് ലഭിച്ചത്.  |
| വൈദ്യുതി വിതരണ ലൈസന്‍സ് :കെജ് രിവാളും അംബാനിയും തുറന്ന യുദ്ധത്തിലേക്ക് Posted: 05 Feb 2014 11:00 PM PST Image:  ന്യൂഡല്‍ഹി: കുടിശ്ശിക അടക്കാത്ത കമ്പനികള്‍ക്കുള്ള വൈദ്യുതി വിതരണം നിര്‍ത്തിവെക്കാനുള്ള ഡല്‍ഹി മുഖ്യമന്ത്രി അരവിന്ദ് കെജ്രിവാളിന്‍്റെ നിര്‍ദേശത്തിനെതിരെ അനില്‍ അംബാനി സുപ്രീംകോടതിയിലേക്ക്. മധ്യ-കിഴക്കന്‍ ഡല്‍ഹിയില്‍ വൈദ്യുതി വിതരണം നടത്തുന്ന അനില്‍ അംബാനിയുടെ നിയന്ത്രണത്തിലുള്ള കമ്പനി,കുടിശ്ശിക വരുത്തിയ വൈദ്യുതി ബില്‍ അടക്കണമെന്നും അല്ലാത്തപക്ഷം കമ്പനിക്ക് അനുവദിക്കുന്ന വൈദ്യുതി തിങ്കളാഴ്ച മുതല്‍ നിര്‍ത്തിവെക്കുമെന്നും വൈദ്യുതി ഉല്‍പാദകരായ നാഷണല്‍ തെര്‍മല്‍ പവര്‍ കോര്‍പറേഷന്‍ (എന്‍.ടി.പി.സി) അറിയിച്ചിരുന്നു. കുടിശ്ശിക അടച്ചില്ളെങ്കില്‍ അംബാനിയുടെ റിലയന്‍സ് ഇന്‍ഫ്രാ സ്ട്രക്ചറിനു കീഴിലുള്ള ബി.എസ്.ഇ.എസ് യമുന പവര്‍ ലിമിറ്റഡ്,രാജധാനി പവര്‍ ലിമിറ്റഡ് എന്നീ കമ്പനികളുടെ ലൈസന്‍സ് റദ്ദാക്കാന്‍ ഡല്‍ഹി മേഖലയിലെ വൈദ്യുതി റെഗുലേറ്ററി ബോഡിക്ക് മുഖ്യമന്ത്രി അരവിന്ദ് കെജ്രിവാള്‍ നിര്‍ദേശം നല്‍കിയിരുന്നു. ഇതിനെതിരെയാണ് അംബാനി കോടതിയെ സമീപിച്ചത്. പ്രശ്നത്തില്‍ അടിയന്തിരമായി ഇടപെടണമെന്ന് കമ്പനി ആവശ്യപ്പെട്ടപ്പോള്‍ ഡല്‍ഹിയില്‍ സംഭവിക്കുന്ന എല്ലാത്തിനം പരിഹാരം സുപ്രീംകോടതിയാണോ എന്ന് ചീഫ് ജസ്റ്റിസ് പി.സദാശിവം ചോദിച്ചു. ഹരജി നാളെ പരിഗണനക്കെടുക്കും. കമ്പനികളുടെ ലൈസന്‍സ് റദ്ദാക്കുന്ന സാഹചര്യത്തില്‍ വിതരണ കമ്പനികളെ നിയന്ത്രിക്കുന്നതിനുവേണ്ടി ഉചിതരായ ഉദ്യോഗസ്ഥരെ ഒഫീസുകളില്‍ നിയമിക്കുമെന്ന് ഡല്‍ഹി സര്‍ക്കാര്‍ അറിയിച്ചു.  |
| മന്തുരോഗ നിവാരണം: ഗുളിക വിതരണം മാര്‍ച്ച് രണ്ട് മുതല്‍ Posted: 05 Feb 2014 10:59 PM PST Subtitle: പ്രതിരോധ ഗുളികകള്‍ കഴിക്കേണ്ടത് ആഹാരത്തിന് ശേഷം മാത്രം മലപ്പുറം: മന്തുരോഗത്തെ പ്രതിരോധിക്കാനുള്ള ഗുളിക വിതരണം മാര്‍ച്ച് രണ്ട് മുതല്‍ ആരംഭിക്കുമെന്ന് ജില്ലാ മെഡിക്കല്‍ ഓഫിസര്‍ വി. ഉമര്‍ ഫാറൂഖ് വാര്‍ത്താസമ്മേളനത്തില്‍ അറിയിച്ചു. ജില്ലയുടെ വിവിധ പ്രദേശങ്ങളില്‍ ഗൃഹസന്ദര്‍ശനങ്ങള്‍ നടത്തി ബോധവത്കരണ കാമ്പയിന്‍ സംഘടിപ്പിക്കും.  |
| കോളനികളില്‍ കുടിവെള്ള പദ്ധതി: രണ്ടാഴ്ചക്കകം നിര്‍ദേശങ്ങള്‍ സമര്‍പ്പിക്കണം Posted: 05 Feb 2014 10:51 PM PST Subtitle: 39 കോളനികളിലെ കുടിവെള്ള പദ്ധതികള്‍ പുരോഗമിക്കുന്നു കാസര്‍കോട്: പട്ടികജാതി-വര്‍ഗ കോളനികളില്‍ പുതിയ കുടിവെള്ള പദ്ധതികള്‍ക്ക് ഗ്രാമപഞ്ചായത്തുകള്‍ നിര്‍ദേശം സമര്‍പ്പിക്കണമെന്ന് ജില്ലാ കലക്ടര്‍ പി.എസ്. മുഹമ്മദ് സഗീര്‍ അറിയിച്ചു. രാജീവ്ഗാന്ധി ത്വരിത കുടിവെള്ള പദ്ധതിയുടെ ഭാഗമായി ജില്ലയിലെ ഗ്രാമപഞ്ചായത്തുകളിലെ കോളനികളില്‍ കുടിവെള്ള പദ്ധതികളുടെ അവലോകന യോഗത്തില്‍ അധ്യക്ഷത വഹിക്കുകയായിരുന്നു അദ്ദേഹം.  |
| ഗ്രന്ഥാലയങ്ങള്‍ക്ക് ഗ്രാന്‍റിനത്തില്‍ കിട്ടാനുള്ളത് 1.6 കോടി Posted: 05 Feb 2014 10:19 PM PST Subtitle: ലൈബ്രറി പ്രവര്‍ത്തകര്‍ ഇന്ന് കലക്ടറേറ്റ് പടിക്കല്‍ സത്യഗ്രഹം നടത്തും കണ്ണൂര്‍: കടുത്ത പ്രതിസന്ധിയിലായ ജില്ലയിലെ ഗ്രന്ഥശാലകള്‍ക്ക് കിട്ടാനുള്ളത് 1.60 കോടി രൂപ. ജില്ലയിലെ 760 ഗ്രന്ഥശാലകള്‍ക്കാണ് ഇത്രയും രൂപ ഗ്രാന്‍റിനത്തില്‍ കിട്ടാനുള്ളത്. സംസ്ഥാന ലൈബ്രറി കൗണ്‍സിലിന് സര്‍ക്കാര്‍ നല്‍കേണ്ട 15 കോടി രൂപ നല്‍കാത്തതാണ് ഗ്രന്ഥശാലകളെ പ്രതിസന്ധിയിലേക്ക് നയിച്ചത്.  |
| ആദ്യ ടെസ്റ്റില്‍ ന്യൂസിലാന്‍്റ് മികച്ച സ്കോറിലേക്ക് Posted: 05 Feb 2014 10:15 PM PST Image:  ഒക് ലന്‍ഡ്: ഇന്ത്യ-ന്യൂസിലാന്‍്റ് പരമ്പരയിലെ ആദ്യ ടെസ്റ്റില്‍ കളി നിര്‍ത്തുമ്പോള്‍ ന്യൂസിലാന്‍്റ് നാലു വിക്കറ്റ് നഷ്ടത്തില്‍ 329 റണ്‍സെടുത്ത് മികച്ച സ്കോറിലേക്ക്. തുടക്കത്തിലേറ്റ തിരിച്ചടിക്കു ശേഷമാണ് കെയിന്‍ വില്യംസന്‍്റെയും ബ്രണ്ടന്‍ മക്ക്കെല്ലത്തിന്‍്റെയും സെഞ്ച്വറി മികവില്‍ മികച്ച സ്കോര്‍ പടുത്തുയര്‍ത്തിയത്. 30 റെണ്‍സെടുക്കുമ്പോഴേക്കും മുന്നു വിക്കറ്റ് നഷ്ടമായിടത്തുനിന്നാണ് ന്യൂസിലാന്‍്റ് തകപ്പര്‍ സ്കോറിലേക്ക് കരകയറിയത്. 143റണ്‍സുമായി ഗ്രൗണ്ടില്‍ മക്കെല്ലം പുറത്താവാതെ നില്‍ക്കുകയാണ്. 42 റണ്‍സുമായി ആന്‍്റേഴ്സണ്‍ ആണ് മക്കെല്ലത്തിനു കൂട്ട്. ഇന്ത്യക്കു വേണ്ടി സഹീര്‍ഖാനും ഇശാന്ത് ശര്‍മയും രണ്ടു വിക്കറ്റു വീതം നേടി. ടോസ് നേടിയ ഇന്ത്യ ന്യൂസിലാന്‍്റിനെ ബാറ്റിങ്ങിനയക്കുകയായിരുന്നു. ഇന്ത്യന്‍ ടീമില്‍ മുരളി വിജയ്, ശിഖര്‍ ധവാന്‍,ചേതേശ്വര്‍ പൂജാര,വിരാട് കോഹ്ലി,രോഹിത് ശര്‍മ,അജിങ്ക്യാ രഹാനെ, എം.എസ്.മണി, രവീന്ദ്ര ജദേജ,മുഹമ്മദ് ശമി,സഹീര്‍ ഖാന്‍,ഇശാന്ത് ശര്‍മ എന്നിവരാണ് കളിക്കുന്നത്. നേരത്തെ ഇന്ത്യക്കെതിരായിട്ടുള്ള ഏകദിന പരമ്പര ന്യൂസിലാന്‍്റ് തൂത്തുവാരിയിരുന്നു.  |
| You are subscribed to email updates from To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment